vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

កត្ដាភ្លៀងនិងផ្លូវរអិលត្រូវរថយន្ដកិនបាក់ជើងទាំងសង្ខាង

ខេត្តកំពង់ស្ពឺ៖ជិះម៉ូតូនៅលើផ្លូវកំពុងធ្វើថ្មីបានរអិលដួលបណ្តាលឱ្យអ្នកជិះម៉ូតូខ្ទៀតមកកណ្តាលថ្នល់ស្របនិងរថយន្តបើកពីខាងក្រោយជាន់​ហ្វាងមិនទាន់បានជាន់បាក់ស្មងជើងទាំងសង្ខាង ។ករណីនេះបានកើតឡើង នៅថ្ងៃទី19ខែសីហាឆ្នាំ2017 វេលាម៉ោង17:30នាទី ល្ងាចនៅ ចំណុច ផ្លូវកំពុងធ្វើនៅ ភូមិតារាជ ឃុំកក់ ស្រុកបសេដ្ឋ ខេត្តកំពង់ស្ពឺ រវាងរថយន្តនិងម៉ូតូជិះស្របទិសគ្នា ពីទិសខាងកើតឆ្ពោះទៅទិសខាងលិច ។

តាមរបាយការណ៍ប៉ូលីសបានអោយដឹងថា៖ម៉ូតូម៉ាកហុងដាC125 សេរីឆ្នាំ2012 ពណ៍ខ្មៅ ពាក់ស្លាកលេខ ភ្នំពេញ1BK-7240 បើកបរដោយឈ្មោះ ជឿង បូរី ភេទប្រុស អាយុ ៣៥ ឆ្នាំ នៅភូមិត្រពាំងផុងថ្មីហៅភូមិចាស់ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ឌុបប្រពន្ធពីក្រោយឈ្មោះ ឃុយ គឹមឡេង អាយុ ៣៣ឆ្នាំ លុះមកដល់ចំណុចកើតហេតុខាងលើម៉ូតូក៏បានរអិលដួល បណ្ដាលអោយខ្ទាតអ្នកជិះពីក្រោយ ចូលទៅក្នុងរថយន្តកិនបាក់ស្មងជើងទាំងសងខាង ។
រថយន្តម៉ាក ហីយ៉ាន់ដាយ ពណ៍ខៀវ ពាក់ស្លាកលេខ កំពង់ស្ពឺ 2A-4372 បើកបរដោយម្ចាស់ឈ្មោះ វ៉ែន ប៉ុន្នី ភេទប្រុស អាយុ ៣១ ឆ្នាំ នៅភូមិព្រិច ឃុំកក់ ស្រុកបសេដ្ឋខេត្តកំពង់ស្ពឺ ដែលបានដឹកកម្មករចេញពីរោងចក្រ ។ឯម្ចាស់ ម៉ូតូគ្មានមួកសុវត្តិភាពទាំងពីរនាក់ហើយជនរងគ្រោះបានបញ្ជូនទៅមន្ទីពេទ្យ ។ រីឯវត្ថុុតាងត្រូវបានរក្សាទុកនៅអធិការរដ្ឋាននគរបាលស្រុកបសេដ្ឋ ៕

ឆមាសទី១ខេត្តប៉ៃលិនឃាត់ខ្លួនមនុស្ស៨៦នាក់និងចាប់គ្រឿងញៀនបានជាង២ម៉ឺនក្រាម

ប៉ៃលិន៖ នៅខេត្តប៉ៃលិន នៅឆមាសទី១ ឆ្នាំ២០១៧នេះ គឿងញៀនគឺ មានសភាពកើនឡើងជាងឆ្នាំមុន ដោយធ្វើការបង្ក្រាបការជួញដូរ រក្សាទុក និងប្រើប្រាស់គ្រឿងញៀនខុសច្បាប់ចំនួន ៣៩លើក ឃាត់ខ្លួនជនសង្ស័យបាន៨៦នាក់ ស្រី០៨នាក់ បើប្រៀបធៀប ក្នុងឆ្នាំ២០១៦ មាន២៧លើក ដោយដកហូតបានគ្រឿងញៀនម្សៅម៉ាទឹកកកបានចំនួន ១០៩កញ្ចប់ ស្មើនឹង២២៦,៥២ក្រាម និង២៤កញ្ចប់តូច ថ្នាំយ៉ាម៉ាប្រភេទ wy ចំនួន៨៧៦គ្រាប់ ស្មើនឹង៨៦,៧៤ក្រាម។នេះបើតាមមន្ដ្រីលេខាធិការដ្ឋានត្រួតពិនិត្យគ្រឿងញៀនខេត្តបានអោយដឹង។
ប្រភពបានបន្ដថា៖ រថយន្ត១គ្រឿង ម៉ូតូ៨គ្រឿង ជញ្ជីងសម្រាប់ថ្លឹងគ្រឿងញៀន០៦គ្រឿង ទូស័ព្ទដៃចំនួន ២៦គ្រឿង ស្នាប់ដៃចំនួន០២ ដាវចំនួន ០២ ដាវសាម៉ូរៃចំនួន ០២ដើម កញ្ឆាក្រៀមចំនួន ០៣ដើម ស្រស់៨៦ដើម បំពង់សម្រាប់ជក់កញ្ឆាចំនួន ០២ ជ្រុញហាន់កញ្ឆាចំនួន ០១ កាំបិត០១ ប្រាក់ចំនួន ៩៤០០រៀល ប្រាក់ថៃ ៤០បាត ព្រមទាំងសម្ភារៈសម្រាប់ជក់ និងថង់សម្រាប់វេចខ្ចប់មួយចំនួនទៀត។ ញ៉ឹប បូរី ប៉ៃលិន 19-08-2017
មានប្រសាន៍លើកឡើងនៅក្នុងកិច្ចប្រជុំជាមួយមន្ត្រី និងសមត្ថកិច្ចពាក់ព័ន្ធគ្រឿងញៀន និងប្រគល់សម្ភារៈបច្ចេកទេសដល់ការិយាល័យប្រយុទ្ធប្រឆាំងគ្រឿងញៀននៃស្នងការនគរបាលខេត្តប៉ៃលិន នៅទីស្នាក់ការត្រួតពិនិត្យព្រំដែន អន្តរជាតិព្រំ កម្ពុជា+ថៃ កាលពីរសៀលថ្ងៃទី១៨ ខែសីហា ឆ្នាំ២០១៧ ឯកឧត្តម សៅ សារ៉ាត់ អភិបាលរងខេត្ត និងជាប្រធានលេខាធិការដ្ឋានត្រួតពិត្យ គ្រឿងញៀនខេត្តប៉ៃលិន បានមានប្រសាសន៍ ជំរុញដល់មន្ត្រី និងសមត្ថកិច្ចពាក់ព័ន្ធ ជាពិសេសសមត្ថកិច្ចដែលប្រចាំការនៅមាត់ច្រកទ្វារអន្តរជាតិព្រំ កម្ពុជា+ថៃ ត្រូវបង្កើនកិច្ចសហប្រត្តិបតិការជាមួយភាគីថៃឱ្យបានល្អ ដើម្បីទប់ស្កាត់ការជួញដូរគ្រឿងឆ្លងដែនខុសច្បាប់គ្រប់រូបភាព។
ឯកឧត្តម បានបញ្ជាក់ថា៖ បច្ចុប្បន្ននេះក្រុមឈ្មួញជួញដូរគ្រឿងញៀនមានកលល្បិចជាច្រើន គ្រប់រូបភាព ដើម្បីលាក់បាំងពីសមត្ថកិច្ច ក្នុងការធ្វើចរាចរណ៍គ្រឿងញៀនពីប្រទេសជិតខាងនាំចូលមកចែកចាយបន្តក្នុងប្រទេសកម្ពុជា ជាពិសេសខេត្តដែលនៅជាប់ព្រំដែនកម្ពុជា ដូចជា៖ ប្រទេសថៃ លាវ និង វៀតណាម ដែលឈ្មួញធំៗតែងតែធ្វើសកម្មភាពចរាចរណ៍គ្រឿងញៀនចូលប្រទេសកម្ពុជាតាមច្រកព្រំដែន ។
ដូច្នេះមន្ត្រី និងសមត្ថកិច្ចជំនាញពាក់ព័ន្ធដែលប្រចាំការច្រកទ្វារអន្តរជាតិព្រំ ត្រូវសហការជាមួយកម្លាំងសមត្ថកិច្ចប្រយុទ្ធប្រឆាំងគ្រឿងញៀនខេត្ត និងពង្រឹងកិច្ចសហប្រត្តិបតិការជាមួយភាគីថៃឱ្យបានល្អ ដើម្បីធ្វើការស្រាវជ្រាវ និងផ្តាស់ប្តូផ្តល់ព័ត៌មានឱ្យគ្នាទៅវិញទៅមក ក្នុងការកំណត់មុខសញ្ញាជួញដូរចែកចាយគ្រឿងញៀន ព្រមទាំងចាប់ខ្លួនជនល្មើសយកទៅផ្តន្ទាទោសទៅតាមផ្លូវច្បាប់។
ឯកឧត្តម សៅ សារ៉ាត់ បានមានប្រសាសន៍បន្តថា៖ ក្នុងយុទ្ធនាការប្រយុទ្ធប្រឆាំងគ្រឿងញៀនរបស់រាជរដ្ឋាភិបាលកម្ពុជាដំណាក់កាលទី១ ត្រូវបានបញ្ចប់ ហើយយុទ្ធនាការប្រយុទ្ធប្រឆាំងគ្រឿងញៀនដំណាក់កាលទី២ បានចាប់ផ្តើមពី
ថៃ្ងទី១ ខែកក្កដា ដល់ ខែធ្នូ ឆ្នាំ២០១៧នេះ ដូច្នេះសមត្ថកិច្ចពាក់ព័ន្ធ និងអាជ្ញាធរដែនដីគ្រប់ជាន់ថ្នាក់ ត្រូវចូលរួមសហការគ្នាទប់ស្កាត់ និងចាត់វិធានការទាំង៥ ទី១/បន្តអប់រំផ្សព្វផ្សាយ ដល់ប្រជាពលរដ្ឋបានយល់ដឹងពីផលបះពាល់នៃការប្រើប្រាស់គ្រឿងញៀន
ទី២/ចាត់វិធានការពិនិត្យផ្នែករដ្ឋបាលនៅតាមក្រុមហ៊ុន សហគ្រឹះ កន្លែងកំសាន្តនានា តើមានបុគ្គលឹកណាមានជាប់ពាកព័ន្ធគ្រឿងញៀនឬទេ ទី៣/ អនុវត្តច្បាប់ដោយបង្រ្កាបនិងចាប់ជនល្មើសយកទៅផ្តន្ទាទោសទៅតាមច្បាប់ ទី៤/ស្តានិតិសម្បទាបង្សាបគ្រឿងញៀននៅតាមមណ្ឌល និងទី៥/បន្តសហប្រត្តិបតិការជាមួយអន្តរជាតិក្នុងការទប់ស្កាត់គ្រឿងញៀនឆ្លងដែនខុសច្បាប់៕

ក្មេង២នាក់លង់ទឹកស្លាប់នៅទំនប់បង្ហៀរទួលបារាយក្រុងព្រៃវែង

ក្រុងព្រៃវែង ៖ ហេតុការណ៍គួរឱ្យរន្ធត់ និងសោកសៅមួយបានធ្វើឱ្យម្តាយឪពុកពីរនាក់ យំស្ទើរសន្លប់បាត់បង់ស្មារតី ព្រោះត្រូវបាត់បង់កូនម្តងដល់ទៅ2នាក់ ដោយសារតែពួកគេនាំគ្នាទៅលេងទឹកដែលហូរគួចហើយលង់ស្លាប់។

ហេតុការណ៍ក្មេងប្រុសស្រីលង់ទឹកស្លាប់ខាងលើបានបង្ករការភ្ញាក់ផ្អើលឡើងកាលពីថ្ងៃទី19 ខែសីហាឆ្នាំ2017 វេលាម៉ោង12 នឹង45នាទីនៅចំណុចទំនប់បង្ហៀរទួលបារាយស្ថិតក្នុងភូមិបារាយលិច សង្កាត់បារាយក្រុងព្រៃវែង ខេត្តព្រៃវែង ។
ប្រភពព័ត៌មាននៅកន្លែងកើតហេតុបានឲ្យដឹងថា៖នៅពេលកើតហេតុគេឃើញមានក្រុមយុវជនជាច្រើននាក់ ដែលក្នុងនោះមានទាំងប្រុសមានទាំងស្រី បាននាំគ្នាមកលេងទឹកនៅចំណុចខាងលើ លុះដល់ម៉ោងប្រហែលជា12នឹង40នាទី ស្រាប់តែមានជនរងគ្រោះ ចំនួន4នាក់បានលង់ទឹក ពេលនោះក៏មានការភ្ញាក់ផ្អើលឡើង ហើយភ្លាមៗនោះគេជួយជនរងគ្រោះបានចំនួន 2នាក់ ។ចំណែកឯជនរងគ្រោះ2នាក់ ដែលជាបងប្អូនបង្កើតនិងគ្នា បានលិចបាត់ទៅក្នុងទឹក ដែលកំពង់ហូរគួចនោះទៅ ។ បន្ទាប់មកក៏មានប្រជាពលរដ្ឋ នឹងសមត្ថកិច្ចបាននាំគ្នាចុះរាវរក រហូតដល់ម៉ោងប្រហែលជា16 នឹង30នាទី ទើបរាវរកសពជនរងគ្រោះឃើញជាបន្តរបន្ទាប់ ។
សមត្ថកិច្ចបានឲ្យដឹងថា៖ជនរងគ្រោះដែលលង់ទឹកស្លាប់ខាងលើទី1.ឈ្មោះ វី ពិសាល ភេទស្រីអាយុ14ឆ្នាំ នឹងទី2.ឈ្មោះវី ពិសិដ្ឋ ភេទប្រុសអាយុ10ឆ្នាំ។ អ្នកទាំង2ជាបងប្អូនបង្កើតនឹងគ្នា និងមានឱពុកឈ្មោះវី ហ៊ា អាយុ47ឆ្នាំម្តាយឈ្មោះ ឡេង ម៉ាប់ អាយុ44ឆ្នាំ មានទីលំនៅភូមិពោចិន្តា ឃុំនឹងស្រុកស្វាយអន្ទរ ខេត្តព្រៃវែង។ បច្ចុប្បន្ន សពត្រូវប្រគល់ទៅបានក្រុមគ្រួសារយកទៅធ្វើបុណ្យតាមប្រពៃណី៕

សម្តេច ហ៊ុន សែន ប្រកាសយកថ្ងៃអាទិត្យជួបជាមួយកម្មកររោងចក្រ

ភ្នំពេញ៖នៅព្រឹកថ្ងៃទី២០ ខែសីហា ឆ្នាំ២០១៧នេះ សម្តេច ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួបសំណេះសំណាលសួរសុខទុក្ខជាមួយកម្មករ កម្មការិនី ចំនួន ៤,២៧០នាក់ មកពីរោងចក្រ ចំនួន ៩៣ ផ្សេងគ្នា នៅមជ្ឈមណ្ឌលកោះពេជ្រ រាជធានីភ្នំពេញ
សម្តេចតេជោ បានកំណត់យករៀងរាល់ថ្ងៃអាទិត្យដើម្បីជួបសំណោះសំណាល សួរសុខទុក្ខ កម្មករ កម្មការិនី ហើយនៅរៀងរាល់ថ្ងៃពុធ សម្តេចនឹង អញ្ជើញចុះសួរសុខទុក្ខ កម្មករ កម្មការិនីតាមបណ្តារោងចក្រ សហគ្រាសនានា ។
គោលបំណង នៃការជួបជុំនេះគឺដើម្បីស្វែងយល់ពីសុខទុក្ខ លក្ខខណ្ឌការងារ ទំនាក់ទំនងរវាងកម្មករ និយោជិតជាមួយនិយោជក និងសំណូមពរនានា ដើម្បីសម្រួល ឲ្យកម្មករនិយោជិតកាន់តែមាន លក្ខខណ្ឌ ការងារល្អ និងមានផលិតភាពការងារប្រសើរជាងមុន។
សម្តេចតេជោបានរំលឹកដល់ភាពខ្ទេចខ្ទាំ វិស័យកាត់ដេរក្នុងរបបប្រល័យពូជសាសន៍ ដែលពេលនោះរោងចក្រសហគ្រាស ត្រូវបានបំផ្លាញ បិទចោល ដោយមិនមានការនាំចេញនោះទេ។ បច្ចុប្បន្ននេះ រាជរដ្ឋាភិបាលកម្ពុជា បានយកចិត្តទុកដាក់ចំពោះកម្មករ ស្ថានភាពការងារនិងជីវភាពរស់នៅរបស់កម្មករក្នុងនោះមានដូចជាករដម្លើងប្រាក់ខែ ដែលបានធ្វើជាបន្ត បន្ទាប់។ ការតំឡើងប្រាក់ខែនេះមិនមែនតំឡើងតាមការទាមទាររបស់បក្សប្រឆាំងទេ គឺជាការខិតខំប្រឹងប្រែងគិតគូរយ៉ាងយកចិត្តទុកដាក់បំផុតពីរាជរដ្ឋាភិបាល។
ទន្ទឹមនឹងរាជរដ្ឋាភិបាលដែលបានខិតខំគៀងគរអ្នកវិនិយោគពីក្រៅប្រទេសមកកម្ពុជាគឺបក្សប្រឆាំងហាមមិនអោយប្រទេសដទៃទិញផលិតផលពីកម្ពុជាទៀត ឬមកវិនិយោគនៅកម្ពុជាឡើយដែលបាន ធ្វើអោយប៉ះ ពាល់យ៉ាងខ្លាំងដល់ជីវិតរស់នៅ និងការងារកម្មករ។
ដោយសារស្ថេរភាពនយោបាយ និងសន្តិសុខសណ្តាប់ធ្នាប់ល្អ ព្រមទាំង ការអនុគ្រោះដល់ការវិនិយោគទុន ពីបរទេស គឺចំនួនរោងចក្រត្រូវបានកើនឡើងជាបន្តបន្ទាប់ ដែលបានផ្តល់ការងារដល់បងប្អូនប្រជាពល ហើយក្នុងនោះ ប្រាក់ខែក៏ត្រូវបានដម្លើងជាបន្តបន្ទាប់ ដែលនៅឆ្នាំ ២០១៨ តិចបំផុតគឺអាចឡើងដល់ ១៦៨ដុល្លារក្នុងមួយខែបូកនឹងប្រាក់អត្ថប្រយោជន៍ផ្សេងៗទៀតគឺច្រើន។
សម្តេតេជោ ហ៊ុន សែន បានផ្តាំផ្ញើទៅសមាគមន៍ និយោជក តំណាំងអ្នកគ្រប់គ្រងកម្មករ កម្មការិនី តាមបណ្តារោចក្រ សហគ្រាសនានា ត្រូវមានការយោគយល់អាធ្យាស្រ័យគ្នាទៅវិញទៅមក ហើយខិត ខំដោះស្រាយអោយបានល្អនៅពេលមានបញ្ហារកើតមានឡើង។ ត្រូវចង់ចាំថានិយោជិត និងនិយោជក គឺជាដៃគូជីវិតនឹងគ្នា មិនអាចបាត់បង់មួយណាឡើយ។
ដើម្បីជួយសម្រួលដល់ជីវភាពរស់នៅរបស់កម្មករអោយបានប្រសើរឡើង សម្តេចតេជោ ហ៊ុន សែន បានប្រកាសអោយសាលារាជធានីភ្នំពេញផ្តល់សេវារថយន្តក្រុងសាធារណៈដឹកបងប្អូនកម្មករកម្មការិនីដោយឥតគិតថ្លៃ(Free) មានរយៈពេល ២ឆ្នាំ (ខែសីហា ឆ្នាំ២០១៧ ដល់ ខែសីហា ឆ្នាំ២០១៩)។ ទន្ទឹមនឹងនេះ សម្តេចតេជោ បានអោយមន្រ្តីអាជ្ញាធរពាក់ព័ន្ឋយកចិត្តទុកដាក់ពិនិត្យ ក្នុងការតបណ្តាញទឹក នឹងភ្លើងទៅតាមផ្ទះដែលកម្មករជួលនៅ។ បច្ចុប្បន្ន រាជរដ្ឋាភិបាលកម្ពុជា បានលើក យកចិត្តទុកដាក់ ចំពោះស្ត្រីជាកម្មការិនីមានផ្ទៃពោះដោយបានផ្តល់ប្រាក់បន្ថែម ១២០% សម្រាប់សម្រួលនៅពេលឆ្លងទន្លេ។
ទន្ទឹមនឹងនេះដែរ សម្តេចតេជោ ហ៊ុន សែន បានយកចិត្តទុកដាក់ចំពោះរបបសន្តិសុខសង្គមផ្នែក ថែទាំសុខភាពរបស់កម្មករ ដែលកន្លងមកត្រូវបង់ថ្លៃពាក់កណ្តាល (៥០%) ដោយនិយោជក និង និយោជិត។

ប៉ុន្តែចាប់ពីខែមករា ឆ្នាំ២០១៨ ទៅបងប្អូននិយោជិត(កម្មករ) មិនចាំបាច់បង់តទៅទៀតទេ គឺនិយោជក (ក្រុមហ៊ុន) ទទួលរាប់រងបង់លើការចំណាយនេះទាំងអស់ (១០០%) ដូច្នេះកម្មករយើង អាចនៅសល់ប្រាក់រវាងពី ៨០០០ ទៅ ១២០០០ រៀលក្នុងមួយខែ។ ជាមួយគ្នានោះក្រសួងសុខាភិបាល ត្រូវរៀបចំអោយមានមណ្ឌលសុខភាព ឬមន្ទីពេទ្យបង្អែកនៅជិតរោងចក្រ ដើម្បីងាយស្រួលក្នុងការផ្តល់ សេវាកម្មថែរក្សាសុខភាពដល់បងប្អូនកម្មករកម្មការិនី រួមទាំងរៀបចំអោយមានឡានពេទ្យប្រចាំការដើម្បីត្រៀមដឹកកម្មកនៅពេលមានគ្រោះថ្នាក់អ្វីមួយកើតឡើង។
ចំពោះរបបសន្តិសុខសង្គមផ្នែកសោធននិវត្តន៍ ចាប់ពីឆ្នាំ ២០១៩ ទៅកម្មករនិយោជិតទាំងអស់ នឹងទទួលប្រាក់សោធននិវត្តន៍(ប្រាក់រឺត្រែត) មានន័យថាពេលនៅមានកម្លាំងធ្វើការ ក៏ទទួលប្រាក់ខែ ហើយពេលចាស់ទៅធ្វើការមិនកើតក៏មានប្រាក់រឺត្រែត ដូចជាមន្ត្រីរាជការដែរ។ គឺមិនចាំបាច់មានក្រប ខណ្ឌការងាររដ្ឋឡើយ។ ប៉ុន្តែត្រូវខិតខំធ្វើការអោយបានល្អ។
សម្តេចតេជោ ហ៊ុន សែន បានបញ្ជាក់ច្បាស់ថា កម្ពុជាបានដូរពីប្រទេសប្រល័យពូជសាសន៍មកប្រទេស មានសុខសន្តិភាពពេញលេញ ដូរពីប្រទេសក្រ១០០% ក្លាយមកជាប្រទេសដែលមាអត្រាក្រីក្រតែ១៣.៥% ដូរពីកម្មករដែលមានប្រាក់ខែត្រឹមតែ ៥០ដុល្លារ មកប្រាក់ខែជាង ១៦៨ដុល្លា (+អត្ថប្រយោជន៍ ផ្សេងៗទៀត) គឺបានធ្វើអោយជីវភាពរស់នៅរបស់ពលរដ្ឋកាន់តែល្អប្រសើរទៅមុខជាលំដាប់។
ច្បាស់ ណាស់ គឺមានតែ គណបក្សប្រជាជនតែមួយគត់ ដែលបានដូរនូវអ្វីៗគ្រប់យ៉ាងអោយបានល្អប្រសើរ សម្រាប់កម្ពុជា។ ដើម្បីសម្រួលដល់ក្មួយៗកម្មករអាចចុះឈ្មោះបោះឆ្នោតបាន គឺក្មួយៗអាចទៅចុះឈ្មោះ នៅទីតាំងជិតកន្លែងធ្វើការរបស់ក្មួយៗផ្ទាល់តែម្តងដោយមិនចាំបាច់ធ្វើដំណើរទៅខេត្ត ដែលត្រូវចំណាយពេលវេលាច្រើនប៉ះពាល់ដល់ការងារ។ ការចុះឈ្មោះបោះឆ្នោតគឺចាប់ផ្តើមធ្វើនៅថ្ងៃ 1/9/2017 នេះ។សូមក្មួយៗកម្មករកម្មការិនី ទៅចុះឈ្មោះអោយបានគ្រប់ៗគ្នា៕

 

អណ្តូងស្ងួតនៅភូមិថ្មីទួលពពេលឃុំក្រឡាស្រុកកំពង់សៀមប្រជាពលរដ្ឋមានជំនឿថាមានបារមីសក្ត័សិទ្ធ

ខេត្តកំពងចាម៖នៅថ្ងៃទី២០ខែសីហាឆ្នាំ២០១៧អណ្តូងស្ងួតនៅភូមិថ្មីទួលពពេលឃុំក្រឡាស្រុកកំពង់សៀមប្រជាពលរដ្ឋមានជំនឿថាមានបារមីសក្ត័សិទ្ធពេលដែលគាត់ទៅបនស្រន់អណ្តូងស្ងួតនេះ។បើប្រវត្តិដែលលោកតាចារ្យឈ្មោះប៉ិចឈនអាយុ៧​៥ឆ្នាំនៅភូមិថ្មីទួលពពេលឃុំក្រឡាគាត់និយាយប្រាប់ហង្សមាសយើងថាអណ្តូងនេះតាំងពីគាត់ដឹងក្តីឃើញអណ្តូងស្ងួតនេះរហូតហើយឈ្មោះអណ្តូងស្ងួតនេះបានគេដាក់ឈ្មោះ(អណ្តូងស្ងួតគឺក្នុងអណ្តូងនេះមិនដែលមានទឹកដកទេមិនថាខែប្រាំងឬខែវស្សានិយាយអោយចំទៅតាំងពីគាត់ដឹងក្តីមិនដែលឃើញមានទឹកសម្បីមួយដំណក់)។

លោកតាប៉ិចឈនបន្តទៀតថា៖អណ្តូងស្ងូតនេះបើតាមគាត់ដឹពីឪពុកគាត់ដែលនិយាយប្រាប់គាត់ ។អណ្តូងស្ងួតនេះកាលពីដើមនៅទីនោះមានដើមឈើធំៗនៅជុំវិញអណ្តូងហើយមានសត្វខ្លានិងពូសវែកគ្រប់ប្រភេទមិនដែលមានអ្នកណាម្នាក់ហ៊ានចូលទៅមើលទីនោះទេ។

លោកតាឈនបន្តទៀតថា៖បើតាមដឹងពីឪពុកលោកនៅក្នុងឆ្នាំ១៩៥១នៅកន្លែងអណ្តូងស្ងួតមានព្រះសង្ឃមួយអង្គឈ្មោះលោកតាជាដែលលោកមកធ្វើតាដុងនៅទីនោះហើយលោកតាដុងអង្គនោះគាត់ចុះទៅធ្វើសមា​ធិនៅក្នុងអណ្តូងស្ងួតជារៀងរាល់ថ្ងៃ។
អណ្តូងស្ងួតនេះបើអ្នកធម្មតាចុះទៅក្នុងអណ្តូងនៅមិនបានយូរទេស្អុះណាស់មិនមានខ្យល់ចេញចូលទេហើយនៅក្នុងអណ្តូងសូម្បីយើងចុះទៅក្នុងមានអច្ជរិយខ្លាំងណាស់សូម្បីតែដែកកេះក៏កេះមិនឆេះដែរបើយកពិលចុចបំភ្លឺក៏មិនភ្លឺដែរ។កាលពីដើមនៅកន្លែងអណ្តូងមានតែអណ្តូងតែមួយរហូតមកដល់ឆ្នាំ១៩៦០មានគយខេត្តកំពង់ចាមមកកសាងចេតីយ៍ធំមួយនៅទីនោះ។រហូតមកដល់បច្ចុប្បន្នអ្នកដែលទៅបន់ស្រន់នៅទីនោះសក្ត័សិទ្ធក៏គេមកធ្វើកសាងតូបបន្តបន្ទាប់ទៀតរាល់ថ្ងៃនេះនៅទីនោះថ្ងៃសិលមានលោកតានិងយាយជីទៅបន់ស្រន់នៅទីនោះហើយកន្លែងកណ្តូងនោះនាក់ដែលទៅលេងបើជេរគ្នានិងនិយាយពាក្យអាក្រក់បារមីនៅទីនោះប្រកាន់ណាស់នាក់ខ្លះចុកពោះនាក់ខ្លះឈឺក្បាលរាគមាន៕

 

 

សិស្សប្រឡងបាក់ឌុបនាំគ្នាបែរបន់លោកតាដំបងក្រញូងសុំបានប្រឡងជាប់

ខេត្តបាត់ដំបង៖បេក្ខភាពប្រឡងទុតិយភូមិ២០១៧នេះនាំគ្នាយ៉ាងច្រើននាក់ទៅបន់ស្រន់ដល់លោកតាដំបងក្រញូង សុំទទួលបានលទ្ធផលល្អពីការប្រឡង។

នៅព្រឹកថ្ងៃទី២០ សីហានេះនៅចំនុចរង្វង់មូលលោកតាដំបងក្រញូងដែលឋិតនៅក្នុងក្រុងបាត់ដំបង មានបេក្ខជនជាច្រើនរយនាក់បាននាំគ្នាយ៉ាងច្រើនពពាក់ពពូនចូលបន់ស្រន់និងបួងសួងដល់បារមីលោកតាដំបងក្រញូងអោយជួយផ្តល់កម្លាំងចិត្តនិងផ្តល់នូវថាមពលប្រកបដោយស្មារតីមុតមាំក្នុងពេលប្រឡងដែលប្រព្រឹត្តទៅរយៈពេល២ថ្ងៃ ចាប់ពីថ្ងៃទី២១ដល់ថ្ងៃទី២២ ខែសីហានេះ។
បេក្ខជនប្រឡងដែលមកពិនិត្យមើលឈ្មោះក្នុងមណ្ឌលនេតយ៉ង់បានប្រាប់អោយដឹងថា ខ្លួននិងមិត្តភក្រ្ត័ជាច្រើននាក់ទៀតបានរកឃើញឈ្មោះទាំងអស់គ្នារួចរាល់ហើយ ហើយបានឆ្លៀតចូលបួងសួងដល់រូបសំណាកលោកតាដំបងក្រញូងសុំអោយរឹទ្ធីនិងមានបារមីដ៍ពូកែសាកសិទ្ធជួយផ្តល់ជាកម្លាំងចិត្តនិងស្មារតីដល់ខ្លួនដើម្បីទទួលបានផលល្អជាប់សញ្ញាបត្រ័។
អ្នកលក់នំចំណីក្បែររង្វង់មូលបានអោយដឹងដែរថា តាមការសង្កេតមើលការបន់ស្រន់នេះមានតាំងពី៤ទៅ៥ថ្ងៃមុនមកម្លេះ ប៉ុន្តែឃើញមានច្រើននៅព្រឹកថ្ងៃទី១៩និងព្រឹកថ្ងៃមើលឈ្មោះដែលមានទាំងសិស្សានុសិស្សនិងឱពុកម្តាយដែលមានកូនចូលរួមប្រឡងផងដែរមកពីទូទាំងខេត្ត។
លោកងី សែត ប្រធានមន្ទីរអប់រំយុវជននិងកីឡាខេត្តបាត់ដំបងបានបញ្ជាក់ថា សម័យប្រឡងក្នុងឆ្នាំ២០១៧នេះមានចំនួន១០មណ្ឌលប្រឡង ក្នុងនោះមានបេក្ខជនប្រឡងចំនួន៦៣១២នាក់បែងចែកជា២វិញ្ញាសារ គឺវិញ្ញាសារវិទ្យាសាស្ត្រនិងវិទ្យាសាស្ត្រសង្គម ឆ្នាំនេះបេក្ខជនប្រឡងបានកើនឡើងច្រើនជា២០១៦ចំនួន៧៧០នាក់ដោយឡែកការរឹតបណ្តឹងក្នុងការត្រួតពិនិត្យមុននិងពេលប្រឡងមិនខុសពីឆ្នាំកន្លងមកទេ ដោយមានក្រុមអ្នកសង្កេតការមកពីសង្គមស៊ីវីលជាច្រើននិងមន្ត្រីរបស់អង្គភាពប្រឆាំងអំពើពុករលួយផងដែរ៕

 

បវរកញ្ញាបែលហ្សិចបានផ្តល់អាគារស្នាក់នៅដល់ក្មេងកំព្រាស្រុកភ្នំស្រុក

ខេត្តបន្ទាយមានជ័យ៖បវរកញ្ញាបែហ្សិចបានផ្តល់អាគារស្នាក់នៅដល់ក្មេងកំព្រាស្រុកភ្នំស្រុកតាមរយៈអង្គការក្តីសង្ឃឹមសំរាប់កុ​មា​រ​ខណៈពេលដែលធ្វើទស្សនកិច្ចកាលពីថ្ងៃទី១៨ខែសីហាឆ្នាំ២០១៧នៅស្រុកភ្នំស្រុក។  

លោក យឹម សំណាង អភិបាលស្រុកភ្នំស្រុកបានប្រាប់អោយដឹង ថា៖បវរកញ្ញាបែលហ្សិចតាមរយៈអង្គការក្តីសង្ឃឹមសំរាប់កុមារបានអញ្ជើញធ្វើទស្សនៈកិច្ចសិក្សានៅស្រុកភ្នំស្រុកដើម្បីស្វែងយល់ពីការរស់នៅនិងប្រកបមុខរបបរបស់ប្រជាពលរដ្ឋ។ លោកបានបញ្ជាក់អោយដឹងថា៖ស្រុកភ្នំស្រុកគឺជាស្រុកមួយដែលប្រជាពលរដ្ឋ៩៥ភាគរយប្រកបមុខរបបធ្វើស្រែនិងចំការក្រៅពីនោះប្រជាពលរដ្ឋមួយចំនួនបានដាំដើមម៉ូននិងចិញ្ចឹមកូននាងយកសូត្រ ដំបាញ សូត្រលក់ដែលមានការណែនាំពីមន្ត្រីជំនាញគាំទ្រពីអង្គការជាដៃគូរនិង។  

លោក យឹម សំណាង បានបញ្ជាក់ថា៖ស្រុកភ្នំស្រុកមានអាងតំ ពាំថ្មជាតំបន់រម្មណីយ៍ដ្ឋានធម្មជាតិ និងជាអាងអភិរក្សសត្វស្លាដែលកម្រ មានសត្វស្លាបគ្រៀលក្បាលក្រហម និងបក្សីជាច្រើនទៀត មានសិប្ប កម្មតំបាញសូត្រនិងសូត្រធ្វើដោយដៃ។ បវរកញ្ញាបែលហ្សិចនិងអង្គការក្តីសង្ឃឹមសំរាប់កុមារបានមានការកោតសសើរចំពោះអាជ្ញាធរស្រុកបានទទួលស្វាគមន៍យ៉ាង​កក់ក្តៅនៅពេលដែលធ្វើទស្សនៈកិច្ចសិក្សាស្វែងយល់ ឃើញថាប្រជាពលរដ្ឋស្រុកភ្នំ ស្រុកដែលជាស្រុកមួយដាច់ស្រយ៉ាលប្រជាពលរដ្ឋមានជីវភាពល្អប្រសើរជាពិសេសលើវិស័យកសិកម្មដែលមានការរីកចម្រើន។  

បវរកញ្ញាបែលហ្សិចក្រោយពេលពីធ្វើទស្សនកិច្ចសិក្សាបានផ្តល់អគារស្នាក់នៅកុមារព្រាស្ថិតក្នុងភូមិរង្វានឃំុណាំតៅស្រុកភ្នំស្រុកតាមរយៈអង្គការអង្គការក្តីសង្ឃឹមសំរាប់កុមារជាការរួមចំណែកជាមួយរាជរដ្ឋាភិបាលកម្ពុជា៕(ប៊ុន ធឿន)

 

ប្រកាសតែងតាំង ប្រធានមន្ទីរទំនាក់ទំនងរដ្ឋសភា ព្រឹទ្ធសភា និងអធិការកិច្ច ខេត្តកំពង់ធំ

ខេត្តកំពង់ធំ៖ពិធីប្រកាសតែងតំាងចូលកាន់មុខតំណែងជាប្រធានមន្ទីរនេះ ត្រូវបានធ្វើឡើងនៅសាលាខេត្តកំពង់ធំ កាលពី រសៀលថ្ងៃទី១៨ខែសីហាឆ្នាំ២០១៧ ក្រោមអធិបតីភាព ឯកឧត្តម ឌុចសុវណ្ណារី រដ្ឋលេខាធិការ តំណាងដ៏ខ្ពង់ខ្ពស់ លោកជំទាវ ម៉ែនសំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង រដ្ឋសភា ព្រឹទ្ធសភានិងអធិការកិច្ច និងឯកឧត្តម អភិបាលខេត្ត ក្រុមប្រឹក្សាខេត្ត ព្រមទាំងមន្ទីរ អង្គភាពជុំវិញខេត្តដោយតែតាំង លោក ផា ណង ជាអនុប្រធានមន្ទីរនាក់ទំនងរដ្ឋសភា ព្រឹទ្ធសភា និងអធិការកិច្ច ឡើងកាន់តំណែងជាប្រធានមន្ទីរទំនាក់ទំនងរដ្ឋសភា ព្រឹទ្ធសភានិងអធិការកិច្ចខេត្តកំពង់ធំ! ខណៈដែលប្រធានមន្ទីរលោក ញឹកបានខេង បានឡើងទៅកាន់តំណែងជាអភិបាលរង ខេត្តកំពង់ធំ។

មានប្រសាសន៍នៅក្នុងពិធីនោះ ឯកឧត្តម សុខលូ អភិបាលខេត្តកំពង់ធំ បានលើកឡើងថា ការប្រកាសឡើងកាន់តំណែង គឺជាភារៈកិច្ចចាំបាច់ និងតម្រូវការរបស់រាជរដ្ឋាភិបាល ស្របតាមគោលនយោបាយជាតិ ជាមួយគ្នានោះ អ្នកចាស់ផ្លាស់ទៅដោយភាពរីករាយ ដោយឡែកអ្នកថ្មីឡើងកាន់តំណែងថ្មី ត្រូវតែបន្តដឹកនាំឲ្យបានល្អប្រសើរ ជំរុញសាមគ្គីភាពផ្ទៃក្នុង យកចិត្តទុកដាក់ធ្វើការងារប្រកបដោយការទទួលខុសត្រូវខ្ពស់។

ឯកឧត្តមបន្តថា តួនាទីរបស់មន្ត្រីទំាងអស់ គឺគ្មានប្លង់កម្មសិទ្ធនោះទេ វាគឺជារបស់ក្រៅខ្លួន ហើយសូមមន្ទីរអង្គភាពទំាងអស់ ខិតខំជំរុញការងារបណ្តុះបណ្តាល និងអភិវឌ្ឍន៍សមត្ថភាពដល់មន្ត្រីរបស់ខ្លួន ឲ្យកាន់តែល្អប្រសើរឡើងបន្ថែមទៀត ជាពិសេសបើកវគ្គបណ្តុះបណ្តាល ឲ្យចំទៅតាមជំនាញដែលជាតម្រូវការចំាបាច់ និងសិក្សាឲ្យបានលម្អិតតាមផ្នែកនីមួយៗ ដើម្បីផ្តល់នូវជំនាញច្បាស់លាស់ ឆ្លើយតបនឹងការងារជាក់ស្តែង។
ឯកឧត្តម ឌុច សុវណ្ណារី មានប្រសាសន៍ថា សូមឲ្យប្រធានមន្ទីរដែលទើបនឹងទទួលបានការតែងតំាងថ្មីនេះ ត្រូវសហការជាមួយ មន្ទីរអង្គភាពជុំវិញខេត្ត សូមមើលគម្រូប្រធានមន្ទីរចាស់ គោរពឲ្យបាននូវតួនាទីភារកិច្ចរបស់ខ្លួន ត្រូវយកចិត្តទុកដាក់ សាមគ្គីភាពឯកភាពផ្ទៃក្នុងឲ្យបានល្អ គោរពអនុវត្តនូវបេសកកម្មរបស់ខ្លួន គោរពតាមអនុវសាសន៍ថ្នាក់ដឹកនាំខេត្ត និងអនុវត្តតាមកំណែទម្រង់ស៊ីជម្រៅរបស់រាជរដ្ឋាភិបាល ជាពិសេសការបន្តការអនុវត្តយុទ្ធសាស្ត្រចតុកោណដំណាក់កាលទី៣ នីតិកាលទី៥ នៃរដ្ឋសភា ក្នុងគោលដៅលើកកម្ពស់សមត្ថភាព ប្រសិទ្ធភាព និងការផ្តល់សេវាសាធារណៈ ប្រកបដោយគុណភាព តាមរយៈការប្រកាន់ខ្ជាប់នូវឆន្ទៈម្ចាស់ការ ភក្តីភាព និងមនសិការវិជ្ជាជីវៈរបស់មន្ត្រីរាជការ។
ទន្ទឹមគ្នានេះ លោក ផា ណង ដែលទើបតែប្រកាសឡើងកាន់តំណែងប្រធានមន្ទីរថ្មី បានធ្វើការប្តេជ្ញាចិត្តថា ខ្លួនលោកនិងគោរពបទបញ្ជាថ្នាក់លើ ខិតខំអនុវត្តកម្មវិធីនយោបាយរបស់រាជរដ្ឋាភិបាល ច្បាប់លិខិតបទដ្ឋានគតិយុត្តិ និងទិសដៅ មតិណែនាំរបស់ក្រសួង ក៏ដូចជាទិសដៅរបស់ក្រសួងនានាដែលពាក់ព័ន្ធ, បន្តនិរន្តភាពការងារក្នុងមន្ទីរ លើសេវាសាធារណៈ ដោយពង្រឹងគុណភាព បច្ចេកទេស គោរពពេលវេលា, និងពង្រឹងសាមគ្គីភាពផ្ទៃក្នុង សហការជាមួយអង្គភាពពាក់ព័ន្ធទាំងអស់ ដើម្បីជាកំលាំងសម្រាប់ពង្រឹងគុណភាព និងប្រសិទ្ធភាពការងារ៕

 

 

មន្ត្រីរដ្ឋបាលជលផលអំពាវនាវដល់ប្រជាពលរដ្ឋសូមបញ្ឈប់ការនេសាទប្រើ​ឧបករណ៍ខុសច្បាប់

កំពង់ឆ្នាំង៖ កន្លងមកទោះបីមានការយកចិត្តទុកដាក់ផ្សព្វផ្សាយច្បាប់ជលផល  របស់​មន្ត្រីរដ្ឋបាលជលផលផលដល់ប្រជាពលរដ្ឋសូមកុំអោយប្រើប្រាស់ឧបករណ៍ខុសច្បាប់​មានរបាំងស្បៃមុង និងរបាំងសាច់អួនវែងៗ  ប៉ុន្តែទោះយ៉ាងណាក្តីនៅក្នុងរដូវ​ហាមឃាត់បិតការនេសាទនេះ  គេពិនិត្យ​ឃើញការនេសាទ​ខុសច្បាប់របៀបបំផ្លាញ​ពូជត្រីតាំង​ពីតូចដល់ធំនេះនៅតែ​កើតមាន​ឡើងនៅតាមបណ្តាស្រុកមួយចំនួន ដែលនេះគឺជាក្តីកង្វល់របស់មន្ត្រីជល​ផល  ដោយ​សមត្ថកិច្ច​បានដាក់ផែនការចេញបង្ក្រាបជារៀងរាល់ថ្ងៃ ។

លោក សោម ភិរុណ នាយខណ្ឌ័រដ្ឋបាលជលផល នៃមន្ទីរកសិកម្មខេត្តកំពង់ឆ្នាំង សូម​អំពាវ​នាវដល់ប្រជាពលរដ្ឋ ទាំងអស់សូមបញ្ឈប់ការនេសាទ ដាក់របាំងលូស្បៃមុងនេះបន្តទៀត  ព្រោះ​ថា របាំងលបលូស្បៃមុង វាបានបំផ្លាញមច្ឆាជាតិតូចធំគ្រប់ប្រភេទ ទោះប៉ុនណាក៍មិនសល់ដែរ  ដែលបញ្ហានេះនឹងប្រឈមទៅនៃការវិនាសបាត់បង់ធនធានជលផលជាតិជាពុំខាននោះឡើយ ។  លោកបានបញ្ជាក់ថាៈ របាំងលបលូស្បៃមុង កើតមាននៅស្រុកជលគីរី  កំពង់ត្រឡាច និង​ក្រុង​កំពង់ឆ្នាំង ។

ជាមួយគ្នានេះដែរ របាំងលបលូសាច់អួន ដែលមានប្រវែង វែងៗខុសច្បាប់ ក៍បានកើត​ឡើង​មាននៅតាមបណ្តាស្រុកមួយចំនួនផងដែរ ដូចជាស្រុកកំពង់លែង ស្រុកបរិបូណ៌ និងស្រុក​មួយចំនួនទៀត ដែលជាប់មាត់ទន្លេ ដែលសមត្ថកិច្ចជលផល បានសហការ​ជាមួយ​សមត្ថកិច្ច​ចម្រុះ ចុះបង្ក្រាបរៀងរាល់ថ្ងៃ។                                    .

លោកនាយខណ្ឌ័រដ្ឋបាលជលផល បានអោយដឹងទៀតថាៈការបង្ក្រាបបទល្មើសក្នុងខែសីហា  ឆ្នាំ២០១៧នេះ មានចំនួន៤២លើក  ស្មើនឹង៤៩២កន្លែង នៅស្រុកបរិបូណ៌ ស្រុកកំពង់លែង  រលាប្អៀរ​   កំពង់ត្រឡាច ស្រុកជលគីរី  និងក្រុងកំពង់ឆ្នាំង  ដោយក្នុង​នោះបាន​បង្ក្រាប​របាំង​សាច់​អួនចំនួន២៥២កន្លែង មានប្រវែង ១០.០៦០ម៉ែត្រ  របាំងស្បៃមុង២៤០កន្លែងមានប្រវែង​៩.៦៧០ម៉ែត្ររបាំងរាំងភ្ជិតព្រែក២០កន្លែងមានប្រវែង២៨០ម៉ែត្រ លបលូសាច់ អួន និងលបលូ​ស្បៃមុង៤៥០មាត់ បង្គោល១២.០៤០ដើម និងចាក់លែងកូនត្រីចម្រុះជាង១លាន៦០ម៉ឺនកូន ចូល​ក្នុងទន្លេធម្មជាតិវិញ ។                                                                                                 

តាមប្រភពពីប្រជាពលរដ្ឋអោយដឹងថាៈ  បទល្មើសនសាទមួយចំនួនធំ នៅក្នុងស្រុកកំពង់លែង  និងស្រុកបរិបូណ៌  នៅមិនទាន់បង្ក្រាបអស់នៅឡើយទេ ដែលបញ្ហានេះមន្ត្រីជំនាញនិយាយថា ការបង្ក្រាបជួបការលំបាកណាស់ដោយមន្ត្រីជលផលមានគ្នាតិច  ឯការចុះបង្ក្រាបដូច​វែកចក​អញ្ចឹង គឺបង្ក្រាបខាងមុខកើតមានខាងក្រោយ  ប៉ុន្តែយ៉ាងនេះ​ក្តីមន្ត្រីជំនាញនឹង​ក៍ខិតខំចុះ​បង្ក្រាប​ជារៀងរាល់ថ្ងៃដោយមិនបានបណ្តែតបណ្តោយនោះឡើយ៕Augu-033Augu-034   

អ្នករាយការណ៍អ.ស.ប៖អនីតិជន៤៨២នាក់ជាប់ឃុំឃាំងស្រី៣៨នាក់នៅម.២

ភ្នំពេញ៖ក្នុងកំឡុងទៅទស្សនកិច្ចនៅមណ្ឌលកែប្រែម២សម្រាប់ផ្ទុកជនជាប់ចោទស្រ្តីនិងអនីតិជនក្នុងសប្តាហ៍នេះលោកស្រីរ៉ូណា ស្មីតអ្នករាយការណ៍ពិសេសរបស់ឧត្តមស្នងការអង្គការសហប្រជាជាតិទទួលបន្តុកសិទ្ធិមនុស្សនៅកម្ពុជាបានអះអាងថាលោកស្រីបានទទួលស្ថិតថាអនីតិជនមានចំនយណ៤៨២នាក់ ក្នុងនោះស្រីចំនួន៣៨នាក់។ការលើកឡើងរបស់លោកស្រីបានធ្វើឡើងកាលពីរសៀលថ្ងៃទី១៨ខែសីហាឆ្នាំ២០១៧ក្នុងសន្និសីទសារព័ត៌មាននៅស្នាក់ការ​អ.ស.ប​ប្រចាំនៅកម្ពុជា។

លោកស្រីថ្លែងថា៖"កម្រិតនៃការចង្អៀតនែននៅក្នុងពន្ធនាគារតម្រូវឲ្យទណ្ឌិតស្រីជាអនីតិជន ត្រូវឃមខ្លួននៅក្នុងបន្ទប់ជាមួយទណ្ឌិតជានីតិជនស្រ្តី។ខ្ញុំមានការព្រួយបារម្ភផងដែរចំពោះការកំណត់អាយុរបស់អនីតិជនបន្ទាប់ពីត្រូវបានចាប់ខ្លួន ជាពិសេសការកំណត់ថាតើពួកគេមានអាយុក្រោមឬលើសអាយុអប្បបរមានៃការទទួលខុសត្រូវព្រហ្មទណ្ឌ"។

លោកស្រីបានលើកឡើងថា៖ចំណែកេកុមារដែលត្រូវបានថ្នាក់ជាសាក្សីនិងជាជនរងគ្រោះនៃបទព្រហ្មទណ្ឌវិញ លោកស្រីបានទទួលព័ត៌មានថាមានតែតុលាការ២ឬ៣តែប៉ុណ្ណោះដែលមានអេក្រង់ឬទូរទស្សន៍ដែលសម្រាប់សម្រួលដល់ការផ្តល់សក្ខីកម្មពីចម្ងាយ ហើយដែលតាមរយៈវិធីនេះអាចកាត់បន្ថយកុមារមិនឲ្យប្រឈមមុខផ្ទាល់ជាមួយជនសង្ស័យនិងអាចទប់ស្កាត់ភាពរងគ្រោះសារជាថ្មីបាន។

លោកស្រីបានលើកឡើងថា៖"ខ្ញុំមានការព្រួយបារម្ភថាអនីតិជនជាច្រើនត្រូវបានគ្រួសារបញ្ជូនទៅឃុំខ្លួនឬរក្សាទុកនៅក្នុងមជ្ឈមណ្ឌលសំចតនិងមណ្ឌលស្តានីតិសម្បាទា ហើយនិងសេវាផ្តល់ការថែទាំផ្សេងៗ។នៅពេលទីកន្លែងទាំងនោះត្រូវបានបង្កើតឡើងអាចដោយសារយុទ្ធនាគារបង្រ្កាបគ្រឿងញៀនក៍ខ្ញុំនៅតែព្រួយបារមភជាពិសេសចំពោះកុមារខ្លមាន​​ពិការភាពធ្ងន់ធ្ងរ ហើយនៅតែបញ្ជូនទៅកាន់កន្លែងនោះទៀត"។

លោកស្រីបានលើកឡើងទៀតថា៖"ខ្ញុំជំរុញរដ្ឋាភិបាលឲ្យខិតខំធានាថាអភិក្រមផ្អែកលើសិទ្ធិកុមារត្រូវបានប្រើប្រាស់ក្នុងគ្រប់សម័យទាំងអស់ទាក់ទងនឹងកុមារ"៕Augu-030Augu-032

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2