vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

បុរសជនអនាថាម្នាក់ត្រូវម៉ូតួបុកនិងអូសប្រវែង៥មែត្រស្លាប់ភ្លាមៗ

ភ្នំពេញ ៖ បុរសម្នាក់ វ័យអាយុ៥០ជាងហេតុតែគ្មានកូនចៅទីពឹងស្នាក់ នៅជាមួយតែគេបានដឹងថារស់នៅក្នុងមណ្ឌុលជិតវត្តព្រៃស្ពឺភូមិស្រែជំរៅក្រោយមកបុរសវ័យចំពាស់តែជនអនាថា ដើរលើតាមផ្លូវ ត្រូវម៉ូតូបុកស្លាប់ៗ។

ហេតុការណ៍នេះមានការភ្ញាក់ផ្អើលកើតឡើង កាលពីវេលាម៉ោង១០និងនិង១៥នាទីយប់ថ្ងៃទី១៦ ខែសីហាឆ្នាំ២០១៧ បន្ទាប់ពីប្រជាពលរដ្ឋប្រទះឃើញបុរសវ័យអាយុ៥០ជាង ជនអនាថាដេកស្លាប់នៅមុខ ក្លោងទ្វារសាលាអន្តរជាតិវ៉េស ខេម​រ តាមផ្លូវជាតិ សង្កាត់ចោមចៅ ខណ្ឌពោធិសែនជ័យ។
តាមប្រជាពលរដ្ឋបានលើកឡើងថា ឃើញបុរសអនាថាបានដេកស្លាប់មុខក្លោងទ្វារមុខសាលាអន្តរជាតិវ៉េសខេមបែកក្បាលខាងឆ្វេងហូរឈាមនិង ថ្នល់ជនរងគ្រោះដែលមិនស្គាល់ឈ្មោះមានអាយុ៥០ឆ្នាំ ជាងគ្មានមុខរបរតែមិនដឹងថាមានស្រុកកំនើតនៅទីណា៕

សមត្ថកិច្ចចុះណែនាំផ្អាកការទទួលបញ្ចាំម្ចាស់ទីតាំងចំនួន២កន្លែង

ខេត្តបាត់ដំបងៈកម្លាំងនគរបាលប៉ុស្ត៏រដ្ឋបាលចំការសំរោង បានដឹកនាំកម្លាំងចុះទៅណែនាំនិងឲ្យធ្វើកិច្ចសន្យាផ្អាកការទទួលបញ្ចាំផលចោរកម្មផ្សេងៗទៅដល់ម្ចាស់ទីតាំងចំនួន០២កន្លែង ដែលគ្មានច្បាប់អនុញ្ញាត ស្ថិតក្នុងភូមិវត្តលៀបសង្កាត់ចំការសំរោង ក្រុងនិងខេត្តបាត់ដំបង។
លោក ជុឿម វិត, អនុប៉ុស្តិ៍នគរបាលរដ្ឋបាលចំការសំរោងបានឲ្យដឹងថា ក្រោយពីទទួលបានបទបញ្ជាពីលោកប៉ាង ហៀង , អធិការនគរបាលក្រុងបាត់ដំបង ដើម្បីទប់ស្កាត់រាល់បទល្មើស លួច ឆក់ សម្ភារៈផ្សេងៗ ជាច្រើនករណីយកទៅបញ្ចាំជាបន្ដបន្ទាប់ នៅព្រឹកថ្ងៃទី១៦ ខែសីហា ឆ្នាំ២០១៧កន្លងមកនេះ។
កម្លាំងនគរបាលមូលដ្ឋានរបស់លោកបានដឹកនាំកម្លាំងចុះទៅទីតាំងចំនួន២កន្លែងនេះតែម្តង រួមមាន,ទីតាំងទី​១,នៅចំណុចផ្ទះលេខ២៨៤ ស្ថិតក្នុង ក្រុមទី១០ ភូមិវត្តលៀប សង្កាត់ចំការសំរោង ក្រុងបាត់ដំបង ដែលមានម្ចាស់ឈ្មោះ នី វិទូរ្យ,ភេទប្រុស អាយុ៣៥ឆ្នាំ ជាជនជាតិវៀតណាម។ ទីតាំងទី២ នៅចំណុចផ្ទះលេខ៤៣០ ស្ថិតក្នុងក្រុមទី១៩ ភូមិវត្តលៀប សង្កាត់ចំការសំរោង ក្រុងបាត់ដំបង ដែលមានម្ចាស់ឈ្មោះ ហាវ ស្រេង, ហៅ ម៉ីភេទប្រុស អាយុ៥៣ឆ្នាំ ។
លោកបានបន្តថា ៖”ការចុះមកទីតាំងទាំងពីរកន្លែងនៅថ្ងៃនេះគឺលោកទទួលបទបញ្ជាពីថ្នាក់លើ ឲ្យចុះណែនាំនិងធ្វើកិច្ចសន្យាឲ្យម្ចាស់ទីតាំងទាំងនេះបញ្ឈប់ការទទួលបញ្ចាំទ្រព្យសម្បត្តិនិងសម្ភារៈប្រើប្រាស់ផ្សេងៗចូលជាបន្តទៀតគឺអនុញ្ញាតឲ្យត្រឹមតែលក់ចេញប៉ុណ្ណោះហើយបើទីតាំងទាំងនេះមិនគោរពទៅតាមកិច្ចសន្យានេះទេ លោកនិងចុះដកហូតយកសម្ភារៈ និងឈានដល់ការបិទទ្វារឈប់ឲ្យរកស៊ីបន្តតែម្តង។
សូមបញ្ជាក់ថា រយៈពេលកន្លងមកទីតាំងទាំងពីរកន្លែងខាងលើនេះត្រូវបានសមត្ថកិច្ចចុះធ្វើការបង្ក្រាបចំនួន២​លើករួចមកហើយ ដោយទីតាំងទាំងនេះតែងតែទទួលបញ្ចាំយកទ្រព្យសម្បត្តិនិងសម្ភារៈប្រើប្រាស់ផ្សេងៗ ពី​ក្រុម យុវវ័យដែលបានពីការ លួច ឆក់ ពីបងប្អូនប្រជាពលរដ្ឋ ក៏ដូចជាភ្ញៀវបរទេសជាដើម៕

 

ប្រេសិតអង្គការសហប្រជាជាតិ ស្នើ គ.ជ.ប បង្កើនអត្រាអ្នកទៅបោះឆ្នោតនៅឆ្នាំ២០១៨ខាងមុខនេះ

ភ្នំពេញ៖ ប្រេសិតអង្គការសហប្រជាជាតិ បានស្នើដល់ គ.ជ.ប បង្កើនអត្រាអ្នកចេញទៅបោះឆ្នោតនៅឆ្នាំ២០១៨ខាងមុខនេះដើម្បីឲ្យការបោះឆ្នោតកាន់តែឆ្លុះបញ្ជាំងពីឆន្ទះរាស្ត្រ។
ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប បានឲ្យដឹងថា អង្គការសហប្រជាជាតិ ចង់ឃើញការបោះឆ្នោតមួយ ដែល ធានាឲ្យមានការចូលរួមពីប្រជាពលរដ្ឋមានសិទ្ធិបោះឆ្នោតគ្រប់ៗគ្នាក្នុងអត្រាភាគរយខ្ពស់។
ក្រោយជំនួបរវាងលោកស្រី រ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា និងឯកឧត្តម ស៊ិក ប៊ុនហុក ប្រធានគ.ជ.ប នៅទីស្តីការគ.ជ.ប នាថ្ងៃទី១៧ ខែសីហានេះ ឯកឧត្តម ហង្ស ពុទ្ធា បានប្រាប់អ្នកសារព័ត៌មានថា អង្គការសហប្រជាជាតិចង់យល់ដឹងអំពីស្ថានភាពរៀបចំការបោះឆ្នោតនៅកម្ពុជា ក្រោយពីមានកំណែទម្រង់ប្រព័ន្ធបោះឆ្នោតនៅកម្ពុជា។
ឯកឧត្តម ហង្ស ពុទ្ធា បានជំរាបជូនតំណាងអង្គការសហប្រជាជាតិ ថា គ.ជ.ប នឹងធ្វើបច្ចុប្បន្នភាពបញ្ជីបោះ និងចុះឈ្មោះបោះឆ្នោត ឆ្នាំ២០១៧ ចាប់ពីថ្ងៃទី១ ខែកញ្ញា ដល់ថ្ងៃទី៩ ខែវិច្ឆិកាខាងមុខ តាមប្រព័ន្ធកុំព្យូទ័រ ដើម្បីធានាឲ្យប្រជាពលរដ្ឋបានទៅចុះឈ្មោះបោះឆ្នោតបានគ្រប់ៗគ្នា។
អ្នកនាំពាក្យ គជប បានឲ្យដឹងថា ឯកឧត្តម ស៊ិក ប៊ុនហុក បានជំរាបជូនតំណាងអង្គការសហប្រជាជាតិថា គ.ជ.ប បានខិតខំផ្សព្វផ្សាយឲ្យប្រជាពលរដ្ឋយល់ដឹងពីសារៈសំខាន់នៃការចូលរួមបោះឆ្នោតជ្រើសតំណាងរបស់ខ្លួន ដោយបំពេញសិទ្ធិរបស់ខ្លួន តាមរយៈការចុះឈ្មោះ និងការទៅបោះឆ្នោត ដែលរៀបចំឡើងដោយគ.ជ.បប្រព្រឹត្តទៅដោយសេរី យុត្តិធម៌ ត្រឹមត្រូវ សុវត្ថិភាព និងអាចទទួលយកបានពីគ្រប់គណបក្សនយោបាយទាំងអស់។
សូមបញ្ជាក់ថា យោងតាមលទ្ធផល បោះឆ្នោតឃុំសង្កាត់បានឲ្យដឹងថា អត្រាអ្នកបោះឆ្នោតមានចំនួនជាមធ្យម៩០ភាគរយ ស្មើជាង៧លាន៨សែននៃប្រជាពលរដ្ឋ ដែលមានឈ្មោះបោះឆ្នោតចំនួនជាង៩លានាក់៕

 

 

ប្រទះឃើញសពបុរសលោតទឹកម្នាក់អណ្តែតទឹកទន្លេសាបមិនទាន់ស្គាល់អត្តសញ្ញាណ

ភ្នំពេញ៖សពបុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេសាប បង្កការភ្ញាក់ផ្អើលរួច រាយការណ៍មកសមត្ថ​​កិច្ចចុះមកពិនិត្យដែលប្រជាពលរដ្ឋ អះអាងថាសពនោះគឺបានលោតទឹក កាលពីវេលា៨យប់ថ្ងៃទី១៥ខែសីហាឆ្នាំ​២០១៧ហេតការណ៍ភ្ញាក់ផ្អើលនេះកាលពីព្រឹកថ្ងៃទី១៧ខែសីហាឆ្នាំ២០១៧ នៅច្រាំងទន្លេសាបខាងកើត ភូមិដើមគសង្កាត់​ព្រែកតាសេកខណ្ឌជ្រោយចង្វារ ។

សេចក្ដីរាយការណ៍ឱ្យដឹងថា សពនោះ ស្លៀកខោវខ្មៅជើងវែងអាវការ៉ូដៃវែងពណ៌កាហ្វេអាយុប្រហែលជាង២០ឆ្នាំ ហើយត្រូវបានប្រជាពលរដ្ឋប្រទះឃើញរួចរាយការណ៍មកសមត្ថកិច្ចចុះមកស្រង់ចេញពីទឹកយកទៅធ្វើកោសល្យវិច័យនៅច្រាំងទន្លេនោះតែម្តង។ សពនេះអាចបើតាមការអះអាងរបស់អ្នកឃើញហេតុការណ៍គេបានលោតចូលទឹកស្ពានជ្រោយចង្វារ​រយៈពេល២យប់១ថ្ងៃមកហើយ។
គេមិនទាន់ស្គាល់អត្តសញ្ញាណសពបុរសខាងលើនោះទេបុ៉ន្តែសមត្ថកិច្ច បច្ចេកទេសពិនិត្យនិងធ្វើ កោសល្យវិច្ច័យបញ្ជាក់ថាសពបុរសរងគ្រោះខាងលើគឺស្លាប់ដោយសារឈ្លកទឹក។ក្រោយពីសមត្ថកិច្ចកិច្ចពិនិត្យសពរួចបានប្រគល់ទៅ​ឱ្យអាចារ្យភ្លុកបូជាតាមប្រពៃណីនៅវត្តព្រែកតាគង់ ៕Aug-222

អភិបាលខេត្តកំពងធំអំពាវនាវអោយម្ចាស់ផ្ទះសំណាក់ហាមឡើងថ្លៃក្នុងពេលប្រឡងបាក់ដុបខាងមុខនេះ

ខេត្តកំពង់ធំ៖ដើម្បីសម្រួលដល់ការស្នាក់នៅនិងតម្លៃម្ហូបអាហារដល់ភ្ញៀវទេសចរណ៍ និងសិស្សានុសិស្សនៅពេលប្រលង បាក់ឌុប ជិតចូលដល់នេះ អភិបាលខេត្តកំពង់ធំ បានអញ្ជើញ ម្ចាស់សណ្ឋាគារ ម្ចាស់ផ្ទះសំណាក់ និងម្ចាស់ភោជនីយដ្ឋានក្នុងខេត្ត ជួបប្រជុំ លើការកំណត់ថ្លៃ។
ក្រោយពីការដាក់ប្រាសាទសំបូរព្រៃគុកចូលជាសម្បត្តិបេតិកភណ្ឌពិភពលោករួចមក រសៀលថ្ងៃទី១៦ ខែសីហា ឆ្នាំ២០១៧ ឯកឧត្តម សុខ លូ អភិបាលខេត្តកំពង់ធំ បានជួបប្រជុំជាមួយម្ចាស់សណ្ឋាគារ ផ្ទះសំណាក់ និងភោជនីយដ្ឋាន ក្នុងខេត្តកំពង់ធំ ដើម្បីជួយសម្រួលក្នុងការស្នាក់នៅរបស់ភ្ញៀវទេសចរណ៍ជាតិ អន្តរជាតិ ដែលមកទស្សនាក្នុងខេត្តកំពង់ធំ នៅតំបន់ប្រាសាទសំបូរព្រៃគុក ជាពិសេសសម្រាប់សិស្សដែលត្រូវប្រឡងបាក់ឌុប នៅថ្ងៃទី២១ខែសីហាឆ្នាំ២០១៧ខាងមុខនេះ មិនឲ្យតម្លើងថ្លៃលើសេវាស្នាក់នៅ និងម្ហូបអាហារ។
ក្នុងពិធីសំណេះសំណាលឯកឧត្តម សុខ លូ មានប្រសាសន៍លើកឡើងថា សូមឲ្យម្ចាស់សណ្ឋាគារ ផ្ទះសំណាក់ និងភោជនីយដ្ឋានទាំងអស់ មិនត្រូវតម្លៃលើសេវាផ្សេងៗដូចជា សេវាស្នាក់នៅ ហូបចុក ស្របពេលដែលសិស្សប្រឡងបាក់ឌុប នៅថ្ងៃទី២១ ខែសីហា ឆ្នាំ២០១៧ខាងមុខនេះ។

 

ម្យ៉ាងវិញទៀត សូមឲ្យអាជ្ញាក្រុងស្រុកជួយសម្រួលដល់ការស្នាក់នៅសិស្សក្រីក្រដែលមកឆ្ងាយមិនមានលទ្ធភាពជួលផ្ទះសំណាក់ បានស្នាក់នៅតាមទីវត្តអារ៉ាមនានា ដែលមានទីកន្លែងជិតមណ្ឌលប្រឡង ហើយក្នុងនោះសម្រាប់ការផ្ញើរកង់ម៉ូតូ គឺជាការទទួលខុសត្រូវសហភាពសហព័ន្ធយុវជនកម្ពុជាខេត្តកំពង់ធំ គឺមិនមានការយកប្រាក់កម្រៃឡើយពាក់ព័ន្ធនិងក្រុងត្រូវខិតខំរៀបចំទីក្រុង ទីប្រជុំជនក្នុងខេត្ត ឲ្យមានអនាម័យ សណ្ដាប់ធ្នាប់ល្អ ពិសេសត្រូវគិតគូរជាចម្បងដល់បញ្ហាអនាម័យ ការប្រមូលសំរាម ការគ្រប់គ្រងកាកសំណល់រឹង ទីក្រុងត្រូវមានធុងដាក់សំរាម និងរថយន្តដឹកសំរាមឲ្យបានទាន់ពេលវេលា ដើម្បីឲ្យទីក្រុង រមណីយដ្ឋានស្អាត សេវាកម្មល្អ និងត្រូវបំផុសចលនាប្រជាជនចូលរួមក្នុងចលនាប្រឡងប្រណាំងទីក្រុងស្អាតឲ្យបានផុលផុស។

ជាមួយគ្នានោះ ម្ចាស់ត្រូវខិតខំពង្រឹងគុណភាពសេវាកម្មទេសចរនិងបដិសណ្ឋារកិច្ច ទាំងផ្នែកស្នាក់នៅ ម្ហូបអាហារ ដឹកជញ្ជូនជាដើម។យើង ត្រូវសិក្សាក្នុងការរៀបចំអនាម័យសណ្ដាប់ធ្នាប់នៅតាមមាត់ស្ទឹងឲ្យបានល្អ ដើម្បីបម្រើឲ្យការសម្រាក និងលំហែកាយរបស់អ្នកទេសចរ ជាពិសេសត្រូវខិតខំពង្រឹងសកម្មភាពមណ្ឌលព័ត៌មានទេសចរណ៍ និងផ្នែកសន្តិសុខឲ្យបានល្អប្រសើរផងដែរ។

ក្រសួងទេចរណ៍ នឹងបញ្ជូនមន្រ្តីមកជួយធ្វើការបណ្ដុះបណ្ដាលផ្នែកជំនាញវិជ្ជាជីវៈទេសចរណ៍និងបដិសណ្ឋា​រកិច្ច ដើម្បីឲ្យស័ក្តិសមជាទឹកដីបេតិកភណ្ឌពិភពលោក និងដើម្បីទាក់ទាញទេសចរជាតិ-អន្តរជាតិ ចូលមកទស្សនាគោលដៅទេសចរណ៍នានាក្នុងខេត្ត ពិសេសតំបន់ប្រាសាទសំបូរព្រៃគុក៕

សាលាក្រុងភ្នំពេញប្រកាសថា៖កាមេរ៉ាសុវត្ថិភាពចំនួន៦០០ នឹងដាក់ដំណើរការជាផ្លូវការនាចុងខែកញ្ញាខាងមុខ

ភ្នំពេញ៖សាលាក្រុងភ្នំពេញប្រកាសពីការបំពាក់កាមេរ៉ាសុវត្ថិភាពទាំង៦០០ និងនឹងដាក់ដំណើរការជាផ្លូវការនាចុងខែកញ្ញាខាងមុខ។ប្រភពបានបន្ដថា៖

កាមេរ៉ាសុវត្ថិភាពនៅតាមទីសាធារណៈ បានរួមចំណែកយ៉ាងសំខាន់ក្នុងការកាត់បន្ថយបទល្មើសនានា និងតាមដានស្ថានភាពចរាចរណ៍ក្នុងរាជធានីភ្នំពេញ។ ព្រឹកថ្ងៃទី១៦នេះ ឯកឧត្តមអភិបាលរាជធានីភ្នំពេញ បានណែនាំដល់ក្រុមហ៊ុនកាមេរ៉ាសុវត្ថិភាព ពន្លឿនការដំឡើងឱ្យបានឆាប់រហ័ស និងរៀបចំវគ្គបណ្ដុះបណ្ដាលឱ្យបានច្បាស់លាស់៕

 

 

ចៅហ្វាយក្រុងចុះពិនិត្យការបាក់ស្រុតការដ្ឋានគម្រោងសាងសង់អាគារកម្ពស់២២ជាន់ "ប៊ូយ៉ុងថោន”ជាប់មហាវិថីសហព័ន្ធរុស្ស៊ី

ភ្នំពេញ៖ចៅហ្វាយក្រុងភ្នំពេញចុះពិនិត្យបាក់ស្រុតការដ្ឋានគម្រោងសាងសង់អាគារកម្ពស់២២ជាន់ "ប៊ូយ៉ុងថោន”​ជាប់​មហាវិថីសហព័ន្ធរុស្ស៊ីនៅម្ដុំជិតស្ពានអាកាសពេទ្យលោកសង្ឃនាក្រុងភ្នំពេញ។ព្រឹកមិញនេះអភិបាល នៃគ​ណៈ​អភិបាលរាជធានីភ្នំពេញលោក ឃួង ស្រេង បានបញ្ជាទៅក្រុមហ៊ុនប៊ូយ៉ុងឲ្យចាត់វិធានការជាបន្ទាន់ ដើម្បីទប់ស្កាត់ធ្វើយ៉ាងណាកុំឲ្យមានការបាក់ដីនៅការដ្ឋានសំណង់កំពុងជីកគ្មានបច្ចេកទេសនេះបន្តទៀត បើមិនដូច្នេះទេវានឹងឈានដល់បាក់ផ្តាច់ផ្លូវសហព័ន្ធរុស្ស៊ី ដែលប៉ះពាល់យ៉ាងធ្ងន់ធ្ងរចំពោះរាជធានីភ្នំពេញ ព្រោះជាផ្លូវអន្តរជាតិយ៉ាងសំខាន់។
លោកបានអំពាវនាវ ខាងក្រុមហ៊ុនពិនិត្យ មិនឲ្យហេតុការណ៍នេះបន្តកើតមានបន្តទៀត។និងបានដាក់អោយអភិរងក្រុងម្នាក់តាមដានមើលគម្រោងនេះក្លាយហេតុការណ៍កើតជាថ្មីមានគ្រោះថ្នាក់ដល់ពលរដ្ឋនិងកម្មករ។លោកអភិក្រុងបានមានប្រសាសន៍ថាកម្ពុជាគ្មានអនុវត្ដច្បាប់ស្ដារដារពីរនោះទេចំពោះគម្រោងអភិវន្ឍនានាក្នុងក្រុង។

គួរបញ្ជាក់ផងដែរថា ក្រុមហ៊ុនប៊ូយ៉ុងថោនដែលគេស្គាល់ថាជាក្រុមហ៊ុនសំណង់របស់ប្រទេសកូរ៉េ មានទីតាំងនៅតាមបណ្តោយផ្លូវសហព័ន្ធរុស្សី (ខាងលិចស្ពានអាកាស៧មករា) ស្ថិតក្នុងសង្កាត់ទឹកថ្លា ខណ្ឌសែន សុខបានចាប់ផ្តើមបើកការដ្ឋានជីកដីធ្វើចំណតជាច្រើនឆ្នាំមកហើយ ហើយកាលពីល្ងាចថ្ងៃអាទិត្យ ទី១៣ ខែសីហា ឆ្នាំ២០១៧កន្លងមកនេះ ខណៈមានភ្លៀងធ្លាក់ខ្លាំងក៏ស្រាប់តែការដ្ឋានមួយនេះបាក់ដី និងរបងការដ្ឋានជាច្រើនម៉ែត្រចូលទៅក្នុងការដ្ឋានតែម្តង ដែលនឹងមានការបាក់រហូតដល់មហាវិថីសហព័ន្ធរុស្សីបន្ថែមទៀត៕

 

ជនពិការចំនួន២៧០នាក់ទទួលអំណោយកាកបាទក្រហម

សៀមរាប៖ជនពិការជាសមាជិកសមាគមជនពិការអង្គរចំនួន២៧០នាក់ទទួលបានអំណោយជាគ្រឿងឧបភោគបរិភោគ និងសម្ភារប្រើប្រាស់មួយចំនួនពីកាកបាទក្រហមកម្ពុជា។
ដោយមានការយកចិត្តទុកដាក់ខ្ពស់ចំពោះប្រជាពលរដ្ឋក្រីក្រ ជនពិការ ខ្វះខាត់ស្បៀងអាហារនៅគ្រប់ទីកន្លែងនៃប្រទេសកម្ពុជាពីសំណាក់សម្តេចកិតិ្តព្រឹត្តបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា នៅព្រឹកថ្ងៃទី១៧ខែសីហានេះលោកជំទាវ ម៉ែន នារីសោភ័គ អគ្គលេខាធិការរងទី១កាក់បាទក្រហមកម្ពុជា និងជាតំណាងសម្តេចកិតិ្តព្រឹត្តបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា បាននំាយកអំណោយជាគ្រឿងឧបភោគបរិភោគ និងសម្ភារប្រើប្រាស់មួយចំនួនដូចជារទេះរុញជនពិការមកចែកជូនដល់ជនពិការជាសមាជិកសមាគមជនពិការអង្គរចំនួន២៧០នាក់។
លោកជំទាវ ម៉ែន នារីសោភ័គ បានមានប្រសាសន៍ថា តាមពិតអំណោយជាគ្រឿងឧបភោគបរិភោគ និងសម្ភារប្រើប្រាស់ទំាងនេះ គឺត្រូវយកមកចែកជូនបងប្អូនបានលឿនជាងនេះ ប៉ុន្តែដោយសារតែកាលពីខែកក្កដាកន្លងទៅនេះប្រជាពលរដ្ឋនៅតាមបណ្តាខេត្តមួយចំនួនបានរងគ្រោះធម្មជាតិ ដែលចំបាច់ឲ្យកាកបាទក្រហមកម្ពុជាទៅជួយប្រជាពលរដ្ឋទំាងនោះសិន។ដែលធ្វើការមកជួយដល់ជនពិការដែលកំពុងខ្វះខាតស្បៀងអាហារនេះមានការយឺតបន្តិច ប៉ុន្តែទោះជាយ៉ាងណាក៏បានជួយបងប្អូនបានទាន់ពេលវេលាដែរ។
លោក សេម សុវន្ថា ប្រធានសមាគមជនពិការអង្គរបានថ្លែងអំណគុណចំពោះកាកបាទក្រហមកម្ពុជាជាពិសេសសម្តេចកិតិ្តព្រឹត្តបណ្ឌិត ប៊ុន រ៉ានីហ៊ុនសែន ដែលកន្លងបានផ្តល់ជាគ្រឿងឧបភោគបរិភោគ និងសម្ភារប្រើប្រាស់ដល់ជនពិការក្នុងសមាគមជាបន្តបន្ទាប់។លោកបានចាត់កាក់បាទក្រហមកម្ពុជាជាស្ថានប័នមនុស្សធម៌ដ៏ពិតប្រាកដ ដោយបានជួយដល់ប្រជាពលរដ្ឋខ្វះខាតគ្រប់ទីកន្លែងដោយគ្មានប្រកាន់បក្សពួកអ្វីឡើយ៕

 

ប្រធានគណបក្សខ្មែររួបរួមជាតិ លោក ញឹក ប៊ុនឆៃប្រកាសសួមទោសសមាជិកគណបក្ស

ភ្នំពេញ៖ប្រធានគណបក្សខ្មែររួបរួមជាតិ លោក ញឹក ប៊ុនឆៃប្រកាសសួមទោសសមាជិកគណបក្សទាំងអស់និងប្រកាសប្រគលវាសនាគណបក្សដល់សមាជិកធ្វើជាអ្នកដឹកនាំនិងសម្រេច។ក្នុងលិខិតរបស់ប្រធានគណបក្សខ្មែររួបរួមជាតិ លោក ញឹក ប៊ុនឆៃ សរសេរលិខិតសារភាពកំហុស និងសុំទោសពីក្នុងពន្ធនាគារ ព្រោះសម្រេចចិត្តខុសឆ្គងដែលប៉ះពាល់ដល់គណបក្សខ្មែររួបរួមជាតិ ទាំងមូល។

នៅក្នុងលិខិតចុះថ្ងៃទី១៦ ខែសីហា ដែលផ្សាយតាមគណនីហ្វេសប៊ុក (Facebook) ឈ្មោះ ឧត្តមសេនីយ៍ ញឹក ប៊ុនឆៃ ក្នុងថ្ងៃដដែល លោក ញឹក ប៊ុនឆៃ បានសម្តែងសេចក្ដីសោកស្ដាយ និងវិប្បដិសារីយ៉ាងខ្លាំងដែលមិនអាចបន្តបេសកកម្មរួមជាមួយមន្ត្រីគណបក្សខ្មែររួបរួមជាតិ របស់លោក ដោយសារលោកបានប្រព្រឹត្តមិនគប្បីចំពោះលោកនាយករដ្ឋមន្ត្រី ហ៊ុន សែន។

លោក ញឹក ប៊ុនឆៃ អំពាវនាវសូមឲ្យអ្នកគាំទ្រគណបក្សខ្មែររួបរួមជាតិ កុំងាករេទៅតាមការអូសទាញ ដើម្បីឲ្យមានការផ្លាស់ប្តូរឲ្យសោះ ព្រោះលោកបញ្ជាក់ថា រដ្ឋាភិបាលសព្វថ្ងៃកំពុងដើរផ្លូវត្រូវ។ទោះបីជាលោក ញឹក ប៊ុនឆៃ មិនបានបញ្ជាក់អំពីអ្វីដែលជាការសម្រេចចិត្តខុសឆ្គងរបស់គាត់ក៏ដោយ នៅក្រោយការបោះឆ្នោតឃុំ-សង្កាត់ភ្លាម លោកនាយករដ្ឋមន្ត្រី ហ៊ុន សែន បានដកតំណែងគាត់ និងមន្ត្រីជាន់ខ្ពស់របស់គណបក្សខ្មែររួបរួមជាតិ ជាច្រើនរូបផ្សេងទៀតចេញពីជួររដ្ឋាភិបាល ដោយសារតែគាត់បានទាក់ទងមន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង។ ចុងក្រោយលោកត្រូវបានកម្លាំងនគរបាលចាប់ និងឃុំខ្លួននៅថ្ងៃទី៣ ខែសីហា ពាក់ព័ន្ធនឹងបទល្មើសគ្រឿងញៀនកាលពីជាង ១០ឆ្នាំមុន៕

 

 

សាលាដំបូងរាជធានីភ្នំពេញបើកសវនាការករណីបំផ្ទុះគ្រាប់បែកនៅខណ្ឌ​ចំការ​មនមិនទាន់ចប់

ភ្នំពេញ៖នៅព្រឹកថ្ងៃទី១៧ខែសីហាឆ្នាំ២០១៧ចៅក្រម សាលា​ដំបូង​រាជធានី​ភ្នំពេញ​លោក​ លី សុខលេង ប្រធានក្រុមប្រឹក្សាជំនុំជម្រះ លោក​ សេង រិទ្ធី​ នឹងលោក ម៉ុង មុនីសោភា ក្រុមប្រឹក្សា​នឹងលោកស្រី ស៉ឺ វណ្ណនី តំណាងអយ្យការ បានបើកសវនាការលើអង្គសេចក្តីក្នុងសំណុំរឿង​ ផ្តើមគំនិតក្នុងអំពើឃាតកម្មគិតទុកជាមុន និង ឃាតកម្មគិតទុកជាមុន។

នាពេលសវនាការជនជាប់ចោទ​១.ឈ្មោះ សុខ គឹមលី​ភេទស្រីអាយុ៤១ឆ្នាំ​បានឆ្លើយ​បដិសេធ​ថាខ្លួនមិនបានបញ្ជាឲ្យពួកប៉ុន្មានាក់នេះទៅបោកគ្រាប់បែកទេ។

២.ឈ្មោះ ប៊ុន ភក្តី​ ហៅភក្រ្ត័ហៅវ័ន្ត ភេទប្រុសអាយុ៣២ឆ្នាំបានឆ្លើយថា ឈ្មោះ សុខ គឹមលី ជាអ្នកបញ្ជាឲ្យរូបខ្ញុំដើរ​រកមនុស្សទៅសម្លាប់ជនរងគ្រោះឈ្មោះ​ អៀ លីហួរ។​ហើយ​បញ្ជាឲ្យខ្ញុំ​រកមនុស្សសម្លាប់គេនេះតាំងពីខែសីហា​២០១៦ដោយឲ្យលុយ៣ម៉ឺនដុល្លារ ហើយខ្ញុំក៏បាន​ហៅ​ឈ្មោះ សាក់ ម៉ាប់ ពេលនោះខ្ញុំបានប្រគល់លុយឲ្យ សាក់ ម៉ាប់ ៣០០០ដុល្លារសិន​ដោយឲ្យទៅបាញ់សម្លាប់ជនរងគ្រោះចោលតែដោយសារមានភាពពិកបាកពេកក្នុងការបាញ់ក៏ប្រាប់ទៅ សុខ គឹមលី វិញហើយ សុខ គឹមលី បានប្រាប់ថាបើកបាញ់ពិបាកពេកបោកគ្រាប់បែកទៅចឹង ហើយបន្តមកក៏ សុខ គឹមលី បានយកគ្រាប់បែកមកប្រគល់ឲ្យខ្ញុំ។

ថ្ងៃផ្ទុះគ្រាប់បែកនោះខ្ញុំបានជិះទៅមើលដោយឈ្មោះ សុខ គឹមលី បានប្រាប់ខ្ញុំថាឈ្មោះ​ អៀ លីហួរ មកដល់ហើយពេលនោះខ្លួនក៏បានជិះទៅមើលចំពេលដែលក្រុមឈ្មោះ សាក់​ ម៉ាប់ ហៅចាបមាសបោះគ្រាប់បែកទៅត្រូវចំស្មារបស់ខ្ញុំបណ្តាលឲ្យគ្រាប់បែកផ្ទុះនៅកណ្តាលផ្លូវ។

៣.ឈ្មោះ​ ប៊ូ​ សុភាព​ ភេទស្រីអាយុ២៥ឆ្នាំ បានឆ្លើយថាខ្លួននឹងឈ្មោះ ប៊ុន ភក្តី​ ធ្លាប់ស្រលាញ់គ្នា ហើយថ្ងៃមួយ  ប៊ុន ភក្តី​ បានសួរថាមានស្គាល់អ្នកណាចេះកាប់ចាក់គ្នាទេហៅពេលនោះខ្ញុំក៏បានហៅ នូ សំបាន អ្នករត់ម៉ូតូឌុបមកសួរពីបីដងហើយគាត់ប្រាប់លេខទូរស័ព្ទឈ្មោះ សាក់ ម៉ាប់ ហៅចាបមាសហើរឿងផ្ទុះគ្រាប់បែកខ្លួនមិនបានដឹងទេ។

៤.ឈ្មោះ​ នូ​ សំបាន ភេទប្រុសអាយុ៣៣ឆ្នាំអ្នករត់ម៉ូតូឌុប​ បានឆ្លើយថាខ្លួនស្គាល់ឈ្មោះ ប៊ូ​ សុភាព​​ជាម៉ូយម៉ូតូឌុបរបស់ខ្លួន​ហើយគាត់ចេះតែសួរខ្ញុំថា​មានស្គាល់អ្នកកាប់​ចាកទេហើយ​ខ្ញុំក៏បានប្រាប់លេខទូរស័ព្ទឈ្មោះ សាក់ ម៉ាប់ ហៅចាបមាសឲ្យទៅចំណែក​រឿងអ្វីផ្សេង​ទៀតខ្លួនមិនដឹងទេ។Ju-099Ju-100

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2