vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ព័ត៌មានថ្មី

ប្រេសិតអង្គការសហប្រជាជាតិជួបជាមួយលោកកឹមសុខា

ភ្នំពេញ៖អ្នកស្រី រ៉ូណា ស្មីត (Rhona Smith) ជា អ្នករាយការណ៍ពិសេសរបស់អង្គការសហប្រជាជាតិទទួលបន្ទុកខាង សិទ្ធិមនុស្សប្រចាំកម្ពុជាកាលពីម្សិលមិញ បានជួបពិភាក្សាការងារជាមួយលោកកឹមសុខាប្រធានគណបក្សសង្គ្រោះជាតិ និងសហការី នៅទីស្នាក់ការកណ្ដាលគណបក្សសង្គ្រោះជាតិ ក្នុងដំណើរបំពេញទស្សនកិច្ច លើកទី៤ របស់អ្នកស្រី នៅកម្ពុជា។
ក្នុងជំនួបនេះ យើងបានពិភាក្សាអំពី៖
-ស្ថានភាពសិទ្ធិមនុស្ស និងការបោះឆ្នោតឃុំសង្កាត់ឆ្នាំ២០១៧ កន្លងមក
-ការប្រមើលមើលស្ថានភាពនយោបាយ និងសិទ្ធិមនុស្ស ពីពេលនេះ រហូតដល់ការបោះឆ្នោតជ្រើសតាំងតំណាងរាស្រ្ដឆ្នាំ២០១៨។នេះបើតាមលោកកឹមសុខាប្រធានគណបក្សសង្គ្រោះជាតិបានសរសេរលើបណ្ដាញសង្គមហ្វេសប៊ុក៕

 

តុលាការផ្តន្ទាទោសស្ត្រីជនជាតិប៊ូដាវីម្នាក់ដាក់ពន្ធនាគារ៨ឆ្នាំករណីនាំឆ្លងដែនខុសច្បាប់

ភ្នំពេញ ៖ ចៅក្រមសាលាដំបូងរាជធានីភ្នំពេញលោក ស្វាយ តុញ នៅព្រឹកថ្ងៃទី១៥សីហា ឆ្នាំ ២០១៧បានប្រកាសសាលក្រមសម្រេចផ្ដន្ទាទោសស្ត្រីជនជាតិប៊ូដាវីម្នាក់ដាក់ពន្ធនាគារកំណត់ ៨ឆ្នាំ និងបង្គាប់អោយសងសំណងដល់ដើមបណ្ដឹងចំនួន៣០លានរៀល ក្រោមការចោទប្រកាន់ពីបទ នាំចេញដោយមិនស្របច្បាប់ដោយមានគោលដៅ ពាក់ព័ន្ធករណីនាំមនុស្សឆ្លងដែនមកបង្ខំអោយធ្វើការក្នុងកម្ពុជា។

សេចក្ដីសម្រេចនេះធ្វើឡើងនៅចំពោះមុខជនជាប់ចោទ និងបើកផ្លូវប្ដឹងឧទ្ធរណ៍តាមកំណត់ច្បាប់ ។ជនជាប់ចោទឈ្មោះ Bejenari Liudmila ហៅលីនដា អាយុ២៦ឆ្នាំ ជនជាតិប៊ូដាវី ជាអ្នកគ្រប់គ្រងហាងហ្គាដូស្រា និងហាងភីហ្សា អុីតាលី មានអាស័យដ្ឋានមុនពេលចាប់ខ្លួននៅផ្ទះលេខ ១១០Aeo ផ្លូវលេខ១៣៦ សង្កាត់ផ្សារកណ្ដាល២ ខណ្ឌដូនពេញ ត្រូវបានសមត្ថកិច្ចចាប់ខ្លួនកាលពីថ្ងៃទី ១៩ មិថុនា ឆ្នាំ២០១៦ នៅក្នុងហាងភីហ្សាអុីតាលី។នៅថ្ងៃទី ២២ ខែមិថុនា ឆ្នាំ២០១៦ ។

ចៅក្រមសាលាដំបូងរាជធានីភ្នំពេញ បានសម្រេច ឃុំខ្លួននៅក្នុងពន្ធនាគារព្រៃសម២ជាបណ្ដោះអាសន្ន ក្រោមការចោទប្រកាន់ពីបទ ការនាំយកចេញដោយមិនស្របច្បាប់ដោយមានគោលដៅសំរាប់ឆ្លងដែន គឺពាក់ព័ន្ធនិងការល្បួងនាំយកនារីជនជាតិម្នាក់អាយុ១៩ឆ្នាំពីបរទេសចូលមកកម្ពុជាដើម្បីធ្វើការក្នុងហាងស្រារបស់ជនជាប់ចោទកាល​ពី​អំឡុងឆ្នាំ ២០១៤ ។ក្រោយមកជនរងគ្រោះចង់ត្រឡប់ទៅប្រទេសកំណើតវិញ ប៉ុន្តែជនជាប់ចោទមិនអោយទៅហើយបង្ខំអោយធ្វើការដើម្បីកាត់លុយ ទើប​ជនរងគ្រោះប្ដឹងសមត្ថកិច្ចកម្ពុជាចាត់ការតាមផ្លូវច្បាប់ ៕

 

Aug-197Aug-198

(រូបខាងលើពេលឃុំខ្លួននិងរូបខាងក្រោមពេលចាប់ខ្លួន)

កម្ពុជាបញ្ជូនទ័ពទៅបំពេញបេសកកម្មការពារព្រំដែននៅចំនុចអូរអាឡៃ

ខេត្តមណ្ឌលគិរី៖អភិបាលខេត្តមណ្ឌមគិរី បានចូលរួមជូនដំណើរកម្លាំងយោធានៃតំបន់ប្រតិបត្តិការសឹករងមណ្ឌលគិរីចំនួន​៥០នាក់ ទៅបំពេញបេសកកម្មការពារព្រំដែននៅចំនុចអូរអាឡៃ ដែលរងការបំពានពីសំណាក់កងទ័ពឡាវ ក្នុងទឹកដីស្រុកសៀមប៉ាង ខេត្តស្ទឹងត្រែង។ 

លោកស្វាយ សំអ៊ាង អភិបាលខេត្តមណ្ឌលគិរីបានថ្លែងនាព្រឹកថ្ងៃទី១៥ សីហា ២០១៧ ថា ទោះបីពេលនេះសភាពការបានល្អប្រសើរឡើងវិញដ៏ដោយ ការបញ្ជូនកម្លាំងយោធាទៅចំនុចខាងលើ គឺជាកាតព្វកិច្ចដ៏ចាំបាច់ក្នុងការការពារបូរណភាពទឹកដី នឹងដើម្បីបញ្ជាក់ពីចំនុចទីតាំងភូមិសាស្រ្តរបស់កម្ពុជាជៀសវាងសកម្មភាពបំពានពីភាគីរបស់ឡាវបន្តទៀត។
ក្នុងពិធីជូនដំណើរកងកម្លាំងយោធានោះដែរ អភិបាលខេត្តមណ្ឌលគិរី បានផ្តាំផ្ញើរដល់កម្លាំងប្រដាប់អាវុធទាំងអស់ ឲ្យមានការប្រុងប្រយ័ត្នបញ្ហាសុវត្ថិភាព ការថែរក្សាសុខភាព ព្រោះរដូវនេះជារដូវភ្លៀងអាចប្រឈមនឹងជំងឺតម្កាត់នានា ជាពិសេសជំងឺគ្រុនចាញ់។ហើយមិនត្រឹមតែប៉ុណ្ណោះកងកម្លាំងទាំងអស់ត្រូវស្តាប់នឹងគោរពតាមបញ្ជារបស់ថ្នាក់ដឹកនាំ ដើម្បីជៀសវាងនូវករណីប្រឈមដែលកើតជាយថាហេតុ។
លោកឧត្តមសេនីយ៏ត្រី ឃិន ម៉េងស្រេង មេបញ្ជាការតំបន់ប្រតិបត្តិការសឹករងមណ្ឌលគិរី បានបញ្ជាក់យ៉ាងម៉ឺងម៉ាត់ថា ទោះបីពេលនេះកម្លាំងដែលបញ្ជូនពីសឹករងខេត្តមណ្ឌលគិរី មានចំនួនត្រឹម៥០នាក់ពិតមែន ប៉ុន្តែកម្លាំងរបស់លោកបានត្រៀមខ្លួនរួចជាស្រេច ដើម្បីលះបង់គ្រប់បែបយ៉ាង ដើម្បីការពារជាតិ ការពារទឹកដី នឹងប្រជាជនកម្ពុជា ដោយមិនអនុញ្ញាតឲ្យមានជនបរទេសណាម្នាក់កេងប្រវ័ណ្ឌទឹកដីខ្មែរសូម្បីមួយមីលីម៉ែត្រ។
នៅព្រឹកថ្ងៃដដែលនោះអាជ្ញាធរខេត្តមណ្ឌលគិរីក៏បានឧបត្ថម្ភនូវសម្ភារៈយោធាដូចជាអាយកូមចំនួន១០គ្រឿង ទឹកសុទ្ឋ ថវិការ១លានរៀល ប្រេងសាំងចំនួន៣០០លីត្រ ដល់កងកម្លាំងដែលបានទៅបំពេញបេសកកម្មការពារព្រំដែនក្នុងខេត្តស្ទឹងត្រែង។ ដោយឡែកលោកឧត្តមសេនីយ៏ទោ អ៊ុក សំណាង ស្នងការនគរបាលខេត្តមណ្ឌលគិរី បានឧបត្ថម្ភថវិកាផ្ទាល់ខ្លួនចំនួន៥០០ដុល្លាបន្ថែមដល់កម្លាំងយោធាសឹករង ដើម្បីរួមចំណែកក្នុងស្មារតីការពារជាតិ៕

 

តុលាការបដិសេធបណ្តឹងសុំនៅក្រៅឃុំមន្ត្រីក្រសួងសាធារណការនឹងបដិសេធប្តឹងទាស់និងសាលក្រមកំបាំងមុខ

ភ្នំពេញ៖នៅព្រឹកថ្ងៃទី១៥ខែសីហាឆ្នាំ២០១៧ចៅក្រម សាលាដំបូងរាជធានីភ្នំពេញបានប្រកាសសាលក្រម ជនជាប់ ចោទឈ្មោះ សឿម អង្គារាសី ភេទប្រុសអាយុ៤៣ឆ្នាំ អនុប្រធានការិយាល័យបច្ចេកទេសគ្រឿងចក្រធំ នៃក្រសួងសាធារណ:ការនិងដឹកជញ្ជូន បដិសេធបណ្តឹងសុំនៅក្រៅឃុំមន្ត្រីក្រសួងសាធារណការនិងបដិសេធប្តឹងទាស់និងសាលក្រមកំបាំងមុខ ។

គួររំលឹកថាកម្លំាងស្នងការនគរបាលរាជធានីភ្នំពេញនៅព្រឹកថ្ងៃទី២៩ខែឧសភាឆ្នាំ២០១៧បានចាប់នឹងឃុំខ្លួនមន្ត្រីក្រសួងសាធារណការម្នាក់ឈ្មោះសឿម អង្គារាសី អនុប្រធានការិយាល័យបច្ចេកទេសគ្រឿងចក្រធំ នៃក្រសួងសា​ធារណ:ការនិងដឹកជញ្ជូន តាមដីកាបង្គាប់ឲ្យចាប់ខ្លួនរបស់លោកចៅក្រម សាន សុផាត ពីបទរំលោភលើទំនុកចិត្ត។សាលាដំបូងរាជធានីភ្នំពេញ ផ្តន្ទាទោសលោក សឿម អង្គារាសី អនុប្រធានការិយាល័យបច្ចេកទេសគ្រឿងចក្រធំ នៃក្រសួងសាធារណការនិងដឹកជញ្ជូន ដាក់ពន្ធនាគាររយៈពេល២ឆ្នាំ និង ចេញដីកាបង្គាប់ឲ្យចាប់ខ្លួន ។

យោងតាមដីកាបង្គាប់ឲ្យចាប់ខ្លួន ចុះថ្ងៃទី៩ ខែឧសភា ឆ្នាំ២០១៧ ហើយអ្នកសារព័ត៌មានទើបទទួលបាននៅថ្ងៃទី២៩ ខែឧសភា នេះ បង្ហាញថា លោក សាន សុផាត ចៅក្រមជំនុំជម្រះសាលាដំបូងរាជធានីភ្នំពេញ សម្រេចផ្តន្ទាទោសជនជាប់ចោទឈ្មោះ សឿម អង្គារាសី ភេទប្រុស អាយុ៤៣ឆ្នាំ ពីបទរំលោភលើទំនុកចិត្ត ប្រព្រឹត្តនៅរាជធានីភ្នំពេញ កាលពីថ្ងៃទី១៩ ខែតុលា ឆ្នាំ២០១៥ តាមមាត្រា៣៩១និងមាត្រា៣៩២នៃក្រមព្រហ្មទណ្ឌ ។

លោកចៅក្រម សាន សុផាត បង្គាប់ឲ្យជនជាប់ចោទ សឿម អង្គារាសី សងប្រាក់ខូចខាតចំនួន៥៧២៥០ដុល្លារអាមេរិកនិងសំណងជំងឺចិត្តចំនួន៣០០០ដុល្លារអាមេរិកដល់ដើមបណ្ដឹងឈ្មោះ សែម វណ្ណ ។សាលក្រមផ្តន្ទាទោសនេះ ត្រូវបានប្រកាសដោយកំបាំងមុខជនជាប់ចោទនិងចំពោះមុខដើមបណ្ដឹងរដ្ឋប្បវេណីបើកផ្លូវប្តឹងទាស់និងប្តឹងឧទ្ធរណ៍​ក្នុងកំណត់ច្បាប់ ៕AUg-196

ទូរអេធីអឹមធនាគារអេប៊ីអេមួយកន្លែងនៅក្រុងកែបត្រូវគេបំផ្ទុះដោយបំពង់ខ្យល់ផ្សារដែក

កែបៈ ទូរម៉ាស៊ីនដកលុយស្វ័យប្រវត្តិនៃធនាគារឯកជនអេប៊ីអេដែលដាក់បម្រើអតិថិជនរបស់ខ្លួនត្រូវជនមិនស្គាល់អត្តសញ្ញាណដាក់បំពង់ខ្យលកាត់់ផ្សារដែកបំផ្ទះរហូតឆេះខូចខាតទាំងស្រុង។ ហេតុការណ៍នេះបានកើតឡើងនាវេលាម៉ោង៤ទៀបភ្លឺថ្ងៃទី១៥ ខែសីហា ឆ្នាំ២០១៧ ក្នុងទឹកដីភូមិថ្មី សង្កាត់ព្រៃធំ ក្រុងកែប ។

លោកប៉ែន សុធន់ មេបញ្ជាការកងរាជអាវុធហត្ថក្រុងកែបបានប្រាប់ឱ្យដឹងថា កាលពីវេលាម៉ោងប្រហែល៤ទៀបភ្លឺថ្ងៃទី១៥ ខែសីហា ឆ្នាំ២០១៧ មានករណីផ្ទុះឆេះទូអេធីអឹមរបស់ធនាគាអេប៊ីអេស្ថិតនៅមុខភោជនីយដ្ឋានដេលី តាមបណ្តោយផ្លូវជាតិលេខ៣៣អា ក្នុងភូមិថ្មី សង្កាត់ព្រៃធំ។ ក្រោយទទួលព័ត៌មាននៃហេតុការណ៍នេះ សមត្ថកិច្ចបានចុះដល់គោលដៅ​ឃើញទូរម៉ាស៊ីនរងការខូចខាតទាំងស្រុង និងប្រាក់ដុល្លារមួយចំនួនបានឆេះខ្លោច។

ប្រភពដដែលបញ្ជាក់ថា តាមរយៈការពិនិត្យជាក់ស្តែង ករណីនេះជាការបំផ្ទុះបង្កឡើងពីសំណាក់ជនមិនស្គាល់មុខដោយប្រើប្រាស់បំពង់ខ្យល់កាត់ផ្សារដែកជាឧបករណ៍។

ប្រភពដដែលបានបញ្ជាក់ថា ចាប់ពីក្រោយកើតហេតុរហូតមកដល់វេលាថ្ងៃត្រង់ថ្ងៃដដែលនេះ សមត្ថកិច្ចជំនាញបាន និងកំពុងបើកការតាមដានស្រាវជ្រាវតែមិនទាន់កំណត់ពីអត្តសញ្ញាណ និងចំនួនមនុស្សនៃក្រុមជនសង្ស័យនៅឡើយទេ។ ឯការបាត់បង់របស់ធនាគារពាក់ព័ន្ធនឹងករណីនេះមានទំហំប៉ុនណាក៏មិនទាន់ដឹងនៅឡើយដែរ៕

 

ជិះម៉ូតូលឿនបុកបង្គោលរបាំងផ្លូវបណ្តាល់ស្លាប់ម្នាក់និងកន្លែងរបួសធ្ងន់ម្នាក់ស្រុកព្រះនេត្រព្រះ

ខេត្តបន្ទាយមានជ័យ៖ជិះម៉ូតូលឿនដូចហោះដល់ផ្លូវកោងកាច់ចង្កូតមិនទាន់បុកបង្គោលរបាំងផ្លូវបណ្តាល់ស្លាប់ម្នាក់និងកន្លែងរបួសធ្ងន់ម្នាក់គ្រោះថ្នាក់កើតឡើងនៅវេលាម៉ោង៥,១៥នាទីថ្ងៃទី១៣ខែសីហាឆ្នាំ២០១៧លើកំណាត់ផ្លូវជាតិលេខ១៥៦ស្ថិតភូមិស្រះលិចឃុំ/ស្រុកព្រះនេត្រព្រះ។

មន្ត្រីនគរបាលស្រុកព្រះនេត្រព្រះបានប្រាប់ថា៖ជនរគ្រោះដែលស្លាប់និងកន្លែងមាន១.ឈ្មោះ ណាន នុត ភេទប្រុសអាយុ២៤ឆ្នាំ និងរបួសធ្ងន់២.ឈ្មោះ ភិច អ៊ាន ភេទប្រុសអាយុ២៤ឆ្នាំជនរងគ្រោះរស់នៅភូមិប៉ុស្តិ៍ចាស់ឃុំ/ស្រុកព្រះនេត្រព្រះ។ មន្ត្រីនគរបាលរូបនោះបានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើងគឺជនរងគ្រោះឈ្មោះ ភិច អ៊ាន ជាអ្នកបើកបរម៉ូតូឌុបឈ្មោះ ណាន នុត ដោយជិះម៉ូតូម៉ាក់ហុងដាសេរីឆ្នាំ២០១៧ដែលពាក់ស្លាក់លេខបន្ទាយមានជ័យ1Q.8772បើកបរលើកំណាត់ផ្លូវលេខ១៥៦ក្នុងល្បឿនលឿនបានបត់ផ្លូវកោងបានទៅបុកបង្គោលថ្មរបាំងផ្លូវបណ្តាលស្លាប់ម្នាក់និងកន្លែងរបួសធ្ងន់ម្នាក់ត្រូវបានសង្គ្រោះបន្ទាន់។

មន្ត្រីនគរបាលរូបនោះបានបញ្ជាក់ថា៖មូលហេតុដែលគ្រោះថ្នាក់ចរាចរណ៍បណ្តាលស្លាប់ម្នាក់និងរបួសម្នាក់គឺបណ្តាលមកពីជនរងគ្រោះបើកបរលឿនហើយបត់ផ្លូវកោងគ្មានការប្រុងប្រយ័ត្នបណ្តាលបុកបង្គោលរបាំងផ្លូវបណ្តាលស្លាប់ម្នាក់របួសធ្ងន់ម្នាក់៕(ប៊ុន ធឿន)

ម៉ូតូ២គ្រឿងបុកគ្នាបណ្តាលរបួសធ្ងន់ស្រាល៣នាក់នៅក្រុងសិរីសោភ័ណ

ខេត្តបន្ទាយមានជ័យ៖ម៉ូតូ២គ្រឿងបុកគ្នាបណ្តាលរបួសធ្ងន់ស្រាលប្រុសនិងស្រី៣នាក់នៅវេលាម៉ោង៧,២០នាទីព្រឹកថ្ងៃទី១៤​ខែសីហាឆ្នាំ២០១៧នៅតាមកំណាត់ផ្លូវជាតិលេខ៥៦ស្ថិតភូមិកងវ៉ាសង្កាត់ទឹកផ្លាក្រុងសិរីសោភ័ណ។មន្ត្រីនគរបាលចរា​ចរ​ណ៍ក្រុងសិរីសោភ័ណបានប្រាប់ថា៖ជនរងគ្រោះ៣នាក់មាន១.ឈ្មោះ ចាន់ មុន្នី ភេទប្រុសអាយុ៤០ឆ្នាំ(បាក់កជើងឆ្វេងរបួសធ្ងន់)២.ឈ្មោះ ម៉ុក សុផា ភេទស្រីអាយុ៤៨ឆ្នាំ(របួសធ្ងន់)និង៣របួសស្រាលដែលរស់នៅភូមិក្បាលស្ពានសង្កាត់ម្កាក់ក្រុងសិរីសោភ័ណ។
មន្ត្រីនគរជំនាញបានបញ្ជាក់ថា៖មូលហេតុគ្រោះថ្នាក់ចរាចរណ៍កើតឡើងគឺជនរងគ្រោះម្នាក់របួសស្រាលបានជិះម៉ូតូហុងដាបានបើកបរស្របទឹសគ្នាទៅបុកពីក្រោយម៉ូតូ១គ្រឿងទៀតម៉ាក់ហុងដាសេរីឆ្នាំ២០១៥ពាក់ស្លាក់លេខបន្ទាយមានជ័យ​1L.​1256ដែលបើកបរជនរងគ្រោះឈ្មោះ ចាន់ មុន្នី បានឌុបឈ្មោះ ម៉ុក សុផាត បុកពេញទំហឹងពីលក្រោយបណ្តាលជនរងគ្រោះម្នាក់បាក់ជើងឆ្វេងរបួសធ្ងន់និងម្នាក់របួសស្រាលត្រូវបានសង្គ្រោះបន្ទាន់។
មន្ត្រីនគរបាលរូបនោះបានបញ្ជាក់ថា៖មូលហេតុដែលគ្រោះថ្នាក់ចរាចរណ៍កើតឡើងគឺបណ្តាលអ្នកជិះម៉ូតូបុកគេពីក្រោយជាអ្នកខុសដោយគ្មានការប្រុងប្រយ័ត្នទៅបុកជនរងគ្រោះពីក្រោយបណ្តាលរបួសធ្ងន់និងស្រាល៣នាក់ក្រោយពេលវាស់វែងហើយម៉ូតូ២គ្រឿងត្រូវបានយកទៅរក្សាទុកអធិការនគរបាលក្រុងរងចាំការដោះស្រាយផ្លូវច្បាប់៕(ប៊ុន ធឿន)

 

សាកសពបុរសម្នាក់ស្លាប់អណ្តែតទឹកស្ទឹងពោធិពីរដើមមិនស្គាល់អត្តសញ្ញាណ

ខេត្តបន្ទាយមានជ័យ៖សាកសពបុរស់ម្នាក់ស្លាប់អណ្តែតទឹកស្ទឹងពោធិពីរដើមមិនស្គាល់អត្តសញ្ញាណអ្នកស្រុកប្រទះឃើញនៅវេលាម៉ោង៥,៣០នាទីល្ងាចកាលពីថ្ងៃទី១១ខែសីហាឆ្នា២០១៧នៅចំណុចស្ទឹងសំណង់ពោធិពីរដើមស្ថិតភូមិពោធិពីរដើមឃុំរហាត់ទឹកស្រុកមង្គលបូរី។
មេបញ្ជាការរងកងរាជអាវុធហត្ថស្រុកមង្គលបូរីបានប្រាប់ថា៖មានសាកសបម្នាក់បានអណ្តែតទឹកស្ទឹងជាប់មុខសំណង់ពោធិពីរដើមហើយត្រូវបានអ្នកស្រុកប្រទះឃើញហើយនាំគ្នាស្រុងឡើងគោកគឺជាសាកសបបុរស់ដែលមានអាយុប្រហែលជាង៣០ឆ្នាំមិនស្គាន់អត្តសញ្ញាណដែលមានកំពស់១ម៉ែត្រ៦០ពាក់ខោក្រណាត់ជើងវែងអាវសដៃវែង។
លោកបានបញ្ជាក់ថា៖សាកសបបុរស់ដែលត្រូវបានអ្នកស្រុកប្រទះឃើញស្រង់ឡើងគោកគឺកម្លាំងមិនបានដឹងច្បាស់ថា៖ស្លាប់​ដោយមូលហេតុអ្វីនៅឡើយទេកំពុងស្រាវ់ជ្រាវរកសាច់ញាតិមុខសញ្ញាតើជនរងគ្រោះស្លាប់មូលហេតុព្រោះសាកសព​ជនរងគ្រោះហើមមើលមុខមិនយល់។លោកអនុសេនីយ៍ឯក ងួន ភិរម្យ បានបញ្ជាក់ថា៖សាកសបជនរងគ្រោះត្រូវបានសមត្តកិច្ចនិងអ្នកស្រុកយកទៅទុកនៅវត្តអន្លងថ្ងាន់ឃុំរហាត់ទឹកដើម្បីស្រាវជ្រាវសាច់ញាតិ៕(ប៊ុន ធឿន)

មន្ត្រីពេទ្យមណ្ឌលសុខភាពឃុំស្លរក្រាមម្នាក់ស្លាប់ដោយកាំងប៉េះដួង

ខេត្តបន្ទាយមានជ័យ៖ មន្ត្រីពេទ្យមណ្ឌលសុខភាពឃុំស្លរក្រាមម្នាក់ដេកស្លាប់ក្នុងផ្ទះដោយជម្ងឺគាំងបេះដូងនិងបានប្រទះឃើញនៅវេលាម៉ោង៥,៣០នាទីទៀបភ្លឺចូលថ្ងៃទី១៣ខែសីហាឆ្នាំ២០១៧ស្ថិតភូមិខ្លែងពណ៌ឃុំស្លរក្រាមស្រុកស្វាយចេក។ មន្ត្រីនគរបាលជំនាញស្រុកស្វាយចេកបានប្រាប់ថា៖ជនរងគ្រោះដែលស្លាប់ឈ្មោះ គុយ ដេន ភេទប្រុសអាយុ៤៥ឆ្នាំ(មុខងារជាមន្ត្រីពេទ្យមណ្ឌលសុខភាពស្លក្រាម)រស់នៅភូមិកើតហេតុខាងលើ។

តាមសំដីសាច់ញាតិជរងគ្រោះបានអោយដឹងគឺនៅពេលដែលប្រទះឃើញជនរងគ្រោះដែលដេកស្លាប់នៅអំឡុងម៉ោង៥,៣០​នាទីទៀបភ្លឺក្នុងផ្ទះហើយបានភ្ញាក់ផ្អើលឆោរឡោរឡើង។

មន្ត្រីនគរបានបានបញ្ជាក់ថា៖នៅពេលមន្ត្រីជំនាញទៅពិនិត្យឃើញថាជនរងគ្រោះស្លាប់ដោយជម្ងឺគាំងបេះដូងបណ្តាលដេកស្លាប់ក្នុងបន្ទប់ដេកក្នុងផ្ទះក្រោយពេលពិនិត្យហើយត្រូវបានសាច់ញាតិយកធ្វើបុណ្យតាមប្រពៃណីយ៍។ ទាក់ទិនការស្លាប់មន្ត្រីពេទ្យមណ្ឌលសុខភាពស្លរក្រាមស្រុកស្វាយចេកអ្នកយកព័ត៌មានបានទំនាក់ទំនងទៅលោក កែវ សុភ័ត្រ្តា ប្រធានមន្ទីសុខាភិបាលខេត្តបន្ទាយមានជ័យដែរតែមិនអាចទំនាក់ទំនង់បានឡើយ៕(ប៊ុន ធឿន)

 

មន្ត្រីកាំកុងត្រូលចុះពិន្យទំនិញនិងណែនាំដល់អាជីវករកុំឲ្យលក់ទំនិញខូចគុណភាព

ខេត្តព្រៃវែង ៖ មន្ត្រីសាខាកាំកុងត្រូលខេត្តព្រៃវែង បានចុះពិតនិត្យទំនិញខូចគុណភាព និងណែនាំដល់អាជីវករក្នុងផ្សារកំពង់ពពិលឲ្យលក់តែទំនិញណាដែលមានគុណភាពជូនពលរដ្ឋ ព្រមទាំងបានធ្វើការដកហូតមុខទំនិញហួសការបរិច្ឆេទមួយចំនួនសរុបជាង ២០គីឡូក្រាម ដែលក្រុមអាជីវករបានបន្តដាក់លក់លើទីផ្សារ ។

ការចុះពិនិត្យទំនិញនេះបានធ្វើឡើង នៅពីព្រឹកថ្ងៃទី១៤ខែសីហាឆ្នាំ២០១៧នៅផ្សារកំពង់ពពិលស្ថិតនៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង ។
បើយោងតាមលោក ប្រាក់ ករុណា អនុប្រធានសាខាកាំកុងត្រូលខេត្តព្រៃវែង ដែលបានដឹកនាំចុះត្រួតពិនិត្យនៅលើកនេះបានមានប្រសាសន៍ថា ការចុះពិនិត្យរបស់មន្ត្រីកាំកុងត្រូលនៅលើកនេះគឺក្នុងន័យ ត្រួតពិនិត្យគុណភាពទំនិញផង និងអប់រំផ្សព្វផ្សាយដល់បងប្អូនអាជីវករផង ដើម្បីឲ្យបងប្អូនអាជីវករយល់ដឹងកាន់តែច្បាស់អំពីគុណភាពទំនិញនីមួយៗ ។

ប្រភពបន្តថារយៈពេលចុងក្រោយនេះ លោកសង្កេតឃើញ ក្រុមអាជីវរកមានការយល់ដឹងច្រើន ដោយពួកគាត់ចេះទុកដាក់ទំនិញបានត្រឹមត្រូវច្រើន និងដាក់លក់ទំនិញដែលមានការបរិច្ឆេទច្បាស់លាស់ ហើយទន្ទឹមហ្នឹងនោះ ក៍នៅមាន អាជីវករមួយចំនួនតូច នៅតែដាក់តាំងទំនិញ ហួសការកំណត់ប្រើប្រាស់ កំប៉ុងកម្ពិត ម្លោះហើយ មន្ត្រីកាំកុងត្រូល ត្រូវដកហូតទំនិញទាំងនោះទុក ដើម្បីបំផ្លាញចោល ។
ជាក់ស្តែងនៅក្នុងប្រតិបត្តិការណ៍ចុះពិនិត្យនៅក្នុងផ្សារកំពុងអំពិលនេះដែល មន្ត្រីកាំកុងត្រូវបានធ្វើការដកហូតមុខទំនិញបានមួយចំនួនរួមមាន ប្រេងខ្សង7ដប ទឹកម្ទេស ផ្សិតកំប៉ុង ទឹកក្រូច ទឹកសណ្តែក និង មី ជាដើម ដែលសរុបទាំងអស់ជាង20kg ។
ប្រជាពលរដ្ឋ ជាអាជីវករ ខ្លះបានយល់ដឹង ខ្លះមិនទាន់យល់ដឹងអស់នោះ បានលើកឡើងថា មូលហេតុដែលធ្វើឱ្យនៅតែមានទំនិញហួសការបរិច្ឆេទបន្តដាក់លក់នៅលើទីផ្សារ ដោយសារតែនៅពេលខ្លះទំនិញដែលដឹកចូលមកតាមតូប វាមានចំនួនច្រើន ដែលធ្វើឱ្យពួកគាំត់ មើលមិនអស់ទេ ទើបមានទំនិញខ្លះដាក់តាំងលក់ ហួសការកំណត់ប្រើប្រាស់ បន្តដាក់លក់ ហើយទំនិញខ្លះ ទើបយកមកដល់ ក៍ជិតហួសរយៈពេលប្រើប្រាស់ ម្លោះហើយបានជាមានការឆកល្វែង ៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានជាតិ​ពេល​យប់​


ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

ព័ត៌មានថ្មី

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2