vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សិល្បៈកម្សាន្ត

ប្រមុខរដ្ឋាភិបាលកម្ពុជានិងឡាវនឹងជំរុញការកសាងស្ពាន ឆ្លងកាត់ទន្លេរពៅ នៅតំបន់ព្រំដែន

ភ្នំពេញ៖នៅវិមានសន្តិភាព រសៀលថ្ងៃទី១០ ខែ ឧសភា ឆ្នាំ២០១៧ នេះ សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន ជួបពិភាក្សាការងារជាមួយ លោក Thongloun SISOULITH នាយករដ្ឋមន្ត្រីនៃសាធារណៈរដ្ឋប្រជាធិបតេយ្យប្រជាមានិតឡាវ។

អ្នកនាំពាក្យកម្ពុជាបានប្រាប់អ្នកកាសែតក្រោយជំនួបថា៖”នៅពេលនេះក៏កំពុងតែព្រមព្រៀងគ្នា ជម្រុញការងារដែលសេសសល់ ដែលបានព្រមព្រៀងគ្នាហើយ នោះ គឺធ្វើយ៉ាងណាឲ្យមានការវិវឌ្ឍន៍ទៅមុខថែមទៀត ព្រមទាំងកំពុងជំរុញការសាងសង់ស្ពាន ឆ្លងកាត់ទន្លេរពៅ នៅតំបន់ព្រំដែនកម្ពុជា-ឡាវអោយឆាប់ និងកាន់តែលឿនផងដែរ។កន្លងមកមានពាក្យចរចាមអារាមពីការប៉ះពាល់គ្នារវាងកម្ពុជានិងឡាវ នៅ តំបន់ព្រំដែន។ នេះគឺគ្រាន់តែជាពាក្យចរចាមអារាមប៉ុណ្ណោះ។ កម្ពុជា និងឡាវកំពុងតែសហការគ្នាយ៉ាង ល្អ គឺគណៈកម្មការព្រំដែននៃប្រទេសទាំងពីរកំពុងតែជួបជុំពិភាក្សាការងារ ហើយថ្នាក់ដឹកនាំទាំងពីរ ។
ជាមួយគ្នានេះលោកនាយករដ្ឋមន្រ្តីឡាវ បានលើកឡើងថាលោក មើលពីលើយន្តហោះបានឃើញ កម្ពុជារីកចម្រើន ជាពិសេសទីក្រុងភ្នំពេញពោរពេញដោយអាគារខ្ពស់ៗជាច្រើន ដែលបញ្ជាក់ពីការរីក ចម្រើនទៅមុខរបស់កម្ពុជា។ លោក Thongloun SISOULITH បានថ្លែងអំណរគុណដល់ សម្តេចតេជោ នាយករដ្ឋមន្ត្រី ដែលបាន អញ្ជើញលោកមកចូលរួមវេទិកាសេដ្ឋកិច្ចពិភពលោក ស្តីពីអាស៊ាន (World Economic Forum on ASEAN) នៅកម្ពុជា។ លោកនាយករដ្ឋមន្រ្តីបានអបអរសាទរចំពោះកម្ពុជា ក្នុងការរៀបចំវេទិកាកម្រិត ពិភពលោកនេះ ហើយលោកជឿជាក់ថានឹងទទួលបានជោគជ័យ នៅក្រោមការដឹក នាំរបស់ សម្តេចតេជោ។
លោក Thongloun SISOULITH ក៏បានលើកឡើងពីការងារពាក់ព័ន្ធនឹងកិច្ចសហប្រតិបត្តិការ ទ្វេភាគីរវាងប្រទេសទាំងពីរ កម្ពុជា-ឡាវ ដែលមានកិច្ចសហប្រតិបត្តិការគ្នាល្អជាបងប្អូន ហើយអ្វីដែល ថ្នាក់ដឹកនាំកំពូលទាំងពីរបានព្រមព្រៀងនិង បានចុះហត្ថលេខារួចហើយ គឺការងារទាំងនោះ កំពុងតែ ដំណើរការទៅមុខ ប្រសិនបើមានកិច្ចការណាដែលមិនទាន់ដំណើរក្ារ គឺភាគីទាំងពីរនឹងពិនិត្យមើល ឡើងវិញអោយបានឆាប់។
សម្តេចតេជោនាយករដ្ឋមន្ត្រី បានថ្លែងអំណរគុណដល់ លោក Thongloun SISOULITH ដែលបាន អញ្ជើញមកចូលរួម ក្នុងវេទិកាសេដ្ឋកិច្ចពិភពលោក ស្តីពីអាស៊ាន ដែលនឹងចាប់ផ្តើមនៅថ្ងៃស្ងែកនេះ។ សម្តេចតេជោ បានវាយតម្លៃខ្ពស់ចំពោះទំនាក់ទំនងរវាងប្រទេសទាំងពីរកម្ពុជាឡាវជាបងប្អូនគ្នា និងជា មិត្ត ហើយក៏កំពុងសហការគ្នាយ៉ាងល្អ។ ទន្ទឹមនឹងនោះដែរ សម្តេចតេជោ បានឯកភាពជាមួយលោក នាយករដ្ឋមន្ត្រីឡាវ ក្នុងការពិភាក្សាជំរុញការងារទាំងឡាយណាដែលនៅសេសសល់ ដែលបានព្រម ព្រៀងគ្នារួច ឲ្យមានការវិវឌ្ឍន៍ឆាប់រហ័សទៅមុខទៀត ជាពិសេស ដើម្បីសម្រួលអោយប្រជាជនរស់ នៅតាមព្រំដែនបានធ្វើដំណើរឆ្លងកាត់ទៅវិញទៅមកបាន និងប្រកបរបរផ្សេងៗកាន់តែងាយស្រួល ដើម្បីលើកកម្ពស់ជីវភាពរស់នៅរបស់ប្រជាពលរដ្ឋនៃប្រទេសទាំងពីរអោយកាន់តែប្រសើរឡើងឡើង៕

កម្ពុជា-ឡាវ ច្រានចោលថាមិនមានការប៉ះទង្គិចគ្នាតាមព្រំដែន

ភ្នំពេញ៖ ប្រមុខដឹកនាំកម្ពុជា-ឡាវ ច្រានចោល ពាក្យយចរចាមអារាម ថា មានការ ប៉ះទង្គិចគ្នារវាងកម្ពុជានិងឡាវ នៅតំបន់ព្រំដែន គឺគ្រាន់តែជាការភ័ណ្ឌច្រលំតែប៉ុណ្ណោះ។
នៅក្នុងជំនួប រវាងសម្តេចតេជោ ហ៊ុន សែន នាយករដ្ឋមន្ត្រីកម្ពុជាជាមួយ លោក ថងលួន ស៊ីសូលីត នាយករដ្ឋមន្ត្រីឡាវ នៅវិមានសន្តិភាពនារសៀលថ្ងៃទី១០ ឧសភានេះ ប្រមុខរដ្ឋាភិបាលប្រទេសទាំងពីរ បានលើកឡើងថា ពាក្យចរចាមអារាមកន្លងមកដែលថា មានការ ប៉ះទង្គិចគ្នារវាងកម្ពុជានិងឡាវ នៅតាមតំបន់ព្រំដែននោះ គឺពុំមានអ្វីកើតឡើងដូច ពាក្យចរចាមអារាមនោះឡើយ ។
ភាគីទាំងពីរក៍បានអះអាងដូចគ្នាថា កម្ពុជានិងឡាវ សព្វថ្ងៃកំពុងតែមានកិច្ចសហការគ្នាយ៉ាងល្អ ជាពិសេសគណៈកម្មការព្រំដែន គឺកំពុងតែជួបជុំគ្នាធ្វើការងារយ៉ាងរលូន។ រីឯថ្នាក់ដឹកនាំទាំងនៃប្រទេសពីរ នៅពេលនេះដែរ ក៏កំពុងតែព្រមព្រៀងគ្នា ជម្រុញការងារដែលសេសសល់ ដែលបានព្រមព្រៀងគ្នាហើយ ធ្វើយ៉ាងណា ឲ្យមានការវិវឌ្ឍន៍ទៅមុខថែមទៀត និងកំពុងជម្រុញក្នុងការសាងសង់ស្ពាន ឆ្លងកាត់ទន្លេរពៅ នៅតំបន់ព្រំដែនកម្ពុជា-ឡាវ។
លោកអ៊ាង សុផល្លែត ជំនួយការផ្ទាល់សម្តេចតេជោ បានប្រាប់ឲ្យដឹងថា៖” ឯកឧត្តម នាយករដ្ឋមន្ត្រីឡាវ បាន លើកឡើងពីការងារ ពាក់ព័ន្ធនឹងកិច្ចសហប្រតិបត្តិការ ទ្វេរភាគីរវាងប្រទេសទាំងពីរ កម្ពុជា-ឡាវ ដែលមានកិច្ចសហប្រតិបត្តិការគ្នាល្អ ជាបងប្អូន ហើយអ្វីដែលថ្នាក់ដឹកនាំកំពូល បានចុះហត្ថលេខា ព្រមព្រៀងគ្នាហើយ ការងារទាំងនោះ កំពុងតែដំណើរការ”។
លោកនាយករដ្ឋមន្ដ្រីឡាវក៍បានអរគុណសម្តេចតេជោ ដែលបានអញ្ជើញឯកឧត្តម មកចូលរួមវេទិកាសេដ្ឋកិច្ចពិភពលោក ស្តីពីអាស៊ាន។
លោកបានមានប្រសាសន៍ថា៖” ការរៀបចំវេទិកាសេដ្ឋកិច្ចពិភពលោក នៅអាស៊ីនេះ គឺជាលើកទី១ហើយ ហើយឯកឧត្តម សូមសម្តែងការអបអរសាទរ ចំពោះកម្ពុជាហើយឯកឧត្តម ក៏បានជម្រាបជូនសម្តេចដែរថា ការរៀបចំនេះ គឺជាកិត្តិយសណាស់ មិនត្រឹមតែសម្រាប់កម្ពុជាទេ គឺសម្រាប់អាស៊ានទាំងមូល ដោយឯកឧត្តមជឿជាក់ថា ក្រោមការដឹកនាំរបស់សម្តេចតេជោ វេទិកានេះនឹងទទួលបានភាពជោគជ័យ”។
ជាការឆ្លើយតបសម្តេចតេជោ នាយករដ្ឋមន្ត្រី បានវាយតម្លៃខ្ពស់ ចំពោះទំនាក់ទំនងរវាងប្រទេសទាំងពីរ ដែលជាបងប្អូនគ្នា ជាមិត្តភាព ហើយក៏កំពុងសហការគ្នាយ៉ាងល្អផងដែរ។ ក្រៅពីនោះ សម្តេចក៏បានឯកភាពចំពោះឯកឧត្តមនាយករដ្ឋមន្ត្រីឡាវ ដែលថាយើងគប្បីជម្រុញការងារណា ដែលនៅសេសសល់ ដែលបានព្រមព្រៀងគ្នាហើយ ឲ្យមានការវិវឌ្ឍន៍ កាន់តែឆាប់រហ័សទៅមុខទៀត។
ក្នុងន័យនេះដែរ សម្តេចក៏បានលើកឡើង ពីចំណុចពិសេសមួយដែរ ពីការចេញប័ណ្ឌឲ្យប្រជាជននៅតាមព្រំដែន ឲ្យបានធ្វើដំណើរឆ្លងកាត់ ទៅវិញទៅមកបាន ដើម្បីជម្រុញទំនាក់ទំនង ប្រជាជននិងប្រជាជនផង និងដើម្បីបម្រើវិស័យសេដ្ឋកិច្ច ពាណិជ្ជកម្មផង។
សម្ដេចបានបានថ្លែងអំណរគុណ ដល់លោក ថនលួន ស៊ីសូលីត ដែលបានអញ្ជើញមកចូលរួម ក្នុងវេទិកាសេដ្ឋកិច្ចពិភពលោក ស្តីពីអាស៊ាននេះ ហើយសម្តេចបានមានប្រសាសន៍ថា វេទិកានេះបានចាប់ផ្តើមពីថ្ងៃនេះ ជាបណ្តើរៗហើយ ដោយនឹងចាប់ផ្តើមបើកជាផ្លូវការនៅថ្ងៃស្អែកនេះ៕

ម្ចាស់កសិដ្ឋានដាំផ្លែផាសិនអះអាងថា៖”បច្ចុប្បន្ននេះផ្លែផាសិនមានទីផ្សារ ល្អខ្លាំងណាស់លក់ដាច់គ្មានសល់”

ខេត្តមណ្ឌលគិរី៖ ក្រូចវល្លិ ឬហៅថាក្រូចផាសិន នាពេលបច្ចុប្បន្ននេះបាននិងកំពុងទទួលការពេញនិយមយ៉ាងខ្លាំង សម្រាប់ ប្រជាពលរដ្ឋនៅប្រទេសកម្ពុជា ក្នុងការយកទៅទទួលទាន ។ ដោយទិន្នផលផ្លែក្រូចវល្លិនេះ គេអាចយកទៅបរិភោគធម្មតា ក៏បាន ឬគេអាចយកទៅធ្វើជាភេសជ្ជៈ និងស្រាក្រឡុក ជាដើម ។ ហើយសម្រាប់ប្រភេទផ្ទៃដីនៅខេត្តមណ្ឌលគិរី គឺបាន អំណោយផលយ៉ាងល្អ ក្នុងការដាំដុះដំណាំក្រូចវល្លិនេះដែរ ដោយបានធ្វើឲ្យកសិករ ដែលដាំដំណាំក្រូចវល្លិកំពុងទទួល ភាពជោគជ័យ ព្រោះតែទិន្នផលក្រូចវល្លិ ត្រូវបានឈ្មួញកាម្មង់ទិញគ្មានសល់ ហើយម្ចាស់ចំការក៏កំពុងខ្វះទិន្នផលសម្រាប់ ផ្គត់ផ្គង់លើទីផ្សារផងដែរ ។
ម្ចាស់ចំការក្រូចវល្លិប្រមាណ០៣ហិកតា នៅភូមិឡៅការ-សង្កាត់សុខដុម-ក្រុងសែនមនោរម្យ លោក សម សុភ័ក្ក្រ បានឲ្យដឹងថា៖” ទិន្នផលផលក្រូចវល្លិ ឬហៅថាក្រូចផាសិន បច្ចុប្បន្ននេះមានទីផ្សារល្អខ្លាំងណាស់ ដោយទិន្នផលក្រូច វល្លិនៅចំការរបស់លោក គឺត្រូវលក់អស់គ្មានសល់ ព្រោះមានឈ្មួញចង់ទទួលទិញច្រើន ។ ហើយផលដំណាំក្រូចវល្លិរបស់ លោកភាគច្រើន គឺបានលក់ទៅឲ្យបណ្ដាផ្សារទំនើបមួយចំនួននៅឯទីក្រុងភ្នំពេញ ប៉ុន្តែផ្គត់ផ្គង់មិនគ្រប់គ្រាន់នោះទេ ព្រោះ តែតម្រូវការទីផ្សារ ត្រូវការទទួលទិញច្រើន ។
លោកបន្តថា៖” បច្ចុប្បន្ននេះដំណាំក្រូចវល្លិនៅចំការរបស់លោក មានប្រមាណ ៣ពាន់គុម្ព គិតទាំងដំណាំចាស់ និងដំណាំទើបដាំ ហើយក្នុង៣ពាន់គុម្ពនោះ មាន២ពាន់គុម្ព កំពុងចេញផ្លែ តែមិនទាន់ បានបេះទេ និងមាន៤០០គុម្ព ទៀតកំពុងទទួលផលហើយ”។ លោកបញ្ជាក់ថា ៖” ក្រូចផាសិនរបស់លោកចំនួន៤០០គុម្ពដែលកំពុងអោយផងនោះ គឺអាចប្រមូលបានផលចន្លោះពី ៥០ទៅ ៦០គីឡូក្រាម ក្នុង០១ថ្ងៃ និងអាចលក់បានជាទូទៅចន្លោះពី៥ពាន់រៀល ទៅ៧ពាន់រៀល ក្នុង០១គីឡូក្រាម ។
ម្ចាស់ចំការរូបនេះឲ្យដឹងទៀតថា ការពង្រីកផ្ទៃដីដាំដុះដំណាំក្រូចវល្លិនេះរហូតដល់៣គុម្ព គឺព្រោះតែតម្រូវការ ទីផ្សារទទួលទិញមានច្រើន ពោលគឺទិន្នផលក្រូចវល្លិនេះពឹងផ្អែកទៅលើទីផ្សារក្នុងស្រុក ធ្វើឲ្យតម្លៃនៅថេរល្អ មិនប្រឈម និងការធ្លាក់ថ្លៃ ដូចទិន្នផលដំណាំដែលពឹងផ្អែកលើទីផ្សារប្រទេសជិតខាងនោះទេ ។ លោក សម សុភ័ក្ក្រ បានលើកឡើង បន្តថា ដំណាំក្រូចវល្លិនេះ មិនពិបាកថែទាំខ្លាំងនោះទេ និងអាចដាំបានគ្រប់រដូវកាលឲ្យតែមានទឹក និងជីធម្មជាតិគ្រប់ គ្រាន់ ហើយចាប់តាំងពីពេលដាំ រហូតទទួលបានផល គឺប្រើពេលវេលាតែ០៧ខែប៉ុណ្ណោះ ប៉ុន្តែដំណាំប្រភេទនេះគឺត្រូវ ថមថយទិន្នផលច្រើន នៅអំឡុងខែមីនា និងខែមេសា ហើយបន្ទាប់ពីនោះ វានឹងចេញផ្លែផ្កាមកច្រើនដូចធម្មតាវិញ ។
ប្រធានមន្ទីរកសិកម្មខេត្តមណ្ឌលគិរី លោក សុង ឃាង បានឲ្យដឹងដែរថា៖ ដំណាំប្រភេទនេះនៅមានចំនួនតិចតួច នៅឡើយក្នុងខេត្តមណ្ឌលគិរី ដោយក្នុងឆ្នាំ២០១៦ ក្រូចផាសិន ក្នុងខេត្តមណ្ឌលគិរី មានចំនួន ៣៥ ហិកតា ហើយ សម្រាប់ឆ្នាំ ២០១៧នេះ កើនឡើង ១៤ សរុបមាន ៤៩ ហិកតា ដំណាំនេះមានដាំនៅក្នុងក្រុងសែនមនោរម្យ ស្រុកអូររាំង ស្រុកពេជ្រាដា និងមានតិចតួចក្នុងស្រុកកែវសីមា ៕

 

សម្តេច ហ៊ុន សែន ស្នើឲ្យអាមេរិកនិងកូរ៉េខាងជើងដោះស្រាយ គ្នាតាមផ្លូវនយោបាយ ដោយទម្លាក់ចោលការគម្រាមកំហែងគ្នាដោយអាវុធ

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានស្មើឲ្យអាមេរិក និងកូរ៉េខាងជើង គួរតែរកដំណោះ ស្រាយជាមួយគ្នាតាមផ្លូវនយោបាយដោយស្នើឲ្យទម្លាក់ចោលការគម្រាមកំហែងគ្នាដោយអាវុធនុយគ្លេអ៊ែរពីព្រោះវាជាការបំភិតបំភៃ ដល់ពិភពលោក។
ថ្លែង ក្នុងពិធីប្រារព្វខួបលើកទី១៥៤ ទិវាកាកបាទក្រហមអឌ្ឍច័ន្ទក្រហមអន្តរជាតិ ៨ ឧសភា ឆ្នាំ២០១៧ នៅទីស្នាក់ការកណ្តាលកាកបាទក្រហមកម្ពុជា សម្តេចតេជោហ៊ុនសែន នាយករដ្ឋមន្ត្រីកម្ពុជា មានប្រសាសន៍ថាការបង្អួតសាច់ដុំដាក់គ្នានៃប្រទេសមហាអំណាចនុយគ្លេអ៊ែរ វាមិនត្រឹមតែប៉ះទង្គិចរវាងភាគីជម្លោះនោះទេ ប៉ុន្តែបានបង្ករការប៉ះទង្គិចនៃភាពភ័យខ្លាចដល់បណ្តាប្រទេសនានានៅក្នុងតំបន់ផងដែរ ។
សម្ដេចបានបន្ដថា៖”ខ្ញុំគិតថាទាំងសហរដ្ឋអាមេរិក ទាំងកូរ៉េខាងជើង មិនគួរគម្រាមគ្នាទៅវិញទៅមកយ៉ាងដូច្នេះ បង្ករឱ្យមានការភ័យខ្លាចរបស់ប្រជាជននៅក្នុងឧបទ្វីបកូរ៉េផងនិងនៅក្នុងតំបន់ផង។ខ្ញុំមិនមែនប្រដៅចំពោះប្រធានាធិបតីនិងមេដឹកនាំផ្សេងៗនោះទេ ក៍ប៉ុន្តែសំដីរបស់អស់លោកអ្នកបានធ្វើឱ្យ ប៉ះទង្គិចប្រទេសដទៃ មិនមែនប៉ះអ្នកទាំងពីរជាសត្រូវនិងគ្នានោះទេ”។
សម្តេចបានគូសបញ្ជាក់ថា ៖” នៅលើពិភពលោកយើងនេះ ពិតជាមានបញ្ហាយ៉ាងច្រើនដែលកើតមានឡើង គឺមិនមែន កើតឡើងដោយសារតែកត្តាធម្មជាតិប៉ុណ្ណោះទេ គឺបញ្ហាខ្លះបង្ករឡើងមនុស្ស។ ជាការពិតណាស់ សង្គ្រាមនៅមជ្ឈឹមបូរព៌ា នៅសីរី នៅអីរ៉ាក់ នៅលីប៊ី នៅយៀកមែន និងនៅប្រទេសមួយចំនួនទៀត ដូចជានៅអាហ្គានីស្ថាន សង្រ្គាមមិនទាន់ត្រូវបានបញ្ចប់នោះទេ ប៉ុន្តែវាកាន់តែឡើងកំដៅថែមទៀត”។
សម្តេចបានលើកឡើងថានៅក្នុងខណៈដែលកម្ពុជានិងពិភពលោកកំពុងប្រារព្វទិវាកាកបាទក្រហមអឌ្ឍច័ន្ទក្រហមអន្តរជាតិ ៨ ឧសភា ដើម្បី រៃ អង្គាស ថវិកាយកទៅជួយជនរងគ្រោះ ប៉ុន្តែនៅតាមបណ្តាប្រទេសមួយចំនួន បែរជាធ្វើការរៃអង្គាសថវិកាដើម្បីយកទៅទិញអាវុធវាយប្រហាគ្នាទៅវិញ។
សម្តេចក៍បានកោតសរសើរដល់ការជ្រើសរើសប្រធានបទឆ្នាំនេះ ស្តីពី កាកបាទក្រហមមានគ្រប់ទីកន្លែងសម្រាប់ទាំងអស់គ្នា ថាជាប្រធានបទត្រឹមត្រូវបំផុត គឺមិនគ្រាន់តែត្រូវស្របតាមសភាពការណ៍របស់កម្ពុជាប៉ុណ្នោះទេ ប៉ុន្តែត្រូវគ្រប់ជាមួយបណ្តាប្រទេសទាំងអស់។
សម្តេចមានប្រសាសន៍ថា៖ការកើតនូវគ្រោះមហន្តរាយ បង្ករដោយធម្មជាតិក្តី ដោយមនុស្សក្តីគឺតែងកើតឡើងភាគច្រើននៅតាមមូលដ្ឋាន ដូច្នេះវត្តមាននៃកាកបាទក្រហម ដែលមាននៅគ្រប់ទីកន្លែងក្នុងការធ្វើសកម្មភាពភ្លាមៗគឺជាការចាំបាច់បំផុត សម្រាប់ដោះស្រាយបញ្ហាទាំងឡាយដែលកើតមានឡើយដោយគ្រោះមហន្តរាយនានា ។
ឆ្លៀតឱកាសនោះ សម្តេចអរគុណការខិតខំប្រឹងប្រែងរៀបចំនូវបណ្តាញរបស់កាកបាទក្រហមកម្ពុជា ក្នុងការប្រើប្រាស់កម្លាំងដើម្បីដោះស្រាយបញ្ហាដែលបានកើតឡើងចំពោះមុខ ឆ្លើយតបជាមួយនិង គ្រោះមហន្តរាយទាំងឡាយ។
សម្តេចបានវាយតម្លៃខ្ពស់ចំពោះកម្លាំងយុវជនកាកបាទក្រហមនៅគ្រប់ទីកន្លែង ថាពិតជាបាននាំមកនូវ ការរួមចំណែកជួយអប់រំមិត្តនៅក្នុងក្របខ័ណ្ឌភូមិឃុំ ជាពិសេសនៅក្នុងថ្នាក់រៀនជាមួយគ្នា ដើម្បីបញ្ចៀសនូវគ្រោះថ្នាក់គ្រឿងញៀន និងភាពមិនប្រក្រតីផ្សេងទៀតក្នុងនាមមិត្តជួយមិត្ត។
ជាមួយគ្នានេះសម្តេចក៍បានអំពាវនាវឲ្យយុវជនចៀសវាងឲ្យឆ្ងាយចំពោះបញ្ហាគ្រឿងញៀនពីព្រោះគ្រឿងញៀនបានបង្ករនូវផលលំបាកយ៉ាងច្រើនមិនត្រឹមតែអ្នកប្រព្រឹត្តិនោះទេ គឺថែមទាំង រំខានដល់គ្រួសារនិងប្រទេសជាតិ ថែមទៀតផង ។
សម្តេចអំពាវនាវចំពោះប្រជាពលរដ្ឋ ឱ្យគោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់ ដោយសារសព្វថ្ងៃមានមនុស្សស្លាប់ដោយសារចរាចរណ៍ ក្នុងមួយថ្ងៃៗពី៥ទៅ៦នាក់និងរបួសរាប់រយនាក់គឺស្លាប់ច្រើនជាងសម័យសង្គ្រាមទៅទៀត ។
សម្តេចក៍បានសំដែងការអបអរជាមួយកាកបាទក្រហមដែលបានចែករំលែកថវិកាបានមកពីការប្រមូលក្នុងទិវា៨ឧសភានេះ ផ្តល់ឲ្យដល់មន្ទីរពេទ្យគន្ធបុប្ផាចំនួន១លានដុល្លារនិងអគុណផងដែរចំពោះជនរួមជាតិនិងសប្បុរសជននានា ដែលបាននាំយកថវិកាទៅឧបត្ថមផ្ទាល់ដល់មន្ទីរពេទ្យគន្ទបុប្ផាក្នុងការរួមចំណែកជួយទ្រទ្រង់ដល់មន្ទីរពេទ្យនេះដើម្បីជួយសង្គ្រោះកុមារ ដោយសម្តេចបានអះអាងថាបើទោះបីមិនមានវត្តមានលោកប៊ិត រិចនឺរ ក៍ដោយក៍មិនត្រូវទុកឱ្យមន្ទីរពេទ្យនេះដូលរលំនោះដែរ។
សម្តេចកិត្តព្រឹទ្ធបណ្ឌិតប៊ុន រ៉ានីហ៊ុន សែន ប្រធានកាកបាទក្រហមកម្ពុជាមានប្រសាសន៍ថា ដើម្បីឲ្យកាកបាទក្រហមកម្ពុជាមានសមត្ថភាពនិងលទ្ធភាពគ្រប់គ្រាន់ក្នុងការផ្តល់សេវាមនុស្សធម៌ឲ្យកាន់តែមានប្រសិទ្ធភាពខ្ពស់ក្នុងការជួយសង្គ្រោះ សម្តេចបានអំពាវនាវដល់ជនរួមជាតិទាំងអស់បន្តចូលរួមចំណែកនូវការជួយឧបត្ថម និងគាំទ្រជាកម្លាំងកាយកម្លាំងចិត្ត ផ្នែកបច្ចេកទេស សម្ភារៈ និងថវិកា ដើម្បីឲ្យកាកបាទក្រហមកម្ពុជា មានលទ្ធភាព ពង្រឹកប្រតិបត្តិការ និងលើកកម្ពស់ ប្រសិទ្ធភាពការងារ របស់ខ្លួន។
លោករ៉ូម៉ាន់ ផារ៉ាម៉ូនូវ ប្រធានបេសកកម្មគណៈកម្មាធិការអន្តរជាតិកាកបាទក្រហម ប្រចាំនៅកម្ពុជាបានកោតសរសើរពីសកម្មភាពរបស់កាកបាទក្រហមកម្ពុជា ថាជាគំរូដ៍ល្អដល់សមាជិកចលនាកាកបាទក្រហមដទៃទៀត អំពីសកម្មភាព ត្រៀមបង្ការ ការឆ្លើយតបគ្រោះមហន្តរាយ សុវត្ថិភាពចរាចរណ៍ ការស្តារទំនាក់ទំនងគ្រួសារ ការថែទាំសុខភាពតាមសហគមន៍ ការលើកកម្ពស់គោលការណ៍គ្រឹះ និងតម្លៃមនុស្សធម៌និងការអភិវឌ្ឍស្ថាប័ន។
លោក បានគូសបញ្ជាក់ថា អាយស៊ី អរ ស៊ី នៅតែ បន្តគាំទ្រការដឹកនាំរបស់កាកបាទក្រហមកម្ពុជា នៅក្នុងកិច្ចខិតខំប្រឹងប្រែង ដើម្បីរក្សាស្តង់ដារខ្ពស់ និងដើម្បីបង្កើនជំនឿទុកចិត្ត និងធ្វើឲ្យប្រជាជនកម្ពុជាទាំងអស់ អាចទទួលយកបាន។
សូមបញ្ជាក់ថា ការប្រារព្វខួបលើកទី១៥៤ ទិវាអន្តរជាតិកាកបាទក្រហម អឌ្ឍច័ន្ទក្រហម៨ ឧសភា ឆ្នាំ២០១៧ នេះ កាកបាតក្រហម កម្ពុជាប្រមូល មូលនិធីដែលសប្បុរសជន បរិច្ចាកចូលរួមចំណែកទ្រទ្រង់ដល់សកម្មភាពមនុស្សធម៌សរុបទឹកប្រាក់ ចំនួនជាង១៣លាន៤សែនដុល្លារសហរដ្ឋអាមេរិក៕

រដ្ឋមន្រ្តីក្រសួងអប់រំ សុំគ្រូជួយដល់”ការអាននិងការធ្វើលំហាត់គណិតវិទ្យា”

ព្រះវិហារ៖ លោកបណ្ឌិត ហង់ ជួនណារ៉ុន រដ្ឋមន្រ្តីក្រសួងអប់រំ យុវជននឹងកីឡា បាន ជម្រុញដល់សាលារៀន នៅតាមកម្រិតសិក្សាទាំងអស់ ត្រូវបង្កើតកម្មវិធីអប់រំបន្ថែម ដើម្បីឲ្យ វិស័យអប់រំ ពីថ្នាក់ទាបបំផុត ដល់ថ្នាក់ឧត្តមសិក្សាកាន់តែមានគុណភាព ជាពិសេសអនុវត្តការ អានរបស់សិស្ស នឹងវាយតម្លៃការអាន ថាតើសិស្សនោះយល់ន័យ នៃពាក្យដែលបានអានរួចបាន កម្រិតណា ។
ថ្លែងក្នុងពិធីបំពាក់គ្រឿងឥស្សរិយយសការងារ និងប័ណ្ណសរសើរជូនដល់បុគ្គលិកអប់រំ ខេត្តព្រះវិហារ នៅព្រឹកថ្ងៃទី០៤ ខែមេសា ឆ្នាំ២០១៧នេះ លោកបណ្ឌិត ហង់ ជួនណារ៉ុន រដ្ឋមន្រ្តី ក្រសួងអប់រំ យុវជន និងកីឡា មានប្រសាសន៍ថា ក្រសួងអប់រំ យុវជន និងកីឡា បានដាក់ចេញ នូវសេចក្តីណែនាំ២សំខាន់ ក្នុងនោះ ត្រូវពង្រឹងការគ្រប់គ្រងសាលារៀន ការបង្រៀន ការគ្រប់ គ្រងរដ្ឋបាល ការគ្រប់គ្រងហិរញ្ញវត្ថុ និងការពង្រឹងនូវវិធីសាស្រ្តបង្រៀនគ្រប់មុខវិជ្ជា ដើម្បី ឲ្យ មានភាពទាក់ទាញ ដល់ការរៀនសូត្ររបស់សិស្ស និងរៀនបានពូកែ ។
ខណៈដែលបច្ចុប្បន្នគ្រិះ ស្ថានសិក្សាកំពុងតែ មានច្រើន ដូន្នេះក្រសួងត្រូវពង្រឹងគុណភាពអប់រំនេះបន្ថែមទៀត ។
លោកបន្តថា៖ ដើម្បីឲ្យ វិស័យអប់រំនៅកម្ពុជា កាន់តែមានគុណភាព គ្រិះស្ថានអប់រំទាំងអស់ ត្រូវបង្កើតកម្មវិធី អប់រំ បន្ថែម ជាពិសេសតាមរយៈការអាន ការធ្វើលំហាត់គណិតវិទ្យា វិទ្យាសាស្រ ជាដើម ដើម្បីចង់ ដឹងថា ការអានរបស់ សិស្សបានដល់កម្រិតណា ព្រមទាំងវាយតម្លៃ ទៅលើការ អាននោះ ថាតើ សិស្សយល់ន័យ នៃពាក្យ អាននោះឬអត់ ចង់ដឹងថាសិស្សទទួលបាន ចំណេះដឹងកម្រិតណា ដើម្បី ទៅថ្ងៃអនាគត អាចប្រៀបធៀប សិស្សខ្មែរ ដែលមានអាយុ១៥ឆ្នាំ ជាមួយនឹងសិស្សប្រទេសផ្សេង ទៀតដែលមានអាយុដូចគ្នា ថាតើមានចំណេះដឹង ខុស ត្រូវគ្នាយ៉ាងដូចម្តេច ។
លោកបណ្ឌិត បានអះអាងថា៖” ប៉ុន្មានឆ្នាំចុងក្រោយនេះ បើទោះបីជាក្រសួង បាន ធ្វើការកែទម្រង់ នូវប្រធានវិញ្ញាសារកាន់តែលំបាក តាមរយៈការប្រឡងមធ្យមសិក្សាទុតិយភូមិ នេះ ប៉ុន្តែសិស្សនូវតែអាច ធ្វើបាន ឃើញថាលទ្ធផល និងចំណេះដឹងរបស់សិក្សា មានការកើន ឡើងជាលំដាប់ ពីមួយឆ្នាំទៅ មួយឆ្នាំ “។
លោក ហន ឆន ប្រធានមន្ទីរអប់រំ យុវជន និងកីឡាខេត្តព្រះវិហារ បានលើកឡើងថា៖” បច្ចុប្បន្ននៅខេត្តព្រះវិហារ កំពុងមានការអភិវឌ្ឍន៍ និងមានការប្រែប្រួលមួយកម្រិតទៀតទាំង បរិមាណនៃការអប់រំ និងគុណភាពអប់រំ បើទោះបីជាមានការលំបាកខ្លះ ដូចជា ការសាងសង់ នូវហេដ្ឋារចនាសម្ព័ន្ធសាលារៀន ការប្រមូលកុមារចូលរៀន ការកាត់បន្ថយអាត្រាការបោះបង់ ការសិក្សានៅកម្រិតមធ្យមសិក្សា និងត្រូវបានរិះរកគ្រប់វិធីបន្ថែមទៀត” ។
យោងតាមរបាយការណ៍របស់មន្ទីរអប់រំ យុវជន និងកីឡាខេត្តព្រះវិហារ ក្នុងឆ្នាំសិក្សា ២០១៦-២០១៧នេះ ខេត្តព្រះវិហារ មានសាលារៀនគ្រប់ភូមិសិក្សា ចំនួន៣៩៧សាលា ស្មើនឹង ១៩២៩ថ្នាក់ សិស្សានុសិស្សសរុប ៥២,៣៤៨នាក់ ស្រី២៦,៧៤៩នាក់ និងមានបុគ្គលិកសិក្សាសរុប ២៣៨៨នាក់ ស្រី១០៨៣នាក់ ៕

 

កម្ពុជាមានគ្រោះថ្នាក់ការងារចំនួន៣៤,៥១៣ករណីស្លាប់ចំនួន១៦៨នាក់

ខេត្តសៀមរាប៖តាមរបាយការណ៍របស់អង្គការអន្តរជាតិខាងការងារ(ILO)បានប៉ាន់ប្រមាណថា នៅលើ សាកលលោកកម្មករនិយោជិតទទួលរងគ្រោះថ្នាក់ការងារមានចំនួន៣១៣លាននាក់ក្នុងមួយឆ្នំា។សម្រាប់នៅកម្ពុជាតាមរបាយការណ៍របស់បេឡាជាតិរបបសន្តិសុខសង្គម បានបង្ហាញថា គ្រោះថ្នាក់ការងារ ករណីស្លាប់ និងការចំណាយទៅសំណងហានិភ័យការ ងារឆ្នំា២០១៦មានការកើនឡើងស្មើនឹង១៤%បើធៀបទៅនឹងកាលពីឆ្នំា២០១៥ក្នុងនោះគ្រោះថ្នាក់ការងារចំនួន៣៤,៥១៣ករណីស្លាប់ចំនួន១៦៨នាក់ថយចុះចំនួន១៣នាក់ ការចំណាយថវិកាសរុប១៥, ៨១៤.១២លានរៀល។
ដោយឡែកក្នុងទិវាពិភពលោកដើម្បីសុខភាព និងសុវត្ថិភាពការងារនៅខេត្តសៀមរាបនៅព្រឹក ថ្ងៃទី៤ខែឧសភានេះលោក អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជា ជីវៈបានមានប្រសាសន៍ថា ៖” បញ្ហាសុខភាព និងសុវត្ថិភាពការងាររបស់កម្មករ និយោជិក គឺជាកត្តាសំខាន់ដែលក្រសួងបានយកចិត្តទុកដាក់ខ្ពស់ក្នុងដោះស្រាយជាពិសេសពាក់ព័ន្ធបញ្ហាការដួល សន្លាប់របស់កម្មករ សុវត្ថិភាពការធ្វើដំណើរ និងសុវត្ថិភាពឡចំហាយជា ដើម”។
ហើយបច្ចុប្បន្ននេះក្រសួងការងារ និងបណ្តុះបណ្តាលវិជ្ជាជីវៈបានបង្កើតគណៈ កម្មាធិការជាតិសុខភាពនិងសុវត្ថិភាព ដែលជាយន្តការត្រីភាគីដើម្បីរួមចំណែកក្នុងការពង្រឹងប្រព័ន្ធគ្រប់គ្រងសុខភាព និងសុវត្ថិភាពការងារថ្នាក់ជាតិ ថ្នាក់ក្រោមជាតិ និងថ្នាក់សហគ្រាស គ្រឹះស្ថាន។
ជាមួយគ្នានេះក្រសួងក៍បានសហការជាមួយអង្គការអន្តរជាតិខាងការងារជប៉ុនស្តីពីការលើកកម្ពស់បទដ្ឋានសុខភាព និងសុវត្ថិភាពការងារក្នុងវិស័យសំណង់នៅកម្ពុជា ដែលនឹងផ្តល់អត្ថប្រយោជន៍បន្ថែមទៀតក្នុងការពង្រីកការពារសុខភាព និងសុវត្ថិភាពការងារដល់បងប្អូនកម្មករនិយោជិកក្នុងវិស័យសំណង់ផងដែរ។
សូមបញ្ជាក់ថា ទិវាពិភពលោក ដើម្បីសុខភាពនិងសុវត្ថិភាពការងារ គឺជាយុទ្ធានាការអន្តរជាតិដែលរៀបចំឡើងដោយរដ្ឋាភិបាលសមាគមនិយោជក និងសហជីពនៃបណ្តា ប្រទេសសមាជិកអង្គការអន្តរជាតិខាងការងារILOនៅលើពិភពលោកជារៀងរាល់ឆ្នំា ដើម្បីរំលឹកដល់កម្មករនិយោជិតដែលបានបាត់បង់ជីវិត រងគ្រោះដោយគ្រោះថ្នាក់ការងារ និងជំងឺ វិជ្ជាជីវៈនៅកម្លែងធ្វើការ និងដើម្បីលើកកម្ពស់ការងារសមរម្យប្រកបដោយសុខភាព និងសុវត្ថិភាពការងារ៕

 

រដ្ឋមន្ដ្រីក្រសួងយុត្តិធម៌ប្រកាស៖”ពុំមានការលើកលែងទោសទណ្ឌិតថ្ងៃបុណ្យវិសាខបូជា”

ភ្នំពេញ៖រដ្ឋមន្ដ្រីក្រសួងយុត្តិធម៌លោកអង្គវង្សវឌ្ឍនាបានប្រកាសនៅថ្ងៃនេះថា៖”ពុំមានការលើកលែងទោសទណ្ឌិតថ្ងៃបុណ្យវិសាខបូជា”តែមានករណីបន្ថយទោស។
នារសៀលម៉ោង ២.៣០ ថ្ងៃទី០៣ ខែឧសភា ឆ្នាំ២០១៧នេះ នាទីស្តីការក្រសួងយុត្តិធម៌ លោករដ្ឋមន្ត្រីក្រសួងយុត្តិធម៌ និងជាប្រធានគណៈកម្មការជាតិពិនិត្យបញ្ជីទណ្ឌិតស្នើសុំបន្ធូរបន្ថយទោស និងលើកលែងទោស បានដឹកនាំកិច្ចប្រជុំរបស់គណៈកម្មការជាតិ ដើម្បីពិនិត្យលើសំណើរបន្ធូរបន្ថយទោស និងលើកលែងទោសសម្រាប់ទណ្ឌិតសរុប ២៧៤នាក់(ស្រ្តី២៣នាក់) ពីពន្ធនាគាររាជធានី ខេត្តចំនួន១៥ និងមណ្ឌលអប់រំកែប្រែចំនួន៤ ក្នុងឱកាសបុណ្យពិសាកបូជាខាងមុខនេះ ។
ជាលទ្ធផលក្រោយកិច្ចប្រជុំ គណៈកម្មការថ្នាក់ជាតិពិនិត្យបញ្ជីទណ្ឌិតស្នើសុំបន្ធូរបន្ថយទោស និងលើកលែងទោស បានពិនិត្យ និងសម្រេចពុំមានការស្នើសុំលើកលែងទោសដល់ទណ្ឌិតនោះទេ គឺមានតែការស្នើបន្ធូរបន្ថយទោសដល់ទណ្ឌិតចំនួន សរុប ៣៥នាក់ (ស្រ្តី៣នាក់) ប៉ុណ្ណោះ ក្នុងចំណោមទណ្ឌិតចំនួន ២៧៤នាក់ ដែលបានស្នើសុំរបន្ធូរបន្ថយទោស និងលើកលែងទោស សម្រាប់ឳកាសបុណ្យពិសាកបូជាខាងមុខនេះ ៕

កម្មករចំការកៅស៊ូប្រទះឃើញគ្រាប់បែកចំនួន៤ គ្រាប់

ខេត្តរតនគិរី៖ គ្រាប់បែកចង្កោមចំនួន4 គ្រាប់ដែល ជាយុទ្ធភ័ណ្ឌមិនទាន់ ផ្ទុះសល់ពីសម័យសង្គ្រាម ត្រូវបានបងប្អូនកម្មកររបស់ក្រុមហ៊ុនស្វីហ្វរ៉ាប់ប៊ើរលីមីតធីតប្រទះឃើញនៅចំណុចចំការកៅស៊ូក្រុមហ៊ុនស្ថិតក្នុង ភូមិ១ សង្កាត់កាចាញ ក្រុងបានលុង កាលពីវេលាម៉ោង៩,៣០នាទីព្រឹក ថ្ងៃទី០២ ខែឧសភា ឆ្នាំ២០១៧ ។
តាមប្រភពព័ត៌មានបានអោយដឹងថា ៖បងប្អូនកម្មកររបស់ក្រុមហ៊ុនស្វីហ្វរ៉ាប់ប៊ើរលីមីតធីត បានកាប់រានព្រៃដើម្បីដាំកៅស៊ូ ក៏ប្រទះឃើញគ្រាប់បែកចំនួន៤គ្រាប់ ហើយបាន រាយការណ៍ទៅកម្លាំងសមត្ថកិច្ចប៉ុស្តិ៍រដ្ឋបាលសង្កាត់កាចាញចុះទៅពិនិត្យមើល ។
លោកអនុសេនីយ៏ទោ សួន សាវុធ នាយប៉ុស្តិ៍រដ្ឋបាលសង្កាត់កាចាញ បានអោយដឹងថា ក្រោយពីទទួលបានព័ត៌មានពីបងប្អូនប្រជាពលរដ្ឋភ្លាម លោកបានដឹកនាំកំលាំងចុះពិនិត្យមើលទើបដឹងថាជាប្រភេទគ្រាប់បែកចង្កោមមានឈ្មោះ(ប៊ំប៊ី) ដែលនៅសេសសល់ពីសម័យសង្គ្រាម ។
លោកនាយប៉ុស្ដិ៍ បានបញ្ជាក់ទៀតថា តាមការពិនិត្យមើលគ្រាប់បែកចង្កោមមានឈ្មោះ(ប៊ំប៊ី) នៅថ្មី ដែលគុណភាពរហូតទៅដល់៨០ភាគរយ ហើយលោកបានធ្វើការដាក់សញា និងរាយការណ៍ទៅខាងអង្កការMAGធ្វើការកំទេចនៅនឹងកន្លែងតែម្តងនៅវេលាម៉ោង១០,៣០នាទីថ្ងៃដដែរ ។ បច្ចុប្បន្ននេះខាងអង្កការMAG កំពុងរាវរកបន្តទៀត៕ រ៉ឹត ហាត់

 

ទំនេរខ្លាំង៖ប្រកែកគ្នារឿងបន្តិចបន្តួចសោះ បង្កើតជាជំលោះវាយតាប់គ្នាផ្អើលអស់រង្វង់មូលប៉ោយប៉ែត

ខេត្តបន្ទាយមានជ័យ៖ ប្រកែកពាក្យសម្តីគ្នារឿងបន្តិចបន្តួចសោះ បង្កើតបានជាជំលោះវាយតប់ប្រឡាយគ្នាផ្អើលអស់រង្វង់មូលប៉ោយប៉ែត នៅវេលាម៉ោង៨និង៤០នាទី ព្រឹកថ្ងៃទី២ ខែ ឧសភា ឆ្នាំ ២០១៧ស្ថិតនៅភូមិ ក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។

ប្រជាពលរដ្ឋនៅកន្លែងកើតហេតុបានអោយដឹងថា៖ មុនពេលកើតហេតុបុរសម្នាក់ដែលមានតួនាទីជាសន្តិសុខក្រុមហ៊ុនកាស៊ីណូ និងសណ្ឋាគារ (ឡាហ្គ្រង់ វិចតូរី) ចេញមកពីក្នុងកាស៊ីណូហើយបានប្រាប់អោយក្រុមអាជីវករ១.ឈ្មោះខៀង ចាន់ធឿន ភេទស្រី អាយុ៣១ រស់នៅមិត្តភាព សង្កាត់/ក្រុងប៉ោយប៉ែត ខេត្តបន្ទាយមានជ័យ ២ឈ្មោះ ស៊ាង មាន ភេទស្រី អាយុ ៥២ឆ្នាំ រស់នៅភូមិ ក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ មានមុខរបរជាអ្នកលក់បាយតាមរទេះរុញដែលធ្វើការចតលក់នៅមុខកាស៊ីណូខាងលើជារៀងរាល់ថ្ងៃ ។

បន្ទាប់ពីប្រាប់ហើយ ក្រុមអាជីករលក់បាយខាងលើ មិនព្រមធ្វើការផ្លាស់ប្តូរកន្លែង ក៏មានការជេរប្រមាថគ្នាទៅវិញទៅមក ដោយប្រើពាក្យសំដីអសុរោះមួយចំនួន” ងែង ហង អានេះ មីនេះ “។ រហូតដល់មានការប្រតាយប្រតប់គ្នា ធ្វើអោយអាជីវករ ឈ្មោះសាង ចាន់ធឿន រងរបួសភ្នែកយ៉ាងដំណំ។
ក្រោយពេលកើតហេតុអាជីវករទាំងពីរនាក់បានដាក់ពាក្យបណ្តឹងទៅសមត្ថកិច្ចជំនាញនៅអធិការដ្ឋាននគរបាលក្រុងប៉ោយប៉ែតដើម្បីហៅភាគីម្ខាងទៀតដោះស្រាយតាមផ្លូវច្បាប់។ ចំណែកឯភាគីខាងសន្តិសុខកាស៊ីណូនោះមិនទាន់ដឹងអត្តសញ្ញាណ និងមិនអាចសុំការបំភ្លឺបានទេ ដោយគេចខ្លួនចូលទៅក្នុងកាស៊ីណូដែលខ្លួនធ្វើការបាត់ស្រមោលឈឹងតែម្តង៕ផូ ប៊ុនថន

 

រដ្ឋមន្ដ្រីប្រកាសក្រសួងនឹងបន្ដដោះស្រាយបញ្ហកម្មករតាមគោលការណ៍៩ចំនុច

ភ្នំពេញ៖នាព្រឹកថ្ងៃទី០១ ខែឧសភា ឆ្នាំ២០១៧ នៅទីស្តីការក្រសួងលោកអ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីអបអរសាទរខួបលើកទី១៣១ ទិវាពលកម្មអន្តរជាតិ ១ឧសភាឆ្នាំ២០១៧ ក្រោមប្រធានបទ«ដើម្បីសន្តិភាព ការងារ មុខរបរ និងអភិវឌ្ឍន៍» ដោយមានការចូលរួមពីតំណាងកម្មករនិយោជិត សហជីពគ្រប់លំដាប់ថ្នាក់ សមាគមនិយោជក និងអង្គការវិជ្ជាជីវៈ ប្រមាណជា៤៥០នាក់ ក្នុងនោះក៏មានវេទិកាជជែកដោះស្រាយបញ្ហាប្រឈមនានានៃទំនាក់ទំនងវិជ្ជាជីវៈនៅកម្ពុជា។

ឆ្លៀតក្នុងឱកាសនេះលោកបានប្រកាសដល់ដៃគូពាក់ព័ន្ធ សមាគមនិយោជក អង្គការសហជីព កម្មករនិយោជិត ព្រមទាំងបងប្អូនជនរួមជាតិ ជ្រាបថា ដើម្បីបន្តស្មារតីទិវាពលកម្មអន្តរជាតិ ១ ឧសភា ក្រសួងការងារ និងបណ្តុះបណ្តាលវិជ្ជាជីវៈ បាននឹងកំពុងយកចិត្តដាក់លើប្រការមួយចំនួន ដូចខាងក្រោម៖
១-បន្តខិតខំលើកកម្ពស់លក្ខខណ្ឌការងារឱ្យកាន់តែប្រសើរឡើង ពង្រឹងការអនុវត្តច្បាប់ស្តីពីការងារ។ បន្តពង្រឹងយន្តការអធិការកិច្ចការងារឱ្យកាន់តែមានប្រសិទ្ធភាព និងតម្លាភាព ពង្រឹងភាពសុខដុមរមនានៃទំនាក់ទំនងវិជ្ជាជីវៈ លើកកម្ពស់ការយល់ដឹងអំពីសិទ្ធិ និងកាតព្វកិច្ចស្របច្បាប់របស់កម្មករនិយោជិត និងនិយោជក។
២-ត្រូវបន្តពង្រឹងឱ្យកាន់តែប្រសើរឡើង នូវប្រព័ន្ធការពារសុខភាព និងសុវត្ថិភាពការងារ ជាពិសេសយកចិត្តទុកដាក់លើ បរិស្ថានអនាម័យ អាហារូបត្ថម្ភ សេវាការពារ ពិនិត្យសុខភាពនិងការទប់ស្កាត់ជំងឺឆ្លង សុវត្ថិភាពការប្រើប្រាស់ឡចំហាយ សុវត្ថិភាពអគ្គីភ័យ និងសំណង់ ព្រមទាំងទប់ស្កាត់ការធ្វើការបន្ថែមម៉ោងលើសច្បាប់កំណត់ គ្រោះថ្នាក់ការងារ និងគ្រោះថ្នាក់ក្នុងការដឹកជញ្ជូនកម្មករនិយោជិត។
៣-បន្តអនុវត្តកម្មវិធីពិភាក្សាប្រាក់ឈ្នួលអប្បបរមាប្រចាំឆ្នាំតាមរូបមន្ត និងយន្តការ ដែលបានអនុវត្តដោយគ្រប់ភាគីទទួលយកបានកន្លងមក ក្នុងការកំណត់ការដំឡើងប្រាក់ឈ្នួលអប្បបរមាសម្រាប់កម្មករនិយោជិត ផ្នែកឧស្សាហកម្មកាត់ដេរសម្លៀកបំពាក់ និងផលិតស្បែកជើង។
៤-បន្តពង្រឹងឱ្យកាន់តែប្រសើរឡើងនូវប្រព័ន្ធការពារសុខភាព និងសុវត្ថិភាពការងារ ជាពិសេសយកចិត្តទុកដាក់លើ បរិស្ថាន អនាម័យ អាហារូបត្ថម្ភ សេវាការពារ ពិនិត្យសុខភាពនិងការទប់ស្កាត់ជំងឺឆ្លង សុវត្ថិភាពការប្រើប្រាស់ឡចំហាយ សុវត្ថិភាពអគ្គីភ័យ និងសំណង់ ព្រមទាំងទប់ស្កាត់ការធ្វើការបន្ថែមម៉ោងលើសច្បាប់កំណត់ គ្រោះថ្នាក់ការងារ និងគ្រោះថ្នាក់ក្នុងការដឹកជញ្ជូនកម្មករនិយោជិត។
៥-បន្តអនុវត្តកម្មវិធីពិភាក្សាប្រាក់ឈ្នួលអប្បបរមាប្រចាំឆ្នាំតាមរូបមន្ត និងយន្តការ ដែលបានអនុវត្តដោយគ្រប់ភាគីទទួលយកបានកន្លងមក។
៦-បន្តពង្រឹងប្រសិទ្ធភាពសេវាគាំពារ និងការពារសិទ្ធិពលករកម្ពុជានៅបរទេស ព្រមទាំងទប់ស្កាត់ការធ្វើចំណាកស្រុកដោយខុសច្បាប់ទាំងប្រថុយប្រថាន។
៧-ពង្រឹងការអនុវត្តច្បាប់ស្តីពីរបបសន្តិសុខសង្គម ជាពិសេស របបថែទាំសុខភាព និងរបបសោធននិវត្តន៍ឱ្យបានក្នុងឆ្នាំ២០១៧។
៨-រៀបចំដាក់ឱ្យអនុវត្តរបបសន្តិសុខសង្គមផ្នែកហានិភ័យការងារ និងផ្នែកថែទាំសុខភាពសម្រាប់មន្ត្រីសាធារណៈ។
៩-រៀបចំនិងអនុវត្តគោលនយោបាយជាតិស្តីពីការបណ្តុះបណ្តាលបច្ចេកទេស និងវិជ្ជាជីវៈ ដើម្បីលើកកម្ពស់ជំនាញបច្ចេកទេស និងវិជ្ជាជីវៈ ផលិតភាពការងារ និងសមត្ថភាពប្រកួតប្រជែងក្នុងសហគមន៍សេដ្ឋកិច្ចអាស៊ាន៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

ព័ត៌មានជាតិ​ពេល​យប់​


សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

សិល្បៈកម្សាន្ត

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2