vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

New World ឈ្នះមេដាយច្រើនជាងគេ ពីតេក្វាន់ដូឯកអគ្គរដ្ឋទូតកូរ៉េ ខណៈ អាស៊ីអឺរ៉ុប ឈ្នះមេដាយ៨គ្រឿង ក្នុងការបង្ហាញខ្លួនលើកទី១

ព្រឹត្តិការណ៍កីឡាតេក្វាន់ដូ WTF ដណ្តើមពានរង្វាន់ឯកអគ្គរដ្ឋទូតសាធារណរដ្ឋកូរ៉េ និងអបអរសាទរចំណងមិត្តភាពការទូតកម្ពុជា-កូរ៉េ គម្របខួប ២០ឆ្នាំ កាលពីម្សិលមិញ នៅពហុកីឡដ្ឋានជាតិ បានបញ្ចប់ជាស្ថាពរហើយ ដោយក្លឹប New World ឈ្នះមេដាយច្រើនជាងគេ ខណៈក្លឹបតេក្វាន់ដូ សាកលវិទ្យាល័យ អាស៊ីអឺរ៉ុប ដែលបង្ហាញវត្ត មានជាលើកទី១របស់ខ្លួន ក្នុងព្រឹត្តិការណ៍នេះ ក៏ឈ្នះមេដាយ សរុបបានចំនួន៨គ្រៀងដែរ។


ព្រឹត្តិកាណ៍កីឡាតេក្វាន់ដូWTF នេះទទួលបានកិត្តិយសពីឯកឧត្តមឯកអគ្គរដ្ឋទូតសាធារណរដ្ឋកូរ៉េ និងឯកឧត្តម ហង់ ជួនណារ៉ុន ប្រធានខេមរសហព័ន្ធតេក្វាន់ដូ WTF ដើម្បីប្រគល់ជូនមេដាយជូនដល់ជ័យលាភី។


យោងតាមគណៈកម្មការរៀបចំការប្រកួតបានឲ្យដឹងថា ការប្រកួតនេះមានក្លឹបចូលរួមចំនួន២១ ដែលមានកីឡាករ កីឡាការិនីសរុបចំនួន ៣២២នាក់ ហើយជាលទ្ធផលក្លឹប New World ជាប់ចំណាត់ថ្នាក់លេខ១ ដោយដណ្តើមបានមេដាយសរុប ១៣គ្រឿង ក្នុងនោះមេដាយមាស ៦គ្រឿង ប្រាក់១គ្រឿង និងសំរឹទ្ធ៦គ្រឿង, ចំពោះចំណាត់ថ្នាក់លេខ២ បានទៅលើក្លឹប Friendship ដណ្តើមបានមេដាយចំនួន ១៧គ្រឿង មាន មេដាយមាស ៥គ្រឿង ប្រាក់ ៣គ្រឿង និងសំរឹទ្ធ ៩គ្រឿង ចំណែកឯចំណាត់ថ្នាក់លេខ ៣ មេដាយសរុប ១២គ្រឿង មេដាយមាស ៥គ្រឿង ប្រាក់ ៣គ្រឿង និងសំរឹទ្ធ ៤គ្រឿង។ ចំណែកឯក្លឹបតេក្វាន់ដូ សាកលវិទ្យាល័យ អាស៊ីអឺរ៉ុប បានបញ្ជួនសសិ្សគុនរបស់ខ្លួនចំនួន ១២នាក់ ចូលរួមប្រកួតជាលើកដំបូងរបស់ខ្លួន ដោយមានកីឡាករ ៧រូប កីឡាការិនី ៥រូបផងដែរ។


លោក ពៅ ហុក តំណាងក្លឹបតេក្វាន់ដូ សាកលវិទ្យាល័យ អាស៊ីអឺរ៉ុប គូសបញ្ជាក់ថា នេះជាសមិទ្ធផលថ្មីមួយ ដែលថ្នាក់ដឹកនាំ គ្រូបង្វឹក និងអត្តពលិកទាំងអស់ បានខិតខំរួមគ្នា រហូតទទួលបានលទ្ធផលល្អ ដោយមេដាយ សរុបចំនួន៨គ្រឿង រូមមាន មេដាយមាស ១គ្រឿង មេដាយ ប្រាក់ ២គ្រឿង និងមេដាយ សំរឹទ្ធ ៥គ្រឿង ស្ថិតក្នុងចំណាត់ថ្នាក់លេខ ៨ ក្នុងចំណោម ក្លឹបចំនួន ២១ ចូលរួម។ ក្លឹបអាស៊ីអឺរ៉ុប ទើបតែបង្កើតបានរយៈពេលជិតមួយឆ្នាំប៉ុណ្ណោះ ហើយសិស្សគុនធ្លាប់បានចូលរួមការប្រកួតជាច្រើនលើក និងតែងតែដណ្តើមបានមេដាយរាល់ការប្រកួត។

 

ដោយនេះបានបង្ហាញពីតាំងចិត្តរបស់ក្លឹបតេក្វាន់ដូចំណូលថ្មីមួយនេះ ក្នុងការរួមចំណែកអភិវឌ្ឍវិស័យកីឡាតេក្វាន់ដូកម្ពុជាឆ្ពោះទៅរកភាពរីកចម្រើន ដើម្បីត្រៀមខ្លួនចូលរួមព្រឹត្តិការណ៍កីឡា ស៊ីហ្គេម លើកទី៣២ នាឆ្នាំ ២០២៣ ខាងមុខ ដែលព្រះរាជាណាចក្រកម្ពុជាទទួលបានសិទ្ធិធ្វើជាម្ចាស់ផ្ទះនោះ៕

v14

v15

v16

v17

ឯកឧត្តម ស៊ុន ចាន់ថុល ចង់ឈ្នះមេដាយពីព្រឹត្តិការណ៍អន្តរជាតិនានា មុន ស៊ីហ្គេម ឆ្នាំ២០២៣ នៅកម្ពុជា

ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានសហព័ន្ធខ្មែរ កីឡាហែលទឹក មានប្រសាសន៍ថា ការចង់ឈ្នះ មេដាយនៅស៊ីហ្គេម លើកទី៣២ នាឆ្នាំ២០២៣ ដែលកម្ពុជាទទួលបានសិទ្ធិធ្វើជាម្ចាស់ផ្ទះនោះ គឺជារៀងសំខាន់បំផុត ប៉ុន្តែនៅមុន ស៊ីហ្គេម នៅកម្ពុជានេះ ឯកឧត្តមក៏ចង់ឲ្យអត្តពលិករបស់ខ្លួនឈ្នះមេដាយយ៉ាងហោចណាស់ ត្រឹមមេដាយសំរិទ្ធ ពីព្រឹត្តិការណ៍អន្តរជាតិនានា ឬក្នុងស៊ីហ្គេម ៣លើក មុនស៊ីហ្គេម នៅកម្ពុជា។


ឯកឧត្តមទេសរដ្ឋមន្ត្រី ស៊ុន ចាន់ថុល មានប្រសាសន៍បែបនេះ នៅក្នុងមហាសន្និបាតរបស់ខ្លួន កាលពីចុងសប្តាហ៍​ កន្លងទៅ នៅទីស្នាក់ការគណៈកម្មាធិការជាតិ អូឡាំពិកកម្ពុជា ដោយអង្គមហាសន្និបានផ្តល់សេចក្តីទុកចិត្ត គាំទ្របោះឆ្នោតជូនឯកឧត្តមបន្តសិទ្ធិជាប្រធានសហព័ន្ធអាណត្តិថ្មីលើកទី៦ ពីឆ្នាំ២០១៧ ដល់ឆ្នាំ២០២១ ជាបន្តទៀត។ ជាមួយនឹងដំណែងជាប្រធានសហព័ន្ធខ្មែរ កីឡាហែលទឹក អាណត្តិថ្មីនេះឯកឧត្តម បានប្តេជ្ញាចិត្តថានឹងបន្តការខិតខំរបស់ខ្លួន រួមជាមួយនឹងសមាជិកប្រតិបត្តិនានា ដើម្បីសម្រេចបាននូវលទ្ធផលល្អជាផ្លែផ្កាជូនជាតិ នាពេលខាងមុខ ជាពិសេសគឺក្នុងដំណើរឆ្ពោះទៅរកមេដាយ ពីស៊ីហ្គេម នៅព្រះរាជាណាចក្រកម្ពុជាផងដែរ។


អង្គមហាសន្និបាតជ្រើសរើសបានសមាសមាសសមាជិកប្រតិបត្តិអាណត្តិថ្មី ចំនួន ១១រូប ឯកឧត្តម ស៊ុន ចាន់ថុល ជាប្រធានសហព័ន្ធដដែល អមដោយអនុប្រធានសហព័ន្ធចំនួន៤រូប គឺលោក សំ ប៊ុណ្ណារិន, លោក ជា ប៊ុនហេង, លោក គូ គឹមហៀក និង លោក ហែម ចាន់លី ខណៈ អគ្គលេខាធិការគឺលោក ហែម គីរី ដដែល។ អគ្គលេខាធិការរង មាន២រូប គឺលោក នាង សុរិទ្ធិយ៉ា និង អ្នកស្រី កើត ស៊ីវណ្ណ។ អ្នកស្រី ម៉ក់ គន្ធា ជាអគ្គហិរញ្ញឹក។ ក្រៅពីនេះមានសមាជិកមួយចំនួនទៀត។


សូមបញ្ជាក់ថា សម្រាប់បេសកកម្មលើប្រភេទកីឡាហែល ទឹក ក្នុងស៊ីហ្គេម លើកទី២៩ នៅម៉ាឡេស៊ី នាថ្ងៃទី ១៩ ដល់៣១ សីហា ខាងមុខនេះ គឺឯកឧត្តម ស៊ុន ចាន់ថុល បានឧបត្ថម្ភថវិកាលើកទឹកចិត្តជូនដល់អត្តពលិកចំនួន ៧នាក់ និងគ្រូបង្វឹក និងប្រតិភូ សរុប ៩នាក់ ក្នុងម្នាក់ៗទទួលបាន ម្នាក់២០០ដុល្លារផងដែរ៕

v11

v12

v13

ជម្រើសជាតិបាល់ទាត់ហ្វឹកហាត់ត្រៀម ស៊ីហ្គេម នៅម៉ាឡេស៊ី ដែលត្រូវប្រកួតបើកឆាកជាមួយហ្វីលីពីន នាយប់ថ្ងៃស្អែកនេះ

ក្រុមកីឡាបាល់ទាត់ជម្រើសជាតិកម្ពុជាអាយុក្រោម២២ឆ្នាំបានទៅដល់ប្រទេសម៉ាឡេស៊ី កាលពីថ្ងៃសុក្រ ចុងសប្តាហ៍កន្លងទៅថ្មីៗនេះ នៅកំពុងបន្តការហ្វឹកហាត់នៅទីលាននៃប្រទេសម៉ាឡេស៊ី ដើម្បីត្រៀមខ្លួនឲ្យបានកាន់ តែប្រសើរសម្រាប់ជំនួបថ្ងៃបើកឆាកជាមួយក្រុមជម្រើសជាតិ ហ្វីលីពីន នាល្ងាចថ្ងៃទី១៥ សីហា ថ្ងៃអង្គារ៍ ស្អែកនេះ វេលាម៉ោង ៧ និង៤៥នាទីយប់។


សម្រាប់ការប្រកួតលើប្រភេទកីឡាបាល់ទាត់ផ្នែកបុរសនេះ គឺចែកចេញជាពីរពូល គឺក្រុមកម្ពុជាស្ថិតនៅក្នុង ពូល B ជាមួយនឹង៥ប្រទេសផ្សេងទៀត គឺជើងឯកឆ្នាំចាស់ ថៃ, វៀតណាម, ហ្វីលីពីន, ទីម័រខាងកើត និងឥណ្ឌូណេស៊ី។ សម្រាប់ការប្រកួតនៅក្នុងពូលA វិញ គឺត្រូវចាប់ផ្តើមនៅល្ងាចថ្ងៃចន្ទនេះ ដោយមាន២ប្រកួត គឺជាការជួបគ្នា មីយ៉ាន់ម៉ា ប៉ះជាមួយ សិង្ហបុរី និងម្ចាស់ផ្ទះ ម៉ាឡេស៊ី ប៉ះជាមួយ ប្រ៊ុយណេ។


សម្រាប់ការប្រកួតស៊ីហ្គេម លើកទី២៩ នៅប្រទេសម៉ាឡេស៊ី នេះ គឺទូរទស្សន៍ រស្មីហង្សមាស HDTV បាន ទទួលសិទ្ធិផ្តាច់មុខ ក្នុងការផ្សាយបន្តផ្ទាល់ពីការប្រកួតនានា ពីប្រទេសម៉ាឡេស៊ី ជូនដល់ប្រិយមិត្តកម្ពុជាទូទាំងប្រទេសបានទស្សនាផងដែរ ដោយស៊ីហ្គេម លើកនេះ មាន៣៦ប្រភេទកីឡា រីឯកម្ពូជាបានបញ្ជូនអត្តពលិក ២៤៤ នាក់ សម្រាប់ការចូលរួមប្រកួត លើ២៤ប្រភេទកីឡា៕

v9

v10

Dovizioso ឈ្នះការប្រណាំងម៉ូតូធំនៅអូទ្រីស ក្រោយពីវ៉ាឈ្នះដាច់ Marquez

v8

កីឡាករប្រណាំងម៉ូតូអាជីពសញ្ជាតិអ៊ីតាលី Andrea Dovizioso បានយកឈ្នះការប្រណាំងម៉ូតូ GP ក្នុងប្រទេសអូទ្រីស ក្រោយពីប្រជែងយ៉ាងខ្លាំងក្លាជាមួយនឹងកីឡាករកំពុងនាំមុខលើតារាងជើងឯកពិភពលោក Marc Marquez កាលពីចុងសបា្តហ៍កន្លងមក។


សមាជិកក្រុម Ducati រូបនេះបានមកដល់ទីព្រ័ត្រមុនគេ ដោយប្រើថរិវេលា៣៩នាទី និង៤៣វិនាទីចុច៣២៣ លេខ២កីឡាករអេស្ប៉ាញ Marc Marquez ជិះឲ្យក្រុមប្រណាំងហុងដា ចំណាយពេល៣៩នាទី និង៤៣វិនាទីចុច៤៩៩ និងលេខ៣ក៏បានទៅលើកីឡាករអេស្ប៉ាញ Dani Pedrosa មិត្តរួមក្រុម Marquez ប្រើពេល៣៩នាទី និង៤៥វិនាទីចុច៩៨៤។


សូមបញ្ជាក់ថា ១១ទីលានកន្លងមក Marc Marquez លេខ១លើតារាងជើងឯកពិភពលោកដោយមាន១៧៤ពិន្ទុ លេខ២អ្នកឈ្នះដំណាក់នេះ Andrea Dovizioso មាន១៥៨ពិន្ទុ លេខ៣កីឡាករអេស្ប៉ាញ Maverick Vinales ជិះឲ្យយ៉ាម៉ាហាមាន១៥០ពិន្ទុ និងលេខ៤ម្ចាស់ជើងឯកម៉ូតូ GP ៧សម័យកាលសញ្ជាតិអ៊ីតាលី Valentino Rossi សមាជិកក្រុមយ៉ាម៉ាហា មាន១៤១ពិន្ទុ៕

Zverev បំបាក់ Federer ពីរសិតជាប់គ្នា លើកពាន Rogers Cup 2017 នៅម៉ុងត្រេអាល

v7

កីឡាករវាយតេន្នីសអាជីព Alexander Zverev ដែលបច្ចុប្បន្នឈរនៅចំណាត់ថ្នាក់ទី៧ពិភពលោក បានបំបាក់កីឡាករជើងចាស់របស់ស្វីស Roger Federer ពីរសិតត្រួត ក្នុងប្រកួតវគ្គផ្ដាច់ព្រ័ត្រកម្មវិធី Rogers Cup ដែលធ្វើឡើងនៅក្រុងម៉ុងត្រេអាល (Montreal) ប្រទេសកាណាដា កាលពីថ្ងៃអាទិត្យម្សិលមិញ។


កីឡាករអាល្លឺម៉ង់ដែលទើបតែមានវ័យ២០ឆ្នាំ សម្រាប់ការប្រកួតនេះ ធ្វើបានល្អតាំងពីសិតទី១ម្ល៉េះ ដោយយកឈ្នះ ក្នុងលទ្ធផលពិន្ទុ ៦-៣ ខណៈសិតទីពីរ មានជ័យជម្នះជាមួយនឹងលទ្ធផល ៦-៤ ដែលលទ្ធផលនេះ ធ្វើឲ្យរូបគេលើកពាន ATP Tour ជាលើកទី៥ នៅឆ្នាំនេះ បានសម្រេច។


សម្រាប់ Federer វ័យ៣៦ឆ្នាំវិញ នេះជាបរាជ័យលើកដំបូងហើយ ក្នុងចំណោម១៦ប្រកួតចុងក្រោយរបស់គេ ខណៈ Zverev ក្លាយជាកីឡាករដែលក្មេងបំផុតឈ្នះពានកម្មវិធី Rogers Cup នេះ គិតតាំងពីកីឡាករ Novak Djokovic របស់សែប៊ី​ ធ្វើបានកាលពីឆ្នាំ២០០៧៕

SIPG បាន៣ពិន្ទុបន្តការគាបសង្កត់ក្រុមលេខ១ រីឯ Paulinho របស់ Evergrande នឹងចូលរួមជាមួយ Barcelona

v5

Shanghai SIPG ដែលដឹកនាំដោយគ្រូបង្វឹកសញ្ជាតិព័រទុយហ្គាល់ លោក Andre Villas-Boas នៅតែមានក្ដីសង្ឃឹម ក្នុងការដណ្ដើមពានក្របខ័ណ្ឌកំពូលរបស់ចិន (Chinese Super League) ដដែល ក្រោយពីមានលទ្ធភាពយកឈ្នះក្រុមភ្ញៀវ Chongqing Dangdai Lifan នៅចុងម៉ោង ៣-២។


៣គ្រាប់របស់ក្រុមម្ចាស់ផ្ទះស៊ុតបញ្ចូលទីដោយខ្សែប្រយុទ្ធប្រេស៊ីល Hulk នាទីទី៣៤ (ប៉េណាល់ទី) កីឡាករអ៊ូសបេគីស្ថាន Odil Ahmedov នាទីទី៧២ និងខ្សែប្រុយុទ្ធចិន Wu Lei នាទីទី៨៨ ខណៈពីរគ្រាប់របស់ក្រុមភ្ញៀវធ្វើបានសម្រេចដោយកីឡាករប្រេស៊ីល Hyuri នាទីទី៥៥ និងកីឡាករចិន Liu Huan នាទីទី៨៨។


ក្រោយដណ្ដើមបាន៣ពិន្ទុនេះ ធ្វើឲ្យ Shanghai SIPG នៅតែបន្តតាមពីក្រោយក្រុមលេខ១ Guangzhou Evergrande ៥ពិន្ទដដែល ក្នុងតារាង Chinese Super League ដោយក្នុងចំណោម២២ប្រកួតកន្លងមក មាន៤៥ពិន្ទុ។

v6
ដោយឡែកព័ត៌មានពាក់ព័ន្ធនឹងការដោះដូរកីឡាករវិញ សារព័ត៌មាននៅប្រទេសចិន បានរាយការណ៍ថាខ្សែបម្រើអន្តរជាតិប្រេស៊ីល Paulinho របស់ក្រុម Guangzhou Evergrande នឹងធ្វើដំណើរទៅប្រទេសអេស្ប៉ាញ ដើម្បីធ្វើការផ្ទេរទៅក្រុមអ្នកមានបុណ្យ Barcelona ឲ្យចប់សព្វគ្រប់។


សារព័ត៌មានទាំងនោះ បានឲ្យដឹងទៀតថាក្រុមយក្សអេស្ប៉ាញ នឹងចំណាយទឹកបា្រក់៤០លានអឺរ៉ូ ឲ្យទៅក្រុមជើងឯកលីគកំពូលរបស់ចិន ក្នុងការនាំយកអតីតកីឡាកររបស់ Tottenham Hotspur វ័យ២៩ឆ្នាំរូបនេះ ទៅជំនួសតំណែងមិត្តរួមជាតិរបស់គេ គឺ Neymar ដែលបានចាកចេញទៅចូលរួមជាមួយក្លិបអ្នកមាននៅបារាំង Paris Saint-Germain ក្នុងតម្លៃជាកំណត់ត្រាពិភពលោក ២២២លានអឺរ៉ូ៕

កីឡាករវាយកូហ្គោល Justin Thomas ឈ្នះពាន PGA Championship លើកដំបូង

v2

កីឡាករវ័យក្មេងសហរដ្ឋអាមេរិកJustin Thomas បានក្លាយជាម្ចាស់ជើងឯកពាន រង្វាន់ធំ PGA Championship នៅសហរដ្ឋអាមេរិកដែលជាពានធំដំបូងក្នុងអាជីពរបស់គេ។


កីឡាករវ័យ២៤ឆ្នាំរូបនេះធ្វើបានក្នុងថ្ងៃចុងក្រោយ 3under par និងសរុបរួម 8under par 278 ឈ្នះអ្នកលេខពីរ២ strokes គឺកីឡាករអ៊ីតាលី Francesco Molinari ដែលធ្វើបានក្នុងថ្ងៃចុងក្រោយ 4under តែសរុបរួមបានត្រឹម 6under par 278។ ចំណែកអ្នកធ្វើបាន 6under par មាន២នាក់ទៀតគឺកីឡាករអាហ្វ្រិកខាងត្បូង Louis Oosthuizenនិងកីឡាករម្ចាស់ ផ្ទះអាមេរិក Patrick Reed។ រីឯ Hideki Matsuyama ព្យាយាមក្លាយខ្លួនជាកីឡាករជប៉ុនដំបូងឈ្នះជើងឯកពានធំ បាននាំមុខគេទៅហើយពាក់កណ្ដាលផ្លូវតែចុងក្រោយធ្វើបានត្រឹមតែ 5under par ស្មើគ្នាជាមួយ Rickie Fowler។


សូមបញ្ជាក់ថា ពានធំៗប្រចាំឆ្នាំទាំង៤ ឈ្នះដោយកីឡាករផ្សែងៗ ដោយពាន Masters បានទៅលើកីឡាករអេស្ប៉ាញ Sergio Garcia។ ពានរង្វាន់ U.S Open បានទៅលើកីឡាករ សហរដ្ឋអាមេរិក Brooks Koepka។ ពានរង្វាន់ Bristish Open ធ្លាក់ទៅលើកីឡាករ Jordan Spiethនិងពានរង្វាន់ PGA Championship នាពេលនេះបានទៅលើ Justin Thomas៕

UsainBolt បាត់មេដាយលើកទី២ដោយសាររបួសក្នុងវិញ្ញាសា4x100m

v1

ការប្រណាំងរត់លើកចុងក្រោយបង្អស់របស់ស្តេចល្បឿន Usain Bolt មិនអាចទទួលបានលទ្ធផលល្អនោះទេ ពោលគឺបរាជ័យក្នុងវិញ្ញាសារត់បណ្តាក់ 4x100mក្រោយមានបញ្ហារបួស១៥ម៉ែត្រចុងក្រោយកាលពីចុងសបា្តហ៍កន្លងមកក្នុងព្រឹត្តិការណ៍ជើងឯកពិភពលោកនៅទីក្រុងឡុងដ៍។


សម្រាប់ព្រឹត្តិការណ៍រត់ប្រណាំង IAAF World Athletic Championship នៅប្រទេសអង់គ្លេសនា ពេលនេះគឺការរត់ប្រណាំងចុងក្រោយរបស់អត្តពលិកសញ្ជាតិចាម៉ៃកា Usain Bolt មុនរូបគេចូលនិវត្តន៍ ពីអាជីពជាអ្នករត់ប្រណាំង។ តែជាលទ្ធផលវិញក្រុមអត្តពលិកមកពីចាម៉ៃកាមិនបានសូម្បីតែមេដាយសំរឹទ្ធ ដោយសារ Bolt រងរបួសសាច់ដុំនៅចម្ងាយ១៥ម៉ែត្រពីទីព្រ័ត្រ និងជាការបាត់បង់មេដាយជាលើកទី២ក្នុងព្រឹត្តិការណ៍នេះ។


ចំពោះជ័យជម្នះលើវិញ្ញាសាររត់បណ្តាក់ 4x100ម៉ែត្រនេះ មេដាយមាសបានទៅក្រុមអត្តពលិកម្ចាស់ផ្ទះអង់គ្លេសដោយប្រើថិរវេលា៣៧វិនាទីចុច៤៧។ មេដាយប្រាក់បានទៅលើក្រុមអត្តពលិកសហរដ្ឋអាមេរិក និងមេដាយសំរឹទ្ធធ្លាក់ទៅអត្តពលិកមកពីជប៉ុន។
4x100ម៉ែត្រផ្នែកនារីវិញមេដាយមាសបានទៅលើក្រុមអត្តពលិកសហរដ្ឋអាមេរិក ដោយប្រើថិរវេលា៤១វិនាទីចុច៨២។ មេដាយប្រាក់បានទៅក្រុមអត្តពលិកម្ចាស់ផ្ទះអង់គ្លេស និងមេដាយសំរឹទ្ធបានទៅលើក្រុមអត្តពលិកមកពីចាម៉ៃកា។


លទ្ធផលវិញ្ញាសារត់៥០០០ម៉ែត្រផ្នែកបុរស មេដាយមាសបានទៅលើកីឡាកររបស់អេត្យូពី MuktarEdrisប្រើថិរវេលា១៣នាទី និង៣២វិនាទីចុច៧៩។ មេដាយប្រាក់កីឡាករម្ចាស់ផ្ទះអង់គ្លេស Mo Farah ខណៈមេដាយសំរឹទ្ធធ្លាក់ទៅលើកីឡាករសហរដ្ឋអាមេរិក Paul Chelimo។ វិញ្ញាសាលោត កម្ពស់ផ្នែកនារីមេដាយមាសកីឡាករ Maria Lasitskeneលោតបានកម្ពស់២ម៉ែត្រចុច៣សង់ទីម៉ែត្រ។ មេដាយប្រាក់កីឡាការិនីអ៊ុយក្រែន YuliyaLevchenkoនិងមេដាយសំរឹទ្ធកីឡាការិនីប៉ូឡូញKamilaLicwinko។ វិញ្ញាសាឌឺកាត្លង់មេដាយមាសកីឡាករបារាំង Kevin Mayer មេដាយប្រាក់ និងសំរឹទ្ធកីឡាករអាល្លឺម៉ង់ Rico Freimuth, Kai Kazmirek។


រីឯវិញ្ញាសារត់ឆ្លងកាត់ឧបសគ្គ១០០ម៉ែត្រផ្នែកនារីមេដាយមាសបានទៅលើកីឡាការិនីអូស្ត្រាលី Sally Pearson ចំណាយពេល១២វិនាទីចុច៥៩ មេដាយប្រាក់កីឡាការិនីសហរដ្ឋអាមេរិក Dawn Harper-Nelson និងមេដាយសំរឹទ្ធកីឡាការិនីអាល្លឺម៉ង់ Pamela Dutkiewicz។ វិញ្ញាសាចោលលំពែងមេដាយមាសបានទៅលើកីឡាករសញ្ជាតិអាល្លឺម៉ង់ Johannes Vetter ចោលបានចម្ងាយ៨៩ម៉ែត្រចុច៨៩សង់ទីម៉ែត្រ៕

ទៅមើលការចំណាយ និងប្រាក់ខែកីឡាករ របស់ក្លឹបក្រសួងការពារជាតិ ក្នុង១ឆ្នាំជាង៣០ម៉ឺនដុល្លារ ខណៈចំណូលប្រមាណ៥០%ប៉ុណ្ណោះ

ក្លឹបក្រសួងការពារជាតិ ដែលជាក្រុមក្របខ័ណ្ឌលីគកំពូលកម្ពុជាកំពុងក្តោបក្តាប់ចំណាត់ថ្នាក់លេខ២​ បណ្តោះអាសន្ន លើតារាងកំពូលតារាងនៃសប្តាហ៍ទី១៤ បានបង្ហាញនូវទូរលេខនៃការចំណាយទូទៅប្រចាំឆ្នាំរបស់ ខ្លួន ដោយក្នុង១ឆ្នាំៗត្រូវចាយរហូតដល់ជាង៣ម៉ឺនដុល្លារសហរដ្ឋអាមេរិក ខណៈចំណូលត្រឡប់មកវិញបានប្រមាណ៥០%ប៉ុណ្ណោះ។


ថ្លែងនៅក្នុងបទសម្ភាសន៍ដោយឡែកជាមួយ រស្មីហង្សមាស HDTV, លោក ខូវ ឆាយ អ្នកចាត់ការទូទៅ ក្លឹបបាល់ទាត់ក្រសួងការពារជាតិបានអះអាងយ៉ាងដូច្នេះថា “ការចំណាយលើប្រាក់ខែកីឡាករ បុគ្គលិក ប្រមាណ ២៥ម៉ឺនដុល្លារ និងលើការចំណាយទូទៅប្រមាន ៣០ម៉ឺនដុល្លារអាមេរិក។ ដូច្នេះបើប្រៀបធៀបទៅនឹងប្រាក់ចំណូល និងចំណាយលើការប្រកួតនានា ប្រចាំឆ្នាំ មានភាពខុសគ្នាឆ្ងាយ ដែលធ្វើឲ្យការទ្រទ្រង់ និងដំណើរការឈរជើង ក្នុងលីគអាជីពកម្ពុជាមានការលំបាកខ្លាំង។ ប្រាក់ចំណូលត្រឡប់មកវិញ អាស្រ័យលើការជួយឧបត្ថម្ភពីបណ្តាក្រុមហ៊ុន នានា ចំណូលពីការលក់សំបុត្រ ដែលមានចំនួនទស្សនិកជនតិចតួចនៅឡើយ ប្រហែល១០០ ទៅ២០០នាក់ប៉ុណ្ណោះ និងការលក់សម្ភារៈអនុស្សាវវីយ៍មួយចំនួនទៀត។”


លោកបន្ថែមថា ការចំណាយជាង៣០ម៉ឺនដុល្លារនេះ គឺនៅក្នុងចំណុចកណ្តាលនៅឡើយទេ បើប្រៀបធៀបទៅនឹងការចំណាយ ទៅលើក្លឹបធំៗមួយចំនួន ដូចជាភ្នំពេញក្រោន បឹងកេត ព្រះខ័នរាជស្វាយរៀង ណាហ្គា ជាដើមសុទ្ធតែចំណាយច្រើនជាងនេះ ក្នុងនោះដូចជាភ្នំពេញក្រោនធ្លាប់បានអះអាងថា ខ្លួនចំណាយប្រមាណ៥០ម៉ឺនដុល្លារឯណោះ ក្នុង១ឆ្នាំៗ។ ប៉ុន្តែការចំណាយរបស់ក្រសួងការពារជាតិ នៅលើបណ្តាក្លឹបមួយចំនួន ដូចជា គីរីវង់សុខសែនជ័យ, មជ្ឈមណ្ឌលកំចាត់មីនកម្ពុជា ហៅកាត់ ស៊ីម៉ាក់, វេស្ទើនភ្នំពេញជាដើម និងបណ្តាក្លឹបមួយចំនួនទៀតផងដែរ។


អ្នកចាត់ការទូទៅរូបនេះអះអាងថា នៅក្នុងក្លឹបក្រសួងការពារជាតិ សម្រាប់ប្រាក់ខែកីឡាករបរទេសមានចន្លោះពី១០០០ដុល្លារ ដល់១៥០០ដុល្លារ ចំណែកឯកីឡាករខ្មែរ មានចន្លោះ ពី៤០០ដុល្លារ ដល់៦០០ដុល្លារ ដោយលោកចាត់ទុកថា ប្រាក់ខែទាំងនេះនៅមានកម្រិតទាបនៅឡើយ ប្រើប្រៀបធៀបទៅនឹងអាជីពជាកីឡាករ ក្នុងវិស័យកីឡាបាល់ទាត់នេះ ហើយកម្រិតប្រាក់នេះកាន់តែទាបមែនទែន បើប្រៀបធៀបនៅនឹងបណ្តាប្រទសក្នុងតំបន់។

 

ទោះយ៉ាងណាក្តីប្រាក់ខែនេះមិនអាចដំឡើងខ្ពស់បានឡើយ ដោយសារប្រភពចំណូលនានា មិនទាន់ឆ្លើយតបទៅនឹងការចំណាយដ៏ខ្ពស់បែបនោះទេ។ ដូច្នេះលោកសំណូមពរឲ្យមហាជន មេត្តាផ្តល់ការគាំទ្រ តាមរយៈការទិញសំបុត្រចូលរួមទស្សនា ដោយផ្ទាល់ នៅគ្រប់ការប្រកួតទាំងអស់ គ្រប់ក្រុមទាំងអស់ឲ្យបានច្រើនកុះករ កុំគាំទ្រតែទៅលើការប្រកួតជម្រើសជាតិ ដែលទាក់ទាញបាន៥ទៅ៦ម៉ឺននាក់នោះ៕

v17

v18

ប្រធានសហព័ន្ធវាយកូនឃ្លីលើតុឲ្យអត្តពលិក ស៊ីហ្គេម នៅម៉ាឡេស៊ី ប្រឹងប្រែងឲ្យអស់ពីសមត្ថភាព ដើម្បីដណ្តើមបានលទ្ធផលល្អជូនជាតិ

ឯកឧត្តម រ័ត្ន​​ សុខន​ ប្រធានសហព័ន្ធកីឡាវាយកូនឃ្លីលើតុកម្ពុជាបានលើកទឹកចិត្តដល់អត្តពលិកវាយកូនឃ្លីលើតុរបស់ខ្លួនធ្វើយ៉ាងណាខិតខំឲ្យអស់ពីសមត្ថភាព នៅក្នុងការប្រកួត ស៊ីហ្គេម លើកទី២៩ នៅទីក្រុងគូឡាឡាំពួរ ប្រទេសម៉ាឡេស៊ី ដែលនឹងចូលមកដល់ថ្ងៃទី១៩ សីហា ខាងមុខនេះ ដើម្បីដណ្តើមបាននូវលទ្ធផលល្អ និងកិត្យា នុភាពពីលើឆាកអន្តរជាតិ មកជូនជាតិមាតុភូមិរបស់ខ្លួន។


មានប្រសាសន៍នៅក្នុងឱកាសជួបជុំ កាលពីពេលថ្មីៗនេះ ឯកឧត្តម រ័ត្ន សុខនបញ្ជាក់ថា ដោយទទួលបានការអនុញ្ញាតពីក្រ​សួង​​អប់រំ យុវជននិងកីឡា, សហព័ន្ធបានត្រៀមកីឡាករ ចំនួន៥នាក់ និងគ្រូងបង្វឹក២នាក់ ដើម្បីចូលរួមប្រកួត ស៊ីហ្គេម នៅម៉ាឡេស៊ី លើកនេះ​ ហើយឯកឧត្តមមានជំនឿចិត្តលើកីឡាករ១រូបគឺ​ លឹម សុខឡុង ដែលធ្លាប់​ដណ្តើម​​​បានមេដាយ​មាសការប្រកួតកីឡាជើងឯកនិស្សិតអាស៊ាន កាលពីឆ្នាំ២០១៦។

 

ប្រធានសហព័ន្ធរូបនេះបានផ្តាំផ្ញើឲ្យកីឡាករទាំងអស់ត្រូវខិតខំប្រឹងហ្វឹកហាត់​បន្ថែម​ទៀត ​ទម្រាំដល់ថ្ងៃប្រកួត ហើយត្រូវគោរពវិន័យនិងថែរក្សាសុខភាពឲ្យបានល្អ ដើម្បីទទូលបានលទ្ធផលល្អ ពីការប្រកួតស៊ីហ្គេមឆ្នាំនេះជូនប្រទេសជាតិ។ យ៉ាងណាក៏ដោយ ប្រធានសហព័ន្ធ ដែលជាអ្នកឧកញ៉ារូបនេះក៏បានផ្តាំផ្ញើជូនដល់កីឡាករវាយកូនឃ្លីលើតុទាំងអស់ថា ធ្វើយ៉ាងណា ចាញ់ក៏ដោយ ឈ្នះក៏ដោយត្រូវរក្សាបាននូវការគោរពវិន័យ ក្រមសីលធម៌ឲ្យបានខ្ជាប់ខ្ជួន ដើម្បីថែរក្សា និងការកសាងកិត្តិយសជាតិ ភាពថ្លៃថ្នូនៅលើឆាកអន្តរជាតិផងដែរ។


ចំណែកឯគ្រូបង្វឹក, លោក​ សំ បូរ័ត្ន បានបញ្ជាក់ថា ចាប់តាំងពីការប្រមូលផ្តូំហ្វឹកហាត់ក្រុមជម្រើសជាតិអស់រយៈពេលជាច្រើនខែមកនេះលោកសង្កេតឃើញថា កីឡាករទាំង៥រូបមាន​បច្ចេក​ទេសកើនឡើងគួរឲ្យកត់សម្គាល់ ព្រោះពួកគេទទួលបានការ​ត្រឹមហ្វឹកហាត់យ៉ាងសកម្មជារៀងរាល់ថ្ងៃជាមួយនឹងការគោរពវិន័យ ក្រមសីលធម៌បាន យ៉ាងខ្ជាប់ខ្ជួនផងដែរ។


សូមបញ្ជាក់ថា កីឡាករជម្រើសជាតិវាយកូនឃ្លីលើតុទាំង៥នាក់នេះ ដែលត្រូវចូលរួម ក្នុងស៊ីហ្គេម នៅម៉ាឡេស៊ីនេះ រួមមាន៖ កីឡាករ ឃុន ផាន់និត, សារៈ ស៊ូព្រីង, សឹង តុលា, សំណាង វិរៈបុត្រ និងកីឡាករ លឹម សុខឡុង៕

v14

v15

v16

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2