vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

លោក អភិបាលខេត្ត លែងកូនត្រី ចំនួន ២០ ០០០ក្បាល ក្នុងត្រពាំងទំលាយ ខេត្តត្បូងឃ្មុំ

ខេត្តត្បូងឃ្មុំ៖ លោក អភិបាលខេត្តត្បូងឃ្មុំ បានសសើរដល់ប្រជាពលរដ្ឋនៅតំបន់ត្រពាំងទំលាយ ចេះរក្សាការពារ អភិរក្ស ត្រពាំងបូរាណនេះបាន ហើយលោកក៏បានប្រលែងកូនត្រី ឆ្ពិន ត្រីប្រា អន្ទង់ និងវារីសត្វផ្សេងៗ ចំនួន ២០ ០០០ ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងធម្មជាតិឲ្យកាន់តែសម្បូរច្រើនឡើងថែមទៀត ។

ធ្វើនៅព្រឹកថ្ងៃទី២០ ខែកក្កដា ឆ្នាំ២០១៧ ចំណុចត្រពាំងទំលាយស្ថិតក្នុងភូមិស្ទឹងតាថុក ឃុំចុងជាច ស្រុកតំបែរ ខេត្តត្បូងឃ្មុំ ។ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ បានបញ្ជាក់ឲ្យដឹងថា យើងបានផ្សព្វផ្សាយច្បាប់ស្តីពីជលផល និងលិខិតបទដ្ឋានដែលពាក់ព័ន្ធទៅនឹងការគ្រប់គ្រងវិស័យជលផល បានចំនួន៦វគ្គ ដែលមានអ្នកចូលរួមមាន ចំនួន១៤៦នាក់ ។

កន្លែងអភិរក្សជលផលមានចំនួន១កន្លែង ស្ថិតនៅចំណុចបឹងត្រែង ក្នុងភូមិយាយសរ ឃុំទន្លេបិទ ស្រុកត្បូងឃ្មុំ ទំហំ៥៦ហិចតា និងកន្លែងអភិរក្សត្រីសហគមន៍នេសាទមានចំនួន៩កន្លែង ។ ការងារអភិវឌ្ឍសហគមន៍នេសាទមានចំនួន១៥កន្លែង ដែលសហគមន៍នេសាទចំនួន៦ បានចុះបញ្ជីទទួលស្គាល់ពីក្រសួងកសិកម្ម រុក្ខាប្រមាញ់ និងនេសាទ និងផុតអាណត្តិចំនួន ១០សហគមន៍ ។

សហគមន៍នេសាទចំនួន៣ កំពុងរៀបចំឯកសារពាក់ព័ន្ធ សម្រាប់យកទៅចុះបញ្ជីនៅក្រសួងកសិកម្ម រក្ខាប្រមាញ់ និងនេសាទ ។ សហគមន៍ស្រះជម្រកត្រី ក្នុងខេត្ត សរុបមានចំនួន ១៣សហគមន៍ដែលស្ថិតក្នុងស្រុកតំបែបចំនួន៣ស្រះ ស្រុកអូរាំងឪចំនួន៤ស្រះ ស្រុកពញាក្រែកចំនួន១ស្រះ ក្រុងសួងចំនួន១ស្រះ ស្រុកត្បូងឃ្មុំចំនួន៣ស្រះ និងស្រុកក្រូចឆ្មារចំនួន១ស្រះ ។

លោក លី ឡេង អភិបាលនៃគណៈអភិបាលខេត្ត បានថ្លែងកោតសសើរដល់ប្រជាពលរដ្ឋ និងអជ្ញាធរនៅតំបន់នេះ ដែលបានចេះ ថែរក្សា ការពារ អភិរក្ស ត្រពាំងទំលាយនេះបានគង់វង្ស គឺដោយសារបងប្អូនប្រជាពលរដ្ឋរបស់យើង ចេះរួបរួម សាមគ្គីគ្នា ឯកភាពគ្នា មិនរំលោភចូលយកផ្ទៃត្រពាំងធ្វើជាកម្មសិទ្ធិ វាជារឿងល្អ គ្មានអ្នកណាខ្លាំងជាងប្រជាជនយើងជាម្ចាស់នោះទេ ។

សូមឲ្យអាជ្ញាធរ ភូមិ ឃុំ ប្រជាពលរដ្ឋទាំង៥ភូមិដែលរស់នៅជុំវិញត្រពាំងទំលាយនេះ កុំលក់ដូរ អភិវឌ្ឍ តំបន់នេះ វាអាចធ្វើឲ្យបាត់លក្ខណៈដើម ព្រោះត្រពាំងបូរាណនេះ យើងអាចយកទឹកស្រោចស្រពលើផ្ទៃដីកសិកម្មក្នុងតំបន់នេះបាន ជាងនេះទៀត ការប្រលែងកូនត្រី ចំនួន ២០ ០០០ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងត្រពាំងធម្មជាតិឲ្យកាន់តែសម្បូរច្រើនឡើងថែមទៀត ទុកជាប្រយោជន៍ដល់ប្រជាជន និងសហគមន៍ក្នុងតំបន់នេះផងដែរ ៕ សាន វិឡែម

 

សម្តេចហ៊ុន សែន ជួបកុមារឆ្នើមខាងគណិតវិទ្យាហ៊ឺ ទៀងគីមហុង

ភ្នំពេញ៖តាមបណ្ដាញសង្គមហ្វេសប៊ុកសម្ដេចហ៊ុនសែនប្រមុខរដ្ឋាភិបាលបានអោយដឹងថា៖នៅព្រឹកថ្ងៃទី ១៩ កក្កដា ឆ្នាំ២០១៧ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញជួប ចៅប្រុស ហ៊ឺ ទៀង គីមហុង អាយុ ៧ឆ្នាំ ឪពុក ម្ដាយក្រុមគ្រួសារ និងលោកគ្រូប្រចាំថ្នាក់របស់ គីមហុង ព្រមទាំងលោកគ្រូ ដែលបានធ្វើតេស្ត គីមហុង លើសមត្ថភាពគណិតវិទ្យាកន្លងមក។ សព្វថ្ងៃនេះ កុមារា គីមហុង កំពុងរៀននៅសាលាបឋមសិក្សាហ៊ុនសែនអនុវត្ត ដែលមានទីតាំងនៅភូមិ ៣ សង្កាត់រកាក្នុង ក្រុងដូនកែវ ខេត្ត តាកែវ។ ឪពុកម្តាយរបស់កុមារា គីមហុង សព្វថ្ងៃគឺកំពុងរស់នៅទីតាំងខាងលើនេះផងដែរ។ ការជួបជុំសំណេះសំណាលនេះគឺនៅភូមិគ្រឹះសម្តេចតេជោផ្ទាល់កាលពីព្រឹកមិញ។

កុមារា គីម ហុង គឺជាកុមារដែលមានសមត្ថភាពពិសេសយល់ដឹងលើភាសាខ្មែរ និងគណិតវិទ្យា។ គីមហុង មានសមត្ថភាពពិសេសចេះអានអក្សរ និងរៀបអក្សរខ្មែរ និងអក្សរឡាតាំងកាលពីអាយុជាង ២ឆ្នាំ។ អាយុបានពីរឆ្នាំកន្លះ កុមារ គីមហុង ចេះអានសារជូនពរសម្តេចតេជោ ហ៊ុន សែន បានយ៉ាងល្អ។

នៅក្នុងពេលអញ្ជើញជួបសំណេះសំណាលជាមួយចៅ គីមហុង សម្តេចតេជោ បានប្រគល់កំព្យូទ័អោយកុមារប្រើប្រាស់ស្រាវជ្រាវក្នុង Internet និងបានអោយចៅស្រីសម្តេច និយាយសន្ទនាជាភាសាអង់គ្លេសជាមួយគ្នាផងដែរ។ សម្តេចតេជោ ក៏បានប្រាប់អោយចៅ គីមហុង ស្រាវជ្រាវរកផែនទីកម្ពុជា និងទីតាំងមួយចំនួន ហើយវាស់ចំងាយរកចំនួនប្រវែងគីឡូម៉ែត្រ។ គីមហុង ធ្វើបានយ៉ាងល្អគួរអោយកោតសរសើរ។ ដោយសារកុមារនេះមានសមត្ថភាពពិសេស គឺសម្តេចតេជោ បានស្នើអាហារូបករណ៍ពិសេសពីសាលា Belti ដល់គីមហុងបានសិក្សាចំណេះដឹងទូទៅ។ គីមហុង អាចនឹងចាប់សិក្សាពីថ្នាក់ទី ៨ឡើងទៅ ប្រសិនបើសាលាធ្វើតេស្តសមត្ថភាពរួចហើយនោះ។ ទន្ទឹមនឹងនេះ គឺសម្តេចតេជោ បានស្នើអោយ លោក ដួង តារា ជំនួយការសម្តេចតេជោ នឹងក្រុមគ្រួសារពិភាក្សាគ្នាជាមួយក្រសួងអប់រំ យុវជន និងកីឡា ដើម្បីរកគ្រឹះស្ថានល្អដែលសមស្របទៅនឹងសមត្ថភាពពិសេសរបស់កុមារគីមហុង។ សម្តេចតេជោនាយករដ្ឋមន្រ្តីនឹងទទួលបន្ទុករាល់នូវការចំណាយក្នុងការសិក្សាសម្រាប់កុមារា គីម ហុង ទាំងស្រុង។

បន្ទាប់ពីបានសំណេះសំណាលជាមួយចៅប្រុស ក្រុមគ្រួសារ និងលោកគ្រូរួចមក សម្ដេចតេជោ ហ៊ុន សែន បានឧបត្ថម្ភនូវ កុំព្យូទ័រយួរដៃ ០១គ្រឿង iPad ០១ សម្រាប់សិក្សាស្រាវជ្រាវ និងកង់ ០១គ្រឿង សម្រាប់ចៅប្រុសធ្វើដំណើរទៅសាលា រួមនឹងថវិកាមួយចំនួនផងដែរ។

 សម្ដេចតេជោ ហ៊ុន សែន បានកោតសរសើរ ដល់ឪពុកម្ដាយ លោកគ្រូអ្នកគ្រូ ដែលបានខិតខំយកចិត្តទុកដាក់ចញ្ចឹមបីបាច់ថែរក្សា និងអប់រំបង្រៀនកុមារ ហ៊ឺ ទៀងគីមហុង ដែលទើបមានអាយុ ៧ ឆ្នាំ មានសមត្ថភាពធ្វើគណិតវិទ្យាថ្នាក់ទី ១២ បានយ៉ាងល្អ។ សម្តេចតេជោ នឹងឧបត្ថម្ភគ្រប់បែបយ៉ាង ដល់ការសិក្សារបស់ គីមហុង ដើម្បីទទួលបានជោគជ័យទៅថ្ងៃអនាគត។ គីមហុង គឺជាធនធានដ៏មានសារៈសំខាន់បំផុតសម្រាប់ប្រទេសកម្ពុជា៕

មន្ដ្រី⁠⁠⁠⁠⁠ខេត្តស៊ីសាកេត ប្រទេសថៃប្រគេនទៀនវស្សាដល់ព្រះសង្ឃចំនួ90វត្ត ក្នុងខេត្តឧត្តរមានជ័យ

ខេត្តឧត្តរមានជ័យ៖ ប្រជាពលរដ្ឋថៃដឹកនាំដោយអភិបាលរងខេត្តស៊ីសាកេត យកទៀនវស្សាចំនួន90គូរ ប្រគេនដល់ព្រសង្ឃទូទាំងខេតហតឧតហតរមានជ័យ ដើម្បីរឹតចំណងមេត្រីភាព អោយកាន់តែជិតស្និតរវាងប្រទេសទាំងពីរ ។ 

ឧត្តរមានជយ័៖ នារ ព្រឹកថ្ងៃទី12 ខែកក្កដា ឆ្នាំ២០១៧នេៈឯកឧត្តម យឹម ធិន ប្រធានក្រុម ប្រឹក្សាខេត្ត ឯកឧត្តម ឃិន ញ៉ាន អភិបាលរងខេត្តឧត្តរមានជយ័ដំណាងដ៍ខ្ពង់ខ្ពស់ឯកឧត្តម ស ថាវី អភិបាលនៃគណៈអភិបាលខេត្ដ និងថ្នាក់ដឹកនាំខេត្ត មន្ត្រីរាជការ ជាច្រើនរូប បានទទូលបដិសណ្ឋារកិច្ច ប្រជាពលរដ្ឋថៃចំនួន683នាក់ ធ្វើដំណើរដោយរថយន្ត82គ្រឿង ដឹកនាំដោយ ឯកឧត្តម សាន់ ទិថន យីមឡាមៃ អភិបាលរងខេត្តស៊ីសាកេត អមដំណើរដោយគណៈប្រតិភូជាច្រើនរូប បានដង្ហែរទៀនវស្សា និងផ្កាប្រាក់ដើម្បីរឹតចំណងសម្ពន័មេត្រីភាពប្រទេសអាស៊ានក្នុងវិសយ័ព្រៈពុធ្ធសាសនារវាងខេត្តស៊ីសាកេតនិងខេត្តឧត្តរមានជយ័ ដែលពិធីបុណ្យនេៈប្រារព្វនៅវត្តប្រា សាទសំរោងរាជា ស្ថិតនៅសង្កាត់សំរោង ក្រុងសំរោង ។ ទៀនវស្សាដែលអភិបាលរងខេត្តស៊ីសាកេតនាំយកមកថ្ងៃនេៈមានចំនួន90គូរប្រគេនព្រៈចៅអធិការវត្តចំនួន90វត្ត ទូទាំងខេត្តឧត្តរមានជយ័ ដោយក្នុងមួយវត្តទទូលបានទៀនវស្សាមួយគូ ថវិការ2000បាត ដោយឡែកវត្តប្រាសាទរាជាសំរោងទទូលបានបច្ចយ័សរុប ពីការដង្ហែផ្កាប្រាក់របស់ប្រតិភូខេត្តស៊ីសាកេត និងរួម ពុធ្ធ បរិសត័ អមគណៈប្រតិភូ លុយបាត257500បាត លុយខ្មែរ 6570000រៀ។ ឆ្លៀតក្នុងឱកាសនោៈ ឯកឧត្តម ឃិន ញ៉ានបានមាន ប្រសាសន៍ថាថ្ងៃនេៈខេត្តឧត្តរមានជយ័ពិតជាមានកិត្តិយសណាស់ដែលឯកឧត្តមអភិបាលរងខេត្តស៊ីសាកេតបានដឹកនាំគណៈប្រតិភូ រដង្ហែទៀនព្រៈវស្សានិងផ្កាប្រាក់ ដើម្បីរឹតចំណងសម្ពន័មេត្រីភាពប្រទេសអាស៊ាន ក្នុងវិសយ័ពុធ្ធសាសនារវាងខេត្តឧត្តរមានជយ័និងសីុសាកេត ហើយវាជាផ្នែកមួយនៃការបង្កើនកិច្ចសហប្រតិបត្តការទំនាក់ទំនងល្អរវាងខេត្តរឧត្តរមានជយ័ (កម្ពុជា) និងខេត្តស៊ីសាកេត (ថៃ) ក្នុងគោលបំណងបង្កើនទំនាក់ទំនង ផ្លាស់ប្តូរបទពិសោធ លើវប្បធម៌ ប្រពៃណី ទំនៀមទំលាប់ សេដ្ឋកិច្ច ពាណិជ្ជកម្ម និងទេសចរណ៍ ផងដែរ៕

ជនជាតិភាគតិចនៅខេត្តមណ្ឌលគិរីបន្ដប្រារព្ឋពិធីបុណ្យនិងការពារប្រពៃណី

ខេត្តមណ្ឌលគិរី៖ ទោះបីជាបច្ចុប្បន្នសង្គមកម្ពុជាមានការអភិវឌ្ឍន៍ជឿនលឿនលើគ្រប់វិស័យ ក្នុងនោះដែរជនជាតិដើមភាគតិច ភាគច្រើនក៏បានវិវឌ្ឍន៍ខ្លួនទៅតាមសម័យកាល ប៉ុន្តែទោះជាយ៉ាងណាជនជាតិដើមភាគតិចព្នងនៅខេត្តមណ្ឌលគិរី នៅតែ អាចរក្សាបាននូវទំនៀមទំលាប់វប្បធម៌របស់ខ្លួនយ៉ាងច្រើន ដោយពួកគេមិនធ្វើឲ្យប្រពៃណីរបស់ខ្លួនសាបសូន្យឡើយ ហើយរបាំកម្សាន្តរបស់ជនជាតិព្នង ដែលបានបន្សល់ទុកតាំងពីដូនតា ក៏នៅតែត្រូវបានពួកគេលើកយកមករាំកម្សាន្តក្នុង ការប្រារព្ធពិធីផ្សេងៗរបស់ពួកគេដែរ ។
​តំណាងសហគមន៍ជនជាតិដើមភាគតិចពូតាំង លោក វ៉ាន នី បានឲ្យដឹងថា៖ បច្ចុប្បន្ននេះរបាំប្រពៃណីរបស់ជន ជាតិព្នង គឺតែងតែបានប្រគុំធ្វើឡើងក្នុងពិធីបុណ្យផ្សេងៗ ដូចជាបុណ្យចូលឆ្នាំ ពិធីលាបំណន់ ពិធីបុណ្យភូមិ ឬពិធីការជា ដើម ហើយជាពិសេសនោះជនជាតិដើមភាគតិចព្នង ក៏បានសម្ដែងរបាំប្រពៃណីនេះសម្រាប់ឲ្យភ្ញៀវទេសចរណ៍ទស្សនាផង ដែរ ដែលអាចធ្វើឲ្យពួកគេអាចរកកម្រៃបានពីការសម្ដែងរបាំនេះថែមទៀតផង ។

តំណាងសហគមន៍ជនជាតិដើមភាគតិច បន្តថា ៖សម្រាប់ជនជាតិព្នងក្នុងខេត្តមណ្ឌលគិរី គឺមិនអាចធ្វើឲ្យរបាំប្រពៃណីរបស់ពួកគេទាំងនេះបាត់បង់ឡើយ ព្រោះវាជា អត្តសញ្ញាណរបស់ជនជាតិព្នង ដែលដូនតាបានបន្សល់ទុក ហើយពួកគេថែមទាំងអាចរកកម្រៃទ្រទ្រង់ជីវភាព ដោយការ សម្ដែងរបាំនេះទៀតផង ។
តំណាងសហគមន៍ជនជាតិដើមរូបនេះបានឲ្យដឹងទៀតថា៖ ការសម្ដែងរបាំប្រពៃណីរបស់ជនជាតិព្នងនេះ គឺដូនតា របស់ពួកគេចងក្រងឡើង ដើម្បីបង្ហាញអំពីសកម្មភាពនីមួយៗនៃការបង្កបង្កើនផលដំណាំកសិកម្ម និងការប្រមូលផល ហើយមុនការប្រគុំរបាំឡើង គឺសុទ្ធតែមានការសែនព្រេន ក្របី ជ្រូក មាន់ ទា ស្រាពាង ទៅដល់អារក្សអ្នកតា អារក្ស អ្នកតា ទៅតាមប្រភេទរបាំផ្សេងៗគ្នា ដើម្បីសុំសេចក្ដីសុខ និងសុំការអភ័យទោស ប្រសិនពួកគេសម្ដែងមានការខុសឆ្គង ។
​លោក វ៉ាន នី បានបញ្ជាក់ថា៖ របាំរបស់ជនជាតិដើមភាគតិចព្នងគឺមាន០៦ប្រភេទរបាំផ្សេងគ្នា មានដូចជា របាំដាំ ស្រូវ (ភាសាជនជាតិហៅថា ទូចប៉ា) របាំច្រូតស្រូវ (ភាសាជនជាតិហៅថា កាច់ប៉ា) របាំអ៊ុំស្រូវ (ភាសាជនជាតិហៅថា គុំប៉ា) របាំរាំឃ្មោះ (ភាសាជនជាតិហៅថា អន្ទចឹង) របាំបេះផ្លែឈើ (ភាសាជនជាតិហៅថា ប៉ិប្លាយឆី) និង របាំស្វាគមន៍ និងទទួលភ្ញៀវ (ភាសាជនជាតិហៅថា ណាវរនឺស ពូណាច) ។
តំណាងសហគមន៍ជនជាតិដើមភាគតិចបញ្ជាក់ទៀតថា ៖របាំទាំង០៦ប្រភេទនេះ គឺមានការសម្ដែងកាយវិការ និង អត្ថន័យផ្សេងគ្នា ដោយ របាំដាំស្រូវ គឺមានការសម្ដែងអំពីសកម្មភាពដាំស្រូវ របាំច្រូតស្រូវ គឺមានការសម្ដែងអំពីសកម្មភាព ច្រូតស្រូវ របាំអ៊ុំស្រូវ គឺមានការសម្ដែងអំពីសកម្មភាពបុកស្រូវដើម្បីឲ្យក្លាយទៅជាអង្ក របាំបេះផ្លែឈើ គឺមានការសម្ដែង បង្ហាយអំពីសកម្មភាពជនជាតិព្នងចូលព្រៃដើម្បីអាស្រ័យផលប្រចាំថ្ងៃ ដោយឡែក របាំស្វាគមន៍និងទទួលភ្ញៀវ គឺប្រគុំឡើង ដើម្បីទទួលភ្ញៀវឲ្យមើលកម្សាន្ត ហើយចំណែក របាំរាំឃ្មោះ គឺប្រគុំឡើងនៅពេលប្រមូលផលស្រូវរួចរាល់ ។
តំណាងសហគមន៍ជនជាតិបន្ថែមថា របាំទាំង០៦ប្រភេទនេះ នៅសម័យមុន ពោលគឺពីបូរាណកាលមក ត្រូវបាន គេប្រារព្ធ និងសម្ដែង​ ទៅតាមរដូវផ្សេងគ្នា ដោយក្នុងអំឡុងពេលរដូវដាំស្រូវគេតាំងធ្វើពិធីកម្សាន្តក្នុងភូមិ រាំរបាំដាំស្រូវ នៅពេលរដូវច្រូតស្រូវមកដល់ គេតែងរៀបចំពិធីកម្សាន្តក្នុងភូមិដែរ រាំរបាំច្រូតស្រូវ ចំណែក របាំរាំឃ្មោះ ត្រូវបានគេសម្ដែង នៅអឡុងពេលប្រមូលផលស្រូវរួចរាល់អស់នៅក្នុងភូមិ និងពិធីរៀបការ ហើយចំពោះ របាំស្វាគមន៍និងទទួលភ្ញៀវ របាំបេះ ផ្លែឈើ របាំអ៊ុំស្រូវ វិញនោះ ក៏ត្រូវបានសម្ដែងទៅតាមរដូវកាលដូចគ្នាដែរ ប៉ុន្តែមកទល់និងបច្ចុប្បន្នរបាំទាំងនេះ គឺត្រូវលើក យកមកសម្ដែងជារួមតែម្ដង ក្នុងពិធីបុណ្យនានា ឬការសម្ដែងសម្រាប់ភ្ញៀវទេសចរណ៍ទស្សនានោះ ពុំអាស្រ័យពេលវេលា ដូចពីបូរាណកាលមកឡើយ ។
ប្រធានមន្ទីរវប្បធម៌ និងវិចិត្រសិល្បះ លោក សី ទូច បានឲ្យដឹងថា៖កន្លងមកក៏ដូចជាបច្ចុប្បន្នមន្ទីរវប្បធម៌ក៏បាន យកចិត្តទុកដាក់ក្នុងការអភិរក្សរបាំរបស់ជនជាតិដើមភាគតិចព្នងនេះឲ្យបានល្អផងដែរ ហើយក្នុងពេលខាងមុខនេះមន្ទីរ វប្បធម៌និងវិចិត្រសិល្បះ ក៏នឹងរៀបចំឲ្យមានការប្រកួតប្រជែងយកជ័យលាភី ក្នុងការសម្ដែងរបាំទាំងនេះនៅតាមសហគមន៍ នានាក្នុងខេត្តមណ្ឌលគិរីដែរ ដើម្បីធ្វើឲ្យបងប្អូនជនជាតិដើមភាគតិច ងាកមកហាត់រាំរបាំទាំងនេះឲ្យកាន់តែច្រើនជាងនេះ មិនធ្វើឲ្យបាត់បងនៅថ្ងៃខាងមុខ ៕

អាជ្ញាធរក្រុងរៀបចំស្នើរដីកាកែសម្រួលស្លាកយ៉ីហោនៅតំបន់អគាបុរាណអភិរក្ស

ខេត្តបាត់ដំបង៖អាជ្ញាធរក្រុងបាត់ដំបងកំពុងរៀបចំដីការជាផ្លូវការមួយដើម្បីកែសម្រួលស្លាកយ៉ីហោផ្សាយពាណិជ្ជកម្មលក់ទំនិញនៅតំបន់សំណង់អគារបុរាណបេតិកភណ័វប្បធ៌ម។

លោក សៀង ឯមវួនស្ហី អភិបាលក្រុងបាត់ដំបងនៅថ្ងៃទី២៦ មិថុនានេះបានលើកឡើងថា កាលពីថ្មីៗនេះអង្គប្រឹក្សាសាលាក្រុងបានសម្រេចរួចរាល់ហើយក្នុងការបង្កើតឡើងនូវដីកាផ្លូវការមួយសម្រាប់ប្រើប្រាស់ក្នុងការរៀបចំកែសម្រួលស្លាកយ៉ីហោផ្សាយពាណិជ្ជកម្មលក់ទំនិញរបស់ម្ចាស់កម្មសិទ្ធសំណង់អគាដែលមានចំណាស់ជាង១០០ឆ្នាំនៅក្នុងក្រុងដែលគ្រោងចុះបញ្ជីដាក់ជាសម្បត្តិបេតិកភណ័ទេសចរណ៍។
ក្រោយពីការពិនិត្យទទួលសំណើរនិងមានការឯកភាពពីថ្នាក់ខេត្តដំណាក់កាលចុងក្រោយ អាជ្ញាធរក្រុងនិងចេញសេចក្តីណែនាំមួយដើម្បីជូនដំណឹងដល់ម្ចាស់កម្មសិទ្ធផ្ទះទាំង៨០០ទីតាំងតាមកិច្ចព្រមព្រៀងគ្នាអនុវត្តលើផែនការស្មើរភាពគ្នាមិនលំអៀង ដោយទុករយៈពេលមួយអោយបងប្អូនប្រជាពលរដ្ឋម្ចាស់លំនៅដ្ឋានដែលអភិរក្សបានរៀបចំកែសម្រួលតាមការកំណត់ទំហំ៤ម៉ែត្រការ៉េនៃស្លាកយ៉ីហោនីមួយៗ។
អភិបាលក្រុងបាត់ដំបងបានអោយដឹងដែរថា ចំពោះប្រជាពលរដ្ឋដែលមានស្មារតីចូលរួមក្នុងការកែសម្រួលស្លាកយ៉ីហោនេះគ្រាន់តែធ្វើសំណើរនៅការិយាល័យច្រកចេញ ចូលតែមួយដោយមិនគិតកម្រៃសេវា ក្រៅពីនេះនិងមានគោលការណ៍លើកទឹកចិត្តផ្តល់នូវបណ្ណ័សសើរឬលិខិតថ្លែងអំណរគុណជាដើម។
ការកែសម្រួលស្នាក​ផ្សាយ​ពាណិជ្ជកម្មរបស់​ពលរដ្ឋ ក្នុងរង្វង់តំបន់អភិរក្សបេតិកភណ័ខាងលើនេះ ធ្វើឡើងបន្ទាប់ពីម្ចាស់លំនៅដ្ឋានមួយចំនួនបានលើកស្លាកយ៉ីហោប្រណាំងប្រជែងគ្នា ខ្លះធំជាង ខ្ពស់ជាងនិងខ្លះធ្វើលយមកខាងមុខផ្ទះហួសគ្មានសណ្តាប់ធ្នាប់នាំអោយប៉ះពាល់សោភណ័ភាពនិងបាំងទ្រង់ទ្រាយតួផ្ទះ រចនាបទគ្រឿងលំអរនានានិងតួដំបូលផ្ទះផ្សេងទៀត។
គម្រោងសំណង់អគារបុរាណដែលរដ្ឋាភិបាលនិងអាជ្ញាធរខេត្តបានស្នើរសុំទៅកាន់អង្គការយូណេស្កូដើម្បចុះបញ្ជីសម្បត្តិ​បេតិភណ័ជាកម្មសិទ្ធរបស់ប្រជាជន អគាររបស់រដ្ឋផងដែរ ដែលមានទីតាំងនៅរាយប៉ាយនៅក្នុង​ក្រុង​បាត់ដំបងពិសេសនៅ​តាមបណ្តោយផ្លូវ​លេខ​១ ផ្លូវលេខ២និងផ្លូវ​លេខ​៣ រួមទាំងវត្ត​ពិភិ​ទ្ធារា​ម វត្ត​ដំរី​សរ វត្តសំរោងក្នុង អគារផ្សារធំថ្មីជាដើមសរុបចំនួន​៨០០កន្លែង។ ម្ចាស់សំណង់អគារកម្មសិទ្ធ​នីមួយនិងទទួលបានផលប្រយោជន៍មុនគេជាច្រើនតាមរយៈការលើកកម្ពស់វិស័យទេសចរណ៍ដោយទាក់ទាញភ្ញៀវជាតិ អន្តរជាតិបានច្រើនក្នុងការចូលមកទស្សនាកំសាន្តនិងស្នាក់នៅពិសេសបានផ្តល់ឱកាសការងារដល់ម្ចាស់ផ្ទះ ក៍ដូចជាប្រជាពលរដ្ឋទូទៅទៀតផង៕

 

អាជ្ញាធរជាតិអប្សរា៖សំណង់ខុសច្បាប់ត្រួូវរុះរើចេញប៉ះពាល់អវិជ្ជមានដ៏ធ្ងន់ធ្ងរដល់បេតិកភណ្ឌ

សៀមរាប៖ប្រជាពលរដ្ឋសាងសង់សំណង់ខុសច្បាប់នៅជិតប្រាសាទបន្ទាយក្តីស្ម័គ្រចិត្តរុះរើសំណង់ដោយខ្លួនឯងបន្ទាប់​ពី​អាជ្ញាធរជាតិអប្សរាចេញលិខិតជូនដំណឹងឲ្យធ្វើការរុះរើសំណង់ខុសច្បាប់ដែលបានសាងសង់ក្នុងកំឡុងពេលថ្ងៃទី២០ ខែឧសភា រហូតដល់ថ្ងៃទី២ ខែមិថុនា ឆ្នាំ២០១៧ ប្រជាពលរដ្ឋរស់នៅភូមិរហាល សង្កាត់នគរធំ ក្រុងសៀមរាបបានសម្រេចធ្វើការរុះរើសំណង់ខុសច្បាប់របស់ខ្លួនដោយស្ម័គ្រចិត្តនៅថ្ងៃទី១៩ ខែមិថុនា ឆ្នាំ២០១៧។នេះបើតាមការផ្សាយរបស់អាជ្ញាធរអប្សរា។

ការរុះរើដោយស្ម័គ្រចិត្តនេះបានធ្វើឡើងបន្ទាប់ពីក្រុមការងារចម្រុះដែលមានសមាសភាពមកពីអាជ្ញាធរជាតិអប្សរា រដ្ឋបាលខេត្តសៀមរាប នគរបាលការពារបេតិកភណ្ឌ រដ្ឋបាលក្រុងសៀមរាប និងអាជ្ញាធរភូមិឃុំ បានចុះមករំលឹកអំពីការរុះរើសំណង់ខុសច្បាប់់ទាំងនោះ និងពន្យល់ប្រជាពលរដ្ឋពីផលប៉ះពាល់អវិជ្ជមានដ៏ធ្ងន់ធ្ងរដល់បេតិកភណ្ឌ។
ជម្រាបជូនបងប្អូនប្រជាពលរដ្ឋនាពេលនោះ លោក ហុក ប៉េងសែ អគ្គនាយករងអាជ្ញាធរជាតិអប្សរា បានបញ្ជាក់ថាសំណង់ដែលត្រូវរុះរើពេលនេះសុទ្ធតែជាសំណង់ដែលពុំមានច្បាប់អនុញ្ញាតហើយប៉ះពាល់អវិជ្ជមានខ្លាំងដល់បេតិកភណ្ឌផ្ទាល់តែម្តង ជាពិសេសសំណង់ទាំងនេះស្ថិតនៅចំងាយប្រម៉ាណតែ៥០ម៉ែត្រពីកំពែងប្រាសាទប៉ុណ្ណោះ។ ហើយកន្លងមកអាជ្ញាធរជាតិអប្សរាបានធ្វើសេចក្តីជូនដំណឹងស្តីពីការរុះរើនេះរួចហើយដល់ម្ចាស់សំណង់ទាំងអស់ ដូច្នេះសូមឲ្យបងប្អូនប្រជាពលរដ្ឋសហការជាមួយកំលាំងចម្រុះដើម្បីចូលរួមថែរក្សាសម្បត្តិវប្បធម៌ដែលជាបេតិកភណ្ឌពិភពលោក។
លោក កែវ វុទ្ធី និង លោកស្រី អីុង សារ៉ាយ ជាម្ចាស់សំណង់ផ្ទះថ្ម ស្ថិតនៅចំងាយត្រឹមតែប្រមាណ៥០ម៉ែត្រពីកំពែងប្រាសាទបន្ទាយក្តី ដែលស្ម័គ្រចិត្តរុះរើដោយខ្លួនឯងបានទទួលស្គាល់ថាសំណង់របស់គាត់ពិតជាបានសាងសង់ខុសច្បាប់ពិតប្រាកដមែន ហើយយល់ព្រមរុះរើដោយគ្មានលក្ខខណ្ឌព្រោះថានេះជាកំហុសឆ្គងរបស់គាត់ដែលពុំបានសុំការអនុញ្ញាតច្បាប់សាងសង់ជាមុនពីអាជ្ញាធរអប្សរា។ ម្ចាស់សំណង់ក៏បញ្ជាក់ថាពិតជាបានបង្ករហានិភ័យដល់ប្រាសាទពិតប្រាកដមែន ហើយបានស្នើសុំឲ្យក្រុមការងារដឹកយកសម្ភារ:សំណង់របស់ពួកគាត់យកទៅរក្សាទុកនៅផ្ទះរបស់ម្តាយក្មេកដែលមានទីតាំងនៅភូមិតាត្រៃ ឃុំព្រះដាក់ ស្រុកបន្ទាយស្រី។
លោកមាស សាង និងលោកស្រី នន់ ប៊ុននី ជាម្ចាស់សំណង់ខុសច្បាប់មួយកន្លែងទៀតដែលបានរុះរើដោយស្ម័គ្រចិត្តដែរនោះបានបញ្ជាក់ពីការទទួលស្គាល់កំហុសរបស់ខ្លួនដោយបានធ្វើការរុះរើ និងយកចេញនូវសម្ភារ:រើរុះទាំងនោះពីទីតាំងសំណង់។ លោកស្រី នន់ ប៊ុននី បានបញ្ជាក់បន្ថែមថាគាត់បានត្រៀមខ្លួនរួចរាល់ហើយក្នុងការរុះរើនេះ ហើយគាត់បានចាប់ផ្តើមការរុះរើនេះតាំងពីថ្ងៃទី១៨ ខែមិថុនា ឆ្នាំ២០១៧មកម្ល៉េះ។ ដោយឡែកម្ចាស់តូបប្រក់ស័ង្កសីឈ្មោះ ធឿន ចន្ទ្រាដែលស្ថិតនៅក្បែគ្នាដែរនោះ ក៏ព្រមរុះរើចេញទៅវិញដែរ។
ថ្លែងក្នុងកំឡុងពេលប្រតិបត្តិការរុះរើ លោក សរ សម្បត្តិ អភិបាលរងក្រុងសៀមរាប បានលើកឡើងថាសកម្មភាពរបស់បងប្អូនដែលរុះរើដោយស្ម័គ្រចិត្តនាពេលនេះស្តែងឲ្យឃើញការភ្ញាក់រលឹកដោយចូលរួមសហការជាមួយអាជ្ញាធរអប្សរាក្នុងការលើកតម្លៃបេតិកភណ្ឌដែលជាមរតកដូនតានិងជាអត្តសញ្ញាណជាតិដ៏ថ្លៃថ្លា។
សូមបញ្ជាក់ថា នៅថ្ងៃទី៨ ខែមិថុនា ឆ្នាំ២០១៧ បន្ទាប់ពីសង្កេតឃើញថាសំណង់ និងដីចាក់បំពេញខុសច្បាប់ចំនួន៥២១ករណីបានសាងសង់និងចាក់ដីបំពេញក្នុងតំបន់រមណីយដ្ឋានអង្គរក្នុងចន្លោះថ្ងៃទី២០ ខែឧសភា រហូតដល់ថ្ងៃទី២០ ខែមិថុនា ឆ្នាំ២០១៧កន្លងមក អាជ្ញាធរជាតិអប្សរាបានចេញសេចក្តីជូនដំណឹងដល់គ្រប់ម្ចាស់សំណង់ទាំងអស់ឲ្យរុះរើនូវសំណង់ ដីចាក់បំពេញនោះចេញវិញក្នុងរយ:ពេលមួយសប្តាហ៍ ហើយប្រតិបត្តិការនេះនឹងបន្តទៅទីតាំងផ្សេងៗទៀត។ ក្នុងករណីពុំរុះរើចេញដោយខ្លួនឯងនោះទេ កំលាំងចម្រុះនឹងធ្វើការរុះរើដោយពុំទទួលស្គាល់នូវការខូចខាតនោះទេ៕

ចាប៉ីដងវែងខ្នាតយក្សត្រូវបានដង្ហែទៅរក្សាទុកនៅសាលាខេត្តបាត់ដំបង

សៀមរាប៖ចាប៉ីដងវែងខ្នាតយក្ស ដែលផលិតឡើងដោយអាជ្ញាធរជាតិអប្សរា ក្រោមការជ្រោមជ្រែងរបស់សហភាពសហព័ន្ធយុវជនកម្ពុជា ក្នុងឱកាសព្រឹត្តិការណ៍អង្គរសង្ក្រាន្តកន្លងទៅនេះ ត្រូវបានដង្ហែទៅរក្សាទុកក្នុងបរិវេណសាលាខេត្តបាត់ដំបង ក្នុងផ្ទះបុរាណសម័យលោកម្ចាស់ ឈុំ អភ័យវង្ស (កថាថន) និងបានធ្វើពិធីប្រគល់ជូនដោយជោគជ័យនៅព្រឹកថ្ងៃទី១៣ ខែមិថុនា ឆ្នាំ២០១៧នេះ។
ការសម្រេចដង្ហែចាប៉ីដងវែងខ្នាតយក្ស ដែលបានបំបែកឯតទគ្គកម្មថ្នាក់ជាតិកាលពីថ្ងៃទី១៤ ខែមេសា ឆ្នាំ២០១៧ ទៅរក្សាទុកនៅក្នុងខេត្តបាត់ដំបងនៅពេលនេះ ធ្វើឡើងក្រោមគំនិតផ្តួចផ្តើមរបស់លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការឯកភាពពីសំណាក់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជាស្របពេលដែលខេត្តបាត់ដំបង ក៏ជាខេត្តមួយដែលសម្បូណ៌ទៅដោយបេតិកភណ្ឌជាតិជាច្រើនផងដែរ។
លោកស្រី កែវ សុភាព ប្រធានមន្ទីរវប្បធម៌ និងវិចិត្រសិល្បៈខេត្តបាត់ដំបងមានប្រសាសន៍ថា ការទទួលបានចាប៉ីដងវែងខ្នាតយក្សនៅពេលនេះ គឺជាកិត្តិយសមួយដ៏ធំធេងរបស់ខេត្តបាត់ដំបង។ “ខ្ញុំពិតជារីករាយដែលខេត្តបាត់ដំបងបានទទួលចាប៉ីដងវែងដ៏ធំនេះ។ ចាប៉ីនឹងត្រូវដាក់ជូនបងប្អូនប្រជាពលរដ្ឋទូទៅចូលទស្សនាដើម្បីឲ្យពួកគាត់កាន់តែស្រឡាញ់កេរមរតករបស់ដូនតាយើង ហើយចូលរួមថែរក្សាឲ្យបានគង់វង្សតទៅ”។
ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងជាប្រធានគម្រោងភូមិខ្ញុំនៃព្រឹត្តិការណ៍អង្គរសង្ក្រាន្ត មានប្រសាសន៍ក្នុងឱកាសបង្ហាញចាប៉ីដងវែងដល់ថ្នាក់ដឹកនាំខេត្តបាត់ដំបង និងប្រតិភូនៃកិច្ចប្រជុំរដ្ឋមន្រ្តីទេសចរណ៍នៃកិច្ចសន្ទនាសហប្រតិបត្តិការអាស៊ីលើកទី២ ថា ការកសាងចាប៉ីដងវែងខ្នាតយក្សដាក់តាំងក្នុងព្រឹត្តិការណ៍អង្គរសង្ក្រាន្តកន្លងទៅនេះ គឺដើម្បីអបអរសាទរដែលចាប៉ីដងវែងរបស់កម្ពុជា ត្រូវបានអង្គការយូណេស្កូ សម្រេចដាក់បញ្ចូលបញ្ជីបេតិកភណ្ឌវប្បធម៌អរូបី នៅក្នុងកិច្ចប្រជុំរបស់អង្គការយូណេស្កូនាទីក្រុង Addis Ababa ប្រទេសអេត្យូពី នាថ្ងៃទី៣០ ខែវិច្ឆិកា ឆ្នាំ២០១៦។
ឯកឧត្តមបន្ថែមថា ការដង្ហែចាប៉ីដងវែងខ្នាតធំមករក្សាទុកក្នុងខេត្តបាត់ដំបងនេះ នឹងធ្វើឲ្យធ្វើប្រជាពលរដ្ឋកាន់តែច្រើនមានការចាប់អារម្មណ៍ ស្រឡាញ់ និងរួមចំណែកថែរក្សាបេតិកភណ្ឌនេះបានគង់វង្សយូរអង្វែង។ ជាមួយគ្នានេះ ឯកឧត្តមក៏បានថ្លែងអំណរគុណចំពោះថ្នាក់ដឹកនាំខេត្តបាត់ដំបង ក្រោមអធិបតីភាពឯកឧត្តម ច័ន្ទ សុផល និងប្រធានសហភាពសហព័ន្ធយុវជនកម្ពុជាឯកឧត្តម ស រដ្ឋា ដែលបានទទួលស្វាគមន៍យ៉ាងកក់ក្តៅ និងទទួលរក្សាទុកចាប៉ីដងវែងខ្នាតធំនេះក្នុងអាគារបុរាណដែលមានអាយុកាលជាង១០០ឆ្នាំ។
សូមបញ្ជាក់ថា ចាប៉ីដងវែងខ្នាតធំ ដែលបានដាក់តាំងបង្ហាញក្នុងបរិវេណភូមិខ្ញុំនៅថ្ងៃអង្គរសង្រ្កាន្ត និងបានដង្ហែមករក្សាទុកក្នុងខេត្តបាត់ដំបងនេះ មានប្រវែង១០ម៉ែត្រកន្លះ មានតួស្នូកទទឹងប្រវែង ២,២០ម៉ែត្រ បណ្តោយប្រវែង ២,៨០ម៉ែត្រ និងកម្រាស់ ៦០សង់ទីម៉ែត្រ។ ដងចាប៉ីដែលមានប្រវែង៧,៧០ម៉ែត្រ។ ចំណែកស្នូកធ្វើអំពីឈើកុំប្លាកេ និងខ្សែចាប៉ីធ្វើអំពីខ្សែជ័រទំហំ៨៥សង់ទីម៉ែត្រ។ ប្រលួតចំនួន៣ ដែលមានទំហំ ១៨សង់ទីម៉ែត្រ និងបណ្តោយប្រវែង១,០៥ម៉ែត្រ ត្រូវបានរចនាក្បូរក្បាច់យ៉ាងប្រណីត៕

គ្រួសារនាយករដ្ឋមន្ដ្រីសឹង្ហបុរីផ្ទះរឿងក្នុងគ្រូសារពាក់ព័ន្ឋនឹងផ្ទះកំណើតអតីតនាយករដ្ឋមន្ដ្រីលីក្វាន់យូ

សឹង្ហបុរី៖គ្រួសារនាយករដ្ឋមន្ដ្រីសឹង្ងបុរីផ្ទះរឿងមានទំនាស់គ្នារឿងផ្ទះកំណើតរបស់អតីតនាយករដ្ឋមន្ដ្រីលីក្វាន់យូនឹងបានបែកធ្លាយដល់អ្នកកាសែតនៅថ្ងៃនេះ។បងប្អួនប្រុសលោកនាយករដ្ឋមន្ដ្រីលីសានឡុងបានចោទលោកនាយករដ្ឋមន្ដ្រីលីសានឡុងថាបានប្រើអំណាចរដ្ឋបំភ័យនិងគៀបសង្កត់ពួកគេ។តាមបណ្ដាំលោកលីក្វាន់យូអោយកំទេចផ្ទះនោះចោលតែលោកនាយករដ្ឋមន្ដ្រីលីសានឡុងបានអោយរក្សាទុកសម្រាប់ពលរដ្ឋបានឃើញនិងរក្សាជាបេតិគភណ្ឌសម្រាប់ប្រទេស។ប្អូនប្រុសលោកលីសានឡុងបានទំនាស់នឹងផែននោះ។ជាមួួយគ្នានេះបងប្អូនលោកលីសានឡុងបានចោទថាលោកលីសានឡុងនិងគ្រួសារថាចង់អោយកូនប្រុសលោកលីសានឡុងឈ្មោះLi Hongyiឡើងកាន់តំណែងជានាយករដ្ឋមន្ដ្រីជំនួសលោកក្រោយលោកចោលនិវត្ដន៍។
ចំណែកនាយករដ្ឋមន្ដ្រីលីសានឡុងបានចេញសេចក្ដីប្រកាសថា៖ទាំងនោះជារឿងក្នុងគ្រួសារទេហេតុអីបានចំបាច់ផ្សាយអោយអ្នកកាសែតដឹងនិងបែករឿងវែងឆ្ងាយច្រើនម្លេះ៕

តំណាងអង្គការយូណេស្កូប្រចំានៅកម្ពុជាជំរុញឲ្យកម្ពុជាអភិរក្សនូវសម្បត្តិវប្បធម៌បែបប្រវត្តិ សាស្រ្តនិងបេតិកភណ្ឌ

សៀមរាប៖តំណាងអង្គការយូណេស្កូប្រចំានៅកម្ពុជាជំរុញឲ្យកម្ពុជាអភិរក្សនូវសម្បត្តិវប្បធម៌បែបប្រវត្តិ សាស្រ្តនិងបេតិកភណ្ឌឲ្យបានកាន់តែល្អប្រសើរពីព្រោះកម្ពុជាប្រទេសដែលសំបូរសម្បត្តិ បេតិកភណ្ឌដ៍អស្ចារ្យច្រើនជាងគេ។


ថ្លែងនៅក្នុងសន្និសីទអន្តរជាតិលើកទី១ស្តីពីទេសចរណ៍ប្រកបដោយនិរន្តរភាពនិងទីក្រុង បេតិកភណ្ឌនៅខេត្តសៀមរាបនៅព្រឹកថ្ងៃទី១៤ខែមិថុនានេះលោកស្រីAnne Lemaistre តំណាងអង្គការយូណេស្កូប្រចាំប្រទេសកម្ពុជាបានមានប្រាសាសន៍ថា ៖សម្បត្តិបេតិក ភណ្ឌនៃបណ្តាប្រទេសមួយចំនួនដែលបានដាក់ចូលនៅក្នុងអង្គការយូណេស្កូបានប្រឈម និងការដកចេញវិញ ហើយមួយចំនួនក៍បានដកវិញហើយដែរដោយសារតែការអភិរក្សនិងអនុវត្តច្បាប់នៃប្រទេសទំាងនោះមិនបានត្រឹមត្រូវតាមលក្ខខ័ណ្ឌ និងការណែនំារបស់អង្គការយូណេស្កូ។

 

 

ប៉ុន្តែសម្រាប់ប្រទេសកម្ពុជា គឺជាប្រទេសមួយដែលបានអនុវត្តបានល្អតាមការណែនំារបស់អង្គការយូណេស្កូដូចជាករណីនៅប្រាសាទភ្នំបាក់ខែង កន្លងមកគឺ អាជ្ញាធរអប្សរាបានបើកឲ្យភ្ញៀវទេសចរឡើងទៅទស្សនាប្រាសាទ និងថ្ងៃលិចដោយសេរី ដែលប្រឈម និងធ្វើឲ្យប៉ពាល់ដល់ប្រាសាទ ប៉ុន្តែបន្ទាប់មានការណែនំាពីICC Angkor អាជ្ញាធរអប្សរាបានកំណត់ឲ្យភ្ញៀវទេសចរទឡើងទៅទស្សនាប្រាសាទ និងថ្ងៃលិចត្រឹម តែ៣០០នាក់ប៉ុណ្ណោះក្នុងលើក ដែលនេះគឺជាការអភិរក្សមួយដ៍ល្អ។


លោកស្រី Anne Lemaistre ក៍បានជំរុញឲ្យកម្ពុជាអភិរក្សនូវសម្បត្តិវប្បធម៌បែបប្រវត្តិ សាស្រ្តនិងបេតិកភណ្ឌឲ្យបានកាន់តែល្អប្រសើរបន្ថែមទៀតពីព្រោះកម្ពុជាប្រទេសដែល សំបូរសម្បត្តិបេតិកភណ្ឌដ៍អស្ចារ្យច្រើនជាងគេ ដូចជានៅខេត្តបាត់ដំបងបន្ទាប់គណៈ ប្រតិភូបានចុះទៅទស្សនៈកិច្ចដោយផ្ទាល់ឃើញថា ខេត្តបាត់ដំបងមានសម្បត្តិវប្បធម៌ជា ច្រើនដែលត្រូវអភិរក្សឲ្យបានដូចជា អាគាររដ្ឋបាលខេត្ត សំណង់វត្ត ដែលមានអាយុ កាលរាប់រយឆ្នំារួមជាមួយសិល្បៈបែបប្រពៃណីទំនៀមទំលាប់ជាច្រើនទៀតនៅក្នុងតំបន់នោះ។


លោក ឯក ប៊ុនថា អគ្គនាយករងបច្ចេកទេសនៃក្រសួងវប្បធម៌បានមានប្រសាសន៍ថា ៖ជាការពិតណាស់ កម្ពុជាជាប្រទេសដែលសំបូរសម្បត្តិបេតិកភណ្ឌច្រើនទំាងផ្នែកវប្បធម៌ សំណង់ប្រវិត្តិសាស្រ្ត និងប្រាសាទបុរាណ។ហើយចំពោះការអភិរក្សសំណង់ប្រវិត្តិសាស្រ្ត នេះកម្ពុជាតែស្នើសុំដាក់បញ្ជូលទីក្រុងសំខាន់ៗចំនួនបីដែលមានសំណង់បែបប្រវិត្តិសាស្រ្តច្រើនជាទីក្រុងបេតិក ភណ្ឌផ្សាភ្ជាប់នឹងទេសចរណ៍ទៅបញ្ជីបេតិភណ្ឌរបស់អង្គការ យូណេស្កូក្នុងនោះមាន ក្រុងបាត់ដំបង ក្រុងកំពត និងក្រុងក្រចេះ៕

 

ប្រតិភូជាន់ខ្ពស់យូណេស្កូមកពី២២ប្រទេសទស្សនានិងស្វែងយល់អគារបុរាណក្រុងបាត់ដំបង

ខេត្តបាត់ដំបង៖ប្រតិភូជាន់ខ្ពស់របស់អង្កការយូណេស្កូប្រមាណជាង១០០នាក់មកពី២២ប្រទេសធ្វើទស្សនៈកិច្ចនិងស្វែងយល់ពីអគារបុរាណក្នុងក្រុងបាត់ដំបងដើម្បីជម្រុញជាសម្បត្តិបេតិកភ័ណ្ឌ។

នាខេត្តបាត់ដំបងថ្ងៃទី១៣ ខែមិថុនា ឆ្នាំ២០១៧ ក្នុងពិធីប្រជុំរដ្ឋមន្ត្រីទេសចរណ៍លើកទី២ក្នុងក្របខណ្ឌកិច្ចសន្ទនាសហប្រតិបត្តិការអាស៊ី ស្តីពីទេសចរណ៍ប្រកបដោយចីរភាពនិងទីក្រុងបេតិកភ័ណ្ឌ លោក ចន្ទ័ សុផល អភិបាលខេត្តបាត់ដំបងបានលើកឡើងថា៖" កិច្ចប្រជុំរដ្ឋមន្ត្រីទេសចរណ៍អាស៊ីនេះពិតជាមានសារះសំខាន់ណាស់ដើម្បីស្តាប់នូវបទបង្ហាញអំពីការងារអភិរក្សអគាបេតិកភ័ណ្ឌក្នុងគោលបំណងជម្រុញកំណើនទេសចរណ៍ដល់ខេត្តបាត់ដំបង"។

ពិសេសបានស្វែងយល់អំពីការរៀបចំអភិរក្សអគាបេតិកភ័ណ្ឌនៅក្នុងតំបន់ក្រុងបាត់ដំបងនិងអោយបានដឹងពីការងារពង្រីកបន្ថែមនូវឧស្សាហកម្មទេសចរណ៍ជាកម្លាំងចលករសម្រាប់ពង្រីកទីផ្សារទេសចរណ៍ពិភពលោក។
លោក ថុក សុខុម ប្រធាននាយកដ្ឋានសហប្រតិបត្តិការអន្តរជាតិនិងអាស៊ានបានអោយដឹងថា៖ តាមការពិនិត្យរតនះភ័ណអគាបុរាណដែលមានអាយុច្រើនជាង១០០ឆ្នាំ ជាគោលដៅទី២ក្នុងការទាក់ទាញភ្ញៀវបន្ទាប់គោលដៅទេសចរណ៍ទី១នាប្រាង្គប្រាសាទអង្គរវត្ត ទីក្រុងភ្នំពេញ តំបន់ឆ្នេរនិងតំបន់ភូមិភាគឥសាន្ត។ ខេត្តបាត់ដំបងមានសក្តានុពលប្រកបដោយភាពសំបូរបែប ទាំងវប្បធម៌ សាសនា តំបន់ទេសចរណ៍ធម្មជាតិ សំណង់អគាបុរាណនិងវប្បធ៌មទន់ រឹងផ្សេងៗទៀត។
ចំណែកលោកស្រីអាន ដឺមែស ប្រធានអង្គការយូណេស្កូប្រចាំប្រទេសកម្ពុជាបានអោយដឹងដែរថា ប្រតិភូទាំង២២ប្រទេសដែលមកបំពេញដំណើរទស្សនះកិច្ចពេលនេះ ពួកគាត់សុទ្ធតែបានយល់យ៉ាងច្បាស់លាស់នូវការថែរក្សាអភិរក្សបានល្អអំពីតម្លៃសម្បត្តិបេតិកភ័ណ្ឌពិភពលោក ។ ដូចគ្នាក្នុងនាមបងប្អូនជាប្រជាពលរដ្ឋក្នុងខេត្តបាត់ដំបង បើចង់ក្លាយទីក្រុងជាទីក្រុងបេតិកភ័ណ្ឌលុះត្រាតែមានការចូលរួមជាចំបងសិននោះទើបសម្រេចគោលបំណង។
បើតាមលោក ជុច ភឿន រដ្ឋលេខាធិការក្រសួងវប្បធ៌មនិងវិចិត្រសិល្បៈបានអោយដឹងបន្ថែមថា៖" សំណង់អគារមានអាយុរាប់រយឆ្នាំនិងល្បីល្បាញក្នុងខេត្តបាត់ដំបងមានជាច្រើនដូចជា ប្រាសាទបសេត ប្រាសាទស្នឹង ប្រាសាទឯកភ្នំ ប្រាសាទភ្នំបាណន់និងសំណង់អគារបស់រដ្ឋមានរួមទាំងវត្តអារាមនានាមានដូចជា ផ្សារធំ មន្ទីរប្រៃសណី ស្ថានីយ៍រថភ្លើង វត្តដំរីស វត្តទិភិធ វត្តកំផែង វត្តគរ វត្តស្លាកែត វត្តកណ្តឹង វត្តសោមនស្ស វិហារចិន ស្ពាន ផ្ទះល្វែងនិងអាគាសមាគមន៍ចិនជាដើម ដែលសម្បត្តិបេតិកភ័ណ្ឌទាំងនេះទាមទាអោយយើងមានផែនការអភិរក្សអោយបានច្បាស់លាស់ព្រោះវាមានលក្ខណៈបន្ស៊ីគ្នាល្អរវាងសំណង់អគារនីមួយៗ ហើយមានភាពខុសគ្នាច្រើនបើប្រៀបធៀបទៅនឹងអគានៅតាមបណ្តាខេត្តផ្សេងៗ ដែលវាជាអគារដែលមានរចនាបទកម្ររ ដូចនេះវាពិតជាមានតម្លៃបំផុត៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

ព័ត៌មានជាតិ​ពេល​យប់​


វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2