vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានជាតិ

ដំណាំស្រូវជាងជិត៤ពាន់ហិចតារងផលប៉ះពាល់ដោយទឹកជំនន់

ខេត្តកំពង់ធំ៖ដើមខែសីហាឆ្នាំ២០១៧នេះ ជំនន់ទឹកភ្លៀងនៅក្នុងស្ទឹងសែន ខេត្តកំពង់ធំ បានឡើងដល់កម្រិតប្រកាសការប្រុងប្រយ័ត្ននិងបង្កឲ្យដំណាំស្រូវ រងផលប៉ះពាល់ជាង៣៧៨០ហិចតា នៅតាមបណ្តាស្រុកមួយចំនួន។
បន្ទាប់ពី មានអាកាសធាតុត្រជាក់ ហើយភ្លៀងធ្លាក់យ៉ាងជោគជាំ ជិតមួយសប្តាហ័កន្លងទៅនេះ ធ្វើជំនន់ទឹកភ្លៀងបានហូរយ៉ាងជង្ហុគសម្រុកក្នុងចូលស្ទឹងសែន ខេត្តកំពង់ធំ ឡើងពេញប្រៀបច្រាំង ដល់មក្រឹតមួយ ជាចំនុចដែលអាជ្ញាធរត្រូវប្រកាសការប្រុប្រយ័ត្នផងដែរ និងមួយផ្នែកទៀតបានហូរទៅបែកវាលទៅតាមតំបន់ទំនាបនៅបណ្តាស្រុក១ចំនួនដូចជា ស្រុកសន្ទុក ស្ទោង កំពង់ស្វាយ ប្រាសាទសំបូរ និងក្រុងស្ទឹងសែន។
លោក យូ ឡា ប្រធានមន្ទីរធន់ធានទឹកនិងឧត្តុរនិយម ខេត្តកំពង់ធំបានឲ្យដឹងនៅព្រឹកថ្ងៃទី០៣ខែសីហានេះថា៖ កំពស់ទឹកស្ទឹងសែន ខេត្តកំពង់ធំ មានកម្ពស់១៣/៥០ម៉ែត្រ កម្រឹតនេះបើសិនជាមេឃនៅតែបន្តធ្លាក់ភ្លៀងទៀតនោះ លោកនឹងជូនដំណឹងដល់ប្រជាពលរដ្ឋ អោយមានការប្រយ័ត្ន ដូចជាគ្រួសារមានកូនតូចៗចាស់ជរា និងមធ្យោបាយធ្វើដំណើរ ដូចជាទូក កាណូត ឬកង់ឡានជាដើម។ លោកបន្តថាតែបើរយៈពេល២ថ្ងៃផ្ទៃមេឃ ស្រឡះ មិនភ្លៀងទេនោះ គឺទឹកនៅស្ទឹងសែន និងតាមបណ្តាស្រុក១លើខាងចំនួននិងស្រកចុះវិញ។
ជាមួយគ្នានេះដែរ អ្នកស្រី ស៊ីវន ជាកសិករ រស់នៅឃុំសំបូរ ស្រុកប្រាសាទសំបូរ ខេត្តកំពង់ធំ បានប្រាប់ថា!ពួកគាត់បាននាំគ្នា ច្រូតស្រូវនៅក្នុងទឹក អស់រយៈពេលជិតមួយសប្តាហ៏កន្លងមកហើយ ព្រោះទឹកជំនន់នេះបានធ្វើអោយដំណាំស្រូវ ពួកគាត់រងការខូចខាត ជាច្រើនហិតា និងបណ្តាលអោយបាត់បង់ទិន្នផលទៀតផង។
ទោះជាយ៉ាងណាក៏ដោយ លោកធីវវណ្ណធី ប្រធានមន្ទីរ កសិកម្មរុក្ខាប្រម៉ាញ់និងនេសាទ ខេត្តកំពង់ធំ បានឲ្យដឹងថា៖ គិតមកដល់ថ្ងៃទី៣ខែសីហាឆ្នាំ២០១៧នេះ ទឹកជំនន់បានវាយលុក មកលើស្រុកចំនួនមួយក្នុងខេត្តកំពង់ធំ បណ្តាលអោយរងការប៉ះពាល់ដំណាំកសិកម្ម ជាពិសេសដំណាំស្រូវដើមរដូវអស់ជាង៣៧៨១ហិតា នៅក្នុងស្រុកកំពង់ស្វាយប៉ះពាល់ក្នុងឃុំ ព្រៃគុយ ឃុំកំពង់ស្វាយ ឃុំក្តីដូង ឃុំកំពង់គោ ចំនួន១១៤៤ហិចតានិងស្រុកក្រុងស្ទឹងសែន ៩៦ហិចតា ស្រុកសន្ទុកចំនួណ៦៤២ហិតា ស្ថិតនៅក្នុងឃុំត្បូងក្រពើ ឃុំជ្រាប់និងឃុំកកោះ (ស្រូវកំពង់ប្រមូលផលដណ្តើមទឹក) ស្រុកប្រាសាទសំបូរ ចំនួន១០៤៥ហិចតា ក្នុងឃុំឈូក ឃុំស្រើង ឃុំតាំងក្រសៅ និងស្រុកសណ្តាន់ចំនួន៧៥១ហិតា នៅក្នុងឃុំមានជ័យ ឃុំខ្លែង និងឃុំឈើទាល ក្រុមការងារមន្ទីរកសិកម្មកំពុងតែបន្តចុះអង្កេតផ្ទៃដី ដែលរងផលប៉ះពាល់ដើម្បីផ្តល់ពូជស្រូវដល់បងប្អូនប្រជាពលរដ្ឋ៕

 

មន្ដ្រី៖ការផ្អាកលំហាត់សមយុទ្ធយោធាជាមួយអាមេរិកដោយសារកម្លាំងទ័ពកម្ពុជាមានភារៈកិច្ចក្នុងប្រទេស

ភ្នំពេញ៖ មន្រ្តីជាន់ខ្ពស់នៃក្រសួងការពារជាតិកម្ពុជា បានអោុដឹងថា៖ ការផ្អាកធ្វើលំហាត់ សមយុទ្ធយោធារវាងកងទ័ពកម្ពុជា និងទាហានសហរដ្ឋអាមេរិក ដោយសារកម្លាំងទ័ពកម្ពុជា មានភារៈកចិ្ចចាំបាច់ត្រូវបំពេញនៅក្នុងប្រទេស។
ក្នុងពិធីផ្សព្វផ្សាយអប់រំចិត្តសាស្រ្ត និងសភាពការថ្មីៗប្រចាំឆមាសទី២ឆ្នាំ២០១៧ នៅទីស្តីការក្រសួង នាព្រឹកថ្ងៃទី៣ ខែសីហា ឆ្នាំ២០១៧ ឯកឧត្តម នាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ បានថ្លែងថា៖ “ការដែលផ្អាកធ្វើលំហាត់សមយុទ្ធយោធា រវាងកម្ពុជា- អាមេរិក ក្នុងឆ្នាំ២០១៧នេះ គឺមិនមានបញ្ហាប៉ះពាល់ទំនាក់ទំនងផ្នែកការទូតកើតឡើង រវាងគ្នានិងគ្នានោះទេ គឺកម្ពុជាសុំផ្អាកលំហាត់សមយុទ្ធយោធាដោយខ្លួនឯង”។
ចំពោះការផ្អាកលំហាត់សមយុទ្ធយោធានេះ ឯកឧត្តម នាង ផាត បានបញ្ជាក់យ៉ាងច្បាស់ថា ទី១ដោយសារក្នុងឆ្នាំ២០១៧ គឺមានព្រឹត្តិការណ៍បោះឆ្នោតជ្រើសរើស ក្រុមប្រឹក្សាឃុំសង្កាត់ និងឆ្នាំ២០១៨ បោះឆ្នោតជ្រើសរើសតំណាងរាស្រ្ត។ ទី២ កម្លាំងយោធាកម្ពុជានៅមានកម្រិត ដោយបារម្ភខ្លាចមិនមានសមត្ថភាពគ្រប់គ្រាន់ក្នុងការធ្វើលំហាត់សមយុទ្ធជាមួយយោធាអា​មេរិក។ ទី៣ កម្ពុជាត្រូវប្រមូលកម្លាំងមករក្សាការពារសន្តិសុខ នៅមុនពេលបោះឆ្នោត និងក្រោយពេលបោះឆ្នោត។ ថាតើរហូតដល់ឆ្នាំណា កម្ពុជា នឹងអាចធ្វើលំហាត់ សមយុទ្ធយោធា ជាមួយយោធាអាមរិកវិញ ឯកឧត្តម នាង ផាត បញ្ជាក់ថាចំពោះបញ្ហានេះ គឺ កម្ពុជា មិនទាន់បានកំណត់ពេលវេលាជាក់លាក់ណាមួយនោះទេ។
ការផ្អាកសមយុទ្ធយោធាឆ្មាំអង្គរ ដែលកម្ពុជាបានធ្វើរួមគ្នាជាមួយអាមេរិកតាំងពីឆ្នាំ២០១០កន្លងមក ឯកឧត្តម ឈុំ សុជាតិ អ្នកនាំពាក្យក្រសួងការពារជាតិកម្ពុជា បានអោយដឹងថា ដោយសារតែកម្ពុជាកំពុងជាប់រវល់នៅក្នុងប្រតិបត្តិការបង្ក្រាបគ្រឿងញៀនខុសច្បាប់ និងត្រូវត្រៀមខ្លួនការពារសន្តិសុខនិងសណ្ដាប់ធ្នាប់។
តាំងពីឆ្នាំ២០១០ កម្ពុជានិងសហរដ្ឋអាមេរិក បានរៀបចំលំហាត់សមយុទ្ធយោធារួមគ្នា អោយឈ្មោះថា សមយុទ្ធឆ្មាំអង្គរ។ ជាសមយុទ្ធដែលជាទូទៅប្រព្រឹត្តធ្វើនៅក្នុងអំឡុងខែមីនានិងមេសា ក្នុងខេត្តកំពង់ស្ពឺ ដែលផ្ដោតសំខាន់ទៅលើការហ្វឹកហ្វឺនកងកម្លាំងកម្ពុជាក្នុងប្រតិបត្តិការរក្សាសន្តិភាពនិងមនុស្សធម៌។
អ្នកនាំពាក្យស្ថានទូតអាមេរិកប្រចាំកម្ពុជា Jay R. Raman បានប្រាប់ទូរទស្សន៍ហង្សមាសមកថា “ទោះបីជាកម្ពុជាបានសុំផ្អាកនៃការធ្វើលំហាត់សមយុទ្ធ យោធា ជាមួយទាហានអាមេរិកក៏ដោយ ក៏ទំនាក់ទំនងការទូតរវាងប្រទេសទាំងពីរនៅតែ មានទំនាក់ល្អដូចពីមុនដដែល។ ជាពិសេសវិស័យការពារជាតិ រវាងអាមេរិក កម្ពុជា នៅតែមានទំនាក់ ទំនងល្អដដែល។
ចំពោះការផ្អាកលំហាត់សមយុទ្ធយោធាននេះ សាស្ត្រាចារ្យវិទ្យាសាស្ត្រនយោបាយលោក ឯម សុវណ្ណារ៉ា បានអោយដឹងថា “ការការផ្អាកសមយុទ្ធយោធានេះ វាបានបង្ហាញថាកម្ពុជាខ្វះលទ្ធភាពក្នុងការសហប្រតិបតិ្តការ និងរៀបចំកម្លាំងរបស់ខ្លួន ហើយការដកសមយុទ្ធយោធានេះ វាបានធ្វើអោយការបង្កើនសន្តិសុខក្នុងតំបន់អាស៊ី គឺហាក់បីដូចជាឃ្លាតឆ្ងាយពីកម្ពុជា ខណៈដែលកម្ពុជាត្រូវបានគេមើលឃើញថាកំពុងងាកទៅរកប្រទេសចិន។

លោកបន្តថា៖ កម្ពុជាគួរតែរក្សាជំហរខ្លួនឯងអោយមានអព្យាក្រិត ក្នុងការរក្សាទំនាក់ទំនង និងសន្តិសុខក្នុងតំបន់ព្រោះមិនអាចពឹងតែទៅលើចិនបានតែមួយនោះទេ ខណៈដែលប្រទេសដែលកំពុងមានឥទ្ធិពលនៅអាស៊ីនោះ ក៏មានសហរដ្ឋអាមេរិក និងអូស្ត្រាលីផងដែរ៕

 

សម្ដេចហ៊ុនសែនហាមកីឡាករទៅស៊ីហ្គេមប្រើប្រាស់ថ្នាំប៉ូវកំលាំង

ភ្នំពេញ៖សម្តេចប្រមខរដ្ឋាភិបាលកម្ពុជាហាមកីឡាករទៅស៊ីហ្គេមប្រើប្រាស់ថ្នាំប៉ូវកំលាំងពេលប្រកួតដើម្បីការពារកិត្តិយសជាតិ។សម្ដេចបានលើកឡើងនៅព្រឹកនេះពេលជួបកីឡាករមុនចេញដំណើរទៅប្រកួតនៅម៉ាឡេស៊ី។

សម្ដេចបានផ្តាំផ្ញើរដល់កីឡាទាំងអស់ក្នុងពេលប្រកួត ជៀសវាងដាច់ខាតការប្រើប្រាស់សារធាតុលើកកម្លាំងព្រោះវាខុសនឹងលក្ខន្តិកៈ មិនត្រឹមធ្វើឱ្យយើងបាត់បង់ឱកាស និងលទ្ធផលនោះទេ វាធ្វើឱ្យប៉ះពាល់ដល់កិត្តយសជាតិទៀតផង។ មួយទៀតសម្តេចស្នើឱ្យការប្រកួតត្រូវគោរពតាមលក្ខន្តិកៈនិងក្បួនខ្នាតនៃការប្រកួត កុំដើម្បីចង់ឈ្នះទៅបំពានលើគូរប្រកួត ចំណុចនេះសម្តេចហាមដាច់ខាត។កីឡាកីឡាការិនីនិងប្រតិភូចំនួនប្រមាណ២៧៤នាក់នឹងចេញទៅប្រកួត​កីឡា​ស៊ី​ហ្គេ​ម​លើក​ទី​២៩​នៅ​ប្រទេស​ម៉ា​ឡេ​ស៊ី។

នៅព្រឹកថ្ងៃទី៣ខែសីហាឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានជួបសំណេះសំណាលជាមួយជាមួយប្រតិភូកីឡាកម្ពុជាចំនួន២៧៤នាក់ ដែលត្រូវចេញទៅចូលរួមប្រកួតកីឡាSEA Games លេីកទី២៩ នៅទីក្រុង់កូឡាឡំពួរ ប្រទេសម៉ាឡេស៊ី នៅវិមានសន្តិភាព។

តាមប្រសាសន៍របស់ឯ.ឧ ហង់ ជួនណារ៉ុន រដ្ឋមន្រ្តីក្រសួង​អប់រំ យុវជន និង​កីឡា កម្ពុជាបានបញ្ជូន​ប្រិភូតិកីឡាដែលមាន ថ្នាក់ដឹកនាំ គ្រូបង្វឹក កីឡាករកីឡាការិនី​ចំនួន​២៤​ប្រភេទ​កីឡា​សរុប​មានចំនួន​២៧៤​នាក់​ទៅ​ចូលរួម​ប្រកួត​កីឡា​ស៊ី​ហ្គេ​ម​លើក​ទី​២៩​នៅ​ប្រទេស​ម៉ា​ឡេ​ស៊ី ចាប់ពី​ថ្ងៃ​ទី​១៩​ដល់​ថ្ងៃ​ទី​៣១ ខែសីហា ឆ្នាំ​២០១៧​៕

 

អគ្គនាយកដ្ឋាននគរអន្តោប្រវេសន៍ឃាត់ខ្លួនជនជាតិចិនចំនួន២០០នាក់នៅក្រុងប៉ោយប៉ែត

ខេត្តបន្ទាយមានជ័យ៖អគ្គនាយកដ្ឋាននគរអន្តោប្រវេសន៍នៃអគ្គស្នងការនគបាលជាតិបានឃាត់ខ្លួនជនជាតិចិនចំនួន១៨៣នាក់មានស្រី២៥នាក់នៅថ្ងៃទី០២ខែសីហាឆ្នាំ២០១៧ដែលស្ថិតចំណុចផ្ទះសំណាក់២កន្លែងគ្មានយីហោជាប់ជាយដែនក្នុងក្រុងប៉ោយប៉ែតពីបទដោយរកស៊ីចាប់ជំរិតតាមអនឡាញ មកជ្រកកោននៅទីប្រជុំជននៃប្រទេសកម្ពុជាខុសខច្បាប់។
លោកឧត្តមសេនីយ៍ឯក ឃុន សំបូរ អគ្គនាយករងអន្តោរប្រវេសន៍នៃអគ្គស្នងការនគបាលជាតិបានប្រាប់ថា៖នៅពេលដែលឃាត់ខ្លួនជនជាតិចិនចំនួន១៨៣នាក់ក្នុងនោះមានស្រី២៥នាក់នេះគឺកម្លាំងនគរបាលជំនាញរបស់អគ្គនាយកដ្ឋានអន្តោប្រវេសន៍បានសហការជាមួយកម្លាំងនគរបាលស្នងការនគរបាលខេត្ត.ក្រុងរួមមានលោក អោក បូរ៉ា អគ្គនាយកប្រៃសណីយ៍និងទូរគមនាគមន៍និងលោក មាស ច័ន្ទពិសិដ្ឋ ព្រះរាជ្ញាសាលាដំបូងខេត្តបន្ទាយមានជ័យ។
លោកបានបញ្ជាក់ថា៖នៅដែលចុះបង្ក្រាបនិងឃាត់ខ្លួនជនាជាតិចិនប្រុសស្រីចំនួន១៨៣នាក់នេះព្រមទាំងរកឃើញសំភារៈជាឧបករខុសច្បាប់មួយចំនួនត្រូវបានរឹមអូសយកជាវត្ថុតាង។ហើយពេលដែលឃាត់ជនជាតិចិនអន្តោរប្រវេសន៍ខុសច្បាប់ត្រូវបានជញ្ជូនតាមរថយន្តក្រុងចំនួន៣គ្រឿងដឹកទៅអគ្គនាយកដ្ឋាននគរបាលអន្តោប្រវេសន៍នៃអគ្គស្នងការនគរបាលជាតិ៕(ប៊ុន ធឿន)

 

ក្រុមអភិរក្សរកឃើញសំបុកពងកូនសត្វត្រយ៉ងយក្ស១៩សំបុកនៅក្នុងខេត្តព្រះវិហារ

ភ្នំពេញ៖អង្គការសមាគមអភិរក្សសត្វព្រៃ (WCS) សហការជាមួយក្រសួងបរិស្ថាន បានរកឃើញសំបុកពងកូនសត្វត្រយ៉ងយក្សដែលជាប្រភេទរងគ្រោះជិតផុតពូជបំផុតនៅលើសាកលលោក ចំនួន១៩សំបុកនៅក្នុងតំបន់ខ្ពង់រាបភាគខាងជើងប្រទេសកម្ពុជាក្នុងខេត្តព្រះវិហារសម្រាប់រដូវការពងកូនរបស់ពួកវានាឆ្នាំនេះ។ នេះបើតាមការប្រកាសរបស់អង្គការសមាគមអភិរក្សសត្វព្រៃនៅថ្ងៃនេះ។

ប្រភពបានបន្ដថា៖តាមរយៈកម្មវិធីការពារសំបុកសត្វស្លាប សមាជិកសហគមន៍ និងក្រុមអ្នកអភិរក្ស កំពុងធ្វើការរួមគ្នាដើម្បីថែរក្សា ការពារ និងត្រួតពិនិត្យសំបុកសត្វត្រយ៉ងយក្សទាំងអស់នេះពីការរំខានរបស់មនុស្ស និងកត្តាគំរាម កំហែងផ្សេងៗទៀត។
ត្រយ៉ងយក្ស ដែលជាសត្វស្លាបតំណាងឲ្យប្រទេសកម្ពុជា ស្ថិតនៅក្នុងបញ្ជីក្រហមរបស់អង្គការ IUCN ជាប្រភេទរងគ្រោះជិតផុតពូជបំផុតនៅលើសាកលលោក។ ពួកវាមានរស់នៅតែក្នុងប្រទេសកម្ពុជា និងឡាវប៉ុណ្ណោះ នៅលើសាកលលោក។ សត្វត្រយ៉ងយក្សពេញវ័យត្រូវបានគេប៉ាន់ប្រមាណ ថាមានចំនួនតែ១៩៤ក្បាលប៉ុណ្ណោះនៅលើពិភពលោក ក្នុងនោះដែរ ប្រមាណ៩៩%នៃចំនួនរបស់ពួកវាមានវត្តមានរស់នៅក្នុងប្រទេសកម្ពុជា ដែលធ្វើឲ្យកម្ពុជាក្លាយជាប្រទេសដ៏សំខាន់បំផុតនៅលើសាកលលោកដើម្បីអភិរក្សប្រភេទសត្វដ៏កម្រនេះកុំឲ្យបាត់បង់ពីភពផែនដី។
កម្មវីធីការពារសំបុកសត្វស្លាបនៅតំបន់ខ្ពង់រាបភាគខាងជើងប្រទេសកម្ពុជា ទទួលបានការគាំទ្រពី Akron Zoo មជ្ឈមណ្ឌលសំ វាសនា សហភាពអ៊ឺរ៉ុប និង Margaret A. Cargill Philanthropies៕

 

រដ្ឋមន្ដ្រីសាធារណការចុះត្រួតពិនិត្យការដ្ឋានជួសជុល និងសាងសង់ផ្លូវជាតិលេខ២ ដែលកំពុងមានសភាពពិបាកធ្វើដំណើរ

ភ្នំពេញ៖នៅយប់ថ្ងៃទី០១ ខែសីហា ឆ្នាំ២០១៧ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូមួយក្រុមអញ្ជើញចុះត្រួតពិនិត្យដំណើរការជួសជុល និងសាងសង់ផ្លូវជាតិលេខ០២ ដែលកំពុងមានស្ថានភាពលំបាកធ្វើដំណើរ ដើម្បីពន្លឿនការជួសជុលនិងសាងសង់ ក៏ដូចជាការត្រួតពិនិត្យគុណភាពនៃការងារសាងសង់ផងដែរ។

សូមជម្រាបជូនថា៖ នេះជាផ្នែកមួយនៃការអនុវត្តគោលការណ៍របស់ក្រសួងទាក់ទងនឹងការជួសជុលនៅពេលយប់ ក្នុងគោលបំណងពន្លឿនការជួសជុល និងសាងសង់ឲ្យបានឆាប់រហ័ស សម្រួលដល់ការធ្វើដំណើររបស់ប្រជាពលរដ្ឋ ដែលសព្វថ្ងៃកំពុងជួបការលំបាកក្នុងការធ្វើដំណើរ។ ជាមួយគ្នានេះផងដែរ ក្រុមវិស្វករជួសជុលនិងសាងសង់ផ្លូវនេះ បានដាក់សញ្ញាចរាចរណ៍ដើម្បីបង្វែរទិសចរាចរណ៍ទៅរកចំណែកផ្លូវមានសុវត្ថិភាពក្នុងពេលការដ្ឋានកំពុងដំណើរការផងដែរ។
បច្ចុប្បន្នដៃគូរអភិវឌ្ឍន៍ភាគីកូរ៉េ កំពុងជ្រើសរើសទីប្រឹក្សាបច្ចេកទេស ដើម្បីអាចចាប់ផ្តើមរៀបចំ design និង ជ្រើសរើសក្រុមហ៊ុនសាងសង់ ដោយដំណើរការនេះអាចចំណាយពេល១ឆ្នាំ ទំរាំបានអនុវត្តការសាងសង់ជាក់ស្តែង។
គម្រោងសាងសង់ផ្លូវនេះ គ្រោងចំណាយថវិកាប្រមាណ៥៦លានដុល្លារអាមរិកក្រោមកម្ចីឥណទានពីរដ្ឋាភិបាលនៃសាធារណរដ្ឋកូរ៉េ និងថវិការបដិភាគរបស់រាជរដ្ឋាភិបាលកម្ពុជាប្រមាណ៨លានកន្លះ មានប្រវែងសរុប៦៦គីឡូម៉ែត្រ ចាប់ពីរង្វង់មូលក្រុងតាខ្មៅរហូតដល់រង្វង់មូលអូរចំបក់មានប្រវែង៥៧គីឡូម៉ែត្រ និង៩គីឡូមែត្រនៅលើផ្លូវជាតិ២២ គ្រោងក្រាលកៅស៊ូAC សង់ស្ពានថ្មី និងពង្រីកទទឹងផ្លូវឱ្យបាន១៣ម៉ែត្រ តាមទំហំចរាចរណ៍ និងតាមដំណាក់កាល ចាប់ពីរង្វង់មូលគួស្រូវទៅទិសខាងត្បូងប្រវែង៨គីឡូម៉ែត្រគម្រោងសាងសង់ជាបួនគន្លង៕

 

វេបសាយប៉ូលីសត្រូវជនអនាមិកវាយប្រហារ

ភ្នំពេញ៖វេបសាយប៉ូលីសត្រូវជនអនាមិកវាយប្រហារនៅព្រឹកនេះនិងបើកអត់ចេញព័ត៌មាននិងបានលោតពាក្យថាhacked by s. o . a strong was here...@unixwar3។នេះមិនមែនជាលើកទី១ទេដែលវេបសាយប៉ូលីសត្រូវបានក្រុមអនាមិកបានលូចចូលនិងវាយប្រហារកន្លងមក៕

រថយន្តក្រុងថ្មីៗចំនួន៥៧គ្រឿងជាជំនួយរបស់ចិនចាប់ផ្តើមរត់ជំនួសរថយន្តក្រុងចាស់ៗ

 ភ្នំពេញ  ៖ដូចការគ្រោងទុករបស់រដ្ឋបាលរាជធានីភ្នំពេញ នៅថ្ងៃទី០១ ខែសីហា ឆ្នាំ២០១៧ នេះ រថយន្តក្រុងថ្មីៗ៥៧គ្រឿងក្នុងចំណោម១០០គ្រឿងដែលជាជំនួយឥតសំណង​របស់​រដ្ឋាភិបាល​ចិន​ផ្ដល់ជូនកម្ពុជា បានចាប់ផ្តើមដំណើរការរត់ជំនួសរថយន្តក្រុងចាស់ៗហើយ បន្ទាប់ពីបំពាក់​ស្លាក​លេខ ​បិត​​ស្ទីក​ឃ័រ ឈ្មោះខ្សែ និង​ឡូ​ហ្គោ​(Logo)​ រដ្ឋាករ​ស្វយ័ត​ដឹក​ជញ្ជូន​សាធារណៈ​រួច​ហើយនោះ។

នេះជាការអនុវត្តតាមកិច្ចប្រជុំពិភាក្សាលើកតម្រាយផ្លូវរថយន្តក្រុងថ្មីចំនួន១០០គ្រឿងដែលរដ្ឋាភិបាលចិន បាន​ប្រគល់ជូនកម្ពុជាកាលពីពេលថ្មីៗនេះ ហើយរដ្ឋបាលរាជធានីភ្នំពេញបានសម្រេចដាក់រថយន្តក្រុងថ្មីទាំងនេះ ជំនួសខ្សែរត់ចាស់ដែលកំពុងដំណើរការនាពេលកន្លងមក។ ក្នុងនោះរដ្ឋបាលរាជធានីភ្នំពេញ បានណែនាំ​អ្នក​បើកបររថយន្តនេះឱ្យមានក្រមសីលធម៌ និងគោរពច្បាប់ចរាចរណ៍។

លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានប្រាប់អេគេភីអោយដឹងថា៖ក្រោយការសិក្សាបានល្អិតល្អន់ហើយ ខ្សែរត់មួយចំនួន និងមមាញឹកជាងពេលមុន ពោលគឺបើមានតម្រូវការច្រើនជាក់លាក់ ចំនួនរថយន្តក៏នឹងបន្ថែម ហើយល្បឿននៃខ្សែរត់ក៏ត្រូវបង្កើនទៅតាមភាពជាក់ស្តែងផងដែរ។ លោកបានបញ្ជាក់ថា ដំណើរការនៃ​ការ​ផ្លាស់​ប្តូររថយន្តក្រុងចាស់ទៅរថយន្តក្រុងថ្មីទាំង៥៧គ្រឿងនេះ គឺរថយន្តចាស់ៗទាំងនោះនឹងបញ្ជូនទៅ​ធ្វើ​ការ​ជួស​​ជុល​​នៅ​យាន​ដ្ឋាន ហើយជំនួសមកវិញនូវរថយន្តថ្មីចូលទៅក្នុងខ្សែរត់ចាស់ និងធ្វើឱ្យចំនួនអ្នកជិះមានការ​កើន​​ឡើង​​ស្រប​ពេល​ដែល​បច្ចុប្បន្ន​នេះ មាន​អ្នក​ជិះ​ជា​មធ្យម​ពី៧.០០០​ទៅ​៨.០០០​នាក់​ក្នុង​មួយ​ថ្ងៃ។

ឯកឧត្តម ឃួង ស្រេង អភិបាលរាជធានីភ្នំពេញ បានណែនាំដល់ប្រធានរដ្ឋាករស្វយ័ត​ដឹកជញ្ជូន​សាធារណៈ​រាជធានីភ្នំពេញ ត្រូវអប់រំណែនាំអ្នកបើកបររថយន្តទាំងអស់ឱ្យចេះស្រឡាញ់រថយន្តក្រុងដូចជារថយន្តផ្ទាល់ខ្លួន ត្រូវមានក្រមសីលធម៌ គោរពច្បាប់ចរាចរណ៍ និងមានការយោគយល់ឱ្យបានច្រើនពីអ្នកជិះនិងអ្នកធ្វើដំណើរ ដើម្បីកាត់បន្ថយការថ្នាំងថ្នាក់ពីប្រជាពលរដ្ឋ និងកាត់បន្ថយការគ្រោះថ្នាក់ចរាចរណ៍ឱ្យបានច្រើន ។

សូមបញ្ជាក់ថា ក្រៅពីជំនួយឥតសំណងរថយន្ត១០០គ្រឿង ដែលផ្តល់ជូនដោយរដ្ឋាភិបាលចិននោះ រដ្ឋាភិបាល​​ជប៉ុន ក៏នឹងប្រគល់ជូនរថយន្តក្រុងចំនួន៨០គ្រឿងមកឱ្យរដ្ឋបាលរាជធានីភ្នំពេញ ក្នុង​ចំណោម​រថយន្ត​ចំនួន​​១៤០​​គ្រឿង​ទៀតនៅដើមឆ្នាំ២០១៨ ខាងមុខនេះ៕

លោកញឹកប៊ុនឆៃសារភាពមានកំហុសដោយធ្វេសប្រហែសថ្ងៃបោះឆ្នោត

ភ្នំពេញ៖លោកញឹកប៊ុនឆៃប្រធានគណបក្សរួបរួមជាតិនៅថ្ងៃនេះបានប្រកាសទទួលស្គាល់ នូវកំហុសឆ្គងដែលបានកើតឡើងនៅពេលបោះឆ្នោតថ្ងៃទី៤មិថុនាឆ្នាំ២០១៧កន្លងមកដោយការធ្វេសប្រហែសមិនមែនជាគោលបំណងរបស់លោកឡើយ។
លោកញឹកប៊ុនឆៃរងការចោទប្រកាន់ថាបានទាក់ទងជាមួយ លោកអេងឆៃអ៊ាងអនុប្រធានគណបក្សសង្គ្រោះជាតិ។តែលោកញឹកប៊ុនឆៃបានប្រាប់ជាច្រឡំដៃចុចទៅលេងទូរស័ព្ទលោកអេងឆៃអ៊ាង។ហេតុការណ៍នាំទៅដល់ការផ្ដាច់សម្ព័ន្ឋរវាងគណបក្សរួបរួមជាតិនិងគណបក្សប្រជាជនកម្ពុជានិងជានាំទៅដល់ការដាក់តំណែងមន្ដ្រីគណបក្សរួបរួមជាតិច្រើនរូបក្នុងជួររដ្ឋាភិបាលនិងធ្វើអោយមន្ដ្រីចាកចេញទៅបក្សផ្សេងទៀត។
ដោយឡែកក្នុងលិខិតចេញផ្សាយនៅថ្ងៃនេះដោយគណបក្សរួបរួមជាតិបានសរសេរថាការចាកចេញរបស់មន្ដ្រីមួយចំនួនរបស់គណបក្សខ្មែរួបរួមជាតិទៅកាន់បក្សផ្សេងៗគឺជាសិទ្ឋិសេរីភាពរបស់បុគ្គលម្នាក់ស្របតាមច្បាប់រដ្ឋធម្មនុញ្ញ។
ក្នុងលិខិតដដែលគណបក្សរួបរួមជាតិបានបញ្ជក់ថាមតិលើកឡើងរបស់លោកម៉ោងសុផាន់ណានៅក្នុងវិទ្យុអាស៊ីសេរីកាលពីយបើថ្ងៃទី២៩ខែកក្ដដាឆ្នាំ២០១៧និងវិទ្យុបារាំងអន្ដរជាតិថ្ងៃទី៣១ខែកក្ដដាឆ្នាំ២០១៧គឺជាមតិផ្ទាល់ខ្លួនមិនឆ្លុះបញ្ចាំងមតិរបស់គណបក្ស។
គណបក្សបានរំលឹកថាការរក្សាតួនាទីក្នុងរាជរដ្ឋាភិបាលនៅមន្ដ្រីគណបក្សហ្វ៊ិនស៊ីនប៊ិចដែលបានចេញមកបង្កើតគណបក្សខ្មែររូបរួមជាតិជាមួយលោកញឹកប៊ុនឆៃគឺជាគុណធម៌និងការយោគយល់របស់សម្ដេចហ៊ុនសែនដែលមិនអាចបំភ្លេចបានបើតាមផ្លូវច្បាប់មិនអាចរក្សាតួនាទីអ្នកទាំងនេះបានទេ។
បើតាមមន្ដ្រីគណបក្សរួបរួមជាតិបានអោយដឹងគណបក្សនឹងរៀបចំសមាជិកនៅថ្ងៃទី១២សីហាខាងមុខនេះដើម្ម្បីពង្រឹងគណបក្សឡើងិវញ៕

ប្រមុខរាជរដ្ឋាភិបាលកម្ពុជា បញ្ជាឲ្យចាត់វិធានការផ្លូវច្បាប់បិទអង្គការក្រៅរដ្ឋាភិបាលមួយដែលបានប្រមាថដល់កម្ពុជា

ភ្នំពេញ៖ប្រមុខរាជរដ្ឋាភិបាលកម្ពុជា បញ្ជាឲ្យចាត់វិធានការផ្លូវច្បាប់បិទអង្គការក្រៅរដ្ឋាភិបាលមួយដែលបានប្រមាថដល់កម្ពុជាតាមរយៈផ្សព្វផ្សាយ ថា ក្មេងស្រីកម្ពុជា ត្រូវបានម្ដាយលក់ឲ្យបម្រើផ្លូវភេទ។
ប្រមុខរាជរដ្ឋាភិបាលកម្ពុជាសម្តេចតេជោហ៊ុនសែនមានប្រសាសន៍នៅក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ចនៅកោះពេជ្រនាព្រឹកថ្ងៃទី១សីហានេះបានដាក់បញ្ជារឲ្យក្រសួងមហាផ្ទៃនិងក្រសួងការបរទេសធ្វើការស៊ើបអង្កេតអង្គការក្រៅរដ្ឋាភិបាលមួយមានឈ្មោះថា អង្គការមេត្រីអន្ដរជាតិ មណ្ឌលបណ្ដុះបណ្ដាល ហៅកាត់ថា AIM ដើម្បីឈានទៅបិទអង្គការក្រៅរដ្ឋាភិបាលមួយនេះចោលភ្លាមនូវទង្វើប្រមាថដល់កម្ពុជា ថ្វីត្បិតកម្ពុជាក្រ ប៉ុន្តែអ្នកឯងមិនអាចមកប្រមាថជនជាតិកម្ពុជាបានឡើយ។
សម្ដេចបានបន្ដថា៖ខ្ញុំក៍សូមបញ្ជាក់នៅទីនេះថាក្នុងឋានៈជានាយករដ្ឋមន្ត្រីខ្ញុំមិនងាចទទួលយកបានទេនុវការប្រមាថរបស់អង្គការក្រោរដ្ឋាភិបាលមួយ ដែលធ្វើការបញ្ចាំងតាមទូរទស្សន៍ CNN និងABCដោយនិយាយថាកម្ពុជាម្តាយយកកូនទៅលក់ ដើម្បីធ្វើជាស្រីពេស្យានោះ។ នេះជាការប្រមាថដ៍ធ្ងន់ធ្ងរមួយ។ខ្ញុំក៍បានបញ្ជាឲ្យក្រសួងមហាផ្ទៃសើបអង្កេតរឿងនេះហើយគប្បីត្រូវបិទចោលអង្គការក្រៅរដ្ឋាភិបាលមួយនេះមិនអាចឲ្យអ្នកឯងប្រមាថជនជាតិរបស់ខ្ញុំបានទេ។នេះខ្ញុំមិនទាន់ធ្វើបើសិនជាខ្ញុំបើកដៃឲ្យមានបាតុកម្មគឺអ្នកឯងនឹងក្លាយទៅជាអ្វី?... យើងនឹងពិនិត្យមើមបញ្ហានេះតទៅទៀត បើគ្រាន់តែយកខ្មែរធ្វើដើមទុនដើម្បីរៃអង្គាសគឺមិនអាចទទួលយកបានទ។អញ្ចឹងត្រូវអនុវត្តន៍ម៉ឺងម៉ាត់នូវច្បាប់ស្តីពីការគ្រប់គ្រងអង្គការក្រៅរដ្ឋាភិបាល៕
វិធានការរបស់ប្រមុខរាជរដ្ឋាភិបាលនេះធ្វើឡើងបន្ទាប់ពីប៉ុន្មានថ្ងៃកន្លងទៅនេះមានការផ្សព្វផ្សាយ ព័ត៌មានមួយតាមរយៈស្ថានីយ៍ទូរទស្សន៍ CNN និង ABC News ដែលបានដាក់ចំណងជើងថា «ក្មេងស្រីកម្ពុជា ត្រូវបានម្ដាយលក់ឲ្យបម្រើផ្លូវភេទដែលប្រភពព័ត៌មាននេះ ត្រូវបានផ្ដល់ឲ្យ ដោយអង្គការក្រៅរដ្ឋាភិបាលនៅកម្ពុជាមួយឈ្មោះថា«អង្គការមេត្រីអន្ដរជាតិ មណ្ឌលបណ្ដុះបណ្ដាល» ហៅកាត់ថា AIM ។
សូមរំលឹកថាភ្លាមៗបន្ទាប់ពីមានការផ្សព្វផ្សាយព័ត៌មាននេះ លោកហ៊ុយ វណ្ណៈប្រធានសហភាពសហព័ន្ធអ្នកសារព័ត៌មានកម្ពុជា បានធ្វើសន្និសិទការសែតមួយកាលពីចុងសប្តាហ៍កន្លងមកនេះ ដោយបានអះអាងថា «វាជារឿងអយុត្តិធម៌បំផុតដែលអង្គការមួយ ដោយគ្រាន់តែជាបុព្វហេតុ នៃការរៃអង្គាសថវិកា ចិញ្ចឹមអង្គការខ្លួនឯង បែរជាប្រឌិតបង្កើតសាច់រឿងតំបន់ស្វាយប៉ាក ដែលបាត់បង់ជាង១០ឆ្នាំទៅហើយ ទៅជាសាច់រឿងមួយថា នៅរស់ហើយនៅកើតមាន ដើម្បីដោះដូរទៅនឹងអំណោយនៃការចិញ្ចឹមអង្គការរបស់ខ្លួន នេះគឺជារឿងអាម៉ាស់បំផុត ហើយគួរតែឈប់ធ្វើទៅ»។
ដោយឡែកនៅព្រឹកនេះដែរសម្តេចតេជោនាយករដ្ឋមន្ត្រីកម្ពុជាក៏បានស្នើឲ្យអ្នកលេងនៅក្នុងបណ្តាញនាក់ទំនងសង្គមក៍ដូចជាអ្នកចែកចាយបន្តមុននឹងការបង្ហោះនិងចែកចាយបន្តនូវព័ត៌មានអ្វីមួយត្រូវមានការពិត និងមានប្រភពច្បាស់លាស់ ដើម្បីកុំឲ្យកើតមានចលាចលនៅក្នុងសង្គមដូចជា ការបំផុសបំផុលថាមានករណីចាប់ក្មេងវះយកក្រលៀនជាដើម។
សម្ដេចបានបន្ថែមថា៖ប៉ុន្មានថ្ងៃកន្លងទៅនេះ បង្កើតឲ្យមានបញ្ហាច្រើនណាស់។រឿងមិនចេះចប់ ប៉ុន្តែសួរមើលតើបានផលអីបំផុសពីរឿងបញ្ហាចាប់កូនក្មេងយកទៅវះយកក្រលៀន វះយកនេះយកនោះ?សួរទៅពិតទេរឿងនេះ រឿងអ្នកបំផុស អ្នកបំពុលបរិយាកាសបង្ហោះចេញទៅ ។ ប៉ុន្តែសុំឲ្យអ្នកដែលបន្តការចែកចាយត្រុវពិនិត្យមើលថាតើវាពិតឬអត់?គួរត្រូវចែករំលែកបន្តឬអត់?....។យកល្អទុកឲ្យហ៊ុន សែនរស់បើបន់ឲ្យហ៊ុនសែនស្លាប់អ្នកក៍ងាយស្លាប់ដែរ សូមជម្រាប់ឲ្យច្បាស់ត្រុវនិយាយគ្នាត្រង់ៗហើយហ៊ានប្រាប់ការពិត..សុខៗបំផុសហ៊ុន សែនស្លាប់។
ជាមួយនិងការបំផុសបំផុលនេះត្រូវបានក្រសួងមហាផ្ទៃចេញមុខធ្វើការបដិសេធនិងអះអាងថារហូតមកដល់ពេលនេះតាមការស្រាវជ្រាវទាំង២៥ខេត្ត រាជធានី គឺពុំមានករណីការចាប់ក្មេងដូចការបំផុសបំផុលនោះកើតមានឡើយ។
រីឯអ្នកនាំពាក្យក្រសួងយុត្តិធម៌ លោកគឹម សន្តិភាពក៏បានបញ្ជាក់ដែរថា គិតមកដល់ពេលនេះ តាមព័ត៌មានពីតំណាងអយ្យការតាមរាជធានីខេត្តទូទាំងប្រទេសគឺពុំទាន់មានករណីបទល្មើសចាប់ក្មេងដើម្បីវះយកសរីរាង្គនៅឡើយនោះទេគឺផ្ទុយពីព័ត៌មានបំពុលនានាដែលបាននឹងកំពុងផ្សព្វផ្សាយ នៅលើបណ្តាញសង្គម។ ទន្ទឹមគ្នានេះ តំណាងអយ្យការអមសាលាដំបូងខេត្តតាកែវបានសម្រេចឃាត់ខ្លួនជនសង្ស័យ២នាក់ហើយ ដែលមានការពាក់ព័ន្ធនឹងការផ្សព្វផ្សាយព័ត៌មាន បំពុលលើបណ្តាញសង្គមរបស់ខ្លួន ទាក់ទងនឹងករណីចាប់ក្មេងនេះ ដែលបានកើតឡើងនៅខេត្តតាកែវ និងនៅខេត្តកំពង់ធំ ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ​ពេល​យប់​


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2