ទំព័រដើម / ការបោះឆ្នោត / សម្តេច ហ៊ុន សែន អំពាវនាវអោយពលរដ្ឋបោះឆ្នោតជូនគណបក្សប្រជាជនកម្ពុជា

សម្តេច ហ៊ុន សែន អំពាវនាវអោយពលរដ្ឋបោះឆ្នោតជូនគណបក្សប្រជាជនកម្ពុជា

ភ្នំពេញ៖សម្តេច ហ៊ុន សែន ប្រមុខរដ្ឋាភិបាលកម្ពុជាបានអំពាវនាវអោយពលរដ្ឋបោះឆ្នោតជូនគណបក្សប្រជាជនកម្ពុជាក្នុងនោះគណបក្សប្រជាជនកម្ពុជា រូបសញ្ញាទេវតាបាចផ្កា លេខរៀងទី ២០ក្នុងសន្លឹកឆ្នោត។

តាមបណ្ដាញសង្គមសម្តេច ហ៊ុន សែន លើកឡើងថា៖កម្ពុជាសុខសប្បាយ និងរីកលូតលាស់មកដល់សព្វថ្ងៃនេះ គឺអាស្រ័យដោយមានការចូលរួមពីបងប្អូនប្រជាពលរដ្ឋ, មន្រ្តីរាជការ, កងកម្លាំងប្រដាប់អាវុធ និងក្មួយៗយុវជនព្រមទាំងកូនក្មួយកម្មករកម្មការនីទាំងអស់នៅទូទាំងប្រទេស។

អរគុណជនរួមជាតិដែលមានជំនឿទុកចិត្ត គាំទ្រឥតងាករេ និងបោះឆ្នោតអោយ “គណបក្សប្រជាជនកម្ពុជា” បានដឹកនាំកសាងប្រទេសរីកចម្រើនមកទល់សព្វថ្ងៃ។

ដើម្បីរក្សាសន្តិភាពអោយនៅស្ថិតស្ថេរគង់វង្ស និងដើម្បីយើងទាំងអស់គ្នាកាន់តែមានឱកាសកសាងសង្គមគ្រួសារ និងប្រទេសជាតិអោយកាន់តែរុង​រឿង​សំបូរសប្បាយ សូមបងប្អូនជនរួមជាតិបោះឆ្នោតជូន គណបក្សប្រជា​ជនកម្ពុជា ដែលមានរូបសញ្ញាទេវតាបាចផ្កា នៅលេខរៀងទី ២០, នៅថ្ងៃទី ២៩ ខែ កក្កដា ឆ្នាំ ២០១៨ ខាងមុខនេះ។

ជូនពរបងប្អូនជនរួមជាតិជួបតែសេចក្តីសុខ ចម្រើន​ និងសំណាងល្អគ្រប់ៗគ្នា៕

Leave a Reply

Your email address will not be published. Required fields are marked *