vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

ពលរដ្ឋសាទរ ដែលទទួលបានទីតាំងដី អតីតសាលាមតេយ្យហ៊ុនសែនអូរចារមកវិញ

ខេត្តបាត់ដំបងៈប្រជាពលរដ្ឋជាច្រើនគ្រួសារដែលមានទីលំនៅជុំវិញសាលាមតេយ្យហ៊ុន សែន អូរចារ មានការត្រេកអរសាទររកអ្វីប្រៀបផ្ទឹមពុំបានឡើយ ដែលទី តាំងដីសាលាមតេយ្យនេះមានទំហំ(៤០គុណ៤០ម៉ែត្រ) ។
កន្លងមកត្រូវបានគេឃុបឃិតគ្នាលួចធ្វើប្លង់យកជាកម្មសិទ្ធផ្ទាល់ខ្លួន ក៏កើតការប្តឹងផ្តល់គ្នារវាងប្រជាពលរដ្ឋនិងអ្នកលួចធ្វើប្លង់យក អស់រយៈកាលជាច្រើនខែមកហើយ ទើបនិងទទួលយកបានមកវិញដាក់ជាទ្រព្យ សម្បត្តិរួម ប្រយោជន៏ដល់កូនចៅពួក គាត់បានស្នាក់សិក្សារៀនសូត្រឡើងវិញ។
ពួកគាត់ជាប្រជាពលរដ្ឋទាំងនោះបានលើកឡើងថា ក្នុងកំឡុងទស្សវត្សឆ្នាំ៨០ និង៩០ទីតាំងដីនេះមានតួសាលាមតេយ្យហ៊ុនសែនអូរចារ អគារ១ខ្នងធ្វើអំពីឈើប្រក់ស័ង្កសី មានសិស្សនិងគ្រូបង្រៀនរហូតមក លុះក្រោយមក ដោយសារសាលាទ្រុឌទ្រោមផ្លូវលំបាកចេញចូលលេចទឹកអគារសាលាចាស់ទ្រុឌទ្រោមខ្លាំងពេក គ្មានការជួយឧបត្ថម្ភជ្រោមជ្រែង ឪពុកម្តាយខ្លាចអគារបាក់សង្កត់លើកូនក៏ឲ្យកូនឈប់រៀន អស់សិស្សគ្រូក៏ឈប់ផ្លាស់ទៅសាលាផ្សេង ក៏ទុកអគារសាលានេះចោល១រយៈក៏ពុកបាក់បាត់រូបរាងសាលារហូតមក លស់តែទីតាំងដីសាលា។
ពួកគាត់បន្តថា ដោយសារសល់តែទីតាំងដីមិនមានអ្នកណាអើពើរស្រាប់តែថ្មីៗនេះ ក្នុងកំឡុងឆ្នាំជាង២០០០នេះមានចេញប័ណ្ណកម្មសិទ្ធដាក់ឈ្មោះបុគ្គលទៅវិញប្រជាពលរដ្ឋក៏បានលើកគ្នាសួរនាំ អាជ្ញាធរមូលដ្ឋានភូមិ/ឃុំ ឆ្លើយដាក់គ្នាពីមួយទៅ១មិនមានអ្នកទទួលខុសត្រូវ ទើបពួកគាត់លើកតវ៉ាប្តឹងផ្តល់គ្នាពីថ្នាក់មូលដ្ឋាន ដល់សាលាក្រុង/ខេត្ត តុលាការនិងរហូតដល់រដ្ឋសភា យកទីតាំងដីនេះមកដាក់ជាទ្រព្យសម្បត្តិរួមវិញ។
ទើបបានឯកឧត្តម ឈាងវុន,សមាជិករដ្ឋ សភាចុះមកជួយអន្តរាគមន៏ពិនិត្យនិងស្រាវជ្រាវរកសាវតាជាក់លាក់ ថាជារបស់សាលាមតេយ្យពិតប្រាកដមែនទើបឯកឧត្តមសម្រេចឲ្យជំនាញសុរិយោដីខេត្តចេញប័ណ្ណកម្មសិទ្ធមកដាក់ជាដីសាលាមតេយ្យកម្មសិទ្ធរួមវិញ។
ពួកគាត់បន្តថា នៅពេលនេះអ្វីដែលពួកគាត់ត្រេកអររកអ្វីប្រៀបផ្ទឹមពុំបានដោយសារមានការជួយអន្តរាគមន៏ពីថ្នាក់ដឹកនាំ តាមការទាមទាររបស់ពួកគាត់ព្រោះពួកគាត់មិនមែនទាមទារយករបស់គេទេ ជារបស់សាលាពិតប្រាកដមែនហើយក៏មិនទាមទារយកមកធ្វើជារបស់ឯកជនដែរគឺទាមទារយកមកដាក់ជាទ្រព្យសម្បត្តិរួមវិញ ព្រោះទីតាំងដីសាលាមតេយ្យនេះជារបស់រួមរហូតមកតាំងពីឆ្នាំ១៩៧៩មក។
សូមបញ្ជាក់ថា បច្ចុប្បន្នទីតាំងដីសាលាមតេយ្យហ៊ុនសែនអូរចារខាងលើនេះទទួលបានប័ណ្ណកម្មសិទ្ធប្លង់រឹងចេញដោយសុរិយោដីខេត្តបាត់ដំបងបានជាកម្មសិទ្ធស្របច្បាប់ហើយ។តាមប្រភពពីប្រជាពលរដ្ឋកំពុងអំពាវរកសប្បុរសជនជួយឧបត្ថម្ភជ្រោមជ្រែង ដើម្បីកើតចេញជារូបរាងសាលាបានកូនចៅពួកគាត់ជំនាន់ក្រោយចូលរៀនបន្តទៀត ដែលនៅជិតលំនៅដ្ឋានពួកគាត់ផ្ទាល់៕

 

កុងទីនរ័ជ្រុលចង្កូតបុកផ្ទះចំនួន៣ និងបានបណ្ដាលមនុស្ស២នាក់របួសធ្ងន់នៅផ្សារគគីរ

ខេត្តកណ្ដាល៖នៅរសៀលនេះមានករណីរថយន្ដដឹកកុងទីនរ័ជ្រុលចង្កូតបុកផ្ទះចំនួន៣និងបានរបួសធ្ងន់មនុស្ស២នាក់នៅផ្សារគគីរស្រុកកៀនស្វាយ៕

មន្ត្រីសុខាភិបាលអំពាវនាវឲ្យស្ត្រីដែលមានបំណងចង់រំលួតកូនទៅរកសេវាស្របច្បាប់

ភ្នំពេញ៖អ្នកជំនាញសុខាភិបាលបានអំពាវនាវឲ្យស្ត្រីដែលមានបំណងចង់រំលួតកូនទៅរកសេវានៅតាមមូលដ្ឋានសុខាភិ​បាលណាដែលមានជំនាញច្បាស់លាស់និងទទួលស្គាល់ដោយក្រសួងសុខាភិបាលដើម្បីធានាដល់សុខភាពនិងសុវត្តិភាពរបស់ស្ត្រី។
ថ្លែងប្រាប់ទូរទស្សន៍រស្មីហង្សមាសនៅព្រឹកថ្ងៃទី១៧សីហានេះ លោកស្រីសាស្ត្រាចារ្យ ទុង រដ្ឋាវី ប្រធានមជ្ឈមណ្ឌលជាតិគាំពាំមាតានិងទារកបានមានប្រសាសន៍ថា៖ការរំលួតកូននៅតាមមណ្ឌលសុខភាពនិងមន្ទីរពេទ្យព្រមទាំងគ្លីនិករបស់អង្គការក្រៅរដ្ឋាភិបាលមួយចំនួននឹងជួយឲ្យស្ត្រីជៀសផុតពីផលវិបាកផ្សេងៗដូចជាការធ្លាក់ឈាម មិនប៉ះពាល់ដល់ស្បូននិងអាចជៀសផុតពីគ្រោះថ្នាក់ដល់អាយុជីវិតផងដែរ។
លោកស្រីបានបន្តថា៖បច្ចុប្បន្ននេះការរំលួតកូនមានការកើនឡើងគួរឲ្យកត់សំគាល់ដោយសារតែប្រជាពលរដ្ឋមានការយល់ដឹងច្រើនពិសេសស្ត្រីហ៊ាននិយាយជាចំហពីការរំលួតកូននេះប្រាប់ដល់អ្នកដ៏ទៃដែលពីមុនមិនហ៊ាននិយាយទេដោយសារមានភាពអៀនខ្មាសបើទោះបីជាកម្ពុជាមានច្បាប់ស្តីពីរំលួតកូនក្តី។
គួររំលឹកថាតាមរបាយការណ៍របស់ក្រសួងសុខាភិបាលឆ្នាំ២០១៦បានបង្ហាញថាក្នុងឆ្នាំ២០១៦មានករណីរំលួតកូនចំនួនជាង១ម៉ឺន២ពាន់ករណីនៅតាមសេវាចំនួន៧៦២កន្លែងក្នុងនោះមានសេវារដ្ឋចំនួន៦៦១កន្លែងនិងគ្លីននិករបស់អង្គការចំនួន១៨កន្លែង។តែយ៉ាងណាក៏ដោយលោកស្រីបានណែនាំថាការរំលួតកូនមិនមែនជាការពន្យាកំណើតទេដូច្នេះបើសិនជាស្ត្រីមិនចង់បានកូនទេគួរតែមានផែនការគ្រួសារឲ្យបានច្បាស់លាស់ត្រូវប្រើប្រាស់មធ្យោបាយពន្យាកំណើតដើម្បីកុំឲ្យមានគ៌ភតាមអ្វីដែលមិនចង់បាន។
ចំណែកលោក ស្រី ប៉ុក បញ្ញាវិចិត្រ នាយិកាប្រតិបត្តិអង្គការកម្ពុជាដើម្បីជួយស្ត្រីមានវិបត្តិបានប្រាប់ទូរទស្សន៍រស្មីហង្សមាសនៅរសៀលថ្ងៃទី១៧សីហានេះដោយបានស្នើដល់ក្រសួងសុខាភិបាលគួរតែបង្កើនការផ្សព្វផ្សាយពីការរំលួតកូនដោយសុវត្តិភាពឲ្យបានផុលផុសបន្ថែមទៀតដើម្បីឲ្យស្ត្រីកម្ពុជាបានយល់ដឹងដែលជួយកាត់បន្ថយអត្រាគ្រោះថ្នាក់បណ្តាលមកពីការរំលួនកូននេះ។
គួរបញ្ជាក់ថាទោះបីជាប្រទេសកម្ពុជាមានច្បាប់ស្តីពីការរំលូតកូនដែលផ្តល់សិទ្ធិឲ្យស្ត្រីអាចសំរេចរំលួតកូនបានក៏ដោយក៏មានស្ត្រីមួយចំនួននៅតែលួចលាក់ទៅទិញថ្នាំមករំលួតដោយខ្លួនឯងនិងអ្នកខ្លះទៀតទៅរកសេវាតាមគ្លីនិកឯកជនដែលមិនមានជំនាញច្បាស់លាស់ហើយប្រឈមនឹងគ្រោះថ្នាក់ដល់អាយុជីវិត៕

 

កម្លាំងកងរាជអាវុធហត្ថឃាត់ខ្លួនឪពុកមា ពីបទចាប់រំលោភក្មួយស្រី

ក្រុងប៉ោយប៉ែត៖ កម្លាំងកងរាជអាវុធហត្ថឃាត់ខ្លួនឪពុកមា ដោយរងការចោទប្រកាន់ពីបទចាប់រំលោកភសេពសន្ធវៈលើក្មួយស្រី។ ជនសង្ស័យឈ្មោះ ជ្រុន រ៉េត ភេទប្រុស អាយុ ៣៦ឆ្នាំ មុខរបរកម្មករត្រូវបានឃាត់ខ្លួននៅវេលាម៉ោង ១១និង ៣០នាទីថ្ងៃទី១៣ ខែ សីហា ឆ្នាំ ២០១៧ ស្ថិតនៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ។
សមត្ថកិច្ចប្រាប់ថា កុមារីរងគ្រោះឈ្មោះ ទ. ស. ហ អាយុ១០ឆ្នាំ ឪពុកឈ្មោះ ណុប អាយុ៤០ឆ្នាំ ម្តាយឈ្មោះ សាន្ត៣០ឆ្នាំ រស់ទីតាំងកើតហេតុខាងលើ រីឯជនសង្ស័យ ឈ្មោះ ជ្រុន រ៉េត ដែលត្រូវជាពូរបស់ក្មេងស្រីរងគ្រោះរស់នៅភូមិចាន់គិរី សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបានប្រាប់ថា ក្រោយពីធ្វើការឃាត់ខ្លួនរួច ជនសង្ស័យបានប្រាប់ថា ខ្លួនបានប្រើប្រាស់គ្រឿងញៀន ហើយមុនពេលកើតហេតុជនសង្ស័យបានទៅលេងផ្ទះបងថ្លៃរបស់ខ្លួន និងបានបបួល កុមារី២នាក់ដែលជាក្មួយជនសង្ស័យ ទៅជីកត្រពាំងនៅខាងកើតភូមិ លុះទៅដល់ព្រៃឬស្សី ។ជនសង្ស័យបានប្រាប់ប្អូនស្រីកុមារីរងគ្រោះ អោយចាំម៉ូតូ រីជនរងគ្រោះចូលទៅជីកត្រពាំងជាមួយជនសង្ស័យ ជនសង្ស័យបានធ្វើសកម្មភាពចាប់រំលោភតែម្តង។
សមត្ថកិច្ចបញ្ចាក់ថា ជនសង្សយ័បានរំលោភសេពសន្វវៈទៅកុមារីជនរងគ្រោះជាច្រើនៗៗដងហើយបច្ចុប្បន្ន កំលាំងកងរាជអាវុធហត្ថ ក្រុងប៉ោយប៉ែត បានកសាងសំណុំរឿងបញ្ជូនទៅទីបញ្ជារការដ្ឋានកងរាជអាវុធហត្ថខេត្តចាត់ការតាមនិតិវិធីរួចហើយ ។ប៊ុនថន

ស្ថានភាពជំនន់ទឹកភ្លៀងនៅខេត្ដព្រះសីហនុបានធូរស្រាលឡើងវិញមកដល់ល្ងាចនេះ

ខេត្តព្រះសីហនុៈស្ថានភាពជំនន់ទឹកភ្លៀងនៅខេត្តព្រះសីហនុមានសភាពធូរស្រាលឡើងវិញ បើគិតមកដល់ល្ងាចថ្ងៃទី១៧​ឆ្នាំ២០១៧ ។នេះបើយោងតាមការបញ្ជាក់ពីឯកឧត្តម យន្ត មីន អភីបាលនៃគណៈអភិបាលខេត្តព្រះ សីហនុ ឯកឧត្តម ជាម ហ៊ីម ប្រធានក្រុមប្រឹក្សាខេត្ត រួមនិងមន្រ្តីជំនាញនិងអាជ្ញាធ័រស្រុកព្រៃនប់ លោក សរ កក្កដា អភិបាលស្រុកព្រៃនប់ ក្រោយបានអញ្ជើញចុះពិនិត្យស្ថានភាពជំនន់ ទឹកភ្លៀង ពេញមួយព្រឹកនៅក្នុងស្រុកព្រៃនប់ ។ 

ក្នុងឱកាសដែលឯកឧត្តម អភិបាលនៃគណៈអភិបាលខេត្តព្រះសីហនុ អញ្ជើញ ចុះពិនិត្យតំបន់ជំនន់ទឹកភ្លៀងក្នុងស្រុកព្រៃនប់មាន ឃុំព្រៃនប់ ឃុំទួលទទឹង ឃុំអណ្ដូងថ្ម ឃុំសំរុង ឃុំវាលរេញដែលមានផ្សារវាលរេញក៍ត្រូវបានទទួល ក្នុងស្ថានភាពទឹកជំនន់ទឹកភ្លៀងនេះ ឯកឧត្តមបានបញ្ជាក់ថា មិនបាលទទួលការ រងគ្រោះមនុស្សសត្វនោះទេ គ្រាន់តែមានការខូចខាត ផ្លូវមួយចំនួនតូចតែប៉ុណ្ណោះ។

ស្ថានភាពទឹកជំនន់បានធូស្រាលទៅវិញនៅល្ងាចនេះ បើទៅបីជាផ្ទះប្រជាពលរដ្ឋមួយចំនួនរងផលប៉ះពាល់បន្តិចក្តី ប៉ុន្តែពុំមានភាពធ្ងន់ធ្ងរនោះទេ។ប៉ុន្តែបើទៅបីជាស្ថានភាពទឹកជំនន់ មានភាពធូរស្បើយ យ៉ាងណាក្តី ក៏ឯកឧត្តម យន្តមីន អភិបាលខេត្តព្រះសីហនុ បានអំពាវនាវឲ្យប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីធានាបាននូវសុខសុវត្ថិភាព ផ្ទាល់ខ្លួន ខណៈភ្លៀងកំពុងធ្លាក់យ៉ាងខ្លាំង។ 

យោងតាមសេចក្តីប្រកាសព័ត៌មាន របស់រដ្ឋបាលខេត្តព្រះសីហនុ បានឲ្យដឹងថា ក្នុងរយៈពេលប៉ុន្មានថ្ងៃនេះ ស្ថានភាពអាកាសធាតុតំបន់ មាត់សមុទ្រ ជាពិសេសខេត្តព្រះសីហនុ ទាំងមូលមានភ្លៀងធ្លាក់យ៉ាងខ្លាំង ដោយមានលាយឡំនូវខ្យល់កន្ត្រាក់ និងផ្គររន្ទះផងដែរ។

ស្ថានភាពនេះ បានបង្កឲ្យមានគ្រោះមហន្តរាយមួយចំនួន បានកើតឡើង ដូចជារលំដើមឈើ ប៉ើងដំបូលផ្ទះ រន្ទះបាញ់ស្លាប់ប្រជានេសាទ និងមានទឹកជំនន់លិចតាមភូមិសាស្រ្ត មួយចំនួនក្នុងស្រុកព្រៃនប់ និងស្រុកកំពង់សីលាផងដែរ ហេតុនេះ សូមបងប្អូនប្រជាពលរដ្ឋ ត្រូវការពារសុវត្តិភាព ជាពិសេសកូនតូចៗត្រូវមានការប្រុងប្រយ័ត្នខ្ពស់ ព្រោះហេតុការណ៍អាក្រក់អាចកើតឡើងគ្រប់ពេលប្រសិនបើយើងមានការធ្វេសប្រហែសតែបន្តិច៕

ក្រុមហ៊ុនប្រកាសទិញសណ្ដែកផ្កាយពីកសិករនៅស្រុកសំឡូត

ខេត្តបាត់ដំបង៖កសិករក្នុងស្រុកសំឡូតបានសម្តែងការសាទរចំពោះក្រុមហ៊ុនSUNNY ដែលប្រកាសនិងកុងត្រាទទួលទិញគ្រាប់រុក្ខជាតិសណ្តែកផ្កាយចំនួនច្រើនមិនកំណត់ធ្វើអោយជីវភាពប្រជាពលរដ្ឋបានប្រសើរឡើង។ ក្នុងដំណើរទស្សនកិច្ចចំការសណ្តែកផ្កាយរបស់តំណាងចែកចាយមកពីបណ្តាខេត្តចំនួន៥ កាលពីចុងសប្តាហ៍កន្លងមកនេះលោកអ៊ុន សុផាត អាយុ៦៥ឆ្នាំជាកសិកររស់នៅក្នុងភូមិកណ្តាល ឃុំស៊ុង ស្រុកសំឡូតបានលើកឡើងថា រយៈពេលជិត១ឆ្នាំមកនេះកសិករជាច្រើនគ្រួសារបានចាប់ដៃគូរប្រកបដោយភាពកក់ក្តៅជាមួយក្រុមហ៊ុនសាន់នី ដែលក្រុមហ៊ុនបានដាក់សាខាក្នុងមូលដ្ឋានផ្ទាល់ដើម្បីឈរចាំទទួលទិញគ្រាប់សណ្តែកផ្កាយពីកសិករជាអ្នកដាំជាច្រើនដោយមិនកំណត់ ថែមទាំងបានធ្វើកិច្ចសន្យាប្រមូលទិញក្នុងតម្លៃមួយខ្ពស់ទោះជាកាលៈទេសៈណាក៍ដោយ។
លោកទេព ផាន រស់នៅក្នុងភូមិស៊ុង១ ឃុំស៊ុងបានអោយដឹងដែរថា ដោយសារមានទំនុកចិត្តនិងការចាប់ដៃគូរល្អជាមួយក្រុមហ៊ុនសាន់នី លោកបានពង្រីកផ្ទៃដីដាំដុះរុក្ខជាតិសណ្តែកផ្កាយចំនួន៣រ៉ៃ ដែលមានជិត១០០០ដើមឯណោះ ។
បច្ចុប្បន្នសណ្តែកផ្កាយរបស់លោកលើផ្ទៃដី១រ៉ៃកំពុងរៀនផ្លែនិងផ្ទៃដីចំនួន២រ៉ៃទៀតបាននិងកំពុងប្រមូលផល ដោយរយៈពេល១ខែហុចផលបានរហូតដល់៣លើក មួយលើកៗរវាង១០ថ្ងៃម្តងបេះបានជាង៤០ទៅ៥០គីឡូក្រាមដោយក្នុង១គីឡូក្រាមលក់បានក្នុងតម្លៃ៧០០០រៀល ក្រៅពីនេះផលដែលទទួលបានដោយមិននឹកស្មានដល់មួយទៀតពេលដែលទិញប្រេងសណ្តែកផ្កាយពីក្រុមហ៊ុនយកមកហូបព្យាបាលជម្ងឺមានប្រសិទ្ធភាពហើយនិងទទួលបានប្រាក់ចំណូលលើកទឹកចិត្តពីក្រុមហ៊ុនមួយចំនួនទៀត។
ផ្នែកផលិតកម្មរបស់ហ៊ុនSUNNY KTMLM,COLTD លោក លួម ផល្លី បានប្រាប់អោយដឹងថា ក្រុមហ៊ុនបានប្រកាសជំហរទទួលទិញគ្រាប់រុក្ខជាតិសណ្តែកផ្កាយចំនួនច្រើនមិនកំណត់ពីកសិករនេះដោយសារបច្ចុប្បន្នវត្ថុធាតុដើមរួមទាំងគ្រាប់សណ្តែកផ្កាយប្រជាកសិករផលិតមិនទាន់និងតម្រូវការរបស់ក្រុមហ៊ុនពិសេសតម្រូវការរបស់អតិថិជនអ្នកគាំទ្រ។
ចំណែកលោកខោ ប៊ុនវត្ត ប្រធានក្រុមប្រឹក្សាភិបាលរបស់ក្រុមហ៊ុន SUNNY KTMLM.COLTD បានបញ្ជាក់បន្ថែមថា ការជ្រើសរើសទីតាំងក្រុមហ៊ុនក្នុងខេត្តបាត់ដំបងដោយសារមូលដ្ឋាននេះ មានសក្តានុពលខ្លាំង ដីនិងអាកាសធាតុមានលក្ខណះអំណោយផល ចំពោះមុខនេះក្រុមហ៊ុនកំពុងពន្លឿនក្នុងការផលិត ហើយការផលិតនេះធ្វើឡើងយ៉ាងសម្រិតសម្រាំងតាមរយះស្នាដៃរបស់កូនខ្មែរក្នុងខេត្តបាត់ដំបងទាំងការវេចខ្ចាប់ប្រកបដោយអនាម័យកំរិតស្តង់ដាបែបធម្មជាតិ១០០% មិនមានសារធាតុគីមីនិងទទួលស្គាល់ពីផ្នែកជំនាញពាក់ពន្ធ័ពិសេសបានទទួលស្គាល់ជាអន្តរជាតិផងដែរតាមរយះសារជាតិអូមេហ្គា៣.៦និង៩ក៍ដូចជាហ្វាយប័រដែលមានប្រយោជន៍ព្យាបាលជម្ងឺទឹកនោមផ្អែម បន្ថយជាតិស្កក្នុងឈាម ទប់ស្កាត់ការលាកនិងជម្ងឺមហារីកច្រើនប្រភេទ។
មិនតែប៉ុណ្ណោះក្រុមហ៊ុនបានផ្តល់កម្រៃចំណេញលើកទឹកចិត្តជាមួយប្រពន្ធ័ទីផ្សារបែបទំនើបដល់បណ្តាអតិថិ​ជនទាំងអស់ក្នុងលក្ខ័ណងាយបំផុតដើម្បីចូលរួមលើកស្ទួយសុខមាលភាពប្រជាពលរដ្ឋ ចូលរួមគាំទ្រផលិ​តផលខ្មែរកាត់បន្ថយការធ្វើចំណាកស្រុកកសិករមានជីវភាពល្អប្រសើរ៕

 

មន្រ្តីជំនាញចុះបង្រ្កាបបទល្មើសនេសាទនិងរឹបអូសឧបករណ៍ល្មើសច្បាប់ជាច្រើន

ខេត្តបាត់ដំបង៖មន្រ្តីជំនាញសហការជាមួយកម្លាំងមានសមត្ថកិច្ចចុះបង្រ្កាបបទល្មើសនេសាទរឹបអូសឧបក រណ៍ល្មើសច្បាប់បានជាច្រើនបំផ្លាញចោល។
តាមការស្រង់សម្តីពីការិយាល័យជំនាញនៃទីបញ្ជាការកងរាជអាវុធហត្ថខេត្តបាត់ដំបងបានអោយដឹងថា នៅក្រោមការបង្រ្កា​បបទល្មើសនេសាទមួយដែលធ្វើឡើងកាលដើមសប្តាហ៍កន្លងមកនេះផ្នែកជលផលអន្លង់វិលដោយមានកិច្ចសហការជាមួយកម្លាំងពាក់ពន្ធ័មួយចំនួនទៀតបានចុះបង្ក្រាបបទល្មើសនេសាទលើ៤ទីតាំងផ្សេង​គ្នានៅក្នុងភូមិដូនទ្រី ឃុំជ្រៃ ស្រុកមោងឫស្សី ខេត្តបាត់ដំបង។ការបង្រ្កាបនេះសមត្ថកិច្ចរឹបអូសបានឧបករណ៍នេសាទល្មើសច្បាប់មងចំនួន២០០០ម៉ែត្រ ឡុកចំនួ ន៩និងរំដោះកូនត្រីរួចប្រលែងបានចំនួន៩៥គីឡូក្រាមផងដែរ។
ប្រភពខាងលើបន្តថា ទីតាំងទី១លើការបង្ក្រាបក្នុងភូមិសាស្រ្តចំការកុង កម្លាំងជំនាញរឹបអូសសាច់មងបានចំនួន៤០០ម៉ែត្រ បង្គោល៨០ដើម ឡុក២ ប្រលែងកូនត្រីចម្រុះចូលក្នុងបឹងវិញចំនួន១៥គីឡូក្រាម បង្រ្កាបទីតាំងទី២ឋិតខាងកេីតចំការកុងដោយប្រមូលសាច់មងបាន៥០០ម៉ែត្របង្គោល១៣០ដើម ឡុកចំនួន២ ព្រលែងកូនត្រីចូលក្នុងទឹកវិញចំនួន៣០គីឡូក្រាម ដោយឡែកការបង្រ្កាបមួយទៀតធ្វើឡើងក្នុងចំនុចក្បាលស្ទឹង ។
សមត្ថកិច្ចបានរឹបអូសសាច់មងបានចំនួន៤០០ម៉ែត្រ បង្គោល៦០ដើម ឡុក២ ការងារប្រលែងកូនត្រីចម្រុះបានចំនួន២០គីឡូក្រាមនិងការបង្រ្កាបចុងក្រោយលើទីតាំងទី៤ បង្រ្កាបក្នុងចំនុចអូរក្បាលស្ទឹងមន្រ្តីជំនាញរឹបអូសសាច់មងបាន៧០០ម៉ែត្រ បង្គោល១៥០ដើម ឡុក៣និងបានប្រលែងកូនត្រីចម្រុះចូលទៅក្នុងបឹងធម្មជាតិវិញចំនួន៣០គីឡូក្រាម។
វត្ថុតាងក្រោយការប្រមូលបានត្រូវបានកាប់បំផ្លាញនិងដុតបំផ្លាញចោលនៅនឹងកន្លែងបន្ទាប់ពីកូនត្រីជាច្រើនប្រភេទត្រូវបានប្រលែងចូលទៅក្នុងបឹងធម្មជាតិអោយមានសេរីភាពនិងបន្តការធំធាត់បង្កើតកូនបន្តទៀត៕

 

ខណ្ឌឬស្សីកែវចុះពិនិត្យហាងបញ្ចាំចំនួន៣កន្លែងនៅសង្កាត់ទួលសង្កែ

ភ្នំពេញ៖ហាងទទួលបញ្ចាំចំនួន២កន្លែងនិងទីតាំងអាជីវកម្មសេវាកម្មអិុនធើណែតមួយកន្លែងនៅសង្កាត់ទួលសង្កែត្រូវ​បានគណះបញ្ជាកាឯពខណ្ឌឬស្សីកែវដឹកនាំកម្លាំង ដោយលោកជាពិសីអភិបាលនៃគណៈអភិបាលខណ្្ឌឬ ស្សីកែវចុះត្រួតពិនិត្យកាលព្រឹកថ្ងៃទី១៧ខែសីហាឆ្នាំ២០១៧នេះរួមមានទីតាំងទី១ស្ថិតនៅទីតាំង បញ្ចាំយីហោម៉េងឡាយលេខផ្លូវ​លេខ៧០ភូមិចុងខ្សាច់សង្កាត់ទួលសង្កែទី១ម្ចាស់ឈ្មោះជារិទ្ធផេងភេទប្រុសអាយុ៣០ឆ្នាំ។ទីតាំងទី២ស្ថិតនៅផ្លូវ​លេខ​៧០​ភូមិចុងខ្សាច់សង្កាត់ទួលសង្កែទី១ម្ចាស់ឈ្មោះរស់សំអាងភេទអាយុជាង៣០ឆ្នាំ។និងទីតាំងទី៣ជាទីតាំងសេវាកម្កមម្ហោសាន្តអិុនធើណែតយីហោ២៨PNETម្ចាស់ឈ្មោះទូចវាសនានៅផ្ទះគ្មានលេខផ្លូវលេខ៧០ភូមិចុងខ្សាច់សង្កាត់ទួលសង្កែ ទី១ ខណ្ឌឬស្សីកែវ ។

នៅក្នុងការចុះត្រួតពិនិត្យទីតាំងហាងទទួលបញ្ចាំទី១កន្លែង ជាក់ស្តែងគណៈកម្មកាពិនិត្យ ឃើញថាមានទូរស័ព្ទីដៃចំនួន​១៧គ្រឿងនៅជាប់បញ្ចាំហើយម្ចាស់ទីតាំងបានអះអាងថាគាត់ទទួលបញ្ចាំតែទូរស័ព្ទទេ ។មិនមានទទួលបញ្ចាំអ្វីផ្សេងឡើយទីតាំងនោះមានលិខិតអនុញ្ញាតិលើស្លាកយីហោពីសាលារាជធានីភ្នំពេញនិងមានពាក្យស្នើរសុំបើកទីតាំងទទួលទិញលក់និងបញ្ច្ចាំទ្រសម្បត្តិមានចុះហត្ថលេខាបញ្ជូនត្រឹមម សាលាខណ្ឌនិងពុំមានឯកសារអាជ្ញាប័ណ្ណពី​ក្រ  សួង​សេដ្្ឋកិច្ចនិងហរិញ្ញវត្ថុ។

ក្រុមការងារតម្រូវឲ្យលោករស់សំអាងបញ្ឈប់សកម្មភាពធ្វើអាជីវកម្មទទួលបញ្ចាំសម្ភារះ​ផ្សេងៗចាប់ពីថ្ងៃនេះតទៅក្នុងករណីម្ចាស់អាជីវកម្មចង់បន្តអាជីវកម្មរបស់ខ្លួន រដ្ឋបាលខណ្ឌតម្រូវឲ្យបំពេញបែបបទសិនមុននិងបន្តអាជីវកម្មបន្ត។រីឯទីតាំងអាជីវកម្មទទួលបញ្ចាំទី២ យីហោម៉េងឡាយម្ចាស់ឈ្មោះជារិទ្ធផេងអាយុ៣០ឆ្នាំស្ថិតនៅផ្លូវ៧០ភូមិចុងខ្សាច់សង្កាត់ទួលសង្កែ     ។

នៅពេលចុះមកដល់ទីតាំងជាក់ស្តែងកម្លាំង​គណះបញ្ជាការឯកភាពខណ្ឌបានពិនិត្យឃើញថាទីតាំងនេះមានលិខិតអនុញ្ញាតិអាជីវកម្មលេខ៦២១៣/លរអចុះថ្ងៃទី១៦ខែកញ្ញាឆ្នាំ២០១៦របស់រដ្ឋបាលរាជធានីភ្នំពេញប៉ុន្តែលិខិតជិតផុតសុពលភាព។ទីតាំងមានអាជ្ញាប័ណ្ណលេខ៣២៤/សហវ.ជិតផុតកំណត់ ហើយទីតាំងមានផ្ទុករថយន្តចំនួន៧គ្រឿងមានឯកសារពី​ម្ចាស់​ដើមមានចំនួន២គ្រឿងដោយឡែកឯកសាររបស់រថយន្ត៥គ្រឿងទៀតពិនិត្យឃើញមានតែឯកសាររបស់​ចុងក្រោយ។ដោយឡែកទីតាំងសេវាកម្សាន្តអិុនធើណែតមួយកន្លែងខាងលើនេះត្រូវបានអាជ្ញាធបិទអាជីវកម្មទាំងស្រុង។

សូមបញ្ជាក់ថានៅក្នុងប្រតិបត្តិការចុះត្រួតពិនិត្យហាងទទួលបញ្ចាំ២ទីតាំងខាងលើនេះគណះកម្មការចំរុះបានធ្វើការដកហូតរថយន្តចំនួន៥គ្រឿងនិងទូរស័ព្ទដៃចំនួន១៧គ្រឿងប្រគល់ឲ្យស្នងការដ្ឋាននគរបាលរាជធានីភ្នំពេញ យកមករក្សារទុកដើម្បីចាត់ការតាមនិតិវិធី៕Aug-224Aug-223Aug-225

នៅឆ្នាំ២០២០វិស័យទេសចរណ៍នឹងផ្ដល់ការងារប្រមាណជា១លាននាក់

ខេត្តបាត់ដំបង៖ វិស័យទេសចរណ៍ នៅឆ្នាំ២០២០ខាងមុខនេះកម្ពុជានិងត្រូវការកម្លាំងពលកម្មជំនាញរហូតដល់១លាននាក់លើវិស័យទេសចរណ៍។នេះបើតាមមន្ដ្រីទេសចរណ៍បានអះអាងនៅថ្ងៃនេះ។

ថ្លែងនៅក្នុងសិក្ខាសាលានាខេត្តបាត់ដំបង ស្តីពីជំនាញវិជ្ជាជីវះទេសចរណ៍អាស៊ាននិងវាយតម្លៃការសិក្សាកាលពីថ្ងៃទី១៧ សីហានេះ ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍បានអោយដឹងថា៖ ជាចក្ខុវិស័យនៅឆ្នាំ២០២០កម្ពុជាត្រូវការធនធានមនុស្សដែលមានវិជ្ជាជីវះច្បាស់លាស់បំពេញការងារក្នុងវិស័យទេសចរណ៍ចាប់ពី៨០ម៉ឺនទៅ១លាននាក់ដើម្បីឆ្លើយតបទៅនិងកំណើនភ្ញៀវទេសចរណ៍អន្តរជាតិកើនដល់៧​លាននាក់ខណៈ៧ខែដើមឆ្នាំ២០១៧នេះកម្ពុជាទទួលភ្ញៀវទេសចរណ៍បាន២លាន៨សែននាក់កើន១២,៨%។
តាមគោលការណ៍អភិវឌ្ឍន៍ទេសចរណ៍ប្រកបដោយនិរន្តភាពភ្ញៀវទេសចរណ៍បានកើនឡើងជាលំដាប់ ជាក់ស្តែងនៅឆ្នាំ២០១៦ កម្ពុជាទទួលភ្ញៀវបានប្រមាណ៥លាននាក់ កើនឡើង៥% ផ្តល់ឱកាសការងារដល់ប្រជាពលរដ្ឋ៦២ម៉ឺននាក់ដោយផ្ទាល់និង ដោយប្រយោលរាប់ម៉ឺននាក់ទៀត។
ឯកឧត្តម រដ្ឋលេខាធិការបន្តថា៖ ផ្អែកតាមការកើនឡើងរបស់ភ្ញៀវនេះទាមទាអោយប្រជាពលរដ្ឋពិសេស​យុវវ័យត្រូវរៀនសូត្រយកជំនាញអោយមានស្តង់ដាតាមកំរិត បូកទាំងជំនាញផ្តល់សេវាតាមសណ្ឋាគា ភោជណីដ្ឋាន ការធ្វើដំណើរនានានិងចុងភៅផងដែរធានាអោយបានភាពកក់ក្តៅ បំពេញសេចក្តីត្រូវការដល់ភ្ញៀវ។ ក្រៅពីនេះត្រូវបន្តអភិវឌ្ឍន៍តំបន់ទេសចរណ៍ថ្មីៗនិងរៀបចំអោយមានរបៀបរៀបរយស្របតាមទស្សនះទានស្អាតនិងប៉ៃតង។
ស្របគ្នាជាមួយយុទ្ធសាស្ត្រអភិវឌ្ឍន៍ទេសចរណ៍កម្ពុជា ក្រសួងទេសចរណ៍បានដាក់ចេញនូវផែនការសកម្ម​ភាពនិងយុទ្ធនាការរយះពេលខ្លី មធ្យមផ្តោតលើគោលការណ៍ចំនួន៤ចំនុច បង្កើនការផ្សព្វផ្សាយផលិតផលទេសចរណ៍ថ្មីថ្នាក់ជាតិ ថ្នាក់ពិភពលោក ពង្រឹងគុណភាពសេវាកម្មផលិតផល១ស្តង់ដា១ ពង្រឹងធនធានមនុស្សក្រោមយុទ្ធនាការបុគ្គលិកម្នាក់ជំនាញម្នាក់និងអភិវឌ្ឍន៍បច្ចេកវិទ្យា ព៌តមានវិទ្យាលើវិស័យទេសចរណ៍ដោយចុះបញ្ជីតំបន់ទេសចរណ៍តាមប្រពន្ធ័អនឡាញនូវអាជ្ញាបណ្ណ័អោយបានជាក់លាក់។
វិស័យទេសចរណ៍ត្រូវបានរដ្ឋាភិបាលចាត់ទុកថា ជាមាសប៉ៃតងនាំចេញនៅនឹងកន្លែងចូលរួមអភិវឌ្ឍន៍សេដ្ឋកិ​ច្ចសង្គមតាមរយះការជួយជម្រុញការងារវិនិយោគពិសេសកាត់បន្ថយភាពក្រីក្ររបស់ប្រជាពលរដ្ឋ ក្រៅពីនេះបានចូលរួមចំណែកអភិរក្សសម្បត្តិវប្បធ៌មផងដែរ៕

 

ស្រ្តីម្នាក់អាយុ៦៧ឆ្នាំធ្វើអត្តឃាតសម្លាប់ខ្លួនសង្ស័យជម្ងឺប្រចាំកាយ

ភ្នំពេញ៖ស្ត្រីក្រម៉ុំចាស់វ័យអាយុ៦៧ឆ្នាំម្នាក់បានសម្រេចចិត្តធ្វើអត្តឃាតបញ្ចប់ជីវិតដោយខ្លួនឯងយកក្រម៉ាចងភ្ជាប់ទៅនិងដែកគ្រោងទ្វារចូលបន្ទប់ដេកក្រុមគ្រួសារអះអាងថាមានជង្ងឺប្រចាំកាយបង្កឱ្យមានការណ៍ភ្ញាក់ផ្អើលកាលពីវេលាម៉ោង៨និង០៥នាទីព្រឹកថ្ងៃទី១៧ខែសីហាឆ្នាំ២០១៧ ស្ថិតនៅតាមបណ្តោយផ្លូវជាតិលេខ៥ ត្រង់ចំណុចផ្ទះលេខ​១៤៧២ក្រូមទី២ភូមិខ(១)សង្កាត់ច្រាំងចំរេះទី២ខណ្ឌឫស្សីកែវ ។ស្ត្រីក្រម៉ុំចាស់ដែលចងកសម្លាប់ខ្លួននោមានឈ្មោះកែវវណ្ណីអាយុ៦៧ មានមុខរបរនៅផ្ទះស្នាក់ផ្ទះកើតហេតុខាងលើ

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2