vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

Pulisic ជួយឲ្យអាមេរិក បាន៣ពិន្ទុ ប្រកួតជម្រុះ World Cup

v8

ពីរគ្រាប់របស់ Christian Pulisic នៅវគ្គទី២ បានជួយឲ្យក្រុមបាល់ទាត់សហរដ្ឋអាមេរិកឈ្នះទ្រីនីដាដ និងតូបាហ្គោ ២-០ កាលពីយប់មិញ ក្នុងប្រកួតជម្រុះ World Cup 2018 ជុំចុងក្រោយ ប្រចាំតំបន់ CONCACAF។


សម្រាប់ប្រកួតនេះ ឃើញថានៅវគ្គទី១ ក្រុមទាំងពីរមិនអាចធ្វើអ្វីគ្នាបាននោះទេ តែដល់វគ្គទី២​ នាទីទី៥៣ ខ្សែបម្រើប្រយុទ្ធ Pulisic ដែលបច្ចុប្បន្នជាសមាជិកក្រុមយក្សអាល្លឺម៉ង់ Borussia Dortmund បានស៊ុតបញ្ចូលទីមួយគ្រាប់ឲ្យម្ចាស់ផ្ទះនាំមុខ ១-០ ហើយ១០នាទីក្រោយមក ពោលគឺនាទីទី៦៣ កីឡាករវ័យ១៨ឆ្នាំរូបនេះដដែល​ មានឱកាសធ្វើសម្រេចគ្រាប់ទី២ ក៏ដូចជាគ្រាប់ជ័យជម្នះចុងក្រោយរបស់ក្រុមផងដែរ។


ក្រោយឈ្នះការប្រកួតនេះសហរដ្ឋអាមេរិក​ បានឡើងទៅលំដាប់ទី៣ក្នុងតារាងពិន្ទុ ដោយមាន៧ពិន្ទុ ក្នុងចំណោម៥ប្រកួតកន្លងមក តាមពីក្រោយក្រុមលេខ១ម៉ិកស៊ិកដែលឈ្នះហុងឌូរ៉ាស ៣-០ ចំនួន៦ពិន្ទុ ខណៈការប្រកួតនៅសល់៥ប្រកួតទៀត។


សម្រាប់តំបន់​ CONCACAF នេះ ក្រុមពីលេខ១ ដល់លេខ៣ ក្នុងប្រកួតជម្រុះនៅដំណាក់កាលចុងក្រោយនេះ នឹងបានទៅ World Cup 2018 នៅរុស្ស៊ីដោយ ស្វ័យប្រវត្តិ រីឯលេខ៤​ ត្រូវទាត់ Play-off៕

v6

Harry Kane ចង់ឈ្នះបាល់មាស ដូច​ Ronaldo និង Messi

Harry Kane ខ្សែប្រយុទ្ធរបស់​ក្រុមមាន់ខ្នាយមាស​ Tottenham Hotspur ចង់ឈ្នះពាន​រង្វាន់បាល់មាសពិភពលោក FIFA Ballons d'Or ដូចខ្សែប្រយុទ្ធ Real Madrid កីឡាករសញ្ជាតិ​ព័រទុយហ្គាល់  Cristiano Ronaldo និង Lionel Messi ខ្សែប្រយុទ្ធឆ្នើមក្លិប FC Barcelona។

v3

មូលហេតុខ្សែប្រយុទ្ធជម្រើសជាតិអង់គ្លេសរូបនេះ ចង់បង្កើតកំណត់ប្រជែងពានរង្វាន់ Ballons d'Or សម្រាប់ឆ្នាំនេះ ក្រោយពីកីឡាករវ័យ២៣ឆ្នាំរូបនេះ ​ក្លាយ​ជា​អ្នក​ទាត់​បញ្ចូល​ទី​ច្រើន​ជាង​គេ​២​​ដង​ជាប់​គ្នាក្នុង​រដូវ​កាល​មុន​នឹង​ឆ្នាំ​នេះ​។ រដូវកាល​ ២០១៦-២០១៧ Kane ទាត់​បញ្ចូល​ទី​បាន​២៩​គ្រាប់ ក្នុង​ការ​បង្ហាញ​ខ្លួន​៣០​ប្រកួត និង​ជួយ Tottenham បាន​លេខ​២​លើ​តារាង​ English Premier League។

v4មូលហេតុខ្សែប្រយុទ្ធជម្រើសជាតិអង់គ្លេសរូបនេះ ចង់បង្កើតកំណត់ប្រជែងពានរង្វាន់ Ballons d'Or សម្រាប់ឆ្នាំនេះ ក្រោយពីកីឡាករវ័យ២៣ឆ្នាំរូបនេះ ​ក្លាយ​ជា​អ្នក​ទាត់​បញ្ចូល​ទី​ច្រើន​ជាង​គេ​២​​ដង​ជាប់​គ្នាក្នុង​រដូវ​កាល​មុន​នឹង​ឆ្នាំ​នេះ​។ រដូវកាល​ ២០១៦-២០១៧ Kane ទាត់​បញ្ចូល​ទី​បាន​២៩​គ្រាប់ ក្នុង​ការ​បង្ហាញ​ខ្លួន​៣០​ប្រកួត និង​ជួយ Tottenham បាន​លេខ​២​លើ​តារាង​ English Premier League។

 

អង់គ្លេសឡើងវគ្គផ្តាច់ព្រ័ត្រ World Cup U20 ក្រោយពីបំបាក់អ៊ីតាលី ៣-១

ក្រុមបាល់ទាត់ជម្រើសជាតិអង់គ្លេសអាយុក្រោម២០ឆ្នាំ បានកក់កៅអីទៅវគ្គផ្តាច់ព្រ័ត្រ FIFA World Cup U20 ជាលើកដំបូងក្នុងប្រវត្តិសាស្ត្រចាប់តាំងពីឆ្នាំ១៩៦៦មកម្ល៉េះ បន្ទាប់ពី វាយបកយកឈ្នះក្រុមជម្រើស​ជាតិអ៊ីតាលី ៣-១ កាលពីយប់មិញ។

v1

សម្រាប់ការប្រកួតវគ្គពាក់កណ្តាលផ្តាច់ព្រ័ត្រ ក្នុងប្រទេសកូរ៉េខាងត្បូងកាលពីយប់មិញ​ គេសង្កេតឃើញថា ក្រុមជម្រើសជាតិអ៊ីតាលីមានច្រើនជាងគេអង់គ្លេស ដោយស៊ុតបញ្ចូលទី បាន១គ្រាប់នាំមុខតាំងពីនាទី៣ដោយកីឡាករ Riccardo Orsolini ប៉ុន្តែចូលដល់វគ្គទី២ក្រុមតោ កំណាច​អង់គ្លេសមានឱកាសវាយបកបាន៣គ្រាប់វិញ ២គ្រាប់ម្នាក់ឯងដោយខ្សែប្រយុទ្ធថ្មីក្លិប​ហង្សក្រហម Liverpool កីឡាករ Dominic Solanke នាទី៦៦ និងនាទី៨៨ ហើយ​មួយ​គ្រាប់​ទៀត​រក​បាន​ដោយខ្សែប្រយុទ្ធចំណូលថ្មីក្លិប Everton កីឡាករ Ademola Lookman នៅនាទី​៧៧។

v2

សូមបញ្ជាក់ថា តាមរយៈការបំបាក់អ៊ីតាលី ៣-១ ត្រឹមវគ្គពាក់កណ្តាលផ្តាច់ព្រ័ត្រ ធ្វើឲ្យ​ក្រុមលោក Paul Simpson ឡើងទៅវគ្គផ្តាច់ព្រ័ត្រត្រូវជួបក្រុមជម្រើសជាតិវេណេហ្ស៊ុយអេឡា ក្រោយពីក្រុមមកពីតំបន់អាមេរិកខាងត្បូងមួយនេះយកឈ្នះក្រុមជម្រើសជាតិអ៊ុយរុយហ្គាយ ៤-៣ ដោយបាល់ប៉េណាល់ទីកាត់សេចក្តី បន្ទាប់ពីស្មើគ្នា ១-១៕

ជម្រើសជាតិកម្ពុជាចាញ់ឥណ្ឌូនេស៊ី២ដល់សូន្យ

ភ្នំពេញ៖ម្ចាស់ផ្ទះ ជម្រើសជាតិជាតិកម្ពុជា រហ័សនាម គោព្រៃកម្ពុជា បានប្រកួតចាស់ក្រុមភ្ញៀវ ជម្រើសជាតិ ឥណ្ឌូណេស៊ី ដោយលទ្ធផលបច្ចេកទេស ០ទល់២ ដោយ១គ្រាប់ នៅតង់ទី១ និង១គ្រាប់ទៀត នៅចុងតង់ទី២។
នេះជាការប្រកួតកម្តៅសាច់ដុំរបស់កម្ពុជា ដើម្បីត្រៀមការប្រកួតផ្លូវការ វគ្គជម្រុះក្នុងពូលC ជាមួយជម្រើសជាតិ អាហ្គានីស្ថាន នាថ្ងៃទី១៣ មិថុនា ២០១៧ ខាងមុខនេះ នៅពហុកីឡដ្ឋានជាតិកម្ពុជា នៃព្រឹត្តិការណ៍បាល់ទាត់ទ្វីបអាស៊ី AFC ASIAN Cup ២០១៩ នៅអារ៉ាប់រួម
ក្រុមជម្រើសជាតិកម្ពុជា ក្រោមការដឹកនាំពីគ្រូបង្វឹកសញ្ជាតិប្រេស៊ី លោក Leonardo Vitorino ដែលបាន ប្រមូលផ្តុំហ្វឹកហាត់នេះមានសមាជិកចំនួន២៥រូប ក្នុងនោះមានកីឡាករខ្សែប្រយុទ្ធ ចាន់ វឌ្ឍនាកាផងដែរ ដែល ទើបនឹងវិលត្រឡប់មកពីប្រកបអាជីពបាល់ទាត់ លំដាប់ទី៣ នៅប្រទេសជប៉ុន។
ក្រុមកម្ពុជា ដែលនឹងត្រូវកម្តៅសាច់ដុំជាមួយឥណ្ឌូណេស៊ី នេះជាជំនួបដ៏សំខាន់មួយ សម្រាប់ការប្រកួត ជាមួយក្រុមអាហ្គានីស្ថាន វគ្គជម្រុះពានរង្វាន់ AFC Asian Cup 2019 ពូលC នាថ្ងៃទី១៣ មិថុនា ឆ្នាំ២០១៧។ ចំណែកឯក្រុមជម្រើសជាតិឥណ្ឌូណេស៊ីក៏បានមកដល់ទឹកដីកម្ពុជារួចហើយដែរ កាលពីល្ងាចថ្ងៃចន្ទម្សិលមិញ ដើម្បីជួបជាមួយក្រុមម្ចាស់ផ្ទះកម្ពុជា នៅពហុកីឡដ្ឋានជាតិ អូឡាំពិក។ សម្រាប់ព្រឹត្តិការណ៍បាល់ទាត់ទ្វីបអាស៊ី វគ្គចែកពូល AFC ASIAN Cup 2019 Qualifier Final Round នេះ មាន៦ពូល។
ដោយឡែកសម្រាប់វគ្គជម្រុះ ក្នុងពូល C មាន៤ក្រុមដែរ គឺកម្ពុជា, អាហ្គានីស្ថាន, វៀតណាម និងក្រុមហ្សកដង់ ដោយក្រុមទាំងអស់នឹងត្រូវជួបគ្នាវិលជុំក្នុងពូលចំនួន២ជើង ដែលត្រូវប្តូរទឹកដីគ្នាម្តងម្នាក់។ ក្រុមទាំង៤ ក្នុងពូល C នេះលេងបាន១ប្រកួតដូចគ្នា ដោយក្រុមម្ចាស់ផ្ទះហ្សកដង់ធ្លាប់បានបំបាក់ក្រុមភ្ញៀវ កម្ពុជាយ៉ាងចាស់ដៃ ដោយលទ្ធផល ៧ទល់០ កាលពីថ្ងៃទី២៨ មីនា ឆ្នាំ២០១៧ ខណៈអាហ្គានីស្ថាន និងក្រុម វៀតណាម ចែកគ្នាម្នាក់១ពិន្ទុ បន្ទាប់ពីរក្សាលទ្ធផលស្មើគ្នា ១ទល់១. សូមបញ្ជាក់ថា ប្រវត្តិជួបគ្នារវាងក្រុមជម្រើសជាតិទាំង២ កម្ពុជា-ឥណ្ឌូនេស៊ី ធ្លាប់បានជួបគ្នាចំនួន២៣ លើក ចាប់តាំងពីឆ្នាំ១៩៦៥ មក ទាំងក្នុងជំនួបមិត្តភាពអន្តរជាតិ និងជំនួបពានរង្វាន់ផ្លូវការនានាផងដែរ ដោយក្នុងនោះជម្រើសជាតិឥណ្ឌូនេស៊ី ឈ្នះរហូតដល់១៩ដង និងជម្រើសជាតិកម្ពុជាធ្លាប់ឈ្នះ ២ដង និងក្រៅពី នេះស្មើចំនួន២ដង៕

បិសាចក្រហមឡើងទីកំពូលជំនួសអធិរាជស ក្នុងបញ្ជីរបស់ Forbes

v15

បិសាចក្រហម Manchester United ក្រុមលំដាប់កំពូលនៅក្របខ័ណ្ឌ Premier League អង់គ្លេស បានឡើងទៅជំនួសតំណែងក្រុមយក្សអេស្ប៉ាញអធិរាជស Real Madrid ដែលទើបឈ្នះពានក្របខ័ណ្ឌកំពូលអឺរ៉ុបថ្មីៗនេះ ក្នុងនាមជាក្លិបបាល់ទាត់ដែលមានជាងគេលើលោក នេះបើតាមការចេញផ្សាយប្រចាំឆ្នាំរបស់ទស្សនាវដ្ដី Forbes។


Forbes បានឲ្យដឹងក្នុងសេចក្ដីប្រកាសរបស់ខ្លួនថា Man United មានតម្លៃ៣,៦៩ពាន់លានដុល្លារអាមេរិក ពោលគឺឡើង១១ភាគរយ បើធៀបនឹងឆ្នាំមុន។ អ្នកមានបុណ្យ Barcelona ឈរនៅទី២ ជាមួយនឹងតម្លៃ៣,៦៤ពាន់លានដុល្លារ ខណៈ Real Madrid ដែលឈរនៅលើគេរយៈពេល៤ឆ្នាំចុងក្រោយនេះ ធ្លាក់ទៅទី៣ មានតម្លៃ៣,៥៨ពាន់លានដុល្លារ។


Bayern Munich ជើងឯក Bundesliga អាល្លឺម៉ង់ ជាប់លេខ៤ មានតម្លៃ២,៧១ពាន់លានដុល្លារ តាមពីក្រោយដោយមេឃខៀវ Manchester City ដែលជាក្រុមលេខ៣នៅលីគកំពូលអង់គ្លេស តម្លៃ២,០៨ពាន់លានដុល្លារ ខណៈ​សេះបង្កង់ Juventus ក្រុមជើងឯក Serie A អ៊ីតាលី និងរងជើងឯក Champions League នៅលំដាប់ទី៩ តម្លៃ១,២៦ពាន់លានដុល្លារ។


ក្រុម៤ផ្សេងទៀតរបស់អង់គ្លេស ក៏ស្ថិតក្នុងចំណោមក្រុមមានជាងគេទាំង១០របស់ Forbes​ ដែរ គឺកាំភ្លើងធំ Arsenal (១,៩៣ពាន់លានដុល្លារ) តោខៀវ Chelsea (១,៨៥ពាន់លានដុល្លារ) ហង្សក្រហម Liverpool (១,៤៩ពាន់លានដុល្លារ) និងមាន់ខ្នាយមាស Tottenham Hotspur (១,០៦ពាន់លានដុល្លារ)៕

Djokovic ជ្រុះចេញពីកម្មវិធី French Open ត្រឹមវគ្គ៨នាក់ចុងក្រោយ

v14

កីឡាករវាយកូនបាល់អាជីព Novak Djokovic បានបាត់បង់ឱកាសការពារតំណែងជើងឯកពាន Grand Slam កម្មវិធី French Open របស់ខ្លួនហើយ ក្រោយប្រកួតចាញ់កីឡាករអូទ្រីស Dominic Thiem ក្នុងវគ្គ៨នាក់ចុងក្រោយ កាលពីថ្ងៃពុធម្សិលមិញ។


ការប្រកួតដែលធ្វើឡើងនៅក្រុងប៉ារីស ប្រទេសបារាំងនេះ ឃើញថា Thiem ដែលតែងតែចាញ់បុរសសែប៊ីមករហូតក្នុងការជួបគ្នា៥ប្រកួតកន្លងមក ទីបំផុត ក៏អាចយកឈ្នះបានវិញជាមួយនឹងលទ្ធផល ៣-០សិត គឺ៧-៦ ៦-៣ និង៦-០ ខណៈនេះជាបរាជ័យលើកដំបូងរបស់ជើងឯកពាន Grand Slam ១២ដង Djokovic ក្នុងវគ្គ៨នាក់ចុងក្រោយ គិតតាំងពីកីឡាករលំដាប់ទី២ពិភពលោករូបនេះ ធ្លាក់ដោយសារ Juergen Melzer កីឡាករអូទ្រីសម្នាក់ផ្សេងទៀត កាលពីឆ្នាំ២០១០។


ក្រោយទម្លាក់ Djokovic ហើយ Thiem វ័យ២៣ឆ្នាំ នឹងឡើងទៅប៉ះ ម្ចាស់ពាន French Open ៩ដង កីឡាករអេស្ប៉ាញ Rafa Nadal ដែលបានឡើងទៅវគ្គ៤នាក់ចុងក្រោយ ដោយសារមិត្តរួមជាតិ Pablo Carreno Busta ដែលជាគូប្រជែងរបស់ខ្លួន បានដកខ្លួនចេញពីការប្រកួត ត្រឹមសិតទី២៕

កីឡដ្ឋាន៤ត្រៀមចាំស្វាគមន៍ FIFA Confederations Cup នៅរុស្ស៊ី

ប្រទេសរុស្ស៊ីត្រៀមកីឡដ្ឋាន៤សម្រាប់ព្រឹត្តិការណ៍ FIFA Confederations Cup 2017 ដែលនឹងចូលមកដល់នាថ្ងៃទី១៧ ខែមិថុនានេះ ហើយបញ្ចប់ទៅវិញនៅថ្ងៃទី២ ខែកក្កដាខាង​មុខប្រមូលផ្តុំដោយក្រុមជម្រើសជាតិជើងឯកប្រចាំទ្វីបទាំង៦ និងម្ចាស់ជើងឯកពិភពលោក រួម​នឹងម្ចាស់ផ្ទះរុស្ស៊ីផងដែរ។

v10

កីឡដ្ឋានទាំង៤នោះរួមមាន ៖ Krestovsky ក្នុងទីក្រុង St Petersburg ជាកីឡដ្ឋានធំ​ជាងគេដោយអាចផ្ទុកអ្នកទស្សនាបាន៦៨០០០នាក់ និងជាកន្លែងបើក និងបិទការប្រកួត ដោយថ្ងៃបើកឆាកម្ចាស់ផ្ទះរុស្ស៊ីស្វាគមន៍ក្រុមជម្រើសជាតិនូវែលសេឡង់ ជាម្ចាស់ជើងឯកទ្វីប អូសេអានីនាថ្ងៃទី១៧ ខែមិថុនា និងថ្ងៃបញ្ចប់ទី២ ខែកក្កដា។

v11

កីឡដ្ឋានទី២ Kazan Arena ស្ថិតក្នុងទីក្រុង Kazan ផ្ទុកអ្នកទស្សនាបាន៤៥០០០នាក់ ជាកន្លែងប្រកួតវគ្គពាក់កណ្តាលផ្តាច់ព្រ័ត្រគូទី១នាថ្ងៃទី២៨ ខែមិថុនា និង៣ប្រកួតទៀត។ កីឡ​ ដ្ឋានទី៣ Otkrytie Arena ជាកីឡដ្ឋានរបស់ក្រុមជើងឯកលីគរុស្ស៊ី Spartak Moscow ស្ថិតក្នុង ទី​ក្រុងម៉ូស្គូផ្ទុកអ្នកទស្សនា៤៥០០០នាក់ ជាកន្លែងប្រកួតរវាងម្ចាស់ផ្ទះនឹងក្រុមជើងឯក Euro ២០១៦ ក្រុមជម្រើសជាតិព័រទុយហ្គាល់នាថ្ងៃទី២១ និង៣ប្រកួតទៀតរាប់បញ្ចូលទាំងការ ប្រកួត​ដណ្តើមលេខ៣។

v12

កីឡដ្ឋានទី៤ Fisht Olympic Stadium ស្ថិតក្នុងទីក្រុងសូជីជាកន្លែងប្រារព្វបើក និងបិទ​ការប្រកួតកីឡាអូឡាំពិករដូវរងា ២០១៤ ផ្ទុកអ្នកទស្សនា៤៨០០០នាក់ មាន៤ប្រកួតវគ្គសន្សំ ពិន្ទុ និងវគ្គ២ក្រុមចុងក្រោយគូទី២នាថ្ងៃទី២៩ ខែមិថុនា។

v13

សូម​បញ្ជាក់​ថា ព្រឹត្តិការណ៍ FIFA Confederations Cup 2017 ដែល​ប្រមូល​ផ្ដុំ​ដោយ​ជើងឯក​ជម្រើស​ជាតិ​មក​ពី​ទ្វីប​​ទាំង​៦ រួម​ជាមួយ​ម្ចាស់​ផ្ទះ​រុស្ស៊ី និង​​ក្រុម​ការពារ​តំណែង​ជើងឯក​ពិភពលោកអាល្លឺម៉ង់​ នឹងត្រូវ​ចាប់ផ្ដើម​ពី​ថ្ងៃ​ទី​១៧​ខែ​មិថុនា ដល់​ថ្ងៃ​ទី​២​ខែ​កក្កដា​ ដោយចែកជា​២ពូលក្នុង១ពូលមាន៤ក្រុមស្មើៗគ្នា ម្ចាស់ផ្ទះរុស្ស៊ីស្ថិតក្នុងពូល A ខណៈអាល្លឺម៉ង់ក្នុងពូល B៕

Barcelona ចង់​ឲ្យ​ Neymar បាន​សញ្ជាតិ​អេស្ប៉ាញ

ក្លិបអ្នកមានបុណ្យ FC Barcelona មានជំនឿយ៉ាងមាំថា​ Neymar នឹង​បាន​សញ្ជាតិ​អេស្ប៉ាញ​ក្នុងពេលឆាប់ៗដ៏ខ្ចីខាងមុខនេះ​ដើម្បី​ឲ្យ​ក្លិប​អាច​បញ្ចូល​កីឡាករ​មក​ពី​ទ្វីប​ក្រៅ​អឺរ៉ុប​ម្នាក់​ទៀត​នៅ​ក្នុង​ក្រុម។​

v5

តាមច្បាប់នៃក្របខ័ណ្ឌ La Liga របស់អេស្ប៉ាញ គឺបានចែងថា ក្លិបនីមួយៗមានកីឡា ករពីទ្វីបក្រៅអឺរ៉ុប (អាមេរិកឡាទីន, អាស៊ី ឬ អាហ្រ្វិក តែ៣នាក់ប៉ុណ្ណោះ ស្របពេល FC Barcelona មានគ្រប់ចំនួនអស់ហើយ រួមមាន ៖ Neymar (ប្រេស៊ីល), Luis Suarez  (អ៊ុយរូ ហ្គាយ) និងកីឡាករ Marlon Santos(ប្រេស៊ីល)។

v6

គួររំលឹកថា Neymar បាន​លេង​នៅ​អេស្ប៉ាញ​៤​ឆ្នាំ​​ក្នុង​នាម​ជា​កីឡាករ​បរទេស ដូច្នេះ​អាច​ស្នើ​​សុំ​សញ្ជាតិ​បាន។ តាមពិត​ច្បាប់​អេស្ប៉ាញ​កីឡាករ​ដែល​មក​ពី​ប្រទេស​ធ្លាប់​ស្ថិត​នៅ​ក្រោម​អាណានិគម​អេស្ប៉ាញ​ មាន​សិទ្ធ​សុំ​សញ្ជាតិ​តាំង​ពី​ស្នាក់​នៅ​ប្រទេស​នេះ​បាន​២​ឆ្នាំ​មក​ម្ល៉េះ។ រីខ្សែប្រយុទ្ធមុចស្រួច Lionel Messi ដែល​កើត​នៅ​អាហ្សង់ទីន​ មាន​សញ្ជាតិ​អេស្ប៉ាញ​ក្នុង​​ឆ្នាំ​២០០៥​ បន្ទាប់​ពី​ខ្សែ​ប្រយុទ្ធ​ឆ្នើម​វ័យ​២៩​ឆ្នាំ​មក​លេង​នៅ​ Barcelona តាំង​ពី​ឆ្នាំ​២០០១ ដូច្នេះ​ហើយ​ទើប​រូប​គេ​មិន​ត្រូវ​បាន​រាប់​ចូល​ក្នុង​បញ្ជី​កីឡាករ​ក្រៅ​ទ្វីប​អឺរ៉ុប៕

Terry ជិតចេញពី Chelsea មក Bournemouth ខណៈ Defoe មកជាផ្លូវហើយ

ខ្សែការពារ​កណ្ដាល John Terry ​បានសម្រេចចិត្តចាកចេញពីក្លិបតោខៀវ Chelsea ដើម្បីទៅចូលរួមលេងឲ្យ Bournemouth ក្រោយពីជួយឲ្យក្លិបឈ្នះជើងឯក English Premier League រដូវកាល២០១៦-២០១៧។

v2

Jerry វ័យ៣៦ឆ្នាំផុតកិច្ចសន្យាជាមួយ Chelsea ហើយ និងបានប្រារព្វពិធីលាអ្នកគាំទ្រ​នៅទឹកដី Stamford Bridge រួចរាល់ដែរ ខណៈការផ្លាស់មកលេងឲ្យ Bournemouth របស់ Terry ត្រូបាន​គេ​រំពឹងថា បាន​​ថ្លៃពលកម្ម​១០០,០០០​ផោនក្នុង​១សប្តាហ៍​។

v3

ចំណែកអតីតសមាជិកខ្សែប្រយុទ្ធក្លិបមាន់ខ្នាយមាស Tottenham Hotspur កីឡាករ Jermain Defoe ក៏បានធ្វើតេស្តពិនិត្យសុខភាពរួចរាល់ហើយកាលពីថ្ងៃពុធទី៧ ខែមិថុនា​ដើម្បី​ចូល​រួម​ជាមួយ​ក្លិប Bournemouth ជា​ក្លិប​ដែល​កីឡាករ​វ័យ​៣៤​ឆ្នាំ​រូបនេះ​ធ្លាប់​លេង​ឱ្យ​ក្រោម​កិច្ចសន្យា​ខ្ចី​ពី​ក្លិប​ដើម West Ham ​ក្នុង​រដូវ​កាល​២០០០-០១​។

v4

Jermain Defor វ័យ៣៤ឆ្នាំក្លាយជាសមាជិកឆ្មាខ្មៅ Sunderland កាលពីដើមឆ្នាំ២០១៥ ហើយក្នុងរដូវកាល២០១៦-១៧កន្លងមក Defoe ទាត់បញ្ចូលទីបាន១៥គ្រាប់ ប៉ុន្តែនៅតែមិន អាចជួយឲ្យ Sunderland បន្តជីវិតនៅក្របខ័ណ្ឌ Premier League ដដែល។ Defoe អាចនឹង​ទទួលបានថ្លៃនឿយហត់ពី Bournemouth ប្រមាណ៦៥,០០០​ផោន​ក្នុង​មួយ​សប្ដាហ៍​៕

Kolasinac ក្លាយជាសមាជិកថ្មីកាំភ្លើងធំ រីឯ Turan ដើរចេញពីក្រុមជម្រើសជាតិ

v21

កាំភ្លើងធំ Arsenal ក្រុមយក្សនៅអង់គ្លេស​ បានសម្រេចចុះហត្ថលេខាយកខ្សែការពារឆ្វេងសញ្ជាតិបូស្ន៊ី Sead Kolasinac របស់ក្រុមនៅអាល្លឺម៉ង់ Schalke 04 ជាផ្លូវការហើយ ក្នុងលក្ខខណ្ឌគ្មានតម្លៃខ្លួន នេះបើការឲ្យដឹងរបស់ក្លិបនៅក្របខ័ណ្ឌកំពូល Premier League កាលពីម្សិលមិញ។


ក្លិបដែលមានទីតាំងនៅក្រុងឡុងដ៍ បានប្រកាសឲ្យដឹងតាមវេបសាយផ្លូវការរបស់ខ្លួន(www.arsenal.com) ថា Kolasinac នឹងចាប់ផ្ដើមហ្វឹកហាត់ជាមួយ Arsenal ក្នុងខែកក្កដា ពោលគឺត្រូវរង់ចាំដល់កិច្ចសន្យាជាមួយក្លិបចាស់របស់គេអស់សិន ខណៈ Schalke ក៏បានប្រកាសដូចគ្នាដែរថាកីឡាករវ័យ២៣ឆ្នាំ ព្រមព្រៀងប្រកបអាជីពនៅទឹកដី Emirates Stadium ដល់ឆ្នាំ២០២២។


Kolasinac ដែលជាកីឡាករដំបូងគេរបស់ក្រុមកាំភ្លើងធំនៅរដូវកាលថ្មីនោះ បានជ្រកក្រោមដំបូលផ្ទះរបស់ Schalke 04 រយៈពេល៥ឆ្នាំ (២០១២-២០១៧) ដោយបង្ហាញវត្តមានបានចំនួន៩៤ប្រកួត ក្នុងនោះស៊ុតបញ្ចូលទីបាន៤គ្រាប់។ ពេលទៅដល់ Arsenal រូបគេនឹងត្រូវប្រជែងជាមួយខ្សែការពារឆ្នើមពីររូបផ្សេងទៀត គឺ Nacho Monreal និង Kieran Gibbs ដើម្បីបានតំណែងជម្រើសទី១ ក្នុងក្រុម។


ដោយឡែកខ្សែបម្រើ Arda Turan វ័យ៣០ឆ្នាំ របស់ក្រុមអ្នកមានបុណ្យ Barcelona បានសម្រេចចិត្តឈប់លេងឲ្យក្រុមជម្រើសជាតិហើយ កាលពីថ្ងៃអង្គារម្សិលមិញ ក្រោយមានជម្លោះជាមួយអ្នកសារព័ត៌មាន ពេលធ្វើដំណើរត្រលប់ពីការប្រកួតមិត្តភាពជាមួយក្រុមម៉ាសេដ្វាន (Macedonia) វិញ។


បើតាមការបញ្ជាក់ពីប្រធានក្រុមជម្រើសជាតិតួកគីផ្ទាល់តែម្ដង បានឲ្យដឹងថារូបគេពិតជាមានការឈ្លោះប្រកែកជាមួយ Bilal Mese អ្នកកាសែត Milliyet មែន ដោយសារមិនសប្បាយចិត្តអ្នកសារព័ត៌មានរូបនេះដែលសរសេររិះគន់ដល់កីឡាករក្នុងក្រុម ក្នុងទំនងថាទាមទារប្រាក់រង្វាន់ពេលតួកគីបានលេងនៅ Euro 2016។


វាពិតជាធ្វើឲ្យគ្រប់គ្នាភ្ញាក់ផ្អើលខ្លាំងណាស់ដែលរូបគេសម្រេចចិត្តបែបនេះ តែសម្រាប់ Turan វិញ បាននិយាយថាខ្លួនមិនមានការសោកស្ដាយឡើយ ព្រោះមិនអាចទទួលយកបាននូវអ្វីដែលអ្នកកាសែតរូបនេះបានសរសេរ ហើយប្រាប់ទៀតថារូបគេនឹងធ្វើអីចឹង ចំពោះអ្នកសារព័ត៌មានណាដែលរាយការណ៍ព័ត៌មានមិនពិត៕

v22

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2