vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សុខភាព

អង្គការសុខភាពពិភពលោកស្នើឲ្យប្រព័ន្ធព័ត៌មានបន្តជួយផ្សព្វផ្សាយស្តីពីជំងឺផ្តាសាយបក្សីជួនដល់សាធារជន

ភ្នំពេញ៖តំណាងអង្គការសុខភាពពិភពលោកបានឲ្យស្នើប្រព័ន្ធព័ត៌មានបន្តជួយផ្សព្វផ្សាយស្តីពីជំងឺផ្តាសាយបក្សីជួនដល់សាធារជនដើម្បីទប់ស្កាត់កុំឲ្យឆ្លងជំងឺនេះបន្តទៀត ខណៈជំងឺនេះនៅតែប្រឈមចំពោះសុខភាពសាធារណនៅប្រទេស កម្ពុជា នៅឡើយ។
ថ្លែងប្រាប់ទូរទស្សន៍រស្មីហង្សមាសនៅព្រឹកថ្ងៃទី២៤កក្ដដានៅខាងក្រៅសិក្ខាសាលាផ្សព្វផ្សាយស្តីពីជំងឺផ្តាសាយបក្សីនិងជំងឺផ្លូវដង្ហើមមជ្ឈឹមបូព៌ានៅមន្ទីរពេទ្យកុមារជាតិ លោកស្រីវេជ្ជបណ្ឌិត វី គី តំណាងអង្គការសុខភាពពិភពលោកប្រចាំនៅកម្ពុជាបានមានប្រសាសន៍ថាការស្នើសុំឲ្យប្រព័ន្ធព័ត៌មានជួយផ្សព្វផ្សាយនេះដោយសារតែប្រព័ន្ធផ្សព្វផ្សាយបានផ្សាយបានទូលំទូលាយនិងគ្រប់ទីកន្លែងស្តីពីវិធានការការពារជំងឺផ្តាយបក្សីដល់ប្រជាពលរដ្ឋឲ្យបានយល់ដឹងដើម្បីទប់ស្កាត់ការពារកុំឲ្យឆ្លងជំងឺនេះ។
លោកស្រីបានពន្យល់ថាជំងឺផ្តាសាយបក្សីនេះឆ្លងពីសត្វបក្សីមួយទៅបក្សីមួយទៀត ហើយអាចឆ្លងទៅមនុស្សបានតាមរយៈការប៉ះពាល់ទៅលើសត្វបក្សីដែលមានជំងឺហើយអត្រាស្លាប់រហូតដល់៦០ភាគរយ។ប៉ុន្តែការចំលងពីមនុស្សម្នាក់ទៅមនុស្សម្នាក់ទៀតវិញគឺមិនងាយឆ្លងនោះទេ។
លោកស្រីបានណែនាំឲ្យប្រព័ន្ធផ្សព្វផ្សាយទាំងអស់ជួយផ្សាយដល់ប្រជាពលរដ្ឋឲ្យបន្តប្រុងប្រយ័ត្នខ្ពស់ជាប់ជាប្រចាំចំពោះជំងឺផ្តាសាយបក្សីព្រោះថាវីរុសផ្តាសាយបក្សីH5N1នេះកំពុងធ្វើចរាចរណ៍នៅលើសត្វបក្សីរាល់ថ្ងៃហើយមិនដឹងថាឆ្លងនៅពេលណានោះទេ។
ចំណែកលោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានមានប្រសាស​ន៍ថា​៖"បច្ចុប្បន្ននេះប្រព័ន្ធព័ត៌មានបានចូលរួមផ្សព្វផ្សាយស្តីពីសុខភាពប្រមាណតែ៣០ភាគរយទេ ។លោកស្នើឲ្យប្រព័ន្ធព័ត៌មានបង្កើនផ្សព្វផ្សាយបន្ថែមទៀតដើម្បីផ្តល់ព័ត៌មានជួនប្រជាពលរដ្ឋឲ្យបានត្រឹមត្រូវនិងចូលរួមទប់ស្កាត់និងការពារកុំឲ្យមានឆ្លងជំងឺផ្សេងៗពិសេសជំងឺផ្តាសាយបក្សី"។
លោកវេជ្ជបណ្ឌិតបានស្នើឲ្យបងប្អូនប្រជាពលរដ្ឋចូលរួមទូរស័ព្ទមកលេខ១១៥ពីគ្រប់ប្រព័ន្ធដោយមិនគិតថ្លៃទេក្នុងករណីឃើញអ្វីដែលខុសពីធម្មតានៅតាមភូមិដូចជាមាន់ទាគោជ្រូក ងាប់ឬមនុស្សស្លាប់ដោយខុសពីធម្មតាដើម្បីឲ្យមន្ត្រីចុះវាយតំលៃនិងចាត់វិធានការទប់ស្កាត់បានទាន់ពេលវេលា។
គួរបញ្ជាក់ថាចាប់ពីឆ្នាំ២០០៥រហូតមកដល់ឆ្នាំ២០១៧នេះប្រទេសកម្ពុជាមានឆ្លងជំងឺផ្តាសាយបក្សីចំនួន៥៦ករណីក្នុងនោះមាន៣៧នាក់បានស្លាប់បាត់បង់ជីវិត៕

ប្រមុខរាជរដ្ឋាភិបាលកម្ពុជាបានអះអាងជាថ្មីដើម្បីគាំពារមន្ទីរពេទ្យគន្ធបុប្ផាមិនឲ្យដួលរលំឡើយ

ភ្នំពេញ៖ប្រមុខរាជរដ្ឋាភិបាលកម្ពុជាបានអះអាង ជាថ្មីដើម្បីគាំពារមន្ទីរពេទ្យគន្ធបុប្ផាមិនឲ្យដួលរលំឡើយបើទោះបីជាមិនមានជំនួយពីដៃគូក៍ដោយដោយរាជរដ្ឋាភិបាលនៅតែរក្សានូវប្រក្រតីភាពនៃមន្ទីរពេទ្យនេះដែលអាចផ្តល់សេវាជាធម្មតា ជួយសង្រ្គោះជីវិតកុមារកម្ពុជា។
សម្តេចតេជោហ៊ុនសែននាយករដ្ឋមន្ត្រីកម្ពុជាបានលើកឡើងនៅក្នុងពីធីសម្ពោធដាក់ឲ្យប្រើប្រាស់ជាផ្លូវការនូវឯកសារក្របខ័ណ្ឌគោលនយោបាយជាតិគាំពារសង្គម២០១៦-២០២៥នៅវិមានសន្តិភាពនាព្រឹកថ្ងៃទី២៤កក្កដានេះដោយបានស្នើឲ្យក្រសួងសេដ្ឋកិច្ចនិងហិរញ្ញវត្ថុនិងក្រសួងសុខាភិបាលសហការគ្នារៀបចំនូវផែនការផ្តល់ហិរញ្ញវត្ថុពីសំណាក់រាជរដ្ឋាភិបាលកម្ពុជាដើម្បីធានានិរន្តរភាពកិច្ចដំណើរការរបស់មន្ទីរពេទ្យគន្ធបុប្ផាដែលអាចរក្សាបានវិន័យល្អគុណភាពសេវាខ្ពស់ក្នុងការថែទាំជំងឺជូនកុមារគ្រប់រូបដោយមិនគិតថ្លៃ ។
សម្ដេចបានបន្ដថា៖ចំណុចនេះចង់ឬមិនចង់យើងត្រូវតែធ្វើឥឡូវវេជ្ជបណ្ឌិតBeatRichnerប៊ិចរិចនើមិនអាចទទួលខុសត្រូវលើបញ្ហានេះបានទេ។ហើយនៅក្នុងពេលដែលខ្ញុំជួបជាមួយប្រធានាធិបតីស្វីសកាលពីដើមឆ្នាំនេះខ្ញុំក៍បានលើកឡើងទៅលើការទទួលសុខត្រូវរបស់យើង ដូច្នេះរវាងក្រសួងសេដ្ឋកិច្ចនិងក្រសួងសុខាភិបាលត្រូវតែធានាថាមន្ទីរពេទ្យមួយនេះទោះបីជាអត់ជំនួយពីស្វីស អត់ជំនួយពីខាងផ្នែកដៃគូរយើងនៅតែធានាថាមន្ទីរពេទ្យនេះនៅតែជាមន្ទីរពេទ្យធានានូវសេវាធម្មតានៅពេលនេះ។

យើងមានលទ្ធភាពនិងធ្វើការងារនេះដែលជួយយ៉ាងច្រើនទៅដល់កុមារកម្ពុជារបស់យើង។យើងមិនអាចថាអត់ពីវេជ្ជបណ្ឌិត BeatRichnerធ្វើឲ្យមន្ទីរពេទ្យនេះដួលរលំនោះទេយើងមិនអាចទទួលយកបានហើយប្រជាជនកម្ពុជាក៍ពិបាកនឹងយល់ថាតើរដ្ឋាភិបាលធ្វើបានកិច្ចការងារនេះឬមិនបាននោះ?កន្លងទៅយើងបានថវិកាបដិភាគឥឡូវកាន់តែចូលគ្របដណ្តប់តែម្តងក្នុងករណីដែលវេជ្ជបណ្ឌិតBeatRichnerឬកឬក៍មូលនិធិត្រុវបានកាត់ផ្តាច់។នេះគឺការគិតគូររបស់យើងការប្រកាសគាំទ្រផ្នែកហិរញ្ញវត្ថុចំពោះមន្ទីរពេទ្យគន្ធបុប្ផានេះធ្វើឡើងខណៈរាជរដ្ឋាភិបាលប្រកាសដាក់ឲ្យប្រើប្រាស់ក្របខណ្ឌគោលនយោបាយជាតិគាំពារសង្គម២០១៦-២០២៥។
សម្តេចតេជោបានគូសបញ្ជាក់ថាក្របខណ្ឌគោលនយោបាយនេះគឺជាផែនទីបង្ហាញផ្លូវសម្រាប់ក្រសួងស្ថាប័នពាក់ព័ន្ធបំពេញការងារទៅតាមមុខងារនិងភារកិច្ចរៀងៗខ្លួនឲ្យកាន់តែមានប្រសិទ្ធភាពខ្ពស់ដោយផ្តោតលើការផ្តល់ការគាំពារ ដល់ពលរដ្ឋក្រីក្រ និងងាយរងគ្រោះ ដូចជាប្រជាពលរដ្ឋដែលរស់នៅក្រោមបន្ទាត់នៃភាពក្រីក្រ - ពលរដ្ឋរស់នៅក្បែរបន្ទាត់នៃភាពក្រីក្រដែលមានការប្រឈមខ្ពស់ពេលមានវិបត្តិនិង ទារក ,កុមារ , ស្ត្រីមានផ្ទៃពោះ , គ្រួសារដែលខ្វះអាហារូបត្ថម ,ជនពិការ និង មនុស្សចាស់គ្មានទីពឹង។
សម្តេចបានបង្ហាញនូវជំនឿថាជាមួយនិងការប្តេជ្ញាចិត្តខ្ពស់និងស្មារតីនៃភាពម្ចាស់ការរបស់ក្រសួងស្ថាប័ននានាគួបផ្សំជាមួយការគាំទ្រពីដៃគូរអភិវឌ្ឍន៍ផងនោះភាគីពាក់ព័ន្ធទាំងអស់នឹងធ្វើការក្នុងភាពជាដៃគូរយ៉ាងជិតស្និទដើម្បីដោះស្រាយបញ្ហាប្រឈមទាំងឡាយ សំដៅសម្រេចបានតាមចក្ខុវិស័យប្រកបដោយមហិច្ឆិតាដូចមានចែងក្នុងឯកសារក្របខ័ណ្ឌគោលនយោបាយជាតិគាំពារសង្គមរបស់រាជរដ្ឋាភិបាល។
សម្តេចក៍បានស្នើដល់ក្រុមប្រឹក្សាជាតិគាំពារសង្គមឲ្យចាប់ផ្តើមបំពេញការងារឲ្យបានរុះរាន់ដើម្បីពិនិត្យនិងជំរុញអនុវត្ត ន៍ គោល នយោបាយអាទិភាពនានាឲ្យបានជោគជ័យស្របតាមគោលដៅដែលបានដាក់ចេញនៅក្នុងឯកសារក្របខ័ណ្ធគោលនយោបាយជាតិគាំពារសង្គមជាពិសេសការងារអាទិភាពចំពោះមុខមួយចំនួន រួមមាន ជំរុញការគាំពារផ្នែកសុខភាពសម្រាប់ប្រជាពលរដ្ឋក្រីក្រងាយរងគ្រោះឲ្យបានកាន់តែប្រសើរឡើង តាមរយៈការពង្រីកមូលនិធិសមធម៌និងយន្តការគាំទ្រផ្សេងៗ-ជំរុញការចាប់ផ្តើមដាក់ឲ្យអនុវត្តន៍នូវកម្មវិធីផ្តល់ការឧត្ថមជូនជនចាស់ជរានៃគ្រួសារក្រីក្រដើម្បីសម្រាលបន្ទុកហិរញ្ញវត្ថុរបស់គាត់ដែលអាចជាកម្មវិធីដោយឡែកឬជាកម្មវិធីឧត្ថមជាកញ្ចប់គ្រួសាររួមជាមួយកម្មវិធីឧបត្ថមស្ត្រីមានផ្ទៃពោះនិងកុមារព្រមទាំងជនពិការជាដើម,ជំរុញការរៀបចំយន្តការសម្របសម្រួលនិងវាយតម្លៃការអនុវត្តន៍របបឬការគាំពារសង្គមទាំងឡាយឲ្យមានប្រសិទ្ធភាពខ្ពស់និងបន្តពង្រឹងកិច្ចសហប្រតិបត្តិការយ៉ាងជិតស្និទរវាងក្រសួងស្ថាប័នពាក់ព័ន្ធទាំងឡាយដើម្បីធ្វើការសិក្សានូវផែនការសកម្មភាពសម្រាប់គោលដៅនៃការជំរុញការអនុវត្តន៍ក្របខ័ណ្ធគោលនយោបាយជាតិគាំពារសង្គម។
ឯ.ឧទេសរដ្ឋមន្ត្រីអូនព័ន្ធមុន្នីរ័ត្នរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថនិងជាប្រធានក្រុមប្រឹក្សាជាតិគាំពារសង្គមបានគូសបញ្ជាក់ថាគោលនយោបាយនេះមានចក្ខុវិស័យកសាងប្រព័ន្ធគាំពារសង្គមប្រកបដោយបរិយាប័ន្នប្រសិទ្ធិភាពនិងចិរភាព ហិរញ្ញវត្ថុដែលជាឧបករណ៍បំរើដល់ការកាត់បន្ថយនិងការទប់ស្កាត់ភាពក្រីក្រ ភាពងាយរងគ្រោះ និងវិសមភាព ហើយរួមចំណែកដល់ការអភិវឌ្ឍ និងគាំពារធនធានមនុស្សកាន់តែទូលំទូលាយនិងជំរុញកំណើនសេដ្ឋកិច្ច។
គោលនយោបាយជាតិនេះក៍មានគោលបំណងក្នុងការធានាបាននូវសន្តិសុខប្រាក់ចំណូលនិងកាត់បន្ថយភាពងាយរងគ្រោះផ្នែកសេដ្ឋកិច្ចនិងហិរញ្ញវត្ថុរបស់ប្រជាពលរដ្ឋ។ជាងនេះគឺដើម្បីកំណត់ផែនការយុទ្ធសាស្ត្ររបស់រាជរដ្ឋាភិបាលក្នុងការធានាឱ្យបាននូវសន្តិសុខប្រាក់ចំណូល និងកាត់បន្ថយភាពងាយរងគ្រោះផ្នែកសេដ្ឋកិច្ចនិងហិរញ្ញវត្ថុរបស់ប្រជាពលរដ្ឋ សំដៅលើកកម្ពស់សុខុមាលភាពនិងសាមគ្គីភាពសង្គម ព្រមទាំងកាត់បន្ថយភាពក្រីក្រជាអតីបរិមា។
លើសពីនេះ គោលដៅនៃគោលនយោបាយនេះសម្រាប់ធ្វើការបន្ស៊ីប្រមូលផ្តុំ និងពង្រឹងកម្មវិធីដែលមានស្រាប់ដើម្បីបង្កើនប្រសិទ្ធភាពតម្លាភាព និងសង្គតិភាពនៃរបបឬកម្មវិធីទាំងឡាយក្នុងប្រព័ន្ធគាំពារសង្គមទាំងមូល រួមទាំងការពង្រឹងវិសាលភាពដែលនៅតូចចង្អៀតនៅឡើយ ដើម្បីឆ្លើយតបនឹងតម្រូវការរបស់ប្រជាពលរដ្ឋគ្រប់ស្រទាប់ ស្របតាមការរីកចម្រើនសេដ្ឋកិច្ចជាតិ ជាមួយនិងការរៀបចំឱ្យមានក្របខណ្ឌអភិបាលកិច្ច និងបញ្ហាឆ្លងវិស័យ ដើម្បីធានាបាននូវប្រសិទ្ធភាពនៃការគ្រប់គ្រងនិងបង្កើនប្រសិទ្ធភាពចំណាយថវិការ៕

 

លោក អភិបាលខេត្ត លែងកូនត្រី ចំនួន ២០ ០០០ក្បាល ក្នុងត្រពាំងទំលាយ ខេត្តត្បូងឃ្មុំ

ខេត្តត្បូងឃ្មុំ៖ លោក អភិបាលខេត្តត្បូងឃ្មុំ បានសសើរដល់ប្រជាពលរដ្ឋនៅតំបន់ត្រពាំងទំលាយ ចេះរក្សាការពារ អភិរក្ស ត្រពាំងបូរាណនេះបាន ហើយលោកក៏បានប្រលែងកូនត្រី ឆ្ពិន ត្រីប្រា អន្ទង់ និងវារីសត្វផ្សេងៗ ចំនួន ២០ ០០០ ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងធម្មជាតិឲ្យកាន់តែសម្បូរច្រើនឡើងថែមទៀត ។

ធ្វើនៅព្រឹកថ្ងៃទី២០ ខែកក្កដា ឆ្នាំ២០១៧ ចំណុចត្រពាំងទំលាយស្ថិតក្នុងភូមិស្ទឹងតាថុក ឃុំចុងជាច ស្រុកតំបែរ ខេត្តត្បូងឃ្មុំ ។ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ បានបញ្ជាក់ឲ្យដឹងថា យើងបានផ្សព្វផ្សាយច្បាប់ស្តីពីជលផល និងលិខិតបទដ្ឋានដែលពាក់ព័ន្ធទៅនឹងការគ្រប់គ្រងវិស័យជលផល បានចំនួន៦វគ្គ ដែលមានអ្នកចូលរួមមាន ចំនួន១៤៦នាក់ ។

កន្លែងអភិរក្សជលផលមានចំនួន១កន្លែង ស្ថិតនៅចំណុចបឹងត្រែង ក្នុងភូមិយាយសរ ឃុំទន្លេបិទ ស្រុកត្បូងឃ្មុំ ទំហំ៥៦ហិចតា និងកន្លែងអភិរក្សត្រីសហគមន៍នេសាទមានចំនួន៩កន្លែង ។ ការងារអភិវឌ្ឍសហគមន៍នេសាទមានចំនួន១៥កន្លែង ដែលសហគមន៍នេសាទចំនួន៦ បានចុះបញ្ជីទទួលស្គាល់ពីក្រសួងកសិកម្ម រុក្ខាប្រមាញ់ និងនេសាទ និងផុតអាណត្តិចំនួន ១០សហគមន៍ ។

សហគមន៍នេសាទចំនួន៣ កំពុងរៀបចំឯកសារពាក់ព័ន្ធ សម្រាប់យកទៅចុះបញ្ជីនៅក្រសួងកសិកម្ម រក្ខាប្រមាញ់ និងនេសាទ ។ សហគមន៍ស្រះជម្រកត្រី ក្នុងខេត្ត សរុបមានចំនួន ១៣សហគមន៍ដែលស្ថិតក្នុងស្រុកតំបែបចំនួន៣ស្រះ ស្រុកអូរាំងឪចំនួន៤ស្រះ ស្រុកពញាក្រែកចំនួន១ស្រះ ក្រុងសួងចំនួន១ស្រះ ស្រុកត្បូងឃ្មុំចំនួន៣ស្រះ និងស្រុកក្រូចឆ្មារចំនួន១ស្រះ ។

លោក លី ឡេង អភិបាលនៃគណៈអភិបាលខេត្ត បានថ្លែងកោតសសើរដល់ប្រជាពលរដ្ឋ និងអជ្ញាធរនៅតំបន់នេះ ដែលបានចេះ ថែរក្សា ការពារ អភិរក្ស ត្រពាំងទំលាយនេះបានគង់វង្ស គឺដោយសារបងប្អូនប្រជាពលរដ្ឋរបស់យើង ចេះរួបរួម សាមគ្គីគ្នា ឯកភាពគ្នា មិនរំលោភចូលយកផ្ទៃត្រពាំងធ្វើជាកម្មសិទ្ធិ វាជារឿងល្អ គ្មានអ្នកណាខ្លាំងជាងប្រជាជនយើងជាម្ចាស់នោះទេ ។

សូមឲ្យអាជ្ញាធរ ភូមិ ឃុំ ប្រជាពលរដ្ឋទាំង៥ភូមិដែលរស់នៅជុំវិញត្រពាំងទំលាយនេះ កុំលក់ដូរ អភិវឌ្ឍ តំបន់នេះ វាអាចធ្វើឲ្យបាត់លក្ខណៈដើម ព្រោះត្រពាំងបូរាណនេះ យើងអាចយកទឹកស្រោចស្រពលើផ្ទៃដីកសិកម្មក្នុងតំបន់នេះបាន ជាងនេះទៀត ការប្រលែងកូនត្រី ចំនួន ២០ ០០០ក្បាល ចូលក្នុងត្រពាំងទំលាយ ដើម្បីបង្កើនផលស្តុកនៅក្នុងត្រពាំងធម្មជាតិឲ្យកាន់តែសម្បូរច្រើនឡើងថែមទៀត ទុកជាប្រយោជន៍ដល់ប្រជាជន និងសហគមន៍ក្នុងតំបន់នេះផងដែរ ៕ សាន វិឡែម

 

មន្ដ្រី៖កូនសត្វទោចម្កុដទី៣ បានចាប់កំណើតហើយក្នុងឧទ្យានអង្គរ

សៀមរាប៖គិតត្រឹមថ្ងៃទី ០៧ ខែកក្កដា ឆ្នាំ២០១៧នេះ សត្វទោចម្កុដចំនួន២គូ ដែលបានព្រលែងក្នុងតំបន់អង្គរ ដោយអាជ្ញាធរជាតិអប្សរា សហការជាមួយអង្គការសម្ព័ន្ធមិត្តសត្វព្រៃ(Wildlife Alliance) និងក្រុមហ៊ុនខ្សែយោងអេកូទេសចរណ៍ (Angkor Zip line) បានបង្កើតកូន៣ក្បាលហើយ។
អាជ្ញាធរជាតិអប្សរា បានព្រលែងទោចម្កុដគូដំបូងនៅតំបន់ប្រាសាទតានៃ នាខែមិថុនា ឆ្នាំ២០១៣ និងមួយគូទៀត នៅថ្ងៃទី៣០ ខែមិថុនា ឆ្នាំ២០១៥ នៅខ្លោងទ្វារខ្មោចខាងកើតប្រាសាទបាយ័នដែលបង្កើតបានកូនមួយកាលពីថ្ងៃទី២៩ ខែមិថុនា២០១៦។ ចំណែកទោចម្កុដមួយគូនៅម្តុំប្រាសាទតានៃ បានបង្កើតកូនចំនួនពីរលើក គឺកូនទីមួយជាកូនញី នៅអំឡុងខែកញ្ញា ឆ្នាំ២០១៥ និងកូនទី២លើកនេះ កើតនៅថ្ងៃទី ០៧ ខែកក្កដា ឆ្នាំ២០១៧។
តាមលោក Todd Anthony អគ្គនាយកក្រុមហ៊ុនខ្សែយោងអេកូទេសចរណ៍នៅក្បែរប្រាសាទតានៃបានឱ្យដឹងថា កូនទោចម្កុដដែលទើបកើតថ្មីនេះមានសម្បុរស តែគេមិនទាន់ដឹងថាជាញី ឬឈ្មោលនៅឡើយទេ។ លោកបញ្ជាក់ថា គេអាចនឹងដឹងភេទរបស់វាបាននៅពេលដែលវាមានអាយុប្រហែល១ឆ្នាំ។
ផ្អែកតាមរបាយការណណ៍របស់មជ្ឈមណ្ឌលស្រាវជ្រាវដីព្រៃ និងសត្វព្រៃ ក្នុងឆ្នាំ២០១៦ បានឱ្យដឹងថា ទោចម្កុដត្រូវបានចុះក្នុងបញ្ជីក្រហមរបស់អង្គការអភិរក្សសត្វព្រៃពិភពលោក (IUCN) ជាប្រភេទសត្វជិតផុតពូជ។ សត្វដ៏កម្រមួយនេះ មានវត្តមាននៅលើទឹកដីកម្ពុជាមិនដល់ ១ម៉ឺនក្បាលទេ។
តាមការសិក្សាជំរឿនសត្វព្រៃកន្លងមក រមណីយដ្ឋានអង្គរធ្លាប់មានសត្វព្រៃជាច្រើនប្រភេទរស់នៅ។ ដោយឡែក សត្វព្រៃប្រភេទទោចម្កុដនេះក៏ធ្លាប់មានវត្តមានក្នុងតំបន់អង្គរផងដែរ។ ប៉ុន្តែក្នុងចន្លោះនៃសង្រ្គាមស៊ីវិលមកដល់ពេលបច្ចុប្បន្ននេះ ពួកទោចបានស្លាប់ផុតពូជពីព្រៃនេះទៅហើយ។ ដូចច្នេះហើយទើបនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានរបស់អាជ្ញាធរជាតិអប្សរា សហការជាមួយរដ្ឋបាលព្រៃឈើ និងអង្គការសម្ព័ន្ធមិត្តសត្វព្រៃ ធ្វើការសិក្សាស្រាវជា្រវលម្អិតអំពីលក្ខណៈព្រៃ ដែលមានអំណោយផលដល់ការរស់នៅរបស់ពួកសត្វទោច និងបាននាំមកព្រលែងនៅក្នុងតំបន់អង្គរនេះឡើងវិញ ដើម្បីលើកតម្លៃទេសភាពវប្បធម៌ និងធម្មជាតិ ក្នុងតំបន់អង្គរ ឲ្យកាន់តែវិសេសវិសាលថែមទៀត៕

គំនរសំរាមស្អុយរលួយនៅក្រុងប៉ោយប៉ែត តំណាងក្រុមហ៊ុនថា មកពី...!!!

ប៉ោយប៉ែត៖ ប្រជាពលរដ្ឋនៅក្នុងក្រុងប៉ោយប៉ែត បានរអ៊ូរទាំពីបញ្ហាក្រុមហ៊ុន ប៉ោយប៉ែតគ្លីនណឺ(PPC)ប្រមូលសំរាមមានការយឺតយ៉ាវទុករហូតរលួយនិងមានក្លិនស្អុយ ដង្កូវ រ៉ុយរោមប៉ះពាល់សុខភាពកូនចៅពួកគាត់ និងបរិស្ថាន ។ជាក់ស្តែងប្រជាពលរដ្ឋបានលើកឡើងនៅក្នុងវេទិការផ្សព្វផ្សាយ និងពិគ្រោះយោបល់ក្រុមប្រឹក្សាក្រុងប៉ោយប៉ែតអាណត្តិទី២ ឆ្នាំ២០១៧ នៅសង្កាត់ប៉ោយប៉ែត កាលពីថ្ងៃទី១៨ ខែ កក្តដា ឆ្នាំ ២០១៧ ម្សិលមិញនេះ។

ពាក់ព័ន្ធនិងបញ្ហសំរាមនេះគេសង្កេតឃើញនៅតាមសាលារៀន រង្វង់មូល មុខផ្ទះប្រជាពលរដ្ឋ ផ្សារនានា ជាពិសេសនៅមុខផ្សារកណ្តាល ស្ថិតនៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត គរចោល និងមានក្លិនស្អុយរលួយជាច្រើន បង្កអោយប៉ះពាល់អ្នកទិញនិងអ្នកលក់ដូរក្នុងផ្សារ ទោះបីជាមានការរអ៊ូរទាំពីសំណាក់ពលរដ្ឋ ក៏ក្រុមហ៊ុននៅតែមានការយឺតយ៉ាវ។
ប្រជាពលរដ្ឋនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត មុខរបរកាត់ដេរសំលៀកបំពាក់ សុំមិនបញ្ចេញឈ្មោះបានអោយដឹងថា សំរាមនៅមុខផ្ទះរបស់គាត់ ក្រុមហ៊ុនខាងលើ ទុករយះពេលជាង១០ថ្ងៃទើបមកប្រមូល ជូនកាល២០ថ្ងៃក៏មាន។

តំណាងក្រុមហ៊ុនប្រមូលសំរាម ប៉ោយប៉ែតគ្លីនណឺបានអោយដឹងថា៖ បញ្ហាដែលមានការយឺតយ៉ាវក្នុងការប្រមូលសំរាមនេះគឺបណ្តាលមកពីក្រុមហ៊ុន ពិបាករកកម្មករ និងពេលខ្លះក្រុមហ៊ុនស្ទះដោយសារថយន្តខូច និងទីតាំងចាក់សំរាមស្ថិតនៅឆ្លាយពីទីប្រជុំជន ព្រមទាំងផ្លូវមានការលំបាក ស្អិតជាប់រថយន្តក៏មានដែរ ជាពិសេសគឺរដូវវស្សានេះ។
លោក ង៉ោ ម៉េងជ្រួន អភិបាលក្រុងប៉ោយប៉ែតបានបញ្ជាក់ថា បញ្ហាសំរាមនេះកន្លងមកទាំងប្រជាពលរដ្ឋ ទាំងសហគមន៍ ទាំងអង្គការNGO ផ្តោតតែលើអាជ្ញាធរក្រុង តែវាជាបញ្ហារបស់សង្កាត់ដែលត្រូវអនុវត្តធ្វើនៅក្នុងមូលដ្ឋានដែលខ្លួនគ្រប់គ្រង។ ហើយលោកក៏បានណែនាំក្រុមហ៊ុនប្រមូលសំរាមត្រូវធ្វើយ៉ាងណាប្រមូលសំរាមអោយស្អាតដើម្បីអោយប្រជាពលរដ្ឋមានទំនុកចិត្ត គាត់និងបង់លុយ ហើយក្រុមហ៊ុនកុំយកទីតាំងចាក់សំរាម យកមកធ្វើប្រធានបទដោះសារជាមួយប្រជាពលរដ្ឋ៕ប៊ុនថន

រដ្ឋមន្ដ្រីអះអាងថា៖អត្តសញ្ញាកម្មពលរដ្ឋក្រីក្រនៅមិនច្បាស់លាស់ឯគម្លាតអ្នកធូរធារនិងអ្នកក្រីក្របន្តកើតមាន

ខេត្តកំពតៈ ការកំណត់អត្តសញ្ញាណជនក្រីក្រពុំច្បាស់លាស់នាំឱ្យកិច្ចអភិវឌ្ឍមូលដ្ឋានមិនចំគោល ដៅ ពិសេសគម្លាតរវាងអ្នកទទួលចំណូលខ្ពស់ និងអ្នកទទួលចំណូលទាបនៅតែបន្តកើតមាន។រដ្ឋមន្ត្រីក្រសួងផែនការបាន មានប្រសាសន៍បែបនេះក្នុងពិធីបើកកិច្ចប្រជុំផ្សព្វផ្សាយស្តីពីការចាប់ផ្តើមដំណើរការអត្តសញ្ញាណកម្មគ្រួសារក្រីក្រ ធ្វើឡើងនៅសាលប្រជុំសាលាខេត្តកំពតនាព្រឹកថ្ងៃទី១៨ ខែកក្កដា ឆ្នាំ២០១៧ ។

លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការបានមានប្រសាសន៍ថា៖" ភាពក្រីក្រជាបញ្ហា ស្មុគ្រស្មាញពហុមុខបង្កពីកត្តាច្រើនយ៉ាង ដូចជា កំណើនប្រជាជនខ្ពស់ កង្វះអនាម័យ បញ្ហាសុខភាព កង្វះការអប់រំ កង្វះកាលានុវត្តភាពការងារ កង្វះសុវត្ថិភាពស្បៀង ការរើសអើងក្នុងសង្គមជាដើម"។ រាជរដ្ឋា ភិបាលបានយល់ច្បាស់ និងបានចាត់ទុកភាពក្រីក្រជាបញ្ហាអាទិភាពដែលត្រូវរួមគ្នាដោះស្រាយ។

ក្នុងបរិ ការណ៍នេះ ក្រសួងផែនការដែលជាសេនាធិការបានរៀបចំផែនការយុទ្ធសាស្ត្រអភិវឌ្ឍន៍ជាតិជាបន្តបន្ទាប់។ សម្រាប់ឆ្នាំ២០១៤-២០១៨ ផែនការអភិវឌ្ឍន៍ជាតិនៃយុទ្ធសាស្ត្រចតុកោណដំណាក់កាលទីបី បានកំណត់ ច្បាស់នូវវិស័យអាទិភាពនានាជាសូចនាករ ពេលវេលា និងធនធានសម្រាប់អនុវត្ត ព្រមទាំងយន្តការតាម ដាន ត្រួតពិនិត្យ និងវាយតម្លៃ ក៏ដូចជាទំនួលខុសត្រូវរបស់ក្រសួងស្ថាប័នផ្សេងៗ តាមមុំនៃអាទិភាពនីមួយៗ ដើម្បីឈានទៅសម្រេចបានកំណើនសេដ្ឋកិច្ចប្រាំពីរភាគរយ និងកាត់បន្ថយភាពក្រីក្រឱ្យបានលើសពីមួយ ភាគរយក្នុងមួយឆ្នាំៗ។

លោកទេសរដ្ឋមន្ត្រីបានបន្តថា៖" គោលដៅចម្បងនៃការងារអត្តសញ្ញាណកម្មនេះ គឺដើម្បីផ្តល់ទិន្នន័យគ្រួសារក្រីក្រនៅគ្រប់ភូមិទាំងអស់ចំពោះក្រសួង ស្ថាប័ន អង្គការជាតិ អន្តរជាតិ និងដៃ គូអភិវឌ្ឍន៍សម្រាប់ប្រើប្រាស់ក្នុងសកម្មភាពកាត់បន្ថយភាពក្រីក្រ ព្រោះកន្លងមក និន្នាការនៃការប្រើប្រាស់ ទិន្នន័យគ្រួសារក្រីក្រមានការកើនឡើងជាលំដាប់។ ផ្តើមចេញពីបញ្ហានេះ ឯកឧត្តម ឆាយ ថន បានបញ្ជាក់ ថា ការកំណត់អត្តសញ្ញាណជនក្រីក្រពុំច្បាស់លាស់ នាំឱ្យកិច្ចអភិវឌ្ឃមូលដ្ឋានមិនចំគោលដៅ ពិសេស គម្លាតរវាងអ្នកទទួលចំណូលខ្ពស់ និងអ្នកទទួលចំណូលទាបនៅតែបន្តកើតមាន"។

ក្នុងពិធីប្រជុំផ្សព្វផ្សាយស្តីពីការចាប់ផ្តើមដំណើរការអត្តសញ្ញាណកម្មគ្រួសារក្រីក្រ ដែលមានសមាជិកមកពីខេត្តកែប និងខេត្តកំពតចូលរួមប្រមាណជាង១០០នាក់ លោកចាន់ ចេស្តា អភិ បាលខេត្តកំពតបានមានប្រសាសន៍ថា ដោយមានការគាំទ្រថវិកា សម្ភារៈពីអង្គការ GIZ និងជំនួយបច្ចេក ទេសរបស់ក្រសួងផែនការ កន្លងទៅខេត្តកំពតធ្លាប់បានអនុវត្តកម្មវិធីអត្តសញ្ញាណកម្មគ្រួសារក្រីក្របីលើក រួចមកហើយនៅភូមិចំនួន៤៨០ ក្នុងចំណោមភូមិ៤៨៨ ទូទាំងខេត្ត ដែលមានពលរដ្ឋ១៣៤.៤២៨គ្រួសារ។

ជាលទ្ធផល នាឆ្នាំ២០០៩ បានរកឃើញអត្រាភាពក្រីក្រមានកម្រិត១៨,៨០ភាគរយ។ ក្នុងឆ្នាំ២០១១ មានកម្រិត​១៥,៦០ភាគរយ និងឆ្នាំ២០១៤ មានកម្រិតត្រឹម១៤,៤០ភាគរយ។ លោកអភិបាលខេត្តបានមាន ប្រសាសន៍បន្តថា៖ សម្រាប់ឆ្នាំ២០១៧នេះ ក្រសួងផែនការ និងម្ចាស់ជំនួយបានកំណត់ឱ្យខេត្តធ្វើបច្ចុប្បន្ន ភាពឡើងវិញអំពីអត្តសញ្ញាណកម្មគ្រួសារក្រីក្រទាំងនោះ។ ដូច្នេះ គ្រប់ក្រុងស្រុក មន្ទីរ អង្គភាព ព្រមទាំង អង្គការដៃគូនានាមេត្តាចូលរួមសហការជាមួយមន្ទីរផែនការ ក៏ដូចជាមន្ត្រីទទួលបន្ទុកអនុវត្តកម្មវិធីជួយដល់ មន្ត្រីមូលដ្ឋានបានធ្វើបច្ចុប្បន្នភាពដោយទៀងទាត់ និងយកចិត្តទុកដាក់ដើម្បីរក្សាបាននូវប្រសិទ្ធភាព សុក្រិត្យភាពនៃបញ្ជីគ្រួសារក្រីក្រសម្រាប់ជាមូលដ្ឋានក្នុងការផ្តល់សេវា ឬជំនួយផ្សេងៗ៕

សិក្សានុសិស្សជិត៣០០នាក់ចូលរួមស្តាប់មន្ត្រីកាំកុងត្រូលផ្សព្វផ្សាយអប់រំណែនាំការហូរចំណីអាហារដែលប៉ះពាល់សុខភាព

ខេត្តបន្ទាយមានជ័យ៖សិក្សានុសិស្សជិត៣០០នាក់ចូលរួមស្តាប់មន្ត្រីកាំកុងត្រូលផ្សព្វផ្សាយអប់រំណែនាំការហូរចំណីអាហារដែលប៉ះពាល់សុខភាពនៅថ្ងៃទី១៣ខែកក្តដាឆ្នាំ២០១៧នៅវិទ្យាល័យស្រុកភ្នំស្រុក។
លោក ហុង លៀង អនុប្រធានសាខាកាំកុងត្រូលខេត្តបន្ទាយមានជ័យមានប្រសាសន៍ទៅសិក្សានុសិស្សថា៖ជាការយកចិត្តទុកដាក់ពីសុខមាលភាពបងប្អូនប្រជាពលរដ្ឋនិងសិក្សានុសិស្សការណែនាំពីនាយកដ្ឋានកាំកុងត្រូលនិងអភិបាលខេត្តបន្ទាយមានជ័យបានអោយមន្ត្រីកាំកុងត្រូលចុះផ្សព្វផ្សាយដល់បងប្អូនប្រជាពលរដ្ឋនិងសិក្សានុសិស្សអប់រំណែនាំមិនអោយបរិភោគចំណីអាហារប៉ះពាល់សុខភាព។
លោក សៀន ស៊ីណាត ប្រធានសាខាកាំកុងត្រូលខេត្តបានមានប្រសាសន៍ទៅកាន់សិក្សានុសិស្សដោយថ្លែងអំណគុណដែលបានសិក្សានុសិស្សវិទ្យាល័យភ្នំស្រុកចំនួន៣០០នាក់បានចូលរួមស្តាប់ការណែនាំអប់រំរាល់ចំណីហូបចុកដែលមិនត្រូវបរិភោគនិងទំនិញដែលប៉ះពាល់សុខភាព និងទំនិញហួសការបរិច្ឆេត។
លោកគ្រូអ្នកគ្រូនិងសិក្សានុសិស្សបានថ្លែងអំណគុណចំពោះមន្ត្រីសាខាកាំកុងត្រូលដែលបានចុះផ្សព្វផ្សាយអប់រំណែនាំអោយសិក្សានុសិស្សមានការយល់ដឹងពីការបរិភោគចំណីមិនប៉ះពាល់សុខភាពនិងចំណីដែលប៉ះពាល់សុខភាពដើម្បីយកការយល់ដឹងទៅណែនាំអប់រំដល់ប្រជាពលរដ្ឋអោយបានយល់។ហើយក៍សំណុំពរដល់មន្ត្រីជំនាញត្រូវទប់ស្កាត់ទំនិញខូចគុណភាពនាំចូលពីថៃនិងវៀតណាមការពារសុខមាលភាព៕(ប៊ុន ធឿន)

ប្រទេសចំនួន៥នៅក្នុងតំបន់អាស៊ានប្រជុំពិភាក្សាស្ដីពីពន្ធលើថ្នាំជក់

ខេត្តសៀមរាប៖មន្រ្តីរាជរដ្ឋាភិបាលកម្ពុជាអះអាងថា និងតម្លើងពន្ធលើផលិតផលថ្នំាជក់ឬបារី ដើម្បីកាត់បន្ថយការប្រើប្រាស់ផលិតផលថ្នំាជក់ឬបារីដែលប៉ះពាល់ដល់សុខភាពប្រជាពលរដ្ឋ ខណៈដែលប្រជាពលរដ្ឋកម្ពុជាប្រមាណ១ម៉ឺននាក់បានស្លាប់ដោយសារថ្នំាជក់ជារាងរាល់ឆ្នំា។

ថ្លែងនៅក្នុងសិក្ខាសាលាថ្នាក់តំបន់ស្តីពីការពង្រឹងរដ្ឋបាលសារពើពន្ធលើផលិតផលថ្នាំជក់នៅក្នុងតំបន់អាស៊ាននៅខេត្តសៀមរាបនៅព្រឹកថ្ងៃទី១២ខែកកដ្កានេះលោក អ៊ុ សីហា អគ្គនាយករងនៃ អគ្គនាយកដ្ឋានពន្ធដារ បានមានប្រសាសន៍ថា ពង្រឹងរដ្ឋបាលសារពើពន្ធលើផលិតផលថ្នាំជក់នៅក្នុងតំបន់អាស៊ានប្រទេសចំនួន៥នៅក្នុងតំបន់មាន កម្ពុជា ឥណ្ឌូនេស៊ី សាធារណៈរដ្ឋប្រជាមាណិតឡាវ ភូមា និងវៀតណាម បានជួបប្រជុំគ្នានៅខេត្តសៀមរាបដើម្បីផ្លាស់ប្តូរចំណេះដឹង នឹងបទពិសោធន៍បច្ចេកទេសនៅក្នុងកម្រិតថ្នាក់តំបន់ និងថ្នាក់អន្តរជាតិក្នុងចំណោមអ្នកឯកទេសផ្នែកពន្ធ និងអ្នកអនុវត្តលើកផលិតផលថ្នំាជក់ ក៍ដូចជាស្វែងយល់ពីចំណុចខ្វះខាត និងវិធានការណ៍បន្តស្តីពីរដ្ឋបាលសារពើពន្ធសម្រាប់ប្រទេសទំាង៥។
លោកបន្តថា៖ កន្លងមកអគ្គនាយដ្ឋានពន្ធដារបានចូលរួមចំណែកជាមួយរាជរដ្ឋាភិបាលក្នុងការក្លាយទៅជារដ្ឋភាគីនៃអនុសញ្ញាត្រួតពិនិត្យថ្នំាជក់ និងបានធ្វើការសិក្សាលើវិស័យពន្ធលើផលិតផលថ្នំាជក់ ដើម្បីកាត់បន្ថយការប្រើប្រាស់ផលិតផលថ្នំាជក់ឬបារីដែលប៉ះពាល់ដល់សុខភាពប្រជាពលរដ្ឋ និងបានរៀបចំឲ្យមានក្រុមការងារសិក្សាពន្ធលើកផលិតផលថ្នំាជក់ដែលមានក្រសួងសេដ្ឋកិច្ច និងហិរញ្ញាវត្ថុ ក្រសួងសុខាភិបាល និងអង្គការសុខភាពពិភពលោក។ក្រោយពីការសិក្សាពន្ធលើថ្នំាជក់របស់ក្រុមការងាររួចមករាជរដ្ឋាភិបាលបានចេញអនុក្រឹត្សបង្កើនអត្រាអាករពិសេសលើផលិតផលថ្នំាជក់ពី១៥%ទៅ២០% ក្រៅពីការកែសម្រួលអត្រាពន្ធអគ្គនាយកដ្ឋានពន្ធដារក៍បានកែសម្រួលការប្រើប្រាស់តែមប្រិ៍អាករលើផលិតផលបារីតម្លៃពី៤.២រៀលទៅ៥០រៀលដែលបានចេញប្រកាសកាលពីថ្ងៃទី១៩ខែធ្នូឆ្នំា២០១៦ដែលសន្លឹកតែមប្រិ៍អាករប្រទេសថ្មីនេះវាមានលក្ខណៈបច្ចេកវិទ្យាទំនើបដូចជាQR Codeមានអក្សកាត់របស់ក្រុមហ៊ុននិងលេខSerial Number។
លោកបានបញ្ជាក់ថា៖ នៅពេលខាងមុខនេះក្រុមការងារសិក្សាលើពន្ធថ្នំាជក់ និងបន្តធ្វើការសិក្សាលើលទ្ធភាពតម្លើងពន្ធលើផលិតផលថ្នំាជក់ឬបារី ដែលមានកំណត់នៅក្នុងផែនការយុទ្ធសាស្រ្តគៀងគរចំណូលរយៈពេលមធ្យមរបស់រាជរដ្ឋាភិបាល។

សូមបញ្ជាក់ថា បើតាមរបាយរណ៍របស់អង្គការសុខភាពពិភពលោកWHOបានបង្ហាញថា នៅលើពិភពលោកមានមនុស្សស្លាប់ប្រមាណ៧.២លាននាក់ដោយសារការប្រើប្រាស់ថ្នំាជក់ជារាងរាល់ឆ្នំា។សម្រាប់ប្រទេសកម្ពុជាមានមនុស្ស១ម៉ឺននាក់បានស្លាប់ដោយសារការប្រើប្រាស់ថ្នំាជក់ជារាងរាល់ឆ្នំាក្នុងមានមនុស្ស៣០នាក់បានស្លាប់ដោយសារការប្រើប្រាស់ថ្នំាជក់ជារាងរាល់ថ្ងៃ៕

 

លោកប្រាក់សុខុនជួបលោកស្រីអ៊ុង សានស៊ូជីនៅភួមា

ភ្នំពេញ៖លោកប្រាក់សុខុនរដ្ឋមន្ដ្រីការបរទេសបានជួបលោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេសនៃសាធារណរដ្ឋសហភាពមីយ៉ាន់ម៉ា ដើម្បីពិភាក្សាអំពីកិច្ចសហប្រតិបត្តិការទ្វេភាគីរវាងកម្ពុជា-មីយ៉ាន់ម៉ានិងកិច្ចសហប្រតិបត្តិការក្នុងតំបន់ និងក្នុងក្របខ័ណ្ឌអន្តរជាតិ ។នេះបើតាមប្រភពក្រសួងការបរទេសបានអោយដឹងនៅថ្ងៃនេះ។

នារសៀលថ្ងៃទី១០ ខែកក្កដា ឆ្នាំ២០១៧ លោក ទេសរដ្ឋមន្រ្ដី ប្រាក់​ សុខុន អញ្ជើញដឹកនាំគណៈប្រតិភូធ្វើដំណើរទៅបំពេញទស្សនកិច្ចផ្លូវការ​នៅសាធារណរដ្ឋសហភាព មីយ៉ាន់ម៉ា ចាប់ពីថ្ងៃទី ១០ ដល់ថ្ងៃទី ១១ ខែ កក្កដា ឆ្នាំ ២០១៧ តបតាម​ការ​អញ្ជើញ​របស់​លោក​​ស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេសនៃ​សាធារណ​រដ្ឋសហភាព​មី​យ៉ាន់​ម៉ា។

ក្នុងអំឡុងពេលទស្សនកិច្ចនេះ លោកទេសរដ្ឋមន្រ្តី ប្រាក់ សុខុន នឹងអញ្ជើញចូល​ជួប​សម្តែងការគួរសមជាមួយ​លោក ធិន ច ប្រធានាធិបតីនៃសាធារណរដ្ឋសហភាពមីយ៉ាន់ម៉ា និងជួបជាមួយលោកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្រ្តីការបរទេស​នៃ​សាធារណ–​រដ្ឋសហភាពមីយ៉ាន់ម៉ា៕

 

មន្ដ្រីផ្សព្វផ្សាយពីសារសំខាន់បបសន្តិសុខសង្គម ដល់និយោជកនិងម្ចាស់សហគ្រាសឯនិយោជិកជាង៧សែនបានទទួលផល

ខេត្តកំពង់ធំ៖មន្ដ្រីបន្ដផ្សព្វផ្សាយអំពីគោលនយោបាយនៃការអនុវត្តរបបសន្តិសុខសង្គម ដល់និយោជក ម្ចាស់សហគ្រាស គ្រឹះស្ថាន នៃ.ប.ស.ស ដែររៀបចំដោយបេឡាជាតិរបបសន្តិសុខសង្គមសហការជាមួយសាលាខេត្តកំពង់ធំ។
ថ្លែងនៅក្នុងកិច្ចប្រជុំ នៅសាលាខេត្តកំពង់ធំ កាលពី រសៀលថ្ងៃទី១០ខែកក្តដា ឆ្នាំ២០១៧ម្សិលមិញនេះ លោក ម៉េង ហុង នាយករងបេឡាជាតិរបបសន្តិសុខសង្គមបានមានប្រសាសន៏ថា៖"កិច្ចប្រជុំនេះបានធ្វើឡើង ក្នុងគោលបំណងផ្សព្វផ្សាយគោលនយោបាយនៃការអនុវត្តរបបសន្តិសុខសង្គមនិងវឌ្ឍនៈភាពរបស់.បសស.បញ្ហាប្រឈម ជាពិសេសពង្រឹងសេវ៉ាផ្តល់តាវកាលិកហានិភ័យ ការងារជូនកម្មករនិយោជិក រួមមាន៖ការផ្តល់សេវារបស់មន្ត្រីសាលាខេត្ត ខណ្ឌ ការផ្តល់សេវារបស់មន្ទីរពេទ្យ ចុះកិច្ចព្រមព្រៀងនិងធនាគារអេស៊ីលីដា។

លោកបន្ដថា៖គ្រោះថ្នាក់ការងារគឺគ្រោះថ្នាក់ដែលកើតឡើងនៅពេលកម្មករកំពុងធ្វើការនៅរោងចក្រ សហគ្រាស គ្រឹះស្ថាន ក្រុមហ៊ុននិងគ្រោះថ្នាក់ពេលកម្មករទៅនិងត្រឡប់មកពីធ្វើការវិញ និងបច្ចុប្បន្ន.ប.ស.ស មានសាខានៅតាមបណ្តារាជធានី ខេត្ត ទាំង២៥និងមានសហគ្រាស គ្រឹះស្ថាន ចុះបញ្ជីកាសរុប ៩០៨៧ សហគ្រាស អនុវត្តចំពោះសហគ្រាសមានកម្មករនិយោជិកចាប់ពី៨នាក់ឡើង មានសមាជិកសរុប១.១៦០.៧៩៤នាក់ ជាពិសេសមានមន្ទីរពេទ្យ មណ្ឌលសុខភាព ចុះកិច្ចព្រមព្រៀងក្នុងការផ្តល់សេវាជូនសមាជិក បសស ចំនួន១២៧៨នាក់ព្រមទាំងធ្វើការផ្តល់តាវកាលិកបានជាង១៣ម៉ឺននាក់។

លោកបានបញ្ជក់ថា៖តាវកាលិកមានអត្ថប្រយោជន៏ដល់សហគ្រាស គ្រឹះស្ថាននិងសមាជិករួមមាន៖កម្មករនិយោជិកអាចទទួលបានពី ប ស ស រួមមាន!ការសង្គ្រោះបន្ទាន់ ការថែទាំនិងព្យាបាល ការទទួលបានប្រាក់បំណាច់ប្រចាំថ្ងៃ ការទទួលបានប្រាក់ធនលាភនិងប្រាក់វិភាជន៏ សោហ៊ុយបូជាសព តាវកាលិកឧត្តរជីវី សេវាប៊ុននីតិសម្បទានិងការសម្របសម្រួលវិជ្ជាជីវៈឡើងវិញ។

កិច្ចប្រជុំនេះបានធ្វើការផ្សព្វផ្សាយនូវអនុក្រឹតលេខ០១ អនក្រចុះថ្ងៃទី០៦ខែមករាឆ្នាំ២០១៦ ស្តីពីការបង្កើតរបបសន្តិសុខសង្គមផ្នែកថែទាំសុខភាពសម្រាប់ជនទាំងឡាយណាដែលស្ថិតនៅក្រោមបទបញ្ញាត្តិនៃច្បាប់ស្តីពីការងារ ដែលបានចាប់អនុវត្តតាំងពីខែឧសភាឆ្នាំ២០១៦ ផ្នែកថែទាំសុខភាព គឺសំដៅទៅលើការផ្តល់យន្តការជូនសមាជិកបសស នូវសេវាបង្កាសុខភាពការព្យាបាលនិងការថែទាំវេជ្ជសាស្ត្រនិងផ្តល់ប្រាក់បំណាច់ប្រចាំថ្ងៃសម្រាប់រយៈពេលនៃការផ្អាកការងារដោយការព្យាបាលជម្ងឺឬគ្រោះថ្នាក់ការងារផ្សេងៗក្រៅពីការងារនិងការសម្រាក់លំហែមាតុភាព។ រហូតដល់បច្ចុប្បន្នមានសហគ្រាសចុះបញ្ជីការចំនួន៧៣៨សហគ្រាស មានកម្មករនិយោជិកជាសមាជិកចំនួន៧៩៤.២២៥នាក់ ។

លោកបន្តថា៖កិច្ចប្រជុំនេះផ្តោតគោលបំណងពង្រឹងនៃការផ្តល់សេវានានានិងធ្វើការចូលរួមពិភាគ្សាពីគ្រប់ភាគីរួមមាន៖សហគ្រាស គ្រឹះស្ថាន សាខា ប.ស.ស មន្ទីរពេទ្យចុះកិច្ចព្រមព្រៀងធនាគារអេស៊ីលីដា។
លោក គង់វិមាន អភិបាលរងខេត្តកំពង់ធំ បានលើកឡើងថា៖ សូមឲ្យនិយោជិក នាយក ម្ចាស់ សហគ្រាសគ្រឺះស្ថាន ទាំងអស់ចូលរួមអនុវត្តន៏ច្បាប់ស្តីពីរបបសន្តិសុខសង្គម សម្រាប់ជនទាំងឡាយដែលស្ថិតនៅក្រោមបទបញ្ញាត្តិនៃច្បាប់ស្តីពីការងារ ឲ្យមានប្រសិទ្ធភាពខ្ពស់ និងត្រូវចុះបញ្ជីការបង់វិភាគទានឲ្យបានទាន់ពេលវេលា សម្រាប់ធានារ៉ាប់រងហានិភ័យការងារនិងរបបធានារ៉ាប់រងសុខភាព ដើម្បីកុំឲ្យបាត់បង់ដល់អត្ថប្រយោជន៏របស់កម្មករនិយោជិក!និងសូមឲ្យតាមអង្គភាព មន្ទីរនិងអាជ្ញាធរពាក់ព័ន្ធនៅក្នុងខេត្តចូលរួមសហការជាមួយអង្គភាពបេឡាជាតិ របបសន្តិសុខសង្គម ក្នុងការអនុវត្តច្បាប់ឲ្យមានប្រសិទ្ធភាពដើម្បីចួលរួមចំនែកអភិវឌ្ឍន៏សង្គមជាតិយើងឲ្យមានការរីកចំរើននិងភាពសុខដុមរមនា៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

ព័ត៌មានជាតិ​ពេល​យប់​


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2