ទំព័រដើម / នយោបាយ (page 39)

នយោបាយ

គណបក្សប្រជាជនកម្ពុជាសម្រេចតែងតាំងសមាជិក៣នាក់ប្រចាំនៅប្រទេសវៀតណាម

ភ្នំពេញ៖សម្តេចវិបុលភក្តី សាយ ឈុំអនុប្រធានគណបក្សប្រជាជនកម្ពុជា បានបញ្ជាក់​ក្នុងលិខិតបីផ្សេងគ្នាកាលពីថ្ងៃទី១៨ខែតុលាឆ្នាំ២០១៧ថាគណបក្សប្រជាជនកម្ពូជាបានសម្រេចតែងតាំងសមា​ជិក​គណៈកម្មាធិការគណបក្សប្រជាជនកម្ពុជាប្រចាំនៅសាធារណរដ្ឋសង្គមនិយមវៀត​ណាម។ សមាជិកគណៈកម្មាធិការដែលត្រូវបានតែងតាំងរួមមានលោក លឹម លីចាង​ លោក ​ថាន់​ វុទ្ធីនិងលោកស៊ី គឺមហ៊ួ។ខុទ្ទកាល័យ គណៈចាត់តាំងនៃគណៈកម្មាធិការកណ្តាលគណបក្ស ក្រសួងការបរទេសនិងសហប្រតិបត្តិការអន្តរជាតិ គណបក្សប្រជាជនកម្ពុជា​ប្រចាំនៅសាធារណរដ្ឋសង្គមនិយមវៀតណាមនឹងសាម៊ីខ្លួនត្រូវអនុវត្តសេចក្តីសម្រេចនេះ។(អៀង ប៊ុនឡេង)

មើលពេញ

សាលាក្រុងភ្នំពេញគ្រោងនឹងពង្រាយបង្គន់​អនាម័យជិត៤៧០​ នៅ២៦កន្លែងក្នុងឪកាសបុណ្យអុំទូក

ភ្នំពេញ៖សាលាក្រុងភ្នំពេញគ្រោងនឹងពង្រាយបង្គន់​អនាម័យជិត៤៧០​ នៅ២៦កន្លែងសម្រាប់អោយប្រជាពលរដ្ឋប្រើប្រាស់​ដោយ​ឥត​គិតថ្លៃក្នុងឪកាសអុំទូក​ឆ្នាំ​នេះដែលនឹងប្រព្រឹត្តធ្វើនៅថ្ងៃទី២វិច្ជិកានេះ។ ក្រោយពីប្រជុំការងារលម្អិតសម្រាប់ត្រៀមលក្ខណៈក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក កាលពីល្ងាចម្សិល នៅព្រឹកថ្ងៃទី២១ ខែតុលា ឆ្នាំ២០១៧នេះ ឯកឧត្តម ឃួង ស្រេង អភិបាលរាជធានីភ្នំពេញ បានដឹកនាំមន្ត្រីពាក់ព័ន្ធចុះពិនិត្យការងារជាក់ស្តែងតាមគោលដៅនីមួយៗ។ ការងាររៀបចំប្រទីបរដ្ឋបាលរាជធានីភ្នំពេញ នឹងសម្រេចជាស្ថាពរនៅមុនថ្ងៃទី២៥ ខែតុលា ឆ្នាំ២០១៧ ខាងមុខ។ បន្ទាប់មកក្រុមការងារបានបន្តពិនិត្យការងារតុបតែងលម្អតាមសួនច្បារនៅត្រើយខាងកើត និងទីតាំងស្នាក់នៅរបស់ចំណុះទូកនៅក្នុងតំបន់អភិវឌ្ឍន៍ជ្រោយចង្វារ។ ដើម្បីបង្កលក្ខណៈងាយស្រួលដល់ការស្នាក់នៅរបស់បងប្អូនចំណុះទូក រដ្ឋបាលរាជធានីភ្នំពេញនឹងរៀបចំធ្វើរោងបែងចែកតាមទូកនីមួយៗ ដោយមានតភ្ជាប់ជូននូវទឹកស្អាត ភ្លើងអគ្គិសនី បង្គន់អនាម័យ បន្ទប់ទឹក និងកន្លែងសង្គ្រោះបឋមក្នុងតំបន់នេះផងដែរ។ ក្រោយពីបញ្ចប់ការពិនិត្យទីតាំងព្រះរាជពិធីអុំទូក ឯកឧត្តមអភិបាលក៏បានឈាងចូលពិនិត្យទីតាំងរៀបចំកម្មវិធីបញ្ចុះបឋមសីលាសាងសង់ស្ពានបេតុង និងស្ពានដែកបេឡេឆ្លងទន្លេសាប ដែលនឹងប្រព្រឹត្តទៅនាថ្ងៃទី២៣ ខែតុលា ឆ្នាំ២០១៧ខាងមុខ៕

មើលពេញ

ករណី​លោក​សម​ រង្ស៊ី​ ​បរិហារកេរ្តិ៍​សម្តេចហេង សំរិន​តុលាការ​កំពូល​បើក​សវនាការ​ថ្ងៃ​ទី​២៧តុលា​

ភ្នំពេញ៖ករណី​ទណ្ឌិត​សម​ រង្ស៊ី​ អតីត​ប្រធាន​គណបក្ស​សង្គ្រោះ​ជាតិ​ បរិហារ​​កេរ្តិ៍​សម្តេច​អគ្គ​មហា​ពញ្ញា​ចក្រី​ហេង​ សំរិន​ ប្រធាន​រដ្ឋសភា​ នឹង​ត្រូវ​តុលាការ​កំពូល​ បើក​សវនាការ​ជំនុំជម្រះ​ នៅ​ព្រឹក​ថ្ងៃ​ទី​២៧​ ខែ​តុលា​ ខាងមុខ​នេះ​ ។ យោង​តាម​ដីកា​កោះ​ហៅ​ជនជាប់​ចោទ​ឱ្យ​ចូល​សវនាការ​ ដែល​ទទួល​បាន​នៅ​ថ្ងៃ​ទី​២១​ ខែ​តុលា​ បង្ហាញ​ថា​ សវនាការនេះ​ដឹកនាំ​ដោយ​លោក​ ឃឹម​ ប៉ុណ្ណ​ ជា​ប្រធាន​ក្រុមប្រឹក្សា​ជំនុំជម្រះ​ និង​ លោក​ ឈួន​ ចាន់​ថា​ ជា​តំណាង​មហា​អយ្យការ​ ។ គួរ​បញ្ជាក់​ថា​ទាំង​សាលា​ដំបូង​រាជធានី​ភ្នំពេញ​និង​សាលាឧទ្ធរណ៍​បាន​ផ្តន្ទា​ទោស​ទណ្ឌិត​​ សម​ រង្ស៊ី​ ពិន័យ​ជា​ប្រាក់​ចំនួន​១០​លាន​រៀល និង បង្គាប់​ឱ្យ​សង​សំណង​ជំងឺ​ចិត្ត​ដល់​សម្តេច​អគ្គ​មហា​ពញ្ញា​ចក្រី​ហេង សំរិន ប្រធាន​រដ្ឋសភា​ចំនួន​១៥០​លាន​រៀលពី​បទ​បរិហារ​កេរ្តិ៍ តាម​មាត្រា​៣០៥នៃ​ក្រម​ព្រហ្មទណ្ឌ​ ។ លោក​ គី​ តិច​ មេធាវី​តំណាង​ដោយ​អាណត្តិ​របស់​សម្តេច​អគ្គ​មហា​ពញ្ញា​ចក្រី​ហេង សំរិន ប្រធានរដ្ឋសភា ធ្លាប់​បញ្ជាក់ថា របប​៧​មករា​ឆ្នាំ​១៩៧៩ គឺ​គ្មាន​ការកាត់ទោស​សម្តេចព្រះ​នរោត្តម​សីហនុ ដូច​ការលើក​ឡើង​របស់លោក សម រង្ស៊ី ប្រធាន​គណបក្ស​សង្គ្រោះ​ជាតិ តាម​បណ្ដាញ​សង្គម​ហ្វេ​សប៊ុក​ឡើយ …

មើលពេញ

សម្តេចសខេងបានបដិសេធពាក្យចចាមអារាមថាមានការសូកប៉ាន់ដើម្បីឡើងជាអភិបាលខេត្តបាត់ដំបងថ្មី

បាត់ដំបងៈថ្លែងក្នុងពិធីប្រកាសចូលកាន់មុខតំណែងអភិបាល អភិបាលរង នៃគណៈអភិបាលខេត្តបាត់ដំបង នៅព្រឹកថ្ងៃទី២០តុលាឆ្នាំ២០១៧នេះ សម្តេចក្រឡាហោម ស ខេង,ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានថ្លែងថា មានពាក្យចចាមអារាមឡប់ប៊ី ចុះផ្សាយព័ត៌មានមិនពិតផ្សេងៗ ថាការប្រកាស់តែងតាំងអភិបាលខេត្តបាត់ដំបង ឯកឧត្តម ងួន រតនៈ,ជាអភិបាលខេត្ត មានការសូកប៉ាន់ជាថ្នូរនិងប្រាក់ ទើបទទួលតំណែងនេះបាន សម្តេចបានឲ្យស្វែងរកការពិត តើអ្នកសូក​ប៉ាន់សូកឲ្យអ្នកណាអ្នកជាអ្នកទទួលប្រាក់ គឺមិនមានឡើយ។ សម្តេចក្រឡាហោមបន្តថា ការចុះផ្សាយនិងពាក្យចចាមអារាមទាំងនោះគឺជារឿងមិនពិតឡើយ ព្រោះកន្លងមកការតែងតាំងមន្រ្តីរាជការ ប៉ូលីស ទាហាន របស់រាជរដ្ឋាភិបាល ទៅតាមសមត្ថភាពការងារល្អរបស់មន្រ្តីទាំងនោះ ហើយការតែង តាំងឲ្យមន្រ្តីណាម្នាក់ក៏មិនមែនឲ្យមកបំរើអ្នកតែងតាំងឬបុគ្គលណាម្នាក់ឡើយ ។ សម្តេចក្រឡាហោមបន្តថា ព្រះរាជក្រឺត្យនិងអនុក្រឹត្យមានការទុកចិត្តពីព្រះមហាក្សត្រនិងរាជរដ្ឋាភិបាលកម្ពុជា តែងតាំងឲ្យបុគ្គលល្អទាំងនោះ ដើម្បីបំរើប្រជាពលរដ្ឋនិងប្រទេសជាតិមិនមែនឲ្យបំរើបុគ្គលណាម្នាក់ សម្តេចអំនាវនាវឲ្យមន្រ្តីរាជការ កងកម្លាំងប្រដាប់អាវុធទាំងអស់គ្នាជឿជាក់លើរាជរដ្ឋាភិបាល និងរួមគ្នាគាំទ្រ ឯកឧត្តមអភិបាលខេត្តថ្មីសហការគ្នាធ្វើការងារឲ្យបានល្អ។សម្តេចក្រឡាហោមបានបញ្ជាក់ថា ឯកឧត្តម ច័ន្ទ សុផល, អតីតអភិបាល នៃគណៈអភិបាលខេត្តបាត់ដំបង ត្រូវចូលនិវត្តន៏និងអាចត្រូវបានរាជរដ្ឋាភិបាលស្នើសុំទៅព្រះមហាក្សត្រ ដើម្បីឲ្យឯកឧត្តមមានតួនាទី ជាទីប្រឹក្សារាជរដ្ឋាភិបាល៕ សូមបញ្ជាក់ថា ព្រះរាជក្រឹត្យ លេខនស/រកត/១០១៧/៧១៣ចុះថ្ងៃទី០៦ខែតុលា ឆ្នាំ២០១៧ ត្រាស់បង្គាប់ …

មើលពេញ

អភិបាលខេត្ត៖រដ្ឋាភិបាលប្រកាសវិធានការណ៍ទប់បដិវត្ដពណ៍

ខេត្តកំពង់ធំ៖អភិបាលខេត្តកលោកសុខលូបានអះអអាថា៖រដ្ឋាភិបាលបានប្រកាសវិធានការណ៍ទប់បដិវត្ដពណ៍មិនអោយមានការកើតមាននៅកម្ពុជាជាដាច់ខាត។លោកថ្លែងក្នុងពិធីជួបសំណេះសំណាលជាមួយថ្នាក់ដឹកនាំ មន្ត្រីរាជការ និងមន្ត្រីកិច្ចសន្យា នៅសាលាខេត្ត នាព្រឹកថ្ងៃទី២០ ខែតុលា ឆ្នាំ២០១៧នេះ។ ក្នុងនោះដែរ ឯកឧត្តមបានលើកពីសភាពការណ៍ថ្មីៗ នៃការធ្វើបដិវត្តន៍ពណ៌នៅតាមបណ្តាប្រទេស១ចំនួនដែលគេធ្វើបានជោគជ័យដូច (ស៊ីរី លីប៊ី ប៉ាគីស្ថាន អីរ៉ាក់ យូហ្គូស្លាវី យេមែន) ដែលធ្វើឲ្យប្រទេសធ្លាប់តែជឿនលឿន សុខសាន្ត ប្រែក្លាយមួយប៉ប្រិចភ្នែកសោះ ទៅជាប្រទេសមានសង្គ្រាម ស្លាប់អស់ប្រជាជនស្លូតត្រង់ ហើយសភាពការណ៍ថ្មីៗនេះ នៅក្នុងប្រទេសកម្ពុជា ក៏មានបំណងចង់ធ្វើបដិវត្តន៍ពណ៌ ដើម្បីទម្លាក់រាជរដ្ឋាភិបាលសព្វថ្ងៃ និងចង់បំផ្លាញប្រទេសជាតិដែរ។ ប៉ុន្តែត្រូវបរាជ័យ គ្មានការគាំទ្រពីប្រជាពលរដ្ឋ និងការការពាររក្សាសន្តិសុខបានល្អ ក្រោមការដឹកនាំ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយមិនអោយជនណាមកបំផ្លាញប្រទេសបានឡើយ។ ដោយឡែកលោកអភិបាលខេត្តកំពង់ធំ ជម្រុញឲ្យមន្ត្រីរាជការក្នុងខេត្តនិងមន្ត្រីកិច្ចសន្យា ត្រូវតែខិតខំសិក្សារៀនសូត្របន្ថែម ដើម្បីក្រេបយកចំណេះដឹង និងបទពិសោធន៏ ទៅអភិវឌ្ឍសមត្ថភាពខ្លួន។ឯកឧត្តម សុខលូ អភិបាលខេត្តកំពង់ធំមានប្រសាសន៍ដែរថា៖ អាជ្ញាធរខេត្តផ្តល់អនុសាសន៏ល្អមួយចំនួនក្នុងគោលបំណងដើម្បីបង្កើនភាពស្និទស្នាល រវាងថ្នាក់ដឹកនាំខេត្តនិងមន្ត្រីរាជការ ក្រោមឪវាទ។ ក្នុងពិធីនោះ ឯកឧត្តម អភិបាលខេត្ត បានសម្តែងនូវការលើកសសើរដល់មន្ត្រីរាជការ …

មើលពេញ

បណ្តឹង​សាទុក្ខ​របស់​ក្រុម​មេធាវី​លោក​កឹម​សុខា​ប្រឆាំង​នឹង​ដីកា​សម្រេច​ឃុំ​ខ្លួនតុលា​ការ​កំពូល​នឹងបើកសវនានៅថ្ងៃ​ទី​៣១ ខែ​តុលា​ ​

ភ្នំពេញ៖ តុលាការ​កំពូល​នៅ​ព្រឹក​ថ្ងៃ​ទី​៣១​ ខែ​តុលា​ ឆ្នាំ​២០១៧​ ​ខាងមុខ​នេះ​ នឹង​បើក​សវនាការ​បណ្តឹង​សាទុក្ខ​របស់​ក្រុម​មេធាវី​លោក​ កឹម​ សុខា​ ប្រធាន​គណបក្ស​សង្គ្រោះ​ជាតិ​ ពាក់ព័ន្ធ​ការ​ប្តឹង​ប្រឆាំង​នឹង​ដីកា​សម្រេច​ឃុំ​ខ្លួន​របស់​ចៅក្រម​ស៊ើបសួរ​សាលា​ដំបូង​រាជធានី​ភ្នំពេញ​។ លោក ​សំ​ សុគង់​ សហមេធាវី​ការពារ​​ក្តី​លោក​ កឹម​ សុខា​ បានថ្លែង​ប្រាប់​ប្រព័ន្ធផ្សព្វ​ផ្សាយ​​នៅ​ព្រឹក​ថ្ងៃ​ទី​២០​ ខែ​តុលា​ ថា​ សវនាការនេះ​ដឹកនាំ​ដោយ​លោក​ឃឹម​ ប៉ុណ្ណ​ ជា​ប្រធាន​ក្រុមប្រឹក្សា​ជំនុំជម្រះ​ និង​លោក​ អ៊ុក​ គឹម​សិទ្ធិ​ អគ្គ​ព្រះ​រាជ​អាជ្ញា​រង​ជា​តំណាង​មហា​អយ្យការ​។​ លោកកឹម សុខាត្រូវបានចោទប្រកាន់ពីបទក្បត់ជាតិនិងកំពុងឃុំខ្លួននៅពន្ធនាគារត្រពាំងផ្លុងក្នុងខេត្តត្បូងឃ្មុំ។កាលពីថ្ងៃទី២៦ខែកញ្ញាឆ្នាំ២០១៧សាលាឧទ្ធរណ៍បាន​បើកសវនាការលើបណ្តឹងរបស់ជនជាប់ ហើយត្រូវបានសម្រេចតម្កល់ការសម្រេចរបស់សាលាដំពុងរាជធានីភ្នំពេញបន្តឃុំខ្លួនរង់ចាំការសវនាការបទក្បត់ជាតិ។(អ៊ីង វុឌ្ឍិន)

មើលពេញ

ទូត​ស៊ុយអ៊ែត ៖ ទំនាក់ទំនង​​កម្ពុជា និង​ស៊ុយអ៊ែត​ត្រូវ​ពិចារណា​ឡើង​វិញ នៅ​ពេល​បក្ស​ប្រឆាំង​ត្រូវ​រំលាយ

ភ្នំពេញ៖លោកស្រី Annika  Ben David ឯកអគ្គរដ្ឋទូតសុច្ឆ័ន្ទៈ​ស៊ុយអ៊ែតទទួលបន្ទុកសិទ្ធិមនុស្សបានអះអាងថាប្រទេសលោកស្រីនឹងពិចារណាលើទំនាក់ទំនងរវាងប្រទេសស៊ុយអែតនិងកម្ពុជាឡើងវិញប្រសិនបើគណបក្សសង្គ្រោះជាតិត្រូវបានរំលាយ។

មើលពេញ

រដ្ឋមន្រ្តីក្រសួងមហាផ្ទៃ ព្រមានកុំឲ្យមានការរត់ការឡើងមុខដំណែងដោយខុសនីតិវិធី

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានធ្វើការព្រមានកុំឲ្យមាន​ការ​រត់ការ​ឡើងមុខដំណែងដោយខុសនីតិវិធីបែបបទរដ្ឋបាល ដែលផ្ទុយទៅនឹងច្បាប់ បន្ទាប់ ពីបាតុភាពនេះ​ធ្លាប់មាន​ការ​កើត​​​ឡើង​កន្លងមកហើយ។ ថ្លែងក្នុងសិក្ខាសាលាប្រកាសផ្សព្វផ្សាយផែនការផ្សព្វផ្សាយផែនការយុទ្ធសាស្រ្តបញ្រ្ជាបយេនឌ័រ ២០១៨–២០២៣ នៅព្រឹកថ្ងៃទី១៩ តុលានេះ នាទីស្តីការក្រសួង សម្តេចក្រឡាហោម ស ខេង បានណែនាំឲ្យមន្ត្រីក្រោមឱវាទបញ្ឈប់បាតុភាព​សុំឡើងមុខតំណែង ដោយមិនឆ្លងកាត់តាមបែបបទរដ្ឋបាលត្រឹម​ត្រូវនៅក្រសួងមហាផ្ទៃ។ សម្តេចក្រឡាហោម បានលើកឡើងថា ការណែនាំនេះ បានធ្វើឡើង បន្ទាប់ពីនាពេល កន្លងទៅមានករណីលេចលឺថា មានអ្នកខ្លះដើរនិយាយថាខ្លួននឹង​ឡើង​ទៅកាន់តំណែងជាអភិបាលខេត្តឧត្តរមានជ័យ ខណៈសម្តេចផ្ទាល់មិនទាន់ដឹងអ្វីសោះ នាំឲ្យ មានអ្នកមកសួរសម្តេចថានេះជាព័ត៌មានការពិតឬ។សម្តេចក្រឡាហោម បានបន្តថា អ្នកខ្លះចង់បានតួនាទី ក៏រត់ការទៅកាន់អ្នកមានឥទ្ធិពលណាមួយនៅខាងលើ រួចហើយមកសង្កត់មកថ្នាក់ក្រោម ដែលសម្តេចថា គឺមិនអោយមានករណីហ្នឹងកើតឡើងនោះទេដោយ​សារ​នេះ គឺជាទម្លាប់អាក្រក់តែម្តង។ សម្តេចក្រឡាហោម បានបញ្ជាក់ថា ការធ្វើការរត់ការឡើងតួនាទីមុខតំណែងដោយមិនធ្វើ​តាមបែបបទ​រដ្ឋ​បាល​ត្រឹមត្រូវនោះ គឺវាគ្មានស្ថេរភាពនោះទេ ដែលធ្វើឲ្យអ្នកទទួលខុសត្រូវលើវិស័យនេះ ទទួលផលវិបាក។ជុំវិញបញ្ហានេះ លោក សន ជ័យ ប្រធានអង្គការសម្ព័ន្ធគណនេយ្យភាពសង្គមកម្ពុជា បានប្រាប់ទូរទស្សន៍រស្មី ហង្សមាសនៅថ្ងៃដដែលនេះថា អ្វីដែលសម្តេចលើកឡើងនេះ គឺគ្រាន់តែជាការក្រើនរំលឹកមន្រ្តីថ្នាក់​ក្រោម​តែប៉ុណ្ណោះ។លោក ថា ក្រសួងមហាផ្ទៃ គួរធ្វើការពិនិត្យឡើងវិញជុំវិញនីតិវិធីនៃការដំឡើងឋានៈ ឬផ្តល់មុខតំណែង​ចំពោះ​មន្រ្តីខ្លួនឡើងវិញ ដើម្បីជៀសវាងកុំឲ្យមានការរិះគន់ចំពោះការតំឡើងតួនាទី ឬឋានៈនេះ៕ អត្ថបទ៖ ចាន់ សុធីវង្ស 

មើលពេញ

ក្រសួងមហាផ្ទៃព្រមានដកតំណែងមន្រ្តីខិលខូច បន្ទាប់ពីយកតួនាទីប្រើប្រាស់ខុសច្បាប់ដើម្បីលាភសក្ការៈ

ភ្នំពេញ៖ឯកឧត្តមខៀវសុភក្រអ្នកនាំពាក្យខុទ្ទកាល័យសម្ដេចក្រឡាហោម ស ខេបានង ព្រមានចាត់វិធានការ និងដកតំណែងទីប្រឹក្សាទាំងឡាយណាដែលយកតួនាទី ទៅប្រព្រឹត្តអំពើខុសច្បាប់ប៉ះពាល់ស្ថាប័ន។នេះបើតាមសេចក្ដីថ្លៃការណ័បានចេញផ្សាយនៅមុននេះ។ ឯកឧត្តមខៀវ សុភក្រ្ត ខុទ្ទកាល័យបានទទួលព័ត៌មានថា មានទីប្រឹក្សា និងជំនួយការមួយចំនួន មិនបានបំពេញភារកិច្ចឲ្យបានល្អ ហើយថែមទាំងបានប្រើប្រាស់តួនាទីនេះ ធ្វើសកម្មភាពអសកម្មនានា ដូចជា រត់ការ កាងអំពើល្មើសផ្សេងៗ ដែលជាអំពើធ្វើឲ្យប៉ះពាល់ដល់កិត្តិយស និងកិត្តិនាមដ៏ខ្ពង់ខ្ពស់របស់ សម្ដេចក្រឡាហោមដោយសារលាភសក្ការៈផ្ទាល់ខ្លួន។ ឯកឧត្តមបញ្ជាក់ថា ខុទ្ទកាល័យ សូមស្នើឲ្យបញ្ឈប់ជាបន្ទាន់នូវសកម្មភាពអសកម្មនានាទាំងអស់នេះ ក្នុងករណីនៅមានអ្នកប្រព្រឹត្តតទៅទៀត។ បើនៅតែមិនព្រមបញ្ឈប់សកម្មភាព ខុទ្ទកាល័យនឹងបន្ដអនុវត្តជាក់ទណ្ឌកម្មតាមវិន័យរដ្ឋបាល ឬក្នុងករណីធ្ងន់ធ្ងរ នឹងគោរពស្នើសុំយោបល់ដ៏ខ្ពង់ខ្ពស់ សម្ដេចក្រឡាហោម ដើម្បីបញ្ចប់មុខតំណែង បណ្ដេញចេញពីក្របខ័ណ្ឌ ឬបញ្ជូនទៅតុលាការធ្វើការវិនិច្ឆ័យទោសតាមច្បាប់៕  

មើលពេញ

គណបក្សសង្គ្រោះជាតិប្រកាសមិនគាំទ្រច្បាប់៤ដែលអនុម័តដោយរដ្ឋសភាកាលពីថ្ងៃទី១៦តុលា

ភ្នំពេញ៖គណបក្សសង្គ្រោះជាតិកាលពីថ្ងៃទី១៧ខែតុលាឆ្នាំ២០១៧បានចេញសេចក្តីថ្លែងការណ៍បដិសេធចំពោះថ្បាប់ចមនួន៤​ដែលរដ្ឋសភាបានស្នើសុំអនុម័យកាលពីថ្ងៃទី១៦ខែតុលាឆ្នាំ២០១៧។គណបក្សប្រឆាំងបានលើកឡើងថា៖”មិនគាំទ្រដាច់ខាតចំពោះសេចក្តីស្នើច្បាប់ចំនួន៤ដោយឯកបក្សគណបក្សប្រជាជនកម្ពុជាដើម្បីធ្វើវិសោធកម្មច្បាប់ទាំងនោះ”។ ច្បាប់ដែលរដ្ឋសភាបានអនុម័តវិសោធនកម្មរួមមាន៖ច្បាប់ចោះឆ្នោតជ្រើសតាំងតំណារាស្រ្ត ច្បាប់បោះឆ្នោតជ្រើសតាំងសមា​ជិក​​ព្រឹទ្ធសភា ច្បាប់ស្តីពីការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់ និងច្បាប់ស្តីពីការបោះឆ្នោតជ្រើសរើសក្រុមប្រឹក្សា​រាជធានី ខេត្ត ស្រុកខណ្ឌ។ ក្រៅពីសមាជិកសភារបស់ខ្លួនពហិកាមិនចូលរួមប្រជុំសភាគណបក្សសង្គ្រោះជាតិបានលើកឡើងថាការអនុម័តច្បាប់ទាំង៤នេះគឺជារំលោភលើកឆន្ទៈដែលជាសិទ្ធិអំណាចរបស់ប្រជាពលរដ្ឋខ្មែរក្នុងការធ្វើសម្រេចជ្រើសរើសតំណាងរបស់ខ្លួនតាមគោលការណ៍សេរីពហុបក្ស។ ក្រោយ​អនុម័ត​រួច រដ្ឋសភា ក៏​បញ្ជូន​សេចក្តីស្នើសុំ​ឲ្យ​ធ្វើ​វិសោធនកម្ម​ច្បាប់​ទាំង​៤ ទាក់ទង​នឹង​ការយក​អាសនៈ​នៃ​គណបក្ស​មួយ ដែល​ត្រូវបាន​រំលាយ ឲ្យ​គណបក្ស​ដទៃ ទៅកាន់​ព្រឹទ្ធសភា ដើម្បី​ពិនិត្យ​បន្ត​។ ពេល​សេចក្តីស្នើ​ទាំងនោះ ធ្លាក់​ដល់ដៃ​ខ្លួន​ភ្លាម ព្រឹទ្ធ សភា ក៏​នឹងចាប់ផ្តើម​ពិនិត្យ​តែម្តង ដោយ​មិន​បង្អង់​យូរ​ឡើយ​។ ​សេចក្តីស្នើសុំ​ឲ្យ​ធ្វើ​វិសោធនកម្ម​ច្បាប់​ទាំង​៤ ដែល​រួមមាន ច្បាប់​ស្តីពី​ការបោះឆ្នោត​ជ្រើសតាំង​តំណាងរាស្ត្រ, ច្បាប់​ស្តីពី​ការបោះ​ឆ្នោត​ជ្រើសតាំង​សមាជិក​ព្រឹទ្ធសភា, ច្បាប់​ស្តីពី​ការបោះឆ្នោត​ជ្រើសតាំង​ក្រុមប្រឹក្សាឃុំ សង្កាត់ និង ​ច្បាប់​ស្តីពី​ការបោះឆ្នោត​ជ្រើសតាំង​ក្រុមប្រឹក្សា​រាជធានី ខេត្ត ក្រុង ស្រុក ខណ្ឌ ត្រូវបាន​គណៈកម្មាធិកា​រ​អចិន្ត្រៃយ៍​ព្រឹទ្ធសភា បើក​កិច្ចប្រជុំ​ពិភាក្សា​​រួចហើយ នៅ​ព្រឹក​ថ្ងៃទី​១៧ ខែតុលា ឆ្នាំ​២0១៧ នេះ​។ ឯកឧត្តម ម៉ម ប៊ុននាង អ្នកនាំពាក្យ​ព្រឹទ្ធសភា បានបញ្ជាក់ប្រាប់​បណ្ដាញសារព័ត៌មាន​ ក្រោយពី​បញ្ចប់​កិច្ចប្រជុំ​នាព្រឹកនេះ ។ ​ព្រឹទ្ធសភាបាន​អះអាងថា ក្រោយ​ប្រជុំ​រួច សេចក្តីស្នើ​ទាំង​៤​ខាងលើ …

មើលពេញ