vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិស្សឆ្នើមផ្នែកភាសាអង្គគ្លេសចំនួន១៦នាក់ទៅបន្តការសិក្សាផ្លាស់ប្តូរបទពិសោធន៏គ្នាទៅវិញទៅមក នៅប្រទេសអូស្រ្តាលី

បាត់ដំបងៈសិស្សឆ្នើមផ្នែកភាសាអង្គគ្លេសចំនួន១៦នាក់ នៃវិទ្យាល័យយូ អេសអេក្រុងបាត់ដំបង បានទៅបំពេញការសិក្សានៅប្រទេសអូស្រ្តាលីរយៈ១០ថ្ងៃដើម្បីផ្លាស់ប្តូរបទពិសោធន៏ផ្នែកភាសាអង្គគ្លេសជាមួយនិងសិស្សបរទេសចម្រុះជាតិសាសន៏ នៅក្នុងប្រទេសអូស្រ្តាលី។

លោកជា ហៀង,អគ្គនាយកសាលាUSAក្រុងបាត់ដំបងបានមានប្រសាសន៏ថា ពួកគេទាំង១៦រូបសុទ្ធតែជាសិស្សឆ្នើមផ្នែកភាសាអង្គគ្លេស ហើយពួកគេធ្លាប់បានប្រគួតប្រជែងនៅបណ្តាប្រទេសក្នុងតំបន់អាស៊ីនិងនៅសហរដ្ឋអាមេរិកផងដែរ ពេលនេះជាលើកទី៣ហើយសម្រាប់ពួកគេទៅប្រទេសអូស្រ្តាលី ដើម្បីប្រគួតផ្នែកភាសាអង្គគ្លេស យកបទពិសោធន៏ផង និងបង្ហាញពីវប្បធម៌ប្រពៃណីគ្នាទៅវិញទៅមកផងដែរ។

លោកបន្តថា ពួកគេតែងទទួលបានភាពជោគជ័យផ្តល់ជូនដល់សាលាក៏ដូចជាសម្រាប់ប្រទេសកម្ពុជាផងដែរ ពួកគេជាសិស្សឆ្នើមទទួលបានជ័យលាភីមេដាយមាសចំនួន៣នាក់និងមេដាយប្រាក់និងសំរិទ្ធចំនួន០២នាក់ ក្នុងកម្មវិធីអ្នកវិទ្យា
សាស្រ្ត​វ័យក្មេង ផ្នែករូបវិទ្យាអាស៊ានបូក៣ នៅប្រទេសវៀតណាម និង នៅប្រទេសសឹង្ហបូរី ដែលប្រើប្រាស់ជាភាសាអង្គគ្លេសសុទ្ធសាធ ក្នុងនោះមានប្រទេសចំនួន០៩ចូលរួមប្រគួត។

កញ្ញាឈាន ពេជ្រតេពី,ជាសិស្សថ្នាក់ទី១០វិទ្យាល័យយូអេសអេបានឲ្យដឹងថា កញ្ញានិងសង្ឃឹមថាការទៅចូលរួមនេះជាលើកទី៣នៅប្រទេសអូស្រ្តាលីហើយ កញ្ញានិងខិតខំប្រឹងប្រែងឲ្យអស់ពីសមត្ថភាពដើម្បីទទួលយកចំណេះដឹងនិងបទពិ​សោធន៏បន្ថែមទៀតទាំងបទពិសោធន៏និងវប្បធម៏ប្រពៃណីផងផងដែរ៕

យុទ្ធនាការបរិស្ថានរួមគ្នាកាត់បន្ថយការប្រើប្រាស់ថង់ផ្លាស្ទិក

ខេត្តបាត់ដំបង៖យុទ្ធនាការបរិស្ថានលើកទី៣ក្រោមប្រធានបទ"ផ្សាបៃតង"ដែល រៀបចំដោយគ្រឹះស្ថានមីក្រូហិរញ្ញវត្ថុហត្ថាកសិករលីមីតធីតក្រុងបាត់ដំបង ដើម្បីរួមចំណែកលើកកម្ពស់និងបង្កើនការចូលរួមសកម្មភាពក្នុងសង្គម ឲ្យបរិស្ថាន កាន់តែមានភាពល្អប្រសើរឡើង ព្រមទាំអាចបញ្ជៀបនិងបណ្តុះគំនិតប្រជាពល រដ្ឋនិងសាធារណៈជនឲ្យងាកមកចាប់អារម្មណ៏កាន់តែខ្លាំងពីផលប៉ះពាល់ដែល កើតចេញពីថង់ផ្លាស្ទិក ហើយរួមគ្នាកាត់បន្ថយការប្រើប្រាស់ថង់ផ្លាស្ទិកដ៏ច្រើន លើសលុបនៅក្នុងប្រទេសកម្ពុជា ងាកមកប្រើប្រាស់ថង់ធ្វើពីស្លឹកធម្មជាតិវិញ។

អញ្ជើញចូលរួមក្នុងវេទិការនេះលោក សៀង ឯមវូស្ហី,អភិបាលនៃគណៈអភិបាល ក្រុងបាត់ដំបងមានប្រសាសន៏ថា ដើម្បីឲ្យក្រុងបាត់ដំបងកាន់តែមានបរិស្ថានល្អលុះត្រាតែមានការចូលរួមពីប្រជាពលរដ្ឋនិងពីមជ្ឍដ្ឋាននានារួមសហការគ្នា ជាក់ ស្តែងការចូលរួមពេលនេះបានលើកយកប្រធានបទ"ផ្សាបៃតង" ក្នុងគោល បំណងចង់ឲ្យផ្សានិងទីក្រុងបាត់ដំបង មានភាពស្រស់ស្អាតដូចដើមរុក្ខជាតិដែលមានសម្រស់គួរឲ្យចង់គយគន់ដែរ។
លោកបន្តថា ដើម្បីកាត់បន្ថយផលប៉ះពាល់ដល់បរិស្ថាន ដូចជាកាកសំណល់ ថង់ផ្លាស្ទឹចនេះជាដើម ក្នុង១ខែៗប្រជាពលរដ្ឋម្នាក់ប្រើប្រាស់ជាមធ្យមអស់ថង់ចំនួន២០០ថង់ចុះមនុស្សរាប់ម៉ឺន រាប់សែននាក់ និងប្រើប្រាស់អស់ថង់ផ្លាស្ទិកយ៉ាងច្រើនលើសលុប ហើយថង់ផ្លាស្ទិចនេះវាមានអាយុកាលរយៈពេលជាង ៦០ឆ្នាំទើបវារលួយអស់ វាបានធ្វើឲ្យប៉ះពាល់បរិស្ថានយ៉ាងខ្លាំង កាលណាឈប់ប្រើប្រាស់វាហើយបោះចោលពាស់វាលពាសកាលនោះ។ 
លោកបន្តថា៖ ប្រជាពលរដ្ឋគួរងាកមកប្រើប្រាស់ស្លឹកឈូក ស្លឹកចេក ធម្មជាតិវិញដើម្បីវេចខ្ចប់ នំចំណី ម្ហូបអាហារ វាមិនប៉ះពាល់សុខភាព ហើយកាលណាយើងឈប់ប្រើវាបោះចោល វានិងងាយរលួយទៅជាជីក្នុងដី មិនដូចថង់ផ្លាស្ទិក បើកប់ក្នុងដីហើយមិនងាយរលួយហើយខូចដីថែមទៀតផង។
លោកសេម សោភ័ណ,នាយក នាយកដ្ឋានធនធានមនុស្សនៃគ្រឹះស្ថានមីក្រូ ហិរញ្ញវត្ថុហត្ថាកសិករ លីមីតធីត ក្រុងបាត់ដំបងបានមានប្រសាសន៏ថា បញ្ហាប្រឈមនិងឥទ្ធិពលផ្សេងៗដែលកើតចេញពីការប្រើប្រាស់ថង់ផ្លាស្ទិក ព្រមទាំងអាចកែទម្លាប់ប្រើប្រាស់សម្ភារៈផ្លាស្ទិក មកប្រើរបស់ជំនួសដែលមិនធ្វើឲ្យមាន ផលប៉ះពាល់ដល់បរិស្ថាន ដូចជាការប្រើសម្ពាយក្រណាត់ ឬកន្រ្តក ពិសសេសថង់បរិស្ថានរបស់ហត្ថាកសិករដែលចែកជូនក្នុងយុទ្ធនា"ផ្សាបៃតង"ពេលនេះ។
សូមបញ្ជាក់ថា យុទ្ធនាការ"ផ្សាបៃតង"ពេលនេះបុគ្គលិកហត្ថាកសិករប្រមាណជិត១០០នាក់បានយកថង់បរិស្ថានហត្ថាកសិករចំនួន២ម៉ឹនថង់មកចែកជូនប្រជាពលរដ្ឋក្នុងផ្សាបាត់ដំបង(អតីតផ្សាណាត់)ដើម្បីដោះដូរពីប្រជាពលរដ្ឋយកថង់ផ្លាស្ទិកមកទុក ដូរថង់បរិស្ថានហត្ថាកសិករជូនគាត់វិញ នៅតាមច្រកទ្វារចេញ/ចូលផ្សាណាត់ក្រុងបាត់ដំបង៕

 

សម្ដេចហ៊ុនសែនចូលរួមពិព័រណ៍ចិន-អាស៊ាន លើកទី១៤ នៅប្រទេសចិន

 

ភ្នំពេញ៖សម្តេច ហ៊ុន សែន ប្រមុខរដ្ឋាភិបាលបានអញ្ជើញដឹកនាំគណៈប្រតិភូជាន់ខ្ពស់ទៅចូលរួមក្នុងពិព័រណ៍ចិន-អាស៊ាន លើកទី១៤ នៅប្រទេសចិន។ក្នុងសប្ដាហ៍នេះប្រទេសចិនបានប្រកាសគាំទ្រស្ថេរភាពនិងសន្ដិភាពនៅកម្ពុជា។ប្រទេសចិនបានបន្ដថាកម្ពុជាជាអ្នកជិតខាងល្អ។ឯកម្ពុជាបានប្រកាសថាការរីកចំរើនប្រទេសចិននឹងនាំការរីកចំរើនដល់ប្រទេសកម្ពុជានិងតំបន់និងសកលលោកផងដែរ៕

សិល្បៈករសិល្បការិនីបង្ហាញពីក្តីបារម្ភនៃលំហូរចូលវប្បធម៌បរទេសអាចទាក់ ទាញទឹកចិត្តយុវវ័យ ឲ្យភ្លេចកេរ្តិ៍ដំណែលខ្មែរ

 

ភ្នំពេញ៖សិល្បៈករ សិល្បការិនី បានបង្ហាញពីក្តីបារម្ភនៃលំហូរចូលនៃវប្បធម៌បរទេស អាចទាក់ទាញទឹកចិត្តយុវវ័យឲ្យភ្លេចកេរ្តិ៍ដំណែលខ្មែរ ភ្លេចក្បួនខ្នាត ទំនៀមទម្លាប់ ប្រពៃណី ភ្លេចតម្លៃមរតកដែលយើងមានតាំងពីដូនតា ។
នៅក្នុងពិធីសំដែងទស្សនីយភាពរឿងមហាវេស្សន្តរជាតក ដើម្បីរម្លឹកខួបទី៤៩ឆ្នាំនៃការចូលទិវង្គត សម្ដេចព្រះសង្ឃរាជ ជួន ណាត ព្រះបិតាអក្សរសាស្រ្តខ្មែរនៅ សាលសន្នសីទចតុមុខ នារសៀលថ្ងៃ៩ កញ្ញា នេះ តំណាងសិល្បៈករ សិល្បការិនី មានក្តីបារម្ភថា បើយុវជនជំនាន់ក្រោយទៅស្រវាចាប់យកវប្បធម៌បរទេសមករក្សាប្រតិបត្តិ នឹងធ្វើឲ្យបាត់បង់វប្បធម៌ ព្រលឹងជាតិ ស្មើនឹងបំផ្លាញដំណែលដូនតាដោយមិនដឹងខ្លួន។
តំណាងសិល្បៈករ សិល្បការិនីទាំងអស់ បានស្នើឲ្យបងប្អូនប្រជាពលរដ្ឋគ្រប់វ័យគ្រប់មជ្ឈដ្ឋាន ប្រកាន់យកការអភិរក្ស និងអភិវឌ្ឍ“បុរាណមិនយឺត សម័យមិនបរទេស” ដែលជាប្រសាសន៍ព្រឹទ្ធាចារ្យទេពកោសល្យបញ្ញាវិទ្យា ឆេង ផុន ដើម្បីរួមគ្នាលើកតម្កើង ថែរលក្សា ការពារនូវកេរ្តិ៍តំណែលវប្បធម៌ជាតិឲ្យបានស្ថិតស្ថេរ គង់វង្ស។
តំណាងសិល្បករសិល្បការនី រំពឹងថាទស្សនីយភាពដែលកើតឡើងដោយកម្លាំងសាមគ្គីនៃមរតកមនុស្សរស់ និងក្លាយជាប្រយោជន៍សម្រាប់កូនខ្មែរជាយុវសិល្បករជំនាន់ក្រោយ ជាអ្នកបន្តវេនអភិរក្សមរតកវប្បធម៌ដូនតាដ៏មានតម្លៃមិនអាចប្រៀបផ្ទឹមបាននេះទុកជាគតិមុននឹងធ្វើការអភិវឌ្ឍបង្កើតនិម្មិតកម្មថ្មីដោយមិនភ្លេចពីប្រភពដើមកំណើតនៃមូលដ្ឋានគ្រឹះ ទើបយើងមិនបាត់បង់អត្តសញ្ញាណជាតិ។
បន្ទាប់ពីបានទស្សនានូវទស្សនីយភាពសិល្បះរឿងមហាវេស្សន្តរជាតកនេះរួច ប្រមុខរាជរដ្ឋាភិបាលកម្ពុជា សម្ដេចតេជោហ៊ុន សែនបានបង្ហាញពីមោទនភាពជាមួយ សិល្បករសិល្បះករីនីទាំង៥ជំនាន់ ដែលបានរៀបចំនូវកម្មវិធីសំដែងដ៍ល្អនេះ សម្រាប់ជាមរតក របស់ជាតិ ដែលតម្រូវឲ្យយើងទាំងអស់គ្នារួមថែរក្សាឲ្យបានគង់វង្ស។
សូមបញ្ជាក់ថាទស្សនីយភាពសិល្បះនេះកើតឡើងដោយ ក្រុមសិល្បៈករ សិល្បការនី ដែលជាលោកគ្រូ អ្នកគ្រូ អតីតសិល្បករជំនាន់មុននិងបច្ចុប្បន្ន ប្រាំជំនាន់រួមគ្នាធ្វើឲ្យរស់ឡើងវិញនូវទស្សនីយភាពវប្បធម៌ ដ៍ចំណាស់មួយនេះដើម្បីរក្សាជាមរតកដោយបានផ្ដើមគំនិត ប្រមូលគ្នារួមសម្ដែងរឿងមហាវេស្សន្តរជាតកឡើង។
ទស្សនីយភាពសិល្បះនេះ ដើម្បីទុក ជាការឧទ្ទិសរម្លឹកនូវព្រះគុណូបការៈដល់បុព្វ បុរស ប្រាជ្ញព្រឹទ្ធបណ្ឌិតសិល្បៈ ដែលលោក ជាអ្នកមានគុណ ជាគ្រូ មានអង្គសម្ដេចព្រះមហាក្សត្រិយានី ស៊ីសុវត្ថិកុសុមនារីរ័ត្នសិរីវឌ្ឍនា ព្រះមាតាសិល្បៈជាតិខ្មែរ ព្រះហរទ័យប្រោសមេត្តា បង្ហាត់បង្រៀនដល់គ្រូបានជាច្រើនជំនាន់ ឲ្យអភិរក្សកេរ្តិ៍មរតកវិសេស វិ សាលនេះរហូតមក៕

 

ពលរដ្ឋរីករាយក្នុងរដូវកាន់បិណ្ឌនៃបុណ្យភ្ជុំបិណ្ឌដោយសារប្រទេសមានសុខសន្តិភាព

ខេត្តកំពង់ឆ្នាំង៖ រដូវកាន់បិណ្ឌចំនួន១៤ថ្ងៃ នៃពិធីបុណ្យភ្ជុំបិណ្ឌដែលជាប្រពៃណីរបស់ជាតិបានមកដល់ហើយ នៅថ្ងៃទី០៦ ខែកញ្ញា ឆ្នាំ២០១៧ ត្រូវនិងថ្ងៃ១រោច ខែភទ្របទ ដែលជាបិណ្ឌទី១នេះ គេសង្កេតឃើញប្រជាពលរដ្ឋខ្មែរជាអ្នកកាន់ព្រះពុទ្ធសាសនា នៅគ្រប់មូលដ្ឋានបាននាំក្រុមគ្រួសារ និងសាច់ញាតិធ្វើម្ហូបអាហារ នំចំណី ទៅវត្ត ប័ង្សុកូល រាប់បាត ប្រគេនចង្ហាន់ព្រះសង្ឃ ដើម្បីឧទ្ទិសមគ្គផលជូនអ្នកមានគុណ និងសុំមកវិញនូវពរជ័យនិងសេចក្តីសុខ សេចក្តីចំរើនដល់កូនចៅគ្រប់ៗរូបដែលកំពុងមានជីវិតរស់នៅយ៉ាងសប្បាយរីរាយ ដែលនេះក៏ដោយសារតែប្រទេសជាតិមានសុខសន្តិភាព ។

ជាក់ស្តែងនៅក្នុងថ្ងៃកាន់បិណ្ឌទី១នេះដែរ នៅក្នុងវត្តអណ្តូងស្នាយ ស្ថិតនៅក្នុងភូមិអណ្តូងស្នាយ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង គេសង្កេតឃើញប្រជាពលរដ្ឋនិមន្តព្រះសង្ឃសូត្រមន្តប័ង្សុកូល នៅតាមចេតីយដូនតារបស់ខ្លួននៅក្នុងវត្ត ដើម្បីឧទ្ទិសផល្លានិសង្ឃមិងមគ្គផលជូនអ្នកមានគុណនិងញាតិការទាំង៧សន្តានរបស់ខ្លួន ។ ចំណែកនៅសាលាឆាន់ក្នុងវត្តវិញ គេពិនិត្យឃើញមានពុទ្ធបរិស័ទសរុបប្រមា ណជាង៧០នាក់បាននាំគ្នារាប់បាត ចូលបច្ច័យនៅតាមភ្នំខ្សាច់ ចូលបច្ច័យជាមួយព្រះសង្ឃ ជាមួយគណៈកម្មការអាចារ្យវត្ត ទៅតាមសទ្ធាជ្រះថ្លារបស់ខ្លួន ហើយប្រជាពលរដ្ឋមួយចំនួនទៀត ក៏បាននាំគ្នារៀបចំម្ហូបអាហារ នំចំណីតាមថាសទុកប្រគេនព្រះសង្ឃទៅតាមទំនៀមទម្លាប់ផងដែរ ។
នៅក្នុងពិធីបុណ្យកាន់បិណ្ឌនេះដែរ គណៈកម្មការអាចារ្យវត្ត និងព្រះសង្ឃក៏បានដឹកនាំពុទ្ធបរិស័ទសូត្រធម៌ សុំសីល សូត្រមន្តប័ង្សុកូល វេប្រគេនចង្ហាន់ព្រះសង្ឃ តាមលំដាប់លំដោយនៃកម្មវិធី និងទំនៀមទម្លាប់នៃព្រះពុទ្ធសាសនា ដែលជាសាសនារបស់ជាតិ ។

នៅក្ន្ងងបុណ្យកាន់បិណ្ឌទី១នេះ លោកប្រធានគណៈកម្មការវត្តអណ្តូងស្នាយបានប្រកាសអោយពុទ្ធបរិស័ទដឹង ថា៖ នៅក្នុងវេនបិណ្ឌទី១នេះ បច្ច័យរបស់អ្នកភូមិជាម្ចាស់វេនទី១សរុបមានចំនួន ជាង១លាន១៥ម៉ឺនរៀល ចំណែកចំណូលរបស់ពុទ្ធបរិស័ទដែលមកចូលរួមក្នុងបិណ្ឌទី១នេះមានសរុបជាង៦៤ម៉ឺនរៀល ដកចំណាយលើចង្ហាន់ព្រះសង្ឃ១៦អង្គគង់ក្នុងវត្ត និងចំណាយផ្សេងៗទៅ គឺនៅសល់ថវិកាសំរាប់កសាងវត្ត ចំនួនជាង៦៤ម៉ឺនរៀល តែប៉ុណ្ណោះ ។ ចំណែកបច្ច័យចំណូលនៅក្នុងបុណ្យកាន់បិណ្ឌទាំង១៤ថ្ងៃបូកនិងថ្ងៃបិណ្ឌទី១៥ ជាថ្ងៃបុណ្យភ្ជុំបិណ្ឌធំ គណៈកម្មការវត្តបានឯកភាពគ្នាយកទៅកសាងផ្លូវបេតុង១ខ្សែពីមុខវត្តទៅផ្លូវជាប់ផ្សារព្រៃខ្មែរ ដែលមានបណ្តោយប្រវែង២២៦ម និងទទឹង៦ម ដែលមានគម្រោងចំណាយថវិកាសរុបចំនួន៤ម៉ឺនដុល្លា គឺតម្លៃកសាងក្នុង១ម៉ែត្រការ៉េថ្លៃ៣៩ដុល្លា ។
ដោយឡែកក្នុងការកសាងផ្លូវបេតុងខាងលើនេះ ឯកឧត្តម អ៊ុក រ៉ាប៊ុន បានសន្យាថានឹងជួយឧបត្ថម្ភស៊ីម៉ង់ចំនួន១០តោន និងជួយគ្រឿងចក្រមកជួយកសាងផ្លូវនេះ ហេតុនេះនៅខ្វះខាតថវិកាជាច្រើនទៀត ដែលសង្ឃឹមថា ពុទ្ធបរិស័ទទាំងអស់ដែលមកកាន់វេនបិណ្ឌ និងចូលរួមក្នុងថ្ងៃកាន់បិណ្ឌ ពិតជាមានសទ្ធាជ្រះថ្លាចូលបច្ច័យកសាងផ្លូវបេតុងខាងលើនេះបានច្រើនថែមទៀត ។
ប្រជាពលរដ្ឋដែលបានមកធ្វើបុណ្យកាន់បិណ្ឌនេះបាននិយាយអោយដឹងថា៖ ពួកគាត់ពិតជាមានមោទនះភាពណាស់ នៅពេលបានមកធ្វើបុណ្យកាន់បិណ្ឌជាប្រពៃណីជាតិដោយក្តីសប្បាយបែបនេះ ដែ លនេះគឺផ្តើមចេញមកពីការដឹកនាំដ៏ត្រឹមត្រូវ និងឈ្លាសវៃរបស់សម្តេច ហ៊ុន សែន ប្រមុខរាជរដ្ឋាភិបាល លកម្ពុជា ដែលប្រជាពលរដ្ឋពិតជាគាំទ្រអោយសម្តេចដឹកនាំប្រទេសជាបន្តនៅអាណត្តិក្រោយៗទៀត៕ ( ឈៀង ថារិទ្ធ )

 

ពលរដ្ឋខ្មែរទូទាំងប្រទេសចាប់ផ្ដើមប្រារព្ឋពិធីដាក់បិណ្ឌតាមប្រពៃណី

ភ្នំពេញ៖ពលរដ្ឋខ្មែរទូទាំងប្រទេសជាអ្នកកាន់ព្រះពុទ្ឋសាសនាភាគច្រើនបាននាំគ្នាចាប់ផ្ដើមប្រារព្ឋពិធីដាក់បិណ្ឌតាមប្រពៃណី។ក្នុងឱកាសបុណ្យ កាន់បិណ្ឌ និងភ្ជុំបិណ្ឌ នឹងប្រព្រឹត្តពីថ្ងៃ១រោជ ដល់ថ្ងៃ១៥រោជ ខែភទ្របទ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ០៦ ដល់ថ្ងៃទី ២០ ខែកញ្ញា គ.ស២០១៧ ៕

ប្រវត្ដិកាន់បិណ្ឌ និងភ្ជុំបិណ្ឌ

បុណ្យ​ភ្ជុំបិណ្ឌ​ ជាពិធីបុណ្យមួយ ក្នុងចំណោមពិធីបុណ្យធំៗដទៃទៀតនៃ រាជពិធីទា្វរទសមាស។ នៅក្នុងរាជ្យព្រះបាទអង្គឌួង ទ្រង់ដើម្បីលើកទឹកចិត្តដល់​កងទ័ពដែល​បាន​ច្បាំង​ឈ្នះ​ត្រឡប់​មកវិញ ព្រះអង្គ​ក៏​បង្កើត​បុណ្យ​ភ្ជុំបិណ្ឌ​នេះ​ឡើង អាស្រ័យនឹងប្រវត្តិរឿង​ក្នុងព្រះពុទ្ធសាសនា​។ ប្រជាជនកម្ពុជា នាំគ្នាប្រារព្ធពិធីបុណ្យនេះ​​មិនដែល​អាក់ខាន​ឡើយ គឺចាប់ពីថៃ្ង ១រោច ខែភទ្របទ រហូតដល់ថៃ្ងទី ១៥រោច មាន​រយៈ​ពេល ១៥ថៃ្ង ដែលយើងហៅថាបិណ្ឌ1, បិណ្ឌ2 ... និងថៃ្ងបញ្ចប់ គឺជា ថៃ្ង "ភ្ជុំបិណ្ឌ"។ បុណ្យ​ភ្ជុំបិណ្ឌ ត្រូវបានធ្វើឡើងតាមបែប​ព្រះពុទ្ធសាសនា។​

ជា​រៀងរាល់​ឆ្នាំ​ នៅ​ពេល​ដល់​ថ្ងៃ​ខែ​ដែល​ត្រូវ​ប្រារព្ធ​ពិធី​បុណ្យ​ភ្ជុំបិណ្ឌ​ គ្រប់​បងប្អូន​កូន​ចៅ​ សាច់​ញាតិ​សន្ដាន​ទាំងអស់​ ទោះ​នៅ​ទី​ជិត​ ឬ​ទី​ឆ្ងាយ​ តែង​តែ​ធ្វើ​ដំណើរ​ទៅ​ជួប​ជុំ​គ្នា​ ជា​ពិសេស​ឪពុក​ម្ដាយ​ ដើម្បី​រៀបចំ​ម្ហូប​អាហារ​ បាយ​សម្ល​ ចង្ហាន់​យក​ទៅ​ប្រគេន​ព្រះសង្ឃ​ដែល​គង់​នៅ​វត្ត​អារាម។​

ពាក្យថា "ភ្ជុំបិណ្ឌ" មកពីពាក្យ "ភ្ជុំ" រួមគ្នាជាមួយពាក្យ "បិណ្ឌ" ដែលមានន័យថា : ភ្ជុំគឺការប្រមូលផ្តុំ ឬប្រជុំបិណ្ឌ (មកពីភាសាបាលី) "ដុំបាយ" ដូចេ្នះ​យើង​អាច​សម្គាល់​ពាក្យ​នេះ តាមវិធីងាយបានថា គឺជា "ការប្រជុំ ឬប្រមូលផ្តុំដុំបាយ" ​(ការពូតដុំ បាយជាដុំៗ​ដែល​យើង​ហៅថា "បាយបិណ្ឌ") ។
បើ​តាម​តម្រា​ចារ​តាម​ប្រវត្តិសាស្ត្រ​នៃ​ប្រទេស​ កម្ពុជា​យើង​ បាន​បង្ហាញ​ថា​ពិធី​បុណ្យ​ភ្ជុំ​បិណ្ឌ​គឺ​កើត​មាន​តាំង​ពី​បុរាណ​កាល​មក​ម្ល៉េះ។​ ប៉ុន្តែ​ទាស់​ត្រង់​ថា​ កាល​ពី​សម័យ​មុន​គេ​មិន​ហៅ​ថា​ បុណ្យ​ភ្ជុំ​ទេ​ ដោយ​នៅ​ក្នុង​ពិធី​នេះ​គេ​មាន​បែង​ចែក​ចេញ​ជា​ពីរ​ថ្នាក់។​ ថ្នាក់​ដំបូង​ គឺ​គេ​ចាប់​ផ្ដើម​ធ្វើ​ចាប់​ពី​ថ្ងៃ ​១​រោច​ រហូត​ដល់​ថ្ងៃ​១៤​រោច​ ជា​វារកភត្ត​ (ភត្ត​ធ្វើ​តាម​ថ្ងៃ)​ ជា​បន្ត​បន្ទាប់។​ ចំណែក​មួយ​ថ្នាក់​ទៀត​គេ​ធ្វើ​នៅ​ថ្ងៃ​ ១៥​រោច​ ដែល​គេ​ហៅ​ថា​បុណ្យ​ភ្ជុំ។​ ពិធី​បុណ្យ​ទាំង​ពីរ​ថ្នាក់​នេះ​ បច្ចុប្បន្ន​ត្រូវ​បាន​យើង​បូក​បញ្ចូល​គ្នា​ ហើយ​ហៅ​កាត់​ថា​ ពិធី​បុណ្យ​បិណ្ឌ​ភ្ជុំ​នេះ​ឯង។

មូលហេតុ​ដែល​ប្រារព្ធ​ពិធី​បុណ្យ​ភ្ជុំបិណ្ឌ

ប្រជាជនខែ្មរ ក៏តែងតែចងចាំ និងយល់គ្រប់ៗគ្នាថា "បុណ្យភ្ជុំបិណ្យ" គឺជាការធ្វើបុណ្យដាក់បិណ្ឌ ដើម្បីឧទ្ទិសដល់ បេតបុគ្គលជាឪពុក ម្តាយ បងប្អូន ញាតិសន្តានទាំងឡាយ ដែលបានចែកស្ថានទៅ ហើយ មិនដឹងជាទៅចាប់កំណើតនៅលោកខាងមុខជាអ្វីនោះ។ ប៉ុនែ្តបើ តាមអត្ថបទរបស់ លោក សុង ស៊ីវ វិញការធ្វើបុណ្យភ្ជុំបិណ្ឌ ពុំមែនមានន័យតែប៉ុណ្ណឹងទេ គឺលោកបានបកស្រាយដោយលើកយកអត្ថន័យចំនួន ៣ គឺ :

ដើម្បីឧទិ្ទសកុសលចំពោះបេតបុគ្គល ឬប្រេតបុគ្គល (ពាក្យ "បេត" ជាពាក្យបាលី ឯពាក្យ "ប្រេត" ជាពាក្យសំស្រ្កឹត)
ដើម្បីឲ្យបានសេចក្តីសុខចម្រើន សិរីសួស្តីដែលកើតពីផលទានរបស់ខ្លួន។
ដើម្បីបង្កើតសាមគ្គីរបស់ជាតិ គឺការស្រុះស្រួលគ្នាទាំងពេលវេលាកំណត់ទាំងការធ្វើនំគម អន្សម ពេញទូទាំង ព្រះរាជាណាចក្រកម្ពុជា យើងក៏អាចកត់សម្គាល់ នូវពាក្យមួយទៀតថា "បុណ្យសែនដូនតា" ដែលជាពាក្យសាមញ្ញសម្រាប់ប្រជារាស្រ្តខ្លះ ព្រោះថាពាក្យទាំងពីរគឺមានន័យដូចគ្នា។

កាល​ពី​សម័យ​បុរាណកាល​ គេ​ធ្វើ​ពិធី​បុណ្យ​នេះ​គឺ​ដើម្បី​រៀបចំ​ធ្វើ​សង្ឃភត្ត​ ទំនុក​បម្រុង​ព្រះសង្ឃ​ដែល​គង់​ចាំ​វស្សា​ក្នុង​វត្ត​រយៈ​ពេល​៣​ខែ​ ចាប់​តាំង​ពី​ថ្ងៃ​ចូល​វស្សា​រហូត​ដល់​ថ្ងៃ​ចេញ​វស្សា។ នៅ​ក្នុង​ចំណេរ​កាល​បុរាណ​បាន​ចារ​ថា​ ដោយ​នៅ​ក្នុង​រដូវវស្សា​មាន​ភ្លៀង​ធ្លាក់​ជោកជាំ​ រលឹម​ពព្រិច​ ធ្វើ​ឲ្យ​មាន​ការ​លំបាក​ដល់​ព្រះសង្ឃ​ក្នុង​ពេល​ធ្វើ​គោចរ​បិណ្ឌបាត។​ ហេតុ​ដូច្នេះ​ ទើប​បណ្ដា​ពុទ្ធ​បរិស័ទ​នាំ​គ្នា​រៀបចំ​ពិធី​នេះ​ ដើម្បី​ផ្គត់ផ្គង់​ព្រះសង្ឃ​ប្រចាំ​ថ្ងៃ​រហូត​ដល់​ថ្ងៃ​ចេញ​វស្សា។​ ម្យ៉ាង​វិញ​ទៀត​ នៅ​ក្នុង​ពិធី​បុណ្យ​នេះ​ គឺ​ធ្វើ​ឡើង​ដើម្បី​ផ្សាយ​ឧទ្ទិស​កុសល​ដល់​ពពួក​បេតជនញាតិ​ និង​ញាតិ​ទាំង​៧​សណ្ដាន​ ព្រម​ទាំង​តំណ​ញាតិ​ច្រើន​មហាកប្ប​នោះ​ផង​ដែរ​ តាម​រយៈ​អនុភាព​នៃ​សង្ឃគតាទក្ខិណាទាន​ ដែល​រស់​រង​ទុក្ខ​វេទនា​ កើត​ជា​ប្រេត​មាន​កម្មពៀរ​ ជាប់​ទោស​ធ្ងន់​ រងកម្ម​ក្រហល់​ក្រហាយ​អត់ឃ្លាន​ទាំងអស់​នោះ​ បាន​រួច​ផុត​ពី​ក្ដី​លំបាក​សោកសៅ។
ម្យ៉ាងទៀតប្រជាជនខ្មែរប្រារព្ធពិធីបុណ្យភ្ជុំបិណ្ឌដោយសារតែពួកគេបានជំនឿយ៉ាងមុតមាំតាមបណ្ដាំចាស់ៗដែលពោលណែនាំនិងអនុវត្តជារៀងរាល់ឆ្នាំតៗគ្នាមក។ គេជឿថាសាច់ញាត្តិដែលបានចែកឋានទៅហើយ មានមាតាបិតា ជីដូនជីតា បងប្អូនកូនចៅ ញាតិកាទាំង៧សន្ដាននោះ ដែលខ្លះមានបាបកម្មត្រូវទទួលទោសនៅឋាននរកកើតជាប្រេត​ កើតជាអបាយភូមិវេទនាណាស់។ ឋាននោះស្ថិតនៅជ្រៅឆ្ងាយពីឋាន មនុស្សមិនអាចមើលឃើញពន្លឺព្រះអាទិត្យទេ គ្មានសំលៀកបំពាក់ គ្មានអាហារបរិភោគឡើយ។ លុះដល់រដូវបុណ្យគេដោះលែងឲ្យមក ទទួលផល្លានិសង្ឃដែលសាច់សាលោហិតធ្វើបុណ្យឧទ្ទិសឲ្យ។ ប្រជាជនខ្មែរជឿថាព្រលឹងរបស់អ្នកទាំងនោះនឹងមកដល់វត្តអារាមហើយ ទទួលការផ្ដល់ជូនពីសាច់ញាត្តិឫកូនចៅរបស់ពួកគេតាមរយះការអធិដ្ឋានដោយព្រះសង្ឃ។ ម្យ៉ាងទៀតគេខ្លាចជីដូនជីតាដាក់ប្រទេចបណ្ដា សាឲ្យគេហិនហោច ប្រសិនបើដើរស្វែងរកគ្រប់៧វត្តហើយនៅមិនឃើញសាច់ញាត្តិធ្វើបុណ្យឧទ្ទិសឲ្យ។ មួយវិញទៀតគេសង្ឃឹមថាកុសល ផលបុណ្យដែលគេបានធ្វើនៅជាតិនេះ នឹងធ្វើឲ្យគេទទួលបាននូវសេចក្ដីសុខ សេចក្ដីចំរើនរហូតដល់ជាតិក្រោយ។

ក្រុមអភិរក្សអះអាងថា៖"សត្វត្មាតនៅកម្ពុជាកំពុងស្ថិតនៅក្នុងហានិភ័យខ្ពស់"

ភ្នំពេញ៖ក្រុមអភិរក្សបានអះអាថាសត្វត្មាតនៅកម្ពុជាកំពុងប្រឈមនឹងការវិនាសផុតពូជខ្លាំង ខណៈចំនួន របស់វាមានការធ្លាក់ចុះ៥០ភាគរយគិតចាប់តាំងពីឆ្នាំ២០០០មក។ ចំនួន របស់វានាឆ្នាំនេះ ត្រូវបានគេកត់ត្រាក្នុងពេលជំរឿនមានតែ១២១ក្បាល ប៉ុណ្ណោះ ដែលនេះជាចំនួនដ៏ទាបបំផុតនៅក្នុងកំណត់ត្រាចាប់តាំងពីឆ្នាំ ២០០៣មក។

ក្នុងសេចក្ដីប្រកាសព័ត៌មានរបស់អង្គការសមាគមអភិរក្សសត្វព្រៃនៅកម្ពុជា នាថ្ងៃទី ០៤ ខែកញ្ញា ឆ្នាំ២០១៧ បានឱ្យដឹងថា
ការរកឃើញ ថ្មីៗនេះ បង្ហាញថាការបំពុលគឺជាការគំរាម កំហែងដ៏ធំបំផុតដល់ចំនួនសត្វត្មាតនៅកម្ពុជា។
ក្នុងការប្រារព្ធទិវាផ្សព្វ ផ្សាយអំពីសត្វត្មាតនៅកម្ពុជា ក្រុមអ្នកអភិរក្សសំណូមពរឲ្យប្រជាពលរដ្ឋ គ្រប់រូបជួយចែករំលែកព័ត៌មានអំពីភាពចាំបាច់ចំពោះការអភិរក្សសត្វត្មាត។

សត្វត្មាតនៅក្នុងប្រទេសកម្ពុជាមានចំនួន០៣ប្រភេទ គឺត្មាតភ្លើង ត្មាតត្នោត និងត្មាតផេះ។ ត្មាតទាំង ០៣ប្រភេទនេះស្ថិតនៅក្នុងបញ្ជីក្រហមរបស់ អង្គការ IUCN ជាប្រភេទរងគ្រោះជិតផុតពូជបំផុតនៅ លើសាកលលោក ដោយសារតែចំនួនរបស់ពួកវានៅលើសាកលលោកតែបន្តធ្លាក់ចុះយ៉ាងខ្លាំងគួរឲ្យព្រួយបារម្ភ។
លោក Simon Mahood ទីប្រឹក្សាបច្ចេកទេសជាន់ខ្ពស់នៃអង្គការ WCS បាននិយាយថា៖ “ការបំពុល ប្រហែលជាការគំរាមកំហែងដ៏ខ្លាំងបំផុត ចំពោះហ្វូងសត្វតា្មតនៅកម្ពុជា។ ការបំពុលនេះ ក៏មានផលប៉ះពាល់ ដល់សុខភាពមនុស្សផងដែរ។”
លោក Simon Mahood បន្តថា៖ “កិច្ចខិតខំប្រឹងប្រែងយ៉ាងខ្លាំងពីសំណាក់ រដ្ឋាភិបាល អង្គការអភិរក្សនានា និងសហគមន៍ ពិតជាចាំបាច់ណាស់ដើម្បី អភិរក្សសត្វត្មាតទាំង០៣ប្រភេទនេះកុំឲ្យបាត់បង់។”
សត្វត្មាតនៅក្នុងប្រទេសកម្ពុជា ក៏កំពុងតែទទួលការគំរាមកំហែងដោយសារ ការបាត់បង់ទីជម្រក និងកង្វះខាតចំណីអាហារដោយសារការធ្លាក់ចុះនៃ ចំនួនសត្វក្រចកជើងពីរ និងហ្វូងគោសាទិសស្រុក។ ការកើនឡើងនៃ ការបាត់បង់ព្រៃឈើ និងការផ្លាស់ប្តូរដីព្រៃតាមរយៈ ដីសម្បទានសេដ្ឋកិច្ច និងការកាប់ឆ្ការដីព្រៃ បានជះឥទ្ធិពលដល់ការបាត់បង់ ទីជម្រកពងកូន និងកាត់បន្ថយប្រភេទសត្វជាចំណីរបស់ហ្វូងត្មាតផងដែរ។ បន្ថែមពីនេះ សត្វត្មាតយ៉ាងតិចចំនួន៣០ក្បាលនៅក្នុងប្រទេសកម្ពុជាត្រូវបានគេសម្លាប់ នៅក្នុងរយៈពេល០៥ឆ្នាំចុងក្រោយនេះ។ ការកើនឡើងនៃប្រើប្រាស់ សារធាតុពុលដើម្បីបំពុលសត្វនៅស្ទើរគ្រប់ទីកន្លែងទួទាំងប្រទេសបាន បណ្តាលឲ្យប៉ះពាល់ដល់ចំនួនសត្វត្មាត និងគំរាមកំហែងដល់ការ រស់នៅរបស់មនុស្សផងដែរ។
លោក ប៊ូ វរសក្ស នាយកកម្មវិធីអភិរក្សរបស់អង្គការជីវិតសត្វស្លាប បាននិយាយថា៖ “ការងារអភិរក្ស រយៈពេល១០ឆ្នាំកន្លងទៅនេះ មិនបានបញ្ឈប់ការធ្លាក់ចុះនៃចំនួនសត្វត្មាតឡើយ។ លទ្ធផលចេញពី ការជំរឿនសត្វត្មាតនាឆ្នាំនេះ បានបង្ហាញនូវស្ថានភាពព្រួយបារម្ភដ៏ធំបំផុត ក្នុងនោះចំនួនសត្វតា្មតភាគច្រើនមាននៅដែនជម្រកសត្វព្រៃឆែប និងដែនជម្រកសត្វព្រៃសៀមប៉ាងខាងលិច។ សូមថ្លែងអំណរគុណដល់ ក្រសួងបរិស្ថានដែលបានដាក់តំបន់ទាំងពីរនេះជាតំបន់ការពារធម្មជាតិ”។
លោក ប៊ូ វរសក្ស បន្តថា៖ “ក្រៅពីការពារទីជម្រក ការផ្សព្វផ្សាយពិតជា ចាំបាច់ខ្លាំងណាស់ដើម្បីលើកកម្ពស់ការយល់ដឹងរបស់ប្រជាសហគមន៍ និងដើម្បីកាត់បន្ថយសកម្មភាពបំពុល”។
ដោយមានកិច្ចសហការជាមួយក្រសួងបរិស្ថាន និងក្រសួងកសិកម្ម រុក្ខាប្រម៉ាញ់ និងនេសាទ អង្គការអភិរក្សចំនួន០៤ ដូចជាអង្គការជីវិត សត្វស្លាប អង្គការWCS អង្គការWWF និងមជ្ឈមណ្ឌលអង្គរសម្រាប់ការ អភិរក្សជីវចម្រុះ កំពុងធ្វើការរួមគ្នាដើម្បីអភិរក្សសត្វត្មាតនៅកម្ពុជា តាមរយៈការអប់រំផ្សព្វ ផ្សាយ ការរៀបចំអាហារដ្ឋានដើម្បផ្តល់ ចំណីបន្ថែមដល់សត្វត្មាត ព្រមទាំងការការពារសំបុក និងទីជម្រកជាដើម។
លោក សេង ទៀក ប្រធានអង្គការWWF បាននិយាយថា៖ “តម្រូវការ សាច់សត្វព្រៃ នាំឲ្យការបរបាញ់សត្វព្រៃមានការកើនឡើង។ ចំណី សម្រាប់សត្វត្មាតមានតិចតួច ដោយការបរបាញ់តាមរយៈការដាក់អន្ទាក់ និងការបំពុល។ បន្ថែមពីនេះ សហគមន៍មួយចំនួនប្រើប្រាស់ថ្នាំពុលដាក់ ទៅក្នុង ឬជុំវិញត្រពាំងដើម្បីចាប់សត្វស្លាប និងថនិកសត្វមានមាឌតូច ជាដើម។ ការបំពុលនេះ គឺជាមូលហេតុចម្បង ដែលបណ្តាលឲ្យសត្វត្មាត ជាង៣០ក្បាលស្លាប់ ដោយសារតែសត្វត្មាតទាំងអស់នោះស៊ីសាកសព សត្វដែលស្លាប់ដោយសារថ្នាំពុល។”
កញ្ញា នី ណៃគី អ្នកសម្របសម្រួលគម្រោងអភិរក្សសត្វត្មាតនៅកម្ពុជា និយាយថា៖ “ត្មាតគឺជាសត្វដ៏ សំខាន់ និងដើរតួនាទីក្នុងការសំអាតបរិស្ថាន គ្រប់គ្រងការរីករាលដាលនៃជម្ងឺ និងមេរោគ ព្រមទាំងជួយឲ្យសហគមន៍ រកប្រាក់ចំណូលប្រកបដោយនិរន្តរភាពតាមរយៈទេសចរណ៍ធម្មជាតិ។ ខ្ញុំសំណូមពរឲ្យប្រជាពលរដ្ឋគ្រប់រូបចូលរួមអភិរក្សសត្វត្មាតនៅកម្ពុជាដោយបញ្ឈប់សកម្មភាពទិញ ឬបរិភោគ សាច់សត្វព្រៃ។ ការបរិភោគសត្វសាច់ព្រៃដែលមានផ្ទុកសារធាតុពុល មានផលប៉ះពាល់ខ្លាំងដល់សុខភាព។”
សកម្មភាពអភិរក្សសត្វត្មាតនៅកម្ពុជា ទទួលបានការគាំទ្រពី Critical Ecosystem Partnership Fund។ ទិវាផ្សព្វផ្សាយអំពីសត្វត្មាតទទួល បានការគាំទ្រពី អង្គការជីវិតធម្មជាតិនៅកម្ពុជា, USAID, Mohamed Bin Zayed Species Conservation Fund, MacArthur Foundation, Conservation Leadership Programme, ព្រមទាំង AFD, មជ្ឈមណ្ឌលសំវាសនា និងសហភាពអឺរ៉ុបសម្រាប់ការងារអរភិរក្ស សត្វត្មាតនៅក្នុងដែនជម្រកសត្វព្រៃឆែប៕រូបភាពក្រុមអភិរក្ស

 

ខេត្តបាត់ដំបងរៀបចំពិព័រណ៍ស្នាដៃនិងរូបសំណាក់លោកឧកញ៉ាសុត្តន្តប្រីជាឥន្ទ

ភ្នំពេញ៖តែងមានអ្នកឆ្ងល់ពេលចូលទៅទស្សនាសាលពិព័រណ៍របស់មន្ទីរវប្បធម៌ខេត្តបាត់ដំបង អំពីរូបសំណាករបស់លោកឧកញ៉ាសុត្តន្តប្រីជាឥន្ទ ថាតើលោកគឺជាអ្នកណាមានស្នាដៃអ្វី ? ប្រវត្តិខ្លះៗរបស់លោកឧកញ៉ាមកបង្ហាញចែកជូនប្រិយមិត្តដូចតទៅ៖លោកឧកញ៉ាសុត្តន្តប្រីជាឥន្ទ មុនពេលទទួលគោរម្យងារជា “ ឧកញ៉ាសុត្តន្តប្រីជា ”លោកជា ម្ចាស់វណ្ណកម្ម ស្នាដៃនិពន្ធ“ គតិលោក ” លោកមានឈ្មោះពីកំណើតថា “ ឥន្ទ ” ។

លោកកើតនៅភូមិរកាកោង ខេត្តមុខកំពូល (ខេត្តកណ្តាលសព្វថៃ្ង) នៅថៃ្ងច័ន្ទ ខែអាសាធ ឆ្នាំវក ពុទ្ធសករាជ២៤០៣ ត្រូវនឹងថៃ្ងទី២២ ខែកក្កដា ឆ្នាំ១៨៥៩ មានមាតាឈ្មោះ មុំ បិតាឈ្មោះបញ្ចង់កែ ។ ក៏ប៉ុន្តែបុព្វជនប្រកបដោយទេពកោសល្យរូបនេះមានព្រះជន្មត្រឹមតែ ៦៥ឆ្នាំប៉ុណ្ណោះ ។លោក ឥន្ទ បានចូលរៀននៅអាយុ ១០ឆ្នាំ ដែលនាសម័យនោះ ការបានចូលរៀនក្នុងអាយុនេះគឺលឿនណាស់ទៅហើយ ហើយលោកបានរៀនបកប្រែព្រះត្រៃបិដក នៅអាយុ១៥ឆ្នាំ ដោយបួសជាសាមណេរមួយវស្សានៅវត្តព្រែកពោធិ៍ ។
ក្រោយមកលោកបានចាកភេទសាមណេរទៅរៀននៅស្រុកព្រះត្រពាំង ហើយនៅអាយុ ១៨ឆ្នាំ បានមករៀននៅសំណាក់លោកគ្រូព្រះពុទ្ធឃោសាចារ្យប្រាក់ ក្នុងវត្តឧណ្ណាលោម ក្រុងភ្នំពេញ ។
បន្ទាប់ពីរៀននៅក្នុងសំណាក់លោកគ្រូព្រះអាចារ្យនៅវត្តកែវ ខេត្តបាត់ដំបងបានមួយឆ្នាំ, នៅអាយុ ២០ឆ្នាំ លោកបានបួសជាភិក្ខុនៅទីនោះមួយវស្សា ទើបលាព្រះឧបជ្ឈាយាចារ្យទៅរៀននៅបាងកកអស់រយៈពេល ៧ឆ្នាំ ក៏ត្រឡប់មកស្រុកខ្មែរវិញ ហើយបន្តបួសនៅវត្តកណ្តាល ស្រុកបាត់ដំបងរយៈពេល ១០ឆ្នាំទៀត រហូតទាល់តែអាយុ ៣៧ឆ្នាំ ទើបលាចាកសិក្ខាបទ និងមានភរិយានៅភូមិឈ្វាធំ ខេត្តបាត់ដំបងនោះតែម្តង ។
ជារួមលោកឧកញ៉ាបានចំណាយពេលរៀនសូត្រពីមជ្ឈដ្ឋានព្រះពុទ្ធសាសនាអស់ រយៈពេលជិត ២០ឆ្នាំឯណោះ ។ជាបន្តបន្ទាប់ លោក ឥន្ទ បានតែងនិពន្ធនូវស្នាដៃជាច្រើន ទាំងជាបាលី ទាំងជាខ្មែរដោយកាព្យផង ដោយសម្រាយផង រួមមាន ៤៤ស្នាដៃ ហើយអាស្រ័យដោយការតែងនិពន្ធនោះ បានធ្វើឱ្យឈ្មោះលោកល្បីរន្ទឺដល់រាជការក្រុងភ្នំពេញ ។
នៅអាយុ ៥៥ឆ្នាំ លោកបានចូលមកធ្វើការនៅពុទ្ធសាសនបណ្ឌិតខាងតែងវចនានុក្រម និងផ្ទៀងផ្ទាត់គម្ពីរដីកា ហើយរាជការក្រុងភ្នំពេញ បានផ្តល់ងារជា “ ឧកញ៉ាសុត្តន្តប្រីជា ” ចាប់ពីពេលនោះមក ដើម្បីឱ្យលោកជួយតែងសព្វវចនាធិប្បាយខ្មែរនៅសាលាបាលី ។
នៅអាយុ ៦៥ឆ្នាំ លោកបានលារាជការវិលមកនៅស្រុកបាត់ដំបងវិញ ។ លុះថៃ្ងអាទិត្យ ១២ កើត ខែកក្តិក ឆ្នាំជូត ឆស័ក លោកបានទទួលអនិច្ចកម្មនៅវេលាម៉ោង ៨ព្រឹក ត្រូវនឹងថៃ្ងទី៨ ខែវិច្ឆិកា ឆ្នាំ១៩២៤ ក្នុងជន្មាយុ ៦៥ឆ្នាំនោះតែម្តង ។ តាមកំណត់ត្រារបស់ពុទ្ធសាសនបណ្ឌិត ស្នាដៃល្បីៗរបស់លោកឧកញ៉ារួមមាន:
១- គតិលោក ឬច្បាប់ទូន្មានខ្លួន (១០ភាគ)២- កាព្យនិរាសអង្គរ ឬនិរាសនគរវត្ត៣- រឿង “ អំបែងបែក ” (សាស្ត្រាស្លឹករឹត)៤- បឋមសម្ពោធិ (ជាក្រាំង)៥- លោកនីតិបករណ៍ (ពាក្យកាព្យ)៦- សុភាសិតច្បាប់ស្រី៧- ក្បួនមេកាព្យក្នុងចំណោមស្នាដៃទាំងអស់នេះ “ គតិលោក ” ឬ “ ច្បាប់ទូន្មានខ្លួន ” បានបោះពុម្ពនាពុទ្ធសករាជ២៥០៨(១៩៦៥) ដោយពុទ្ធសាសនបណ្ឌិតមានភាពល្បីល្បាញ និងមានការទទួលស្គាល់ជាទូទៅច្រើនជាងគេពីសំណាក់អ្នកសិក្សាខ្មែរ ជំនាន់ក្រោយៗ ជាពិសេសអ្នកសិក្សាពីអក្សរសិល្ប៍ ។ នៅក្នុងសៀវភៅ “ គតិលោក ” ឬ “ ច្បាប់ទូន្មានខ្លួន ” ទាំង ១០ភាគ មានរឿងខ្លីៗជាច្រើនបញ្ចូលគ្នា ដែលបង្ហាញពីការអប់រំទូន្មាន និងបញ្ហាគ្រប់ប្រភេទដែលមានក្នុងដំណើរជីវិតមនុស្ស ។
ជាការពិត “ គតិលោក ” គឺជាវណ្ណកម្មដ៏ធំសំបើមរបស់លោកឧកញ៉ាសុត្តន្តប្រីជាឥន្ទ“គន់ចំបក់ដូចបងចំបែងចិត្ត ចៅដើមខ្វិតដូចបងមកខ្វែងចៅឱដើមសោកដូចបងមកសោកសៅ ដើមស្រឡៅនៅស្រឡាញ់ចេញចោលមក”។ស្នាដៃនិពន្ធទាំងអស់របស់លោកឧកញ៉ាបានបង្ហាញឱ្យឃើញថា លោកមានទេព កោសល្យតែងនិពន្ធ ទាំងបញ្ហាពុទ្ធចក្រ និងអាណាចក្រ ពោលគឺជាតម្រូវការរបស់មនុស្សលោក ជាពិសេសជនជាតិខ្មែរនាសម័យកាលនោះ និងសម័យកាលក្រោយមក ដែលចង់ដឹងជាចាំបាច់ ដើម្បីរៀបចំជីវិតប្រកបដោយសេចក្តីសុខ ។ អ្វីដែលលោកតែងនិពន្ធនោះក៏នៅតែមានតម្លៃសំរាប់ការប្រតិបត្តិ ជាក់ស្តែងរហូតមកដល់ពេលសព្វថ្ងៃនេះផងដែរ ៕

មន្រ្តីបង្ហាញថា៖ក្នុងមួយឆ្នំាៗប្រជាជនកម្ពុជាម្នាក់នៅទីប្រជុំជនបានប្រើប្រាស់ថង់ប្លាស្ទិកពី២៥០០ ទៅ៣០០០ថង់ នាំប៉ះពាល់ដល់បរិស្ថាន

ភ្នំពេញ៖ថ្លែងនៅក្នុងសិក្ខាសាលាបណ្តុះបណ្តាលពង្រឹងសមត្ថភាពលើការគ្រប់គ្រងសំណល់ប្លាស្ទិក នៅមន្ទីរបរិស្ថានខេត្តសៀមរាបនៅព្រឹកថ្ងៃទី២៣ខែសីហានេះលោកជំទាវ ងិន លីណា អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាននៃក្រសួងបរិស្ថាន បានមានប្រសា សន៍ថា សំណល់ថង់ប្លាស្ទិកបានចោលពាសវាលពាសកាល បានបង្កអោយមានផលវិបាកដល់បរិស្ថាន និងសង្គមគ្រប់បែបយ៉ាង។
លោកជំទាវបន្តថា តាមការស្រាវជ្រាវរបស់អង្គការ ACCRA និងក្រសួងបរិស្ថាន រួមជាមួយដៃគូរផ្សេងៗទៀតបានបង្ហាញថា ប្រជាជនកម្ពុជានៅទីប្រជុំជនបានប្រើប្រាស់ថង់ប្លាស្ទិកប្រមាណ៥២ថង់ក្នុងមួយសប្តាហ៍ ឬប្រមាណ២៥០០ ទៅ៣០០០ថង់ក្នុងមួយឆ្នាំ ក្នុងនោះកម្មករប្រើប្រាស់ថង់ប្រមាណ២០០០ថង់ ទៅ២៥០០ថង់ និងនិស្សិតប្រើប្រាស់ថង់ប្រមាណពី១៧០០ថង់ ទៅ២២០០ថង់ក្នុង១ឆ្នាំ។
លោកជំទាវ ងិន លីណា បញ្ជាក់ថា៖" គោលនយោបាយនិងការអនុវត្តនៅសហគមអឺរ៉ុប គេបានដាក់បញ្ញត្តិលើការប្រើប្រាស់ថង់ប្លាស្ទិក ដោយកាត់បន្ថយការប្រើប្រាស់ក្នុងមួយនាក់ អោយបាន៩០ថង់នៅឆ្នាំ២០១៩ និងបាន៨០%នៅឆ្នាំ២០២៥ ធៀបនឹងអត្រាប្រើប្រាស់ថងប្លាស្ទិកនៅឆ្នាំ២០១០ ដែលមានចំនួន១៧៦ថង់ក្នុងមួយនាក់"។
លោក ពិន ប្រាកដ អភិបាលរងខេត្តសៀមរាប បានអោយដឹងថា ជាការពិតណាស់ថង់ប្លាស្ទិកបង្កផល់ប៉ះពាល់យ៉ាងខ្លំាងដល់បរិស្ថាន។លោកសង្ឃឹមថា សិក្ខាសាលានេះនឹងផ្តល់ចំណេះដឹង ដើម្បីកសាងសមត្ថភាពសិក្ខាកាម អោយមានជំនាញលើការគ្រប់គ្រងសំណល់រឹង-សំរាម រួមបញ្ជូលទាំងសំណល់ប្លាស្ទិក និងដើម្បីទទួលបានចំណេះដឹងក្នុងការគ្រប់គ្រង បែងចែក កាត់បន្ថយសំណល់ ជាពិសេសការអនុវត្តគោលការណ៍៣R, ប្រើប្រាស់ធនធានធម្មជាតិប្រកបដោយនិរន្តភាព, អោយធានាបាននូវកិច្ចគាំពារបរិស្ថាន ការអភិរក្សធនធានធម្មជាតិ និងជីវៈចម្រុះ និងការរស់នៅប្រកបដោយចរីភាព ៕

 

ក្រុមអភិរក្ស៖កូនផ្សោតចំនួន៨ក្បាលបានកើតនៅទន្លេមេគងកម្ពុជា

ភ្នំពេញ៖កូនផ្សោតចំនួន៨ក្បាលបានកើតនៅទន្លេមេគងកម្ពុជាក្នុងរយៈពេល៨ខែដើមឆ្នាំនេះតែក្នុងនោះមាន២ក្បាលបានស្លាប់ទៅវិញ។នេះបើតាមការស្រាវជ្រាវរបស់ក្រុមអភិរក្សសត្វព្រៃបានអោយដឹងនៅថ្ងៃនេះ។​យោងសេចក្ដីប្រកាសរបស់ក្រុមអភិរក្សសត្វព្រៃបានអោយដឹងថាកូនផ្សោតចំនួន៨ក្បាលបានកើតនៅដើមឆ្នាំនេះតែកាលពីឆ្នាំទៅមិញកូនផ្សោតកើតថ្មីបាន៤ក្បា​ល​តែស្លាប់វិញទាំងអស់។សម្រាប់ខែនេះក្រុមស្រាវជ្រាវបានប្រទះឃើញកូនផ្សោតចំនួន២ក្បាលនៅខេត្តក្រចេះពិសេសតំបន់អភរិក្សអន្លង់កាំពី។

បើតាមការស្រាវជ្រាវរបស់ក្រុមអភិរក្សបានវាយតម្លៃថានៅកម្ពុជាមានផ្សោតប្រមាណជា៨០ទៅ១០០ក្បាលរស់នៅតាមដងទន្លេមេគង្គនិងជាគោលដៅការអភរិក្សចំពោះសត្វកម្រលើលោក។ក្រុមអភិរក្សបានអះអាងដែរថា៖សត្វផ្សោតមួយចំនួនស្លាប់ដោយសារការជាប់មងអ្នកនេសាទ។សត្វផ្សោត​ជាសត្វកម្រនៅកម្ពុជានិងលើលោកហើយវាបានចូលរួមចំណែកទាក់ទាញទេសចរមកកាន់កម្ពុជាពិសេសទេសចរក្នុងស្រុកនិងបរទេសអាចទៅទស្សនាសត្វផ្សោតនៅខេត្តក្រចេះនិងស្ទឹងត្រែង៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

ព័ត៌មានជាតិ​ពេល​យប់​


មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

មនុស្សធម៌

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2