vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិល្បៈកម្សាន្ត

លោកនាយករដ្ឋមន្ដ្រីសឹង្ហបុរីចូលរួមទស្សនាការប្រកួតបាល់ទាត់ក្រុមកម្ពុជានិងសឹង្ហបុរីនៅថ្ងៃនេះ

 

 

 

 ភ្នំពេញ៖លោកលីស៊ានឡុងនាយករដ្ឋមន្ដ្រីសឹង្ហបុរីនិងក្រុមគ្រួសារបានចូលរួមទស្សនាការប្រកួតបាល់ទាត់ក្រុមកម្ពុជានិងសឹង្ហបុរីនៅថ្ងៃនេះ។ជាលទ្ឋផលក្រុមកម្ពុជាចាញ់ម្ចាស់ផ្ទះសឹង្ហបុរី៣គ្រាប់ទល់មួយក្នុងការប្រកួតចាប់ផ្ដើមនៅម៉ោង៧កន្លះយប់នៅថ្ងៃទី៨មិថុនានេះនៅកីឡដ្ឋានJalan Besar Stadium ។ក្រុមកម្ពុជារកបានមួយគ្រាប់នៅតង់ទី២ដោយកីឡាករចាន់វឌ្ឍនាកា។កម្ពុជានៅក្រុមអេជាមួយសឹង្ហបុរីឥណ្ឌូនេស៊ីភូមានិងហ្វីលីពីន។កម្ពុជាចាញ់សឹង្ហបុរីនិងឥណ្ឌូស៊ីតែឈ្នះហ្វីលីពីន។

ក្រុមកម្ពុជាក្លាយជាអ្នកអាលអាវវិលត្រឡប់មកផ្ទះមុនគេ៕

L/h

 

 

ឈ្មោះកីឡាករកម្ពុជា

 

 

ឈ្មោះកីឡាករសឹង្ហបុរី

 

ស្រីស្អាតច្រៀងបើកឆាកនៅព្រឹត្តិការណ៍ស៊ីហ្គេមលើកទី២៨នៅសឹង្ហបុរីឈ្មោះឃូដាបនី

 សឹង្ហបុរី៖ស្រីស្អាតច្រៀងបើកឆាកនៅព្រឹត្តិការណ៍ស៊ីហ្គេមលើក ទី២៨នៅសឹង្ហបុរីឈ្មោះឃួដាបនីជាតារាចំរៀងល្បីរបស់សឹង្ហបុរីមានអាយុ២៨ឆ្នាំកើតនៅអូស្ដ្រាលីក្នុងឆ្នាំ១៩៨៧។

 

កញ្ញាធ្លាប់ជាឈ្នះជាតារាឯករបស់កម្មវិធីsingapore Idol

 

កញ្ញាដាបនីជានិស្សិតបញ្ចប់ការសិក្សាផ្នែកប្រព័ន្ឋផ្សព្វផ្សាយនៅអូស្ដ្រាលីនៅឆ្នាំ២០០៩។

 

​នៅឆ្នាំ២០១២កញ្ញាបានបញ្ចេញឲ្យដឹងថានាមានរោគសញ្ញាមហារីកដៃស្បូនតែក្រោមយកមកបានព្យាបាលជា។​កញ្ញាត្រូវបានរដ្ឋាភិបាលសឹង្ហបុរីជ្រើសរើសច្រៀងបើកឆាកក្នុងកម្មវិធីស៊ីហ្គេមលើក២៨ឆ្នាំ២០១៥នេះ៕

កម្មវិធីCambodian Idol ចម្រាញ់បានបេក្ខជនទូទាំងប្រទេសជិត ២០០នាក់យកទៅវគ្គបន្ត

 

 

 

 

 

 

 

 

 

 

 

 

 

 

 

 

 

 

 

 

 

ភ្នំពេញ៖បន្ទាប់ពីធ្វើការជម្រុះវគ្គដំបូងដែលធ្វើឡើងតាមបណ្តាខេត្តរាជធានីរួចរាល់ហើយ កម្មវិធីCambodian​Idolចម្រាញ់បានបេក្ខជនដែលមានសមត្ថភាពខ្ពស់ផ្នែកចម្រៀងបានចំនួន១៨០​នាក់ក្នុងចំណោមបេក្ខជនរាប់ពាន់នាក់ដើម្បីឈានទៅវគ្គបន្ត។

 

លោក អៀ វណ្ណា អ្នកដឹកនាំកម្មវិធី Cambodian Idolបានប្រាប់ឲ្យដឹងនៅព្រឹកថ្ងៃទី ០៥ ខែមិថុនានេះថា ថ្ងៃនេះកម្មវិធីCambodian Idol បានហៅបេក្ខជនដែលជាប់នៅរាជធានី​ភ្នំពេញចំនួន ៩០​នាក់ ក្នុង​ចំ​ណោម១០៦ នាក់ឲ្យមកប្រជុំគ្នានៅស្ទូឌីយូហង្សមាសនៅផ្សារ អ៊ីអន ដើម្បីធ្វើការ​ពន្យល់​ណែនាំ​ឲ្យពួក​គេត្រៀមលក្ខណៈ ដើម្បីបន្តប្រឡងទៅវគ្គបន្ទាប់ ទៀត។

 

អ្នកដឹកនាំកម្មវិធី Cambodian Idol រូបនេះបានប្រាប់ឲ្យដឹងទៀតថា បន្ទាប់ពីឆ្លងកាត់ការ ពិភាក្សានិងពិគ្រោះយោបល់ទៅលើទឹកដមសម្លេងពីធម្មជាតិរបស់បេក្ខជន ក្រុមអ្នកគ្រប់គ្រង និង ដឹកនាំកម្មវិធីបានសម្រេចជ្រើសរើសបេក្ខជនបេក្ខនារីសរុបបានចំនួន ១៨០ នាក់ក្នុងនោះ បេក្ខជនរាជធានីភ្នំពេញបានចំនួន ១០៦ក្នុងនោះមាន ស្រី ២៥ នាក់ និង តាមបណ្តាខេត្តចំនួន ៧៤ នាក់ ក្នុងនោះស្រី១៨ នាក់ ។

 

ចំពោះបេក្ខជនបេក្ខនារីទាំង ១៨០ នាក់នឹងត្រូវបន្តឆ្លងកាត់ជម្រុះជាមួយនឹងគណៈកម្មការ ទាំង ៤ ដែល​ហៅ​ថាវគ្គ Judge Audition ដែលមានលោក ព្រាប សុវត្ថិ កញ្ញា ឱក សុគន្ធកញ្ញ លោក ឆន សុវណ្ណារាជ និង លោក ណុប ប៉ាយ៉ារិទ្ធ ដោយពួកគេតម្រូវឲ្យច្រៀង គោក។តែទោះបីជាយ៉ាងណា ក៏កម្មវិធីបានអនុញ្ញាត​ប្រសិនបើបេក្ខជនណាដែលអាចលេង ឧបករណ៍ភ្លេងដោយខ្លួនឯងដូចជា ព្យាណូ ឬ ក៏ហ្គីតាជាដើម។

 

ហើយចំពោះលក្ខខណ្ឌនៃ ការជម្រុះជាមួយគណៈកម្មការគឺទាល់តែបេក្ខជនទទួលបាន ៣ សម្លេងក្នុងចំណោម៤ពី គណៈកម្មការទើបអាចឈានទៅវគ្គបន្ទាប់បាន។ទោះបីជាយ៉ាងណា ក៏លោក អៀ វណ្ណា ពុំបានបញ្ជាក់ពីកាលបរិចេ្ឆទចំពោះនៃការប្រឡងសម្រាប់វគ្គ Live Show នៅថ្ងៃណាដែរ

លោកវ៉ាន់ ផល្លី ត្អូញត្អែរពី ការសម្តែងកាយវិការក្នុងបទចម្រៀងដំបូងរបស់ខ្លួន

 

ភ្នំពេញ៖លោក វ៉ាន់ ផល្លី អតីតកូនក្រុមលោក ឆន សុវណ្ណរាជ នៃកម្មវិធី The Voice Cambodia បានត្អូញត្អែរពីភាពលំបាកខ្លះៗ ពេលចូលថតសម្តែងកាយវិការក្នុងបទចម្រៀងដែល​គ្រោង ចេញលើកទី១ក្នុងអាល់ប៊ុមដំបូងសម្រាប់ផលិតកម្ម We Production របស់ក្រុមហ៊ុន ហង្សមាស។

 

លោក វ៉ាន់ ផល្លី បានប្រាប់ហង្សមាសកាលពីថ្ងៃទី ២ ខែមិថុនានេះបន្ទាប់ពី​សម្រាកពីការថតកាយវិការខារ៉ាអូខេនៅក្លឹប ក្បែរវត្តបុទុមវត្តីក្នុងបទចម្រៀង ថ្មីរបស់​លោក​លើកទី​១ ថាលោករឹងខ្លួននៅពេលត្រូវធ្វើកាយវិការនៅមុខកាមេរាដែលគេ ទាមទារឲ្យដាក់មនោសញ្ចេតនាជ្រាលជ្រៅ។

 

 

លោកបានបន្ដថាលោកធ្លាប់តែច្រៀងពេលមកសម្តែងជួបការលំបាកច្រើន ហើយក៏មានភាព​ខុសប្លែកគ្នាខ្លាំង ទី១ហ្នឹងគឺការធ្វើកាយវិការទី២គឺការដាក់អារម្មណ៍ដាក់មនោសញ្ចេតនា គឺមិន​ទាន់​ចេះដាក់”។

 

តារាចម្រៀងដែលមានស្រុកកំណើតនៅទឹកដីបាត់ដំបងរូបនេះ បានប្រាប់ឲ្យដឹងទៀតថា លោកកំពុងតែថតខារ៉ាអូខេបទចម្រៀងថ្មីដែលមានចំណងជើងថា «យប់នេះផឹកឲ្យសា្លប់» ដែលជាប្រភេទបទសង់ទីម៉ង់។

 

តារាចំរៀងរូបនេះបានបញ្ចាក់ថា អ្នកដឹកនាំ និង ក្រុមការងារ បានខិតខំពន្យល់ណែនាំលោក ជាច្រើនជុំវិញការសម្តែង ព្រោះអ្នកចម្រៀងមិនអាចចេះច្រៀងតែមួយមុខនោះទេ។ ហើយ ចំពោះវ៉ុលដំបូងនៅក្នុងផលិតកម្មWe Production នេះគឺបទរបស់លោកមានតែមួយ បទទេប៉ុន្តែនៅវ៉ុលបន្ទាប់ទៀតនឹង​មានច្រើនបទ។ ហើយមានការច្រៀងរួមគ្នាជាមួយតារា ចម្រៀងប្រុស និង មានជាច្រៀងឆ្លងឆ្លើយដែលមិនធ្វើឲ្យទស្សនិកជនខកបំណងនោះទេ៕L/h

ក្រសួងវប្បធម៌ថា ការស្លៀកបញ្ចេញសាច់លើក្រោម មិនប៉ះពាល់ដល់​សិល្បៈ​វប្បធម៌ខ្មែរ​ទាំងមូលនោះទេ

 ភ្នំពេញ៖ក្រសួងវប្បធម៌ និង​វិចិត្រសិល្បៈ បានអះអាងថា ការស្លៀកពាក់បញ្ចេញ សាច់លើក្រោមរបស់​តារាមិន​ប៉ះពាល់ដល់​សិល្បៈ​វប្បធម៌ខ្មែរទាំងមូលនោះទេ ប៉ុន្តែវាប៉ះពាល់ដល់កិត្តិយសរបស់បុគ្គលខ្លួនឯង​ផ្ទាល់វិញតែម្តង។

 

លោកថៃ នរៈសត្យា រដ្ឋលេខាធិការ និងជាអ្នកនាំពាក្យក្រសួងវប្បធម៌ និង​វិចិត្រសិល្បៈ បានឱ្យហង្សមាស​ដឹងនៅព្រឹកថ្ងៃទី ៣ ខែ មិថុនា ថាតារាស្រីល្បីៗជាច្រើន ដែលស្លៀកពាក់ខ្លីបញ្ចេញសាច់លើក្រោម ការចម្លង​ម៉ូដ ស៊ិចស៊ីរបស់បរទេសមក ស្លៀកពាក់នោះ មិនបានសាបរលៀបដល់​ប្រពៃណីទំនៀម​ទំលាប់ស្លៀកពាក់របស់​ខ្មែរនោះទេ។

លោករដ្ឋលេខាធិការក្រសួងវប្បធម៌ និង​វិចិត្រសិល្បៈ បានមានប្រសាសន៍បែបនេះ ឆ្លើយ តបទៅនឹងការព្រួយបារម្ភ​និងការរិះគន់របស់ប្រជាពលរដ្ឋ តាមបណ្តាញទំនាក់ទំនង​សង្គម​ហ្វេសប៊ុកចំពោះការបង្ហោះ​នូវរូបភាពស្ត្រីខ្មែរ តារា​ស្រីល្បីៗ ដែលស្លៀកពាក់ ម៉ូដរ៉ូបស៊ិចស៊ីរបស់តារាបរទេស ដែលបង្អួតដើមទ្រូងនោះ។

 

តែទោះជាយ៉ាងណាក្តី លោកថៃ នរៈសត្យា បានអប់រំណែនាំដល់ស្ត្រីខ្មែរ រឺតារាស្រីល្បីៗ ឱ្យរក្សានូវកិត្តិយស សេចក្តីថ្លៃថ្នូរ របស់ខ្លួន។

 

 ជាមួយនឹងការលើកឡើងនេះ អ្នកនាង សុខ សុម៉ាវត្តី ពិធីការិនី និងតារាសម្តែង បានបើកចំហរឲ្យមាន​ការរិះគន់​បែបស្ថាបនា កុំរិះគន់បែបជាន់ពន្លិច ធ្វើឲ្យអ្នកសិល្បៈ បាក់ទឹកចិត្ត ។

 

ដោយឡែក លោក សុះ ម៉ាច ប្រធានសមាគមអ្នកសិល្បករខ្មែរ បានសម្តែងនូវក្តីបារម្ភផង​ដែរអំពីវិធីទាក់ទាញ​ប្រជាប្រិយភាពរបស់តារាក្នុង​ពិភព​សិល្បៈ ហើយភ្លេចគិតពី ការរិះគន់ និងផលប៉ះពាល់ដល់​ប្រពៃណីស្ត្រី​ខ្មែរ។

 

លោកក៏បានសំណូមពរដល់តារាខ្មែរ ឱ្យ​គិត​គូរពិចារណាឡើងវិញ ហើយងាកមកមើលគំរូសិល្បការិនីល្អៗមួយចំនួន ដើម្បីលើកកម្ពស់​វប្បធម៌ខ្មែរ និងទាក់ទាញប្រជាប្រិយភាពពីទស្សនិកជន៕

លោកឃុន វត្ថា បេក្ខជនវគ្គជម្រុះចុងក្រោយរបស់កម្មវិធី The Voice Cambodia ចាប់ផ្តើមថតចម្រៀងខារ៉ាអូខេឲ្យ We Production

 

ភ្នំពេញ៖ បេក្ខភាពវគ្គជម្រុះចុងក្រោយ The Voice Cambodia រូបលោក ឃុន វុត្ថា កំពុងតែមមាញឹកសម្រុកថតខារ៉ាអូខេបទចម្រៀងដំបូងរបស់ខ្លួនក្នុងវ៉ុលដំបូងរបស់ផលិតកម្ម We Production ខណៈពេលដែលទស្សនិកជនទន្ទឹងរងចាំអស់រយៈពេលយ៉ាងយូរ។

 

កាលពីថ្ងៃទី 02 ខែមិថុនាម្សិលមិញនេះលោក ឃុន វុត្ថា បានឆ្លៀតពេលផ្តល់បទសម្ភាសន៍ ដល់ទូរទស្សន៍ហង្សមាសបន្ទាប់ពីបាន សម្រាកពីការថតនៅបុរីអ័រគីដេវីឡាបានឲ្យដឹងថា សម្រាប់អាល់ប៊ុមដំបូងដែលត្រៀមចេញលក់ក្នុងពេលឆាប់ៗក្នុងផលិតកម្ម We Production គឺមានចំនួន២បទដែលបទ ទី១ មានចំណងជើងថា «លុបលេខតែមិនលុបស្នេហ៍» និងបទទី ២ «សុំទោសដែលឲ្យអូនចាំ» ដែលសុទ្ធសឹងជាប្រភេទបទមនោសញ្ចេតនា។

 

 តារាចម្រៀងដែលមានស្រុកកំណើតនៅខេត្តព្រៃវែងលោក ឃុន វុត្ថា មានសុទិដ្ឋិនិយមចំពោះ បទចម្រៀងដែលនឹងត្រៀមចេញលើកទី១របស់លោកក្នុងផលិតកម្ម We Production។

 

 លោកបានបន្ដថា៖«សម្រាប់ជំនឿចិត្តក៏ដូចជាការំពឹងទុករបស់ខ្ញុំគឺមានប្រហែលជា ៧០ភាគរយ ប៉ុន្តែដោយ ឡែក ៣០ ភាគរយទៀតទុកឲ្យពុកម៉ែបងប្អូនយើងគាត់វិនិច័្ឆយដោយខ្លួឯង»។

 

 អ្នកចម្រៀងដែលមានស្រុកកំណើតនៅខេត្តព្រៃវែង ដែលលើកយកបទចម្រៀង«មិន ស្រឡាញ់អាណិតធ្វើអ្វី»ក្នុងវគ្គ Blind Audition ក្នុងកមុ្មវិធី The Voice Cambodia ដែលទទួលបាន ៤ កៅអីពីគ្រូបង្វឹក លោក ឃុន វុត្ថា បានបា្រប់ឲ្យដឹងពីថា ការខិតខំប្រឹង ប្រែងរបស់លោកពីមុនមកជាមួយ The Voice Cambodia គឺពិតជាមិនអត់ប្រយោជន៍ទេ គឺឃើញមានផ្លែផ្កាព្រោះពេលនេះលោកអាចមានបទចម្រៀង ខ្លួនឯងដែលកាលពីមុនលើក យកបទចម្រៀងរបស់រៀមច្បងមកច្រៀង៕

 

 

 

 

 

សិស្សបឋម​១០សាលាស្រុកព្រៃឈរខេត្តកំពង់ចាមទទួលការណ្តុះបណ្តាលជំនាញសិល្បៈវប្បធម៌ខ្មែរ

 

ភ្នំពេញ៖មូលនិធិអភិវឌ្ឍន៍អប់រំតាមជនបទនៅកម្ពុជាហៅកាត់ថា (ម...ជ)សហការជា មួយសាកលវិទ្យាល័យ​​ភូមិន្ទ និង​​វិចិត្រសិល្បះបាន​ចុះទៅលើកផែនការ​បណ្តុះបណ្តាល ជំនាញសិល្បៈវប្បធម៌ខ្មែរដល់សិស្ស​ថ្នាក់បឋម​សិក្សាចំនួន​១០សាលាក្នុងស្រុកព្រៃឈខេត្តកំពង់ចាម ដើម្បី​ចូលរួមអភិរក្សនិង​ថែរក្សាតំលៃសិល្បៈវប្បធម៌ខ្មែរឲ្យ​បានគង់វង្ស។

ក្នុងឱកាសចូលរួម ពិធីអបអរសាទរ ទិវាកុមារអន្តរជាតិនៅថ្ងៃទី១មិថុនា ឆ្នាំ២០១៥ នៅសាលាបឋមសិក្សាស្រង៉ែ ស្ថិតនៅឃុំសំរោង ស្រុកពៃឈរ ខេត្តកំពង់ចាម លោកប៉ិច សំរិទ្ធ ប្រធានមូលនិធិអភិវឌ្ឍន៍​អប់រំតាមជនបទ​នៅ​កម្ពុជា  បានប្រាប់​ហង្សមាសថា ការបន្ថែមជំនាញសម្តែងសិល្បៈបុរាណខ្មែរ​ដល់សិស្សនៅថ្នាក់បឋម​សិក្សានេះ គឺជាការចូលរួម អប់រំកូនខ្មែរឲ្យចេះស្រឡាញ់និងមានស្មារតី​លើកស្ទួយ​​វិស័យសិល្បៈវប្បធម៌ខ្មែរ។

លោកបន្តថា សិល្បះដែលយកមកបង្រៀនដល់សិស្សថ្នាក់បឋមសិក្សាក្នុងស្រុក ព្រៃឈរ នេះ មានដូចជា របាំ​ប្រពៃណី របាំប្រជាប្រិយ ល្ខោននិយាយ ការសម្តែង រឿង អប់រំខ្លីៗបែបកប្លែង ចម្រៀងប្រពៃណី និងទំរង់​សិល្បៈ​ផ្សេងៗជាច្រើនទៀត។

លោកបន្ថែមថា ការបង្ហាត់បង្រៀនកុមារឲ្យចេះសម្តែងសិល្បះ គឺបានផ្តល់ប្រយោជន៍យ៉ាងច្រើនដល់ពួកគេ​ក្នុងការបង្កើនប្រាជ្ញាស្មារតីវៀងវៃ  សុខភាពមាំមួន ចេះសាមគ្គីគ្នា មាន ភាពរីករាយក្នុងជីវិតព្រមទាំងអាចចាប់​យកជំនាញអាជីពមួយ​សម្រាប់ស្វែងរកថវិកាក្នុង ការទ្រ ទ្រង់ជីវភាពគ្រួសារផងដែរ 

លោកប៉ិច សំរិទ្ធបានបន្ដថា៖“ ការធ្វើនេះ មានការចូលរួមយ៉ាងសកម្មលោក គ្រូអ្នកគ្រួ សិស្សា នុ ស្សដោយពួកគេ​ចង់ដឹងចង់ស្គាល់ពីវប្បធម៌របស់យើង និងខិតខំហាត់រៀនយ៉ាងសកម្ម….. ខណៈ ដែលសព្វថ្ងៃនេះ យើងស្ទើរតែ​បាត់អស់ហើយ​វប្បធម៌ខ្មែរ ដូច្នេះយើងត្រូវគាស់ ក កាយ ឡើវិញ

លោក អន បញ្ញា ប្រធានមជ្ឈមណ្ឌលស្រាវជ្រាវ វប្បធម៌វិទ្យាសាស្រ្ត នៃសាកលវិទ្យាល័យ ភូមិន្ទវិចិត្រសិល្បះ បានមានប្រសាសន៍ថា មន្រ្តីក្រសួងវប្បធម៌ មានតួនាទី បង្ហាត់បង្រៀន មុខវិជ្ជាសិល្បៈនេះដល់កុមារនៅ​ថ្នាក់ប​ឋមសិក្សា 

 សំភាសន៍លោក អន បញ្ញា៖យើងបានសហការជាមួយ អង្កការមូលនិធិអប់រំតាមជនបទ  នៅកម្ពុជាដោយ​គាត់ឧបត្តមថវិកា​ ដើម្បីរៀបចំការបណ្តុះបណ្តាលសិល្បះនេះឡើង ហើយវាក៏ កើតចេញពីការចូលរួមពីប្រធាន​កំរងសាលាបឋមសិក្សាស្រុកព្រៃឈរផងដែរ  ក្នុងគោលបំណង ផ្សព្វផ្សាយវឲប្បធម៌តាមរយៈសិស្សានុសិស្សនៅ​សាលាបឋមសិក្សារបស់ក្រសួងអប់រំ” 

លោកស្រី កុយ ផលសេដ្ឋាប្រធានកម្រងសាលាបឋមសិក្សាស្រុកព្រៃឈរ បាន  ស្វាគមន៍ចំពោះការជួយ​បណ្តុះ​បណ្តាលជំនាញ​សិល្បៈវប្បធម៌ខ្មែរដល់សិស្សសាលានៅខេត្តកំពង់ចាមនេះ ដែលវាជួយឲ្យសិស្សមាន​ជំនាញពិតបន្ថែម​មួយទៀត។

លោកស្រី កុយ ផលសេដ្ឋាសង្ឃឹមថា  ការចុះមកជួយបណ្តុះបណ្តាល  ជំនាញសិល្បៈ វប្បធម៌ខ្មែរដល់សិស្ស​សាលា​នេះ​ នឹងជួយឲ្យខេត្តកំពង់ចាម សំបូរដោយធនធានមនុ ស្សលើ ជំនាញសម្តែងផ្នែកសិល្បៈវប្បធម៌ខ្មែ​រដែលជួយ​បង្កើនកេរ្តិ៍ឈ្មោះរបស់ខេត្តនេះបន្ថែមទៀត៕

នាយក្រឹមផ្តាំទៅសិល្បករស្រករក្រោយកុំឲ្យមានមោទនភាពលើខ្លួនពេក

 

ភ្នំពេញ៖    តារាកំប្លែងដែលមានប្រជាប្រិយភាពតាំងពីទស្សវត្សឆ្នាំ៨២ នាយក្រឹមដែលមានឈ្មោះ ពិតថា អ៊ូ ប៊ុណ្ណារ៉ាត់ បានផ្តាំផ្ញើទៅសិល្បករស្រករក្រោយទាំងអស់កុំឲ្យមានមោទនភាពហើយ ប្រកាន់ឫកខ្លាំងពេក។

លោក អ៊ូ ប៊ុណ្ណារ៉ាត់ ដែលទស្សនិកបានស្គាល់គ្រប់គ្នាថាជា នាយក្រឹមបានឆ្លៀតពេលផ្តល់បទ​សម្ភាសន៍នៅពេលដែលលោកកំពុងថតចម្រៀងខារ៉ាអូខេបទថ្មីរបស់កញ្ញា ឱក សុគន្ធកញ្ញា ដែលមានចំណងជើងថា«ឌិប ឌិប អ៊ួយ» របស់ផលិតកម្មហង្សមាសបានប្រាប់អ្នកយក ព័ត៌មានទូរទស្សន៍ហង្សមាសឲ្យដឹងថា សិល្បករសិល្បការិនីទាំងអស់មិនថាកំប្លែង មិនថា តារាសម្តែង ឬ តារាចម្រៀងទេនៅពេលដែលល្បីសូមកុំវាយចរិកឆ្មើងឆ្មៃដាក់ទស្សនិកជន និង រៀមច្បងក្នុងវិស័យសិល្បៈ និង​ មានមោទនភាពលើខ្លួនឯងជ្រុលពេក។

លោកបានបន្ដថា៖”សូមផ្តាំផ្ញើទៅសិល្បៈករសិល្បៈការិនីទាំងអស់ទោះជាកំពុងល្បីឬក៏មិនល្បីក៏ដោយអត្ថចរិកជារឿងសំខាន់ណាស់ព្រោះវាអាចធ្វើឲ្យគេអាណិតស្រឡាញ់យើង។អ្នកខ្លះកំពុងល្បីតែមានចរិកឈ្លើយ ឆ្មើងឆ្នៃ វាយ‍ឫក ដាក់អ្នកគាំទ្រ និង រៀមច្បងនោះនឹងល្បីលឿនតែក៏ធ្លាក់ទៅវិញ លឿន​ដូចគ្នាប្រៀបដូចភ្លើងចម្បើងអញ្ចឹងឆេះមួយភ្លែត នឹងរលត់ទៅវិញសូមកុំមោទនភាពលើ ខ្លួនឯងជ្រុលពេក។

ចំណែកឯលោក សុះ ម៉ាច ប្រធានសមាគមអ្នកសិល្បៈ បានផ្តល់បទសម្ភាសន៍តាមរយៈ ទូរស័ព្ទឲ្យដឹងផងដែរថា លោកគាំទ្រចំពោះការលើកឡើងរបស់នាយក្រឹមព្រោះជាការពិត​ណាស់អ្នកសិល្បៈដើម្បីរក្សានូវប្រជាប្រិយភាពឲ្យបានយូរ។យើងមិនត្រូវប្រកាន់នូវចរិកឫកពារ ឆ្មើងឆ្មៃចំពោះអ្នកសិល្បៈដូចគ្នាឬក៏មហាជននោះទេ ព្រោះយើងជាមនុស្សរបស់មហាជន យើងល្បីដោយសារមហាជន។

ប្រធានសមាគមអ្នកសិល្បៈរូបនេះបានលើកឡើងបន្តទៀតថា លោក ទេព រិន្ទដារ៉ូ ជាសិល្បៈ គំរូម្នាក់សម្រាប់សិល្បករទូទៅដែលរក្សាបានប្រជាប្រិយភាព និង កេរ្តិ៍ឈ្មោះបានល្អម្នាក់ក្នុង វិស័យសិល្បៈ។ផ្ទុយទៅវិញ លោកបានសង្កេតឃើញសិល្បករស្រករក្រោយមួយចំនួនតូច ពេលដែលគាត់ជួបរៀមច្បងសឹងតែឲ្យរៀមច្បងសំពះជម្រាបសួរគាត់មុន អ្នកខ្លះអត់ហ៊ានទេ គ្រាន់តែការលើកដៃសំពះបែរជាងោកក្បាលទៅវិញ ដែលនេះជាអាកប្បករិយាដែលមិនគួរ គប្បីមួយ។

លោក សុះ ម៉ាច បានបន្ថែមឲ្យដឹងទៀតថា ការលើកឡើងរបស់នាយក្រឹមនេះគឺជាការដាស់​អារម្មណ៍មួយដល់សិល្បៈករខ្មែរយើង ព្រោះសិល្បៈករមួយចំនួនលោកសង្កេតឃើញថា គាត់ កំពុងតែមោទនភាពខ្លាំងនូវអ្វីដែលគាត់បានធ្វើហើយភ្លេចខ្លួន គាត់មើលមករៀមច្បង មើលមកអ្នកសិល្បៈដូចជាតូចទាបជាងគាត់ គឺគាត់ហាក់ប្រកាន់នូវចរិកមួយគឺឆ្មើងឆ្មៃ។

កន្លងមកនេះមានការលើកឡើងជារឿយៗផងដែរថា អ្នកសិល្បៈមួយចំនួននូវពេលដែលល្បី ហើយគឺតែងតែមិនគោរពតាមពេលវេលាម៉ោងអ្នករៀបចំកម្មវិធី ឬ អ្នកដឹកនាំបានកំណត់ តែងតែមកយឺត ឬ ធ្វើឲ្យមានការរងចាំ និង ខាតពេលវេលារបស់ក្រុមការងារដោយសារតែ​គេម្នាក់

ក្រុមអ្នកលក់ផ្ទំាងគំនូរនៅតំបន់អង្គរត្អូញត្អែរពីប្រាក់ចំណូលធ្លាក់ចុះ

ខេត្តសៀមរាប៖ អ្នកលក់ផ្ទំាងគំនូរនៅតំបន់អង្គរ បានត្អូញត្អែរពីការធ្លាក់ចុះប្រាក់ចំណូលរបស់ខ្លួន ជាបន្តបន្ទាប់ ជាពិសេសការធ្លាក់​ ចុះនៅក្នុងខែឧសភា ឆ្នាំ២០១៥, នេះបើធៀបទៅនឹងឆ្នំា២០១៤ ឃើញថា កាលនោះមានចំណូលគ្រាន់បើ។

 

លោក ទិត ផល្លី ជាងគំនូរ និងជាអ្នកលក់ផ្ទាំងគំនូរ បានប្រាប់ទូរទស្សន៍ហង្សមាសថា គ្រួសាររបស់លោកបានចាប់យកមុខរបរ​ លក់ផ្ទំាងគំនូរនេះជាយូរមកហើយ ដែលវាអាចធ្វើឲ្យជីវភាពគ្រួសាររបស់លោកមានការធូរធារជាងមុន។ ការលក់ផ្ទំាងគំនូរនេះ ​ មានតម្លៃចាប់ពី៥ដុល្លារឡើងទៅ, លក់ដាច់ជាងគេ គឺគំនូរប្រាសាទបុរាណ, ទេសភាពស្រុកស្រែ និងជីវភាពរស់នៅរបស់​ ប្រជាពលរដ្ឋខ្មែរ។

 

កាលពីខែឧសភា ឆ្នាំ២០១៤រូបគាត់ អាចលក់ផ្ទាំងគំនូរ បានរហូតដល់២ពាន់ដុល្លារ ប៉ុន្តែនៅខែឧសភា ឆ្នាំ២០១៥ ​ នេះ លក់បានតែប្រហែល១ពាន់ ប៉ុណ្ណោះ។​

 

លោក ពត បញ្ញា ជាងគំនូរ និងជាអ្នកលក់ផ្ទំាងគំនូរនៅតំបន់អង្គរនេះដែរ បាននិយាយថា រូបគំនូររបស់លោកក៏លក់មិនសូវដាច់ដែរ ​ នៅក្នុងខែឧសភាឆ្នាំ២០១៥នេះ ប្រហែលជាបណ្តាលមកពីស្ថានភាពភ្ញៀវមានការធ្លាក់ចុះ និងអ្នក បើករបរលក់ផ្ទំាងគំនូរនេះមានចំនួន​ ច្រើនជាងមុន៕

សាលាតូរ្យតន្រ្តីបច្ចឹមប្រទេសដំបូងគេនៅកម្ពុជាបានជួយផ្តល់អាជីពដល់កូនខ្មែរ

 

ភ្នំពេញ៖សាលាតូរ្យតន្រ្តីស៊ីមហ្វូនីជាសាលាដំបូង និង តែមួយគត់នៅកម្ពុជានឹងផ្តល់ការអប់រំលើផ្នែក តន្រ្តីបែបបច្ចឹមប្រទេសតាមស្តង់ដាអន្តរជាតិមួយ និង អាចជួយផ្តល់អាជីពច្បាស់លាស់ផ្នែក តូរ្យតន្រ្តីដល់កូនខ្មែរ។

កញ្ញា វីន គីតម៉ី តំណាងឲ្យកញ្ញា Eden Chung នាយកផ្នែកតន្រ្តីនៃសាលាតូរ្យតន្រ្តីស៊ីមហ្វូនី បានផ្តល់បទសម្ភាសន៍ដល់អ្នកយកព័ត៌មានទូរទស្សន៍ហង្សមាសតាមរយៈទូរស័ព្ទនៅព្រឹកថ្ងៃទី ២៨ ខែឧសភានេះបានប្រាប់ឲ្យដឹងថា នៅពេលដែលបញ្ចប់ការសិក្សាគឺសាលានឹងមាន រៀបចំការប្រឡងដើម្បីវាស់ស្ទង់អំពីសមត្ថភាពរបស់សិស្ស ហើយសិស្សដែលមាន​សមត្ថភាព ខ្ពស់អាចឈានទៅប្រឡងជាមួយអន្តរជាតិ និង ទទួលបានជំនាញពិតប្រាកដដែលអាច បង្កើតជាក្រុមតន្រ្តីសម្រាប់ប្រគុំតាមកម្មវិធីផ្សេងៗជាដើម។

កញ្ញាបានឲ្យដឹងទៀតថា សាលាតូរ្យតន្រ្តីស៊ីមហ្វូនីនឹងខិតខំផ្តល់ការអប់រំ​ស្តង់ដាអន្តរជាតិ លើផ្នែកតូរ្យតន្រ្តីដើម្បីឲ្យកម្ពុជាមានវត្តមាននៅលើឆាកអន្តរជាតិ បន្ថែមពីនេះ សាលានឹងផ្តល់ វគ្គសិក្សាផ្នែកតូរ្យតន្រ្តីខុសៗគ្នា ជាច្រើនដូចជាមេរៀនឯកជនអំពីឧបករណ៍តន្រ្តី ទ្រឹស្តីអំពី តន្រ្តី ក្រុមតន្រ្តី និង មេរៀនអំពីសិល្បៈតាមបែបបច្ចឹមប្រទេស និង ពិសេសគឺផ្តល់អាជីព ដ៏ជំនាញមួយដល់អ្នកដែលបានឆ្លងកាត់ការសិក្សាព្រោះគ្រូសុទ្ធតែជាអ្នកជំនាញខាងតូរ្យតន្រ្តីមកពីបរទេស។

អ្នកតំណាងឲ្យនាយកផ្នែកតន្រ្តីនៃសាលាតូរ្យតន្រ្តីស៊ីមហ្វូនី បានឲ្យដឹងទៀតថាសាលាតូរ្យតន្រ្តី ស៊ីមហ្វូនីមានបង្រៀនតន្រ្តីក្លាស៊ិកនៃប្រទេសភាគខាងលិច និង​តន្រ្តីប៉បជាដើមដែលមាន បង្រៀនឧបករណ៍ដូចជា ព្យាណូ ហ្គីតា​ វីយ៉ូឡុង ស្គរទោល ព្យាណូដៃបួនជាដើម។ លើសពីនេះទៀត សាលាមិនបង្រៀនតែក្នុងសាលាតែប៉ុណ្ណោះទេ គឺមានបង្កើតកម្មវិធីតន្រ្តី ផ្សេងៗដោយសហការជាមួយសាលាភូមិន្ទវិចិត្រ​សិល្បៈ ដើម្បីប្រមូលមូលនិធិដើម្បីជួយដល់ អង្គការនានា និង មានបើកជាសិក្ខាសាលាដែលបើកឱកាសឲ្យកូនសិស្សដែលមាន ចំណងចំណូលចិត្តផ្នែកតន្រ្តីបានចូលរួម។

លោក ហាប់ ទូច អគ្គនាយកបច្ចេកទេសវប្បធម៌នៃក្រសួងវប្បធម៌ និង វិចិត្រសិល្បៈបាន មានប្រសាសន៍ថា ក្នុងនាមឯកឧត្តមជាអ្នកជំនាញម្នាក់ខាងសិល្បៈឯកឧត្តមសូមកោត​សរសើរ និង វាយតម្លៃខ្ពស់ចំពោះសាលាតូរ្យតន្រ្តីស៊ីមហ្វូនីដែលបានខិតខំចូលរួមចំណែក ក្នុងការអភិវឌ្ឍនសិល្បៈវប្បធម៌នៅកម្ពុជា។

 

លោកហាប់ទូចបានបន្ដថា«ខ្ញុំសូមលើកទឹកចិត្តទៅដល់សាលាតន្រ្តីនិងសិល្បៈគំនូរស៊ីមហ្វូនីនេះឲ្យខិតខំបន្តដើម្បីចូលរួមចំណែកបន្តទៀតជាមួយរាជរដ្ឋាភិបាលក្នុងការកសាងធនធានមនុស្ស និង វិស័យសិល្បៈ វប្បធម៌ជាតិនេះស្របទៅតាមគោលនយោបាយជាតិស្តីអំពីវិស័យវប្បធម៌និងការលើកកម្ពស់វិស័យសិល្បៈវប្បធម៌នៅប្រទេសកម្ពុជាយើង។»

គួរបញ្ជាក់ឲ្យដឹងផងដែរថា សាលាតូរ្យតន្រ្តីស៊ីមហ្វូនីបានបង្កើតឡើងនៅពាក់កណ្តាលឆ្នាំ ២០១០ ជាសាលាដំបូងគេ និង តែមួយគត់នៅភ្នំពេញដែលបង្រៀនចាប់ពីសិស្សចំនួន ១៥ នាក់រហូតដល់បច្ចប្បន្នមានសិស្សរហូតដល់ ៥០០ នាក់ ។ហើយគោលបំណងនៃការបង្កើត​សាលានេះគឺដោយសារតែខស្ថាបនិកសាលាមើលឃើញណានៅប្រទេសកម្ពុជាយើងនៅមិនទាន់មានសាលាតូរ្យតន្រ្តីណាមួយដែលបង្រៀនជាលក្ខណៈស្តងដាអន្តរជាតិនៅឡើយ

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

ព័ត៌មានជាតិ​ពេល​យប់​


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2