vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិល្បៈកម្សាន្ត

ក្នុងរយៈពេល៥ខែមានទេសចរចំនួនជាង២សែននាក់ចូលតាមច្រកអន្ដរជាតិប៉ោយប៉ែត

ខេត្តបន្ទាយមានជ័យ៖នៅច្រកទ្វារអន្តរជាតិប៉ោយប៉ែតភ្ញៀវអន្តរជាតិចូលមកកម្ពុជារយៈពេល៥ខែឆ្នាំ២០១៧មានចំនួន​២៥​៣.៣៥៣នាក់កើនជាងឆ្នាំ២០១៦មានចំនួន៣៧,១៩%។នេះបើតាមមន្ដ្រីបានអោយដឹងនៅថ្ងៃនេះ។​

លោក ជុង ឡឹម ប្រធានមន្ទីទេសចរណ៍ខេត្តបន្ទាយមានជ័យបានប្រាប់ថា៖ភ្ញៀវអន្តរជាតិដែលចេញពីប្រទេសថៃចូលមកកម្ពុជា​តាមច្រកទ្វារអន្តរជាតិប៉ោយប៉ែតរយៈពេល៥ខែក្នុងឆ្នាំ២០១៧នេះមានសរុបចំនួន២៥៣.៣៥៣នាក់ហើយភ្ញៀវដែលមានចំណាត់ថ្នាក់ខ្ពស់មាន១.ភ្ញៀវជនជាតិថៃចំនួន៣៥.៥០៦នាក់២.ភ្ញៀវជនជាតិរ៉ូស្សីមានចំនួន១៦.៦១៥នាក់ ៣.ភ្ញៀវជន​ជាតិអង់គ្លេសមានចំនួន៦.៧៧៦នាក់បើប្រៀបធៀប៥ខែឆ្នាំ២០១៦មានចំនួន១៦៤.២៦០នាក់ឆ្នាំ២០១៧ភ្ញៀវអន្តរជាតិកើនឡើងដល់៣៧,១៩%។
លោកបានបញ្ជាក់ថា៖ភ្ញៀវទេសអន្តរជាតិនៅខែឧសភាឆ្នាំ២០១៧នេះមានចំនួន៣៧.០៧០នាក់ បើប្រៀបធៀបខែមេសាឆ្នាំ​២០១៧មានចំនួន៤១.០៩៦នាក់គឺមានការថយចុះ៩,៨០%រហូតដល់ថ្ងៃទី២០ខែមិថុនាឆ្នាំ២០១៧នេះភ្ញៀវអន្តរជាតិចេញពីប្រ​ទេសថៃចូលមកកម្ពុជាតាមច្រកទ្វារអន្តជាតិប៉ោយប៉ែត១ថ្ងៃមានប្រមាណជាង១.០០០នាក់។
លោក ជុង ឡឹម បានបញ្ជាក់ថា៖ភ្ញៀវអន្តរជាតដែលចូលមកកម្ពុជាគឺទឹសដៅទៅប្រាសាទអអង្គវត្តខេត្តសៀមរាមហើយបន្តទៅតាមបណ្តាខេត្តដែលមានតំបន់ដែលមានប្រាសាទបូរាណដូចខេត្តបន្ទាយមានជ័យមានប្រាសាទបន្ទាយឆ្មារនិងប្រាសាទបន្ទាយទ័ពស្ថិតក្នុងឃុំបន្ទាយឆ្មារស្រុកថ្មពួកនិងតំបន់រម្មណីយ៍ដ្ឋានអាងត្រពាំងថ្មស្រុកភ្នំស្រុក៕(ប៊ុន ធឿន)

 

 

តុលាការខេត្តកំពង់ឆ្នាំងកាត់ទោសកំបាំងមុខ គ្រូបង្រៀនឈ្មោះ កែមចាន់ឆេន ពីបទបៀតបៀន កេរ្ត៍ខ្មាស់លើសិស្សស្រី៤នាក់ ដាក់ពន្ធនាគារចំនួន៥ឆ្នាំ

ខេត្តកំពង់ឆ្នាំង៖ សាលាដំបូងខេត្តកំពង់ឆ្នាំងនៅព្រឹក ទី២០ ខែមិថុនា ឆ្នាំ២០១៧ បានបើកសវនាការមួយជំនុំជំរះលើសំណុំរឿងរបស់លោកគ្រួបង្រៀនម្នាក់ ដែលបានប្រព្រឹត្តអំពើបៀតបៀនកេរ្ត៍ខ្មាស់ លើសិស្សស្រីខ្លួន ចំនួន៤នាក់ ដែលបានកើតឡើង នៅអំឡុង ខែឧសភា ឆ្នាំ២០១៣ នៅសាលាបឋមសិក្សាមួយ ក្នុងឃុំស្វាយជ្រុំ ស្រុករលាប្អៀរ ។
រហូតដល់ រសៀលថ្ងៃដដែលនេះ ទើបចៅក្រមជំនុំជំរះ សម្រេចក្តីកាត់ទោសកំបាំងមុខគ្រូបង្រៀនខាងលើ អោយជាប់ពន្ធនាគារចំនួន៥ឆ្នាំ និងសងជម្ងឺចិត្តចំនួន១៩លានរៀល។ រឿងនេះឪពុកម្តាយ ក្មេងស្រីរងគ្រោះបានរីករាយនិយាយថា ការកាត់ក្តីនេះជារឿងយុត្តិធម៌បំផុតសម្រាប់ជនរងគ្រោះ។
លោក ខៀវ ឃុយ តំណាងអាណាព្យាបាលសិស្សស្រីទាំង៤នាក់បាន និយាយរឿងដោយសង្ខេបថា៖ នៅអំឡុងពាក់កណ្តាលខែឧសភា ឆ្នាំ២០១៣ គ្រួបង្រៀនម្នាក់ ឈ្មោះ កែម ចាន់ឆេន បង្ហាត់សិស្សថ្នាក់ទី៦ នៃសាលាបឋមសិក្សាមួយក្នុងឃុំស្វាយជ្រុំ បានប្រព្រឹតអំពើបៀតបៀនកេរ្ត៍ខ្មាស់លើសិស្សស្រីម្នាក់ នៅក្នុងថ្នាក់រៀន ខណៈសិស្សទាំងអស់ចេញពីថ្នាក់ទៅធ្វើពលកម្មអស់ ។ ក្រោយមករឿងនេះបានដឹងដល់ឪពុកម្តាយសិស្ស ហើយបានហៅសួរនាំទើបដឹងរឿង និងបានបែកធ្លាយរឿងបន្ថែមថា លោកគ្រួរូបនោះធ្លាប់បានប្រព្រឹត្តបែបនេះមកលើសិស្សស្រីរងគ្រោះជាច្រើនលើករួចមកហើយ មិនត្រឹមតែសិស្សម្នាក់នេះទេ គឺមានសិស្សសរុបដល់ទៅ៤នាក់ ដែលសិស្សស្រីពេលនោះនាងមានអាយុពី១២ទៅ១៣ឆ្នាំ តែបច្ចុប្បន្នពួកនាងមានអាយុពី១៦ទៅ១៧ឆ្នាំអស់ហើយ។ ប៉ុន្តែរឿងគួរសោកស្តាយនោះក្រោយពេលកើតហេតុ សិស្សស្រី៣នាក់បានឈប់រៀនបន្ទាប់មានភាពអៀនខ្មាស់ចំពោះសិស្សដូចគ្នានៅក្នុងថ្នាក់រៀន ។ - លោក ខៀវ ឃុយ បានបន្តថាៈ ក្រោយពេលកើតហេតុ លោកនិងអាណាព្យាបាលសិស្ស បានដាក់ពាក្យប្តឹង មកតុលាការខេត្តកំពង់ឆ្នាំង និងបន្តដាក់ពាក្យប្តឹងដល់សាលាឧទ្ធរណ៍ ក្រសួងយុត្តិធម៌ និងក្រុមប្រឹក្សាអង្គចៅក្រមផងដែរ ទើបក្រោយមកថ្នាក់លើទម្លាក់សំណុំរឿងនេះ មកសាលាបំបូងខេត្ត កំពង់ឆ្នាំងជាអ្នកដោះស្រាយវិញ ។
រហូតដល់ថ្ងៃទី២០ ខែមិថុនា ឆ្នាំ២០១៧នេះ សាលាដំបូងខេត្តបានបើកសវនាការជំនុំជំរះរឿងក្តីនេះឡើងវិញ ដោយសម្រេចកាត់ទោសកំបាំងមុខលើគ្រូបង្រៀន កែម ចាន់ឆេន ដែលបៀតបៀនកេរ្ត៍ខ្មាស់លើសិស្សរងគ្រោះ ដោយដាក់ពន្ធនាគារយៈពេល៥ឆ្នាំ និងត្រូវសងជម្ងឺចិត្ត លើកុមារីរងគ្រោះធ្ងន់ជាងគេចំនួន១០លានរៀល និងកុមារី៣នាក់ទៀត ម្នាក់ៗ៣លានរៀលផងដែរ ។ លោកបានបញ្ជាក់ថាៈ ការសម្រេចក្តីនេះរបស់តុលាការ គឺមានភាពយុត្តិធម៌បំផុតសម្រាប់ក្មេងស្រីរងគ្រោះទាំង៤នាក់ និងទោះបីជនជាប់ចោទពេលនេះស្ថិតនៅក្រៅឃុំក៍ដោយ លោកនិងមាតាបិតាជនរងគ្រោះជឿជាក់ថា ក្រោយពីសវនាការនេះចប់ តុលាការខេត្តនឹងចេញដីការនាំខ្លួនជនល្មើសជាគ្រួបង្រៀនឈ្មោះ កែម ចាន់ឆេន មកផ្តន្ទាទោសតាមសាលក្រមសម្រេចរបស់តុលាការជាពុំខានឡើយ៕ ( ឈៀង ថារិទ្ធ )

              

ចាប៉ីដងវែងខ្នាតយក្សត្រូវបានដង្ហែទៅរក្សាទុកនៅសាលាខេត្តបាត់ដំបង

សៀមរាប៖ចាប៉ីដងវែងខ្នាតយក្ស ដែលផលិតឡើងដោយអាជ្ញាធរជាតិអប្សរា ក្រោមការជ្រោមជ្រែងរបស់សហភាពសហព័ន្ធយុវជនកម្ពុជា ក្នុងឱកាសព្រឹត្តិការណ៍អង្គរសង្ក្រាន្តកន្លងទៅនេះ ត្រូវបានដង្ហែទៅរក្សាទុកក្នុងបរិវេណសាលាខេត្តបាត់ដំបង ក្នុងផ្ទះបុរាណសម័យលោកម្ចាស់ ឈុំ អភ័យវង្ស (កថាថន) និងបានធ្វើពិធីប្រគល់ជូនដោយជោគជ័យនៅព្រឹកថ្ងៃទី១៣ ខែមិថុនា ឆ្នាំ២០១៧នេះ។
ការសម្រេចដង្ហែចាប៉ីដងវែងខ្នាតយក្ស ដែលបានបំបែកឯតទគ្គកម្មថ្នាក់ជាតិកាលពីថ្ងៃទី១៤ ខែមេសា ឆ្នាំ២០១៧ ទៅរក្សាទុកនៅក្នុងខេត្តបាត់ដំបងនៅពេលនេះ ធ្វើឡើងក្រោមគំនិតផ្តួចផ្តើមរបស់លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិអប្សរា និងមានការឯកភាពពីសំណាក់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជាស្របពេលដែលខេត្តបាត់ដំបង ក៏ជាខេត្តមួយដែលសម្បូណ៌ទៅដោយបេតិកភណ្ឌជាតិជាច្រើនផងដែរ។
លោកស្រី កែវ សុភាព ប្រធានមន្ទីរវប្បធម៌ និងវិចិត្រសិល្បៈខេត្តបាត់ដំបងមានប្រសាសន៍ថា ការទទួលបានចាប៉ីដងវែងខ្នាតយក្សនៅពេលនេះ គឺជាកិត្តិយសមួយដ៏ធំធេងរបស់ខេត្តបាត់ដំបង។ “ខ្ញុំពិតជារីករាយដែលខេត្តបាត់ដំបងបានទទួលចាប៉ីដងវែងដ៏ធំនេះ។ ចាប៉ីនឹងត្រូវដាក់ជូនបងប្អូនប្រជាពលរដ្ឋទូទៅចូលទស្សនាដើម្បីឲ្យពួកគាត់កាន់តែស្រឡាញ់កេរមរតករបស់ដូនតាយើង ហើយចូលរួមថែរក្សាឲ្យបានគង់វង្សតទៅ”។
ឯកឧត្តម សុខ សង្វារ អគ្គនាយករងនៃអាជ្ញាធរជាតិអប្សរា និងជាប្រធានគម្រោងភូមិខ្ញុំនៃព្រឹត្តិការណ៍អង្គរសង្ក្រាន្ត មានប្រសាសន៍ក្នុងឱកាសបង្ហាញចាប៉ីដងវែងដល់ថ្នាក់ដឹកនាំខេត្តបាត់ដំបង និងប្រតិភូនៃកិច្ចប្រជុំរដ្ឋមន្រ្តីទេសចរណ៍នៃកិច្ចសន្ទនាសហប្រតិបត្តិការអាស៊ីលើកទី២ ថា ការកសាងចាប៉ីដងវែងខ្នាតយក្សដាក់តាំងក្នុងព្រឹត្តិការណ៍អង្គរសង្ក្រាន្តកន្លងទៅនេះ គឺដើម្បីអបអរសាទរដែលចាប៉ីដងវែងរបស់កម្ពុជា ត្រូវបានអង្គការយូណេស្កូ សម្រេចដាក់បញ្ចូលបញ្ជីបេតិកភណ្ឌវប្បធម៌អរូបី នៅក្នុងកិច្ចប្រជុំរបស់អង្គការយូណេស្កូនាទីក្រុង Addis Ababa ប្រទេសអេត្យូពី នាថ្ងៃទី៣០ ខែវិច្ឆិកា ឆ្នាំ២០១៦។
ឯកឧត្តមបន្ថែមថា ការដង្ហែចាប៉ីដងវែងខ្នាតធំមករក្សាទុកក្នុងខេត្តបាត់ដំបងនេះ នឹងធ្វើឲ្យធ្វើប្រជាពលរដ្ឋកាន់តែច្រើនមានការចាប់អារម្មណ៍ ស្រឡាញ់ និងរួមចំណែកថែរក្សាបេតិកភណ្ឌនេះបានគង់វង្សយូរអង្វែង។ ជាមួយគ្នានេះ ឯកឧត្តមក៏បានថ្លែងអំណរគុណចំពោះថ្នាក់ដឹកនាំខេត្តបាត់ដំបង ក្រោមអធិបតីភាពឯកឧត្តម ច័ន្ទ សុផល និងប្រធានសហភាពសហព័ន្ធយុវជនកម្ពុជាឯកឧត្តម ស រដ្ឋា ដែលបានទទួលស្វាគមន៍យ៉ាងកក់ក្តៅ និងទទួលរក្សាទុកចាប៉ីដងវែងខ្នាតធំនេះក្នុងអាគារបុរាណដែលមានអាយុកាលជាង១០០ឆ្នាំ។
សូមបញ្ជាក់ថា ចាប៉ីដងវែងខ្នាតធំ ដែលបានដាក់តាំងបង្ហាញក្នុងបរិវេណភូមិខ្ញុំនៅថ្ងៃអង្គរសង្រ្កាន្ត និងបានដង្ហែមករក្សាទុកក្នុងខេត្តបាត់ដំបងនេះ មានប្រវែង១០ម៉ែត្រកន្លះ មានតួស្នូកទទឹងប្រវែង ២,២០ម៉ែត្រ បណ្តោយប្រវែង ២,៨០ម៉ែត្រ និងកម្រាស់ ៦០សង់ទីម៉ែត្រ។ ដងចាប៉ីដែលមានប្រវែង៧,៧០ម៉ែត្រ។ ចំណែកស្នូកធ្វើអំពីឈើកុំប្លាកេ និងខ្សែចាប៉ីធ្វើអំពីខ្សែជ័រទំហំ៨៥សង់ទីម៉ែត្រ។ ប្រលួតចំនួន៣ ដែលមានទំហំ ១៨សង់ទីម៉ែត្រ និងបណ្តោយប្រវែង១,០៥ម៉ែត្រ ត្រូវបានរចនាក្បូរក្បាច់យ៉ាងប្រណីត៕

ចុងដៃស្វាយកែវល្មៀតហក់ឡើងថ្លៃវិញគួរសមធ្វើឱ្យម្ចាស់ចំការសប្បាយចិត្ត

ខេត្ដកណ្ដាល:កាលពីដើមរដូវស្វាយបានថ្លៃ លុះពាក់កណ្តាលដៃធ្លាក់ចុះហៅលែងលឺធ្វើឱ្យក សិករយំលែងចេញ ប៉ុន្តែ បានស្ទុះថ្លៃឡើងវិញនៅចុងរដូវធ្វើឱ្យម្ចាស់ចំការមានទឹកមាត់លេបវិញ៖ម្ចាស់ចំការស្វាយម្នាក់ឈ្មោះ ទោ ប៊ុនថា រស់នៅភូមិលេខ៥ ឃុំត្រើយស្លា ស្រុកស្អា ង ខេត្តកណ្តាល បានប្រាប់ដែរថា តម្លៃស្វាយកាលពីដើមដៃ គឺប្រហាក់ប្រហែលទៅហ្នឹងកាលពីឆ្នាំកន្លងទៅដែរ ប៉ុន្តែ ស្វាយបានធ្លាក់ថ្លៃយ៉ាងខ្លាំងកាលពីពាក់កណ្តាលដៃ បន្ទាប់ពីខាងវៀតណាមលែងឱ្យស្វាយខ្មែរចូល និងអនុញ្ញាតឱ្យចូលមានកំណត់ ដោយលែងឱ្យដឹកឡានចូល ឱ្យតែដឹកត្រឹមម៉ូតូចូល។

អ្នកស្រីបានបន្តថា ប៉ុន្តែ ពេលនេះស្វាយគឺចាប់មានហាងឆេងគ្រាន់បើបន្តិចវិញ ហើយឈ្មួញវៀតណាមបានចុះមកទិញដល់ចំការតែម្តង និងថែមទាំងបេះដឹកជញ្ជូនដោយខ្លួនឯងទៀត ម្ចាស់ចាំតែថ្លឹងនិងគិតប្រាក់តែប៉ុណ្ណោះ។ ម្ចាស់ចំការរូបនេះ បានប្រាប់ថា ស្វាយគឹគេបែងចែកជា៣ប្រភេទ ដែលកាលពីដើមដៃ អាលេខ១ក្នុង១គីឡូក្រាមតម្លៃ១៨០០រៀល លេខ២ក្នុង១​គីឡូ​ក្រាម១២០០ទៅ១៣០០រៀល និងប្រភេទលេ ខ៣បាន៨០០រៀលក្នុង១គីឡូក្រាម ហើយជាង៩០ភាគរយដែលត្រូវបាននាំទៅលក់នៅប្រទេសវៀតណាម។

លុះពាក់កណ្តាលដៃស្វាយ ធ្លាក់ថ្លៃហៅលែងលឺ១គីឡូក្រាមត្រឹមតែជាង២០០ទៅ៤០០រៀលប៉ុណ្ណោះ ហើយបេះយកទៅលក់ខ្លួនឯងទៀត ធ្វើឱ្យអ្នកដាំយំលែងចេញ ប៉ុន្តែ មកដល់ចុងដៃនេះ បានគ្រាន់បើបន្តិចវិញដោយអាលេខ​១ក្នុង១គីឡូ​ក្រាម​១២០០ទៅ១៣០០រៀល និងអាលេខ២បាន៦០០រៀលដែរ។
អ្នកស្រីក៏បានបន្ថែមដែរថា គាត់មានចំការស្វាយចំនួន២ ហើយកាលពីឆ្នាំកន្លងមកសល់បាន៦ទៅ៧ពាន់ ដុល្លារដែរក្នុង១ឆ្នាំ ប៉ុន្តែ ឆ្នាំនេះមិនបានដូចឆ្នាំមុនទេ ហើយបើកុំតែចុងដៃនេះឡើងថ្លៃបានប៉ុណ្ណោះវិញនោះ កុំអីវីរវ័រធំមិនខានឡើយ។ ម្ចាស់ចំការដដែលក៏បា នប្រាប់ដែរថា ស្វាយកែវល្មៀតត្រូវចំណាយចាប់តាំងពីដាំរហូតដល់បានផលត្រូវប្រើរយៈពេល៣ឆ្នាំ ចំណែកឯការដាំវិញ គឺត្រូវជីករណ្តៅដាំឃ្លាតពីគ្នាចម្ងាយពី៦ទៅ៧ម៉ែត្រ និងដាក់ជីលាមកគោបន្តិច ហើយបើខែប្រាំង១ខែទៅ២ខែ ទើបបូមទឹកស្រោចម្តង។

ចំពោះការបាញ់ថ្នាំវិញនោះ គឺមិនមែនបាញ់បង្ខំឱ្យផ្លែនោះទេ គឺបាញ់ដើម្បីសម្លាប់សត្វល្អិត ដង្កូវឌួង និងឱ្យកាន់ផ្កានៅពេលមានភ្លៀងប៉ុណ្ណោះ ហើយសព្វថ្ងៃនេះ គេនិយមច្រកផ្លែស្វាយក្នុងថង់ក្រដាស់ដើម្បីឱ្យផ្លែវាសល្អ ព្រោះបើសល្អលក់បានតម្លៃថ្លៃ និងអាចការពារកុំឱ្យសត្វល្អិតទិចថែមទៀតផង ហើយបើយើងថែវាល្អក្នុង១ឆ្នាំអាចទទួលផលបានដល់ទៅ៣លើកឯ​ណោះ។
ចំណែកឯស្ត្រីជនជាតិវៀតណាមដែលជាឈ្មួញចូលមកទិញស្វាយម្នាក់ ក្នុងចំណោ មឈ្មួញដ៏ទៃទៀត បានប្រាប់ដែរថា ទើបតែជាង២០ថ្ងៃមកនេះទេ ដែលខាងវៀតណាមអនុ ញ្ញាតឱ្យស្វាយខ្មែរចូល ដោយអនុញ្ញាតឱ្យដឹកឡានចូល ទើបស្វាយបានថ្លៃឡើងវិញនេះ។

កាលពីមុន គេមិនឱ្យចូលដោយប្រាប់ថា ស្វាយខ្មែរមិនទាន់បានចុះបញ្ជីរការត្រឹមត្រូវ ក្រោ យមកអោយចូលដែរ តែកំណត់ឱ្យដឹកតែតាមម៉ូតូប៉ុណ្ណោះ ជាហេតុធ្វើឱ្យស្វាយចុះថ្លៃ តែឥ ឡូវវៀតណាមអនុញ្ញតវិញហើយ ទើបអ្នកស្រីចូលមកទិញវិញ ដោយក្នុង១ថ្ងៃអាចប្រមូលទិ ញបានប្រមាណ៣០តោនដែរ ព្រោះតែស្វាយជិតអស់ហើយដែរ និង១គីឡូក្រាមអា​លេខ​១តម្លៃ១៣០០រៀល និងអាលេ២ថ្លៃ៦០០រៀល និងដឹកចេញតាមច្រកចក្រីខេត្តព្រៃវែង។ដែលក្នុង១ថ្ងៃៗ អ្នកស្រី ត្រូវចំណាយលុយជាង២លានរៀល ទៅលើកម្មករបេះស្វាយ និងដឹកជ ញ្ជូនឡើងពីចំការ ព្រមទាំងរើស និងរៀបស្វាយដាក់ចូលកេស។
លោក ប៉ាវ ប៉េង មេឃុំត្រើយស្លា បានប្រាប់ឱ្យដឹងថា ទូទាំងឃុំ មានស្វាយកែវល្មៀតចំនួន១៨០០ហិចតា ស្មើហ្នឹង៥​៤០០០០ដើម ហើយស្វាយគឺដំណាយុទ្ធសាស្ត្រដែលជួយអោយជីវភាពរបស់ប្រជាកសិករនៅក្នុងឃុំមានភាពធូរធារ ហើយគិតជាមធ្យមក្នុង១ឆ្នាំ ស្វាយទូទាំងឃុំអាចលក់បានតម្លៃប្រមាណជា៦៤៨០០០០ដុល្លារ ( ប្រាំមួយលានបួនសែនប្រាំបីម៉ឺនដុល្លារ ) ហើយចំណូលពីផ្លែស្វាយនេះ ពុំមែនបានដល់តែម្ចាស់ស្វាយប៉ុណ្ណោះទេ ក៏បានទៅដល់ពលរដ្ឋដែលជាអ្នកស៊ីឈ្នួលបើករឺម៉ក និងបេះផ្លែស្វាយផងដែរ ដែលក្នុង១ថ្ងៃទទួលប្រាក់ឈ្នួលបាន១០ដុល្លារ ថែមទៀតផង៕
វណ្ណៈ


គណៈប្រតិភូអន្ដរជាតិចូលរួមដាំដើមឈើប្រណិតចំនូន១០០ដើមនៅជិតស្រះស្រង់

ខេត្តសៀមរាប៖ដើម្បីរួមចំណែកធ្វើឲ្យតំបន់អង្គរកាន់តែមានទេសភាពបៃតងស្អាតគណៈប្រតិភូសន្និសីទអន្តរ ជាតិលើកទី១ ស្តីពីទេសចរណ៍ប្រកបដោយចីរភាព និងទីក្រុងបេតិកភណ្ឌបានចូលរួមដំាកូន ឈើចំនួន ១០០ដើមនៅជិតស្រះស្រង់
អាជ្ញាធរជាតិអប្សរាសហការជាមួយក្រសួងទេសចរណ៍នៅព្រឹកថ្ងៃទី១៥ខែមិថុនានេះរៀបចំពិធីដាំកូនឈើអនុស្សាវរីយ៍សម្រាប់គណៈប្រតិភូសន្និសីទអន្តរជាតិលើកទី១ស្តីពីទេសចរណ៍ប្រកបដោយចីរភាពនិងទីក្រុងបេតិកភណ្ឌពិធីដាំកូនឈើអនុស្សាវរីយ៍នេះរៀបចំ នៅ បរិវេណស្រះស្រង់ទល់មុខប្រាសាទបន្ទាយក្តី ។
ឯកឧត្តម ស៊ុំ ម៉ាប់ តំណាងលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រ
សិល្បៈ និងជាប្រធានអាជ្ញាធរជាតិអប្សរាបានមានប្រសាសន៍ថា ភាពល្បីល្បាញនៃអង្គរ
ទៅកាន់ពិភពលោកសព្វថ្ងៃ មិនអាស្រ័យតែប្រាង្គប្រាសាទបុរាណប៉ុណ្ណោះទេ តែទេសភាព
វប្បធម៌និងបរិស្ថានជុំវិញរមណីយដ្ឋានអង្គរក៏ជាកត្តារួមចំណែកដ៏សំខាន់ផងដែរ។ អាជ្ញាធរ
ជាតិអប្សរាបានទទួលយកស្តង់ដារISO14001នៃប្រទេសជប៉ុនមកអនុវត្តលើការងារគ្រប់គ្រងបរិស្ថាននៅតំបន់អង្គរតាំងពីឆ្នាំ២០០៤មក ហើយបានទទួលជោគជ័យ ដោយទទួលបាន
វិញ្ញាបនបត្រនេះចំនួន៤លើករួចមកហើយ។ឈរលើគោលការណ៍នេះ អាជ្ញាធរជាតិអប្សរា
បានបង្កើនការដាំកូនឈើជាប្រចាំក្នុងតំបន់រមណីយដ្ឋានអង្គរ តាមរយៈការជ្រើសរើសដី
ទំនេរ ទីកន្លែងសាធារណៈ វត្តអារាម ការដាំជំនួសឈើងាប់ និងជំរុញឲ្យប្រជាពលរដ្ឋចូល
រួមដាំតាមផ្ទះសម្បែង និងតាមភ្លឺស្រែជាដើម។ទន្ទឹមនេះ អាជ្ញាធរជាតិអប្សរាក៏តែងសហការ
ជាមួយស្ថាប័នពាក់ព័ន្ធផ្សេងៗ ដូចជា ក្រសួងទេសចរណ៍ ក្រសួងបរិស្ថានជាដើម ដើម្បី
ជំរុញការដាំកូនឈើក្នុងតំបន់អង្គរតាមរយៈកម្មវិធីរុក្ខទិវា និងកម្មវិធីបរិស្ថានជាដើម។ ជាក់
ស្តែងការរៀបចំកម្មវិធីដាំកូនឈើអនុស្សាវរីយ៍សម្រាប់គណៈប្រតិភូសន្និសីទអន្តរជាតិលើកទី១ស្តីពីទេសចរណ៍ប្រកបដោយចីរភាពនិងទីក្រុងបេតិកភណ្ឌនាពេលនេះ ក៏ជាការតាម អនុសាសន៍ណែនាំរបស់សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្រ្តី នៃព្រះរាជាណាចក្រកម្ពុជា ក្នុងការជំរុញការអភិវឌ្ឍតំបន់បៃតងឲ្យបានគ្រប់គ្រាន់នៅតាម ក្រុងនិមួយៗដោយលើកទឹកចិត្តឲ្យមានយុទ្ធនាការណ៍ដាំដើមឈើក្រោមពាក្យស្លោក “ដាំដើមឈើផ្តើមចេញពីអ្នក” ឬ “ទេសចរម្នាក់ ដើមឈើមួយដើម”៕
ឃុត សៅ សៀមរាប-15-06-2017

អ្នកគ្រូថ្នាក់មត្តេយ្យរងការចោទប្រកាន់ថា ប្រើអំពើហឹង្សាលើកុមារតូចៗ

ខេត្តឧត្តរមានជ័យ៖មានសេចក្តីរាយការណ៍ពីអាណាព្យាបាលសិស្សនៃសាលាបឋមសិក្សាថ្នល់បំបែក(ហៅសាលាជប៉ុន) ស្ថិតនៅភូមិពពេល ឃុំផ្អាវ ស្រុកត្រពាំងប្រាសាទ បានអោយដឹងថា កូនតូចៗរបស់ពួកគាត់មិនព្រមចូលរៀនទេព្រោះខ្លាចអ្នកគ្រូវាយធ្វើបាប។ អ្នកគ្រូថ្នាក់មត្តេយ្យដែលរងការចោទប្រកាន់ថា ប្រើអំពើហិង្សាលើកុមារទាំងនោះ ត្រូវបានគេស្គាល់ថាឈ្មោះ សំបូ ស្រីនាង ជាគ្រូប្រចាំថ្នាក់តែម្តង។

អ្នកស្រីឃុន រម្យ ពលរដ្ឋរស់នៅភូមិឃុំខាងលើបានអោយដឹងថា៖គាត់បានបញ្ជូនកូនស្រីឈ្មោះ ខេន ស្រីកា អោយទៅរៀននៅសាលាខាងលើបានតែមួយរយះក៏ឈប់ទៅរៀន ដោយកូនគាត់ប្រាប់ថា់អ្នកគ្រូវាយធ្វើបាប អ្នកស្រីបន្តរថា បើទោះបីគាត់លួងលោមយ៉ាងណាក៏មិនព្រមទៅរៀនដែរ ដោយប្រាប់គាត់វិញថាខ្លាចអ្នកគ្រូវាយ។

ចំណែកបងស្រីឈ្មោះ ផង់ សុគា បាននិយាយថា កូនស្រីគាត់ឈ្មោះ គ្រុយ ម៉េងហួយ អាយុ5ឆ្នាំ ត្រូវបានអ្នកគ្រូវាយធ្វើបាបម្តងហើយម្តងទៀតដោយកាលពី3ខែមុនកូនគាត់ត្រូវអ្នកគ្រូ សំបូ ស្រីនាងវាយនិងរំពាត់ត្រូវភ្នែកខាងស្តាំបណ្តាលអោយឈឺជាងមួយសប្តាហ៏។

លោកពូឈ្មោះ នួន ចាន់ណា បានអោយដឹងស្រដៀងគ្នាដែរថាកូនគាត់ក៏ធ្លាប់ត្រូវអ្នកគ្រូខាងលើវាយដែរ តែគានជម្រើសដោយគ្មានលទ្ធភាពបញ្ជូនទៅរៀននៅឯសាលាផ្សេង។ ជាក់ស្តែងកាលពីថ្ងៃទី12ខែ6ឆ្នាំ2017កុមារីម្នាក់ឈ្មោះ ខៀវ សុផាមុនី អាយុ4ឆ្នាំ ត្រូវបានអ្នកគ្រូខាងលើវាយនិងរំពាត់រហូតបែកឈាមដៃខាងឆ្វេង។

ពាក់ពន្ធ័ការចោទប្រកាន់ខាងលើក្រុមការងារយើងមិនអាចសុំការបំភ្លឺពីអ្នកស្រី សំបូ ស្រីនាង បានទេដោយទូរសព្ទមិនអាចទាក់ទងបាន។

លោក ជា ស្រេង នាយកសាលាបឋមសិក្សាថ្នល់បំបែកបានអោយដឹងថា ៖ពិតជាមានករណីប្រើអំពើហិង្សាលើសិស្សថ្នាក់មន្តេយ្យមែន ហើយលោកក៏ធ្លាប់អប់រំច្រើនដងហើយដែរ តែអ្នកគ្រូខាងលើមិនស្តាប់។លោកបញ្ជាក់ទៀតថា៖ឈ្មោះសិស្សរៀនក្នុងថ្នាក់មន្តេយ្យមានចំនួន19នាក់ តែមកដល់បច្ចុប្បន្នសិស្សដែលចូលរៀនមានចំនួនមិនដល់10នាក់ផង។

ជុំវិញការចោទប្រកាន់ខាងលើ លោកពេជ្យ រតនា ប្រធានមន្ទីរអប់រំយុវជននិងកីឡាខេត្តឧត្តមានជ័យ បានថ្លែងថាចំពោះករណីនេះលោកនិងចាត់ក្រុមការងារលោកធ្វើការតាមដានរកការពិត ៕ វិចិត្រ ឧត្តរមានជ័យ 

មន្ដ្រីថៃហាមពលរដ្ឋថៃមិនអោយមកទិញល្ពៅខ្មែរនៅច្រកអានសេះ

ខេត្តព្រះវិហារ៖អាជីវករអ្នកលក់ល្ពៅ ស្វាយ នៅលើច្រកទ្វាអានសេះទឹកដីកម្ពុជា បានសម្តែងការព្រួយបារម្ភ និងមិនសប្បាយចិត្តយ៉ាងខ្លាំង បន្ទាប់ពីភាគីកងទ័ពថៃប្រចាំច្រកទ្វាអានសេះ មិនឲ្យប្រជាជនថៃទាំង អស់ទិញល្ពៅខ្មែរ នាំចូលទៅក្នុងទឹកដីថៃ ដោយយកលេសចោទអាជីវករខ្មែរ ថាល្ពៅមានជាតិគីមី ។
ថ្លែងប្រាប់ទូរទស្សន៍រស្មីហង្សមាស នៅលើច្រកអានសេះព្រំដែនកម្ពុជាថៃ នៅថ្ងៃនេះ អ្នកស្រី អ៊ុង នី ជាអាជីវករលក់ល្ពៅ បានរៀបរាប់ថា​៖ រយៈពេលជិត១សប្តាហ៍ហើយ ដែលភាគីថៃ បានបិទមិនឲ្យអាជីវករខ្មែរនាំចេញល្ពៅទៅលក់ឲ្យឈ្មួញថៃ លើច្រកទ្វាអានសេះ ដោយបាន យកលេសចោទថា ល្ពៅខ្មែរមានជាតិគីមី និងអនុញ្ញាតប្រជាជនថៃទិញបានត្រឹមតែ ល្ពៅ១ផ្លែ ឬ២ផ្លែ តែប៉ុណ្ណោះ តែប្រសិនបើទិញចាប់ពី១០គីឡូ ១០០គីឡូឡើងទៅ ភាគីថៃមិនអនុញ្ញាតឲ្យយកចូលទឹក ដីថៃបានទេ ។

អ្នកស្រីបន្តថា៖ ប្រសិនភាគីថៃនៅតែធ្វើបែបនេះ អាជីវករទាំងអស់នៅលើច្រកទ្វាអានសេះ នឹងបឈ្ឈប់ ការទិញទំនិញ ក៏ដូចជាបន្លែជាច្រើនមុខដែលធ្លាប់ទិញពីមុនមកទៀតហើយ ព្រោះកន្លងទៅ ភាគីថៃ បាននាំបន្លែត្រីសាច់ មកលក់ឲ្យខ្មែរ ទាំងឡានៗ ទាំងរទេះៗ ភាគីខ្មែរ ពុំដែលមានបញ្ហាចោទ ទៅលើភាគីថៃម្តងណាទេ ដោយគិតថា ការផ្តោះប្តូរទំនិញទៅវិញទៅមករវាងអ្នករស់នៅជាប់ព្រំដែនគ្នា តែពេលនេះ ប្រសិនបើពុំមានដំណោះស្រាយពាក់ព័ន្ធ នឹងការ នាំចេញ កសិផលល្ពៅ ស្វាយរបស់ខ្មែរ ទៅលក់ឲ្យឈ្មួញថៃនោះទេនោះ ពួកគាត់នឹងបញ្ឈប់ការទិញទំនិញពីថៃដូចគ្នា ។
ដោយឡែកអ្នកស្រី ឯម ចន្ធី ជាអាជីវករលក់ល្ពៅដូចគ្នា បានសម្តែងការព្រួយបារម្ភចំពោះការ ខាតបង់ថវិកាជាច្រើន ក្នុងការបង្កបង្កើនផលល្ពៅរហូតមកដល់ពេលប្រមូលផល យកមកលក់ឲ្យថៃ បែរ ជាទាហានថៃហាមឃាត់មិនឲ្យប្រជាជនថៃទិញយកទៅប្រទេសថៃនោះទេ ។

អ្នកបានបញ្ជាក់ទៀតថា ៖"ឈ្មួញថៃ បានទំនាក់ទំនងបញ្ជាទិញពីអ្នកស្រីជាច្រើនរយគីឡូក្នុងម្នាក់ៗ ប៉ុន្តែទាហាន និងតម្រួតថៃ មិនអនុញ្ញាតឲ្យប្រជាជន ក៏ដូចជាឈ្មួញថៃ នាំចូលទៅក្នុងទឹកដីថៃនោះទេ "។
ប្រជាជនថៃម្នាក់ដែលមកទិញល្ពៅនៅលើផ្សារច្រកអានសេះទឹកដីកម្ពុជា បាននិយាយថា គាត់ ទិញល្ពៅប្រមាណ ១០ ទៅ២០គីឡូតែប៉ុណ្ណោះ បំណងយកទៅក្នុងស្រុករបស់ខ្លួនដើម្បីទុកធ្វើម្ហូបអាហារ តែ នៅពេលដែលគាត់យួរចូលតាមច្រកទ្វាព្រំដែន បែរជាទាហានថៃ បញ្ជាមិនឲ្យយកចូលនោះទេ ដោយមិន ដឹងមូលហេតុ ហើយក៏ សម្រេចចិត្តមកប្តូរយកប្រាក់ពីអាជីវករខ្មែរវិញ ។
រីឯអាជីវករម្នាក់ទៀតឈ្មោះ នូ សុផុន ជាអ្នកនាំស្វាយទៅលក់នៅក្នុងទឹកដីថៃ បានសំណូមពរ ថា ប្រសិនណាបើផលិតផលកសិកម្មរបស់ប្រទេសថៃ ហូរចូលមកទឹកដីខ្មែរបាន ធ្វើឲ្យណាឲ្យផលិតផលរបស់ ខ្មែរ បាននាំចេញទៅក្នុងទឹកដីថៃដូចគ្នា ។ លោកបន្តថា ៖"នៅក្នុងរដូវនេះ កសិករខ្មែរកំពុងតែ ដល់រដូវ នាំ ចេញល្ពៅស្វាយ តែបែរជាថៃមិនឲ្យនាំចេញ មួយវិញទៀត គ្រាប់ពូជល្ពៅដែលកសិករដាំ សុទ្ធតែយកមក ពីទឹកដីថៃទាំងអស់ តែពេលដាំដុះបានផល បែរជាយកទៅលក់ឲ្យថៃមិនអនុញ្ញាតឲ្យចូល ធ្វើឲ្យអាជីវករ ខ្មែរ ខាតបង់ថវិកា ដោយឡែកកសិផលនឹង រលួយអស់ឆាប់ៗ ប្រសិនបើពុំបាននាំចេញ "។


ជាមួយគ្នានេះ លោក ជា គឹមសេង អភិបាលស្រុកជាំក្សាន្ត បានអះអាងថា ៖"ទម្លាប់របស់ទាហាន ថៃតែងតែបង្កឡើងដោយបិទមិនឲ្យអាជីវករខ្មែរនាំកសិផលចូលតាមច្រកទ្វាអានសេះនេះជាច្រើន លើក ច្រើនសារមកហើយ ដោយបានប្រើលេសថា កសិផលខ្មែរផ្ទុកដោយជាតិគីមី ដែលកន្លងទៅ។

អាជ្ញាធរតែង តែបានធ្វើការដោះស្រាយជាច្រើនដងទទួលបានលទ្ធផល និងមានការព្រមព្រៀងគ្នារួចមកហើយ ក្នុង ការបង្កើនទំនាក់ទំនង ការផ្តោះប្តូរទំនិញគ្នារវាងប្រជាជនទាំងពីរភាគីកម្ពុជាថៃ ប៉ុន្តែពេលនេះ ភាគីថៃ បានចាប់ផ្តើមចោទអាជីវករខ្មែរម្តងទៀត ។

លោកបញ្ជាក់ថា៖ អាជ្ញាធរជាប់ព្រំដែនទាំងពីរភាគី នឹង ណាត់ជួបចរចារគ្នា រកដំណោះស្រាយណាមួយសមស្រប ដើម្បីជាប្រយោជន៍ដល់ប្រជាជនទាំងពីរភាគី ។
សូមបញ្ជាក់ថា ការនាំចេញកសិផលរបស់អាជីវករខ្មែរនៅលើច្រកទ្វាអានសេះ មានដូចជា ល្ពៅ ស្វាយ ផ្សិត ពង្រ ចុងផ្តៅ និងបន្លែព្រៃផ្សេងៗ។ ដោយឡែក ភាគីថៃ បាននាំចូលទំនិញ មកទឹកដីកម្ពុជា មានដូចជា មាន់ ទា បន្លែគ្រប់មុខ និងរបស់របរប្រើប្រាស់មួយចំនួន

ពលរដ្ឋក្រីក្ររីករាយនឹងមូលនិធិសមធម៍ជួយពួកគាត់ទទួលបានសេវាព្យាបាលនៅមន្ទីរពេទ្យឥតគិតថ្លៃ

 

ខេត្តតាកែវ៖ ពលរដ្ឋក្រីក្រជាច្រើននៅក្នុងខេត្តតាកែវ សម្តែងនៅទឹក ចិត្តសប្បាយរីករាយយ៉ាងខ្លាំង និងបានថ្លែងអំណរគុណដល់រាជរដ្ឋាភិបាល ដែលបានបង្កើតមូលនិធិសមធម៏នៅក្នុងមន្ទីរពេទ្យ។

អ៊ុំស្រីឈ្មោះ កើត ពៅ ដែលរស់នៅឃុំលាយបូរណ៏ ស្រុកត្រាំកក់ បាននិយាយថា រូបគាត់ជាជនក្រីក្រមួយរូបនៅក្នុងខេត្តតាកែវ ដែលបានមកទទួល សេវាព្យាបាលនៅមន្ទីរពេទ្យបង្អែកខេត្តតាកែវ តែការព្យាបាលទាំងអស់នោះថែមទាំងសាហុយធ្វើដំណើរគឺត្រូវបាន រាជរដ្ឋាបាលជាអ្នកចេញទូរទាត់ថ្លៃសេវាអោយទាំងអស់ ហើយចំពោះក្រមសីលធម៍របស់គ្រូពេទ្យគឺពួកគាត់មានការយកចិត្តទុកដាក់ក្នុងការមើលថែអ្នកជំងឹយ៉ាងខ្លាំង ។ 

ក្នុងនោះដែរលោកវេជ្ជបណ្ឌិត ឈូវ ឈួន ប្រធានមន្ទីរពេទ្យបង្អែកខេត្តតាកែវបាននិយាយថា៖ចំពោះប្រជាពលរដ្ឋក្រីក្រមានប័ណ្ឌបញ្ជាក់ត្រឹមត្រូវដែលបានមកទទួលសេវាព្យាបាលនៅមន្ទីរពេទ្យនោះ គឹត្រូវបានរាជរដ្ឋាភិបាលជាអ្នកបង់ថ្លៃជួស​លើសេវាព្យាបាលអោយទាំងអស់ មិនតែប៉ុណ្ណោះក្នុងនោះរាជរដ្ឋាភិបាលក៏លើកលែងនិងជួយបង់ថ្លៃជំនួសដល់ប្រជាពលរដ្ឋដែលជាជនពិការថែមទៀត ។ 
លោក ឈូវ ឈួន បានបន្តថា៖ ចំពោះសកម្មភាពរបស់មន្ទីរពេទ្យក្នុងរយៈពេល៦ខែដើមឆ្នាំនេះ បើធៀបជាមួយនិងឆ្នាំ កន្លងទៅ យើងឃើញថាសក្មភាពនូវមានការប្រហាក់ប្រហែលគ្នានិងឆ្នាំមុនដដែរ ព្រោះថាទាំងសកម្មភាពរបស់មន្ទីរពេទ្យ និងអ្នកមកទទួលសេវាឃើញថានូវមានចំនួនច្រើន ហើយអាត្រាប្រើប្រាស់គ្រែក៏នូវមានចំនួនច្រើន ។ដោយឆ្នាំ ០១ដល់ខែ០៦ ឆ្នាំ២០១៦ ៦៩៤៥នាក់ និង ខែ០១ដល់០៦ ឆ្នាំ២០១៧ មានអ្នកជម្ងឺចំនួន ៦៨៦៨នាក់ ដោយឡែកអ្នកជំងឺមានប័ណ្ណក្រីក្រមានចំនួន ២២១៨នាក់ ព្រោះថាទាំងសកម្មភាពរបស់មន្ទីរពេទ្យ និងអ្នកមកទទួលសេវាឃើញថានូវមានចំនួនច្រើន ហើយអាត្រាប្រើប្រាស់គ្រែក៏នូវមានចំនួនច្រើន ។

ចំពោះអ្នកជំងឺដែលមកទទួលសេវានៅក្នុងមន្ទីរពេទ្យភាគច្រើនមាន ផ្នែកជំងឹទូរទៅ ផ្នែកសម្ភពរោគស្ត្រី ផ្នែកវះកាត់ និងផ្នែកជំងឹកុមារ ។ ហើយទាក់ទិនជាមួយនិងក្រមសីលធម័របស់ក្រុមគ្រូពេទ្យវិញ គឹត្រូវបានលោកក្រើនរំលឹកជារៀងរាល់ ពេលនៅក្នុងអង្គប្រជុំដើម្បីជំរុញអោយក្រុមគ្រូពេទ្យត្រូវចេះគ្រប់អារម្មណ៏របស់ខ្លួន ។

ក្នុងនាមជាអ្នកផ្តល់សេវាអោយអតិថិជន ចំពោះការប៉ះពាល់នៅពាក្យសម្តីនោះ រវាងគ្រួរពេទ្យនិងអ្នកមកទទួលសេវានោះលោកទទួលស្គាល់ថាមន្ទីរពេទ្យនៅ តែមាន តែមនតិច ហើយជាលក្ខណបុគ្គល ដោយគ្រូពេទ្យខ្លះមិនសូវចេះប្រើពាក្យពេជ ដោយសារតែនេះជាទន្លាប់របស់ គាត់ តែទោះជាយ៉ាងណាក៏ដោយក៏លោកតម្រូវអោយពួកគាត់ត្រូវចេះគ្រប់គ្រងអារម្មណ៏ខ្លួនឯង ៕

 

រដ្ឋាភិបាលកម្ពុជាបានរៀបគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេសនិងវិជ្ជាជីវៈ ដើម្បិឆ្លើយតបនឹងតម្រូវការទីផ្សារការងារ

ភ្នំពេញ៖កម្ពុជាបានរៀបឲ្យមានគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេសនិងវិជ្ជាជីវៈ ឆ្នាំ ២០១៧-​២០២៥ ដើម្បិឆ្លើយតបនឹងតម្រូវការទីផ្សារការងារដើម្បីរួមចំណែកក្នុងការកាត់បន្ថយភាពក្រីក្រ ការលើកកម្ពស់ជីវភាពប្រជាពលរដ្ឋ និងការអភិវឌ្ឍសេដ្ឋកិច្ចសង្គមប្រកបដោយចីរភាពដូចដែលបានរំលេចឡើងក្នុងយុទ្ធសាស្រ្តចតុកោណដំណាក់កាលទី៣។

គណរដ្ឋមន្ត្រីនៃព្រះរាជាណាចក្រកម្ពុជា បានអនុម័តរួចហើនីវសេចក្តីព្រៀងគោលនយោបាយជាតិ ស្តីពីការអប់រំបណ្តុះបណ្តាលបច្ចេកទេសនិងវិជ្ជាជីវៈ ឆ្នាំ ២០១៧-២០២៥ នៅក្នុងកិច្ចប្រជុំពេញអង្គប្រចាំសប្តាហ៍នាព្រឹកថ្ងៃសុក្រទី១៦ មិថុនា នេះ ដើម្បិ ពង្រឹងភាពសុខដុមរមនានៃទំនាក់ទំនងវិជ្ជាជីវៈ ព្រមទាំងជំរុញការអប់រំបណ្តុះបណ្តាលបច្ចេកទេសវិជ្ជាជីវៈ ឲ្យឆ្លើយតបនឹងតម្រូវការទីផ្សារការងារ ។
គោលនយោបាយជាតិស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០១៧-២០២៥ដោយ កំណត់ចក្ខុវិស័យ គោលបំណង គោលដៅ និងយុទ្ធសាស្រ្តឲ្យបានច្បាស់លាស់ក្នុងការអភិវឌ្ឍធនធានមនុស្សប្រកបដោយគុណភាពខ្ពស់ សមត្ថភាព និងជំនាញឆ្លើយតបទៅនឹងការអភិវឌ្ឍសេដ្ឋកិច្ចសង្គមកិច្ច នាពេលបច្ចុប្បន្ន និងអនាគត។
គោលនយោបាយជាតិនេះមានគោលបំណងធំៗទាំង៤ រួមមាន (១)ពង្រឹងគុណភាពអប់រំបណ្តុះបណ្តាលបច្ចេកទេស និងវិជ្ជាជីវៈឲ្យស្របតាមតម្រូវការទីផ្សារការងារក្នុង និងក្រៅប្រទេស (២)បង្កើនលទ្ធភាពទទួលបានការអប់រំបណ្តុះបណ្តាលបច្ចេកទេស និងវិជ្ជាជីវៈប្រកបដោយសមធម៌សម្រាប់ បង្កើតការងារ (៣)លើកទឹកចិត្តភាពជាដៃគូរវាងរដ្ឋ និងឯកជន និងកៀរគរធនធានពីភាគីពាក់ព័ន្ធឲ្យចូលរួមក្នុងការអភិវឌ្ឍ និងធានានិរន្តរភាពនៃប្រព័ន្ធអប់រំបណ្តុះ បណ្តាលបច្ចេកទេស និងវិជ្ជាជីវៈ និង(៤)លើកកម្ពស់អភិបាលកិច្ចក្នុងប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈ។

គួរបញ្ជាក់ថា ក្នុងពេលកន្លងមកដើម្បីជំរុញការអភិវឌ្ឍវិស័យការងារ រាជរដ្ឋាភិបាលបានដាក់ចេញនូវគោលនយោបាយជាតិធំៗមួយចំនួន ក្នុងនោះរួមមានគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ២០១៥-២០២៥ និងគោលនយោបាយជាតិស្តីពីមុខរបរនិងការងារឆ្នាំ២០១៥-២០២៥ ដើម្បីរួមចំណែកក្នុងការអភិវឌ្ឍ វិស័យឧស្សាហកម្ម និងបង្កើតការងារសមរម្យ ព្រមទាំងធានាគុណភាព និងផលិតភាពខ្ពស់របស់កម្លាំងពលកម្មដែលប្រកួតប្រជែងប្រសើរជាងមុនជាមួយបណ្តាប្រទេសក្នុងតំបន់។ ដើម្បីរួមចំណែក ក្នុងការសម្រចគោលដៅរបស់គោលនយោបាយជាតិធំៗ ដែលដាក់ចេញខាងលើ ក្រសួងការងារ និងបណ្តុះបណ្តាលវិជ្ជាជីវៈ បានរៀបចំសេចក្តីព្រាង «
ជាមួយគ្នានេះ សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់គណៈកម្មាធិការ ត្រួតពិនិត្យផលិតផលថ្នាំជក់ ក៍បានអនុម៍តផងដែរ។សូមបញ្ជាក់ថាកាលពីថ្ងៃទី២១ ខែមិថុនា ឆ្នាំ២០០១ គណៈកម្មការអន្តរក្រសួងដើម្បីអប់រំ និងកាត់បន្ថយការប្រើប្រាស់ថ្នាំជក់ត្រូវបាន បង្កើតឡើង តាមរយៈសេចក្តីសម្រេចលេខ ៣៥សស ដែលមានសមាសភាព៨ក្រសួង បន្ទាប់មកនៅថ្ងៃទី០៤ ខែមិថុនា ឆ្នាំ២០១០ បានចេញសេចក្តីសម្រេចបន្ថែមសមាសភាព៣ ក្រសួងទៀត។
អនុលោមតាមមាត្រា៧ នៃច្បាប់ស្តីពីការត្រួតពិនិត្យ ផលិតផលថ្នាំជក់ អនុក្រឹត្យស្តីពីការរៀបចំនិងការប្រព្រឹត្តទៅរបស់គណៈកម្មាធិការត្រួតពិនិត្យផលិតផលថ្នាំជក់ ហៅកាត់ថា គ.ត.ផ.ថ ដែលរៀបចំឡើងដោយក្រសួងសុខាភិបាលមានបន្ថែមក្រសួងយុត្តិធម៌ ក្រសួងទេសចរណ៍ ក្រសួងការងារ និងបណ្តុះបណ្តាលវិជ្ជាជីវៈ ក្រសួងវប្បធម៌ និងវិចិត្រសិល្បៈ និងគណៈអភិបាលរាជធានី ខេត្តទាំង២៥ផងដែរ ដើម្បីជំរុញឲ្យការងារត្រួតពិនិត្យថ្នាំជក់កាន់តែមានប្រសិទ្ធភាពបន្ថែមទៀត។
សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់គណៈកម្មាធិការត្រួត ពិនិត្យផលិតផលថ្នាំជក់មាន៦ជំពូក និង១៤មាត្រា។ រីឯ បញ្ហាផ្សេងៗ ក៍ត្រូវបានអង្គប្រជុំពេញអង្គគណៈរដ្ឋមន្រ្តីអនុម័តបញ្ជូនមាន «កិច្ចព្រមព្រៀងស្តីពីការទទួលស្គាល់សុពលភាពនៃប្រកាសនីយបត្រតក្កកម្មអឺរ៉ុប រវាងរាជរដ្ឋាភិបាលនៃព្រះរាជាណាចក្រកម្ពុជា និងអង្គភាពប្រកាសនីយបត្រតក្កកម្មអឺរ៉ុប» ទៅសុំសច្ចាប័នពីស្ថាប័ននីតិប្បញ្ញត្តិ៕

គ្រួសារនាយករដ្ឋមន្ដ្រីសឹង្ហបុរីផ្ទះរឿងក្នុងគ្រូសារពាក់ព័ន្ឋនឹងផ្ទះកំណើតអតីតនាយករដ្ឋមន្ដ្រីលីក្វាន់យូ

សឹង្ហបុរី៖គ្រួសារនាយករដ្ឋមន្ដ្រីសឹង្ងបុរីផ្ទះរឿងមានទំនាស់គ្នារឿងផ្ទះកំណើតរបស់អតីតនាយករដ្ឋមន្ដ្រីលីក្វាន់យូនឹងបានបែកធ្លាយដល់អ្នកកាសែតនៅថ្ងៃនេះ។បងប្អួនប្រុសលោកនាយករដ្ឋមន្ដ្រីលីសានឡុងបានចោទលោកនាយករដ្ឋមន្ដ្រីលីសានឡុងថាបានប្រើអំណាចរដ្ឋបំភ័យនិងគៀបសង្កត់ពួកគេ។តាមបណ្ដាំលោកលីក្វាន់យូអោយកំទេចផ្ទះនោះចោលតែលោកនាយករដ្ឋមន្ដ្រីលីសានឡុងបានអោយរក្សាទុកសម្រាប់ពលរដ្ឋបានឃើញនិងរក្សាជាបេតិគភណ្ឌសម្រាប់ប្រទេស។ប្អូនប្រុសលោកលីសានឡុងបានទំនាស់នឹងផែននោះ។ជាមួួយគ្នានេះបងប្អូនលោកលីសានឡុងបានចោទថាលោកលីសានឡុងនិងគ្រួសារថាចង់អោយកូនប្រុសលោកលីសានឡុងឈ្មោះLi Hongyiឡើងកាន់តំណែងជានាយករដ្ឋមន្ដ្រីជំនួសលោកក្រោយលោកចោលនិវត្ដន៍។
ចំណែកនាយករដ្ឋមន្ដ្រីលីសានឡុងបានចេញសេចក្ដីប្រកាសថា៖ទាំងនោះជារឿងក្នុងគ្រួសារទេហេតុអីបានចំបាច់ផ្សាយអោយអ្នកកាសែតដឹងនិងបែករឿងវែងឆ្ងាយច្រើនម្លេះ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

ព័ត៌មានជាតិ​ពេល​យប់​


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2