vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព្យុះទីហ្វុងតាលីមបានវាយប្រហារប្រទេសជប៉ុននិងជើងយន្ដហោះ៨០០បានលបចោល

ជប៉ុន៖ ព្យុះទីហ្វុង Talim បានបោកបក់លើភាគខាងត្បូងប្រទេសជប៉ុន ដោយធ្វើឲ្យមានភ្លៀងធ្លាក់ជោគជាំ រថភ្លើងត្រូវផ្អាកដំណើរការ និងមានផលប៉ះពាល់យ៉ាងខ្លាំងលើភ្ញៀវទេសចរណ៍។យោងតាមទីភ្នាក់ងារឧតុនិយមជាតិជប៉ុនបានឲ្យដឹងថា ព្យុះទីហ្វុង Talim នេះ បានបោកបក់លើកោះ Kyushu នៅម៉ោង១១និង៣០នាទីម្សិលមិញ ហើយដោយសារមានខ្យល់ខ្លាំង ចរន្តអគ្គិសនីនៅក្នុងខេត្ត Kagoshima ខេត្ត Kumamoto និងខេត្ត Miyazakiត្រូវបានកាត់ផ្តាច់ ដោយប៉ះពាល់ដល់ផ្ទះរបស់ប្រជាពលរដ្ឋជាង៣ពាន់ខ្នង។

ជើងហោះហើរជិត៨០០ក៏ត្រូវបានលុបចោលដែរនៅកោះKyushu និងកោះ Shikoku ដោយធ្វើមានផងប៉ះពាល់ដល់ភ្ញៀវទេសចរណ៍យ៉ាងច្រើន។ភ្ញៀវទេសចរណ៍ជនជាតិចិនម្នាក់បាននិយាយថា គាត់មិនដែលជួបអាកាសធាតុបែបនេះទេ ហើយក៏មិនដែលឃើញខ្យល់ខ្លាំងបែបនេះដែរ។

ប្រព័ន្ធផ្សព្វផ្សាយក្នុងស្រុកមួយបានរាយការណ៍ថា ព្យុះទីហ្វុង Talim នេះក៏បានធ្វើឲ្យមនុស្សបួននាក់បាត់ខ្លូន និង១៧នាក់ផ្សេងទៀតរងរបួសផងដែរ ខណៈអាជ្ញាធរព្រមានពីការបាក់ដី និងរលកធំៗនៅសមុទ្រ។រីឯភ្ញៀវទេសចរណ៍ម្នាក់ទៀតដែលជាជនជាតិជប៉ុនផ្ទាល់បាននិយាយថា គាត់មកពីតំបន់ Sendai ហើយមានគម្រោងត្រឡប់ទៅវិញនៅថ្ងៃស្អែក ប៉ុន្តែត្រូវជាប់គាំងទៅណាមិនរួចឡើយដោយសារព្យុះ Talim នេះ។ ទីភ្នាក់ងារឧតុនិយមជាតិជប៉ុនបានឲ្យដឹងបន្តថា ព្យុះទីហ្វុង Talim នេះ ក្រោយមកបានបោកបក់បន្តទៅភាគខាងជើងកោះ Hokkaido ដោយធ្វើឲ្យមានភ្លៀងធ្លាកយ៉ាងខ្លាំងនៅថ្ងៃច័ន្ទនេះ៕ ស៊ុយឈាង

 

ក្រុមអភិរក្សអះអាងថា៖"សត្វត្មាតនៅកម្ពុជាកំពុងស្ថិតនៅក្នុងហានិភ័យខ្ពស់"

ភ្នំពេញ៖ក្រុមអភិរក្សបានអះអាថាសត្វត្មាតនៅកម្ពុជាកំពុងប្រឈមនឹងការវិនាសផុតពូជខ្លាំង ខណៈចំនួន របស់វាមានការធ្លាក់ចុះ៥០ភាគរយគិតចាប់តាំងពីឆ្នាំ២០០០មក។ ចំនួន របស់វានាឆ្នាំនេះ ត្រូវបានគេកត់ត្រាក្នុងពេលជំរឿនមានតែ១២១ក្បាល ប៉ុណ្ណោះ ដែលនេះជាចំនួនដ៏ទាបបំផុតនៅក្នុងកំណត់ត្រាចាប់តាំងពីឆ្នាំ ២០០៣មក។

ក្នុងសេចក្ដីប្រកាសព័ត៌មានរបស់អង្គការសមាគមអភិរក្សសត្វព្រៃនៅកម្ពុជា នាថ្ងៃទី ០៤ ខែកញ្ញា ឆ្នាំ២០១៧ បានឱ្យដឹងថា
ការរកឃើញ ថ្មីៗនេះ បង្ហាញថាការបំពុលគឺជាការគំរាម កំហែងដ៏ធំបំផុតដល់ចំនួនសត្វត្មាតនៅកម្ពុជា។
ក្នុងការប្រារព្ធទិវាផ្សព្វ ផ្សាយអំពីសត្វត្មាតនៅកម្ពុជា ក្រុមអ្នកអភិរក្សសំណូមពរឲ្យប្រជាពលរដ្ឋ គ្រប់រូបជួយចែករំលែកព័ត៌មានអំពីភាពចាំបាច់ចំពោះការអភិរក្សសត្វត្មាត។

សត្វត្មាតនៅក្នុងប្រទេសកម្ពុជាមានចំនួន០៣ប្រភេទ គឺត្មាតភ្លើង ត្មាតត្នោត និងត្មាតផេះ។ ត្មាតទាំង ០៣ប្រភេទនេះស្ថិតនៅក្នុងបញ្ជីក្រហមរបស់ អង្គការ IUCN ជាប្រភេទរងគ្រោះជិតផុតពូជបំផុតនៅ លើសាកលលោក ដោយសារតែចំនួនរបស់ពួកវានៅលើសាកលលោកតែបន្តធ្លាក់ចុះយ៉ាងខ្លាំងគួរឲ្យព្រួយបារម្ភ។
លោក Simon Mahood ទីប្រឹក្សាបច្ចេកទេសជាន់ខ្ពស់នៃអង្គការ WCS បាននិយាយថា៖ “ការបំពុល ប្រហែលជាការគំរាមកំហែងដ៏ខ្លាំងបំផុត ចំពោះហ្វូងសត្វតា្មតនៅកម្ពុជា។ ការបំពុលនេះ ក៏មានផលប៉ះពាល់ ដល់សុខភាពមនុស្សផងដែរ។”
លោក Simon Mahood បន្តថា៖ “កិច្ចខិតខំប្រឹងប្រែងយ៉ាងខ្លាំងពីសំណាក់ រដ្ឋាភិបាល អង្គការអភិរក្សនានា និងសហគមន៍ ពិតជាចាំបាច់ណាស់ដើម្បី អភិរក្សសត្វត្មាតទាំង០៣ប្រភេទនេះកុំឲ្យបាត់បង់។”
សត្វត្មាតនៅក្នុងប្រទេសកម្ពុជា ក៏កំពុងតែទទួលការគំរាមកំហែងដោយសារ ការបាត់បង់ទីជម្រក និងកង្វះខាតចំណីអាហារដោយសារការធ្លាក់ចុះនៃ ចំនួនសត្វក្រចកជើងពីរ និងហ្វូងគោសាទិសស្រុក។ ការកើនឡើងនៃ ការបាត់បង់ព្រៃឈើ និងការផ្លាស់ប្តូរដីព្រៃតាមរយៈ ដីសម្បទានសេដ្ឋកិច្ច និងការកាប់ឆ្ការដីព្រៃ បានជះឥទ្ធិពលដល់ការបាត់បង់ ទីជម្រកពងកូន និងកាត់បន្ថយប្រភេទសត្វជាចំណីរបស់ហ្វូងត្មាតផងដែរ។ បន្ថែមពីនេះ សត្វត្មាតយ៉ាងតិចចំនួន៣០ក្បាលនៅក្នុងប្រទេសកម្ពុជាត្រូវបានគេសម្លាប់ នៅក្នុងរយៈពេល០៥ឆ្នាំចុងក្រោយនេះ។ ការកើនឡើងនៃប្រើប្រាស់ សារធាតុពុលដើម្បីបំពុលសត្វនៅស្ទើរគ្រប់ទីកន្លែងទួទាំងប្រទេសបាន បណ្តាលឲ្យប៉ះពាល់ដល់ចំនួនសត្វត្មាត និងគំរាមកំហែងដល់ការ រស់នៅរបស់មនុស្សផងដែរ។
លោក ប៊ូ វរសក្ស នាយកកម្មវិធីអភិរក្សរបស់អង្គការជីវិតសត្វស្លាប បាននិយាយថា៖ “ការងារអភិរក្ស រយៈពេល១០ឆ្នាំកន្លងទៅនេះ មិនបានបញ្ឈប់ការធ្លាក់ចុះនៃចំនួនសត្វត្មាតឡើយ។ លទ្ធផលចេញពី ការជំរឿនសត្វត្មាតនាឆ្នាំនេះ បានបង្ហាញនូវស្ថានភាពព្រួយបារម្ភដ៏ធំបំផុត ក្នុងនោះចំនួនសត្វតា្មតភាគច្រើនមាននៅដែនជម្រកសត្វព្រៃឆែប និងដែនជម្រកសត្វព្រៃសៀមប៉ាងខាងលិច។ សូមថ្លែងអំណរគុណដល់ ក្រសួងបរិស្ថានដែលបានដាក់តំបន់ទាំងពីរនេះជាតំបន់ការពារធម្មជាតិ”។
លោក ប៊ូ វរសក្ស បន្តថា៖ “ក្រៅពីការពារទីជម្រក ការផ្សព្វផ្សាយពិតជា ចាំបាច់ខ្លាំងណាស់ដើម្បីលើកកម្ពស់ការយល់ដឹងរបស់ប្រជាសហគមន៍ និងដើម្បីកាត់បន្ថយសកម្មភាពបំពុល”។
ដោយមានកិច្ចសហការជាមួយក្រសួងបរិស្ថាន និងក្រសួងកសិកម្ម រុក្ខាប្រម៉ាញ់ និងនេសាទ អង្គការអភិរក្សចំនួន០៤ ដូចជាអង្គការជីវិត សត្វស្លាប អង្គការWCS អង្គការWWF និងមជ្ឈមណ្ឌលអង្គរសម្រាប់ការ អភិរក្សជីវចម្រុះ កំពុងធ្វើការរួមគ្នាដើម្បីអភិរក្សសត្វត្មាតនៅកម្ពុជា តាមរយៈការអប់រំផ្សព្វ ផ្សាយ ការរៀបចំអាហារដ្ឋានដើម្បផ្តល់ ចំណីបន្ថែមដល់សត្វត្មាត ព្រមទាំងការការពារសំបុក និងទីជម្រកជាដើម។
លោក សេង ទៀក ប្រធានអង្គការWWF បាននិយាយថា៖ “តម្រូវការ សាច់សត្វព្រៃ នាំឲ្យការបរបាញ់សត្វព្រៃមានការកើនឡើង។ ចំណី សម្រាប់សត្វត្មាតមានតិចតួច ដោយការបរបាញ់តាមរយៈការដាក់អន្ទាក់ និងការបំពុល។ បន្ថែមពីនេះ សហគមន៍មួយចំនួនប្រើប្រាស់ថ្នាំពុលដាក់ ទៅក្នុង ឬជុំវិញត្រពាំងដើម្បីចាប់សត្វស្លាប និងថនិកសត្វមានមាឌតូច ជាដើម។ ការបំពុលនេះ គឺជាមូលហេតុចម្បង ដែលបណ្តាលឲ្យសត្វត្មាត ជាង៣០ក្បាលស្លាប់ ដោយសារតែសត្វត្មាតទាំងអស់នោះស៊ីសាកសព សត្វដែលស្លាប់ដោយសារថ្នាំពុល។”
កញ្ញា នី ណៃគី អ្នកសម្របសម្រួលគម្រោងអភិរក្សសត្វត្មាតនៅកម្ពុជា និយាយថា៖ “ត្មាតគឺជាសត្វដ៏ សំខាន់ និងដើរតួនាទីក្នុងការសំអាតបរិស្ថាន គ្រប់គ្រងការរីករាលដាលនៃជម្ងឺ និងមេរោគ ព្រមទាំងជួយឲ្យសហគមន៍ រកប្រាក់ចំណូលប្រកបដោយនិរន្តរភាពតាមរយៈទេសចរណ៍ធម្មជាតិ។ ខ្ញុំសំណូមពរឲ្យប្រជាពលរដ្ឋគ្រប់រូបចូលរួមអភិរក្សសត្វត្មាតនៅកម្ពុជាដោយបញ្ឈប់សកម្មភាពទិញ ឬបរិភោគ សាច់សត្វព្រៃ។ ការបរិភោគសត្វសាច់ព្រៃដែលមានផ្ទុកសារធាតុពុល មានផលប៉ះពាល់ខ្លាំងដល់សុខភាព។”
សកម្មភាពអភិរក្សសត្វត្មាតនៅកម្ពុជា ទទួលបានការគាំទ្រពី Critical Ecosystem Partnership Fund។ ទិវាផ្សព្វផ្សាយអំពីសត្វត្មាតទទួល បានការគាំទ្រពី អង្គការជីវិតធម្មជាតិនៅកម្ពុជា, USAID, Mohamed Bin Zayed Species Conservation Fund, MacArthur Foundation, Conservation Leadership Programme, ព្រមទាំង AFD, មជ្ឈមណ្ឌលសំវាសនា និងសហភាពអឺរ៉ុបសម្រាប់ការងារអរភិរក្ស សត្វត្មាតនៅក្នុងដែនជម្រកសត្វព្រៃឆែប៕រូបភាពក្រុមអភិរក្ស

 

ចំណួលអង្គរទទួលបានជាង៦៩លានដុល្លារក្នុង៨ខែ

ភ្នំពេញ៖ចំណួលពីអង្គរវត្ដមានទឹកប្រាក់ជាង៦៩លានដុល្លារក្នុងរយៈពេល៨ខែឆ្នាំ២០១៧នេះកើនជិត៧០ភាគរយ។នេះបើតាមការផ្សាយពីវិទ្យស្ថានអង្គរវត្ដ។ប្រភពបានបន្ដថា៖ក្នុងរយៈពេល៨ខែនេះទេសចរចូលអង្គរវត្តមានចំនួនប្រមាណជា១លាន៦ខែននាក់កើនជាង១២ភាគរយ៕

 

សិស្សប្រឡងបាក់ដុបថ្ងៃនេះអវត្ដមានពីការប្រឡងមានចំនួនជាង១៥០០នាក់

ភ្នំពេញ៖សិស្សប្រឡងបាក់ដុបថ្ងៃនេះអវត្ដមានពីការប្រឡងមានចំនួនជាង១៥០០នាក់និងមានបញ្ហសុខភាពមាន៤០ករណី។នេះបើតាមសេចក្ដីប្រកាសរបស់ក្រសួងអប់រំនៅមុននេះ។ប្រភពបានបន្ដថា៖ក្នុងដំណើរការសំណេរនាព្រឹកថ្ងៃទី២នេះ ដែល​មាន​បេក្ខជន​ប្រឡង​សរុប​ចំនួន ១០១ ៤១០ នាក់ ស្រី ៥០ ០៤៩ នាក់ អវត្តមានសរុបចំនួន១ ៥៤៩នាក់ (កើន ៥៧នាក់) ស្រី ៥៦៦នាក់ (កើន ១១នាក់)។

បេក្ខជន​ប្រព្រឹត្ត​កំហុស​ឆ្គង​ត្រូវ​បាន​រៀបចំ​កំណត់​ហេតុ​ពិសេស​ចំនួន ០៣ករណី បេក្ខជន​ស្វៃរិន​ប្រឡង​ជំនួស​ចំនួន ០១ករណី និង​បេក្ខជន​ប្រឡង​លួច​ចម្លង​សំណៅ​ឯកសារ​ចំនួន ០២ករណី និង​ករណី​បុគ្គលិក​អប់រំ​ប្រព្រឹត្ត​កំហុស​ឆ្គង ០៤ករណី។

ដោយ​ឡែក​មាន​បេក្ខជន​មាន​បញ្ហា​សុខភាព​ចំនួន ៤០ករណី ប៉ុន្តែ​អាច​ដំណើរ​ការ​ប្រឡង​បន្ត​ទៀត​បាន បន្ទាប់​ពី​ទទួល​បាន​ការសង្គ្រោះ​បឋម និង​មាន ០៥ករណី ដែល​មិន​អាច​ត្រឡប់​ពី​មន្ទីរពេទ្យ​មក​បន្ត​ការ​ប្រឡង​បាន ។ក្នុង​នោះអនុរក្សមានបញ្ហាសុខភាពចំនួន២ករណីផងដែរ ។ចំពោះ​ស្ថានភាព​អាកាសធាតុ នាព្រឹកថ្ងៃទី២ នៅ​តាម​មណ្ឌល​មួយ​នៅ​ខេត្ត​ក្រចេះ ខេត្ត​ព្រះសីហនុ និង​ខេត្ត​រតនគិរី​មាន​ភ្លៀង​ធ្លាក់ ប៉ុន្តែ​មិន​ប៉ះពាល់​ដល់​ដំណើរការ​សំណេរ​របស់​បេក្ខជន​ឡើយ។

ប្រភពបានបន្ថែមថា៖ដំណើរការសំណេរសម្រាប់ថ្ងៃទី២ បាន​បន្ត​ប្រព្រឹត្ត​ទៅ​ដោយ​រលូន​ល្អ មិន​មាន​បាតុភាព​មិន​ប្រក្រតី​ណាមួយ​កើត​ឡើង​គួរឲ្យ​កត់​សម្គាល់​ឡើយ ។ នៅ​តាម​មណ្ឌល​ប្រឡង​នីមួយៗ បាន​ដំណើរការ​ដោយ​ភាព​ស្ងប់ស្ងាត់ និង​របៀបរៀបរយ​ល្អ ដោយ​មាន​ការ​យក​ចិត្ត​ទុក​ដាក់ និង​ទំនួល​ខុស​ត្រូវ​ខ្ពស់​ពី​គណៈកម្មការ​មេប្រយោគ​គ្រប់​លំដាប់​ថ្នាក់ មន្ត្រី អ្នកសង្កេតការណ៍​អង្គភាព​ប្រឆាំង​អំពើពុករលួយ សហភាព​សហព័ន្ធ​យុវជន​កម្ពុជា និង​អាជ្ញាធរ​មានសមត្ថកិច្ច​ពាក់ព័ន្ធ។ ដោយឡែក បេក្ខជន​បាន​គោរព​បទប្បញ្ញត្តិ​នៃ​ការ​ប្រឡង​បាន​យ៉ាង​ល្អ និង​ប្រឹងប្រែង​ធ្វើ​កិច្ចការ​តាម​សមត្ថភាព​រៀងៗខ្លួន ៕

 

រាជរដ្ឋាភិបាលដាក់ផែនការជួយសម្រួលការលំបាករបស់កម្មករក្នុងការធ្វើលិខិតឆ្លងដែនថ្មី

ភ្នំពេញ៖ រាជរដ្ឋាភិបាលដាក់ផែនការជួយសម្រួលការលំបាករបស់កម្មករក្នុងការធ្វើលិខិតឆ្លង ដែនថ្មីទៅធ្វើការនៅក្រៅប្រទេសដែលជួបបញ្ហាប្រឈមក្នុងការធ្វើអត្តសញ្ញាណពលករថ្មី។

ក្រសួងការបរទេសនិងសហប្រតិបត្តិការអន្តរជាតិបានអៈអាងថា ក្រសួងនឹងជួយ ដោះស្រាយការលំបាកដល់ពលករសម្រាប់ការធ្វើលិខិតឆ្លងដែនថ្មីពិសេសសម្រាប់ ពលករ ទៅបំរើការ​ងារនៅក្នុងប្រទេសម៉ាលេស៊ី។យោងតាមសេចក្តីប្រកាសព័ត៌មានរបស់ទូរទស្សន៍រស្មីហង្សដែលទទួលបាននៅព្រឹកថ្ងៃទី៧ ខែកក្កដា នេះ ក្រសួងការបរទេសកំពុងពិភាក្សាជាមួយក្រសួងសា្ថបន័ពាក់ពន្ធ័ សំដៅរកវិធី សាស្រ្តសមស្របមួយ ដើម្បីកាត់បន្ថយរាល់ការចំណាយរបស់ធ្វើលិខិតឆ្លងដែនថ្មី ពិសេសសម្រាប់ ការចំណាយលើអ្នករត់ការកណ្តាល រយៈពេលធ្វើឲ្យបានលឿន ។
ផែនការនេះបានធ្វើឡើងបន្ទាប់ពី ពលករខ្មែរ ធ្វើនៅប្រទេសម៉ាលេស៊ីដែលត្រូវធ្វើលិខិត ឆ្លង ដែនថ្មីបានរអ៊ូរទំាពីការចំណាយថវិកាយ៉ាងច្រើនខណៈលិខិតឆ្លងដែនដែលអសពលភាពហើយពុំអាចធ្វើពន្យាតទៅ ទៀតបាន។ សេចក្តីប្រកាសព័ត៌មានបានប្រកាសបន្តថា ចំពោះពលករ ដែលកំពុងបំពេញការងារស្របច្បាប់នៅក្រៅប្រទេសតាមរយៈក្រសួងការងារបណ្តុះបណ្តាលវិជ្ជាជីវៈការធ្វើលិខិតធ្វើដំណើរត្រូវផ្តល់ដោយឥតគិតថ្លៃ ដោយអាករជាបន្ទុករបស់រដ្ឋ ដើម្បីជៀសវាងការឆ្លៀត ឱកាសយកកម្រៃសេវាលើថ្លៃកំណត់ពីក្រុម ហ៊ុនជ្រើសរើសពលករ មេខ្យល់ឬអ្នករត់ការកម្រៃ ជើងសារ។
ជាមួយគ្នានេះក្រសួងបានធ្វើការណែនាំដល់ស្ថានទូតនិងស្ថានអគ្គកុងស៊ុលកម្ពុជានៅក្រៅ ប្រទេសទំាងអស់អនុវត្តឲ្យបានត្រឹមត្រូវម៉ត់ចត់ហើយធ្វើការបិទផ្សាយជាសាធារណៈចំពោះ តម្លៃនិងរយៈពេលនៃការផ្តល់សេវានានា។
លោកយ៉ា ណាវុធ ប្រធានអង្គការខារ៉ាមកម្ពុជាបានគំាំទ្រចំពោះយន្តការរបស់រាជរដ្ឋាភិបាល ក្នុងការ កាត់បន្ថយចំណាយសេវាធ្វើលិខិតឆ្លងដែនថ្មីនេះ ថានឹងជួយដោះស្រាយទុក្ខលំបាក របស់ពលករបានច្រើន។យ៉ាងក៏ដោយលោកបានលើកឡើងថាសង្គមស៊ីវិលចង់ឃើញរាជរដ្ឋាភិបាលបង្កើនយន្តការដោះស្រាយ ទុក្ខលំបាករបស់ពលករឲ្យបានជាប្រជាចំា កុំអោយធ្វើតែ ក្នុងអំឡុង ពេលនៃការខិតជិតការបោះឆ្នោត ជាតិចូលមកដល់នោះឡើយ។ លោកបានផ្តល់អនុសាសន៍ថារាជរដ្ឋាភិបាលត្រូវតែបង្កើតប្រពន្ធ័ការងារនៅក្នុងស្រុកឲ្យបានច្រើនព្រោះយុវជនជាកម្លំាង ស្នូលដែលជំរុញការអភិវឌ្ឍ ប្រទេសឲ្យមានភាព យូរអង្វែង ខណៈដែលពលករដែលចេញ ទៅធ្វើការនៅក្រៅប្រទេសអាចធ្វើបានតែក្នុងរយៈពេលខ្លីតែ ប៉ុណ្ណោះ។
ក្រុមសង្គមស៊ីវិលរូបនេះបានអៈអាងថាទោះបីបច្ចុប្បន្នការធ្វើចំណាកស្រុកទៅធ្វើការនៅក្រៅប្រទេស មានលក្ខណៈល្អប្រសើរបើធៀបនឹង១០ឆ្នាំមុនក៏ដោយ ប៉ុន្តែបញ្ហាប្រឈមនៅតែមាន ដូចជាការកេងប្រវញ្ច័ ពលកម្ម ប្រាក់កាស ការប្រើប្រាស់អំពើហិង្សាលើពលករ ការជួញ ដូរមនុស្ស និងរំលោភផ្លូវភេទជា ដើម។
សូមបញ្ជាក់ថាមកដល់ឆ្នាំ២០១៧នេះពលករខ្មែរដែលចេញទៅបំរើការងារនៅក្រៅប្រទេសមានរហូត ដល់ជាង១លាននាក់ ក្នុងនោះមាននៅប្រទេសថៃ ម៉ាលេស៊ី កូរ៉េ ជប៉ុន និង សឹង្ហបូរី ជាដើម៕

ក្រុមហ៊ុនអាកាសចរណ៍ AirAsiaប្រ កាសជើងហោះហើរត្រង់ដំបូងមកក្រុងព្រះសីហនុ

ខេត្តព្រះសីហនុ៖ក្រុមហ៊ុនអាកាសចរណ៍ AirAsia នាថ្ងៃព្រហស្បតិ៍ម្សិលមិញនេះ បាន ប្រ កាសថាថ្ងៃជើងហោះហើរត្រង់តំបូងរវាងក្រុងព្រះសីហនុ របស់កម្ពុជានិងក្រុងកូឡាំពួរប្រទេស ម៉ាឡេស៊ី នឹងចាប់ផ្ដើមដំណើរការជាលើកដំបូង នៅថ្ងៃទី៩ខែសីហា ឆ្នាំ២០១៧ ខាងមុខនេះ ។
តាមការ ប្រកាស នេះ ក្រុមហ៊ុន AirAsia នឹងធ្វើការហោះហើរត្រង់ ទៅវិញ ទៅមកពី ខេត្តព្រះសីហនុ ទៅ ក្រុងកូឡាឡាំពួរ ៤ដង ក្នុងមួយសប្តាហ៍នេះបើយោងតាមការបញ្ជាក់ពី លោក Spencer Lee ប្រធាន ពាណិជ្ជ កម្ម ក្រុមហ៊ុន AirAsiaBerhad និយាយថា «ក្រុងព្រះសីហនុ ជាគោលដៅដ៏រំភើបមួយ ដោយសារ មាន ទ្រព្យសម្បត្តិត្បូងថ្មនានា ដែលមិនត្រូវបានស្រាវជ្រាវនៅឡើយ។ ក្នុងនាមជាក្រុមហ៊ុនដឹកអ្នកដំណើរផ្លូវអាកាសនាំមុខគេតម្លៃ ទាបជាងគេ ក្នុងពិភពលោកនិងជាក្រុមហ៊ុនទីមួយ ពីម៉ាឡេស៊ីបើកប្រតិបត្តិការ សម្រាប់ ផ្លូវអាកាសមានតែមួយគត់នេះ យើងចង់បន្តនាំមុខទីផ្សារនេះ ដោយបើកប្រើប្រាស់ទ្រព្យ ដ៏ មានតម្លៃ ដែលមិនទាន់ដឹងក្នុងតំបន់អាស៊ានដូចទីក្រុងមួយនេះ របស់កម្ពុជាទៅកាន់ ពិភព លោក»។ លោកបានបន្តទៀតថា «យើងមានបំណងអភិវឌ្ឍព្រះសីហនុ ឲ្យក្លាយជាចំណុចគោលដៅទេសចរណ៍ដូចគ្នា ហ្នឹងរបៀបAirAsiaបានណែនាំ អំពីរួចមកហើយនូវចំណុចគោលដៅតែមួយគត់ គួរទស្សនារួមមានតំបន់ LuangPrabang តំបន់ Banda Aceh និង Bhubaneswar រួមទាំងតំបន់ដទៃទៀត ហើយយើងខ្ញុំជឿជាក់ថា ការឧទ្ទេសនាមផ្លូវហោះហើរនេះ នឹងជាជំហានដ៏សំខាន់ទីមួយដើម្បីបើកសោនូវជម្រើសការធ្វើដំណើរពីកន្លែងផ្សេងៗច្រើនទៀត សម្រាប់អ្នកទស្សនាចូលមកកាន់ ទីក្រុងមាត់សមុទ្រមួយនេះ»។
ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្តគ្រឹស្នា បានស្វាគមន៍ចំពោះការមកដល់ នៃជើងហោះហើរត្រង់ជាងលើកដំបូងនេះ។ លោករំពឹងថា ការហោះហើរត្រង់នេះ នឹងជំរុញភ្ញៀវទេសចរម៉ាឡេស៊ី មកកាន់ខេត្តព្រះសីហនុ ក៏ដូចជាប្រទេសកម្ពុជា កាន់តែច្រើនឡើងថែមទៀត។ ដើម្បីអបអរការបើកផ្លូវថ្មីនេះ គ្រប់សំបុត្រទាំងអស់មានតម្លៃចាប់ពី៤០ដុល្លារឡើងទៅ សម្រាប់ការសំបុត្រធ្វើដំណើរមួយដង (oneway) ហើយភ្ញៀវទេសចរក៏បានកក់កៅអី ដោយការទិញសំបុត្រចាប់ពីថ្ងៃទី១៧ខែឧសភា ឆ្នាំ២០១៧ ដល់ថ្ងៃទី២១ ខែឧសភា ឆ្នាំ២០១៧សម្រាប់ការធ្វើដំណើរចាប់ពីថ្ងៃទី៩ ខែសីហា ឆ្នាំ២០១៧ ដល់ថ្ងៃទី៥ ខែមិថុនា ឆ្នាំ២០១៨។
សូមបញ្ជាក់ផងដែរថាក្រុមហ៊ុនអាកាសចរណ៍AirAsia ក៏បានបម្រើការហោះហើរផងដែរ សម្រាប់ការហោះត្រង់ពីក្រុងកូឡាឡាំពួរ មកកាន់រាជធានីភ្នំពេញ ជារៀងរាល់សប្ដាហ៍មានចំនួន១៤ដង និងទៅកាន់ក្រុងសៀមរាប រាល់សប្ដាហ៍មានចំនួន១៤ដងផងដែរ ចាប់ពីថ្ងៃទី១៨ ខែឧសភា ឆ្នាំ២០១៧ តទៅ៕

 

ក្រុមអ្នកជំនាញថាការស្ថាបនាផ្លូវល្បឿនលឿនពីភ្នំពេញទៅក្រុងព្រះសីហនុ នឹងជួយជំរុញសកម្មភាពសេដ្ឋកិច្ចជាតិ

ភ្នំពេញ៖ ក្រុមអ្នកជំនាញអៈអាងថា ការស្ថាបនាផ្លូវល្បឿនលឿនពីភ្នំពេញទៅក្រុងព្រះសីហនុ នឹងជួយជំរុញសកម្មភាពសេដ្ឋកិច្ចជាតិឲ្យកាន់តែរស់រវើក។
ក្រុមសមាគមដឹកជញ្ជូនក្នុងស្រុកបានចាត់ទុកគម្រោងវិនិយោគផ្លូវល្បឿនលឿនពីរាជ ធានីភ្នំពេញទៅកាន់ខេត្តព្រះសីហនុ គឺជាការអភិវឌ្ឍសរសៃឈាមសេដ្ឋកិច្ចដ៏សំខាន់របស់ប្រ ប្រទេសកម្ពុជា ក្នុងការបំរើឲ្យវិស័យនាំចេញនាំចូលផ្នែកពាណិជ្ជកម្ម។
ការបង្ហាញពីការគាំទ្រ គម្រោងអភិវឌ្ឍន៍ផ្លូវល្បឿនលឿននេះបានធ្វើឡើងបន្ទាប់ពីផេកហ្វេសប៊ុករបស់សម្តេចតេជោ នាយករដ្ឋមន្រ្តីហ៊ុនសែនបានប្រកាសពីគម្រោងស្ថាបនាផ្លូវល្បឿនលឿនពីភ្នំពេញព្រះសីហនុ គ្រោងចាប់ផ្តើមនៅឆ្នាំ២០១៧។
លោក អ៊ុត ឈាង អគ្គលេខាធិការសមាគមដឹកជញ្ជូនបានឲ្យដឹងថា៖ ផ្លូវល្បឿនលឿនភ្នំពេញ ព្រះសីហនុគឺមានប្រយោជន៍ច្រើន ដោយបានចូលរួមអភិវឌ្ឍន៍សេដ្ឋកិច្ចកម្ពុជា តាមរយៈ មានផ្លូវល្បឿនលឿនចំណេញពេលវេលាក្នុងការដឹកជញ្ជូនទំនិញនិងមនុស្ស។ បន្ថែមពីនេះ ទៀតការដឹកជញ្ជូននឹងកាន់តែមានសុវត្ថិភាពជាងមុនបើធៀបជាមួយនឹងផ្លូវធម្មតា។
លោកបន្ថែមថា៖ ប្រសិនបើរាជរដ្ឋាភិបាលអភិវឌ្ឍន៍គម្រោងនេះបានកាន់តែឆាប់គឺកាន់តែល្អ ដើម្បីជំរុញការនាំចេញនាំចូលទំនិញឲ្យកាន់តែរស់រវើកខ្លំាង ខណៈដែលផ្លូវនេះបច្ចុប្បន្ន មានសកម្មភាពចរាចរណ៍មមាញឹកខ្លាំងពិបាកក្នុងការធ្វើដំណើរហើយប្រឈមនៃការកើតឡើងដោយគ្រោះថ្នាក់ចរាចរណ៍ជាញឹកញាប់។
យ៉ាងណាក៏ដោយលោកបានស្នើឲ្យគម្រោងអភិវឌ្ឍន៍ផ្លូវល្បឿនលឿននេះ ត្រូវអភិវឌ្ឍន៍ឲ្យ ស្របតាមស្តង់ដារគុណភាព កំណត់តម្លៃឲ្យបានសមរម្យ និងការបែងចែកឲ្យដាច់ចំពោះ ប្រ ភេទរថយន្តដែលប្រើប្រាស់ផ្លូវល្បឿនលឿននេះ ដើម្បីកុំឲ្យផ្លូវនេះមានសភាពរញ៉េរញៃ ធ្វើឲ្យផ្លូវគ្មានប្រសិនភាពនិងមុខងារពិតប្រាកដ។
យោងតាមផេកហ្វេសបុករបស់ម្តេចតេជោហ៊ុន សែននាយករដ្ឋមន្រ្តីនៃកម្ពុជាបានឲ្យដឹងថា ផ្លូវល្បឿនលឿនពីភ្នំពេញទៅក្រុងព្រះសីហនុ គ្រោងនឹងបើកការរដ្ឋានសាងសងនៅចុងឆ្នាំ ២០១៧នេះ ក្រោមការវិនិយោគដោយក្រុមហ៊ុនចិន China Communications Construction Company ក្នុងគម្រោងចំណាយរហូតដល់១.៦០០ លានដុល្លា លើប្រវែងផ្លូវជិត២០០គីឡូ ម៉ែត្រ ។
សូមបញ្ជាក់ថា គម្រោងភិវឌ្ឍន៍ផ្លូវល្បឿនលឿននេះរាជរដ្ឋាភិបាលមិនត្រឹមតែមានផែនការ ស្ថាបនាពីភ្នំពេញទៅក្រុងព្រះសីហនុប៉ុណ្ណោះទេ ប៉ុន្តែក៏ពុងសិក្សាពីភ្នំពេញ ទៅក្រុងបាវិត ខេត្ត ស្វាយរៀងផងដែរ ដើម្បីជួយលើកស្ទួយវិស័យសេដ្ឋកិច្ច។ ផ្លូវល្បឿនលឿនគឺជាប្រភេទផ្លូវធំទូ លាយដោយបើកបរក្នុងល្បឿនលឿន ហើយជាស្តង់ដារមាន៣គន្លងទៅនិង៣គន្លងមក ដោយគ្មានផ្លូវឆ្លង កាត់បង្ករឧបសគ្គអ្វីឡើយ៕

រដ្ឋសភា គ្រោងបោះឆ្នោតតែងតាំងលោកជា វណ្ណដេតជំនួសសម្តេចវិបុលបញ្ញា សុខ អាន នៅថ្ងៃទី៧ ខែមេសាខាងមុខនេះ

ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា បានបើកកិច្ចប្រជុំដើម្បីរៀបចំឲ្យរដ្ឋសភាពេញអង្គបោះឆ្នោតផ្តល់សេចក្តីទុកចិត្ត អ្នកតំណាងរាស្ត្រជំនួសជំនួសសម្តេចវិបុលបញ្ញា សុខ អាន នៅថ្ងៃទី៧ ខែមេសាខាងមុខនេះ ដើម្បីបំពេញកៅអីរដ្ឋសភា។លោកឡេង ប៉េងឡុង អ្នកនាំពាក្យរដ្ឋសភាបានប្រាប់ក្រុមអ្នកសារព័ត៌មាននៅក្រោយកិច្ចប្រជុំរបស់គណៈកម្មាធិការអចិន្ត្រៃយ៍នៅថ្ងៃទី៣មេសានេះថា លោក ជា វណ្ណដេត ត្រូវបានជ្រើសរើសជាបេក្ខភាពតែម្នាក់គត់ ដើម្បីជំនួសសម្តេចវិបុលបញ្ញា សុខ អានអ្នកតំណាងរាស្ត្រខេត្តតាកែវ ដែលបានទទួលមរណភាពកាលពីថ្ងៃទី១៥ ខែមីនា ឆ្នាំ២០១៧។

លោកបានឲ្យដឹងទៀតថា ៖”យោងតាមច្បាប់នៅពេលសមាជិកសភាណាម្នាក់បានទទួលមរណភាព គឺត្រូវដាក់ជំនួសវិញនូវបេក្ខភាពតំណាងរាស្ត្រទៅតាមលេខលំដាប់នៃឈ្មោះបេក្ខជនរបស់គណបក្សនយោបាយដែល បានឈរឈ្មោះក្នុងមណ្ឌលនោះ។
លោកបានបន្តទៀតថា៖ ក្រោយពីសភាបានទទួលស្គាល់ហើយ សមាជិកថ្មីនៃរដ្ឋសភានោះត្រូវទៅស្បថ ដើម្បីទទួលបានសិទ្ធិពេញលេញជាតំណាងរាស្ត្រមណ្ឌលតាកែវ។
លោកបានឲ្យដឹងទៀតថា ការសម្រេចជ្រើសរើសរើយកថ្ងៃទី៧មេសានេះ ដើម្បីបោះឆ្នោតទទួលស្គាល់លោក ជា វណ្ណដេត ជាតំណាងរាស្ត្រ នេះ គឺបន្ទាប់ពីរដ្ឋសភាចាប់ផ្តើមចូលកងវិញ ក្រោយពេលសម្រាកវិសមកាលអស់រយៈពេល៣ខែមកហើយនេះ។
ជាគ្នានេះ លោក ឡេង ប៉េងឡុង ឲ្យដឹងទៀតថា កិច្ចប្រជុំនៅថ្ងៃទី៧ ខែមេសានេះ ក្រៅពីបោះឆ្នោតទទួលស្គាល់អ្នកតំណាងរាស្ត្រថ្មី រដ្ឋសភាក៏គ្រោងពិនិត្យលើរបាយការណ៍សកម្មភាពរបស់អ្នកតំណាងរាស្ត្រ ក្នុងរយៈពេល៣ខែនៃវិសមកាលរបស់រដ្ឋសភា ដែលបានចុះមូលដ្ឋាន ដើម្បីស្តាប់ពីទុកកង្វល់ និងទទួលសំណូមរបស់ម្ចាស់សំឡេងឆ្នោត។
ទន្ទឹមនេះ រដ្ឋសភាក៏គ្រោងពិភាក្សា និងអនុម័តលើសេចក្តីព្រាងច្បាប់មួយចំនួនដែលមានជាអាទិ៍៖ សេចក្តីព្រាងច្បាប់ស្តីពីការអនុម័តយល់លើពិធីសារទី៣ នៃវិសោធនកម្មកិច្ចព្រមព្រៀងពាណិជ្ជកម្មទំនិញនៅក្រោមកិច្ចព្រមព្រៀងក្របខណ្ឌស្តីពីកិច្ចសហប្រតិបត្តិការសេដ្ឋកិច្ចទូលំទូលាយក្នុងចំណោមរដ្ឋាភិបាល នៃប្រទេសសមាជិកសមាគមប្រជាជាតិអាស៊ីអាគ្នេយ៍ និងសាធារណរដ្ឋកូរ៉េ ព្រមទាំង សេចក្តីស្នើច្បាប់ស្តីពីវិសោធនកម្មច្បាប់ស្តីពីលក្ខន្តិកៈមន្ត្រីរាជការនៃក្រុមនីតិប្បញ្ញត្តិ ជាដើម៕

ប្រធានCMA ៖”អាត្រាការប្រាក់១៨ភាគរយ រងផលប៉ះពាល់ដល់ផ្នែកគ្រឹះស្ថានមីក្រូហិរញ្ញវត្ថុនៅកម្ពុជាតែមិនបិទទ្វារ”

ភ្នំពេញ៖លោកឧកញ៉ា ហួត អៀងតុង ប្រធានសមាគមគ្រឹះស្ថានមីក្រូហិរញ្ញវត្ថុ បានអោយដឹងថា៖ ការទម្លាក់អត្រាការប្រាក់ យ៉ាងកំហុកនេះ ពិតជាមានការ ប៉ះពាល់ដល់ផ្នែកគ្រឹះស្ថានមីក្រូហិរញ្ញវត្ថុ។ ប៉ុន្តែបើទោះបីមានការរំពឹងថា ផលប៉ះពាល់នេះ មិនអាចឈាន ដល់ការបិទទ្វារអាជីវកម្មផ្នែកគ្រឹះស្ថានមីក្រូហិរញ្ញវត្ថុក៏ដោយ ក៏បណ្តាគ្រឹះស្ថាន នីមួយៗគេមានយុទ្ធសាស្ត្រ ក្នុងការពង្រឹងអាជីវកម្មរបស់ខ្លួន ផ្សេងៗគ្នា ដើម្បីទ្រទ្រង់មិនឱ្យអាជីវកម្មដួលរលំឡើយ។
លោកបានលើកឡើងនៅក្រោយ ធនាគារជាតិនៃកម្ពុជា កាលពីថ្ងៃទី១៣ ខែមីនា ឆ្នាំ២០១៧ បានសម្រេចទម្លាក់ អត្រាការប្រាក់ឥណទាន (កម្ចី) របស់គ្រឹះស្ថានមីក្រូហិរញ្ញវត្ថុទាំងអស់ នៅកម្ពុជា ពីជាង៣០ភាគរយ ក្នុងមួយឆ្នាំ មកនៅត្រឹម១៨ភាគរយប៉ុណ្ណោះក្នុង១ឆ្នាំ។
នេះបើតាមប្រកាសរបស់ធនាគារជាតិនៃកម្ពុជា៖”ការទម្លាក់អត្រាការប្រាក់នេះ ត្រូវបានធនគារជាតិ នៃកម្ពុជាអះអាងថា ដើម្បីរួមចំណែកគាំទ្រគោលនយោបាយ របស់រាជរដ្ឋាភិបាលក្នុងការការពារ ផលប្រយោជន៍ប្រជាពលរដ្ឋ ជាពិសេសប្រជាពលរដ្ឋក្រីក្រ ទប់ស្កាត់បំណុលវ័ណ្ឌក និងកាត់បន្ថយ ភាពក្រីក្រ ការពារអតិថិជនពីការគិតការ ប្រាក់អត្រាខ្ពស់ពេក ពីគ្រឹះស្ថានមីក្រូហិរញ្ញវត្ថុ និងជំរុញការប្រើប្រាស់ឥណទានឱ្យកាន់តែមានប្រសិទ្ធិភាពតាមរយៈការផ្ដល់ឥណទានពី គ្រឹះស្ថានមីក្រូហិរញ្ញវត្ថុដោយមានការប្រុងប្រយ័ត្នខ្ពស់ជាងមុន។
ប្រធានសមាគមគ្រឹះស្ថានមីក្រូហិរញ្ញវត្ថុបានប្រាប់អេគេភីថា៖” ប្រតិបត្តិករក្នុងវិស័យធនាគារ បានរៀបចំខ្លួនក្នុងការអនុវត្តអត្រាការប្រាក់ឥណទាន១៨ភាគរយ ក្នុងមួយឆ្នាំ តាមការណែនាំរបស់ធនាគារជាតិ ដើម្បីទប់ស្កាត់បំណុលវ័ណ្ឌក និងកាត់បន្ថយភាព ក្រីក្ររបស់ប្រជាពលរដ្ឋ”។
លោកបានបញ្ជាក់ឱ្យដឹងថា៖” ស្របពេលដែល ធនាគារឯកជនបានរៀបចំខ្លួន សម្រាប់អនុវត្តន៍ ការយកអត្រាការប្រាក់ ១៨ភាគរយ ក្នុងមួយឆ្នាំតាមការណែនាំរបស់ធនាគារជាតិនេះ ធនាគារ ឯកជនក៏មាន សំណូមពរបីចំណុចចំពោះរាជរដ្ឋាភិបាលផងដែរ ដោយបានស្នើឱ្យរាជរដ្ឋាភិបាល ពិចារណាឡើងវិញអំពីផលប៉ះពាល់ដល់អតិថិជន ដែលជាអ្នកប្រើប្រាស់សេវាកម្ម ខណៈពេលមុន ប្រជាពលរដ្ឋអាចទទួលបានឥណទានច្រើន ដោយភាពងាយស្រួលគ្រប់ទីកន្លែង ប៉ុន្តែបន្ទាប់ពីដាក់ កំហិតអត្រាការប្រាក់ក្នុង កម្រិតទាបនេះអាចមានផលប៉ះពាល់ដល់ពួកគាត់មួយចំនួន។
ចំណែកសំណូមពរទី២ គឺវិស័យធនាគារឯកជនបានស្នើឱ្យអាជ្ញាធរដែនដី គ្រប់លំដាប់ថ្នាក់ សហការគ្នាជាមួយគ្រឹះស្ថានមីក្រូហិរញ្ញវត្ថុឡើងវិញ ពីព្រោះវិស័យនីមួយៗត្រូវការការជួយជ្រោមជ្រែង ពីរាជរដ្ឋាភិបាលក៏ដូចជាអាជ្ញាធរដែនដីគ្រប់លំដាប់ថ្នាក់។
ចំណែកសំណូមពរទី៣គឺធនាគារឯកជនចង់ឱ្យរាជរដ្ឋាភិបាល ទទួលស្គាល់អំពីតួនាទី របស់ធនាគារ ឯកជនថា បានជួយច្រើនដល់ការអភិវឌ្ឍសេដ្ឋកិច្ច គ្រួសារនិងសេដ្ឋកិច្ចជាតិ។
សំណើនេះ បានធ្វើឡើងបន្ទាប់ ពីធនាគារជាតិ បានចេញសេចក្តីណែនាំឱ្យធនាគារឯកជន ត្រូវអនុវត្តន៍ការយកអត្រាការប្រាក់ ឥណទានមិនលើសពី១៨ភាគរយ ក្នុងមួយឆ្នាំ ដែលនឹងត្រូវឱ្យអនុវត្តន៍ចាប់ពីថ្ងៃទី១ ខែមេសា ខាងមុខនេះតទៅ.

កម្ពុជាមានមីក្រូចំនួន៥៩និងប្រាក់កម្ចី៣ពាន់លានដុល្លារឯអ្នកខ្ចីជិត២លាននាក់៕

អង្គការថៃចំណាយលុយជាង១២ម៉ឺនដុល្លារទិញដំរីខ្មែរ៤ក្បាល មកអភរិក្សនៅតំបន់ជំរកសត្វព្រៃគូលែន

ខេត្តឧត្តរមានជ័យ៖សត្វដំរីញីចំនួន៤ក្បាលនិងសត្វមួយចំនួនទៀតត្រូវបានអង្កការក្រៅរដ្ឋាភិបាលមួយឈ្មោះខាំបូឌា វ៉ាលឡាយហ្វសាំងជូរី(Cambodia Wildlife Sanctuary)ដែលមានប្រភពមកពីប្រទេសថៃប្រមូលនិងទិញពីតំបន់ផ្សេងៗយកមកអភិរក្សនិងបង្កាត់ពូជឡើងវិញនៅក្នុងតំបន់ជំរកសត្វព្រៃគូលែនព្រហ្មទេព(ព្រៃស្អាក)ស្ថិតនៅស្រុកអន្លង់វែង ខេត្តឧត្តរមានជ័យ  ខណៈប្រភេទសត្វដំរីមួយប្រភេទនេះកំពុងប្រឈមក្នុងការបាត់បង់ស្ទើរតែផុតពូជ ។

លោក ភួង លីណា ប្រធានមន្ទីរបរិស្ថាន ខេត្តឧត្តរមានជ័យបានអោយដឹងនៅថ្ងៃនេះថា៖” សត្វដំរីញីចំនួន ៤ក្បាលដែលទើបតែយកមកថែរក្សានៅតំបន់ព្រៃអភិរក្សជម្រកសត្វព្រៃគូលែនពហ្មទេពនេះ ទិញមកពីតំបន់ភាគឥសាន្តនៃប្រទេសកម្ពុជាគឺខេត្តរតនៈគីរីនិងខេត្តមណ្ឌុលគីរី មានបំណងលែងវាឲ្យចេះរស់នៅក្នុងព្រៃធម្មជាតិនៅទីនេះ ព្រមទាំងការពារវាឲ្យមានសុវត្ថិភាពតាមបែបធម្មជាតិផង និងគោលបំណងអភិរក្សដើម្បីវិស័យទេសចរណ៍នៅពេលខាងមុខ ។
តាមគម្រោងអង្គការក្រៅរដ្ឋាភិបាលមួយនេះនឹងទិញសត្វដំរីពីតំបន់ផ្សេងៗបន្ថែមទៀតដើម្បីយកមកអភិរក្សនៅតំបន់សត្វព្រៃឲ្យបានចំនួនច្រើនក្បាលនិងមានគម្រោងទិញដំរីឈ្មោលបន្ថែមទៀតផងដែរដើម្បីយកមកបង្កាត់ពូជ។តែបច្ចុប្បន្នមិនទាន់មានសត្វដំរីឈ្មោលយកមកបង្កាត់ពូជនៅឡើយទេ គឺដំរីចំនួន៤ក្បាលនេះសុទ្ធតែញីទាំងអស់ និងមានអាយុនីមួយទើបតែជាង២០ឆ្នាំប៉ុណ្ណោះ ។
លោកប្រធានមន្ទីបញ្ជាក់ដែរថា ៖”តាមគម្រោងរបស់អង្កការកំពុងដើរទិញសត្វដំរីជាច្រើនក្បាលបន្ថែមទៀត ដើម្បីយកមកអភិរក្ស ហើយអង្កការមួយនេះក៏បានចំណាយប្រាក់ទិញដំរី១ក្បាលៗតម្លៃជាងចំនួន ៣ម៉ឺនដុល្លារអាមេរិក ។ហើយព្រៃឈើនៅតំបន់អភិរក្សសត្វព្រៃគូលែនព្រហ្មទេព មានផ្ទៃដីព្រៃមួយចំនួនបានបាត់បង់និងត្រូវបានដាំដុះឡើងវិញដែរ ។ លោកថា៖” ទីតាំងព្រៃអភិរក្សនេះបច្ចុប្បន្នសម្បូរសត្វជាច្រើនប្រភេទចូលមករស់រួមមានសត្វខ្ទីង សត្វទន្សោង សត្វខ្លា និងសត្វស្វាផងដែរ”។
រំលឹកថា អង្គការ ខាំបូឌា វ៉ាលឡាយហ្វ សាំងជូរី (Cambodia Wildlife Sanctuary) មានបុគ្គលិកជនជាតិខ្មែរ និងថៃ ប្រមាណ ៦០នាក់ កំពុងបម្រើការងារអភិរក្សសត្វដំរីនេះ ព្រមទាំងមានទាហាន និងកងល្បាតជាសមត្ថកិច្ចប្រមាណ ១០នាក់ទៀតសម្រាប់ការពារសត្វព្រៃនិងការពារព្រៃឈើផង។ឯគម្រោងអង្កាករអភិរក្សសត្វដំរីនៅតំបន់ជម្រកសត្វព្រៃនេះ ក៏កំពុងស្វែងរកគ្រាប់ពូជឈើដើម្បីបណ្ដុះ និងដាំកូនឈើឡើងវិញនៅលើផ្ទៃដីជាង ៤.៣០០ហិកតា ៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

ព័ត៌មានជាតិ​ពេល​យប់​


អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

អាកាសចរណ៍

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2