vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សុខភាព

សង្គមស៊ីវិលអំពាវនាវឲ្យរាជរដ្ឋាភិបាលបង្កើនថវិកាជាតិ២០ភាគរយ សម្រាប់លើកកម្ពស់វិស័យអប់រំ

ភ្នំពេញ៖ ក្រុមអង្គការសង្គមស៊ីវិលធ្វើការលើវិស័យអប់រំ បានទទួចដល់រាជរដ្ឋាភិបាលកម្ពុជាបង្កើនខ្ទង់ចំណាយថវិកាជាតិយ៉ាងហោចណាស់ទាបបំផុតត្រឹម២០ភាគរយ ដើម្បីលើកកម្ពស់វិស័យអប់រំ ដែលធានាថា មានគុណភាព និងប្រសិទ្ធភាព។

ក្រុមអង្គការសង្គមស៊ីវិល ចង់ឲ្យរាជរដ្ឋាភិបាលកម្ពុជាទម្លាក់ថវិកាជាតិយ៉ាងតិចបំផុត២០ភាគរយ នៃថវិកាជាតិសរុប ដើម្បីធ្វើការបែងចែកនៅតាមសាលារៀនសាធារណៈ ដែលធានាបាននូវគុណភាពអប់រំ និងសមធម៌ សម្រាប់សិស្សទាំងអស់គ្នា។
ក្នុងសន្និសីទសារព័ត៌មានស្តីពីយុទ្ធនាការសប្តាហ៍សកម្មភាពជាសកលសម្រាប់ការអប់រំ ដែលរៀបចំដោយក្រុមអង្គការសង្គមស៊ីវិល នៅព្រឹកថ្ងៃទី២៥ ខែមេសានេះ លោក ជិន ច័ន្ទវាសនា នាយក ប្រតិបត្តិអង្គការភាពជាដៃគូអប់រំនៃអង្គការក្រៅរដ្ឋាភិបាល បានលើកឡើងថា៖” ការបង្កើនថវិកានេះ គឺ ដើម្បីឲ្យនៅតាមសាលារៀននីមួយៗមានលទ្ធភាពទិញសម្ភារៈផ្គត់ផ្គង់ការបង្រៀនគ្រប់គ្រាន់ សាលារៀនមានបរិស្ថាននិងអនាម័យល្អ ព្រមទាំងការចំណាយចាំបាច់ផ្សេងៗទៀត”។
លោកឲ្យដឹងថា ៖”ក្រុមអង្គការសង្គមស៊ីវិលធ្វើការលើវិស័យអប់រំ នឹងធ្វើយុទ្ធនាការ ដើម្បីអំពាវនាវឲ្យរាជរដ្ឋាភិបាលមានការបង្កើនថវិកាទៅលើវិស័យនេះ។ លោក ជិន ច័ន្ទវាសនា មានប្រសាសន៍ថា ការស្នើសុំតម្លើងថវិកាជាតិប្រចាំឆ្នាំ សម្រាប់វិស័យអប់រំនេះ ដោយហេតុថា ការទម្លាក់ថវិកាកន្លងនៅមិនទាន់ឆ្លើយតបទៅនឹងតម្រូវការ ដែលបានធ្វើឲ្យគុណភាពអប់រំ ពិសេសនៅថ្នាក់សិក្សាកម្រិតមូលដ្ឋានកម្រិតទាបនៅឡើយ និងទទួលការអប់រំមិនស្មើភាពគ្នា”។
ដូចគ្នានេះ លោក ជិន សំអឿន មន្រ្តីផ្នែកអប់រំនៃអង្គការអាក់សិនអេដកម្ពុជា(Action Aid Cambodia) បានលើកឡើងថា យោងតាមការស្រាវជ្រាវ បានឲ្យដឹងថា ខ្ទង់ថវិកាជាតិដែលផ្តល់ដល់ក្រសួងអប់រំ យុវជន និងកីឡា មានការកើនឡើងជារៀងរាល់ឆ្នាំ ប៉ុន្តែខ្ទង់ចំណាយ សម្រាប់កម្មវិធីអប់រំមានតែមួយភាគប្រាំប៉ុណ្ណោះ ខណៈថវិកាប្រមាណបួនភាគប្រាំទៀត ត្រូវបានចំណាយទៅលើប្រាក់ខែបុគ្គលិកអប់រំ។
ទូរទស្សន៍រស្មីហង្សមាស មិនអាចសុំការឆ្លើយតបពីលោក រស់ សាលីន អ្នកនាំពាក្យក្រសួងអប់រំ យុវជន និងកីឡា បានទេនៅថ្ងៃអង្គារនេះ។
តែទោះជាយ៉ាងណាក្តី បើតាមការបញ្ជាក់របស់លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្នុងពិធីបុកសរុបការងារប្រចាំឆ្នាំកាលពីកន្លងទៅនេះ បានឲ្យដឹងថា ក្រសួង តែងស្នើសុំតម្លើងថវិកាប្រចាំឆ្នាំពីរាជរដ្ឋាភិបាល និងរដ្ឋសភាជាបន្តបន្ទាប់ ដើម្បីធានាបាននូវការអប់រំប្រកបដោយគុណភាព ប្រសិទ្ធភាព ដែលអាចទទួលយកបានទាំងអស់គ្នា។
លោកបានបញ្ជាក់ថា៖” ក្រៅពីថវិកាជាតិ ក្រសួងបានទទួលជំនួយពីដៃគូអភិវឌ្ឍន៍ ទៅលើផ្នែកបច្ចេកទេស បង្កើនម៉ោងសិក្សា ពង្រីកអគារសិក្សា សម្ភារៈ និងបរិក្ខាសិក្សានៅតាមសាលារៀន ជាដើម។
គួររំឭកថា នៅឆ្នាំ២០១៧នេះ សភាជាតិ បានអនុម័តផ្តល់ថវិកាសម្រាប់វិស័យអប់រំ ក្នុងទឹកប្រាក់ជាង៥៧៥លានដុល្លារអាម៉េរិក ស្មើនឹងចំនួន១៨,៣ភាគរយ នៃគម្រោងចំណាយថវិកាជាតិសរុប៕

មន្ដ្រី៖មជ្ឈមណ្ឌលជាតិកំចាត់រោគរបេងនឹងហង់សិននឹងដាក់ពង្រាយម៉ាស៊ីនជីនអ៊ិចស្ពើតនៅទូទាំងប្រទេសនៅឆ្នាំ២០១៨

ភ្នំពេញ៖លោកវេជ្ជបណ្ឌិតម៉ៅតាន់អ៊ាងទីប្រឹក្សាអបក្រសួងសុខាភិបាលនិងជានាយកមជ្ឈមណ្ឌលជាតិកំចាត់រោគរបេងនឹងហង់សិនបានមានប្រសាសន៍ថា៖”យើងកំពុងអនុវត្តនូវកិច្ចការថ្មីពាក់ព័ន្ធនឹងការបយុទ្ធនឹងជំងឺរបេងនៅប្រទេសកម្ពុជាឆ្នាំ២០១៦ដល់២០២០ដែលផែនការនេះមានលក្ខណៈស្របទៅនឹងផែនការសកម្មភាពសកលលោកដែលមានឈ្មោះថា«គោលដៅអភិវឌ្ឍន៍ប្រកបដោយចិរភាព»ក្នុងនោះទឹសដៅសំរាប់ប្រយុទ្ធនឹងជំងឺរបេងធ្វើយ៉ាងណាអត្រាស្លាប់ឲ្យបាន៩០ភាគរយនិងអត្រាអាំងស៊ីដង់ឲ្យបាន៨០ភាគរយ។
លោកបានបន្ដថា៖”ដើម្បីកាត់បន្ថយនេះយើងបានរៀបចំផែនការយុទ្ធសាស្ត្រ៥ឆ្នាំមានផែនការជាប្រចាឆ្នាំនិងមានសកម្មភាពផែនការយុទ្ធសាស្ត្រមួយចំនួនធំដូចជារក្សានូវដំណើរនៃមណ្ឌលសុខភាពមន្ទីរពេទ្យបង្អែកប៉ុស្តិសុខភាពដែលមានសេវាជំងឺរបេងជាប្រចាំនឹងពង្រីកសេវាបន្ថែមទៀតមានសេវាសហគមន៍។មិនត្រឹមតែស្រាវជ្រាវរកជំងឺរបេងតាមរយៈបែបអកម្មដែលរងចាំអ្នកជំងឺមករកសេវានៅមណ្ឌលសុខភាពឬមន្ទីរពេទ្យបង្អែកទេគឺធ្វើការស្រាវជ្រាវតាមបែបសកម្មដោយចុះតាមសហគមន៍តាមវត្តអារាមនិងតាមទីកន្លែដែលមានការប្រមូលផ្តុំមនុស្សច្រើនដូចជាពន្ធនាគារដើម្បីជំរុញរកករណីជំងឺរបេងបន្ថែមទៀត។
ក្រៅពីនេះយើងនឹងស្រាវជ្រាវទៅលើក្រុមមនុស្សដែលមានហានិភ័យខ្ពស់នឹងជំងឺរបេងមានអ្នកជំងឺទឹកនោមផ្អែមជាដើមស្រាវជ្រាវលើជំងឺរបេងក្នុងចំណោមកុមារស្រាវជ្រាលលើមនុស្សដែលមានអាយុចាប់ពី៥០ឆ្នាំឡើងទៅ។
លោកបន្ថែមថា៖”យើងដាក់ម៉ាស៊ីនជីនអ៊ិចស្ពើតសំរាប់ស្រាវជ្រាវករណីជំងឺរបេងទំនើបបន្ថែមទៀតដែលបច្ចុប្បន្នមានចំនួន៦៤នៅតាមមន្ទីរពេទ្យបង្អែកហើយយើងនឹងបន្ថែមឲ្យបានជាង១០០គ្រឿងនិងឆ្នាំ២០១៨នឹងដាក់ឲ្យគ្រប់តាមមន្ទីរពេទ្យទាំងអស់តែម្តង។កសាងសមត្ថភាពបុគ្គលិកនិងដាក់ឲ្យប្រើប្រាស់ថ្នាំព្យាបាលជំងឺរបេងនូវរូបមន្តថ្មីប្រសើរជាងមុនចំពោះរបេងកុមារនិងរបេងស៊ាំថ្នាំដែលធម្មតាព្យាបាលរយៈពេលពី២០ទៅ២៤ខែតែថ្នាំថ្មីនេះប្រើតែ៩ទៅ១២ខែទេនៅចុងឆ្នាំនេះឬនៅដើមឆ្នាំ២០១៨ខាងមុខ”។
លោកសង្ឃឹមថាផែនការសកម្មភាពខាងនេះនឹងអាចសំរេចបានតាមទឹសដៅក្នុងការលប់បំបាត់ជំងឺរបេងនៅឆ្នាំ២០៣០ខាងមុខ។ដើម្បីសំរេចតាមទិសដៅនេះកម្មវិធីជាតិទាមទារនូវធនធានឲ្យបានគ្រប់គ្រាន់។អីចឹងហើយបានជាកម្មវិធីបានខិតខំរកមធ្យោបាយដើម្បីកៀងគរធានធានដើម្បីធ្វើយ៉ាងណឲ្យខ្លួនមានធនធានគ្រប់គ្រាន់អនុវត្តការងាររបស់ខ្លួន។ជាការរំពឹងទុកកម្មវិធីជាតិមានមោទនភាពនិងសុទិដ្ឋិនិយមថាខ្លួននឹងអាចមានលទ្ធភាពអនុវត្តការងារនេះទទួលបានជោគជ័យតាមការគ្រោងទុកពីនេះទៅដល់ឆ្នាំ២០២០និងលុបបំបាត់នៅឆ្នាំ២០៣០។
តែយ៉ាងណាក៏ដោយកម្មវិធីនឹងបន្តអប់រំនិងផ្សព្វផ្សាយដល់ប្រជាពលរដ្ឋបានយល់ដឹងពីជំងឺរបេងតើពេលគាត់មានការសង្ស័យមានកើតជំងឺរបស់ត្រូវទៅរកនៅកន្លែងណា។
លោកបានរំលឹកថា៖ជំងឺរបេងមានរោគសញ្ញាសំខាន់៤ទី១ក្តៅខ្លួន ក្អករ៉ាំរ៉ៃមានស្លេះក្តីអត់ស្លេះក្តី ការស្រកទំងន់និងអាការៈបែកញើសលើសពីពីរសប្តាហ៍ឡើងទៅជារោគសញ្ញាសង្ស័យជំងឺរបេងហើយ។រោគសញ្ញាផ្សេងទៀតមានដូចជាការមាឡើងកូនកន្តោរនៅត្រង់ក។
លោកបានអំពាវនាវដល់ពលរដ្ឋពេលមានអាការៈខាងលើនេះសូមរួសរាន់ទៅកាន់មណ្ឌលសុខភាពនិងមន្ទីរពេទ្យដែលនៅជិតផ្ទះបំផុតព្រោះថាសេវាជំងឺរបេងបច្ចុប្បន្ននេះមាននៅគ្រប់មន្ទីរពេទ្យបង្អែក មណ្ឌលសុខភាពនិងប៉ុស្តិសុខភាពទាំងអស់។ការពិនិត្យកំហាក ការពិនិត្យធ្វើរោគវិនិច្ឆ័យនិងការព្យាបាលជំងឺរបេងដោយឱសថរបេងគឺមិនគិតថ្លៃទេជាគោលនយោបាយរបស់ក្រសួងសុខាភិបាលនិងរាជរដ្ឋាភិបាលមិនយកថ្លៃចំពោះអ្នកជំងឺរបេងទេ។
កម្មវិធីជាតិទទួលបានសមិទ្ធិផលធំធេងណាស់គឺពីឆ្នាំ១៩៩០មកដល់ចុងឆ្នាំ២០១៥កម្មវិធីជាតិបានសំរេចគោលដៅអភិវឌ្ឍន៦សហសវត្សរ៍ហើយក្នុងចំណោមប្រទេស៩៕

បញ្ហាសំរាមនៅក្នុងក្រុងបានលុងមិនទាន់ដោះស្រាយ

ខេត្តរតនគិរី៖ ប្រជាពលរដ្ឋក្នុងក្រុងបានលុងបានធ្វើការរិះគន់ទៅលើរអាជ្ញាធរក្រុង ដែលបណ្ដោយអោយក្រុមហ៊ុនម៉ៅការសំរាម(គឹម ជ្រា) របស់លោកជា គួង ទុកសំរាមរ៉ាយប៉ាយតាមផ្លូវសាធារណៈ ជាពិសេសនៅក្នុងបេនឡាន ពីមុខផ្សារបានលុងតែម្ដង ធ្វើអោយភ្ញៀវជាតិ និង អន្តរជាតិ ដែលមកទស្សនានិងមកលំហែលកាយ ក្នុងខេត្តរតនគិរី នាឱកាសបុណ្យចូលឆ្នាំប្រពីណីជាតិកន្លងទៅនេះ មានការសើចចំអកទៅលើបញ្ហារនេះថា ឯណាទៅទីក្រុងស្អាត និង សេវាកម្មល្អនោះ ។
ប្រជាពលរដ្ឋជាអាជីវករលក់ដូរក្នុងផ្សារបានលុងម្នាក់ បានអោយដឹងថា គំនរសំរាមនៅក្នុងបេនឡាន ពីមុខផ្សារបានលុងនេះ ត្រូវបានគេយកមកចាក់គរចាប់តាំងពីថ្ងៃទី១២ ខែមេសាឆ្នាំ២០១៧ រហូតមកដល់ ថ្ងៃទី ២០ ខែ មេសា ឆ្នាំ២០១នេះ មិនឃើញមានខាងក្រុមហ៊ុន ឬ អាជ្ញារធក្រុង មកប្រមូលយកទៅចោលទេ ដែលបង្ករអោយសំរាមជះក្លិនស្អុយរលួយ និងធ្វើអោយប៉ះពាល់ដល់បរិស្ថាន ហើយក៍ជាប្រភពនៃមេរោគដែលអាចចម្លងជំងឺទៅមនុស្សមិនថាឡើយក្មេងមិនថាឡើយមនុស្សចាស់នោះទេ ។
លោក ជាម សុផាត ប្រធានគណកម្មាធិការផ្សារបានលុង អោយដឹងដែរថា៖ ពាក់ព័ន្ធនិងបញ្ហាសំរាមនេះលោកបានដាក់ពាក្យបណ្ដឹងទៅអាជ្ញាធរក្រុង ដើម្បីអោយមានវិធានការឆាប់ ពីព្រោះគំនរសំរាមនេះវាសម្បូរទៅដោយថង់ប្លាស្ទិច និង ធុងស្នោរ ដែលងាយបង្ករគ្រោះអគ្គីភ័យកើតឡើង ។
ហើយបើមានគ្រោះអគ្គីភ័យកើតឡើងសូមកុំចោតមកលើអ្នកគ្រប់គ្រងផ្សារ ដោយសារសំរាមនេះជាបន្ទុករបស់ក្រុមហ៊ុនសំរាម(គឹម ជ្រា) របស់លោកជា គួង ដែលខាងគណកម្មាធិការផ្សារបានបង់ថវិការជារៀងរាល់ខែក្នុង ១ខែ៣លានរៀល ។
ហើយក្រុមហ៊ុនសំរាមជា កួង នេះទៀតបានប្រើកូនចៅអោយមកប្រមូលលុយពីបងប្អូនអាជីវករលក់ដូរក្នុងផ្សារបានលុង ក្នុង១តូបចាប់៥០០រៀល ទៅ ១០០០រៀល ដោយគ្មានសៀវភៅបន្ទុកនោះទេ ។
ពាក់ព័ន្ធនិងបញ្ហាសំរាមនេះលោកងិន ណែរ អភិបាលក្រុងបានលុង បានស្រាយបំភ្លឺថា ៖លោកបានទទួលពាក្យបណ្ដឹងរួចហើយពីខាងគណកម្មាធិការផ្សារ ហើយលោកក៏បានចេញលិខិតមួយទៅអោយខាងក្រុមហ៊ុនសំរាមលោកជា គួង អោយចុះទៅប្រមូលសំរាមអោយបានឆាប់ ។
តែត្រូវបានខាងក្រុមហ៊ុនជា គួង ឆ្លើយមកលោកវិញថាអោយរងចាំរយៈពេលពីរថ្ងៃទៀត ពីព្រោះកម្មករទៅលេងស្រុកនៅពេលចូលឆ្នាំមិនទាន់ត្រលប់មកវិញណៅឡើយទេ ។
លោកងិន ណែរ អភិបាលក្រុងបានលុង បានស្រាយបំភ្លឺទៀតថា៖ អាជ្ញារធក្រុងក៏មានការព្រួយបារម្ភដែរចំពោះបញ្ហាសំរាមនេះ តែមិនដឹងធ្វើយ៉ាងមិចបើអាជ្ញារធក្រុងមិនមានកម្មករ និង ឡានសំរាប់ដឹកសំរាមទាំងអស់នេះ ។ ហើយបើយោងតាមអនុក្រឹតលេខ១១៣ ប្រការ២៦ អាជ្ញាធរអាចចុះទៅប្រមូលសំរាមនេះ តែរាល់ការចំណាយជាបន្ទុករបស់ក្រុមហ៊ុនដែលជាអ្នកម៉ៅការប្រមូលសំរាមផ្ទាល់តែម្ដង ។
ចំណែកលោក ជា គួង នាយកក្រុមហ៊ុន(គឹម ជ្រា) ដែលទទួលម៉ៅការប្រមូលសំរាមក្នុងក្រុងបានលុងបានអោយដឹងថា បញ្ហាសំរាមនេះគឺជាបន្ទុករបស់លោកផ្ទាល់ តែមកដល់ថ្ងៃនេះកម្មករមិនទាន់បានមកគ្រប់ចំនួនដោយសារពួកគាត់ត្រូវឈប់សម្រាកក្នុងឱកាសបុណ្យចូលឆ្នាំ ។
ហើយពាក់ព័ទ្ធបញ្ហាសំរាមនេះដែរលោកចោទប្រកាន់ទៅលើអ្នកគ្រប់គ្រងផ្សារដែលបង់ថវិការអោយលោកមិនគ្រប់ចំនួនតាមសៀវ ភៅបន្ទុករបស់រដ្ឋដែលតម្រូវអោយបង់៣លានប្រាំសែនរៀល តែខាងអ្នកគ្រប់គ្រងផ្សារបង់តែ៣លានក្នុងខែតែប៉ុណ្ណោះ ។
លោក ជា គួង នាយកក្រុមហ៊ុន(គឹម ជ្រា) បានប្រាប់ឲ្យដឹងទៀតថា៖ អាជ្ញាធរក្រុងហាក់មិនមានការសហការជាមួយក្រុមហ៊ុនលោកនោះទេ ដោយសារតែលោកបានដាក់ពាក្យបណ្ដឹងជាច្រើនលើកច្រើនសារលើបញ្ហាដែលខាងផ្សារបានជំពាក់ថវិកាលោកជាង១ម៉ីនដុល្លា ដែលរហូតមកដល់សព្វថ្ងៃនេះមិនទាន់បានទូទាត់នៅឡើយ ។
ជុំវិញបញ្ហាសំរាមនេះអ្នកយកព័ត៌មានយើងបានទូរស័ព្ទទៅលោក ផុន ខេមរិន្ទ ប្រធាមន្ទីរបរិស្ថានខេត្តរតនគីរី ដើម្បីសូមការពន្យល់ពីលោកលើបញ្ហាគំនរសំរាមដែលជះក្លិនស្អុយរលួយ និងធ្វើអោយប៉ះពាល់ដល់បរិស្ថាន តែទូរស័ព្ទខលចូលមិនច្រើនដងមិនមានអ្នកលើក ។
សូមបញ្ជក់ថា បញ្ហាសំរាមនៅក្នុងក្រុងបានលុង ខេត្តរតនគីរី កំពុងក្លាយទៅជាវិធានយ៉ាងក្ដៅគគុក ដែលខាងផ្សារបានចោទទៅលើក្រុមហ៊ុនម៉ៅការប្រមូលសំរាម តែត្រូវខាងក្រុមហ៊ុនម៉ៅការប្រមូលសំរាមបានចោទប្រកាន់ទៅលើអាជ្ញាធរមិនចូលរួមសហការជាមួយ និង ចោទខាងអ្នកគ្រប់គ្រងផ្សារមិនបង់ថវិការអោយគ្រប់ចំនួនតាមសៀវភៅបន្ទុក ព្រមទាំងជំពាក់ថវិការប្រមាណជាង១ម៉ីនដុល្លាទៀត ៕

 

មន្ដ្រី៖បុព្វហេតុនាំអោយត្រីពុលនៅស្ទឹងសែនខេត្តព្រះវិហារដោយសារជាតិពុលពីអាងស្តុកកាកសំណល់រោងចក្រស្កសរ

ព្រះវិហារៈ យោងតាមលទ្ធផលពិសោធន៍ទឹក របស់ក្រសួងបរិស្ថាន ចំពោះទឹកស្ទឹងសែន ស្រុកជ័យសែន និងស្រុករវៀងខេត្តព្រះវិហារ ដែលមានជាតិពុលបណ្តាលឲ្យសត្វត្រីតូចធំងាប់ រាប់ម៉ឺនក្បាល កាលពីខែមុន បានដឹងមូលហេតុច្បាស់លាស់ហើយ គឺមកពីកាកសំណល់រោងចក្រស្កសរ។
ថ្លែងប្រាប់ទូរទស្សន៍រស្មីហង្សមាស នៅថ្ងៃទី១២ ខែមេសា ឆ្នាំ២០១៧នេះលោក អៀ សុខា ប្រធានមន្ទីរបរិស្ថានខេត្តព្រះវិហារ បានឲ្យដឹងថា៖ អស់រយៈពេលជិត១ខែមកនេះ ទឹកស្ទឹងសែន ឋិតនៅស្រុកជ័យសែន និងស្រុករវៀង ខេត្តព្រះវិហារ មានផ្ទុកសារធាតុពុល ក្នុងទឹកបានធ្វើឲ្យ ត្រីគ្រប់ប្រភេទតូចធំ ងាប់រាប់ម៉ឺនក្បាល រហូតមកដល់ពេលនេះ ជាតិពុលក្នុងទឹកបានហូរធ្លាក់ ដល់ស្រុករវៀងហើយ ប៉ុន្តែជាតិពុលនោះ បានចុះខ្សោយវិញហើយ ។
លោកបញ្ជាក់ថា៖” បន្ទាប់ពីមាន សារធាតុពុលក្នុងទឹក មន្រ្តីជំនាញក៏បានយកទឹកស្ទឹងនោះទៅពិសោធន៍ ថាជាតិ ពុលនោះចេញមកពីប្រភពណាច្បាស់លាស់ រហូតមកដល់ពេលនេះ ទទួលបានលទ្ធផលពិសោធន៍ ហើយបន្ទាប់ពីធ្វើការពិសោធន៍អស់រយៈពេលជាងកន្លះខែ ឃើញថា ជាតិពុលនេះ មានប្រភពហូរ ធ្លាក់មកពីអាងស្តុកកាកសំណល់របស់ក្រុមហ៊ុនចម្ការអំពៅ ផលិតស្កសរ ។ លោក បានបញ្ជាក់ដែរថា៖” ការហូរចូលក្នុងទឹកស្ទឹង នូវសារធាតុពុលនេះ ដោយសារតែមិនពេលមានជាតិពុលក្នុង ទឹកស្ទឹងនោះ ភ្លៀងបានធ្លាក់ខ្លាំង២ថ្ងៃជាប់ៗគ្នា បានធ្វើឲ្យទំនប់ អាងស្តុកកាកសំណល់រោង ច្រកស្កសរ ហូរហៀរចូលក្នុងស្ទឹងតែម្តង បណ្តាលឲ្យមានជាតិពុលសម្លាប់ត្រីបែបនេះ” ។
លោក អៀ សុខា បានបញ្ជាក់ទៀតថា ៖ក្រោយពីទទួលបានលទ្ធផលពិសោធន៍ទឹកនេះ ហើយ មន្រ្តីជំនាញនឹងធ្វើការណែនាំដល់ក្រុមហ៊ុន រោងចក្រស្កសរ ត្រូវធ្វើយ៉ាងណា ពង្រីកបន្ថែម នូវអាងស្តុកកាកសំណល់ដែលចេញពីរោងចក្រនេះ ឲ្យកាន់តែធំ និងមានច្រើនកន្លែង ចៀស វាង ការហូរហៀរធ្លាក់ចូលទៅក្នុងទឹកស្ទឹងទៀត បណ្តាលឲ្យប៉ះពាល់ធ្ងន់ធ្ងរ ដល់បរិស្ថាន និងសុខភាពមនុស្ស ។
ជុំវិញបញ្ហានេះ លោក ហ្គួយ យៀង តំណាងក្រុមហ៊ុន រ៉ូយ ហ្វេង អភិវឌ្ឍន៍ដំណាំអំពៅ បានទទួលស្គាល់ថា រោងចក្រពិតជាមានកន្លែងស្តុកកាកសំណល់ដែលចេញពីរោងចក្រប្រាកដ ម៉ែន ប៉ុន្តែរោងចក្រពុំមានចេតនាណាមួយ បង្ហូរកាកសំណល់នេះ ធ្វើឲ្យប៉ះពាល់ដល់បរិស្ថាន មនុស្ស សត្វនោះទេ ដូច្នេះបន្ទាប់ពីមានករណីជាតិពុលក្នុងទឹកស្ទឹង ដែលហូរចេញពីអាងស្តុកទឹក កង្វក់របស់រោងចក្រនេះ ក្រុមហ៊ុននឹងពិភាគ្សាបង្កើតទីតាំងស្តុកសារធាតុ
កង្វក់ដែលចេញពី រោងចក្រនោះបន្ថែមទៀត ។
លោក វង្ស សុខខេងលី ជាប្រជាពលរដ្ឋរស់នៅភូមិឈ្នួន ឃុំរួសរាន់ ស្រុករវៀង ខេត្តព្រះវិហារ បានលើកឡើងផងដែរថា ចាប់តាំងពីមានសារធាតុពុលហូរចូលក្នុងស្ទឹង ក្បែរភូមិគាត់ រស់នៅនោះ អ្នកភូមិទាំងអស់បានផ្អាកឈប់ប្រើប្រាស់ទឹកស្ទឹងនោះ រហូតមកដល់ពេលនេះ ពួគគាត់ប្រើតែទឹកអណ្តូងស្នប់ អណ្តូងជីកតែប៉ុណ្ណោះ ព្រោះកន្លងទៅ អ្នករស់នៅភូមិជា មួយលោក បានចុះទៅដងទឹកប្រើប្រាស់ នឹងរើសយកត្រី ដែល ងាប់ក្នុងទឹកស្ទឹងនោះមក បរិភោគ បានធ្វើឲ្យពួកគេមានការពុល ក្អួតចង្អោ អស់កម្លាំង អ្នកខ្លះ ដាក់សេរ៉ូម នឹងខ្លះទៀត នាំទៅសង្រ្គោះនៅមណ្ឌលសុខភាព ។
លោក ក៏បានស្នើឲ្យអាជ្ញាធរ នឹងមន្រ្តីជំនាញពាក់ព័ន្ធ ទាំងអស់ ត្រូវជម្រុញឲ្យរោងចក្រផលិតស្កសរនោះ រៀបចំអាងស្តុកកាកសំណល់ ជាតិពុលនោះ បន្ថែមទៀត ឲ្យបានឆាប់រហ័សបំផុត ។
សូមបញ្ជាក់ថា គិតត្រឹមថ្ងៃទី១៣ ខែមេសា ឆ្នាំ២០១៧នេះ ជាតិពុលដែលមាននៅក្នុង ទឹកស្ទឹងសែន ស្រុកជ័យសែន បានហូរធ្លាក់មកដល់ស្រុករវៀងហើយ ប៉ុន្តែជាតិពុលនោះបានថយ ចុះច្រើន រីឯត្រី ក៏នៅតែមានងាប់ជាបន្ត តិចតួច ៕

 

មន្ដ្រីកាំកុងត្រូល៖សុវត្តិភាព ចំណីអាហារគឺជាកត្តាចំបង ក្នុងការរក្សាសុខភាពប្រជាពលរដ្ឋ

ខេត្តព្រះសីហនុៈមន្ត្រីជំនាញលើផ្នែកចំណីអាហារ លោក គឹម វិដាល អនុប្រធានសាខាកាំកុងត្រូលខេត្តព្រះសីហនុ នាព្រឹកថ្ងៃទី១២មេសាឆ្នាំ២០១៧ បានស្នើរអោយអាជីវករទាំងអស់ ត្រូវគិតគួរ និងយកចិត្តទុក ក្នុងការលក់ទំនិញជួនប្រជាពលរដ្ឋ ធ្វើយ៉ាងណាជៀសអោយផុតពីទំនិញដែលអាចធ្វើអោយប៉ះពាល់សុខភាពប្រជាពលរដ្ឋ។
លោក គឹម វិដាល អនុប្រធានសាខាកាំកុងត្រូលខេត្តព្រះសីហនុ បានថ្លែង៖”បែបនេះនៅក្នុងឪកាសចុះពិនិត្យទំនិញនៅក្នុងផ្សារលើក្រុង្រះសីហនុ ដោយលោកបានគូសបញ្ជាក់ថា ការចុះពិនិត្យនាពេលនេះគឺមានគោលបំណង រក្សានូវសុវត្តិភាពជូនប្រជាពលរដ្ឋ លើផ្នែកចំណីអាហារ គ្រឿង ឧបភោគ បរិភោគផ្សេងៗរួមមានៈ ដូចជាម្ហូបអាហារគ្រឿងសមុទ្របន្លែចិត មីដុំ នំបញ្ចុក សាច់គុយទាវ ជាដើម ជាពិសេសស្ករត្នោតជាដើម។
ជាលទ្ឋផលក្នុងការចុះពិនិត្យនាព្រឹកថ្ងៃទី១២មេសាឆ្នាំ២០១៧ នេះសមត្ថកិច្ចជំនាញរបស់លោក ពុំបានរកឃើញនូវសារធាតុហាមឃាត់ណាមួយនោះទេ ទាំង ម្ហូបអាហារគ្រឿងសមុទ្របន្លែចិត មីដុំ នំបញ្ចុក សាច់គុយទាវ ជាដើម ជាពិសេសស្ករត្នោត ប៉ុន្តែបើទោះបីជាយ៉ាងណាក៏ដោយសមត្ថកិច្ចជំនាញ របស់លោក នឹងនៅតែចុះធ្វើការតាមដាន ពិនិត្យជារៀងរាល់សប្តាហ៍ នៅគ្រប់ទីផ្សារ នា នា ក្នុងខេត្តព្រះសីហនុ។
ឆ្លៀតក្នុងឪកាសនោះដែរ លោក គឹម វិដាល ក៏បានអំពាវនាវ ដល់បងប្អូន អាជីវករទាំងអស់សូមមេត្តា បញ្ឈប់ការលក់ ចំណី អាហារ ដែលអាចធ្វើអោយប៉ះពាល់ដល់សុខភាពបងប្អូនប្រជាពលរដ្ឋ និង ភ្ញៀវទេសចរណ៏ រក្សាអោយបាននូវភាពថ្លៃថ្នូរលើសពីនេះលោក ពៅ សុភានិត្យ ក៏បានសំណូមពរដល់បងប្អូនប្រជាពលរដ្ឋទាំងអស់ សូមមេត្តារាយការណ៏មកកាន់ ប្រព័ន្ឋទូរស័ព្ទពិសេសរបស់មន្ត្រីសាខាកាំកុងត្រូលខេត្តព្រះសីហនុ ៕

ក្រសួងសុខាភិបាលត្រៀមឈាមជួយសង្គ្រោះបន្ទាន់ដល់ជនរងគ្រោះក្នុងឪកាសពិធីបុណ្យចូលឆ្នាំថ្មី

ភ្នំពេញ៖ក្រសួងសុខាភិបាលត្រៀមឈាមជួយសង្គ្រោះដល់ជនរងគ្រោះនេះក្នុងឱកាសពិធីបុណ្យចូលឆ្នាំថ្មីដោយសារតែនៅក្នុងឱកាសនេះ ចរាចរណ៍មមាញឹកហើយប្រឈមនឹងអត្រាគ្រោះថ្នាក់ចរាចរណ៍ខ្ពស់។
ថ្លែងប្រាប់ទូរទស្សន៍រស្មីហង្សមាសនៅព្រឹកថ្ងៃទី១១មេសានេះលោកវេជ្ជបណ្ឌិតហ៊ុកគឹមចេងនាយកមជ្ឈមណ្ឌលជាតិផ្តល់ឈាមបានមានប្រសាសន៍ថាឈាមប្រមាណ២០០ទៅ៣០០ប្លោកគឺសម្រាប់ត្រៀមអន្តរាគមន៍ជួយផ្គត់ផ្គង់ទៅតាមមន្ទីពេទ្យនានាដើម្បីឲ្យមន្ទីរពេទ្យទាំងនោះមានលទ្ធភាពបានជួយសង្គ្រោះដល់ជនរងគ្រោះទាន់ពេលវេលា។
លោកវេជ្ជបណ្ឌិតបានបន្តថា៖”ឈាមទាំងនេះគឺបានមកពីការផ្តល់ដោយស្ម័គ្រចិត្តពីសប្បុជននិងអ្នកស្ម័គ្រចិត្ត ខណៈពេលបុណ្យចូលឆ្នាំដែលពិធីបុណ្យនេះមានការឈប់សំរាកក្នុងរយៈពេលវែង”។
លោកវេជ្ជបណ្ឌិត បានបញ្ជាក់ទៀតថា៖”ការប្រើប្រាស់ឈាមនៅក្នុងឱកាសបុណ្យចូលឆ្នាំគឺផ្តោតទៅលើការជួយសង្រ្គោះបន្ទាន់ៗប៉ុណ្ណោះទេដូចជាគ្រោះថ្នាក់ចរាចរណ៍ធ្ងន់ធន្ងរនិងករណីមានការហូរឈាមជាដើម។ចំណែកការវះកាត់អ្នកជំងឺត្រូវបានពន្យាពេលសិន ខណៈគ្រូពេទ្យត្រូវសម្រាក់ក្នុងកំឡុងបុណ្យចូលឆ្នាំខាងនេះដែរ”។
លោកស្រី ឱ វណ្ណឌីនអ្នកនាំពាក្យក្រសួងសុខាភិបាលបានមានប្រសាសន៍ថា៖”ក្នុងឱកាសបុណ្យចូលឆ្នាំថ្មីខាងមុខនេះក្រសួងសុខាភិបាលក៏បានធ្វើការណែនាំដល់មន្ទីរសុខាភិបាលរាជធានីខេត្តទាំង២៥រួចហើយ ដើម្បីត្រៀមរថយន្តសង្គ្រោះបន្ទាន់ក៏ដូចជាសេវាផ្សេងរង់ចាំជួយប្រចាំការ២៤ម៉ោងលើ២៤ម៉ោងនៅពេលមានការហៅពីប្រជាពលរដ្ឋ”។

លោកស្រី លឹម សុខជា នាយិកាអង្គការសម្ព័ន្ធសុវត្តិភាពចរាចរណ៍ផ្លូវគោកបានមានប្រសាសន៍គាំទ្រចំពោះការងាររបស់ក្រសួងសុខាភិបាលដែលបានត្រៀមលក្ខណៈជួយសង្គ្រោះដល់ជនរងគ្រោះដោយសារគ្រោះថ្នាក់ចរាចរណ៍នៅក្នុងឪកាសបុណ្យចូលឆ្នាំម្តងៗ ថ្មីខាងមុខនេះអត្រាគ្រោះថ្នាក់ខ្ពស់ជាងពិធីបុណ្យធំៗផ្សេងៗទៀតនៅប្រទេសកម្ពុជា។
ជាមួយគ្នានេះ លោកស្រី បានអំពាវនាវឲ្យបងប្អូនបង្កើនការប្រុងប្រយ័ត្នពេលបើកបរ និងត្រូវគោរពច្បាប់ចរាចរណ៍ពិសេសមិនត្រូវបើកបរពេលពិសារគ្រឿងស្រវឹង៕

កាំកុងត្រូលបង្កើនការចុះត្រួតពិនិត្យសុវត្ថិភាពចំណីអាហារនៅតាមទីផ្សារក្នុងរាជធានីភ្នំពេញ មុនឱកាសបុណ្យចូលឆ្នាំខ្មែរមកដល់

ភ្នំពេញ៖ សាខាកាំកុងត្រូលផែស្ងួតចុងទីភ្នំពេញ បានបង្កើនការចុះត្រួតពិនិត្យសុវត្ថិភាពម្ហូប អាហារនៅតាមទីផ្សារក្នុងរាជធានីភ្នំពេញដើម្បីទប់ស្កាត់ការហូរចូលចំណីអាហារដែលមានផ្ទុក សារធាតុគីមីហាមឃាត់ដែលធ្វើឲ្យប៉ះពាល់ដល់សុខភាពប្រជាពលរដ្ឋ មុនឱកាសពិធីបុណ្យ ចូលឆ្នាំខ្មែរចូលមកដល់នៅក្នុងរយៈពេលប៉ុន្មានថ្ងៃខាងមុខនេះ។

ប្រាប់ក្រុមអ្នកសារព័ត៌មានក្រោយបញ្ចប់ការត្រួតពិនិត្យសុវត្ថិភាពម្ហូបអាហារនៅផ្សារចាស់នៅព្រឹកថ្ងៃទី១០ មេសានេះលោក គង់ វុទ្ធី អនុប្រធានសាខាកាំកុងត្រូលផែស្ងួតចុងទីភ្នំពេញ បានមានប្រសាសន៍ថា ការត្រួតពិនិត្យគុណភាពចំណីរអាហារនៅផ្សារចាស់នេះ ដោយឡានវិភាគភ្លាមៗ ឃើញថា មានសុវត្ថិភាពល្អ។
លោកបញ្ជាក់ថា ការចុះត្រួតពិនិត្យនេះ គឺជាយន្តការមួយក្នុងការទប់ស្កាត់ការហូរចូលចំណីអាហារបន្ថែសាច់គ្រឿងកំបុ័ង ដែលមានផ្ទុកសារធាតុគីមីហាមឃាត់មកលើទីផ្សារធ្វើឲ្យប៉ះពាល់ដល់សុខភាពបងប្អូនប្រជាពលរដ្ឋដែលជាអ្នកប្រើប្រាស់។
លោក យន់ ច័ន្ទណារ៉ា ប្រធានគណៈកម្មការគ្រប់គ្រងផ្សារចាស់ បានមានប្រសាសន៍ថា ការចុះមកត្រួតពិនិត្យគុណភាពចំណីអាហារ នៅក្នុងផ្សារចាស់នេះ គឺជារឿងដ៏ល្អប្រសើរសម្រាប់ពង្រឹងគុណភាពចំណីអាហារដែលបាននិងកំពុងដាក់លក់នៅ ក្នុងផ្សារចាស់។
យ៉ាងណាក៏ដោយ លោកបានបញ្ជាក់ថា គណៈកម្មការផ្សារចាស់តែងតែធ្វើការចុះអប់រំផ្សព្វផ្សាយដល់អាជីវករឲ្យពង្រឹងគុណភាពចំណីអាហារដាក់លក់នៅក្នុងផ្សារ ដើម្បីផ្តល់ ទំនុកចិត្តដល់អ្នកទិញយកទៅប្រើប្រាស់។
អ្នកស្រី ទេព សារ៉ាន់ អាជីវករលក់សាច់នៅក្នុងផ្សារចាស់ បានបង្ហាញការសាទរចំពោះការចុះមកត្រួតពិនិត្យគុណភាពចំណីអាហារដល់ទីកន្លែង។
តែទោះជាយ៉ាងណាក៏ដោយអ្នកស្រី បានសំណូមពរឲ្យកាំកុងត្រូលត្រួតពិនិត្យ ទំនិញតាំងពីឆ្លងកាត់ច្រកព្រំដែន ជាជាងមកពិនិត្យនៅតែលើទីផ្សារ៕

មនុស្សចំនួន៣៤នាន់នៅខេត្តបាត់ដំបងបានពុលអាហារក្នុងពិធីបុណ្យភូមិ

ខេត្តបាត់ដំបងៈហេតុការណ៍ពុលចំណីអាហារមួយបានកើតឡើងនៅចំណុចភូមិព្រៃកូនសេក សង្កាត់អូរចារ ក្រុង/ ខេត្តបាត់ដំបងបានធ្វើឲ្យមនុស្សក្អួតចង្អោរវិលមុខគ្រប់គ្នាដែលសង្ស័យថាពុលចំណីអាហារក្នុងពិធីបុណ្យ១ក្នុងភូមិ។
ហេតុការណ៏នេះបានកើតឡើងនៅវេលាម៉ោងប្រមាណ ១៨:០០ នាទី ថ្ងៃទី០៩ ខែមេសា ឆ្នាំ២០១៧ នៅចំណុចភូមិ/ឃុំកើតហេតុខាងលើក្នុងនោះបាន បណ្តាលឲ្យពុលមនុស្សសរុបចំនួន ៣៤ នាក់ ស្រី ២០ នាក់និងមនុស្សចាស់ ០៥ នាក់ស្រី,ករណីខាងលើមិនបណ្តាលឲ្យប៉ះពាល់ដល់អាយុជីវិតមនុស្សឡើយ ហើយត្រូវបានគ្រូពេទ្យមកសង្គ្រោះបន្ទាន់នៅកន្លែងកើតហេតុបានទាន់ពេលវេលានិងបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តបាត់ដំបង ចំនួន០៥ នាក់ ។
តាមការឲ្យដឹងពីប្រជាពលរដ្ឋក្នុងភូមិ/ឃុំខាងលើបានឲ្យដឹងថាៈនៅវេលាម៉ោង ១០:៣០ នាទី ថ្ងៃទី០៩ ខែមេសា ឆ្នាំ២០១៧ នៅចំណុចភូមិព្រៃកូនសេក សង្កាត់អូរចារ ក្រុង/ខេត្តបាត់ដំបងមានការរៀបចំពិសារភោជនីយអាហារក្នុងពិធីបុណ្យបច្ច័យបួនមួយ ដែលម្ចាស់កម្មវិធីបុណ្យនោះមានឈ្មោះ មាន ប៊ុន ,ភេទប្រុស អាយុ ៦១ ឆ្នាំ រស់នៅចំណុចខាងលើ ហើយកម្មវិធីបុណ្យខាងលើបានរៀបចំមានមុខម្ហូបចំនួន ០៥ មុខ :
១. ឆាមឹកម្រេចខ្ចី
២. ញាំគ្រប់មុខ
៣. មាន់ទឹម
៤. សម្លរម្ជូរសាច់គោ
៥. បង្អែម
មុខម្ហូបខាងលើនេះរៀបចំដោយម្ហូបការយីហោ លឹម ឈន់ ទួលតាឯក ចំណែកភេសជ្ជៈមានទឹកក្រូច និងទឹកផ្លែឈើ ម្ចាស់កម្មវិធីបុណ្យបានកំម៉ង់ទិញពីហាងហាក់ ស្រ៊ី ទល់មុខផ្សាររោងចក្រ ។
ក្រោយពីភ្ញៀវពិសារអាហារនោះរួចរហូតដល់ម៉ោងប្រមាណ ១៦:០០ នាទី ថ្ងៃខែឆ្នាំដដែល ក្រោយចេញពីហូបអាហារក្នុងរោងបុណ្យរូចមក ក៏ស្រាប់តែមានមនុស្សប្រុស/ស្រីចូលរួមក្នុងពិធីបុណ្យខាងលើចំនួន ៣៤ នាក់ ក្នុងនោះស្រី ២០ នាក់ បានក្អួតចង្កោរ ដែលមានឈ្មោះច្រើនគ្នាមិនអាចរៀបរាប់អស់។បច្ចុប្បន្នសមត្ថកិច្ចក៏ដូចមន្រ្តីជំនាញបាននិងកំពុងស្រាវជ្រាវនិងពិនិត្យមុខម្ហូបដែលជនរងគ្រោះហូបបណ្តាលមកពីអ្វីបង្កឡើង៕

 

 

រដ្ឋមន្ដ្រីសុខាភិបាលអំពាវនាវដល់ពលរដ្ឋទូទាំងប្រទេសប្រុងប្រយ័ត្នខ្ពស់លើចំណីអាហារក្នុងឱកាសបុណ្យចូលឆ្នាំខ្មែរ

ភ្នំពេញ៖រដ្ឋមន្ដ្រីសុខាភិបាលអំពាវនាវដល់ពលរដ្ឋទូទាំងប្រទេសប្រុងប្រយ័ត្នខ្ពស់លើចំណីអាហារក្នុងឱកាសបុណ្យចូលឆ្នាំខ្មែរ ដើម្បី ជៀសវៀងការពុលចំណីអាហារ ដោយសារខ្វះអនាម័យ និងខណៈដែលរដូវក្តៅចូលមកដល់។
លោកម៉ម ប៊ុនហេង រដ្ឋមន្ដ្រីក្រសួងសុខាភិបាល បានណែនាំឲ្យបងប្អូនប្រជាពលរដ្ឋ ត្រូវតែយកចិត្ដទុកដាក់ និងប្រុងប្រយ័ត្នខ្ពស់ ក្នុងការបរិភោគចំណីអាហារនានា មិនថានៅទីណាកន្លែងណាទេ ទាំងបន្លែ ផ្លែឈើ នំចំណី ត្រូវលាងទឹកឲ្យស្អាត ចម្អិនឲ្យបានឆ្អិនល្អ រួមទាំងបរិភោគទឹកស្អាត។លោកបានប្រាប់ទូរទស្សន៍រស្មីហង្សមាសនៅថ្ងៃទី៧មេសានេះដែរថា ដោយ
ណែនាំឲ្យគណៈកម្មការវត្ត លោកតា លោកយាយ នៅទីវត្ដអារាម ត្រូវលាងចានឆ្នាំងឲ្យបានស្អាត ទឹកដាំឲ្យបានពុះ ការដាក់ម្ហូបអាហារ ឲ្យមានអនាម័យ ការពារមិនឲ្យមានរុយរោម ដើម្បីជៀសវាងការពុលចំណីអាហារកើតមានឡើង។
ការអំពាវនាវរបស់រដ្ឋមន្ដ្រីក្រសួងសុខាភិបាលនេះ ធ្វើឡើង ខណៈពិធីបុណ្យចូលឆ្នាំខ្មែរប្រពៃណីជាតិកាន់តែខិតជិតចូលមកដល់នាពេលខាងមុខនេះ ដែលមានចមនុស្សទៅប្រមូលផ្តុំនៅតាមរមណីយ៍ដ្ឋាន ជួបជុំគ្នាគ្រួសារ និងនៅតាមទីវត្តអារ៉ាម នារដូវក្តៅនេះ។
អ្នកស្រី ឡាយ ទៀង អាជីករលក់ប្រហុកផ្អកនៅផ្សារអូឬស្សីក្រុងភ្នំពេញ បានគាំទ្រការអំពាវនាវរបស់ក្រសួងសុខាភិបាលលើបញ្ហាសុវត្តិភាពចំណីអាហារនេះ។
ជាមួយគ្នានេះដែរអ្នកស្រី សេង សុផាត អាជីវករលក់សាច់ជ្រូក បានយល់ហើយបានចូលរួមរក្សាអនាម័យនៅកន្លែងលក់ដូរ ដើម្បីជួយលើកកំពស់សុខភាពដល់ប្រជាពលរដ្ឋ។
ចំណែកលោកវេជ្ជបណ្ឌិត លី ចេងហ៊ុយ នាយកគេហទំព័រសុខភាពកម្ពុជាបានគាំទ្រចំពោះការអំពាវនាវរបស់រដ្ឋមន្ដ្រីក្រសួងសុខាភិបាលនេះ ថាគឺជាសារដាស់តឿនមួយហើយវាមានសារប្រយោជន៍ណាស់ដល់សុខភាពប្រជាជនកម្ពុជា។
តែយ៉ាងក៏ណាលោកបានផ្តល់យោបល់ថា ការផ្តល់សារតែមួយមុខ នោះនៅមិនទាន់គ្រប់គ្រាន់នៅឡើយ ពោលគឺត្រូវផ្តល់ការអប់រំ ចំណេះដឹង ទើបមានប្រសិទ្ធិភាពជាង។
មន្ត្រីក្រសួងសុខាភិបាលបានបញ្ជាក់ថា កន្លងមកនេះ មាន ករណីពុលចំណីអាហារ បណ្តោលឲ្យមានអការៈក្អួតចង្អោរ រាគរូស រហូតដល់បាត់បង់ជីវិត ដូចជាករណីពុលស្រា ដោយសារមានពិធីជួបជុំគ្នាទទួលទានអាហារ នៅពេលពិធីបុណ្យភ្ជុំ និងពិធីបុណ្យចូលឆ្នាំដែលចំណីអាហារគ្មានសុវត្តិភាព និងខ្វះអនាម័យ៕

មន្ដ្រីអះអាងថា៖”ពលរដ្ឋនឹងមានបង្គន់អនាម័យ៦០ភាគរយនៅឆ្នាំ២០១៨និងឆ្នាំ២០២៨នឹងមានបង្គន់១០០ភាគរយ”


ខេត្តតកែវ៖ដើម្បីលើកកំពស់អានាម័យជនបទនិងការផ្គត់ផ្គង់ទឹកស្អាតអោយមានការកើនឡើងស្របទៅតាមទិសដៅរបស់រាជរដ្ឋាភិបាលនៅឆ្នាំ ២០១៨ ពលរដ្ឋនឹងមានបង្គន់ ៦០% និងឆ្នាំ២០២៥ សម្រេចបាន១០០% ។នេះត្រូវទាមទារអោយអាជ្ញាធរមូលដ្ឋាននិងអង្គការដៃគូរអភិវឌ្ឍន៏ពាក់ព័ន្ធចូលរួមបញ្ជ្រាបការយល់ដឹងដល់ពលរដ្ឋអោយបានច្រើន ។នេះបើតាមមន្ដ្រីបានអះអាងនៅថ្ងៃនេះ។


ថ្លែងប្រាប់ទូរទស្សន៏រស្មីហង្សមាសនៅក្នុងសិក្ខាសាលាផ្សព្វផ្សាយការអនុវត្តផែនការសកម្មភាពខេត្ត ស្តីពីការផ្គត់ផ្គង់ទឹកស្អាតនិងលើកកម្ពស់អនាម័យជនបទនៅមន្ទីរអភិវឌ្ឍន៏ខេត្តតាកែវ នាព្រឹកថ្ងៃទី០៧ មេសា ២០១៧ លោកស្រី សំ សុភី អនុប្រធាននាយកដ្ឋានថែទាំសុខភាពជនបទនៃក្រសួងអភិវឌ្ឍន៏ជនបទបាននិយាយថា៖ “ក្នុងពេលបច្ចុប្បន្ននេះយើងសង្កេតឃើញថាការកែទម្លាប់របស់បងប្អូនប្រជាពលរដ្ឋដែលកន្លងមកជាទំនៀមទំលាប់របស់ពួកគាត់នោះ នូវការបរិភោគទឹកស្អាត និងការបន្ទរបង់ដែលគ្មានបង្គន់អនាម័យនោះ។
លោកស្រីបានបន្ដថា៖” វាមិនមែនជារឿងងាយស្រួលនោះទេ ចាំបាច់តម្រូវអោយមន្ទីរពាក់ព័ន្ធ អាជ្ញារធរមូលដ្ឋាន ក៏ដូចជាអង្គការដៃគូរនានានៅក្នុងខេត្ត ត្រូវតែខិតខំបន្ថែមទៀតលើការបញ្រ្ជាបការយល់ ពីផលប៉ះពាល់នានា ដែលបងប្អូនប្រជាពលរដ្ឋរបស់យើងបរិភោគទឹកមិនស្អាត និងការបន្ទូរបង់គ្មានបង្គនអានាម័យ ដែលធ្វើអោយប៉ះពាល់ដល់សុខភាព និងបង្ករជាជំងឺឆ្លង ។
ជាមួយគ្នាននេះ លោកស្រីបានបន្ថែមថា៖”ចំពោះការបង្កើតអោយមានសិក្ខាសាលានេះឡើងគឺចង់ធ្វើអោយសេវាផ្គត់ផ្គង់ទឹកស្អាត និងអនាម័យនៅតាមទីជនបទនឹងមានការកើនឡើង ជាពិសេសគឺចង់អោយថ្នាក់ដឹកនាំនៅតាមមូលដ្ឋាន និងមន្ទីរពាក់ព័ន្ធ ស្រុក ឃុំ ភូមិ បានជ្រាបនិងយល់ដឹងជាមួយនឹងដៃគូរអង្គការនានាដែលពាក់ព័ន្ធជាមួយមន្ទីរ ចូលរួមផ្សព្វផ្សាយដល់ពលរដ្ឋ និងអនុវត្តទាំងអស់គ្នា ដើម្បីសុខមាលភាពរបស់ពួកគាត់ និងចូលរួមកាត់បន្ថយនៅភាពក្រីក្រស្របតាមចក្ខុវិស័យរបស់រាជរដ្ឋាភិបាល ។
លោក លីវ សំណាង ប្រធានមន្ទីរអភិវឌ្ឍន៏ជនបទខេត្តតាកែវបានអោយដឹងថា៖” ដើម្បីអនុវត្តការលើកកម្ពស់ ការយល់ដឹងពីអនាម័យអោយបានល្អប្រសើរនោះ ថ្នាក់ដឹកនាំប្រជាជននៅតាមមូលដ្ឋានដែលជាប្រជាពលរដ្ឋគំរូត្រូវតែតយកចិត្តទុក្ខដាក់ ពិនិត្យមើលនិងលើកឡើងនូវផែនការ លើកកម្ពស់អនាម័យ ក្នុងមូលដ្ឋានរបស់ខ្លួនអោយបានជាប់ជាប្រចាំ និងត្រូវរៀបចំផែនការថវិកា ដើម្បីចូលរួមកែលម្អរបរិស្ថាន លើកកម្ពស់សុខភាពជីវភាពប្រជាពលរដ្ឋ ដើម្បីឆ្លើយតបទៅនឹងទិសដៅរដ្ឋាភិបាលនាឆ្នាំ ២០១៨ បាន ៦០% និងឆ្នាំ២០២៥ សម្រេចបាន១០០% ។ 
លោក ឈួ សុធា អភិបាលរងខេត្តតាកែវបានថ្លែងថា៖” បើយើងគ្រប់គ្នាចូលរួមយ៉ាងសកម្ម ក្នុងការធ្វើផែនការផ្គត់ផ្គង់ទឹកស្អាត និងលើកកម្ពស់អនាម័យក្នុងជនបទនោះ យើងពិតជាអាចសម្រេចបាននូវផែនការអភិវឌ្ឍន៏ សហសវត្សដែលរាជរដ្ឋាភិបាលយើងបានកំណត់ជាគោល” ។
ដូច្នេះនៅពេលបញ្ចប់នៅសិក្ខាសាលានេះ លោកសង្ឃឹមថាតំណាងអាជ្ញារធរ ក៏ដូចជាអង្គការដៃគូរនានាចូលរួមយ៉ាងផុលផុសលើសកម្មភាពទាមទារអោយប្រជាពលរដ្ឋមានអនាម័យទាំងអស់គ្នា ៕ 

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

ព័ត៌មានជាតិ​ពេល​យប់​


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2