vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

រកឃើញជ័យលាភីបន្ថែមទៀត កីឡាចំបាប់ជ្រើសរើសជើងឯកថ្នាក់ជាតិ ប្រចាំឆ្នាំ២០១៥ ​

 

ភ្នំពេញ៖ការប្រកួតកីឡាចំបាប់ ជ្រើសរើសជើងឯកថ្នាក់ជាតិ ប្រចាំឆ្នាំ២០១៥ នៅសាលដំបូលទូកនៃពហុកីឡដ្ឋានជាតិ គិតមកដល់ត្រឹមល្ងាចថ្ងៃម្សិលមិញ មានវិញ្ញាសាមួយចំនួនបានបញ្ចប់បន្ថែមទៀត បន្ទាប់ពីដំណើរការតាំងពីថ្ងៃទី២០មីនា កន្លងទៅនោះ។

លោក ធិន វិចិត្រ អគ្គលេខាធិការ សហព័ន្ធកីឡាចំបាប់កម្ពុជាបានប្រាប់ថា វិញ្ញាសា ដែលបញ្ចប់ម្សិលមិញ នោះ គឺចំបាប់សេរីនារីទម្ងន់៥៧គីឡូក្រាម មេដាយមាសបានទៅកីឡាការិនី វណ្ណ ហយ, មេដាយប្រាក់ កីឡាការិនីសុង ហ៊ាងចរណៃ ដែលមកពីក្លឹបចំបាប់ភ្នំពេញជាមួយគ្នា រីឯមេដាយសំរិទ្ធ និងសំរិទ្ធស្ទួន បានទៅកីឡាការិនី សឿន នឿន ក្លឹបចំបាប់ភ្នំពេញ និងកីឡាការិនី ខាត់ ម៉ាល័យ ក្លឹបឃ្លាំងមឿង។

ចំបាប់សម័យនារីទម្ងន់៤៨គីឡូក្រាមមេដាយមាសកីឡាការិនី ឌន ស្រីម៉ៅ ក្លឹបចំបាប់អូឡាំពិក, មេដាយប្រាក់ កីឡាការិនី យុន ដានី ក្លឹបចំបាប់ភ្នំពេញ មេដាយសំរិទ្ធ និងសំរិទ្ធស្ទួន បានទៅលើកីឡាការិនី កិត្យា មុន្នី ក្លឹប CICI និងកីឡាការិនី អ៊ុង ស្រីភ័ស្ស ក្លឹបអូឡាំពិក។ វិញ្ញាសាចំបាប់សម័យបុរស ទម្ងន់៦៥គីឡូក្រាម មេដាយមាសកីឡាករ ជុន ធួន, មេដាយប្រាក់កីឡាករ អេង ផានិត្យ ដែលមកពីក្លឹបចំបាប់ភ្នំពេញជាមួយគ្នា។ មេដាយសំរិទ្ធ និងសំរិទ្ធស្ទួន កីឡាករ ឆាំ ពិស៊ិន ក្លឹបអូឡាំពិក និងកីឡាករ ដុំ ដេត ក្លឹបចំបាប់ភ្នំពេញ។

ចំបាប់សម័យបុរសទម្ងន់៧០គីឡូក្រាម មេដាយមាស កីឡាករ ងួន មករា ក្លឹបអូឡាំពិក, មេដាយប្រាក់កីឡានុត សុផល ក្លឹបអូឡាំពិក និងមេដាយសំរិទ្ធ កីឡាករ យឹម តារ៉ា និងកីឡាករ ច្រាយ ម៉ាប់ ដែលកីឡាករទាំងពីរនេះមកពីក្លឹបចំបាប់ភ្នំពេញជាមួយគ្នា។ វិញ្ញាសាចំបាប់សេរីបុរសទម្ងន់សេរី មេដាយមាស កីឡាករ ឌន សៅ ក្លឹបចំបាប់ភ្នំពេញ មេដាយប្រាក់កីឡាករ ងួន មករា ក្លឹបអូឡាំពិក និងមេដាយសំរិទ្ធ កីឡាករ ជុន ធួន និង កីឡាករ យឹម តារ៉ាមកពីក្លឹបចំបាប់ភ្នំពេញជាមួយគ្នា ។

ចំបាបបបូរាណទម្ងន់៥៥គីឡូក្រាមនារីមេដាយមាស កីឡាការិនី នូ រដ្ឋា មេដាយប្រាក់កីឡាការិនី ឈាង ចរិយា មកពីក្លឹបអូឡាំពិក។ មេដាយសំរិទ្ធ កីឡាការិនី ប៉ូ សុភា ក្លឹប CICI និងកីឡាការិនី កើត ធិតាលាភ ក្លឹបចំបាប់ភ្នំពេញ។

សូមបញ្ជាក់ថា ព្រឹត្តិការណ៍កីឡាចំបាប់ជ្រើសរើសជើងឯក ថ្នាក់ជាតិ ដែលរៀបចំឡើងដោយក្រសួងអប់រំ យុវជន និងកីឡាសហការបច្ចេកទេសពីសហព័ន្ធកីឡាចំបាប់កម្ពុជា ប្រចាំឆ្នាំ២០១៥នេះ មានកីឡាករចូលរួមប្រកួតសរុបចំនួន ២៤៨នាក់ និងកីឡាការិនី២៣នាក់ មកពីក្លឹបចំនួន៧ មកពីទូទាំងប្រទេស៕

 

 

ជាង១០០នាក់ចួលរួមប្រកួតកីឡាបាល់គប់ លើកទី១

ភ្នំពេញ៖សមាគមកីឡាបាល់គប់ភ្នំពេញ (PPDA) បានរៀបចំការប្រកួតកីឡា​បាល់គប់​ជាលើកដំបូង នៅក្លឹបកីឡាវាយសី ខេមរៈ រាជធានីភ្នំពេញ កាលពីថ្ងៃអាទិត្យ ម្សិលមិញ ដោយមានកីឡាករ កីឡាការិនីជាង១០០នាក់ចូលរួម ក្នុងនោះមានកីឡាករខ្មែរ និងបរទេស​ជាង៧០នាក់ ដែលមកពីគ្រប់មជ្ឈដ្ឋាន ដូចជាបុគ្គលិកអង្គការក្រៅរដ្ឋាភិបាល សិស្ស និស្សិត ពាណិជ្ជករ ជាដើម។

លោក ចន ម៉ាងហ្គើ (John Munger) ជាស្ថាបនិក និងជាកីឡាករម្នាក់ផងនោះបាននិយាយថា ការប្រកួតនេះគឺជាបទពិសោធន៍ដ៏អស្ចារ្យមួយ និងមានការចូលរួមពីកីឡាករពិសេសៗជាច្រើន ដែលបានចូលរួមចែករំលែកនូវភាពរីករាយ និងបង្កើនមិត្តភាពតាមរយៈ​ការចូលរួមប្រកួត​កីឡាគប់បាល់នេះ។

លោកបន្ថែមថា គោលលបំណងនៃព្រឹត្តិការណ៍នេះ គឺដើម្បីពង្រីក​ការលូតលាស់នៃ​ប្រភេទកីឡាបាល់គប់ដ៏ថ្មី សម្រាប់កម្ពុជា នៅក្នុងសហគមនៃទីក្រុងភ្នំពេញ។ លើសពីនេះទៅទៀត ក៏ដើម្បីលើកទឹកចិត្តដល់ប្រជាជន​ឲ្យបានយល់​ដឹងកាន់តែច្រើន​អំពីកីឡា​បាល់គប់ ដែលផ្តល់នូវភាពសប្បាយ និងការផ្លាស់ប្តូរបទពិសោធន៏រវាងប្រជាជនកម្ពុជា និងជនបរទេសនៅកម្ពុជា ដើម្បីទទួលបាននូវសុខភាពល្អក្នុងបរិយាកាសដ៏រីករាយ។ ព្រឹត្តិការណ៍នេះមានក្រុមចូលរួមចំនួន៨ ដោយក្នុង១ក្រុមៗមានកីឡាករ៩នាក់។

សមាគមកីឡាបាល់គប់ភ្នំពេញ គឺជាសម្ព័ន្ធកីឡាដែលចាប់កំណើតឡើង នៅចុងខែកក្កដា ឆ្នាំ២០១៤កន្លងទៅ ដោយាស្ថាបនិកលោក John Munger។ ចាប់តាំងពីពេលនោះមក កីឡា​បាល់គប់ភ្នំពេញ បានកើនឡើងនូវចំនួនអ្នកចូលរួម​លេងជាច្រើនរាប់រយនាក់​រៀងរាល់​សប្តាហ៍ ដែលកីឡាប្រភេទកីឡានេះបានទាក់ទាញអ្នកចូលរួមលេងទាំងក្នុងស្រុក និងជនបរទេស​នៅ​កម្ពុជា។

កញ្ញា ងិន លីដា តំណាងសមាគមកីឡាបាល់គប់ភ្នំពេញបានបញ្ជាក់ដែរថា បច្ចុប្បន្នសមាគមនេះ​កំពុងកង្កើនូវវិសាលភាពរបស់ខ្លួន ដោយអ្នកជំនាញបច្ចេកទេស​ខាងកីឡានេះ តែងតែរីរាយ ក្នុងការបង្រៀនពីរបៀបលេង និងបច្ចេកទេសនានា ដល់កីឡាករថ្មីៗ ហើយនៅពេលខាង​មុខឆាប់ៗនេះ សមាគមកីឡាបាល់គប់ភ្នំពេញ​នឹងពង្រីកសក្តានុពលភាពរបស់​ខ្លួនទៅដល់ការ​ប្រកួតជាលក្ខណៈអន្តរជាតិជាមួយបណ្តាក្រុមមកពីតំបន់អាស៊ីអាគ្នេយ៍ទៀតផង៕

 

បើកសម្ពោធសាលាបណ្ឌិតសភាកីឡាតេក្វាន់ដូកម្ពុជា-កូរ៉េ

ភ្នំពេញ៖សាលាបណ្ឌិតសភាកីឡាតេក្វាន់ដូកម្ពុជា-កូរ៉េ លើកដំបូង សម្រាប់ការបណ្តុះបណ្តាលដល់អត្តបលិក និងគ្រូបង្វឹកត្រូវបានដាក់សម្ភោធន៍ឲ្យប្រើប្រាស់ជាផ្លូវការហើយ កាលពីចុងសប្តាហ៍កន្លងទៅនេះ នៅទីស្នាក់ការគណៈ​កម្មាធិការជាតិអូឡាំពិកកម្ពុជា ដោយអញ្ចើញកាត់ខ្សែបូ ដោយលោកថោង ខុន ប្រធានគណៈកម្មាធិការជាតិ​អូឡាំ​ពិកកម្ពុជា និងលោក Kim Won Gin ឯកអគ្គរដ្ឋទូតសាធារណរដ្ឋកូរេប្រចាំនៅកម្ពុជា។

 លោកថោង ខុន បានចាត់ទុកថា បណ្ឌិតសភាតេក្វាន់ដូកម្ពុជា-កូរ៉េនេះនឹងដើរតួនាទីយ៉ាងសំខាន់ ក្នុងការបង្កើតក្ដីសង្ឃឹម សម្រាប់ប្រភេទកីឡាតេក្វាន់ដូកម្ពុជា ក៏ដូចកីឡាផ្សេងទៀត ខណៈកម្ពុជាគ្រោងធ្វើជាម្ចាស់ផ្ទះ ព្រឹត្តិការណ៍កីឡាស៊ីហ្គេមថ្នាក់តំបន់អាស៊ាន ស៊ីហ្គេម នាឆ្នាំ២០២៣ ខាងមុខនេះ។

 លោក Kin Won Gin ឯកអគ្គរដ្ឋទូតសាធារណរដ្ឋកូរេប្រចាំនៅកម្ពុជាបានថ្លែងដែរថា បន្ទាប់សាលាតេក្វាន់ដូនេះត្រូវបានបង្កើតឡើង លោកជឿជាក់ថា សមត្ថភាពកីឡាករ កីឡាការិនីតេក្វាន់ដូរបស់កម្ពុជានឹងកាន់តែកើនឡើងជាលំដាប់ជាក់ជាមិនខាន ដោយលោកអះអាងថា សាលានេះមិនត្រឹមតែបណ្ដុះបណ្ដាលធនធានអត្តពលិកប៉ុណ្នោះទេ ប៉ុន្តែថែមទាំងបណ្ដុះបណ្ដាលទាំងគ្រូបង្គោលទៀតផង។

លោកបន្ថែមថា សាលានេះនឹងក្លាយជាមូលដ្ឋានគ្រឹះដ៏រឹងមាំ សម្រាប់តេក្វាន់ដូ និងបានជួយជំរុញឲ្យចំណាត់ថ្នាក់តេក្វាន់ដូរបស់កម្ពុជា ក្នុងពិភពលោកកាន់តែល្អថែមទៀតផងដែរ។

 

សូមបញ្ជាក់ថា ក្នុងឱកាសសម្ភោធន៍នេះ សាលាបណ្ឌិតសភាតេក្វាន់ដូនេះទទួលបាននូវសម្ភារៈបច្ចេកទេសស្ដង់ដារអន្តរជាតិពីអង្គការតេក្វាន់ដូពិភពលោក Peace Corps (WorldTaekwondo Peace Corps) ដូចជាប្រព័ន្ធ ដាក់ពិន្ទុអេឡិចត្រូនិចចំនួន២គ្រឿង ដែលមានតម្លៃប្រមាណ១ម៉ឺនដុល្លារ។ ចំណែកឯសហព័ន្ធកីឡាតេក្វាន់ដូពិភពលោក WTF ក៏បានផ្ដល់ឯកសណ្ឋានតេក្វាន់ដូដល់វិទ្យាស្ថានជាតិអប់រំ កាយ និងកីឡាចំនួន១០០សម្រាប់ និងខេមរសហព័ន្ធតេក្វាន់ដូ ៥០សម្រាប់ផងដែរ៕

 

 

 

 

ក្រុមកីឡាវាយកូនបាល់កម្ពុជាចេញទៅប្រកួត Davis cup នៅម៉ាឡេស៊ី

ភ្នំពេញ៖ក្រុមកីឡាវាយកូនបាល់កម្ពុជាចំនួន៥នាក់នឹងចេញទៅប្រកួតDavis cup នៅម៉ា​ឡេ​ស៊ីថ្ងៃទី២១មីនានេះ។ព្រឹត្តិការណ៍ការប្រកួតDavis Cup ​ក្រុម៣សម្រាប់ការប្រកួតឆ្នាំ២០១៥​នេះមានប្រទេស​ចំនួន​៨ចូលរួមដូចជា៖ហុងកុង ,វៀតណាម​,ម៉ាឡេស៊ី,កម្ពុជា,ស៊ីរី,តួកមេនគីស្ថាន,​កាតានិងអារ៉ាប់រួម។

លោកទេពរិទ្ឋីវិទ្ឋអគ្គលេខាធិការសហព័ន្ឋកីឡាវាយកូនបាល់កម្ពុជាបានប្រាប់ឲ្យដឹងថា៖ក្រុមកម្ពុជា​នឹងលេងចំនូន ១២ ប្រកួត​តែ ត្រូវលេង​ពី៧ទៅ​៨ប្រកួត​ក្នុង​មួយថ្ងៃ។​ក្រុមកីឡាករឆ្នើមកម្ពុជារួមមាន៖ប៊ុនកេន្នី,ម៉មផល្គុណ,ឡុងសំនៀងនិងឌឹមសុជាភិរុណនិងកីឡាករថ្មីម្នាក់ទៀតលោកគឹមដេលតុនមកពីប្រទេសបារាំង។ក្រុមកីឡាវាយកូនបាល់កម្ពុជាស្ថិតនៅក្រុម៣លើលោកហើយកាលពីឆ្នាំ២០១៤នេះខកខានមិនបានឡើងទៅក្រុម២ដោយសារលេងស្មើនៅអ៊ីរ៉ង់៕

សមាគមមន្រ្តីរាជការឯករាជ្យកម្ពុជាស្វាមគន៍ចំពោះការបន្ថែមប្រាក់ ខែដល់គ្រូ បង្រៀន និងគ្រូពេទ្យនៅតំបន់ដាច់ស្រយាល

ភ្នំពេញ៖ ប្រធានសមាគមមន្រ្តីរាជការឯករាជ្យកម្ពុជា នៅព្រឹកថ្ងៃសុក្រ ទី២០ ខែមីនានេះ បាន​សម្តែងនូវការស្វាមគមន៍ចំពោះប្រមុខរាជរដ្ឋាភិបាលកម្ពុជាដែលបានសម្រេចបន្ថែមប្រាក់ឧបត្ថម្ភលើប្រាក់ប្រចាំខែដល់គ្រូបង្រៀន និងគ្រូពេទ្យនៅតំបន់ដាច់ស្រយាលចាប់ពី៨ ទៅ១២ម៉ឺន​រៀល ដើម្បី​លើកស្ទួយជីវភាពរស់នៅរបស់ពួកគាត់ ។

 

លោក កៅ ពឿន ប្រធានសមាគមមន្រ្តីរាជការឯករាជ្យកម្ពុជា បានមានប្រសាសន៍ប្រាប់ទូរទស្ស ន៍ហង្សមាសថា ការសម្រេចផ្តល់ប្រាក់ឧបត្ថម្ភប្រចាំខែដល់គ្រូបង្រៀន និងគ្រូពេទ្យនេះ វាពិតជា បានជួយសម្រួលជីវភាពពួកគាត់មែន ខណៈដែលជីវភាពរស់នៅប្រចាំថ្ងៃរបស់ពួកគាត់ ដែល រស់នៅតំបន់ជនបទដាច់ស្រយាលនេះ បាននឹងកំពុងជួបបញ្ហាប្រឈមជាខ្លាំង។

តែទោះជាយ៉ាងណាក្តី លោក បន្តថា ទំហំទឹកប្រាក់ឧបត្ថម្ភនេះវានៅតែមានចំនួនតិច​​តួច​​​នៅ​ឡើយសម្រាប់ដោះស្រាយជីវភាពលំបាក​ប្រចាំ​ថ្ងៃរបស់ពួកគាត់ ដោយលោកបានទាមទារឲ្យ​រាជរដ្ឋាភិបាលពិសេសប្រមុខរាជ រដ្ឋាភិបាលកម្ពុជាធ្វើការ​ពិចារណាក្នុងការតំឡើងប្រាក់​បៀវត្សន៍ជូនពួកគាត់ទៀត។

លោក បន្តថា តាមការសិក្សាស្រាវជ្រាវរបស់សមាគមមន្រ្តីរាជការឯករាជ្យកម្ពុជា បានរកឃើញ ថា ដើម្បីទាក់ទាញធនធានមនុស្ស ឲ្យចូលបម្រើការងារនៅក្នុងវិស័យរដ្ឋ ក្នុងការជួយ​បម្រើ​ដល់វិស័យសាធារណៈជូនប្រជាពលរដ្ឋនោះ​ លុះត្រាតែរដ្ឋាភិបាលមានការកំណត់ក្នុងការផ្តល់ ប្រាក់បៀវត្សន៍ជូនពួកគេយ៉ាងហោចណាស់២លានរៀល។

គួររំលឹកថា យោង​តាម​អនុក្រឹត្យ​ដែលត្រូវ​បាន​​ចុះ​ហត្ថលេខា​ដោយសម្តេចនាយករដ្ឋមន្រ្តី  ​កាលពី​ថ្ងៃ​ទី​១៨ ​ខែមីនា ឆ្នាំ​២០១៥ បាន​សម្រេច​ផ្តល់ប្រាក់​តំបន់​ដែល​ជា​ប្រាក់​ឧបត្ថម្ភប្រចាំខែ ចាប់​ពី​៨​ម៉ឺន​ទៅ​១២​ម៉ឺន​រៀល​​ ទៅ​ដល់​​មន្រ្តីរាជការ​ស៊ីវិល​ក្នុង​វិស័យ​អប់រំ និង​សុខាភិបាល​ ដែល​កំពុង​ធ្វើ​ការ​ក្នុង​តំបន់​លំបាក និង​ដាច់ស្រយា​ល ដើម្បី​ជា​ការជំរុញ​ឲ្យ​មាន​ការ​អប់រំ និងការ​​ព្យាបាល​នៅ​ក្នុង​តំបន់​ដាច់​ស្រយាល។​ ​

អនុក្រឹត្យ​ បានបន្តថា ​ប្រាក់តំបន់​ជា​ប្រាក់​សម្រាប់​ឧបត្ថម្ភ​ប្រចាំ ​ខែ​ជូន​ដល់​មន្រ្តីរាជការ​ស៊ីវិល​ក្នុង​វិស័យ​អប់រំ និង​វិស័យ​​សុខាភិបាល ដែល​កំពុង​បម្រើ​ការងារ​នៅ​តាម​តំបន់​ភូមិសាស្រ្ត​ដែល​ត្រូវ​បាន​ជួប​ការ​ លំបាក និង​តំបន់​ដាច់​ស្រយាល​។​

អនុក្រឹត្យ​ នេះ បានកំណត់ឲ្យ ​ក្រសួង​អប់រំ និងក្រសួង​សុខាភិបាល​ ត្រូវ​​ពិគ្រោះ​យោបល់​ជា​មួយ​ក្រសួង​មុខងារ​​សាធារ​ណៈ និង​ក្រសួ​ងសេដ្ឋកិច្ច​ ព្រម​ទាំង​ក្រសួង​ស្ថាប័ន​ពាក់​ព័ន្ធ​ ត្រូវការអនុវត្ត​ការដំឡើងប្រាក់ឧបត្ថម្ភនេះ ៕

 

 

កម្ពុជានិងម៉ាកាវឈ្នះ១ស្មើក្នុងការប្រកួតវគ្គចំរុះបាលទាត់ពិភពលោកFIFAកាលពីថ្ងៃទី១៧មីនានេះ

ភ្នំពេញ៖កម្ពុជានិងម៉ាកាវឈ្នះ១ស្មើក្នុងការប្រកួតវគ្គចំរុះបាលទាត់ពិភពលោកFIFAដែលក្រុងម៉ាកាវរបស់ប្រទេស ចិនបានធ្វើម្ចាស់ផ្ទះកាលពីថ្ងៃទី១៧មីនាឆ្នាំ២០១៥នេះ។កម្ពុជាបាននាំមុខក្នុង៣០នាទីដំបូងដោយស៊ី១ទល់សូន្យតែក្រុងម៉ាកាវរកបានមួយគ្រាប់វិញនៅវគ្គចុងក្រោយស៊ីក្នុងពេលពេណាល់ទី។

ដោយឡែកកម្ពុជាឈ្នះម៉ាកាវ៣ទល់សួន្យក្នុងការប្រកួតវគ្គចំរុះបាលទាត់ពិភពលោកនៅស្ដាត់ចាស់ ក្រុងភ្នំពេញ កាលដែលប្រទេសកម្ពុជាធ្វើម្ចាស់ផ្ទះនៅថ្ងៃទី១២មីនានេះ។

កីឡាករចាន់វឌ្ឍការទាត់ចូលនៅនាទី៦៣និង៨០។ចំណែកីឡាករឃួនបូរ៉ាវីទាត់ចូលនៅនាទីចុងក្រោយបានមួយគ្រាប់បន្ថែមទៀត។

កម្ពុជាធ្លាប់មានប្រវត្តិប្រកួតជាម៉ាកាវ៤ដងកន្លងមកក្នុងការប្រកួតក្របខណ្ឌសហពន្ឋបាលទាត់អាស៊ីAFC។ក្នុងឆ្នាំ ២០១១កម្ពុជាចាញ់ម៉ាកាវ៣ដទល់១និងឆ្នាំ២០១១កម្ពុជាឈ្នះ៣ទល់១វិញ។ក្នុងឆ្នាំ២០០៩ម៉ាកាវចាញ់កម្ពុជា១ ដល់ ២និងឆ្នាំ២០០៨កម្ពុជាស៊ីម៉ាកាវ៣ទល់១៕

ដោយៈ​សាន វាសនា

អ្នកគ្រូមកពីអាមេរិចNancie Atwellទទួលប្រាក់រង្វាន់មួយលានដុល្លារពីការប្រកួតកម្មវិធី Global Teacher Prize

ភ្នំពេញ៖អ្នកគ្រូ Nancie Atwell មកពីអាមេរិច អាយុ៦៣ជាអ្នកទទួលប្រាក់រង្វាន់មួយលានដុល្លារ ពី​Varkey Foundation នៅក្រុងឌុយប៊ៃនៅថ្ងៃអាទិត្យនេះពីការប្រកួតកម្មវិធី Global Teacher Prize ជា មួយគ្រូបង្រៀន៩នាក់ផ្សេងទៀតរួមទាំងអ្នកគ្រូ នាង ផល្លាមកពីកម្ពុជា ។

អ្នកគ្រូAtwell ​បានបង្កើតមជ្ឈមណ្ឌលthe center for teaching and learning ជាសាលាឯកជនជាង ២៥ឆ្នាំកន្លងមកនៅរដ្ឋមេនរបស់សហរដ្ឋអាមេរិចនិងបានសរសេរសៀវភៅ៩ក្បាលហើយមានសៀវភៅមួយរបស់អ្នកគ្រូបានលក់បាន៥សែនក្បាលនៅជុំវិញពិភពលោក។

អ្នកគ្រូAtwell បានបង្រៀនពីវិធីបង្រៀននៅតំបន់ផ្សេងជុំវិញពិភពលោក៕

 

 

កម្ពុជាឈ្នះ៣-០ជាមួយម៉ាកាវនៅទីបញ្ចប់ក្នុងការប្រកួតវគ្គចំរុះបាលទាត់ពិភពលោកនៅស្ដាត់ចាស់ក្រុងភ្នំពេញ

ភ្នំពេញ៖កម្ពុជាឈ្នះម៉ាកាវ៣ទល់សួន្យក្នុងការប្រកួតវគ្គចំរុះបាលទាត់ពិភពលោកនៅស្ដាត់ចាស់ក្រុងភ្នំពេញថ្ងៃទី១២មីនានេះ។កីឡាករចាន់វឌ្ឍការទាត់ចូលនៅនាទី៦៣និង៨០។ចំណែកីឡាករឃួនបូរ៉ាវីទាត់ចូលនៅនាទីចុងក្រោយបានមួយគ្រាប់បន្ថែមទៀត។

កម្ពុជាធ្លាប់មានប្រវត្តិប្រកួតជាម៉ាកាវ៤ដងកន្លងមកក្នុងការប្រកួតក្របខណ្ឌសហពន្ឋបាលទាត់អាស៊ីAFC។ក្នុងឆ្នាំ២០១១កម្ពុជាចាញ់ម៉ាកាវ៣ដទល់១និងឆ្នាំ២០១១កម្ពុជាឈ្នះ៣ទល់១វិញ។ក្នុងឆ្នាំ២០០៩ម៉ាកាវចាញ់កម្ពុជា១ដល់២និងឆ្នាំ២០០៨កម្ពុជាស៊ីម៉ាកាវ៣ទល់១៕

 

កម្ពុជាឈ្នះម៉ាកាវ១ទល់សួន្យនៅនាទី៦៣ស៊ុតចូលទីដោយកីឡាករចាន់វឌ្ឍនាការក្នុងការប្រកួតវគ្គចំរុះបាលទាត់ពិភពលោកនៅស្ដាត់ចាស់ក្រុងភ្នំពេញ

 

ភ្នំពេញ៖កម្ពុជាឈ្នះម៉ាកាវ១ទល់សួន្យនៅនាទី៦៣ស៊ុតចូលទីដោយកីឡាករចាន់វឌ្ឍនាការក្នុងការប្រកួតវគ្គចំរុះបាលទាត់ពិភពលោកនៅស្ដាត់ចាស់ក្រុងភ្នំពេញនៅថ្ងៃទី១២មីនានេះ។

 

កម្ពុជាធ្លាប់មានប្រវត្តិប្រកួតជាម៉ាកាវ៤ដងកន្លងមកក្នុងការប្រកួតក្របខណ្ឌសហពន្ឋបាលទាត់អាស៊ីAFC។ក្នុងឆ្នាំ២០១១កម្ពុជាចាញ់ម៉ាកាវ៣ដទល់១និងឆ្នាំ២០១១កម្ពុជាឈ្នះ៣ទល់១វិញ។ក្នុងឆ្នាំ២០០៩ម៉ាកាវចាញ់កម្ពុជា១ដល់២និងឆ្នាំ២០០៨កម្ពុជាស៊ីម៉ាកាវ៣ទល់១៕

 

កម្ពុជាជួបម៉ាកាវនៅស្ដាតចាស់សូន្យស្មើក្នុងតង់ទីមួយ

ភ្នំពេញ៖កម្ពុជាជួបម៉ាកាវនៅស្ដាតចាស់០-០ស្មើក្នុងតង់ទីមួយក្នុងកា​រប្រកួតជំរុះបាលទាត់​ពិភពលោករបស់FIFA world cup ។ពេលនេះកម្ពុជាធ្វើម្ចាស់ផ្ទះនៅថ្ងៃទី១២មីនានេះ។​ក្នុងតង់ទីមួយនេះខាងកម្ពុជាមានឧកាសស៊ុតចូលទីច្រើន។

នៅខាងក្រៅការប្រកូតមានការភ្នាល់គ្នាដាក់លុយដោយអ្នកកាន់ខាងម៉ាកាវតឲ្យខាងកម្ពុជា៣គ្រាប់៕

អត្ថបទ៖ចាប់នឿន

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2