vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

អាវុធហត្ថក្រុងប៉ោយប៉ែតឃាត់ខ្លួននារីម្នាក់សង្ស័យជេរប្រមាថសម្តេចហ៊ុនសែនតាមប្រព័ន្ធសង្គមហ្វេសប៊ុក

បន្ទាយមានជ័យ៖ ជនសង្ស័យដែលជានារីម្នាក់ឈ្មោះ មឿន លីហ័រ អាយុ២០ឆ្នាំ សង្ស័យជាម្ចាស់អាខោន ហ្វេកប៊ុក“ ជល ស្សៃយនានាងកូនពៅស៊ីអារម្មណ៍” ត្រូវបានអាវុធហត្ថក្រុងប៉ោយប៉ែតឃាត់ខ្លួន ដែលអាខោនមួយនេះបានជេរប្រមាថដោយសរសេរអក្សរនៅលើរូប សម្តេចហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាតាមប្រព័ន្ធបណ្តាញសង្គមហ្វេកប៊ុក យកសួរនាំនៅបញ្ជារការមូលដ្ឋានកងរាជអាវុធហត្ថក្រុងប៉ោយប៉ែត នៅរសៀលថ្ងៃទី១៥ កញ្ញា ២០១៧ ស្ថិតនៅក្នុងផ្ទះ រស់នៅភូមិចាន់គីរី សង្កាត់/ក្រុងប៉ោយប៉ែត ខេត្តបន្ទាយាមនជ័យ។

សូមបញ្ជាក់ថា នៅលើអាខោន ហ្វេសប៊ុក “ជលស្សៃយនា នាងកូនពៅ ស៊ីអារម្មណ៍” បានយករូបសម្តេចហ៊ុនសែននិងសរសេរអក្សរពីលើរូប ប្រមាថមើលងាយ យ៉ាងធ្ងន់ៗ ដែលរូបជនសង្ស័យខាងលើបានដាក់នៅលើProfile។

លោកអនុសេនីយ៍ឯក សរ សុភ័ក្ត្រា មេបញ្ជារការរង និងជាមេបញ្ជារស្តីទីអាវុធហត្ថក្រុងប៉ោយប៉ែត បានអោយដឹងថា បន្ទាប់ពីឃាត់ខ្លួនស្ត្រីជាជនសង្ស័យខាងលើ នៅល្ងាចថ្ងៃដដែលនេះ ត្រូវបានសមត្ថកិច្ចកងរាជអាវុធហត្ថក្រុង កសាងសំណុំរឿងបញ្ជូនទៅទីបញ្ជារការដ្ឋានកងរាជអាវុធហត្ថខេត្ត ដើម្បីចាត់ការបន្តតាមនីតិវិធី៕

 

Sep-136

ចុះត្រួតពិនិត្យជនបរទេសចាប់ចិន៤២នាក់ស្នាក់នៅខុនដូរចំនួន៣ផ្សេងគ្នា

ភ្នំពេញ៖សមត្ថកិច្ចនគរបាលអគ្គនាយកដ្ឋានអន្តោប្រវេសន៍ដឹកនាំកម្លាំងចំរុះប្រមូលជនជាតិចិន ដែលគ្មានឯកសារស្នាក់នៅនិងលិខិតបញ្ជាក់ការងារសង្ស័យលួច ស្នាក់នៅខុនដូរចំនួន៣ផ្សេងគ្នា កាលវេលាម៉ោង១១និង៣០នាទីថ្ងៃត្រង់​ថ្ងៃទី១៦ ខែ កញ្ញា ឆ្នាំ ២០១៧នៅចំណុចផ្លូវ៤៦២ ក្រុម៧៥ ស្ថិតនៅភូមិ៣ សង្កាត់ទន្លេបាសាក់ ខណ្ឌចំការមន ។

ដោយមានការដឹកនាំបញ្ជាក់ផ្ទាល់ពីលោក សៀង សុខព្រះរាជអាជ្ញារងអមសាលាដំបូងរាជធានីនិងសហការជាកម្លាំងអគ្គនាយកដ្ឋានអន្តោប្រវេសន៍និងមានការដឹកនាំដោយលោក ឧត្តមសេនីយ៍ឯក អ៊ុក ហៃសិឡាប្រធាននាយកដ្ឋានស៊ើបអង្កេត អនុវត្តន៍និតិវិធី នៃអគ្គនាយកដ្ឋានអន្តោប្រវេសន៍និងកម្លាំងមូលដ្ឋានខណ្ឌចំការមនចុះមកត្រួតពិនិត្យនិងឆែកឆេរខុនដូរចំនួន៣នៅ ជាប់គ្នានៅឃាត់យកទៅ សាកសួរនាំមានជនជាតិចិនចំនួន៤២នាក់ក្នុងនោះស្រី៥​នាក់ ​។

លោក ឧត្តមសេនីយ៍ឯកបានបន្តថាដោយកម្លាំងចំរុះនិងមានការបញ្ជាក់លោកព្រះរាជអាជា្ញចុះឆែកតាមខុនដូរនៅថ្ងៃត្រង់ចំម៉ោងទើបពួកគេនៅជុំគ្នាហើយបានជនចិន៤២នាក់ ក្នុងនោះស្រី៥នាក់ដោយសង្ស័យលួចស្នាក់នៅនិង​ធក​វើការខុសច្បាប់នៅពេលឃាត់សួរនាំគឺជនជាតិទាំងអស់គ្មានលិខិតឆ្លងដែននិងសៀវភៅការងារនៅជាប់និងខ្លួនទើប​​កម្លាំងសមត្ថកិច្ចអគ្គនាយកដ្ឋានអន្តោប្រវេសន៍នាំខ្លួនទៅសួរនាំបណ្ដោះហើយបើសិនជាទៅដល់អគ្គនាយដ្ឋានជន​ជាតិចិនមានឯកសារលិខិតឆ្លងដែនបានត្រឹមត្រូវគ្រប់និងអោយត្រលប់មកវិញនេះជាការឃាត់ខ្លួនជាបណ្ដោះ​អាសន្នទេ ។Sep-133Sep-134Sep-135

បុគ្គលិកធនាគារបាត់១យប់១ថ្ងៃសង្ស័យខ្មោចចូលអារកខ្លួនឯង

ខេត្តកំពង់ឆ្នាំង៖បុគ្គលិកធនាគារអេលីស៊ីដា សាខាស្រុកសាមគ្គីមានជ័យ ម្នាក់បានបាត់ខ្លួននៅម៉ោង១២យប់ថ្ងៃទី​១៣ ខែកញ្ញា ឆ្នាំ២០១៧ ដោយនៅក្នុងបន្ទប់ស្នាក់នៅក្នុងភូមិក្រាំងស្រម៉ ឃុំស្វាយជុក ស្រុកសាមគ្គីមានជ័យ  ឃើញមានដក់ឈាម ហើយមិត្តភ័ក្របានដើររកទាំងយប់តែរកមិនឃើញ ទើបរាយការណ៍អោយសមត្ថកិច្ចជួយស្រាវជ្រាវរក។ ក្រោ យពីបាត់ខ្លួន១តប់១ថ្ងៃមក ពេលរកឃើញគេនៅក្នុងវត្តបានលោកជួយយកអាសារ ព្រោះតែគេខ្មោចចូលបានអារកខ្លួនឯងរួចដើរចូក្នុងព្រៃ។លោក គង់ ហុង អធិការនគរបាលស្រុកសាមគ្គីមានជ័យ បានអោយដឹងថា៖ អ្នកបាត់ខ្លួននោះមានឈ្មោះ ព្រហ្ម ចន្ទ័សុផារិទ្ធ អាយុ២៥ឆ្នាំ ទីលំនៅភូមិប្អេរ សង្កាត់ប្អេរ ក្រុងកំពង់ឆ្នាំង ។

នៅព្រឹកថ្ងៃទី១៤ ខែកញ្ញា សមត្ថកិច្ចបានចុះទៅពិនិត្យបន្ទប់ស្នាក់នៅធ្វើការ ឃើញមានឈាមជាច្រើនដក់នៅក្នុងបន្ទប់ ចំណែកទូរសព្ទ័២គ្រឿង គឺអាយហ្វូន និងណូគា និងសម្ភារៈនៅក្នុងការិយាល័យពុំមានបាត់បង់ទៅណាឡើយ  ហើយនៅនឹងរបងផ្ទះឃើញមានស្នាមឈាមឡើងតាមរបង។

លោកអធិការបានបញ្ជាក់អោយដឹងថា៖ រហូតដល់ម៉ោង៧ និង៣០នាទីយប់ថ្ងៃទី១៤ ខែកញ្ញានេះ សមត្ថកិច្ចនិងក្រុមគ្រួសារបានរកឃើញគេវិញហើយ គឺរកឃើញគេកំពុងស្នាក់នៅជាមួយព្រះសង្ឃក្នុងវត្តត្រពាំងម្ទេស ឃុំស្វាយជុក ស្រុកសាមគ្គីមានជ័យ  ដែលមានចម្ងាយជាង២គីឡូម៉ែត្រពីកន្លែងស្នាក់នៅ ដោយនៅលើ កគេមានរបួសជាច្រើនកន្លែង ហើ យនិយាយមិនដឹងខុសត្រូវអ្វីឡើយ របៀបមនុស្សសរសៃប្រសាទ ។

ទាក់ទងនិងករណីនេះ សមត្ថកិច្ច និងក្រុមគ្រួសារបានសន្និដ្ឋានថា ជងរងគ្រោះត្រូវខ្មោចចូលសណ្ឋិត ហើយនាំអោយអារកខ្លួនឯងនៅក្នុងបន្ទប់ ហើយនាំដើរកាត់ព្រៃទាំងយប់មកក្នុងវត្ត ទើបជួបនឹងព្រះសង្ឃជួយយកអាសារទើបរួចផុតពីគ្រោះថ្នាក់ដល់ជីវិត។

ដោយឡែកនៅពេលរកឃើញគេវិញ ក្រុមគ្រួសារបាននិមន្តព្រះសង្ឃនៅក្នុងវត្តត្រពាំងម្ទេសធ្វើពិធីសូត្រមន្តបកកំរោល ​ទៅតាមអបិយជំនឿ ហើយក៏បានយករូបគេមកព្យាបាលជម្ងឺនៅក្នុងមន្ទីរពេទ្យខេត្តកំពង់ឆ្នាំងបន្តទៀត ៕

 

Sep-132

បក្សប្រឆាំងស្នើឲ្យលោកខៀវកាញារិទ្ធចូលបំភ្លឺនៅសភារឿងបិទវិទ្យុ

ភ្នំពេញ៖តាមរយៈសម្តេចហេង សំរិនប្រធានរដ្ឋសភា លោកសុន ឆ័យតំណាងរាស្រ្តគណបក្សសង្គ្រោះជាតិកាលពីថ្ងៃ​ទី​១៣ខែកញ្ញាឆ្នាំ២០១៧បានដាក់លិខិតកោះអញ្ជើញលោកខៀវ កាញារិទ្ធរដ្ឋមន្រ្តីក្រសួងព័ត៌មានជុំវិញការបិទវិទ្យុមួយចំនួននៅកម្ពុជា។ការលើកឡើងរបស់តំណាងរាសស្រ្តបក្សប្រឆាំងដោយអះអាងថាការបិទការផ្សាយរបស់វិទ្យុដូចជាវិទ្យុអាស៊ីសេរី វីអូអេ វីអូអូឌី វិទ្យុ៩៣.៥និងវិទ្យមួយចំនួនទៀត។

តែកាលពីម្សិលមិញលោកអ៊ុក គឹមសេងអ្នកនាំពាក្យក្រសួងព័ត៌មានបានលើកឡើងថាក្រសួងមិនបានបិទវិទ្យុអាស៊ីសេរីទេគឺវិទ្យុនេះបានបិទខ្លួនឯងស្ងាត់ធ្វើឲ្យបុគ្គលិកមួយចំនួនបាត់បង់ការងារ។

ឃាត់ខ្លួនមនុស្ស១២នាក់សង្ស័យពាក់ព័ន្ធករណីគ្រឿញៀន

ភ្នំពេញ:កម្លាំងនគរបាលនៃអធិការដ្ឋានខណ្ឌមានជ័យ ដឹកនាំដោយលោក ម៉េង វិមានតារា អធិការរង ទទួលបន្ទុក នគរបាលយុត្តិធម៍ បានសហការ ជាមួយនិងសមត្ថកិច្ចប៉ុស្តិនគរបាលបឹងទំពន់ បានចុះ ប្រតិបត្តការឆែកឆេរផ្ទះសំណាក់ មួយកន្លែង យីហោរ ឌី មនោរម្យ ឃាត់ខ្លួនបានមនុស្សប្រុសស្រី ចំនួន១២ព្រមទាំងគ្រឿងញៀនចំនួន៤កញ្ចប់តូចធំ រួមនិង ឧបករណ៍ សំរាប់ប្រើប្រាស់យកទៅសាកសួរ ។
ហេតុការណ៌បង្ក្រាបជាក់ស្តែង នេះបានធ្វើលើង នៅវេលាម៉ោង៧យប់ ថ្ងៃទី១៥ ខែកញ្ញា ឆ្នាំ២០១៧ នៅក្នុងផ្ទះសំណាក់ យីហោរ ឌី មនោរម្យ ផ្លូវ៣៧១ ភូមិត្នោតជ្រុំ១ សង្កាត់បឹងទំពន់២ ខណ្ឌមានជ័យ ។
ជនសង្ស័យប្រុសស្រីទាំងនោះមានឈ្មោះ១ .ឈ្មោះ .ខៀវ ប្រុសបុតភេទប្រុស អាយុ១៧ឆ្នាំ មុខរបប មិនពិតប្រកដ ស្នាក់ ផ្ទះជួលម្តុំបឹងរបែក ខណ្ឌចំការមន (ជាអ្នកទិញយកមកលក់បន្ត២.ឈ្មោះ លី លីណា ភេទប្រុស អាយុ១៦ឆ្នាំ មុខ របប មិនពិតប្រកដ ផ្ទះលេខ ៤៣ ភូមិព្រែកថ្មី សង្កាត់ព្រែកបាខណ្ឌ ច្បារអំពៅ ៣.ឈ្មោះ ឡុង លូវិន ភេទទីបី ២៣ឆ្នាំ មុខរបប មិនពិតប្រកដ ស្នាក់នៅកន្លែងឃាត់ខ្លួន ៤.ឈ្មោះ ឆេង ដាវី ភេទស្រី អាយុ២០ ឆ្នាំ មុខរបប ខារ៉ាអូខេ ស្នាក់នៅផ្ទះជួល សង្កាត់ផ្សារដើមថ្កូវខណ្ឌចំការមន ។
៥.ឈ្មោះ រ៉ន ស្រីពៅ ភេទស្រី អាយុ១៦ឆ្នាំ មុខរបបខារ៉អូខេស្នាក់នៅផ្ទះជួលសង្កាត់ផ្សារដើមថ្កូវខណ្ឌចំការមន ៦.ឈ្មោះ គីមរ៉ូសា ភេទស្រីអាយុ១៥ឆ្នាំ ខារ៉ាអូខេ ស្នាក់នៅកន្លែងឃាត់ខ្លួន៧.ឈ្មោះ ចាំង យ៉ាំងតុង ភេទទីបី ជនជាតិវៀតណាម អាយុ២៨ឆ្នាំ មុខជាងអ៊ុតសក់ ស្នាក់នៅមិនពិតប្រាកដ ៨ .ឈ្មោះ គឹម លៀង ភេទស្រី អាយុ១៥ឆ្នាំ មុខរបប មិនពិតប្រកដ ស្នាក់នៅមិនពិតប្រាកដ
៩.ឈ្មោះ ម៉ៅ បញ្ញា ភេទស្រី អាយុ១៩មុខរបប មិនពិតប្រាកដ ស្នាក់នៅមិនពិតប្រកដ១០.ឈ្មោះ ស៊ី ដាកា ភេទប្រុស អាយុ១៧ឆ្នាំ មុខរបប មិនពិតប្រកដ ស្នាក់នៅមិនពិតប្រកដ ១១.ឈ្មោះ ឡុង គាថា ភេទប្រុសអាយុ២៦ឆ្នាំ ស្នាក់នៅមិនពិតប្រកដ ១២.ឈ្មោះ ឃិន ភារម្យ ភេទប្រុស អាយុ៣១ឆ្នាំ មុខរបប មិនពិតប្រកដ ស្នាក់នៅមិនពិតប្រាកដ ។
លោក ម៉េង វិមានតារា អធិការរងទទួលបន្ទុក នគរបាលយុត្តិធម៍ បានអោយដឹងថា មុននិងឈានទៅការ បង្ក្រាប់ជាក់ស្តែង ព្រមទាំងឃាត់ខ្លួន ជនសង្ស័យទាំងនោះ ដោយរូបលោកផ្ទាល់ បានទទួលដំណឹងពី ប្រជាពលរដ្ធ ថាទីតាំងខាងលើ មានក្រុមក្មេងប្រុសស្រី បានពពាក់ ពពួន គ្នាប្រមូលផ្តុំគ្នាចែកចាយ និងប្រើប្រាស់គ្រឿងញៀន លឺដូចនេះរូបលោកក៍បានធ្វើការសើបអង្កេត រហូតដល់មានតំរុយច្បាស់លាស់រួចហើយ រូបគាត់ក៍បានដឹកនាំកម្លាំង​នគបាលនៃអធិការដ្ឋានខណ្ឌ ព្រមទាំងមានការចូលរួម សហការ ជាមួយនិងកម្លាំង ប៉ុស្តិនគបាលបឹងទំពន់ បានធ្វើការ ឆ្មក់ចូល ផ្ទះសំណាក់ ខាងលើ ព្រមទាំងចែកឆែកបន្ទប់ចំនួន៣ ឃាត់ខ្លួនបានមនុស្សប្រុសស្រីចំនួន១២នាក់ បូករួមទាំង នារីភេទទីបីចំនួន២នាក់ ដកហូតថ្នាំប្រភេទក្រាមពណ៌សថ្លា ចំនួន៤កញ្ចប់តូចធំ រួមនិងឧបករណ៍សំរាប់ប្រើប្រាស់គ្រឿងញៀនមួយចំនួននិងម៉ូតូម៉ាកTODAYពណ៌ក្រហមមួយគ្រឿងនាំខ្លួនយកទៅធ្វើការសាកសួរនៅ ប៉ុស្តិ​នគបាល​បឹងទំពុន។
នៅចំពោះមុខសមត្ថកិច្ចជនសង្ស័យទាំងនោះបានសារភាពថា ពួកគេពិតជាបានជួញដូរនិង ប្រើប្រាស់នៅគ្រឿង ញៀន​ទាំងនេះពិតប្រាកដមែនដោយគ្រឿងញៀនទាំងនេះគឺពួគគេបានទិញ នៅម្តុំរោងចក្រគួងហុង ក្នុងសង្កាត់ផ្សារដើមថ្កូវ ខណ្ឌចំការមន ។
ក្រោយពេលកើតហេតុ ជនសង្ស័យព្រមទាំងវត្ថុតាំង ត្រូវបានសមត្ថកិច្ចកសាងសុំនុំរឿងបញ្ជួនខ្លួនៅអធិការដ្ធានខណ្ឌមានជ័យដើម្បីចាត់ការបន្តតាមនិតិវិធីច្បាប់។ចំនែកផ្ទះសំណាក់ខាងលើត្រូវបានសមត្ថកិច្ចបិទទ្វា ជាបណ្តោះអាសន្ន​សិន ។

Sep-129Sep-128Sep-130Sep-131

អ្នកស្រុកប្រទះឃើញសាកសពស្ត្រីម្នាក់នៅចិញ្ចើមផ្លូវ

ខេត្តកោះកុងះអ្នកភូមិស្ទឹងវែងប្រទះឃើញសាកសពស្ត្រីវ័យកណ្តាលម្នាក់ដេកស្លាប់នៅចិញ្ចើមផ្លូវលំនៅចំនុចក្បែររោងចក្រទឹកកកស្ថិតនៅភូមិស្ទឹងវែងសង្កាត់ស្ទឹងវែង ក្រុងខេមរភូមិន្ទខេត្តកោះកុង កាលពីរសៀលថ្ងៃទី១៥ខែ កញ្ញាឆ្នាំ​២០១៧ ដោយមិនដឹងមូលហេតុច្បាស់លាស់ ប៉ុន្តែអ្នកស្រុកអៈអាងថាអាចបណ្តាលមកពីខ្យល់គដួលស្លាប់។

សមត្ថកិច្ចមូលដ្ឋានបានឲ្យដឹងថា ជនរងគ្រោះម្នាក់ឈ្មោះ ហេង ស៊ុន ភេទស្រីអាយុ៣៥ឆ្នាំមុខរបរទីលំនៅមិនពិតប្រាកដមានស្រុកកំណើតនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ។ស្ថានភាពសពជនរងគ្រោះបានដេកស្លាប់លើចញ្ចើមផ្លូវចំនុចខាងលើត្រូវបានប្រជាពលរដ្ធរស់នៅក្បែរនោះប្រទះឃើញក៏រាយការមកសម្ថកិច្ចយើង។បច្ចុប្បនសពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅវត្តព្រែកស្វាយ។

 

Sep-127

កងពលតូចអន្តរាគមន៍លេខ១២៨ប្តេជ្ញាការពារទឹកដីព្រំដែនខេត្តស្ទឹងត្រែង

ខេត្តស្ទឹងត្រែ៖កងពលតូចអន្តរាគមន៍លេខ១២៨ យោធភូមិភាគ១ ប្តេជ្ញាការពារទឹកដី នៃព្ររាជាណាចក្រកម្ពុជា ឲ្យបានគង់វង្ស ដើម្បីសុខសន្តិភាពជូនប្រជាជនកម្ពុជាទូទាំងប្រទេស ជាពិសេសគឺមិនឲ្យខ្មាំងសត្រូវណា មើលងាយឬឈ្លានពានយកទឹកដីរបស់យើងបានឡើយ ។
ក្នុងពិធីចងសម្ពន្ធ័មេត្រីភាពរវាងសាលារាជនីភ្នំពេញជាមួយនឹងកងពលតូចអន្តរាគមន៍ លេខ ១២៨ នៅខេត្តស្ទឹងត្រែង ថ្ងៃទី១៥ កញ្ញា ឆ្នាំ ២០១៧ ឯកឧត្តមឧត្តមសេនីឯក ហួត ឈាង មេបញ្ជាការរងកងទព័ជើងគោក និងជាមេបញ្ជាយោធភូមិភាគទី១ មានប្រសាសន៍ថា៖ ប្រជាពលរដ្ឋកម្ពុជាត្រូវការសន្តិភាពស្ថេរភាពសុវត្តិភាពសង្គម និងការអភិវឌ្ឍដូចនេះការចងសម្ពន្ធ័មេត្រីភាពរវាងស្ថាប័នមួយជាមួយស្ថាបន័មួយ ជាការរឹតចំណងសាមគ្គីភាព ក្នុងការជួយគ្នាទៅវិញទៅមកដើម្បីជាតិមាតុ ភូមិ ។
ឯកឧត្តមមេបញ្ជាការបញ្ជាក់ថា៖ កងយោធពលខេមរភូមិន្ទបានប្តេជ្ញារួចជាស្រេចការបូជាជីវិតដើម្បីបុព្វហេតុជាតិមាតុភូមិ និងប្រជាជនគឺជាកាតព្វកិច្ចរបស់កុលបុត្រ កុលធីតា ប្រជាជនម្នាក់គឺកងទព័ម្នាក់។ឯកឧត្តម ឃួង ស្រេង អភិបាលរាជធានីភ្នំពេញមានប្រសាសន៍គាំទ្រ ចំពោះវិរៈភាពដ៍អង់អាចក្លាហានរបស់កងទព័កម្ពុជាយើង ដែលបានលះបង់អ្វីៗគ្រប់យ៉ាងស្មោះត្រង់ជាមួយរាជរដ្ឋាភិបាលប្តេជ្ញាការពារបូរណៈភាពទឹកដីកម្ពុជាឲ្យបានគង់វង្ស ការពាររាជរដ្ឋាភិបាលដែលប្រសូត្រចេញពីការ បោះឆ្នោតស្របច្បាប់ ។
ឯកឧត្តមអភិបាលរាជធានីភ្នំពេញមានប្រសាសន៍បន្ថែមថា៖ ការសាមគ្គីភាពជាកត្តាបង្កើននូវកំលាំងយ៉ាងរឹងមាំ ប្រកបដោយស្ថេរភាពលើសពីនេះទៀត និងធ្វើឲ្យយើងបំពេញភារកិច្ចការពារបូរណៈភាពទឹកដី និងសហការការពារថែរក្សាសន្កិភាព សន្តិសុខ ស្ថេរភាព សុវត្តិភាពសង្គម ដែលជាឆ្អឹងខ្នងដ៏រឹងមាំលើភារកិច្ចការពារ និងអភិវឌ្ឍន៍ប្រទេសជាតិក្នុងដំណាក់កាលបច្ចុប្បន្ន។
លោកឧត្តមសេនីត្រី មៀច សាមុត មេបញ្ជាការកងពលតូចអន្តរាគមន៍លេខ ១២៨ តំណាងឲ្យនាយទាហាន ពលទាហានទាំងអស់ក្នុងកងពលអន្តរាគមន៍ បានអះអាងថាៈ ក្នុងស្មារតីយកចិត្តទុកដាក់នៃការចងសម្ពន្ធ័មេត្រីភាពរវាងអង្គភាពកងទ័ព ជាមួយស្ថាប័នស៊ីវិលពិត ជាផ្តល់នូវកំលាំងចិត្តប្រកបដោយប្រសិទ្ធភាព បង្កើនបានធនធានមនុស្សក្នុងជួរកងទព័ ពង្រឹងសមត្ថភាពក្នុងការបំពេញកិច្ចការពារទឹកដីរបស់យើង ។
លោកឧត្តមសេនីត្រីបានប្តេជ្ញាថា់អ្វីៗទាំងអស់កងទព័នឹងអនុវត្ត ការពារបូរណៈភាពទឹកដី នៃព្រះរាជាណាចក្រម្ពុជា ឲ្យបានគង់វង្ស ការពារព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាល និងគោរពអនុវត្ត បទបញ្ជាផែនការ របស់ក្រសួងការពារជាតិប្រកបដោយសេចក្តីស្មោះត្រង់ ។
សូមបញ្ជាក់ថាៈ កងពលលេខ ១២៨ ចំណុះយោធភូមិភាគ១កងទ័ពជើងគោគត្រូវបានរាជរដ្ឋាភិបាលបង្កើតឡើង នៅថ្ងៃទី ២២ ខែសីហា ឆ្នាំ២០១៧ កន្លងមក ហើយការចងសម្ពន្ធមេត្រីភាពនេះសាលារាជធានីភ្នំពេញបាននាំនៅអំណោយរបស់រាជរដ្ឋាភិបាលមានម៉ាស៊ីគោយន្តចំនួន១២គ្រឿង ឧបត្ថម្ភនូវគ្រឿងសំណង និងថវិកាជាច្រើនលានរៀល និងផ្តល់ថវិកាដល់នាយទាហាន ពលទាហាន ចំណុះកងពលតូចអន្តរាគមន៍ទាំងអស់ក្នុងម្នាក់ៗ ៥ម៉ឺនរៀលផងដែរ ៕

អភិបាលខេត្តព្រះវិហារ សួរសុខទុក្ខមន្រ្តីសាលាខេត្ត អ្នកជម្ងឺ កុមារកំព្រា និងជនពិការ ក្នុងឱកាសបុណ្យភ្ជុំបិណ្ឌ

ខេត្តព្រះវិហារ៖ឯកឧត្តម អ៊ុន ចាន់ដា អភិបាលខេត្តព្រះវិហារ និងឯកឧត្តម ឡុង សុវណ្ណ ប្រធានក្រុមប្រឹក្សា ខេត្តព្រះវិហារ បាននាំអំណោយជាសម្ភារៈ និងថវិកា សួរសុខទុក្ខមន្រ្តីសាលាខេត្តព្រះវិហារ អ្នកជម្ងឺ ដែលសម្រាកព្យាបាលនៅមន្ទីរពេទ្យបង្អែក១៦មករា មណ្ឌលកុមារកំព្រា និងមណ្ឌលតម្បាញសូត្រជន ពិការកម្ពុជាខេត្តព្រះវិហារ នាឱកាសបុណ្យភ្ជុំបិណ្ឌប្រពៃណីជាតិខ្មែរ ។
នាឱកាសនោះឯកឧត្តម អ៊ុន ចាន់ដា អភិបាលខេត្តព្រះវិហារ មានប្រសាសន៍ថា ការផ្តល់ជូននូវ អំណោយមួយចំនួនដល់មន្រ្តីសាលាខេត្តនេះ មានកម្រិតក្តីតែជាទឹកចិត្តរបស់ថ្នាក់ដឹកនាំ នាឱកាស បុណ្យប្រពៃណីជាតិម្តងៗ ក្រៅពីនេះទៀតរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក៏តែងតែឧបត្ថម្ភបន្ថែមលើប្រាក់បៀវត្សមន្រ្តីរាជការរៀងរាល់បុណ្យទានធំ ជាប្រចាំ ដើម្បីលើកទឹកចិត្តដល់មន្រ្តីទាំងអស់ ត្រូវខិតខំបំពេញការងាររបស់ខ្លួនបន្ថែមទៀត ។
ឯកឧត្តមបានបន្តទៀតថា ទោះបីជាយ៉ាងណាក៏ដោយ មន្រ្តីរាជការទាំងអស់ ត្រូវតែប្រឹងប្រែង និងយកចិត្តទុកដាក់លើភារកិច្ចរបស់ខ្លួនដែលប្រមុខរដ្ឋាភិបាលប្រគល់ជូន ជាពិសេសការផ្តល់នូវសេវា សាធារណៈជូនដល់ប្រជាពលរដ្ឋ ឲ្យមានប្រសិទ្ធភាព ។
ដោយឡែក នាឱកាសនោះដែរ ក្នុងដំណើរចុះជួបជនពិការ ស្រ្តីម៉េមាយ ក្នុងមជ្ឈមណ្ឌល តម្បាញសូត្រកម្ពុជាខេត្តព្រះវិហារ ឯកឧត្តម អភិបាលខេត្តក៏បានលើកទឹកចិត្ត និងជម្រុញឲ្យជនពិការ ប្រុសស្រី ទាំងអស់ដែលកំពុងបម្រើការនៅក្នុងមជ្ឈមណ្ឌលតម្បាញសូត្រជនពិការខេត្តព្រះវិហារ ត្រូវតែ ខិតខំ ផលិតនូវ ក្រមាសូត្រ ឲ្យបានកាន់តែច្រើនឡើងដើម្បីបានប្រាក់ចំណូលកាន់តែខ្ពស់បន្ថែមទៀត លើប្រាក់ ចំណូលសព្វថ្ងៃ ចៀសវាងការធ្វើចំណាកស្រុកទៅធ្វើការក្រៅប្រទេស ព្រោះបច្ចុប្បន្ននេះ ផលិតផលក្រមាសូត្រ ដែលជាស្នាដៃជនពិការ កំពុង ទទួលការគាំទ្រ ខ្លាំងនៅលើទីផ្សារអន្តរជាតិ ដែលមជ្ឈមណ្ឌលនេះបាននាំទៅលក់តាមទីផ្សារបណ្តាប្រទេស មួយចំនួន និង មានតម្លៃខ្ពស់ផងដែរ ។
សូមបញ្ជាក់ថា អំណោយដែលចែកជូនដល់មន្រ្តីសាលាខេត្តព្រះវិហារ អ្នកជម្ងឺសម្រាកព្យាបាល នៅមន្ទីរពទ្យបង្អែក១៦មករា ក្រុងព្រះវិហារ កុមារកំព្រា និងជនពិការ ជាអំណោយរបស់សម្តេចតេជោ ហ៊ុន សែន នាយករដ្ឋមន្រ្តី និងអំណោយរបស់កាកបាទក្រហមកម្ពុជា តាមរយៈរដ្ឋបាលខេត្តព្រះវិហារ ៕

 

សាលាឧទ្ទរណ៍នឹងបើកការដេញដោលសំណុំរឿងលោកកឹមសុខាថ្ងៃទី២៦កញ្ញា

ភ្នំពេញ៖សាលាឧទ្ទរណ៍បានចេញដីកាកោះមេធាវីសំ សុគង់ជាមេធាវីការពារលោកកឹម សុខាដើម្បីចូលរួមការដេញ​ដោលលើកបទចោទប្រកាន់សន្និដ្ឋិភាពជាមួយបរទេសនៅថ្ងៃទី២៦ខែកញ្ញាឆ្នាំ២០១៧ខាងមុខ។លោកកឹមសុខាត្រូវបានឃុំខ្លួននៅពន្ធនាគារត្រពាំងផ្លុងក្នុងខេត្តត្បូងឃ្មុំ។Sep-082AU-17

សមាគមន៍ដាំបន្លែគ្មានជាតិគីមីកំពុងបង្កើននៃការដាំដុះបន្ថែមដើម្បីតម្រូវទីផ្សារ

ខេត្តកំពង់ស្ពឺ៖សហគមន៍អភិវឌ្ឍន៍កសិកម្មបន្លែចំរុះជាយក្រុងកំពង់ស្ពឺ បន្ថែមសមាជិកដែលជាប្រជាកសិករដាំបន្លែគ្មានជាតិគីមី និងពង្រីកផ្ទៃដីបន្ថែម សំរាប់ដាំដុះដើម្បីផ្គត់ផ្គង់ទីផ្សារទាំង៨ដែលបានកុងត្រា ជាមួយមួយសមាគមន៍ សំរាប់នាំចេញបន្លែគ្មានជាតិគីមី។
លោកស្រីយូរលន់ប្រធានសហគមន៍បន្លែចំរុះជាក្រុងកំពង់ស្ពឺបានឱ្យដឹងថា៖ប្រជាកសិករនៅក្នុងសហគមន៍ចំនួន​៨៥គ្រួសារដែលមានមុខរបរដាំបន្លែគ្មានជាតិគីមីនៅក្នុងសហគមន៍បច្ចុប្បន្នកំពុងមមាញឹកនៃការដាំដុះបន្លែគ្មានជាតិគីមី ដើម្បី​ផ្គតផ្គងទីផ្សារចំនួន៨ដែលបានចុះកុងត្រាជាមួយសមាគន៍យកបន្លែគ្មានជាតិគីមីទៅលក់នៅទីផ្សារទំនើមនៅក្នុងរាជ​ធានីភ្នំពេញដែលមានក្រុមហ៊ុនចំនួន៨ គឺក្រុមហ៊ុនទាំង៨នោះបានទិញបន្លែពីសមាគន៍ក្នុង១សប្តាហ៍៣ដងថ្ងៃច័ន្ទ ថ្ងៃពុធនិងថ្ងៃសុក្រហើយបន្លែរបស់គាត់លក់ក្នុង១ថ្ងៃបានចំនួន៣០០គីឡូទៅ៣៥០គីឡូបន្លែមានតម្លៃតាមប្រភេទបន្លែស្លឹកក្នុង​១គីឡូតម្លៃ៥០​០០​រៀល បន្លែផ្លែ១គីឡូ៦០០០រៀលទៅ៨០០០រៀល។លោកស្រីបានបន្តទៀតថា៖បច្ចុប្បន្ននេះសហ​គមន៍បានពង្រីកផ្ទៃដីបន្ថែមនៅទីតាំងស្រុកភ្នំស្រួចមួយកន្លែងទៀតដែលមានទំហំប្រមាណជិត១០ហិត្តានិងបង្កើតសមាជិកដាំដុះបន្លែគ្មានជាតិគីមីបន្ថែមទៀតដើម្បីតម្រូវទីផ្សាឱ្យបានគ្រប់ចំនួនដែលបានមកកុងត្រាជាមួយសហគមន៍។

លោកស្រីយូ លន់បានបន្ដថា៖បន្លែដែលប្រជាកសិករដាំដុះនៅក្នុងសហគមន៍មានចំនួន១៣ប្រភេទបន្លែស្លឹក៨ប្រភេទបន្លែផ្លែ៥ប្រភេទ។ប្រជាកសិកដែលនៅក្នុងសមាគមន៍មានចំនួន៨៥គ្រួសារ នៅក្នុងឃុំចំនួន១១ឃុំនិង៣ក្រុង ស្រុក គឺស្រុកសំរោងទង ស្រុកភ្នំស្រួចនិងក្រុងច្បារមន៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2