vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

តោខៀវព្រមទិញ Morata ពីអធិរាជស ខណៈសេះបង្កង់យក Szczesny ពីកាំភ្លើងធំ

v14

តោខៀវ Chelsea ក្រុមលំដាប់កំពូល នៅអង់គ្លេស បានព្រមព្រៀងជាមួយក្រុមយក្សនៅអេស្ប៉ាញអធិរាជស Real Madrid ដើម្បីទិញយកខ្សែប្រយុទ្ធ Alvaro Morata មករួមក្រុមហើយ ដោយរង់ចាំតែការយល់ព្រមលក្ខន្តិកៈផ្ទាល់ខ្លួន និងពិនិត្យសុខភាពតែប៉ុណ្ណោះ នេះបើតាមការឲ្យដឹងពីជើងឯកក្របខ័ណ្ឌ Premier League កាលពីម្សិលមិញ។


កីឡាករអន្តរជាតិអេស្ប៉ាញវ័យ២៤ឆ្នាំ ដែលត្រូវបានសារព័ត៌មាននៅចក្រភពអង់គ្លេសរាយការណ៍មករហូតថានឹងផ្លាស់ទៅលេងឲ្យបិសាចក្រហម Manchester United នោះ បានរួមចំណែកជួយឲ្យអធិរាជសឈ្នះពានក្របខ័ណ្ឌអឺរ៉ុប UEFA Champions League ពីរដងជាប់ៗគ្នា កាលពីឆ្នាំមុន តែភាគច្រើនលេងជាកីឡាករបម្រុង។


តោខៀវបានឲ្យដឹងក្នុងសេចក្ដីប្រកាសរបស់ខ្លួនថា “ក្លិបបាល់ទាត់ Chelsea និង Real Madrid បានព្រមព្រៀងជាមួយគ្នាហើយ សម្រាប់ការផ្ទេរយក Alvaro Morata មកកាន់ទឹកដី Stamford Bridge”។


ទាក់ទងនឹងការទិញយក Morata នេះ ត្រូវបានសារព័ត៌មាននៅចក្រភពអង់គ្លេស ឲ្យដឹងថា Chelsea នឹងចំណាយទឹកប្រហែល៧០លានផោន (៩១លានដុល្លារ) ទៅឲ្យជើងឯកក្របខ័ណ្ឌ La Liga អេស្ប៉ាញ។

v15
ចំណែកសេះបង្កង់ Juventus របស់អ៊ីតាលី ក៏ដូចគ្នាដែរ បានប្រកាសឲ្យដឹងថាខ្លួនយល់ព្រមទិញអ្នកចាំទី Wojciech Szczesny ពីក្រុមកាំភ្លើងធំ Arsenal ហើយ ដោយផ្ដល់កិច្ចសន្យារយៈពេល៤ឆ្នាំ ជាមួយនឹងតម្លៃ ១២,២លានអឺរ៉ូ (១៤,១លានដុល្លារ)។


កីឡាករអន្តរជាតិប៉ូឡូញវ័យ២៧ឆ្នាំ បានចំណាយពេល២រដូវកាល នៅ Serie A ជាមួយ AS Roma ខណៈរដូវកាលមុនបង្ហាញខ្លួនបាន៣៨ប្រកួត ហើយការដែល Juventus នាំយករូបគេ មកកាន់ទឹកដី Allianz Stadium គឺដើម្បីជំនួសតំណែង Gianluigi Buffon អ្នកចាំទីលេខ១ បច្ចុប្បន្ន ដែលមានគម្រោងចូលនិវត្តន៍ បន្ទាប់ពីចប់ World Cup ឆ្នាំ២០១៨ខាងមុខ៕

Bolt អះអាងថាខ្លួននឹងមិនចូលរួមរត់ប្រណាំងចម្ងាយ២០០ម៉ែត្រទេ

v13

កំពូលស្ដេចល្បឿន Usain Bolt បាននិយាយកាលពីថ្ងៃពុធថាខ្លួននឹងមិនចូលរួមប្រកួតប្រជែងចម្ងាយ២០០ម៉ែត្រ ក្នុងកម្មវិធីរត់ប្រណាំងជើងឯកពិភពលោក​ នៅក្រុងឡុងដ៍ នារដូវក្ដៅនេះឡើយ ហើយអះអាងទៀតថានៅទីនោះ អាចជាការបង្ហាញវត្តមានចុងក្រោយរបស់ខ្លួនក៏ថាបាន។


អ្នករត់ប្រណាំងសញ្ជាតិហ្សាម៉ាអ៊ីក (Jamaica) រូបនេះ នឹងចូលរួមរត់ ក្នុងចម្ងាយ១០០ម៉ែត្រ និងរត់បណ្ដាក់ ៤x១០០ ម៉ែត្រប៉ុណ្ណោះ ហើយប្រាប់ពីមូលហេតុដែលមិនព្រមរត់ចម្ងាយ២០០ម៉ែត្រ ដែលខ្លួនតែងតែឈ្នះញឹកញាប់នោះ គឺដោយសារការបាត់សិទ្ធិក្នុងប្រកួតជើងឯកពិភពលោកកាលពីឆ្នាំ២០១១ ព្រោះតែការចាប់ផ្ដើមចេញដំណើរខុស។


Bolt វ័យ៣០ឆ្នាំ ដែលឈ្នះមេដាយមាសអូឡាំពិកចំនួន៨ និងមេដាយពិភពលោក១១ ធ្លាប់ពាក់មេដាយមាសលើវិញ្ញាសារត់ចម្ងាយ១០០ម៉ែត្រ ២០០ម៉ែត្រ និងបណ្ដាក់ ៤x១០០ម៉ែត្រ នៅព្រឹត្តិការណ៍កីឡាអូឡាំពិក៣លើកជាប់ៗគ្នា គឺនៅក្រុងប៉េកាំង (ចិន) ទីក្រុងឡុងដ៍ (អង់គ្លេស) និងរីយ៉ូដឺហ្សាណេរូ (ប្រេស៊ីល)៕

Primoz Roglic ឈ្នះដំណាក់ទី១៧កម្មវិធី Tour de France ខណៈ Chris Froome រក្សាតំណែងនាំថិរវេលារួមដដែល

កីឡាករប្រណាំងកង់អាជីពសញ្ជាតិស្លូវ៉ានី Primoz Roglic បានយកឈ្នះដំណាក់កាលទី១៧ព្រឹត្តិការណ៍ប្រណាំងកង់ដ៏ធំប្រចាំឆ្នាំ Tour de France កាលពីថ្ងៃពុធម្សិលមិញ ខណៈសល់៤ដំណាក់កាលទៀតប៉ុណ្ណោះនឹងបញ្ចប់ជាផ្លូវការហើយនៅថ្ងៃអាទិត្យចុងសបា្តហ៍នេះ។

v9

Primoz Roglic សមាជិកក្រុម LottoLN-Jumbo យកឈ្នះដំណាក់កាលលើស្ថានភាព ផ្លូវ បត់បែនឡើងចុះភ្នំចម្ងាយ១៨៣គីឡូម៉ែត្រចេញពីតំបន់ La Mure បញ្ចប់នៅតំបន់ភ្នំ Serre Chevalier នេះដោយចំណាយពេល៥ម៉ោង ៧នាទី និង៤១វិនាទី ចំណែកលេខ២ធ្លាក់ទៅលើកីឡាករកូឡុំប៊ី Rigoberto Uran ជិះឲ្យក្រុម Cannondale យឺតជាង១នាទី និង១៣វិនាទី និងលេខ៣បានទៅលើកីឡាករការពារតំណែងជើងឯក Chris Froome សមាជិកក្រុម Team Sky មកដល់ទីដំណាលគ្នា។

v10

សូមបញ្ជាក់ថា ឆ្លងកាត់ការប្រណាំងអស់១៧ដំណាក់យ៉ាងស្វិតស្វាញកន្លងមក កីឡាករអង់គ្លេស Chris Froome នៅតែរក្សាតំណែងនាំមុខតារាងថិរវេលារួមដដែល ពោលគឺ៧៣ម៉ោង ២៧នាទី និង២៦វិនាទី នាំមុខ២៧វិនាទីលើគូប្រជែង Rigoberto Uran និងកីឡាករម្ចាស់ ផ្ទះបារាំង Romain Bardet ខណៈអ្នកចង់ប្រជែងជើងឯកឆ្នាំនេះ Fabio Aru សញ្ជាតិអ៊ីតាលី សមាជិកក្រុម Astana Pro ធ្លាក់ទៅឈរលេខរៀងទី៤វិញដោយជិះយឺតជាង៥៣វិនាទី៕

កីឡាបាញ់ធ្នូជនពិការបង្កើនការហ្វឹកហាត់ត្រៀម អាស៊ានប៉ារ៉ាហ្គេម លើកទី៩ នៅម៉ាឡេស៊ី

កីឡាករ កីឡាការិនីពិការលើប្រភេទកីឡាបាញ់ធ្នូកំពុងបង្កើនការហ្វឹកហាត់ឲ្យកាន់តែប្រសើរបន្ថែមទៀត ដើម្បីត្រៀមខ្លួនឲ្យបានល្អ សម្រាប់ចូលរួមប្រកួតក្នុងព្រឹត្តិការណ៍ អាស៊ានប៉ារ៉ាហ្គេម លើកទី៩ នៅប្រទេសម៉ាឡេស៊ី បន្ទាប់ពីស៊ីហ្គេម លើកទី២៩ នៅម៉ាឡេស៊ីនោះ បានបញ្ចប់រួចរាល់ហើយនោះ។


អគ្គលេខាធិការគណៈកម្មាធិការជាតិ ប៉ារ៉ាឡាំពិកកម្ពុជា, ឯកឧត្តម យី វាសនា គូសបញ្ជាក់ថា សម្រាប់ប្រភេទកីឡាបាញ់ធ្នូពិការកម្ពុជាមិនសង្ឃឹមខ្ពស់ពេកនោះទេ ក្នុងការស្វែករកមេដាយពីអាស៊ានប៉ារ៉ាហ្គេម លើកនេះ ដោយសារប្រភេទកីឡាមួយនេះ គឺថ្មីសម្រាប់កម្ពុជា។ ឯកឧត្តមមិនហ៊ានរំពឹងខ្ពស់លើប្រភេទកីឡាបាញ់ធ្នូជនពិការនេះទេ ថាអាចរកមេដាយ នៅក្នុងព្រឹត្តិការណ៍អាស៊ាន ប៉ារ៉ាហ្គេមលើកទី៩ នៅប្រទេសម៉ាឡេស៊ីបាននោះទេ ប៉ុន្តែលោកបានចាត់ទុកការបញ្ជូនអត្តពលិកទៅចូលរួមលើកនេះ គឺជាការស្វែងរកបទពិសោធន៍ថ្មីមួយទៀត ក្នុងការ សម្រួចគោលដៅរបស់ខ្លួន ឈានទៅរកធ្វើជាម្ចាស់ផ្ទះ អាស៊ានប៉ារ៉ាហ្គេម ឆ្នាំ២០២៣ ខាងមុខ។


កីឡាបាញ់ធ្នូជាប្រភេទកីឡាថ្មីមួយ ដែលគណៈកម្មាធិការជាតិ ប៉ារ៉ាឡាំពិកកម្ពុជា ទើបតែចងក្រងបង្កើតឡើង ជាសហព័ន្ធក្នុងឆ្នាំ២០១៧ ដើម្បីបញ្ជូនអត្តពលិកទៅចូលរួមប្រកួតប្រជែង និងស្វែងរកបទពិសោធន៍ល្អៗ ប៉ុន្តែអត្តពលិកពិការបាញ់ធ្នូដណ្តើមបានមេដាយនោះ គឺជារឿងល្អបន្ថែមទៀត។ បច្ចុប្បន្ន បាញ់ធ្នូ ទើបនឹងមានកីឡាករ កីឡាការិនី៥រូបប៉ុណ្ណោះ ដែលកំពុងហ្វឹកហាត់ពង្រឹងសមត្ថភាព។


លោកអគ្គលេខាធិការ បន្ថែមទៀតថា នៅខែសីហាខាងមុខនេះ អង្គការ កូយការ របស់កូរ៉េ គ្រោងនឹងបញ្ជូនគ្រូស្ម័គ្រចិត្តជនជាតិកូរ៉េ ដែលមានជំនាញបាញ់ធ្នូ មកជួយបង្ហាត់បង្រៀនអត្តពលិកទាំង៥រូបនេះទៀត ដើម្បីចូលរួមប្រជែងដណ្តើមយកមេដាយ ក្នុងព្រឹត្តិការណ៍អាស៊ានប៉ារ៉ាហ្គេម លើកទី៩៕

v6

v7

ម្ចាស់ផ្ទះ កម្ពុជា និងភ្ញៀវ ចិន ចែកគ្នាម្នាក់១ពិន្ទុ ខណៈជប៉ុនបំបាក់ ហ្វីលីពីន ៨-០ ថ្ងៃបើកឆាកវគ្គជម្រុះពូល-J AFC U23 Championship

ក្រុមម្ចាស់ផ្ទះកម្ពុជាឈុតយុវជនអាយុក្រោម២៣ និងក្រុមភ្ញៀវ យុវជនចិន ចែកគ្នាម្នាក់១ពិន្ទុ បន្ទាប់ពីរក្សាបាននូវលទ្ធផល ស្មើគ្នា ០ទល់០ ខណៈក្រុមជប៉ុនបានបំបាក់ក្រុមហ្វីលីពីនយ៉ាងចាស់ដៃ ដោយលទ្ធផល ៨ទល់០ នៅក្នុងការប្រកួតថ្ងៃបើកឆាកវគ្គជម្រុះពូលJ កាលពីល្ងាចម្សិលមិញ នៅកីឡដ្ឋានជាតិ អូឡាំពិក នៃព្រឹត្តិការណ៍កីឡាបាល់ទាត់ទ្វីបអាស៊ី AFC U23 Championship China 2018។


នៅក្នុងការប្រកួតនេះ ក្រុមភ្ញៀវចិនមានឱកាសគ្រប់គ្រងបាល់យ៉ាងច្រើនលើសលប់លើក្រុមម្ចាស់ផ្ទះកម្ពុជា ប៉ុន្តែនៅតែមិនអាចទម្លាយសំណាញ់ទីលើក្រុមកម្ពុជាបានឡើយ។ ក្រុមខ្លាំងចិន ជាបេក្ខភាពត្រៀមធ្វើម្ចាស់ផ្ទះព្រឹត្តិការ ណ៍ AFC U23 Championship China 2018 នៅវគ្គ១៦ក្រុមចុងក្រោយ ប៉ុន្តែសម្រាប់ការប្រកួតសន្សំពិន្ទុក្នុងពូល J នេះ ក្រុមចិនគ្រាន់តែមកស្វែងរកបទពិសោធន៍ និងបង្កើនបច្ចេកទេសប៉ុណ្ណោះ ពីព្រោះចិនជាបេក្ខភាពដោយស្វ័យ ប្រវត្តិសម្រាប់វគ្គ១៦ក្រុមចុងក្រោយ។ ទោះយ៉ាងណាក្តី តាមការអះអាងរបស់លោក លោក Massimiliano Maddaloni គ្រូ​បង្វឹក​ U23 ចិន​បាន​និយាយ​ថា ​ក្រុមរបស់លោកបានប្រឹងប្រែងអស់ពីលទ្ធភាព ដើម្បីស្វែងរក៣ពិន្ទុ ពីក្រុមកម្ពុជា ប៉ុន្តែសំណាងមិនល្អ បានត្រឹមតែស្មើគ្នាប៉ុណ្ណោះ។ លោកនិយាយក្រោយបញ្ចប់ការប្រកួតថា ​កម្ពុជា​លេង​ដោយ​ទំនុក​ចិត្ត​ខ្ពស់ ​ហើយ​មិនមែន​តែ​​ក្រុម​របស់​លោក​ទេ ​ដែល​ពិបាក​ឈ្នះ ​ក្រុម​ដទៃ​ទៀត​ក៏​នឹង​ការលំបាក​ដូច​គ្នា ប្រសិនបើទម្រង់លេងរបស់កម្ពុជាលេងបានល្អដូច្នេះ។


ចំណែក១ប្រកួតទៀត គឺក្រុមយុវជនជប៉ុន បានបំបាក់ក្រុមហ្វីលីពីន ដោយលទ្ធផល ៨ទល់០ ដោយនៅវគ្គ ទី១ ដោយរកបាន៣ពិន្ទុដំបូង និងឈរនៅលេខ១បណ្តោះអាសន្ន ក្នុងពូលJ។ ក្នុងព្រឹត្តិការណ៍អាយុក្រោម២៣ឆ្នាំ ប្រចាំទ្វីបអាស៊ីនេះ ក្រុមជប៉ុនបានប្រើប្រាស់កីឡាករត្រឹមឈុត U20ឆ្នាំប៉ុណ្ណោះ ដែលឈុតយុវជនរបស់ជប៉ុនមួយនេះក៏ជាបេក្ខភាពត្រៀម អូឡាំពិកហ្គេម នាឆ្នាំ២០២០ ខាងមុខ នៅប្រទេសរបស់ខ្លួនផងដែរ។


សូមបញ្ជាក់ថា ៤ក្រុមក្នុងពូលJ នេះនឹងត្រូវបន្ត២ប្រកួតរៀងៗខ្លួនទៀត ដោយគ្រោងនឹងប្រកួត នាថ្ងៃសុក្រ ២ប្រកួត និងល្ងាចថ្ងៃអាទិត្យ ២ប្រកួតទៀត ដើម្បីកាត់សេចក្តីថា ក្រុមមួយណា ដែលមានចំណាត់ថ្នាក់ថ្នាក់លេខ១ បានឡើងទៅវគ្គ១៦ក្រុមចុងក្រោយ ជាមួយនឹងក្រុមចំណាត់ថ្នាក់លេខ១ មកពីពូលចំនួន៩ផ្សេងទៀត។ ចំពោះ៦ក្រុមផ្សេងទៀត មានចំណាត់ថ្នាក់លេខ២ ដែលត្រូវបានគេវាយតម្លៃថាជាក្រុមល្អបំផុតនោះនឹងទៅកាន់វគ្គ១៦ក្រុម ចុងក្រោយជាមួយគ្នា នៅប្រទេសចិន នាឆ្នាំ២០១៨ ខាងមុខ៕

v3

v4

v5

កីឡាករបាល់ទាត់ទៅពីអង់គ្លេសជួបជាមួយក្មេងៗ នៅហុងកុង

សមាជិករបស់ក្រុមលំដាប់កំពូល៤របស់ប្រទេសអង់គ្លេស បានជួបជាមួយអ្នកគាំទ្រកុមារតូចៗ នៅហុងកុង កាលពីថ្ងៃអង្គារម្សិលមិញ ដើម្បីប្រាប់បច្ចេកទេសទាត់បាល់ខ្លះៗ មុនការប្រកួតកំដៅសាច់ដុំ កម្មវិធី Asia League Trophy។

h44

កីឡាករបាល់ទាត់សាលាបឋមរាប់សិបនាក់ បានជួបជាមួយនិមិត្តរូប (idol) របស់ពួកគេ ដែលមកពីក្រុម Liverpool, Leicester City,West Bromwich Albionនិង Crystal Palaceព្រមទាំងជួបជាមួយកីឡាករវ័យចំណាស់ និងក្រុមគ្រូបង្វឹកនៃក្រុមនីមួយៗ។

h45

ក្នុងកិច្ចសំណេះសំណាលនោះJohn Barnes អតីតកីឡាករ Liverpoolនិងក្រុមជម្រើសជាតិអង់គ្លេស បានបង្រៀនដល់ក្មេងតូចៗទាំងនោះ ពីរបៀបបណ្ដើរបាល់ ដោយមានវត្តមានរបស់ Jay Rodriguez កីឡាករថ្មីក្រុមWest Bromwich Albionផងដែរ។


សូមបញ្ជាក់ថា ក្រុមអង់គ្លេសទាំង៤នេះ នឹងប្រកួតប្រជែងគ្នាដណ្ដើមពានកំដៅសាច់ដុំ កម្មវិធីAsia League Trophyដែលធ្វើឡើង នៅហុងកុង ពីថ្ងៃទី១៩ ដល់ថ្ងៃទី២២ ខែកក្កដានេះ៕

កម្ពុជារំពឹងឈ្នះមេដាយមាស ពីស៊ីហ្គេម នៅម៉ាឡេស៊ី ច្រើនជាងមេដាយ នៅសិង្ហបុរី កាលពីឆ្នាំ២០១៥

គណៈកម្មាធិការជាតិ អូឡាំពិកកម្ពុជារំពឹងថា ការចូលរួមប្រកួតរបស់កម្ពុជា ក្នុងព្រឹត្តិការណ៍កីឡា ស៊ីហ្គេម លើកទី២៩ នៅប្រទេសម៉ាឡេស៊ី នាខែសីហា ខាងមុខនេះនឹងកើនឡើងមេដាយមាស, មេដាយប្រាក់ និងមេដាយ សំរិទ្ធ ច្រើនជាង ស៊ីហ្គេម កាលពីលើកទី២៨ នៅសិង្ហបុរី កាលពីឆ្នាំ២០១៥ កន្លងទៅ។


ថ្លែងប្រាប់ រស្មីហង្សមាស HDTV នៅថ្ងៃពុធនេះ, ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិ អូឡាំពិកកម្ពុជាមានប្រសាសន៍ថា ក្នុងចំណោម២៤ប្រភេទកីឡារបស់កម្ពុជា ដែលគ្រោងបញ្ជូនទៅស៊ីហ្គេម នៅម៉ាឡេស៊ី ឆ្នាំ២០១៧នេះ គឺមានប្រភេទកីឡាសក្តានុពលចំនួន៦ ដែលឯកឧត្តមជឿជាក់ថានឹងអាចដណ្តើមមេដាយមាសបាន ហើយនឹងអាចកើនឡើងច្រើនជាង ស៊ីហ្គេម នៅសិង្ហបុរី ពីព្រោះថា នៅសិង្ហបុរី ២០១៥នោះ ម្ចាស់ផ្ទះ មិនបានដាក់ប្រភេទកីឡាសក្តានុពលរបស់កម្ពុជាមួយចំនួន ដែលបានធ្វើឲ្យកម្ពុជាធ្លាក់មេដាយយ៉ាងច្រើន ដោយពេល នោះកម្ពុជាឈ្នះមេដាយមាសតែ១ប៉ុណ្ណោះ មេដាយប្រាក់ ៥ និងមេដាយសំរិទ្ធ៩វិញ្ញាសា។


ឯកឧត្តមអគ្គលេខាធិការគូសបញ្ជាក់បន្ថែមថា ស៊ីហ្គេម ឆ្នាំនេះ កម្ពុជាជឿជាក់ថា យើងនឹងអាចដណ្តើមបាន មេដាយមាសពី៥គ្រឿង ដល់១០គ្រឿង ខណៈមេដាយប្រាក់ និងមេដាយសំរិទ្ធក៏នឹងកើនឡើងច្រើនជាង២ឆ្នាំមុន ផងដែរ ដោយសារ ម្ចាស់ផ្ទះ ម៉ាឡេស៊ី លើកនេះ ដាក់ប្រភេទកីឡាចំនួន៣៦ ហើយក្នុងនោះកីឡាសក្តានុពលរបស់កម្ពុជា ក៏មានច្រើនដែរ មិនដូចនៅសិង្ហបុរីឡើយ។


ប្រភេទកីឡាសក្តានុពលចំនួន៦របស់កម្ពុជានោះរួមមាន៖ ប្រភេទកីឡាតេក្វាន់ដូ, ប៉េតង់, ប្រដាល់គុនខ្មែរ, ប្រដាល់សាកល, វូស៊ូ, វាយកូនបាល់ជាដើម។ ក្នុងចំណោម៦ប្រភេទកីឡាសក្តានុពលនោះ គេសង្គេតឃើញ២ប្រភេទកីឡា ដែលខ្ពស់ជាងគេបំផុត គឺតេក្វាន់ដូ ដែលឆ្នាំនេះមានកីឡាការិនីម្ចាស់មេដាយមាសទ្វីបអាស៊ី និងម្ចាស់មេដាយមាស ស៊ីហ្គេម ស៊ន សៀវម៉ី ក៏បានចូលរួមប្រកួតលើវិញ្ញាសា ៧៣គីឡូក្រាមដែរ។

 

ចំណែកឯប៊ូល និងប៉េតង់កម្ពុជា គេឃើញមានកីឡាករ កីឡាការិនីដ៏សំខាន់៣រូប ដែលជាម្ចាស់មេដាយមាសជើងឯកពិភពលោក កាលពីកន្លងទៅ គឺវីរកីឡាការិនីម្ចាស់មេដាយមាស២សម័យកាល កែ ឡេង ដែលនឹងត្រូវចាប់ដៃគូជាមួយ កីឡាការិនីម្ចាស់មេដាយមាសពិភពលោក អ៊ុក ស្រីមុំ លេងវិញ្ញាសា ២នាក់ទល់២នាក់ និងកីឡាករ សុខ ចាន់មាន ដែលនឹងត្រូវប្រកួតលើវិញ្ញាសាវាយឯកត្តជន ម្នាក់ទល់ ម្នាក់។


សូមបញ្ជាក់ថា ម្ចាស់ផ្ទះម៉ាឡេស៊ី ដាក់៣៦ប្រភេទកីឡាឲ្យបណ្តាប្រទេសក្នុងតំបន់អាស៊ីអាគ្នេយ៍ទាំង១១ ប្រទេសចូលរួមប្រកួត។ ដោយឡែកកម្ពុជាត្រៀម២៤ប្រភេទកីឡា ដែលមានអត្តពលិកសរុបចំនួន១៤៤នាក់ ក្រៅពីនេះនៅមានគ្រូបង្វឹក គ្រូជំនួយ មន្ត្រីរដ្ឋបាល ក្រុមស្រាវជ្រាវ និងផ្នែកផ្សេងៗទៀត មានចំនួនសរុប ២៧៦នាក់៕

v15

v16

v17

v18

v19

ព្រឹត្តិការណ៍ AFC U23 Championship វគ្គជម្រុះនៅកម្ពុជា ចាប់ផ្តើម២ប្រកួត នៅថ្ងៃពុធនេះ

ព្រឹត្តិការណ៍កីឡាបាល់ទាត់ជើងឯកប្រចាំទ្វីបអាស៊ី AFC U23 Championship CHINA 2018 វគ្គជម្រុះ ក្នុងពូល J ដែលកម្ពុជាទទួលធ្វើម្ចាស់ផ្ទះនោះ ត្រូវចាប់ផ្តើមដំណើរថ្ងៃដំបូងហើយ នៅថ្ងៃពុធនេះ នៅពហុកីឡដ្ឋានជាតិ ដោយ២ប្រកួតថ្ងៃបើកឆាកនេះ ជាការជួបគ្នារវាងក្រុមយុវជនអាយុក្រោម ២៣ឆ្នាំជប៉ុនប៉ះគ្នាជាមួយយុវជនហ្វីលីពីន ខណៈម្ចាស់ផ្ទះកម្ពុជាទទួលស្វាគមន៍ក្រុមភ្ញៀវចិន។


ចំពោះក្រុមជម្រើសជាតិជប៉ុន បានប្រើប្រាស់កីឡាករឈុត U20 ឆ្នាំរបស់ខ្លួន នៅក្នុងការប្រកួត AFC U23 Championship នេះ ដែលជាបេក្ខភាពត្រៀមព្រឹត្តិការណ៍កីឡាកម្រិតពិភពលោក អូឡាំពិកហ្គេម នៅប្រទេសរបស់ខ្លួន នាឆ្នាំ២០២០ ខាងមុខ។ នេះជាការអះអាងពីលោក Uchiyama Atsushi ​គ្រូ​បង្វឹក​របស់​ក្រុម​ជប៉ុន នៅក្នុងសន្និសីទសារពត៌មាន កាលពីម្សិលមិញ។ ចំពោះក្រុមយុវជនហ្វីលីពីនវិញ គឺភាគច្រើនជាកីឡាករ ដែលជ្រើសរើសចេញពីសាកលវិទ្យាល័យ ដោយលោក Marlon Maro ​គ្រូ​បង្វឹក​ក្រុម​ហ្វីលីពីនអះអាងថា ពួកគេមានសមត្ថភាពល្មមគ្រប់គ្រាន់សម្រាប់ព្រឹត្តិការណ៍ទ្វីបអាស៊ីមួយនេះ ហើយក៏ជាថ្នាលយុវជនសម្រាប់អនាគតរបស់ហ្វីលីនផងដែរ។


ចំណែកឯ លោក Massimiliano Maddaloni គ្រូ​បង្វឹក​ U23 ចិន​បញ្ជាក់ដែរ​ថា​ កូនក្រុម​របស់​លោក​លេង​​ដើម្បី​ឈ្នះ​ ​ទោះ​​ជា​ប៉ះ​ម្ចាស់​ផ្ទះ​កម្ពុជា​ និង​មក​លេង​ដើម្បី​បង្កើន​​ក​សមត្ថភាព​​ក៏​ដោយ។ ក្រុម​របស់​លោក​​នឹង​ធ្វើ​បាន​ល្អ​ និង​ស្វែង​បាន​៣​ពិន្ទុ​ពី​ម្ចាស់​ផ្ទះ​កម្ពុជា។ ក្រុម​យុវជន​ជម្រើស​ជាតិ​ចិន​ត្រូវបានគេសង្គេតឃើញថា មាន​សក្ដានុពល​​​ខ្លាំង​ និង​សម្បូរ​កីឡាករ​​មាន​ទេព​កោសល្យ​​ច្រើនខ្ពស់ជាច្រើននាក់ ជាពិសេសគឺ​កីឡាករ​ Wei Shihao ​អាយុ​​២២​ឆ្នាំ ​ដែល​​មាន​បទ​ពិសោធន៍​ច្រើន​ និង​កំពុង​លេង​នៅ​ក្លឹប Shanghai SIPG នៃលីគកំពូលចិន និង​កីឡាករ​ Zhang Yuning​​ លេង​​នៅ​​​ក្លឹប Vitesse ក្នុង​លីគ​កំពូល​ប្រទេសហុល្លង់​ ​រដូវ​កាល​ ២០១៦-២០១៧នេះ ​ ​និងគ្រោងទៅលេងនៅ​​ក្លឹប ​ West Bromwich ចក្រភពអង់គ្លេស​ នារដូវកាល២០១៧-២០១៧ខាងមុខ។


​រីឯគ្រូ​​​បង្វឹក​កម្ពុជា ​លោក​ Leonardo Vitorino បាននិយាយ​​ថា​ លោក​បានត្រៀមខ្លួនរួចហើយ សម្រាប់ព្រឹត្តិការណ៍ U23 ទ្វីបអាស៊ីនេះ ជាពិសេសគឺវគ្គជម្រុះក្នុងពូលJ នេះតែម្តង។ ក្នុងឋានៈជាម្ចាស់ផ្ទះ លោកជឿជាក់ថា កូនក្រុមរបស់លោកនឹងធ្វើបានល្អ ​លេង​ដោយ​មានទំនុក​ចិត្ត ​ដើម្បី​ខិតខំឈាន​ទៅ​វគ្គ​បន្ដ។ U23 កម្ពុជា​មិន​សូវ​​ខ្លាំង​ដូច​ក្រុម​៣​ផ្សេង​ទៀត ​ក្នុង​ពូល​ទេ​ ប៉ុន្តែ​បាល់ទាត់​គឺ​លេង​ដើម្បី​ឈ្នះ​ ហើយអ្នកណាក៏​មិន​ទាន់​ដឹង​មុនពីលទ្ធផល​ដែរ។


សូមបញ្ជាក់ថា វគ្គជម្រុះក្នុងពូលJ នេះនឹងត្រូវប្រកួតបីថ្ងៃ គឺថ្ងៃទី១៩កក្កដានេះ២ប្រកួត, ២១កក្កដា ២ប្រកួត និង២៣ កក្កដា មាន២ប្រកួតចុងក្រោយទៀត។ ព្រឹត្តិការណ៍ AFC U23 Championship នេះមានប្រទេសចូលរួមចំនួន៤០ក្រុម ចែកចេញជា១០ពូល ដោយក្នុង១ពូលៗយកតែចំណាត់ថ្នាក់លេខ១ប៉ុណ្ណោះ ដែលមាន១០ក្រុម ហើយ៦ក្រុមផ្សេងទៀតជាក្រុមដែលត្រូវបានវាយតម្លៃថាជាក្រុមល្អបំផុត ដែលជាបណ្តាក្រុមចំណាត់ថ្នាក់លេខ២ ក្នុងពូលទាំង១០នោះ ដើម្បីបង្គ្រប់១៦ក្រុមចុងក្រោយ ឈានទៅប្រកួតជុំផ្តាច់ព្រ័ត្រ នៅប្រទេសចិន នាឆ្នាំ២០១៨ ខាងមុខ៕

v11

v12

v13

v14

Sebastian Loeb ដកខ្លួនពីការប្រណាំងរថយន្ត Silk Way Rally ដោយសាររបូស

ម្ចាស់ជើងឯកប្រណាំងរថយន្តឆ្លងកាត់ឧបសគ្គ Rally ពិភពលោក៩សម័យកាល កីឡា ករ Sebastian Loeb ត្រូវបង្ខំចិត្តដកខ្លួនចេញពីការប្រកួតនៃព្រឹត្តិការណ៍ប្រណាំងរថយន្ត Silk Way Rally កាលពីថ្ងៃអង្គារម្សិលមិញដោយមានរបួសធ្ងន់ត្រង់ម្រាមដៃ។

v9

កីឡាករសញ្ជាតិបារាំងរូបនេះ បានទទួលរងរបួសដោយសារបុកខ្សាច់កាលពីថ្ងៃចន្ទ កន្លងមក ហើយក៏បានបញ្ចប់ក្ដីសង្ឃឹមថា ប្រណាំងឲ្យបានចប់ដល់គោលដៅ និងដណ្ដើមយក តំណែងជើងឯកផងដែរ។ ដូច្នេះមានន័យថា Sebastian Loeb សមាជិកក្រុម Peugeot ត្រូវ បានមិត្តរួមក្រុមម្ចាស់ការពារតំណែងជើងឯក Cyril Despres ឡើងមកកាន់កាប់លើតារាង ជើងឯក ក្រោយបញ្ចប់នៅលេខ៤ក្នុងដំណាក់កាលនេះ។

v10

សូមបញ្ជាក់ថា អ្នកឈ្នះក្នុងដំណាក់កាលនេះ គឺបានទៅលើកីឡាករសញ្ជាតិអ៊ីតាលី Amos Eguenio ប្រដេញពីក្រោយដោយកីឡាករអារ៉ាប៊ីសាអូឌីត Yazeed Alrajhi ខណៈលេខ៣បានទៅលើកីឡាករសហរដ្ឋអាមេរិក Bryce Menzies៕

Michael Matthews ឈ្នះដំណាក់ទី១៦កម្មវិធីប្រណាំងកង់ Tour de France

ព្រឹត្តិការណ៍ប្រណាំងកង់ដ៏ធំ Tour de France ប្រចាំឆ្នាំ២០១៧ បានសម្រាក១ថ្ងៃកាលពីថ្ងៃច័ន្ទ ហើយកាលពីថ្ងៃអង្គារម្សិលមិញបានដំណើរការប្រកួតឡើងវិញក្នុងដំណាក់កាលទី ១៦ ខណៈអ្នកឈ្នះដំណាក់កាលនេះបានទៅលើកីឡាករអូស្ត្រាលី Michael Matthews បន្ទាប់ពីចាប់ផ្តើមការប្រកួតរបស់ខ្លួនបានយ៉ាងល្អលើស្ថានផ្លូវរាបស្មើ។

v7

Michael Matthews សមាជិកក្រុម Sunweb កំពុងព្យាយាមយ៉ាងខ្លាំងដើម្បីបានប្រជែង អាវកាក់ពណ៌បៃតងពីកីឡាករអាល្លឺម៉ង់ Marcel Kittel ។ Matthews មកដល់ទីព្រ័ត្រមុនគេនៃ ដំណាក់ទី១៦នេះលើចម្ងាយផ្លូវ១៦៥គីឡូម៉ែត្រចេញពី Le Puy-en-Velay បញ្ចប់នៅ Romans-sur-Lsere ដោយប្រើថិរវេលា ៣ម៉ោង ៣៨នាទី និង១៥វិនាទី ចំណែកកីឡាករន័រវេស Edvald Boasson ស្ថិតនៅលេខ២មកដល់ទីព្រ័ត្រដំណាលគ្នានឹងកីឡាករអាល្លឺម៉ង់ John Degenkolb។

v8

សូមរំលឹកថា មកដល់ដំណាក់កាលទី១៦នេះ តារាងថិរវេលារួមមិនមានការប្រែប្រួលនោះទេ ដោយកីឡាករការពារតំណែងជើងឯកចក្រភពអង់គ្លេស Chris Froome សមាជិកក្រុម Team Sky នាំមុខគេក្នុងនាមជាអ្នកប្រើពេលតិចជាងគេ គឺ៦៨ម៉ោង ១៨នាទី និង៣៦វិនាទី តាមពីក្រោយ១៨វិនាទីកីឡាករអ៊ីតាលី Fabio Aru ជិះឲ្យក្រុម Astana Pro និងលេខ៣កីឡាករ ម្ចាស់ផ្ទះបារាំង Romain Bardet យឺតជាងអ្នកលេខ១ចំនួន២៣វិនាទី៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2