vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានជាតិ

សម្ដេចហ៊ុនសែនអះអាងថា៖”គណបក្ស ប្រជាជននឹងបន្ដឈ្នះនៅឆ្នាំ២០១៨”

ភ្នំពេញ៖សម្ដេចហ៊ុនសែនប្រមុខរដ្ឋាភិបាលកម្ពុជាបានអះអាងថា៖”គណបក្ស ប្រជាជននឹងបន្ដឈ្នះនៅឆ្នាំ២០១៨”។តាមបណ្ដាញសង្គមហ្វេសប៊ុកសម្ដេចបានសរសេរថា៖
បន្ទាប់ពីការបោះឆ្នោតប្រកបដោយជោគជ័យហើយ ថ្ងៃនេះខ្ញុំសុំហាត់កីឡាសិន ព្រោះមិនបានបែក ញើសរយះពេល៣សប្តាហ៍រួចមកហើយ។យប់មិញមានមនុស្សមួយចំនួនចេញមកអះអាងថាគណបក្ស ប្រជាជនចាញ់ឆ្នោត។ នេះពិតជាមនស្ស ស្គាល់ត្រឹមដើមឈើនឹងមិនស្គាល់ព្រៃទាំងមូលមែន។ ខ្ញុំមិនឆ្លើយតបចំពោះការឃោសនាអកុសល នោះទេ តែគ្រាន់តែបង្ហាញលើចំណុចពីរ:
១.ផែនការគ្រប់គ្រងសម្លេងភាគច្រើននៃក្រុមប្រឹក្សាឃុំ សង្កាត់ដែលជាអង្គបោះឆ្នោតព្រឹទ្ធសភាដើម្បី គ្រប់គ្រងព្រឹទ្ធសភានិងតំណែងប្រមុខរដ្ឋស្តីទីពេលអវត្តមានព្រះមហាក្សត្របានបរាជ័យរួចទៅហើយ។គេឃោសនាថា ឆ្នាំ២០១៧ យក ឃុំ សង្កាត់ និងព្រឹទ្ទសភា ឆ្នាំ២០១៨ នឹងយកសភា។ ពេលខាង មុខគណបក្សប្រជាជននៅតែបន្តដឹកនាំដោយសម្លេងភាគច្រើននៅក្នុងព្រឹទ្ធសភា។
២.សម្លេងឆ្នោតគណបក្សប្រជាជនមានការកើនឡើងប្រៀបនឹងការបោះឆ្នោតឆ្នាំ២០១៣ និងខ្ពស់ជាងបក្សផ្សេងទៀតនៅកម្ពុជា។ តាមតួលេខមិនទាន់ផ្លូវការចំនួនអ្នកបោះឆ្នោត 6,743,329 សម្លេង គណបក្សប្រជាជនទទួលបានចំនួន 3,529,400សម្លេង ស្មើ51,39% កើនឡើងជាង ៣០ម៉ឺនសម្លេង ប្រៀបនឹងការបោះឆ្នោតឆ្នាំ២០១៣។ សម្លេងបក្សផ្សេងសង្ឃឹមថាបក្សទាំងនោះនឹងចេះបូកលេខខ្លួនឯង ហើយប្រៀបធៀបទៅនឹងអាសនៈក្នុងសភាដែលអាចបញ្ជាក់ច្បាស់រួចទៅហើយថាគណបក្សប្រជាជន នឹងនៅតែជាគណបក្សមានសម្លេងភាគច្រើនក្នុងសភា និងដឹកនាំរាជរដ្ឋាភិបាលបន្តទៀត។ សម្លងឆ្នោត ឆ្នាំ២០១៨ នឹងមិនខុសគ្នាជាមួយសម្លេងឆ្នោតពេលនេះប៉ុន្មាននោះទេ។
សុំអរគុណ និងជូនពរ ថ្នាក់ដឹកនាំគ្រប់ថ្នាក់ និងសមាជិក សមាជិការគណបក្សប្រជាជនទាំងអស់ដែលនាំបក្សមកកាន់ជោគ ជ័យជាថ្មីម្តងទៀត៕

លោកកឹមសុខាប្រកាសទទួលស្គាល់លទ្ឋផលការបោះឆ្នោតឃុំសង្កាត់ក្រោយឈ្នះមេឃុំបានជិត៥០០ឃុំ

ភ្នំពេញ៖លោកកឹមសុខាប្រកាសទទួលស្គាល់លទ្ឋផលការបោះឆ្នោតឃុំសង្កាត់ក្រោយឈ្នះមេឃុំបានជិត៥០០ឃុំ។នេះបើតាមសេចក្ដីប្រកាសរបស់គណបក្សសង្គ្រោះជាតិចេញផ្សាយនៅថ្ងៃចុះហត្ថលេខាដោយលោកកឹមសុខាផ្ទាល់។
លោកកឹមសុខាបានបញ្ជក់ថា៖គណបក្សសង្គ្រោះជាតិដណ្ដើមតំណែងជាមេឃុំចៅសង្កាត់ប្រមាណជិត៥០០សង្កាត់និងសមាជិកក្រុមប្រឹក្សាឃុំសង្កាត់ចំនួនជិតពាក់កណ្ដាលនៃចំនួនក្រមប្រឹក្សាឃុំសង្កាត់ទូទាំងប្រទេស។
លោកកឹមសុខាឆ្លៀតនិយាយថាការបោះឆ្នោតនៅមានការគម្រាមកំហែងនិងធ្វើទុក្ខបុកម្នេញមកលើសមាជិកគណបក្សសង្គ្រោះជាតិនិងប្រជាពលរដ្ឋបន្ដបន្ទាប់។
កម្ពុជាមានឃុំ១៦៤៦និងមានសមាជិកក្រុមប្រឹក្សាឃុំសង្កាត់ទូទាំងអស់ជាង១១៥៧២នាក់៕

ទឹកជន់លិចផ្លូវពីក្រុងប៉ោយប៉ែតទៅក្រុងសិរីសោភ័ណ

ក្រុងប៉ោយប៉ែត៖ ប្រជាពលរដ្ឋដែលធ្វើដំណើរតាមផ្លូវជាតិលេខ៥ឆ្លងកាត់ពីក្រុងប៉ោយប៉ែតទៅក្រុងសិរីសោភ័ណ សូមប្រយត្ន័ នៅយប់ថ្ងៃទី០៥ ខែ ឧសភា ឆ្នាំ២០១៧ ផ្លូវជាតិលេខ៥នៅចំនុចដើមពោធិ៍យាយម៉ៅ ស្ថិតនៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ទឹកជំនន់កំពុងតែហូរកាត់ផ្លូវហើយ។

ជាក់ស្តែងនៅយប់មិញ គេឃើញមានវត្តមានលោកសួន បវរ អភិបាលខេត្តបន្ទាយមានជ័យ លោកអ៊ុំសុផលស្នងការងនិងលោក ង៉ោ ម៉េងជ្រួន អភិបាលក្រុងប៉ោយប៉ែត កម្លាំងនរបាល រួមទាំងសមាជិកសមាជិការ កំពុងតែចុះមកត្រួតពិនិត្យ និងសំរួលចរាចរណ៍ រួមទាំងដាក់ភ្លើងសញ្ញាដើម្បីជាសញ្ញាជូនបងប្អូនប្រជាពលរដ្ឋ ព្រមទាំងភ្លៀវជាតិ និងអន្តរជាតិអោយមានការប្រុងប្រយ័ត្នខ្ពស់ រាល់ការធ្វើដំណើរឆ្លងកាត់ផ្លូវដែលមានទឹកជំនន់កំពុងហូរកាត់ប្រហែលជា៣០០ម៉ែត្រនេះ។

បន្ទាប់ពីត្រួតពិនិត្យហើយ ឃើញថាអាជ្ញាធរក្រុងប៉ោយប៉ែត ដែលដឹកនាំដោយលោក ង៉ោ ម៉េងជ្រួន នៅតែបន្តធ្វើសកម្មភាព យ៉ាងសស្រាក់ សស្រាំ កាយប្រលាយធ្វើមុខទឹកអោយធំៗនៅតាមសាងខាងផ្លូវ ដើម្បីជម្លៀសទឹកចេញ ទាំងយប់ដែលហូរកាត់ផ្លូវជាតិ ព្រោះវាអាចធ្វើអោយខូចផ្លូវបាន។ក្រោយពីធ្វើសកម្មភាពកាយប្រលាយរួចមក គេសង្កេតឃើញថា ទឹកដែលហូរកាត់ផ្លូវជាតិលេខ៥និងលិចថ្នល់រថភ្លើងនៅចំនុចនោះមានសភាពថយចុះបន្តិចហើយ៕ផូ ប៊ុនថន

 

 

គ ជ ប នឹងធ្វើការស្រាវជ្រាវទៅលើប្រជាពលរដ្ឋជាងមួយលាននាក់ដែលមិនបានមកបោះឆ្នោត

ភ្នំពេញ៖គ ជ ប នឹងធ្វើការស្រាវជ្រាវទៅលើប្រជាពលរដ្ឋជាងមួយលាននាក់ដែលមិនបានមកបោះឆ្នោតជ្រើសរើសក្រុមប្រឹក្សាឃុំសង្កាត់ថ្ងៃទី៤មិថុនាកន្លងមកនេះ
ថ្លែងប្រាប់ទូរទស្សន៍រស្មីហង្សមាសនៅព្រឹកថ្ងៃទី៥មិថុនាលោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោតដែលហៅកាត់ថាគ ជ បបានមានប្រសាសន៍ថានៅខែក្រោយនេះគជបនឹងធ្វើការស្រាវជ្រាវទៅលើអ្នកដែលមានឈ្មោះក្នុងបញ្ជីបោះឆ្នោតហើយតែមិនបានមកបោះឆ្នោតដើម្បីស្វែងរកមូលហេតុជាក់លាក់មួយក៏ដូចជារកដំណោះស្រាយក្នុងការជំរុញកំណើនអ្នកបោះឆ្នោតនៅលើកក្រោយៗឲ្យបានកាន់តែច្រើនថែមទៀត។
ការបោះឆ្នោតក្រុមប្រឹក្សាឃុំសង្កាត់នៅអាណត្តិទី៤នេះមានចំនួនប្រជាពលរដ្ឋទៅបោះឆ្នោត៦.៧៤៣.៣២៩នាក់ ស្មើនឹង៨៥,៧៤ភាគរយ នៃអ្នកមានឈ្មោះក្នុងបញ្ជីបោះឆ្នោត៧.៨៦៥.០៣៣នាក់។ចំណែកប្រជាពលរដ្ឋ១១២១៧០៤នាក់មិនបានទៅបោះឆ្នោតទេ។
ទោះជាយ៉ាងណាក៨ដោយឯកឧត្តមហង្សពុទ្ធាមិនបានបញ្ជាក់ថាការស្រាវជ្រាវទៅលើអ្នកមិនបានមកបោះឆ្នោតជាងមួយលាននាក់នេះតាមវិធីសាស្ត្រនិងរបៀបណានៅឡើយទេព្រោះថាពេលនេះគជបកំពុងតែមានការរវល់ទៅលើការចេញលទ្ធផលឆ្នោតនិងត្រៀមដោះស្រាយការប្តឹងពីគណបក្សនយោបាយនានាទាក់ទិកនឹងដំណើរការបោះឆ្នោតនិងលទ្ធផលឆ្នោតដែលនឹងត្រូវប្រកាសជាផ្លូវការនៅថ្ងៃទី២៥មិថិនាខាងមុខនេះ។
ឯកឧត្តបានសន្និដ្ឋានជំហានដំបូងថាការដែលប្រជាពលរដ្ឋជាងមួយលាននាក់មិនបានមកបោះឆ្នោតមានកត្តាច្រើនក្នុងនោះរួមមានមិនមានអត្តសញ្ញាណប័ណ្ណ ខ្វះឯកសារគ្រប់គ្រាន់ទៅតាមការចង់បានរបស់គជបនិងបញ្ហាចំណាកស្រុក។
តែយ៉ាងណាក៏ដោយឯកឧត្តម មានប្រសាសន៍បន្តែមថា ចំនួនប្រជាពលរដ្ឋចូលរួមបោះឆ្នោតនាពេលនេះ បានបង្ហាញពីភាពរីកចម្រើននៃលទ្ធិប្រជាធិបតេយ្យនៅកម្ពុជាហើយដំណើរការនៃការបោះឆ្នោតបានប្រព្រឹត្តទៅដោយភាពរលូន សន្តិសុខ សណ្តាប់ធ្នាប់ គ្មានការគម្រាមកំហែង និងគ្មានអំពើហិង្សានោះទេ នៅតាមការិយាល័យបោះឆ្នោត ២២.១៤៨ការិយាល័យក្នុងឃុំសង្កាត់១.៦៤៦នៅទូទាំងប្រទេស ។
ចំណែកលោក សម គន្ធា មី នាយកប្រតិបត្តិអង្គការនីកហ្វីកបានបានប្រសាសន៍ថាប្រជាពលរដ្ឋជាង១លាននាក់ដែលមិនបានបោះឆ្នោតមានដូចជាកម្មករនិយោជិត ពលករចំណាកស្រុកដោយសារតែពួកគេមិនមានការអនុញ្ញាតឲ្យឈប់សម្រាកទៅបោះឆ្នោត។មានអ្នកខ្លះមិនមានឯកសារគ្រប់គ្រាន់និងអ្នកមានខ្លះទៀតជាអ្នកជំងឺ ចាស់ជរាឬជនពិការមិនមានលទ្ធភាពធ្វើដំណើទៅបោះឆ្នោតបាន។
យ៉ាងណាក៏ដោយលោកថាបោះឆ្នោតថ្នាក់ជាតិនាឆ្នាំ២០១៨ខាងមុខនេះលោកនឹងធ្វើការតស៊ូមតិដោយឲ្យគជបនិងរាជរដ្ឋាភិបាលពិភាក្សាជាមួយតំណាងសហគ្រាសរោងចក្រដើម្បីជួយសម្រួលដល់បងប្អូនកម្មករឲ្យបានឈប់សម្រាកនិងមានពេលវេលាគ្រប់គ្រាន់ទៅបោះឆ្នោតដោយមិនមានការកាត់ប្រាក់ខែ។ស្នើឲ្យរាជរដ្ឋាភិបាលសហការជាមួយរដ្ឋាភិបាលថៃដ់ម្បីជួយសម្រួលឲ្យពលករខ្មែរធ្វើការនៅប្រទេសថៃអាចមកបោះឆ្នោតបាននិងសំណូមពរឲរាជរដ្ឋាភិបាលធ្វើបច្ចុប្បន្នភាពបញ្ជីបោះឆ្នោតនិងឲ្យមានការបោះឆ្នោតនៅតាមស្ថានទួតនានាដូចបណ្តាប្រទេសផ្សេងៗទៀត។លោកបានពន្យល់ថាមានន័យថាបើពលករឬប្រជាពលរដ្ឋខ្មែរធ្វើការនិងរស់នៅប្រទេសណាត្រូវទៅបោះឆ្នោតនៅតាមស្ថានទួតខ្មែរប្រចាំនៅប្រទេសនោះ។
លោកបានបញ្ជាក់ថាការអនុវត្តរបៀបនេះវាជាការល្អហើយអាចជួយសម្រួលឲ្យប្រជាពលរដ្ឋឬពលករនៅបរទេសអាចបោះឆ្នោតបានច្រើន។
គួរបញ្ជាក់ថាកាលពីឆ្នាំ២០១២ដែលជាការបើឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣មានអ្នកចូលរួមបោះឆ្នោតប្រមាណ៧០ភាគរយនៃចំនួនអ្នកចុះឈ្មោះបោះឆ្នោតប្រមាណជាង៩លាននាក់។ក្នុងនោះគណបក្សប្រជាជនកម្ពុជា បានឈ្នះអាសនៈជាមេឃុំចៅសង្កាត់ជាង១.៥៩០ ចំណែកគណបក្សជំទាស់ទទួលបានជាមេឃុំចៅសង្កាត់តែ៤០អាសនៈប៉ុណ្ណោះ៕

លទ្ឋផលបឋមការបោះឆ្នោតពីខេត្តកំពង់ចាម៖CPPទទួលបាន៤២និងCNRPទទួលបាន៦៧

ខេត្តកំពង់ចាម៖លទ្ឋផលការបោះឆ្នោតបឋមពីខេត្តកំពង់ចាមក្នុងនោះ៖

1.ក្រុងកំពង់ចាមcpp=1និងcnrp=3
2.កំពង់សៀមcpp=6និងcnrp9
3.កោះសូទិនcpp=7និងcnrp =១
4.ជើងព្រៃcpp=2និងcrnp 8
5.ស្រីសន្ឋ=cpp2និងcnrp 12
6.បាធាយcpp2និងcnrp 10
7.ស្ទឹងត្រង់cpp5និងcnrp 7
8.កងមាសcpp4និងcnrp 7
9.ព្រៃឈcpp5និងcnrp 10
10.ចំការលើcpp 8និងcnrp 3៕

លទ្ឋផលបឋមពីខេត្តកណ្ដាល៖CPPបាន៧៧cnrp បាន៥០ឃុំសង្កាត់

ខេត្តកណ្ដាល៖លទ្ធផលបណ្តោះអាសន្ន៖ ១-ក្រុងតាខ្មៅ CPP=4 CNRP= 2 ២-ស្រុកស្អាង CPP=4 CNRP=12 ៣-កោះធំ CPP=1 CNRP=10 ៤-លើកដែក CPP=5 CNRP= 2 ៥-កៀនស្វាយ CPP=2 CNRP= 6 ៦-ល្វាឯម CPP=12 CNRP=3 ៧-ខ្ស.កណ្តាលCPP=10 CNRP=8 ៨-មុខកំពូល CPP=4 CNRP=3 ៩-ពញាឮ CPP=10 CNRP=1 ១០-អង្គស្នួល CPP= 9 CNRP=1 ១១-ក.ស្ទឹង CPP=18 CNRP=0 *សរុបរួម*៖ -CPP =77/127 ឃុំ-សង្កាត់ -CNRP=50/127 ឃុំ-សង្កាត់៕

មេដឹកនាំគណបក្សទាំង១២អញ្ជើញទៅបោះឆ្នោតនៅថ្ងៃទី៤មិថុនាឆ្នាំ២០១៧

ភ្នំពេញ៖កន្លែង ដែលមេបក្សទាំង ១២ ទៅបោះឆ្នោត នៅព្រឹកថ្ងៃអាទិត្យ ទី៤ មិថុនា ឆ្នាំ២០១៧៖
១-សម្តេចហ៊ុនសែន ប្រធានគណបក្សប្រជាជនកម្ពុជា នឹងអញ្ជើញទៅបោះឆ្នោត នៅការិយាល័យលេខ ១៦៩៧ នៅសាលាករុកោសល្យវិក្រិត្យការ ក្រុងតាខ្មៅ ក្នុងសង្កាត់តាខ្មៅ ក្រុង​តាខ្មៅ ខេត្តកណ្តាល។
២-លោក កឹម សុខា ប្រធានគណបក្សសង្គ្រោះជាតិ នឹងអញ្ជើញទៅបោះឆ្នោតនៅការិយាល័យលេខ ០៩៩៦ ក្នុងសាលាបឋមសិក្សាចាក់អង្រែលើ ក្នុង​សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
៣-លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ នឹង​អញ្ជើញទៅបោះឆ្នោតនៅការិយាល័យលេខ ១២៩០ នៅសាលាវិចិត្រសិល្បៈ ក្នុងភូមិបាយ៉ាប​សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
៤-លោក ម៉ម សូណង់ដូ ប្រធានគណបក្សសំបុកឃ្មុំសង្គមប្រជាធិបតេយ្យ​ នឹង​អញ្ជើញទៅបោះឆ្នោតនៅ​ការិយា​​ល័យ​លេខ​​០៩៦៥ នៅ​សាលារៀន​​​វត្ត​ដំបូក​ខ្ពស់ ក្នុង​ភូមិត្នោតជ្រុំ២ សង្កាត់បឹងទំពន់ទី២ ខណ្ឌមានជ័យ រាជធានី​ភ្នំពេញ​។
៥-លោក យ៉េង វីរៈ ប្រធានគណបក្សប្រជាធិបតេយ្យមូលដ្ឋាន នឹង​អញ្ជើញទៅបោះឆ្នោតនៅការិយាល័យលេខ ១៣៩៣ ក្នុងវិទ្យាល័យ ហ៊ុនសែន បូរី ១០០ខ្នង ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ​។
៦-លោក សេង សុខេង ប្រធានគណបក្សសញ្ជាតិកម្ពុជា នឹង​អញ្ជើញទៅបោះឆ្នោតនៅការិយាល័យលេខ ០៩០៣ នៅ​មណ្ឌលឧត្តម ក្បែរវិមានសុភមង្គល ក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ​។
៧-សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វិនស៊ិនប៉ិច នឹងយាងបោះឆ្នោត នៅការិយាល័យបោះឆ្នោតលេខ ១១០៣ នៅសាលាបឋមសិក្សាមៀន ក្នុង​ឃុំមៀន ស្រុកព្រៃឈរ ខេត្តកំពង់ចាម។​
៨-លោក ញឹក ប៊ុនឆៃ ប្រធានគណបក្សខ្មែររួបរួមជាតិ នឹង​អញ្ជើញទៅបោះឆ្នោតនៅការិយាល័យបោះឆ្នោតលេខ​ ០៧១៤ នៅសាលារៀន ភូមិសែសិន ក្នុង​សង្កាត់អូរអំបិល ក្រុងសេរីសោភ័ណ្ឌ ខេត្តបន្ទាយមានជ័យ។
៩-លោក សួន សេរីរដ្ឋា ប្រធានគណបក្សអំណាចខ្មែរ នឹង​អញ្ជើញទៅបោះឆ្នោតនៅការិយាល័យបោះឆ្នោតលេខ ០៥៧៩ នៅអនុវិទ្យាល័យខ្នាចរមាស ក្នុងឃុំខ្នាចរមាស ស្រុកបវេល ខេត្តបាត់ដំបង។
១០-លោកស្រី សុខ រ័ត្នសុវណ្ណបច្ចៈសីលា ប្រធានគណបក្សសាធារណរដ្ឋប្រជាធិបតេយ្យកម្ពុជា នឹងអញ្ជើញទៅបោះឆ្នោតនៅការិយាល័យបោះឆ្នោត​ ក្នុង​វិទ្យាល័យក្រគរ ស្ថិតនៅឃុំអន្លង់ត្នោត ស្រុកក្រគរ ខេត្តពោធិ៍សាត់។
១១-លោក ប្លាង ស៊ីន ប្រធានគណបក្សជនជាតិដើមប្រជាធិបតេយ្យកម្ពុជា នឹងអញ្ជើញទៅបោះឆ្នោតនៅការិយាល័យលេខ​ ០០៩៨ នៅវិទ្យាល័យប៊ូស្រា ឃុំប៊ូស្រា ស្រុកពេជ្រដា ខេត្តមណ្ឌលគីរី។
១២-លោក ពេជ្រ ស្រស់ ប្រធានគណបក្សយុវជនកម្ពុជា នឹងអញ្ជើញទៅបោះឆ្នោតនៅការិយាល័យលេខ ០៥៧២ នៅសាលាបឋមសិក្សាចក ក្នុងឃុំចក ស្រុកអូររាំងឪ ខេត្តត្បូងឃ្មុំ៕

 

 

គណបក្សសង្គ្រោះជាតិចាប់ផ្ដើមហែឃោសនាការបោះឆ្នោតទ្រង់ទ្រាយធំចេញពីវត្ដចាស់ចូលក្រុងភ្នំពេញ

ភ្នំពេញ៖នៅពេលនេះ គណបក្សសង្គ្រោះជាតិចាប់ផ្ដើមហែឃោសនាការបោះឆ្នោតទ្រង់ទ្រាយធំចេញពីវត្ដចាស់ចូលក្រុងភ្នំពេញ៕

UNប្រគល់ប្រាក់សំណង៧ម៉ឺនដុល្លាដល់ទាហានមួកខៀវស្លាប់ដោយជម្ងឺគ្រុនចាញ់នៅអាហ្វ្រិកកណ្តាល

ភ្នំពេញ៖ អង្គការសហប្រជាជាតិតាមរយៈមន្រ្តីរាជរដ្ឋាភិបាលកម្ពុជា បានប្រគល់ថវិកាសំណង៧ម៉ឺនដុល្លាអាមរិកជូនគ្រួ​សារសពកម្លាំងមួកខៀវកម្ពុជា ដែលបានពលីជីវិតក្នុងបេសកកម្មអង្គការសហប្រជាជាតិនៅសាធារណរដ្ឋអាហ្វ្រិកកណ្តាល ដោយសារជំងឺគ្រុនចាញ់។
ក្នុងពិធីប្រគល់ប្រាក់សំណងចំនួន៧ម៉ឺនដុល្លា ដែលជាថវិការបស់អង្គការសហប្រជាជាតិ សំរាប់ទាហានមួកខៀវពលីជីវិតក្នុងបេសកកម្ម នាល្ងាចថ្ងៃទី៣១ ខែឧសភា ឆ្នាំ២០១៧ នៅទីស្តីការក្រសួងការបរទេស លោក នាយឧត្តមសេនីយ៍ សែម សុវណ្ណនី អនុប្រធានទី២អាជ្ញាធរមីនកម្ពុជា និងជាអគ្គនាយកមជ្ឈមណ្ឌលជាតិរក្សាសន្តិភាពថ្លែងថា “ប្រាក់សំណងនេះ គឺផ្តល់ទៅអោយគ្រួសារសព លោកវរសេនីយ៍ត្រី លុយ ប៊ុនឡុង ជាកងកម្លាំងរក្សាសន្តិភាពមួកខៀវ បានសម្លាប់ដោយសារជម្ងឺគ្រុនចាញ់សាធារណរដ្ឋអាហ្វ្រិកណ្តាល”។
លោក បញ្ជាក់អោយដឹងថា ៖វរសេនីយ៍ត្រី លុយ ប៊ុនឡុង បានស្លាប់នៅក្នុងមន្ទីរពេទ្យមួយនៃសាធារណរដ្ឋអាហ្វ្រិកកណ្តាល កាលពីថ្ងៃទី២ ខែមករា ឆ្នាំ២០១៧កន្លងទៅ។ គិតចាប់តាំងពីឆ្នាំ២០០៦ មកដល់បច្ចុប្បន្ននេះមានកម្លាងមួកខៀវចំនួន៩នាក់បានស្លាប់។ ក្នុងនោះ ៤នាក់បានសម្លាប់នៅម៉ាលីនិង៥នាក់ស្លាប់អាហ្វ្រិកកណ្តាលនិងមាន១១នាក់ផ្សេងទៀតបានរងរបួស។
លោក ប្រាក់ សុខុន ទេសរដ្ឋមន្រ្តី រដ្ឋមន្រ្តីក្រសួងការបទេសនិងសហប្រតិបត្តិការអន្តរជាតិ និងជាប្រធានគណៈកម្មាធិការជាតិគ្រប់គ្រងកម្លាំងរក្សាសន្តិភាព តំណាងអោយអង្គការសហប្រជាជាតិប្រគល់ប្រាក់សំណង៧ម៉ឺនដុល្លាទៅភរិយា សពលោកវរសេនីយ៍ត្រី លុយ ប៊ុនឡុង បានថ្លែងថា “កម្លាំងរក្សាសន្តិភាពកម្ពុជាបានទៅចូលរក្សាសន្តិភាពចំនួន៨ប្រទេសបំពេញបេកសកកម្មអង្គការសហប្រជាជាតិជាង៤៦០០នាក់ បញ្ជាក់អោយឃើញ ពីប្រទេសកម្ពុជា បានយកចិត្តទុកដាក់យ៉ាងខ្លាំងក្នុងការចូលរួមស្វែងសន្តិភាពជូនប្រទេសកំពុងមានជម្លោះផ្ទៃក្នុង ក្រោមឆ័ត្ររបស់អង្គការសហប្រជាជាតិ”។

លោករដ្ឋមន្រ្តីថ្លែងទៀតថា៖ រាជរដ្ឋាភិបាលកម្ពុជា ពិតជាមានការសោកស្តាយយ៉ាងខ្លាំងចំពោះការពលីជីវិតនៃកម្លាំងមួកខៀវ កម្ពុជាក្នុងបេសកកម្មក្រៅប្រទេសរបស់ខ្លួន។
សម្រាប់សពកងកម្លាំងកម្ពុជា ដែលបានពលីជីវិតកាលពីថ្ងៃទី៩ ខែឧសភា ឆ្នាំ២០១៧ នៅប្រទេសអាហ្រ្វិកកណ្តាល ហើយទើបដឹកមកដល់កម្ពុជាកាលពីថ្ងៃទី២១ ខែឧសភា កន្លងទៅនេះ គឺគណៈកម្មាធិការជាតិ សហការជាមួយមជ្ឈមណ្ឌលជាតិ កំពុងរៀបចំបែបបទតាមនីតិវិធីរបស់អង្គការសហប្រជាជាតិ ទៅទីបញ្ជាការក្នុងទីក្រុងញូវយ៉កតាមរយៈបេសកកម្មអចិន្ត្រៃយ៍កម្ពុជាប្រចាំនៅអង្គការសហប្រជាជាតិ ស្នើសុំសំណងក្នុងម្នាក់ ៧០,០០០ដុល្លារអាមេរិក។
មកពីក្រុងតាខ្មៅ ខេត្តកណ្តាល អ្នកស្រី សួង សូនឿន ភរិយាសពវរសេនីយ៍ត្រី លុយ ប៊ុនឡុង ក្នុងពិធីទទួលថវិកាសំណងនៅរសៀលថ្ងៃនេះ បានថ្លែងអំណរគុណដល់រាជរដ្ឋាភិបាលកម្ពុជា ដឹកនាំដោយ សម្តេចតេជោ ហ៊ុន សែន ដែលបានយកចិត្តទុកដាក់ដល់ក្រុមគ្រួសាររបស់គាត់ ហើយបានប្រឹងប្រែងធ្វើបែបបទដើម្បីស្នើសុំប្រាក់សំណងពីអង្គការសហប្រជាជាតិជូន​សពស្វាមីរបស់អ្នកស្រី។
គួរបញ្ជាក់ដែរថាគិតចាប់ពីឆ្នាំ២០០៦ រហូតដល់បច្ចុប្បន្ន មជ្ឈមណ្ឌលជាតិបានបញ្ជូនកម្លាំងមួកខៀវកម្ពុជាសរុបចំនួន ៤,៦៨៩នាក់ ក្នុងនោះមានស្រ្ដីចំនួន ១៩៣នាក់ ទៅចូលរួមក្នុងបណ្ដាបេសកកម្មរក្សាសន្តិភាពជាមួយអង្គការសហប្រជាជាតិ ក្នុងប្រទេសចំនួន០៨ មានដូចជា សាធារណរដ្ឋស៊ូដង់, ស៊ូដង់ខាងត្បូង, ឆាដ, អាហ្រ្វិកកណ្ដាល, លីបង់, ស៊ីរី, សាយប្រឹស និងប្រទេសម៉ាលី។ បច្ចុប្បន្នកម្លាំងមួកខៀវកម្ពុជាចំនួន៨១៦នាក់ ក្នុងនោះស្ដ្រីចំនួន៥៦នាក់ កំពុងបំពេញបេសកកម្ម នៅសាធារណរដ្ឋស៊ូដង់, ស៊ូដង់ខាងត្បូង, លីបង់, អាហ្វ្រិកកណ្ដាល និងម៉ាលី៕

 

ក្រសួងអប់រំកំពុងអនុវត្តសាកល្បងការគ្រប់គ្រងការសិក្សារបស់សិស្សតាមប្រព័ន្ធបច្ចេកវិទ្យាទំនើប

ភ្នំពេញ៖ក្រសួងអប់រំយុវជននិងកីឡាកំពុងអនុវត្តសាកល្បងការគ្រប់គ្រងការសិក្សារបស់សិស្សានុសិស្សតាមប្រព័ន្ធបច្ចេកវិទ្យាទំនើបដើម្បីពង្រឹងដំណើរការគ្រប់គ្រងសាលារៀននិងសិស្សឆ្លើយតបទៅនឹងការធ្វើកំណែទម្រង់វិស័យអប់រំ។
ថ្លែងប្រាប់ទូរទស្សន៍រស្មីហង្សមាសកាលពីថ្ងៃទី២៩ខែឧសភានៅទីស្តីការក្រសួងលោក រស់ សាលីន អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថាប្រព័ន្ធគ្រប់គ្រងបការសិក្សារបស់សិស្សតាមបច្ចេកវិទ្យាទំនើបនេះដើម្បីកត់ត្រាអំពីគុណភាពសិក្សារបស់លើមុខវិជ្ជាផ្សេងៗរួមទាំងវត្តមានឬអវត្តមានសិស្ស អត្រានៃការឡើងថ្នាក់ឬត្រួតថ្នាក់ឬការបោះបង់ការសិក្សារបស់សិស្សចាប់ពីបឋមសិក្សារហូតដល់វិទ្យាល័យ។
លោកបានបន្តទៀតថា៖ការអនុវត្តប្រព័ន្ធនេះគឺតំរូវឲ្យសិស្សនិងគ្រូយកកាតដែលមានភ្ជាប់ទិន្នន័យមកស្កែនហើយម៉ាស៊ីនស្កែននេះដែលបានបញ្ចូលទិន្នន័យទៅក្នុងប្រព័ន្ធផ្ទុកទិន្នន័យតាមសាលានីមួយៗនិងមជ្ឈមណ្ឌលទិន្ន័យកណ្តាលរបស់ក្រសួងផងដែរ ខណៈកន្លងមកសាលានីមួយៗបានសរសេររបាយការណ៍ឬទិន្ន័យសិស្សនិងគ្រូដោយដៃរួចហើយទើបបញ្ជួនឬផ្ញើររបាយការណ៍ទាំងនោះបន្តទៅក្រសួង។
លោកបានបន្តថា៖ការគ្រប់គ្រងប្រព័ន្ធទិន្នន័យតាមសាលានេះ អាចជួយកែទំលាប់ឬវិន័យរបស់សិស្សមករៀនឲ្យបានទៀតទាត់ និងអាចដឹងពីសមត្ថភាពសិក្សារបស់ខ្លួនផ្ទាល់ផងដែរ។ព្រោះថាការអនុវត្តតាមប្រព័ន្ធបច្ចេកវិទ្យាទំនើបនេះតំរូវឲ្យសិស្សឬគ្រូត្រូវមកបង្ហាញមុខស្កែនដោយខ្លួនឯងតែម្តង។
លោកបានបន្ថែមទៀតថាក្រសួងបានរៀបចំផលិតជាម៉ាស៊ីនស្គែនដាក់តាមសាលាគោលដៅនីមួយៗចំនួន៥០សាលា ព្រីនកាតសម្រាប់សិស្ស ១ម៉ឺននាក់រួចហើយ ។
លោក មូល ស៊ុយហេង នាយកវិទ្យាព្រះស៊ីសុវត្តិបានមានប្រសាសន៍នៅព្រឹកថ្ងៃទី៣០ឧសភាថានៅវិទ្យាល័យរបស់លោកមានសិស្សអនុវត្តផ្ទាល់តាមប្រព័ន្ធគ្រប់គ្រងទិន្នន័យសិស្សតាមបច្ចេកវិទ្យាទំនើបនេះចំនួន២០០នាក់និងគ្រូចំនួន២៤០នាក់ ។លោកបានបន្តថាកម្មវិធីនេះបានជួយច្រើនដល់សាលាក្នុងការគ្រប់គ្រងវត្តមានសិស្សនិងគ្រូបានច្បាស់លាស់និងកាត់បន្ថយការអវត្តមានរបស់សិស្សឲ្យមករៀនបានទៀងទាត់ផងដែរ។
លោកបានស្នើឲ្យឲ្យក្រសួងអប់រំពង្រីកកម្មវិធីនេះឲ្យបានដល់គ្រប់សាលានៅទូទាំងប្រទេសតែម្តងដើម្បីឲ្យសាលានីមួយៗមានភាពងាយស្រួលក្នុងការគ្រប់គ្រងទិន្នន័យសិស្សនិងគ្រូបានច្បាស់លាស់និងបង្កើនការគុណភាពសិក្សារបស់សិស្សានុសិស្សផងដែរ។
គួរបញ្ជាក់ថាប្រព័ន្ធការគ្រប់គ្រង ទិន្នន័យសិស្សតាមសាលានេះក្រសួងអប់រំបានអនុត្តសាកល្បងតាំងពីខែធ្នូឆ្នាំ២០១៦នឹងបញ្ចប់នៅខែមិថុនាឆ្នាំ២០១៧ នៅតាមសាលាគោលដៅចំនួន៥០មានសិស្សអនុវត្តផ្ទាល់ប្រមាណ១ម៉ឺននាក់ចាប់ពីថ្នាក់ទី៤​ដល់​ថ្នាក់ទី៦សម្រាប់កំរិតបឋមនិងនៅកំរិតមធ្យមសិក្សានៅខេត្តចំនួន៧រួមមានរាជធានីភ្នំពេញ ខេត្តព្រះស៊ីហនុ ព្រៃវែង កំពង់ឆ្នាំង បាត់ដំបង សៀមរាបនិងរតនគីរី៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ​ពេល​យប់​


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2