vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

មេដឹកនាំបក្សធំៗទាំងពីរនឹងសម្រេចចុងក្រោយពីចំនុចមិនទាន់ឯកភាពគ្នា ចំពោះកំណែទម្រង់ការបោះឆ្នោត

ភ្នំពេញ៖ ក្រុមការងារគណបក្សប្រជាជនកម្ពុជា និងគណបក្សសង្រ្គោះជាតិ ដែលបានជួប​ប្រជុំគ្នា ចំនួន២០លើក ដើម្បីពិភាក្សាលើសេចក្តីព្រាងវិសោធនកម្មច្បាប់ស្តីពីការ បោះឆ្នោត​ជ្រើស​​តាំ​ង​តំណាងរាស្រ្តហើយបានធ្វើកំណត់ហេតុរួម​ពីគម្រោង​កំណែទម្រង់​ការបោះឆ្នោតសម្រាប់​ដាក់​ជូនថ្នាក់ដឹកនាំសម្រេចចុងក្រោយនូវចំណុចដែលមិនទាន់ឯកភាពគ្នា។

 

កំណត់ហេតុស្តីពីលទ្ធផលកិច្ចប្រជុំក្រុមការងារវិសោធនកម្មច្បាប់បោះឆ្នោតរវាងគណបក្សប្រជាជនកម្ពុជា និងគណបក្ស​សង្រ្គោះ​ជាតិ​ចុះថ្ងៃទី២៣ខែកុម្ភៈឆ្នាំ២០១៥បានឲ្យដឹងថា​ក្រុម​ការ​​ងារគណបក្ស​ទាំងពីរបាន​ឯកភាពគ្នាកែសម្រួលខ្លឹមសារមានចំនួន១៨មាត្រាស្នើនឹង៣០​ចំណុចហើយនិងចំណុច​ដែលក្រុម​ការងារ គណបក្សទាំងពីរនៅមិន​ទាន់ឯកភាពគ្នាមាន​ចំនួន​១០មាត្រា ស្នើនឹង​១០ចំណុច ។

 

លោកប៊ិនឈិនប្រធានក្រុមការងារគណបក្សប្រជាជនកម្ពុជាបានមាន​ប្រសាសន៍ថា៖ ក្រុមការងារ​គណបក្សទាំងពីរ នឹងលើកយកចំណុចទាំង ១០នេះ ទៅដាក់ជូន​ថ្នាក់​ដឹកនាំទាំងពីរសិន ក្រោយ​ថ្នាក់ដឹកនាំបក្សទាំងពីរពិនិត្យរួចហើយគាត់នឹងជួបគ្នាពិភា​ក្សា។​

 

បើតាមកំណត់ហេតុរួម បានឲ្យ​ដឹង​​ថា​ចំនុចដែលក្រុមការងារគណបក្សជាប់ឆ្នោតទាំងពីរមិន​បាន ឯកភាព​គ្នារួមមាន៖ ការកំណត់​អាសនៈរដ្ឋសភា, ការចែងអំពីសកម្មភាពការឃោសនា​បោះ​ឆ្នោត, ការ​ចែង​អំពីរយៈពេល​នៃ​យុទ្ធនាការឃោសនាបោះឆ្នោត, ការចែងអំពីការផ្សព្វ​ផ្សាយ ព័ត៌មាន​អប់រំអ្នកបោះឆ្នោត​តាម​ប្រព័ន្ធផ្សព្វផ្សាយព័ត៌មានរបស់រដ្ឋ, ការចែងអំពីការ​សុំជួលទីតាំង​សម្រាប់​​​បម្រើការឃោសនា​បោះឆ្នោត, ការចែងអំពីការដាក់​​ពាក្យសុំជួលទីតាំង​។ល។

 

លោកគួយប៊ុនរឿនប្រធានក្រុមការងារគណបក្សសង្រ្គោះជាតិបានមានប្រសាសន៍ដែរថា៖ ចំណុចដែលក្រុមការងារទាំងពីរខ្វែងគំនិតគ្នានេះនឹងយកទៅដាក់ជូនថ្នាក់ដឹកនាំជាអ្នកសម្រេច ហើយបន្ទាប់មកក្រុមការងារគណបក្សទាំងពីរនឹងបន្តធ្វើការជជែកគ្នាតទៅទៀតអំពីទោសបញ្ញត្តិ និងអន្តរបញ្ញាត្តិបន្ថែមទៀតបើទោះបីជាថ្នាក់ដឹកនាំមិនទាន់សម្រេចនូវចំណុច​សេស​សល់ យ៉ាងណាក៏ដោយ។

 

លោកប៊ិនឈិនបញ្ជាក់ថាក្រុមការងារគណបក្សទាំងពីរមិនទាន់ដឹងថាថ្នាក់ដឹកនាំនៃ​គណបក្ស​ទាំង​ពីរជួបពិភាក្សាគ្នានៅពេលណានោះទេ ប៉ុន្តែថ្ងៃនេះ ក្រុមការងារ​ទាំង​ពីរ​​ចុះ​ហត្ថលេខា​ជាមួយ​គ្នា ដើម្បីលើកយកចំណុចខ្វែងគ្នាទៅឲ្យថ្នាក់ដឹកនាំ​ទាំងពីរជាអ្នក​សម្រេច។

 

គួរបញ្ជាក់ថាក្រុមការងារគណបក្សទាំងពីរនឹងបន្តការពិភាក្សាលើសេចក្តីព្រាងសេចក្តីស្នើច្បាប់​ស្តី​ពីវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្រ្ត នៅថ្ងៃសុក្រ ទី២៧ ខែ​កុម្ភៈ ឆ្នាំ​២០១៥ ខាងមុខនេះ៕

អត្ថបទ៖ ចាន់ សុធីវង្ស

ជប៉ុនជួយថវិកាកំចាត់រោគរបេងនៅកម្ពុជា

ភ្នំពេញ៖ជប៉ុនជួយថវិកាកំចាត់រោគរបេងនៅខេត្តព្រៃវែង។នេះបើតាមសេចក្ដីប្រកាសរបស់ស្ថានទូតជប៉ុនបាននិយាយនៅថ្ងៃនេះ។

 

ប្រភពបានបន្ដថា៖ក្រោមគ្រោងការណ៍នៃជំនួយឧបត្ថបម្ភឥតសំណងសម្រាប់គម្រោង​របស់អង្គការ​ក្រៅរដ្ឋាភិបាលជប៉ុន។

 

រដ្ឋាភិបាលជប៉ុននឹងផ្ដល់​ថវិកាសរុប​ចំនួន​ជាង២៤ម៉ឺនដល់សមាគមជប៉ុនកំចាត់រោគរបេងសម្រាប់ពង្រឹងសមត្ថភាព​កំណត់​រោគវិនិច្ឆ័យ​ជម្ងឺរបេងនៅស្រុកប្រត្ដិបត្តិពារាំងក្នុងខេត្ដព្រៃវែងកម្ពុជាដំណាក់កាលទី២៕

លោកអាឡិចសកម្មជន​ ការពារបរិស្ថានបាន ចាក់ចេញពីស្រុកខ្មែបាត់ទៅហើយ

ភ្នំពេញ៖លោកខៀវសុភគ័អ្នកនាំពាក្យក្រសួងមហាផ្ទៃបានបញ្ជាក់នៅម៉ៅង៨:៣៥នាទីយប់

នេះថា៖លោកអាឡិចបានចាក់ចេញពីស្រុកខ្មែរបាត់ទៅហើយ។​

សកម្មជនការពារបរិសា្ថនលោក អាឡិចនឹងបញ្ជូនចេញពី​​កម្ពុជា​យប់នេះ

រាជធានីភ្នំពេញ៖ លោក នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហា​ផ្ទៃបានថ្លាប្រាប់ ទូរទស្សន៍ហង្សមាស កាលពីល្ងាចថ្ងៃទី២៣ ខែកុម្ភៈ ឆ្នាំ២០១៥ថា៖​សមត្ថកិច្ចអគ្គ​នាយក​ដ្ឋាន​អន្តោប្រវេសន៍ នៃក្រសួងមហាផ្ទៃបានអនុវត្តឃាត់ខ្លួនលោក អាឡិចហ្សង់ដ្រូ ហ្គន់ហ្សេលេស ដេវីដសុន គ្រោងបញ្ជូនចេញពី​ប្រទេសកម្ពុជា​ទៅកាប្រទេសអេស្បាញ​នៅវេលាយប់​នេះព្រោះ​សំបុត្រយន្តហោះបានទិញរួចហើយ។

 

 

លោកខៀវសុភ័គបានថ្លែងថា៖“យើងបានអនុវត្តតាមច្បាប់របស់យើងក្នុងនាមជាប្រទេសមានអធិប​​តេយ្យមួយ។យើងបានប្រើអស់លទ្ធភាពជូនដំណឹងដល់គាត់ពីការអស់សុពលភាពលើទិដ្ឋាការស្នាក់នៅ​របស់​គាត់ក្នុង​ប្រទេស​កម្ពុជា តែគាត់រឹងរួសមិនព្រមចេញ។

 

លោកខៀវ សុភ័គបានថ្លែងថា ៖“ពេលនេះលោក អាឡិចហ្សង់ដ្រូ ហ្គន់ហ្សេលេស ដេវីដសុន​កំពុងស្ថិត​ក្រោយការគ្រប់គ្រងរបស់អគ្គនាយកដ្ឋានអន្តោប្រវេសន៍។”លោកថ្លែងថាតាមពិតគាត់ត្រូវបានបញ្ជូនចេញតាំងពីវេលាម៉ោង៣រសៀល តែដោយសារតែគាត់​ថាបាន​ភ្លេចលិខិតឆ្លង​ដែន​ដោយចេតនាមិនចង់ចេញ។

 

 

លោកខៀវសុភ័គបានថ្លែងថា៖“យើងបានស្នើឲ្យតំណាងស្ថានទូតអេស្បាញជួយពន្យល់គាត់ថាគាត់អស់សុពលភាព

ទិដ្ឋាការ តែសូម្បីតែស្ថានទូតរបស់គាត់ក៍គាត់មិនស្តាប់ផង”។

 

លោកអាឡិចជាសកម្មជនការពារបរិស្ថាននិងធម្មជាតិនៅតំបន់អារ៉ែងខេត្តកោះកុងធ្លាប់បាននិយាយថាលោកស្រលាញ់ប្រទេសកម្ពុជាលោកមិនចង់ចេញពីប្រទេសកម្ពុជាទេ៕

ប្រធានគណៈ​កម្ម​ការវិនិយោគ ​នឹងជួបជាមួយអគ្គលេខាធិការ​ក្រុមប្រឹក្សា អភិវឌ្ឍន៍កម្ពុជានៅថ្ងៃស្អែក

ភ្នំពេញ៖ប្រធានណៈកម្មការផែន ការវិនិយោគ​កសិកម្ម អភិវឌ្ឍន៍ជនបទ បរិស្ថាន​ និងធនធានទឹក ដឹកនាំដោយ លោកប៉ុលហំម ​ប្រធានគណៈ​កម្ម​ការនឹងជួបពិភាក្សាការងារ ជាមួយ​លោកសុខ​ចិន្តាសោភារដ្ឋមន្រ្តីប្រតិ​ភូអម​នាយ​​ករដ្ឋមន្រ្តី និងជាអគ្គលេខា​ធិការក្រុមប្រឹក្សា​អភិវឌ្ឈន៍​កម្ពុជា​និងសហការីនៅវិមាន​រដ្ឋ​សភាថ្ងៃទី២៤កុម្ភៈឆ្នាំ២០១៥វេលាម៉ោង៩ព្រឹក នៅ​សាល​ប្រជុំ ២៧។

 

ជំនួបពិភាក្សានេះ​នឹងផ្តោតជាសំខាន់អំពីស្ថានភាពបច្ចុប្បន្នទាក់ទងនឹងវិស័យនានា ក្រោមការគ្រប់គ្រងរបស់អគ្គលេខាធិការក្រុមប្រឹក្សាអភិវឌ្ឍន៍កម្ពុជា។ នេះបើតាមសេចក្ដីប្រកាសរបស់រដ្ឋសភាទទួលបាននៅថ្ងៃនេះ៕

រាជបណ្ឌិត្យសភាកម្ពុជាស្នើឡាវផ្អា​កសង់ទំបន់វារីអគ្គីសនីដនសាហុង

ភ្នំពេញ៖រាជបណ្ឌិតសភាកម្ពុជាដែលជាស្ថាប័នឯករាជ្យរបស់រដ្ឋបានស្នើឲ្យប្រទេសឡាវផ្អា​កការ​សា​ង​សង់ទំបន់​វារីអគ្គីសនីដនសាហុងជាបណ្ដោះអាសន្នហើយ​បង្វែ​រកា​រ​យ​ក​ចិ​ត្ត​ទុ​ក​ដា​ក់​សិ​ក្សា​ប​ន្ថែ​ម​ទៀ​ត​ពី​ដំ​ណោះ​ស្រាយនៃ​​ផ​ល​ប៉ះ​ពាល់ដែលកម្ពុជានឹងប្រឈម។

 

ក្នុងសន្និសីទសារព័ត៌មានរៀបចំនៅរាជបណ្ឌិតសភាកម្ពុជាព្រឹកថ្ងៃទី២៣ខែ​កុម្ភៈ​នេះលោ​កសុខទូចប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិតសភាកម្ពុជាថ្លែ​ង​ថា៖ ​កា​​​រ​​ស្នើ​នេះ ​ធ្វើ​ឡើងបន្ទាប់ពីរាជបណ្ឌិតសភាប​ញ្ច​ប់​កា​រ​​សិ​ក្សា​ពីទិដ្ឋភាពច្បាប់និងបាន​​ចុះ​​​​​​​​ដ​​​ល់​​ទី​ក​ន្លែ​ង​ទាំ​​ង​ក្នុ​ង​​​ទឹ​ក​​​ដីឡាវនិង កម្ពុជាហើយរកឃើញថាភាគីឡាវកំពុងរំលោភកិច្ច​​ព្រម​ព្រៀ​ង​​​គណៈកម្ម​កា​រ​ទ​ន្លេ​មេ​គ​ង្គនិងមិនបានគិតគូពីផលប៉ះពាល់លើជីវចម្រុះនិងប្រជា​ជ​ន​ក​ម្ពុ​ជាពីគ្រោងរបស់​ខ្លួន។

 

លោកបណ្ឌិតបន្តថា៖យោងតាមកិច្ចព្រមព្រៀងមេគង្គឆ្នាំ១៩៩៥និង​សេច​ក្ដីថ្លែង​ការណ៍រួ​ម​ជា​បន្តបន្ទាប់នៃកិច្ចប្រជុំគណៈកម្មការទន្លេមេគង្គនៅប្រទេសថៃឡាវនិងវៀតណាមថ្មីៗនេះគ​ម្រោ​​ង​ធ្វើ​ទំនប់វារីអគ្គសនីដនសាហុ​ងត្រូវឆ្ល​ងកាត់នីតិវិ​ធីពិគ្រោះយោ​បល់ជា​មួយប្រទេ​សជាស​មា​ជិ​​​​ក​សិនប៉ុ​ន្តែប្រទេសឡាវបានចាប់ផ្ដើមឈូសផ្លូវនិងធ្វើស្ពានដឹកគ្រឿងចក្រនិងសម្ភារៈសំណង់​ស​​ម្រា​​​​​ប់សសង់ទំបន់ខណៈការពិគ្រោះយោបល់មិន​ទាន់មា​ន​ការ​ឯកភា​ពជា​រួ​ម។

 

លោកសុខទូចបន្ដ៖តើទុកកម្ពុជាជាឈ្នាន់របស់​ឡាវនិងវៀតណាមឬយ៉ាងដូចម្ដេច​?នេះ​ជា​សំណួរ!អ៊ីចឹងក្នុងនាម យើងជាអាកាដេមិកឬអ្នកសិក្សាស្រាវជ្រាវត្រូវបង្ហាញពីបញ្ញានេះហើយនឹង​លើកយកបញ្ហានេះដាក់ជូនរាជរដ្ឋាភិ បាលដើម្បីឲ្យរាជរដ្ឋាភិបាលផ្ដល់ឱកាសឲ្យ​រាជ​បណ្ឌិតសភា​កម្ពុជាហៅអេកាដេមិកឡាវថៃនិងវៀតណាម...កម្ពុជា ត្រូវដោះដូរទាំងអស់!ទំនៀ​​មទំលាប់​ប្រពៃណីវប្ប​ធម៌ព្រោះគាត់ត្រូវទទួលឥទ្ធិពល ហើយសួរថាយើង​បាន​ស្អី”។

 

លោកជំទាវខ្លូតធីតាប្រធានរាជបណ្ឌិតសភាកម្ពុជាថ្លែងថា៖លទ្ធផលស្រា​វជ្រា​វខាង​​​នេះ​នឹ​ង​ត្រូ​វ​ដា​​ក់ជូនរាជរដ្ឋា ភិបាលកម្ពុជាពិចារណាយក​ធ្វើ​ជា​មូ​ល​ដ្ឋា​ន​ស​ម្រេ​ច​ចិ​ត្ត​​​ជុំ​​​វិញ​ដំ​ណើ​រកា​រ​សា​ង​ស​ង់​ទំ​នប់ដនសាហុងហើយវានឹង កាន់តែមានតម្លៃសម្រា​ប់ការពិភា​ក្សារ​វាង​ថ្នា​ក់ដឹ​​ក​នាំកម្ពុជាជាមួ​យ​​ប្រ​​ធា​ន​រដ្ឋ​នៃ​សា​ធា​រ​ណ​រ​ដ្ឋប្រជាមានិតឡាវក្នុងឱកាសទស្ស​នកិ​​ច្ច​២​ថ្ងៃ​នៅ​​ក​ម្ពុ​ជាចាប់​ពីថ្ងៃទី​២៦ដ​ល់​ថ្ងៃទី២៧ខែកុម្ភៈខ​​ណៈ​​​​​កម្ពុជាក៏​នឹ​ង​ធ្វើ​​ជា​ម្ចា​​ស់ផ្ទះ​នៃកិ​ច្ចប្រជុំ​គណៈ​ក​ម្ម​កា​រ​ទ​ន្លេ​​​មេ​គង្គ​នៅ​ឆ្នាំ​២​០​១៥នេះដែរ។

 

លោកផៃស៊ីផានរដ្ឋលេខាធិការនិងជាអ្នកនាំពាក្យទីស្ដីការគណៈរដ្ឋមន្រ្តីថ្លែងថា៖រាជ​រដ្ឋា​ភិ​បា​ល​​នឹ​ងទទួលយកដោយភក្ដីភាពបំផុតចំពោះលទ្ធផលនៃការស្រាវជ្រាវរបស់​រាជ​បណ្ឌិតសភាពី​ព្រោះ​ស្ថា​​ប័​នរដ្ឋមួយនេះជាធនាខួរក្បាលរបស់ជាតិមានឯករាជ្យភាព​និងមិ​នស្ថិតក្រោ​មឥទ្ធិពល​ម្ចា​​ស់​ជំ​នួយ​​ដូ​​ច​​សង្គមស៊ីវិលមួយចំនួនហើយថាសម្ដេចនាយករដ្ឋមន្រ្តីនឹ​ងយកលទ្ធ​ផលសិ​ក្សា​ស្រា​​​វ​​ជ្រា​វ​នេះ​​​​​ម​ក​​ពិចា​រ​ណាមុននឹងសម្រេចថាតើគួរលើក​យកបញ្ហានេះ​មកពិភាក្សា​ជាមួយ​ប្រធា​ន​រ​ដ្ឋឡាវ ឬ​​​យ៉ាងណា​​នោះ។

 

គួរបញ្ជាក់ថាទំនប់ដនសាហុងដែល​ប្រទេសឡាវកំពុង​ដំណើរការសាងសង់​ដោយបំពាននោះមា​ន​​​​​ចំងាយជាង ១៥០០ម៉េត្រប៉ុណ្ណោះពីព្រំដែន​កម្ពុជាហើយ​ទំនប់មួយនេះ​នឹងកែ​ប្រែដំណើរ​ធម្ម​ជា​តិ​នៃដងទន្លេមេគង្គធ្វើប៉ះពាល់ ធ្ងន់ធ្ងរ​ដល់ជីវភាពរស់នៅរបស់​ប្រជាជន​កម្ពុជា​តា​ម​ដ​ង​ទ​ន្លេ​មេ​គ​ង្គ​និង​ទ​ន្លេ​សាប​ហើយជីវចម្រុះមច្ឆាជាតិនានារួមនឹង ​ត្រីផ្សោត​ដ៏កម្រ​ក្នុងទន្លេមេគង្គនឹ​ង​​ជួ​ប​​វិ​នា​ស​ក​ម្ម​ផុ​តពូជប្រសិនភាគីឡាវនៅតែមានៈ​ធ្វើទំនប់ដោយ​គ្មាន​ការសិក្សាលម្អិត៕អត្ថបទ ៖រ៉េន រតន

 

កម្ពុជា-ម៉ាឡេស៊ីចុះកិច្ចព្រមព្រៀងសហប្រត្ដិបត្ដិការលើវិស័យការពារជាតិ

 

ភ្នំពេញ៖ប្រទេសកម្ពុជានិងប្រទេសម៉ាឡេស៊ីនៅថ្ងៃនេះបានចុះកិច្ច​ព្រមព្រៀង​ជាមួយ​គ្នា​ដើម្បី​សហ​ប្រតិបត្តិការ​ខាងវិស័យ​កងទ័ពនៃប្រទេស​ទាំងពីរក្នុងដំណាក់ការប្រទេស​ម៉ាឡេស៊ីជា​ប្រធាន​អាស៊ាន ក្នុងឆ្នាំ២០១៥នេះ។

 

ក្រោយពីជំនួបពិភាក្សា​ការងារជាមួយរដ្ឋមន្រ្តីក្រសួង​ការពារ​ជាតិប្រ​ទេស​ម៉ាឡេស៊ីលោកD​a​t​o​S​​e​r​I​​H​i​s​h​a​m​m​u​d​d​i​n​​bi​​n​​​T​u​n​​​H​u​s​s​e​i​n​​នៅទីស្តីការក្រសួងការ​ពារ​ជាតិនៅ នៅថ្ងៃទី២៣ខែ​កុម្ភៈឆ្នាំ២០១៥​លោកទៀបាញ់បានថ្លែង​ថា៖រដ្ឋមន្រ្តីការពារជាតិ​ប្រទេស​ម៉ាឡេស៊ី​​មកកម្ពុជានេះគឺ​ដើម្បីអញ្ជើញ​រដ្ឋមន្រ្តីការពារជាតិជា​សមាជិកប្រទេស​អាស៊ាន​ទាំងអស់​ទៅ ចូល រួម ប្រជុំថ្នាក់រដ្ឋមន្រ្តីការ​ពារជាតិ​អាស៊ាននៅខែមីនាក្រោយនេះ។

 

ចំពោះការចុះហត្ថលេខាវិញលោក​ទៀបាញ់បានប្រាប់ថា៖“នោះ​ជាការចុះ​ហត្ថ​លេខាលើ​កិច្ចសហ​ប្រតិ​បត្តិការខាង វិស័យ ការពារជាតិ និងពង្រឹងកិច្ច​សហ​ប្រតិ​​បត្តិការ​ខាងវិស័យនេះ​អោយ​មាន​រឹង​មាំជា​មួយគ្នា។

 

ចំណែករដ្ឋមន្រ្តីក្រសួង​ការពារជាតិម៉ាឡេស៊ី​លោកហ៊ូសេនបាន​ថ្លែងថា៖“ចំពោះ​បញ្ហា​​សន្តិសុខ​នេះកម្ពុជា​និ​ងម៉ាឡេស៊ីក៏ មិនអាចធ្វើម្នាក់ឯកបានទេ​ទាល់តែសមា​ជិកអាស៊ាន​ទាំងអស់​សហការ​គ្នាទើប​អាចទទួល​បាន ជោគជ័យបាន។

 

 

​លោកបានបន្ដថា៖“សំខាន់គឺ​ប្រទេស​ជា​សមាជិកអាស៊ាន​ទាំងអស់គឺប្រឹងប្រែង​ស្វែងរក​សន្តិភាពនៅក្នុងតំបន់អោយ​មាន​សន្តិភាពពេញ​លេញនិងមិន​មានការស្វែងរក​ផល​ចំណេញពី​ប្រទេសណា​នោះទេ”។

 

ក្នុងជំនួបពិភាក្សាការងាររវាងរដ្ឋមន្រ្តី​ក្រសួងការពារជាតិនៃប្រទេសទាំងពីរបាន​ពិភាក្សា​គ្នា​បញ្ហា​សន្តិសុខ​នៅក្នុងតំបន់នឹងសន្តិសុខលំហរសមុទ្រជាពិសេសបញ្ហាសន្តិសុខ​នៅក្នុងសមុទ្រ​ចិនខាងត្បូង​ដែលកំពុងមានភាព​ចម្រូងចម្រាស់ជាមួយបណ្តាប្រទេសដែលមានដែនសមុទ្រ​ជាប់​និងសមុទ្រ​ចិនខាងត្បូងនេះ។

 

លោកហ៊ូសេន​បំ​ពេ​ញ​ទ​​ស្ស​ន​កិ​ច្ច​ជា​ផ្លូ​វ​កា​រ​រ​យះ​ពេ​ល​៣ថ្ងៃ​​នៅ​កម្ពុជា​ក្នុងបំណង​ពង្រឹងកិច្ចសហ​ប្រតិបត្តិកា​រខាងវិស័យ​កងទ័ព​រវាង​ប្រទេស​​ទាំងពីរ​អោយ​បាន​រឹងមាំបន្តទៀត៕អត្ថបទ៖វ៉េង សំបូរ

 

ភ្ញៀវទេសចរណ៍ ជាង១ម៉ឺននាក់ទស្សនាខេត្ត មណ្ឌលគិរីក្នុង​ ពេលចូលឆ្នាំចិន

 

មណ្ឌលគិរី៖លោកងិនសុវិមាន ប្រធាន មន្ទីរទេសចរណ៏ ខេត្តបានអោយ​ ដឹងនៅ​ថ្ងៃនេះថា៖​ក្នុង រយៈពេលបីថ្ងៃនៃឱកាស បុណ្យ​ចូល ឆ្នាំប្រពៃណី ចិន​គឺមាន ​ភ្ញៀវទេសចរ​ចំនួន១១.២៥២នាក់​បាន មកលេង​កម្សាន្ត​នៅខេត្តមណ្ឌលគិរីក្នុង​នោះភ្ញៀវជាតិមានចំនួន១១.០៤៨នាក់​ភ្ញៀវអន្តរ​ជាតិ២០៤នាក់​ហើយ​ចំនួន​ភ្ញៀវ​ទេសចរដែលមកលេងកម្សាន្តខេត្តមណ្ឌលគិរី​ក្នុងឱកាសបុណ្យ​ចូលឆ្នាំប្រពៃណីចិនវៀតណាមនេះ​បើធៀបនឹងឆ្នាំ២០១៤កន្លង​ទៅមានការកើន​ឡើង​៣៧.៦៧%ក្នុងនោះភ្ញៀវជាតិកើនឡើង៣៧.០៨%ភ្ញៀវអន្តរជាតិកើនឡើង៧៧.៣៩%។

 

លោកប្រធានមន្ទីរបានឲ្យដឹងទៀតថា៖ក្នុងខេត្ត​មណ្ឌលគិរីទាំងមូល​មានសណ្ឋាគារ​ចំនួន​ពីរស្មើរនឹង១០៩បន្ទប់ហើយផ្ទះសំណាក់មាន​ចំនួន២១ផ្ទះស្មើ៤០៥​បន្ទប់សរុបបន្ទប់​ទាំងអស់មាន​ចំនួន​៥១៤បន្ទប់។

 

ហើយចំពោះតំបន់រមណីយដ្ឋាន​ដែលអ្នកទេសចរណ៍​និយមទៅទស្សនា​កម្សាន្តតំបន់​អេកូ​ទេសចរណ៏​ច្រើនជាង​គេ​មាន​ដូចជា៖ទឹកជ្រោះ​ប៊ូស្រា​,សមុទ្រឈើ,ទឹកធ្លាក់​ដំណាក់ស្តេច,​និងទឹក​ជ្រោះ​ជ្រៃយស,​ទឹកជ្រោះរម្យនា,ទឹកអូរផ្លាយ​,ចម្ការស្រល់,​ភ្នំដោះ​ក្រមុំ,នឹង​ភូមិវប្ប​ធម៌ជនជាតិ​ដើមភាគ​តិចព្នង​,​ទឹកធ្លាក់​ជ្រៃធំ,ទឹក​ធ្លាក់​ក្បាលព្រះហើយអ្នក​ទេសចរណ៍​ក៏អាច​ជិះ​ដំរីដើរ​លេងកម្សាន្តក្នុងព្រៃបានទៀតផង។

 

លោកងិនសុវិមានបានបន្ដថា៖មានកត្តាជាច្រើនដែលអ្នកទេ​សចរណ៍ជាតិឬអន្តរជាតិងាកមកចាប់អារ​ម្មណ៍​ជាមួយការមកកម្សាន្តលេងនៅខេត្តមណ្ឌលគិរីព្រោះសព្វថ្ងៃមានផ្លូវថ្នល់ដ៏ល្អដែលតភ្ជាប់ពីស្រុកស្នួលខេ​ត្តក្រចេះ​រហូត​ដល់​ទីប្រជុំ​ជន​ក្រុងសែនមនោរម្យខេត្តមណ្ឌលគិរីហើយភ្ញៀវទេសចរណ៍ក៏​អាចបន្តដំណើរ​ទៅខេត្តរតនគិរីតាមផ្លូវមួយខ្សែទៀតដែលរាជរដ្ឋាភិបាលបាននឹងកំពុងស្ថាបនាដែលមានប្រវែង​ប្រមាណជិត​២០០គីឡូម៉ែត្រ៕អត្ថបទ៖អ៊ិតភារុន

 

 

សម្តេចស្នើឲ្យក្រសួងយុត្តិធម៌ដោះលែង ទណ្ឌិតជាស្ត្រីមានផ្ទៃពោះនិងមាន កូនចេញពីពន្ធនាគារ

ភ្នំពេញ៖នាយករដ្ឋមន្ត្រីកម្ពុជាបានស្នើឲ្យរដ្ឋមន្ត្រីក្រសួងយុត្តិធម៌ពិនិត្យមើលទណ្ឌិតជាស្ត្រីដែលមានផ្ទៃពោះកំពុងជាប់​​ពន្ធ​នាគារនិងស្ត្រីដែជាប់ពន្ធនាគារដែលមានកូនជាប់នៅជាមួយស្នើឲ្យពិនិត្យ​ដោះ​លែង​បើអាចសូម​​​​ធ្វើឲ្យបានមុន​ថ្ងៃ៨មិនាទិវាសិទ្ធិនារីខាងមុខ។

 

ថ្លែងនៅក្នុងពិពីប្រគល់សញ្ញាបត្រដល់និស្សិតនៅកោះ​​ពេជ្រនាព្រឹកថ្ងៃទី២៣កុម្ភៈនេះសម្តេចហ៊ុនសែននាយករដ្ឋមន្ត្រី​នៃបានមានប្រសាសន៏ថា៖”ខ្ញុំមិនចង់ឃើញក្មេងដែលគ្មានកំហុសមកជាប់គុកជាមួយម្តាយនៅពន្ធនាគារនោះ​ទេ​ព្រោះគេ​នឹងអាចទទួលរងនូវផលអាក្រក់​ករណីនេះ”។

 

សម្ដេចបានបន្ដថា៖"ខ្ញុំបាន​ស្នើឲ្យពិនិត្យដើម្បី​លោះលែងអ្នកទាំង​នោះពិសេស​ស្ត្រីដែ​ល​​​មានផ្ទៃពោះកុំឲ្យគេ​ឆ្លងទន្លេ​នៅក្នុងពន្ធនាគារ។​ដោយយោងទៅលើការសិក្សានៅក្នុងមន្ទីរឃុំ ឃាំងរបស់យើង ទណ្ឌិត​មួយចំនួន​ជាស្ត្រី​មាន​ទាំង​កូននៅជាមួយ​ហើយ​អ្នក​​ខ្លះ​​​មានផ្ទៃពោះបន្តិចទៀតគេនឹងឆ្លងទន្លេក្នុង​ពន្ធនា​​គារ កើត មកកូន​របស់គេ​នៅក្នុង​ពន្ធ​​នាគារ អ្នកខ្លះទៀតកូន​នៅពន្ធនាគារ”។

 

អញ្ចឹ​ងមានអង្គការ​ក្រៅ​រដ្ឋាភិបាលមួយចំនួនក៏បានសិក្សាហើយយើង​ក៏បានពិនិត្យ​ហេតុ​​​​​​​​​ផល​ឃើញដូចគ្នា។​អង្គការលីការដូរបានផ្សព្វ​​​​​​ផ្សាយរឿងហ្នឹង។ដោយសារអំណាចនៅក្នុង​ដៃរបស់​ខ្ញុំ​​ដែរបានជា​ហានធ្វើ។​

 

ម៉ិចទៅ​អំណាច​ក្នុងដៃនោះគឺសុំឲ្យអស់លោក​មួយ​ចំនួនកុំថាហ៊ុនសែនបំពានទៀត​។មុននិ​យាយ​មើល​ច្បាប់ឲ្យច្បាស់​​ខ្ញុំធ្វើ​នាយក​រដ្ឋមន្ត្រីស៊ីអំបិលច្រើនជាងលោកឯង​ស៊ីបាយខ្ញុំស្គាល់​ច្បាប់តើយោង​តាមក្រិត្យច្បាប់​លេខ​៣៨តម្រូវ​ឲ្យជាប់​គុក​​២ភាគ៣សិនប៉ុន្តែយោងតាមច្បាប់ពន្ធនាគារគេបើកច្រកមួយឲ្យនា​​យ​ក​រដ្ឋមន្ត្រីមានសិទ្ធិសុំ​លើក​​លែង​ទោស​​ពេលណាក៏បាន។

 

លោកបានបន្ដថា៖ខ្ញុំអត់បំពានច្បាប់ទេសាលក្រមចូលជាស្ថាពរយកមកដាក់ឲ្យខ្ញុំសាញ៉េ​ថ្វាយព្រះ​មហា​​ក្សត្រ​ដើម្បីលើកលែង​ទោសឲ្យសម្រាប់តែអ្នកមានកូនដែលកំពុងរស់នៅក្នុងពន្ធនាគារ​និងអ្នកមាន​ផ្ទៃ​​ពោះកំពុង​រស់​នៅ​​​ពន្ធនាគារ។​ខិតខំធ្វើយ៉ាងម៉ិចឲ្យរួចមុនចូលឆ្នាំខ្មែរបានសេចក្តីថាសំអាតកុំឲ្យមានអ្នក​ដែលមាន​កូនទៅ​រស់​​នៅ​​ក្នុង​​​ពន្ធនាគារ​ជាមួយនិងអ្នកមានផ្ទៃពោះ។

 

ហើយបើឯ.ឧអង្គវង្សវឌ្ឍានាក្នុងឋានៈ​​ជាប្រធានក្រុមបើអាចធ្វើ​បាន​​​មួយ​ចំនួនដោះ​មុនទិវាសិទ្ធិនារី។សម្តេចមានប្រសាសន៏ថាការស្នើរឲ្យមានការដោះលែងទណ្ឌិតជាស្ត្រីមានផ្ទៃពោះនិងកូនតូចមករស់នៅជាមួយក្នុងពន្ធនាគារនេះគឺជាការអនុវត្តការសាកល្បងមួយនៃការសំ​អាតពន្ធ​នាគារ​កុំឲ្យមានស្ត្រីមានផ្ទៃពោះនិងស្ត្រីមាន​កូនមាន​នៅ​​​​ក្នុង​ពន្ធ​នាគារទៀត។សម្តេចតេជោនាយករដ្ឋមន្ត្រីកម្ពុជាក៏បានយកឱកាស​នេះអំពាវនាវដល់ស្ត្រី​ទាំងឡាយ​ពិសេសអ្នកដែលមានផ្ទៃពោះសូម​​កុំ​​ប្រព្រឹត្តអ្វីដែលបង្ករឲ្យមានបទល្មើស។

 

សូមបញ្ជាក់ថា​ស្ត្រីជាទណ្ឌិតដែលមានផ្ទៃ​ពោះនិងមាន​កូនតូចមក​រស់នៅជាមួយក្នុងពន្ធនាគារបើតាមការអះអាង​របស់រដ្ឋមន្ត្រី​ក្រសួងយុត្តិធម៌នៅ​ទូទាំង​ប្រទេស​​មានប្រហែល៤០​នាក់​ប៉ុណ្ណោះ។ជាមួយគ្នានេះសម្តេចក៏បានលើកឡើងផងដែរចំពោះមនុស្សមួយចំនួនគឺគេធ្វើអ្វីៗដើម្បីបានជាប់គុករួចទៅទទួល​យក​​មេ​​ដា​យ​នៅ​វ៉ាស៊ីនតោនសហរដ្ឋអាមេរិកដោយសម្តេចបានគូសបញ្ចាក់ថាពួកគេបានខិតខំបង្កើតនូវបទល្មើសអ្វី​ៗ​​ដើម្បី​​ឲ្យបានជាប់គុ​ក ទោះ ​យូរ ឬឆាប់ ក្តីដើម្បីគេបានក្លាយទៅជាវីរនារី។អត្ថបទ៖ប្រាក់ សុវណ្ណតារា

 

លោកសខេងឲ្យពន្លឿនការធ្វើអត្តសញ្ញាណប័ណ្ណជូនពលរដ្ឋ

ភ្នំពេញ៖រដ្ឋមន្រ្តីក្រសួងមហា​ផ្ទៃ លោកសខេង​ នៅព្រឹកថ្ងៃចន្ទទី២៣កុម្ភៈ នេះបានធ្វើ ការអំពាវ​នាវ​ ឲ្យ​​មន្រ្តី​​ទទួលបន្ទុកធ្វើអត្ត សញ្ញាណប័ណ្ណសញ្ជាតិ ខ្មែររបស់ ក្រសួងមហាផ្ទៃ ត្រូវបង្កើន​ការធ្វើ​អត្ត​ សញ្ញាណប័ណ្ណជូនប្រ​ជា​ពលរដ្ឋដើម្បីប្រើប្រាស់ឯកសារ​សម្រាប់​បោះ ឆ្នោតនិងសម្រាប់បម្រើ ដល់ជីវភាពរស់ នៅប្រចាំថ្ងៃ​របស់ពួកគាត់។

 

ក្នុងកិច្ចប្រជុំប្រចំាឆ្នាំរបស់ក្រសួង​មហាផ្ទៃ​លោកសខេងបានិយាយាថា៖​អគ្គនាយកដ្ឋានអត្ត​សញ្ញា​ណ​កម្មត្រូវ​រកបញ្ហាប្រឈមដែលរារាំងដល់សកម្មភាពធ្វើអត្ត​សញ្ញាណ​​​​ប័ណ្ណនេះ​ហើយ​ប្រញ៉ាប់​ដោះស្រាយបញ្ហានេះ​ដើម្បីឲ្យ ការធ្វើអ​ត្តសញ្ញាណប័ណ្ណ​​​ស៊ីពេលវេលាកាន់តែខ្លី។

 

លោកបញ្ជាក់ថា៖ការធ្វើអត្តសញ្ញាណប័ណ្ណនេះគឺមិនមែនពឹងផ្អែកលើតែអគ្គនាយក​ដ្ឋានអត្ត​សញ្ញាណ​កម្មតែមួយនាក់នោះទេគឺត្រូវធ្វើការសហការគ្នាជាមួយមន្រ្តីអាជ្ញាធរថ្នាក់​ក្រោម​​ជាតិទាំងមន្រ្តីស៊ីវិលនិងប៉ូលីស។

 

គួររំលឹកថា ក្រ សួង មហាផ្ទៃកម្ពុជាកាលពីថ្ងៃទី១៧ខែកុម្ភៈឆ្នាំ២០១៥បានចេញសេចក្តី​អំពាវ​នាវ​មួយឲ្យប្រជា​ពលរដ្ឋខ្មែរនៅទូទាំង​ប្រទេស​ដែលមានអាយុចាប់​ពី១៥​ឆ្នាំឡើងទៅ​ដែលមិន​ទាន់​មានអត្តសញ្ញា​ណប័ណ្ណសញ្ជាតិខ្មែរឬប្រជា​ពលរដ្ឋដែលមានអត្ត​សញ្ញា​ណប័ណ្ណ​ហើយ​ប៉ុន្តែ​​បានបាត់ឬខូចសូម​ទៅបំពេញបែបបទ​សុំផ្តល់​អត្តសញ្ញាណប័​ណ្ណ​សញ្ជាតិ​ខ្មែរថ្មីនៅតាម​មូលដ្ឋាន​ដែលខ្លួនរស់​នៅក្រុមការងារកំណែទម្រង់ការបោះឆ្នោត។

 

គណបក្សប្រជាជនកម្ពុជានិងគណបក្សសង្រ្គោះជាតិកាល​​ពីថ្ងៃទី៩ខែកុម្ភៈឆ្នាំ២០១៥បានឯកភាពគ្នាទៅលើការដៅអត្ត​សញ្ញាណ​របស់អ្នក​បោះ​ឆ្នោត​ម្នាក់ៗទី១,អ្នកបោះឆ្នោតត្រូវកត់ទិន្នន័យរបស់ខ្លួនមានរូបថតនិងស្នាម​ម្រាម​ដៃ,ទី២.ឯក​ភាព​គ្នាក្នុងការកំណត់ឆ្នាំបោះឆ្នោតនិងបានឯកភាពគ្នា​​ក្នុងការ​​ពន្យា​​​ពេល​សម្រាប់ឲ្យប្រជាពល​រដ្ឋ​ធ្វើការចុះ​ឈ្មោះនិងពិនិត្យបញ្ជីឈ្មោះ៣០ថ្ងៃរហូតដល់៥០ថ្ងៃនិងទី៣.ឯកភាពគ្នាក្នុងការ​ប្រើ​ប្រាស់​​​​អត្តសញ្ញាណ​ប័ណ្ណសម្រាប់ធ្វើការចុះឈ្មោះបោះឆ្នោត។

 

គួរបញ្ជាក់ថា​ក្នុង​ពេល​បច្ចុប្បន្ន​នេះ​ការងារការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មីប្រមូលទិន្នន័យនិងបោះពុម្ភៈរួចមានចំនួន​​ជិត​៣​លាន៥សែននាក់ប្រគល់ជូនរាជធានីខេត្តជាង៣លាន២សែននាក់លើផែនការជាង៧លាននាក់ ៕

អត្ថបទ៖ ចាន់ សុធីវង្ស

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2