ទំព័រដើម / អាស៊ាន (page 42)

អាស៊ាន

សម្តេចសខេងបានបដិសេធពាក្យចចាមអារាមថាមានការសូកប៉ាន់ដើម្បីឡើងជាអភិបាលខេត្តបាត់ដំបងថ្មី

បាត់ដំបងៈថ្លែងក្នុងពិធីប្រកាសចូលកាន់មុខតំណែងអភិបាល អភិបាលរង នៃគណៈអភិបាលខេត្តបាត់ដំបង នៅព្រឹកថ្ងៃទី២០តុលាឆ្នាំ២០១៧នេះ សម្តេចក្រឡាហោម ស ខេង,ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានថ្លែងថា មានពាក្យចចាមអារាមឡប់ប៊ី ចុះផ្សាយព័ត៌មានមិនពិតផ្សេងៗ ថាការប្រកាស់តែងតាំងអភិបាលខេត្តបាត់ដំបង ឯកឧត្តម ងួន រតនៈ,ជាអភិបាលខេត្ត មានការសូកប៉ាន់ជាថ្នូរនិងប្រាក់ ទើបទទួលតំណែងនេះបាន សម្តេចបានឲ្យស្វែងរកការពិត តើអ្នកសូក​ប៉ាន់សូកឲ្យអ្នកណាអ្នកជាអ្នកទទួលប្រាក់ គឺមិនមានឡើយ។ សម្តេចក្រឡាហោមបន្តថា ការចុះផ្សាយនិងពាក្យចចាមអារាមទាំងនោះគឺជារឿងមិនពិតឡើយ ព្រោះកន្លងមកការតែងតាំងមន្រ្តីរាជការ ប៉ូលីស ទាហាន របស់រាជរដ្ឋាភិបាល ទៅតាមសមត្ថភាពការងារល្អរបស់មន្រ្តីទាំងនោះ ហើយការតែង តាំងឲ្យមន្រ្តីណាម្នាក់ក៏មិនមែនឲ្យមកបំរើអ្នកតែងតាំងឬបុគ្គលណាម្នាក់ឡើយ ។ សម្តេចក្រឡាហោមបន្តថា ព្រះរាជក្រឺត្យនិងអនុក្រឹត្យមានការទុកចិត្តពីព្រះមហាក្សត្រនិងរាជរដ្ឋាភិបាលកម្ពុជា តែងតាំងឲ្យបុគ្គលល្អទាំងនោះ ដើម្បីបំរើប្រជាពលរដ្ឋនិងប្រទេសជាតិមិនមែនឲ្យបំរើបុគ្គលណាម្នាក់ សម្តេចអំនាវនាវឲ្យមន្រ្តីរាជការ កងកម្លាំងប្រដាប់អាវុធទាំងអស់គ្នាជឿជាក់លើរាជរដ្ឋាភិបាល និងរួមគ្នាគាំទ្រ ឯកឧត្តមអភិបាលខេត្តថ្មីសហការគ្នាធ្វើការងារឲ្យបានល្អ។សម្តេចក្រឡាហោមបានបញ្ជាក់ថា ឯកឧត្តម ច័ន្ទ សុផល, អតីតអភិបាល នៃគណៈអភិបាលខេត្តបាត់ដំបង ត្រូវចូលនិវត្តន៏និងអាចត្រូវបានរាជរដ្ឋាភិបាលស្នើសុំទៅព្រះមហាក្សត្រ ដើម្បីឲ្យឯកឧត្តមមានតួនាទី ជាទីប្រឹក្សារាជរដ្ឋាភិបាល៕ សូមបញ្ជាក់ថា ព្រះរាជក្រឹត្យ លេខនស/រកត/១០១៧/៧១៣ចុះថ្ងៃទី០៦ខែតុលា ឆ្នាំ២០១៧ ត្រាស់បង្គាប់ …

មើលពេញ

អាជ្ញាធររាជធានីភ្នំពេញត្រៀ មកងកម្លាំង ដើម្បីការពារសន្តិសុខ សណ្តាប់ធ្នាប់ក្នុងព្រះរាជពិ ធីបុណ្យអុំទូកឆ្នាំនេះ

ភ្នំពេញ៖    អាជ្ញាធររាជធានីភ្នំពេញប្រកាសត្ រៀមប្រើប្រាស់កម្លំាងសមត្ថកិច្ចជាច្រើននាក់ ដើម្បី បង្កើនការការពារសន្តិសុខ សណ្តាប់ធ្នាប់ជូនប្រជាពលរដ្ ឋមកកម្សាន្តក្នុងព្រះរាជពិធីបុ ណ្យអុំ ទូកប្រកបដោយភាពសប្បាយរីករាយមិ នបារម្ភពីបញ្ហាសុវត្ថិភាព។ អភិបាលរាជធានីភ្នំពេញ ប្រកាសរៀបចំផែនការការពារសន្តិសុខ សណ្តាប់ធ្នាប់ ឲ្យកាន់តែល្អប្រសើរក្នុងព្រះរា ជពិធីបុណ្យអុំទូកខាងមុខនេះ ដើម្បីផ្តល់ជាទំនុកចិត្តខ្ ពស់ដល់​ប្រជាពលរដ្ឋបានមកលេងកម្សា ន្តក្នុងព្រះរាជពិធីបុណ្យនេះបា នកាន់តែច្រើនមិនបារម្ភពីបញ្ហាណាមួយកើតឡើង។ ឯឧ.ឃួង ស្រេង អភិបាលរាជធានីភ្នំពេញបានឲ្យដឹងកាលពីថ្ងៃទី១៩ខែតុលាថា អាជ្ញាធរត្រៀម បើកកិច្ចប្រជុំបន្ថែមទៀតជាមួយនឹងអគ្គស្នងការនគរបាលជាតិ កងរាជអាវុធ​ហត្ថនិង​គណៈបញ្ជាកា រឯកភាពរាជធានីភ្នំពេញដើម្បីកំណត់វិធានការណ៍និងភារកិច្ចការពារសន្តិសុខសុវត្ថិភាព ព្រះរាជពិធីបុណ្យឲ្យច្បាស់លាស់និងតាមជំនាញ។ យោងតាមគម្រោង កម្លំាងសមត្ថកិច្ចទំាងអស់នោះនឹងត្រូវយាមកា ម ២៤ម៉ោងលើ២៤ម៉ោង ហើយរាយបណ្តាក់គ្នានៅជុំវិញកន្លែ ងប្រារព្វពិធី ដើម្បីងាយស្រួលក្នុងការធ្វើប្ រតិ្តការឆ្លើយតប​បានទាន់ពេលវេលា នៅពេលមានបញ្ហាមិនប្រក្រតីណាមួ យកើតឡើង ដូចជា ចោលួច បទល្មើសព្រហ្មទណ្ឌ និងការបង្កចលាចផ្សេងៗ។ ឯឧ.បន្តទៀតថា តាមផែនការក៏បានយកចិត្តទុកដាក់យ៉ាងខ្លាំង ក្នុងការរៀបចំតំបន់សិល្បៈ កម្សាន្តសប្បាយជាច្រើនកន្លែងទំាងនៅត្រើយខាងលិច និងត្រើយខាងកើតរាជធានីភ្នំពេញ ដើម្បីបញ្ជៀសការប្រមូលផ្តុំមនុស្សម្នាច្រើនកុះករនៅតំបន់កោះពេជ្រ។ មន្រ្តីគណៈកម្មាធិការរៀបចំបុណ្យជាតិ អន្តរជាតិបានឲ្យដឹងថា ក្រុមកម្មករជំនាញកំពុងសម្រុក រៀបចំការស្ថាបនាវេទិការកិតិ្តយសសម្រាប់ថ្នាក់ដឹកនាំ និងភ្ញៀវជាតិ …

មើលពេញ

ក្រសួងការងារអំពាវនាវឲ្យម្ចាស់សហគ្រាសនិងគ្រឹះស្ថានទៅចុះបញ្ជីកម្មករនិយោជិតជាមួយបេឡាជាតិរបបសន្តិសុខសង្គម

ភ្នំពេញ៖ក្រសួងការងារនិងបណ្តុះបណ្តាលវិជ្ជាជីវៈបានអំពាវនាវឲ្យម្ចាស់សហគ្រាសនិងគ្រឹះស្ថានទៅចុះបញ្ជីកម្មករនិយោជិតជាមួយបេឡាជាតិរបបសន្តិសុខសង្គមដើម្បីទទួលបាននូវអត្ថប្រយោជន៍ផ្សេងៗពីរាជរដ្ឋាភិបាល។ ឯឧត្តម អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានថ្លែងនៅក្នុងសេចក្តីជួនដំណឹងមួយចេញផ្សាយកាលពីយប់ថ្ងៃទី១៩តុលាថានិយោជក ម្ចាស់សហគ្រាសនិងគ្រឹះស្ថានការងារដែលមានកម្មករនិយោជិតម្នាក់ឬច្រើននាក់ត្រូវទៅចុះបញ្ជីជាមួយបេឡាជាតិរបបសន្តិសុខសង្គមចាប់ពីថ្ងៃទី២៤ខែតុលាឆ្នាំ២០១៧នេះតទៅដើម្បីទទួលបានការថែទាំសុខភាពតាមប្រព័ន្ធមូលនិធិសមធម៌សុខាភិបាលនិងប្រាក់ឧបត្ថម្ភបន្ថែមសម្រាប់កម្មករនិយោជិតជាស្រ្តីនៅពេលសម្រាលកូន។ ឯកឧត្តមបានបន្តថាក្នុងករណីខកខានមិនបានចុះបញ្ជីនៅក្នុងបេឡាជាតិរបបសន្តិសុខសង្គមទេនោះម្ចាស់សហគ្រាសឬគ្រឹះស្ថានត្រូវទទួលខុសត្រូវចំពោះមុខច្បាប់ដោយសារតែធ្វើឲ្យបាត់សិទ្ធិនិងអត្ថប្រយោជន៍របស់កម្មករនិយោជិត។តែយ៉ាងណាក៏ដោយឯកឧត្តមសង្ឃឹមថាម្ចាស់សហគ្រាសនិងគ្រឹះស្ថានទាំងអស់ដែលប្រើប្រាស់កម្មករម្នាក់និងច្រើននាក់នឹងអនុវត្តទៅតាមការអំពាវនាវនេះប្រកបដោយការទទួលខុសត្រូវខ្ពស់។ ចំណែកលោក វន ពៅ ប្រធានសមាគមសេដ្ឋកិច្ចក្រៅប្រព័ន្ធបានប្រាប់ទូរទស្សន៍រស្មីហង្សមាសនៅព្រឹកថ្ងៃទី២០តុលានេះដោយសំដែងនូវការសាទរចំពោះរាជរដ្ឋាភិបាលកម្ពុជាដែលបានឲ្យកម្មករនិយោជិតក្រៅប្រព័ន្ធទទួលបានការគាំពារផ្នែកសន្តិសុខសង្គមនេះ។ ជាមួយគ្នានេះដែរលោកបានស្នើដល់ក្រសួងការងារគួរតែបង្កើតក្រុមការងារមួយចុះទៅតាមសហគ្រាសគ្រឹះស្ថានផ្ទាល់តែម្តងដើម្បីបង្កលក្ខណៈងាយស្រួលក្នុងការចុះបញ្ជីកម្មករនិយោជិតឲ្យបានកាន់តែលឿន។ យោងតាមរបាយការណ៍របស់បេឡាជាតិរបបសន្តិសុខសង្គមបានឲ្យដឹងថាបច្ចុប្បន្ននេះមានសហគ្រាសគ្រឹះស្ថានសរុបជាង៩ពាន់បានចុះបញ្ជីជាមួយបេឡាជាតិរបបសន្តិសុខសង្គមដោយមានសមាជិកសរុបជាង១លាននាក់ក្នុងនោះមានស្រ្តីជាង៨សែននាក់។ អត្ថបទ ៖យ៉ែមសុជាតា

មើលពេញ

គ.ជ.ប អះអាងថា នឹងមិនពន្យារពេលការចុះឈ្មោះបោះឆ្នោតនោះឡើយ

ភ្នំពេញ៖ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានអះអាងថា នឹងមិនពន្យារ​ពេល​​​ក្នុងការចុះឈ្មោះបោះឆ្នោតនោះឡើយ បើទោះជាចំនួនអ្នកចុះឈ្មោះមិនបានដូចការរំពឹងទុក។ ឯកឧត្តម ទេព នីថា អគ្គលេខាធិការ គ.ជ.ប បានឲ្យដឹងថា គ.ជ.ប អាចនឹងបន្ថែមពេលវេលា​នៃ​​​​​​ការចុះឈ្មោះបោះឆ្នោត សម្រាប់តែឃុំ-សង្កាត់ណាដែលបញ្ជាក់ច្បាស់លាស់ថា មាននៅសល់​ប្រជា​​​​ពលរដ្ឋមិនទាន់ចុះឈ្មោះច្រើនប៉ុណ្ណោះ ដោយមិនអាចធ្វើឡើងនៅទូទាំងប្រទេស​បាន​​ឡើយ​។ ថ្លែងក្នុងកិច្ចប្រជុំផ្សព្វផ្សាយពីដំណើរការធ្វើបច្ចុប្បន្នភាពបញ្ជីបោះឆ្នោត និងការចុះឈ្មោះបោះ ឆ្នោត​នៅតាមឃុំ-សង្កាត់ នាព្រឹកថ្ងៃទី២០ ខែតុលានេះ ឯកឧត្តមបានបញ្ជាក់ថា ការ​​ពន្យារ​ពេលនៃ​​​ការ​ចុះ​ឈ្មោះបោះឆ្នោតនេះ នឹងធ្វើឲ្យខាតបង់ទាំងថវិកាសម្រាប់ជួលមន្ត្រីចុះឈ្មោះ និងប៉ះពាល់ដល់​ដល់​ដំណើរការរៀបចំបោះឆ្នោតផ្សេងៗទៀតនាពេលខាងមុខ។ លោក សំ គន្ធាមី នាយកប្រតិបត្តិគណៈកម្មាធិការអព្យាក្រិត្យ និងមិនលំអៀង សម្រាប់ការ​​បោះ​​ឆ្នោត​​​ដោយសេរី និងយុត្តិធម៌នៅកម្ពុជា ហៅកាត់ថា និចហ៊្វិក ដែលបានឃ្លាំមើល​​ការងារ​​បោះឆ្នោត បានថ្លែងថា បានឯកភាពចំពោះការមិនពន្យារពេលនៃការចុះឈ្មោះបោះឆ្នោតនេះ ដោយ​លោកថា ចំនួនប្រជាពលរដ្ឋនៅក្នុងប្រទេសដែលត្រូវចុះឈ្មោះថ្មីសឹងតែអស់ទៅហើយ ចំណែក​នៅ​សល់​​​ជាង១លាននាក់ទៀតនោះ នឹងមិនអាចមកចុះឈ្មោះបោះឆ្នោតបានឡើយ ដោយសារ​​អ្នក​​ទាំង​​នោះ​ជាប់ធ្វើការងារនៅប្រទេសថៃ។ យោងតាមរបាយការណ៍របស់ គ.ជ.ប បានបង្ហាញថា ចំនួនអ្នកចុះឈ្មោះថ្មី​​សម្រាប់​​​បញ្ជី​​បោះ​ឆ្នោត​ឆ្នាំ២០១៧ គិតចាប់ពីថ្ងៃទី១ ខែកញ្ញា …

មើលពេញ

កម្លាំងមួកខៀវជាង២៤០នាក់ហ្វឹកហ្វឺនបាញ់គ្រាប់ពិតត្រៀមទៅបេសកកម្មនៅអាហ្វ្រិកកណ្តាល

ភ្នំពេញ៖ កងកម្លាំងមួកខៀវកម្ពជាជាង២៤០នាក់ ហ្វឹកហ្វឺនបាញ់គ្រាប់ពិត មុនចេញទៅបំពេញបេសកកម្មសន្តិភាពរបស់អង្គការសហប្រជាជាតិ នៅសាធារណរដ្ឋអាហ្វ្រិកកណ្តាល នាដើមខែវិច្ឆិកា ឆ្នាំ២០១៧ខាងនេះ។ ក្នុងពិធីបាញ់គ្រាប់ពិត នៅថ្ងៃទី២០ ខែតុលា ឆ្នាំ២០១៧ នៅសាលាហ្វឹកហ្វឺនកងកម្លាំងរក្សាសន្តិភាព ពហុកជាតិ ខេត្តកំពង់ស្ពឺ ឯកឧត្តម ឧត្តមសេនីយ៍ឯក តន់ សាលី អគ្គនាយករងមជ្ឈមណ្ឌលជាតិរក្សាសន្តិភាព ថ្លែងថា “កម្លាំងមួកខៀវកម្ពុជា ហ្វឹកហ្វឺនបាញ់គ្រាប់ពិតនេះ គឺមានចំនួន២៤៣នាក់ ដែលកម្លាំងទាំងអស់នេះ ត្រៀមទៅបំពេញបេសកកម្មនៅសាធារណរដ្ឋអាហ្វ្រិកកណ្តាល នាដើមខែវិច្ឆិកានេះ”។ ឯកឧត្តមបន្តថា “ការដែលកម្លាំងមួកខៀវកម្ពុជា ហ្វឹកហ្វឺនបាញ់គ្រាប់ពិតនេះ ដោយសារនៅប្រទេសអាហ្វ្រិកកណ្តាល មានបញ្ហាប្រឈមខ្លាំងផ្នែកសន្តិសុខ ជាពិសេសក្រុមឧទ្ទាម តែងតែពូនស្ទាក់វាយមកលើកម្លាំងរក្សាសន្តិភាពរបស់អង្គការសហប្រជាជាតិ ជាអាទិ៍កាលពីខែឧសភា ឆ្នាំ២០១៧កន្លងទៅ បណ្តាលអោយកម្លាំងមួកខៀវកម្ពុជាចំនួន៤នាក់បានស្លាប់បាត់បង់ជីវិតនៅសាធារណរដ្ឋអាហ្វ្រិកកណ្តាលនេះ។ ឯកឧត្តម តន់ សាលី បញ្ជាក់ថា “កម្លាំងមួកខៀវជាង២៤០នាក់នេះ ក្រៅពីហ្វឹកហ្វឺនបាញ់គ្រាប់ពិត ក៏បានហ្វឹកហ្វឺនលើជំនាញ ជំនាញវិស្វកម្ម មានសំណង់ផ្តេក និងសំណង់បញ្ឈរ, ជំនាញបោសសំអាតមីន, ជំនាញកម្ទេចយុទ្ធភ័ណ្ឌមិនទាន់ផ្ទុះ និងគ្រាប់កែច្នៃ, ជំនាញសុខាភិបាល …

មើលពេញ

មនុស្ស៨០ម៉ឺននាក់ស្លាប់ដោយសារការធ្វើអត្ដឃាតជារៀងរាល់ឆ្នាំ

  សហប្រជាជាតិ៖តើការធ្វើអត្តឃាតជាបញ្ហាសុខភាពសាធារណៈដែរឬទេ?។បើតាមអង្គការសុខភាពពិភពលោក ជារៀងរាល់ឆ្នាំមានមនុស្សជិត80ម៉ឺននាក់ បានស្លាប់ដោយសារការធ្វើអត្តឃាត។ គឺស្លាប់ម្នាក់រៀងរាល់40វិនាទី ដែលភាគច្រើនបណ្ដាលមកពីការប្រើប្រាស់គ្រឿងស្រវឹងនិងគ្រឿងញៀន។ លើសពីនេះទៅទៀត ការធ្វើអត្តឃាតមានផលប៉ះពាល់យ៉ាងខ្លាំងដល់សង្គម សហគមន៍ មិត្តភក្ដិ និងក្រុមគ្រួសារដែលបានបាត់បង់មនុស្សជាទីស្រឡាញ់ដោយសារការធ្វើអត្តឃាត។ ដូច្នេះ អត្តឃាត ពិតជាបញ្ហាសុខភាពសាធារណៈដ៏ធ្ងន់ធ្ងរ។តើគេអាចបង្ការការធ្វើអត្តឃាតបានដែរឬទេ?គេអាចជួយការពារនិងកាត់បន្ថយការធ្វើអត្តឃាតបានតាមរយ:អន្តរាគមន៍មួយចំនួន៖ – គេត្រូវកំណត់សញ្ញាដំបូងនិងព្យាបាលជំងឺធ្លាក់ទឹកចិត្តនិងបញ្ហាដែលបណ្ដាលមកពីការប្រើប្រាស់គ្រឿងស្រវឹងនិងគ្រឿងញៀន ដែលជាគន្លឹះនៃការទប់ស្កាត់ការធ្វើអត្តឃាតនៅកំរិតបុគ្គល។ – នៅក្នុងកម្រិតប្រជាជននិងសាធារណ: គេត្រូវពង្រឹងប្រព័ន្ធផ្សព្វផ្សាយនិងអប់រំណែនាំស្ដីអំពីផលវិបាកនៃការប្រើប្រាស់គ្រឿងស្រវឹងនិងគ្រឿងញៀន។ – តាមរយ:ប្រព័ន្ធសុខាភិបាល វាជាការចាំបាច់ដែលគេត្រូវផ្ដល់សេវាថែទាំសុខភាពដែលរួមបញ្ចូលទាំងសេវាអប់រំនិងសេវាការពារទល់នឹងផលវិបាកដែលបណ្ដាលមកពីការប្រើប្រាស់គ្រឿងស្រវឹងនិងគ្រឿងញៀន ព្រមទាំងបញ្ហាសុខភាពរ៉ាំរ៉ៃដែលអាចនាំដល់ការធ្វើអត្តឃាត៕អត្ថបទ៖ឈុនឡុង

មើលពេញ

ភ្ញៀវទេសចរ ចង់ឲ្យមានធុងសម្រាម និងបង្គន់អនាម័យចល័ត នៅក្នុងតំបន់ប្រាសាទកោះកែរ

ព្រះវិហារ៖ភ្ញៀវទេសចរណ៍ដែល ទៅកម្សាន្តនៅ ក្នុងតំបន់រមណីយ៍ដ្ឋានវប្បធម៌ប្រវត្តិសាស្រ្ត ប្រាសាទ កោះកែរ បានស្នើដល់អាជ្ញាធរ សុំឲ្យមានធុងសម្រាមបន្ថែម និងបង្គន់អនាម័យចល័ត នៅក្នុងតំបន់ រមណីយ៍ដ្ឋានវប្បធម៌ប្រវត្តិសាស្រ្តប្រាសាទកោះកែរ ។ ការលើកឡើងនេះ ក្នុងគោលបំណង ដើម្បីជួយ រក្សាអនាម័យ បរិស្ថានស្អាត លើកកម្ពស់ សោភណ្ឌភាពនៅតំបន់រមណីយ៍ដ្ឋាន ព្រោះបច្ចុប្បន្ននេះ ធុងសម្រាមនៅមានកម្រិត រីឯបង្គន់ចល័ត មិនទាន់មាននៅឡើយ ។ ក្នៅថ្ងៃទី១៨ ខែតុលា ឆ្នាំ២០១៧នេះ លោក ស្រេង នីកូ ជាភ្ញៀវ ទេសចរណ៍ មកពីស្រុកគូលែន ខេត្តព្រះវិហារ បានលើកឡើងថា កន្លងទៅ ឃើញថា នៅពេលមាន កម្មវិធីបុណ្យទានធំៗ ភ្ញៀវ ទេសចរណ៍ជាតិ ក៏ដូចជាអន្តរជាតិ បានមកកម្សាន្តច្រើននៅក្នុងតំបន់ រមណីយ៍ដ្ឋានវប្បធម៌ប្រវត្តិសាស្រ្ត ប្រាសាទ កោះកែរ ធ្វើឲ្យបញ្ហាសម្រាម មានការរាយប៉ាយច្រើន ដោយសារ តែធុងសម្រាមមានចំនួនតិចតួច ។ …

មើលពេញ

កម្ពុជាបញ្ជូនកម្លាំងវិស្វកម្មមួកខៀវ២១៦នាក់ទៅអាហ្វ្រិកកណ្តាលដើម្បីប្តូរវេនកម្លាំងចាស់ដើមខែក្រោយ

ភ្នំពេញ: កងកម្លាំងមួកខៀវកម្ពុជា ជាកងជំនាញវិស្វកម្មលេខ៩៥៤ ចំនួន២១៦ នឹងត្រូវចេញទៅបំពេញបេសកកម្មរបស់អង្គការសហប្រជាជាតិនៅសាធារណរដ្ឋអាហ្វ្រិកកណ្តាល ដើម្បីប្តូរវេនកម្លាំងចាស់ ដែលនឹងបញ្ចប់នៅដើមខែវិច្ឆិកា ឆ្នាំ២០១៧នេះ។ ក្នុងពិធីសំណេះសំណាលជាមួយកម្លាំងមួកខៀវត្រៀមចេញទៅបំពេញបេសកកម្ម កាលពីល្ងាច ថ្ងៃទី១៨ ខែតុលា ឆ្នាំ២០១៧ នៅទីស្តីការក្រសួងការបរទេសកម្ពុជា ឯកឧត្តម ប្រាក់ សុខុន ទេសរដ្ឋមន្រ្តី រដ្ឋមន្រ្តីក្រសួងការបរទេស និងជាប្រធានគណៈកម្មាធិការជាតិគ្រប់គ្រងកម្លាំងរក្សាសន្តិភាព បានថ្លែងថា “ដើម្បីបន្តនិរន្តរភាពនៃការគាំទ្រដល់ប្រតិបត្តិការសន្តិភាព របស់អង្គការសហប្រជាជាតិ នាដើម ខែវិច្ឆិកា ខាងមុខនេះ កម្ពុជានឹងធ្វើការប្តូរវេនជាលើកទី៤ ដល់កងអនុសេនាធំវិស្វកម្ម ដែលមានចំនួន ២១៦នាក់ ដែលមានស្រ្តីចំនួន១៤នាក់ ទៅកាន់សាធារណរដ្ឋអាហ្វ្រិកកណ្តាល ក្នុងទិសដៅបន្តអនុវត្ត ភារកិច្ចតាមការណែនាំរបស់បេសកកម្ម MINUSCA និងបន្តចូលរួមចំណែកក្នុងការស្តាឡើងវិញ សុខសន្តិភាព និងការអភិវឌ្ឍន៍ជូនដល់ប្រជាជនអាហ្វ្រិកកណ្តាល”។ ឯកឧត្តមទេសរដ្ឋមន្រ្តី ប្រធានគណៈកម្មាធិការជាតិ លើកឡើងថា កម្លាំងវិស្វកម្មកម្ពុជា ដែលនឹងធ្វើការប្តូរវេននៅខែក្រោយនេះ មានសមាសភាពមកពីស្ថាប័នចំណុះក្រសួងការពារជាតិ អគ្គបញ្ជាការ និងមជ្ឈមណ្ឌលជាតិ ដែលមាននាយទាហានចំនួន៤៨នាក់ នាយទាហានរងចំនួន១២នាក់ ពលទាហានចំនួន១៥៦នាក់ ក្នុងនោះមានវិស្វករចំនួន៦នាក់ …

មើលពេញ

រម្មណីយ៍ដ្ឋានវប្បធម៌ប្រវត្តិសាស្រ្តប្រាសាទព្រះវិហារ ទទួលភ្ញៀវទេសចរណ៍ទៅកម្សាន្តច្រើន ជក្នុងរយៈពេល៩ខែឆ្នាំ២០១៧នេះ

ព្រះវិហារ៖ក្នុងចំណោមរម្មណីយ៍ដ្ឋានវប្បធម៌ប្រវត្តិសាស្រ្ត និងរម្មណីយ៍ដ្ឋានធម្មជាតិសំខាន់ៗ ចំនួន៤កន្លែង ក្នុងខេត្តព្រះវិហារ ក្នុងនោះរម្មណីយ៍ដ្ឋានវប្បធម៌ប្រវត្តិសាស្រ្តប្រាសាទព្រះវិហារ បានទទួលភ្ញៀវទេសចរណ៍ជាតិ និងអន្តរជាតិទៅលេងកម្សាន្តច្រើនជាងគេ ក្នុងរយៈពេល៩ខែ ឆ្នាំ២០១៧នេះ។នេះបើ មន្រ្តីអាជ្ញាធរជាតិព្រះវិហារ អះអាងថា កំណើនភ្ញៀវទេសចរណ៍នេះ កើនឡើង ច្រើននៅពេលមានពិធីបុណ្យជាតិធំៗ ។ ប្រាប់ទូរទស្សន៍រស្មីហង្សមាស លោក ចាន់ ឆន មន្រ្តីទទួលបន្ទុកព័ត៌មាន នៃអាជ្ញាធរ ជាតិព្រះវិហារ បានឲ្យដឹងថា ក្នុងឆ្នាំ២០១៧នេះ ភ្ញៀវទេសចរណ៍ជាតិ ក៏ដូចជាភ្ញៀវអន្តរជាតិ បានមកកម្សាន្តនៅតំបន់រម្មណីយ៍ដ្ឋានវប្បធម៌ប្រវត្តិសាស្រ្តប្រាសាទព្រះវិហារ មានការកើនឡើង ច្រើន បើធៀបនឹងរយៈពេលដូចគ្នា ឆ្នាំ២០១៦កន្លងទៅ ។ លោកថា កំណើនភ្ញៀវទេសចរនេះ ដែរក៏ដោយសារតែឆ្នាំនេះអាកាសធាតុ អំណោយផលដល់ការធ្វើដំណើរមកកម្សាន្តរបស់ភ្ញៀវទេស ចរទាំងអស់ ដោយពុំមានអ្វីមករំខានការធ្វើដំណើរកម្សាន្តឡើងខ្នងភ្នំដងរែកទៅកាន់ កំពូល ភ្នំប្រាសាទព្រះវិហារឡើយ ។លោកបន្តទៀតថា៖ បច្ចុប្បន្ននេះភ្ញៀវទេសចរជាតិ ក៏ដូចជាអន្តរជាតិ នៅតែបន្តចូល មកទស្សនាកម្សាន្តតំបន់រម្មណីយ៍ដ្ឋានវប្បធម៌ប្រវត្តិសាស្រ្តប្រាសាទព្រះវិហារ ក្នុងមួយថ្ងៃ ចន្លោះ ពី១៥០នាក់ ទៅ៣០០នាក់ ជាប្រចាំ …

មើលពេញ

អាជីវករនៅផ្សារបានលុង ទទូចសុំដល់អាជ្ញាធរ និងភាគីពាក់ព័ន្ធ អោយជួយពន្លឿនការដោះស្រាយបញ្ហាសំរាម

រតនគិរី៖ លោក ឡាក់ ស្រ៊ាន អាយុ ៥២ឆ្នាំ ជាអាជីវករលក់ដូរនៅផ្សារបានលុង រយៈពេល ៦ឆ្នាំហើយ បានរៀបរាប់ប្រាប់ថា បញ្ហាសំរាមនៅផ្សារបានលុងនេះ មិនមែនជារឿងទើបកើតឡើងថ្មីៗនោះទេ គឺកើតមានបញ្ហាតាំងពីឆ្នាំ២០១៤ មកម៉្លេះ ដោយសារភាគីខាងក្រុមហ៊ុនប្រមូលសំរាម មានទំនាស់ផ្ទៃក្នុងជាមួយភាគីខាងម្ចាស់ផ្សារ ទើបរៀងរាល់បុណ្យជាតិសំខាន់ៗម្តងៗ បណ្តែតបណ្តោយអោយមានសំរាមគដូចភ្នំ ជាក់ស្តែងដូចករណីនេះ រយៈពេលជិត ១ខែហើយ ចាប់តាំងពីប្រារព្ធពិធីបុណ្យភ្ជុំបិណ្ឌរួចរាល់ នៅឡើយខាងក្រុមហ៊ុនប្រមូលសំរាម នៅតែមិនទាន់មកប្រមូលសំរាមទៀត ។ អាជីវកររូបនេះបន្តថា ដូច្នេះក្នុងនាមលោកជាអាជីវករលក់ដូរនៅផ្សារបានលុងនេះ ដែលបានបង់ថ្លៃភាស៊ីជូនផ្សារជាប្រចាំ សូមសំណូមពរដល់អាជ្ញាធរខេត្ត ក្រុង និងស្ថាបនពាក់ព័ន្ធ សូមមេត្តាមានវិធានការណ៍ផ្លូវច្បាប់ រឺក៏ដំណោះស្រាយណាមួយ ដើម្បីជួយពន្លឿនអោយខាងក្រុមហ៊ុនប្រមូលសំរាម អោយជួយមកយកសំរាមដែលស្អុយរលួយទាំងនេះចេញពីទីតាំងមុខផ្សារអោយបានឆាប់រហ័សផង ព្រោះអីសព្វថ្ងៃនេះ ពួកគាត់ស្ទើរតែទ្រាំទ្រពុំបាននូវក្លិនដ៏ស្អុយគគ្រុកពីគំនរសំរាម ជាពិសេសនៅពេលមេឃធ្លាក់ភ្លៀងម្តងៗ ព្រោះថាក្លិនស្អុយចេញពីសំរាមទាំងនេះ វាបានជះឥទ្ធិពល និងសោភនភាពមិនល្អដល់សង្គម ក៏ដូចជាប៉ះពាល់ដល់ភ្ញៀវជាតិ និងអន្តរជាតិ ជាពិសេសទៀតនោះ គឺប៉ះពាល់ដល់សុខភាពរបស់បងប្អូនអាជីវករដែលប្រកបរបរលក់ដូរជាប្រចាំនៅទីនេះ ។ ទាក់ទងទៅហ្នឹងបញ្ហាគំនរសំរាមនៅមុខផ្សារបានលុងនេះដែរ អាជីវករដទៃទៀតដែលលក់ដូរនៅជុំវិញបរិវេណផ្សារនេះ បានលើកឡើងពីផលប៉ះពាល់និងបង្ហាញការព្រួយបារម្ភពីបញ្ហាសុខភាព រួមទាំងបានធ្វើការសំណូមដល់អាជ្ញាធរគ្រប់លំដាប់ថ្នាក់ …

មើលពេញ