vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានជាតិ

ពលរដ្ឋកម្ពុជាប្រមាណជា៥ម៉ឺននាក់ចាញ់បោកអង្គការនិងក្រុមហ៊ុន ជាមួយទឹកប្រាក់៦០លានដុល្លារ

ភ្នំពេញ៖ ក្រសួងមហាផ្ទៃ, ក្រសួងយុត្តិធម៌ និងក្រសួងសេដ្ឋកិច្ច និងហិរញ្ញវត្ថុ បានប្រកាសរួមគ្នាក្នុងការចាត់វិធានការផ្លូវច្បាប់ក្នុងការស្វែង និងចាប់ខ្លួនអង្គការនិងក្រុមហ៊ុន ឆបោកប្រាក់ប្រជាពលរដ្ឋពីបណ្តាខេត្តមួយចំនួនប្រមាណ៦០លានដុល្លារ ដើម្បីស្វែងរកយុត្តិធម៌។

ក្នុងសន្និសទីសារព័ត៌មានរួមគ្នានៅព្រឹកថ្ងៃទី៣០ ឧសភានេះ នាទីស្តីការក្រសួងមហាផ្ទៃ លោក ងី ច័ន្ទផល រដ្ឋលេខាធិការក្រសួងមហាផ្ទៃ បានលើកឡើងថា៖ ក្រសួងបាននឹងកំពុងសហការគ្នាជាមួយគ្នាក្រសួងយុត្តិធម៌ និងក្រសួងសេដ្ឋកិច្ច ដើម្បីស្វះស្វែង រកវិធានការក្នុងការដោះស្រាយបញ្ហានេះតាមរយៈការផ្សព្វផ្សាយពីព័ត៌មាននៃការឆបោកនេះ ទៅកាន់ប្រជាពលរដ្ឋ និងស្វែងរកចាប់ខ្លួនអ្នកដែលពាក់ព័ន្ធនឹងការឆបោកនេះមកផ្តន្ទាទោស តាមផ្លូវច្បាប់។
លោកឧត្តមសេនីយឯក ឌី វិជ្ជា អគ្គស្នងការរងនគរបាលជាតិ បានប្រាប់ក្រុមអ្នកសារព័ត៌មាន ថា ៖”ជនឆបោកប្រាក់ពីប្រជាពលរដ្ឋនោះ គឺជាជនជាតិម៉ាឡេស៊ី និងជនជាតិខ្មែរ ដែលបច្ចុប្បន្ន នេះសមត្ថកិច្ចបាននឹងកំពុងស្វែងរកចាប់ខ្លួនជនទាំងនោះយកមកធ្វើការផ្តន្ទាទោសតាមច្បាប់”។
លោកបានបញ្ជាក់ថា៖” ជនឆបោកដែលបានបោកប្រាស់លុយពីប្រជាពលរដ្ឋនេះ មិនត្រឹមតែឆបោកក្នុងប្រទេសកម្ពុជាប៉ុណ្ណោះនោះទេ ប៉ុន្តែក្រុមនេះក៏បានឆបោកនៅក្រៅប្រទេសផងដែរដែលមានលក្ខណៈស្រដៀងគ្នានៅកម្ពុជាផងដែរ”។
លោកបានបន្ដថា៖ពលរដ្ឋជាង៧ពាន់នាក់ បានមកដាក់ពាក្យបណ្តឹងនៅក្នុងក្រសួងមហាផ្ទៃដើម្បីឲ្យជួយដោះស្រាយជុំវិញការឆបោកទ្រ ទ្រង់ទា្រយធំពីអង្គការសមាគម និងក្រុមហ៊ុនចំនួនបីដែលបានបោកប្រាស់ពួកគាត់។
លោកបានបញ្ជាក់ថា៖” បើតាមការសាកសួរពីប្រជាពលរដ្ឋរងគ្រោះគឺពួកគាត់បានលើកឡើង ថាអ្នកដែលចាញ់បោកអង្គការសហគម និងក្រុមហ៊ុននេះ គឺមានចំនួនប្រមាណ៥ម៉ឺននាក់ ដែលក្រសួងអាចចាត់ទុកថា នេះគឺជាករណីឆបោកទ្រង់ទ្រាយធំ ដែលត្រូវចាត់វិធានការតាមផ្លូវច្បាប់ឲ្យបានទាន់ពេលវេលា”។
លោកកើត រិទ្ធ រដ្ឋលេខាធិការក្រសួងយុត្តិធម៌ បានបញ្ជាក់ថា៖ “ក្រសួងនឹងជំរុញឲ្យស្ថាប័នតុលាការពន្លឿនដោះស្រាយបញ្ហាឆបោកនេះឲ្យបានលឿនតាមដែលអាចធ្វើទៅបានដើម្បីផ្តល់យុត្តិធម៌ជូនប្រជាពលរដ្ឋ ដោយក្នុងនោះក្រសួងបានសហការជាមួយគណៈមេធាវីកម្ពុជាដើម្បីផ្តល់មេធាវីជួយប្រមូលបណ្តឹងប្រជាពលរដ្ឋរងគ្រោះបញ្ជូនទៅស្ថាប័នតុលាការឲ្យជួយរកយុត្តិធម៌”។
លោកបន្តថា៖” បច្ចុប្បន្ននេះ គឺមានប្រជាពលរដ្ឋមកពីតាមបណ្តារាជធានីខេត្តមួយចំនួន៖ ដូចជានៅ ភ្នំពេញ, តាកែវ, សៀមរាប, បាត់ដំបង, ក្រចេះ, ស្វាយរៀង និងកំពង់ស្ពឺជាដើម ដែលបានចេញមុខដាក់ពាក្យប្តឹងទៅតុលាការដើម្បីឲ្យជួយរកយុត្តិធម៌”។
លោកបានបង្ហាញអំពីរបៀបនៃការឆបោករបស់ក្រុមហ៊ុននោះថា នៅពេលដែលប្រជាពលរដ្ឋដាក់លុយ១ពាន់ដុល្លារឲ្យក្រុមហ៊ុន នោះក្រុមហ៊ុននឹងផ្តល់ការប្រាក់ចំនួន១០០ដុល្លារក្នុង រយៈមួយខែ ធ្វើឲ្យប្រជាពលរដ្ឋមានទំនុកចិត្តបង្កើនការដាក់ប្រាក់កាន់តែច្រើនហើយក្រុមហ៊ុន ក៏វិចបង្វិចរត់បាត់។
លោកស្រីងួន សុខា រដ្ឋលេធិការក្រសួងសេដ្ឋកិច្ច បានឲ្យដឹងថា៖ ក្រុមហ៊ុន, អង្គការ និងសមាគមទាំងនេះ គឺមិនមានច្បាប់អនុញ្ញាតត្រឹមត្រូវពីស្ថាប័នពាក់ព័ន្ធនោះទេ ដែលនេះ គឺជាករណីឆបោកយ៉ាងពិតប្រាកដ។
គួរបញ្ជាក់ថា ក្រុមហ៊ុន អង្គការ និងសមាគម ដែលរងនូវការចោទប្រកាន់ពីប្រជាពលរដ្ឋនោះ រួមមាន៖ អង្គការមូលនិធិអភិវឌ្ឍន៍អាស៊ីអាគេ្នយ៍ ហៅកាត់ថា AIF , ក្រុមហ៊ុន Empire Big Capital Limited (EBC) និងសមាគមអ្នកប្រឹក្សាយោបល់វិនិយោគ ហៅកាត់ថា (EBC) ដែលករណីឆបោកនេះគឺអស់រយៈពេលពីរឆ្នាំកន្លងទៅហើយ។
គួររំលឹកថា កន្លងមក មានក្រុមហ៊ុនមួយចំនួនបានលួចធ្វើអាជីវកម្មដោយយកឈ្មោះរបៀបវិនិយោគរួមគ្នាដើម្បីប្រមូលលុយពីសាធារណជនដោយអះអាងថា ជាក្រុមហ៊ុនសាខាពីអន្តរជាតិតែភាគច្រើនមិនបានយកទៅវិនិយោគពិតប្រាកដ៕

 

គោលនយោបាយគណបក្សសំបុកឃ្មុំសង្គមប្រជាធិបតេយ្យសម្រាប់ការបោះឆ្នោតឃុំសង្កាត់ថ្ងៃទី៤មិថុនាឆ្នាំ២០១៧ខាងមុខនេះ

ភ្នំពេញ៖គោលនយោបាយគណបក្សសំបុកឃ្មុំសង្គមប្រជាធិបតេយ្យសម្រាប់ការបោះឆ្នោតឃុំសង្កាត់នៅថ្ងៃទី៤មិថុនាឆ្នាំ​២០១៧ខាងមុខនេះ។គណបក្សសំបុកឃ្មុំសង្គមប្រជាធិបតេយ្យដឹកនាំដោយលោក ម៉ម សូណង់ដូ ប្រធាន។កន្លងមកលោកបានដឹកនាំ ការឃោសនាបោះឆ្នោតឃុំ/សង្កាត់ច្រើនកន្លែងតាមខេត្ត៕

គោលនយោបាយ “គណបក្សជនជាតិដើមប្រជាធិបតេយ្យកម្ពុជា” នៅក្នុងការអភិវឌ្ឍ ឃុំ សង្កាត់ អាណត្តិទី៤

ភ្នំពេញ៖គោលនយោបាយ គណបក្ស ជនជាតិដើមប្រជាធិបតេយ្យកម្ពុជា ត្រូវបានរៀបចំចងក្រងឡើងដោយមានការចូលរួមជាមតិ យោបល់តាមរយៈកិច្ចប្រជុំ សិក្ខាសាលា កិច្ចពិគ្រោះយោបល់ ការជួបសួរសុខទុក្ខប្រជាពលរដ្ឋទូទៅ និងការស្ទង់មតិតាមប្រព័ន្ធព័ត៌មានសង្គម ជាមួយនឹងជនជាតិដើមនិងសាធារណៈជន ក្នុងតំបន់ភូមិភាគឥស្សាន អំពីតំរូវការជាអាទិភាព និងបញ្ហាសេដ្ឋកិច្ចសង្គមនិងវប្បធម៌ ដែលប្រជាពលរដ្ឋបាននិងកំពុងជួបប្រទះ នៅក្នុងការរស់នៅប្រចាំថ្ងៃ។
១. អភិវឌ្ឍ ស្របតាមគោលបំណង របស់ប្រជាពលរដ្ឋ និង ស្របតាមថវិកាជាតិដែលបានកំណត់សម្រាប់អភិវឌ្ឍន៍តាម ឃុំ សង្កាត់ ៖ កង្វះការអប់រំ សេវាសុខភាព ភាពក្រីក្រ ហេដ្ឋារចនាសម្ព័ន្ធគ្មានគុណភាព និងបញ្ហាដីធ្លីនិងធនធានធម្មជាតិ ជាគោលបំណងតម្រូវការអាទិភាពចម្បងរបស់ប្រជាពលរដ្ឋ ហើយជាអ្វីដែលគណបក្សនឹងដោះស្រាយ និងអភិវឌ្ឍ។
២. ផ្តល់ សេវាសាធារណៈ ឱ្យទាន់ពេលវេលា និងមិនគិតកម្រៃពីប្រជាពលរដ្ឋឡើយ៖ យន្តការកែលម្អរការផ្តល់សេវាសារណៈឲ្យឆាប់រហ័យ និងការជំរុញដោះស្រាយបញ្ហាដែលរាំងស្ទះនឹងធ្វើត្រូវបានគិតគូរយ៉ាងខ្លាំងក្លា ដូចជាអត្តសញ្ញាណប័ណ្ណ អត្រានុកលដ្ឋាន សំបុត្រកំណើត និងការចុះបញ្ជីផ្សេងៗរួមមាន ការពន្លឿនការចុះបញ្ជីដីធ្លីសមូហភាព ការចុះបញ្ជីដីឯកជន និងការចុះបញ្ជីសហគមន៍ព្រៃឈើ ជាដើម។
៣. អភិវឌ្ឍ ឃុំសង្កាត់ ដែលនៅជាប់ព្រំដែន និងត្រូវសហប្រតិបត្តិការល្អជាមួយនឹងប្រទេសជិតខាង៖ ទំនាក់ទំនងអន្តរជាតិរវាងឃុំសង្កាត់នៃប្រទេសកម្ពុជា និងប្រទេសជិតខាងលើវិស័យសង្គមកិច្ច សេដ្ឋកិច្ច និងវប្បធម៌ ដើម្បីបង្កើតឱកាសនៅក្នុងការវិនិយោគមួយចំនួនដែលផ្តល់ប្រយោជន៍ដល់ប្រជាពលរដ្ឋទាំងសងខាងស្មើគ្នា។
៤. ការពារ ធនធានធម្មជាតិ មិនអនុញ្ញាត្តឱ្យបំផ្លាញបន្តពីជនខិលខូចព្រមទាំងអនុវត្តឱ្យស្មើភាពគ្នា៖ ការទប់ស្កាត់នូវរាល់ទម្រង់នៃការបំផ្លាញ និការគ្រប់គ្រងការធ្វើអាជីវកម្មដកហូតធនធានធម្មជាតិឱ្យមានប្រសិទ្ធិភាព មានដូចជា ព្រៃឈើ បឹងបួរ ស្ទឹង ព្រែក រ៉ែខ្សាច់ រ៉ែថ្មជាដើម ដើម្បីផ្តល់អាទិភាពដល់ប្រជាពលរដ្ឋមូលដ្ឋាន។ ការជំរុញការចុះបញ្ជីដីសមូហភាព និងការគ្រប់គ្រងព្រៃសហគមន៍ ព្រៃតំបន់ការពារគឺជាអាទិភាពទីមួយដែលគណបក្សនឹងដោះស្រាយ ហើយការលើកទឹកចិត្តប្រជាពលរដ្ឋមូលដ្ឋាននៅក្នុងការចូលរួមការពារធនធានធម្មជាតិគឺជាវិធីសាស្រ្តដ៏ល្អប្រសើរបំផុត។
៥. ថែរក្សា អត្តសញ្ញាណជនជាតិដើមមិនឱ្យបាត់បង់៖ វប្បធម៌ជនជាតិដើម និងវប្បធម៌ជាតិ ត្រូវបានគំរាមគំហែងដោយសារ សកលភាវូបនីយកម្មវប្បធម៌ពិភពលោក។ ការថែរក្សាអត្តសញ្ញាណ ភាសាដើម ប្រតិបត្តិជំនឿសាសនា សម្លៀកបំពាក់ប្រពៃណី គឺជាអ្វីដែលគណបក្សនឹងគាំពារដើម្បីទប់ស្កាត់ការហូរចូលនៃវប្បធម៌ពីខាងក្រៅដែលមិនល្អ។ ការរៀបចំព្រឹត្តិការណ៍វប្បធម៌ ការប្រារព្វបុណ្យវប្បធម៌ និងកម្មវិធីផ្សព្វផ្សាយវប្បធម៌ប្រពៃណី គឺជាសកម្មភាពដែលនឹងលើកទឹកចិត្តនៅក្នុងអភិរក្សអត្តសញ្ញាណជនជាតិដើមមិនឲ្យបាត់បង់ ឧទាហរណ៍ ទិវាអន្តរជាតិជនជាតិដើមពិភពលោក។
៦. បញ្ឈប់ ការរើសអើងអ្នកនយោបាយគ្រប់រូបភាព៖ ក្រោមការគ្រប់គ្រង និងការដឹកនាំរបស់គណបក្សជនជាតិដើមប្រជាធិបតេយ្យកម្ពុជា វប្បធម៌រើសអើងគៀបសង្កត់លើប្រជាពលរដ្ឋទូទៅ សង្គមស៊ីវិល មន្រ្តីរាជការ កងកម្លាំងប្រដាប់អាវុធ និងសកម្មជនគណបក្សដទៃ (ក្រៅពីគណបក្សខ្លួន) ឈរលើនិន្នាកានយោបាយ គឺលែងមានទៀតហើយ។ យន្តការ និងវិធីសាស្រ្តសមស្របដែលមានការចូលរួមពីគ្រប់អ្នកពាក់ព័ន្ធគ្រប់ជ្រុងនៃសង្គម នឹងត្រូវធានាឱ្យមាននៅក្នុងការធានាការចូលរួមជាសាធារណៈក្នុងការអភិវឌ្ឍន៍ឃុំសង្កាត់ឱ្យមានការរីចរើនតាមការចង់បានរបស់ប្រជាពលរដ្ឋទាំងអស់។
៧. ដោះស្រាយ បញ្ហាដីធ្លីដោយយុត្តិធម៌៖ បញ្ហាដីធ្លីគឺជាបញ្ហាចម្បងដែលជនជាតិដើម និងប្រជាពលរដ្ឋក្រីក្រកំពុងជួបប្រទះ និងត្រូវការដោះស្រាយជាបន្ទាន់។ ការពិនិត្យមើលលើការគ្រប់គ្រងដីធ្លី ដីព្រៃ ការផ្ទេរកម្មសិទ្ធិ និងការទិញដូរដីធ្លីដែលផ្ទុយនឹងច្បាប់ នឹងត្រូវពិនិត្យឡើងវិញ តាមបណ្តឹងនិងការទាមទាររបស់សហគមន៍ជនជាតិដើម និងប្រជាពលរដ្ឋមូលដ្ឋាន។ ការដោះស្រាយបញ្ហាដីធ្លីនឹងត្រូវបានធានាឱ្យមានការចូលរួមពីគ្រប់ភាគី ដើម្បីផ្តល់នូវ យុត្តិធម៌ ដែលប្រជាពលរដ្ឋរងគ្រោះចង់បាន។
៨. ទប់ស្កាត់ ការប្រើប្រាស់គ្រឿងញៀន អំពើហឹង្សា និងការពារសុវត្ថិភាពប្រជាពលរដ្ឋ៖ ការអនុវត្តច្បាប់យ៉ាងតឹងរឹងដើម្បីទប់ស្កាត់ការជួញដូរគ្រឿងញៀន អំពើហឹង្សា ដើម្បីធានាសណ្តាប់ធ្នាប់សាធារណៈ និងសុវត្ថិភាពមូលដ្ឋានគឺជាការចាំបាច់បំផុតនៅក្នុងគោលនយោបាយគណបក្ស។ ការដោះស្រាយបញ្ហាទាំងនេះ គឺដើម្បីផ្តល់ឱកាសដល់កូនចៅសហគមន៍មូលដ្ឋានឃ្លាតចេញពីការបង្ករអសន្តិសុខសង្គម ចោរកម្ម និងអំពើហឹង្សា។ កម្មវិធីតាមដានការត្រួតពិនិត្យលើសារធាតុញៀន តម្រូវឱ្យមានការចូលរួមពីសហគមន៍មូលដ្ឋាននៅក្នុងការផ្តល់ព័ត៌មាននិងការចូលរួមអប់រំផ្សព្វផ្សាយអំពីគ្រោះថ្នាក់នៃការប្រើប្រាស់គ្រឿងញៀន ដល់ខ្លួនឯង សង្គមគ្រួសារ សហគមន៍ និងសង្គមជាតិ។ ជាងនេះទៀត កម្មវិធីព្យាបាលអ្នកញៀនថ្នាំ និងកម្មវិធីសង្គមដើម្បីបញ្ជៀសឱ្យយុវជនចាកពីការប្រើប្រាស់គ្រឿងញៀន និងអំពើហឹង្សា៕

 

 

គោលនយោបាយគណបក្សប្រជាធិបតេយ្យមូលដ្ឋានសម្រាប់ការបោះឆ្នោតឃុំសង្កាត់ថ្ងៃទី៤មិថុនាឆ្នាំ២០១៧

ភ្នំពេញ៖គោលនយោបាយគណបក្សប្រជាធិបតេយ្យមូលដ្ឋានសម្រាប់ការបោះឆ្នោតឃុំសង្កាត់ថ្ងៃទី៤មិថុនាឆ្នាំ២០១៧។គណបក្សប្រជាធិបតេយ្យមូលដ្ឋានដឹកនាំដោយលោកយ៉េងវីរៈប្រធានគណបក្ស៕

 

 

កម្មវិធីគោលនយោបាយគណបក្សខ្មែររួបរួមជាតិសម្រាប់ការបោះឆ្នោតក្រុមប្រឹក្សាឃុំសង្កាត់អាណត្តិទី៤

ភ្នំពេញ៖កម្មវិធីគោលនយោបាយគណបក្សខ្មែររួបរួមជាតិសម្រាប់ការបោះឆ្នោតក្រុមប្រឹក្សាឃុំសង្កាត់អាណត្តិទី៤។គណបក្សខ្មែររួបរួមជាតិដឹកនាំដោយលោកញឹកប៊ុនឆៃអតីតឧបនាយករដ្ឋមន្ដ្រី៕

កម្មវិធីនយោបាយអាទិភាព៥ចំណុចសម្រាប់ឃុំ-សង្កាត់ របស់គណបក្សសង្រ្គោះជាតិ

ភ្នំពេញ៖កម្មវិធីនយោបាយអាទិភាព៥ចំណុចសម្រាប់ឃុំ-សង្កាត់ របស់គណបក្សសង្រ្គោះជាតិ៕

គោលនយោបាយសំខាន់ៗ សម្រាប់អភិវឌ្ឍឃុំ-សង្កាត់ ២០១៧-២០២២ របស់គណបក្សប្រជាជនកម្ពុជា

ភ្នំពេញ៖គោលនយោបាយសំខាន់ៗ សម្រាប់អភិវឌ្ឍឃុំ-សង្កាត់ ២០១៧-២០២២ របស់គណបក្សប្រជាជនកម្ពុជា។

 

មន្ត្រីជំនាញបានបំពាក់ជញ្ជីងយុត្តិធម៌ ដើម្បីឲ្យពលរដ្ឋអាចថ្លឹងដោយខ្លួនឯង

ខេត្តមណ្ឌលគិរី៖ក្នុងបំណងរក្សាតម្លាភាពរវាងអាជីវករលក់ទំនិញ និងប្រជាពលរដ្ឋដែលមកទទួលទិញទំនិញផ្សេងៗ ឲ្យ​ជៀស ផុតពីការបន្លំភ្នែកជញ្ជីង កាលពីព្រឹកថ្ងៃទី២៩ ឧសភា ២០១៧ មន្ត្រីនៃមន្ទីរឧស្សាហកម្ម និងសិប្បកម្មខេត្តមណ្ឌលគិរី បានសហការជាមួយអាជ្ញាធរក្រុងសែនមនោរម្យ ចុះបំពាក់ជញ្ជីងយុត្តិធម៌ចំនួន០៣គ្រឿង ក្នុងក្រុងសែនមនោរម្យ ដើម្បី ផ្ដល់ភាពងាយស្រួលដល់ប្រជាពលរដ្ឋ អាចប្រើប្រាស់ជញ្ជីងយុត្តិធម៌នេះ ថ្លឹងបរិមាណទំនិញ ជៀសវាងពីការបោកបន្លំ បរិមាណទំនិញពីសំណាក់អាជីវករ ។
ប្រធានមន្ទីរឧស្សាហកម្ម និងសិប្បកម្មខេត្តមណ្ឌលគិរី លោក តូវ សុធារ៉ា បានថ្លែងថា ជញ្ជីងយុត្តិធម៌ដែលត្រូវបាន បំពាក់ក្នុងក្រុងសែនមនោរម្យ គឺមានបំពាក់នៅ០៣ទីតាំងផ្សេងគ្នា ទីតាំងទី០១ នៅរង្វង់មូលគោព្រៃ ទី០២នៅច្រកចូល ផ្សារ និងជញ្ជីងទី០៣ គឺបំពាក់នៅផ្សារជនជាតិដើមភាគតិច ។
ហើយគោលបំណង ក្នុងការតម្លើងជញ្ជីងយុត្តិធម៌នេះឡើង គឺដើម្បីធ្វើឲ្យប្រជាពលរដ្ឋ ក៏ដូចជាអាជីវករមានទំនុកលើគ្នា ក្នុងការលក់ដូរទំនិញ ដោយអាចប្រើប្រាស់ជញ្ជីងយុត្តិធម៌នេះ មកថ្លឹង ជៀសវាងពីការបន្លំភ្នែកជញ្ជីង និងការចោទប្រកាន់ពីសំណាក់ប្រជាពលរដ្ឋទៅលើអាជីវករថា ថ្លឹងទំនិញមិនគ្រប់ នោះ ។ ( មានសម្ភាសន៍ )
ពាក់ព័ន្ធនិងការតម្លើងជញ្ជីងយុត្តិធម៌នេះដែរ អាជីវករលក់ទំនិញក្នុងផ្សារសែនមោរម្យ ឈ្មោះ ញ៉ាញ់ ស្រីនឿន ក៏បានលើកឡើងថា ការបំពាក់ជញ្ជីង យុត្តិធម៌នេះ គឺបានផ្ដល់អត្ថប្រយោជន៍ច្រើនដល់អាជីវករលក់ទំនិញ និងប្រជាពលរដ្ឋដែលជាអ្នកទិញទំនិញ ព្រោះថា អ្នក មកទទួលទិញទំនិញ និងមានទំនុកចិត្តលើអាជីវករ ថាមិនបានបន្លំបរិមាណទំនិញ ព្រោះពួកគាត់មានជញ្ជីងយុត្តិធម៌ សម្រាប់ថ្លឹង ដោយខ្លួនឯង ។ (មានសម្ភាសន៍)
លោក តូវ សុធារ៉ា ប្រធានមន្ទីរឧស្សាហកម្ម និងសិប្បកម្មខេត្តមណ្ឌលគិរី បានលើកឡើងទៀតថា៖" ជញ្ជីងយុត្តិធម៌ នេះ និងត្រូវតម្លើងបំពាក់បន្ថែមទៀត នៅតាមបណ្ដាស្រុកចំនួន០៤ទៀត ក្នុងខេត្តមណ្ឌលគិរី ក្នុងពេលខាងមុខនេះ ហើយ នៅតាមជញ្ជីងនីមួយៗ គឺមានប្រអប់សំបុត្រ សម្រាប់ដាក់ឲ្យអាជីវករ ឬប្រជាពលរដ្ឋ លើកឡើងពីបញ្ហាមិនប្រក្រតីផ្សេងៗ ដើម្បីមន្ត្រីជំនាញធ្វើការដោះស្រាយជូន "៕

 

ពលរដ្ឋនៅក្នុងស្រុកកោះសូទិននៅបន្តរបរធ្វើក្រមា ហូលផា ដើម្បីចិញ្ជឹមគ្រួសារ

ខេត្តកំពង់ចាម៖ ពលរដ្ឋដែលរស់នៅក្នុងស្រុកកោះសូទិនបិយមធ្វើសិប្បកម្មតំបាញ់ក្រមា ហូលផាមួង ដែលមានភាពល្បីល្បាយដល់ក្រៅប្រទេសព្រោះក្រមា ហូលផាមួងភាគច្រើនគេយកក្រៅស្រុក ឬរបស់អ្នកស្រុកផ្សេងមិនសូវល្អដូចអ្នកខាងកោះសូទិនធ្វើដែរ ក្រមាគឺជាអត្តសញ្ញាណមួយដែលបញ្ជាក់ពីអ្នកស្រុកតាមដងទន្លេតូច។

បើតាមអ្នកមីង នីម ណាត ដែលរស់នៅក្នុងភូមិរកាកោង ឃុំល្វេ ស្រុកកោះសូទិន បានរាប់រៀបប្រាប់ថា មុខរបរមួយនេះនឹងក្រុមគ្រួសារធ្វើតគ្នាមកតាំងពីរដើមរៀងមក របរធ្វើក្រមាដែលបានចាប់យកមកធ្វើនេះដោយតែគ្មានការងារអ្វីឬមិនចង់ចំណាកស្រុកដូចអ្នកភូមិឡើយ សុទ្ធតស៊ូធ្វើរបរក្រមាដោយមួយថ្ងៃធ្វើបានបួនក្រមា មុនដំបូងគាត់បានទិញអំបោះហុងពីផ្សារមកដោយ ១គីឡូក្នុងតម្លៃ ១៧០០០៛ រួចយកជ្រលក់ពណ៍ដោយក្នុងមួយគីឡូតម្លៃឈ្នួល៣៨០០៛ ។ សម្រាប់ការធ្វើរបរមួយនេះអាចចិញ្ចឹមគ្រួសាររស់ដោយស្រួលបើសិនជាមានកីតម្បាញ់ចាប់ពីឡើងទៅនឹងអាចរកចំនូលបានច្រើន។ ដោយក្រមាមួយលក់ចេញក្នុងក្រមាតម្លៃ៥២០០រៀល ហើយមានឈ្មួញមកយកដល់ផ្ទះអោយតែធ្វើរួចរាល់។
ចុងក្រោយរូបលោកស្រី និងអ្នកភូមិសូមសំណូមពរដល់ប្រជាពលរដ្ឋខ្មែរយើងគាំទ្រផលិតផលរបស់ខ្មែរយើង ស្នាដៃកូនខ្មែរព្រោះជួយលើកស្ទួយខាងការអភិវឌ្ឍន៍ខាងសិប្បកម្មក្នុងស្រុកផងដែរ។

 

 

អ្នកនាំពាក្យ៖គណៈកម្មាធិការការខេត្តរៀបចំការបោះឆ្នោតកំពុងដោះស្រាយបណ្តឹងរវាងCPP និងCNRP

ភ្នំពេញ៖ គ.ជ.ប បានឲ្យដឹងថា គណៈកម្ មការខេត្តរៀបចំការបោះឆ្នោតកំពុងដោះស្រាយបណ្តឹងរវាងគណបក្សប្រជាជនកម្ពុជា និងគណបក្សសង្រ្គោះជាតិនៅខេត្តតាកែវ និងខេត្តកំពង់ធំ ដើម្បីបញ្ចប់នៅក្នុងពេលយុទ្ធនាការរកសំឡេងឆ្នោតក្រុមប្រឹក្សាឃុំសង្កាត់នេះ។

លោកហង្ស ពុទ្ធា អ្នកនាំពាក្យ គ.ជ.ប នៅក្នុងសន្និសីទសារព័ត៌មាន នៅព្រឹកថ្ងៃទី២៦ ខែឧសភានេះ បានឲ្យដឹងថា បណ្តឹង រវាងគណបក្សប្រជាជនកម្ពុជា និងគណបក្សសង្រ្គោះជាតិ នៅ ក្នុងខេត្តតាកែវ និងខេត្តកំពង់ធំ កំពុងស្ថិតក្នុងដំណាក់កាលដោះស្រាយនៅគណៈកម្ មការខេត្តរៀបចំការបោះឆ្នោតនីមួយៗនៅឡើយ ដើម្បីឈានទៅរកការ ស្រុះស្រួលគ្នាឡើងវិញ។ ឯកឧត្តម បានបញ្ជាក់ថា មានតែពាក្យបណ្តឹងក្នុងខេត្តចំនួនពីរនេះប៉ុណ្ណោះ ដែលពិបាកសម្រុះសម្រួលជាងគេ ក្នុងចំណោមពាក្យបណ្តឹងចំនួន៣៤ ដែលត្រូវបានដាក់ និងដោះស្រាយនៅគណៈកម្មការឃុំ-សង្ កាត់រៀបចំការបោះឆ្នោត។
លោកហង្ស ពុទ្ធា បានឲ្យដឹងថា៖” ពាក្យបណ្តឹងរបស់គណបក្សនយោបាយ ដែលបានប្តឹងក្នុង ពេលយុទ្ធនាការរកសំឡេងឆ្នោតក្រុមប្រឹក្សាឃុំសង្កាត់មានចំនួនជិត៣០បណ្តឹង ត្រូវបានដោះស្រាយរួចរាល់នៅគណៈកម្មការឃុំ-សង្ កាត់រៀបចំការបោះឆ្នោត ខណៈដែលពាក្យបណ្តឹងពីរទៀត បានដោះស្រាយរួចរាល់ហើយដែរ នៅគណៈកម្ មការរៀបចំការបោះឆ្នោត ខេត្តប៉ៃលិន និងខេត្តកំពង់ស្ពឺ”។
លោក លាស់ ថេរ៉ាម៉ា បុគ្គលិកតំណាងអង្គការសហគមន៍អភិវឌ្ឍន៍ជាតិ ដែលអះអាងថា៖ បានដាក់ភ្នាក់ងារឃ្លាំមើលដំណើរការឃោសនាបោះឆ្នោតជាង១០រាជធានី-ខេត្ត មានប្រសាសន៍ថា ដំណើរការឃោសនាបោះឆ្នោតជ្រើសរើ សក្រុមប្រឹក្សាឃុំ-សង្កាត់ រយៈពេល៦ថ្ងៃកន្លងទៅនេះ បានប្រព្រឹត្តទៅដោយភាពរលូន សន្តិសុខ សណ្តាប់ធ្នាប់ និងគ្មានអំពើហិង្សានោះទេ។
យោងតាមរបាយការណ៍ស្តីពីការប្រព្រឹត្តទៅនៃដំណើរការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ បានឲ្យដឹងថា គិតចាប់ពីថ្ងៃទី២០ ដល់ថ្ងៃទី២៥ ខែឧសភា ពាក្យបណ្តឹងរបស់គណបក្សនយោបាយ ដែលបានដាក់នៅគណៈកម្មការឃុំ-សង្ កាត់រៀបចំការបោះឆ្នោត បានកើនឡើងដល់៣៤បណ្តឹង នៅក្នុងខេត្តចំនួន១១ ពាក់ព័ន្ធនឹងការជេរប្រមាថ រារាំងការហែក្បួនឃោសនា ហែក ខិតប័ណ្ណ វាយស្លាកសញ្ញាគណបក្ស តម្រាយផ្លូវនៃក្បួនហែឃោសនា និងគ្រោះថ្នាក់ចរាចរណ៍។ ក្នុងចំណោមបណ្តឹងទាំង៣៤នេះ មានចំនួន២៩បណ្តឹង ជាបណ្តឹងរបស់គណបក្សប្រជាជនកម្ពុជា និងចំនួន៥បណ្តឹងទៀត ជាបណ្តឹងរបស់គណបក្សសង្រ្គោះជាតិ។
តែទោះជាយ៉ាងណាក្តី អ្នកសង្កេតការណ៍ជាតិ បានបញ្ជាក់ថា ចំនួនពាក្យបណ្តឹងនេះ មានតិចតួចនៅឡើយ បើធៀបនឹងរយៈពេលនៃការឃោសនាបោះឆ្នោតនាអាណត្តិមុនៗ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ​ពេល​យប់​


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2