vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

Bayern Munich បង្ហាញមុខនាយកបច្ចេកទេសថ្មីលោក Hasan Salihamidzic

ក្លិបយក្សអាល្លឺម៉ង់ Bayern Munich បានបង្ហាញមុខនាយកបច្ចេកទេសថ្មី គឺលោក Hasan Salihamidzic កាលពីថ្ងៃច័ន្ទម្សិលមិញ ដោយក្លិបនិយាយថា វាគឺជាជម្រើសដ៏ល្អបំផុតសម្រាប់ក្រុមដែលបានជ្រើសរើសលោក Hasan ព្រោះគាត់ដឹងពីបាល់ទាត់អាល្លឺម៉ង់ច្រើន។

h30

នាយកប្រតិបត្តិក្លិប លោក Karl-Heinz Rummenigge និងប្រធានក្លិបលោក Uli Hoeness ក៏បានចូលរួមក្នុងពិធីបង្ហាញខ្លួននាយកបច្ចេកទេសថ្មីដែរ ដោយលោកលើកឡើងថា លោក Salihamidzic បានចុះកុងត្រាជាមួយ Bayern Munich រហូតដល់ឆ្នាំ២០២០។

h31

សូមបញ្ជាក់ថា អតីតខ្សែបម្រើជម្រើសជាតិបូស្នីវ័យ៤០ឆ្នាំរូបនេះ ធ្លាប់លេងឲ្យ Bayern Munich ចន្លោះឆ្នាំ១៩៩៨ដល់ឆ្នាំ២០០៧ និងជាសមាជិក១រូបដ៏សំខាន់ដែលបានជួយក្លិបឈ្នះជើងឯក UEFA Champions League ក្នុងរដូវកាល២០០០-២០០១ ហើយអតីតយុវជនក្លិប Hamburger SV រូបនេះបានបង្ហាញខ្លួន២៣៤ប្រកួត និងស៊ុតបញ្ចូលទី៣១គ្រាប់ឲ្យ Bayern Munich។

 

ក្រៅពី Hamburger SV និង Bayern Munich លោក Hasan ធ្លាប់ជាសមាជិកក្រុមសេះបង្កង់ Juventus ពីឆ្នាំ២០០៧-២០១១ និងជាសមាជិក Wolfsburg ពីឆ្នាំ២០១១-២០១២ ផងដែរ៕

ម្ចាស់ផ្ទះវេស្ទើនភ្នំពេញឈ្នះក្រុមភ្ញៀវ ស៊ីម៉ាក់ ២-១ សប្តាហ៍ទី១៤ ក្របខ័ណ្ឌលីគកំពូលកម្ពុជា

ក្រុមម្ចាស់ផ្ទះវេស្ទើនភ្នំពេញរកបាន៣ពិន្ទ ពីក្រុមភ្ញៀវ មជ្ឈមណ្ឌលកំចាត់មីនកម្ពុជា ហៅកាត់ស៊ីម៉ាក់ ដោយ លទ្ធផល ២ទល់១ នៅក្នុងការប្រកួតសន្សំពិន្ទុ សម្រាប់សប្តាហ៍ទី១៤ ជើងទី២ នៃក្របខ័ណ្ឌលីគកំពូលកម្ពុជា រដូវ កាល ២០១៧។


ជាមួយនឹងជម្នះរកបាន៣ពិន្ទុបន្ថែមនេះ ធ្វើឲ្យវេស្ទើនភ្នំពេញ ឈរនៅចំណាត់ថ្នាក់លេខ៩ បណ្តោះអាសន្ន ដោយមាន១៣ពិន្ទុ ក្នុង១៤ប្រកួត ឈ្នះ៣ប្រកួត ស្មើ៤ប្រកួត និងចាញ់៦ប្រកួត ខណៈ១៤ប្រកួតរបស់ស៊ីម៉ាក់ ឈ្នះ ២ប្រកួត ស្មើ៥ប្រកួត និងចាញ់៦ប្រកួត កំពុងឈរនៅក្នុងតំបន់គ្រោះថ្នាក់បណ្តោះអាសន្ន ចំណាត់ថ្នាក់លេខ១១។


ចំណែកឯ ៥ប្រកួតផ្សេងទៀត សម្រាប់សប្តាហ៍ទី១៤នេះដែរ គឺក្រុមម្ចាស់ផ្ទះ ព្រះខ័នរាជស្វាយរៀង ឈ្នះក្រុមក្រសួងការពារជាតិ ដោយលទ្ធផល ៣ទល់២ ខណៈភ្នំពេញក្រោន យកឈ្នះក្រុមអគ្គិសនីកម្ពុជា ៦ទល់៣។ ភ្នំពេញក្រោន មាន២៧ពិន្ទុក្នុងដៃ ស្មើក្រុមក្រសួងការពារជាតិដែរ ជាមួយលទ្ធផល ១៤ប្រកួត ឈ្នះ៨ ស្មើ៣ និងចាញ់៣ មាន២៧ពិន្ទុ ខណៈក្រុមអគ្គិសនីកម្ពុជា បន្ដឈរលេខ១០ និងមាន១៣ពិន្ទុ។


ចំពោះក្រុមក្រុមការពារតំណែងជើងឯកបឹងកេតបានប្រកួតស្មើក្រុមណាហ្គាវើល ដោយលទ្ធផល ១-១, ក្រុមខេមបូឌានថាយហ្គឺរ បំបាក់ក្រុមគិរីវង់សុខសែនជ័យ ៤-០, ហើយក្រុមអាស៊ីអឺរ៉ុបស្មើក្រុមអគ្គស្នងការដ្ឋាននគរបាលជាតិ ដោយលទ្ធផល ០-០។


សូមបញ្ជាក់ថា ការប្រកួតលីគកំពូលកម្ពុជា បន្ទាប់ពីសប្តាហ៍ទី១៤នេះទៅ ត្រូវឈប់សម្រាករយៈពេលវែង ជាថ្មីម្តងទៀត ចំនួន៤សប្តាហ៍ ក្នុងពេលដែលក្រុមជម្រើជាតិកម្ពុជាអាយុក្រោម២២ឆ្នាំប្រមូលផ្តុំហ្វឹកហាត់ និងត្រៀម ប្រកួតក្នុងព្រឹត្តិការណ៍ ស៊ីហ្គេម លើកទី២៩ នៅប្រទេសម៉ាឡេស៊ី ដែលនឹងត្រូវចេញដំណើរ នាថ្ងៃទី១២ សីហា ខាងមុខឆាប់ៗនេះហើយ៕

 

v11

កីឡាករទាញព្រ័ត្រប្រកួតបង្កើនបច្ចេកទេស មុនពេលចូលរួមប្រកួតជើងឯកអាស៊ី នាពាក់កណ្តាលខែសីហា នេះ

ដើម្បីត្រៀមខ្លួនឲ្យបានកាន់តែល្អប្រសើរលើផ្នែកបច្ចេកទេស សម្រាប់ចូលរួមប្រកួតក្នុងព្រឹត្តិការណ៍ជើងឯកអាស៊ី លើកទី៩ នៅប្រទេសសឹង្ហបុរី នាពាក់កណ្តាលខែសីហា នេះ, សហព័ន្ធកីឡាទាញព្រ័ត្រកម្ពុជាបានបង្កើនការបង្វឹកដល់ក្រុមកីឡាករជម្រើសជាតិរបស់ខ្លួនយ៉ាងសកម្មជារៀងរាល់ថ្ងៃ ហើយកាលពីថ្ងៃអាទិត្យចុងសប្តាហ៍នេះ សហព័ន្ធបានរៀបចំការប្រកួតកម្ដៅសាច់ដុំ នៅខណ្ឌជ្រោយចង្វារ។


ក្រុមកីឡាទាញព្រ័ត្រជម្រើសជាតិកម្ពុជា ក្រោមការដឹកនាំរបស់ឯកឧត្តម មាស សារិន ប្រធានសហព័ន្ធកីឡាទាញព្រ័ត្រកម្ពុជាបានរៀបចំការប្រកួតមិត្តភាពកម្ដៅសាច់ដុំ ដោយមានកីឡាករ-កីឡាការិនី ៤ក្រុមចូលរួម ដើម្បីវាស់ស្ទង់សមត្ថភាព និងបង្កើននូវបច្ចេកទេសរបស់ពួកគេឲ្យកាន់តែរឹងមាំបន្ថែមទៀត។


ឯកឧត្តម មាស សារិន មានប្រសាសន៍ថា ទោះបីជានេះលើកដំបូង ដែលប្រភេទកីឡាទាញព្រ័ត្រកម្ពុជា ត្រៀមចូលរួមប្រកួតជ្រើសរើសជើងឯកទ្វីបអាស៊ី ក្ដី ប៉ុន្ដែកីឡាករ-កីឡាការិនីម្នាក់ៗ ត្រូវព្យាយាមហ្វឹកហាត់ឲ្យបានខ្លាំង ដើម្បីបង្កើនសមត្ថភាពក្នុងការត្រៀមស្វែងរកជ័យជម្នះ និងដណ្ដើមកិត្តិយសជូនជាតិ។ ទន្ទឹមនឹងការចង់បានជ័យជម្នះជារឿងសំខាន់ កីឡាករ-កីឡាការិនីម្នាក់ៗ ដាច់ខាតត្រូវគោរពបញ្ជាការប្រកួតជារឿងសំខាន់ផងដែរ។


គួរបញ្ជាក់ថា ការប្រកួតកីឡាទាញព្រ័ត្រជ្រើសរើសជើងឯកប្រចាំទ្វីបអាស៊ី ឆ្នាំ២០១៧នេះ ក្រុមកីឡាទាញព្រ័ត្រកម្ពុជានឹងចេញដំណើរទៅចូលរួមនៅថ្ងៃទី១០ ខែសីហា ហើយត្រឡប់មកវិញ នៅថ្ងៃទី១៣ ខែសីហាដោយកម្ពុជានឹងប្រកួតលើវិញ្ញាសាបុរសលើអាយុ ២៣ឆ្នាំ ក្នុងប្រភេទទម្ងន់ ៦៤គីឡូក្រាម៕

v7

v8

v9

FFC ចេញឈ្មោះកីឡាករជម្រើសជាតិ២០នាក់ សម្រាប់ត្រៀម ស៊ីហ្គេម លើកទៅ២៩ នៅម៉ាឡេស៊ី

សហព័ន្ធកីឡាបាល់ទាត់កម្ពុជា FFC បានបង្ហាញសមាសភាពកីឡាករ ២០ រូបចុងក្រោយ នៃក្រុមជម្រើសជាតិកម្ពុជាអាយុក្រោម២២ឆ្នាំ ដើម្បីត្រៀមចូលរួមប្រកួតព្រឹត្តិការណ៍កីឡាប្រចាំតំបន់អាស៊ីអាគ្នេយ៍ ស៊ីហ្គេម ឆ្នាំ២០១៧ នៅទីក្រុងគូឡាឡាំពួរ ប្រទេសម៉ាឡេស៊ី ក្នុងអំពុងពាក់កណ្តាលខែសីហានេះ។


យោងតាមលិខិតផ្លូវការរបស់សហព័ន្ធកីឡាបាល់ទាត់កម្ពុជា កាលពីម្សិលមិញ ដែលចុះហត្ថលេខា ដោយលោក ម៉ៃ តុលា ប្រធានប្រតិភូ និងជាអគ្គលេខាធិការស្តីទីបានឲ្យដឹងថា សមាសភាពកីឡាករជម្រើសជាតិទាំង២០រូបត្រូវបានជ្រើសរើសចេញពី៥ក្លឹប ដែលកំពុងប្រកបអាជីព នៅលីគកំពូលកម្ពុជា មានដូចជា កីឡាករ ៨ រូបចេញក្លឹបភ្នំពេញក្រោន, កីឡាករ ៧ រូបចេញពីក្លឹបព្រះខ័នរាជស្វាយរៀង, កីឡាករ២រូបចេញពីក្លឹបក្រសួងការពារជាតិ, កីឡាករ១រូបចេញពីក្លឹបណាហ្គាវើល នឹងក្លិបអគ្គស្នងការដ្ឋាននគរបាលជាតិ ១រូប។ សម្រាប់បេសកកម្មអន្តរជាតិមួយនេះ ក្រៅពីកីឡាករទាំង២០នាក់នេះ គឺមាន៩នាក់ផ្សេងទៀត ដែលជាគ្រូបង្គោល លោក LIONARDO VITORINO អមដោយគ្រូជំនួយ៤នាក់, ពេទ្យ, មន្ត្រីពត៌មាន និងអ្នកចាត់ការទូទៅ ដោយដឹកនាំដោយប្រធានប្រតិភូលោក ម៉ៃ តុលា។


អគ្គលេខាធិការស្តីទីរូបនេះធ្លាប់បញ្ជាក់ប្រាប់ រស្មីហង្សមាស HDTV ថា ក្រុមកម្ពុជានឹងត្រូវចេញទៅ ស៊ីហ្គេមនៅម៉ាឡេស៊ី នាថ្ងៃទី១២ សីហា និងបន្តការហ្វឹកហាត់នៅទីនោះ ពី២ទៅ៣ថ្ងៃ មុនការប្រកួតចូលមកដល់។ ប្រភេទ កីឡាបាល់ទាត់នឹងត្រូវចេញដំណើរមុនគេ ដើម្បីចូលរួមប្រកួតវគ្គជម្រុះ ចំណែកឯ២៣ប្រភេទផ្សេងទៀតរបស់កម្ពុជា នឹងត្រូវចេញដំណើរជាបន្តបន្ទាប់ ដើម្បីត្រៀមក្នុងពិធីបើកជាផ្លូវការ នាថ្ងៃទី១៩ សីហា និងគ្រោងបញ្ចប់ នាថ្ងៃទី៣០ សីហា។


គួរបញ្ជាក់ផងដែរថា ជម្រើសជាតិកម្ពុជាស្ថិត នៅពូល B ជាមួយក្រុមជម្រើសជាតិអាយុក្រោម២២ឆ្នាំថៃ, វៀតណាម, ឥណ្ឌូណេស៊ី, ហ្វីលីពីន និងទីម័រខាងកើត ខណៈកាលប្រកួតបើកឆាកសម្រាប់ពានរង្វាន់នេះ គឺនៅថ្ងៃទី ១៥ ខែ សីហា ឆ្នាំ ២០១៧៕

v5

v6

Caeleb Dressel និង Lilly King ព្រមទាំងក្រុមហែលចម្រុះ បំបែកកំណត់ត្រាពិភពលោក នៅប៊ុយដាប៉ែស

Caeleb Dressel របស់សហរដ្ឋអាមេរិក បានប្រាប់ឲ្យពិភពកីឡាហែលទឹកដឹងថារូបគេ ក៏មិនធម្មតាដែរ ក្រោយធ្វើបានកំណត់ត្រាស្មើកំពូលអ្នកហែលទឹក Michael Phelps ដោយការឈ្នះមេដាយមាសប្រាំពីរ ក្នុងកម្មវិធីប្រកួតប្រជែងហែលទឹកជើងឯកពិភពលោក លើកទី១៧ ដែលទើបបិទជាផ្លូវការកាលពីម្សិលមិញ នៅក្រុងប៊ុយដាប៉ែស ប្រទេសហុងគ្រី។

h25
Dressel បានឈ្នះមេដាយមាសលក្ខណៈឯកជនបីរួចហើយ បូកនឹងឈ្នះបីទៀត ក្នុងវិញ្ញាសាហែលចម្រុះទៀត នៅប៊ុយដាប៉ែស ព្រមទាំងមួយទៀតកាលពីថ្ងៃអាទិត្យ បានធ្វើឲ្យកីឡាករវ័យ២០ឆ្នាំស្មើកំណត់ត្រារបស់មិត្តរួមជាតិ Phelps ដែលធ្វើបានតាំងពីឆ្នាំ២០០៧ ក្នុងកម្មវិធីប្រកួត នៅក្រុង Melbourne ប្រទេសអូស្ត្រាលី។

h26
ចំណែកកីឡាការិនី Lilly King របស់សហរដ្ឋអាមេរិកម្នាក់ផ្សេងទៀត ដណ្ដើមបានមេដាយមាសផ្នែកហែលកង្កែបចម្ងាយហាសិបម៉ែត្រ ជាមួយកំណត់ត្រាពិភពលោកថ្មី ២៩វិនាទីចុច៤០ ដោយយកឈ្នះកីឡាការិនីរុស្ស៊ី Yuilya Efimova ០វិនាទីចុច១៧។

h27
Lilly King ក៏ធ្វើបានកំណត់ត្រាពិភពលោកថ្មីមួយទៀតដែរ ពេលនាងចូលរួមជាមួយ Simone Manuel, Kathleen Baker និង Kelsi Worrell ឈ្នះមេដាយមាសវិញ្ញាសាហែលចម្រុះ 4x100 ម៉ែត្រ ដោយធ្វើបានថិរវេលា ៣នាទី និង៥១វិនាទីចុច៥៥ ដែលពេលវេលានេះ ល្អជាងថិរវេលាចាស់ ៣នាទី និង៥២វិនាទីចុច៥៥ ដែលធ្វើបានដោយក្រុមកីឡាករអាមេរិកដែរ ក្នុងព្រឹត្តិការណ៍អូឡាំពិក ក្រុងឡុងដ៍ ឆ្នាំ២០១២៕

Bayern Munich បង្ហាញកីឡាករថ្មី មុនរដូវកាលបើក

អតីតអ្នកលេងរបស់ក្រុម Hoffenheim ទាំងពីរ គឺ Niklas Sule និង Sebastian Rudy កាលពីថ្ងៃអាទិត្យម្សិញមិញ បាននិយាយថាពួកគេ កំពុងព្យាយាមប្រឹងប្រែងធ្វើយ៉ាងណាឲ្យខ្លួនក្លាយជាចំណែកដ៏សំខាន់មួយសម្រាប់ Bayern Munich ក្រុមយក្សនៅក្របខ័ណ្ឌ Bundesliga អាល្លឺម៉ង់។

h22
សម្ដីរបស់ខ្សែការពារទាំងពីរ គឺមាននៅក្នុងសន្និសីទដែលធ្វើឡើង ដើម្បីបង្ហាញខ្លួនពួកគេ ដល់អ្នកសារព័ត៌មាន ក្នុងនាមជាសមាជិកថ្មីរបស់ក្រុមជើងឯកលីគកំពូលរបស់អាល្លឺម៉ង់ បន្ទាប់ពីពួកគេត្រូវបានទិញកាលពីខែមករាកន្លងមក។

h23
សម្រាប់កីឡាករអន្តរជាតិអាល្លឺម៉ង់ទាំងពីររូបនេះ កាលពីរដូវកាលមុន បានរួមចំណែកជួយឲ្យ Hoffenheim ជាប់នៅចំណាត់ថ្នាក់ទី៤ ដែលជាចំណាត់ថ្នាក់មួយ មានសិទ្ធិលេងនៅ Champions League វគ្គទាត់ជម្រុះ ហើយដោយឃើញពីទម្រង់លេងដ៏ល្អបែបនេះ ទើប Bayern សម្រេច នាំពួកគេ មកកាន់ទឹកដី Allianz Arena តែម្ដង។

h24
Rudy វ័យ២៦ឆ្នាំ នឹងត្រូវមកជំនួសអតីតប្រធានក្រុម Philipp Lahm និង Xabi Alonso ក្នុងតំណែងបម្រើការពារ ហើយកីឡាករវ័យ២១ឆ្នាំ Sule នឹងលេងនៅតំបន់ការពារកណ្ដាល តែទោះជាយ៉ាងណា នៅមិនទាន់ដឹងច្បាស់ទេថាតើពួកគេនឹងមានវត្តមានជាជម្រើសដំបូង ក្នុងប្រកួតបើកឆាក ពេល Bayern Munich បើកទ្វារផ្ទះស្វាគមន៍ Bayer Leverkusen ដែរឬអត់នោះទេ៕

PSG វាយបកយកឈ្នះ Monaco ២-១ ឈ្នះពាន French Trophy of Champions ៥ឆ្នាំជាប់គ្នា

ក្លិបអ្នកមានទី១របស់បារាំង Paris Saint-Germain បានយកឈ្នះក្រុមជើងឯក Ligue-1 គឺក្លិប AS Monaco ជាមួយនឹងលទ្ធផល ២-១ ពានរង្វាន់មុនបើករដូវកាលលីគកំពូលបារាំង  គឺពាន French Trophy of Champions ឬ French Super Cup កាលពីចុងសបា្តហ៍កន្លងមក។

h17

AS Monaco បានលក់កីឡាករសំខាន់ៗអស់មួយចំនួនក៏ពិតមែន ប៉ុន្តែក្រុមខ្លាំងមួយ នេះនៅតែមានឱកាសស៊ុតបញ្ចូលទីបាន១គ្រាប់នាំមុខលើ PSG នៅនាទី៣០ដោយកីឡាករ Djibril Sidibe ហើយការប្រកួតឈានដល់វគ្គទី២បាន៦នាទីប៉ុណ្ណោះខ្សែការពារចំណូលថ្មី Dani Alves ទាត់បាល់ Free-Kick ពីចម្ងាយយ៉ាងល្អជួយឲ្យ PSG តាមស្មើ ១-១ មុនពេល Adrien Rabiot រកបានគ្រាប់ជ័យជម្នះមួយគ្រាប់ទៀតនាទី៦៣។

h18

គួររំលឹកថា គិតត្រឹមឆ្នាំ២០១៧នេះ PSG ឈ្នះពាន French Trophy of Champions ឬ French Super Cup ៥លើកជាប់ៗគ្នា និងជាលើកពានដំបូងគេសម្រាប់កីឡាករចំណូលថ្មី Dani Alves ដែលផ្លាស់ពីក្រុមសេះបង្កង់ Juventus៕

Vettel ឈ្នះដំណាក់ទី១១ F1 នៅហុងគ្រី បន្តនាំមុខ១៤ពិន្ទុលើតារាងជើងឯកពិភពលោក

Sebastian Vettel បានយកឈ្នះការប្រណាំងរថយន្ត F1 ក្នុងកម្មវិធី Hungarian Grand Prix ជាលើកទី១០ក្នុងអាជីព និងជាលើកទី៤នារដូវកាលនេះកាលពីថ្ងៃអាទិត្យចុងសបា្តហ៍កន្លងមកនៅប្រទេសហុងគ្រី ហើយបានបន្ថែមការនាំមុខចំនួន១៤ពិន្ទុលើគូប្រកួតកីឡាករចក្រ ភពអង់គ្លេស Lewis Hamilton។

h15

អ្នកលេងកាំជ្រួចដីរាបសញ្ជាតិអាល្លឺម៉ង់រូបនេះ បានមកដល់ទីព្រ័ត្រមុនមិត្តរួមក្រុម Ferrari គឺកីឡាករសញ្ជាតិហ្វាំងឡង់ Kimi Raikkonen ចំនួន០វិនាទីចុច៩០៨ ពោលគឺប្រើថិរវេលាអស់១ម៉ោង ៣៩នាទី និង៤៦វិនាទីចុច៧១៣ ចំណែកលេខ៣កីឡាករហ្វាំងឡង់ Valtteri Bottas ខណៈ Lewis Hamilton បញ្ចប់ត្រឹមចំណាត់ថ្នាក់លេខ៤បើកយឺតជាងអ្នកលេខ១ចំនួន១២វិនាទីចុច៨៨៥។

h16

សូមបញ្ជាក់ថា ១១ដំណាក់កន្លងមក Sebastian Vettel លេខ១នៅលើតារាងជើងឯកពិភពលោកដោយមាន២០២ពិន្ទុ លេខ២ Lewis Hamilton សមាជិកក្រុម Mercedes មាន១៨៨ពិន្ទុ និងលេខ៣កីឡាករ Valtteri Bottas មាន១៦៩ពិន្ទុ។ ចំណែកកីឡាករវ័យក្មេងសញ្ជាតិអូ ស្ត្រាលី Daniel Ricciardo បើកឲ្យក្រុម Red Bull លំដាប់លេខ៤មាន១១៧ពិន្ទុ ខណៈដំណាក់កាលបន្ទាប់ធ្វើឡើងនៅប្រទេសបែលហ្ស៊ិកនាថ្ងៃទី២៧ ខែសីហាខាងមុខ៕

កីឡាជិះស្គីលើបន្ទះក្តាដំបូងរបស់ក្រសួងការបរទេសអាមេរិកនឹង​​មកធ្វើ​ទស្សន​​កិច្ចនៅ​កម្ពុជា​ពី​ថ្ងៃទី២ដល់ថ្ងៃទី៦ខែសីហា

ភ្នំពេញ៖ស្ថានទូតអាមេរិកនៅរាជធានីភ្នំពេញមានសេចក្តីរីករាយសូមជំរាបដល់ផ្នែកសារព័ត៌មានថា អ្នកជិះស្គីលើបន្ទះក្តាដំបូងរបស់ក្រសួងការបរទេសសហរដ្ឋអាមេរិក ឈ្មោះ  Neftalie Williams នឹងមកធ្វើទស្សនកិច្ចនៅប្រទេស​កម្ពុជា ពីថ្ងៃទី ២ ដល់ថ្ងៃទី ៦ ខែសីហានេះ។ នៅពេល​នេះ លោក Neftalie Williams កំពុងសិក្សាយកសញ្ញាប័ត្របណ្ឌិត នៅសាកលវិទ្យាល័យ Waikato នៃប្រទេសណូវែលសេឡង់ ។

កម្មវិធីបេសកជនកីឡានេះមានបំណងលើកកំពស់ការយល់គ្នារវាងសហរដ្ឋអាមេរិក និងប្រទេស​កម្ពុជា ដោយផ្សារភ្ជាប់យុវជនកម្ពុជា តាមរយៈការបង្ហាត់បង្ហាញការជិះស្គីលើក្តាបន្ទះ នៅតាម​អង្គការមិនមែនរដ្ឋាភិ   បាល វិទ្យាល័យ និងសាកលវិទ្យាល័យនានា។ កម្មវិធីនេះថែមទាំងអបអរការដាក់បញ្ចូលការជិះស្គីលើបន្ទះក្តាជាកីឡាអូឡាំពិកជាផ្លូវការ ដោយ​ចាប់ផ្តើមនៅក្នុងកីឡាអូឡាំពិករដូវក្តៅ ឆ្នាំ ២០២០ និងអបអរការប្រកួតជ្រើស រើសជើងឯក​ជិះស្គីលើបន្ទះក្តានៅអាស៊ីអាគ្នេយ៍ នៅក្នុងពេលខាងមុខនេះ។ ក្រៅពីនេះទៀត កម្មវិធីនេះមាន​បំណងគាំទ្រដល់ការខិតខំរបស់រដ្ឋាភិបាលកម្ពុជា នៅក្នុងការអភិវឌ្ឍកីឡាយុវជន។

កម្មវិធីដូចខាងក្រោមនេះបើកអោយអ្នកសារព័ត៌មានចូលយកព័ត៌មាន។ថ្ងៃព្រហស្បតិ៍ទី៣សីហាម៉ោង៩ព្រឹកជួបជា​មួយអគ្គនាយកកីឡា នៃក្រសួងអប់រំ យុវជន និងកីឡា (បន្ទប់ប្រជុំ ក)។ម៉ោង ១០ ព្រឹក សំណេះសំណាលជាមួយសិស្ស និស្សិតស្តីពីវប្បធម៌ជិះក្តាស្គី ការជិះក្តាស្គីការទូត និងតួនាទីនៃការជិះក្តាស្គីនៅក្នុងការជំរុញការសិក្សាអប់រំ។   បណ្ណាល័យរបស់ស្ថានទូតអាមេរិក នៅសាកលវិទ្យាល័យបញ្ញាសាស្រ្តនៃកម្ពុជា។

ថ្ងៃសៅរ៍ ទី ៥ សីហាពីម៉ោង៩ ដល់ម៉ោង ១១ ព្រឹក៖ កម្មវិធីសំដែរជូនសាធារណជន​នៅសួនមុខ​វត្តបុទុម ជិតស្តូបមិត្តភាព កម្ពុជា វៀតណាម។ បេសកជនជិះក្តាស្គី រួមជាមួយនឹងជន​ជាតិខ្មែរ​ខ្លះដែលជិះក្តាស្គី និយាយទៅកាន់សាធារណជន អំពីការស្រឡាញ់របស់លោកចំពោះកីឡានេះ  ហើយគាត់ជិះក្តាស្គីអោយមើល។ អ្នកចូលរួមដែលមានការចាប់ អារម្មណ៍អាចជិះក្តាស្គី​សាក​ល្បង​បាន។ ក្តាស្គីនិងគ្រឿងប្រដាប់ការពារនឹងមានផុ្តល់អោយ។ សាធារ​ណជន ដែលចង់ចូលរួម ត្រូវចុះឈ្មោះជាមួយស្ថានទូតអាមេរិក ដោយផ្ញើអ៊ីម៉េលមក This email address is being protected from spambots. You need JavaScript enabled to view it. ។ Aug-017

         

                            

Wenger ៖ Sanchez ជិតត្រលប់មកហ្វឹកហាត់ជាមួយក្រុមវិញហើយ

លោក Arsene Wenger អ្នកចាត់ការទូទៅក្លិបកាំភ្លើងធំ Arsenal បាននិយាយកាលពីថ្ងៃ ព្រហស្បតិ៍ម្សិលមិញថា ខ្សែប្រយុទ្ធក្រុមជម្រើសជាតិស៊ីលី Alexis Sanchez ជិតត្រលប់មកធ្វើការហ្វឹកហាត់ជាមួយក្រុមវិញហើយ។

h12

Alexis Sanchez ទើបតែជួយឲ្យក្រុមជម្រើសជាតិស៊ីលីរបស់ខ្លួនបានរងជើងឯកក្នុង ព្រឹត្តិការណ៍ FIFA Confederations Cup នៅរុស្ស៊ី ក្រោយពីចាញ់អាល្លឺម៉ង់នៅវគ្គផ្តាច់ព្រ័ត្រ ដែលទើបបញ្ចប់ទៅកាលពីពេលថ្មីៗកន្លងមកនេះ ហើយអតីតសមាជិកក្លិបអ្នកមានបុណ្យ FC Barcelona រូបនេះបានបង្ហាញចេតនាចង់ចាកចេញពីក្លិបដែលមានមូលដ្ឋាននៅភាគខាងជើង ទីក្រុងឡុងដ៍ ប៉ុន្តែ Sanchez នៅតែសំខាន់សម្រាប់លោក Arsene Wenger ដដែល។

h13

លោក Arsene Wenger នឹងត្រូវដឹកនាំ Arsenal ត្រៀមប្រកួតយកពានរង្វាន់ Emirates Cup នៅចុងសបា្តហ៍នេះ រួមមានក្រុមខ្លាំងៗមួយចំនួនដូចជា Sevilla ក្រុមមកពីអេស្ប៉ាញ, RB Leipzig ក្រុមមកពីអាល្លឺម៉ង់ និងក្លិប Benfica មកពីព័រទុយហ្គាល់។

 

បុរសសញ្ជាតិបារាំងវ័យ៦៧ឆ្នាំរូបនេះនិយាយថា លោកពេញចិត្តនឹងការលេងរបស់ក្រុម ហើយនិងភាពស្ថិតស្ថេរក្នុងក្រុមរបស់លោក។

h14

សូមបញ្ជាក់ថា Arsenal នឹងត្រូវប្រឈមមុខទល់នឹងក្រុមជើងឯក English Premier League គឺក្រុមតោខៀវ Chelsea ដណ្តើមពានរង្វាន់មុនបើករដូវកាល FA Community Shield នាថ្ងៃទី៦ ខែសីហាខាងមុខក្នុងនាមជាក្រុមជើងឯក FA Cup ២០១៧ ដែលបានយកឈ្នះ Chelsea ២-១៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2