vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

គណៈកម្មការពាក់កណ្តាលម៉ារ៉ាតុងអន្តរជាតិភ្នំពេញអំពាវនាវឲ្យមហាជនចូលរួមឲ្យបានច្រើនកុះករ

ភ្នំពេញ៖លោក វ៉ាត់ ចំរើន អគ្គលេខាធិការ គណៈកម្មារធិការជាតិអូឡាំពិកកម្ពុជាបានអំពាវនាវដល់មហាជន ឲ្យចូលរួមប្រកួតក្នុងទិវារត់ពាក់កណ្តាលម៉ារ៉ាតុងអន្តរជាតិភ្នំពេញ លើកទី៧ ប្រចាំឆ្នាំ២០១៧ ដោយស្នើសុំឲ្យចុះ ឈ្មោះឲ្យបានទាន់ពេលវេលា និងឲ្យបានច្រើនកុះករ ដោយព្រឹត្តិការណ៍នេះគ្រោងនឹងធ្វើឡើង នាថ្ងៃទី១៨ មិថុនា នៅមុខព្រះបរមរាជវាំង។


ថ្លែងនៅក្នុងឱកាសចុះពិនិត្យមើលទីតាំងចុះឈ្មោះនៅមុខព្រះបរមរាជវាំង កាលពីម្សិលមិញ អគ្គលេខា ធិការរូបនេះបានបញ្ជាក់ទៀតថា គិតមកទល់ពេលនេះ មានជនបរទេសដែលបានចុះឈ្មោះចូលរួមរត់នោះមាន ចំនួនជាង៥០០នាក់ហើយ ដែលមកពីប្រទេសចំនួន៣១ ដែលក្នុងនោះគេកត់សំគាល់ឃើញថា ជនបរទេស ភាគច្រើនមកពីអឺរុប។

សម្រាប់អ្នករត់ជនជាតិកម្ពុជាមានប្រមាណ ២.៩០០នាក់ហើយ ដោយឯកឧត្តមរំពឹងថា ឆ្នាំ២០១៧នេះ អ្នកចូលរួមនឹងកើនដល់ ៥០០០នាក់។ ការចុះឈ្មោះនេះនឹងបញ្ចប់នៅថ្ងៃទី១៥មិថុនា ហើយនៅ ថ្ងៃទី១៦ និងទី១៧មិថុនា នឹងរៀបចំចែកសម្លៀកបំពាក់ និងលេខសម្រាប់ពាក់រត់។

ហេតុនេះអ្នកដែលចង់ចូល រួមរត់ក្នុងព្រឹត្តិការណ៍នេះសូមអញ្ជើញចុះឈ្មោះឲ្យបានទាន់ពេលវេលា។ នេះជាឆ្នាំទី៧ហើយ ដែលព្រឹត្តិ ការណ៍នេះត្រូវបានបង្កើតឡើង ដើម្បីងចូលរួមអបអរសាទរព្រះរាជពិធីចម្រើនព្រះជន្មសម្ដេចព្រះ មហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ រត់ដើម្បីទីក្រុងស្អាត និងបៃតង រត់ដើម្បីសប្បុរសធម៌ ដើម្បីរក ថវិកាជួយមន្ទីរពេទ្យគន្ធបុប្ផា និងរត់ដើម្បីភ្នំពេញជាគោលដៅទេសចរណ៍ដ៏ទាក់ទាញ។


លោកអគ្គលេខាធិការបានបង្ហាញពីមហិច្ឆតាធ្វើឲ្យព្រឹត្តិការណ៍ភ្នំពេញពាក់កណ្ដាលម៉ារ៉ាតុងអន្តរជាតិនេះក្លាយជាព្រឹត្តិការណ៍ម៉ារ៉ាតុង ដែលតម្រូវឲ្យរត់ចម្ងាយ ៤២,១៩៥គីឡូម៉ែត្រ នាឆ្នាំក្រោយ។ រត់ម៉ារ៉ាតុងនឹង កាន់តែទាក់ទាញអ្នករត់ល្បីៗលើពិភពលោកថែមទៀត ដោយអ្នករត់ខ្លាំងៗលើពិភពលោក គេចង់រត់ចម្ងាយ ៤២ គីឡូម៉ែត្រ ជាជាងរត់ត្រឹមពាក់កណ្តាលម៉ារ៉ាតុង ២១គីឡូម៉ែត្រ។


គួរបញ្ជាក់ថាព្រឹត្តិការណ៍នេះក្រៅពីរត់២១គីឡូម៉ែត្រ គឺនៅមានរត់ចម្ងាយ១០គីឡូម៉ែត្រ និងរត់ចម្ងាយ ៣ គីឡូម៉ែត្រជាលក្ខណៈគ្រួសារទៀតផង៕

v9

v10

សម្រាំងបានម្ចាស់ជ័យលាភីតេក្វាន់ដូ ITF ប្រចាំឆ្នាំ២០១៧

ការប្រកួតកីឡាតេក្វាន់ដូ I.T.F ជ្រើសរើសជើងជើងឯកថ្នាក់ជាតិ ប្រចាំឆ្នាំ២០១៧ បានបញ្ចប់ជាស្ថាពរ ហើយ កាលពីល្ងាចថ្ងៃអាទិត្យម្សិលមិញ នៅពហុកីឡដ្ឋានជាតិអូឡាំពិក បន្ទាប់ពីគណៈកម្មការបច្ចេកទេស សម្រាំងបានម្ចាស់ជ័យលើវិញ្ញាសាទាំងអស់រួចរាល់ហើយនោះ។
ឯកឧត្តម កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា និងឯកឧត្តមអ៊ុក សិទ្ធិជាតិអគ្គនាយក កីឡានៃក្រសួងអប់រំ យុវជន និង កីឡាអញ្ជើញចូលរួមក្នុងពិធីបិទ និងបំពាក់មេដាយដល់ជ័យលាភី។

ចំពោះលទ្ធផល និងចំណាត់ថ្នាក់នោះ គឺវិញ្ញាសាមេគុនក្រុមបុរស-នារីមេដាយមាសបានទៅក្លឹបយុវជន មេដាយប្រាក់ក្លិបព្រៃកប្បាស និង មេដាយសំរិទ្ធក្លិបយុវជន។ សម្តែងបុរសកម្រិត ក្រោមខ្សែក្រវាត់ខ្មៅ មេដាយ មាសកីឡាករ កូយ មុទិតា ក្លឹបយុវជន។ ខ្សែក្រវាត់ក្រោមខ្មៅ កុមារា មេដាយមាសគន លីរតនៈក្លិបព្រៃកប្បាស ។សំដែងកុមារីមេដាយមាសកុមារីដារិទ្ធ ពេជ្រវរល័ក្ខណ៍ ។ ខ្សែក្រ វាត់ក្រោមខ្មៅនារីមេដាយមាស លឹម ខេង ក្លឹប យុវជន។ ខ្សែក្រវាត់ខ្មៅមួយដាន់បុរសមេដាយមាសកីឡាករ ហ៊ វិចិត្រ ក្លឹបយុវជន។


វិញ្ញាសាប្រយុទ្ធទម្ងន់៥១គីឡូក្រាមនារីមេដាយមាសកីឡាការិនី រោយ មុល្លីកា ក្លិបយុវជន។ ប្រយុទ្ធ នារីទម្ងន់៥៧គីឡូក្រាមមេដាយមាសកីឡាការិនីនិស្ស័យរតនាក្លិបយុវជន។ ប្រយុទ្ធនារីទម្ងន់៦៣គីឡូក្រាមមេ ដាយមាសកីឡា ការិនីហួន សុជាតា ក្លិបវិទ្យាល័យហ៊ុន សែនតាខ្មៅ។ ប្រយុទ្ធនារីទម្ងន់៦៩គីឡូក្រាម មេដាយ មាស កីឡាការិនីរស់ ស្រី និច ក្លិបយុវជន។ ប្រយុទ្ធជាក្រុម បុរសមេដាយមាសក្លិបកងរាជអាវុធហត្ថរាជ ធានីភ្នំពេញ មេដាយប្រាក់និងមេដាយ សំរិទ្ធក្លិបយុវជន។


វិញ្ញាសាសំដែងការពារខ្លួនបុរស-នារីមេដាយមាសក្លិបយុវជន មេដាយប្រាក់ក្លឹបយុវជន២ និងមេដាយ សំរិទ្ធ ក្លឹបពន្លឺយុវជន។ វិញ្ញាសាប្រយុទ្ធទម្ងន់៧៥គីឡូក្រាមបុរសមេដាយមាសកីឡាករ ដេត សីហាក្លឹប កងរាជ អាវុធហត្ថរាជធានីភ្នំពេញ។ ទម្ងន់៨០គីឡូក្រាមបុរសមេដាយមាសកីឡាករ ម៉េង លី ក្លិបកងរាជអាវុធហត្ថរាជ ធានីភ្នំពេញ។ទម្ងន់៨០គីឡូក្រាមឡើងបុរសមេដាយមាសកីឡាករពុំរតនៈក្លឹបកងរាជអាវុធហត្ថរាជធានីភ្នំពេញ។


ប្រយុទ្ធទម្ងន់៤៥គីឡូក្រាមនារីមេដាយមាសកីឡាការរិនីតឹក ហ្គេចលាងក្លិបយុវជន។ វិញ្ញាសាពិសេស ឯកត្តជនបុរសមេដាយមាសកីឡាករឃឿន ប៊ុនឡុងក្លិបក្ដីចាស់។ វិញ្ញាសាពិសេសក្រុមមេដាយមាសក្លិប សហ ភាពសហព័ន្ធយុវជនកម្ពុជាខេត្តកណ្ដាល មេដាយប្រាក់ក្លិបក្ដីចាស់ និង មេដាយសំរិទ្ធក្លិបមិត្តភាព។ ក្រៅពីនេះ ក៏នៅមានជ័យលាភីលើវិញ្ញាសាមួយចំនួនទៀតផងដែរ៕

 

v4

v5

អត្តពលិកតេក្វាន់ដូ៥រូបគ្រោងទៅប្រកួតជើងឯកពិភពលោកនៅសាធារណរដ្ឋកូរ៉េ នាចុងខែមិថុនានេះ

ខេមរសហព័ន្ធតេក្វាន់ដូ WTF គ្រោងនឹងបញ្ជូនកីឡាករ២រូប និងកីឡាការិនី៣រូបទៅប្រកួតជើងឯក ពិភពលោក នៅសាធារណរដ្ឋកូរ៉េ នៅតំបន់មូជូ ដែលព្រឹត្តិការណ៍នោះត្រូវគេប្រសិទ្ធិឲ្យនាមថា 2017 Muju Championship World Taekwondo ពីថ្ងៃទី២៤ដល់ថ្ងៃទី៣០មិថុនា ខាងមុខនេះ។


ជាមួយនឹងការចេញទៅប្រកួតនេះធនាគារកូរ៉េ Phnom Penh Commercial Bank បានជួយឧបត្ថម្ភប្រាក់ ចំនួន ១៣០០០ដុល្លារ ដល់ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា និងជាប្រធានខេមរ សហព័ន្ធតេក្វាន់ដូ សម្រាប់ការចំណាយ ក្នុងការចេញទៅប្រកួតនេះ។


លោក ឆយ យ៉ុងសុក ដែលជាគ្រូបង្វឹកតេក្វាន់ដូជម្រើសជាតិកម្ពុជាបានឲ្យដឹងថា ព្រឹត្តិការណ៍នេះ ចាប់ ផ្ដើមពីថ្ងៃទី២៤ ដល់៣០មិថុនា ដែលមានកីឡាករ-កីឡាការិនីចូលរួមសរុបចំនួន ១.៦៩៨នាក់ មកពី១៨១ ប្រទេសលើពិភពលោក។ គ្រូបង្វឹករូបនេះបន្ថែមថា បន្ទាប់ពីព្រឹត្តិការណ៍ពិភពលោកនេះលោកដឹងថាកីឡាករ-កីឡាការិនីកម្ពុជានៅខ្វះចន្លោះអ្វីខ្លះ ហើយលោកនឹងបំពេញឲ្យ ព្រោះពួកគេទាំង៥រូបនេះសុទ្ធតែជា បេក្ខភាព សម្រាប់ស៊ីហ្គេម នាខែសីហា ឆ្នាំ២០១៧នេះ។


កីឡាករ-កីឡាការិនីដែលចូលរួមទាំង ៥រូបនោះ គឺកីឡាការិនី ស៊ន សៀវម៉ី ប្រកួតក្នុងប្រភេទទម្ងន់ ក្រោម ៧៣គីឡូក្រាម។ កីឡាការិនី Cassandre Nicole Tubbs មកពីអាមេរិកប្រកួត ក្នុងប្រភេទទម្ងន់ក្រោម ៥៧គីឡូក្រាម កីឡាការិនី អ៊ុន វិនសុចិរង្សី ប្រកួតក្នុងប្រភេទទម្ងន់ក្រោម៥៣គីឡូក្រាម។ កីឡាករ ឈុន សុខឡុង ប្រកួតក្នុងប្រភេទទម្ងន់ក្រោម ៦៣គីឡូក្រាម និងកីឡាករ វ៉ាន់ រិទ្ធី ប្រកួតក្នុងប្រភេទទម្ងន់ក្រោម ៧៤ គីឡូក្រាម។


កីឡាការិនី ស៊ន សៀវម៉ី ទទួលស្គាល់ថា ការប្រកួតជើងឯកពិភពលោកពិតជាលំបាក ព្រោះមួយ ប្រភេទទម្ងន់ៗមានកីឡាករ-កីឡាការិនីច្រើន រហូតដល់ ១៨១ប្រទេសឯណោះ ដូច្នេះដំណើរឡើង ទៅកាន់ តំណែងជាជើងឯកត្រូវឆ្លងកាត់ឧបសគ្គច្រើនណាស់ ។


ឯកឧត្តម ហង់ ជួនណារ៉ុន បានចាត់ទុកថា ការចេញទៅប្រ កួតលើកនេះសំខាន់ណាស់ ដែលវា ជាឱកាសបង្ហាញសមត្ថភាពមួយ មុនពេលស៊ីហ្គេមលើកទី២៩ឈានមកដល់នាខែសីហាខាង មុខនេះ។


សូមបញ្ជាក់ថា ការរៀបចំជើងឯកពិភលោក នៅកូរ៉េខាងត្បូង តំបន់មូជូនេះ គឺជាតំបន់កីឡដ្ឋានតេក្វាន់ដូ ដ៏ធំ និងទឹកដីដ៏ពិសិដ្ឋសម្រាប់អ្នកស្រឡាញ់កីឡាតេក្វាន់ដូជាង៧០លាននាក់នៃ១៨៨ប្រទេសលើពិភពលោក ដែលតំបន់នេះជាតំបន់ទេសចរណ៍ដ៏ស្រស់ត្រកាល ដោយមានទឹកទន្លេថ្លាដូចកញ្ចក់ មានព្រៃធម្មជាតិដ៏ស្រស់ ស្អាត ដែលសម្បូរទៅដោយសត្វអំពិលអំពែក ដែលធម្មតាប្រភេទសត្វនេះចូលចិត្តរស់នៅក្នុងបរិស្ថានល្អ ហើយ តំបន់នេះបានទាក់ទាញភ្ញៀវទេសចរជាង៤លាននាក់ ក្នុង១ឆ្នាំៗ៕

v6

v7

 

ជម្រើសជាតិកម្ពុជា និងអាហ្គានីស្ថាន ថ្លែងរួមគ្នាមុនពេលប្រកួតនៅល្ងាចថ្ងៃស្អែក AFC Asian Cup

គ្រូបង្គោលបាល់ទាត់នៃប្រទេសទាំងពីរ ជម្រើសជាតិកម្ពុជា និងអាហ្គានីស្ថាន បានថ្លែងរួមគ្នា នៅក្នុង សន្និសីទសារពត៌មាន កាលពីព្រឹកមិញ នៅសណ្ឋាគារ ភ្នំពេញ មុនពេលដែលក្រុមទាំងពីរនឹងត្រូវជួបប្រកួតគ្នា ក្នុងព្រឹត្តិការណ៍វគ្គជម្រុះ ទ្វីបអាស៊ី AFC Asian Cup ក្នុងពូលC។


លោក Leonardo Victorino គ្រូបង្វឹកជម្រើសជាតិកម្ពុជាសញ្ជាតិប្រេស៊ីល បាននិយាយថា សម្រាប់ការ ប្រកួតនៅថ្ងៃស្អែកនេះ គឺលោកផ្តោតសំខាន់លើទៅឱកាសរកគ្រាប់បាល់ទៅលើគូប្រកួត ដោយ៣ប្រកួតកន្លង ទៅថ្មីៗនេះ ក្រោមការដឹកនាំរបស់លោកចាញ់ទាំងបីប្រកួត ប៉ុន្តែលោកនៅតែខិតខំអភិវឌ្ឍកីឡាបាល់ទាត់កម្ពុជា ឲ្យកាន់តែប្រសើរឡើងបន្ថែមទៀត។ លោកបានលើកឧទាហរណ៍ថា ការប្រកួតជាមួយឥណ្ឌា ២០ឆ្នាំ កម្ពុជា មិនដែលធ្លាប់ឈ្នះ និង១០ឆ្នាំមិនដែលធ្លាប់ឈ្នះជាមួយឥណ្ឌូណេស៊ី ជាដើម។ ការវិភាគរបស់លោកគឺមិនគិត សំខាន់ទៅលើលទ្ធផលចាញ់ ឬឈ្នះនោះទេ ប៉ុន្តែសំខាន់គឺការបង្កើតឱកាសគ្រោះថ្នាក់ផ្សេងទៅលើគូប្រកួត។ អ្វីៗទាំងអស់នេះគឺដើម្បីគោលដៅដ៏ធំ គឺឈានឆ្ពោះទៅរកធ្វើជាម្ចាស់ផ្ទះ ស៊ីហ្គេម លើកទី៣២ នាឆ្នាំ២០២៣ ខាងមុខ។ ទោះយ៉ាងណាក្តី ពេលប្រកួតមិនបានល្អ លោកមិនដែលដាក់កំហុសលើកីឡាករណាឡើយ ប៉ុន្តែ លោកបន្ទោសខ្លួនឯង ដោយដឹកនាំមិនបានល្អ។ ចំពោះការប្រកួតជាមួយ អាហ្គានីស្ថាន នៅថ្ងៃស្អែកនេះ លោក ជឿជាក់ថា កូនក្រុមរបស់ខ្លួននឹងធ្វើបានល្អជាងប្រកួតមុនៗជាក់ជាមិនខាន។


ចំណែកឯលោក Otto Pfister គ្រូបង្គោលជម្រើសជាតិអាហ្គានីស្ថានគូសបញ្ជាក់ដែរថា កម្រិតបច្ចេក ទេសរបស់កីឡាករកម្ពុជាមានភាពល្អប្រសើរជាងមុន ប៉ុន្តែបើប្រៀបធៀបជាមួយបណ្តាប្រទេសនានាក្នុងទ្វីប អាស៊ី លោកមើលឃើញថា កម្ពុជាមានកម្រិតនៅឆ្ងាយនៅឡើយ។ គ្រូបង្វឹកវ័យ៨២ឆ្នាំរូបនេះបន្ថែមថា លោកពិត ជារីករាយចំពោះការទទួលស្វាគមន៍ ទាំងការហូបចុក ស្នាក់នៅរបស់ម្ចាស់ផ្ទះកម្ពុជា លើក្រុមរបស់លោក ហើយ អ្វីដែលសំខាន់បំផុត គឺលោកចង់ឲ្យការប្រកួតនៅថ្ងៃស្អែកមានអ្នកគាំទ្រសប្បាយរីករាយ។ លោកគិតថា កម្រិត របស់កម្ពុជា និងក្រុមអាហ្គានីស្ថាន ប្រហាក់ប្រហែលគ្នា ដែលលទ្ធភាពប្រហែល ៥០% ដូចគ្នា។


សូមបញ្ជាក់ថា ក្នុងពូលC នេះមាន៤ក្រុម គឺកម្ពុជា, អហ្គានីស្ថាន, វៀតណាម និងហ្សកដង់ ដែលក្រុម ទាំងអស់នឹងត្រូវបន្តជួបគ្នាចំនួន២ជើង៕

v1

v2

v3

ជើងឯកពិភពលោកជារបស់អង់គ្លេស ខណៈ Golden Ball ធ្លាក់ក្នុងដៃ Solanke

v15

ក្រុមតោកំណាចអង់គ្លេសតូច បានគ្រងពានបាល់ទាត់ពិភពលោកយុវជនអាយុក្រោម ២០ឆ្នាំ Under-20 World Cup ឆ្នាំ២០១៧ ក្រោយឈ្នះវ៉េណេស៊ុយអេឡា ១-០ ក្នុងប្រកួតវគ្គ ផ្ដាច់ព្រ័ត្រ នាប្រទេសកូរ៉េខាងត្បូងកាលពីថ្ងៃអាទិត្យចុងសប្តាហ៏កន្លងទៅ។

 

មួយគ្រាប់របស់ខ្សែប្រយុទ្ធ Dominic Calvert-Lewin នៅនាទីទី៣៥ គ្រប់គ្រាន់ ឲ្យអង់គ្លេសដែលដឹកនាំដោយ Paul Simpson លើកពានពិភពលោកលើកដំបូងក្នុងប្រវត្តិសាស្ត្រ គិតតាំងពីក្រុមឈុតធំធ្វើបានសម្រេចកាលពីឆ្នាំ១៩៦៦។

 

ស្របពេលក្រុមរបស់ខ្លួនដណ្ដើមបានពានរង្វាន់ដ៏ធំនេះ ខ្សែប្រយុទ្ធវ័យ១៩ឆ្នាំ Dominic Solankeដែលនឹងក្លាយជាសមាជិកក្រុមហង្សក្រហម Liverpool នៅថ្ងៃទី១ ខែកក្កដា ក៏ទទួល បានពាន Golden Ballក្នុងនាមជាកីឡាករលេងល្អជាងគេប្រចាំព្រឹត្តិការណ៍នេះផងដែរ ជាមួយនឹងការស៊ុតបញ្ចូលទីបាន៤គ្រាប់។

 

ក្រោយក្រុមយុវជនវ័យក្រោម២០ឆ្នាំ (Under-20) ដណ្ដើមបានពានពិភពលោកលើកមុខមាត់ឲ្យប្រទេសអង់គ្លេសយ៉ាងអស្ចារ្យបែបនេះ គ្រូបង្ហឹកក្រុមឈុតធំ លោក Gareth Southgate បានផ្ញើសារអបអរនិងសរសើរកីឡាករក្មេងៗទាំងនោះថា “វាជាជោគជ័យយ៉ាង អស្ចារ្យសម្រាប់ប្រទេសជាតិ។

 

អ្នកទាំងអស់គ្នាបានធ្វើឲ្យគ្រប់គ្នាមានមោទនភាព។ តទៅ ពួកគេនឹងចងចាំអ្នកទាំងអស់គ្នា”។

 

សារនោះបន្តជាចុងក្រោយថា “អ្នកទាំងអស់គ្នា បានធ្វើឲ្យគ្រប់គ្នាជឿថាកីឡាករអង់គ្លេសអាចសម្រេចជោគជ័យបាន។ សូមទទួលការអបអរពីយើងទាំងអស់គ្នា ក្នុងក្រុមឈុត ធំ”។

 

សូមបញ្ជាក់ថា មុននឹងឈ្នះវ៉េណេស៊ុយអេឡាលើកពានពិភពលោកនេះ អង់គ្លេសបានទម្លាក់ក្រុមខ្លាំងមួយចំនួន ដូចជាយកឈ្នះកូស្តារីកា ២-១ វគ្គ១៦ក្រុម ឈ្នះម៉ិកស៊ិក ១-០ វគ្គ៨ក្រុមនិងក្នុងវគ្គពាក់កណ្ដាលផ្ដាច់ព្រ័ត្រ បំបាក់អ៊ីតាលី ៣-១៕

Hamilton ឈ្នះ F1 នៅកាណាដាជាលើកទី៦ ខណៈ Vettel បញ្ចប់ត្រឹមលេខ៤

អ្នកលេងកំាជ្រួចដីរាប Lewis Hamilton ឈ្នះការប្រណាំងរថយន្ត F1 នៅប្រទេសកា ណាដាក្នុងកម្មវិធី Canadian Grand Prix ជាលើកទី៦នៅក្នុងអាជីព និងជាលើកទី៣នារដូវ កាលនេះ និងបានកាត់បន្ថយការនាំមុខរបស់ Sebastian Vettel ចំនួន១២ពិន្ទុនៅលើតារាង​ជើងឯកពិភពលោក។

v12

Lewis Hamilton សមាជិកក្រុម Mercedes បានមកដល់ទីព្រ័ត្រមុនគេ ដោយប្រើថិរ​វេលា១ម៉ោង ៣៣នាទី និង៥វិនាទីចុច១៥៣ នាំមុខចំនួន១៩វិនាទីចុច៧៨៣លើមិត្តរួមក្រុម​កីឡាករសញ្ជាតិហ្វាំងឡង់ Valtteri Bottas ស្ថិតនៅលំដាប់លេខ២ និងលេខ៣កីឡាករវ័យ​ក្មេងរបស់អូស្ត្រាលី Daniel Ricciardo បើកឲ្យក្រុម Red Bull បើកយឺតជាង៣៥វិនាទីចុច២៩៧ ខណៈកីឡាករនាំមុខលើតារាងពិន្ទុសរុបសញ្ជាតិអាល្លឺម៉ង់ Sebastian Vettel បញ្ចប់ត្រឹមលេខ​៤ដោយប្រើថិរវេលាយឺតជាង Hamilton ៣៥វិនាទីចុច៩០៧។

v13

សូមបញ្ជាក់ថា សរុប៧ទីលានកន្លងមក Sebastian Vettel នាំមុខគេនៅលើតារាងជើង​ឯកពិភពលោកជាមួយនឹង១៤១ពិន្ទុ លេខ២ Lewis Hamilton មាន១២៩ពិន្ទុ និងលេខ៣កីឡា​ករ Valtteri Bottas មាន៩៣ពិន្ទុ ចំណែកកីឡាករហ្វាំងឡង់មួយរូបទៀតគឺ Kimi Raikkonen ស្ថិតនៅលេខ៤មាន៧៣ពិន្ទុ។ ដោយឡែកសម្រាប់ទីលានបន្ទាប់ គឺធ្វើឡើងនៅប្រទេសអាស៊ែ​បៃហ្សង់ក្នុងកម្មវិធី Azerbaijan Grand Prix នាថ្ងៃទី២៥ ខែមិថុនាសបា្តហ៍ក្រោយ៕

Nadal និង Jelena បង្កើតកំណត់ត្រាថ្មីឈ្នះពាន French Open 2017

កីឡាករវាយកូនបាល់លំដាប់ពិភពលោក Rafael Nadal បានលើកពានរង្វាន់ French Open ជាលើកទី១០ក្នុងអាជីពគួរឲ្យភ្ញាក់ផ្អើល ក្រោយពីបំបាក់កីឡាករលំដាប់លេខ៣ពិភព​លោក Stanislas Wawrinka វគ្គផ្តាច់ព្រ័ត្រនៅទីក្រុងប៉ារីសប្រទេសបារាំងកាលពីចុងសបា្តហ៍ កន្លងមក។

v8
កីឡាករសញ្ជាតិអេស្ប៉ាញវ័យ៣១ឆ្នាំរូបនេះធ្វើបានយ៉ាងល្អនៅវគ្គផ្តាច់ព្រ័ត្រ ដោយ​បំបាក់កីឡាករសញ្ជាតិស្វីស Wawrinka មិនឲ្យតដៃបាន៣សីតទល់នឹង០ ពោលគឺ៦-២,៦-៣ និង៦-១ ហើយតាមរយៈជ័យជម្នះនេះបានធ្វើឲ្យ Nadal ក្លាយជាកីឡាករដំបូងគេបង្អង់ក្នុង​ប្រវតិ្តសាស្ត្រកីឡាវាយកូនបាល់ដែលអាចឈ្នះពាន Grand Slam ១០លើកក្នុងកម្មវិធីតែមួយ។

v9

សូមរំលឹកថា បុរសដែលមានរហស្សនាមថា សេ្តចលើទីលានដីក្រហម Nadal រូបនេះ​ធ្លាប់ឈ្នះពាន Grand Slam ១៥លើកគិតទាំង៤កម្មវិធីធំៗ ក្នុងនោះរួមមាន ៖ French Open ១០លើក, Australian Open ម្តង, Wimbledon ២ដង និង US Open ២លើកផងដែរ។

v10

ចំណែកផ្នែកនារីវិញ ពានរង្វាន់ French Open ២០១៧នេះធ្លាក់ទៅលើកីឡាការិនីវ័យ ក្មេងរបស់ឡេតូនី Jelena Ostapenko ក្រោយពីបានវាយបកយកឈ្នះកីឡាការិនីលំដាប់លេខ​៣សញ្ជាតិរូម៉ានី Simona Halep នៅវគ្គផ្តាច់ព្រ័ត្រ២សីតទល់នឹង១សីត គឺ ៤-៦, ៦-៤ និង៦-៣។

v11


តាមរយៈការលើកពាន French Open នាពេលនេះ នាំឲ្យកីឡាការិនីគ្មានចំណាត់ថ្នាក់​ពិភពលោករូបនេះក្លាយជាកីឡាការិនីដំបូងគេរបស់ប្រទេសឡេតូនី ដែលអាចឈ្នះពាន Grand Slam ធំប្រចាំឆ្នាំ ហើយកីឡាការិនីវ័យ២០ឆ្នាំរូបនេះក៏ក្លាយជាស្ត្រីទី១ដែលអាចវាយបកយក​ឈ្នះវិញនៅ២សីតចុងក្រោយ បន្ទាប់ពីចាញ់នៅសីតទី១លើទីលានដីក្រហមចាប់តាំងពីកីឡា​ការិនីសហរដ្ឋអាមេរិក Jennifer Capriati ដែលបានឈ្នះក្នុងឆ្នាំ២០០១៕

Ibrahimovic ស្វែងរកក្រុមថ្មី រីឯ Drogba រកបានគ្រាប់ដំបូងជាមួយក្រុមថ្មី

v6

ទីបំផុត Zlatan Ibrahimovic ត្រូវតែស្វែងរកទ្រនំថ្មីហើយ ក្រោយបិសាចក្រហម Manchester United សម្រេចមិនបន្តកិច្ចសន្យាថ្មី ហើយដាក់រូបគេ ក្នុងបញ្ជីឈ្មោះកីឡាករដែលក្លិបអនុញ្ញាតឲ្យចាកចេញ។


ខ្សែប្រយុទ្ធសញ្ជាតិស៊ុយអែតវ័យ៣៥ឆ្នាំ​ បានមកលេងឲ្យក្លិបយក្សនៅ Premier League មួយរដូវកាល ២០១៦-២០១៧ ដោយរួមចំណែកជួយឲ្យក្រុមឈ្នះពាន League Cup និង Europa League ដែលក្នុងនោះបង្ហាញវត្តមានបាន៤៦ដង និងស៊ុតបញ្ចូលទីបាន២៨គ្រាប់ មុននឹងរូបគេបញ្ចប់រដូវកាលជាមួយនឹងរបួសក្បាលជង្គង់​ ក្នុងខែមេសា។


ដោយឡែកខ្សែប្រយុទ្ធចាស់វស្សាមួយរូបផ្សេងទៀត Didier Drogba រកបានមួយគ្រាប់ថ្ងៃចូលលេងលើកដំបូង ពេលក្រុមថ្មីរបស់ខ្លួន Phoenix Rising ឈ្នះគូក្រុមប្រជែង Vancouver Whitecaps II ២-១ ក្នុងជំនួបប្រកួតក្របខ័ណ្ឌ United Soccer League (USL) របស់សហរដ្ឋអាមេរិក។


រដូវកាលមុន កីឡាករសញ្ជាតិកូតឌីវ័រវ័យ៣៩ឆ្នាំ បានចំណាយពេលជាមួយ Montreal Impact ក្រុមនៅ Major League Soccer (MLS) លីគកំពូលនៃភាគខាងជើងរបស់អាមេរិក ប៉ុន្តែរដូវកាលនេះ អតីតសមាជិករបស់ក្រុមតោខៀវ Chelsea ក៏សម្រេចចិត្តជ្រកក្រោមដំបូលក្រុមនៅលីគលំដាប់ទី៣នេះ ក្នុងនាមជាកីឡាករផង និងជាម្ចាស់ភាគហ៊ុនផង ដែលនេះជាលើកដំបូងហើយក្នុងប្រវត្តិសាស្រ្តនៃវិស័យបាល់ទាត់៕

v7

Capello ក្លាយជាគ្រូបង្វឹកថ្មីរបស់ក្រុម Jiangsu Suning

v5

Fabio Capello អតីតអ្នកចាត់ការទូទៅរបស់ក្រុមជម្រើសជាតិអង់គ្លេស និងក្រុម AC Milan ត្រូវបានតែងតាំងជាគ្រូបង្វឹកថ្មីរបស់ក្រុម Jiangsu Suning ជាផ្លូវការហើយ នេះបើតាមក្រុមដែលកំពុងនៅក្របខ័ណ្ឌកំពូលរបស់ចិន Chinese Super League ប្រកាសឲ្យដឹងកាលពីថ្ងៃអាទិត្យម្សិលមិញ។


លោក Capello ត្រូវបានក្លិបលំដាប់កំពូលនៅចិនមួយនេះ យកមកជំនួសគ្រូបង្វឹកចាស់សញ្ជាតិជាតិកូរ៉េខាងត្បូង Choi Yong-soo ដែលបានលាលែងពីតំណែងនៅដើមខែនេះ ដើម្បីទៅដឹកនាំក្រុមនៅប្រទេសកំណើត FC Seoul ក្រោយ Jiangsu ធ្លាក់ចេញពី Asian Champions League ត្រឹមវគ្គ១៦ក្រុមចុងក្រោយ ក្រោមថ្វីជើងក្រុមរួមលីគ Shanghai SIPG។


ក្រោយទទូលបានតួនាទីនេះ បុរសអ៊ីតាលីវ័យ៧០ឆ្នាំ ក្លាយជាគ្រូបង្វឹកដ៏ល្បីឈ្មោះមួយរូបចុងក្រោយគេដែលទៅដឹកនាំក្រុមនៅចិន ខណៈក្រុមជើងឯកលីគកំពូលរបស់ចិន Guangzhou Evergrande កំពុងដឹកនាំដោយលោក Luiz Felipe Scolari ដែលបានជួយឲ្យប្រេស៊ីលឈ្នះពាន World Cup ឆ្នាំ២០០២។


គិតចាប់តាំងពីចាប់អាជីពធ្វើជាគ្រូបង្វឹកក្រុមធំៗ ពីឆ្នាំ១៩៨២ ដល់ឆ្នាំ២០១៥ Fabio Capello ធ្លាប់ដឹកនាំក្លិបល្បីៗ និងក្រុមជម្រើសជាតិខ្លាំងៗមួយចំនួន ដូចជា AC Milan, Real Madrid, Roma, Juventus ព្រមទាំងក្រុមជម្រើសជាតិអង់គ្លេស និងរុស្ស៊ីជាដើម៕

រុស្ស៊ី និងស៊ីលី ហ្វឹកហាត់ ត្រៀមមុនការប្រកួតមិត្តភាព ខណៈ Confederations Cup ខិតកាន់តែជិត

v9

ក្រុមបាល់ទាត់ជម្រើសជាតិរុស្ស៊ី និងស៊ីលី កំពុងហ្វឹកហាត់រៀងៗខ្លួន ដើម្បីត្រៀមជួបគ្នាក្នុងប្រកួតមិត្តភាព ដែលនឹងកើតឡើងនៅក្រុងមូស្គូ នៅយប់ថ្ងៃសុក្រនេះ។


នេះជាប្រកួតកម្ដៅសាច់ដុំសម្រាប់ក្រុមទាំងពីរ មុនពួកគេចាប់ផ្ដើមប្រកួតប្រជែង ក្នុងព្រឹត្តិការណ៍ Confederations Cup ដែលនឹងធ្វើការប្រកួត ក្នុងក្រុងធំៗ៤របស់រុស្ស៊ី ចាប់ពីថ្ងៃទី១៧ ខែមិថុនា ដល់ថ្ងៃទី២ ខែកក្កដា ដោយរុស្ស៊ី ត្រូវចូលរួមក្នុងនាមម្ចាស់ផ្ទះ ខណៈស៊ីលី មានវត្តមាន ក្នុងនាមជាជើងឯក Copa America ប្រចាំតំបន់អាមេរិកឡាទីន។


ពាក់ព័ន្ធនឹងការប្រកួតនេះ គ្រូបង្វឹករបស់ស៊ីលី លោក Juan Antonio Pizzi បានប្រាប់សារព័ត៌មានថាលោកមិនប្រាកដថាកីឡាករដែលលេងនៅអឺរ៉ុបពីររូប គឺ Alexis Sanchez និង Claudio Bravo នឹងបានលេងក្នុងប្រកួតមិត្តភាពនេះដែរឬអត់នោះទេ ខណៈពួកគេទាំងពីរ ទើបតែជាពីរបួស។


សម្រាប់ព្រឹត្តិការណ៍ Confederations Cup ឆ្នាំ២០១៧ ក្រុមម្ចាស់ផ្ទះរុស្ស៊ីស្ថិតនៅពូល A ដោយត្រូវប្រឈមជាមួយ៣ក្រុមផ្សេងទៀត គឺនូវែលសេឡង់ (ជើងឯកទ្វីបអូសេអានី) ព័រទុយហ្គាល់ (ជើងឯកអឺរ៉ុប) និងម៉ិកស៊ិក (ជើងឯកតំបន់ CONCACAF) រីឯស៊ីលី នៅពូល B ត្រូវប៉ះជាមួយការមេរូន (ជើងឯកទ្វីបអាហ្វ្រិក) អូស្ត្រាលី (ជើងឯកអាស៊ី) និងអាល្លឺម៉ង់ (ជើងឯក World Cup)៕

v10

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2