vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

ពូជពោតចំនួន៤តោន ស្រូវពូជ១៥០០គីឡូក្រាម និងគោយន្តចំនួន១២គ្រឿងចែកដល់កសិករ

ខេត្តប៉ៃលិន៖ពូជពោតចំនួន៤តោន ស្រូវពូជ១៥០០គីឡូក្រាម គោយន្តចំនួន១២គ្រឿងដែលជាអំណោយរបស់រាជរដ្ឋាភិបាល ត្រូវបានអាជ្ញាធរខេត្តប៉ៃលិនចែកជូនប្រជាពលរដ្ឋចំនួន៤០គ្រួសារ និងសហគមអភិវឌ្ឍន៍កសិកម្មចំនួន១២។

ថ្ងៃទី១៥ ខែសីហា ឆ្នាំ២០១៧ ឯកឧត្តម ធូ ភា អភិបាលរងខេត្តប៉ៃលិន បានអញ្ជើញចែកស្រូវពូជចំនួន ១៥០០គីឡូក្រាម ពូជន៍ពោតក្រហម ចំនួន៤តោន និងគោយន្តចំនួន ១២គ្រឿង ដល់កសិករ ចំនួន ៤០គ្រួសារ និងសហគមអភិវឌ្ឍន៍កសិកម្មចំនួន ១២ ក្នុងខេត្តប៉ៃលិន ដែលជាអំណោយរបស់រាជរដ្ឋាភិបាល កម្ពុជា សំរាប់ជួយដល់ប្រជាពលរដ្ឋរងគ្រោះ ដោយសារភាពរាងស្ងួត។
ឯកឧត្តម ធូ ភា អភិបាលរងខេត្តប៉ៃលិន បានមានប្រសាសន៍លើកឡើងថា៖ បច្ចុប្បន្ននេះអាកាសធាតុទូទាំងពិភពលោក មានការប្រែប្រួល និងបានបង្កអោយប៉ះពាល់ដល់ការងារកសិកម្មយ៉ាងធ្ងន់ធ្ងរ ជាក់ស្តែងនៅខេត្តប៉ៃលិនប៉ុន្មានឆ្នាំចុងក្រោយនេះ អាកាសធាតុមានការប្រែប្រួលខ្លាំង ដូចជាអកាសធាតុក្តៅខ្លាំង ភ្លៀងធ្លាក់មានចំនួនតិច ដែលបញ្ហានេះ បានធ្វើអោយផលដំណាំរបស់បងប្អូនប្រជាពលរដ្ឋទទួលរងការខូចខាត ។ដូច្នេះបងប្អូនប្រជាពលរដ្ឋយើងត្រូវតែចេះសំរបខ្លួនទៅនឹងធម្មជាតិ និងត្រូវដាំដំណាំណាដែលត្រូវការទឹកតិច ឬប្រើប្រាស់ពូជណាដែលធននឹងភាពរាំងស្ងួត ឬពូជណាដែលធន់នឹងភាពជាំទឹក អាស្រ័យទៅនឹងស្ថានភាពដីរបស់ខ្លួន។

ឯកឧត្តមក៍បានណែនាំដល់ប្រជាកសិករយើងទាំងអស់ត្រូវចងក្រងគ្នាជាសហគមន៍កសិកម្ម និងរួមគ្នាដាំដំណាំអ្វីមួយដែលជាតំរូវការរបស់ក្រុមហ៊ុន ដើម្បីលក់អោយក្រុមហ៊ុននោះ ធ្វើដូចនេះយើងក៍មានលទ្ធភាពចចារតំលៃជាមួយក្រុមហ៊ុនដែលធានានបាននូវតំលៃមួយសមរម្យ ដែលប្រជាពលរដ្ឋយើងអាចទទួលយកបាន ហើយយើងក៍មាននិរន្តរភាពលើទីផ្សារ លក់កសិផលរបស់យើងផងដែរ។
បើតាមការបញ្ជាក់របស់លោក សាយ សុផាត ប្រធានមន្ទីរកសិកម្មខេត្តប៉ៃលិនបានឱ្យដឹងថា៖ នៅខេត្តប៉ៃលិន ឆ្នាំ២០១៧នេះ គ្រោះរាំងស្ងួតបានធ្វើឱ្យខូចខាតដល់ដំណាំពោតរបស់ប្រជាកសិករចំនួន ៣៤២ហិចតា និងស្រូវចំនួន ៥៩ហិចតា ហើយការផ្តល់ពូជន៍ពោតក្រហម ពូជន៍ស្រូវ និងគ្រឿងយន្ត ជូនដល់ប្រជាពលរដ្ឋ និងសហគមន៍អភិវឌ្ឍន៍កសិកម្មនាពេលនេះ គឺជាគំរោងរបស់រាជរដ្ឋាភិបាលកម្ពុជា សំរាប់ជួយដល់ប្រជាពលរដ្ឋ រងគ្រោះ ដោយភាពរាងស្ងួតនាពេលកន្លងមក។

បើទោះបីជាការចែកជូននាពេលនេះ គឺមានចំនួនតិចតួច មិនគ្រប់គ្រាន់តាមតំរូវការដាំដុះរបស់ប្រជាពលរដ្ឋយើងទេ ព្រោះមានប្រជាពលរដ្ឋច្រើនណាស់ដែលរងគ្រោះដោយភាពរាំងស្ងួត តែទោះជាយ៉ាងណាក៍ដោយគ្រាប់ពូជន៍ទាំងនេះ ក៍អាចជួយសំរួលការលំបាក របស់ប្រជាពលរដ្ឋ យើងបានខ្លះៗផងដែរ៕

 

អភូតហេតុកម្លែកកូនក្របីជើងប្រាំបីកន្ទុយពីរ ត្រចៀកបួន

ខេត្តព្រះសីហនុ៖ភាពចម្លែកកម្របានឃើញត្រូវបានកើតមានឡើងនៅក្នុងស្រុកព្រៃនប់ខេត្តព្រះសីហនុបង្ករអោយមានការភ្ញាក់ផ្អើលដល់ប្រជាពលរដ្ឋក្នុងស្រុកនិងក្រៅស្រុកនឹងស្ទើទូរទាំងប្រទេសដោយ​សារ​តែកូនក្របីមួយក្បាលមានជើងប្រាំបីកន្ទុយពីរ ត្រចៀកបួនខុសប្លែកពីក្របីធម្មតា​មាន​ជើងបួន។
ជុំវិញការបាតុភូតចម្លែកនេះត្រូវបានលោកហ៊ូយ៉ៃនាយប៉ុស្តិ៏រដ្ឋបាលសង្កាត់អូជ្រៅបានអោយដឹងថាកូនក្របីចម្លែកនេះមានម្ចាស់ឈ្មោះសើលីភេទស្រីអាយុ៥១ឆ្នាំមានទីលំ​នៅ​ភូមិបឹងតាព្រហ្មឃុំបឹងតាព្រហ្មស្រុកព្រៃនប់ខេត្តព្រះសីហនុបានទិញ​មកម្ចាស់​មួយ​ទៀត​នៅភូមិសារាយឃុំតានៃស្រុកព្រៃនប់កាលពីថ្ងៃទី១៤សីហារឆ្នាំ២០១៧ដោយក្របីនេះ​ផើម​ហើយកូនពុំចេញទើបម្ចាស់ដែលនៅភូមិសារាយនោះលក់មកអោយឈ្មោះសើលីជាកុង​ស៊ីកាប់​គោក្របីនៅ​ភូមិបឹងតា​ព្រហ្មឃុំបឹង​តាព្រ​ហ្ម។រហូតព្រឹកទៀបភ្លឺថ្ងៃទី១៥ខែឆ្នាំដ៏ដែលឈ្មោះ​សើលីបានកាប់មេក្របីជាទើបប្រទះឃើញ​កូនក្របីចម្លែកតែម្តងបង្ករការភ្ញាក់ផ្អើល​ដល់​​ប្រ​ជា​ពលរដ្ឋជិខាងនិងល្បីសុះសាយនៅទូទាំង​ប្រទេស។
យោងតាមប្រភពពីម្ចាស់ក្របីឈ្មោះសើលីនេះបានអោយដឹងថាគាត់មានភាពភ្ញាក់​ផ្អើល​យ៉ាងខ្លាំងនៅពេលបានឃើញកូនក្របីចម្លែកដែលស្ទើមួយជិវិតអាយុជាង៥០​ឆ្នាំហើយ​ពុំ​ដែលបានឃើញទាល់តែសោះ ប៉ុន្តែកូនក្របីនេះវាបានស្លាប់មុនពេលរូបគាត់កាប់​មេទៅ​ហើយ​។
ដោយជុំវិញអភូទ្ទហេតុចម្លែកនេះត្រូវបានក្រុមប្រជាពលរដ្ឋដែលកាន់លើអបីជំនឿ​បាន​និយាយ​តៗគ្នាថាថ្វីត្បិតតែកូនក្របីចម្លែកជើងប្រាំបីកន្ទុយពីរ ត្រចៀកបួននេះបាន​ងាប់​ក្តីប៉ុន្តែវាបានបង្ហាញថាស្រុកទេសយើងនឹងទទួលបានសុខសន្តិភាពបើទោះបីជាមានមនុស្ស​ចំនួនដើរបំពុលសង្គមយ៉ាងណាក្តីព្រោះកូនក្របី​ជើងប្រាំបីកន្ទុយពីរ ត្រចៀកបួនដំណាង​ភាព​អច្ឆរិយៈក្នុងសង្គម៕

 

អាជ្ញាធរាជធានី ជំរុញឲ្យ ម្ចាស់អាជីវកម្មប្រេងឥន្ធនៈនិងឧស្មន័ត្រូវមានច្បាប់ត្រឹមត្រូវ

ភ្នំពេញ៖ អាជ្ញាធរាជធានីភ្នំពេញបានប្រកាសជំរុញឲ្យម្ចាស់អាជីវកម្មប្រេងឥន្ធនៈ និងឧស្មន័​នៅរាជធានី ត្រូវ​មកសុំ​ច្បាប់ឲ្យបានត្រឹមត្រូវពីអាជ្ញាធរនិងអង្គភាពជំនាញមុននឹងបើកអាជីវកម្ម ដើម្បីបញ្ជៀស ហានីភយ័នៅពេលកើត​មាន​ឡើង​ជាយ​ថាហេតុ។ 

លោកអៀន អូននីអភិបាលរងរាជធានីភ្នំពេញបាន ចុះបិទអាជីវកម្មស្ថានប្រេង​ឥន្ទនៈ​មួយ​កន្លែងស្ថិតក្នុងខណ្ឌសែនសុខរាជធានីភ្នំពេញនៅព្រឹកថ្ងៃទី១៥ ខែសីហានេះ ដែលគ្មាន​ច្បាប់អនុញ្ញាតិ និងសង់ខុសលក្ខណៈបច្ចេកទេសដែលងាយប្រឈមបង្ករគ្រោះថ្នាក់ប៉ះពាល់​ដល់សន្តិសុខសុវត្ថិភាពប្រជាពលរដ្ឋ។លោក.បញ្ជាក់ថា អាជីវកម្មលក់ប្រេងហ្គាសដែល​គ្មាន​ច្បាប់ត្រឹមត្រូវពីអាជ្ញាធរបានក្លាយជា​កក្តាហានិភ័យមួយបង្កឲ្យមានការភ័យព្រួយពីប្រជាពល​រដ្ឋ។ ការពង្រឹងវិធានការណ៍គ្រប់គ្រងស្ថានីយន៍ប្រេងឥន្ទនៈ និងឧស្មន័ផ្សេងៗនេះដោយសារ
តាមការសង្កេតការដាក់លក់ប្រេងឥន្ទនៈបច្ចុប្បន្នមានលក្ខណៈរាយប៉ាយបែបអាណាធិបតេយ្យនិង មានកន្លែងខ្លះទៀតលួចស្តុកប្រេងឥន្ទនៈជាច្រើនពាន់លីត្រនៅក្នុងផ្ទះល្វែង ឬ ស្ថានីយប្រេងឥន្ទនៈខ្លះទៀតពុំមានបទដ្ឋានបច្ចេកទេសត្រឹមត្រូវដែលអាជ្ញាធរមានការព្រួយបារម្ភជា​ខ្លាំង​អំពីសុវត្ថិភាព ស្របពេលដែលប៉ុន្មានខែចុងក្រោយនេះ មានករណីផ្ទុះហ្គាស និងឆេះស្ថានីយសំាងដែលបង្កជាអគ្គីភ័យឆាបឆេះនិងបណ្តាលឲ្យមនុស្សរបួសស្លាប់ជាច្រើននាក់ផងដែរ។ លោក ងី ប៊ុនលី ប្រធានមន្ទីររ៉ែ និងថាមពលរាជធានីភ្នំពេញបានណែនាំឲ្យរាល់​ម្ចាស់អាជីវកម្មប្រេងឥន្ទនៈទំាងអស់នៅរាជធានីភ្នំពេញត្រូវ សុំច្បាប់អាជីវកម្មឲ្យបាន​ត្រឹមត្រូវ។

តាមរបាយការណ៍នៅរាជធានីភ្នំពេញមានស្ថានីយប្រេងឥន្ទនៈប្រមាណជិតជាង៥៧០កន្លែង ក្នុងនោះមានតែជាង១០កន្លែងប៉ុណ្ណោះ ដែលមានច្បាប់ទំលាប់ និងស្របតាមបទដ្ឋានបច្ចេក ទេសស្តង់ដាតាមការកំណត់របស់ក្រសួង។
សូមបញ្ជាក់ថា កាលពីមុនឆ្នាំ២០១៤កន្លងទៅនេះការសុំច្បាប់បើកស្ថានីយប្រេងឥន្ទនៈត្រូវធ្វើ ឡើងនៅក្រសួងពាណិជ្ជកម្ម ប៉ុន្តែពុំបានគិតគូរនិងសិក្សាឲ្យបានស៊ីជម្រៅពីបច្ចេកទេសនៃការ បើកស្ថានីយប្រេងឥន្ទនៈឡើយ។ ដោយឡែកក្រោយឆ្នាំ២០១៤ទៅការសុំច្បាប់បើកទីតំាង ស្ថានីយប្រេងឥន្ទនៈត្រូវសុំអាជ្ញាធរមូលដ្ឋាននិងក្រសួងរ៉ែនិងថាមពល ដើម្បីអនុលោមតាម ស្តង់ដារបច្ចេកទេសដែលមិនបង្កហានិភ័យដល់អ្នករស់នៅក្បែរខាង។
យោងតាមសារាចររបស់ក្រសួងរ៉ែនិងថាមពលស្តីពីសុវត្ថិភាពសម្រាប់ការរៀបចំស្ថានីយប្រេង ឥន្ទនៈកាលពីខែឧសភាថ្មីៗនេះ បានជំរុញឲ្យអាជ្ញាធររាជធានីខេត្តទំាងអស់ ចុះពិនិត្យទប់ ស្កាត់ និងវាយតម្លៃលក្ខណៈបច្ចេកទេសក្នុងការគ្រប់គ្រងប្រេងឥន្ទនៈឲ្យស្របតាមស្តង់ដារ បច្ចេកទេស ដើម្បីកាត់បន្ថយ ទប់ស្កាត់នូវឧបទ្ទវហេតុផ្ទុះ និងការឆាប់ឆេះនានាដែលកើតឡើង ជាយថាហេតុពីប្រេងនិងឧស្មន័ឥន្ទនៈ៕

សំណុំរឿងប្លន់បាញ់សម្លាប់តុលាការនឹងប្រកាសសាលក្រមនៅថ្ងៃទី១៨សីហា

ភ្នំពេញ៖សាលាដំបូងរាជធានីភ្នំពេញកាលពីព្រឹកថ្ងៃទី ១៥សីហាឆ្នាំ២០១៧បានបើកសវនាការលើសំណុំរឿងប្លន់យកទ្រព្យដោយបាញ់សម្លាប់ជនរងគ្រោះនៅក្បែរផ្សារសុវណ្ណាកាលពីដើមឆ្នាំ២០១៧កន្លងទៅ។ដំបូងឡើយតុលាការបាន​ចោទប្រកាន់ក្រុមជនដៃដល់ពីបទលួចមានស្ថានទំងន់ទោសដោយសារមរណភាពនៃជនរងគ្រោះ ការមិនរាងចាលក្នុងការប្រព្រឹត្តបទឧក្រិដ្ឋ និងបទការដឹកជញ្ជូនអាវុធខុសច្បាប់។

ក្នុងសវនាការជនដៃដល់ អ៊ុំ សួស្ដី ហៅអាក្បាលធំ ហៅពៅ អាយុ៣៣ឆ្នាំ ជាជនដៃដល់បាញ់សម្លាប់ជនរងគ្រោះនេះ បានសារភាពថាខ្លួនពិតជាធ្វើសកម្មភាពបាញ់ជនរងគ្រោះចំនួន៤គ្រាប់បណ្ដាលឲ្យស្លាប់ក្នុងរថយន្ត ពេលអ្នកបើករថយន្តនោះបុកបក្សពួករបស់គេនៅកន្លែងកើតហេតុ ។ចំណែកបក្សពួកគេម្នាក់ទៀតឈ្មោះ ចាន់ តារារិទ្ធ ហៅចាន់ សុវណ្ណ ហៅប៉ែត បានសារភាពថានៅយប់ថ្ងៃកើតហេតុទី២១មករាឆ្នាំ២០១៧ ពួកគេមានគ្នា៣នាក់ជិះម៉ូតូ២គ្រឿងពិត​ជាបានប្លន់យកទូរស័ព្ទ ខ្សែដៃនិងកាបូបរបស់ជនរងគ្រោះមែន ហើយក្នុងពេលនោះបងប្អូនជនរងគ្រោះបានបើករថយន្តបំបុកខ្លួនគេដែលចូលទៅប្រតាយយកទូរស័ព្ទក៏ត្រូវឈ្មោះ អ៊ុំ សួស្ដី បាញ់តែម្ដងទៅ។

ក្នុងរឿងក្ដីនេះ លោកចាន់ ណារ៉ា ជាឪពុកជនរងគ្រោះឈ្មោះចាន់ សុជា បានប្ដឹងអោយតុលាការផ្ដន្ទាទោសក្រុមជនដៃដល់ដាក់ពន្ធនាគារអស់មួយជីវិត ដោយមិនទាមទាសំណងសូម្បីតែមួយសេន ចំណែកឈ្មោះ នេត សុធារ័ត្ន ជាគូរដណ្ដឹងជនរងគ្រោះបានប្ដឹងអោយតុលាការផ្ដន្ទាទោសក្រុមជនដៃដល់ដាក់ពន្ធនាគារអស់មួយជីវិត នឹងជំងឺចិត្ត២​ម៉ឺន​ដុល្លារ។មិនត្រឹមតែរឿងក្ដីប្លន់សម្លាប់នេះទេ .

ក្នុងសវនាការជនដៃដល់បានសារភាពពីអំពើប្លន់ចំនួន៤លើកទៀតដូចជា ទី១.នៅចំណុចផ្សារអូឡាំពិកសង្កាត់ អូឡាំ ពិក ខណ្ឌចំការមនកាលពីខែមករា ឆ្នាំ២០១៦ ដោយប្លន់បានម៉ូតូ១គ្រឿង ទី២.ខែធ្នូ ឆ្នាំ២០១៦ ប្លន់នៅបឹងត្របែក តែមិនបានសម្រេច ទី៣.ថ្ងៃទី៤ខែមករាឆ្នាំ២០១៧ ប្លន់នៅទួលទំពូង ខណ្ឌចំការមន និងលើកទី៤. នៅជិតផ្សារសុវណ្ណានេះតែម្ដង។

ដោយស្ដែងនូវអំពើល្មើសឧក្រិដ្ឋមិនរាងចាលនេះ លោម ខាំ សុផារី តំណាងអយ្យការអមបានស្នើដូរបទចោទពីបទលួចមានស្ថានទំងន់ទោសដោយមរណៈភាពនៃជនរងគ្រោះ មកជាបទឃាតកម្មដោយចេតនាគិតទុកជាមុនតាមមាត្រា ២០០នៃក្រមព្រហ្មទ័ណ្ឌវិញ និងរក្សាទុកបទចោទការមិរាងចាលក្នុងការប្រព្រឹត្តបទឧកនរិដ្ឋ និងការដឹកជញ្ជួនអាវុធខុសច្បាប់។ក្រុមប្រឹក្សាជំនុំជំរះបានកំណត់យកថ្ងៃទី១៨សីហាឆ្នាំ២០១៧ខាងមុខដើម្បីប្រកាសសាលក្រម ។សូមបញ្ជាក់អំពើឃាតកម្មបាញ់សម្លាប់នេះបានកើតឡើងកាលពីវេលាម៉ោង២៣យប់ថ្ងៃទី២១ ខែមករា ឆ្នាំ២០១៧ ស្ថិតនៅផ្លូវ លេខ២០៧ នៅផ្ទះលេខ១៤B ក្បែរផ្សារសុវណ្ណា ក្នុងសង្កាត់ទំនប់ទឹក ខណ្ឌចំការមន ។

AD-94AD-93

រាជរដ្ឋាភិបាលសម្រេចធ្វើអន្តរាគមន៍រយៈពេលខ្លី ដើម្បីរក្សាស្ថិរភាពថ្លៃស្រូវ និងគាំពារ​ជីវភាព​​កសិករ

ភ្នំពេញ៖ ក្រសួងសេដ្ឋកិច្ច និងហរិញ្ញវត្ថុ ក្នុងនាមរាជរដ្ឋាភិបាលកម្ពុជា បានប្រកាស​​ធ្វើ​អន្តរាគមន៍រយៈពេលខ្លី ដើម្បីរក្សាស្ថិរភាពថ្លៃស្រូវ និងគាំពារជីវភាពកសិករ តាមរយៈស្វែងរកដំណោះស្រាយ។
ក្នុងសេចក្តីប្រកាសព័ត៌មានស្តីពីក្នុងសិក្ខាសាលាផ្សព្វផ្សាយអំពីយន្តការអន្តរាគមន៍របស់រាជរដ្ឋាភិបាលនៅក្នុងកាប្រមូលទិញ​ស្រូវ កាលពីថ្ងៃទី១៤ សីហាម្សិលមិញនេះ ក្រសួង បាន​បញ្ជាក់​ថា ដើម្បីដោះស្រាយបញ្ហារក្សាស្ថិរភាពថ្លៃស្រូវនេះ គឺក្រសួងនឹង​បង្កើន​ការវិនិយោគ​ដល់ ៣០ លានដុល្លារ លើមជ្ឈមណ្ឌលប្រមូលទិញស្រូវពីកសិករ និងបង្កើនឥណទាន ៥០ លានដុល្លារ សម្រាប់ប្រមូលទិញស្រូវ ក្នុងអត្រាការប្រាក់ ៥% ហើយនីតិវិធីផ្តល់ឥណទាន​តែ ២ ថ្ងៃ។
បើតាមឯកឧត្តម វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា យន្តការអន្តរាគមន៍របស់រាជរដ្ឋាភិបាលនៅក្នុងប្រមូលទិញស្រូវ​នេះ ត្រូវបានសម្រេចដាក់​ចេញដោយសម្តេចតេជោ ហ៊ុន សែន នាយករដ្ឋមន្រ្តីកម្ពុជា ដោយផ្អែកលើលទ្ធផលនៃការ​សិក្សា​ស្រាវជ្រាវរបស់ក្រុមការងារ នៃគណៈកម្មាធិការគោលនយោបាយសេដ្ឋកិច្ច និង​ហិរញ្ញវត្ថុ។
ជុំវិញបញ្ហានេះដែរ លោក សុង សារ៉ាន អគ្គនាយកក្រុមហ៊ុននាំចេញអង្ករអេមរុ រ៉ាយ៍ បានប្រាប់ទូរទស្សន៍រស្មីហង្សមាសនៅរសៀលថ្ងៃទី១៥ សីហានេះ ដោយចាត់ទុកថា នេះគឺជាវិធីសាស្រ្តដ៏ល្អក្នុងការជួយរក្សាស្ថេរភាពតម្លៃស្រូវរបស់កម្ពុជា។ តែទោះបីយ៉ាងណា ក៏ក្នុងនាមវិស័យ​ឯកជនលោកនឹងបន្តតាមដានថាតើអ្វីដែលគោល​នយោបាយ​ថ្មីរបស់​រាជរដ្ឋា​ភិបាលដែលបាដាក់ចេញនេះមានប្រសិទ្ធិភាពប៉ុនណា។
លោក បញ្ជាក់ថា ទន្ទឹមនឹងការដាក់ចេញនូវវិធានការបែបនេះ លោកចង់ឲ្យរដ្ឋាភិបាល​បង្កើ​តនូវកិច្ចសហប្រតិបត្តិថ្នាក់រដ្ឋាភិបាល និងរដ្ឋាភិបាល ជាពិសេសទីផ្សាររបស់ប្រទេសចិន ដែលអាចជួយកម្ពុជាបាននោះ។
គួរបញ្ជក់ថា គោលនយោបាយស្តីពីការជំរុញផលិតកម្មស្រូវ និងការនាំចេញអង្ករ ដែល​ត្រូវបានដាក់ចេញនៅក្នុងឆ្នាំ២០១០ កន្លងទៅ បានកំណត់នូវគោលដៅសំខាន់ៗ ចំនួន ០៣ គឺ ១.បង្កើនផលិតផលស្រូវលើសពីសេចក្តីត្រូវការឱ្យដល់ ៤ លានតោន, ២.ជំរុញការនាំចេញអង្ករឱ្យបានយ៉ាងតិច ១ លានតោន និង និង៣.ធ្វើឱ្យអង្ករកម្ពុជាត្រូវបានទទួលស្គាល់ជាអន្តរជាតិ នៅឆ្នាំ២០១៥៕

រដ្ឋមន្ត្រីក្រសួងទេសចរណ៍ ប្រកាសរៀបចំពិធីបុណ្យទន្លេ​​នៅឆ្នាំ២០១៨​ខាងមុខនេះ

ភ្នំពេញ៖ រដ្ឋមន្ត្រីក្រសួងទេសចរណ៍ ណែនាំឲ្យមន្ទីរទេសចរណ៍ខេត្តកណ្តាលត្រៀមលក្ខណៈ​​ដើម្បីរៀបចំពិធីបុណ្យទន្លេ​​នៅ​​ឆ្នាំ២០១៨​​ខាង​មុខនេះ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិកាន់តែច្រើន។

ក្នុងពិធីប្រកាសចូលកាន់មុខដំណែង ប្រធានថ្មីមន្ទីរទេសចរណ៍ខេត្តកណ្តាលព្រឹកថ្ងៃទី ១៥ ខែសីហា នេះ​​នៅ​​សាលា​​ខេត្ត​​កណ្តាល ឯកឧត្តម ថោង ខុន រដ្ឋមន្រ្តីក្រសួងទេសចរណ៍បានប្រសាសន៍ ណែនាំឲ្យរដ្ឋបាលខេត្ត​ មន្ទីរទេសចរណ៍ខេត្ត និង​​មន្ទីរ​​អង្គភាពជុំវិញខេត្ត ត្រូវខិតខំរៀបចំទីក្រុង ទីប្រជុំជន​ក្នុងខេត្ត​ឲ្យមាន​អនាម័យ សណ្ដាប់ធ្នាប់ល្អ សម្អាតទីក្រុ​​ងរួមទាំង​​ពង្រឹងគុណ​ភាព​សេវា​​កម្មទេសចរណ៍ និងបដិសណ្ឋារ កិច្ច ទាំងផ្នែកស្នាក់នៅ ម្ហូបអាហារ ដឹកជញ្ជូន ជាដើម​សម្រាប់​​រៀប​​ចំបុណ្យ​​ទន្លេសដែលខេត្តកណ្តាលធ្វើជាម្ចាស់ផ្ទះនាដើមខែមីនា​ខាងមុខនេះ។

ជាមួយគ្នានេះ ត្រូវរៀបចំបង្កើតអោយមានជាព្រឹត្តិការណ៍ទេសចរណ៍ វប្បធម៌ និងកីឡាឲ្យបានច្រើនសម្រាប់ខេត្ត ដែលមាន​​ភាពទាក់​​​ទាញសម្រាប់ទេសចរជាតិ និងអន្តរជាតិ ដែលធ្វើឡើងតាមរយៈខិតខំរៀបចំបង្កើត​​ជាកញ្ចប់​​ខ្សែទស្សនកិច្ច មួយរបស់​​ខេត្ត​​កណ្តាល ដោយតភ្ជាប់គោលដៅ​​ទេសចរណ៍មួយទៅគោលដៅទេសចរណ៍មួយ។

ក្នុងឱកាសនោះដែរ រដ្ឋមន្ត្រីក្រសួងទេសចរណ៍បានជំរុញឲ្យ ពង្រឹងការឃោសនាផ្សព្វផ្សាយ និងផលិតឯកសារផ្សព្វផ្សា​​យ​​ទេសចរណ៍​សម្រាប់ខេត្តកណ្តាល ដោយសហការជាមួយ​​សាលា​ខេត្ត ក្រុមហ៊ុន សមាគម និងផ្នែក​​ឯកជននានា​។​​ជាមួយគ្នានោះត្រូវជម្រុញរៀប​​ចំបង្កើតឲ្យមានជាមជ្ឈ​មណ្ឌលព័ត៌មា​នទេសច​រ​ណ៍​ឬបញ្ជរព័ត៌មានទេសចរណ៍នៅតាម តំបន់​ទីប្រ​ជុំជន និងតាមគោលដៅទេសចរណ៍សំខាន់ៗ ដើម្បីផ្តល់ព័ត៌មាន​​ជូនទេស​ចរ​​ជាតិ និងអន្តរជាតិ។ការបង្កើនគុណភាពសេវាទេសចរនេះបានជួយស្របកំណើនទេសចរផងព្រមទាំងធ្វើអោយខេត្តកណ្តាលអាចទទួលបានជោគជ័យក្នុងចលនាប្រលងប្រណាំងទីក្រុងស្អាតលើកទី២ ហើយសង្ឃឹមថា ក្រុងតាខ្មៅអាចទទួលបានផ្ការំដួល ៣ទងទៀតផង។

ឯកឧត្តម ម៉ៅ ភីរុណ អភិបាលខេត្តកណ្តាល បានណែនាំអោយមន្ទីរទេសចរណ៍ សហការល្អជាមួយរដ្ឋបាលខេត្ត មន្ទីរអង្គភាព ជុំវិញខេត្ត និងផ្នែកឯកជន សំដៅធ្វើយ៉ាងណាឲ្យវិស័យទេសចរណ៍ខេត្តកណ្តាលមានការប្រែប្រួល និងអភិវឌ្ឍ​ន៍រីកច​​ម្រើន និងក្លាយជាគោលដៅទេសចរណ៍ដ៏ទាក់ទាញមួយសម្រាប់ទេសចរជាតិ និងអន្តរជាតិ។

លោក ជួប សោភ័ណ្ឌ ប្រធានថ្មីមន្ទីរទេសចរណ៍ខេត្តកណ្តាលដែលទើ់​​បតែងតាំងបានប​ង្ហាញអំពីផែនការឆ្ពោះ​ទៅរៀប​​ចំបុ​​ណ្យ​​ទន្លេរួម​ទាំងអភិវឌ្ឍន៍គោលដៅទេសចរណ៍ទាំង៧របស់ខេត្តកណ្តាល។យោងតាមរបាយការណ៍របស់មន្ទីទេសចរណ៍ខេត្តកណ្តាលបានឲ្យដឹងថាគិតត្រឹម៧ខែឆ្នាំ២០១៧នេះទេសចរជាតិ និង​អន្ត​រ​​ជាតិ​​ដែលមក​ទស្សនា​ខេត្ត​កណ្តាលមានចខំនួនជាង៧ម៉ឺននាក់ក្នុងនោះភ្ញៀវទេសចរណ៍អន្តរជាតិជាង៥ពាន់នាក់​​ដែលភាគ​​ច្រើន​​ពួក​គេ​ទៅទស្សនានៅរមណីយដ្ឋានភ្នំព្រះរាជ្យទ្រព្យ ភ្នំប្រសិទ្ធ និងទស្សនាដងទន្លេមេគងជាដើម៕

 

ក្រុមអភិរក្សប្រទះឃើញសត្វខ្សឹបឬក្ងោកទេពជាប្រភេទសត្វកម្រលើលោកនៅខេត្តកំពង់ធំ

ភ្នំពេញ៖ក្រុមអភិរក្សប្រទះឃើញសត្វខ្សឹបឬក្ងោកទេពជាប្រភេទសត្វកម្រលើលោកនៅខេត្តកំពង់ធំហើយបើតាមការស្រាវជ្រាវរបស់អ្នកជំនាញបានអះអាងថាកម្ពុជាមានសត្វនេះប្រមាណជា៤០០ក្បាលតែប៉ុណ្ណោះ។នេះបើតាមអង្គការសមាគមអភិរក្សសត្វព្រៃ(WCS)បានអោយដឹងកាលពីម្សិលមិញ។

លោក សន វិរៈ មន្ត្រីសមភាគីរវាងក្រសួងបរិស្ថាន និងអង្គការ WCS ទទួល បន្ទុកការងារស្រាវជ្រាវសត្វខ្សឹបបានប្រទះឃើញ កូនខ្សឹបនេះ ពេលគាត់ និងក្រុមការងារចុះត្រួតពិនិត្យ និងតាមដានប្រភេទ សត្វខ្សឹបនេះនៅក្នុងតំបន់ការពារទេសភាពទំនាបខាងជើងទន្លេសាបក្នុងខេត្តកំពង់ធំ។
សត្វខ្សឹប ឬក្ងោកទេព ជាប្រភេទរងគ្រោះជិតផុតពូជបំផុតនៅលើសាកល លោក ខណៈចំនួនរបស់វានៅលើសាកលលោកមានតិចជាង៨០០ក្បាល។ កម្ពុជា គឺជាប្រទេសដ៏សំខាន់បំផុតនៅលើសាកលលោកដើម្បីអភិរក្ស សត្វខ្សឹបនេះកុំឲ្យបាត់បង់ ខណៈចំនួនរបស់សត្វខ្សឹបនៅក្នុងប្រទេស កម្ពុជានៅឆ្នាំ២០១២ មានប្រមាណ៤៣២ក្បាល។
ទីជម្រកវាលស្មៅនៃតំបន់ទំនាបទន្លេសាបក្នុងខេត្តកំពង់ធំ គាំទ្រដល់ការ រស់នៅរបស់សត្វខ្សឹបច្រើនជាងគេបង្អស់នៅលើសាកលលោក និងមាន សារៈសំខាន់បំផុតសម្រាប់ការរស់រានមានជីវិតរបស់ពួកវា។សូមចូលរួមអភិរក្សទាំងអស់គ្នា ដោយឈប់បរបាញ់ ប្រមូលពងកូន និងបំផ្លាញទីជម្រកធម្មជាតិរបស់ពួកវា៕

 

ផ្តន្ទាទោសនគរបាលពន្ធនាគារដាក់ពន្ធនាគារ១ឆ្នាំនឹងសងជំងឺចិត្តដើមបណ្តឹងចំនួន២០០លានរៀល

ភ្នំពេញ៖នារសៀលថ្ងៃទី១៥ខែសីហាឆ្នាំ២០១៧ ចៅក្រមសាលាដំបូងរាជធានីភ្នំពេញលោក កោ វណ្ឌី បានប្រកាសសាលក្រមផ្តន្ទាទោសឈ្មោះ គុយ សិទ្ធិសក្កិ ភេទប្រុសអាយុ២៦ឆ្នាំមុខរបបមន្រីពន្ធនាគារ ដាក់ពន្ធនាគារ១ឆ្នាំនឹងសងជំងឺចិត្តដើមបណ្តឹងឈ្មោះ សុខ ចិន្តា ហៅកញ្ញា វ៉ាន់ លីឡា ចំនួន២០០លានរៀល នឹងទុកសិទ្ធិឲ្យប្តឹងឧទ្ធរតាមកំណត់ច្បាប់ ក្រោមការចោទប្រកាន់ពីបទ ហឹង្សាដោយចេតនានិងចែកចាយរូបអាសអាភាស តាមមាត្រា២១៧ និងមាត្រា៣៨.​មាត្រ៣៩ ។

ជនជាប់ចោទបាន​ប្រព្រឹត្តកាលពីថ្ងៃទី២៦ខែកុម្ភៈឆ្នាំ២០១៦។សវនាការនេះធ្វើការជំនុំជម្រះកាលពីរសៀលថ្ងៃទី២៤​ខែ​កក្តដាឆ្នាំ២០១៧សវនាការនោះអវត្តមានជនជាប់ចោទឈ្មោះ គុយ សិទ្ធិសក្កិ ដោយមានមេធាវីការពារសិទ្ធិ តែបាន​អានចម្លើយរបស់ជនជាប់ចោទនៅដំណាក់ការចៅក្រមស៉ីេបសួរ ជនជាប់ចោទឆ្លើយថាខ្លួនបានស្គាល់ សុខ ចិន្តា ហៅ វ៉ាន់ លីឡា តាមហ្វេសប៊ុកកាលពីឆ្នាំ២០១៤ហើយដល់ឆ្នាំ២០១៥ក៏បានស្រលាញ់គ្នាហើយក៏បាននាំទៅលេងផ្ទះនិង​ជួប​ប៉ាម៉ាក់។

ចំណែករឿងដែលចោទថាខ្ញុំបង្ហោះរូបអាសអាភាស ខ្លួនមិនបានដឹងទេ និងសុំឲ្យតុលាការជួយរកយុត្តិធម៌ឲ្យខ្ញុំផង។ចំណែកចម្លើយដើមបណ្តឹង សុខ ចិន្តា បានស្នើសុំឲ្យតុលាការផ្តន្ទាជនជាប់ចោទទៅតាមផ្លូវច្បាប់ ហើយដើមបណ្តឹងក៏អវត្តមានក្នុងពេលសវនាការដែល។មេធាវីការពារសិទ្ធិឲ្យដើមបណ្តឹងលោក នួន បូរ៉ា បាននិយាយនៅពេលសវនាការថា កាលពីថ្ងៃទី២៦ខែកុម្ភៈឆ្នាំ២០១៦ លោក គុយ សិទ្ធិសក្កិ និង ដើមបណ្តឹង សុខ ចិន្តា ហៅ វ៉ាន់ លីឡា បានឈ្លោះគ្នា។

តុលាការបានបញ្ជាក់ថាលោកគុយ សិទ្ធិសក្កិក៏វាយដើមបណ្តឹង សុខ ចិន្តា ពេលនោះជនរងគ្រោះក៏បានបើទ្វាឡានចេញរត់ឲ្យគេជួយ ហើយពេលនោះ គុយ សិទ្ធិសក្កិ ក៏បានបើកឡានរបស់ជនរងគ្រោះចេញទៅ ហើយនៅក្នុងឡាននោះក៏មានកាបូបទូរស័ព្ទរបស់ជនរងគ្រោះផងដែលដោយរយ:ពេលជិត១០ថ្ងៃបានយកមកប្រគល់ឲ្យវិញ។ហើយចំណែករូបដែលបានបង្ហោះនោះគឺដោយសារតែការស្រលាញ់គ្នានិងគិតថានិងបានគ្នាជាប្តីប្រពន្ធទើបមានការថតផ្ញើឲ្យគ្នាមើលដោយសារតែ គុយ សិទ្ធិសក្កិ នៅរៀនឯបរទេស។

លោកមេធាវីក៏បានបញ្ជាក់ផងដែលថា ដើមបណ្តឹង សុខ ចិន្តា បានទាមទារជំងឺចិត្តចំនួន៥០ម៉ឺនដុល្លារ។តំណាងអយ្យការអមសាលាដំបូងរាជធានីភ្នំពេញលោក សេង ហៀង ធ្វើសេចក្តីសន្និដ្ឋានតាមការអានចម្លើយរបស់ជនជាប់ចោទនិងជនរងគ្រោះពិតជាមានអំពើហិង្សាដោយចេតនានិងចែកចាយរូបអាសអាភាសពិតមែន តំណាងអយ្យការនៅតែតម្កល់បទចោទនៅដ៏ដែល៕Aug-199Aug-200

កូនក្រពើត្រីប្រភេទសត្វកម្រលើលោកបានញាស់ដោយជោគជ័យនៅតំបន់អភិរក្សខេត្តកោះកុង

ភ្នំពេញ៖អង្គការសមាគមអភិរក្សសត្វព្រៃ(WCS) និងរដ្ឋបាលជលផលបង្ហាញឲ្យ ដឹងនៅថ្ងៃនេះថាកូនក្រពើត្រីដែលជាប្រភេទជិតផុតពូជបំផុតនៅលើសាកលលោក ចំនួន០៩ក្បាលបានញាស់ដោយជោគជ័យនៅក្នុងមជ្ឈមណ្ឌលអភិរក្ស ប្រភេទសត្វល្មូន ខេត្តកោះកុង។

យោងសេចក្ដីប្រកាសរបស់អង្គការសមាគមអភិរក្សសត្វព្រៃបានអះអាងថា៖ក្រពើត្រី (ឬក្រពើព្រៃ) ស្ថិតនៅក្នុងបញ្ជីក្រហមរបស់អង្គការ IUCN ជា ប្រភេទរងគ្រោះជិតផុតពូជបំផុត នៅលើសាកលលោក ខណៈចំនួនរបស់ ពួកវានៅតែបន្តធ្លាក់ចុះគួរឲ្យកត់សម្គាល់។ ពួកវាមានរស់នៅតែក្នុង ប្រទេសកម្ពុជា ឥណ្ឌូនេស៊ី ថៃ និងវៀតណាមតែប៉ុណ្ណោះ។ ចំនួនរបស់វា នៅលើសាកល លោកមានប្រមាណ៤១០ក្បាល ក្នុងនោះដែរចន្លោះ ១០០-៣០០ក្បាល កំពុងរស់នៅក្នុងព្រៃធម្មជាតិនៅក្នុងប្រទេសកម្ពុជា ដែលធ្វើឲ្យកម្ពុជាក្លាយជាប្រទេសដ៏សំខាន់បំផុតសម្រាប់ការអភិរក្សសត្វ ក្រពើ ត្រីនេះកុំឲ្យបាត់បង់។
អ្នកស្រី ទុន សារ៉ន ដែលជាអ្នកមើលថែទាំសត្វនៅមជ្ឈមណ្ឌលអភិរក្ស ប្រភេទសត្វល្មូនខេត្តកោះកុង និយាយថា៖ “ខ្ញុំពិតជារំភើបខ្លាំងណាស់ ដែលបានឃើញកូនក្រពើត្រីទាំងអស់នេះ ពីព្រោះនេះគឺជាលើកដំបូង ហើយដែលខ្ញុំបានថែទាំចាប់តាំងពីពួកវាមកដល់មជ្ឈមណ្ឌល។ មុនពេល ឃើញមុខកូនក្រពើត្រីទាំងអស់នេះ ខ្ញុំមានការភ្ញាក់ផ្អើលដែលឭសម្លេង ពួកវាចេញពីក្នុងពង។ វាពិតជាអស្ចារ្យខ្លាំងណាស់ ហើយខ្ញុំមានអារម្មណ៍ សប្បាយចិត្តពីព្រោះខ្ញុំដឹងថាពួកវាកំពុងតែញាស់។ ខ្ញុំនឹងផ្តល់ចំណីឲ្យ ពួកវានូវកូនត្រី និងកង្កែបតូចៗនៅក្នុងរយៈពេល២-៣ថ្ងៃខាងមុខនេះ។”
សូមបញ្ជាក់ថា កាលពីថ្ងៃទី២៨ ខែមិថុនា ពងក្រពើត្រីមួយសំបុកដែលមាន ចំនួន១៩គ្រាប់ ត្រូវបានក្រុមអ្នកអភិរក្សរបស់រដ្ឋបាលជលផល អង្គការ សមាគមអភិរក្សសត្វព្រៃ(WCS) និងប្រជាសហគមន៍ ប្រទះឃើញនៅ ត្រពាំងកៀនតុ ស្ថិតក្នុងភូមិព្រះអង្គកែវ ស្រុកស្រែអំបិល ខេត្តកោះកុង ខណៈពួកគេចុះដើរល្បាតតាមត្រពាំងបណ្តោយដងព្រែកស្រែអំបិលដើម្បីល្បាត និងស្វែងសំបុកពងកូន និងលាមក៍ សត្វក្រពើត្រីរស់នៅក្នុងតំបន់ នោះ។ ពងក្រពើត្រីទាំងអស់នោះ ត្រូវបានក្រុមអ្នកអភិរក្សយកទៅរក្សា ទុកនៅក្នុងមជ្ឈមណ្ឌលអភិរក្សប្រភេទសត្វល្មូនខេត្តកោះកុងដើម្បីថែរក្សា រហូលដល់ពួកវាញាស់ ដែលមានរយៈពេល០៦សប្តាហ៍៕

សម្ដេចហ៊ុនសែន៖ការដោះស្រាយជាមួយឡាវដោយសន្ដិវិធីបង្ហាញច្បាស់នូវសុច្ឆន្ទៈដ៏ល្អរបស់កម្ពុជា

ភ្នំពេញ៖តាមបណ្ដាញសង្គមនៅថ្ងៃនេះសម្ដេចហ៊ុនសែននាយករដ្ឋមន្ដ្រីកម្ពុជាបានអះអាងថា៖ការដោះស្រាយជាមួយឡាវដោយសន្ដិវិធីបង្ហាញច្បាស់នូវសុច្ឆន្ទៈដ៏ល្អរបស់កម្ពុជា។

សម្ដេចបានសរសេរថា៖ប្រជាពលរដ្ឋរស់នៅសុខសាន្ត ព្រោះយើងមានប្រមុខដឹកនាំដែលយល់ច្បាស់អំពីតម្លៃសន្តិភាពដែល តែងតែរួមសុខរួមទុក្ខជាមួយប្រជាពលរដ្ឋគ្រប់កាលៈទេសៈទាំងអស់។ ដំណោះស្រាយសន្តិភាពរបស់ សម្តេចតេជោ ហ៊ុន សែន ជាមួយប្រទេសឡាវដោយគ្មានការបង្ហូរឈាមកាលពីពេលថ្មីៗនេះគឺបាន បង្ហាញច្បាស់នូវសុច្ឆន្ទះដ៏ល្អរបស់កម្ពុជា។
សម្តេចតេជោ សែន បានចាត់ទុកការចរចារដោយសន្តិវិធី គឺជាដំណោះស្រាយដ៏ល្អបំផុតដែលរក្សាបាន នូវចំណងមិត្តភាព និងសហប្រតិបត្តិការយូរអង្វែងម្រាប់ប្រជាជាតិទាំងពីរ។ គុណធម៍ និងការទទួល ខុសត្រូវប្រកបទស្សនៈវិស័យដឹកនាំច្បាស់លាស់នេះហើយ ដែលបានធ្វើអោយ សម្តេចតេជោ ក្លាយជា មេដឹកនាំដ៏មានឥទ្ឋិពលម្នាក់នៅក្នុងតំបន់។
អរគុណកងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋខ្មែរដែលបានគាំទ្រ និងចូលរួមក្នុងការថែ រក្សាការពារសន្តិភាព ដើម្បីយើងទាំងអស់គ្នាកាន់តែមានឱកាសអភិវឌ្ឍន៍ប្រទេសជាតិអោយរីកចម្រើន ទៅមុខ៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2