vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

សហព័ន្ធបាញ់កាំភ្លើងអំពាវនាវឲ្យអ្នកមានជំនាញខាងបាញ់បោះ មកចូលរួមជាមួយសហព័ន្ធ

ថ្លែងនៅក្នុងមហាសន្និបាតវិសាមញ្ញរបស់ខ្លួន, ឯកឧត្តម មៀច សុផាន់ណាប្រធានសហព័ន្ធកីឡាបាញ់កាំភ្លើងកម្ពុជាអាណត្តិថ្មីបានអំពាវនាវជាសាធារណៈចំពោះអ្នកជំនាញខាងបាញ់បោះ និងមានទេពកោសល្យពិតប្រាកដសូមមកចូលរួមជាមួយសហព័ន្ធបាញ់ ដើម្បីរួមគ្នាអភិឌ្ឍកីឡាបាញ់កាំភ្លើងកម្ពុជាឲ្យកាន់តែប្រសើរឡើង។


ប្រធានសហព័ន្ធរូបនេះបន្ថែមថា សូមកុំទៅបាញ់បោះសំឡុតគេនៅតាមទីសាធារណៈឬបាញ់បោះនៅក្នុងខារ៉ាអូខេ ជាដើម ហើយបើចង់បាញ់ពិតប្រាកដ សូមមកនៅក្លឹបបាញ់កាំភ្លើងរបស់សហព័ន្ធ តាមរយៈការហ្វឹកហាត់ ឬប្រកួតវិញ ដើម្បីស្វែងរកអ្នកជំនាញបាញ់កាំភ្លើងដ៏ជំនាញ ដើម្បីប្រកួតដណ្តើមមេដាយថ្នាក់ជាតិ និងអន្តរជាតិ មកជូនជាតិ ដែលការចូលរួមប្រកួតដោយស្របច្បាប់ ទើបទទួលបានការកោតសរសើរ ដោយសារយើងបានបញ្ចេញនូវជំនាញរបស់យើងពិតប្រាកដ និងត្រូវតាមគោលការណ៍ច្បាប់។


នៅក្នុងអង្គមហាសន្និបាតវិសាមញ្ញរបស់ខ្លួន ឯកឧត្តម មៀច សុផាន់ណា បានបញ្ជាក់ពីមូលហេតុដែល ថ្នាក់ដឹកនាំសម្រេចចិត្តរុះរើក្បាលម៉ាស៊ីនដឹកនាំ គឺដើម្បីពន្លឿនការអភិឌ្ឍកីឡាបាញ់កាំភ្លើងកម្ពុជាឲ្យរីកចម្រើនបានឆាបរហ័ស។ សហព័ន្ធបានប្រឹងប្រែងប្រមូលផ្តុំអ្នកស្រឡាញ់វិស័យកីឡាបាញ់កាំភ្លើងនេះ ដោយបន្ថែមក្រុមប្រឹក្សាបច្ចេកទេស អ្នកជំនាញផ្នែកច្បាប់ និងអ្នកជំនាញ ដែលគ្រប់គ្រងអាវុធជាដើម។


សមាសភាពសមាជិកប្រតិបត្តិសម្រាប់អាណត្តិថ្មីនេះ គឺមានរហូតដល់ ២៦រូប ក្នុងនោះឯកឧត្តម មៀច សុផាន់ណាត្រូវបានសមាជិកប្រតិបត្តិចំនួន២៦រូប និងតំណាងក្លិប-សមាគមជាច្រើនរូបសម្រេចបោះឆ្នោតគាំទ្រជូនឯកឧត្តមឲ្យបន្តសិទ្ធិជាប្រធានសហព័ន្ធកីឡាបាញ់កាំភ្លើងកម្ពុជាអាណត្តិថ្មី។


ក្រៅពីប្រធាន មានអនុប្រធានអមចំនួន៨រូប គឺឧត្តមសេនីយ៍ឯក ចាប ភក្តី,ឧត្តមសេនីយ៍ឯក ប៊ុត សុភាព, លោក Guy Porre,ឯកឧត្តម សាមីឌី ស៊ីវឌ្ឍនា, ឧត្តមសេនីយ៍ឯកធាន ប៊ុន សេង, ឧត្តមសេនីយ៍ឯក នុត សវនា, ឧត្តមសេនីយ៍ឯក សុខ ខេមរិន, លោក ទេពរិទ្ធិវិទ្ធ។

 

ចំណែកឯ លោក ហូ សិទ្ធិគុណ ជាអគ្គលេខាធិការ, លោក ម៉ៅ សុវង្ស,លោកស្រីឧត្តមសេនីយ៍ទោ ស៊ំ សុខា, លោក Pily Wong,លោក វុត្ថា ប៉ុណ្ណារិទ្ធ ជាអគ្គលេខាធិការរង ក្រៅពីនេះគឺជាសមាជិក៕

v3

v4

ក្រុមគោព្រៃកម្ពុជា ឈុត U22 ឆ្នាំបញ្ចប់ការហ្វឹកហាត់ម្សិលមិញចេញទៅប្រកួតដណ្តើមKBZ Bank Cup នៅមីយ៉ាន់ម៉ា

ក្រុមបាល់ទាត់ជម្រើសជាតិកម្ពុជា រហ័សនាម គោព្រៃកម្ពុជា អាយុក្រោមអាយុ២២ឆ្នាំបានបញ្ចប់ការប្រមូលផ្តុំហ្វឹកហាត់ ត្រឹមថ្ងៃអាទិត្យ ម្សិលមិញ ដើម្បើចេញដំណើរ នៅថ្ងៃចន្ទនេះ ចូលរួមប្រកួត នៅប្រទេសមីយ៉ាន់ម៉ា ក្នុង ព្រឹត្តិការណ៍ពានរង្វាន់KBZ Bank Cup 2017 ដែលនឹងត្រូវចាប់ផ្ដើម នាថ្ងៃទី២៨ ខែមិថុនា ដល់ថ្ងៃទី២ខែកក្កដា ឆ្នាំ២០១៧។


ក្រុមជម្រើសជាតិកម្ពុជាក្រោមអាយុក្រោម២២ឆ្នាំ ក្រោមការដឹកនាំពីគ្រូបង្គោលសញ្ជាតិប្រស៊ីល, លោក Leonardo Vitorino បានប្រមូលផ្តុំហ្វឹកហាត់ តាំងពីថ្ងៃទី២២ មិថុនា ដើម្បីបង្កើនបច្ចេកទេសត្រៀមចូលរួមប្រកួត នៅមីយ៉ាន់ម៉ា ដែលមានក្រុមប្រទេសចូលរួមប្រកួត KBZ Bank Cup ចំនួន៤ប្រទេស គឺម្ចាស់ផ្ទះមីយ៉ាន់ម៉ា, ក្រុម Universiade របស់ជប៉ុន, ហុងកុង និងកម្ពុជា។


យោងតាមកម្មវិធីប្រកួតរបស់សហព័ន្ធកីឡាបាល់ទាត់កម្ពុជាបានឲ្យដឹងថាការប្រកួតបាល់ទាត់លីគកំពូលកម្ពុជា រដូវកាល ២០១៧ត្រូវសម្រាកការប្រកួតរយៈពេល៥សប្ដាហ៍ គិតចាប់ពីចុងសប្ដាហ៍នេះដោយសារក្រុមជម្រើសជាតិកម្ពុជាត្រូវប្រមូលផ្ដុំហ្វឹកហាត់និងត្រៀមចូលរួមប្រកួត ក្នុងព្រឹត្តិការណ៍ផ្សេងៗចំនួន២ផ្សេងទៀត។
២ប្រកួតនោះ គឺជាព្រឹត្តិការណ៍អន្ដរជាតិក្នុងស្រុកដោយក្រុម Cambodian All Star ត្រូវធ្វើការប្រមូលផ្ដុំត្រៀមជួបក្រុមខ្លាំងថៃ Maungthong United ក្នុងជំនួបមិត្តភាពអន្តរជាតិនាថ្ងៃទី១៦ ខែកក្កដា នៅលើកីឡដ្ឋានជាតិនិងការប្រមូលផ្ដុំរបស់ក្រុម U-23 កម្ពុជា ដើម្បីបើកទ្វារពហុកីឡដ្ឋានជាតិធ្វើជាម្ចាស់ផ្ទះវគ្គជម្រុះពានរង្វាន់ AFC U-23 Championship 2018 ចាប់ពីថ្ងៃទី១៩-២៣ ខែកក្កដា ឆ្នាំ២០១៧។


បន្ទាប់ពីបញ្ចប់៣ព្រឹត្តិការណ៍អន្តរជាតិនេះ, ការរប្រកួតលីគកំពូលកម្ពុជានឹងត្រូវប្រកួតបានត្រឹម១សប្ដាហ៍វិញហើយត្រូវសម្រាប់រយៈពេលវែងម្តងទៀត ដោយចាប់ពីថ្ងៃទី២៩-៣០ ខែកក្កដាដោយសារការប្រមូលផ្ដុំរបស់ក្រុមជម្រើសជាតិយុវជនកម្ពុជាអាយុក្រោម២២ឆ្នាំ ដើម្បីចូលរួមការប្រកួតកីឡាស៊ីហ្គេម លើកទី២៩ នៅទីក្រុងកូឡាឡាំពួរប្រទេសម៉ាឡេស៊ី ចាប់ពីថ្ងៃទី១៩ រហូតដល់ថ្ងៃទី៣០ ខែសីហា ឆ្នាំ២០១៧នេះ៕

v1

v2

Federer ទម្លាក់កីឡាករម្ចាស់ផ្ទះឡើងទៅវគ្គបន្ត ខណៈNishikori ដកខ្លួនដោយសាររបួស

v15

កីឡាករវាយកូនបាល់អាជីពសញ្ជាតិស្វីស Roger Federerបានប្រកួតយកឈ្នះកីឡាករអាល្លឺម៉ង់MischaZverevក្នុងលទ្ធផល២-០សិត គឺ ៧-៦ និង៦-៤ ឡើងទៅវគ្គ៨នាក់ចុងក្រោយ កម្មវិធី Halle Open2017ឬGerry Weber Open2017ដែលធ្វើឡើងនៅក្រុង Halleប្រទេសអាល្លឺម៉ង់។


ក្រោយទម្លាក់ម្ចាស់ផ្ទះរូបនេះហើយ Federerនឹងឡើងទៅជួបកីឡាករម្ចាស់ផ្ទះម្នាក់ផ្សេងទៀត គឺFlorian Mayerដែលមានជ័យជម្នះលើLucas Pouilleជាមួយនឹងលទ្ធផល ២-១សិត គឺ៦-៧ ៦-៤ និង៦-៣។

v16
ចំណែកកីឡាករជប៉ុន Kei Nishikori មិនអាចបន្តដំណើរទៅមុខបានទៀតទេ ក្នុងព្រឹត្តិការណ៍នៅអាល្លឺម៉ង់នេះ ក្រោយដកខ្លួនចេញ ដោយសាររបួស ខណៈការប្រកួតទើបចាប់ផ្ដើមសិតទីមួយ ហើយពេលនោះរូបគេតាមពីក្រោយកីឡាកររុស្ស៊ី Karen Khachanov២-៣។


ក្នុងវគ្គ៨នាក់ចុងក្រោយ Khachanovត្រូវប៉ះជាមួយមិត្តរួមជាតិAndreyRublevដែលទម្លាក់មិត្តរួមជាតិម្នាក់ផ្សេងទៀតMikhail Youzhnyក្នុងលទ្ធផលពិន្ទុ ៦-០ ៣-៦ និង៦-៣៕

Liverpool ជិតទិញបានSalahខណៈ Ferdinand ថាបើ Ronaldo ត្រលប់មកវិញ ពិតជាប្រវត្តិសាស្ត្រហើយរីឯCrystal Palace កំពុងទាក់ទងFrank de Boer

v11

ហង្សក្រហម Liverpoolត្រូវបានសារព័ត៌មានជាច្រើនចុះផ្សាយថានឹងចំណាយលុយយ៉ាងច្រើនសន្ធឹកសន្ធាប់ទៅឲ្យក្រុមនៅអ៊ីតាលី Romaដើម្បីទិញយកខ្សែបម្រើស្លាប Mohamed Salah។


សារព័ត៌មានទាំងនោះ បានរាយការណ៍ថាកីឡាករសញ្ជាតិអេហ្ស៊ីបវ័យ២៥ឆ្នាំ បានធ្វើដំណើរទៅអង់គ្លេស ដើម្បីពិនិត្យសុខភាពហើយ កាលពីថ្ងៃព្រហស្បតិ៍ម្សិលមិញ ខណៈដែលគ្រប់គ្នាជឿថាការត្រលប់មកលេងនៅក្របខ័ណ្ឌ Premier Leagueម្ដងទៀតនេះ អតីតកីឡាករតោខៀវ Chelseaរូបនេះ នឹងមានតម្លៃខ្លួនចន្លោះពី៣៤ ទៅ៣៩លានផោន (ពី៤៣ ទៅ៤៩លានដុល្លារ)។

v12
ចំណែកឯ Rio Ferdinand អតីតខ្សែការពាររបស់ក្រុមជម្រើសជាតិអង់គ្លេស និងបិសាចក្រហម Manchester Unitedបាននិយាយកាលពីម្សិលមិញនេះដែរថាប្រសិនបើ Cristiano Ronaldoត្រលប់មក Premier Leagueម្ដងទៀត នោះវានឹងកា្លយជារឿងព្រេងមួយសម្រាប់អ្នកគាំទ្រជាក់ជាមិនខាន។


ការលើកឡើងបែបនេះ បន្ទាប់ពីមានព័ត៌មានមួយរយៈចុងក្រោយនេះថាបិសាចក្រហម មានបំណងនាំយកខ្សែប្រយុទ្ធអន្តរជាតិព័រទុយហ្គាល់វ័យ៣២ឆ្នាំ ដែលធ្លាប់លេងឲ្យក្រុមចំនួន៦រដូវកាល (២០០៣-២០០៩) ត្រលប់មករួមក្រុមជាថ្មីម្ដងទៀត ហើយស្របពេលម្ចាស់ពានBallon d'Orចំនួន៤ដង កំពុងមានរឿងរកាំរកូសជាមួយអធិរាជស Real Madridផងដែរ។


Ferdinandបាននិយាយថា “វានឹងកា្លយជារឿងព្រេងនិទានជាមិនខានប្រសិនបើក្លាយជាការពិតមែននោះ។ នេះជាក្ដីសុបិនរបស់អ្នកគាំទ្រគ្រប់គ្នា ព្រោះថាគាត់(Cristiano Ronaldo) គឺជាកីឡាករល្អបំផុតលើផែនដីនេះ បច្ចុប្បន្ននេះ”។

v13
ដោយឡែកសារពត៌មានធំៗនៅចក្រភពអង់គ្លេសវិញ បានឲ្យដឹងថា Crystal Palace ក្រុមនៅPremier Leagueអង់គ្លេស មួយផ្សេងទៀត កំពុងទាក់ទងលោក Frank de Boerអតីតគ្រូបង្វឹក Ajaxនិង Inter Milanដើម្បីស្នើឲ្យបុរសហូឡង់វ័យ៤៧ឆ្នាំរូបនេះ មកដឹកនាំក្រុមជំនួសលោកSam Allardyceដែលលាលែងពីតំណែង កាលពីខែមុន៕

Oscar រងបម្រាម៨ប្រកួតពីសមាគមបាល់ទាត់ចិន

អតីតសមាជិកក្រុមតោខៀវ Chelsea កីឡាករខ្សែបម្រើសញ្ជាតិប្រេស៊ីល Oscar ត្រូវ បានសមាគមបាល់ទាត់ចិនដាក់ពិន័យមិនឲ្យលេង៨ប្រកួត និងពិន័យជាទឹកប្រាក់៤ម៉ឺនយន់ ស្មើនឹង៥០០០ដុល្លារអាមេរិក ចំពោះការរួមចំណែករបស់គេក្នុងហេតុការណ៍ប្រទូស្តរ៉ាយគ្នាជា ទ្រង់ទ្រាយធំកាលពីចុងសបា្តហ៍កន្លងមកនៅលីគកំពូលចិន។

hh39

Oscar ជាតួអង្គចម្បងបង្កឲ្យមានការវាយតប់គ្នា អំឡុងការប្រកួតរវាង Shanghai SIPG នឹងក្រុម Guangzhou R&F ដែលក្រុមទាំង២បានបញ្ចប់ដោយលទ្ធផលស្មើគ្នា ១-១ កាលពីចុងសបា្តហ៍កន្លងមក។ ក្នុងការប្រកួតនោះ Oscar វ័យ២៥ឆ្នាំបានទាត់បាល់ដោយចេតនាបំបុក កីឡាកររបស់ក្រុម Guangzhou R&F ចំនួន២ដងដែលធ្វើអោយមានការផ្ទុះកំហឹងកើតឡើង។ ក្នុងនោះកីឡាករ២នាក់ត្រូវអាជ្ញាកណ្តាលពិន័យកាត២ក្រហម ខណៈ Oscar បានកាតលឿង។

hh40

គួររំលឹកថា ចំពោះករណីដែលសមាគមបាល់ទាត់ចិនដាក់បម្រាមនេះ មិនមែនតែ Oscar ម្នាក់ប៉ុណ្ណោទេ ក្នុងនោះមានកីឡាករ Fu Huan របស់ក្លិប Shanghai SIPG  ទទួលកាតក្រហម នៅពេលនោះជាប់បម្រាមមិនឲ្យលេង៦ប្រកួត និងពិន័យប្រាក់ ៣ម៉ឺនយ័នស្មើនឹង៤៤០០ ដុល្លារអាមេរិក។ ចំណែកកីឡាកររបស់ក្រុមម្ចាស់ផ្ទះ Guangzhou R&F គឺកីឡាករ Li Tixiang ជាប់បម្រាម៥ប្រកួត និងពិន័យ២៥០០០យ័នស្មើនឹង៣៧០០ដុល្លារអាមេរិក៕

 

ក្រោយស៊ុតស្មើអាល្លឺម៉ង់ Sanchez ក្លាយជា Top Scorer សម្រាប់ស៊ីលី

ខ្សែប្រយុទ្ធរបស់ក្លិបកាំភ្លើងធំ Arsenal កីឡាករ Alexis Sanchez បានក្លាយជាអ្នកទាត់បាល់បញ្ចូលទីច្រើនជាងគេ ពោលគឺ៣៨គ្រាប់ក្នុងកំណត់ត្រាចូលលេង១១៣លើកឲ្យក្រុមជម្រើសជាតិស៊ីលី ក្រោយពីរូបគេស៊ុតបញ្ចូលទីក្រុមជម្រើសជាតិឥន្ទ្រីដែកអាល្លឺម៉ង់ក្នុងការ ប្រកួត FIFA Confederations Cup នៅរុស្ស៊ីកាលពីយប់មិញ។

hh37

ក្រោយបញ្ចប់ការប្រកួតដោយស៊ីលស្មើ ១-១ ទល់នឹងក្រុមជើងឯកពិភពលោកអាល្លឺ ម៉ង់ កីឡាករវ័យ២៩ឆ្នាំរូបនេះបាននិយាយថា រូបគេពិតមានមោទនភាពយ៉ាងខ្លាំងដែលបានក្លាយជាអ្នករកគ្រាប់បាល់បានច្រើនជាងគេក្នុងក្រុមជម្រើសជាតិស៊ីលី។ អតីតសមាជិកក្លិបអ្នកមានបុណ្យ FC Barcelona រូបនេះបន្តទៀតថា ក្តីសុបិនដ៏សំខាន់បំផុតរបស់រូបគេ គឺចង់ពានរង្វាន់ FIFA Confederations Cup នៅឆ្នាំនេះ។

hh38

សូមបញ្ជាក់ថា ១គ្រាប់របស់ស៊ីលីរកបានដោយ Sanchez តាំងពីនាទី៦ ប៉ុន្តែយុវជន វ័យក្មេង Lars Stindl ជួយឲ្យអាល្លឺម៉ង់តាមបានស្មើវិញនៅនាទី៤១ ហើយលទ្ធផល១ទល់នឹង១ នេះបានឈានដល់ចប់៩០នាទី។ ឆ្លងកាត់២ប្រកួតកន្លងមក ឈីលី និង អាល្លឺម៉ង់ មាន៤ពិន្ទុដូចគ្នា ហើយទាំង២ក្រុមនេះត្រូវការ១ពិន្ទុប៉ុណ្ណោះ គឺមានសុវត្ថិភាព១០០%ទៅកាន់វគ្គពាក់កណ្តាលផ្តាច់ព្រ័ត្រហើយ ខណៈអូស្ត្រាលី និងកាមេរូន ស្មើគ្នា១ទល់នឹង១។ ដោយឡែកការប្រកួតលើកទី៣ស៊ីលីជួបអូស្ត្រាលី ស្របពេលអាល្លឺម៉ង់ប្រឈមនឹងកាមេរូននៅថ្ងៃអាទិត្យចុងសបា្តហ៍នេះ៕

រកឃើញ៤ក្រុមឡើងវគ្គពាក់កណ្តាលផ្តាច់ព្រ័ត្រព្រឹត្តិការណ៍កីឡាមហាជនរាជធានីភ្នំពេញ

ប្រភេទកីឡាបាល់ទាត់ ក្នុងចំណោម៦ប្រភេទកីឡានៃព្រឹត្តិការណ៍មហាជនរាជធានីភ្នំពេញ ប្រចាំឆ្នាំ២០១៧ បានរកឃើញ៤ក្រុមឡើងវគ្គពាក់កណ្តាលផ្តាច់ព្រ័ត្រហើយ កាលពីព្រឹកមិញ នៅទីលាន វិទ្យាល័យបឹងកេងកង បន្ទាប់ក្រុមខ្លាំងៗទាំង៤បានយកឈ្នះលើគូប្រកួតរៀងៗខ្លួនរួចហើយនោះ។


៤ក្រុមនោះ គឺក្រុមវិទ្យាល័យឫស្សីកែវ ប្រកួតឈ្នះក្រុមអង្គការមិត្តសំឡាញ់ ក្នុងលទ្ធផល ១១ទល់១ ខណៈ សាលាខណ្ឌជ្រោយចង្វារ បានយកឈ្នះក្រុមសហភាពសហព័ន្ធយុវជនកម្ពុជាខណ្ឌមានជ័យ ១១ទល់២ រីឯក្រុម អូ. ខេ.អេហ្វឈ្នះវិទ្យាល័យជាស៊ីមសាមគ្គី ៣ទល់២ ខណៈវិទ្យាល័យសន្ធរម៉ុក ឈ្នះវិទ្យាល័យជាស៊ីមជ្រោយចង្វារ ដោយលទ្ធផល ៨ទល់០។ សម្រាប់ការប្រកួតនៅវគ្គពាក់កណ្តាលផ្តាច់ព្រ័ត្រ គឺវិទ្យាល័យឫស្សីកែវនឹងត្រូវជួបជាមួយ ក្រុមសាលាខណ្ឌជ្រោយចង្វារ ហើយក្រុម អូ. ខេ.អេហ្វនឹងប៉ះជាមួយក្រុមវិទ្យាល័យសន្ធរម៉ុក នាថ្ងៃទី២៦ មិថុនា ដូចគ្នា។ ឆ្នាំនេះក្រុមបាល់ទាត់មានចំនួន ៩ក្រុម ដោយកើនឡើង៤ក្រុម បើប្រៀបធៀបទៅនឹងព្រឹត្តិការណ៍ដូចគ្នា កាលពីឆ្នាំមុន។


ចំណែកឯលទ្ធផលលើប្រភេទកីឡាបាល់ទះ កាលពីម្សិលមិញ គឺក្រុមវិទ្យាល័យជាស៊ីមជ្រោយចង្វារបានយកឈ្នះវិទ្យាល័យជាស៊ីមសាមគ្គី ដោយលទ្ធផល ៣សិតទល់២សិត ក្នុងពិន្ទុ ២៥ទល់១៩, ២២ទល់២៥, ១៧ទល់២៥, ២៥ទល់២៣ និង១៦ទល់១៤។


សូមបញ្ជាក់ថា ព្រឹត្តិការណ៍កីឡាមហាជនរាជធានីភ្នំពេញ ប្រចាំឆ្នាំ២០១៧នេះ មានចំនួន៦ប្រភេទកីឡា គឺបាល់ទាត់, បាល់បោះ, បាល់ទះ, អត្តពលកម្ម, ប៉េតង់ និងវាយកូនឃ្លីលើតុ ដែលបានចាប់ផ្តើមកាលពីថ្ងៃទី១៩ មិថុនា និងគ្រោងបញ្ចប់ចែករង្វាន់ជ័យលាភី នាថ្ងៃទី២៨ មិថុនា ខាងមុខ៕

v6

v7

ជម្រើសជាតិហែលទឹក ហែម ថុនវិទិនី ប្តេជ្ញាធ្វើឲ្យបានល្អសម្រាប់ស៊ីហ្គេម លើកទី២៩ នៅម៉ាឡេស៊ី ខែសីហា ឆ្នាំ២០១៧

កីឡាការិនីជម្រើសជាតិកម្ពុជាលើប្រភេទកីឡាហែលទឹក ហែម ថុនវិទិនី បានប្តេជ្ញាចិត្តខ្ពស់ ទាំងក្នុងការហ្វឹកហាត់ជារៀងរាល់ថ្ងៃ ក៏ដូចជាការប្រកួតក្នុងព្រឹត្តិការណ៍ថ្នាក់ជាតិ លើកទី២ ជម្រើសជើងឯកព្រឹទ្ធាចារ្យ ហែម ថុន កាលពីពេលថ្មីៗនេះ ដើម្បីបង្កើនសិទ្ធផលឲ្យកាន់តែខ្ពស់ ធ្វើយ៉ាងណាធ្វើឲ្យបានល្អ សម្រាប់ព្រឹត្តិការណ៍កីឡាថ្នាក់តំបន់អាស៊ាន ស៊ីហ្គេម លើកទី២៩ នៅប្រទេសម៉ាឡេស៊ី ក្នុងឆ្នាំ២០១៧នេះ ដែលនឹងចូលមកដល់ នាខែសីហា ខាងមុខនេះ។


កីឡាការិនី ដែលបានបំបែកថេរវេលាចាស់ កាលពីអូឡាំពិកហ្គេម នៅទីក្រុង រីយ៉ូ ប្រទេសប្រេស៊ីល កាលពីឆ្នាំ២០១៦ កន្លងទៅនោះ បានបញ្ជាក់ថា សម្រាប់ស៊ីហ្គេម លើកនេះ នាងនឹងប្រកួតលើប្រភេទវិញ្ញាសា៥០ម៉ែត្រ សេរី, ១០០ម៉ែត្រសេរី និងអាច៥០ម៉ែត្រ មេអំបៅ។ វិទិនីគូសបញ្ជាក់ថា បើទោះបីជាយ៉ាងណា នាងកំពុងបន្តការហ្វឹកហាត់ជារៀងរាល់ថ្ងៃ ដើម្បីធ្វើឲ្យបានល្អ សម្រាប់ស៊ីហ្គេម នៅម៉ាឡេស៊ី ក្នុងឆ្នាំ២០១៧ នេះ។


កីឡាការិនីហែលទឹករូបនេះ ថ្វីដ្បិតតែមិនទាន់អាចដណ្តើមបានមេដាយមកជូនជាតិនៅឡើយក្តី ប៉ុន្តែនាងធ្លាប់មានបទពិសោធន៍ជាច្រើន ក្នុងព្រឹត្តិការណ៍អន្តរជាតិជាច្រើនលើក ដូចជាអូឡាំពិកហ្គេម ទៅទីក្រុងឡុងដ៍ ចក្រភព អង់គ្លេស កាលពីឆ្នាំ២០១២ និងអូឡាំពិកហ្គេម ទីក្រុងរីយ៉ូ ប្រទេសប្រេស៊ីល កាលពីឆ្នាំ២០១៦ជាដើម។


ចំណែកឯ លោក ហែម គីរី អគ្គលេខាធិការ សហព័ន្ធខ្មែរ កីឡាហែលទឹកបានប្រាប់ រស្មីហង្សមាស HDTV នៅថ្ងៃនេះថា សម្រាប់ព្រឹត្តិការណ៍ ស៊ីហ្គេម នៅម៉ាឡេស៊ី នាខែសីហាខាងមុខនេះ គឺសហព័ន្ធត្រៀមបញ្ជូនកីឡាករ ៥នាក់ គឺកីឡាករ ចេង សុផា, ធឿន ចាន់ថុល, ចេង ពីរោធ, ហែម ថុនពន្លឺ, លឹម កែវឧត្តម និងកីឡាការិនី២នាក់ គឺ ហែម ថុនវិទិនី និងកីឡាការិនី សុខ វរលក្ខណ៍ រួមទាំងគ្រូបង្វឹក២នាក់។ សម្រាប់វិញ្ញាសាប្រកួតមានច្រើន ក្នុងនោះ មានវិញ្ញាសាហែលឯកត្តជន ៥០ម៉ែត្រ, ១០០ម៉ែត្រ និង២០០កង្កែប, សេរី ៥០ម៉ែត្រ និង១០០ម៉ែត្រ, មេអំបៅ ៥០ម៉ែត្រ និង១០០ម៉ែត្រ, ហែលផ្ងារ ៥០ម៉ែត្រ, ១០០ម៉ែត្រ និងវិញ្ញាសាហែលបណ្តាក់៤របៀប ៤ដងសេរី។ អគ្គលេខាធិការរូបនេះបន្ថែមថា សម្រាប់ការហ្វឹកហាត់គឺសហព័ន្ធបង្វឹកពេញ១ឆ្នាំតែម្តង ដោយមានកម្មវិធីហ្វឹកហាត់ច្បាស់លាស់ជារៀងរាល់ថ្ងៃ ប៉ុន្តែការប្រមូលផ្តុំហ្វឹកហាត់ក្រុមជម្រើសជាតិតាមកម្មវិធីរបស់ក្រសួងអប់រំ យុវជន និងកីឡា បានចាប់ផ្តើម កាលពីខែមីនា។ មកដល់ពេលនេះលោកពិនិត្យឃើញថា សិទ្ធផលរបស់កីឡាករ កីឡាការនីទាំង៧រូបនេះមានការកើនឡើងខ្ពស់ ដែលលោករំពឹងថា ពួកគេនឹងធ្វើបានល្អ នៅស៊ីហ្គេម ជាក់ជាមិនខាន។ លោកមិនហ៊ានសន្យាថា ហែលទឹកនឹងដណ្តើមមេដាយបាន ឬមិនបាននោះទេ ប៉ុន្តែលោក និងអត្តពលិកហែលទឹក ព្រម ទាំងគ្រូបង្វឹកបានប្តេជ្ញារួមគ្នាថានឹងប្រឹងប្រែងឲ្យអស់ពីលទ្ធភាព ដើម្បីដណ្តើមបាននូវលទ្ធផលដ៏ល្អមួយសម្រាប់ជាតិរបស់ខ្លួន៕

v4

v5

យុវជនកម្ពុជាចាញ់យុវជនវៀតណាម ០-៤អបអរគម្រប់ខួប៥០ឆ្នាំទំនាក់ទំនងការទូតនៃប្រទេសទាំងពីរ

ក្នុងឋានៈជាក្រុមម្ចាស់ផ្ទះ, យុវជនអាយុក្រោម១៧ឆ្នាំកម្ពុជាបានប្រកួតចាញ់ក្រុមយុវជនអាយុក្រោម១៧ឆ្នាំ របស់ប្រទេសវៀតណាម ដោយលទ្ធផល ០ទល់៤ កាលពីយប់មិញ នៅកីឡដ្ឋានជាតិ នៅក្នុងជំនួបមិត្តភាពកម្តៅសាច់ដុំ ក្នុងឱកាសអបអរសាទរគម្រប់ ខួបលើកទី៥០ឆ្នាំទំនាក់ទំនងការទូតនៃប្រទេសទាំងពីរ។


ក្នុងជំនួបមិត្តភាពនេះ នៅ២០នាទីដំបូង ក្រុមម្ចាស់ផ្ទះមានឱកាសសង្កត់លើក្រុមភ្ញៀវយ៉ាងខ្លាំង ប៉ុន្តែមិនមាន ឱកាសរកគ្រាប់បាល់បានឡើយ ហើយនៅនាទី៣៣នាទី ក្រុមយុវជនវៀតណាមរកបានគ្រាប់ទី១របស់ខ្លួន លើលើកម្ពុជា ខណៈមុនបញ្ចប់ការប្រកួតនៅវគ្គទី១នេះដែរ វៀតណាមរកបាន១គ្រាប់បន្ថែមទៀត។ ចូលដល់វគ្គទី២ ក្រុមភ្ញៀវវៀតណាមធ្វើសម្រេចបាន២គ្រាប់បន្ថែមទៀត។ ទម្រង់លេងរបស់ក្រុមយុវជនកម្ពុជាធ្វើមិនសូវល្អឡើយប៉ុន្តែព្យាយាមលេងដោយការវាយសម្រុកច្រើនជាងការការពារ។ចំណែកឯខ្សែប្រយុទ្ធវៀតណាមលេងស៊ីសង្វាក់គ្នាបានល្អ នៅពេលចូលដល់តំបន់គ្រោះថ្នាក់ដោយអាចធ្វើសម្រេចបានរហូតដល់៤គ្រាប់ហើយតំបន់ការពារក៏រឹងមាំខ្លាំងដែរ។ កាលពីឆ្នាំមុន ក្រុមយុវជនកម្ពុជាធ្លាប់ជួបគ្នាម្តង ដោយចាញ់យុវជនវៀតណាម ០ទល់១។


លោក Dinh The Nam គ្រូជម្រើសជាតិ U-17 វៀតណាម បានឲ្យដឹងថា ការប្រកួតនេះលោកបានដាក់ជម្រើស១១នាក់ដំបូងសុទ្ធតែកីឡករល្អៗបំផុត ហើយទទួលបាននូវលទ្ធលដ៏ល្អ ក្នុងការកម្តៅសាច់ដុំបង្កើនចំណងមិត្តភាពការទូតលើកទី៥០ឆ្នាំនេះ។


ចំណែកឯលោក Inoue Kasunori គ្រូបង្គោលសញ្ជាតិជប៉ុនដឹកនាំក្រុមយុវជនកម្ពុជា គូសបញ្ជាក់ដែរថា ការប្រកួតនេះលោកបានប្រើប្រាស់ជម្រើស១១នាក់ដំបូងសុទ្ធសឹងតែជាកីឡករល្អៗដូចខាងវៀតណាមដែរប៉ុន្តែលទ្ធផលនៅតែមិនអាចល្អ ដូចបំណងរបស់លោកឡើយ។លោកអះអាងថា កូនក្រុមរបស់លោកមិនអាចប្រៀបធៀបកម្រិតសមត្ថភាពជាមួយប្រទេសនៅតំបន់អាស៊ានបានឡើយ ហើយប្រសិនបើចង់ឲ្យយុវជនកម្ពុជាខ្លាំងដូចយុវជនជប៉ុន គឺត្រូវការពេលវេលាហ្វឹកហាត់រយៈពេលយូរទៀត ហើយត្រូវចាប់ផ្ដើមបង្ហាត់ពីក្មេងៗមក ទើបកម្រិតបច្ចេក ទេស និងសមត្ថភាពរបស់កីឡាករមានការរីកចម្រើនខ្លាំង។ ចំពោះសមត្ថភាព U17 កម្ពុជា យប់មិញនេះ លោកគិតថា យុវជនកម្ពុជារីកចម្រើនខ្លាំងដែរ ប៉ុន្តែយុវជនវៀតណាមខ្លាំងជាងជាពិសេសគឺពួកគេមានសំណាងជាងកម្ពុជា៕

v1

v2

v3

កីឡាករវាយសីមកពី៤ប្រទេសប្រកួតរកមូលនិធីជួយដល់កុមារនិងសិស្សគ្រួសារក្រីក្រ

ខេត្តបន្ទាយមានជ័យ៖កីឡាករវាយសីមកពី៤ប្រទេសចំនួន១៦ក្រុមប្រកួតរកមូលនីធិសប្បុរសធម៌រកថវិការជួយដល់កុមារនិងសិក្សានុសិស្សគ្រួសារជួបការលំបាកនៅថ្ងៃទី២១ខែមិថុនាឆ្នាំ២០១៧នៅទីលានវាយសីបូរីសានស៊ានហូរក្រុងប៉ោយប៉ែត។
កញ្ញា ហុក ជីហ័រ តំណាងក្លឹបយុវជនក្រុងប៉ោយប៉ែតបានអោយដឹងថា៖ដោយគាំទ្រសហការពីក្រុមហ៊ុនផ្គត់ផ្គង់សេវ៉ាអ៊ិនធឺណែត(MEGA)និងមានឧបត្ថម្ភពីម្ចាស់បូរីសានស៊ានហូរក្រុងប៉ោយប៉ែតរួមជាមួយក្រុមយុវជនបានរៀបចំការប្រកួតវាយសី ប្របូលមូលនីធិសប្បុរសធម៌ដើម្បីជួយដល់កុមារនិងសិក្សានុសិស្សគ្រួសារមានជីវភាពជួបការលំបាក។
លោក សៀក សង់ស៊ី អគ្គនាយកក្រុមហ៊ុនផ្គត់ផ្គង់សេវាអ៊ិនធឺណែត(MEGA)បានមានប្រសាសន៍ថា៖ដើម្បីចូលរួមជាមួយរាជរដ្ឋាភិបាលកម្ពុជាជួយដល់កុមារនិងសិក្សានុសិស្សដែលគ្រួសារជួបការលំបាក់នៅក្នុងក្រុងប៉ោយប៉ែត ហើយក្រុមហ៊ុនផ្គត់ផ្គង់សេវាអ៊ិនធឺណែត(MEGA)បានរៀបចំការប្រកួតវាយសីដើម្បីប្រមូលនីធិពីសប្បុរសជនសម្រាប់ជួយដល់កុមារនិងសិស្សគ្រួសារក្រីក្រ។
លោក ហុង លៀង អ្នកចាត់ការក្លឹបកីឡាវាយសីក្រុងប៉ោយប៉ែតបានបញ្ជាក់ថា៖ការរៀបចំការប្រកួតកីឡាវាយសីរកមូលនីធិគឺធ្វើឡើងនៅថ្ងៃទី២៣ខែមិថុនាឆ្នាំ២០១៧នៅបូរីសានស៊ានហូរក្រុងប៉ោយប៉ែតដែលរៀបចំការប្រកួនមាន១៦មាន១.ក្រុមកីឡាកម្ពុជា ២.ក្រុមមានកីឡាមកពីប្រទេសថៃ ៣.ក្រុមកីឡសប្រទេសម៉ាឡេស៊ី ៤.ក្រុមកីឡាប្រទេសឥណ្ឌូនេស៊ី។ដែលចំណាក់លេខ១ទទួលបានពាននិងថវិការ១ម៉ឺនបាត លេខ២ទទួលបានថវិការចំនួន៥ពាន់បាត លេខ៣ទទួលបានថវិការចំនួន២.៥០០បាតផងដែរ៕(ប៊ុន ធឿន)

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2