vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានជាតិ

សត្វដំរីញីមួយក្បាលងាប់ដោយសារធ្លាក់រណ្តៅមួយកន្លែងនៅស្រុកស្នួល

ខេត្តក្រចេះ៖ដំរីញីមួយក្បាលដែលជាមធ្យោបាយដើម្បីជិះដើរលក់ថ្នាំបុរាណ បានរអិលផុងជើងធ្លាក់ចូលរណ្តៅចាស់មួយកន្លែង​បណ្តាលឲ្យងាប់ ខណៈសត្វដំរីនេះបានដើរទៅរកផឹកទឹកនៅចំណុចខាងក្រោយបរិវេណវត្តមួយកន្លែង នៅស្រុកស្នួល ។នគរបាលស្រុកស្នួសបានឲ្យដឹងថា៖ ករណីសត្វដំរីញីធ្លាក់រណ្តៅបណ្តាលឲ្យងាប់នេះ បានកើតឡើងកាលពីរសៀលថ្ងៃទី២១ ខែមិថុនា នៅចំណុចវត្តផ្សារស្នួល ស្ថិតក្នុងភូមិក្បាលស្នួល ឃុំ ស្រុកស្នួល បន្ទាប់ពីម្ចាស់គេបាននាំយកមកពីខេត្តមណ្ឌលគីរី ដើម្បីជិះដើរលក់ថ្នាំបុរាណ ។

អធិការនគរបាលស្រុកស្នួល លោកវរសេនីយ៍ឯក ចាន់ សុខគីម បានបញ្ចាក់ថា៖ដំរីមួយក្បាលនេះពេលធ្វើដំណើរមកដល់ទីប្រជុំជនស្រុកស្នួល ត្រូវបានម្ចាស់ឈប់សំរាកនៅក្នុងវត្តចំនួន២ថ្ងៃ ដោយយកសត្វដំរីនេះមកចងស្នាក់នៅក្នុងបរិវេណវត្តផ្សារស្នួល លុះដល់រសៀលថ្ងៃកើតហេតុ ម្ចាស់ក៏បាននាំសត្វដំរីដើរទៅរកផឹកទឹកពេលមេឃកំពុងមានភ្លៀងផងនោះ ស្រាប់តែដល់ចំណុចខាងលើដំរីក៏បានរអិលជើងធ្លាក់ចូលក្នុងរណ្ទៅចាស់មួយកន្លែងដែលគេដាក់ឈើគ្របពីលើ និងបានទុកចោលអស់រយៈពេលជាយូរមកហើយនោះ រួចក៏ផុងជាប់ខ្លួនងើមចេញមិនរួច ។ បន្ទាប់មកម្ចាស់ដំរីបានហៅរថយន្តមកស្ទួចយកមកដាក់ខាងលើបានមួយសន្ទុះក្រោយមកដំរីនេះក៏ងាប់តែម្តង ។

តាបប្រភពពព័ត៌មានបានឲ្យដឹងថា៖ដំរីញីមួយក្បាលនេះគឺត្រូវបានអ្នកកាសែតម្នាក់ប្រចាំនៅខេត្តមណ្ឌលគីរី បានជួលពីម្ចាស់ដំរីជាជនជាតិដើមភាកតិចម្នាក់ ដែលរស់នៅក្នុងក្រុងសែនមនោរម្យ ខេត្តមណ្ឌលគិរី ដើម្បីយកមកធ្វើជាមធ្យោបាយដើរលក់ថ្នាំបុរាណទៅតាមបណ្តាខេត្តមួយចំនួន ។

លោកអធិការបានបញ្ជាក់ទៀតថា៖ សាកសពសត្វដំរីញីមួយក្បាលនេះត្រូវបានម្ចាស់របស់គេ ជួលរថយន្តស្ទួចមកស្ទួចដាក់លើរថយន្តធំដឹកទៅខេត្តមណ្ឌលគីរីវិញ នៅព្រឹកថ្ងៃទី២២ មិថុនានេះ ដើម្បីយកទៅធ្វើពិធីបុណ្យ និងសែនព្រេនទៅតាមប្រពៃណី ទំនៀម ទំលាប់បងប្អូនជនជាតិដើមភាគតិច នៅស្រុកកំណើតរបស់គេវិញ ។(គឹម ឧត្តម)

 

មន្ដ្រីរកឃើញបង្គារមានសារធាតុគីមីនាំចូលពីប្រទេសវៀតណាម

ខេត្តកំពតៈ បង្គារនាំចូលមកពីប្រទេសវៀតណាមជាង៤០០គីឡូក្រាមដែលគេចាក់បញ្ចូលសារធាតុ គីមីត្រូវសមត្ថកិច្ចប្រចាំច្រកទ្វារអន្តរជាតិព្រែកចាកឃាត់ចាប់បានកាលពីរំលងអធ្រាត្រឈានចូលថ្ងៃទី ២២ ខែមិថុនា ឆ្នាំ២០១៧។
លោក ស សូរិន នាយខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តកំពត បានប្រាប់ឱ្យដឹងថា៖ ដោយមានការសង្ស័យ កាលពីវេលាម៉ោង១២ និង៣០នាទីរំលងអធ្រាត្រឈានចូល ថ្ងៃទី២២ ខែមិថុនា សមត្ថកិច្ចចម្រុះបានឃាត់ទុកនូវរថយន្តមួយគ្រឿងដែលដឹកបង្គា មឹក និងក្តាមថ្មមក ពីប្រទេសវៀតណាម ខណៈរថយន្តនោះមកដល់ចំណុចមុខស្នាក់ការសង្កាត់រដ្ឋបាលជលផល និងមុខ ស្នាក់ការសន្តិសុខកងរាជអាវុធហត្ថ ស្ថិតក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច។

នៅ ព្រឹកព្រលឹម សមត្ថកិច្ចបានរើទំនិញទាំងនោះចេញក៏ឃើញមាន បង្គាទម្ងន់៤២០គីឡូក្រាម មឹកទម្ងន់ ៣០០គីឡូក្រាម និងក្តាមថ្មរស់១០គីឡូក្រាម។

លោកនាយខណ្ឌបានបន្តថា តាមរយៈកាធ្វើពិសោធន៍រកឃើញថា បង្គាទាំងនោះមានផ្ទុកសារធាតុគីមីប្រភេទកាបុកស៊ីលមេទីល​សែ​លុយ​ឡូស​(CMC) ដែល គេចាក់បញ្ចូលដើម្បីកើនទម្ងន់។ សារធាតុនេះអាចបង្កើនទម្ងន់រហូតដល់២០ភាគរយ និងបង្កគ្រោះថ្នាក់ ចំពោះអ្នកបរិភោគផងដែរ។ ដោយឡែកមឹកទម្ងន់៣០០គីឡូក្រាមនោះ មិនមានផ្ទុកសារធាតុគីមីទេ តែ ការដឹកជញ្ជូនមុខទំនិញប្រភេទនេះមិនមានច្បាប់អនុញ្ញាត ទើបសមត្ថកិច្ចសម្រេចផាកពិន័យ។

លោក ស សូរិន បញ្ជាក់ថា ផ្អែកតាមការសម្រេចរបស់លោកខៃ សម្ផស្ស ព្រះរាជអាជ្ញារងអមសាលាដំបូងខេត្ត កំពត បង្គាដែលផ្ទុកសារធាតុគីមីនេះ មន្ត្រីជំនាញបានដុតកម្ទេចចោលនៅព្រឹកថ្ងៃដដែលនោះហើយ។សមត្ថកិច្ចបានប្រាប់ឱ្យដឹងថា ម្ចាស់ទំនិញខាងលើឈ្មោះ មាស សិទ្ធី ភេទប្រុស អាយុ ២៧ឆ្នាំ មានទីលំនៅភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត៕

បក្សសង្រ្គោះជាតិមិនទាន់កំណត់ថានរណាជាបេក្ខភាពនាយករដ្ឋមន្រ្តីសម្រាប់ការបោះឆ្នោតជាតិឆ្នាំ២០១៨ខាងមុខនេះទេ

ភ្នំពេញ៖ លោកកឹម សុខា ប្រធានគណបក្សសង្រ្គោះជាតិ បានប្រកាសថា គណបក្សសង្រ្គោះជា​តិមិនទាន់កំណត់ថានរណាជាបេក្ខភាពជានាយករដ្ឋមន្រ្តីរបស់គណបក្សសង្រ្គោះជាតិដើម្បីប្រកួតប្រជែងជាមួយគណបក្សប្រជាជនកម្ពុជាសម្រាប់ការបោះ​ឆ្នោតជ្រើសតាំងតំណាងរាស្រ្តនីតិកាលទី៦ ឆ្នាំ២០១៨ ខាងមុខនេះទេ។

លោកកឹម សុខា បាន​​​បញ្ជាក់ថា ៖ការជ្រើសរើសអ្នកដែលនឹងជាបេក្ខភាពនាយករដ្ឋមន្រ្តីរបស់គណបក្សសង្រ្គោះជាតិនោះ គឺនឹងសម្រេចនៅក្នុងសមាជគណបក្សនៅមុនខែមេសា ឆ្នាំ២០១៨ មុនការបោះឆ្នោត​ជ្រើ​សតាំងតំណាងរាស្រ្តនីតិកាលទី៦ ឆ្នាំ២០១៨ខាងមុខនេះ។

ការប្រកាសរបស់លោកកឹម សុខា បែបនេះ ធ្វើឡើងនៅក្នុងកិច្ចសម្ភាសន៍ជាមួយសារព័ត៌មានបរទេសមួយនៅដើមសប្តាហ៍នេះ បន្ទាប់ពីលោក សម រង្ស៊ី អតីតប្រធា​នគណបក្សសង្រ្គោះជាតិ ដែលកំពុងភៀសខ្លួននៅក្រៅប្រទេសបានប្រកាសថា លោក គឺជាបេក្ខភាពនាយករដ្ឋមន្រ្តីតែមួយគត់របស់គណបក្សសង្រ្គោះជាតិ ដើម្បីធ្វើការប្រកួតប្រជែងជាមួយសម្តេចតេជោ ហ៊ុន សែន ដែលជាបេក្ខភាពនាយករដ្ឋមន្រ្តីតែមួយគត់របស់គណបក្សប្រជាជនកម្ពុជា សម្រាប់អាណត្តិក្រោយនេះ។

លោកកឹម សុខា បានបញ្ជាក់ច្បាស់ថា៖មានតែសមាជគណបក្សទេដែលជាអ្នកសម្រេចថា តើនរណាជាបេក្ខភាពនាយករដ្ឋមន្រ្តីរបស់គណបក្សសង្រ្គោះជាតិដើម្បីប្រកួតប្រជែងជាមួយគណបក្សកាន់អំណាចនៅឆ្នាំ២០១៨ខាងមុខនេះ។

លោកបណ្ឌិត មាស នី អ្នកវិភាគបញ្ហាសង្គម និងនយោបាយ បានមានប្រសាសន៍ប្រាប់ទូរទស្សន៍រស្មីហង្សមាសនៅព្រឹកថ្ងៃទី២២ មិថុនានេះថា ប្រសិនបើគណបក្សសង្រ្គោះជាតិ ដាក់បេក្ខភាពលោក សម រង្ស៊ី ជាបេក្ខភាពនាយករដ្ឋមន្រ្តីរបស់គណបក្សសង្រ្គោះជាតិ ដើម្បីប្រកួតប្រជែងជាមួយគណបក្សប្រជាជនកម្ពុជាសម្រាប់ការបោះឆ្នោតជាតិឆ្នាំ២០១៨ខាងមុខនេះ គឺមិនអាចទៅរួចនោះទេ។

លោក បានបន្តថា៖ បើគ្មានការសម្របសម្រួលនយោបាយរវាងគណបក្សទាំងពីរ ពាក់ព័ន្ធនិងបញ្ហាផ្លូវច្បាប់នោះទេ គឺមិនអាចទៅរួចនោះទេសម្រាប់លោក សម រង្ស៊ី ជាបេក្ខភាពនាយករដ្ឋមន្រ្តីរបស់គណបក្សសង្រ្គោះជាតិនោះ។ ម្យ៉ាងវិញទៀត លោក សម រង្ស៊ី ក៏មិនមែនជាប្រធានគណបក្សសង្រ្គោះជាតិផងដែរក្នុងពេលបច្ចុប្បន្ននេះ៕

 

លោកកឹមសុខា៖“ការបោះឆ្នោតដោយ សេរី ត្រឹមត្រូវ និងយុត្ដិធម៌” នឹងរួមចំណែកមកនូវ ភាពវិជ្ជមានដល់ជាតិ"

ភ្នំពេញ៖លោកកឹមសុខាប្រធានគណបក្សសង្គ្រោះជាតិបានមានប្រសាសន៍ថា៖“ការបោះឆ្នោតដោយ សេរី ត្រឹមត្រូវ និងយុត្ដិធម៌” នឹងរួមចំណែកមកនូវ ភាពវិជ្ជមាន ភាពប្រសើរឡើង សម្រាប់សង្គមជាតិ។ក្នុងកម្មវិធីនៅព្រឹកថ្ងៃ ២២-មិថុនា-២០១៧នៅស្រុកស្រែអំបិលខេត្តកោះកុងលោកកឹមសុខាបាននិយាយថា៖"ខ្ញុំយល់ថា “ការបោះឆ្នោតដោយ សេរី ត្រឹមត្រូវ និងយុត្ដិធម៌” គឺជាដំណោះស្រាយ​បញ្ហារបស់ប្រទេសជាតិបានយ៉ាងល្អ និងដោយសន្ដិវិធី ដែលនឹងនាំមកនូវ ភាពវិជ្ជមាន ភាពប្រសើរឡើង សម្រាប់សង្គមជាតិ។ព្រោះ “ការបោះឆ្នោត” គឺជាការផ្ដល់ឱកាសដល់ប្រជាពលរដ្ឋ ជាអ្នកសម្រេចថា អ្នកដឹកនាំណា មានគុណសម្បត្ដិ ឬ មានគុណវិបត្ដិ និងគោលនយោបាយរបស់គណបក្សណា ល្អ ឬ មិនល្អ។ គ្រប់បញ្ហាសង្គម មិនមែនដោះស្រាយដោយ “ការគំរាមកំហែង បំភិតបំភ័យនោះទេ”។

ដូច្នេះ ខ្ញុំសូមលើកទឹកចិត្ត ឲ្យបងប្អូនប្រជាពលរដ្ឋខ្មែរ បន្ដ និងពង្រីកការចូលរួមសកម្មភាពនយោបាយ និងចូលរួមការបោះឆ្នោតជ្រើសរើសអ្នកដឹកនាំ ដែលជាប់ពាក់ព័ន្ធនឹងជោគវាសនាអនាគត របស់ប្រទេសជាតិយើង ខ្លួនយើង និងកូនចៅយើង៕

បន្ទាយមានជ័យ៖លទ្ឋផលបោះឆ្នោតCPPបាន២៨៦អសនៈឯCNRPបាន២១១អសនៈ

ខេត្តបន្ទាយមានជ័យ៖មន្ដ្រីរៀបចំការបោះឆ្នោតបានអោយដឹងថា៖លទ្ធផលបោះឆ្នោតក្រុមប្រឹក្សាឃុំ.សង្កាត់អាណត្តិ​ទី៤ឆ្នាំ​២០១៧នេះនៅខេត្តបន្ទាយមានជ័យគណបក្សប្រជាជនកម្ពុជាបាន២៨៦អសនះគណបក្សសង្គ្រោះជាតិបាន២១១អសនះ។​ក្នុងសន្និបាតបូកសរុបការងារបោះឆ្នោតនៅព្រឹកថ្ងៃទី២២ខែមិថុនាឆ្នាំ២០១៧នៅភោគជនីដ្ឋានស្ទឹងសែនក្រុងសិរីសោភ័ណលោក ហី គឹមសេង ប្រធានគណះកម្មការរៀបចំការបោះឆ្នោតខេត្តបន្ទាយមានជ័យបានមានប្រសាសន៍ថា៖"ខេត្តបន្ទាយមានជ័យមានស្រុកចំនួន៧ក្រុងចំនួន២មាន៦៥ឃុំ.សង្កាតមានប្រជាពលរដ្ឋសរុបចំនួន១​៤៣.៥​១៩គ្រួសារស្មើមនុស្សរាយមានចំនួន៧៥៩.៩២០នាក់ប្រជាពលរដ្ឋមានអាយុចាប់ពី១៨ឆ្នាំឡើងមានចំនួន​៤៦៤.៩២៧នាក់និងប្រជាពលរដ្ឋមានឈ្មោះក្នុងបញ្ជីបោះឆ្នោតជ្រើសរើសក្រុមប្រឹក្សាឃុំ/សង្កាត់មានចំនួន៣២៣,៩៥៦នាក់ស្រី១៧២,៥៨៩នាក់។

លោកបានបានបញ្ជាក់ថា៖"មានមន្ត្រីគណះកម្មការរៀបចំការបោះឆ្នោតខេត្តបន្ទាយមានជ័យមានចំនួន៤៣រូបនិងក្រុមការងារក្រុមចុះឈ្មោះបោះឆ្នោតមាន៦៥ក្រុមស្មើនិង២៦៨រូបនិងមន្ត្រីគណៈកម្មការឃុំ/សង្កាត់ទាំង៦៥ឃុំ.សង្កាត់មានសរុបចំនួន​៣២៧រូបនិងមន្ត្រីការិយាល័យបោះឆ្នោតនិងរាប់សន្លឹកឆ្នោតមានចំនួន១.០១៩ការិយាល័យមានមន្ត្រី៦.១១៤នាក់ស្រី២.៨​៩២នាក់"។
លោក ហី គឹមសេង បានបញ្ជាក់ថា៖"ខេត្តបន្ទាយមានជ័យមានគណបក្សនយោបាយឈឈ្មោះរកសំលេងឆ្នោតក្រុមប្រឹក្សាឃុំ.សង្កាត់អាណត្តិទី៤ឆ្នាំ២០១៧នេះមាន១.គណបក្សប្រជាជនកម្ពុជា ២.គណបក្សសង្គ្រោះជាតិ ៣.គណបក្សហ្វ៊ុនស៊ិនប៊ិច ៤.គណបក្សសម្ព័ន្ធប្រជាធិបតេយ្យ ៥.គណបក្សខ្មែររួបរួមជាតិ ៦.គណបក្សប្រជាធិបតេយ្យ ៧.គណបក្សអំណាចខ្មែរ"។
លទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំ.សង្កាត់អាណិត្តទី៤ឆ្នាំ២០១៧នេះសរុបទូរទាំងខេត្តបន្ទាយមានជ័​យ​១.គណបក្សប្រជាជនកម្ពុជាបានចំនួន១២៥,៤៣០សម្លេងស្មើចំនួន២៨៦អាសនះ ២.គណបក្សសង្គ្រោះជាតិបានចំនួន១១១,៨៨៥សម្លេងស្មើចំនួន២១អាសនះ ៣.គណបក្សហ៊្វុនស៊ិនប៊ិចបានចំនួន៧,៧៩៧សម្លេង ៤.គណបក្សសម្ព័នប្រជាធិបតេយ្យ៦,២៤២សម្លេង ៥.គណបក្សរួបរួមជាតិបានចំនួន១៤,៦៥១សម្លេងស្មើចំនួន១៨អាសនះ ៦.គណបក្សប្រជាធិបតេយ្យបានចំនួន១០២សម្លេង ៧.គណបក្សអំណាចខ្មែរចំនួន២៤៦សម្លេង។
លោក ឆើយ ចាន់ណា អភិបាលរងខេត្តបន្ទាយានជ័យបានមានប្រសាសន៍កើតសសើរចំពោះមន្ត្រីគណកម្មាកររៀបចំការបោះឆ្នោតខេត្តនិងគណកម្មការឃុំ.សង្កាត់ដែលបានខិតខំប្រឹងប្រែងការងារ។ហើយសកម្មភាពបោះឆ្នោតក្រុប្រឹក្សាឃុំ.សង្កាត់​អាណត្តិទី៤ឆ្នាំ២០១៧នេះគឺល្អប្រសើរហើយទទួលលទ្ធផលការបោះឆ្នោតមានភាពយុត្តិធម៌និងតម្លាភាព៕(ប៊ុន ធឿន)

រដ្ឋមន្ដ្រីបរិស្ថានអំពាវនាវស្ថាប័នជាតិ និងអន្តរជាតិជួយគាំទ្រក្នុងការអភិរក្សភ្នំគូលែន

ខេត្តសៀមរាប៖រដ្ឋមន្រ្តីក្រសួងបរិស្ថានស្នើឲ្យស្ថាប័នជាតិ និងអន្តរជាតិជួយគាំទ្រក្នុងការអភិរក្សភ្នំគូលែនដែលជាប្រភពធនធានធម្មជាតិ​ដ៍ស​ម្បូបែបក្នុងទ្រទ្រង់ជីវិតមនុស្សនិងបេតិកភណ្ឌ។
ថ្លែងនៅក្នុងកិច្ចប្រជុំបច្ចេកទេសលើកទី២៨របស់គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរហៅកាត់ថាICC-Angkorនៅខេត្តសៀមរាបនៅថ្ងៃទី២១ខែមិថុនានេះ លោក សាយ សំអាល់ រដ្ឋមន្រ្តីក្រសួងបរិស្ថានបានមានប្រសាសន៍ថា៖ ភ្នំគូលែនគឺជាប្រភពធនធានធម្មជាតិដ៍សម្បូបែបក្នុងទ្រទ្រង់ជីវិតមនុស្ស សត្វនិងបេតិកភណ្ឌដូចជាទឹកដែលហូរមកពីភ្នំគូលែនមកផ្គត់ផ្គង់ដល់ការប្រើប្រាស់របស់ប្រជាពលរដ្ឋនៅក្នុងខេត្តសៀមរាប និងទ្រទ្រង់ដល់គ្រឹះប្រាសាទបុរាណនានានៅក្នុងតំបន់។ប៉ុន្តែការកាប់បំផ្លាញព្រៃឈើនៅក្នុងតំបន់ភ្នំគូលែននេះ បានធ្វើឲ្យប៉ះពាល់យ៉ាងខ្លំាងដល់ប្រភពទឹក បាត់បង់ជំម្រកសត្ធព្រៃ ជីវិតមនុស្សនិងបេតិកភណ្ឌ។
លោកបានបញ្ជាក់ថា៖ បច្ចុប្បន្ននេះក្រសួងបរិស្ថានសហការជាមួយអាជ្ញាធរដែនដីគ្រប់លំដាប់បានរៀបចំគម្រោងជាច្រើនសម្រាប់​អភិរក្សនៅក្នុងតំបន់នេះដូជាការបង្កា្របបទល្មើសព្រៃឈើ និងដំាកូនឈើឡើងវិញនៅលើផ្ទៃដីដែលដកហូតបានស្ទើរគ្រប់កន្លែង ។ការរៀបចំដោះស្រាយប្រជាពលរដ្ឋដែលទៅតំាងទីរស់នៅដោយខុសច្បាប់នៅលើកខ្នងភ្នំ ការកសាងផ្លូវថ្មីមួយទៀតចាប់ពីព្រះអង្គធំទៅភ្ជាប់ជាមួយស្រុកស្វាយលើដើម្បីងាយស្រួលដល់ការធ្វើដំណើររបស់ប្រជាជន ភ្ញៀវទេសចរ និងអ្នកអភិរក្ស ពោលគឺប្រជាពលរដ្ឋនិងភ្ញៀវទេសចរដែលចង់ឡើងទៅកំសាន្តនៅភ្នំគូលែនមិនបាច់កំណត់ម៉ោងទៀតទេ គឺឡើងពីតាមផ្លូវខាងលិចចុះទៅវិញនៅតាមផ្លូវខាងកើត។

ការរៀបចំឲ្យមានអាងប្រព្រឹត្តកម្មដើម្បីចំម្រាញ់ទឹកស្អុយដែលចេញពីលំនៅដ្ឋានរបស់ប្រជាពលរដ្ឋមិនឲ្យចូលទៅក្នុងទឹកស្ទឹងភ្នំគូលែនឬស្ទឹងសៀមរាបដូចបច្ចុប្បន្ននេះទេ កសាងផែនការអភិវឌ្ឍន៍ឲ្យប្រជាពលរដ្ឋមានមុខរបដូចជាកសិកម្ម និងជួយ​បណ្តុះបណ្តាលពួកគាត់ឲ្យមានបច្ចេកទេសដំាដុះដោយប្រើដីតូចតែបានផលច្រើន។
លោកសាយ សំអាល់ បានស្នើឲ្យស្ថាប័នជាតិ និងអន្តរជាតិជួយគាំទ្រក្នុងការអភិរក្សភ្នំគូលែនព្រោះវា មានសារៈសំខាន់ណាស់សម្រាប់ជីវិតមនុស្ស សត្វនិងបេតិកភណ្ឌ។
លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈនិងជាប្រធានអាជ្ញាធរជាតិអប្សរាបានមានប្រសាសន៍ថា ជាការពិតណាស់ការពារនិងថែរក្សានៅតំបន់ភ្នំគូលែនជារឿងមួយដ៍សំខាន់ព្រោះភ្នំគូលែននេះក្រៅពីការទ្រទ្រង់ជីវិតមនុស្ស សត្វ​​និងបេតិកភណ្ឌនៅក្នុងតំបន់អង្គរក៍មានបុរាណដ្ឋានជាង៥០កន្លែងនៅលើខ្នងគូលែនដែលត្រូវអភិរក្ស។
លោកស្រីបានបន្តថា៖ ក្រៅពីភ្នំគូលែននេះ បច្ចុប្បន្ននេះមានប្រាសាទបុរាណកម្ពុជាមួយចំនួនមានភាពទ្រឌទ្រោមខ្លំាងដែលទាមទារនូវបច្ចេកទេសថ្មីៗសម្រាប់ការជួសជុលនិងអភិរក្សដូច្នេះជំទាវសូមស្នើឲ្យអ្នកជំនាញការជាន់ខ្ពស់របស់ស្ថាប័នអន្តរ​ជាតិ​​នានាជួយផ្ដល់នូវបទពិសោធន៍និងចំណេះដឹងថ្មីៗបន្ថែមទៀតដល់អ្នកជំនាញបច្ចេកទេសកម្ពុជាសម្រាប់យកទៅអនុវត្តន៍លើការងារជួសជុលនិងអភិរក្សប្រាសាទឲ្យកាន់តែប្រសើរថែមទៀត។
សូមបញ្ជាក់ថា កិច្ចប្រជុំបច្ចេកទេសលើកទី២៨របស់គណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍តំបន់អង្គរនេះសហប្រធានដោយតំណាងស្ថានទូតជប៉ុនប្រចាំកម្ពុជានិងទីប្រឹក្សាសម្រាប់កិច្ចសហប្រតិបត្តិការនិងកិច្ចការវប្បធម៌ស្ថានទូតបារាំងប្រចាំនៅកម្ពុជានិងមានការចូលរួមពីស្ថាបត្យករ វិស្វករ បុរាណវិទូ អ្នកស្រាវជ្រាវ និងអ្នកបច្ចេកទេសជំនាញផ្សេងៗគ្នា អាចផ្លាស់ប្តូរបទពិសោធន៍ និងទស្សនៈរបស់ពួកគេសម្រាប់ ការអភិរក្ស និងការអភិវឌ្ឍនៃឧទ្យានអង្គរ ឲ្យរួចផុតពីបញ្ជីបេតិកភណ្ឌហានីភ័យ៕

 

ខេត្តបន្ទាយមានជ័យក្នុងឆ្នាំ២០១៧នេះមានក្រុមហ៊ុនសហគ្រាសគ្រឹះស្ថាន១៧៣កន្លែងមានបុគ្គលិកកម្មករចំនួន​១៦.៤៨៣នាក់

ខេត្តបន្ទាយមានជ័យ៖ឆ្នាំ២០១៧នេះមានក្រុមហ៊ុនសហគ្រាសគ្រឹស្ថាន១៧៣កន្លែងមានបុគ្គលិកកម្មករចំនួន១៦.៤៨៣​នាក់​បើប្រៀបធៀបឆ្នាំ២០១៦មានប្រមាណ១.៥០០០នាក់កើនឡើងចំនួន១,៥%ក្នុងខេត្តបន្ទាយមានជ័យ។
លោក រស់ សារុំ ប្រធានមន្ទីការងារនិងបណ្តុះបណ្តាលវិជ្ជាជីវះខេត្តបន្ទាយមានជ័យបានប្រាប់ថា៖ខេត្តបន្ទាយមានជ័យមាន​៩ស្រុក.ក្រុងមានប្រជាពលរដ្ឋ១៦៨.៤៣៥គ្រួសារនិងអចិន្ត្រៃយ៍១៦៦.០៧៨គ្រួសារបណ្តោះអាសន្នចំនួន២.៣៥៧​គ្រួ​សារ​។ដែលមានប្រជាពលរដ្ឋសរុបចំនួន៧៦៣.៧៨៧នាក់ក្នុងនោះស្រីសរុបចំនួន៣៨២.៨៥៦នាក់និងប្រជាពលរដ្ឋអាយុ​១៨ឆ្នាំឡើងសរុបចំនួន៤៦០.៤៥៦នាក់ស្រីចំនួន២៣៣.៣៩២នាក់ហើយប្រជាពលរដ្ឋចំណាក់ស្រុកទៅរកការងារធ្វើក្រៅប្រទេសមានចំនួន១៦.៣៤៦នាក់ស្រី៦.៨៥១នាក់។
លោកបានបញ្ជាក់ថា៖ខេត្តបន្ទាយមានជ័យឆ្នាំ២០១៧នេះក្រុមហ៊ុនគ្រឹះស្ថានសហគ្រាសមានចំនួន១៧៣កន្លែងមានកាស៊ីណូចំនួន១០កន្លែងរោងចក្រកាត់ដេរ៤កន្លែង រោងចក្រអេឡិចទ្រូនិចនិងរោងចក្រគ្រឿងបង្គំរថយន្ត៤កន្លែង សិប្បកម្មចំនួ​ន៧កន្លែង មេក្រូគ្រឹះស្ថានហិរញ្ញវត្ថុចំនួន២៩កន្លែង និងសាកលវិទ្យាល័យឯកជន៣កន្លែងនិងសិប្បកម្មតូចធំមួយចំនួនទៀត។
លោក រស់ សារុំ បានបញ្ជាក់ថា៖ឆ្នាំ២០១៧នេះមានបុគ្គលឹកកម្មករមានជនបរទេសនិងប្រជាពលរដ្ឋខ្មែរសរុបចំនួន១៦.៤៨​៣នាក់ស្រី៩.៨៥៦នាក់ពលរដ្ឋខ្មែរចំនួន១.៥៥៨នាក់ស្រី៩.៤៥៦នាក់ បើប្រៀបធៀបឆ្នាំ២០១៦មានប្រមាណ១.៥០០០នាក់​កើន​ឡើងចំនួន១,៥%។
លោកបានសំណូមពរដល់បងប្អូនប្រជាបលរដ្ឋខ្មែរទាំងអស់ត្រូវបញ្ឈប់ការចំណាក់ស្រុកខុសច្បាប់ហើយនាំគ្នារកការងារធ្វើក្នុងស្រុកដែលមានក្រុមហ៊ុនគ្រឹះស្ថានសហគ្រាសចំនួន១៧៣កន្លែងរងចាំបងប្អូនធ្វើការងារដោយជិតផ្ទះសំបែង៕(ប៊ុន ធឿន)

តុលាការខេត្តកំពង់ឆ្នាំងកាត់ទោសកំបាំងមុខ គ្រូបង្រៀនឈ្មោះ កែមចាន់ឆេន ពីបទបៀតបៀន កេរ្ត៍ខ្មាស់លើសិស្សស្រី៤នាក់ ដាក់ពន្ធនាគារចំនួន៥ឆ្នាំ

ខេត្តកំពង់ឆ្នាំង៖ សាលាដំបូងខេត្តកំពង់ឆ្នាំងនៅព្រឹក ទី២០ ខែមិថុនា ឆ្នាំ២០១៧ បានបើកសវនាការមួយជំនុំជំរះលើសំណុំរឿងរបស់លោកគ្រួបង្រៀនម្នាក់ ដែលបានប្រព្រឹត្តអំពើបៀតបៀនកេរ្ត៍ខ្មាស់ លើសិស្សស្រីខ្លួន ចំនួន៤នាក់ ដែលបានកើតឡើង នៅអំឡុង ខែឧសភា ឆ្នាំ២០១៣ នៅសាលាបឋមសិក្សាមួយ ក្នុងឃុំស្វាយជ្រុំ ស្រុករលាប្អៀរ ។
រហូតដល់ រសៀលថ្ងៃដដែលនេះ ទើបចៅក្រមជំនុំជំរះ សម្រេចក្តីកាត់ទោសកំបាំងមុខគ្រូបង្រៀនខាងលើ អោយជាប់ពន្ធនាគារចំនួន៥ឆ្នាំ និងសងជម្ងឺចិត្តចំនួន១៩លានរៀល។ រឿងនេះឪពុកម្តាយ ក្មេងស្រីរងគ្រោះបានរីករាយនិយាយថា ការកាត់ក្តីនេះជារឿងយុត្តិធម៌បំផុតសម្រាប់ជនរងគ្រោះ។
លោក ខៀវ ឃុយ តំណាងអាណាព្យាបាលសិស្សស្រីទាំង៤នាក់បាន និយាយរឿងដោយសង្ខេបថា៖ នៅអំឡុងពាក់កណ្តាលខែឧសភា ឆ្នាំ២០១៣ គ្រួបង្រៀនម្នាក់ ឈ្មោះ កែម ចាន់ឆេន បង្ហាត់សិស្សថ្នាក់ទី៦ នៃសាលាបឋមសិក្សាមួយក្នុងឃុំស្វាយជ្រុំ បានប្រព្រឹតអំពើបៀតបៀនកេរ្ត៍ខ្មាស់លើសិស្សស្រីម្នាក់ នៅក្នុងថ្នាក់រៀន ខណៈសិស្សទាំងអស់ចេញពីថ្នាក់ទៅធ្វើពលកម្មអស់ ។ ក្រោយមករឿងនេះបានដឹងដល់ឪពុកម្តាយសិស្ស ហើយបានហៅសួរនាំទើបដឹងរឿង និងបានបែកធ្លាយរឿងបន្ថែមថា លោកគ្រួរូបនោះធ្លាប់បានប្រព្រឹត្តបែបនេះមកលើសិស្សស្រីរងគ្រោះជាច្រើនលើករួចមកហើយ មិនត្រឹមតែសិស្សម្នាក់នេះទេ គឺមានសិស្សសរុបដល់ទៅ៤នាក់ ដែលសិស្សស្រីពេលនោះនាងមានអាយុពី១២ទៅ១៣ឆ្នាំ តែបច្ចុប្បន្នពួកនាងមានអាយុពី១៦ទៅ១៧ឆ្នាំអស់ហើយ។ ប៉ុន្តែរឿងគួរសោកស្តាយនោះក្រោយពេលកើតហេតុ សិស្សស្រី៣នាក់បានឈប់រៀនបន្ទាប់មានភាពអៀនខ្មាស់ចំពោះសិស្សដូចគ្នានៅក្នុងថ្នាក់រៀន ។ - លោក ខៀវ ឃុយ បានបន្តថាៈ ក្រោយពេលកើតហេតុ លោកនិងអាណាព្យាបាលសិស្ស បានដាក់ពាក្យប្តឹង មកតុលាការខេត្តកំពង់ឆ្នាំង និងបន្តដាក់ពាក្យប្តឹងដល់សាលាឧទ្ធរណ៍ ក្រសួងយុត្តិធម៌ និងក្រុមប្រឹក្សាអង្គចៅក្រមផងដែរ ទើបក្រោយមកថ្នាក់លើទម្លាក់សំណុំរឿងនេះ មកសាលាបំបូងខេត្ត កំពង់ឆ្នាំងជាអ្នកដោះស្រាយវិញ ។
រហូតដល់ថ្ងៃទី២០ ខែមិថុនា ឆ្នាំ២០១៧នេះ សាលាដំបូងខេត្តបានបើកសវនាការជំនុំជំរះរឿងក្តីនេះឡើងវិញ ដោយសម្រេចកាត់ទោសកំបាំងមុខលើគ្រូបង្រៀន កែម ចាន់ឆេន ដែលបៀតបៀនកេរ្ត៍ខ្មាស់លើសិស្សរងគ្រោះ ដោយដាក់ពន្ធនាគារយៈពេល៥ឆ្នាំ និងត្រូវសងជម្ងឺចិត្ត លើកុមារីរងគ្រោះធ្ងន់ជាងគេចំនួន១០លានរៀល និងកុមារី៣នាក់ទៀត ម្នាក់ៗ៣លានរៀលផងដែរ ។ លោកបានបញ្ជាក់ថាៈ ការសម្រេចក្តីនេះរបស់តុលាការ គឺមានភាពយុត្តិធម៌បំផុតសម្រាប់ក្មេងស្រីរងគ្រោះទាំង៤នាក់ និងទោះបីជនជាប់ចោទពេលនេះស្ថិតនៅក្រៅឃុំក៍ដោយ លោកនិងមាតាបិតាជនរងគ្រោះជឿជាក់ថា ក្រោយពីសវនាការនេះចប់ តុលាការខេត្តនឹងចេញដីការនាំខ្លួនជនល្មើសជាគ្រួបង្រៀនឈ្មោះ កែម ចាន់ឆេន មកផ្តន្ទាទោសតាមសាលក្រមសម្រេចរបស់តុលាការជាពុំខានឡើយ៕ ( ឈៀង ថារិទ្ធ )

              

តំណាងរាស្រ្តមកពីគណបក្សប្រឆាំងបន្ដទាមទារដោះលែងសមាជិកព្រឹទ្ធសភានិងរដ្ឋសភារបស់ខ្លួន

ភ្នំពេញ៖លោកសុន ឆ័យ តំណាងរាស្រ្តមកពីគណបក្សប្រឆាំងបានស្នើឲ្យពិចារណាលើការបន្ថែមអភ័យឯកសិទ្ធិពិសេស ដល់សមាជិកព្រឹទ្ធសភានិងរដ្ឋសភា ដើម្បី កុំឲ្យមានឩបសគ្គក្នុងការបំពេញតួនាទីបំរើប្រជារាស្ត្រ និងប្រទេសជាតិ។

លោកសុន ឆ័យ ក្រុមតំណាងរាស្រ្តមកពីគណបក្សសង្គ្រោះជាតិ និងជាអនុប្រធានគណកម្មការសេដ្ឋកិច្ចហិរញ្ញវត្ថុធនាគារនិងសវនកម្មនៃរដ្ឋសភា បាន ស្នើឲ្យរដ្ឋសភាពិចារណាដើម្បីបន្ថែមអភ័យឯកសិទ្ធិពិសេស ទៅលើសេចក្តីស្នើច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ដែលធ្វើឲ្យ សមាជិកព្រឹទ្ធសភា និងអ្នកតំណាងរាស្ត្រ អាចបំពេញការងាររបស់ខ្លួន ដោយមិនមានការភ័យខ្លាច។
លោកបានលើកសំណើនេះ នៅក្នុងកិច្ចប្រជុំរដ្ឋសភាលើកទី៨ នីតិកាលទី៥ នាព្រឹកថ្ងៃទី២០ មិថុនា នេះ ដែរមានសមាជិកសភាចូលរួមចំនួន១០៨ រូប ដើម្បី អនុម័តសេចក្តីស្នើច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភាខណៈមានសមាជិកព្រឹទ្ធសភា និងសមាជិករដ្ឋសភាមួយចំនួនបានទទួលរងការធ្វើទុក្ខបុកម្នេញ ដូចជា លោកហ៊ុង សុខហួរ សមាជិកព្រឹទ្ធសភាមកពីគណបក្សសមរង្សីកំពុងជាប់ពន្ធនាគារ និង លោក អុំ សំអាន សមាជិករដ្ឋសភាមកពីគណបក្សសង្ក្រោះជាតិក៍កុំពុងជាប់ពន្ធនាគារនៅព្រៃសរ ទាំងខ្លួនកំពុងមានអភ័យឯកសិទ្ធិជាអ្នកតំណាងរាស្ត្រ។
លោកបានគូសបញ្ជាក់ថា៖បើទោះបីច្បាប់កំពុងមានជាធរមានក៍ពិតមែន ប៉ុន្តែមិនអាចការពារបុព្វសិទ្ធិរបស់សមាជិកព្រឹទ្ធសភា សមាជិករដ្ឋសភាទាំងពីររូបនេះបានឡើយ នៅក្នុងពេលដែលពួកគាត់បានបំពេញតួនាទីរបស់គាត់។លោកចង់ឲ្យមានការពិនិត្យឡើងវិញអំពីលក្ខណៈពិសេសនៃអភ័យឯកសិទ្ធិនេះថាត្រូវបានធានាឲ្យបានពិតប្រាកដនោះ។
ឆ្លើយតបនិងការលើកឡើងនេះ លោក ឈាង វ៉ុន ប្រធានគណៈកម្មការកិច្ចការបរទេសនៃរដ្ឋសភា និងជា សមាជិកសភាមកពីគណៈបក្សប្រជាជនកម្ពុជា បានលើកឡើងថា ៖ការជាប់ពន្ធនាគារ នៃសមាជិកព្រឹទ្ធសភាលោកហ៊ុង សុខហួរ និងសមាជិករដ្ឋសភា លោកអុំសំអាន នេះ ដោយសារតែពួកគាត់ទាំងពីរបានប្រព្រឹត្តកំហុសជាក់ស្តែង ក្នុងករណីដែលពួកគាត់ធ្វើអ្វីៗត្រឹមត្រូវតាមច្បាប់ មិនមានការចាប់ឃុំខ្លួនបែបនេះកើតឡើងឡើយ។
លោកបានគូសបញ្ជាក់ថា៖ ករណីដែលសមាជិកព្រឺទ្ធសភានិងសមជិករដ្ឋសភារបស់គណបក្សប្រឆាំងត្រូវបានជាប់ពន្ធនាគារនេះ ដោយសារបុគ្គលរូបនោះបានប្រើប្រាស់យុទ្ធសាស្ត្រ ប្រកាន់ពូជសាសន៍ ដើម្បីកេងចំណេញនយោបាយ ដោយយកផែនទីក្លែងក្លាយមកប្រើប្រាស់ និងបង្ហោះជាសាធារណៈបង្ករឲ្យប្រជាពលរដ្ឋមានការយល់ខុស ធ្វើឲ្យសង្គមជាតិមានការបែកបាក់ដោយសារតែការរើសអើងជាតិសាសន៍។
លោកបានបន្តថា៖ នៅកម្ពុជាមានច្បាប់គឺទាមទារឲ្យគោរពច្បាប់ មិនត្រឹមតែប្រជាពលរដ្ឋសាមញ្ញនោះទេ គឺទាំង តំណាងរាស្ត្រ មន្ត្រីរាជការ កងកម្លាំងប្រដាប់អាវុធគ្រប់ប្រភេទគឺត្រូវតែចូលរួមគោរពច្បាប់ទាំងអស់គ្នា។
លោកក៏បានលើកសំដីររបស់ លោកកឹម សុខា ប្រធានគណបក្សសង្គ្រោះជាតិ ដែលបាន ទទួលស្គាល់ថា ការប្រើប្រាស់នយោបាយជាតិនិយមជ្រុល ឃោសនាឲ្យចងកំហឹង និងការប្រើវោហារស័ព្ទជេរប្រមាថរើសអើងជាតិសាសន៍ គឺជាការខុសឆ្គងផ្នែកនយោបាយ ដែលបង្កឲ្យមានកំហឹង ពូជសាសន៍ ។

សូមបញ្ជាក់ថា នៅព្រឹកថ្ងៃទី២០ មិថុនា នេះសភាបានបើកកិច្ចប្រជុំលើកទី៨ នីតិកាលទី៥ របស់ខ្លួន ដើម្បីពិនិត្យនិងអនុម័តលើសេចក្តីស្នើច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា មាន១១ ជំពូក ចែកចេញជា៣២មាត្រា ដែលតម្រូវដាក់ឆ្លងក្នុងកិច្ចប្រជុំសភា ដើម្បីធ្វើការកែសម្រួល លើខ្លឹមសារនិងជំពូក មាត្រានៃច្បាប់នេះ និងបំពេញបន្ថែមលើខ្លឹមសារមាត្រាថ្មីមួយចំនួនទៀតផងដែរ ៕

អ្នកកាសែត៤នាក់ត្រូវបញ្ជូនតុលាការរតនគិរីក្រោមបទចោទប្រកាន់គំរាមយកប្រាក់

ខេត្តរតនគិរី៖អ្នកកាសែតទាំងបួន ទី១ឈ្មោះ ម៉េង ហ៊ុយ អ្នកយកព័ត៌មានដំណឹងភ្នំពេញ ទី២ឈ្មោះ ប៉េង សុថារ៉ាក់ អ្នកយកព័ត៌មានទូរទស្សន៍អនឡាញCPN ទី៣ឈ្មោះ ចាន់ រ៉ា ភេទស្រី អ្នកយកព័ត៌មានទូរទស្សន៍អនឡាញTMN និង ទូរទស្សន៍អនឡាញស៉ើបការ និងឈ្មោះ យ៉ន ទិត និពន្ធ នាយកសារព័ត៌មានយុវជនខ្មែរ នៅវេលាម៉ោង៦,០០នាទីរសៀលថ្ងៃនេះ ត្រូវបានតុលាការបញ្ជូនខ្លួនទៅឃុំខ្លួនបណ្ដោះអាសន្ននៅពន្ធនាគាភ្នំស្វាយហើយ ដោយចោទប្រកាន់ពីបទកំហែងយកតាមមាត្រា៣៦៣ ។
អ្នកកាសែតចំនួន៤នាក់ ស្រី១នាក់ ត្រូវបានកម្លាំងអាវុធហត្ថខេត្តរតនគិរី ចាប់ខ្លួនភ្លាមៗ នៅទីតាំងផ្សេងគ្នាពាក់ព័ទ្ធពីបទជំរិតទាប្រាក់ពីឡានដឹកឈើ និងដើរដាក់ខែ បីនាក់នៅចំណុចហាងកាហ្វេស្វាយទេ ស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង និងម្នាក់ទៀតឃាត់ខ្លួន នៅភូមិថ្មី សង្កាត់ឡាបានសៀក ក្រុងបានលុង នារសៀល ថ្ងៃទី១៤ ខែមិថុនា ឆ្នាំ២០១៧ ។
ការចាប់ខ្លួនអ្នកកាសែតចំនួន៤នាក់ដឹកនាំដោយលោក ឧត្តមសេនីយ៏ត្រី គឹម រស្មី មេបញ្ជាការកងរាជអាវុធហត្ថខេត្តរតនគិរី ដោយអ្នកកាសែតទាំងបួនបម្រើការងារនៅអង្គភាពសារព័ត៍មានផ្សេងៗគ្នាទី១ឈ្មោះ ម៉េង ហ៊ុយ អ្នកយកព័ត៌មានដំណឹងភ្នំពេញ ទី២ឈ្មោះ ម៉េង សុថារ៉ាក់ អ្នកយកព័ត៌មានទូរទស្សន៍អនឡាញCPN ទី៣ឈ្មោះ ចាន់ រ៉ា ភេទស្រី អ្នកយកព័ត៌មានទូរទស្សន៍អនឡាញTMN និង ទូរទស្សន៍អនឡាញស៉ើបការ និងឈ្មោះ យ៉ន ទិត និពន្ធនាយកសារព័ត៌មានយុវជនខ្មែរ ។
ចំណែករថយន្តដឹកឈើជន្លុងម្រេចម៉ាកសាំងយ៉ុង បិទស្កត់ពណ៌ខៀវ (មិនទាន់ស្គាល់ឈ្មោះម្ចាស់រថយន្ដនៅឡើយទេ) ។
មេបញ្ជាការកងរាជអាវុធហត្ថខេត្តរតនគិរី លោកឧត្តមសេនីយ៏ត្រី គឹម រស្មី នៅព្រឹកថ្ងៃទី១៦ ខែមិថុនានេះ បានធ្វើសន្និសីទកាសែត នៅទីបញ្ជាការកងរាជអាវត្ថហត្ថខេត្ត អោយដឹងថា ការឃាត់អ្នកកាសែតទាំងបួននាក់ យោងតាមពាក្យបណ្ដឹងរបស់អ្នកដឹកឈើជន្លុងម្រេច ដែលត្រូវក្រុមអ្នកកាសែតទាំងបួននាក់នេះបានជំរិតទាប្រាក់ និងដាក់ខែ ដោយ ៣នាក់ចាប់នៅក្នុងភូមិទេសអន្លុង សង្កាត់បឹងកន្សែង ក្រុងបានលុង និងម្នាក់ទៀតចាប់នៅក្នុងសង្កាត់ឡាបានសៀក ក្រុងបានលុង ខេត្តរតនគិរី ។
លោកមេបញ្ជាការបានមានប្រសាសន៏បន្ថែមទៀតថា ក្នុងចំណោមជនសង្ស័យជាអ្នកកាសែតទាំង៤នាក់នោះ គឺ៣នាក់ជម្រិតទាលុយ៦០០ដុល្លារពីអ្នកដឹកជន្លង់ម្រេច និងម្នាក់ទៀត ដើរដាក់ខែចំនួន៥០០ដុល្លារពីឈ្មួញរកស៊ីឈើ ។
បន្ទាប់ពីលោកឧត្តមសេនីយ៏ត្រី គឹម រស្មី មេបញ្ជាការកងរាជអាវុធខេត្ត បានធ្វើសន្និសីទរួច អ្នកកាសែតទាំង៤ ត្រូវបានកម្លាំងជំនាញកងរាជអាវុធហត្ថបញ្ជូនទៅកាន់តុលាការនាវេលាព្រឹកថ្ងៃដដែរ ដើម្បីចាត់ការតាមនិតិវិធីច្បាប់ សូមបញ្ជាក់ថា បើតាមប្រភពព័ត៌មានផ្សេងទៀតបានឲ្យដឹងថា ដំបូងឡើងមានរថយន្តមួយគ្រឿងដឹកជន្លង់ម្រេច បានបែកកង់ហើយចតនៅចំណុចចុងព្រលានយន្ដហោះខេត្ត ស្ថិតនៅភូមិ៧មករា សង្កាត់ឡាបានសៀក ក្រុងបានលុង ។ ហើយមានគេប្រាប់អ្នកកាសែតទាំងបួនខាងលើ ពេលនោះអ្នកកាសែតបានទៅថត និងសុំបើកមើល ។ ប៉ុន្តែគេហាមមិនឲ្យបើក ដោយសុំធ្វើការចរចា រហូតអ្នកកាសែតបានទារលុយពីគេ ប្រមាណ៦០០-៧០០ដុល្លារ ។ បន្តិចក្រោយមក ក៏ស្រាប់តែកម្លាំងអាវុធហត្ថចុះទៅដល់ និងឃាត់ខ្លួននៅកន្លែងលក់កាហ្វេតែម្តង ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ​ពេល​យប់​


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2