vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

វត្តទួលសំពៅស្ថិតនៅ ស្រុកកងមាស នឹងក្លាយជាកន្លែងទេសចរណ៍ក្រោយសាងសងវត្ដមានរាងជាសំពៅ

ខេត្តកំពង់ចាម៖វត្តទួលសំពៅស្ថិតនៅភូមិបឹងប្រលឹតឃុំរកាគយស្រុកកងមាសខេត្តកំពងចាមត្រូវបានប្រជាពលរដ្ឋចាប់អារម្ភយ៉ាងខ្លាំងព្រោះតំបន់ទួលសំពៅនេះអនាគត់នឹងក្លាយជាកន្លែងទេសចរណ៍។នៅថ្ងៃទី១៥ខែកញ្ញាឆ្នាំ២០១៧វត្តទួលសំពៅស្ថិតនៅភូមិបឹងប្រលឹតឃុំរកាគយស្រុកកងមាសខេត្តកំពងចាមត្រូវបានប្រជាពលរដ្ឋចាប់អារម្ភយ៉ាងខ្លាំងព្រោះតំបន់ទួលសំពៅនេះអនាគត់នឹងក្លាយជាកន្លែងទេសចរណ៍ ។
វត្តទួលសំពៅនេះដែរបើតាមលោកយាយម៉កហ៊ាន់អាយុ៦៣ឆ្នាំនៅភូមិកំពង់សំណាញ់ឃុំមានស្រុកព្រៃឈរខេត្តកំពង់ចាមដែលគាត់ជានាក់ថែរក្សានៅវត្តទួលសំពៅនេះគាត់និយាយប្រាប់ភ្នាក់ងារយើងថាបានគេហៅ ទួលសំពៅបឹងប្រលិតនេះកាល​ពីដើមក្នុងសតវត្សរ៍ជ័យវរន្ម័ទី៧មានឈ្មោះលោកតាចង្ក្រង់មាសលោកតាខ្មៅមុខលោកតាក្រហមកលោកយាយពៅគាត់ជិះសំពៅមកពីទិសខាងលិចហើយក្នុងសំពៅមានសម្ភារៈច្រើនហើយមានដំរីទៀតផងលុះមកដល់បឹងប្រលិតជាប់និងបឹងធំក៏លិចសំពៅតែម្តងគោលបំណងដែលលិចសំពៅនេះគឺដឹកសម្ភារយកមកកសាងនៅវត្តអង្គបាជ័យនៅស្រុកកំពង់​សៀម។
លោកយាយម៉កហ៊ាន់បន្តទៀតថាហេតុដែលគាត់មកធ្វើកុដិរូបសំពៅនេះគឺលោកយាយពៅចូលរូបគាត់ប្រាប់ថាមកកសាងសំពៅនៅកន្លែងបឹងប្រលិចទៅជីកដីមានឃើញវត្ថុអីផ្សេងៗហើយដល់គាត់មកកសាងនៅទីនោះជីកដីទៅក៏ឃើញមានឆ្អឹងដំរីឆ្អឹងមនុស្សនិងបំណែកសំពៅដែលបាក់បែកនៅទីនោះ។
ចំណែកផ្ទះតូចដែលនៅកណ្តាលបឹងនេះគឺគេដាក់រូបចំឡាក់របស់លោកយាយពៅដែលគាត់លិចសំពៅនៅទីនោះរូបចំឡាក់មេទ័ពឈរនៅជិតសំពៅនេះជាអង្គរក្សលោកតាចង្ក្រង់មាស ។លោកយាយម៉កហ៊ាន់បន្តទៀតថា៖គាត់រាល់ថ្ងៃនេះចេះទស្សទាយមើលរាសីមកពីលោកយាយពៅចូលរូបគាត់សព្វថ្ងៃនេះមានប្រជាពលរដ្ឋទៅលេងច្រើនជាពិសេសភ្ញៀវអន្តរជាតិក៏ទៅលេងទីនោះដែរ។ ចុងក្រោយលោកយាយម៉កហ៊ាន់សំណូមពរដល់សប្បុរស់ជនមេត្តាមកជួយកសាងសំពៅបង្ហើយផងឥឡូវកំពង់ខ្វះខាត៕ ម៉ែនសុវណ្ណ

អគ្គរាជទូតអង់គ្លេសនិងមន្ដ្រីស្ថានទូតចូលរួមពីធិកាន់បិណ្ឌទី៨នៅវត្តបទុមវត្តី

ភ្នំពេញ៖យោងសេចក្ដីប្រកាសរបស់ស្ថានទូតបានអោយដឹងថា៖កាលពីព្រឹកមិញនេះ លោកឯកអគ្គរាជទូតអង់គ្លេស Bill Longhurst ព្រមទាំងបុគ្គលិកនៃស្ថានទូតអង់គ្លេស មានសេចក្តីសោមនស្សរីករាយជាខ្លាំង ដោយបានចូលរួមពិធីបុណ្យដាក់បិណ្ឌ ​(បិណ្ឌ៨) ជាមួយព្រះសង្ឃ និងពុទ្ធបរិស័ទ នៅវត្តបទុមវត្តី ដែលជាវត្តនៅក្បែរនិវាសនដ្ឋារបស់លោកឯកអគ្គរាជទូត។ ឆ្លៀតក្នុងឱកាសនេះ យើងក៏សូមជូនពរដល់ប្រជាពលរដ្ឋកម្ពុជាទាំងអស់ សូមជួបប្រទះតែនឹងសេចក្តីសុខ សិរីសួស្តី និងសុវត្ថិភាព គ្រប់ក្រុមគ្រួសារ៕

 

ខ្សែភាពយន្តភាគខ្មែរដំបូងរបស់ទូរទស្សន៍ហង្សមាស នឹងចាក់បញ្ចាំងជាផ្លូវការចាប់ពីថ្ងៃទី៩ ខែតុលានេះតទៅ

ភ្នំពេញ៖ខ្សែភាពយន្តភាគខ្មែរដំបូងរបស់ទូរទស្សន៍ហង្សមាស នឹងចាក់បញ្ចាំងជាផ្លូវការចាប់ពីថ្ងៃទី៩ ខែតុលានេះតទៅ ដែលមានផ្សាយជូនទស្សនារយៈពេលបីថ្ងៃក្នុងមួយសប្តាហ៍ ពីថ្ងៃច័ន្ទដល់ថ្ងៃពុធ វេលាម៉ោង ៨-៩ យប់។

"សិសិររដូវក្នុងបេះដូង" គឺជាខ្សែភាពយន្ត បែបមនោសញ្ចេតនា ស្នេហាកំសត់ ដែលមានការចូលរួមសំដែងដោយ តារាចម្រៀងល្បីៗប្រចាំផលិតកម្មរស្មីហង្សមាស ដូចជា លោក ឆន សុវណ្ណរាជ កញ្ញា សុគន្ទ នីសា លោកហ្សូណូ លោក វង្ស តារា រតនា ព្រមជាមួយនឹង តារាដែលកំពុងមានប្រជាប្រិយភាពក្នុងស្រទាប់សិល្បៈ ជាច្រើនរូបផ្សេងទៀត។

ក្នុងពិធីសម្ពោធជាផ្លូវការនូវខ្សែភាពយន្តភាគដំបូងរបស់ក្រុមហ៊ុនហង្សមាស គឺរឿងសិសិររដូវក្នុងបេះដូង នៅផ្សារទំនើបអ៊ីអនម៉ល កាលពីយប់ថ្ងៃទី១៤នេះ លោក ខាំ ភូរី ជាអ្នកដឹកនាំសម្តែងខ្សែភាពយន្តភាគនេះ បានឲ្យដឹងថា ដើម្បីចូលរួមលើកស្ទួយវិស័យខ្សែភាពយន្តខ្មែរ ឲ្យមានគុណភាពខ្ពស់នោះ ក្រុមហ៊ុនហង្សមាស បានសម្រេចបោះទុនជាច្រើន ដើម្បីធ្វើការផលិតនូវខ្សែភាពយន្តភាគមួយ ដែលមានគុណភាពខ្ពស់ ទាំងការសម្តែង ការប្រើប្រាស់បច្ចេកទេស និងការជ្រើសរើសតួរសម្តែងជាដើម សុទ្ធសឹងតែឆ្លងកាត់ការសំរិតសំរាញ់យ៉ាងយកចិត្តទុកដាក់ពីក្រុមការងារផលិត និងក្រុមហ៊ុនផ្ទាល់។ ដូច្នេះ លោករំពឹងថា ខ្សែភាពយន្តមួយនេះ នឹងទទួលបានការគាំទ្រខ្លាំងពីសំណាក់ប្រជាពលរដ្ឋខ្មែរ ព្រោះជាក់ស្តែង ក្នុងរយៈពេល ដែលរឿងនេះ បានបញ្ចេញជាTrailer ខ្លីៗនោះ ឃើញថា មានការគាំទ្រច្រើនពីមហាជន ដែលកំពុងទន្ទឹងរងចាំតាមដានទស្សនា។
អ្នកដឹកនាំរឿងខាងលើបានបន្ថែមថា អ្វីដែលជាភាពលេចធ្លោនៃខ្សែភាពយន្តភាគមួយនេះ គឺ ទី១ មានការចូលរួមសម្តែងពីតារាល្បីៗ ដូចជាលោកឆន សុវណ្ណរា កញ្ញាសុគន្ធ នីសា និងលោកហ្សូណូ ទី២ ការប្រើប្រាស់បច្ចេកទេសថត និងការជ្រើសរើសទីតាំង និងទី៣ ខ្សែភាពយន្តនេះ គឺក្រុមហ៊ុនទិញសិទ្ធិផលិតពីរឿងភាគល្បីរបស់កូរ៉េ។
តួរឯកស្រី កញ្ញា សុគន្ទ នីសា ដែលសម្តែងជាតួរឈ្មោះ លីនី បានលើកឡើងថា កញ្ញាពិតជាមានអារម្មណ៍ រំភើបនឹងសប្បាយចិត្តជាច្រើន ដែលត្រូវបានក្រុមហ៊ុនជ្រើសរើស ឲ្យគ្រងតំណែងជាតួរឯកស្រីក្នុងខ្សែភាពយន្តដំបូងរបស់ស្ថានីយទូរទស្សន៍ហង្សមាស ។ កញ្ញាបន្តថា ដើម្បីឲ្យខ្សែភាពយន្តភាគខ្មែររបស់ស្ថានីយទទួលបានការគាំទ្រខ្លាំងនោះ ខ្លួន នឹងក្រុមការងារបានដាក់ចិត្ត សម្តែងអស់ពីបេះដូង ដើម្បីចង់ទទួលបាននូវលទ្ធផលល្អ ព្រោះនេះ ជាខ្សែភាពយន្តដំបូងរបស់កញ្ញាផ្ទាល់ ក៏ដូចជារបស់ស្ថានីយភាពដែរ។
ចំណែកតួរឯកប្រុស លោក ឆន សុវណ្ណរាជ ដែលសម្តែងជាតួរឈ្មោះ ចិត្រា បានឲ្យដឹងថា ដើម្បីផលិតបាននូវខ្សែភាពយន្តមួយនេះ លោក និងក្រុមការងារ បានជួបនូវការលំបាកជាច្រើន ការបែងចែកពេលវេលា ការធ្វើដំណើរផ្លូវឆ្ងាយជាដើម ព្រោះទីតាំងថតជ្រើសយកតំបន់ជាយៗប្រទេស ដូចជាខេត្តកោះកុង និងមណ្ឌលគីរីជាដើម។ ប៉ុន្តែទោះជាយ៉ាងណា លោកសង្ឃឹមថា ការខិតខំមួយនេះ នឹងទទួលបានការគាំទ្រខ្លាំងពីមហាជន។
ប្អូនស្រីម្នាក់ ដែលបានចូលរួមក្នុងការសម្ពោធខ្សែភាពយន្តនេះ បានសម្តែងការយល់ឃើញថា កញ្ញាគាំទ្រខ្លាំងណាស់ចំពោះវត្តមានសម្តែងរួមគ្នា រវាងតារាចម្រៀងល្បីៗរបស់ហង្សមាស ហើយខ្សែរឿងនេះ ទៀតសោត ទោះមិនទាន់បានទស្សនាទាំងមូល ក៏កញ្ញាបានគិតទុកហើយថា រឿងនេះ នឹងល្អមើល ព្រោះការបង្ហាញនៅឈុតខ្លីៗក្នុងរឿង គឺមានភាពទាក់ទាញ មិនចាញ់រឿងបរទេសឡើយ ជាពិសេសគរឿងលំនាំដើមរបស់កូរ៉េ។

គួរបញ្ជាក់ដែរថា ខ្សែភាពយន្តភាគខ្មែរដំបូងរបស់ទូរទស្សន៍ហង្សមាស សិសិររដូវក្នុងបេះដូងនេះ ត្រូវបានក្រុមហ៊ុនហង្សមាស ទិញសិទ្ធិផលិត ពីរឿងភាគកូរ៉េ ហើយបានប្រើរយៈពេលថតជិត១ឆ្នាំផងដែរ៕

 

 

 

មន្ដ្រីហាមការដាក់តាំងរូបបដិមាករមួួយអង្គលើឃឿនផ្លួវដើរ នៅក្រុងប៉ោយប៉ែត

ក្រុងប៉ោយប៉ែត៖រូបបដិមាករមួយអង្គត្រូវបានម្ចាស់ក្លឹបហាត់ប្រាណយីហោ (Kewin Fitness)យកដាក់តាំងឃឺន ត្រូវបានប្រធានការិយាល័យធម្មការនិងសាសនាក្រុងថាមិនត្រឹមត្រូវ។រូបបដិមាករមួួយអង្គត្រូវបានម្ចាស់ក្លឹបខាងលើយកមក​ដំកល់លើ​ឃឿន​នៅចំណុចចុងស្រល់កាស៊ីណូ នៅភូមិក្បាលស្ពាន១ សង្កាត់និងក្រុងប៉ោយប៉ែត ដោយគ្មានបល័ង្គ ឬដាក់ស្មើនិងជើងមនុស្សដើរ ត្រូវបានមហាជនរិះគន់យ៉ាងខ្លាំងទៅលើម្ចាស់ក្លឹប។

ប្រជាពលរដ្ឋធ្វើដំណើរឆ្លងកាត់បានរិះគន់ថាការដាក់រូបសំណាក់ព្រះពុទ្ធរូបគ្មានបល័ង្គ ហើយដាក់ស្មើជើងមនុស្សដើររបៀបនេះ ជាការប្រមាណមើលងាយសាសនា មិនអាចទទួលយកបានឡើយ។ពលរដ្ឋបានសំណូមពរដល់លោក ស៊ាង សេងហុក ប្រធានការិល័យធម្មការនិងសាសនាក្រុងប៉ោយប៉ែត និងលោក យ៉ិន យឿន ប្រធានមន្ទីរធម្មការ និង សាសនាខេត្ត ត្រូវមានវិធានការចំពោះម្ចាស់ក្លឹបដែលគេស្គាល់ឈ្មោះថា (KEWIN) ជាជនបរទេស អោយរៀបចំរូបសំណាក់ព្រះពុទ្ធរូបដែលប្រជាជនខ្មែរគោរពបូរជាអោយបានសមរម្យ។

លោកស៊ាង សេងហុក ប្រធានការិយាល័យធម្មការ និងសាសនាក្រុងប៉ោយប៉ែត បានចុះមកត្រួតពិនិត្យដល់កន្លែងផ្ទាល់ និងបានប្រាប់អ្នកសារព័ត៌មានថា ការយកព្រះពុទ្ធរូបយកតំកល់របៀបនេះគឺមិនត្រឹមត្រូវទេ លោកនិងធ្វើរបាយការជូនទៅថ្នាក់លើ៕ប៊ុនថន

 

 

សិល្បៈករសិល្បការិនីបង្ហាញពីក្តីបារម្ភនៃលំហូរចូលវប្បធម៌បរទេសអាចទាក់ ទាញទឹកចិត្តយុវវ័យ ឲ្យភ្លេចកេរ្តិ៍ដំណែលខ្មែរ

 

ភ្នំពេញ៖សិល្បៈករ សិល្បការិនី បានបង្ហាញពីក្តីបារម្ភនៃលំហូរចូលនៃវប្បធម៌បរទេស អាចទាក់ទាញទឹកចិត្តយុវវ័យឲ្យភ្លេចកេរ្តិ៍ដំណែលខ្មែរ ភ្លេចក្បួនខ្នាត ទំនៀមទម្លាប់ ប្រពៃណី ភ្លេចតម្លៃមរតកដែលយើងមានតាំងពីដូនតា ។
នៅក្នុងពិធីសំដែងទស្សនីយភាពរឿងមហាវេស្សន្តរជាតក ដើម្បីរម្លឹកខួបទី៤៩ឆ្នាំនៃការចូលទិវង្គត សម្ដេចព្រះសង្ឃរាជ ជួន ណាត ព្រះបិតាអក្សរសាស្រ្តខ្មែរនៅ សាលសន្នសីទចតុមុខ នារសៀលថ្ងៃ៩ កញ្ញា នេះ តំណាងសិល្បៈករ សិល្បការិនី មានក្តីបារម្ភថា បើយុវជនជំនាន់ក្រោយទៅស្រវាចាប់យកវប្បធម៌បរទេសមករក្សាប្រតិបត្តិ នឹងធ្វើឲ្យបាត់បង់វប្បធម៌ ព្រលឹងជាតិ ស្មើនឹងបំផ្លាញដំណែលដូនតាដោយមិនដឹងខ្លួន។
តំណាងសិល្បៈករ សិល្បការិនីទាំងអស់ បានស្នើឲ្យបងប្អូនប្រជាពលរដ្ឋគ្រប់វ័យគ្រប់មជ្ឈដ្ឋាន ប្រកាន់យកការអភិរក្ស និងអភិវឌ្ឍ“បុរាណមិនយឺត សម័យមិនបរទេស” ដែលជាប្រសាសន៍ព្រឹទ្ធាចារ្យទេពកោសល្យបញ្ញាវិទ្យា ឆេង ផុន ដើម្បីរួមគ្នាលើកតម្កើង ថែរលក្សា ការពារនូវកេរ្តិ៍តំណែលវប្បធម៌ជាតិឲ្យបានស្ថិតស្ថេរ គង់វង្ស។
តំណាងសិល្បករសិល្បការនី រំពឹងថាទស្សនីយភាពដែលកើតឡើងដោយកម្លាំងសាមគ្គីនៃមរតកមនុស្សរស់ និងក្លាយជាប្រយោជន៍សម្រាប់កូនខ្មែរជាយុវសិល្បករជំនាន់ក្រោយ ជាអ្នកបន្តវេនអភិរក្សមរតកវប្បធម៌ដូនតាដ៏មានតម្លៃមិនអាចប្រៀបផ្ទឹមបាននេះទុកជាគតិមុននឹងធ្វើការអភិវឌ្ឍបង្កើតនិម្មិតកម្មថ្មីដោយមិនភ្លេចពីប្រភពដើមកំណើតនៃមូលដ្ឋានគ្រឹះ ទើបយើងមិនបាត់បង់អត្តសញ្ញាណជាតិ។
បន្ទាប់ពីបានទស្សនានូវទស្សនីយភាពសិល្បះរឿងមហាវេស្សន្តរជាតកនេះរួច ប្រមុខរាជរដ្ឋាភិបាលកម្ពុជា សម្ដេចតេជោហ៊ុន សែនបានបង្ហាញពីមោទនភាពជាមួយ សិល្បករសិល្បះករីនីទាំង៥ជំនាន់ ដែលបានរៀបចំនូវកម្មវិធីសំដែងដ៍ល្អនេះ សម្រាប់ជាមរតក របស់ជាតិ ដែលតម្រូវឲ្យយើងទាំងអស់គ្នារួមថែរក្សាឲ្យបានគង់វង្ស។
សូមបញ្ជាក់ថាទស្សនីយភាពសិល្បះនេះកើតឡើងដោយ ក្រុមសិល្បៈករ សិល្បការនី ដែលជាលោកគ្រូ អ្នកគ្រូ អតីតសិល្បករជំនាន់មុននិងបច្ចុប្បន្ន ប្រាំជំនាន់រួមគ្នាធ្វើឲ្យរស់ឡើងវិញនូវទស្សនីយភាពវប្បធម៌ ដ៍ចំណាស់មួយនេះដើម្បីរក្សាជាមរតកដោយបានផ្ដើមគំនិត ប្រមូលគ្នារួមសម្ដែងរឿងមហាវេស្សន្តរជាតកឡើង។
ទស្សនីយភាពសិល្បះនេះ ដើម្បីទុក ជាការឧទ្ទិសរម្លឹកនូវព្រះគុណូបការៈដល់បុព្វ បុរស ប្រាជ្ញព្រឹទ្ធបណ្ឌិតសិល្បៈ ដែលលោក ជាអ្នកមានគុណ ជាគ្រូ មានអង្គសម្ដេចព្រះមហាក្សត្រិយានី ស៊ីសុវត្ថិកុសុមនារីរ័ត្នសិរីវឌ្ឍនា ព្រះមាតាសិល្បៈជាតិខ្មែរ ព្រះហរទ័យប្រោសមេត្តា បង្ហាត់បង្រៀនដល់គ្រូបានជាច្រើនជំនាន់ ឲ្យអភិរក្សកេរ្តិ៍មរតកវិសេស វិ សាលនេះរហូតមក៕

 

ពលរដ្ឋរីករាយក្នុងរដូវកាន់បិណ្ឌនៃបុណ្យភ្ជុំបិណ្ឌដោយសារប្រទេសមានសុខសន្តិភាព

ខេត្តកំពង់ឆ្នាំង៖ រដូវកាន់បិណ្ឌចំនួន១៤ថ្ងៃ នៃពិធីបុណ្យភ្ជុំបិណ្ឌដែលជាប្រពៃណីរបស់ជាតិបានមកដល់ហើយ នៅថ្ងៃទី០៦ ខែកញ្ញា ឆ្នាំ២០១៧ ត្រូវនិងថ្ងៃ១រោច ខែភទ្របទ ដែលជាបិណ្ឌទី១នេះ គេសង្កេតឃើញប្រជាពលរដ្ឋខ្មែរជាអ្នកកាន់ព្រះពុទ្ធសាសនា នៅគ្រប់មូលដ្ឋានបាននាំក្រុមគ្រួសារ និងសាច់ញាតិធ្វើម្ហូបអាហារ នំចំណី ទៅវត្ត ប័ង្សុកូល រាប់បាត ប្រគេនចង្ហាន់ព្រះសង្ឃ ដើម្បីឧទ្ទិសមគ្គផលជូនអ្នកមានគុណ និងសុំមកវិញនូវពរជ័យនិងសេចក្តីសុខ សេចក្តីចំរើនដល់កូនចៅគ្រប់ៗរូបដែលកំពុងមានជីវិតរស់នៅយ៉ាងសប្បាយរីរាយ ដែលនេះក៏ដោយសារតែប្រទេសជាតិមានសុខសន្តិភាព ។

ជាក់ស្តែងនៅក្នុងថ្ងៃកាន់បិណ្ឌទី១នេះដែរ នៅក្នុងវត្តអណ្តូងស្នាយ ស្ថិតនៅក្នុងភូមិអណ្តូងស្នាយ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង គេសង្កេតឃើញប្រជាពលរដ្ឋនិមន្តព្រះសង្ឃសូត្រមន្តប័ង្សុកូល នៅតាមចេតីយដូនតារបស់ខ្លួននៅក្នុងវត្ត ដើម្បីឧទ្ទិសផល្លានិសង្ឃមិងមគ្គផលជូនអ្នកមានគុណនិងញាតិការទាំង៧សន្តានរបស់ខ្លួន ។ ចំណែកនៅសាលាឆាន់ក្នុងវត្តវិញ គេពិនិត្យឃើញមានពុទ្ធបរិស័ទសរុបប្រមា ណជាង៧០នាក់បាននាំគ្នារាប់បាត ចូលបច្ច័យនៅតាមភ្នំខ្សាច់ ចូលបច្ច័យជាមួយព្រះសង្ឃ ជាមួយគណៈកម្មការអាចារ្យវត្ត ទៅតាមសទ្ធាជ្រះថ្លារបស់ខ្លួន ហើយប្រជាពលរដ្ឋមួយចំនួនទៀត ក៏បាននាំគ្នារៀបចំម្ហូបអាហារ នំចំណីតាមថាសទុកប្រគេនព្រះសង្ឃទៅតាមទំនៀមទម្លាប់ផងដែរ ។
នៅក្នុងពិធីបុណ្យកាន់បិណ្ឌនេះដែរ គណៈកម្មការអាចារ្យវត្ត និងព្រះសង្ឃក៏បានដឹកនាំពុទ្ធបរិស័ទសូត្រធម៌ សុំសីល សូត្រមន្តប័ង្សុកូល វេប្រគេនចង្ហាន់ព្រះសង្ឃ តាមលំដាប់លំដោយនៃកម្មវិធី និងទំនៀមទម្លាប់នៃព្រះពុទ្ធសាសនា ដែលជាសាសនារបស់ជាតិ ។

នៅក្ន្ងងបុណ្យកាន់បិណ្ឌទី១នេះ លោកប្រធានគណៈកម្មការវត្តអណ្តូងស្នាយបានប្រកាសអោយពុទ្ធបរិស័ទដឹង ថា៖ នៅក្នុងវេនបិណ្ឌទី១នេះ បច្ច័យរបស់អ្នកភូមិជាម្ចាស់វេនទី១សរុបមានចំនួន ជាង១លាន១៥ម៉ឺនរៀល ចំណែកចំណូលរបស់ពុទ្ធបរិស័ទដែលមកចូលរួមក្នុងបិណ្ឌទី១នេះមានសរុបជាង៦៤ម៉ឺនរៀល ដកចំណាយលើចង្ហាន់ព្រះសង្ឃ១៦អង្គគង់ក្នុងវត្ត និងចំណាយផ្សេងៗទៅ គឺនៅសល់ថវិកាសំរាប់កសាងវត្ត ចំនួនជាង៦៤ម៉ឺនរៀល តែប៉ុណ្ណោះ ។ ចំណែកបច្ច័យចំណូលនៅក្នុងបុណ្យកាន់បិណ្ឌទាំង១៤ថ្ងៃបូកនិងថ្ងៃបិណ្ឌទី១៥ ជាថ្ងៃបុណ្យភ្ជុំបិណ្ឌធំ គណៈកម្មការវត្តបានឯកភាពគ្នាយកទៅកសាងផ្លូវបេតុង១ខ្សែពីមុខវត្តទៅផ្លូវជាប់ផ្សារព្រៃខ្មែរ ដែលមានបណ្តោយប្រវែង២២៦ម និងទទឹង៦ម ដែលមានគម្រោងចំណាយថវិកាសរុបចំនួន៤ម៉ឺនដុល្លា គឺតម្លៃកសាងក្នុង១ម៉ែត្រការ៉េថ្លៃ៣៩ដុល្លា ។
ដោយឡែកក្នុងការកសាងផ្លូវបេតុងខាងលើនេះ ឯកឧត្តម អ៊ុក រ៉ាប៊ុន បានសន្យាថានឹងជួយឧបត្ថម្ភស៊ីម៉ង់ចំនួន១០តោន និងជួយគ្រឿងចក្រមកជួយកសាងផ្លូវនេះ ហេតុនេះនៅខ្វះខាតថវិកាជាច្រើនទៀត ដែលសង្ឃឹមថា ពុទ្ធបរិស័ទទាំងអស់ដែលមកកាន់វេនបិណ្ឌ និងចូលរួមក្នុងថ្ងៃកាន់បិណ្ឌ ពិតជាមានសទ្ធាជ្រះថ្លាចូលបច្ច័យកសាងផ្លូវបេតុងខាងលើនេះបានច្រើនថែមទៀត ។
ប្រជាពលរដ្ឋដែលបានមកធ្វើបុណ្យកាន់បិណ្ឌនេះបាននិយាយអោយដឹងថា៖ ពួកគាត់ពិតជាមានមោទនះភាពណាស់ នៅពេលបានមកធ្វើបុណ្យកាន់បិណ្ឌជាប្រពៃណីជាតិដោយក្តីសប្បាយបែបនេះ ដែ លនេះគឺផ្តើមចេញមកពីការដឹកនាំដ៏ត្រឹមត្រូវ និងឈ្លាសវៃរបស់សម្តេច ហ៊ុន សែន ប្រមុខរាជរដ្ឋាភិបាល លកម្ពុជា ដែលប្រជាពលរដ្ឋពិតជាគាំទ្រអោយសម្តេចដឹកនាំប្រទេសជាបន្តនៅអាណត្តិក្រោយៗទៀត៕ ( ឈៀង ថារិទ្ធ )

 

ពលរដ្ឋខ្មែរទូទាំងប្រទេសចាប់ផ្ដើមប្រារព្ឋពិធីដាក់បិណ្ឌតាមប្រពៃណី

ភ្នំពេញ៖ពលរដ្ឋខ្មែរទូទាំងប្រទេសជាអ្នកកាន់ព្រះពុទ្ឋសាសនាភាគច្រើនបាននាំគ្នាចាប់ផ្ដើមប្រារព្ឋពិធីដាក់បិណ្ឌតាមប្រពៃណី។ក្នុងឱកាសបុណ្យ កាន់បិណ្ឌ និងភ្ជុំបិណ្ឌ នឹងប្រព្រឹត្តពីថ្ងៃ១រោជ ដល់ថ្ងៃ១៥រោជ ខែភទ្របទ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ០៦ ដល់ថ្ងៃទី ២០ ខែកញ្ញា គ.ស២០១៧ ៕

ប្រវត្ដិកាន់បិណ្ឌ និងភ្ជុំបិណ្ឌ

បុណ្យ​ភ្ជុំបិណ្ឌ​ ជាពិធីបុណ្យមួយ ក្នុងចំណោមពិធីបុណ្យធំៗដទៃទៀតនៃ រាជពិធីទា្វរទសមាស។ នៅក្នុងរាជ្យព្រះបាទអង្គឌួង ទ្រង់ដើម្បីលើកទឹកចិត្តដល់​កងទ័ពដែល​បាន​ច្បាំង​ឈ្នះ​ត្រឡប់​មកវិញ ព្រះអង្គ​ក៏​បង្កើត​បុណ្យ​ភ្ជុំបិណ្ឌ​នេះ​ឡើង អាស្រ័យនឹងប្រវត្តិរឿង​ក្នុងព្រះពុទ្ធសាសនា​។ ប្រជាជនកម្ពុជា នាំគ្នាប្រារព្ធពិធីបុណ្យនេះ​​មិនដែល​អាក់ខាន​ឡើយ គឺចាប់ពីថៃ្ង ១រោច ខែភទ្របទ រហូតដល់ថៃ្ងទី ១៥រោច មាន​រយៈ​ពេល ១៥ថៃ្ង ដែលយើងហៅថាបិណ្ឌ1, បិណ្ឌ2 ... និងថៃ្ងបញ្ចប់ គឺជា ថៃ្ង "ភ្ជុំបិណ្ឌ"។ បុណ្យ​ភ្ជុំបិណ្ឌ ត្រូវបានធ្វើឡើងតាមបែប​ព្រះពុទ្ធសាសនា។​

ជា​រៀងរាល់​ឆ្នាំ​ នៅ​ពេល​ដល់​ថ្ងៃ​ខែ​ដែល​ត្រូវ​ប្រារព្ធ​ពិធី​បុណ្យ​ភ្ជុំបិណ្ឌ​ គ្រប់​បងប្អូន​កូន​ចៅ​ សាច់​ញាតិ​សន្ដាន​ទាំងអស់​ ទោះ​នៅ​ទី​ជិត​ ឬ​ទី​ឆ្ងាយ​ តែង​តែ​ធ្វើ​ដំណើរ​ទៅ​ជួប​ជុំ​គ្នា​ ជា​ពិសេស​ឪពុក​ម្ដាយ​ ដើម្បី​រៀបចំ​ម្ហូប​អាហារ​ បាយ​សម្ល​ ចង្ហាន់​យក​ទៅ​ប្រគេន​ព្រះសង្ឃ​ដែល​គង់​នៅ​វត្ត​អារាម។​

ពាក្យថា "ភ្ជុំបិណ្ឌ" មកពីពាក្យ "ភ្ជុំ" រួមគ្នាជាមួយពាក្យ "បិណ្ឌ" ដែលមានន័យថា : ភ្ជុំគឺការប្រមូលផ្តុំ ឬប្រជុំបិណ្ឌ (មកពីភាសាបាលី) "ដុំបាយ" ដូចេ្នះ​យើង​អាច​សម្គាល់​ពាក្យ​នេះ តាមវិធីងាយបានថា គឺជា "ការប្រជុំ ឬប្រមូលផ្តុំដុំបាយ" ​(ការពូតដុំ បាយជាដុំៗ​ដែល​យើង​ហៅថា "បាយបិណ្ឌ") ។
បើ​តាម​តម្រា​ចារ​តាម​ប្រវត្តិសាស្ត្រ​នៃ​ប្រទេស​ កម្ពុជា​យើង​ បាន​បង្ហាញ​ថា​ពិធី​បុណ្យ​ភ្ជុំ​បិណ្ឌ​គឺ​កើត​មាន​តាំង​ពី​បុរាណ​កាល​មក​ម្ល៉េះ។​ ប៉ុន្តែ​ទាស់​ត្រង់​ថា​ កាល​ពី​សម័យ​មុន​គេ​មិន​ហៅ​ថា​ បុណ្យ​ភ្ជុំ​ទេ​ ដោយ​នៅ​ក្នុង​ពិធី​នេះ​គេ​មាន​បែង​ចែក​ចេញ​ជា​ពីរ​ថ្នាក់។​ ថ្នាក់​ដំបូង​ គឺ​គេ​ចាប់​ផ្ដើម​ធ្វើ​ចាប់​ពី​ថ្ងៃ ​១​រោច​ រហូត​ដល់​ថ្ងៃ​១៤​រោច​ ជា​វារកភត្ត​ (ភត្ត​ធ្វើ​តាម​ថ្ងៃ)​ ជា​បន្ត​បន្ទាប់។​ ចំណែក​មួយ​ថ្នាក់​ទៀត​គេ​ធ្វើ​នៅ​ថ្ងៃ​ ១៥​រោច​ ដែល​គេ​ហៅ​ថា​បុណ្យ​ភ្ជុំ។​ ពិធី​បុណ្យ​ទាំង​ពីរ​ថ្នាក់​នេះ​ បច្ចុប្បន្ន​ត្រូវ​បាន​យើង​បូក​បញ្ចូល​គ្នា​ ហើយ​ហៅ​កាត់​ថា​ ពិធី​បុណ្យ​បិណ្ឌ​ភ្ជុំ​នេះ​ឯង។

មូលហេតុ​ដែល​ប្រារព្ធ​ពិធី​បុណ្យ​ភ្ជុំបិណ្ឌ

ប្រជាជនខែ្មរ ក៏តែងតែចងចាំ និងយល់គ្រប់ៗគ្នាថា "បុណ្យភ្ជុំបិណ្យ" គឺជាការធ្វើបុណ្យដាក់បិណ្ឌ ដើម្បីឧទ្ទិសដល់ បេតបុគ្គលជាឪពុក ម្តាយ បងប្អូន ញាតិសន្តានទាំងឡាយ ដែលបានចែកស្ថានទៅ ហើយ មិនដឹងជាទៅចាប់កំណើតនៅលោកខាងមុខជាអ្វីនោះ។ ប៉ុនែ្តបើ តាមអត្ថបទរបស់ លោក សុង ស៊ីវ វិញការធ្វើបុណ្យភ្ជុំបិណ្ឌ ពុំមែនមានន័យតែប៉ុណ្ណឹងទេ គឺលោកបានបកស្រាយដោយលើកយកអត្ថន័យចំនួន ៣ គឺ :

ដើម្បីឧទិ្ទសកុសលចំពោះបេតបុគ្គល ឬប្រេតបុគ្គល (ពាក្យ "បេត" ជាពាក្យបាលី ឯពាក្យ "ប្រេត" ជាពាក្យសំស្រ្កឹត)
ដើម្បីឲ្យបានសេចក្តីសុខចម្រើន សិរីសួស្តីដែលកើតពីផលទានរបស់ខ្លួន។
ដើម្បីបង្កើតសាមគ្គីរបស់ជាតិ គឺការស្រុះស្រួលគ្នាទាំងពេលវេលាកំណត់ទាំងការធ្វើនំគម អន្សម ពេញទូទាំង ព្រះរាជាណាចក្រកម្ពុជា យើងក៏អាចកត់សម្គាល់ នូវពាក្យមួយទៀតថា "បុណ្យសែនដូនតា" ដែលជាពាក្យសាមញ្ញសម្រាប់ប្រជារាស្រ្តខ្លះ ព្រោះថាពាក្យទាំងពីរគឺមានន័យដូចគ្នា។

កាល​ពី​សម័យ​បុរាណកាល​ គេ​ធ្វើ​ពិធី​បុណ្យ​នេះ​គឺ​ដើម្បី​រៀបចំ​ធ្វើ​សង្ឃភត្ត​ ទំនុក​បម្រុង​ព្រះសង្ឃ​ដែល​គង់​ចាំ​វស្សា​ក្នុង​វត្ត​រយៈ​ពេល​៣​ខែ​ ចាប់​តាំង​ពី​ថ្ងៃ​ចូល​វស្សា​រហូត​ដល់​ថ្ងៃ​ចេញ​វស្សា។ នៅ​ក្នុង​ចំណេរ​កាល​បុរាណ​បាន​ចារ​ថា​ ដោយ​នៅ​ក្នុង​រដូវវស្សា​មាន​ភ្លៀង​ធ្លាក់​ជោកជាំ​ រលឹម​ពព្រិច​ ធ្វើ​ឲ្យ​មាន​ការ​លំបាក​ដល់​ព្រះសង្ឃ​ក្នុង​ពេល​ធ្វើ​គោចរ​បិណ្ឌបាត។​ ហេតុ​ដូច្នេះ​ ទើប​បណ្ដា​ពុទ្ធ​បរិស័ទ​នាំ​គ្នា​រៀបចំ​ពិធី​នេះ​ ដើម្បី​ផ្គត់ផ្គង់​ព្រះសង្ឃ​ប្រចាំ​ថ្ងៃ​រហូត​ដល់​ថ្ងៃ​ចេញ​វស្សា។​ ម្យ៉ាង​វិញ​ទៀត​ នៅ​ក្នុង​ពិធី​បុណ្យ​នេះ​ គឺ​ធ្វើ​ឡើង​ដើម្បី​ផ្សាយ​ឧទ្ទិស​កុសល​ដល់​ពពួក​បេតជនញាតិ​ និង​ញាតិ​ទាំង​៧​សណ្ដាន​ ព្រម​ទាំង​តំណ​ញាតិ​ច្រើន​មហាកប្ប​នោះ​ផង​ដែរ​ តាម​រយៈ​អនុភាព​នៃ​សង្ឃគតាទក្ខិណាទាន​ ដែល​រស់​រង​ទុក្ខ​វេទនា​ កើត​ជា​ប្រេត​មាន​កម្មពៀរ​ ជាប់​ទោស​ធ្ងន់​ រងកម្ម​ក្រហល់​ក្រហាយ​អត់ឃ្លាន​ទាំងអស់​នោះ​ បាន​រួច​ផុត​ពី​ក្ដី​លំបាក​សោកសៅ។
ម្យ៉ាងទៀតប្រជាជនខ្មែរប្រារព្ធពិធីបុណ្យភ្ជុំបិណ្ឌដោយសារតែពួកគេបានជំនឿយ៉ាងមុតមាំតាមបណ្ដាំចាស់ៗដែលពោលណែនាំនិងអនុវត្តជារៀងរាល់ឆ្នាំតៗគ្នាមក។ គេជឿថាសាច់ញាត្តិដែលបានចែកឋានទៅហើយ មានមាតាបិតា ជីដូនជីតា បងប្អូនកូនចៅ ញាតិកាទាំង៧សន្ដាននោះ ដែលខ្លះមានបាបកម្មត្រូវទទួលទោសនៅឋាននរកកើតជាប្រេត​ កើតជាអបាយភូមិវេទនាណាស់។ ឋាននោះស្ថិតនៅជ្រៅឆ្ងាយពីឋាន មនុស្សមិនអាចមើលឃើញពន្លឺព្រះអាទិត្យទេ គ្មានសំលៀកបំពាក់ គ្មានអាហារបរិភោគឡើយ។ លុះដល់រដូវបុណ្យគេដោះលែងឲ្យមក ទទួលផល្លានិសង្ឃដែលសាច់សាលោហិតធ្វើបុណ្យឧទ្ទិសឲ្យ។ ប្រជាជនខ្មែរជឿថាព្រលឹងរបស់អ្នកទាំងនោះនឹងមកដល់វត្តអារាមហើយ ទទួលការផ្ដល់ជូនពីសាច់ញាត្តិឫកូនចៅរបស់ពួកគេតាមរយះការអធិដ្ឋានដោយព្រះសង្ឃ។ ម្យ៉ាងទៀតគេខ្លាចជីដូនជីតាដាក់ប្រទេចបណ្ដា សាឲ្យគេហិនហោច ប្រសិនបើដើរស្វែងរកគ្រប់៧វត្តហើយនៅមិនឃើញសាច់ញាត្តិធ្វើបុណ្យឧទ្ទិសឲ្យ។ មួយវិញទៀតគេសង្ឃឹមថាកុសល ផលបុណ្យដែលគេបានធ្វើនៅជាតិនេះ នឹងធ្វើឲ្យគេទទួលបាននូវសេចក្ដីសុខ សេចក្ដីចំរើនរហូតដល់ជាតិក្រោយ។

ខេត្តបាត់ដំបងរៀបចំពិព័រណ៍ស្នាដៃនិងរូបសំណាក់លោកឧកញ៉ាសុត្តន្តប្រីជាឥន្ទ

ភ្នំពេញ៖តែងមានអ្នកឆ្ងល់ពេលចូលទៅទស្សនាសាលពិព័រណ៍របស់មន្ទីរវប្បធម៌ខេត្តបាត់ដំបង អំពីរូបសំណាករបស់លោកឧកញ៉ាសុត្តន្តប្រីជាឥន្ទ ថាតើលោកគឺជាអ្នកណាមានស្នាដៃអ្វី ? ប្រវត្តិខ្លះៗរបស់លោកឧកញ៉ាមកបង្ហាញចែកជូនប្រិយមិត្តដូចតទៅ៖លោកឧកញ៉ាសុត្តន្តប្រីជាឥន្ទ មុនពេលទទួលគោរម្យងារជា “ ឧកញ៉ាសុត្តន្តប្រីជា ”លោកជា ម្ចាស់វណ្ណកម្ម ស្នាដៃនិពន្ធ“ គតិលោក ” លោកមានឈ្មោះពីកំណើតថា “ ឥន្ទ ” ។

លោកកើតនៅភូមិរកាកោង ខេត្តមុខកំពូល (ខេត្តកណ្តាលសព្វថៃ្ង) នៅថៃ្ងច័ន្ទ ខែអាសាធ ឆ្នាំវក ពុទ្ធសករាជ២៤០៣ ត្រូវនឹងថៃ្ងទី២២ ខែកក្កដា ឆ្នាំ១៨៥៩ មានមាតាឈ្មោះ មុំ បិតាឈ្មោះបញ្ចង់កែ ។ ក៏ប៉ុន្តែបុព្វជនប្រកបដោយទេពកោសល្យរូបនេះមានព្រះជន្មត្រឹមតែ ៦៥ឆ្នាំប៉ុណ្ណោះ ។លោក ឥន្ទ បានចូលរៀននៅអាយុ ១០ឆ្នាំ ដែលនាសម័យនោះ ការបានចូលរៀនក្នុងអាយុនេះគឺលឿនណាស់ទៅហើយ ហើយលោកបានរៀនបកប្រែព្រះត្រៃបិដក នៅអាយុ១៥ឆ្នាំ ដោយបួសជាសាមណេរមួយវស្សានៅវត្តព្រែកពោធិ៍ ។
ក្រោយមកលោកបានចាកភេទសាមណេរទៅរៀននៅស្រុកព្រះត្រពាំង ហើយនៅអាយុ ១៨ឆ្នាំ បានមករៀននៅសំណាក់លោកគ្រូព្រះពុទ្ធឃោសាចារ្យប្រាក់ ក្នុងវត្តឧណ្ណាលោម ក្រុងភ្នំពេញ ។
បន្ទាប់ពីរៀននៅក្នុងសំណាក់លោកគ្រូព្រះអាចារ្យនៅវត្តកែវ ខេត្តបាត់ដំបងបានមួយឆ្នាំ, នៅអាយុ ២០ឆ្នាំ លោកបានបួសជាភិក្ខុនៅទីនោះមួយវស្សា ទើបលាព្រះឧបជ្ឈាយាចារ្យទៅរៀននៅបាងកកអស់រយៈពេល ៧ឆ្នាំ ក៏ត្រឡប់មកស្រុកខ្មែរវិញ ហើយបន្តបួសនៅវត្តកណ្តាល ស្រុកបាត់ដំបងរយៈពេល ១០ឆ្នាំទៀត រហូតទាល់តែអាយុ ៣៧ឆ្នាំ ទើបលាចាកសិក្ខាបទ និងមានភរិយានៅភូមិឈ្វាធំ ខេត្តបាត់ដំបងនោះតែម្តង ។
ជារួមលោកឧកញ៉ាបានចំណាយពេលរៀនសូត្រពីមជ្ឈដ្ឋានព្រះពុទ្ធសាសនាអស់ រយៈពេលជិត ២០ឆ្នាំឯណោះ ។ជាបន្តបន្ទាប់ លោក ឥន្ទ បានតែងនិពន្ធនូវស្នាដៃជាច្រើន ទាំងជាបាលី ទាំងជាខ្មែរដោយកាព្យផង ដោយសម្រាយផង រួមមាន ៤៤ស្នាដៃ ហើយអាស្រ័យដោយការតែងនិពន្ធនោះ បានធ្វើឱ្យឈ្មោះលោកល្បីរន្ទឺដល់រាជការក្រុងភ្នំពេញ ។
នៅអាយុ ៥៥ឆ្នាំ លោកបានចូលមកធ្វើការនៅពុទ្ធសាសនបណ្ឌិតខាងតែងវចនានុក្រម និងផ្ទៀងផ្ទាត់គម្ពីរដីកា ហើយរាជការក្រុងភ្នំពេញ បានផ្តល់ងារជា “ ឧកញ៉ាសុត្តន្តប្រីជា ” ចាប់ពីពេលនោះមក ដើម្បីឱ្យលោកជួយតែងសព្វវចនាធិប្បាយខ្មែរនៅសាលាបាលី ។
នៅអាយុ ៦៥ឆ្នាំ លោកបានលារាជការវិលមកនៅស្រុកបាត់ដំបងវិញ ។ លុះថៃ្ងអាទិត្យ ១២ កើត ខែកក្តិក ឆ្នាំជូត ឆស័ក លោកបានទទួលអនិច្ចកម្មនៅវេលាម៉ោង ៨ព្រឹក ត្រូវនឹងថៃ្ងទី៨ ខែវិច្ឆិកា ឆ្នាំ១៩២៤ ក្នុងជន្មាយុ ៦៥ឆ្នាំនោះតែម្តង ។ តាមកំណត់ត្រារបស់ពុទ្ធសាសនបណ្ឌិត ស្នាដៃល្បីៗរបស់លោកឧកញ៉ារួមមាន:
១- គតិលោក ឬច្បាប់ទូន្មានខ្លួន (១០ភាគ)២- កាព្យនិរាសអង្គរ ឬនិរាសនគរវត្ត៣- រឿង “ អំបែងបែក ” (សាស្ត្រាស្លឹករឹត)៤- បឋមសម្ពោធិ (ជាក្រាំង)៥- លោកនីតិបករណ៍ (ពាក្យកាព្យ)៦- សុភាសិតច្បាប់ស្រី៧- ក្បួនមេកាព្យក្នុងចំណោមស្នាដៃទាំងអស់នេះ “ គតិលោក ” ឬ “ ច្បាប់ទូន្មានខ្លួន ” បានបោះពុម្ពនាពុទ្ធសករាជ២៥០៨(១៩៦៥) ដោយពុទ្ធសាសនបណ្ឌិតមានភាពល្បីល្បាញ និងមានការទទួលស្គាល់ជាទូទៅច្រើនជាងគេពីសំណាក់អ្នកសិក្សាខ្មែរ ជំនាន់ក្រោយៗ ជាពិសេសអ្នកសិក្សាពីអក្សរសិល្ប៍ ។ នៅក្នុងសៀវភៅ “ គតិលោក ” ឬ “ ច្បាប់ទូន្មានខ្លួន ” ទាំង ១០ភាគ មានរឿងខ្លីៗជាច្រើនបញ្ចូលគ្នា ដែលបង្ហាញពីការអប់រំទូន្មាន និងបញ្ហាគ្រប់ប្រភេទដែលមានក្នុងដំណើរជីវិតមនុស្ស ។
ជាការពិត “ គតិលោក ” គឺជាវណ្ណកម្មដ៏ធំសំបើមរបស់លោកឧកញ៉ាសុត្តន្តប្រីជាឥន្ទ“គន់ចំបក់ដូចបងចំបែងចិត្ត ចៅដើមខ្វិតដូចបងមកខ្វែងចៅឱដើមសោកដូចបងមកសោកសៅ ដើមស្រឡៅនៅស្រឡាញ់ចេញចោលមក”។ស្នាដៃនិពន្ធទាំងអស់របស់លោកឧកញ៉ាបានបង្ហាញឱ្យឃើញថា លោកមានទេព កោសល្យតែងនិពន្ធ ទាំងបញ្ហាពុទ្ធចក្រ និងអាណាចក្រ ពោលគឺជាតម្រូវការរបស់មនុស្សលោក ជាពិសេសជនជាតិខ្មែរនាសម័យកាលនោះ និងសម័យកាលក្រោយមក ដែលចង់ដឹងជាចាំបាច់ ដើម្បីរៀបចំជីវិតប្រកបដោយសេចក្តីសុខ ។ អ្វីដែលលោកតែងនិពន្ធនោះក៏នៅតែមានតម្លៃសំរាប់ការប្រតិបត្តិ ជាក់ស្តែងរហូតមកដល់ពេលសព្វថ្ងៃនេះផងដែរ ៕

កូនក្រពើត្រីប្រភេទសត្វកម្រលើលោកបានញាស់ដោយជោគជ័យនៅតំបន់អភិរក្សខេត្តកោះកុង

ភ្នំពេញ៖អង្គការសមាគមអភិរក្សសត្វព្រៃ(WCS) និងរដ្ឋបាលជលផលបង្ហាញឲ្យ ដឹងនៅថ្ងៃនេះថាកូនក្រពើត្រីដែលជាប្រភេទជិតផុតពូជបំផុតនៅលើសាកលលោក ចំនួន០៩ក្បាលបានញាស់ដោយជោគជ័យនៅក្នុងមជ្ឈមណ្ឌលអភិរក្ស ប្រភេទសត្វល្មូន ខេត្តកោះកុង។

យោងសេចក្ដីប្រកាសរបស់អង្គការសមាគមអភិរក្សសត្វព្រៃបានអះអាងថា៖ក្រពើត្រី (ឬក្រពើព្រៃ) ស្ថិតនៅក្នុងបញ្ជីក្រហមរបស់អង្គការ IUCN ជា ប្រភេទរងគ្រោះជិតផុតពូជបំផុត នៅលើសាកលលោក ខណៈចំនួនរបស់ ពួកវានៅតែបន្តធ្លាក់ចុះគួរឲ្យកត់សម្គាល់។ ពួកវាមានរស់នៅតែក្នុង ប្រទេសកម្ពុជា ឥណ្ឌូនេស៊ី ថៃ និងវៀតណាមតែប៉ុណ្ណោះ។ ចំនួនរបស់វា នៅលើសាកល លោកមានប្រមាណ៤១០ក្បាល ក្នុងនោះដែរចន្លោះ ១០០-៣០០ក្បាល កំពុងរស់នៅក្នុងព្រៃធម្មជាតិនៅក្នុងប្រទេសកម្ពុជា ដែលធ្វើឲ្យកម្ពុជាក្លាយជាប្រទេសដ៏សំខាន់បំផុតសម្រាប់ការអភិរក្សសត្វ ក្រពើ ត្រីនេះកុំឲ្យបាត់បង់។
អ្នកស្រី ទុន សារ៉ន ដែលជាអ្នកមើលថែទាំសត្វនៅមជ្ឈមណ្ឌលអភិរក្ស ប្រភេទសត្វល្មូនខេត្តកោះកុង និយាយថា៖ “ខ្ញុំពិតជារំភើបខ្លាំងណាស់ ដែលបានឃើញកូនក្រពើត្រីទាំងអស់នេះ ពីព្រោះនេះគឺជាលើកដំបូង ហើយដែលខ្ញុំបានថែទាំចាប់តាំងពីពួកវាមកដល់មជ្ឈមណ្ឌល។ មុនពេល ឃើញមុខកូនក្រពើត្រីទាំងអស់នេះ ខ្ញុំមានការភ្ញាក់ផ្អើលដែលឭសម្លេង ពួកវាចេញពីក្នុងពង។ វាពិតជាអស្ចារ្យខ្លាំងណាស់ ហើយខ្ញុំមានអារម្មណ៍ សប្បាយចិត្តពីព្រោះខ្ញុំដឹងថាពួកវាកំពុងតែញាស់។ ខ្ញុំនឹងផ្តល់ចំណីឲ្យ ពួកវានូវកូនត្រី និងកង្កែបតូចៗនៅក្នុងរយៈពេល២-៣ថ្ងៃខាងមុខនេះ។”
សូមបញ្ជាក់ថា កាលពីថ្ងៃទី២៨ ខែមិថុនា ពងក្រពើត្រីមួយសំបុកដែលមាន ចំនួន១៩គ្រាប់ ត្រូវបានក្រុមអ្នកអភិរក្សរបស់រដ្ឋបាលជលផល អង្គការ សមាគមអភិរក្សសត្វព្រៃ(WCS) និងប្រជាសហគមន៍ ប្រទះឃើញនៅ ត្រពាំងកៀនតុ ស្ថិតក្នុងភូមិព្រះអង្គកែវ ស្រុកស្រែអំបិល ខេត្តកោះកុង ខណៈពួកគេចុះដើរល្បាតតាមត្រពាំងបណ្តោយដងព្រែកស្រែអំបិលដើម្បីល្បាត និងស្វែងសំបុកពងកូន និងលាមក៍ សត្វក្រពើត្រីរស់នៅក្នុងតំបន់ នោះ។ ពងក្រពើត្រីទាំងអស់នោះ ត្រូវបានក្រុមអ្នកអភិរក្សយកទៅរក្សា ទុកនៅក្នុងមជ្ឈមណ្ឌលអភិរក្សប្រភេទសត្វល្មូនខេត្តកោះកុងដើម្បីថែរក្សា រហូលដល់ពួកវាញាស់ ដែលមានរយៈពេល០៦សប្តាហ៍៕

រដ្ឋមន្ដ្រី៖កម្ពុជានឹងធ្វើម្ចាស់ផ្ទះរៀបចំការប្រកួតបវកញ្ញាពិភពលោកមកបពី៨០ប្រទេសនៅខែវិច្ឆិកាខាងមុខនេះ

ភ្នំពេញ៖រដ្ឋមន្ដ្រីទេសចរណ៍បានអះអាងនៅថ្ងៃនេះ៖កម្ពុជានឹងធ្វើម្ចាស់ផ្ទះរៀបចំការប្រកួតបវកញ្ញាពិភពលោកមក​ពី៨០ប្រទេសនៅខែវិច្ឆិកាខាងមុខនេះដើម្បីចូលរួមការទាក់ទាញទេសចរណ៍មកកម្ពុជាបន្ថែមទៀត។

ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ការរៀបចំប្រឡងបវកញ្ញាពិភពលោកមកពីប្រមាណ៨០ប្រទេសនេះ និងទាក់ទាញមនុស្សមកពីបណ្តាប្រទេសផ្សេងៗក្នុងពិភពលោកចូលរួមក្នុងព្រឹត្តិការណ៍ដែលរៀបចំឡើងនៅខេត្តសៀមរាបនេះ ហើយដែលញ៉ាំងឲ្យពួកគេបានស្គាល់ប្រាសាទអង្គរវត្ត និងតំបន់ទេសចរផ្សេងៗរបស់កម្ពុជា។ក្រសួងទេសចរណ៍សង្ឃឹមថាព្រឹត្តិការប្រឡងបវកញ្ញាឯកពិភពលោកនៅចុងឆ្នាំ២០១៧នឹងជួយឲ្យមានកំណើនទេសចរមកកម្ពុជាកាន់តែច្រើន ដែលបានជួយទៅដល់សេដ្ឋកិច្ចជាតិកាន់តែរីកចំរើន។នេះបើតាមលោករដ្ឋមន្ដ្រីបានអោយដឹងក្នុងជំនួបពិភាក្សាជាមួយគណៈប្រតិភូបវកញ្ញាពិភពលោក ដែលដឹកនាំដោយលោក អឿន រតនៈ នាព្រឹកថ្ងៃទី១១សីហា នៅទីស្តីការក្រសួង។

ឯកឧត្តមរដ្ឋមន្ត្រីបញ្ជាក់ថា៖" ក្រសួងទេសចរណ៍ បានសន្យាសម្របសម្រួលជាមួយម្ចាស់សណ្ឋាគា សម្រាប់កន្លែងស្នាក់នៅ ការហូបចុក របស់ក្រុមបវកញ្ញាទាំងនេះ ដើម្បីឲ្យការប្រឡងនេះប្រព្រឹត្តទៅដោយរលួន ដើម្បីជាមុខមាត់របស់កម្ពុជាទាំងមូល"។

ប្រាប់អ្នកសារព័ត៌មានក្រោយជំនួបនោះ ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍បានប្រាប់អ្នកសារព័ត៌មានថា ការប្រឡងបវកញ្ញាពិភពលោកនេះ និងបង្កើតបានជាព្រឹត្តិការណ៍ថ្មីមួយទៀតដែលជាឱកាសបង្ហាញភ្ញៀវទេសចរបរទេសពីគោលដៅទេសចរណ៍ដែលកម្ពុជាមានដូចជាប្រាសាទអង្គរវត្ត ធនធានធម្មជាតិ និងតំបន់សមុទ្រ និងព្រឹត្តិការជាដើម។
លោកអឿន រតនៈអ្នករៀបចំការប្រឡងបវកញ្ញាពិភពលោកបានមានប្រសាសន៍ថា ការសម្រេចជ្រើសរើសកម្ពុជាធ្វើជាម្ចាស់ផ្ទះនៃកាប្រឡងបវកញ្ញាពិភពលោកនេះ នឹងជួយឲ្យពិភពលោកបានស្គាល់កម្ពុជាតាមរយៈនារីបវកញ្ញាពិភពលោកទាំងនោះ នៅពេលដែលពួកគាត់វិលត្រឡប់ទៅប្រទេសដើមវិញ។
លោកបញ្ចាក់ថា៖ ការប្រឡងបវកញ្ញាពិភពលោកដែលកម្ពុជាធ្វើជាម្ចាស់ផ្ទះនេះ នឹងរៀបចំធ្វើឡើងចាប់ពីថ្ងៃទី១១ដល់ថ្ងៃទី១៨វិច្ឆិកា ឆ្នាំ២០១៧ នៅខេត្តសៀមរាប ដោយមានការសហការរៀបចំផ្សាយផ្ទាល់តាមរយៈស្ថានីយ៍ទូរទស្សន៍ហង្សមាសទាំងបច្ចេកទេសផ្សាយ និងការរៀបចំឆាកប្រឡង ខណៈដែលទូរទស្សន៍នេះ មានបទពិសោធន៍ក្នុងរៀបចំកម្មវិធីខ្នាតអន្តរជាធំៗទទួលបានជោគជ័យកន្លងមក។
លោកបញ្ជាក់ថា មុននឹងឈានដល់ការប្រឡងបវកញ្ញាពិភពលោកដែលមានប្រទេសចូលរួមចន្លោះពី៦០ទៅ៨០ប្រទេសនោះ គឺនៅដើមខែតុលាខាងមុខនេះ កម្ពុជានឹងរៀបចំប្រឡងជ្រើសរើសបវកញ្ញាឯកកម្ពុជាមកពីទូទាំងប្រទេសដើម្បីចំរាញ់យកមួយរូបជាតំណាងឲ្យកម្ពុជាទៅចូលរួមប្រឡងបវកញ្ញាអន្តរជាតិផងដែរ ក្នុងលក្ខណៈសម្បត្តិរួមទាំងចំណេះដឹងខ្ពស់ផ្នែកវប្បធម៌ទូទៅ និងភាសាអង់គ្លេស៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

ព័ត៌មានជាតិ​ពេល​យប់​


វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

វប្បធម៌

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2