ទំព័រដើម / ប្លែកៗ (page 19)

ប្លែកៗ

ប្រជាជនចិន នៅតែមានជំនឿថា សត្វនាគ ពិតជាមានប្រាកដមែន

អ្នកស្រុករស់នៅ Zhangjiakou ( ចាងជែខូវ )ប្រទេសចិន មួយចំនួនដែលមានអបិយជំនឿង បានអោយដឹងថា សត្វនាគ មានពិតប្រាកដ មែន​ បន្ទាប់ពីពួកគេបានរកឃើញគ្រោងឆ្អឹង ដែលមានប្រវែងជាង១៨ម៉ែត្រ។ តាមប្រពៃណីចិន សត្វនាគចិន មិនមានស្លាបទេ ហើយត្រូវបានគេបង្ហាញថា វាហែលទឹកតាមរយៈខ្យល់ជាជាង ប្រើស្លាបដើម្បីហោះដូចដែលបានបង្ហាញនៅក្នុងទេវកថាលោកខាងលិច។ ប្រព័ន្ធផ្សព្វផ្សាយសង្គមចិនបាននិយាយថា គ្រោងឆ្អឹងដែលមើលទៅហាក់ដូចជាត្រូវបាន ដាក់នៅទីនោះ ដោយចេតនា ប្រហែលជាខ្សែភាពយន្តមួយ ប៉ុន្តែរហូតមកដល់ពេលនេះ គ្មាននរណាម្នាក់ បានចូលមកអះអាងពីរឿងទាំងនេះទេ។ ចំណែកឯអាជ្ញាធរក្នុងតំបន់នៅ Zhangjiakou ក៏មិនទាន់បញ្ចេញសេចក្តីថ្លែងការណ៍ អំពីអ្វីដែលគេហៅថានាគ នោះដែរ។ សូមបញ្ជាក់ថា វីដេអូនេះថតដោយសាក្សីជាច្រើននៅកន្លែងកើតហេតុដោយមានអ្នកភូមិរាប់សិបនាក់  ហើយ វីដេអូនេះត្រូវបានគេមើលដល់ទៅជាង 10 លានដង។

មើលពេញ

ការប្រកួតគ្នារវាងជ្រូកព្រៃ និង សុនខ ដែលជាល្បែងប្រពៃណីរបស់ឥណ្ឌូណេស៊ី ត្រូវប្រឈមនឹងបញ្ហាសិទ្ធរបស់សត្វ

ការប្រយុទ្ធគ្នារវាងជ្រូកព្រៃ និង សុនខ នេះត្រូវបានស្គាល់ថា Adu Bagong  ហើយជាទូទៅ ត្រូវបានគេប្ររព្ធធ្វើនៅភូមិដាច់ស្រយាលក្នុងខេត្ត ចាវ៉ា ភាគខាងលិច (West Java)នៃប្រទេសឥណ្ឌូណេស៊ី ដោយទីលានប្រយុទ្ធមានចម្ងាយ ជាង១៥មx៣០ម។ ការប្រលងត្រូវបានប្រារព្ធរៀងរាល់ចុងសប្តាហ៍នៅតាមភូមិផ្សេងៗគ្នា ហើយត្រូវបានវិនិច្ឆ័យ លើភាពរហ័សរហួនរបស់សុនខ និងរយៈពេលនៃសុនខ ខាំជ្រូក។ ទន្ទឹមនិងនោះ សត្វទាំងពីរ ត្រូវបានបង្ខំឱ្យប្រយុទ្ធរហូតដល់មានមួយរងរបួស។ លោក Nur Hadi ដែលជាមេដឹកនាំសត្វសុនខ ប្រម៉ាញ់មួយក្រុម បាននិយាយថា ការបរបាញ់ គឺជាវប្បធម៌ដែលមិនអាចបំបែកបានពីសហគមន៍ ហើយវាមិនគួរត្រូវបានលុបចោលទេ ថ្វីបើមានការរិះគន់ពីសកម្មជនសិទ្ធិសត្វក៏ដោយ។ ក្រុមសកម្មជនបានអំពាវនាវអស់រយៈពេលជាច្រើនឆ្នាំដើម្បីបញ្ឈប់ការប្រកួតដែលត្រូវបានគេពិពណ៌នាថាជា “ឧក្រិដ្ឋកម្ម” ហើយ រដ្ឋាភិបាលនិងអង្គការមិនមែនរដ្ឋាភិបាល គួរតែទៅទីលានប្រយុទ្ធ ដើម្បីបញ្ឈប់ ព្រឹត្តិការណ៍នេះនិងអប់រំពលរដ្ឋទាំងនោះថា ការវាយប្រហារសុនខ គឺមិនត្រឹមត្រូវទេ “ល្បែងនេះគឺជាសកម្មភាពព្រហ្មទណ្ឌប្រឆាំងនឹងសត្វ។ សូមបញ្ជាក់ថា វប្បធម៌នេះបានរអនុវត្តន៍ អស់ជាច្រើនទសវត្សមកហើយ គឺតាំងពីទសវត្សរ៍ទី៦០មកម៉្លេះ ហើយល្បែងនេះត្រូវបានចាប់ផ្តើមនៅទសវត្សរ៍ទី 60។

មើលពេញ

មនុស្សយន្ត ដែលដូចមនុស្សពិតៗ

ជាមនុស្ស រឺជាមនុស្សយន្តឲ្យពិតប្រាកដ? មនុស្សជា​ច្រើន បានសម្តែងសកម្មភាពមិនជឿថា នេះគឺជាមនុស្សយន្តឡើយ។ អ្វីដែលមើលឃើញ តាំងពីក្បាល រហូតដល់ចុងជើង មនុស្សយន្តនេះ គឺពិតជាដូចមនុស្ស​ស្រីពិតៗអញ្ចឹង។ យោងតាមការទស្សទាយតាមរយៈប្រព័ន្ធអ៊ីនធឺណិត មនុស្សជាច្រើនបានឆ្លើយថា មនុស្ស​យន្តនេះ គឺជាមនុស្សស្រីពិតប្រាកដ។ មនុស្សយន្ត ដូចមនុស្សស្រីពិតៗនេះ​ បង្កើតឡើងដើម្បីអភិវឌ្ឍន៍វីដេអូ game ប្រភេទថ្មីរបស់​ក្រុមហ៊ុន Quantic Dream មកពីបារាំង និងមានការចូលរួមពីក្រុមហ៊ុន Sony របស់ជប៉ុន​ផង​ដែរ។ មនុស្សប្រុសជាច្រើន ដែលបានចូលរួមទស្សនា ការតាំងបង្ហាញមនុស្សយន្ត ដូចមនុស្សស្រី​ពិតៗនេះ បាននិយាយថា ពួកគេលង់ស្នេហ៍មនុស្សយន្តនេះហើយ ដោយសារតែ​នាង​ស្អាត​ពេក៕

មើលពេញ

លោកយាយវិចិត្រករ ក្មេងជាងអាយុ

លោកយាយជនជាតិជប៉ុន Yayoi Kusama អាយុ៨៨ គឺជាវិចិត្រករម្នាក់ ដែលគេមើលឃើញថា នៅតែមានរាង្គកាយ និងកំលាំងមាំមួនជាងអាយុ។ លោកយាយ ជាវិចិត្រករស្ត្រីម្នាក់ ដែលអាចរកប្រាក់ចំណូល បានច្រើនជាងវិចិត្រ​ស្ត្រីផ្សេងៗ​ទៀត ហើយចំណូលមួយផ្នែករបស់គាត់ គឺគាត់បានចូលរួមជាវិភាគទានសប្បុរសធម៌ ទៅកាន់​ពិភព​លោកផងដែរ។ កាលពីថ្ងៃទី២៦ កន្លងទៅ លោកយាយបានបើកដំណើរការ សារមន្ទីរថ្មីរបស់គាត់ ដែលមាន​ទីតាំងនៅជាយទីក្រុង Tokyo ។ ចំពោះសំបុត្រចូលទស្សនា ការតាំងពិពណ៌ស្នាដៃគំនូររបស់លោកយាយដំបូងនេះ មានតម្លៃ៩​ដុល្លារ ក្នុងមួយសន្លឹក សម្រាប់មនុស្សធំ និង៥ដុល្លារ សម្រាប់ក្មេងអាយុក្រោម១៨ឆ្នាំ៕

មើលពេញ

ចៅហ្វាយខេត្តអំពាវនាវដល់ពលរដ្ឋបញ្ឈប់ធ្វើបង្គន់និងផ្ទះបាយចូលស្ទឹងមាត់សិរីសោភ័ណ

ខេត្តបន្ទាយមានជ័យ៖ចៅហ្វាយខេត្តអំពាវនាវដល់ប្រជាពលរដ្ឋរស់នៅតាមមាត់ស្ទឹងសិរីសោភ័ណបញ្ឈប់ធ្វើបង្គន់និងផ្ទះបាយលយចូលស្ទឹងដែលប៉ះពាល់បរិស្ថាន។លោកអភិបាលខេត្តបានលើកឡើងកិច្ចប្រជុំកាលពីថ្ងៃទី១៦ខែតុលាឆ្នាំ២០១៧សាលប្រជុំសាលាខេត្តបន្ទាយមានជ័យ។ លោក សួន បវរ អភិបាលខេត្តបន្ទាយមានជ័យបានមានប្រសាសន៍ថា៖នៅតាមដងស្ទឹងសិរីសោភ័ណក៍ដូចជាដងស្ទឹងមង្គលបូរីឃើញសកម្មភាពប្រជាពលរដ្ឋដែលដែលធ្វើផ្ទះរស់នៅតាមដងស្ទឹងបានធ្វើបង្គន់បន្ទបង់និងផ្ទះបាយឡោយចូលស្ទឹងហើយបង្ហូរទឹកស្អុយ និងបោះកាកសំណល់ចូលស្ទឹងដែលធ្វើអោយប៉ះពាល់បរិស្ថានទឹកស្ទឹង។ លោកបានបញ្ជាក់ថា៖សុំបងប្អូនប្រជាពលរដ្ឋដែលរស់នៅតាមដងស្ទឹងមានដងស្ទឹងសិរីសោភ័ណនិងដងស្ទឹងមង្គលបូរីត្រូវបញ្ឈបសកម្មភាពដែលលួចសង់រំលោភចំណីមាត់ស្ទឹងហើយធ្វើបង្គន់បន្ទបង់និងផ្ទះបាយឡោយចូលស្ទឹងទៀត។ហើយអាជ្ញាធរមូលដ្ឋានមានស្រុក/ក្រុងត្រូវមើលបើប្រជាពលរដ្ឋណាមួយធ្វើបង្គន់បន្ទបង់និងផ្ទះបាយឡោយចូលស្ទឹងត្រូវណែនាំអោយគាត់បញ្ឈប់ជាបន្ទាន់។ លោក សួន បវរ បានបញ្ជាក់ថា៖ដងស្ទឹងសិរីសោភ័ណគឺខេត្តបានគ្រោងកសាងផ្លូវសងខាងមាត់ស្ទឹងដើម្បីលំអរក្រុងហើយខេត្តកំពុងដំណើរកសាងផ្លូវនៅខាងត្បូងស្ទឹងចាប់ពីចំណុចត្រើយម្ខាងត្បូងសកលវិទ្យាល័យមានជ័យស្ថិតសង្កាត់ទឹកហើយតភ្ជាប់សង្កាត់អូរំបិល.ព្រះពន្លា។ហើយការកសាងផ្លូវនេះដើម្បីអភិវឌ្ឍន៍ក្រុងនិងបង្កើតតំបន់រម្មណីយ៍ដ្ឋានអាចទាក់ទាញភ្ញៀវទេសចរណ៍មកស្នាក់នៅជាប្រយោជន៍ប្រជាពលរដ្ឋ៕(ប៊ុន ធឿន)

មើលពេញ