vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

ស្នងការដ្ឋាននគរបាលប្រគល់គ្រាប់យុទ្ធភ័ណមិនទាន់ផ្ទុះមួយចំនួនជូនកម្លាំងស៊ីម៉ាក់យកទៅកំទេចចោល

ខេត្តបន្ទាយមានជ័យ៖ គ្រាប់យុទ្ធភ័ណមិនទាន់ផ្ទុះមួយចំនួនត្រូវបានស្នងការដ្ឋាននគរបាលខេត្តបន្ទាយមានជ័យប្រគល់ជូនកម្លាំងស៊ីម៉ាក់យកទៅកំទិចចោលកាលពីថ្ងៃទី១៥ខែសីហាឆ្នាំ២០១៧នៅស្នងការដ្ឋាននគរបាលខេត្តបន្ទាយមានជ័យ។
លោកឧត្តមសេនីយ៍ត្រី ចាន់ តារា ស្នងការរងទទួលផែនគ្រប់គ្រងអាវុធជាតិផ្ទុះនិងបង្កាពន្លត់អគ្គីភ័ណខេត្តបន្ទាយមានជ័យបានប្រាប់ថា៖ដោយមានការណែនាំពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានប្រគល់គ្រាប់យុទ្ធភ័ណមិនទាន់ផ្ទុះដែលសេះសល់ពីសម័យសង្គ្រាមប្រើប្រាស់កើតនៅក្នុងឃ្លាំងស្នងការនគរបាលខេត្តបន្ទាយមានជ័យ។
ហើយត្រូវបានប្រគល់ជូនកម្លាំងស៊ីម៉ាក់ដើម្បីយកទៅកំទិចចោលរួមមាន១.ក្បាលDK.75មីលីម៉ែត្រចំនួន៥គ្រាប់២.គ្រាប់B.40​ចំនួន០៤គ្រាប់ ៣.គ្រាប់បែកដៃធុនM.46ចំនួន៣គ្រាប់ ៤.គ្រាប់បែកដៃF.1ចំនួន២គ្រាប់ ៥.គ្រាប់បែកដៃ82.2ចំនួន១៧គ្រាប់ ៦.គ្រាប់មីនតោន ១គ្រាប់ ៧.គីបចរន្តចំនួន៩៤គ្រាប់ ៨.ឈើគូសទាញចំនួន៥គ្រាប់។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបានមានប្រសាសន៍ថា៖គ្រាប់យុទ្ធភ័ណមិនទាន់ផ្ទុះដែលប្រគល់ជូនដល់កម្លាំងស៊ីម៉ាក់ដើម្បីយកទៅកំទិចចោលនេះគឺជាគ្រាប់ដែលសេះសល់ពីសម័យសង្គ្រាមប្រើប្រាស់កើតនៅក្នុងឃ្លាំងស្នងការនគរបាលខេត្តបន្ទាយមានជ័យនិងគ្រាប់មួនចំនួនត្រូវបានប្រជាពលរដ្ឋរកឃើញនិងប្រគល់ជូនកម្លាំងជំនាញយកមករក្សាទុកហើយត្រូវបានប្រគល់ជូនកម្លាំងស៊ីម៉ាក់។
ក្នុងឱការទទួលគ្រាប់មិនទាន់ផ្ទុះកម្លាំងស៊ីម៉ាក់បានអំពាវដល់ប្រជាពលរដ្ឋដែលប្រទះឃើញគ្រាប់មិនទាន់ផ្ទុះដែលសេស​សល់​ពីសម័យសង្គ្រាមត្រូវរាយការជូនអាជ្ញាធររឺកងកម្លាំងនគរបាលតាមមូលដ្ឋាននិងកម្លាំងស៊ីម៉ាក់ ដើម្បីការពារសុត្ថិភាព​ជូនប្រជាពលរដ្ឋ៕(ប៊ុន ធឿន)

មន្ត្រីគយខេត្តបន្ទាយមានជ័យចាប់រថយន្ត៨គ្រឿងនិងម៉ូតូ៥២គ្រឿងដែលគ្មានពន្ធ

ខេត្តបន្ទាយមានជ័យ៖មន្ត្រីគយនិងរដ្ឋាករខេត្តបន្ទាយមានជ័យបើកយុទ្ធនាការបង្ក្រាបនិងចាប់រថយន្តបាន៨គ្រឿងនិងម៉ូតូ៥២​គ្រឿងដែលគ្មានពន្ធនៅថ្ងៃទី១៦ខែសីហាឆ្នាំ២០១៧នៅសាខាគយនិងរដ្ឋករខេត្តបន្ទាយមានជ័យ។ លោក ឆែ សុធា ប្រធានសាខាគយនិងរដ្ឋករខេត្តបន្ទាយមានជ័យបានប្រាប់ថា៖ដោយមានការណែនាំពីអគ្គនាយកគយនិងរដ្ឋាករហើយមន្ត្រីគយនិងរដ្ឋាករខេត្តបន្ទាយមានជ័យបានអនុវត្តន៍ ការគ្រប់គ្រងត្រួតពិនិត្យនិងប្រមូលពន្ធអាករគ្រប់ប្រភេទលើទំនិញនាំចេញនិងនាំចូល និងបង្ការនិងបង្ក្រាបបទល្មើសគ្រប់ប្រភេទជាពិសេសបទល្មើស។

លោកបានបញ្ជាក់ថា៖ការអនុវត្តន៍រយៈពេល៣ខែពីខែមិថុនាដល់ខែសីហាឆ្នាំ២០១៧នេះបង្ក្រាបរថយន្តគេចពន្ធចាប់បានចំនួន៨គ្រឿងមានរថយន្តចង្កូតស្តាំ៦គ្រឿងនិងរថយន្តចង្កូតឆ្វេង២គ្រឿងនិងបង្ក្រាបម៉ូតូគ្មានពន្ធរយៈពេល២ឆ្នាំពីឆ្នាំ២០១៦​ដល់២០១៧ចាប់បានចំនួន៦៥គ្រឿង។

លោក ឆែ សុធា បានបញ្ជាក់ថា៖រយៈពេលកន្លងមកមន្ត្រីសាខាគយនិងរដ្ឋករខេត្តបន្ទាយមានជ័យបានបង្ក្រាបឃ្លាំងស្តប់ទំនិញនិងស្តង់នៅក្រុងប៉ោយប៉ែតហើយការប្រមូលពន្ធក្នុងឆមាសទី១ឆ្នាំ២០១៧នេះប្រមូលពន្ធបានចំនួន៤២១ប៊ីលានរៀល​លើសផែនការ១១៣,១៩ភាគរយលើសឆ្នាំ២០១៦៕

អាជ្ញាធរ ខេត្តកំពង់ធំនិងក្រសួងបរិស្ថានពិភាក្សាបង្កើតតំបន់ការពារ “សំបូរព្រៃគុក”លើផ្ទៃដី៤៤០ហិចតា

ខេត្តកំពង់ធំ៖អាជ្ញាធរ ខេត្តកំពង់ធំ បើកកិច្ចប្រជុំពិភាក្សា និងក្រុមការងារក្រសួងបរិស្ថាន ស្តីពីការចុះពិនិត្យជាក់ស្តែង ចំនុចផលប៉ះពាល់នៅតំបន់ប្រាសាទសំបូរព្រៃ គុក កាលព្រឹកថ្ងៃទី១៦ខែសីហាឆ្នាំ២០១៧ ឯកឧត្តម សុខ លូ អភិបាលខេត្តកំពង់ធំ ជួបប្រជុំពិភាក្សាជាមួយក្រុមការងារក្រសួងបរិស្ថាន ដឹកនាំដោយលោក ឡេងធីវន អនុប្រធាននាយកដ្ឋានអធិការកិច្ច និងពង្រឹងការអនុវត្តច្បាប់ នៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ ដើម្បីពិភាក្សាការងារការបង្កើតតំបន់ការពារទេសភាព “សំបូរព្រៃគុក” ដែលមានផ្ទៃដីសរុប ចំនួន៤៤០ហិកតា ស្ថិតនៅភូមិសាស្ត្រស្រុកប្រាសាទសំបូរ ខេត្តកំពង់ធំ។

ក្នុងកិច្ចប្រជុំនេះដែរ ឯកឧត្តម សុខ លូ មានប្រសាសន៍លើកឡើងថា សម្រាប់ខេត្តកំពង់ធំ ពិតជាមានមោទនភាពណាស់ ដែលប្រាសាទសំបូរព្រៃគុក ត្រូវបានដាក់បញ្ចូលជាសម្បត្តិបេតិកភណ្ឌពិភពលោក ក្រោមការខិតខំប្រឹងប្រែងពីសំណាក់ប្រមុខរាជរដ្ឋាភិបាលកម្ពុជា ជាពិសេសលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ដែលសហការជាមួយរដ្ឋបាលខេត្តកំពង់ធំ ។
ម្យ៉ាងវិញទៀត សម្រាប់ប្រជាពលរដ្ឋក្នុងខេត្តកំពង់ធំ ជាពិសេសអ្នកដែលរស់នៅតំបន់ប្រាសាទសំបូរគុគ ដែលប្រកបមុខរបបរលក់ម្ហូបអាហារ និងវត្ថុអនុវស្សាវរីយ៍ មានការលក់ដាច់ជាងមុនផងដែរ។
ទន្ទឹមនឹងនោះ ពួកគាត់ក៏បានជួបនូវបញ្ហា១ចំនួន ដែលពួកគាត់បានរស់នៅលើតំបន់អភិរក្សប្រាសាទសំបូរព្រៃគុកដែលជាតំបន់ហាមឃាត់ ដូច្នេះអាជ្ញាធរខេត្ត បានសូមណូមពរទៅដល់ក្រសួងបរិស្ថាន ឲ្យចុះត្រួតពិនិត្យលើផ្ទៃដីជាក់ស្តែង ដែលមានសមាសភាពចូលរួមពីថ្នាក់ដឹកនាំខេត្ត និងមន្ទីរពាក់ព័ន្ធមួយចំនួនទៀត ធ្វើការពិភាក្សាគ្នាពីតំបន់ប៉ះពាល់ ដែលត្រូវធ្វើសំណើរទៅថ្នាក់លើ ដើម្បីធ្វើការកាត់ចេញជូនបងប្អូនប្រជាពលរដ្ឋដែលពួកគាត់បានមករស់នៅតំបន់ជាយូរមកហើយ។
ជាមួយគ្នានេះដែរ យើងត្រូវនាំគ្នាជួយការពារផលប្រយោជន៍ជាតិ មិនឲ្យប៉ះពាល់ដល់ផលប្រយោជន៍ប្រជាជនទេ ដូច្នេះ យើងត្រូវរួមគ្នាទទួលខុសនិងត្រូវទំាងអស់គ្នា៕

 

កាំកុងត្រូលចុះពិនិត្យសារធាតុគីមីលើចំណីអាហារនៅផ្សារក្រុងសែនមនោរម្យ

ខេត្តមណ្ឌលគិរី៖ ដើម្បីការពារសុខភាព សុវត្ថិភាពចំណីអាហារជូនប្រជាពលរដ្ឋទូទៅ ថ្មីៗនេះ មន្ត្រីកាំកុងត្រូល បានសហការជាមួយមន្ទីរពាណិជ្ជកម្មខេត្ត និងនគរបាលប្រឆាំងបទល្មើសសេដ្ឋកិច្ចខេត្ត ចុះត្រួតពិនិត្យទំនិញ និងចំនីអាហារ ដែលអាជីវករដាក់តាំងលក់ នៅក្នុងផ្សារសែនមនោរម្យ ក្រុងសែនមនោរម្យ ព្រឹកថ្ងៃទី១៦ ខែសីហា ឆ្នាំ២០១៧នេះ។
ក្នុងចុះត្រួតពិនិត្យទំនិញនេះ លោក ចាន់ វាសនា ប្រធានសាខាកាំកុងត្រូលខេត្ត បានឲ្យដឹងថា គោលបំណងសំខាន់គឺ ដើម្បីការពារផលប្រយោជន៍ និង សុខភាពអ្នកប្រើប្រាស់ ព្រោះកន្លងមកក្រោយពីមន្ត្រីកាំកុងត្រូលធ្វើការណែនាំឃើញថា អាជីវករ និងប្រជាពលរដ្ឋមានការយល់ដឹងច្រើន ពាក់ព័ន្ធនឹងការប្រើប្រាស់ និងការដាក់តាំងលក់ទំនិញ តែក៏នៅមានអាជីវករមួយចំនួនតូចនៅមិនទាន់យល់ដឹងផងដែរ។
លោកបានបន្តថា ការត្រួតពិនិត្យនេះបានផ្តោតសំខាន់ទៅលើទំនិញ វេចខ្ចប់ស្រាប់ ទំនិញហួសកាលបរិច្ឆេទប្រើប្រាស់ ទំនិញគ្មានអនាម័យ គ្មានសុវត្ថិភាព និងទំនិញដែលមានលាយសារធាតុគីមីហាមឃាត់ ។
ក្នុងនោះដែរ មន្រ្តីជំនាញកាំកុងត្រូល បានធ្វើតេស្តរកសាធាតុគីមីបូរ៉ាក់ទៅលើ ប្រហិតសាច់គោ សាច់ក្រក ត្រីងៀត យីហ៊ឺ សរសៃមីលឿង សរសៃគុយទាវ លតឆា នំបញ្ចុក ជាលទ្ធផលពុំមានសារធាតុគីមីហាមឃាត់នោះទេ ធ្វើតេស រកសាធាតុគីមី Sodium Hydrosulfite លើមុខទំនិញ ស្ករត្នោត សណ្តែកបណ្តុះ ខ្ចីហាន់ តៅហ៊ួ ជាលទ្ធផលគ្មានសារធាតុគិមីទាំងនោះទេ និង បានធ្វើតេសរកសារធាតុអ៊ីយ៉ូតទៅលើ អំបិលម៉ាក់ លីលីដា ម៉ាក់អង្គរវត្ត កៅសម្បត្តិ ជាលទ្ធផលមានជាតិអ៊ីយ៉ូតត្រឹមត្រូវ រីឯអំបិល ម៉ាក ហ្គូវ ឆាយតិច គ្មានសារធាតុអ៊ីយ៉ូតនោះទេ មន្ត្រីកាំងកុងត្រូល បានធ្វើកំណត់ហេតុហាមមិនអោយដាក់តាំងលក់ រួចអោយម្ចាស់អំបិល ម៉ាក ហ្គូវ ឆាយតិច ដែលមានចំនួន០១តោន ដើម្បីបញ្ចូលជាតិអ៊ីយ៉ូតឡើងវិញ។
ទន្ទឹមនឹងការចុះត្រួតពិនិត្យទំនិញនេះដែរ មន្ត្រីកាំកុងត្រូល បានធ្វើការណែនាំបន្ថែម ដល់អាជីវករពាណិជ្ជករឲ្យមានយល់ដឹង និង មានការប្រុងប្រយ័ត្ន ចំពោះទំនិញទាំងឡាយណាដែលមិនមានគុណភាព និងហួសកាលបរិច្ឆេទប្រើប្រាស់ ដូចជា កំប៉ុងកំពិត ប៉ោង ច្រេះស៊ី ទំនិញដែលមានសារធាតុគីមីហាមឃាត់ និង ត្រូវរៀបចំទំនិញលក់ដូរទុកដាក់ឲ្យមានសណ្តាប់ធ្នាប់ល្អ និងបាន បិទរូបភាព ដែលរៀប ចំដោយ អគ្គនាយកដ្ឋានកាំងកុងត្រូល ជូនដល់អ្នកលក់ និង អ្នកប្រើប្រាស់ អោយបានយល់ដឹងពីរូបភាព ជាបឋមនូវទំនិញណាដែលគួរប្រើ និងទំនិញណាមិនគួរប្រើប្រាស់។
បន្ទាប់ពីធ្វើតេស្តរួចមក មន្ត្រីកាំកុងត្រូលបានបន្តស្វែងរក ទំនិញដែលមិនមានគុណភាព ក៏ដូចជាទំនិញហួសកាលបរិច្ឆេទប្រើប្រាស់ ដែលអាជីវករដាក់តាំងលក់រួមមាន៖ ប៊រចំនួន០៣កំប៉ុង និងទឹកក្រូចម៉ាក KingCaca NaNa sting និង ម៉ាក sweet សរុបចំនួន១០០គីឡូក្រាម ហួសកាលបរិច្ឆេទ ត្រូវបានមន្រ្តីជំនាញសាខាកាំកុងត្រូលធ្វើការដកហូត និង ធ្វើការដុតកំទេចចោលនៅមន្ទីរពាណិជ្ជកម្មខេត្តតែម្តង ៕

សាកលវិទ្យាល័យបាត់ដំបងរើសយកដំឡូង២ប្រភេទផលិតពូជគ្មានជម្ងឺនិងសុខភាពល្អ

ខេត្តបាត់ដំបង៖ មន្ទីរពិសោធន៍នៃសាកលវិទ្យាល័យបាត់ដំបងបានជ្រើសរើសដំឡូងរ៉ាយ៉ង៧និងខេយូ៥០ផលិតអោយទៅជាពូជគ្មានជម្ងឺនិងសុខភាពល្អសម្រាប់ចែកចាយដល់កសិករដាំដុះទទួលបានផលច្រើន។
ថ្លែងក្នុងពិធីបង្ហាញពូជដំឡូងមីគ្មានជម្ងឺនិងសុខភាពល្អដែលធ្វើនៅថ្ងៃទី១៥ សីហាកន្លងមកនេះបណ្ឌិត ស៊្រាន ពៅ ព្រឹទ្ធបុរសនៃមហាវិទ្យាល័យកសិកម្មនិងកែឆ្នៃអាហារប្រចាំខេត្តបាត់ដំបងបានលើកឡើងថា ដំណើរការអនុវត្តជំហានបន្ទាប់នេះសាកលវិទ្យាល័យបានជ្រើសរើសយកពូជដំឡូងមីតម្រូវតាមទីផ្សារចំនួន២ប្រភេទមានដំឡូងរ៉ាយ៉ង៧និងខេយូ៥០មកពិសោធន៍ហើយផលិតជាពូជដំឡូងមិនមានជម្ងឺប្រកបដោយសុខភាពល្អដើម្បីបញ្ជៀសបានការប៉ះពាល់ដល់ទិន្នផលនិងសេដ្ឋកិច្ចគ្រួសាររបស់ប្រជាកសិករ។
គម្រោងខាងលើបានផ្តោតជាសំខាន់ផងដែរទៅលើការកំណត់អត្តសញ្ញាណជម្ងឺនិងត្រួតពិនិត្យភ្នាក់ងារបង្ករោគ បង្កើតអោយមានប្រពន្ធ័នៃការគ្រប់គ្រងសត្វល្អិត ពូជដំឡូងមីត្រូវបានបង្កើតឡើងតាមបច្ចេកទេសវិទ្យាជីវសាស្ត្រដែលបង្កើតបានច្រើនក្នុងរយះពេលខ្លីនិងចែកចាយពូជដំឡូងមីសុខភាពល្អផលិតតាមបច្ចេកទេសប្រកបដោយនិរន្តភាពទៅដល់មូលដ្ឋាន។
បណ្ឌិត ស៊្រាន ពៅ បានបន្តថា ក្នុងពេលដំណាលគ្នាគម្រោងបាននិងកំពុងជម្រុញការណែរនាំនិងផ្សព្វផ្សាយដល់កសិករដើម្បីជ្រើសរើសយកពូជដែលគ្មានជម្ងឺយកទៅដាំដុះ។
គោលដៅនៃគម្រោងនេះដែរគ្រោងផ្ដល់ដល់កសិករទូទាំងប្រទេសដោយឥតគិតថ្លៃនូវពូជដំឡូងមីដែលគ្មានជម្ងឺនិងផ្ដល់បច្ចេកទេសក្នុងការដាំដុះក្នុងគោលបំណងចូលរួមលើកស្ទួយកាត់បន្ថយភាពក្រីក្រដល់កសិកម្មលើតំបន់ខ្ពង់រាបប៉ុន្ដែក្រោយបានបញ្ចប់គម្រោងកាផ្គត់ផ្គង់ពូជនិងបច្ចេកទេស ការផ្គត់ផ្គង់ដល់កសិករត្រូវយកកម្រៃប៉ុន្តែគិតត្រឹមតម្លៃមួយទាបបំផុតជាងតម្លៃទីផ្សារ។
តាមការស្រាវជ្រាវបានបង្ហាញដែរថា ការដាំដុះដំឡូងមីដែលទទួលបានផលច្រើន ដើមដំឡូងដាំចាប់ពីចន្លោះ​ពី២០០០០ឬ២៥០០០ដើមក្នុង១ហិកតាររីឯការប្រើប្រាស់ថ្នាំសម្លាប់សត្វល្អិតញឹកពេកធ្វើអោយសត្វចង្រៃធន់ទ្រាំទៅនិងថ្នាំនិងនាំអោយសត្វស្រាំង អូរម៉ាល់ដែលជាភ្នាក់ងារសំលាប់សត្វល្អិតរត់ចេញលេងនៅក្បែរ។
លោកជំទាវ សៀង ឯមទទឹម សាកលវិទ្យាធិការនៃសាកលវិទ្យាល័យបាត់ដំបងបានបញ្ជាក់អោយដឹងថា បទបង្ហាញពីពូជដំឡូងមីគ្មានជម្ងឺនិងសុខភាពល្អផ្តើមចេញពីសមិទ្ធផលរបស់គម្រោងអភិវឌ្ឍន៍និងចែកចាយប្រពន្ធ័ផលិតកម្មនិរន្តភាពដែលផ្អែកលើការគ្រប់គ្រងជម្ងឺនិងសត្វល្អិតចង្រៃលើដំណាំដំឡូងមី គម្រោងនេះបានអនុវត្តរួមគ្នានៅក្នុងប្រទេសកម្ពុជា វៀតណាមនិងឡាវមានរយះ៥ឆ្នាំ ចាប់ពី២០១៦ ដល់២០២០ក្រោមជំនួយឧបត្ភម្តពីប្រទេសជប៉ុន៕

 

រកឃើញសរសៃគុយទាវបាញ់កាញ់និងជីរណាមានសារធាតុគីមីបូរ៉ាក់និងការសំណល់ជីកសិកម្ម

ខេត្តតាកែវ៖ នៅព្រឹកថ្ងៃទី ១៦ ខែសីហា ឆ្នាំ២០១៧ រថយន្តពិសោធន៍ចល័តរបស់អគ្គនាយកដ្ឋានកាំកុងត្រូល បានចុះមកត្រួតពិនិត្យទំនិញ បន្លែ ផ្លែឈើនៅក្នុងផ្សារតាកែវ ដោយបានធ្វើការដកហូតបន្លែ ផ្លែឈើជាគំរូចំនួន៥៦គំរូ សម្រាប់យកទៅពិសោធន៍ក្នុងរថយន្តចល័ត។
ជាលទ្ធផលក្រោយពីបានធ្វើត្តេស៍ពិសោធន៍លើបន្លែ ផ្លែឈើ និងសសៃគុយទាវហើយនោះ មន្រ្តីជំនាញកាំកុងត្រូលបានរកឃើញនូវសំណល់ថ្នាំកសិកម្មនៅលើជីរណា និងសារធាតុប៉ូរ៉ាក់លើសសៃគុយទាវបាញ់កាញ់ ។ លោក ប៉ោ លាងគង់ ប្រធានសាខាកាំកុងត្រូលខេត្តតាកែវបានថ្លែងអោយដឹងថា៖ ចំពោះទំនិញដែលរកឃើញ នូវសារធាតុគីមីហាមឃាត់ នៅលើសរសៃគុយទាវ និងសំណល់ថ្នាំកសិកម្មនៅលើបន្លែជីរណានេះ មន្រ្តីជំនាញកាំកុងត្រូលនឹងចាត់ វិធានការណ៍ដោយហាមមិនឲ្យចរាចរណ៍លើទីផ្សារតទៅទៀតទេ ។
នៅក្នុងយុទ្ធនាការណ៍ត្រួតពិនិត្យទំនិញ បន្លែ ផ្លែឈើដោយរថយន្តពិសោធន៍ ចល័តកាំកុងត្រូលនេះ ធ្វើឡើងក្រោមការដឹកនាំ និងចូលរួមដោយលោក ខាន់ សុខា អភិបាលរងខេត្ត លោក ប៉ោ លាងគង់ ប្រធានសាខាកាំកុងត្រូលខេត្ត សហការជាមួយ និងមន្ទីរពាណិជ្ជកម្មខេត្ត និងមន្រ្តីនគរបាលប្រចាំការនៅផ្សារតាកែវ ។
ថ្លែងក្រោយពេលរថយន្តពិសោធន៏របស់មន្ត្រីជំនាញកាំកុងត្រូលរកឃើញថាមានកាកសំណល់ជីកសិកម្មនៅលើជីរណា និងសារធាតុគីមីប៉ូរ៉ាក់នៅលើសរសៃគុយទាវបាញ់កាញ់នោះលោក ខាន់ សុខា អភិបាលរងខេត្តតាកែវ បានធ្វើការអំពាវនាវអោយបងប្អូនប្រជាពលរដ្ឋក្នុងខេត្តត្រូវមានការប្រុងប្រយ័ត្នលើ។
ប្រភេទសរសៃគុយទាវបាញ់កាញ់ និងជីរណា នេះ ព្រោះថាប្រសិនជាបងប្អូនធ្វើការបរិភោគអាច និងប៉ះពាល់ដល់សុខភាពខ្លាំង ដូច្នេះដើម្បីសុខមាលភាពរបស់បងប្អូនប្រជាពលរដ្ឋ ទាំងអស់គ្នា យើងគួរបញ្ឈប់ការបរិភោគលើសរសៃគុយទាវបាញ់កាញ់នេះ ពីព្រោះថា ការផលិតរបស់ពួកគាត់ភាគច្រើនគឺបានដាក់នៅសារធាតុគីមីប៉ូរ៉ាក់ច្រើនទៅលើសរសៃគុយទាវបាញ់កាញ់នេះ ដើម្បីរក្សាបានយូរ និងសាច់ស្វិត ។
ជាក់ស្តែងឆ្លងកាត់ការពិនិត្យរបស់មន្ត្រីជំនាញកាំកុងត្រលមួយរយៈពេលកន្លងមកនេះ គឺមានពីរករណីហើយដែលមន្ត្រី ជំនាញបានចាប់បានរកឃើញនៅសរសៃគុយទាវប្រភេទបាញ់កាញ់នេះ ដែលសុទ្ធសឹងតែបានដាក់នៅសារធាតុគីមីប៉ូរ៉ាក់កំរិតខ្ពស់ ៕

 

សមត្ថកិច្ចឃាត់ខ្លួនយុវជនពីរនាក់លួចទូរទស្សន៍របស់សាលាវិទ្យាល័យសំរោងទង

ភ្នំពេញ៖កម្លាំងសមត្ថកិច្ចបានឃាត់ខ្លួនយុវជនពីរនាក់លួចទូរទស្សន៍របស់វិទ្យាល័យសំរោងទងយកទៅលក់នៅចំណុចវិទ្យា​ល័យសំរោងទងស្ថិតក្នុងភូមិរោងគោឃុំសំរោងទងស្រុកសំរោងទងខេត្តកំពង់ស្ពឺកាលពីវេលាម៉ោង២រសៀលថ្ងៃទី ១៦ខែសីហាឆ្នាំ២០១៧។

សមត្ថកិច្ចបានឲ្យដឹងថាជនសង្ស័យដែលលួចទូរទស្សន៍ឈ្មោះ ម៉ៅ ណាក់ អាយុ ២២ឆ្នាំ និងឈ្មោះ ម៉ក់ ចន្រ្ទាអាយុ ២៣ឆ្នាំទាំងពីរនាក់រស់នៅភូមិរោងគោ ឃុំសំរោងទង ស្រុកសំរោងទង។ប្រភពបន្តថាមុនឈានទៅដល់ការឃាត់ខ្លួនជនសង្ស័យខាងលើមានគ្រូប្រចាំសាលាបានមកដាក់ពាក្យបណ្ដឹងថាមានចោរលួចយកទូរទស្សន៍របស់សាលាមួយគ្រឿងនៅក្នុុងបន្ទប់វិទ្យាល័យសំរោងទង ស្ថិតនៅភូមិខាលើកាលពីថ្ងៃទី១៥ខែឆ្នាំដដែលវេលាម៉ោង១២យប់។
ក្រោយពីឃាត់ខ្លួនជនសង្ស័យសមត្ថកិច្ចធ្វើការសាកសួរជនសង្ស័យខាងលើហើយបានឆ្លើយសារភាពថាពួកខ្លួនពិតជាបាន​លួចយកទូរទស្សន៍ប្រាកដមែនហើយបានលក់ទៅឲ្យឈ្មោះ វុទ្ធីភេទប្រុស អាយុ ២៨ឆ្នាំរស់នៅភូមិដក់ពរ ឃុំវល្លិសរ ស្រុកសំរោងទង ។ បច្ចប្បន្នជនសង្ស័យទាំពីរនាក់ខាងលើត្រូវសមត្ថកិច្ចកសាងសំណុំរឿងបញ្ជូនទៅអធិការដ្ឋាននគរបាលខេត្តចាត់ការតាមនីតិវិធី៕

 

រថយន្ដបុកគ្នាបានបណ្ដាលរងរបួសធ្ងន់ស្រាល៥នាក់នៅស្រុកត្បូងឃ្មុំ

ខេត្តត្បូងឃ្មុំ:គ្រោះថ្នាក់ចរាចរណ៍មួយរវាងរថយន្តម៉ាកស៊ីលីកា និង រថយន្តម៉ាកសាំយ៉ុង បើកបរបញ្ច្រាស់ទិសគ្នាបាន​រងរបួសស្រាលចំនួន ៥ នាក់ ។ហេតុការណ៍នេះបានកើតឡើងកាលពីវេលាម៉ោង ១៥ និង ១៥ នាទី ថ្ងៃទី ១៦ ខែសីហា ឆ្នាំ ២០១៧ ស្ថិតនៅ លើកំណាត់ផ្លូវជាតិ លេខ ៧ ក្នុងភូមិ ដំណាក់ចារ ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ។

បើតាមប្រភពពីនគរបាលចរាចរផ្លូវគោកស្រុកត្បូងឃ្មុំបានអោយដឹងថា ខណៈពេលម៉ោងខាងលើគេបានឃើញរថយន្តម៉ាកស៊ីលីកាពណ៌ខ្មៅពាក់ស្លាកលេខ ភ្នំពេញ 2Q . 9606 បើកបរក្នុងលឿនលឿនពីលិចទៅកើត មកដល់កន្លែង កើតហេតុខាងលើបានជែងជាមួយរថយន្តដឹកខ្សាច់មួយគ្រឿងទៀតក៏រេចង្កូតទៅបុកយ៉ាងពេញទំហឹងជាមួយរថយន្តម៉ាកសាំយ៉ុង​ ពណ៌ស ពាក់ស្លាកលេខ ភ្នំពេញ 2AB . 2920 បេីកបរបញ្ច្រាសទិគ្នា ដឹកអ្នកដំណើរចំនួន ៣ នាក់ បណ្ដាលអោយ រថយន្តទាំងពីរខូចខាតក្នុងកំរិតធ្ងន់ ។ រថយន្តស៊ីលីកាបើកបរដោយឈ្មោះ សុខ ផល្លីន ភេទប្រុសអាយុ ១៨ ឆ្នាំ រស់នៅភូមិសួងលិច សង្កាត់សួង ក្រុងសួង ខេត្តត្បូងឃ្មុំ បានរបួសស្រាល ។

ចំណែករថយន្តសាំយ៉ុងបើកបរដោយឈ្មោះ មោង ខឿន ភេទប្រុសអាយុ ៣៦ ឆ្នាំ រស់នៅភូមិស្ដើងជ័យ ឃុំស្ដើងជ័យ ស្រុកជើងព្រៃ ខេត្តកំពង់ចា បានរងរបួសស្រាល ។ ចំណែកអ្នកដំណើរ ៣ នាក់ទៀតក៏ បានរងរបួសស្រាល  ផងដែរ ។បន្ទាប់ពីសមត្តកិច្ចធ្វើការវាស់វែងរួចក៏អូសរថយន្តទាំងពីរយកមករក្សារទុកនៅអធិការដ្ឋាននគរបាលស្រុកត្បូងឃ្មុំដើម្បីរងចាំការដោះស្រាយនៅពេលក្រោយ ៕ 

 

ទឹកជំនន់វាយប្រហារខេត្តព្រះសីហនុ

ភ្នំពេញ៖ទឹកជំនន់វាយប្រហារខេត្តព្រះសីហនុនៅថ្ងៃនេះ។នេះបើតាមសេចក្ដីរាយការណ៍ពីខេត្តជាប់មាត់សមុទ្រមួយនេះ។

ប្រភពបានអោយដឹងថាមិនថាតែប្រជុំជនផ្សារវាលរេញទេភ្លៀងមួយមេធំយប់ទាលភ្លឺនេះនៅយប់ថ្ងៃទី១៧តាមភូមិមួយចំនួនធំ ផ្លូវលំ ប្រឡាយចិញ្ចើមផ្លូវជាតិ ក្នុងស្រុកព្រៃនប់ ត្រូវបានជនលិចលង់ ដោយជំនន់ទឹកភ្លៀង ជាពិសេសតំបន់ប្រជុំជនផ្សារវាលរេញ បេនឡានដែលជាប្រភពទឹកហូរបុកត្រូវបានជន់លិចលើផ្លូវជាតិ។
តែទោះបីយ៉ាងទឹកក៍មានសភាពស្រក់ទៅលឿនវិញផងដែរ ។ហើយក៍មិនបះពាល់ការធ្វើចរាចរណ៍នោះឡើយ ស្របពេលសមត្តិកិច្ចបានអាជ្ញាធរស្រុក ឃុំ ចេញមកពិនិត្យនិង សម្រួលចរាចរ ណ៍។ជាមួយគ្នានេះត្រឹមម៉ោង៧ព្រឹកភ្លៀងនៅបន្តនៅឡើយ៕

សមត្ថកិច្ចកម្ពុជាទទួលការបណ្តុះបណ្តាលជំនាញត្រួតពិនិត្យផលិតផលក្លែងក្លាយពីអ្នកជំនាញសិង្ហបូរី

ភ្នំពេញ៖ សមត្ថកិច្ចជំនាញរបស់គណៈកម្មាធិការប្រយុទ្ធប្រឆាំងផលិតផលក្លែងក្លាយ បាន​ទទួលការបណ្តុះបណ្តាលជំនាញក្នុងការបង្រ្កាបផលិតផលក្លែងក្លាយពីអ្នកជំនាញសមាគមផលិតផល និងអ្នកឯកទេសប្រយុទ្ធប្រឆាំងនិងផលិតផលក្លែងក្លាយរបស់ប្រទេសសិង្ហបូរី ដើម្បីធ្វើយ៉ាងណាការងារប្រយុទ្ធប្រឆាំងផលិតផលក្លែងក្លាយរបស់កម្ពុជាកាន់តែមានប្រសិទ្ធភាពខ្ពស់បន្ថែមទៀត។

ប្រាប់ក្រុមអ្នកសារព័ត៌មានក្រោយបញ្ចប់វគ្គបណ្តុះបណ្តាលស្តីពីការស្រាវជ្រាវ និង​ស៊ើប​អ​ង្កេត​ពាក់ព័ន្ធនិងការប្រយុទ្ធប្រឆាំងផលិតផលក្លែងក្លាយ នៅព្រឹកថ្ងៃទី១៦ សីហានេះ នាទី​ស្តីការក្រសួងមហាផ្ទៃ ឯកឧត្តម មៀច សុផាន់ណា អនុរដ្ឋលេខាធិការក្រសួងមហាផ្ទៃ និងជាប្រធាន​គណៈកម្មាធិការប្រយុទ្ធប្រឆាំងផលិតផលក្លែងក្លាយ បានមានប្រសាសន៍ថា បន្ទាប់​ពីទទួលបានការបណ្តុះបណ្តាលពីសិង្ហបូរីនេះមក នឹងធ្វើឲ្យ ការងារប្រយុទ្ធប្រឆាំង​ផលិតផលក្លែងក្លាយនៅកម្ពុជាកាន់តែមានប្រសិទ្ធភាពខ្ពស់។

ឯកឧត្តម បានបញ្ជាក់ថា វគ្គបណ្តុះបណ្តាលនេះ ក៏នឹងធ្វើការបង្ហាញនូវវិធីសាស្រ្ត​ក្នុងការ​ស្រាវ ជ្រាវនូវប្រភពនៃផលិតក្លែងក្លាយ, ការស៊ើបអង្កេត និងការកត់សម្គាល់នូវផលិតផល​ក្លែង​ក្លាយដោយរបៀបណា ដែលជាតម្រូវការចាំបាច់របស់គណៈកម្មាធិការប្រយុទ្ធប្រឆាំង​ផលិត​ផល​ក្លែងក្លាយ។

ឯកឧត្តម បន្តថា ផលិតផលក្លែងក្លាយដែលសមត្ថកិច្ចធ្វើការបង្រ្កាបក្នុងពេលបច្ចុប្បន្ននេះ រួមមានផលិតផលជាឱសថ, ភេសជ្ជៈ និងគ្រឿងសម្អាង ដែលធ្វើឡើងដោយប​ន្លំគុណភាព គ្មានកាលបរិច្ចេទត្រឹមត្រូវ ដែលធ្វើឲ្យប៉ះពាល់ដល់សុខភាពអ្នកប្រើប្រាស់រយៈពេលខ្លី និងវែង។

គួរបញ្ជាក់ថា ក្នុងឆ្នាំ២០១៧នេះ គណៈកម្មាធិការប្រយុទ្ធប្រឆាំងផលិតផលក្លែងក្លាយ​បាន​រឹបអូស នូវផលិតផលក្លែងក្លាយនៅលើទីផ្សារកម្ពុជា គឺមានជិត២០០​តោន​ហើយ ដើម្បីបញ្រ្ជាសនូវហានិភ័យដែលធ្វើឲ្យប៉ះពាល់ដល់សុខភាព​ប្រជា​ពលរដ្ឋ៕ 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2