vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានជាតិ

មន្ដ្រីអះអាងថា៖ក្រុមអ្នករួមភេទបុរសស្រឡាញ់បុរស៥ភាគរយក្នុងចំណោមជាង៣ម៉ឺននាក់ផ្ទុកមេរោគអេដស៍

ភ្នំពេញ៖មន្ដ្រីសុខាភិបាលបានអះអាងថាក្រុមអ្នករួមភេទបុរសស្រឡាញ់បុរស៥ភាគរយក្នុងចំណោមជាង៣ម៉ឺននាក់ផ្ទុកមេរោគអេដស៍ខណៈនៅទូទាំងប្រទេសមានអ្នកផ្ទុកជំងឺអេសដ៍ប្រមាណ០,៦ភាគរយនៃពលរដ្ឋសរុប។ 

នៅក្នុងឱកាសបិទសិក្ខាសាលាបណ្ដុះបណ្ដាលសម្រាប់ប្រព័ន្ធផ្សព្វផ្សាយក្នុងការឆ្លើយតបមេរោគអេដស៍ជំងឺ អេដស៍ រសៀលថ្ងៃទី២៤ ខែឧសភា ឆ្នាំ២០១៧នៅសណ្ឋាគារម៉ូន ហ្សូលី ខេត្ដព្រះសីហនុ លោកវេជ្ជបណ្ឌិត ហួត សេរីរដ្ឋ អនុប្រធាននាយកដ្ឋានទាក់ទងនិងចលនាប្រភពធនធាននៃអាជ្ញាធរជាតិ ប្រយុទ្ធនឹង ជំងឺអេដស៍ បានមានប្រសាសន៍ថា៖”ក្តីកង្វល់នៃការឆ្លងថ្មីនោះដោយសារថាក្រុមប្រឈម៣ ដែលមានការផ្ទុកមេរោគអេដស៍ ខ្ពស់ គឺក្រុមស្ត្រីបម្រើសេវាកន្លែងកម្សាន្តសប្បាយមានចំនួនប្រមាណ ៣៤.០០០នាក់ មានអត្រាផ្ទុក មេរោគ អេដស៍ រហូតដល់ទៅ ១៣,៥ភាគរយក្រុមអ្នករួមភេទបុរសស្រឡាញ់បុរសមានប្រមាណ ៣០.៨៦៩នាក់ មានអត្រាផ្ទុកមេរោគអេដស៍ដល់ទៅ ៥ភាគរយ។
ឯក្រុមអ្នកប្រើប្រាស់គ្រឿងញៀនមានចំនួន១៣.០០០នាក់ មានអត្រាផ្ទុកមេរោគអេដស៍ដល់ទៅ ២៥ភាគរយ រួមជាមួយអ្នកផ្ទុកមេរោគអេដស៍មានចំនួនជាង ៧០.៧២១ នាក់ទៀត ដែលងាយបន្តឆ្លងមេរោគអេដស៍ថ្មី។
ជាពិសេសក្រុមប្រឈម៣ក្រុមខាងលើ ត្បិតតែយើងមិនមាន ការសិក្សាបង្ហាញពីតួលេខច្បាស់លាស់ ក៏ប៉ុន្តែក្នុងចំណោមក្រុមយុវវ័យទាំងនោះជាយុវជនដែលទើប នឹង ពេញវ័យ មិនទាន់បានទទួលព័ត៌មានគ្រប់គ្រាន់អំពីការឆ្លងមេរោគអេដស៍ជំងឺអេដស៍នេះ នៅឡើយទាក់ ទងនឹងឥរិយាបថ និងសកម្មភាពមួយចំនួនរបស់ពួកគាត់។
លោកវេជ្ជបណ្ឌិត ហួត សេរីរដ្ឋ បានចាត់ទុកអ្នកសារព័ត៌មានបានដើរតួនាទីយ៉ាងសំខាន់ក្នុងការចូលរួម ឆ្លុះបញ្ចាំងគ្រប់ទិដ្ឋភាពក្នុងសង្គម និងផ្សព្វផ្សាយបញ្ជ្រាបការយល់ដឹងដល់ប្រជាពលរដ្ឋ ពិសេសការចូល រួមទប់ស្កាត់ ការរីករាលដាលមេរោគអេដស៍ក្នុងបរិបទថ្មីនៃស្ថានភាពមេរោគអេដស៍នៅក្នុងប្រទេសកម្ពុជា។
លោកសង្ឃឹមថា ៖សិក្ខាសាលានេះពិតជាមានសារៈសំខាន់សម្រាប់ប្រព័ន្ធផ្សព្វផ្សាយ ធ្វើយ៉ាងណាជួយ ផ្សព្វផ្សាយបញ្ជ្រាបឱ្យមានការផ្លាស់ប្ដូរឥរិយាបថជាវិជ្ជមានទៅដល់ប្រជាពលរដ្ឋ ពិសេសយុវជន អ្នកផ្ទុក មេរោគអេដស៍ ជំរុញឱ្យមានការចូលរួមទប់ស្កាត់ នៃការរីករាលដាលមេរោគអេដស៍ជំងឺអេដស៍នេះ តាមរយៈ ការផលិតកម្មវិធីអប់រំ ឬសម្ភារអប់រំតាមប្រព័ន្ធផ្សព្វផ្សាយឱ្យបានទូលំទូលាយ និងប្រកបដោយប្រសិទ្ធភាព។
យោងតាមរបាយការណ៍អាជ្ញាធរជាតិប្រយុទ្ធនឹងជំងឺអេដស៍បានឱ្យដឹងថា រហូតមកដល់ពេលបច្ចុប្បន្ននេះ អ្នកកើតមេរោគអេដស៍សរុបនៅទូទាំងប្រទេសមានចំនួនជាង៧០.៧២១នាក់ ក្នុងនោះអ្នកឆ្លងថ្មីមានប្រហែល ៦៤៥នាក់ និងអ្នកដែលត្រូវឆ្លងមេរោគអេដស៍មានប្រមាណ២នាក់ក្នុងមួយថ្ងៃ។ ចំពោះអ្នកស្លាប់ដោយ មេរោគអេដស៍ចំនួន២.១៥៤នាក់ក្នុងមួយឆ្នាំ និងក្នុងមួយថ្ងៃមានប្រមាណ៥នាក់។

បើទោះបីរបាយការណ៍របស់អាជ្ញាធរជាតិប្រយុទ្ធនឹង ជំងឺអេដស៍ មេរោគអេដស៍នៅកម្ពុជាយើងបង្ហាញថា បញ្ហាអត្រាឆ្លងជំងឺអេដស៍ធ្លាក់មកនៅ ០,៦ភាគរយ ក្នុងចំណោមប្រពលរដ្ឋទូទៅក៏ដោយតែការរីករាលដាលនៃការឆ្លងមេរោគអេដស៍ថ្មីនៅតែជាក្តីកង្វល់ ដែល ទាមទារឱ្យមានការចូលរួមពីគ្រប់ផ្នែកពាក់ព័ន្ធទាំងអស់ ដើម្បីរួមគ្នាទប់ស្កាត់ការរីករាលដាល មេរោគអេដស៍ ជំងឺអេដស៍នេះឱ្យមានប្រសិទ្ធភាព៕អត្ថបទពីអេគេភី

នគរបាល​ខេត្តសៀមរាប​ប្រមូល​ក្រុម​ក្មេង​ទំនើង​១០​នាក់​ មក​អប់រំ​

សៀមរាប៖ ក្មេងទំនើងប្រុស-ស្រី រួមនឹងភេទទីបីចំនួន១០នាក់ ត្រូវបានកម្លាំងនគរបាលខេត្តសៀមរាប ធ្វើការឃាត់ខ្លួនមកពីតាមចំណុចដងស្ទឹងសៀមរាប សួនច្បារ និងចំណុចព្រះអង្គចេកព្រះអង្គចម ដើម្បីធ្វើការអប់រំ។
ការចុះឃាត់ខ្លួន និងប្រមូលក្រុមក្មេងទំនើងនេះ ធ្វើឡើងកាលពីវេលាម៉ោង១២យប់ រហូតដល់ម៉ោង២និង៣០នាទីទៀបភ្លឺ ថ្ងៃទី២៦ ឧសភា ឆ្នាំ២០១៧ ដោយកំលាំងការិយាល័យព្រហ្មទណ្ឌកំរិតស្រាល បានសហការជាមួយកំលាំងអន្តរាគម៍ និងកំលាំងនគរបាលនៃអធិការដ្ឋានក្រុងសៀមរាប និងប៉ុស្តិ៍នគរបាលរដ្ឋបាលសង្កាត់ស្វាយដង្គុំ បានធ្វើការឃាត់ខ្លួនពួកក្រុមក្មេងទំនើងតាមដងស្ទឹងសៀមរាប និងតាមម្តុំព្រះអង្គចេកព្រះអង្គចម និងនៅសួនច្បារក្នុងក្រុងសៀមរាប បានចំនួន១០នាក់ ស្រី២នាក់ ភេទទីបី២នាក់ និងប្រុស៦នាក់។
ប្រភពពីមន្ត្រីនគរបាល បានអោយដឹងថា ដោយមានការចង្អុលណែនាំពីសំណាក់លោកឧត្តមសេនីយ៍ត្រី ហ៊ូ វ៉ាន់នី ស្នងការនៃស្នងការដ្ឋាននគរបាលខេត្តសៀមរាប ឲ្យកងកម្លាំងនគរបាលទាំងអស់បង្កើនការយកចិត្តទុកដាក់ក្នុងកិច្ចការពារ ថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមឲ្យបានល្អប្រសើរជូនបងប្អូនប្រជាពលរដ្ឋក្នុងទូទាំងខេត្តសៀមរាប។
ប្រភពដដែលបន្តថា ជាលទ្ធផលក្រោយការស្រាវជ្រាវ និងធ្វើតេស្តរកសារធាតុញៀនឃើញថា មានផ្ទុកសារធាតុញៀនចំនួន៩នាក់ ស្រី២នាក់ ភេទទីបីម្នាក់ និងប្រុស៦នាក់ ហើយជនទាំង៩នាក់ដែលមានផ្ទុកនូវសារធាតុញៀន កម្លាំងជំនាញបានបញ្ជូនបន្តទៅកាន់ការិយាល័យជំនាញប្រឆាំងគ្រឿងញៀននៃស្នងការដ្ឋាននគរបាលខេត្ត ដើម្បីអនុវត្តនិតិវិធីបន្ត។ ចំណែកភេទទីបីម្នាក់ទៀត មិនមានសារធាតុញៀន និងបទល្មើសព្រហ្មទណ្ឌ ដូចនេះសមត្ថកិច្ចបានធ្វើការអប់រំអោយត្រឡប់ទៅផ្ទះវិញផងដែរ៕

ក្រុមហ៊ុនអាកាសចរណ៍ AirAsiaប្រ កាសជើងហោះហើរត្រង់ដំបូងមកក្រុងព្រះសីហនុ

ខេត្តព្រះសីហនុ៖ក្រុមហ៊ុនអាកាសចរណ៍ AirAsia នាថ្ងៃព្រហស្បតិ៍ម្សិលមិញនេះ បាន ប្រ កាសថាថ្ងៃជើងហោះហើរត្រង់តំបូងរវាងក្រុងព្រះសីហនុ របស់កម្ពុជានិងក្រុងកូឡាំពួរប្រទេស ម៉ាឡេស៊ី នឹងចាប់ផ្ដើមដំណើរការជាលើកដំបូង នៅថ្ងៃទី៩ខែសីហា ឆ្នាំ២០១៧ ខាងមុខនេះ ។
តាមការ ប្រកាស នេះ ក្រុមហ៊ុន AirAsia នឹងធ្វើការហោះហើរត្រង់ ទៅវិញ ទៅមកពី ខេត្តព្រះសីហនុ ទៅ ក្រុងកូឡាឡាំពួរ ៤ដង ក្នុងមួយសប្តាហ៍នេះបើយោងតាមការបញ្ជាក់ពី លោក Spencer Lee ប្រធាន ពាណិជ្ជ កម្ម ក្រុមហ៊ុន AirAsiaBerhad និយាយថា «ក្រុងព្រះសីហនុ ជាគោលដៅដ៏រំភើបមួយ ដោយសារ មាន ទ្រព្យសម្បត្តិត្បូងថ្មនានា ដែលមិនត្រូវបានស្រាវជ្រាវនៅឡើយ។ ក្នុងនាមជាក្រុមហ៊ុនដឹកអ្នកដំណើរផ្លូវអាកាសនាំមុខគេតម្លៃ ទាបជាងគេ ក្នុងពិភពលោកនិងជាក្រុមហ៊ុនទីមួយ ពីម៉ាឡេស៊ីបើកប្រតិបត្តិការ សម្រាប់ ផ្លូវអាកាសមានតែមួយគត់នេះ យើងចង់បន្តនាំមុខទីផ្សារនេះ ដោយបើកប្រើប្រាស់ទ្រព្យ ដ៏ មានតម្លៃ ដែលមិនទាន់ដឹងក្នុងតំបន់អាស៊ានដូចទីក្រុងមួយនេះ របស់កម្ពុជាទៅកាន់ ពិភព លោក»។ លោកបានបន្តទៀតថា «យើងមានបំណងអភិវឌ្ឍព្រះសីហនុ ឲ្យក្លាយជាចំណុចគោលដៅទេសចរណ៍ដូចគ្នា ហ្នឹងរបៀបAirAsiaបានណែនាំ អំពីរួចមកហើយនូវចំណុចគោលដៅតែមួយគត់ គួរទស្សនារួមមានតំបន់ LuangPrabang តំបន់ Banda Aceh និង Bhubaneswar រួមទាំងតំបន់ដទៃទៀត ហើយយើងខ្ញុំជឿជាក់ថា ការឧទ្ទេសនាមផ្លូវហោះហើរនេះ នឹងជាជំហានដ៏សំខាន់ទីមួយដើម្បីបើកសោនូវជម្រើសការធ្វើដំណើរពីកន្លែងផ្សេងៗច្រើនទៀត សម្រាប់អ្នកទស្សនាចូលមកកាន់ ទីក្រុងមាត់សមុទ្រមួយនេះ»។
ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្តគ្រឹស្នា បានស្វាគមន៍ចំពោះការមកដល់ នៃជើងហោះហើរត្រង់ជាងលើកដំបូងនេះ។ លោករំពឹងថា ការហោះហើរត្រង់នេះ នឹងជំរុញភ្ញៀវទេសចរម៉ាឡេស៊ី មកកាន់ខេត្តព្រះសីហនុ ក៏ដូចជាប្រទេសកម្ពុជា កាន់តែច្រើនឡើងថែមទៀត។ ដើម្បីអបអរការបើកផ្លូវថ្មីនេះ គ្រប់សំបុត្រទាំងអស់មានតម្លៃចាប់ពី៤០ដុល្លារឡើងទៅ សម្រាប់ការសំបុត្រធ្វើដំណើរមួយដង (oneway) ហើយភ្ញៀវទេសចរក៏បានកក់កៅអី ដោយការទិញសំបុត្រចាប់ពីថ្ងៃទី១៧ខែឧសភា ឆ្នាំ២០១៧ ដល់ថ្ងៃទី២១ ខែឧសភា ឆ្នាំ២០១៧សម្រាប់ការធ្វើដំណើរចាប់ពីថ្ងៃទី៩ ខែសីហា ឆ្នាំ២០១៧ ដល់ថ្ងៃទី៥ ខែមិថុនា ឆ្នាំ២០១៨។
សូមបញ្ជាក់ផងដែរថាក្រុមហ៊ុនអាកាសចរណ៍AirAsia ក៏បានបម្រើការហោះហើរផងដែរ សម្រាប់ការហោះត្រង់ពីក្រុងកូឡាឡាំពួរ មកកាន់រាជធានីភ្នំពេញ ជារៀងរាល់សប្ដាហ៍មានចំនួន១៤ដង និងទៅកាន់ក្រុងសៀមរាប រាល់សប្ដាហ៍មានចំនួន១៤ដងផងដែរ ចាប់ពីថ្ងៃទី១៨ ខែឧសភា ឆ្នាំ២០១៧ តទៅ៕

 

សម្ដេចហ៊ុនសែនព្រមានក្រុមប្រមាថក្រុមគ្រូសារត្រកូលហ៊ុន

ភ្នំពេញ៖ថ្លែងក្នុងពិធីសំណេះសំណាលជាមួយគ្រឹស្ទបរិស័ទជាង៣ពាន់នាក់ដើម្បីសុខដុមនីយកម្មវិស័យគ្រឹស្ទសាសនា នៅកោះពេជ្រ នាព្រឹកថ្ងៃទី២៥ឧសភានេះសម្តេចតេជោហ៊ុន សែននាយករដ្ឋមន្ត្រីកម្ពុជាមានប្រសាសន៍ថា ៖”មើលទៅតាមហ្វេសបុក រហូតដល់ប្រើ ដំបូងបំផុតកំទិចមុនគេត្រកូលហ៊ុន ។ខ្ញុំសូមជំរាបថាត្រកូលហ៊ុន ជាត្រកូលដែលបានរួម ចំណែកកសាងប្រទេសនេះ។ ហើយក៍មិនមែន ត្រកូលសម្រាប់ពួកអ្នកឯងមកកាប់សម្លាប់នោះទេ តែអ្នកឯងត្រូវយល់ឲ្យច្បាស់ ថាត្រកូលមួយនេះ បើទោះបីកូនក្មួយខ្លះ មិនកាក់កប ប៉ុន្តែត្រកូលមួយនេះបានរួមចំណែកជាមួយប្រទេសនេះ ។

សម្ដេចបានបញ្ជក់ថា៖”ត្រកូលហ៊ុន មិនមែនសម្រាប់អ្នកកាប់សម្លាប់ទេ កុំបន្ទោសទៀ បាញ់ ប៉ុល សារឿង ធ្វើសេចក្តីថ្លែងការណ៍ ក្នុងការប្រឆាំងបដិវត្តន៍ពណ៌ ។ទង្វើណាក៍ដោយដែលនាំទៅដល់ការផ្តួលរំលំ គឺជាទង្វើដែលត្រូវតែបង្ក្រាបដាច់ខាតតែម្តង គ្មានការអត់ឱនទេ។ ដើម្បីធានាជីវិតមនុស្សរាប់លាននាក់ យើងសុខចិត្តកំចាត់ចោលមួយរយ ពីររយនាក់ ព្រោះយើងធ្លាប់បានឃើញ អតីតកាលដ៍ឈឺចាប់របស់យើងរួចមកហើយ”។

ជាមួយគ្នា សម្តេចបានលើកអំពីការឥតអៀនខ្មាស់ដែលមានគេយកសមិទ្ធផលរបស់គណបក្សប្រជាជនទៅឃោសនាដើម្បីកេងចំណេញនយោបាយ ដែលថា គណបក្សប្រឆាំងជាអ្នកដែលបានទាមទារឲ្យភ្លើងចុះថ្លៃ ហើយប្រាក់ខែកម្មករបានឡើងថ្លៃ។ចំណុចនេះ សម្តេចមានប្រសាសន៍ថា សិទ្ធិអំណាចក្នុងការសម្រេច គឺជាសិទ្ធិរបស់បក្សកាន់អំណាច ហើយជាសិទ្ធិរបស់នាយករដ្ឋមន្ត្រី មិនមែនជាសិទ្ធិរបស់បក្សប្រឆាំងនោះទេ។សម្តេចក៍បានអំពាវនាវដល់គណៈកម្មាធិការជាតិរៀបចំការបោះឆ្នោត ឲ្យមានការតំរ៉ែតំរ៉ងទិសជាមួយ នឹងការនិយាយបែបនេះដែលនាំទៅដល់ការបញ្ឆេះកំហឹង នៅក្នុងពេលវេលានៃយុទ្ធនាការឃោសនាបោះឆ្នោត។
សម្តេចបានជំរាបជូនថា សន្តិភាព និងការឯកភាពទឹកដី គឺទើបតែមានជាលើកដំបូងនៅក្នុងប្រវត្តិសាស្ត្រកម្ពុជា ក្រោមការដឹកនាំរបស់សម្តេចតាមរយៈការដាក់ចេញនូវនយោបាយឈ្នះៗ បានធ្វើឲ្យប្រទេសកម្ពុជា ពីប្រទេសធ្លាប់មានជម្លោះបែងចែកទឹកដីមកជាប្រទេសមានសុខសន្តិភាព មានរាជរដ្ឋាភិបាលតែមួយ រដ្ឋធម្មនុញ្ញតែមួយ កងទ័ពតែមួយព្រះមហាក្សត្រតែមួយ ។
សម្តេចបានពន្យល់ថា ជិត៤០ឆ្នាំកន្លងមកនេះសម្តេចបានប្រឹងប្រែង ចាប់ពីដំណាក់កាលផ្តួលរំលំរបស់ប្រល័យពូជសាសន៍ប៉ុលពត ទប់ស្កាត់ មិនឲ្យរបបប្រល័យវិលត្រឡប់ មកសារជាថ្មី ដឹកនាំស្តារ និងកសាងសេដ្ឋកិច្ច សង្គម លើគ្រប់វិស័យ ធ្វើឲ្យប្រទេសជាតិរីកចំរើននាសព្វថ្ងៃនេះ ។

សម្ដេចបានបន្ថែមថា៖”ឥឡូវ យើងបាននាំប្រទេសរបស់យើង មកកាន់ដំណាក់កាលថ្មី ដែលមានចំណូលមធ្យមកំរឹតទាប ដែលប្រាក់ចមណូលសម្រាប់ប្រជាជនម្នាក់ៗមានជាង១ពាន់៣០០ដុល្លារ។ ជឿថា អត្រាកមណើននេះ បឹងកើន ទំហំពាណិជ្ជកម្មការនាំចេញកាន់តែធំ។ ខ្ញុំសូមផ្តាំផ្ញើដល់ក្មួយៗកម្មករកម្មាការីនីឲ្យបានជ្រាប ការតំលើងបៀរវត្សរ៍ សម្រាប់ក្មួយៗ រាជរដ្ឋាភិបាលប្រឹងប្រែងខ្លាំងណាស់ ដើម្បី ឲ្យក្មួយៗទទួលបានបៀវត្សរ៍សមរម្យ ។ ឥឡូវ អប្បរមា១៥៣ គោលដៅ មិនតិចជាង១៦០ នៅឆ្នាំ២០១៨ ។ ក្នុងពេល ប្រទេសក្នុងតំបន់នេះមានតែថៃមួយទេ ដែលខ្បស់ជាងកម្ពុជា ក្រៅពីនោះនៅតំបន់មួយចំនួនរបស់វៀតណាម មានត្រឹមតែ ១៣០ទេ នៅឡាវមានត្រឹម១០០ នៅម៉ីយ់ាន់ម៉ា មានត្រឹមតែ៨២ ទេ នៅ បង់ក្លាដេស៧៥។
សម្ដចបានបញ្ជក់ថា៖”ខ្ញុំក៍បារម្មណ៍នៃការរើចេញនៃរោងចក្រ ហើយពិតជាមានការរើចេញព្រោះអតីតប្រធានបក្សប្រឆាំងបានទៅស្នើសុំ ឲ្យសហគមន៍អ៊ឺរ៉ុប សុំបញ្ជាទិញសំលៀក បំពាក់ពីកម្ពុជា ។តើនេះជាសំដី សម្លាប់កម្មករឬជាបង្កើននូវប្រាក់ខែកម្មករ។ ក្មួយៗត្រូវយល់ អ្នកដែលនាំមកនូវរោងចក្រ មិនមែនបក្សប្រឆាំងទេ គឺរាជរដ្ឋាភិបាល អ្នកដែលចរចារ បង្កើតល័ក្ខខណ្ឌការងារ ព្រមព្រៀងជាមួយILOនិងបណ្តាសហជីព នៅខ្វះចន្លោះកន្លែងខ្លះក្រសួងការងារបន្តធ្វើការងារនេះ ។ ក្មួយៗត្រូវយល់អ្វីដែលក្មួយៗទទួលបានថ្ងៃនេះ គ្មានបាតដៃបក្សប្រឆាំង ក្រៅពីដឹកនាំបាតុកម្មអត់ធ្វើអីសោះ ហើយទៅប្រាប់បរទេស កុំឲ្យមកវិនិយោគ កុំឲ្យផ្តល់ជំនួយ នេះជាកិច្ចការរបស់បក្សប្រឆាំងដែលធ្វើ”។
សម្តេចបានយកឱកាសនេះអំពាវនាវដល់សមាជិកសមាជិការគណបក្សប្រជាជន នៅក្នុងពេលឃោសនាបោះឆ្នោតឃុំ សង្កាត់ ត្រូវមានភាពអត់ធ្មត់ ឲ្យបានខ្ពស់ដើម្បីបញ្ជៀសនូវការប៉ះទង្គិចគ្នា និងធានាបានសេចក្តីសុខ សន្តិភាព៕

សម្តេចហ៊ុន សែន ព្រមានចាត់ការ បើសិនជាមានអ្នក ញុះញ៉ង់ ប៉ុនប៉ងចង់ផ្តួលរំលំរដ្ឋាភិបាលស្របច្បាប់

ភ្នំពេញ៖ជាថ្មីម្ដងទៀតប្រមុខរាជរដ្ឋាភិបាលកម្ពុជា សម្តេចតេជោហ៊ុន សែនបាន ព្រមានចាត់ការ បើសិនជាមានអ្នកប៉ុនប៉ងចង់ផ្តួលរំលំរដ្ឋាភិបាលស្របច្បាប់ តាមរយៈការ ញុះញ៉ង់ ឬបង្កើតឲ្យមានបដិវត្តន៍ពណ៌។
ថ្លែងក្នុងពិធីសំណេះសំណាលជាមួយគ្រឹស្ទបរិស័ទជាង៣ពាន់នាក់ដើម្បីសុខដុមនីយកម្មវិស័យគ្រឹស្ទសាសនា នៅកោះពេជ្រ នាព្រឹកថ្ងៃទី២៥ឧសភានេះសម្តេចតេជោហ៊ុន សែននាយករដ្ឋមន្ត្រីកម្ពុជាមានប្រសាសន៍ថា ៖”ដើម្បីធានាភាពសុខសាន្តជូនប្រជាពលរដ្ឋនៅក្នុងសង្គមជាតិ រាជរដ្ឋាភិបាល មិនអនុញ្ញាតិឲ្យអ្នកណាមកបំផ្លាញសុខសន្តិភាព ឬមករំលាយរាជរដ្ឋាភិបាលស្របច្បាប់បានឡើយ”។
សម្ដេចបានបន្ដថា៖”ខ្ញុំមិនខ្លាចនឹងធ្វើជាមួយនិងការបំផ្លាញណាមួយចាប់បង្ខំ ឲ្យរដ្ឋាភិបាលស្របច្បាប់ត្រូវរំលាយនោះទេ ។ គេបង្កើតកងទ័ព ដើម្បី ការពាររដ្ឋ គេបង្កើតគុកដើម្បីដាក់ អ្នកមានទោស ។សូមកុំជ្រួលជ្រើម ហើយសូមកុំប្រមាថ មិនទាន់ឈ្នះផង លោកចាប់ផ្តើមធ្វើប៉ុណ្នឹងទៅហើយ ចុះទំរាំដល់ឈ្នះតើពួកលោកធ្វើយ៉ាងម៉ិចទៀត។នោះហើយជាមូលហេតុដែលខ្ញុំនិយាយថាសង្គ្រាមវានឹងកើត ប្រសិនបើគណបក្សប្រជាជនបាត់ការត្រួតត្រា។
សម្ដេចហ៊ុនសែនបានរំលឹកថា៖”ចាំបាច់មានកាំភ្លើងទេ សំដីរបស់ពួកអ្នកឯង ជាមូលហេតុនៃការបង្កើតនូវសង្គ្រាមហើយ”។

សម្តេចបានគូសបញ្ជាក់ថាមិនចាំបាច់មានកាំភ្លើងក៍អាចបង្កើតសង្គ្រាមបានដែរ តាមរយៈសំដីរបស់មនុស្សមួយចំនួនតួយ៉ាង តាមហ្វេសបុកមួយ បានធ្វើការប្រមាថដ៍ធ្ងន់ធ្ងរ មកលើអ្នកគាំទ្រគណបក្ស ប្រជាជន ដែលថាអស់មនុស្សហែ យកយួនមកហែរ។សម្តេចបានលើកឡើងថា ប្រសិនគណបក្សប្រជាជនអត់ធ្នត់មិនបានហើយ ទៅដល់ផ្ទះអ្នកឯង ឬដុតផ្ទះអ្នកឯងចោល នោះហើយជា ការចាប់ផ្តើមពីសំដីនេះដែលជាមូលហេតុនៃសង្គ្រាម៕

ស្ពានអណ្តែតទឹក មុខប្រាសាទអង្គរវត្តបើកសម្ពោធដាក់ឲ្យដំណើរ ការជាផ្លូវការ នៅព្រឹកនេះ

សៀមរាប៖លោកស៊ុ ម៉ាប់ អគ្គនាយកអាជ្ញាធរជាតិអប្សរាបានថ្លែងថា៖ ស្ពានអណ្តែតទឹកនៅមុខប្រា សាទអង្គរវត្តនេះ ត្រូវបានលើកគម្រោងឡើងក្រោយពីទទួលបានអនុសាសន៍ពីគណៈកម្មាធិការអន្តរជាតិដើម្បីសម្របសម្រួលកិច្ចគំាពារ និងអភិវឌ្ឍន៍រមណីដ្ឋានប្រវត្តិសាស្រ្តអង្គរឲ្យមានការសាងសង់ស្ពានបណ្តោះអាសន្នមួយសម្រាប់ជូនភ្ញៀវទេសចរជាតិ អន្តជាតិធ្វើដំណើរឆ្លងកាត់ចូលទៅទស្សនាផ្នែកខាងក្នុងប្រាសាទអង្គរ ជំនួសស្ពានហាលដែលត្រូវបើកការដ្ឋានជួសជុល។
លោកបានបន្តថា ៖ជំហានដំបូងក្រុមការងារបានជ្រើសស្ពានជាច្រើនប្រភេទសម្រាប់យកមកសាងសង់ក្នុងមាន ស្ពានធ្វើពីឬស្សី ស្ពានធ្វើពីដែកយោធា ស្ពានធ្វើពីឈើ និងស្ពាន ធ្វើថ្មជាដើម ប៉ុន្តែចុងក្រោយក្រុមការងារបានសម្រេចស្ពានអណ្តែតទឹកប្រភេទនេះដោយផ្តោតលើតម្លៃពេលវេលានៃការសាង់សង់ ការថែទំា ភាពមិនប៉ះពាល់ដល់បុរាណដ្ឋានក្រោមទឹក និងភាពស៊ីចង្វាក់គ្នាទៅលើទេសភាពវប្បធម៌តំបន់អង្គរ។
លោកស៊ុ ម៉ាប់ បានបញ្ជាក់ថា៖ ស្ពានអណ្តែតទឹកនេះមានទីតំាងនៅក្នុងកសិន្ធុខាងត្បូងមុខប្រាសាទអង្គរវត្តស្របគ្នាជាមួយស្ពានហាលបុរាណ។ស្ពាននេះមានប្រវែងបណ្តោយ ១៧០ម៉ែត្រ និងទទឹង៨ម៉ែត្រ ស្មើនឹង១៣៦០ម៉ែត្រការ៉េ ប្រើប្រាស់ផ្ទៃពោងជ័រអណ្តែតទឹក សរុបចំនួន៦៧២០ដុំ ដែលអាចផ្ទុកចំនួនមនុស្សឈរលើកស្ពានក្នុងពេលតែមួយបានចំនួន១៣៦០នាក់ ពោលគឺមួយម៉ែត្រការ៉េមនុស្សម្នាក់ ចំពោះទម្ងន់នៅលើស្ពានអាចផ្ទុក បានសរុប៤៥៧តោន។ហើយស្ពាននេះធានាបាននូវភាពរឹងមំា សុវត្ថិភាពខ្ពស់មិនអាចរបូត ចេញពីគ្នា និងមានសុពលភាពអាចប្រើប្រាស់បានដល់ទៅ២០ឆ្នំា។
លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរ ជាតិអប្សរាបានមានប្រសាសន៍ថា៖ កម្ពុជាជាប្រទេសដែលសម្បូរទៅដោយសម្បត្តិបេតិក ភណ្ឌវប្បធម៌។ហើយបច្ចុប្បន្នបាននិងកំពុងក្លាយជាចលកប្រកបដោយប្រសិទ្ធភាពបំផុតក្នុងការចូលរួមលើកកម្ពស់សេដ្ឋកិច្ច សង្គម និងកាត់បន្ថយភាពក្រីក្ររបស់ប្រជាជន។
ប៉ុន្តែកន្លងមកដោយសារប្រទេសមានសង្គ្រាម និងកង្វះការថែរក្សាផងនោះបានធ្វើឲ្យប្រា សាទមួយចំនួនមានការទ្រុឌទ្រោមជាពិសេសស្ពានហាលខាងលិចប្រាសាទអង្គរវត្តដែលជាស្ពានបុរាណមួយក្នុងចំណោមស្ពានបុរាណជាច្រើនទៀត ត្រូវបានអ្នកជំនាញបុរាណវិទ្យារកឃើញថា កំពុងស្រុតខូចខាតជញ្ជំាងដោយថ្មបាយក្រៀមរងនូវការពុកផុយ ដែលចំាបាច់ត្រូវធ្វើការជួសជុលដើម្បីកាត់បន្ថយការទ្រុឌទ្រោមធ្ងន់ធ្ងរដែលអាចបង្កគ្រោះថ្នាក់ ដល់បេតិកភណ្ឌជាតិ ដោយបានសាងសង់ស្ពានអណ្តែតទឹកដាក់ដើរឆ្លងបានបណ្តោះ អាសន្នជំនួសវិញ។
លោកស្រីសង្ឃឹមថា ស្ពានអណ្តែតទឹកនេះ អាចជួយសម្រួលដល់ការធ្វើដំណើររបស់ភ្ញៀវទេសចរឆ្លងកាត់ចេញចូលទស្សនាប្រាសាទអង្គរវត្តប្រកបដោយទំនុកចិត្ត សុវត្ថិភាព៕

 

គ.ជ.ប ទទួលពាក្យបណ្តឹងចំនួន២០ក្នុងអំឡុងរយៈពេល៥ថ្ងៃដំបូង នៃយុទ្ធនាការឃោសនារកសម្លេងគាំទ្រ

ភ្នំពេញ៖ ក្នុងរយៈពេល៥ថ្ងៃដំបូង នៃ យុទ្ធនាការឃោសនារកសម្លេងគាំទ្រការបោះឆ្នោតជ្រើសរើសក្រុមប្រឹក្សាឃុំ-សង្កាត់ គណៈកម្មាធិការជាតិរៀបចំការបោះឆ្នោត បានទទួលពាក្យបណ្តឹងចំនួន២០ពីគណបក្សនយោបាយ ដើម្បីផ្សះផ្សារនិងដោះស្រាយ។
លោកហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប បានប្រាប់ទូរទស្សន៍រស្មីហង្សមាសនៅថ្ងៃទី២៥ ខែឧសភានេះថា ពាក្យបណ្តឹងទាំងនោះ ត្រូវបានដាក់ និងដោះស្រាយនៅគណៈកម្មការឃុំ-សង្កាត់រៀបចំការបោះឆ្នោត រួចរាល់ចំនួន១៨រឿងហើយ។ ចំណែកបណ្តឹងចំនួន២ករណីទៀត របស់គណបក្សប្រជាជនកម្ពុជានៅខេត្តតាកែវ និងប៉ៃលិនដែលមិនអាចផ្សះផ្សារបាន ត្រូវបានប្តឹងបន្តឡើងទៅគណៈកម្មការខេត្តរៀបចំការបោះឆ្នោត ដើម្បីធ្វើការដោះស្រាយបន្តតាមនីតិវិធី។ ពោលគឺមិនទាន់មានបណ្តឹងដែលបានឡើងមកដល់ គជប នៅឡើយទេ។
លោកបានឲ្យដឹងថា៖ ពាក្យបណ្តឹងទាំងនោះ បានកើតឡើងក្នុងខេត្តចំនួន៨ ដែលក្នុងនោះមានបណ្តឹងរបស់គណបក្សប្រជាជនកម្ពុជាចំនួន១៥ និងគណបក្សសង្រ្គោះជាតិចំនួន៥ ដែលពាក់ព័ន្ធនឹងការជេរប្រមាថ រារាំងការហែក្បួនឃោសនា ហែកខិតប័ណ្ណ វាយស្លាកសញ្ញាគណបក្ស តម្រាយផ្លូវនៃក្បួនហែឃោសនា និងគ្រោះថ្នាក់ចរាចរណ៍។
ការប្តឹងផ្តល់គ្នានេះបានកើតឡើង អាស្រ័យដោយគណបក្សនយោបាយទាំងនោះ បានធ្វើសកម្មភាពហួសពីការណែនាំរបស់គ.ជ.ប ក្នុងអំឡុងពេលឃោសនានេះ។
ទោះជាយ៉ាងនេះក្តី គ.ជ.ប បានបញ្ជាក់ថា ដំណើរការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ រយៈពេល៤ថ្ងៃកន្លងទៅនេះ បានប្រព្រឹត្តទៅដោយភាពរលូន សន្តិសុខ សណ្តាប់ធ្នាប់ និងគ្មានអំពើហិង្សានោះទេ។
លោក កន សាវាង្ស មន្ត្រីជាន់ខ្ពស់ផ្នែកស៊ើបអង្កេតអង្គការឃ្លាំមើលការបោះឆ្នោត ហៅកាត់ថា ខុមហ្វ្រែល មានប្រសាសន៍ថា គណបក្សនយោបាយទាំងពីរ គួរតែមានភាពអត់ធ្មត់ឲ្យបានខ្លាំងបំផុត ក្នុងនាមជាគណបក្សចាស់ទុំជាងគេនៅក្នុងប្រទេសកម្ពុជា ដើម្បីបញ្ចៀសរាល់បាតុភាពផ្សេងៗ។
លោកបញ្ជាក់ថា បើគណបក្សនយោបាយទាំងអស់រួមគ្នាគោរពច្បាប់ឲ្យបានត្រឹមត្រូវ គួបផ្សំនឹងកិច្ចសហការរវាងអាជ្ញាធរមានសមត្ថកិច្ច និងគណៈកម្មការឃុំ-សង្កាត់រៀបចំការបោះឆ្នោត វានឹងមិនបង្ក ជាបញ្ហាចោទសម្រាប់ដំណើរការបោះឆ្នោតនាពេលខាងមុខនេះឡើយ។
យោងតាម គ.ជ.ប បានឲ្យដឹងថា នៅពេលបណ្តឹងណាដែល គជប មិនអាចដោះស្រាយបាន ត្រូវបញ្ជូននៅក្រុមប្រឹក្សាធម្មនុញ្ញ ដើម្បីដោះស្រាយជាកិច្ចចុងក្រោយ។
សូមបញ្ជាក់ថា ការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ នេះ មានរយៈពេលតែ២សប្តាហ៍ ហើយនឹងបញ្ចប់នៅថ្ងៃទី២ ខែមិថុនា ខាងមុខនេះ ពោលគឺ មុន១ថ្ងៃ នៃថ្ងៃបោះឆ្នោត៕

ក្រសួងកសិកម្មបដិសេធពត៌មាន ថាមានមន្ត្រីបង្ខិតបង្ខំអោយបង់លុយ ដើម្បីឡើងឋានៈ និងតួនាទី

ភ្នំពេញ៖ក្រសួងកសិកម្មរុក្ខាប្រមាញ់និងនេសាទបានចេញលិខិតបដិសេធពត៌មាន ថាមានមន្ត្រីបង្ខិតបង្ខំអោយបង់លុយ ដើម្បីឡើងឋានៈ និងតួនាទី។ក្នុងលិខិតចេញផ្សាយពីម្សិលមិញក្រសួងបានបញ្ជាក់ថា៖មានជនខិលខូចបានយកឈ្មោះថ្នាក់ដឹកនាំក្រសួងកសិកម្មដើម្បីបោកប្រាស់ទាញយកផលប្រយោជន៍ផ្ទាល់ខ្លួនតែប៉ុណ្ណោះ។ក្រសួងក៏បានអំពាវនាវអោយសមត្ថកិច្ចចាត់វិធានការទៅលើជនខិលខូចនិងរាយការណ៍មកក្រសួងអោយបានឆាប់បំផុត៕

អាជ្ញាធររាជធានីភ្នំពេញសម្រេចកំណត់គោលការណ៍អភិវឌ្ឍន៍ផ្លូវថ្មីពីលើផ្លូវរថភ្លើងចាស់

ភ្នំពេញ៖ អាជ្ញាធររាជធានីភ្នំពេញសម្រេចគោលការណ៍អភិវឌ្ឍន៍ផ្លូវថ្មីពីលើផ្លូវរថភ្លើងចាស់ ចាប់ពីផ្លូវលេខ៧០ដល់ផ្លូវជាតិលេខ៥ ពីទំហំ៣០ម៉ែត្រមកនៅត្រឹម២២ម៉ែត្រវិញ ដើម្បីកាត់ បន្ថយផល ប៉ៈពាល់លើផ្ទះសម្បែងប្រជាពលរដ្ឋឲ្យកាន់តែមានកម្រិតទាប។
ក្នុងឱកាសចុះពិនិត្យស្ថានភាពអភិវឌ្ឍផ្លូវបេតុងថ្មីលើផ្លូវរថភ្លើងចាស់ស្ថិតក្នុងខណ្ឌឬស្សី កែវ នាព្រឹកថ្ងៃទី២៤ ខែឧសភានេះ លោក.ប៉ា សុជាតិវង្ស អភិបាលរាជធានីភ្នំពេញបាន អៈអាងចំពោះមុខប្រជាពលរដ្ឋថា គ្មានប្រជាពលរដ្ឋណាម្នាក់ត្រូវបាត់បង់ផ្ទះសម្បែងពី គម្រោងអភិវឌ្ឍឡើយ។
លោកអភិបាល បានបញ្ជាក់ថា៖ អាជ្ញាធរបានសម្រេចបន្ធូរបន្ថយទំហំ នៃការអភិវឌ្ឍន៍ផ្លូវនេះពី៣០ម៉ែត្រមកនៅត្រឹម២២ម៉ែត្រហើយទុក៤ម៉ែត្រអមសងខាងដើម្បីធ្វើជាចំណីកផ្លូវ ដាំដើមឈើ និងដាក់ប្រព័ន្ធលូរំដោះដើម្បី តំបន់ធ្វើឲ្យតំបន់នេះកាន់តែ មានលក្ខណៈរៀបរយទំាងចរាចរណ៍បានធ្វើដំណើរងាយស្រួលរួមទំាង មានបង្កើតសោ ភណ័ភាពស្រស់ស្អាត។
លោកបន្ថែមថា៖អាជ្ញាធរនឹងពន្លឿនការដោះស្រាយផលប៉ៈពាល់ប្រជាពលរដ្ឋផងនិងការអភិវឌ្ឍផ្លូវជាបណ្តើរៗផងខណៈផ្លូវនេះត្រូវបានចាត់ទុកជាផ្លូវយុទ្ធសាស្រ្តដ៏សំខាន់ក្នុងការជួយរំដោះបញ្ហាចរាចរណ៍មមាញឹកនៅច្រកចូលក្នុងរាជធានីភ្នំពេញបានមួយចំណែកពីផ្លូវជាតិលេខ៥ត្រង់គីឡូម៉ែត្រ លេខ៦ទៅដល់ស្ពានជ្រោយចង្វារ។ បន្ថែមពីនេះទៀតផ្លូវនេះនឹងត្រូវតភ្ជាប់គម្រោងអភិវឌ្ឍស្ពានឆ្លងកាត់ទន្លេសាបថ្មីមួយទៀតពីតំបន់ឬស្សីកែវឆ្ពោះទៅតំបន់ជ្រោយចង្វារផងដែរ។
លោកអភិបាលរាជធានីភ្នំពេញបានពន្យល់ពីរូបមន្តនៃការដោះស្រាយផលប៉ៈពាល់ជូនប្រជាពលរដ្ឋដើម្បីឲ្យពួកគាត់ចូលរួមកាន់តែចូលរួមជាមួយអាជ្ញាធរក្នុងការអភិវឌ្ឍន៍ផ្លូវនេះឲ្យបានកាន់តែឆាប់។

អ្នកស្រីស៊ូ វណ្ណថុន ប្រជាពលរដ្ឋដែលរងផលប៉ៈពីគម្រោងអភិវឌ្ឍន៍នេះបានគាំទ្រចំពោះ យន្តការដោះស្រាយផលប៉ៈពាល់ថ្មីនេះថានឹងជួយកាត់បន្ថយផលប៉ៈពាល់ផ្ទះសម្បែងជូនប្រជាពលរដ្ឋ ខណៈដែល ផ្ទះប្រជាពលរដ្ឋខ្លះត្រូវប៉ៈពាល់ទំាងស្រុង។ អ្នកស្រីបានចាត់ទុកគម្រោងអភិវឌ្ឍន៍នេះបានផ្តល់ផលប្រ យោជន៍ច្រើនជូនប្រជាពលរដ្ឋ ទំាងទទួលបានផ្លូវស្អាត មានបណ្ណកម្មសិទ្ធិដីធ្លី ថែមទំាងធ្វើឲ្យ តម្លៃដីនៅតំបន់នេះមាន ទីផ្សារល្អ។
សូមបញ្ជាក់ថាគំរោងស្ថាបនាផ្លូវបេតុងថ្មីនេះផ្លូវបេតុងថ្មីនេះចេញពីផ្លូវលេខ៧០ទំនប់ទួលគោកឆ្ពោះទៅផ្លូវជាតិខលេខ៥ ត្រង់គីឡូម៉ែត្រលេខ៦មានប្រវែងជិត៥គីឡូម៉ែត្រ ដោយមាន ប្រជាពលរដ្ឋរងផលប៉ៈជាង១២០០នាក់ ហើយមកដល់ពេល ក្រុមកម្មករជំនាញបានស្ថាន ផ្លូវចាក់បេតុងបានប្រជាង១គីឡូម៉ែត្រហើយ៕

គ.ជ.ប.ប្រកាសលុបឈ្មោះបេក្ខជនក្រុមប្រឹក្សាឃុំ សង្កាត់៨៩នាក់

 

ភ្នំពេញ៖គណកម្មាធិការរៀបចំការបោះឆ្នោត(គ.ជ.ប.)បានប្រកាសលុបឈ្មោះបេក្ខជនក្រុមប្រឹក្សាឃុំ សង្កាត់ចំនួន៨៩នាក់ក្នុងនោះពាក់ព័ន្ឋមិនគ្រប់អាយុមាន៦៣នាក់និងមានឈ្មោះលើសពីមួយមាន៥នាក់និងលាឈប់ និងទទួលមរណភាពមាន២១នាក់។នេះបើតាមសេចក្ដីសម្រេចរបស់គជបផ្សាយនៅថ្ងៃនេះ។

លោកស៊ិនប៊ុនហុកបានចុះហត្ថលេខាកាលពីម្សិលមិញលើសេចក្តីសម្រេចស្ដីពី ការលុបឈ្មោះបេក្ខជនឈរឈ្មោះបោះឆ្នោតនៃគណបក្សនយោបាយដែលមានអាយុមិនគ្រប់ ២៥ឆ្នាំ គិតមកទល់ថ្ងៃបោះឆ្នោតជ្រើសរើសក្រុមប្រឹក្សាឃុំ សង្កាត់ មានឈ្មោះលើសពីមួយ លាឈប់ និងទទួលមរណភាព៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ​ពេល​យប់​


ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

ព័ត៌មានជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2