vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិល្បៈកម្សាន្ត

ក្រសួងអប់រំប្រកាសការពង្រឹងសុវត្ថិភាពរបស់សិស្សសាលាក្រោយពីមានការចាប់សិស្ស

ភ្នំពេញ៖ក្រសួងអប់រំបានចេញសេចក្ដីប្រកាសព័ត៌មាន ស្ដីពី ការពង្រឹងសុវត្ថិភាពរបស់សិស្សសាលានិងបានអំពាវនាវអោយសាលារៀនសហការជាមួយសមត្ថិកិច្ចនិងអាណាព្យាបាលសិស្សត្រូវរាយការណ៍បន្ទាន់។នេះបើតាមការសេចក្ដីប្រកាសរបស់ក្រសួងនៅថ្ងៃនេះ។ក្រសួងអប់រំ យុវជន និងកីឡា សូមជម្រាបថា ក្រសួង និងអាជ្ញាធរមានសមត្ថកិច្ច បានតាមដានយ៉ាងយកចិត្តទុកដាក់ ព្រមទាំងបានតៀមលក្ខណៈក្នុងការធ្វើអន្តរាគមន៍ឱ្យបានទាន់ពេលវេលា ក្នុងករណីមានសេចក្ដីរាយការណ៍ពីសកម្មភាពសង្ស័យផ្សេងៗ ដែលនឹងឈានទៅធ្វើសកម្មភាពចាប់សិស្សសាលាជាក់ស្ដែង កើតមានឡើង។ សូមរាយការណ៍រាល់សកម្មភាពសង្ស័យតាមរយៈលេខទូរស័ព្ទ ៖
- ខែ្សទីមួយ ៖ ០៣១ ២០ ១២៣៤៥
- ខែ្សទីពីរ ៖ ០៣១ ៦០ ១២៣៤៥៕

 

អគារប៊ូឌីងសនឹងវាយកម្ទេចចោលក្នុងសប្តាហ៍នេះដោយក្រុមហ៊ុនជប៉ុនARAKAWA

ភ្នំពេញ៖ ក្រុមហ៊ុនជប៉ុនARAKAWA សហការជាមួយក្រសួងរៀបចំដែនដីនគរូបនីយ៍កម្មនិងសំណង់ នឹងចាប់ផ្តើមវាយកម្ទេចចោលសំណង់អគារប៊ូឌីងស ចាស់ចោលក្នុងសប្តាហ៍នេះបន្ទាប់ពីប្រជាពលរដ្ឋ ៤៩២គ្រួសារបានទទួលយល់ព្រមយកលុយពីក្រុមហ៊ុន១៤០០ដុល្លាក្នុង១ម៉ែត្រការ៉េ។
​ក្នុងពិធីក្រុងពាលីបួងសួងសុំសេចក្តីសុខដើម្បីវាយចោលនៃអគារប៊ូឌីងស នាព្រឹកថ្ងៃទី១៧ ខែ​ កក្តដា ឆ្នាំ២០១៧ ​នៅលើដំបូលអគារប៊ូឌីងស លោក បេង ហុងសុជាតិខេមរ៉ូ អគ្គនាយកលំនៅដ្ឋាន នៃក្រសួងរៀបចំដែនដីនគរូបនីយ៍កម្មនិងសំណង់ បានថ្លែងថា “ក្នុងសប្តាហ៍នេះ ក្រុមហ៊ុនជប៉ុន ARAKAWA ដែលវិនិយោគមានទឹកប្រាក់រហូតដល់៨០លានដុល្លា នឹងធ្វើការវាយអគារចាស់នេះ ក្នុង សប្តាហ៍នេះ”។

លោក បន្តថា នៅថ្ងៃទី១៧នេះ ក្រុមហ៊ុនចាប់ផ្តើមហុំព័ទ្ធរបង ជុំវិញអគារ ដើម្បកុំ អោយមានការរំខានទៅដល់ប្រជាពលរដ្ឋរស់នៅជុំវិញតំបន់ប៊ូឌីងស និងអ្នកដំណើរឆ្លងកាត់។
​ចំពោះការវាយអគារប៊ូឌីងស ដោយនេះ លោកអគ្គនាយករូបនេះ បានបញ្ជាក់ថា ក្រុមហ៊ុន គេនឹងប្រើប្រាស់នូវគ្រឿងចក្រទំនើប សំរាប់ការវាយអគារនេះចោល ដោយមិនអោយមានការរំខាន ជាសំលេង ឬធ្វើអោយមានប៉ះពាលដល់បរិស្ថាននោះទេ និងប្រើរយៈពេល៤ខែ ដើម្បីធ្វើអោយរួចរាល់។ ចំពោះកម្ទេសសំណង់ ក្រុមហ៊ុនគេនឹងដឹកយកទៅចោលនៅតំបន់ក្រៅក្រុង។
​ទោះបីជាមានការកំណត់ជាក់លាក់ នៃការវាយកម្ទេចចោលនូវអគារប៊ូឌីងសនេះយ៉ាងណាក៏ ដោយ ក៏នៅមាន៥ ឬ៦គ្រួសារទៀត​ ដែលមិនទាន់បានចាកចេញនោះទេ។

ចំពោះបញ្ហានេះ លោក សេង ឡូត អ្នកនាំពាក្យក្រសួងរៀបចំដែនដីនគរូបនីយ៍កម្មនិងសំណង់ បានអោយ ដឹងថា ក្នុងចំណោមប្រជាពលរដ្ឋ៤៩២គ្រួសារដែលរស់នៅអគារប៊ូឌីងសនេះ គឺបានយល់ព្រមក្នុងការលក់តម្លៃ១៤០០ដុល្លា ១ម៉ែត្រការ៉េរួចហើយ។ ចំពោះ៥ ឬ៦ គ្រួសារដែលមិនទាន់ចាកចេញនេះ ដោយសារពួកមិនទាន់បានរកទិញកន្លែងថ្មីបាន តែយ៉ាងណាពួកគាត់បានចុះកិច្ចសន្យាយល់ព្រម ក្នុងតម្លៃនេះអស់ហើយ គឺ១០០% យល់ព្រមចាកចេញ។
ការដែលក្រសួងនិងក្រុមហ៊ុន ដាក់កំណត់នៃការវាយអគារសហកម្មសិទ្ធិនេះចោល លោក សេង ឡូត បញ្ជាក់ថា ទី១ប្រជាពលរដ្ឋ ១០០%បានសម្រេចចិត្តទទួលយកតម្លៃ១៤០០ដុល្លាក្នុង១ម៉ែត្រការ៉េ ទី២ អគារនេះមានសភាពចាស់ទ្រុឌទ្រោម ប្រឈមនឹងការបាក់ធ្លាក់ចុះ ទី៣ ក្រុមហ៊ុនតម្រូវការសាងសង់អោយបាន​ឆាប់រហ័ស ដើម្បីចូលរួមអភិវឌ្ឍន៍វិស័យសំណង់។
លោក ភី សុភាព ប្រជាពលរដ្ឋដែលស្នាក់នៅជាន់ទី២នៃអគារប៊ូឌីងស ដែលមិនទាន់បានចាកចេញ បានប្រាប់ថា ពួកគាត់នឹងចាកចេញនៅសប្តាហ៍នេះដែរ ទៅរស់នៅស្រុកកំណើត ក្នុងខេត្តតាកែវ។

លោកបញ្ជាក់ថា លុយតិចពេក​មិនអាចរកទិញផ្ទះបានទេនៅភ្នំពេញ ដូច្នេះត្រូវបង្ខំចិត្តទៅរស់នៅ ស្រុកកំណើត​ហើយយកលុយ ប្រកបរបបតិចតូចនៅស្រុក។
ចំពោះការវាយអគារនេះ ទូរទស្សន៍ហង្សមាសមិនអាចសុំការបភ្លឺលំអិតពីបញ្ហាវាយអគារនេះបានទេ ថ្ងៃនេះ។ សូមបញ្ជាក់ថា គម្រោងអភិវឌ្ឍន៍អគារប៊ូឌីងស គឺ​ក្រុមហ៊ុនជប៉ុន Arakawa គ្រោងចំណាយថវិកាប្រមាណ៨០លានដុល្លា នៃការសង់អគារថ្មីមានកម្ពស់២១ ជាន់៕

មន្ដ្រី៖"កម្មវិធីផ្តល់អាហារតាមសាលារៀននឹងបញ្ចប់នៅត្រឹមឆ្នាំ២០២១"

ខេត្តសៀមរាប៖តំណាងអង្គការស្បៀងអាហារពិភពលោកប្រចំានៅកម្ពុជាបានអះអាងថា កម្មវិធីផ្តល់អាហារតាមសាលារៀនដែលជាជំនួយរបស់អង្គការស្បៀងអាហារពិភពលោកនិងត្រូវបញ្ចប់នៅត្រឹមឆ្នំា២០២១ដោយប្រគល់កម្មវិធីនេះទៅឲ្យរាជរដ្ឋាភិបាលកម្ពុជាជាអ្នកគ្រប់គ្រងទំាងស្រុងវិញ។
ថ្លែងនៅក្នុងកិច្ចប្រជុំថ្នាក់ជាតិស្តីពីកម្មវិធីស្បៀងអាហារតាមសាលារៀននៅខេត្តសៀមរាបនៅព្រឹកថ្ងៃទី១៤ខែកកដ្កានេះលោកស្រី Francesca Erdelmann នាយករងនៃអង្គការស្បៀងអាហារពិភពលោកបានមានប្រសាសន៍ថា៖" កម្មវិធីស្បៀងអាហារពិភពលោកនៃអង្គការសហប្រជាជាតិ បានជួយប្រទេសកម្ពុជាតាំងពីឆ្នាំ១៩៧៩ ដើម្បីសង្រ្គោះដល់ប្រជាជនក្រីក្រ ជួបបញ្ហាអត់ឃ្លាន និងអសន្តិសុខស្បៀង"។ ចំពោះកម្មវិធីស្បៀងអាហារតាមសាលារៀន រួមមានកម្មវិធីអាហារពេលព្រឹក កម្មវិធីអាហារូបករណ៍សិស្សជាស្បៀងនិងអាហារូបករណ៍សិស្សជាសាច់ប្រាក់បានចាប់អនុវត្តតាំងពីឆ្នាំ១៩៩៩ក្នុងគោលបំណងបង្កើនជាសំណាញ់សុវត្ថិភាពសម្រាប់កុមារមកពីគ្រួសារងាយរងគ្រោះបំផុត ដែលកំពុងប្រឈមនឹងអសន្តិសុខស្បៀង។

កម្មវិធីស្បៀងអាហារនៅតាមសាលារៀន បានជួយឱ្យកុមារបំបាត់ភាពស្រេកឈ្លានរយៈពេលខ្លី និងទទួលបានការរៀនសូត្របានល្អ បង្កើនវត្តមាននៃការសិក្សារបស់សិស្ស កាត់បន្ថយការបោះបង់ការសិក្សា និងបង្កើនអត្រាបញ្ចប់ការសិក្សានៅកម្រិតបឋមសិក្សា។កម្មវិធីនេះបានរួមចំណែកពង្រឹងគុណភាពអប់រំនៅតាមមូលដ្ឋាន និងសាលារៀនគោលដៅនានា លើការប្រមូលកុមារឱ្យចូលរៀន គុណភាពនិងប្រសិទ្ធភាពនៃការបង្រៀននិងរៀន និងការចូលរួមរបស់សហគមន៍ស្របតាមគោលនយោបាយសាលាកុមារមេត្រីផែនការយុទ្ធសាស្រ្តអភិវឌ្ឍន៍ជាតិ ផែន ការយុទ្ធសាស្រ្តវិស័យអប់រំ។
លោកស្រីបានបញ្ជាក់ថា៖" កម្មវិធីស្បៀងអាហារតាមសាលារៀនដែលជាជំនួយរបស់អង្គការស្បៀងអាហារពិភពលោក និងបញ្ចប់គម្រោងរបស់ខ្លួនត្រឹមឆ្នំា២០២១ដោយប្រគល់កម្មវិធីនេះទៅឲ្យរាជរដ្ឋាភិបាលកម្ពុជាជាអ្នកគ្រប់គ្រងទំាងស្រុងវិញ"។លោកស្រីពន្យល់ថា មូលហេតុនៃការបញ្ចប់គ្រោងនេះ គឺដោយសារមើលឃើញថា បច្ចុប្បន្ននេះជីវភាពរស់នៅរបស់ប្រជាពល រដ្ឋកម្ពុជាមានភាពល្អប្រសើរជាងមុន រីឯអត្រាភាពក្រីក្រក៍មានការថយចុះមកនៅត្រឹម១៣%ស្ថានការចូលរៀនរបស់កុមារនៅកម្ពុជាក៍ខ្ពស់មានរហូតដល់ប្រមាណ៩០% ចំពោះរាជរដ្ឋាភិបាលក៍មានភាពរឹងមំាដែលអាចធ្វើឲ្យវិស័យអប់រំនៅកម្ពុជាមានការរីកចំរើនបាន។
លោកអ៊ីន វីរជាតិ រដ្ឋលេខាធិការទទួលបន្ទុកទីស្តីការគណៈរដ្ឋមន្រ្តីបានថ្លែងអំណរគុណយ៉ាងជ្រាលជ្រៅចំពោះដៃគូអភិវឌ្ឍទាំងអស់ ពិសេសកម្មវិធីស្បៀងអាហារពិភពលោក របស់អង្គការសហប្រជាជាតិប្រចាំនៅកម្ពុជា ដែលបានរួមចំណែកជាមួយរាជរដ្ឋាភិបាល ជួយបណ្តុះបណ្តាលនិងអភិវឌ្ឍធនធានមនុស្សក្នុងការជួយធ្វើឱ្យសម្រេចគោលដៅជាច្រើនសម្រាប់ វិស័យអប់រំនៅកម្ពុជា។
លោកបានបញ្ជាក់ថា៖ ផ្អែកតាមលទ្ធផលនិងមេរៀនពិសោធជាច្រើន ទាក់ទងនឹងកម្មវិធីស្បៀងអាហារនៅតាមសាលារៀន ក្រសួងអប់រំ យុវជន និងកីឡា នៅតែចាត់ទុកជាកម្មវិធីអាទិភាពមួយដ៏សំខាន់ រួមចំណែកជួយដល់កុមារក្នុងសហគមន៍ក្រីក្រ ក្នុងការលើកកម្ពស់ការចូលរៀន និងការទទួលបានគុណភាពពីការរៀន ផ្តល់លទ្ធភាព ដល់កុមារទាំងនោះបានបញ្ចប់ការសិក្សានៅបឋមសិក្សា និងឈានទៅបន្តការសិក្សានៅមធ្យមសិក្សា។ ហើយចំពោះកម្មវិធីស្បៀងអាហារតាមសាលារៀនដែលជាជំនួយរបស់អង្គការស្បៀងអាហារពិភពលោកដែលនិងបញ្ចប់គម្រោងរបស់ខ្លួនត្រឹមឆ្នំា២០២១ខាងមុខនេះរាជរដ្ឋា​ភិបាលកម្ពុជានិងបន្តអនុវត្តកម្មវិធីប្រកបដោយភាពជោគជ័យបន្តទៀត៕

ទាហានខេត្ដកំពង់ធំ២០០នាក់ត្រូវពិនិត្យទឹកនោមរកសារធាតុញៀនដើម្បីបង្ហាញភាពស្អាតស្អំ

ខេត្តកំពង់ធំ៖ទាហានខេត្ដកំពង់ធំ២០០នាក់ត្រូវពិនិត្យទឹកនោមរកសារធាតុញៀនដើម្បីបង្ហាញភាពស្អាតស្អំនិងធ្វើជាពលរដ្ឋគំរូ។នេះបើតាមមន្ដ្រីបញ្ជាការដ្ឋានតំបន់ប្រតិបត្តិការសឹករងកំពង់ធំបានអោយដឹងនៅក្នុងពិធី បើកកិច្ចប្រជុំបូកសរុបលទ្ធផលការងារយោធាឆមាសទី១ និងលើកទិសដៅ សម្រាប់ឆមាសទី២ ឆ្នាំ២០១៧។

លោកវរសេនីទោ អូរឆេងកន បានថ្លែងថា៖រៀងរាល់ឆ្នាំ បញ្ជាការដ្ឋានតំបន់ប្រតិបត្តិការសឹករងកំពង់ធំ តែងតែបើកសិក្ខាសាលា ប្រជុំបូកសរុបលទ្ធផលការងារដែលបានអនុវត្ត សម្រេចបានក្នុងឆមាសនីមួយៗ ដើម្បីវាយតំលៃលើចំនុចខ្លាំង និងចំនុចខ្សោយ និងដកស្រងយកនូវបទពិសោធន៍ ការរិះរកវិធានការ ដាក់ចេញសម្រាប់អនុវត្តបន្ត ដោយមានការឯកភាពពីឯកឧត្តម មេបញ្ជាការយោធាភូមិភាគទី៤ និងលោកមេបញ្ជាការតំបន់ប្រតិបត្តិការសឹករងកំពង់ធំ ក្នុងឆមាសទី១ កាលពីព្រឹកថ្ងៃទី១៣ខែកក្តដាឆ្នាំ២០១៧នេះ។

លោកឧត្តមសេនីយត្រី សោមស៊ុន មេបញ្ជាការតំបន់ប្រតិបត្តិការសឹកកំពង់ធំ បានលើកយករបាយការដែសម្រេចបានលទ្ធផលជោគជ័យក្នុងឆមាសទី១ ជាគោលដៅរបស់រាជរដ្ឋាភិបាល ជាពិសេសសហការរក្សាសន្តិសុខ សណ្តាប់ធ្នាប់ និងសុវត្តិភាពមូលដ្ឋាន ក្នុងនោះមានការចូលរួមបង្រ្កាបបទល្មើស ជលផល ការហ្វឹកហ្វឺនរៀនសូត្រ បំប៉ន់យុទ្ធវិធីយុទ្ធដំណើរ និងវិន័យសណ្តាប់ធ្នាប់ដល់កងកម្លាំង ដើម្បីត្រៀមកម្លាំងសម្រាប់ចល័តតាមបញ្ជារបស់ថ្នាក់លើ និងត្រៀមកម្លាំងសម្រា​ប់ជួយសង្រ្គោះប្រជាពលរដ្ឋ ជួបគ្រោះមហន្តរាយ ក្រៅពីការងារស្នូលរបស់អង្គភាព តំបន់ប្រតិបត្តិការសឹករងកំពង់ធំ បានសហការជាមួយនិងអន្តរជាតិ រួមទាំងចង់ សម្ព័ន្ឋមេត្រីភាព ជាមួយបញ្ជាការដ្ឋានយោធាទីក្រុងហូជីមិញ យោធាខេត្តដុងណាយ សាធារណៈរដ្ឋសង្គមនិយម វៀតណាម និងទទួលបានការជួយឧបត្ថម្ភ សាងសង់អាគារមេបញ្ជាការ អាគារផ្ទះភ្ញៀវ អាគារសាលប្រជុំ និងអាគារគិលានដ្ឋាន រួមទាំងអគារជាច្រើនទៀត ។
លោកបន្តថា៖ក្រៅពីការងារអង្គភាពស្នូល គឺបានជម្រុញឲ្យមានកិច្ចសហការស្រាវជ្រាវជីករុករកអដិ្ឋធាតុ កងទ័ពស្ម័គ្រចិត្តវៀតណាម ដែលបានពលីសម័យសង្រ្គាម និងចុះត្រួតពិនិត្យស្ថានភាព ជីវភាពរស់នៅរបស់ក្រុមគ្រួសារអតីតយុទ្ធជននៅតាម មូលដ្ឋានដើម្បីលើកស្ទួយជីភាពគ្រួសារ និងផ្តោតលើការយកចិត្តទុកដាក់ ។

ចំណែចស្ថានភាពកងកម្លាំងទាំងអស់ ចំណុះឲ្យតំបន់ប្រតិបត្តិការសឹករងកំពង់ធំ ត្រូវបានពិនិត្យសុខភាពធ្វើតេស្តទឹកនោម រកសារធាតុញៀន ក្នុងនោះមាននាយទាហាន នាយទាហានរង និងពលទាហានចូលរួមសរុប២០០នាក់ ដើម្បីបញ្ជាក់ពីភាពស្អាតស្អំនិងជា គំរូដល់ប្រជាពលរដ្ឋ រីឯការងារមនុស្សធម៌គឺបានស្នើរសុំឲ្យគ្រូពេទ្យកាកបាទក្រហមហូជីមិញ និងខេត្តបិញភឿក មកព្យាបាលជំងឺជូនប្រជាពលរដ្ឋខ្មែរ ដោយឥតគិតថ្លៃរាប់ពាន់នាក់ នៅស្រុកស្ទោង ស្រុកបារាយណ៍ ក្រុងស្ទឹងសែន ។
លោក ឧត្តមសេនីយ៍ទោ មាស ស៊ុ មេបញ្ជាការង យោធភូមិភាគទី៤ បានកោតសរសើរនិងវាយតំលៃខ្ពស់ និងឯកភាពចំពោះរបាយការណ៍ឆមាសទី១ឆ្នាំ ២០១៧ ដែលតំបន់ប្រតិបត្តិការសឹករងកំពង់ធំ បានខិតខំប្រឹង ប្រែងអនុវត្តតាមផែនការកន្លងមក រហូតទទួលបានជោគជ័យ ទាំងការចូលរួមហការជាមួយសមត្ថកិច្ចជំនាញ បង្រ្កាបបទល្មើស និងការងារទំនាក់ទំនងអន្តរជាតិ ការងារមនុស្សធម៌ រួមទាំងការងារសហការជាមួយអាជ្ញាធរ ដែនដីរហូត ធ្វើឲ្យតំបន់ប្រតិបត្តិការសឹករងកំពង់ធំ ទទួលបានការកោតសរសើរពីសំណាក់ថ្នាក់ដឹកនាំ៕

អាជីករផ្សារស្តៅលើកគ្នាតវ៉ាមុខសាលាខេត្តសុំអោយអាជ្ញាធរខេត្តជួយដោះស្រាយរឿងតូបលក់

ខេត្តបាត់ដំបង៖ក្រុមអាជីករផ្សារដំណាក់ស្តៅ ស្រុករតនះមណ្ឌលចំនួន១១នាក់បានលើកគ្នាមកដល់សាលាខេត្តបាត់ដំបង​សុំ​អោយអាជ្ញាធរខេត្តជួយអន្តរាគមន៍អោយបានតូបចូលលក់វិញនៅលើចំណតរថយន្តសាងសង់ថ្មី។

អ្នកស្រីអន សៀងបូរី អតីតអាជីករលក់ម្ហូបអាហារក្នុងទីតាំងចំណតរថយន្តចាស់បានលើកឡើងនៅល្ងាចថ្ងៃទី១២ កក្តដានេះថា៖ ពួកគាត់មានគ្នាចំនួន១១នាក់តំណាងអោយអាជីករ៨គ្រួសារធ្វើដំណើរមកសាលាខេត្តបាត់ដំបងដើម្បីសុំអោយឯកឧត្តម ចន្ទ័ សុផល អភិបាលខេត្តជួយដោះស្រាយបញ្ហាមិនមានកន្លែងលក់ដូរ ក្រោយពីក្រុមហ៊ុនវិនិយោគផ្សារសាង់សង់រួចរាល់ហើយដាក់សាច់ញាតិនិងក្រុមគ្រួសាររបស់មន្ត្រីសាលាស្រុកចូលដាក់ឥវ៉ាន់លក់មិនមានឈ្មោះពួកគាត់។
អាជីករអ្នកស្រីង៉ែត ចន្ថា អាយុ៧៦ឆ្នាំបានអោយដឹងដែរថា៖ មូលហេតុធំដែលបង្ខំអោយពួកគាត់លើកគ្នាទាំងអស់មកនេះដោយសារតែការព្រួយបារម្មណ៍ ព្រោះក្រោយពីការសម្របសម្រួលដោយមន្ត្រីសាលាខេត្តនៅព្រឹកថ្ងៃទី១២ កក្តដានេះតម្រូវអោយអ្នកចូលលក់ថ្មីជាសាច់ញាតិម្ចាស់ក្រុមហ៊ុនផ្អាកការនាំទំនិញចូលក្នុងតូប ប៉ុន្តែក្រោយពីមន្ត្រីសាលាខេត្តចេញផុតអ្នកលក់ថ្មីជញ្ជូនឥវ៉ាន់ដាក់លក់ឡើងវិញ ខ្លាចក្រែងចូលលក់បានហើយមិនងាយចេញវិញ។
ការលើកគ្នាសុំអោយអាជ្ញាធរខេត្តជួយអន្តរាគមន៍នាមុខសាលាខេត្តនេះត្រូវបានលោកឆាយ ម៉ាទីណាល់ នាយករងរដ្ឋបាលសាលាខេត្តគ្រាមកជួបជាមួយក្រុមអាជីករបានសុំអោយក្រុមអាជីករទាំងអស់ត្រឡប់ទៅកាន់លំនៅដ្ឋានរៀងៗខ្លួនវិញសិន ទុកពេលអោយអាជ្ញាធរស្រុកឬខេត្តរកដំណោះស្រាយជូន។
គួរបញ្ជាក់ថា នៅអំឡុងដើមខែមករា ឆ្នាំ២០១៧ កន្លងមកនេះអាជ្ញាធរស្រុកនិងម្ចាស់ក្រុមហ៊ុនវិនិយោគផ្សារដំណាក់ស្តៅបានស្នើរសុំអោយអាជីករចំនួន១១តូបរុះរើតូបចេញសិន ដោយសន្យាថាក្រោយពីការរៀបចំសាងសង់អោយមានរបៀបថ្មីហើយនិងអោយក្រុមអាជីករទាំងអស់ចូលលក់ដូចធម្មតាវិញ ប៉ុន្តែជាក់ស្តែងក្រោយពីក្រុមហ៊ុនវិនិយោគរៀបចំរួចបានដាក់អ្នកផ្សេងថ្មីអោយចូលលក់ទៅវិញទើបមានការតវ៉ាជាបន្តបន្ទាប់ដល់អាជ្ញាធរស្រុកនិងចុងក្រោយដល់អាជ្ញាធរខេត្ត៕

 

អគារសហកម្មសិទ្ធិប៊ូឌីងសនឹងត្រូវព័ទ្ធរបងវាយចោលនៅថ្ងៃទី១៧កក្តដានេះ

ភ្នំពេញ៖ ក្រសួងរៀបចំដែនដីនគរូបនីយ៍កម្មនិងសំណង់ និងក្រុមហ៊ុនជប៉ុន Arakawa នឹងធ្វើការវាយអគារសហកម្មសិទ្ធិប៊ូឌីងស បានសាងសង់ឡើងនាឆ្នាំ១៩៦៣ ដែលមានសភាពចាស់ទ្រុឌ​ទ្រោម នៅថ្ងៃទី១៧ ខែកក្តដា ឆ្នាំ២០១៧នេះ បន្ទាប់ពីធ្វើការទូទាត់ប្រាក់ជូនដល់ប្រជាពលរដ្ឋចប់សព្វគ្រប់ នឹងត្រូវការអភិវឌ្ឍន៍ឡើងវិញ។ តែមានប្រជាពលរដ្ឋប្រមាណ៧គ្រួសារមិនទាន់សម្រេចចិត្ត រើចេញនៅឡើយទេ។
​យោងតាមសេចក្តីជូនដំណឹងរបស់ ក្រសួងរៀបចំដែនដីនគរូបនីយ៍កម្មនិងសំណង់ ចេញផ្សាយកាលពីថ្ងៃទី១០ ខែកក្តដា ដែលទូរទស្សន៍ហង្សមាសទទួលបាននៅថ្ងៃទី១២ ខែ កក្តដា ឆ្នាំ២០១៧នេះ បានអោយដឹងថា អគារប៊ូឌីងស មានទីតាំងស្ថិតនៅតាមផ្លូវសយធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ត្រូវបានសាងសង់ឡើងនាឆ្នាំ១៩៦៣ បច្ចុប្បន្នមានសភាពចាស់ទ្រុឌទ្រោម ត្រូវការអភិវឌ្ឍន៍ឡើងវិញ នឹងតម្រូវអោយធ្វើការរុះរើ នឹងព័តរបងដើម្បីវាយអគារចាស់ចោល នៅថ្ងៃទី១៧ ខែកក្តដា ខាងមុខនេះ”។ សេចក្តីជូនដំណឹងដដែលនេះបានបញ្ជាក់ថា នឹងមានការរំខានដល់ប្រជាពលរដ្ឋ រស់នៅជុំវិញទីតាំងនេះ ក៏ដូចជា អ្នកធ្វើដំណើរអោយមានការប្រុងប្រយ័ត្នខ្ពស់ និងសហការ។
ការដែលក្រសួង និងក្រុមហ៊ុនដាក់កំណត់នៃការវាយអគារសហកម្មសិទ្ធិនេះចោល អ្នកនាំពាក្យក្រសួងរៀបចំដីនគរូបនីយ៍កម្មនិងសំណង់ លោក សេង ឡូត បានបញ្ជាក់អោយដឹងថា ទី១ប្រជាពលរដ្ឋ ៩៨%បានសម្រេចចិត្តទទួលយកតម្លៃ១៤០០ដុល្លាក្នុង១ម៉ែត្រការ៉េ ទី២ អគារនេះមានសភាពចាស់ទ្រុឌទ្រោម ប្រឈមនឹងការបាក់ធ្លាក់ចុះ ទី៣ ក្រុមហ៊ុនតម្រូវការសាងសង់អោយបាន​ឆាប់រហ័ស ដើម្បីចូលរួមអភិវឌ្ឍន៍វិស័យសំណង់។
​ទោះបីជាការមានជូនដំណឹងរបស់ក្រសួងរៀបចំដែនដី អំពីការបិទរបងវាយសំណង់ចោលយ៉ាងណាក៏ដោយ ក៏ប្រជាពលរដ្ឋនៅសល់ប្រប្រមាណ៧គ្រួសារ មិនទាន់បានយល់ព្រម ក្នុងការចាកចេញនោះទេ ដោយពួកគាត់អះអាងថា លុយដែលក្រុមហ៊ុនអោយតាមរយៈក្រសួងដែនដីគឺមានចំនួនតិចពេក មិនអាចយកទៅទិញផ្ទះថ្មីបាន។
​អ្នកស្រី​ វង ប៊ុនថាយ អាយុ៤០ឆ្នាំ កំពុងស្នាក់នៅផ្ទះជាន់ផ្ទាល់ដីមានទំហំតែ១៧ម៉ែត្រការ៉េ នៃអគារសហកម្មសិទ្ធិប៊ូឌីង មានមុខរបលក់ចាប់ហួយផងនោះ បានប្រាប់ហង្សមាស នាព្រឹក​មិញនេះថា “បន្ទប់មានតែ១៧ការ៉េ បើគិតជាលុយជាង២ម៉ឺនដុល្លា ដូច្នេះមិនអាចយកលុយនេះ ទៅទិញផ្ទះថ្មីបាននៅនោះទេ”។ អ្នកស្រីបានបញ្ជាក់ថា គឺសុំអោយរដ្ឋមន្រ្តីក្រសួងដែនដី ផ្តល់អោយគាត់នូវទឹកបា្រក់៥ម៉ឺនដុល្លា ទើបអាចចេញទៅទិញផ្ទះថ្មីបាន។
……………………………………………..គ្លីប វង ប៊ុនថាយ…………………………………………………..
ដោយគេចេញទៅមុននេះគឺ………………………អាចទៅទិញផ្ទះបាននៅដើម្បីប្រកបមុខរប​រកស៊ីស្រួល ចិញ្ចឹមកូនផង។
​អ្នកស្រី វង ប៊ុនថាយ បានអោយដឹងទៀតថា ពីមុនគាត់សុខចិត្តយកការអភិវឌ្ឍន៍ នៅនឹងកន្លែង តែដោយសារមានអ្នកយល់ព្រមយកការអភិវឌ្ឍន៍នៅកន្លែងមានភាគរយតិច ដូច្នេះក្រសួង ក៏ដូចជាក្រុមហ៊ុនមិនបានអនុវត្តទៅតាមគោលការណីនេះទេ។
​បុរសម្នាក់ដែលសុំមិនប្រាប់ឈ្មោះមានមុខរបជាអ្នកលក់អាហារនៅជាន់ក្រោម នៃអគារប៊ូឌីងសនេះដែរ អោយដឹងថា គាត់នឹងបង្ខំចិត្តក្នុងការចាកចេញ ដោយសារក្រសួង គេបានកំណត់ថ្ងៃនៃការរុះរើ និងវាយអគារនេះចោល។ តែគាត់បញ្ជាក់ថា “ក្រសួងដូចជាមិនមានតុល្យភាពសោះ គឺមានម្ចាស់ដែលតសំយ៉ាបថែមប្រមាណ៥គ្រួសារ គឺបានវាស់ហើយគិតលុយអោយ ដោយគាត់មានសំយ៉ាបសង់ជាថ្មរឹងមាំផង ក្រសួងមិនបានវាស់គិតលុយអោយ​នោះទេ។
​លោក អ៊ឹង គន្ធា មន្រ្តីក្រសួងរៀបចំដែនដីនគរូបនីយ៍កម្មនិងសំណង់ ដែលប្រចាំការនៅអគារសហកម្មសិទ្ធិប៊ូឌិងស បានលើកឡើងថា រហូតមកដល់ថ្ងៃទី១២ កក្តដា នេះ មានប្រជា​ពលរដ្ឋតែ៧គ្រួសារទេ ដែលមិនទាន់សម្រេចចាកចេញពីអគារសហកម្មសិទ្ធិនេះ ដោយពួក គាត់ទាមតម្លៃរហូតទៅដល់២០០០ដុល្លាអាមេរិកក្នុងមួយម៉ែត្រការ៉េ។ លោកបានបញ្ជាក់បន្ថែម ចំពោះសំយ៉ាបដែលប្រជាពលរដ្ឋសាងសង់ថែម គឺក្រសួងក៏មិនបានវាស់គិតលុយអោយ ពួកគាត់នោះដែរ។ លោកបន្លែមថា មានអ្នកខ្លះថា ក្រសួងវាស់សំយ៉ាបគិតលុយ នោះគឺមិនពិតទេ។
​នៅថ្ងៃទី១៧ ខែកក្តដា ឆ្នាំ២០១៧ ខាងមុខនេះ លោក អ៊ឹង គន្ធា ប្រាប់អោយដឹងថា ក្រសួងនឹងធ្វើការព័តរបងស័ង្ខសី​ រួចវាយអគារប៊ូឌីងស ដែលចាស់ទ្រុឌទ្រោមនេះចោល ទៅតាមអ្វីដែលក្រសួងរៀបចំដែនដី​បានជូនដឹណងកាលពីថ្ងៃទី១១ ខែកក្តដា ឆ្នាំ២០១៧នោះ។
​គិតត្រឹមម៉ោង ៥:០០ ល្ងាច ថ្ងៃទី ១១ ខែកក្កដា ឆ្នាំ២០១៧ ប្រជាពលរដ្ឋជាម្ចាស់ចំណែកឯកជនក្នុងអគារសហកម្មសិទ្ធិប៊ូឌីងស ចំនួន ៤៦៨ បន្ទប់ស្នាក់នៅ នៃចំនួនសរុប៤៩២បន្ទប់ បានទទួលប្រាក់ទូទាត់រួច និងបានប្រគល់បន្ទប់ជូនក្រុមហ៊ុន ដោយបានចាកចេញពីបន្ទប់ស្នាក់នៅ ទៅតាំងទីលំនៅថ្មី តាមបំណងប្រាថ្នារបស់ពួកគាត់។ ដោយឡែកអ្នកដែលយល់ព្រមចាកចេញគេនឹងមកបន្តបន្ទាប់ទៀត។
សូមបញ្ជាក់ថា គម្រោងអភិវឌ្ឍន៍អគារប៊ូឌីងស គឺ​ក្រុមហ៊ុនជប៉ុន Arakawa គ្រោងចំណាយថវិកាប្រមាណ៧០-៨០លានដុល្លារ នៃការសង់អគារថ្មីមានកម្ពស់២១ជាន់៕

 

ក្រុមហ៊ុនឯកជនសន្យាទិញស្រូវពីសហគមន៍កសិកម្មខេត្តព្រះវិហារសម្រាប់នាំចេញអង្ករសរីរាងបាន២ម៉ឺនតោនឆ្នាំ២០១៨

ភ្នំពេញ៖ផលិតផលស្រូវសរីរាង្គ គ្មានជាតិគីមី របស់សហគមន៍កសិកម្មខេត្តព្រះវិហារ កំពុងទទួល ការចាប់អារម្មណ៍ខ្លាំងពីបណ្តាប្រទេសសហគមន៍អ៊ឺរ៉ុប ដែលទទួលស្គាល់ថា មានគុណភាពល្អ សហគមន៍ កសិកម្មនៅខេត្តព្រះវិហារ សង្ឃឹមថាការលក់អង្ករសរីរាង្គរបស់ពួកគាត់មានការកើនឡើង ខណៈដែល ក្រុមហ៊ុន អេមរ៉ុ រាយស៍ សន្យានឹងទិញអង្ករសរីរាង្គរបស់សហគមន៍កសិកម្មខេត្តព្រះវិហារ ប្រមាណជាង២ ម៉ឺនតោន នាំចេញទៅលក់លើទីផ្សារអន្តរជាតិ ក្នុងឆ្នាំ២០១៨ខាងមុខនេះ ។

ថ្លែងប្រាប់ទូរទស្សន៍រស្មីហង្សមាសក្រោយពិធីចុះកិច្ចសន្យាផលិតកម្មកសិកម្មផលិតនិងផ្គត់ផ្គង់នូវ ស្រូវសរីរាង្គ នៅមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ ថ្ងៃទី១១ ខែកក្កដា ឆ្នាំ២០១៧នេះ លោកឧកញ៉ា ស៊ុង សារ៉ន អគ្គនាយកក្រុមហ៊ុន អេមរ៉ុរាយស៍ មានប្រសាសន៍ថា៖ រយៈពេល៤ឆ្នាំចុងក្រោយ នេះ ក្រុមហ៊ុនអេមរ៉ុរាយស៍ បាននាំចេញស្រូវសរីរាង្គដែលគ្មានជាតិគីមី ពីសហគមន៍កសិកម្មនៅក្នុង ខេត្តព្រះវិហារ ចំនួន២៥សហគមន៍កសិកម្ម បានប្រមាណជាងម៉ឺនតោនរួចមកហើយ នាំចេញទៅលក់ លើទីផ្សារអន្តរជាតិ ។

លោកឧកញ៉ា បានសន្យាថា៖ នៅក្នុងឆ្នាំ២០១៧នេះ មានការចូលរួមផលិតស្រូវ សរីរាង្គរបស់សហគមន៍កសិកម្ម ចំនួន៣២សហគមន៍របស់ខេត្តព្រះវិហារ ក្រុមហ៊ុននឹងនាំចេញ នូវស្រូវ សរីរាង្គ រហូតដល់ទៅ ជាង២ម៉ឺនតោនទៀតទៅលក់លើទីផ្សារអន្តរជាតិ ដើម្បីផ្គត់ផ្គង់ទីផ្សារចំណីអាហារ ជាពិសេសក្រុមហ៊ុន បានរកទីផ្សារថ្មីមួយ សម្រាប់ផលិតនូវចំណីអាហារកុមារ ។

លោកឧកញ៉ាបញ្ជាក់ថា៖ ការផ្គត់ផ្គង់ទីផ្សារចំណីអាហារកុមារនេះ ជាចំណែកមួយស្រូបយកបរិមាណផលស្រូវសរីរាង្គកាន់​​តែច្រើន និងជាមុខរបរវែងឆ្ងាយមួយសម្រាប់សហគមន៍កសិកម្មទាំងអស់ត្រូវផលិត ។

អគ្គនាយកក្រុមហ៊ុន អេមរ៉ុ រាយស៍ បានរំឭកថា ចាប់តាំងពីក្រុមហ៊ុនសហការជាមួយសហគមន៍កសិកម្មខេត្តព្រះវិហារ ចាប់ពីឆ្នាំ ២០១៣មក មានត្រឹមតែ១០០តោនតែប៉ុណ្ណោះ នឹងមានការកើនឡើងរាប់ពាន់តោន ពីមួយឆ្នាំទៅ ១ឆ្នាំ រហូតមកដល់ពេលនេះ ក្រុមហ៊ុនគ្រោងនឹងនាំចេញរហូតដល់ទៅជាង២ម៉ឺនតោន ។ ចំនួននាំចេញនេះ វាបានបង្កើតកេរ្តិ៍ឈ្មោះ ស្រូវអង្ករកម្ពុជា កាន់តែល្បីនៅលើទីផ្សារអន្តរជាតិបាន ។
លោក អ៊ុន ចាន់ដា អភិបាលខេត្តព្រះវិហារ មានប្រសាសន៍ថា៖ ការអនុវត្តកសិកម្មតាម រយៈ ការធ្វើកិច្ចសន្យាបែបនេះ ជាគោលនយោបាយរបស់រាជរដ្ឋាភិបាល ដើម្បីធានា រក្សានូវតម្លៃទីផ្សារ ជូនដល់កសិករទាំងអស់ដែលប្រកបរបរកសិកម្មផ្សេងៗ ដែលអាចរួមចំណែកកាត់បន្ថយភាពក្រីក្រមួយ កម្រិតថែមទៀត។

ជាក់ស្តែងដូចជាស្រូវសរីរាង្គនេះ បានធ្វើឲ្យ សមាជិករបស់ សហគមន៍កសិកម្មមួយ ចំនួនធំ មានជីវភាពធូរធារប្រសើរឡើងពីមួយឆ្នាំទៅមួយឆ្នាំ បន្ទាប់ពីពួកគាត់បានអនុវត្ត នូវកសិកម្ម តាមកិច្ចសន្យាលក់ស្រូវសរីរាង្គ ដែលមិនប្រើប្រាស់សារធាតុគីមី នេះក្រុមហ៊ុននាំចេញស្រូវអង្ករនានា ដោយមានតម្លៃខ្ពស់ ។

លោក អភិបាលខេត្តព្រះវិហារ ក៏បានសំណូមពរឲ្យសហគមន៍កសិកម្មទាំង អស់ នៅខេត្តព្រះវិហារ ដែលបានចុះកិច្ចសន្យាធ្វើកសិកម្មផលិតស្រូវសរីរាង្គជាមួយក្រុមហ៊ុន ត្រូវធ្វើយ៉ាងណា គោរពនូវគោលការណ៍ បច្ចេកទេសដាំដុះ ការថែទាំ នឹងការប្រមូលផល ឲ្យស្របតាមតម្រូវការរបស់ ក្រុមហ៊ុន ជាគោលដៅធានាបាននូវគុណភាព និងកេរ្តី៍ឈ្មោះស្រូវអង្ករកម្ពុជាលើឆាកអន្តរជាតិ ។
ជាមួយគ្នានេះលោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ បានលើកឡើងថា ៖សហគមន៍កសិកម្មនៅខេត្តព្រះវិហារ ប្រមាណជាង៨០% បានធ្វើកសិកម្មតាមកិច្ច សន្យា ដើម្បីផលិតស្រូវសរីរាង្គលក់ឲ្យក្រុមហ៊ុននាំចេញទៅទីផ្សារក្រៅស្រុក ដែលមានតម្លៃថ្លៃសមរម្យ អាចឲ្យកសិកម្មទទួលយកបាន និងចំណេញច្រើន បើធៀបនឹងកសិករដែល លក់ស្រូវសរីរាង្គឲ្យ ឈ្មួញ កណ្តាលផ្សេងៗ តែកសិករត្រូវដាំដុះស្រូវប្រកបដោយគុណភាព និងលក្ខណៈបច្ចេកទេសត្រឹមត្រូវ ។

លោកថា៖ វិធីសាស្រ្តក្នុងការថែទាំដំណាំស្រូវសរីរាង្គឲ្យបានល្អ ទោះបីក្នុងកាលៈទេសៈណាក៏ដោយ ប្រសិនបើដំណាំស្រូវ សរីរាង្គជួបបញ្ហាសត្វបំផ្លាញ មិនត្រូវប្រើសារធាតុគីមីដើម្បីកម្ចាត់នោះទេ គឺត្រូវប្រើវិធីសាស្រ្តធម្មជាតិ សុទ្ធសាធតែម្តង ឬក៏អាចប្រើថ្នាំធម្មជាតិជំនួសបាន ការធ្វើបែបនេះដើម្បីកុំឲ្យប៉ះពាល់ដល់គុណភាពស្រូវ និងអ្នកបញ្ជាទិញ ។
ដោយឡែកអ្នកស្រី វឹក យ៉ា តំណាងសហគមន៍កសិកម្មរមទមសាមគ្គីមានជ័យ បានប្តេជ្ញាថា ខិតខំពង្រឹងដល់សមា​ជិក​សហគមន៍ទាំងអស់ ធ្វើយ៉ាងណានឹងផលិតដំណាំស្រូវសរីរាង្គនេះ ឲ្យបានកាន់ តែល្អដូចអ្វីដែលក្រុមហ៊ុនត្រូវការ និងបានចុះកិច្ចសន្យាជាមួយគ្នា ។

អ្នកស្រីបន្តថា៖ ការកំនត់របស់ក្រុម ហ៊ុន មានដូចជាគុណភាពចាប់តាំងពីពេលដាំដុះរហូតដល់ពេលប្រមូលផល ។ អ្នកស្រីបានសម្តែងទឹកចិត្ត រីករាយទៅនឹងតម្លៃដែលក្រុមហ៊ុនផ្តល់ឲ្យកសិករទាំងអស់ បានផលចំណេញច្រើន អាចទទួលយកបាន ជាងឈ្មួញកណ្តាល ជាផ្នែកមួយជួយ កាត់បន្ថយភាពក្រីក្រ ដល់សមាជិកសហគមន៍របស់អ្នកស្រី ។ 

លោក រីណេ ជាជនជាតិដាណាម៉ាក និងជាអ្នកបញ្ជាទិញស្រូវសរីរាង្គរបស់សហគមន៍កសិកម្ម ខេត្តព្រះវិហារ បានទទួលស្គាល់ថា គុណភាពស្រូវសរីរាង្គរបស់ខេត្តព្រះវិហារ មានគុណភាពល្អ មិនចាញ់ បណ្តាប្រទេសនានាឡើយ ។

លោកថា ៖"កាលពីឆ្នាំមុន លោកបញ្ជាទិញប្រមាណជា២រយតោនតែប៉ុណ្ណោះ តែឆ្នាំនេះ លោកនឹងបញ្ជាទិញរហូតដល់ជិត២ពាន់តោន ដើម្បីនាំចេញទៅផ្គត់ផ្គង់ទីផ្សារក្នុងស្រុករបស់ លោក "។
យោងតាមរបាយការណ៍ របស់មន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ ក្នុងឆ្នាំ២០១៧ នេះបង្ហាញថា ផ្ទៃដីដាំដុះដំណាំស្រូវសរីរាង្គ ទាំង៣២សហគមន៍កសិកម្ម របស់ខេត្តព្រះវិហារ មានចំនួន ១៣០០០ហិតា បើធៀបនឹងឆ្នាំមុនមានត្រឹមជាង៩ពាន់ហិតាប៉ុណ្ណោះ ។ដោយឡែក សមាជិកដែលបានចុះ កិច្ចសន្យាផលិត ស្រូវសរីរាង្គនេះ មានចំនួន ៥១១៤គ្រួសារ សម្រាប់លក់ឲ្យក្រុមហ៊ុន ៣ក្នុងនោះ មានក្រុមហ៊ុន អេមរ៉ុ រាយស៍ ក្រុមហ៊ុនស៊ីនេតឆ័រ អហ្វ អេស៊ា និងក្រុមហ៊ុន អង្គរអ៊ីធើត្រេត ៕ទ្រី វិច្ឆិកាពីខេត្តព្រះវិហារ 

 

⁠⁠⁠⁠⁠រាជរដ្ឋាភិបាលបានផ្តល់ឥណទានថវិកាចំនួន១៥លានដុល្លាសម្រាប់ធ្វើឡសម្ងួតនិងឃ្លាំងទិញស្រូវស្តប់

ខេត្តបន្ទាយមានជ័យ៖រាជរដ្ឋាភិបាលបានផ្តល់ឥណទានថវិកាចំនួន១៥លានដុល្លាសម្រាប់ធ្វើឡសម្ងួតនិងឃ្លាំងទិញស្រូវ​ស្តប់ទុកជួយដល់ប្រជាកសិករ។នេះបើតាមលោកអគ្គនាយកធនាគារអភិវឌ្ឍន៍ជនបទលើកឡើងកិច្ចប្រជុំពិភាក្សានៅរសៀលថ្ងៃទី១១​ខែកក្តដាឆ្នាំ២០១៧នៅសាលាខេត្តបន្ទាយមានជ័យ។

លោក ឆើយ ចាន់ណា អភិបាលរងខេត្តបន្ទាយមានជ័យបានមានប្រសាសន៍ថា៖"ខេត្តបន្ទាយមានជ័យមានផ្ទៃដីធ្វើស្រែសរុបចំនួន២៥០,០០០ហិតាក្នុងឆ្នាំ២០១៧បានភ្ជួររាស់បានចំនួន២៣៥,៤៨៩ហិតានិងមានដំណាំរួមផ្សំរដូវវស្សាធ្វើបានចំនួន​២០​៨ហិតាដំណាំបន្លែបានចំនួន៩៧៨ហិតាដំណាំងឧស្សាហកម្មបានចំនួន៩៥,១៨២ហិតា"។
លោក កៅ ថាច អគ្គនាយកធនាគារអភិវឌ្ឍន៍ជនបទបានមានប្រសាសន៍ថា៖"កិច្ចប្រជុពិភាក្សានិងសហការជាមួយអាជ្ញាធរខេត្ត.ស្រុក.ក្រុងសម្រាប់ការអនុវត្តកម្មវិធីឥណទានរបស់រាជរដ្ឋាភិបាលក្នុងគោលដៅផ្តល់ហិរញ្ញប្បទាននិងសេវ៉ាកម្មធនាគារប្រកបដោយប្រសិទ្ធិភាពនិងចឹរភាពដល់វិស័យកសិកម្មដើម្បីរួមចំណែកអភិវឌ្ឍន៍វិស័យកសិកម្ម"។
លោកបានបញ្ជាក់ថា៖"នៅក្នុងឆ្នាំ២០១៦រាជរដ្ឋាភិបាលកម្ពុជាបានផ្តល់ឥណទានថវិការចំនួន២៧លានដុល្លាសម្រាប់ជំរុញការ​ទិញស្រូវពីប្រជាកសិករសំដៅរក្សាស្ថេរភាពតម្លៃស្រូវក្នុងប្រទេសនិងបង្កើនសន្និធិស្រូវដើម្បីផ្គត់ផ្គង់ដល់ការកែឆ្នៃអង្ករសម្រាប់ការនាំចេញ"។
លោក កៅ ថាច បានបញ្ជាក់ថា៖"ឆ្នាំ២០១៧នេះរាជរដ្ឋាភិបាលកម្ពុជាបានផ្តល់ឥណទានថវិការចំនួន១៥លានដុល្លាសម្រាប់ធ្វើឡសម្ងួតនិងឃ្លាំងទិញស្រូវស្តប់អោយរួចរាល់នៅខែ០៨ឆ្នាំ២០១៨ខាងមុខនេះនៅខេត្តបាត់ដំបងសម្រាប់ទិញស្រូវពីប្រជាកសិករខេត្តជាប់ជាយដែនខាងលិច។ហើយឡសម្ងួតអាចសម្ងួតក្នុង១ថ្ងៃបានទំងន់៧,០០០ទៅ៨,០០០តោននិងឃ្លាំងទិញស្រូវស្តុកបានទំងន់២០ម៉ឺនតោន"៕(ប៊ុន ធឿន)

លោកប្រាក់សុខុនជួបលោកស្រីអ៊ុង សានស៊ូជីនៅភួមា

ភ្នំពេញ៖លោកប្រាក់សុខុនរដ្ឋមន្ដ្រីការបរទេសបានជួបលោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេសនៃសាធារណរដ្ឋសហភាពមីយ៉ាន់ម៉ា ដើម្បីពិភាក្សាអំពីកិច្ចសហប្រតិបត្តិការទ្វេភាគីរវាងកម្ពុជា-មីយ៉ាន់ម៉ានិងកិច្ចសហប្រតិបត្តិការក្នុងតំបន់ និងក្នុងក្របខ័ណ្ឌអន្តរជាតិ ។នេះបើតាមប្រភពក្រសួងការបរទេសបានអោយដឹងនៅថ្ងៃនេះ។

នារសៀលថ្ងៃទី១០ ខែកក្កដា ឆ្នាំ២០១៧ លោក ទេសរដ្ឋមន្រ្ដី ប្រាក់​ សុខុន អញ្ជើញដឹកនាំគណៈប្រតិភូធ្វើដំណើរទៅបំពេញទស្សនកិច្ចផ្លូវការ​នៅសាធារណរដ្ឋសហភាព មីយ៉ាន់ម៉ា ចាប់ពីថ្ងៃទី ១០ ដល់ថ្ងៃទី ១១ ខែ កក្កដា ឆ្នាំ ២០១៧ តបតាម​ការ​អញ្ជើញ​របស់​លោក​​ស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេសនៃ​សាធារណ​រដ្ឋសហភាព​មី​យ៉ាន់​ម៉ា។

ក្នុងអំឡុងពេលទស្សនកិច្ចនេះ លោកទេសរដ្ឋមន្រ្តី ប្រាក់ សុខុន នឹងអញ្ជើញចូល​ជួប​សម្តែងការគួរសមជាមួយ​លោក ធិន ច ប្រធានាធិបតីនៃសាធារណរដ្ឋសហភាពមីយ៉ាន់ម៉ា និងជួបជាមួយលោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេស​នៃ​សាធារណ–​រដ្ឋសហភាពមីយ៉ាន់ម៉ា៕

 

មន្រ្តីជាន់ខ្ពស់អះអាងថា៖" ការបង្រ្កាប​ករណី​ជួញ​ដូរ​មនុស្ស​មាន​ការកើនឡើងក្នុងឆ្នាំ ២០១៧នេះ"

ភ្នំពេញ៖ លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធាន​អចិន្ត្រៃយ៍​ របស់​គណៈកម្មាធិការ​ជាតិ​ប្រយុ ទ្ធ​ប្រឆាំង​អំ​ពើជួញ​ដូរ​មនុស្ ស បានអះអាងថា ការបង្រ្កាបករណី​ជួញ​ដូរមនុស្ស មាន​ការកើនឡើងក្នុងឆ្នាំ២០១៧នេះ ដែលជួយលុបបំបាត់ជនរងគ្រោះពីអំពើ ជួញ​ដូរ​នេះ។

ប្រាប់ក្រុមអ្នកសារព័ត៌មានក្រោ យកិច្ចប្រជុំប្រចាំឆមាសទី១ ឆ្នាំ២០១៧ ស្តីពីការងារ​ប្រយុទ្ធ​ប្រ​ឆាំ​ ​ង​អំពើជួញដូរមនុស្ស នៅព្រឹកថ្ងៃទី១១ កក្កដានេះ នាទីស្តីការក្រសួងមហាផ្ទៃ លោកស្រី ជូ ប៊ុនអេង បានបញ្ជាក់ថា ក្នុងរយៈពេល៦ខែ ឆ្នាំ​២០​១​៧​នេះ គឺមានចំនួន ៦៦ករណី ចំនួននេះគឺមានការកើន​ឡើង បើប្រៀប​ធៀបរយៈពេលដូច​គ្នា​កាល​ ពីឆ្នាំ​២០១៦ មានតែ ២៩ករណី ប៉ុណ្ណោះ។

លោកស្រី បានបញ្ជាក់ថា ការកើននេះនៃការបង្រ្កាប ករ​ណី​ជួញដូរមនុស្សនេះ គឺដោយសារ​តែ​​គណៈកម្មាធិការ​ជា តិ​ប្រយុទ្ធ​ប្រឆាំង​អំ​ពើជួញ​ ដូរ​មនុស្ស ខិតខំធ្វើការស្រាវជ្រាវបាន​ធ្វើ ​ការ​ប​ង្កា ឬដូចជាទប់ស្កាត់ឲ្យបាន​មុននៅ​ពេ ល​ដែលសង្ស័យថាអំពើណា​មួយគឺជាកា រ​ករណី​​នៃការជួញ​ដូរមនុស្ស។

លោកស្រី បានបញ្ជាក់ថាការពពោះ​ជំនួស គឺជាករណីនៃអំពើជួញដូរមនុស្សថ្មី មួយ​ដែល​សមត្ថកិច្ចបានធ្វើកា របង្រ្កាបបានទាន់ពេលវេលាតាំងពី ពេល មានអ្នកជួយជ្រុំជ្រែងឲ្យប្រព្រឹ ត្តបទល្មើស បើទោះបីកម្ពុជាមិនទាន់មានច្បាប់ ​ស្តី​ពី​កា​រ​ពពោះជំនួសយ៉ាងណា ក៏ដោយ។

 

លោកស្រី បានបញ្ជាក់ថា ដោយឡែកករណីជួញដូរកម្លាំងពលកម្ម ភាគច្រើនមិនកើត​ឡើង​នៅ​​ក្នុង​ ប្រទេ​ស​​​នោះទេ គឺកើតនៅក្នុងប្រទេសគោលដៅ។ សមត្ថកិច្ចកម្ពុជា នឹងធ្វើការ​សម្ភា​សន៍​​​​ជន​រង​ គ្រោះពីដំណើរការនៃការរងគ្រោះ របស់ពួកគេ ​ ដើម្បីធ្វើការទាញការសន្និដ្ឋា នថា ការរងគ្រោះរបស់ពួកគេជាអំពើជួញដូ រមនុស្ស ឬជាអំពើអ្វីផ្សេងទៀត។

លោកស្រី បានបន្តថា៖ គណៈកម្មាធិការជាតិប្រយុទ្ធប្រឆាំ ងអំពើជួញដូរមនុស្ស នឹងបន្តពង្រឹង កិច្ចសហការទូលំទូលាយតាមរយៈការជួ បប្រជុំពិភាក្សា បង្កើតសកម្មភាពផ្អែកលើយុទ្ធ​សា​ ស្រ្ត​រួម ដែលបានកំណត់ និងចូលរួមបែងចែកភារកិច្ច ពង្រាយកម្លាំង និងការទទួលខុសត្រូវ ឆ្ពោះទៅកាន់គោលដៅរួម គឺការបង្ការ ទប់ស្កាត់ ឈានទៅលុបបំបាត់អំពើជួញដូរមនុស្ស។

ប្រាប់ទូរទស្សន៍រស្មីហង្សមាសនៅ រសៀលថ្ងៃទី១១ កក្កដានេះ លោក អំ សំអាត មន្រ្តីជាន់ខ្ពស់​របស់អង្គកា រសម្ព័ន្ធខ្មែរជំរឿន និងការពារសិទ្ធិមនុស្ស ហៅកាត់ថា លីកាដូ ក្នុងនាម​សង្គម​ស៊ីវិល​​លោកសម្ តែងការអបអរសាទរចំពោះកំណើននៃកា របង្ក្រាបករណីជួញដូរមនុស្សនេះ។ តែទោះ​បីយ៉ាង​ណាក៏ដោយលោកស្នើសុំ ឲ្យអាជ្ញាធរកម្ពុជាបង្កើន​និងចូ លរួមទប់ស្កាត់ការជួញដូរមនុស្សនេះ ​តាំងពីដើម​ទីមុន​អំពើនេះកើតឡើ ង។

គួររំលឹកថា ក្រសួង​ការ​បរទេស​សហរដ្ឋ​អាមេរិ ក កាលពីថ្ងៃ​ទី​ ៣០ ខែមិថុនា ឆ្នាំ​២០១៦ បាន ​ចេញ​ផ្សាយ​របាយការណ៍​ប្រចាំ​ឆ្ នាំ​២០១៦ មួយដែលទទួល​ស្គាល់​ថាស្ថានភាព​ នៃ​ការ​ជួញដូរ​មនុស្ស​នៅ​កម្ពុ ជា មាន​ភាព​ប្រសើរ​ជាង​មុន ​ពោល​គឺ កម្ពុជា​ត្រូវ​បាន​ផ្តល់​ចំណាត់ ​ថ្នាក់​លេខ​២ ដែល​ជា​ចំណាត់​ថ្នាក់​ល្អ​បន្តិ ច​ជាង​ចំណាត់​ថ្នាក់​លេខ​២ ក្នុង​បញ្ជី​តាម​ដាន​កាល​ពី​ឆ្ នាំ​ទៅ​៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

ព័ត៌មានជាតិ​ពេល​យប់​


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2