vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ឃាត់ខ្លួនមនុស្ស៥នាក់ពីបទលួចគាស់សពក្នុងម៉ុងយកទៅបូជាព្រោះតែគ្រូទាយថាឆុងរកស៊ីមិនឡើង

ខេត្តកំពង់ឆ្នាំង៖ មនុស្ស៥នាក់ត្រូវសមត្ថកិច្ចនគរបាលស្រុកបរិបូណ៌ឃាត់ខ្លួន បញ្ជូនមកកាន់ស្នងការនគរ បាលខេត្តកំពង់ឆ្នាំង កសាងសំណុំរឿងទៅតុលាការខេត្ត បន្ទាប់ពីជនរងគ្រោះកូនសពបានប្តឹងថា ពួកគេបាននាំគ្នាគាស់សពម្តាយរបស់នាងដែលបានបញ្ចុះក្នុងម៉ុងរយៈពេល៨ឆ្នាំមកហើយ យកទៅបូជាព្រោះតែជឿគ្រូទាយថាឆុងរកស៊ីមិនឡើង ។ ករណីលួចគាស់សពនេះបានកើតឡើងនៅម៉ោង៨ព្រឹក ថ្ងៃទី២៤ ខែកុម្ភះ ឆ្នាំ២០១៧ នៅទួលបញ្ចុះសពក្នុងភូមិកន្សែង ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង។

លោក ពេជ រ៉ី នាយការិយាល័យនគរបាលព្រហ្មទណ្ឌកំរិតស្រាលខេត្ត នៅព្រឹកថ្ងៃទី២៦ ខែកុម្ភះ ឆ្នាំ២០១៧ បាននិយាយអោយដឹងថា៖” ជនសង្ស័យទាំង៥នាក់ក្នុងរឿងខាងលើនេះមាន១ឈ្មោះ ឌៀប វួចឡាយ ភេទស្រី អាយុ៦០ឆ្នាំ (ជាមេគំនិតជួលគេគាស់សពក្នុងផ្នូរយកទៅបូជា) រស់នៅភូមិពន្លៃ ឃុំពន្លៃ ស្រុកបរិបូណ៌ ២ឈ្មោះ ប៉ិ ខុម ភេទប្រុស អាយុ៧០ឆ្នាំ ជាអាចារ្យភ្លុក ៣ឈ្មោះ ធួន ធីម ភេទប្រុស អាយុ៤២ឆ្នាំ គេទាំង២នៅភូមិជើងខ្នារ ឃុំពន្លៃ ៤ឈ្មោះ ឃី សុភក្ត័ ភេទប្រុស អាយុ២៥ឆ្នាំ និង៥ឈ្មោះ ឃី គន្ធា ភេទប្រុស អាយុ២៥ឆ្នាំ នៅភូមិគក ឃុំខុនរ៉ង ជាកូនសិស្សអាចារ្យភ្លុក ។
ស្ត្រីឈ្មោះ ឌៀប វួចឡាយ បាននិយាយថា៖ កន្លងមកគាត់រកស៊ីដាក់មិនឡើងសោះនិងចេះតែមា នជម្ងឺ ពេលទៅរកគ្រូទាយៗថា៖ គាត់ឆុងព្រោះតែសពរបស់ប្អូនស្រីជីដូនមួយ ឈ្មោះ គី យុគឡាង បានបញ្ចុះនៅទីទួលបញ្ចុះសពនៅលើដីរបស់គាត់មិនត្រឹមត្រូវ ត្រូវគាស់ចេញយកទៅបូជាធ្វើបុណ្យទើបរកស៊ីបានឡើងវិញ។ ក្រោយមកគាត់ក៏បានប្រាប់កូនៗរបស់សព អោយជួយគាស់សពម្តាយយកទៅធ្វើបុណ្យតាមគ្រូទាយ ទើបក្រុមគ្រួសាររកស៊ីឡើង ហើយពេលនោះក្មួយៗក៏បានយល់ព្រមផងដែរ ថាចាំពួកគេគិតគ្នាក្នុងក្រុមគ្រួសារគាស់សពម្តាយយកមកធ្វើបុណ្យ។
ប៉ុន្តែក្រោយមកកូនៗរបស់សព ដែលត្រូវជាក្មួយបា នសន្យាតែមិនឃើញគាស់សពម្តាយមកធ្វើបុណ្យតាមសំណូមពរគាត់សោះ។ ទើបនៅព្រឹកថ្ងៃទី២៤ ខែកុម្ភះ គាត់បានជួលអាចារ្យភ្លុកនិងកូនសិស្សអាចារ្យ៣នាក់ទៀតមកគាស់សពប្អូនក្នុងផ្នូរ មកបូជាយកធា តុធ្វើបុណ្យ ក្នុងតម្លៃឈ្នួល៤០ម៉ឺនរៀល ហើយក៏ត្រូវក្មួយៗប្តឹងអោយសមត្ថកិច្ចចាប់ខ្លួនតែម្តង។
ដោយឡែកស្រ្តីឈ្មោះ គី យុគលីម អាយុ២៩ឆ្នាំ រស់នៅភូមិពន្លៃ ឃុំពន្លៃ ជាកូនរបស់សព ឈ្មោះគី យុគឡាង(អាយុ៤៩ឆ្នាំ) បានអោយដឹងថា៖ ម្តាយរបស់នាងបានស្លាប់បញ្ចុះក្នុងផ្នូររយះពេល៨ឆ្នាំហើយក្នុងទីបញ្ចុះសពដែលជាដីរួមរបស់ដូនតា។ ក្រោយមកម្តាយធំរបស់គាត់ឈ្មោះ ឌៀប វូចឡាយ រកស៊ីមិនឡើងជឿគ្រូទាយថាឆុង បានសុំគាត់ផ្នូរម្តាយនាងយកសពទៅធ្វើបុណ្យ តែពួកនាងជាក្មួយៗថា ពួកនាងមិនទាន់មានលុយធ្វើបុណ្យទេ ចាំមានលុយពួកនាងនឹងគាស់សពម្តាយមកធ្វើបុណ្យហើយ។ ស្រាប់តែនៅថ្ងៃទី២៤ ខែកុម្ភះ នេះគាត់បាលលួចគាស់សពម្តាយនាងយកទៅបូជាតែម្តង ដោយមិនបានប្រាប់ពួកនាងជាកូនៗអោយបានដឹង ទើបនាងប្តឹងសមត្ថកិច្ចអោយចាត់ការតាមផ្លូវច្បាប់ ដោយប្តឹងទាមទារសំណ
ង និងជម្ងឺចិត្តចំនួន៨.០០០ដុល្លា ចំណែកឈ្មោះ ឌៀប វួចឡាយ ថាមានលុយសងតែ១៤០ម៉ឺនរៀលទេ។
លោកនាយការិយាល័យនគរបាលព្រហ្មទណ្ឌកំរិតស្រាលខេត្ត បានបញ្ជាក់អោយដឹងថា៖ ជនសង្ស័យខាងលើត្រូវកសាងសំណុំរឿងបញ្ជូនទៅតុលាការខេត្ត។ តាមច្បាប់ក្រមព្រហ្មទណ្ឌមាត្រាលេខ២៦២បានចែងថា៖ អំពើប្រមាថតាមមធ្យោបាយណាមួយក៏ដោយ ទៅលើផ្នូរទីបញ្ចុះសព កោដ្ឋឬទៅលើសំណង់ដែលកសាងឡើង សម្រាប់រំលឹកវិញ្ញាណក្ខន្ធ នៃអ្នកទទួលមរណះភាព ត្រូវផ្តន្ទាទោសដាក់ពន្ធនាគារ ពី១ខែ ទៅ១ឆ្នាំ និងពិន័យជាប្រាក់ពី១សែនរៀល ទៅ២លានរៀល៕

 

 

 

គណបក្សសង្គ្រោះជាតិប្រកាសប្រជុំវិសាមញ្ញ នៅថ្ងៃទី២ខែមិនា ឆ្នាំ២០១៧ជ្រើសរើសប្រធាននិងអនុប្រធាន

ភ្នំពេញ៖ នៅរសៀល ថ្ងៃទី២៤ ខែកុម្ភៈ ឆ្នាំ២០១៧ គណៈកម្មាធិការអចិន្ត្រៃយ៍គណបក្សសង្គ្រោះជាតិ បានសំរេចកោះប្រជុំសមាជវិសាមញ្ញគណបក្ស នៅថ្ងៃទី២ខែមិនា ឆ្នាំ២០១៧ ។នេះបើតាមសេចក្ដីប្រកាសគណបក្សនៅថ្ងៃនេះ។

ប្រភពបានបន្ដថា៖របៀវរៈរួមមាន៖១ធ្វើបញ្ជីបេក្ខជនក្រុមប្រឹក្សាឃុំសង្កាត់និងទី២បោះឆ្នោតជ្រើសរើសតាំងប្រធានានិងអនុប្រធានបក្សនិងទី៣សារនយោបាយសម្រាប់បោះឆ្នោតជ្រើសរើសក្រុមប្រឹក្សាឃុំសង្កាត់៕

វៀតណាមវិនិយោគនៅកម្ពុជាមានទឹកប្រាក់ជាង១ពាន់៨រយលានដុល្លារ

ភ្នំពេញ៖វៀតណាមវិនិយោគនៅកម្ពុជាមានទឹកប្រាក់ជាង១ពាន់៨រយលានដុល្លារ។នេះបើតាមលោកហោណាំហុងឧបនាយករដ្ឋមន្ដ្រីកម្ពុជាបានអោយដឹងនៅថ្ងៃនេះ។លោកបានលើកឡើងនៅក្នុងជំនួបជាមួយ លោកង្វៀន ជីយុង រដ្ឋមន្ត្រីក្រសួងផែនការនិងវិនិយោគនៃសាធារណរដ្ឋសង្គមនិយមវៀតណាម នៅវិមានសន្តិភាព នាព្រឹកថ្ងៃទី២៤ កុម្ភៈ នេះ ។
លោកហោ ណាំហុង ក៍បានគូសបញ្ជាក់ពីការវិនិយោគរបស់វៀតណាមនៅ កម្ពុជា គឺមានទំហំទុនកើនឡើងជាលំដាប់គិតចាប់ពីឆ្នាំ២០០៩មក ដល់បច្ចុប្បន្ន ទំហំទុនវិនិយោគរបស់វៀតណាមសរុបមានប្រមាណជាង១ពាន់៨រយលានដុល្លារអាមេរិក។
លោកឧប នាយករដ្ឋមន្ត្រីហោ ណាំហុង ក៍បានលើកឡើង អំពីទំនាក់ទំនងពាណិជ្ចកម្មទ្វេភាគីកម្ពុជានិងវៀតណាម ដែលក្នុងពេលកន្លងមក វៀតណាមបាននាំទំនិញចូលមកកាន់កម្ពុជាមានទំហំធំជាងកម្ពុជានាំចេញទៅកាន់វៀតណាម។ ចំណុចនេះ លោកឧបនាយករដ្ឋមន្ត្រីចង់ឲ្យជញ្ជីងពាណិជ្ជករវាងប្រទេសទាំងពីរ ឲ្យមានតុល្យភាពគ្នា។
ដោយឡែក លើវិស័យទេសចរណ៍គិតចាប់ពីឆ្នាំ២០១០មក វៀតណាមបានស្ថិត ក្នុងលំដាប់ថ្នាក់លេខ១ ក្នុងចំណោមទេសចរណ៍បរទេសដែលចូលមកកាន់កម្ពុជា។ ក្នុងទូរលេខនៅឆ្នាំ២០១៦ កន្លងទៅ បានបង្ហាញថា ទេសចរណ៍វៀតណាម មានប្រមាណជិត១លាននាក់ចូលមកកាន់កម្ពុជា ខណៈចិនមានប្រមាណ៧០ម៉ឺននាក់ ។

កំណើនអ្នកទេសចរណ៍វៀតណាមយ៉ាងច្រើននេះ អាស្រ័យដោយកម្ពុជា វៀតណាម បានបើកចម្ហជើងមេឃ ឲ្យមានការហោះហើរត្រង់ជាមួយគ្នា។សូមបញ្ជាក់ថាការហោះហើរ រវាងកម្ពុជា និងវៀតណាម ក្នុងមួយសប្តាហ៍ មិនតិចជាង ៨០ជើងឡើយ ក្នុងនោះ ការហោះហើរត្រង់ពីហាណូយ ទៅសៀមរាម ក្នុងមួយសប្តាហ៍ មាន៣៩ជើង ពីហូជីម៉ិញទៅសៀមរាម មួយសប្តាហ៍ មាន៣៥ ជើង និងពីដាណាំងទៅសៀមរាប ក្នុងមួយសប្តាហ៍ មាន៧ជើង ៕

ពលរដ្ឋជំពាក់ប្រាក់មីក្រូហិរញ្ញាវត្ថុុមានចំនួនជិត២លាននាក់

ភ្នំពេញ៖ពលរដ្ឋជំពាក់ប្រាក់ពីមីក្រួហិរញ្ញាវត្ថុនៅកម្ពុជាមានជាង១.៩២១លាននាក់ក្នុងទឹកប្រាក់ជាង៣ពាន់លានដុល្លារអាមេរិចក្នុងឆ្នាំ២០១៦កន្លងមកនេះ។នេះបើតាមរបាយការណ៍សមាគមន៍មីក្រូកម្ពុជាបានអោយដឹង។ប្រភពបានបន្ដថា៖ទឹកប្រាក់មកសន្សំមានជាង១៤៩០លានដុល្លារអាមេរិចឯអ្នកសន្សំមានជាង១លាន៥សេននាក់។សព្វថ្ងៃកម្ពុជាមានគ្រឹះស្ថានមីក្រូចំនួន៥៧នៅក្នុងប្រទេសកម្ពុជា៕

កម្ពុជាប្រារព្ឋទិវាជាតិទីក្រុងស្អាត២០១៧

ភ្នំពេញ៖ ក្រសួងទេសចរណ៍កម្ពុជា បានប្រកាសថាទិវាជាតិទីក្រុងស្អាតឆ្នាំ២០១៧នេះ ត្រូវបានរៀបចំធ្វើឡើងក្រោមប្រធានបទទីក្រុងផ្តល់ភាពកក់ក្តៅជូនប្រជាពលរដ្ឋ និងភ្ញៀវទេសចរដើម្បីជំរុញឲ្យវិស័យទេសចរណ៍កម្ពុជាកាន់តែមានការរីកចម្រើនថែមទៀត។

នៅក្នុងកិច្ចប្រជុំ គណៈកម្មាធិការជាតិ វាយតម្លៃទីក្រុងស្អាត នារសៀលថ្ងៃទី២២ ខែកុម្ភៈ ឆ្នាំ២០១៧នេះ លោកថោង ខុន រដ្ឋមន្រ្តីក្រសួងទេសចរណ៍ មានប្រសាសន៍ថា ទិវាជាតិ ទីក្រុងស្អាត នឹងប្រារពឡើងនៅថ្ងៃទី ២៧-២៨ ខែកុម្ភៈ ឆ្នាំ២០១៧ ខាងមុខនេះក្រោមអធិបតីភាព សម្តេច អគ្គមហាសេនា បតីតេជោហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅវិមានសន្តិភាព។

លោក រដ្ឋមន្រ្តីបានបន្តថា៖ ក្នុងឱកាសនោះ សម្តេចតេជោ នាយករដ្ឋមន្រ្តី នឹងប្រគល់ជ័យលាភី រង្វាន់ សម្តេចតេជោ ដល់ធុរកិច្ចបៃតង ក្នុងវិស័យទេសចរណ៍និង ជ័យលាភី បដិសណ្ឋារកិច្ចល្អ ក្នុងវិស័យសេវាសាធារណៈ របស់ ក្រុង ខណ្ឌ បេក្ខភាព ក្នុងចលនាប្រឡងប្រណាំង ទីក្រុងស្អាត លើកទី១។លោកបញ្ជាក់ថា៖"ទិវាជាតិទីក្រុងស្អាតឆ្នាំ២០១៧និងជំរុញឲ្យគ្រប់ភាគីពាក់ព័ន្ធចូលរួមកាន់តែសកម្មក្នុងការចូលរួមលើកកម្ពស់វិស័យទេសចរប្រទេសកម្ពុជាយើងឲ្យកាន់តែមានភាពទាក់ទាញថែមទៀត។ ប្រាប់ក្រុមអ្នកសារព័ត៌មានក្រោយកិច្ចប្រជុំនោះ លោក ណេប សាមុត អគ្គនាយក ក្រសួងទេសចរណ៍ បានបញ្ជាក់ថា ក្នុងឆ្នាំ២០១៧នេះ ក្រសួងទេសចរណ៍ និងគណៈកម្មាធិការជាតិវាយតម្លៃទីក្រុងស្អាត បានបន្ថែមប្រភេទរង្វាន់រហូតដល់ចំនួន៧ប្រភេទ ដោយបន្ថែម១ប្រភេទរង្វាន់ទៀតគឺ រង្វាន់ធុរកិច្ចដែលមានស្នាដៃឆ្នើមក្នុងការប្រើប្រាស់ផលិតផលខែ្មរ។

លោក បញ្ចាក់ថា៖" រង្វាន់ធុរកិច្ចដែលមានស្នាដៃឆ្នើមក្នុងការប្រើប្រាស់ផលិតផលខែ្មរ គឺត្រូវបានបង្កើតឡើងដើម្បីចូលរួមគាំទ្រដល់ការប្រើប្រាស់ផលិតផលរបស់ប្រជាកសិករ សិប្បករ សហគ្រាសធុនតូច និងមធ្យមក្នុងស្រុក ក្នុងវិស័យទេសចរណ៍"។

យោងតាមសេចក្តីប្រកាសព័ត៌មានស្តីពីលទ្ធផលកិច្ចប្រជុំគណៈកម្មាធិការជាតិវាយតម្លៃទីក្រុងស្អាតថ្ងៃទី២២ កុម្ភៈនេះ បានបញ្ជាក់ថា ៖តាមការគ្រោងទុកក្រសួងទេសចរណ៍នឹងរៀបចំពិធីចុះហត្ថលេខាលើសេចក្តីថ្លែងការណ៍រួមស្តីពីការគាំទ្រការប្រើប្រាស់ផលិតផលខែ្មរក្នុងឧស្សហកម្មទេសចរណ៍ នៅថ្ងៃទី២៨ខែកុម្ភះ ឆ្នាំ២០១៧ ក្នុងវេទិការជាតិធុរកិច្ចបៃតង ក្រោមអធិបតីភាព លោក ថោង ខុន រដ្ឋមន្ត្រីក្រសួងទេសចរណ៍៕

ស្ពានបេតុងថ្មីឆ្លងស្ទឹងសៀមរាបចំនួន៣គ្រោងដាក់ឱ្យធ្វើចរាចរណ៍បណ្តោះអាសន្នក្នុងពេលចូលឆ្នាំខ្មែរខាងមុខ

ក្រុងសៀមរាប៖លោក កង ចាន់ត្រា អនុប្រធានមន្ទីរសាធារណៈការ និងដឹកជញ្ជូនខេត្តសៀមរាបបានឲ្យដឹងថា ស្ពានបេតុងថ្មីឆ្លងកាត់ស្ទឹងសៀមរាបចំនួន៣ដែលត្រូវបានបើកការដ្ឋានសាងសង់កាលពីថ្ងៃទី១៩ខែកញ្ញាឆ្នាំ២០១៦កន្លងទៅគ្រោងនឹងបញ្ចប់នៅថ្ងៃទី៣០ខែឧសភាឆ្នាំ២០១៧ខាងមុខនេះ។
ប៉ុន្តែដើម្បីសម្រួលការធ្វើចរាចរណ៍ និងកាត់បន្ថយការកកស្ទះក្នុងក្រុងសៀមរាបនៅក្នុងព្រឹត្តការណ៍អង្គរសង្ក្រាន្តនៃពិធីបុណ្យចូលឆ្នាំប្រពៃណីជាតិខ្មែរនាពេលខាងមុខ អាជ្ញាធរខេត្តសៀមរាបបានសម្រេចបើកឱ្យធ្វើដំណើរឆ្លងកាត់ជាបណ្តោះអាសន្នលើស្ពានថ្មីទាំង៣នេះនៅមុនចូលឆ្នំាខែ្មរ។
លោកបានបញ្ជាក់ថា៖” ស្ពានថ្មថ្មីទាំង៣សាងសង់ឡើងដោយថវិការាជរដ្ឋាភិបាលក្នុងគម្រោងឥណទានឆ្នាំ២០១៦ និងឥណទានឆ្នាំ២០១៧ អនុវត្តដោយមន្ទីរសាធារណៈការ និងដឹកជញ្ជូនខេត្ត។ស្ពានទាំង៣នេះត្រូវបានសាសងក្នុងកំរិតស្តង់ដារអាចទទួលទំងន់បានអតិបរិមាមានរចនាបទតាមបែបស្ពានថ្មពីសម័យមុនក្នុងប្រទេសកម្ពុជា”។
ស្ពានមួយក្នុងចំណោមស្ពានទាំងបីគឺស្ពាននៅមុខព្រះរាជដំណាក់ធ្វើអមស្របគ្នាជាមួយស្ពានថ្មចាស់ មានលក្ខណៈជាស្ពានភ្លោះ បណ្តោយមានប្រវែង៤៦ម៉ែត្រទទឹងប្រវែង៨ម៉ែត្រ២តឹក ដែលបង្កភាពងាយស្រួលដល់ចរាចរ ណ៍។
លោក តែម សង ជាប្រជាពលរដ្ឋម្នាក់នៅខេត្តសៀមរាបបានមានប្រសាសន៍ថា លោកពិតជាមានការសប្បាយចិត្តណាស់នៅពេលឃើញអាជ្ញាសាងសង់ស្ពានថ្មីចំនួន៣នេះ ជាពិសេសគឺស្ពានព្រះរាជដំណាក់ ដែលស្ពាននេះកន្លងមកយើងធ្វើដំណើរបានតែឯកទិស ប៉ុន្តែឥឡូវនេះយើងមានស្ពានភ្លោះអាចធ្វើដំណើរទៅមកបាន បង្កភាពងាយស្រួលកាត់បន្ថយការកកស្ទះចរចរណ៍។
សូមបញ្ជាក់ថា នៅឆ្នាំ២០១៧នេះសហភាពសហព័ន្ធយុវជនកម្ពុជា និងរៀបចំព្រឹត្តការណ៍អង្គរសង្ក្រាន្ត ហើយព្រឹត្តការណ៍នេះនិងមានប្រជាពលរដ្ឋជាច្រើនមកទស្សនាខេត្តសៀមរាបដូច្នេះស្ពានថ្មីទំាង៣នេះគឺមានសារៈសំខាន់ណាស់ក្នុងការសម្រួលចរាចរណ៍៕

 

សម្ដេចហ៊ុនសែនស្នើឲ្យមីក្រូប្រាសាក់ដូររូបសញ្ញា

ភ្នំពេញ៖សម្ដេចហ៊ុនសែននាយករដ្ឋមន្ដ្រីប្រទេសកម្ពុជាបានស្នើធនាគារជាតិហៅមីក្រូប្រាសាក់ដូររូបសញ្ញារបស់ខ្លួនចេញដោយសាររូបសញ្ញាប្រាក់រៀល៣ដងរបស់ប្រាសាក់ដូចនឹងរូបសញ្ញាធនាគារជាតិ។សម្ដេចបានលើកឡើងក្នុងពិធីចែកសញ្ញាបត្ររបស់សាកលវិទ្យាល័យមួយនាក្រុងភ្នំពេញនៅព្រឹកនេះ។
សម្ដេចបានបន្ដថា៖រូបសញ្ញាប្រាក់រៀលជារូបសញ្ញារបស់ធនាគារជាតិ។ដូចនេះត្រូវដួរកុំអោយពលរដ្ឋយល់ច្រឡំ។
សម្ដេចបានបញ្ជក់ថា៖”មីក្រូឬសាប័នណាមិនស្ដាប់ត្រូវដកយកលីសង(បណ្ណអនុញ្ញាត្តិ)មកវិញ។
ក្នុងសប្ដាហ៍កន្លងមកធនាគារអេស៊ីលីដាបានយល់ព្រមរូបសញ្ញារបស់ខ្លួនដោយចំណាយប្រាក់ជាង៣លាន៥សែនដុល្លារអាមេរិចដោយសាររូបសញ្ញាហង្សប្រហាក់ប្រហែលនឹងក្រសួងសេដ្ឋកិច្ច៕

ក្រុងយូលីន ខេត្តសានស៊ីប្រទេសចិនចង់រៀបចំផ្តាស់ប្តូរទេសចរជាមួយកម្ពុជាចាប់ពីឆ្នាំ២០១៧តទៅ

ភ្នំពេញ៖អភិបាលរងក្រុងយូលីន ខេត្តសានស៊ី នៃសាធារណរដ្ឋប្រជាមានិត ចិន បានឯកភាពជាមួយ ក្រសួងទេសចរណ៍ កម្ពុជាថា លើកផែនការជំរុញការផ្លាស់ប្តូរភ្ញៀវទេសចរ ដើម្បីបង្កើនកិច្ចសហប្រតិបត្តិ ការល្អលើ វិស័យ ទេសចរណ៍នៃប្រទេសទាំងពីរ។
នៅក្នុងជំនួបពិភាក្សាការងារជាមួយ អភិបាលរងក្រុងយូលីន ខេត្តសានស៊ី នៃសាធារណរដ្ឋប្រជាមានិតចិននៅទីស្តីការ ក្រសួងទេសចរណ៍កាលពីចុងសប្តាហ៍មុននេះ លោកថោង រដ្ឋមន្ត្រីក្រសួងទេសចរណ៍ បានមានប្រសាសន៍ថា ផែនការផ្លាស់ប្តូរនេះ ធ្វើឡើងតាមរយៈការផ្សព្វផ្សាយពីគោលដៅទេសចរណ៍សំខាន់ៗរបស់ប្រទេសទាំងពីរទៅឲ្យប្រជាពលរដ្ឋរៀងៗខ្លួន ខណៈកម្ពុជា បានដាក់ចេញផ្សាយ សៀវភៅ«ស » ស្តីពី China Ready ដែលជាផែនការយុទ្ធសាស្រ្តទាក់ទាញទេសចរចិន និងអ្នកវិនិយោគចិន ។
លោកបន្តថា៖” ក្រសួងទេសចរណ៍បានដាក់ចេញផែនការសម្រួលទិដ្ឋការធ្វើដំណើរដល់ប្រជាជនចិនក្នុងរយៈពេលយូដើម្បីឲ្យពួកគេមានលទ្ធភាពមកលេងកម្ពុជានិងខិតខំជំរុញឲ្យមានការហោះហើរត្រង់ពីចិនមកកម្ពុជាឲ្យបានច្រើនជើងផងដែ”។
ជាមួយគ្នានោះក្រសួងបានដាក់នូវផែនការយុទ្ធសាស្រ្តអភិវឌ្ឍន៍ទេសចរណ៍ ២០១២-២០២០ និងបានដាក់ គម្រោងអភិវឌ្ឍន៍ផលិតផលទេសចរណ៍ថ្មីៗជាច្រើនទៀត រួមទាំងការទាក់ទាញអ្នកវិនិយោគពីបរទេស ពិសេសពីប្រទេសចិន លើវិស័យទេសចរណ៍ មានដូចជា មណ្ឌលកម្សាន្តទេសចរណ៍ រមណីយដ្ឋានទេសចរណ៍ សណ្ឋាគាររីហ្សត ភោជនីយដ្ឋាន កន្លែងទិញទំនិញមធ្យោបាយដឹកជញ្ជូនទេសចរណ៍ អាកាសយានដ្ឋានអន្តជាតិ កំពង់ផែរ និងហេដ្ឋារចនាសម្ព័ន្ធទេសចរណ៍ជាច្រើនទៀត ធ្វើយ៉ាងណាទាក់ទាញទេសចរអោយស្នាក់នៅបានយូរ ចាយច្រើន និងមកទស្សនាច្រើនដង។
លោក ចាង ចឺហ៊ូយអភិបាលរងក្រុងយូលីន ខេត្តសានស៊ី នៃសាធារណរដ្ឋប្រជាមានិតចិនបានមានប្រសាសន៍ ថា ២០១៧នេះ រដ្ឋាភិបាលប្រទេសចិនបានកំណត់ថា ជាឆ្នាំកិច្ចសហប្រតិបត្តិការ ផ្នែកទេសចរណ៍។
លោកនឹងជំរុញឲ្យប្រជាពលរដ្ឋ ក្រុងយូលីន ខេត្តសានស៊ី មកទស្សនាកម្ពុជាដូចដែលរដ្ឋាភិបាលចិន និងកម្ពុជាបានធ្វើកន្លងមក។ ហើយលោក ក៏ចង់អោយប្រជាជនកម្ពុជាទៅលេងនៅក្រុងយូលីនវិញដែរ ព្រោះក្រុងនេះ មានកន្លែងកំសាន្តបែបវប្បធម៌ ធម្មជាតិដ៏ស្រស់បំព្រង និងជាទីក្រុងដែលមានសេដ្ឋកិច្ចរីកចំរើនផងដែរ។
លោកបន្តថា ដើម្បីជំរុញឲ្យមានការផ្លាស់ប្តូរផ្នែកទេសចរណ៍នេះ ក្រុងយូលីន និងខិតខំកៀគរអ្នកវិនិយោគធំៗឲ្យមកវិនិយោគបណ្តាក់ទុនលើវិស័យទេសចរណ៍តាមរយៈបង្កើតសណ្ឋាគា ភោជនីដ្ឋាន និងក្រុមហ៊ុននាំភ្ញៀវទេសចរជាដើម។
សូមបញ្ជាក់ថា ឆ្នាំ២០១៦ កន្លងមកនេះ កម្ពុជាទទួលបាន ទេសចរអន្តរជាតិចំនួន ៥ លាននាក់ កើនឡើង ៥%ធៀបនឹងឆ្នាំ២០១៥ ក្នុងនោះទទួលទេសចរចិនមានចំនួន ៨៥ម៉ឺននាក់ ស្ថិតក្នុងលំដាប់ទី២ នៃទីផ្សារទេសចរសំខាន់ៗទាំង១០។
តាមការព្យាករណ៍ ឆ្នាំ២០២០ កម្ពុជានឹងអាចទទួលទេសចរអន្តរជាតិបានយ៉ាងតិច ៧ លាននាក់ និងទាក់ទាញ ទេសចរចិនអោយបានយ៉ាងតិច ២ លាននាក់៕

នាវាយក្ស ដឹកអ្នកទេសចរជាង១ពាន់នាក់ចូលចតនៅក្រុងព្រះសីហនុ

ក្រុងព្រះសីហនុ៖នៅវេលាម៉ោង៧:៣០ព្រឹក ថ្ងៃទី១៩ ខែកុម្ភះ ឆ្នាំ ២០១៧ មាននាវាទេសចរណ៍ចំនួន ០១ គ្រឿង ឈ្មោះ Volendam ដែលជានាវាទី១៤ សំរាប់ឆ្នាំ២០១៧ មកពីកំពង់ផែ Laemchabang ប្រទេសថៃ បានចូលចតនៅកំពង់ផែស្វយ័តក្រុងព្រះសីហនុ។ នាវាទេសចរណ៍នេះបានផ្ទុកអ្នកដំណើរ ចំនួន១.៣៥៧នាក់ និង នាវិកចំនួន៦០០ ហើយនាវាទេសចរណ៍នេះនឹងចាកចេញពីកំពង់ផែស្វយ័តក្រុងព្រះសីហនុ នៅម៉ោង២០:៣០ ថ្ងៃដដែល ដោយឆ្ពោះទៅកាន់កំពង់ផែ Phu My ប្រទេសវៀតណាម។
ក្នុងរយៈពេលជិត២ខែនេះកំពង់ផែក្រុងព្រះសីហនុទទួលបានទេសចរជាង១ម៉ឺននាក់៕

មន្ដ្រីអះអាងថា៖”ទេសចរណ៍កីឡាមានកំណើនខ្ពស់

សៀមរាប៖មន្រ្តីជាន់ខ្ពស់ក្រសួងទេសចរណ៍បានលើកឡើងថា នៅទស្សវត្សន៍ចុងក្រោយនេះទេសចរណ៍កីឡាត្រូវបានចាត់ទុកជាផលិតផលទេសចរណ៍ ដែលមានកំណើនខ្ពស់ និងមានភាពធនខ្ពស់បើធៀបនឹងផលិតផលផ្សេងៗ។

នេះបើតាមតុប សុភ័ក អនុរដ្ឋលេខាធិការក្រសួងទេសចរណ៍បានមានប្រសាសន៍នៅក្នុងសិក្ខាសាលាពិគ្រោះយោបល់ស្តីពីសេចក្តីព្រាងផែនការយុទ្ធសាស្រ្តអភិវឌ្ឍ ទេសចរណ៍កីឡាឆ្នំា២០១៧-២០២៣នៅខេត្តសៀមរាបនៅព្រឹកថ្ងៃទី១៧ខែកុម្ភះនេះ។
លោកបានបន្តថា ៖”ផែនការយុទ្ធសាស្រ្តអភិវឌ្ឍទេសចរណ៍កីឡាឆ្នំា២០១៧-២០២៣នេះ គឺជាផលិតផលទេសចរណ៍ថ្មីមួយដែលទាក់ទាញភ្ញៀវទេសចរឲ្យមកទស្សនាកម្ពុជាតាមរយៈសកម្មភាពទេសចរណ៍នានា ហើយទេសចរណ៍កីឡានេះនិងរួមចំណែកជម្រុញការអនុវត្តគោលនយោបាយជាតិក្នុងវិស័យទេសចរណ៍នៃព្រះរាជាណាចក្រកម្ពុជាតាមរយៈការអភិវឌ្ឍវិស័យទេសចរណ៍ប្រកបដោយនិរន្តភាពទទួលបានផលប្រយោជន៍សេដ្ឋកិច្ច សង្គម។
លើសពីនេះទៅទៀតទេសចរណ៍កីឡានេះ និងប្រែក្លាយតំបន់ដែលធ្លាប់រៀបចំព្រឹត្តការណ៍កីឡាពីអតីតកាលឲ្យក្លាយជាគោលដៅទេសចរណ៍កីឡាប្រកបដោយភាពកក់ក្តៅ។
លោកបានបញ្ជាក់ថា៖ ពាក់ព័ន្ធនិងផែនការយុទ្ធសាស្រ្តអភិវឌ្ឍទេសចរណ៍កីឡានេះ ចប្ចុប្បន្នកម្ពុជាបានរៀបចំឲ្យមានព្រឹត្តការណ៍សំខាន់ៗចំនួន៥សម្រាប់ទាក់ទាញភ្ញៀវទេសចរក្រៅពីសកក្តានុពលដែលមានស្រាប់ក្នុងនោះមាន ព្រឹត្តការណ៍បុណ្យសមុទ្រ បុណ្យទន្លេ ព្រះរាជពិធីបុណ្យអ៊ុំទូក ព្រឹត្តការណ៍អង្គ្រាន្ត និងព្រឹត្តការណ៍រត់ម៉ារតុង។ ហើយនៅពេលខាងមុខនេះកម្ពុជាក៍បានត្រៀមលក្ខណៈរៀបចំធ្វើជាម្ចាស់ផ្ទះនៃការប្រគួតកីឡា SEA GAME ហើយក្រសួងទេសចរណ៍ក៍បានដាក់ចេញនូវយុទ្ធនាការ"ខ្ញុំស្រលាញ់កីឡា កីឡាយើង ជាតិយើង”ក្នុងគោលបំណងដើម្បីជម្រុញឲ្យយុវជន និងផ្នែកឯកជនចូលរួមឲ្យបានច្រើនក្នុងវិស័យកីឡា និងយុទ្ធនាការ "ខេត្តមួយកីឡាទេសចរណ៍មួយ”៕

 

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ព័ត៌មានជាតិ​ពេល​យប់​


ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

ទេសចរណ៍

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2