vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡា

Liverpool មកដល់អាល្លឺម៉ង់ត្រៀមជំនួបមិត្តភាពទល់នឹងម្ចាស់ផ្ទះ Hertha Berlin

ក្រុមបាល់ទាត់ហង្សក្រហម Liverpool បានធ្វើដំណើរប្រទេសអាល្លឺម៉ង់ហើយកាលពីថ្ងៃ ព្រហស្បតិ៍ម្សិលមិញ ដើម្បីបន្តការប្រកួតមិត្តភាពកំដៅសាច់ដុំមុនបើករដូវកាលថ្មីទល់នឹងក្រុមម្ចាស់ផ្ទះ Hertha Berlin និងក្រុមខ្លាំង Bayern Munich។

h10

អ្នកចាត់ការទូទៅរបស់ក្លិបលោក Juergen Klopp នឹងប្រើប្រាស់សម្រាប់ការប្រកួតនេះ ដើម្បីទុកជាមេរៀនតំបន់ការពារត្រៀមឲ្យបានរឹងមាំមុនពេលរដូវកាលថ្មី English Premier League ចាប់ផ្តើមនាអំឡុងពាក់កណ្តាលខែសីហាខាងមុខនេះ ហើយធ្វើយ៉ាងណាកុំឲ្យរបូត គ្រាប់បាល់ច្រើនដូចរដូវកាលមុន។

h11

សូមបញ្ជាក់ថា រដូវកាលមុនអ្នកចាត់ការសញ្ជាតិអាល្លឺម៉ង់រូបនេះ ជួយឲ្យ Liverpool បញ្ចប់ត្រឹមលេខ៤បានកៅអី UEFA Champions League វគ្គជម្រុះ ខណៈ៣៨ប្រកួតក្នុងក្របខ័ណ្ឌ English Premier League ក្រុមលោកស៊ុតបញ្ចូលទីបាន៧៨គ្រាប់ ប៉ុន្តែរបួតវិញអស់៤២គ្រាប់ច្រើនជាង៤ក្រុមក្នុងចំណោមគូប្រជែងនៅទីកំពូលទាំង៦។

 

គួរបញ្ជាក់ទៀតថា Liverpool នឹងត្រូវទៅសួរសុខទុក្ខម្ចាស់ផ្ទះ Watford ថ្ងៃបើកឆាកក្របខ័ណ្ឌ English Premier League រដូវកាលថ្មី២០១៧-២០១៨ នាថ្ងៃទី១២ ខែសីហាខាងមុខ៕

ប្រធានសហព័ន្ធបាល់ទាត់អេស្ប៉ាញ Villar លាលែងពីតំណែង នៅ UEFA

លោក Angel Maria Villar ប្រធានសហព័ន្ធប្រទេសអេស្ប៉ាញ ដែលជាប់ពិន័យ បានលាលែងពីតំណែងជាអនុប្រធាន និងជាសមាជិកគណៈកម្មការនីតិប្រតិបត្តិរបស់ UEFA ហើយ នេះបើតាមការឲ្យពីសំណាក់ស្ថាប័នគ្រប់គ្រងបាល់ទាត់ នៅអឺរ៉ុបមួយនេះ កាលពីព្រហស្បតិ៍ម្សិលមិញ។

h8
Villar និងកូនប្រុសរបស់គាត់ Gorka ព្រមទាំងថ្នាក់ដឹកនាំសហព័ន្ធបាល់ទាត់ពីររូបផ្សេងទៀត ត្រូវបានចាប់ឃុំឃាំង កាលពីថ្ងៃទី១៨ ខែកក្កដា ដោយជាប់ចោទពីបទសមគំនិត កេងបន្លំ និងក្លែងឯកសារ តែបុរសវ័យ៦៧ឆ្នាំ បានបដិសេធរាល់ការចោទប្រកាន់ទាំងអស់នោះ។


“Angel Maria Villar បានស្នើសុំឈប់ពីតួនាទីជាអនុប្រធាន និងជាសមាជិកនីតិប្រតិបត្តិរបស់ UEFA ហើយក្រុមប្រឹក្សាក៏សម្រេចយល់ព្រមតាមការស្នើនេះដែរ។

h7

 

ក្រោយការលាលែងនេះ Villar នឹងមិនមានតួនាទីអ្វីនៅក្នុងស្ថាប័នរបស់យើងទៀតទេ” នេះជាអ្វីដែលមាននៅក្នុងសេចក្ដីប្រកាសរបស់ UEFA ដែលផ្ញើមក Reuters។


ជាមួយគ្នានេះដែរ UEFA ក៏បានបន្ថែមដែរថាប្រធានរបស់ស្ថាប័ន លោក Aleksander Ceferin បានយល់ព្រមទទួលយកការស្នើនេះ ហើយអរគុណសម្រាប់ការលះបង់គ្រប់យ៉ាងរបស់ Villar អស់រយៈពេលជាច្រើនឆ្នាំ ដើម្បីបម្រើស្ថាប័នបាល់ទាត់អឺរ៉ុប៕

h9
Angel Maria Villar បានក្លាយជាសមាជិករបស់គណៈកម្មាការនីតិប្រតិបត្តិ តាំងពីឆ្នាំ១៩៩២ ហើយចូលរួមប្រកួតប្រជែងតំណែងប្រធានឆ្នាំមុន តែបន្ទាប់មកក៏ដកខ្លួនវិញ៕

Neymar និង Messi ចូលរួមហ្វឹកហាត់ជាមួយមិត្តរួមក្រុម ត្រៀម El Clasico

Neymar និង Lionel Messi បាននាំគ្នាដើរទៅកាន់ទីលានហ្វឹកហាត់ជាមួយសមាជិកអ្នកមានបុណ្យ Barcelona ផ្សេងទៀត កាលពីលា្ងចថ្ងៃព្រហស្បតិ៍ម្សិលមិញ ដើម្បីត្រៀមខ្លួនប្រកួតជាមួយគូប្រជែងស្លាប់រស់អធិរាជស Real Madrid ក្នុងជំនួប “El Clasico”។

h3
នេះជាលើកទីពីរហើយ ដែលក្រុមយក្សទាំងពីរ ប៉ះគ្នាក្នុងជំនួប “El Clasico” នៅក្រៅទឹកដីអេស្ប៉ាញ ដោយលើកដំបូងធ្វើឡើងនៅវ៉េណេស៊ុយអេឡា ក្នុងឆ្នាំ១៩៨២ និងលើកទីពីរ នៅសហរដ្ឋអាមេរិក ឆ្នាំ២០១៧នេះ ខណៈជួបគ្នាលើកចុងក្រោយ នៅកីឡដ្ឋាន Santiago Bernabeu របស់ Real Madrid កាលពីថ្ងៃទី២៣ ខែមេសា Barcelona ឈ្នះ ៣-២។

h4
ជាមួយគ្នានេះដែរ តារាឆ្នើមរបស់អធិរាជស Cristiano Ronaldo មិនបានធ្វើដំណើរមកជាមួយក្រុមសម្រាប់ប្រកួតទេសចរ នៅសហរដ្ឋអាមេរិកនេះទេ ដោយជាប់ការងារឃោសនា នៅអាស៊ី ហើយមិនសង្ឃឹមថាខ្សែប្រយុទ្ធអន្តរជាតិព័រទុយហ្គាល់រូបនេះ នឹងមានវត្តមាន នៅក្រុង Miami សម្រាប់ប្រកួតដ៏ធំនេះឡើយ។

h5
ការប្រកួតមិត្តភាពដណ្ដើមពាន កម្មវិធី International Champions Cup រវាង Barcelona និង Real Madrid នឹងកើតមាន នៅថ្ងៃសៅរ៍ចុងសប្ដាហ៍នេះ នា Hard Rock Stadium៕

 

ជម្រើសជាតិកីឡាវូស៊ូ៤នាក់បង្កើនការហ្វឹកហាត់ ខណៈស៊ីហ្គេម នៅម៉ាឡេស៊ី កាន់តែខិតជិតមកដល់

ក្រុមកីឡាករជម្រើសជាតិកម្ពុជា លើប្រភេទកីឡាវូស៊ូ ដែលជាប្រភេទកីឡាសក្តានុពលមួយ ក្នុងចំណោម ប្រភេទកីឡាសក្តានុពលប្រមាណ៦របស់កម្ពុជា ដែលត្រៀមខ្លួនក្នុងព្រឹត្តិការណ៍ ស៊ីហ្គេម លើកទី២៩ នៅប្រទេស ម៉ាឡេស៊ី នាខែសីហា ខាងមុខនេះ កំពុងបង្កើនការហ្វឹកហាត់កាន់តែខ្លាំងក្លាបន្ថែមទៀត ខណៈការប្រកួតថ្នាក់តំបន់ អាស៊ីអាគ្នេយ៍មួយនេះកាន់តែខិតជិតចូលមកដល់។


លោក ម៉ៅ ចន្ថាវុទ្ធ អគ្គលេខាធិការ សហព័ន្ធកីឡាវូស៊ូកម្ពុជាបាននិយាយថា សម្រាប់ការហ្វឹកកាត់ដល់ក្រុម ជម្រើសជាតិបានដំណើរតាំងពីខែកុម្ភៈមកម្លេះ ដោយចែកចេញជា៣ដំណាក់កាល គឺដំណាក់កាលរៀបចំ ដំណាក់ការត្រៀម និងដំណាក់កាលប្រកួតជាដើម។ ពេលនេះការហ្វឹកហាត់របស់ក្រុមជម្រើសជាតិវូស៊ូកំពុងបង្កើនបច្ចេក ទេស និងថាមពលកម្លាំងឲ្យកាន់តែរឹងមាំ ដើម្បីដណ្តើមបាននូវលទ្ធផលល្អ មួយពីលើឆាកអន្តរជាតិ ថ្នាក់តំបន់ ស៊ីហ្គេម ឆ្នាំ២០១៧នេះ។


កីឡាជម្រើសជាតិចំនួន៤នាក់ ដែលត្រៀមស៊ីហ្គេម នៅម៉ាឡេស៊ី លើកនេះ រួមមាន៖កីឡាករ អាន់ សាន់, លុយ រិនដា, ហេង វាសនា និងកីឡាករ សួង អារតឹម ក្រោមការដឹកនាំពីគ្រូងបង្វឹក លោក ម៉ៅ សុវណ្ណបញ្ញា និងគ្រូ ជំនួយម្នាក់ទៀត គឺលោក Panasiuk DMYTRO។


បើតាមការបញ្ជាក់ ពីឯកឧត្តម វ៉ាត់ ចំរើន នាយបេសកកម្មកម្ពុជា សម្រាប់ ស៊ីហ្គេម ២០១៧ នៅម៉ាឡេស៊ី ថ្លែងប្រាប់ គេហទំព័រ ហង្សមាស កាលពីសប្តាហ៍មុន បានឲ្យដឹងថា ប្រភេទកីឡាសក្តានុពលចំនួន៦របស់កម្ពុជានោះរួមមាន៖ ប្រភេទកីឡាតេក្វាន់ដូ, ប៉េតង់, ប្រដាល់គុនខ្មែរ, ប្រដាល់សាកល, វូស៊ូ, វាយកូនបាល់ជាដើម ដែលធ្លាប់ដណ្តើមបានមេដាយ ពីស៊ីហ្គេម នាពេលកន្លងមក លើកលែងតែ ស៊ីហ្គេម នៅសឹង្ហបុរី កាលពីឆ្នាំ២០១៥ មួយប៉ុណ្ណោះ ដែលកម្ពុជាឈ្នះមេដាយមាស តែ១គ្រឿង ហើយប្រាក់និងសំរិទ្ធ សរុបចំនួន១៥គ្រឿងផ្សេងទៀត ប៉ុន្តែនៅម៉ាឡេស៊ី នេះឯកឧត្តមជឿជាក់ថា កម្ពុជានឹងបង្កើនបានមេដាយមាស ចន្លោះពី៥ទៅ៧គ្រឿងវិញ។


សូមបញ្ជាក់ថា ម្ចាស់ផ្ទះម៉ាឡេស៊ី ដាក់៣៦ប្រភេទកីឡាឲ្យបណ្តាប្រទេសក្នុងតំបន់អាស៊ីអាគ្នេយ៍ទាំង១១ ប្រទេសចូលរួមប្រកួត។ ដោយឡែកកម្ពុជាត្រៀម២៤ប្រភេទកីឡា ដែលមានអត្តពលិកសរុបចំនួន១៤៤នាក់ ក្រៅពីនេះនៅមានគ្រូបង្វឹក គ្រូជំនួយ មន្ត្រីរដ្ឋបាល ក្រុមស្រាវជ្រាវ និងផ្នែកផ្សេងៗទៀត មានចំនួនសរុប ២៧៤នាក់៕

v12

v13

v14

រកឃើញម្ចាស់ជ័យលាភីកីឡាប្រដាល់សកល និងគុនខ្មែរ ជើងឯក រាជធានីភ្នំពេញ ឆ្នាំ២០១៧

ការប្រកួតកីឡាប្រដាល់សកល និងគុនខ្មែរ ជ្រើសរើសជើងឯករាជធានីភ្នំពេញ បានប្រកាសបិទហើយ កាលពីព្រឹកថ្ងៃសុក្រនេះ នៅសង្វៀន កងយោធពលខេមរភូមិន្ទ បន្ទាប់ពីរកឃើញម្ចាស់ជ័យលាភីលើគ្រប់វិញ្ញសា ទាំងអស់រួចរាល់ហើយនោះ។


លោក អ៊ុក ចន្ថា អនុប្រធានមន្ទីរអប់រំ យុវជន និងកីឡា រាជធានីភ្នំពេញបានឲ្យដឹងថា ព្រឹត្តិការណ៍នេះមាន ក្លឹបចូលរួមចំនួន៧ ដោយប្រភេទកីឡាប្រដាល់គុនខ្មែរមានទម្ងន់ចាប់ ៥១គីឡូក្រាម ដល់៧១គីឡូក្រាម មានចំនួន៣១នាក់ និងប្រដាល់សកល មានប្រភេទទម្ងន់៤៥គីឡូក្រាម ដល់៦៩គីឡូក្រាម មានចំនួន១៦នាក់។ ឆ្លងកាត់ការប្រកួតអស់រយៈពេល៥ថ្ងៃ គណៈកម្មការបច្ចេកទេសសម្រិតសម្រាំងបានម្ចាស់ជ័យលាភីលើវិញ្ញាសាទាំងអស់ ទាំងពីរប្រភេទកីឡា ដោយក្នុងនោះ ប្រដាល់គុនខ្មែរ វិញ្ញាសា ទម្ងន់៦៧គីឡូក្រាម លេខ១ បានទៅលើកីឡាករ ភុន សោភ័ណ្ឌ មកពីក្លឹបនាគរាជមានជ័យ។ ៦៣,៥គីឡូក្រាម លេខ១ កីឡាករ ពុធ សំអន មកពីក្លឹបពុទ្ធសិរីវង្សពោធិ៍សែនជ័យ។ ៦០គីឡូក្រាម លេខ១ កីឡាករ មាស សារាក់ ក្លឹបនិរោធន៍សែនជ័យ។ ផ្នែកសកល ទម្ងន់៦០គីឡូក្រាម កីឡាករ សាម៉ៃ សួន ក្លឹបកុមារទេព។ ៦៩គីឡូក្រាម ចំណាត់ថ្នាក់លេខ១ កីឡាករ សំអាន ឌុន ក្លឹបអេភូថង។ ក្រៅពីនេះ ក៏មានជ័យលាភលើប្រភេទទម្ងន់មួយចំនួនទៀត ហើយក្រៅពីលេខ១ ក៏មានចំណាត់ថ្នាក់លេខ២ និងលេខ៣ លើគ្រប់វិញ្ញាសាទាំងអស់ផងដែរ។


ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ បញ្ជាក់ដែរថា ការរកឃើញនូវជ័យលាភី នាថ្ងៃនេះ គឺជាខិតខំរួមគ្នារបស់មន្ទីរអប់រំ យុវជន និងកីឡារាជធានីភ្នំពេញ និងមន្ត្រីជំនាញរបស់សហព័ន្ធ ដើម្បីបណ្តុះបាននូវថ្នាល និងធនធានកីឡាករ សម្រាប់ជាតិ នាថ្ងៃអនាគត ជាពិសេសគឺអ្វីៗទាំងអស់នេះ គឺជាជំហានមួយ ក្នុងដំណើរឆ្ពោះទៅរកការធ្វើជាម្ចាស់ផ្ទះ ស៊ីហ្គេម លើកទី៣២ នាឆ្នាំ២០២៣ ខាងមុខផងដែរ៕

v9

v10

v11

ក្លឹប ស៊ីម៉ាក់ រំពឹងរកបាន៣ពិន្ទុពីវេស្ទើនភ្នំពេញ សម្រាប់ការប្រកួតលីគកំពូលកម្ពុជា សប្តាហ៍ទី១៤ ស្អែកនេះ

ក្លឹបកីឡាបាល់ទាត់មជ្ឈមណ្ឌលកំចាត់មីនកម្ពុជា ហៅកាត់ ស៊ីម៉ាក់ បានប្រើប្រាស់រយៈពេលសម្រាក៥សប្តាហ៍ ដែលលីគកំពូលកម្ពុជាឈប់សម្រាកនោះបង្កើនការហ្វឹកហាត់ ដើម្បីស្វែងរកនូវលទ្ធផលបន្ថែម សម្រាប់រក្សាខ្លួន នៅក្នុងក្របខ័ណ្ឌនេះសម្រាប់រដូវកាលក្រោយ ២០១៨ ជាពិសេសគឺប្រឹងប្រែងរកឲ្យបាន៣ពិន្ទុពីក្រុមម្ចាស់ផ្ទះវេស្ទើនភ្នំពេញ សម្រាប់សប្តាហ៍ទី១៤ ជើងទី២ ដែលនឹងប្រកួត នៅល្ងាចថ្ងៃសៅរ៍ ស្អែកនេះ។


ថ្លែងជាមួយគេហទំព័រ ហង្សមាស នៅក្នុងការបង្វឹកដល់កូនក្រុមរបស់ខ្លួន កាលពីម្សិលមិញ, លោក កែវ សារិន បញ្ជាក់ថា ក្លឹបស៊ីម៉ាក់តែងតែបង្វឹកយុវជនជាកីឡាករកម្ពុជាហ្វឹកហាត់ឲ្យស៊ីសង្វាក់គ្នាជាមួយកីឡារបរទេសទាំង៥រូប ដើម្បីដណ្តើមនូវលទ្ធផលល្អៗជាបន្តទៀត សម្រាប់ជើងទី២នេះ ដែលកីឡាករបរទេស២រូប គឺកីឡាករសញ្ជាតិជប៉ុន និងកូរ៉េខាងត្បូង ទើបនឹងចូលរួមជាមួយស៊ីម៉ាក់ ថ្មីៗនេះទេ ដូច្នេះហើយគោលដៅរបស់ស៊ីម៉ាក់ គឺធ្វើ យ៉ាងណារក្សាខ្លួនឲ្យនៅក្នុងក្របខ័ណ្ឌលីគកំពូលដដែល ជៀសវៀងឈរនៅ២ក្រុមបាតតារាង ដែលស្ថិតនៅក្នុងតំបន់ដែលគេទម្លាក់ទៅលីគ២។


គ្រូបង្គោលរូបនេះអះអាងថា កីឡាករបរទេសទាំង៥នាក់នោះ មានសញ្ជាតិហ្គាណា, នីហ្សេរីយ៉ា, ជប៉ុន, អូស្រ្តាលី និងកូរ៉េខាងត្បូង ប៉ុន្តែក៏កីឡាករខ្សែប្រយុទ្ធដែលលេចធ្លោខ្លាំងជាងគេរបស់ស៊ីម៉ាក់ គឺកីឡាករ Osei Tutu Michael ជនជាតិហ្គាណា ដោយគិតមកដល់សប្តាហ៍ទី១៣ កន្លងទៅ Michael រកបាន១២គ្រាប់ កំពុងឈរនៅចំណាត់ថ្នាក់លេខ៣ នៃអ្នកទាត់បញ្ជូលទីច្រើនជាងគេ ដែលខ្សែប្រយុទ្ធរបស់ណាហ្គាវើល មាន១៤គ្រាប់ និងខ្សែប្រយុទ្ធសញ្ជាតិកូរ៉េខាងជើងរបស់ក្រុមក្រសួងការពារជាតិ ឈរនៅលេខ២បណ្តោះអាសន្ន ដែលរកបាន១៣គ្រាប់។


សូមបញ្ជាក់ថា ការប្រកួតលីគកំពូលកម្ពុជា រដូវកាល២០១៧នេះ បន្ទាប់ពីក្រុមទាំង១២ ស្មើនឹង៦ប្រកួត នាចុងសប្តាហ៍នេះទៅ នឹងត្រូវបន្តការឈប់សម្រាកចំនួន១ខែទៀត ដោយសារក្រុមជម្រើសជាតិអាយុក្រោម២២ឆ្នាំ ប្រមូលផ្តុំហ្វឹកហាត់ និងត្រៀមស៊ីហ្គេម លើកទី២៩ នៅម៉ាឡេស៊ី នាចុងខែសីហា ខាងមុខនេះ៕

v6

v7

v8

តួកគីចែកផ្លូវជាមួយគ្រូបង្វឹក Terim ខណៈ Ancelotti និយាយថា Vidal មិនចាកចេញ Bayern

v10

គ្រូបង្វឹកក្រុមបាល់ទាត់ជម្រើសជាតិតួកគី លោក Fatih Terim​ បានដើរចេញពីតួនាទីរបស់ខ្លួនហើយ ពោលគឺពីរសប្ដាហ៍ បន្ទាប់ពីគាត់មានពាក់ព័ន្ធនឹងជម្លោះមួយ នេះបើតាមការឲ្យដឹងក្នុងសេចក្ដីប្រកាសរបស់សមាគមបាល់ទាត់តួកគី (TFF) កាលពីថ្ងៃពុធម្សិលមិញ។


បុរសវ័យ៦៣ឆ្នាំ ដែលធ្លាប់ដឹកនាំ Fiorentina, AC Milan និង Galatasaray ត្រូវបានគេឃើញក្នុងខ្សែវីដេអូកំពុងវាយតប់ជាមួយម្ចាស់ភោជនីដ្ឋាន ខណៈសារព័ត៌មាននៅតួកគី រាយការណ៍ថា Terim និងកូនប្រសាប្រុសរបស់គាត់ បានធ្វើឲ្យបុរសប្រាំនាក់រងរបួស ក្នុងជម្លោះនោះ។


TFF បានឲ្យដឹងក្នុងសេចក្ដីប្រកាសរបស់ខ្លួនថា “បញ្ហាដែលមិនពាក់ព័ន្ធបាល់ទាត់ខ្លះ បានធ្វើឲ្យទំនាក់ទំនងរវាងនាយកប្រតិបត្តិបាល់ទាត់របស់យើង លោក Fatih Terim និងសមាគមបាល់ទាត់តួកគីបញ្ចប់តែម្ដង។ ភាគីទាំងពីរ បានយល់ឃើញដូចគ្នាថាវាជារឿងប្រសើរដែលយើងសម្រេចបែកផ្លូវគ្នាត្រឹមនេះ”។

v11
ដោយឡែក លោក Carlo Ancelotti គ្រូបង្វឹករបស់ Bayern Munich ក្រុមជើងឯកក្របខ័ណ្ឌ Bundesliga អាល្លឺម៉ង់ បានប្រាប់ក្រុមលំដាប់កំពូលរបស់អ៊ីតាលី Inter Milan ឲ្យបញ្ចប់ការតាមទិញ Arturo Vidal ពីក្រុមលោកទៅ ព្រោះលោកនឹងមិនលក់ខ្សែបម្រើសញ្ជាតិស៊ីលីរូបនេះឡើយ។


នៅឯសន្និសីទសារព័ត៌មាន នាប្រទេសសិង្ហបុរី មុនការប្រកួតមិត្តភាពរវាងក្រុមទាំងពីរ គ្រូបង្វឹកសញ្ជាតិអ៊ីតាលីវ័យ៥៨ឆ្នាំ បាននិយាយបា្រប់ជាដំណឹងដល់គ្រូបង្វឹក លោក Luciano Spalletti និងនាយកបាល់ទាត់ លោក Walter Sabatini របស់ក្រុម Inter ថា Vidal វ័យ៣០ឆ្នាំមិនមែនសម្រាប់លក់ទេ។

v12
“Vidal នឹងនៅជាមួយយើង ខ្ញុំបានប្រាប់មិត្តរបស់ខ្ញុំទាំងពីរ Sabatini និង Spalletti ឲ្យបំភ្លេចចោលការចង់ទិញកីឡាករដ៏សំខាន់របស់ខ្ញុំម្នាក់នេះទៅ” នេះជាសម្ដីរបស់ Ancelotti៕

Jon Jones និង Daniel Cormier សម្លឹងមុខគ្នាមិនដាក់ភ្នែក មុនប្រកួត UFC

v9

នៅមិនដល់មួយសប្ដាហ៍ទៀត ការប្រកួតដែលនឹងរៀបចំឡើងវិញ ក្នុងកម្មវិធី UFC 214 នឹងកើតឡើងហើយ ដូច្នេះ អ្នកប្រដាល់អាមេរិកពីររូប គឺជើងឯកទម្ងន់មធ្យម Daniel Cormier និងគូប្រជែង Jon Jones បានបង្ហាញវត្តមាន នៅឯសន្និសីទសារព័ត៌មាន កាលពីថ្ងៃពុធម្សិលមិញ។


អ្នកប្រដាល់ទាំងពីរ បានប៉ះគ្នាកាលពីមុន នៅកម្មវិធី UFC 182 ក្នុងខែមករា ឆ្នាំ២០១៥ ដោយពេលនោះ Jones ការពារខ្សែក្រវាត់បានសម្រេច តែក្រោយមក ក៏ត្រូវបានដកហូតខ្សែក្រវាត់នោះ ដោយសារមានការសង្ស័យពី UFC ចំពោះអ្នកប្រដាល់វ័យ៣០ឆ្នាំ ថាមានពាក់ព័ន្ធជាមួយឧប្បត្តិហេតុបុកហើយរត់។


ក្រោយពីមានការដកហូតនោះ UFC ក៏សម្រេចប្រគល់ខ្សែក្រវាត់នោះ ឲ្យទៅ Cormier វ័យ៣៨ឆ្នាំ ខណៈដែលការប្រកួតឡើងវិញរវាងគេទាំងពីរនាក់ សង្ឃឹមថានឹងកើតមានហើយ ក្នុងកម្មវិធី UFC 197 តែ Cormier បានសុំដកខ្លួនមុន៣សប្ដាហ៍ ដោយសារមានរបួស។


បន្ទាប់មកទៀត ការប្រកួតរវាងគេទាំងពីរនាក់ ក៏លុបចោលទៀត ដោយសារគេពិនិត្យឃើញថា Jones មានសារធាតុហាមឃាត់ក្នុងខ្លួន។


សម្រាប់អ្នកទាំងពីរ មានប្រវត្តិក្នុងសង្វៀនប្រដាល់ UFC មិនលើសខ្វះគ្នាប៉ុន្មានទេ ដោយ Daniel Cormier ធ្លាប់ប្រកួតបាន២០ដង ក្នុងនោះឈ្នះ ១៩ដង (សន្លប់៦ដង) និងចាញ់១លើក ខណៈ Jon Jones ធ្លាប់វាយ២៣ដង ឈ្នះ២២ដង (សន្លប់៩ដង) និងចាញ់១ដង៕

Tyson Fury ប្រកាសបញ្ចប់អាជីពប្រដាល់ម្តងទៀតលើបណ្ដាញសង្គម Instagram

អ្នកប្រដាល់អតីតជើងឯកទម្ងន់ធ្ងន់ពិភពលោក Tyson Fury បានប្រកាសជាថ្មីម្តងទៀត នៅលើបណ្តាញសង្គម Instagram របស់ខ្លួនកាលពីថ្ងៃពុធម្សិលមិញថា រូបគេនឹងចូលនិវត្តន៍ពីអាជីពប្រដាល់សកល។

kh6

Fury បានសរសេរថា ខ្ញុំទទួលបានពរយ៉ាងប្រសើរពីព្រះជាម្ចាស់សម្រាប់ជីវិតរបស់ខ្ញុំ ហើយខ្ញុំទទួលបានជោគជ័យបំផុតក្នុងអាជីពជាអ្នកប្រដាល់។

វាជាការធ្វើដំណើរលើផ្លូវដ៏វែងឆ្ងាយ។ អរគុណគ្រប់គ្នាដែលគាំទ្រ និងជឿជាក់លើខ្ញុំកន្លងមកក្នុងដំណើរដ៏វែងឆ្ងាយនេះ។ សង្ឃឹមថាគ្រប់គ្នារីករាយជាមួយអ្វីដែលខ្ញុំសម្រេចកន្លងមក។

kh7

អ្នកប្រដាល់វ័យ២៨ឆ្នាំរូបនេះ មានកំណត់ត្រាឈ្នះការប្រកួតទាំងអស់ក្នុងចំណោម២៥ដង និងជាម្ចាស់ខ្សែក្រវាត់ពិភពលោកទាំង៤ស្ថាប័ន រួមមាន ៖ WBA (Super), IBF, WBO និង IBO នៅពេលរូបគេបានផ្តួលអ្នកប្រដាល់សញ្ជាតិអ៊ុយក្រែន Wladimir Klitschko កាលពីខែវិច្ឆិកា ឆ្នាំ២០១៥កន្លងមក ប៉ុន្តែតាំងពីពេលនោះមក រូបគេមិនបានឡើងសង្វៀនឡើង រួមទាំងបាន លុបចោលគម្រោងប្រកួតចំនួន២លើកទៀតផង។

kh8

កាលពីខែមិថុនាឆ្នាំមុនអ្នកប្រដាល់របស់អង់គ្លេសរូបនេះ បានទទួលរងការពិន័យ បន្ទាប់ ពីរកឃើញថាបានប្រើប្រាស់សារធាតុហាមឃាត់ តែសាមីខ្លួនផ្ទាល់បានបដិសេធ ហើយក្នុងខែ តុលាឆ្នាំដដែលនោះដែរ Tyson Fury ក៏បានប្រកាសឈប់ឡើងសង្វៀនម្តងដែរនៅលើបណ្តាញ សង្គម Twitter ដើម្បីយកពេលវេលាទៅសម្រាកព្យាបាលរបួស។

kh9

សូមបញ្ជាក់ថា កាលពីដើមឆ្នាំ២០១៧ Fury បានបង្ហាញចេតនាចង់ឡើងសង្វៀនវិញ ក្រោយរូបគេឃើញមិត្តរួមជាតិអង់គ្លេស គឺអ្នកប្រដាល់ Anthony Joshua យកឈ្នះ Wladimir Klitschko ក្នុងទឹកទី១១ ពេលនោះហើយបានធ្វើឲ្យ Joshua ដែលជាម្ចាស់ខ្សែក្រវាត់ពិភពលោក ថ្មីចង់ប្រកាសចង់ប្រកួតជាមួយ ហើយ Fury ក៏ឯកភាពនៅលើបណ្ដាញសង្គម Twitter៕

Djokovic នឹងអវត្តមានពេញ១ឆ្នាំដោយសាររបួសកែងដៃ

អតីតកីឡាករវាយកូនបាល់លំដាប់លេខ១ពិភពលោក Novak Djokovic ទំនងជាអវត្ត មានពីការប្រកួតកម្មវិធី Grand Slam ចុងក្រោយប្រចាំឆ្នាំ U.S.Open ដោយសារតែរបួសកែង ដៃ នេះបើតាមសារព័ត៌មានក្នុងប្រទេសស៊ែប៊ីបានឲ្យដឹងកាលពីថ្ងៃពុធម្សិលមិញ។

kh4

ម្ចាស់ Grand Slam ១២សម័យកាលរូបនេះត្រូវរបួសចាស់រើឡើងវិញនៅការប្រកួត Wimbledon ដែលបញ្ចប់ទៅកាលពីពេលថ្មីៗកន្លងមកត្រឹមវគ្គ៨នាក់ចុងក្រោយ អំឡុងរូបគេ ចាញ់កីឡាកររបស់ឆេក Tomas Berdych។ យ៉ាងណាក៏ដោយ ក៏កីឡាករវ័យ៣០ឆ្នាំរូបនេះបាន និយាយថា រូបគេមានរបួសកែងដៃជាង១ឆ្នាំមកហើយ ប៉ុន្តែគេសុខចិត្តប្រកួតទាំងរបួសមិន ទាន់ជា។

 

កីឡាករលំដាប់លេខ៤ពិភពលោករូបនេះបានបន្តថា រូបគេកំពុងពិចារណាសម្រាកពីការប្រកួតវាយកូនបាល់មួយរយៈសិន ដើម្បីសម្រាកព្យាបាលរបួសកែងដៃស្តាំនេះ។

kh5

សូមបញ្ជាក់ថា តាមការរំពឹងទុក Novak Djokovic អាចនឹងអវត្តមានយ៉ាងហោចណាស់ ១២សបា្តហ៍ដើម្បីសម្រាកព្យាបាលរបួសកែងដៃស្តាំនេះ ខណៈព្រឹត្តិការណ៍វាយកូនបាល់ចុងក្រោយប្រចាំឆ្នាំ U.S.Open នឹងចាប់ផ្តើមនៅថ្ងៃទី២៨ ខែសីហាខាងមុខនេះ ដោយរូបគេគឺជា ម្ចាស់ជើងឯកចាស់៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

ព័ត៌មានជាតិ​ពេល​យប់​


កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

កីឡា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2