ទំព័រដើម / ព័ត៌មានសំខាន់ៗ (page 608)

ព័ត៌មានសំខាន់ៗ

អ្នកវិភាគសេដ្ឋកិច្ច អះអាងថា ពិធីបុណ្យអ៊ុំទូកនឹងក្លាយជាចលករមួយ ជំរុញដល់ចរន្តសេដ្ឋកិច្ចជាតិ

ភ្នំពេញ៖ អ្នកវិភាគសេដ្ឋកិច្ច អះអាងថា ការប្រារព្វពិធីបុណ្យអ៊ុំទូក នាថ្ងៃទី២–៤ខែវិច្ឆិកាខាងមុខនេះ នឹងក្លាយជាចលករមួយ ជំរុញដល់ចរន្តសេដ្ឋកិច្ចជាតិ តាមរយៈការចំណាយកើនទ្វេដងរបស់​ប្រជាពលរដ្ឋក្នុងអំឡុងពេលស្នាក់នៅប្រមូលផ្តំគ្នាក្នុងក្រុងភ្នំពេញ។ លោក តេង ឌឺឡុច អ្នកវិភាគសេដ្ឋកិច្ច បានប្រាប់ទូរទស្សន៍រស្មីហង្សមាសនៅថ្ងៃទី៣១ តុលានេះថា នៅក្នុងពិធីបុណ្យអ៊ុំទូកនេះ ប្រជាពលរដ្ឋ បានបង្កើនការចំណាយទៅលើការធ្វើដំណើរ កន្លែងស្នាក់នៅ ការទិញរបស់របបប្រើប្រាស់ និងចំណីអាហារជាដើម ដែលប្រាក់មួយចំនួនត្រូវបានបង់ចូលថវិកាជាតិ តាមរយៈ ពន្ធដារ។

មើលពេញ

ក្រសួងមហាផ្ទៃធ្វើមោឃភាព ទិន្នន័យនៃបញ្ជីអត្រានុកូលដ្ឋាន

ភ្នំពេញ៖ក្រសួងមហាផ្ទៃ នៅថ្ងៃអង្គារ៍នេះ បានបើកកិច្ចប្រជុំផ្សព្វផ្សាយសេចក្តីណែនាំស្តីពីការកែតម្រូវ និងការធ្វើមោឃភាពទិន្នន័យនៃបញ្ជីងអត្រានុកូលដ្ឋាន បន្ទាប់ពីសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានចុះហត្ថលេខាឲ្យអនុវត្តន៍កាលពីថ្ងៃទី២០ ខែតុលា ឆ្នាំ២០១៧ កន្លងទៅនេះ។ ឯកឧត្តមនាយឧត្តមសេនីយ៍ ម៉ៅ ច័ន្ទតារា អគ្គនាយកនៃអគ្គនាយកដ្ឋានអត្តសញ្ញាណកម្ម បានលើកឡើងថា ការប្រជុំផ្សព្វ​ផ្សាយនេះ គឺធ្វើឡើងដើម្បីធ្វើយ៉ាងណាឲ្យមន្រ្តីអនុវត្តច្បាប់ ធ្វើការអនុវត្តនូវសេចក្តីណែនាំនេះឲ្យមានប្រសិទ្ធភាពលើកា​រងារកែតម្រូវ និងការធ្វើមោឃភាពទិន្នន័យនៃបញ្ជីងអត្រានុកូលដ្ឋាន។ ឯកឧត្តមនាយឧត្តមសេនីយ៍ ម៉ៅ ច័ន្ទតារា បានបញ្ជាក់ថា វានឹងទៅជាបញ្ហាប្រឈមសម្រាប់ជីវភាពរស់នៅរបស់ប្រជាពលរដ្ឋទៅថ្ងៃអនាគត ប្រសិនបើមិនធ្វើការកែតម្រូវ និងការធ្វើមោឃភាពទិន្នន័យនៃបញ្ជីអត្រានុកូលដ្ឋានដែលខុសនោះទេ។ គួររំលឹកថា តាមរយៈការសិក្សាផ្ទៀងផ្ទាត់ទិន្នន័យប្រជាពលរដ្ឋនាពេលកន្លងមក ក្រសួងមហាផ្ទៃរកឃើញថា ប្រជាពលរដ្ឋកម្ពុជាជិត៣៥ភាគរយកំពុងជួបប្រទះបញ្ហាខុសទិន្នន័យនៃបញ្ជីអត្រានុកូលដ្ឋាន ហើយប្រជាពលរដ្ឋខ្លះទៀតបានចុះបញ្ជីអត្រានុកូលដ្ឋានប្រភេទតែមួយលើសពីមួយដង៕អត្ថបទ៖ចាន់សុធីវង្ស

មើលពេញ

អាកាសធាតុក្នុងខេត្តមណ្ឌលគិរី ចាប់ផ្តើមចុះត្រជាក់

មណ្ឌលគិរី៖អាកាសធាតុក្នុងខេត្តមណ្ឌលគិរី ចាប់ផ្តើមចុះត្រជាក់បន្តិចម្តងៗជាហេតុធ្វើឲ្យពលរដ្ឋក្នុងតំបន់ ស្វែងរកភាពចាំបាច់នៃការថែរក្សាសុខភាព។ក្នុងនោះផងដែរ ពលរដ្ឋមួយចំនួនធំកំពុងនាំគ្នាទិញអាវរងាជជុះ(មួយទឹក)ដើម្បីទប់ទល់ភាពត្រជាក់ខណៈអាកាសធាតុចាប់ផ្តើមចុះត្រជាក់ជិតមួយសប្តាហ៍មកហើយ ។ សីតុណ្ហភាពនៅ ពេលថ្ងៃមានត្រឹម២៦ទៅ២៨​អង្សា និងពេលយប់ធ្លាក់ចុះ រហូតដល់១៨ទៅ២២អង្សា (ក្នុងក្រុងសែនមនោរម្យ) តែនៅកន្លែងខ្លះដូចជាទីរួមស្រុកអូររាំង និងភ្នំដាក់ដាំ ដែលនៅជិតព្រំដែនកម្ពុជា-វៀតណាម យប់ខ្លះសីតុណ្ហភាពធ្លាក់ចុះដល់ ១៤ទៅ១៦អង្សាឯណោះ ។ នេះបើយោងទៅ តាមការពិនិត្យជាក់ស្តែង លើឧបករណ៍វាស់សីតុណ្ហភាព ។ ប្រជាពលរដ្ឋក្មេងចាស់ប្រុសស្រី ដែលកំពុងនិយមនាំគ្នាទិញ អាវរងាប្រភេទជជុះដែលគេតាំងលក់នៅតាមផ្លូវក្នុងក្រុងសែនមនោរម្យ បានឲ្យដឹងថា បានជាពួកគាត់ចាប់អារម្មណ៍ ទិញខោអាវជជុះ ព្រោះវាមានតម្លៃសមរម្យ និងពាក់ទៅមានភាពកក់ក្តៅដូចខោអាវ ដែលទិញក្នុងតម្លៃថ្លៃៗដែរ ។ ពួកគាត់បានបន្តថា សម្រាប់ខោអាវប្រភេទហ្នឹង គេអាចទិញបានចាប់ពីតម្លៃមួយម៉ឺនរៀលឡើងទៅ ហើយតម្លៃដែលថ្លៃបំផុតអាចមានដល់៤ម៉ឺនរៀល មានតម្លៃទាបជាងខោអាវរងាដែលគេដាក់លក់នៅតាមហាង ដែលមានតម្លៃខ្ពស់ចាប់ពី ៨ម៉ឺនរៀលរហូតដល់ រាប់រយដុល្លារ។ ដូច្នេះហើយទើបពួកគាត់សម្រេច ចិត្តទិញអាវជជុះយកទៅប្រើ ព្រោះរដូវរងា ក៏មានមិនសូវយូរប៉ុន្មានដែរ តែពីរបីខែផុតហើយ បើខូចឆ្នាំក្រោយទិញទៀតមិនសូវស្តាយព្រោះមានតម្លៃទាបនិងជួយរួមចំណែកកាត់បន្ថយលើការចំណាយ។ អាជីវករជាស្ត្រីអ្នកលក់អាវជជុះម្នាក់ ឈ្មោះ នៅ នឿន បានឲ្យដឹងថា របរលក់អាវនេះគឺអាចលក់ដាច់បានតែរយៈពេលមួយខែឬពីរខែតែប៉ុណ្ណោះ …

មើលពេញ

សម្ដេចសខេង៖កម្ពុជានិងថៃគ្រោងនឹងបើកច្រកព្រំដែនអន្តរជាតិចំនួន៤កន្លែងទៀត

ខេត្តបន្ទាយមានជ័យ៖រដ្ឋមន្ដ្រីក្រសួងមហាផ្ទៃរាជរដ្ឋាភិបាលកម្ពុជានិងថៃគ្រោងនឹងបើកច្រកព្រំដែនអន្តរជាតិចំនួន៤កន្លែងទៀតជាប់ព្រំដែនថៃដើម្បីពង្រីកពាណិជ្ជកម្មរវាងប្រទេសទាំងពីរ។ ក្នុងឱកាសបញ្ចុះបឋមសីលាអគាស្នាក់ការនគរបាលអន្តរប្រវេសន៍ច្រកទ្វារអន្តរជាតិប៉ោយប៉ែតនៅថ្ងៃទី៣០ខែតុលាឆ្នាំ២០​១៧នៅខេត្តបន្ទាយមានជ័យសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃបានមានប្រសាសន៍ថា៖ថ្មីនេះរាជរដ្ឋាភិបាលកម្ពុជានិងថៃបានឯកភាពបង្កើតច្រកទ្វារព្រំដែនអន្តរជាតិចំនួន៤កន្លែងរួមមាន៖១.ច្រកទ្វារអន្តរជាតិអានសេះស្ថិតក្នុងខេត្តព្រះវិហ៊ារជាប់ព្រំដែនខេត្តអ៊ុប៊ុន ២.ច្រកទ្វារអន្តរជាតិភ្នំដីខេត្តបាត់ដំបងជាប់ព្រំដែនខេត្តស្រះកែវ ៣.ច្រកទ្វារអន្តរជាតិថ្មដាខេត្តពោធិ៍សាត់ជាប់ព្រំដែនខេត្តត្រាត ៤.ច្រកទ្វារអន្តរជាតិជប់គគីរខេត្តឧត្តរមានជ័យជាប់ព្រំដែនខេត្តបូរីរ៉ាំ។

មើលពេញ

ឧត្តមសេនីយ៍ឯក ហ៊ុន ម៉ានិត៖កម្លាំងយោធាត្រូវបង្កើនការពារតាមបន្ទាត់ព្រំដែន

ខេត្តបន្ទាយមានជ័យ៖មន្ត្រីយោធាជាន់ខ្ពស់ក្រសួងការពារជាតិបានអំពាវនាវអោយកម្លាំងយោធារត្រូវបង្កើនការយកចិត្តទុកដាក់ការពារតាមបន្ទាត់ព្រំដែននិងបូរណៈភាពទឹកដី។ក្នុងឱកាសដែលនាំយកអំណោអាវរងាចំនួន២៦៧អាវនៅរសៀលថ្ងៃទី៣០ខែតុលាឆ្នាំ២០១៧នៅទីបញ្ជាការយោធាវរះការពារព្រំដែនលេខ៥០៣ខេត្តបន្ទាយមានជ័យលោកឧត្តមសេនីយ៍ឯក ហ៊ុន ម៉ានិត អគ្គនាយកអគ្គនាយកដ្ឋានស្រាវជ្រាវចារកិច្ចក្រសួងការពារជាតិបានមានប្រសាសន៍ថា៖ដោយពាំនាំសួរសុខទុកពីសម្តេចអគ្គមហាសេនាបតីតេជោ ហ៊ុន សែន នាយ​ករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិតិព្រឹទ្ធ​បណ្ឌិត ប៊ុន រ៉ានីហ៊ុនសែន ប្រធានសាខាកាកបាទក្រហមកម្ពុជាក្នុងឱកាសសួរសុខទុកបាននាំអោយអំណោយអាវរងាចំនួន២៦៧អាវសម្រាប់ការពាររងារនៅរដូវខែក្តឹកខាងមុខនេះ។

មើលពេញ

នគបាលខេត្តព្រះសីហនុត្រូវរៀបក្បាច់គុនដើម្បីការពារខ្លួននិងទប់នឹងជនល្មើសប្រើហិង្សា

ខេត្តព្រះសីហនុៈនគបាលខេត្តព្រះសីហនុត្រូវរៀបក្បាច់គុនដើម្បីការពារខ្លួននិងទប់នឹងល្មើសប្រើហិង្សា។នេះបើតាមលោកឧត្តមសេនីយ៍ត្រី អ៊ី សុខា ស្នងការរងទទួលផែនសណ្តាប់ ធ្នាប់សាធារណៈបានលើកឡើងក្នុងពិធីបិទវគ្គបំប៉នការងារចរាចរណ៍ផ្លូវគោក។លោកស្នើអោយមន្ត្រីក្រោមឪវាទ ដែលជាសិក្ខាកាមក្នុងវគ្គសិក្សាដែលទើបបញ្ចប់ថ្មីរយៈពេល៥ថ្ងៃ ត្រូវយកចំណេះទាំងនេះ ទៅប្រើអោយចំគោលដៅ ក្នុងពេលបំពេញភារកិច្ច ទាំងក្រមសីលធម៏ និង យុទ្ឋវិធី ទប់ទល់ចំពោះជនល្មើសបើកបរ ក្នុងស្ថានភាពស្រវឹង កោងកាច ខណៈពេលជនល្មើសប្រើហិង្សាតបតជាមួយសមត្ថកិច្ច។

មើលពេញ

ភ្លើងឆេះអាគារវិទ្យាល័យក្តីទទឹមនៅខេត្តតាកែវមុនបើកបវេសនកាលឆ្នាំថ្មី

ខេត្តតាកែវ៖​នៅព្រឹកថ្ងៃទី ៣១ តុលា ២០១៧ នេះ លោក ស៊ីវ សុខន ប្រធានមន្ទីរអប់រំយុវជននិងកីឡាខេត្តតាកែវ បាននាំយកនៅអំណោយជាសម្ភារៈការិយាល័យ និងកុំព្យូទ័រ ជូនដល់សាលាវិទ្យាល័យក្តីទទឹម ដើម្បីបំរើលើការងារនៅក្នុងការបើកបវេសនកាលថ្មីនៅថ្ងៃស្អែកនេះ បន្ទាប់ពីសាលាក្តីទទឹមត្រូវបានឆេះកាលពីយប់ថ្ងៃ ២៩ តុលា ២០១៧ បណ្តាលអោយខូចខាតអាគារសិក្សាមួយខ្នង ៥បន្ទប់ ហើយក្នុងអាគារនោះដែរគឺមានបន្ទប់ទីចាត់ការរបស់សាលាត្រូវបានភ្លើងឆេះសម្ភារៈ និងឯកសារខ្ទេចទាំងស្រុង ។

មើលពេញ

រដ្ឋមន្ដ្រី៖ក្នុងរយៈពេល៩ខែមានអ្នកស្លាប់ ១.៣៥៧នាក់ដោយគ្រោះថ្នាក់ចរាចរណ៍

ភ្នំពេញ៖នៅថ្ងៃទី៣១ ខែតុលា ឆ្នាំ២០១៧ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានអញ្ជើញជាអធិបតីក្នុងទិវាអន្តរ ជាតិរំលឹកដល់ជនរងគ្រោះដោយសារគ្រោះថ្នាក់ចរាចរណ៍ផ្លូវគោកលើកទី១២ ដែលបានប្រព្រឹត្តទៅនៅ ទីក្រុងប៉ោយប៉ែត ខេត្តបន្ទាយមានជ័យ។ឯកឧត្តមទេសរដ្ឋមន្ត្រី ស៊ុន ចាន់ថុល ក្រើនរម្លឹកដល់អ្នកធ្វើដំណើរ កុំឱ្យថ្ងៃសប្បាយក្លាយជាថ្ងៃកើតទុក្ខ ។

មើលពេញ

រដ្ឋមន្ដ្រីស៊ុន ចាន់ថុលចួលរួមពិធីទិវារអន្តរជាតិរំលឹកដល់ជនរងគ្រោះ ដោយសារគ្រោះថ្នាក់ចរាចរណ៍នៅក្រុងប៉ោយប៉ែត

ខេត្តបន្ទាយមានជ័យ៖ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធានអចិន្ត្រៃយ៍គណកម្មាធិការជាតិសុវត្ថភាពចរាចរណ៍ផ្លូវគោក រៀបចំពិធីទិវារអន្តរជាតិរំលឹកដល់ជនរងគ្រោះ ដោយសារគ្រោះថ្នាក់ចរាចរណ៍ផ្លូវគោលលើកទី១២ នៅក្រុងប៉ោយប៉ែត ដើម្បីឧទ្ទិសកុសល់ជូនវិញ្ញាណខណ្ឌដល់ប្រជាពលរដ្ឋ មន្ត្រីរាជការ កងកម្លាំងប្រដាប់អាវុធដែលរងគ្រោះថ្នាក់ចរណ៍នៅក្នុងខេត្តបន្ទាយមានជ័យ នៅព្រឹកថ្ងៃទី៣១ ខែតុលា ឆ្នាំ ២០១៧ នៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។

មើលពេញ

តុលាការកំពូលសម្រេចបន្តឃុំខ្លួនលោកកឹមសុខាដោយតម្កល់សាលដីកាសាលាឧទ្ធរណ៍នៅដដែល

ភ្នំពេញ៖លោកឃឹម ប៉ុណ្ណ​ប្រធានក្រុមប្រឹក្សាជំនុំជម្រះនៃ​តុលាការកំពូល​នៅ​ថ្ងៃទី៣១​ខែតុលាឆ្នាំ ២០១៧នេះបានសម្រេច

មើលពេញ