vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

អង្គការភ្លែនអន្តរជាតិកម្ពុជា​បណ្តុះគំនិតដល់ក្មេងស្រីដើម្បីចូលរួមក្នុងការងារដឹកនាំទៅថ្ងៃអនាគត

ភ្នំពេញ៖អង្គការភ្លែនកម្ពុជាសហការជាមួយអ្នកជំនាញបណ្តុះគំនិតដល់ក្មេងស្រីដើម្បីចូលរួមក្នុងការងារដឹកនាំទៅថ្ងៃអនាគត

ដើម្បីរួមចំណែកដោយស្មើភាពជាមួយក្មេងប្រុសក្នុងការងារអភិវឌ្ឍន៍ប្រទេសកម្ពុជា។

ប្រាប់ទូរទស្សន៍រស្មីហង្សមាសនៅព្រឹកថ្ងៃទី១៦សីហានេះ លោក យេន យេបក្លែនរេនស៊ីង្គ​ នាយកប្រ​ចាំ​ប្រទេស​​​របស់​​អង្គ​ការភ្លែនកម្ពុជាបានមានប្រសាសន៍ថា  ការបណ្តុះគំនិតដល់ក្មេងដល់ក្មេងស្រីឲ្យចូលរួមក្នុងការងារដឹកនាំនេះ ធ្វើ​​ឡើង​តាមរយៈ​ឲ្យក្មេង​ស្រីស្លៀកពាក់​សម្តែង​​ជាតួអង្គដឹកនាំក្នុងផ្នែកនយោបាយ សេដ្ឋកិច្ច និងសង្គមដូចជា​​ក្មេងស្រី​​តួ​អង្គ​​សម្តែងជាប្រធានាធិបតី ចៅហ្វាយ​​ក្រុង រដ្ឋមន្ត្រី នាយកប្រតិបត្តិ និងពិធិករជាដើមដើម្បីធ្វើឲ្យពួកគេមានក្តីសង្ឃឹម និងមាន​​ភាពក្លា​​ហាន​​អាច​​សម្រេច​​គោលដៅ​​ក្នុងថ្ងៃអនាគត។

លោកបានបញ្ជាក់ថាអង្គការភ្លែនកម្ពុជាបានផ្តួចផ្តើម​​អនុវត្តន៍កម្មវិធីស្តី​​ពីក្មេង​​ស្រីនៅក្នុង​​តួនាទី​​ដឹកនាំរបស់ខ្លួននេះ បានធ្វើឡើងតាំងពីឆ្នាំ២០១៦មក  ដោយមានក្មេងស្រ្តីប្រមាណ២៥០នាក់ក្នុង​​ប្រទេសជាង៥០​​រួម​​ទាំង​កម្ពុជាផង​​ដែរ​​ដើម្បី​​អបអ​រសារទរទិវាក្មេងស្រីអន្តរជាតិថ្ងៃទី១១ ខែតុលា។

លោកបន្ថែមថា ចលនាជាសកលក្នុងការផ្តល់សិទ្ធអំណាចដល់ក្មេងស្រី ដើម្បីប្រើប្រាស់សេរីភាពរបស់ខ្លួន​​​​ តាមរយៈការរៀន​សូត្រ ជំនាញដឹកនាំ ការធ្វើសេចក្តីសម្រេចតិត្ត និងការចូលរួមអភិវឌ្ឍន៍ប្រទេស។

កុមារី សា ភាត អាយុ១៧ឆ្នាំជាសិស្សថ្នាក់ទី១២ នៃវិទ្យាល័យដាច់ស្រយាលមួយក្នុងស្រុកស្រីស្នំ ខេត្ត​សៀម​រាប​​បា​ន​​លើកឡើងថា នាងពិតជារីករាយចំពោះអង្គការភ្លែន​​អន្តរជាតិកម្ពុជាដែលបានបង្កើត​​កម្មវិធីឲ្យរូបនាង​​សម្តែងជា​​តួអង្គ​ប្រធាន​មណ្ឌលសុខភាព។ សុបិន្តរបស់នាងដូចក្លាយជាការពិត ព្រោះនាងចង់​​ក្លាយជាគិលានុ​បដដ្ឋាយិកា​រមួយ​រូប​ទៅថ្ងៃអនាគត។កញ្ញា នាង សុវ៉ាត់នា ដែលគេស្គាល់ថា DJ ណា ណា​ គឺជាឯកអគ្គរដ្ឋទូតកិត្តិយសរបស់​​អង្គការភ្លែន​​អន្តរ​ជាតិ​​កម្ពុជា​បាន​​មានប្រសាសន៍ថា  ក្មេងស្រី និងស្ត្រីជាច្រើន នៅតែកប់បាត់ពីវិស័យសំខាន់ៗជាច្រើនក្នុងតួនាទីដែលមានអំណាច និង​ឥទ្ធិពល ។

កញ្ញាបន្តថា ដើម្បីឲ្យក្មេងស្រី និងស្ត្រីអាចសម្រេចបំណងអ្នកពាក់ព័ន្ធ ជាពិសេសអង្គការភ្លែន​​អន្តរជាតិ​​បានខិ​​ត​​ខំបង្កើន​​ចំណេះ​ដឹង បើកឱកាសឲ្យពួកគេក្នុងការអង្គុយជជែក និងចូលរួមសម្រេចចិត្តជាមួយក្មេងប្រុស និងបុរសល់​​បញ្ហា​​ពាក់ព័ន្ធក្នុង​ការងារអភិវឌ្ឍប្រទេស៖

កញ្ញាបញ្ជាក់ថា នាងនឹងផ្សព្វផ្សាយលើកទឹកចិត្តនៅតាមសិក្ខាសាលាផ្សេងៗ និងបណ្តាញសង្គមដើម្បីឲ្យស្រ្តី មានភាពអង់អាចក្លាហានចូលរួមអភិវឌ្ឍន៍សង្គមដូចគ្នាទៅនឹងបុរសផងដែរ។

 សូមបញ្ជាក់ថា អង្គការភ្លែនអន្តរជាតិ បានបានធ្វើការងារជាច្រើនដែលជួយដល់កុមារកម្ពុជា ជាពិសេស​​គឺកុមារី​នៅ​តាម​​ជន​បទដោយផ្តោសំខាន់លើបញ្ហា សិទ្ធិក្នុងការទទួលបានការអប់រំ សុខ​ភាព របរចិញ្ចឹមជីវិត​​ប្រកប​​ដោយនិរន្តភាព និង​ការ​ការពារ  ហើយពេលនេះ អង្គការភ្លែនអន្តរជាតិបានបង្កើតកម្មវិធីដែលជួយឲ្យកុមារីមានចំណេះដឹង និងកសាងមូល​ដ្ឋាន​គ្រឹះ​​សម្រាប់​ការងារទៅថ្ងៃអនាគត៕

សម្ដេចតេជោ ហ៊ុន សែនជួបមន្ត្រីរាជការខេត្តស្ទឹងត្រែង

ភ្នំពេញ៖នៅរសៀលថ្ងៃទី១៦ ខែសីហា នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយថ្នាក់ដឹកនាំ មន្ត្រីរាជការ អាជ្ញាធរ និង កងកម្លាំងខេត្តស្ទឹងត្រែង ។

តាមបណ្ដាញសង្គមហ្វេសប៊ុកសម្ដេចហ៊ុនសែនបានសរសេរថា៖"នៅក្នុងពេលចាប់ផ្ដើមនៃការសំណេះសំណាល សម្ដេចតេជោនាយករដ្ឋមន្ត្រី បានលើកឡើងអំពីជោគ ជ័យក្នុងការចរចារជាមួយប្រទេសឡាវកាលពីថ្ងៃទី ១២ ខែ សីហា កន្លងទៅនេះ ដែលភាគីឡាវបាន យល់ព្រមដកកងទ័ពចេញពីទឹកដីកម្ពុជាដោយសន្តិវិធី ដែលបានបញ្ជៀសសង្គ្រាមទាំងស្រុង។ កម្ពុជា ធ្លាប់បានឆ្លងកាត់សង្រ្គាមជាច្រើនឆ្នាំមកហើយ គឺយើងមិនចង់ឃើញសង្គ្រាមតទៅទៀតទេ។ ភាពទន់ ភ្លន់ប្រកបដោយគុណធម៍របស់សម្តេចតេជោ គឺធ្វើអោយនាយករដ្ឋមន្រ្តីឡាវទទួលយល់ព្រមទាំងស្រុង។

ទន្ទឹមនឹងជោគជ័យនៃដំណោះស្រាយខាងលើនេះហើយ សម្តេចតេជោ ហ៊ុន សែន បានសម្រេចបង្កើត កងពលតូចថ្មើរជើងថ្មីលេខ១២៨ ដើម្បីពង្រឹងបន្ថែមនូវការពារបូរណភាពទឹកដី និងថែរក្សានូវសុវត្ថិ ភាពជូនប្រជាពលរដ្ឋខេត្តស្ទឹងត្រែង ជាពិសេសបងប្អូនដែលរស់នៅតាមព្រំដែនកម្ពុជា-ឡាវ និងវៀត ណាម។ ប៉ុន្តែទន្ទឹមនឹងនេះ សូមប្រជាពលរដ្ឋបន្តមានទំនាក់ទំនងល្អជាមួយប្រទេសឡាវ និងប្រទេស ជិតខាងកុំអោយប៉ះពាល់ដល់ប្រយោជន៍ប្រជាពលរដ្ឋទាំងសងខាង។
សម្ដេចតេជោ ហ៊ុន សែន បានអរគុណបងប្អូនខេត្តស្ទឹងត្រែង ដែលបានបោះឆ្នោតអោយគណបក្ស ប្រជាជនឈ្នះក្នុងការបោះឆ្នោតក្រុមប្រឹក្សាឃុំសង្កាត់កន្លងទៅនេះ។ សូមអាជ្ញាធរខិតខំបម្រើនិងផ្តល់ នូវសេវាតម្រូវការចាំបាច់នានាជូនប្រជាពលរដ្ឋអោយបានល្អ និងឆាប់រហ័ស។

ទន្ទឹមនឹងនេះ មន្ត្រីរបស់ យើងត្រូវដើរអោយទាន់បច្ចេកវិទ្យា មិនត្រូវធ្វើជាមន្ត្រីអភិរក្សនិយមពេក ទោះបីជាមន្ត្រីចាស់មែន តែត្រូវ សិក្សាស្វែងយល់នូវចំណេះដឹងថ្មីៗថែមទៀតដើម្បីបំពេញនូវសេចក្តីត្រូវការចាំបាច់ក្នុងការបំពេញការងារអោយកាន់តែមានប្រសិទ្ឋភាពខ្ពស់។

ទន្ទឹមនឹងនេះដែរ មន្ត្រីរបស់យើងត្រូវចេះធ្វើការជាមួយយុវជន ជាពិសេសយើងអាចផ្ដល់នូវឱវាទដល់ពួកគេ ហើយក៏ត្រូវចេះទទួលនូវគំនិតយោបល់ថ្មីៗពីយុវជន ផងដែរ ទោះបីខុសឬត្រូវក្តីគឺត្រូវទទួលយកមកគិតពិចារណា ទោះបីមិនត្រូវពេលនេះមែន តែអាចត្រូវ នៅពេលក្រោយ ។ មានតែយុវជនទេ ទើបដឹងច្បាស់ថាពួកគេត្រូវការ និងចង់បានអ្វី។
សម្តេចតេជោ ហ៊ុន សែន បានជម្រាបផងដែរថា សម្តេចនឹងអញ្ជើញជួបសំណេះសំណាលសួរ សុខទក្ខក្មួយៗកម្មករកម្មការនីរោងចក្រនៅពេលខាងមុខនេះ ដើម្បីស្វែងយល់ពីសុខទុក្ខផ្ទាល់ ព្រមទាំង កិច្ចគាំពារ និងការយកចិត្កទុកដាក់នានារបស់ក្រុមហ៊ុនមកលើកម្មករ។ សម្តេចតេជោ តែងតែគិតជានិច្ច ចំពោះសុខទុក្ខក្មួយៗកម្មករ កម្មការនី។
មុននឹងបញ្ចប់ពិធីសំណេះសំណាល សម្ដេចតេជោ ហ៊ុន សែន នាយករដ្ឋមន្ត្រី បានកោតសរសើរ ដល់មន្រ្តីរាជការទាំងអស់ដែលបានយកចិត្តទុកដាក់បម្រើប្រជាពលរដ្ឋ និងបានអបអរសាទរចំពោះ សមទ្ធិផលជាច្រើនដែលបានកើតឡើងនៅក្នុងខេត្តស្ទឹងត្រែង។ ជោគជ័យទាំងអស់នេះគឺបានកើតឡើង ដោយការការចូលរួមពីថ្នាក់ដឹកនាំ មន្ត្រីរាជការ និងបងប្អូនប្រជាពលរដ្ឋនៅក្នុងខេត្តទាំងអស់គ្នា៕

រាជរដ្ឋាភិបាលពន្លឿនការតាក់តែងក្រមការពារបរិស្ថាន និងធនធានធម្មជាតិ ឲ្យចប់នៅចុងឆ្នាំនេះ

ភ្នំពេញ៖ រាជរដ្ឋាភិបាល បានអះអាងថា កំពុងពន្លឿនការតាក់តែងក្រមសម្រាប់ការពារបរិស្ថាន និង​ធន​ធាន​​ធម្មជាតិឲ្យ​ចប់​រួចរាល់នៅចុងឆ្នាំនេះ ដើម្បីប្រញាប់អនុវត្តដែលជួយរក្សាការពារ​ភាពគង់វង្សនៃ​សម្បត្តិធម្មជាតិ។

ថ្លែងក្នុងសិក្ខាសាលាពិគ្រោះយោបល់ថ្នាក់ជាតិ លើកទី៥ ស្តីពីសេចក្តីព្រាងក្រមបរិស្ថាន និង​ធនធានធម្មជាតិ នាព្រឹកថ្ងៃទី១៦ ខែសីហានេះ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បាន​ជំរុញ​ឲ្យគ្រប់ភាគីពាក់ព័ន្ធទាំងអស់ចូលរួមបំពេញបន្ថែមនូវខ្លឹមសារសំខាន់ៗនៃក្រម ដែលជាកម្លាំង​ការពារ​​ថែរក្សាដល់​បរិស្ថាន និងធនធាន​ធម្ម​ជាតិរបស់ប្រទេសកម្ពុជានេះ ឲ្យមាននិរន្តរភាពទាំង​ពេល​បច្ចុប្បន្ន និងពេលអនាគត។

ឯកឧត្តមមានប្រសាសន៍ថា ក្រមដែលនឹងចាប់អនុវត្តនាពេលខាងមុខនេះ មានលក្ខណៈ​​ពហុ​វិស័យ និងជាបណ្តុំនៃលិខិតបទដ្ឋានគតិយុត្តនានាដែលពាក់ព័ន្ធនឹងវិស័យបរិស្ថាន និងធនធានធម្ម​​ជាតិ ដើម្បីចាប់បង្ខំឲ្យមានការចូលរួមការពារបរិស្ថាន តំបន់ព្រៃឈើ ធនធានរ៉ែ សត្វព្រៃ ជីវចម្រុះ​​នៅ​​​លើ​​គោកនិងក្នុងទឹក ការបំពុលទឹក បញ្ហាសំរាម ជាដើម ជាពិសេសទប់ស្កាត់បទ​​ល្មើស​​ពាក់ព័ន្ធ​បរិស្ថាន និងធនធាន​​ធម្ម​ជាតិ​ឲ្យមានប្រសិទ្ធភាព និងប្រកបដោយចីរភាព។ ឯកឧត្តម បានបញ្ជាក់ថា ក្រសួង​​​បរិស្ថាន បាន​នឹងកំពុងអនុវត្តរាល់គម្រោងនានារបស់រាជរដ្ឋាភិបាល ក្នុងការការពារ​​​​​​ធនធាន​ជីវចម្រុះ​ពីការបំផ្លាញដោយសារសកម្មភាពមនុស្ស និងកត្តាធម្មជាតិ ដើម្បីជា​ប្រយោជន៍​​​​​​ទ្រទ្រង់​​ដល់​ជីវភាព​​រស់នៅប្រចាំ​ថ្ងៃរបស់ប្រជាជន ក៏ដូចជារក្សាលំនឹងបរិស្ថាន។

លោក ប្រាយអិន រ៉ូហាន(Brian Rohan) ទីប្រឹក្សាច្បាប់របស់ក្រុមមេធាវីវិស្ណុ ដែល​​ជាអ្នក​​ចូល​​រួម​ធ្វើ​សេចក្តីព្រាងក្រមបរិស្ថាន និង​ធនធានធម្មជាតិនេះ បានពន្យល់បន្ថែម​ថា ក្រមថ្មីដែលផ្តួចផ្តើម​​ដោយ​​ក្រសួងបរិស្ថាននេះ គឺផ្តោតជាសំខាន់ទៅលើកិច្ចសហប្រតិបត្តិការពី​គ្រប់​ភាគី ក្នុងការចូលរួម​ថែរក្សា​ ការពារ អភិរក្សតំបន់​ព្រៃ​ឈើ និង​​សត្វ​ព្រៃ។

លោក ឃុត ចាន់ដារ៉ា អនុរដ្ឋលេខាធិការក្រសួងបរិស្ថាន មានប្រសាសន៍ថា សេចក្តីព្រាង​​ក្រម​​បរិស្ថាន ដែលមានជាង១.៣០០មាត្រា ចែកចេញជា ១១គន្ថីនេះ មានទិសដៅជំរុញការអភិវឌ្ឍ​​ប្រកប​​ដោយ​និរន្តរភាពនូវបរិស្ថាន ការអភិរក្សជីវៈចម្រុះ ការគ្រប់គ្រង និងការស្តារឡើងវិញ​​នូវធនធានធម្ម​ជាតិ និងការពារបេតិកភណ្ឌវប្បធម៌នៅក្នុងតំបន់ការពារធម្មជាតិ។

សូមបញ្ជាក់ថា រាជរដ្ឋាភិបាលកម្ពុជា បានដាក់ព្រៃឈើជាង៧លាន៥សែនហិកតា ជាតំបន់​ការពារព្រៃឈើ​ និងធនធានជីវចម្រុះពីការ​​គម្រាម​កំហែង ​ដែលក្រមនេះនឹងជួយការពារ ព្រៃឡង់​​របស់​ប្រទេសកម្ពុជាដែលមានជីវចម្រុះកំពុងរស់នៅជិត១.០០០​ប្រភេទ ក្នុង​នោះ​សត្វ និង​រុក្ខជាតិ មាន​រុក្ខាជាតិ៥៣០ប្រភេទ ថនិកសត្វ៦០ប្រភេទ សត្វ​ស្លាប២៦៦ប្រភេទ និង​ថលជសត្វ និង​​ឧរង្គ​សត្វ​ ចំនួន​៧៦ប្រភេទ៕

 

ឃាត់ខ្លួនចិន២៣១នាក់ស្រ្តី២៨នាក់សង្ស័យជាក្រុមចាប់ជម្រិតតាមអិនធឺណែត

ភ្នំពេញ៖ជនជាតិចិនប្រមាណ២៣១នាក់ត្រូវបានសមត្ថកិច្ចចុះចាប់បង្រ្កាបកាលពីរសៀលថ្ងៃទី១៦សីហាឆ្នាំ២០១៧នៅអគារខ្ពស់១១ជាន់ស្ថិតនៅខណ្ឌទួលគោកនៃនាយកដ្ឋានប្រឆាំងភេរវកម្មនិងឧក្រិដ្ឋកម្មឆ្លងដែន។ក្នុងនោះមានស្រ្តីចំនួន២៨នាក់សង្ស័យពីបទជម្រិតទារប្រាក់និងឆបោកតាមប្រព័ន្ធអ៊ិនធឺណែត។ការចុះបង្រ្កាបនេះស្ថិតនៅចំណុច​ខុនដូតាមបណ្តោយផ្លូវ៥៧៨សង្កាត់បឹងកក់២ខណ្ឌទួលគោក។

ជនជាតិចិន ប្រមាណជាង២៣១នាក់ត្រូវបានកម្លាំងនគរបាលនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ធ្វើការឃាត់ខ្លួននៅក្នុងខុនដូមួយកន្លែង ក្បែរផ្សារទួលគោក នៅផ្លូវ៥៧៨ សង្កាត់បឹងកក់ទី២ ខណ្ឌទួលគោក រាជ​ធានី​ភ្នំពេញ កាលពីវេលាម៉ោង៣រសៀលថ្ងៃទី១៦ ខែសីហា ឆ្នាំ២០១៧ ។

ប្រតិបត្តិការខាងលើនេះ ធ្វើឡើងដោយមានការសម្របសម្រួលពីលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ និងឧត្តមសេនីយ៍ឯក អ៊ី សុខឃី ប្រធាននាយដ្ឋានប្រឆាំងភេវរកម្ម និងឧក្រិដ្ឋកម្មឆ្លង​ដែន នៃក្រសួងមហាផ្ទៃ។

បើតាមសេចក្ដីរាយការណ៍ ប៉ូលិសបានប្រាប់ថា ជនជាតិចិន ប្រមាណ២៣១នាក់ ក្នុងនោះមានស្រី២៨នាក់ ត្រូវបានចាប់ខ្លួនពាក់ព័ន្ធករណីជំរិតទារប្រាក់តាមប្រព័ន្ធអ៊ិនធើណេត ។បច្ចុប្បន្នសមត្ថកិច្ចកំពុងធ្វើការឃាត់ខ្លួន ជន​ជាតិ​ចិនប្រុសស្រីខាងលើនេះចំនួន២៣១នាក់ និងដកហូតសម្ភារៈជាច្រើន ដែលពួកគេទុកសម្រាប់ប្រើប្រាស់ បទល្មើសចាប់ជំរិតទារលុយ តាមប្រព័ន្ធ Internet ផងដែរ ៕Aug-217Aug-216

កម្លាំងចម្រុះខណ្ឌសែនសុខរួមជាមួយព្រហ្មទណ្ឌក្រុងបន្តចុះពិនិត្យឃ្លាំងស្តុកម៉ូតូឡានរបស់ហាងបញ្ចាំ

ភ្នំពេញ ៖ កម្លាំងចម្រុះរបស់ខណ្ឌសែនសុខ ដឹកនាំដោយលោក បុិល កុសល កាលពីល្ងាចម្សិលមិញ បានចុះធ្វើការត្រួតពិនិត្យឃ្លាំងស្តុកម៉ូតូ ឡាន របស់ហាងបញ្ចាំ មួយកន្លែងក្នុងភូមិចុងថ្នល់លិច សង្កាត់ទឹកថ្លា ខណ្ឌសែនសុខ ។

សមត្ថកិច្ចបានបង្ហាញថាជាលទ្ធផលសម្រេចបានក្នុងការងារជាតួរលេខមួយ ឃើញថា ម៉ូតូអត់មានឯកសារចំនួន​៥១គ្រឿងក្នុងចំណោមម៉ូតូចម្រុះ​៧៤គ្រឿង រថយន្តអត់មានឯកសារចំនួន២គ្រឿង ក្នុងចំណោមរថយន្តចំនួន១០​គ្រឿង ហើយចំពោះចំណាត់ការនីតិវិធីយ៉ាងណាគ្មានទាល់តែសោះ ទើបនៅព្រឹកថ្ងៃទី១៦ ខែសីហា ឆ្នាំ២០១៧នេះ ក្រោយពីផ្ទុះរឿងហាងបញ្ចាំ ទទួលយកម៉ូតូ ឡាន អត់ឯកសារ បានងាយស្រួលពេក ទើបកម្លាំងចម្រុះខណ្ឌសែនសុខ រួមជាមួយកម្លាំងនគរបាលព្រហ្មទណ្ឌកម្រឹតស្រាលរាជធានីភ្នំពេញ បន្តចុះពិនិត្យ មើលម៉ូតូ ឡានក្នុងឃ្លាំងស្តុកដដែល ក្រោមការសម្របសម្រួលពីលោកព្រះរាជអាជ្ញារងអមសាលាដំបូងរាជធានីភ្នំពេញផង ។

ម្ចាស់ទីតាំងឈ្មោះ សុត ពិសិដ្ឋ ភេទប្រុសអាយុ៣៣ឆ្នាំបើកទីតាំងបញ្ចាំយីហោរ (ពិសិដ្ឋ ហ្វាស់ឃែស)សភូមិស្លែងរលើង
សង្កាត់ទឹកថ្លាខណ្ឌសែនសុខ។

តាមសមត្ថកិច្ចបានឲ្យដឹងថា លើកនេះខុះពីលើកមុនម្សិលមិញ ក្នុងប្រតិបត្តិការចុះត្រួតពិនិត្យ ឃ្លាំងស្តុករបស់ហាងបញ្ចាំ ក្រោមការសម្របសម្រួលពីលោក សុិន វីរៈ ព្រះរាជអាជ្ញារងអមសាលាដំបូងរាជធានីភ្នំពេញ កម្លាំងចម្រុះខណ្ឌ សែនសុខ រួមជាមួយកម្លាំងព្រហ្មទណ្ឌកម្រឹតស្រាល ស្នងការរាជធានីភ្នំពេញ ចុះធ្វើការពិនិត្យសារជាថ្មី លើទីតាំងឃ្លាំងស្តុក ដដែល ។ សមត្ថកិច្ចបន្តទៀតថា ក្នុងករណីជាក់ស្រែងថ្ងៃនេះ បើរកឃើញ ម៉ូតូ ឡាន អត់មានឯកសារគ្រប់គ្រាន់នោះ សមត្ថកិច្ចនឹងដកហូត យកទៅរក្សាទុក ជាបណ្តោះអាសន្ននៅការិយាល័យនគរបាលព្រហ្មទណ្ឌស្រាលរាជធានីភ្នំពេញហើយ ។

សូមបញ្ជាក់ថាពិនិត្យត្រួសៗកាលពីម្សិលមិញ ឃើញម៉ូតូចំនួន៥១គ្រឿងហើយអត់មានឯកសារ ក្នុងចំណោម៧៤ គ្រឿង ចំណែករថយន្ត មាន២គ្រឿងអត់មានឯកសារ ក្នុងចំណោមរថយន្ត១០គ្រឿង ហើយចាំមើល ជាក់ស្រែងថ្ងៃនេះ កើនឡើងឬថយចុះ មិនទាន់ដឹងនៅឡើយ ៕

ប្រភពព័ត៌មានចុងក្រោយពីសមត្ថកិច្ចបានបញ្ជាក់ប្រាប់ថាក្នុងប្រតិបត្តិការណ៍ពិនិត្យនាព្រឹកថ្ងៃទី១៦សីហា ២០១៧ នេះកម្លាំងចំរុះបានធ្វើការដកហូតម៉ូតូចំរុះ៥០គ្រឿងរថយន្តចំនួន២គ្រឿងយកទៅរក្សាទុក ជាបណ្តោះអាសន្ននៅការិ យាល័យនគរបាលព្រហ្មទណ្ឌស្រាលរាជធានីភ្នំពេញហើយ ចំពោះម្ចាស់ទីតាំងឈ្មោះ សុត ពិសិដ្ឋ ភេទប្រុសអាយុ ៣៣ឆ្នាំក៍បានហៅទៅធ្វើការសាកសួរផងដែល។Aug-214Aug-215

តុលាការក្រុងឃុំខ្លួនស្ត្រីជាអាជីវករលក់ខោអាវក្នុងផ្សារទំនើបស្ទឹងមានជ័យថ្មី

ភ្នំពេញ៖ស្ត្រីជាអាជីវករលក់ខោអាវក្នុងផ្សារទំនើបស្ទឹងមានជ័យថ្មី២នាក់ ដែលបានទាស់ពាក្យសម្តីគ្នា ឈានទៅដល់ការផ្ទុះហិង្សានោះ នៅរសៀលថ្ងៃទី១៦ ខែសីហា ឆ្នាំ២០១៧ ស្ត្រីជាជនបង្កម្នាក់ត្រូវបានចៅក្រមស៊ើបសួរ សាលាដំបូងរាជធានីភ្នំពេញលោក វ៉ាន់ សែនវិសុទ្ធ ចេញដីកាឃុំខ្លួនបណ្តោះអាសន្ន ហើយនៅពន្ធនាគារPJ ពីបទ ហឹង្សាដោយចេតនាមានស្ថានទម្ងន់ទោស តាមមាត្រា២១៧,២១៨ នៃក្រមព្រហ្មទណ្ឌ។

ស្ត្រីជាជនត្រូវចោទឈ្មោះ សុខ ផល្លា ហៅគីម អាយុ៣៥ឆ្នាំ មុខរបរលក់ខោអាវ ស្នាក់នៅផ្ទះលេខ២៤E០ ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ចំណែកជនរងគ្រោះមានឈ្មោះ ឆេង ស៊ីម៉ា ហៅប៉ុម អាយុ ១៩ឆ្នាំ មុខរបរលក់ខោអាវ ស្នាក់នៅផ្ទះលេខ៩៤ ផ្លូវ លេខ៥ បុរីចម្ការដូង ភូមិសំបួរ សង្កាត់ដង្កោ ខណ្ឌដង្កោ។

ហេតុការណ៍នៃសំណុំរឿងបានកើតឡើងកាលពីវេលា ម៉ោង៩ព្រឹក ថ្ងៃទី១២ ខែសីហា ឆ្នាំ២០១៧ ស្ថិតនៅចំណុចមុខតូប លេខ B១.៣៤ និងB១.១៤ ក្នុងផ្សារទំនើបស្ទឹងមានជ័យថ្មី ក្នុងភូមិទ្រា៣ សង្កាត់ស្ទឹងមានជ័យ ខណ្ឌមានជ័យ។

មុនពេលកើតហេតុ ជនសង្ស័យកំពុងតែឈរនិយាយជាភ្ញៀវដែលមកទិញខោអាវ ពេលនោះក៏មានកូនឈ្នួល បានឲ្យអ្នកដែលលក់ជិតតូបគ្នាក្នុងផ្សារស្ទឹងមានជ័យ ហៅភ្ញៀវឲ្យមើលខោអាវនៅតូបរបស់ខ្លួន ជាហេតុធ្វើឲ្យជនសង្ស័យខឹងក៏ស្រកថាឲ្យកូនឈ្នួល រហូតទាស់ពាក្យសម្តីគ្នា ពេលនោះជនរងគ្រោះត្រូវជាក្មួយរបស់កូនឈ្នួលស្ត្រីសង្ស័យ កំពុងតែលក់ខោអាវនៅតូបក្បែរគ្នានោះឭ ក៏កាន់ទុយោ ពណ៌ខៀវ ដើរចេញពីក្នុងតូប រហូតទាស់ពាក្យសម្តីគ្នា ដោយជនសង្ស័យបានយកដែកអ៊ីណុកទៅវាយប្រតាយប្រតប់ជាមួយជនរងគ្រោះ ។

តែត្រូវកូនឈ្នួលរបស់ស្ត្រីជាជនសង្ស័យ ដែលត្រូវជាមីងរបស់ជនរងគ្រោះបានឃើញក៏យកដែកមកឲ្យជនរងគ្រោះ វាយប្រតាយប្រតប់គ្នាវិញ បណ្តាលឲ្យរងរបួសត្រូវត្រង់ថ្ងាសចំហៀងខាងឆ្វេង និងរបួសដាច់រលាត់ដៃខាងឆ្វេង ចំណែកជនសង្ស័យរបួសហើមម្រាមដៃនិងកំភួនដៃខាងឆ្វេង ត្រូវបានសន្តិសុខយាមផ្សារនាំគ្នាឃាត់និងរាយការណ៍ជូនសមត្ថកិច្ចនគរបាលប៉ុស្តិ៍ស្ទឹងមានជ័យ ចុះមកឃាត់ខ្លួនតែម្តង។

Aug-212Aug-213

ខណ្ឌឬស្សីកែវចុះពិនិត្យទីតាំងបញ្ចាំ២៤ម៉ោងចំនួន៤កន្លែងនៅម្លុកទួលសង្កែ

ភ្នំពេញ៖ទីតាំងទទួលបញ្ចាំ២៤ម៉ោងចំនួន៤កន្លែងនៅក្នុងសង្កាត់ទួលសង្កែត្រូវបានគណះបញ្ជាកាឯកភាពខណ្ឌ​ឬស្សី​កែវដឹកនាំកម្លាំងចំរុះចុះត្រួតពិនិត្យកាលព្រឹកថ្ងៃទី១៦ខែសីហាឆ្នាំ២០១៧នេះរួមមានទីតាំងទី១ស្ថិតនៅផ្ទះលេខគ្មានលេខផ្លូវផ្សារសាំហានភូមិបាក់ទូកសង្កាត់ទួសង្កែទី១ម្ចាស់ឈ្មោះប៊ុនធួនភេទប្រុសអាយុ៤៨ឆ្នាំរីឯទីតាំងទី២ទី៣យីហោសេរីម្លិះ២ស្ថិតនៅផ្ទះលេខ៤០៥និង២៨៨BEoផ្លូវលេខ៩០៧ភូមិចុងខ្សាច់ សង្កាត់ទួលសង្កែម្ចាស់ ឈ្មោះកញ្ញាស្រុីន​សុប៉ុញ្ញាគា​អាយុ២៤ឆ្នាំ និងទីតាំងទី៤យីហោចែមានហេងស្ថិតនៅផ្លូវលេខ៩០៧ភូមិចុងខ្សាច់សង្កាត់ទួលសង្កែ ខណ្ឌ​ឬស្សីកែវ ។

នៅក្នុងការចុះត្រួតពិនិត្យទីតាំងហាងទទួលបញ្ចាំ២៤ម៉ោងចំនួន៤កន្លែងខាងលើនេះ ដឹកនាំដោយ លោកជាពិសីអភិ​បាលនៃគណះអភិបាលខណ្ឌឬស្សីកែវ ។នៅពេលចុះមកដល់ទីតាំងទាំង៤ខាងលើគណកម្មការយើងពិនិត្យឃើញថាមាន​អាជ្ញាបណ្ណអាជីវកម្មទទួលប្រាតិភោគដោយអនុប្បទានរបស់ក្រសួងសេដ្ឋកិច្ចនិងហរិញ្ញវត្ថុលេខ០០៥ចុះថ្ងៃទី​២៥​ខែធ្នូឆ្នាំ២០១៧ហត្ថលេខាដោយលោកអូនព័ន្ធមុន្នីរ័ត្ន ។

ម្ចាស់ទីតាំងសេវាកម្មនិងបានយល់ព្រមសហការជាមួយគណះកម្មកាចំរុះ។មតិណែនាំរបស់គណះបញ្ជាការឯកភាពខណ្ឌតម្រូវឲ្យម្ចាស់ទីតាំងសេវាកម្មអាជីវកម្មទទួលបញ្ចាំទាំងនោះត្រូវបញ្ឈប់ការទទួលបញ្ចាំ ២៤ម៉ោងដោយតម្រូវឲ្យពួកគាត់​បើកធ្វើអាជីវកម្មតែេពលថ្ងៃតែប៉ុណ្ណោះ។បើសិនពួកគាត់មិនគោរពតាមគោលកាេណ៍ណែនាំរបស់អាជ្ញាធរទេអាជ្ញាធរនិងចាត់តាមផ្លូវច្បាប់។
សូមបញ្ជាក់ថានៅក្នុងប្រតិបត្តិការចុះត្រួតពិនិត្យទីតាំងទទួលបញ្ចាំទាំង៤ទីតាំងខាងលើនេះគណៈកម្មការចំរុះបាន​បិតទ្វារព្រោះគ្មានអាជ្ញាប័ណ្ណមួយរយៈសិនរងចាំម្ចាសទៅសុំច្បាប់រួចធ្វើការដកហូតម៉ូតូចំនួន២គ្រឿងម៉ាកហុងដា​ស៊ូ​ម៉័រពណ៍ខ្មៅពាក់ស្លាកលេខភ្នំពេញ1GK1-7807និងមួយគ្រឿងទៀតម៉ាកហុងដាគុបជ្រុងពណ៍ទឹកប៊ិចពាក់ស្លាកលេភ្នំ ពេញ1B-3343ពីហាងទទួលបញ្ចាំយីហោប៊ុនធួន៕Aug-210Aug-211

នគរបាលក្រសួងមហាផ្ទៃចាប់បុរសស្បែកខ្មៅ២នាក់បញ្ជូនទៅតុលាការករណីលាងលុយខ្មៅ២លានដុល្លារ

ភ្នំពេញ៖ នៅព្រឹកថ្ងៃទី១៦ ខែសីហា ឆ្នាំ២០១៧ នគរបាលនៃក្រសួងមហាផ្ទៃ បានធ្វើការបញ្ជូន ជនសង្ស័យជាជន ជាតិ ស្បែកខ្មៅ២រូប ទៅកាន់អយ្យការអម សាលាដំបូងរាជធានីភ្នំពេញ ទាក់ទិនទៅនិងបទល្មើស លាងលុយខ្មៅ ២លានដុល្លារក្នុងប្រទេសកម្ពុជា ។

ជនសង្ស័យទាំង២នាក់ខាងលើឈ្មោះ Kamara Abdul ភេទប្រុស អាយុ៣៧ឆ្នាំ ជនជាតិហ្សេរ៉ាលី អូន នឹងម្នាក់ទៀតឈ្មោះ Davidson Alphonson ភេទប្រុស អាយុ៤៨ឆ្នាំ ជនជាតិលីប៊ី ។

ជនសង្ស័យត្រូវបានកម្លាំងសមត្ថកិច្ចឃាត់ខ្លួនកាលពីថ្ងៃទី១៤ ខែសីហា ឆ្នាំ២០១៧ ប្រព្រឹត្តិនៅ ចំណុចខិនដូរមួយកន្លែងលេង១៦៨៧ ផ្លូវ១០៣ សង្កាត់ទួលសង្កែ១ ខណ្ឌឬស្សីកែវ។សំណុំរឿងនេះជនសង្ស័យកំពុងស្ថិតនៅនៅដៃលោក រៀល សុភិន ព្រះរាជអាជ្ញារង អមសា លាដំបូងរាជធានីភ្នំពេញ កំពុងធ្វើការសាកសួរ ៕

 

Aug-209

ក្រសួងសង្គមកិច្ចសម្រេចបង្កើតមជ្ឈមណ្ឌលដាច់ដោយឡែកមួយសម្រាប់ថែទំាកុមារ ដែលទំនាស់នឹងច្បាប់

ក្រសួងសង្គមកិច្ចសម្រេចបង្កើតមជ្ឈមណ្ឌលមួយកន្លែងទៀត សម្រាប់ថែទំានិងស្តារ នីតិសម្បទា កុមារដែលទំនាស់នឹងច្បាប់ដើម្បីការពារសិទ្ធិនិងធានាបាន ឧត្តមប្រយោជន៍​របស់កុមារ។រដ្ឋមន្រ្តីក្រសួងសង្គមកិច្ចបានអៈអាងថា ក្រសួងគ្រោង បង្កើតមជ្ឈមណ្ឌលសម្រាប់អប់រំ​កុមារ​​ដែលទំនាស់នឹងច្បាប់នេះ នឹងត្រូវធ្វើឡើងនៅពេលឆាប់ៗនេះក្នុងទំហំផ្ទៃដីជាង៧ហិចតា ដែលអាច ដាក់កុមារបានចាប់ពី៧០០នាក់ទៅដល់ជាង១០០០នាក់។

ការសម្រេចបង្កើតមជ្ឈមណ្ឌលនេះឡើយគឺដើម្បីរំដោះកុមារដែលទំនាស់នឹងច្បាប់ហើយកំពុងជាប់ពន្ធនាគារនៅទូទំាងប្រទេសឲ្យរស់នៅដាច់ដោយឡែកពីអ្នកទោសពេញវ័យដើម្បីងាយស្រួលក្នុងការស្តារនិសម្បទា។ឯឧ.វង សូត រដ្ឋមន្រ្តីក្រសួងសង្គមកិច្ចអតីតយុទ្ធជននិងយុវនីតិសម្បទាបានប្រាប់លោកស្រី​​រ៉ូណាស្មី​តអ្នករាយការណ៍ពិសេសអង្គការសហ​ប្រជា​ជាតិទទួលបន្ទុកសិទ្ធិមនុស្សប្រចាំ​កម្ពុជា​នៅព្រឹកថ្ងៃ ទី១៦ ខែសីហានេះ ថា ការបង្កើតមជ្ឈមណ្ឌលថែទំាងកុមារដែលល្មើស​នឹង​​ច្បាប់​​នេះគឺធ្វើឡើងដោយអនុវត្តឲ្យស្របតាមច្បាប់និងផែនការយុទ្ធសាស្រ្ តការពារយុត្តិធម៌អនីតិជន ដើម្បីដោះ​ស្រាយការលំបាករបស់កុមារ និងការគោរពសិទ្ធិកុមារ។

ឯឧ.បញ្ជាក់ថា មជ្ឈមណ្ឌលនោះគឺជាកន្លែងអប់រំ ជំនាញវិជ្ជាជីវៈ​ ផ្សេងៗ ដើម្បីឲ្យកុមារពេល​សមាហរណកម្មត្ រលប់ទៅសហគមន៍វិញ ក្លាយជាមនុស្សល្អ មានជំនាញវិជ្ជាជីវៈរកប្រាក់​ចំណូល​ចិញ្ចឹមជីវិតខ្លួនឯងបាន។លោកស្រី រ៉ូណាស្មីត អ្នករាយការណ៍ពិសេសអង្គការសហ​ប្រជា​ជាតិទទួលបន្ទុកសិទ្ធិមនុស្ស​ប្រចាំ​​កម្ពុជាបានគាំទ្រចំពោះគម្រោងបង្កើតមជ្ឈមណ្ឌលនេះ ប៉ុន្តែត្រូវធ្វើឡើងឲ្យស្របតាម ស្តង់ដារបច្ចេកទេសអន្តរជាតិ មានគ្រូបណ្តុះបណ្តាល ឧបករណ៍ និងកម្មវិធីថែទំាឲ្យបានច្បាស់ លាស់ ដើម្បីសមាហរណកម្មរបស់កុមារប្រកបដោយប្រសិទ្ធិភាព។  លោកស្រីបន្តថា ការដោះ​ស្រាយបញ្ហាកុមារទំនាស់នឹងច្បាប់ពុំបានត្រឹមត្រូវ អាចធ្វើឲ្យកុមារកាន់តែជួបបញ្ហា ប្រឈម​ធ្ងន់ធ្ងរទំាងបញ្ហាសុខភាព និងអនាគតរបស់កុមារ។ លោកស្រីអៈអាងថាកុមារដែលទំនាស់​នឹងច្បាប់មិនត្រូ វដាក់ក្នុងពន្ធនាគារឡើយព្រោះអាចធ្វើឲ្យពួកគេនៅលាយលំជាក្រុមឧក្រឹដ្ឋជននិងជនល្មើសផ្សេងៗទៀត ដូច្នេះអាចធ្វើឲ្យកុមារក្លាយជាក្រុមឧក្រឹដ្ឋជនដែរ។

សូមបញ្ជាក់ថា កុមារដែលទំនាស់នឹងច្បាប់គឺជាកុមារដែលប្រព្រឹត្តបទល្មើសប៉ុន្តែគាត់ជា​អនីតិជនដែល​ប្រព្រឹត្តបទល្មើសនេះគ្មានសតិសម្បជ្ញៈគ្រប់គ្រាន់។

យោងតាមរបាយការណ៍បច្ចុប្បន្នកុមា រដែលមានបញ្ហាទំនាស់នឹងច្បាប់បា នកើតឡើងជា៧០០ករណី ដោយភាគច្រើនជាករណីស្រាល ដែលត្រូវបានបញ្ជូនត្រលប់ទៅ សហគមន៍វិញ ហើយ មានការអប់រំកែប្រែកុមារទំាងនោះ ពីក្រសួងសង្គមកិច្ចនិងអង្គការពាក់ពន្ធ័៕

 

ព្រះមហាក្សត្រប្រទានព្រះរាជអំណោយដល់គ្រួសារក្រីក្រ៤៦៥គ្រួសារនៅខេត្តកំពង់ធំ

ខេត្តកំពង់ធំៈ សម្តេចចៅហ្វាវាំង វរវៀងជ័យ អធិបតីស្រឹង្គារ ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានអញ្ជើញចុះចែកព្រះរាជអំណោយ ជាព្រះរាជទានដ៏ថ្លៃថ្លារបស់ ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា អមដំណើរដោយឯកឧត្តម សុខ លូ អភិបាលនៃគណៈអភិបាលខេត្តកំពង់ធំ ព្រមទាំងមន្រ្តីរាជការ អាជ្ញាធរស្រុក ឃុំ ចែកជូនដល់ប្រជាពលរដ្ឋក្រីក្រ ចំនួន ៤៦៥ គ្រួសារ ។

ពិធីផ្តល់អំណោយនេះ ត្រូវបានប្រារព្វធ្វើឡើងនៅព្រឹកថ្ងៃទី ១៦ ខែសីហា ឆ្នាំ២០១៧ ស្ថិតនៅក្នុងបរិវេណ វត្តស្រង៉ែ ភូមិស្រង៉ែ ឃុំត្បែង ស្រុកកំពង់ស្វាយ ខេត្តកំពង់ធំ ប្រជាពលរដ្ឋដែលបានទទួលអំណោយព្រះរាជទានដ៏ថ្លៃថ្លារបស់ ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា មានចំនួន៤ ភូមិ ក្នុងនោះមានភូមិត្រាច ៧៣គ្រួសារ ភូមិស្រង៉ែ ៩២គ្រួសារ ភូមិអូរអំបែង ៩៣គ្រួសារ និងភូមិឈើទាល ២០៧គ្រួសារ សរុបចំនួន ៤៦៥គ្រួសារ ដោយក្នុងមួយគ្រួសារទទួលបានអង្ករ ១បេ ស្មើនឹង ៥០គីឡូក្រាម មី ១កេះ និងថវិការ៥០០០០ម៉ឺនរៀល។ សម្តេចចៅហ្វាវាំង វរវៀងជ័យ អធិបតីស្រឹង្គារ ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង បានមានប្រសាសន៍ ថាសូមបងប្អូនកូនចៅកុំជឿលើការឃោសនា របស់គណបក្សមួយចំនួន ដែលបាន អួតអាងថាខ្លួនជាអ្នករាជានិយម តែការពិតគឺបងប្អូននេះហើយដែលជាអ្នករាជានិយមនោះ គឺបងប្អូនគោរ ស្រឡាញ់ភ្លេងជាតិ ស្រឡាញ់ព្រះមហាក្សត្រ ស្រឡាញ់សម្តេចម៉ែ សម្តេចតា និងព្រះករុណាជាអង្គម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជានៃយើង ។

សម្តេចបានមានប្រសាសន៍ថា ការនាំអំណោយរបស់ ជាព្រះរាជទានដ៏ថ្លៃថ្លារបស់ ព្រះករុណាជាអម្ចាស់ជីវិតលើត្បូង មកចែកជូនដល់បងប្អូននេះ គឺជាព្រះទ័យរបស់ព្រះអង្គសម្តេច មានការព្រួយបារម្ភណ៍ពីជីវភាព របស់បងប្អូនដែលជួបការលំបាក ទើបព្រះអង្គបានឲ្យខ្ញុំព្រះករុណានាំយកអំណោយព្រះរាជទាន របស់ព្រះអង្គមកចែកជូនដល់បងប្អូនក្នុងពេលនេះ ។ ក្នុងពិធីផ្តល់អំណោយនេះ សម្តេចចៅហ្វាវាំង គង់សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង និងឯកឧត្តម សុខលូ គភិបាលខេត្តកំពង់ធំ បាននាំយកថវិការ និង ព្រះឆាយល័ក្ឋចែកប្រជាពលរដ្ឋទាំង៤៦៥គ្រួសារ ជាមួយគ្នានេះដែរបងប្អូនលោកយាយលោកតា បានសម្តែងនូវសេចក្តីត្រេតអរ គោរពស្រឡាញ់ និងនឹករលឹក ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជានៃយើង និងសូមជួនពរ ឲ្យព្រះអង្គមានអាយុយឺនយូរ និងជាម្លាប់ដ៏ត្រជាក់ ត្រឈឹងត្រឈៃដល់កូនចៅ៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2