vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិល្បៈកម្សាន្ត

លោក អភិបាលខេត្ត លែងកូនត្រី ចំនួន ២០ ០០០ក្បាល ក្នុងត្រពាំងទំលាយ ខេត្តត្បូងឃ្មុំ

ខេត្តត្បូងឃ្មុំ៖ លោក អភិបាលខេត្តត្បូងឃ្មុំ បានសសើរដល់ប្រជាពលរដ្ឋនៅតំបន់ត្រពាំងទំលាយ ចេះរក្សាការពារ អភិរក្ស ត្រពាំងបូរាណនេះបាន ហើយលោកក៏បានប្រលែងកូនត្រី ឆ្ពិន ត្រីប្រា អន្ទង់ និងវារីសត្វផ្សេងៗ ចំនួន ២០ ០០០ ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងធម្មជាតិឲ្យកាន់តែសម្បូរច្រើនឡើងថែមទៀត ។

ធ្វើនៅព្រឹកថ្ងៃទី២០ ខែកក្កដា ឆ្នាំ២០១៧ ចំណុចត្រពាំងទំលាយស្ថិតក្នុងភូមិស្ទឹងតាថុក ឃុំចុងជាច ស្រុកតំបែរ ខេត្តត្បូងឃ្មុំ ។ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ បានបញ្ជាក់ឲ្យដឹងថា យើងបានផ្សព្វផ្សាយច្បាប់ស្តីពីជលផល និងលិខិតបទដ្ឋានដែលពាក់ព័ន្ធទៅនឹងការគ្រប់គ្រងវិស័យជលផល បានចំនួន៦វគ្គ ដែលមានអ្នកចូលរួមមាន ចំនួន១៤៦នាក់ ។

កន្លែងអភិរក្សជលផលមានចំនួន១កន្លែង ស្ថិតនៅចំណុចបឹងត្រែង ក្នុងភូមិយាយសរ ឃុំទន្លេបិទ ស្រុកត្បូងឃ្មុំ ទំហំ៥៦ហិចតា និងកន្លែងអភិរក្សត្រីសហគមន៍នេសាទមានចំនួន៩កន្លែង ។ ការងារអភិវឌ្ឍសហគមន៍នេសាទមានចំនួន១៥កន្លែង ដែលសហគមន៍នេសាទចំនួន៦ បានចុះបញ្ជីទទួលស្គាល់ពីក្រសួងកសិកម្ម រុក្ខាប្រមាញ់ និងនេសាទ និងផុតអាណត្តិចំនួន ១០សហគមន៍ ។

សហគមន៍នេសាទចំនួន៣ កំពុងរៀបចំឯកសារពាក់ព័ន្ធ សម្រាប់យកទៅចុះបញ្ជីនៅក្រសួងកសិកម្ម រក្ខាប្រមាញ់ និងនេសាទ ។ សហគមន៍ស្រះជម្រកត្រី ក្នុងខេត្ត សរុបមានចំនួន ១៣សហគមន៍ដែលស្ថិតក្នុងស្រុកតំបែបចំនួន៣ស្រះ ស្រុកអូរាំងឪចំនួន៤ស្រះ ស្រុកពញាក្រែកចំនួន១ស្រះ ក្រុងសួងចំនួន១ស្រះ ស្រុកត្បូងឃ្មុំចំនួន៣ស្រះ និងស្រុកក្រូចឆ្មារចំនួន១ស្រះ ។

លោក លី ឡេង អភិបាលនៃគណៈអភិបាលខេត្ត បានថ្លែងកោតសសើរដល់ប្រជាពលរដ្ឋ និងអជ្ញាធរនៅតំបន់នេះ ដែលបានចេះ ថែរក្សា ការពារ អភិរក្ស ត្រពាំងទំលាយនេះបានគង់វង្ស គឺដោយសារបងប្អូនប្រជាពលរដ្ឋរបស់យើង ចេះរួបរួម សាមគ្គីគ្នា ឯកភាពគ្នា មិនរំលោភចូលយកផ្ទៃត្រពាំងធ្វើជាកម្មសិទ្ធិ វាជារឿងល្អ គ្មានអ្នកណាខ្លាំងជាងប្រជាជនយើងជាម្ចាស់នោះទេ ។

សូមឲ្យអាជ្ញាធរ ភូមិ ឃុំ ប្រជាពលរដ្ឋទាំង៥ភូមិដែលរស់នៅជុំវិញត្រពាំងទំលាយនេះ កុំលក់ដូរ អភិវឌ្ឍ តំបន់នេះ វាអាចធ្វើឲ្យបាត់លក្ខណៈដើម ព្រោះត្រពាំងបូរាណនេះ យើងអាចយកទឹកស្រោចស្រពលើផ្ទៃដីកសិកម្មក្នុងតំបន់នេះបាន ជាងនេះទៀត ការប្រលែងកូនត្រី ចំនួន ២០ ០០០ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងត្រពាំងធម្មជាតិឲ្យកាន់តែសម្បូរច្រើនឡើងថែមទៀត ទុកជាប្រយោជន៍ដល់ប្រជាជន និងសហគមន៍ក្នុងតំបន់នេះផងដែរ ៕ សាន វិឡែម

 

មន្ដ្រី៖កូនសត្វទោចម្កុដទី៣ បានចាប់កំណើតហើយក្នុងឧទ្យានអង្គរ

សៀមរាប៖គិតត្រឹមថ្ងៃទី ០៧ ខែកក្កដា ឆ្នាំ២០១៧នេះ សត្វទោចម្កុដចំនួន២គូ ដែលបានព្រលែងក្នុងតំបន់អង្គរ ដោយអាជ្ញាធរជាតិអប្សរា សហការជាមួយអង្គការសម្ព័ន្ធមិត្តសត្វព្រៃ(Wildlife Alliance) និងក្រុមហ៊ុនខ្សែយោងអេកូទេសចរណ៍ (Angkor Zip line) បានបង្កើតកូន៣ក្បាលហើយ។
អាជ្ញាធរជាតិអប្សរា បានព្រលែងទោចម្កុដគូដំបូងនៅតំបន់ប្រាសាទតានៃ នាខែមិថុនា ឆ្នាំ២០១៣ និងមួយគូទៀត នៅថ្ងៃទី៣០ ខែមិថុនា ឆ្នាំ២០១៥ នៅខ្លោងទ្វារខ្មោចខាងកើតប្រាសាទបាយ័នដែលបង្កើតបានកូនមួយកាលពីថ្ងៃទី២៩ ខែមិថុនា២០១៦។ ចំណែកទោចម្កុដមួយគូនៅម្តុំប្រាសាទតានៃ បានបង្កើតកូនចំនួនពីរលើក គឺកូនទីមួយជាកូនញី នៅអំឡុងខែកញ្ញា ឆ្នាំ២០១៥ និងកូនទី២លើកនេះ កើតនៅថ្ងៃទី ០៧ ខែកក្កដា ឆ្នាំ២០១៧។
តាមលោក Todd Anthony អគ្គនាយកក្រុមហ៊ុនខ្សែយោងអេកូទេសចរណ៍នៅក្បែរប្រាសាទតានៃបានឱ្យដឹងថា កូនទោចម្កុដដែលទើបកើតថ្មីនេះមានសម្បុរស តែគេមិនទាន់ដឹងថាជាញី ឬឈ្មោលនៅឡើយទេ។ លោកបញ្ជាក់ថា គេអាចនឹងដឹងភេទរបស់វាបាននៅពេលដែលវាមានអាយុប្រហែល១ឆ្នាំ។
ផ្អែកតាមរបាយការណណ៍របស់មជ្ឈមណ្ឌលស្រាវជ្រាវដីព្រៃ និងសត្វព្រៃ ក្នុងឆ្នាំ២០១៦ បានឱ្យដឹងថា ទោចម្កុដត្រូវបានចុះក្នុងបញ្ជីក្រហមរបស់អង្គការអភិរក្សសត្វព្រៃពិភពលោក (IUCN) ជាប្រភេទសត្វជិតផុតពូជ។ សត្វដ៏កម្រមួយនេះ មានវត្តមាននៅលើទឹកដីកម្ពុជាមិនដល់ ១ម៉ឺនក្បាលទេ។
តាមការសិក្សាជំរឿនសត្វព្រៃកន្លងមក រមណីយដ្ឋានអង្គរធ្លាប់មានសត្វព្រៃជាច្រើនប្រភេទរស់នៅ។ ដោយឡែក សត្វព្រៃប្រភេទទោចម្កុដនេះក៏ធ្លាប់មានវត្តមានក្នុងតំបន់អង្គរផងដែរ។ ប៉ុន្តែក្នុងចន្លោះនៃសង្រ្គាមស៊ីវិលមកដល់ពេលបច្ចុប្បន្ននេះ ពួកទោចបានស្លាប់ផុតពូជពីព្រៃនេះទៅហើយ។ ដូចច្នេះហើយទើបនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានរបស់អាជ្ញាធរជាតិអប្សរា សហការជាមួយរដ្ឋបាលព្រៃឈើ និងអង្គការសម្ព័ន្ធមិត្តសត្វព្រៃ ធ្វើការសិក្សាស្រាវជា្រវលម្អិតអំពីលក្ខណៈព្រៃ ដែលមានអំណោយផលដល់ការរស់នៅរបស់ពួកសត្វទោច និងបាននាំមកព្រលែងនៅក្នុងតំបន់អង្គរនេះឡើងវិញ ដើម្បីលើកតម្លៃទេសភាពវប្បធម៌ និងធម្មជាតិ ក្នុងតំបន់អង្គរ ឲ្យកាន់តែវិសេសវិសាលថែមទៀត៕

ពិធីលេងកូនត្រីពូជ ជាង៤ម៉ឺនក្បាល ទៅក្នុងសហគមន៍ស្រះជម្រកត្រី អូរបុស្សម្កាក់ ខេត្តកំពង់ធំ

ខេត្តកំពងធំ៖កូនត្រីពូជចម្រុះប្រមាណជាង៤ម៉ឺនក្បាល ស្មើនិង១០០គីឡូ ត្រូវបានលែងចូលស្រះក្នុងតំបន់សហគមន៏ជម្រកត្រីអូរបុស្សម្កាក់ ស្ថិតនៅភូមិត្រពាំងឬស្សី ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ នៅព្រឹកថ្ងៃទី១៩ខែកក្កដាឆ្នាំ២០១៧ ក្រោមវត្តមានរបស់ លោក សុខលូ អភិបាលខេត្តកំពង់ធំ និងមានការអញ្ជើញចូលរួមពីប្រជាពលរដ្ឋ និងសិស្សានុសិស្ស ប្រមាណ១០០០នាក់។

លោក ធីវ វណ្ណធី ប្រធាមន្ទីរកសិកម្មរុក្ខាប្រមាញ់និងនេសាទ បានលើកពី របាយការណ៏និងស្ថានភាពស្រះសហគមន៍នេះ ត្រូវបានបង្កើតឡើងមានសមាជិកចំនួន៣៧០គ្រួសារ និងគណៈកម្មការចំនួន៧រូប ដែលមានផ្ទៃក្រឡា១៨.៩៣ហិចតា មានជម្រៅទឹកនៅរដូវប្រាំងជាង១ម៉ែត្រ និងរដូវវស្សាចំនួន៣ម៉ែត្រ ហើយនេះ ក៏ជាលើកទី១៥ហើយ ដែលខាងរដ្ឋបាលជលផលខេត្តកំពង់ធំបានរៀបចំប្រារព្ធពិធីលែងកូនត្រីពូជជារៀងរាល់ឆ្នាំក្នុង១ឆ្នាំម្តងនិងនៅថ្ងៃទិ១៩កក្តដានេះ។

មន្ទីរកសិកម្មបានលែងកូនត្រីមេពូជចំនួន១០០គ.ក្រ ដែលមានចំនួន៤ម៉ឺនក្បាល ក្នុងនោះមានកូនត្រីឆ្ពិន ៣ម៉ឺនក្បាល កូនត្រីកាហែ ៩ពាន់ក្បាល និង កូនត្រីកន្ធរ១ពាន់ក្បាល លើសពីនេះទៅទៀតយើងក៏មានលែងនូវអន្ទង់ អណ្តើកមួយចំនួនទៀត នៅក្នុងស្រះសហគមន៍ជម្រកត្រី អូរបុស្សម្កាក់នេះ ដើម្បីឲ្យធ្វើបឹងនេះកាន់តែសម្បូរត្រី ដែលជាប្រយោជន៍រួមបម្រើសេចក្តីត្រូវការរបស់បងប្អូនប្រជាពលរដ្ឋនេសាទតាមលក្ខណៈគ្រួសារយកទៅហូបចុកប្រចាំថ្ងៃនៅក្នុងតំបន់សហគមន៏នេះ។
ថ្លែងក្នុងពិធីនេះលោក សុខលូ អភិបាលខេត្តបានលើកឡើងថា ការប្រារព្ធពិធីលែងកូនត្រីពូជនេះត្រូវបានរៀបចំឡើងចំពេល រដូវបិទនេសាទទូរទំាងប្រទេស លើកលែងតែការធ្វើនេសាទជាលក្ខណៈគ្រួសារ ដើម្បីបង្កលក្ខណៈឲ្យហ្វូងមច្ឆាជាតិទំាងឡាយ ហើយត្រីមានលទ្ធភាពបន្តពូជសម្រាប់ឆ្នាំក្រោយៗបន្តទៀត។

ជាពិសេសក្នុងគោលបំណងដើម្បីបំផុសមហាជនឲ្យមានស្មារតីចូលរួមការពារ អភិរក្ស និងអភិវឌ្ឍន៏ធនធានជលផល ឲ្យមានការប្រសើរឡើង ស្របទៅតាមគោលនយោបាយរបស់រាជរដ្ឋាភិបាល បានរៀបចំកម្មវិធីកំណែទម្រង់វិស័យជលផល ដោយបានលុបឡូត៍នេសាទទំាងអស់ ហើយបានប្រគល់សិទ្ធិអំណាចទៅឲ្យសហគមន៍គ្រប់គ្រង និងរៀបចំផែនការសម្រាប់អភិវឌ្ឍន៍មូលដ្ឋានរបស់ខ្លួន។

លោកបន្ថែមទៀតថា៖ ក្នុងនាមជាមន្រ្តី ខណ្ឌជលផលខេត្ត និងអាជ្ញាធរពាក់ព័ន្ធត្រូវមានភារកិច្ចធ្វើការផ្សព្វផ្សាយច្បាប់ស្តីពីជលផល លិខិតបទដ្ឋានគតិយុត្តិ ជូនដល់ប្រជាពលរដ្ឋឲ្យបានទូលំទូលាយ ត្រូវេធ្វើការបង្កា្រប បទល្មើសនេសាទឲ្យមានប្រសិទ្ធិ ដោយធ្វើការសហការណ៍ជាមួយអាជ្ញាធរមូលដ្ឋាន កងកម្លាំង និងមន្ទីរជាប់ពាក់ព័ន្ធ ធ្វើការបំផុសការអភិវឌ្ឍ វារីវប្បកម្ម ពង្រឹងសមត្ថភាពដល់មន្រ្តីជំនាញ សហគមន៍នេសាទដែលបានបង្កើតរួចជាស្រាច់ឲ្យបានរឹងមាំ រៀបចំការបោះបង្គោលព្រំកន្លែងអភិរក្ស និងកន្លែងនេសាទគ្រួសារឲ្យបានច្បាស់លាស់ ត្រូវចាត់វិធានការ លើជនល្មើសបំផ្លាញព្រៃលិចទឹក និងរក្សាព្រៃលិចទឹកឲ្យបានគង់វង្ស ។

ជាពិសេសគឺធ្វើការទប់ស្កាត់ និងអំពាវនាវដល់បងប្អូនកុំឲ្យ ធ្វើការនេសាទខុសច្បាប់ដោយប្រើឧបករណ៍ឆក់ និងស្បៃមុងដែលនាំឲ្យ វិនាសពូជត្រីទាំងស្រុងនាពេលអនាគត។ ជាមួយគ្នានេះ តំណាងសហគមន៏និងសិស្សានុសិស្ស ព្រមទាំងបងប្អូន
ប្រជាពលរដ្ឋមានការអបអរសាទរចំពោះការយកចិត្តទុកដាក់របស់អាជ្ញាធរខេត្ត ជាពិសេសខ័ណ្ឌរដ្ឋបាលជលផលកំពង់ធំដែលបានរៀចំពិធីលែងកូនត្រីពូជនេះ ធ្វើឲ្យមានការកើនឡើងវិញនូវមច្ឆាជាតិគ្រប់ប្រភេទ៕

គំនរសំរាមស្អុយរលួយនៅក្រុងប៉ោយប៉ែត តំណាងក្រុមហ៊ុនថា មកពី...!!!

ប៉ោយប៉ែត៖ ប្រជាពលរដ្ឋនៅក្នុងក្រុងប៉ោយប៉ែត បានរអ៊ូរទាំពីបញ្ហាក្រុមហ៊ុន ប៉ោយប៉ែតគ្លីនណឺ(PPC)ប្រមូលសំរាមមានការយឺតយ៉ាវទុករហូតរលួយនិងមានក្លិនស្អុយ ដង្កូវ រ៉ុយរោមប៉ះពាល់សុខភាពកូនចៅពួកគាត់ និងបរិស្ថាន ។ជាក់ស្តែងប្រជាពលរដ្ឋបានលើកឡើងនៅក្នុងវេទិការផ្សព្វផ្សាយ និងពិគ្រោះយោបល់ក្រុមប្រឹក្សាក្រុងប៉ោយប៉ែតអាណត្តិទី២ ឆ្នាំ២០១៧ នៅសង្កាត់ប៉ោយប៉ែត កាលពីថ្ងៃទី១៨ ខែ កក្តដា ឆ្នាំ ២០១៧ ម្សិលមិញនេះ។

ពាក់ព័ន្ធនិងបញ្ហសំរាមនេះគេសង្កេតឃើញនៅតាមសាលារៀន រង្វង់មូល មុខផ្ទះប្រជាពលរដ្ឋ ផ្សារនានា ជាពិសេសនៅមុខផ្សារកណ្តាល ស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត គរចោល និងមានក្លិនស្អុយរលួយជាច្រើន បង្កអោយប៉ះពាល់អ្នកទិញនិងអ្នកលក់ដូរក្នុងផ្សារ ទោះបីជាមានការរអ៊ូរទាំពីសំណាក់ពលរដ្ឋ ក៏ក្រុមហ៊ុននៅតែមានការយឺតយ៉ាវ។
ប្រជាពលរដ្ឋនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត មុខរបរកាត់ដេរសំលៀកបំពាក់ សុំមិនបញ្ចេញឈ្មោះបានអោយដឹងថា សំរាមនៅមុខផ្ទះរបស់គាត់ ក្រុមហ៊ុនខាងលើ ទុករយះពេលជាង១០ថ្ងៃទើបមកប្រមូល ជូនកាល២០ថ្ងៃក៏មាន។

តំណាងក្រុមហ៊ុនប្រមូលសំរាម ប៉ោយប៉ែតគ្លីនណឺបានអោយដឹងថា៖ បញ្ហាដែលមានការយឺតយ៉ាវក្នុងការប្រមូលសំរាមនេះគឺបណ្តាលមកពីក្រុមហ៊ុន ពិបាករកកម្មករ និងពេលខ្លះក្រុមហ៊ុនស្ទះដោយសារថយន្តខូច និងទីតាំងចាក់សំរាមស្ថិតនៅឆ្លាយពីទីប្រជុំជន ព្រមទាំងផ្លូវមានការលំបាក ស្អិតជាប់រថយន្តក៏មានដែរ ជាពិសេសគឺរដូវវស្សានេះ។
លោក ង៉ោ ម៉េងជ្រួន អភិបាលក្រុងប៉ោយប៉ែតបានបញ្ជាក់ថា បញ្ហាសំរាមនេះកន្លងមកទាំងប្រជាពលរដ្ឋ ទាំងសហគមន៍ ទាំងអង្គការNGO ផ្តោតតែលើអាជ្ញាធរក្រុង តែវាជាបញ្ហារបស់សង្កាត់ដែលត្រូវអនុវត្តធ្វើនៅក្នុងមូលដ្ឋានដែលខ្លួនគ្រប់គ្រង។ ហើយលោកក៏បានណែនាំក្រុមហ៊ុនប្រមូលសំរាមត្រូវធ្វើយ៉ាងណាប្រមូលសំរាមអោយស្អាតដើម្បីអោយប្រជាពលរដ្ឋមានទំនុកចិត្ត គាត់និងបង់លុយ ហើយក្រុមហ៊ុនកុំយកទីតាំងចាក់សំរាម យកមកធ្វើប្រធានបទដោះសារជាមួយប្រជាពលរដ្ឋ៕ប៊ុនថន

សម្ដេចហ៊ុនសែនបន្ដប្រកាសថា៖"គណបក្សប្រជាជនកម្ពុជានឹងឈ្នះការបោះឆ្នោតសកលឆ្នាំ២០១៨ខាងមុខ"

ភ្នំពេញ៖សម្ដេចហ៊ុនសែននាយករដ្ឋមន្ដ្រីនិងជាប្រធានគណបក្សប្រជាជនកម្ពុជាបានបន្ដប្រកាសថា៖"គណបក្សប្រជាជនកម្ពុជានឹងឈ្នះការបោះឆ្នោតសកលឆ្នាំ២០១៨ខាងមុខ"។​តាមបណ្ដាញសង្គមហ្វេសប៊ុកសម្ដេចនាយករដ្ឋមន្ដ្រីបានសរសេរថា៖"ការខិតខំប្រឹងប្រែងរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាមកដល់សព្វថ្ងៃនេះ គឺបានបង្ហាញអោ​យ​ប្រជាពលរដ្ឋបានឃើញច្បាស់នូវការរីកចម្រើនពិតរបស់កម្ពុជា។ សន្តិភាព បានផ្តល់ឱកាសអោយយើងកសាងប្រទេ​ស​ជាតិបានលឿនឆ្ពោះទៅមុខ។មានសន្តិភាពយូរអង្វែង មានការរីកចម្រើនយូរអង្វែង។

សព្វថ្ងៃនេះអ្នកវិនិយោគទុនជាតិ និងអន្តរជាតិមានជំនឿទុកចិត្តយ៉ាងខ្លាំង លើការដឹកនាំដ៏ត្រឹមត្រូវច្បាស់លាស់របស់ សម្តេចតេជោនាយករដ្ឋមន្រ្តីដែលធានាបាននូវបរិយាកាសវិនិយោគល្អជាមួយនឹងស្ថេរភាពនយោបាយ និងសន្តិសុខសង្គម មិនដូចការបំពុលនិងបំផ្លើសព័ត៍មានអាក្រក់ពីក្រុមខិលខូចមួយចំនួនឡើយ។ ទន្ទឹមនឹងនេះដែរ កំណើនទេសចរណ៍ក៏កំពុងកើនឡើងយ៉ាងខ្ពស់ ដែលយើងរំពឹងទុកថានឹងកើនដល់៥ លាន នាក់ក្នុង១ឆ្នាំ។ ប្រជាពលរដ្ឋរីករាយសាទរដោយទទួលបាននូវការងារសមស្រប និងមុខរបរតូចធំជាមួយប្រាក់ចំណូលសមរម្យដែលធ្វើអោយជីវភាពរស់នៅកាន់តែល្អប្រសើរឡើង។

ចាប់តាំងពីពេលបោះឆ្នោតឃុំសង្កាត់មកទល់ពេលនេះ ចំនួនបងប្អូនប្រជាពលរដ្ឋដែលបានចូលជាសមាជិកគណបក្សប្រជា​ជន ក៏មានសន្ទុះកើនឡើងយ៉ាងខ្លាំងទាំងនៅក្នុងនិងក្រៅប្រទេស។ នេះគឺបង្ហាញអោយឃើញកាន់តែច្បាស់ថា គណ​បក្សប្រជាជននឹងទទួលជ័យជំនះនៅក្នុងការបោះឆ្នោតឆ្នាំ ២០១៨ ជាបន្តទៀត៕

ប្រលងបាក់ដុបឆ្នាំនេះក្រសួងអប់រំបន្ថយមុខវិជ្ជា

ភ្នំពេញ៖ក្រសួងអប់រំនៅថ្ងៃនេះបានប្រកាសស្ដីពីការកាត់បន្ថយចំនួនមុខវិជ្ជាប្រលងឆ្នាំ២០១៧នេះនិងបានពន្យល់ពីមូលហេតុមិនប៉ះពាល់គុណភាពសិក្សាបើទោះបីកាត់បន្ថយមុខវិជា្ជ។ក្រសួងបានបញ្ជក់ថា៖ការ​កាត់​បន្ថយ​ចំនួន​មុខវិជ្ជា​ប្រឡង​ក្នុង​គោលបំណង​បន្ថយ​បន្ទុក និង​ការ​ខ្វល់​ខ្វាយ​​របស់​បេក្ខជន​ពី​ការ​ប្រឡង​រយៈ​ពេល​ ២ថ្ងៃ​កន្លះ​ មក​នៅ​​ត្រឹម​​រយៈ​ពេល​ ២ថ្ងៃ និង​ពី១០មុខវិជ្ជា មក​នៅ​ត្រឹម​​ ៧​មុខវិជ្ជា ។ ​ចំណុច​នេះ​មិន​បាន​ធ្វើ​ឲ្យ​​ប៉ះ​ពាល់​ដល់​គុណភាព​នៃ​ការ​សិក្សា​ទេ​ ដោយ​សិស្ស​ទាំង​អស់​បាន​ពង្រឹង​សមត្ថភាព​តាមរយៈ​ការ​ប្រឡង​ឆមាស​នូវ​គ្រប់​មុខវិជ្ជា​រួច​ហើយ៕

 

 

ទូតកម្ពុជាប្រចាំហ្សឺណែវស្នើឲ្យភ្នាក់ងារនានារបស់UNកុំ ​ជ្រៀត​ជ្រែក​ចូល​កិច្ចការតុលាការកម្ពុជា

ភ្នំពេញស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិនៅក្រុងហ្សឺណែវតាមរយៈសេចក្តីថ្លែងការណ៍របស់ខ្លួនបានស្នើដល់ភ្នាក់ងារនានារបស់អង្គការសហប្រជាជាតិប្រចាំនៅកម្ពុជាកុំជ្រៀតជ្រែក​​​ទៅក្នុងកិច្ចការផ្ទៃក្នុង រ ប ស់តុ​លាការកម្ពុជា។

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិនៅហ្សឺណែវកា​ល ពីថ្ងៃទី១៧កក្កដាម្សិលមិញនេះបានចេញសេចក្តីថ្លែងការណ៍មួយដើម្បីឆ្លើយតបទៅនឹងសេចក្តីប្រកា សព័ ត៌មានរបស់លោកស្រីLis Throssell អ្នកនាំពាក្យ​ឧត្តមស្នង​ការ​អង្គការសហប្រជាជាតិទទួលបន្ទុកសិទ្ធិមនុស្សកាលពីថ្ងៃទី៧ខែកក្កដាឆ្នាំ២០១៧បានលើកឡើង​ចំពោះ​កម្ពុជាថាការលូក ដៃទៅ លើ ការ បំពេញតួនាទីដ៏ឯករាជ្យរបស់ស្ថាប័នតុលាការនៅក្នុង​ការអនុវត្តនូវនី​តិ​រដ្ឋគឺជា​ទង្វើរារាំង សមត្ថ កិច្ចតុ លា ការ។

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិបានបញ្ជាក់ថា ៖កម្ពុជាគឺជាប្រទេស​ដែលគោរ​ព​លទ្ធិប្រជាធិបតេយ្យនិងប្រកាន់យ៉ាងខ្ជាប់ខ្ជួននូវការអនុវត្តនីតិរដ្ឋហើយជាប្រទេសដែលបានផ្តល់​សច្ចា​ប័ន​នូវ​លិ​ខិតូបករណ៍ស្នូលនៃសិទ្ធិមនុស្សអន្តរជាតិជាច្រើន។

ជាមួយគ្នានេះដែររដ្ឋាភិបាលកម្ពុជាបានខិតខំអស់ពីសមត្ថភាពដើម្បីធានាថាពលរដ្ឋកម្ពុជាគ្រប់រូបនិង​គ្រប់ស្ថាប័នដែលកំពុងប្រតិបត្តិការការងាររបស់ខ្លួននៅក្នុងប្រទេសកម្ពុជាទទួលបានការគោរពសិទ្ធិស្មើៗគ្នា​ដោយពុំមានការរើសអើងទោះបីជាពួកគេបម្រើការងារផ្នែកការការពារ​​សិទ្ធិ​​មនុស្សឬក៏ជាអង្គការសង្គម​ស៊ីវិលក្តី។

ប៉ុន្តែជាអកុសលគេសង្កេតឃើញយ៉ាងច្បាស់ថាអង្គការសង្គមស៊ីវិលនិងអង្គការក្រៅ​រដ្ឋាភិបា​ល​មួយ​ចំនួនជាញឹកញាប់បានធ្វើការបំភ្លៃការពិតបង្កើតពាក្យកុហកបោកប្រាស់បង្កើតឆាកល្ខោននិងបាន​ធ្វើឲ្យស្ថានភាពកាន់តែអាក្រក់ទៅដល់ករណីមិនធំដុំខ្លះក្នុងគោលបំណងដើម្បីបន្តុះបង្អាប់ស្ថាប័នរដ្ឋរួមទាំងស្ថាប័នតុលាការជាដើម។

ជុំវិញបញ្ហានេះលោកឌុចពិសិដ្ឋនាយកផ្នែកតស៊ូមតិរបស់មជ្ឈមណ្ឌលសិទ្ធិមនុស្សកម្ពុជាបានប្រាប់ទូរ​ទស្សន៍រស្មីហង្សមាសនៅព្រឹកថ្ងៃទី១៨កក្កដានេះថាអ្វីដែលសង្គមស៊ីវិលធ្វើនេះគឺមិនមែនជា​ការលូក​ដៃទៅក្នុងកិច្ចការផ្ទៃក្នុងរបស់តុលាការនោះទេ។

លោកបន្តថា៖”ប៉ុន្តែវាគឺជាការចូលរួមតាមដាននិងវាយតម្លៃរបស់ដៃគូនិងតួអង្គអន្តរជាតិថាតើតុលា​ការកម្ពុជាបានគោរពជាមួយនិងច្បាប់ជាតិនិងអន្តរជាតិដល់កម្រិតណាតែប៉ុណ្ណោះ”។

តែទោះបីជាយ៉ាងណាក៏ដោយគេសង្កេតឃើញថារាជរដ្ឋាភិបាលកម្ពុជាជានិច្ចកាលតែងតែគោរពនូវ​សេចក្តី​ស​ម្រេចនិងឯករាជ្យភាពរបស់ស្ថាប័នតុលាការជាពិសេសសេចក្តីសម្រេចចំពោះករ​ណីនៃការ​ដោះ​លែង​អ្នកជាប់ឃុំខាងលើដែលរាជរដ្ឋាភិបាលពុំដែលមានការពាក់ព័ន្ធទាល់តែសោះ៕

 

ក្រសួងអប់រំប្រកាសការពង្រឹងសុវត្ថិភាពរបស់សិស្សសាលាក្រោយពីមានការចាប់សិស្ស

ភ្នំពេញ៖ក្រសួងអប់រំបានចេញសេចក្ដីប្រកាសព័ត៌មាន ស្ដីពី ការពង្រឹងសុវត្ថិភាពរបស់សិស្សសាលានិងបានអំពាវនាវអោយសាលារៀនសហការជាមួយសមត្ថិកិច្ចនិងអាណាព្យាបាលសិស្សត្រូវរាយការណ៍បន្ទាន់។នេះបើតាមការសេចក្ដីប្រកាសរបស់ក្រសួងនៅថ្ងៃនេះ។ក្រសួងអប់រំ យុវជន និងកីឡា សូមជម្រាបថា ក្រសួង និងអាជ្ញាធរមានសមត្ថកិច្ច បានតាមដានយ៉ាងយកចិត្តទុកដាក់ ព្រមទាំងបានតៀមលក្ខណៈក្នុងការធ្វើអន្តរាគមន៍ឱ្យបានទាន់ពេលវេលា ក្នុងករណីមានសេចក្ដីរាយការណ៍ពីសកម្មភាពសង្ស័យផ្សេងៗ ដែលនឹងឈានទៅធ្វើសកម្មភាពចាប់សិស្សសាលាជាក់ស្ដែង កើតមានឡើង។ សូមរាយការណ៍រាល់សកម្មភាពសង្ស័យតាមរយៈលេខទូរស័ព្ទ ៖
- ខែ្សទីមួយ ៖ ០៣១ ២០ ១២៣៤៥
- ខែ្សទីពីរ ៖ ០៣១ ៦០ ១២៣៤៥៕

 

អគារប៊ូឌីងសនឹងវាយកម្ទេចចោលក្នុងសប្តាហ៍នេះដោយក្រុមហ៊ុនជប៉ុនARAKAWA

ភ្នំពេញ៖ ក្រុមហ៊ុនជប៉ុនARAKAWA សហការជាមួយក្រសួងរៀបចំដែនដីនគរូបនីយ៍កម្មនិងសំណង់ នឹងចាប់ផ្តើមវាយកម្ទេចចោលសំណង់អគារប៊ូឌីងស ចាស់ចោលក្នុងសប្តាហ៍នេះបន្ទាប់ពីប្រជាពលរដ្ឋ ៤៩២គ្រួសារបានទទួលយល់ព្រមយកលុយពីក្រុមហ៊ុន១៤០០ដុល្លាក្នុង១ម៉ែត្រការ៉េ។
​ក្នុងពិធីក្រុងពាលីបួងសួងសុំសេចក្តីសុខដើម្បីវាយចោលនៃអគារប៊ូឌីងស នាព្រឹកថ្ងៃទី១៧ ខែ​ កក្តដា ឆ្នាំ២០១៧ ​នៅលើដំបូលអគារប៊ូឌីងស លោក បេង ហុងសុជាតិខេមរ៉ូ អគ្គនាយកលំនៅដ្ឋាន នៃក្រសួងរៀបចំដែនដីនគរូបនីយ៍កម្មនិងសំណង់ បានថ្លែងថា “ក្នុងសប្តាហ៍នេះ ក្រុមហ៊ុនជប៉ុន ARAKAWA ដែលវិនិយោគមានទឹកប្រាក់រហូតដល់៨០លានដុល្លា នឹងធ្វើការវាយអគារចាស់នេះ ក្នុង សប្តាហ៍នេះ”។

លោក បន្តថា នៅថ្ងៃទី១៧នេះ ក្រុមហ៊ុនចាប់ផ្តើមហុំព័ទ្ធរបង ជុំវិញអគារ ដើម្បកុំ អោយមានការរំខានទៅដល់ប្រជាពលរដ្ឋរស់នៅជុំវិញតំបន់ប៊ូឌីងស និងអ្នកដំណើរឆ្លងកាត់។
​ចំពោះការវាយអគារប៊ូឌីងស ដោយនេះ លោកអគ្គនាយករូបនេះ បានបញ្ជាក់ថា ក្រុមហ៊ុន គេនឹងប្រើប្រាស់នូវគ្រឿងចក្រទំនើប សំរាប់ការវាយអគារនេះចោល ដោយមិនអោយមានការរំខាន ជាសំលេង ឬធ្វើអោយមានប៉ះពាលដល់បរិស្ថាននោះទេ និងប្រើរយៈពេល៤ខែ ដើម្បីធ្វើអោយរួចរាល់។ ចំពោះកម្ទេសសំណង់ ក្រុមហ៊ុនគេនឹងដឹកយកទៅចោលនៅតំបន់ក្រៅក្រុង។
​ទោះបីជាមានការកំណត់ជាក់លាក់ នៃការវាយកម្ទេចចោលនូវអគារប៊ូឌីងសនេះយ៉ាងណាក៏ ដោយ ក៏នៅមាន៥ ឬ៦គ្រួសារទៀត​ ដែលមិនទាន់បានចាកចេញនោះទេ។

ចំពោះបញ្ហានេះ លោក សេង ឡូត អ្នកនាំពាក្យក្រសួងរៀបចំដែនដីនគរូបនីយ៍កម្មនិងសំណង់ បានអោយ ដឹងថា ក្នុងចំណោមប្រជាពលរដ្ឋ៤៩២គ្រួសារដែលរស់នៅអគារប៊ូឌីងសនេះ គឺបានយល់ព្រមក្នុងការលក់តម្លៃ១៤០០ដុល្លា ១ម៉ែត្រការ៉េរួចហើយ។ ចំពោះ៥ ឬ៦ គ្រួសារដែលមិនទាន់ចាកចេញនេះ ដោយសារពួកមិនទាន់បានរកទិញកន្លែងថ្មីបាន តែយ៉ាងណាពួកគាត់បានចុះកិច្ចសន្យាយល់ព្រម ក្នុងតម្លៃនេះអស់ហើយ គឺ១០០% យល់ព្រមចាកចេញ។
ការដែលក្រសួងនិងក្រុមហ៊ុន ដាក់កំណត់នៃការវាយអគារសហកម្មសិទ្ធិនេះចោល លោក សេង ឡូត បញ្ជាក់ថា ទី១ប្រជាពលរដ្ឋ ១០០%បានសម្រេចចិត្តទទួលយកតម្លៃ១៤០០ដុល្លាក្នុង១ម៉ែត្រការ៉េ ទី២ អគារនេះមានសភាពចាស់ទ្រុឌទ្រោម ប្រឈមនឹងការបាក់ធ្លាក់ចុះ ទី៣ ក្រុមហ៊ុនតម្រូវការសាងសង់អោយបាន​ឆាប់រហ័ស ដើម្បីចូលរួមអភិវឌ្ឍន៍វិស័យសំណង់។
លោក ភី សុភាព ប្រជាពលរដ្ឋដែលស្នាក់នៅជាន់ទី២នៃអគារប៊ូឌីងស ដែលមិនទាន់បានចាកចេញ បានប្រាប់ថា ពួកគាត់នឹងចាកចេញនៅសប្តាហ៍នេះដែរ ទៅរស់នៅស្រុកកំណើត ក្នុងខេត្តតាកែវ។

លោកបញ្ជាក់ថា លុយតិចពេក​មិនអាចរកទិញផ្ទះបានទេនៅភ្នំពេញ ដូច្នេះត្រូវបង្ខំចិត្តទៅរស់នៅ ស្រុកកំណើត​ហើយយកលុយ ប្រកបរបបតិចតូចនៅស្រុក។
ចំពោះការវាយអគារនេះ ទូរទស្សន៍ហង្សមាសមិនអាចសុំការបភ្លឺលំអិតពីបញ្ហាវាយអគារនេះបានទេ ថ្ងៃនេះ។ សូមបញ្ជាក់ថា គម្រោងអភិវឌ្ឍន៍អគារប៊ូឌីងស គឺ​ក្រុមហ៊ុនជប៉ុន Arakawa គ្រោងចំណាយថវិកាប្រមាណ៨០លានដុល្លា នៃការសង់អគារថ្មីមានកម្ពស់២១ ជាន់៕

មន្ដ្រី៖"កម្មវិធីផ្តល់អាហារតាមសាលារៀននឹងបញ្ចប់នៅត្រឹមឆ្នាំ២០២១"

ខេត្តសៀមរាប៖តំណាងអង្គការស្បៀងអាហារពិភពលោកប្រចំានៅកម្ពុជាបានអះអាងថា កម្មវិធីផ្តល់អាហារតាមសាលារៀនដែលជាជំនួយរបស់អង្គការស្បៀងអាហារពិភពលោកនិងត្រូវបញ្ចប់នៅត្រឹមឆ្នំា២០២១ដោយប្រគល់កម្មវិធីនេះទៅឲ្យរាជរដ្ឋាភិបាលកម្ពុជាជាអ្នកគ្រប់គ្រងទំាងស្រុងវិញ។
ថ្លែងនៅក្នុងកិច្ចប្រជុំថ្នាក់ជាតិស្តីពីកម្មវិធីស្បៀងអាហារតាមសាលារៀននៅខេត្តសៀមរាបនៅព្រឹកថ្ងៃទី១៤ខែកកដ្កានេះលោកស្រី Francesca Erdelmann នាយករងនៃអង្គការស្បៀងអាហារពិភពលោកបានមានប្រសាសន៍ថា៖" កម្មវិធីស្បៀងអាហារពិភពលោកនៃអង្គការសហប្រជាជាតិ បានជួយប្រទេសកម្ពុជាតាំងពីឆ្នាំ១៩៧៩ ដើម្បីសង្រ្គោះដល់ប្រជាជនក្រីក្រ ជួបបញ្ហាអត់ឃ្លាន និងអសន្តិសុខស្បៀង"។ ចំពោះកម្មវិធីស្បៀងអាហារតាមសាលារៀន រួមមានកម្មវិធីអាហារពេលព្រឹក កម្មវិធីអាហារូបករណ៍សិស្សជាស្បៀងនិងអាហារូបករណ៍សិស្សជាសាច់ប្រាក់បានចាប់អនុវត្តតាំងពីឆ្នាំ១៩៩៩ក្នុងគោលបំណងបង្កើនជាសំណាញ់សុវត្ថិភាពសម្រាប់កុមារមកពីគ្រួសារងាយរងគ្រោះបំផុត ដែលកំពុងប្រឈមនឹងអសន្តិសុខស្បៀង។

កម្មវិធីស្បៀងអាហារនៅតាមសាលារៀន បានជួយឱ្យកុមារបំបាត់ភាពស្រេកឈ្លានរយៈពេលខ្លី និងទទួលបានការរៀនសូត្របានល្អ បង្កើនវត្តមាននៃការសិក្សារបស់សិស្ស កាត់បន្ថយការបោះបង់ការសិក្សា និងបង្កើនអត្រាបញ្ចប់ការសិក្សានៅកម្រិតបឋមសិក្សា។កម្មវិធីនេះបានរួមចំណែកពង្រឹងគុណភាពអប់រំនៅតាមមូលដ្ឋាន និងសាលារៀនគោលដៅនានា លើការប្រមូលកុមារឱ្យចូលរៀន គុណភាពនិងប្រសិទ្ធភាពនៃការបង្រៀននិងរៀន និងការចូលរួមរបស់សហគមន៍ស្របតាមគោលនយោបាយសាលាកុមារមេត្រីផែនការយុទ្ធសាស្រ្តអភិវឌ្ឍន៍ជាតិ ផែន ការយុទ្ធសាស្រ្តវិស័យអប់រំ។
លោកស្រីបានបញ្ជាក់ថា៖" កម្មវិធីស្បៀងអាហារតាមសាលារៀនដែលជាជំនួយរបស់អង្គការស្បៀងអាហារពិភពលោក និងបញ្ចប់គម្រោងរបស់ខ្លួនត្រឹមឆ្នំា២០២១ដោយប្រគល់កម្មវិធីនេះទៅឲ្យរាជរដ្ឋាភិបាលកម្ពុជាជាអ្នកគ្រប់គ្រងទំាងស្រុងវិញ"។លោកស្រីពន្យល់ថា មូលហេតុនៃការបញ្ចប់គ្រោងនេះ គឺដោយសារមើលឃើញថា បច្ចុប្បន្ននេះជីវភាពរស់នៅរបស់ប្រជាពល រដ្ឋកម្ពុជាមានភាពល្អប្រសើរជាងមុន រីឯអត្រាភាពក្រីក្រក៍មានការថយចុះមកនៅត្រឹម១៣%ស្ថានការចូលរៀនរបស់កុមារនៅកម្ពុជាក៍ខ្ពស់មានរហូតដល់ប្រមាណ៩០% ចំពោះរាជរដ្ឋាភិបាលក៍មានភាពរឹងមំាដែលអាចធ្វើឲ្យវិស័យអប់រំនៅកម្ពុជាមានការរីកចំរើនបាន។
លោកអ៊ីន វីរជាតិ រដ្ឋលេខាធិការទទួលបន្ទុកទីស្តីការគណៈរដ្ឋមន្រ្តីបានថ្លែងអំណរគុណយ៉ាងជ្រាលជ្រៅចំពោះដៃគូអភិវឌ្ឍទាំងអស់ ពិសេសកម្មវិធីស្បៀងអាហារពិភពលោក របស់អង្គការសហប្រជាជាតិប្រចាំនៅកម្ពុជា ដែលបានរួមចំណែកជាមួយរាជរដ្ឋាភិបាល ជួយបណ្តុះបណ្តាលនិងអភិវឌ្ឍធនធានមនុស្សក្នុងការជួយធ្វើឱ្យសម្រេចគោលដៅជាច្រើនសម្រាប់ វិស័យអប់រំនៅកម្ពុជា។
លោកបានបញ្ជាក់ថា៖ ផ្អែកតាមលទ្ធផលនិងមេរៀនពិសោធជាច្រើន ទាក់ទងនឹងកម្មវិធីស្បៀងអាហារនៅតាមសាលារៀន ក្រសួងអប់រំ យុវជន និងកីឡា នៅតែចាត់ទុកជាកម្មវិធីអាទិភាពមួយដ៏សំខាន់ រួមចំណែកជួយដល់កុមារក្នុងសហគមន៍ក្រីក្រ ក្នុងការលើកកម្ពស់ការចូលរៀន និងការទទួលបានគុណភាពពីការរៀន ផ្តល់លទ្ធភាព ដល់កុមារទាំងនោះបានបញ្ចប់ការសិក្សានៅបឋមសិក្សា និងឈានទៅបន្តការសិក្សានៅមធ្យមសិក្សា។ ហើយចំពោះកម្មវិធីស្បៀងអាហារតាមសាលារៀនដែលជាជំនួយរបស់អង្គការស្បៀងអាហារពិភពលោកដែលនិងបញ្ចប់គម្រោងរបស់ខ្លួនត្រឹមឆ្នំា២០២១ខាងមុខនេះរាជរដ្ឋា​ភិបាលកម្ពុជានិងបន្តអនុវត្តកម្មវិធីប្រកបដោយភាពជោគជ័យបន្តទៀត៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

ព័ត៌មានជាតិ​ពេល​យប់​


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2