vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សុខភាព

គន្លឺះចំនួន៤ដើម្បីឲ្យកន្លែង ធ្វើការនៅភ្នំពេញគ្មានផ្សែងបារី

 

ភ្នំពេញ៖ លោកស្រី ម៉ក់ វណ្ណស៊ីថា អភិបាលរងរាជធា​​នីភ្នំពេញ​​​​​​នៅថ្ងៃទី២៤​មេសានេះបាន​បង្ហាញ​ គន្លឺះ​ទាំង៤ដែល​​អាចជួយ​ធ្វើ​​​ឲ្យកន្លែង​ធ្វើការគ្មានផ្សែងបារី មាន​​ដូច​​ជា៖ អប់រំ​ផ្សាយ​ពី​ផលប៉ះពាល់ពេល​​ប្រើប្រាស់​​ផលិត​ផលថ្នាំជក់, ការ​​ចូល​​រួម​​​ពីគ្រប់ភាគី​​ពាក់​​ព័ន្ធ​​, លើក​ទឹកចិត្ត​ឲ្យឈប់ជក់បារី  និងវិធានការផ្លូវច្បាប់ ។

លោកស្រី បានលើកទឹកចិត្តឲ្យមន្ដ្រី​​​​​​បញ្ឈប់​​កា ប្រើប្រាស់ផលិតផលថ្នាំជក់នៅ​​តាមកន្លែង​ធ្វើការ​របស់​​ខ្លួន​ដើម្បី​​​​​​​ធ្វើជាគំរូ ​ដ៏ល្អសម្រាប់ប្រជា ពលរដ្ឋ នឹង​​​​​ធ្វើឲ្យ​​រាជធានីភ្នំពេញ​ឈានទៅជាទីក្រុង​គ្មា​​​​​​ផ្សែង​បារី​​​​​ចាប់ពី២015នេះតទៅ។

 

ចំណែកលោកវេជ្ជបណ្ឌិតមុំគង់ នាយកប្រតិបត្តិអង្គការចលនាសុខភាពកម្ពុជា បានប្រាប់​​គេហ​ទំព័រហង្ស​មាសឲ្យដឹងថាលោកសង្ឃឹមថា នៅ កន្លែងធ្វើការនៅទូទាំងខណ្ឌ​ទាំង១២នៅ​រាជធានី​ភ្នំពេញនឹ​ង​លុបបំបាត់បាន​​ការប្រើ​​ប្រាស់​ថ្នាំជ​​ក់និងស្ថិតនៅបរិស្ថានគ្មានផ្សែង​​​បារីនាពេល​ខាង​មុខ។​

 

លោក យ៉ិល តារាវុធ តំណាងអង្គការសុខភាពពិភពលោក​​ប្រចាំនៅកម្ពុជា បានរំពឹងថា ក្រោយ​ពីច្បាប់ ស្តីពីផលិតផលថ្នាំជក់ត្រូវបានអនុវត្តន៍នាពេលខាងមុខ ការប្រើប្រាស់ផលិត​ថ្នាំជក់​នៅកម្ពុជា​​នឹង​​​ត្រូ​​​​​​វ​​​កាត់​​បន្ថយរហូត​​ឈានដល់​ការ​ឈប់​​​​ប្រើប្រាស់ទាំងស្រុង។  

 

លោកបន្តថា អង្គការសុខភាពពិភពលោកនៅតែ បន្តជួយដល់កម្កុជាក្នុងការធ្វើឲ្យគ្រ​​ប់​​​កន្លែង​​​​​ធ្វើ​កា​រ​ទូ​ទាំង​​ប្រទេស​​​​កម្ពុជា​​គ្មានផ្សេងបារី តាមរយៈផ្តល់ថវិកា  និងបច្ចេកទេស​​ដល់​​​​​ស្ថាប័ន​​​​​ពាក់​​​​​​ព័​​​​ន្ធ​ក្នុង​​​ការប្រយុ​​ទ្ធប្រឆាំង​និង​ការ​​ប្រើប្រាសផលិផលថ្នាំជក់។

 

សួមបញ្ជាក់ថា តាមរបាយការណ៍របស់អង្គកាសុខភាពពិភលោក​ក្នុងមួយឆ្នាំៗមាន​​ប្រជាព​​​​​រដ្ឋ​​កម្ពុជា​​ជាង១​​ម៉ឺន​​​នាក់បានស្លាប់​​ដោយ​​សារការ​​ប្រើប្រាស់ថ្នាក់ជក់និងស្រូបផ្សែង​​បារីពីគេ ដែល​​​​​ជាមធ្យមក្នុងមួយ​ថ្ងៃមាន​​រហូត​​ដល់​​30នាក់  និងខាតបង់សេដ្ឋកិច្ចជាតិ​រាប់​លានដុល្លាស​ហ​​រដ្ឋ​​​​​​អា​​មេរិក៕

រដ្ឋាភិបាល ជំរុញអោយកម្មករ បង្កើនការប្រុងប្រយត្ន័ក្រែងចាញ់​បោកការឃោសនារកការងារទៅប្រទេសកូរ៉េ

 

ភ្នំពេញ៖គណកម្មាធិការបណ្តុះបណ្តាល និងបញ្ជូនពលករទៅក្រៅប្រទេស នៃក្រសួងការងារនិបណ្តុះបណ្តាលវិជ្ជាជីវៈ  បានចេញសេចក្តីប្រកាសអោយសាធារណជន ដែលមានបំណងស្វែងរការងារធ្វើនៅក្រៅប្រទេស  ប្រុងប្រយត្ន័ និងកុំ​ជឿការឃោសនាបោកប្រាស់ខុសច្បាប់។

 

កាលពីពេលថ្មីៗនេះ ក្រសួងការងារនិងបណ្តុះបណ្តាលវិជ្ជាជីវៈ  បានចេញសេចក្តីជូនដំណឹង អោយពលរដ្ឋខ្មែរ ដែលមានបំណង​ស្វែងរកការងារធ្វើនៅប្រទេសកូរ៉េ កុំចាញ់បោកលើការឃោសនាបោកប្រាស់របស់ក្រុមហ៊ុនឯកជន អង្គការ សាលា​បណ្តុះបណ្តាលភាសារកូរ៉េដែលអះអាងថា អាចរត់ឯកសារដើម្បីបញ្ជូនពលករ ឬពលការិនីទៅធ្វើការនៅ​សាធារណៈ​រដ្ឋកូរ៉េ​ដោយស្របច្បាប់ ឲ្យសោះ។

 

 សេចក្តីជូនដំណឹងរបស់ក្រសួងបញ្ជាក់ថា មានតែ​ ការធ្វើ​តេស្តសមត្ថភាពភាសារកូរ៉េក្រោមប្រពន្ធ័​អនុញ្ញាតមុខរបរ (EPS-TOPIK) តែមួយគត់ដែល​មានសិទ្ធិបញ្ជូន ពលករទៅកាន់ប្រ​ទេសកូរ៉េ​​ដោយស្រប​ច្បាប់ តាមរយៈ  ការប្រឡងដែលរៀប​ចំឡើង​ដោយអង្គភាព​អភិវឌ្ឍន៍​ធនធានមនុស្សនៃសាធាររដ្ឋកូរ៉េ (DRD-KOREA) សហការជា​មួយ​គណ​កម្មាធិ​ការបណ្តុះបណ្តាល និងបញ្ជូនពលករទៅបរទេស។

 

ក្រសួងការងារនិង បណ្តុះបណ្តាលវិជ្ជាជីវៈ ជំរុញអោយកម្មករ បង្កើតការប្រុងប្រយត្ន័ក្រែងចាញ់បោកការ​ឃោសនាខុសច្បាប់នាពេលនេះគឺដោយសារនាពេលកន្លងទៅថ្មីៗ ​នេះគណៈកម្មាធិការបានចាត់វិធានការ​ផ្លូវច្បាប់ចំពោះសាលាបណ្តុះបណ្តាលភាសាកូរ៉េ អង្កការ និងជនឆ្លៀតឱកាសមួយ​ចំនួនទៀត ដែលបាន​បោក​ប្រាស់យកប្រាក់ពីពលរដ្ឋខ្មែរ។

 

ដើម្បីដោះស្រាយបញ្ហានេះ ក្រសួងការងារនិងបណ្តុះបណ្តាលវិជ្ជាជីវៈ បានអំពាវនាវដល់ប្រពន្ធ័ផ្សព្វផ្សាយទាំង​ឡាយ អោយពិនិត្យអត្ថន័យ និងពាក្យពេចន៍ក្នុងអត្ថបទផ្សាយពាណិជ្ជកម្មរបស់សាលា ឬអង្គការដែលពាក់ពន្ធ័ អោយបានច្បាស់​មុននឹងធ្វើការចាក់ផ្សាយ។

 

ក្រសួងក៏បានលើកទឹកចិត្តមិនបញ្ចេញអត្តសញ្ញាណ​ ដល់ពលរដ្ឋណាដែល ​ការរាយការណ៍ផ្តល់ពត៌មាន​លំអិតទាក់ទងនិងភាពមិនប្រក្រតី នៃការជ្រើសរើស និងការបញ្ជូនពលករទៅបម្រើការនៅប្រទេសកូរ៉េ ឬការផ្សព្វផ្សាយទាំងឡាយណាដែលនាំអោយមានការភ័ណ​ច្រឡំ។ 

 

ក្រសួងការងារនិងបណ្តុះបណ្តាលវិជ្ជាជីវៈ បានផ្តល់ លេខទូរស័ព្ទចំនួន ៣ ខ្សែក្នុងការរាយការណ៍ គឺ ០២៣​៦៥២ ៧៧៧/ ០១២ ៤៦៦ ២២២/ និងលេខ០១២ ២៥៣ ៥៥៥។

 

ទាក់ទងបញ្ហានេះ លោក​ យ៉ា ណាវុធ ប្រធានអង្គការខារ៉ាមកម្ពុជា បានផ្តល់ជាគំនិតថា រដ្ឋាភិបាលគួរបន្ត ឃ្លាំមើល​ការ​ផ្សព្វផ្សាយពាណិជ្ជកម្មទាំងឡាយ​ដែលមានលក្ខណៈបោកបញ្ឆោត ហើយចាត់វិធានការផ្លូវ​ច្បាប់អោយ​បាន​តឹងរ៉ឹង លើសពីនេះលោកមានប្រសាសន៍ថា រដ្ឋាភិបាលគួរ  លើកទឹកចិត្តនិងជំរុញអោយជនរងគ្រោះ ដាក់​ពាក្យបណ្តឹង ទាមទារសំណងទាំងពេលវេលា ទាំងលុយកាក់ដើម្បីកុំអោយអ្នកដទៃយកគំរូតាម។

 

 លោក​ យ៉ា ណាវុធ បន្ថែមថា  ជាពិសេសច្រកចេញចូលតែ មួយគួរផ្សព្វផ្សាយអោយបានទូលំទូលាយបន្ថែមទៀត ដើម្បីអោយប្រជាពលរដ្ឋងាយស្រួលទទួលបានពត៌មាន លោកបង្ហាញនៅការយល់ឃើញថា បើរដ្ឋាភិបាល​មិនធ្វើដូចនោះទេ ពលករនិងបន្តចាញ់បោកជនឆ្លៀតឱកាស ហើយបញ្ហា ការជួញដូរមនុស្ស​នៅក្នុងឆ្នាំ២០១៥​និងកើនឡើង។ 

 

លោក យ៉ា ណាវុធបន្ថែមថា ដើម្បីដោះស្រាយបញ្ហានេះ រដ្ឋាភិបាលកម្ពុជាគួរតែ ព្យាយាមទាក់ទាញអ្នកវិនិយោគ​បង្កើត​ការងារអោយបានច្រើន​ទៀតដល់យុវជន  និងរៀបចំវេទិការឯកជន និងស្ថាប័នពាក់ព័ន្ធ ដើម្បីផ្តល់ពត៌​មានឱកាសការងារដល់យុវជន ជាពិសេស រដ្ឋាភិបាលគួរតែ រៀបចំប្រពន្ធ័ធរាសាស្រ្ត ទៅតាមខេត្តជាច្រើន ធ្វើយ៉ាងណា អោយពលរដ្ឋអាចធ្វើ​ស្រែបានទាំង​រដូវប្រាំង រដូវវស្សា និងជួយពួកគាត់ជាបច្ចេកទេស ទាំងទីផ្សារ។

 

តាមរបាយការន៍ក្រសួងការងារបានឲ្យដឹងថាប្រទេសកម្ពុជាមានពលករទៅធ្វើការនៅក្រៅប្រទេសចំនួន​ជាង៧២ម៉ឺនាក់កក្នុងនោះ៦៤ម៉ឺននាក់កំពុង​ធ្វើការនៅ​ប្រទេសថៃ , ជិត៥ម៉ឺននាក់នៅ​ម៉ាឡេស៊ី ៣២៦នាក់នៅ សឹង្ហបុរី ១១៧៨នាក់នៅជប៉ុន និង​សាធារ​ណៈកូរ៉េចំនួន ៣៦.៤០៥នាក់។

 

ដោយឡែកក្នុងឆ្នាំ​២០១៤ ពលករ​ធ្វើ ការងារ​ នៅក្រៅប្រទេស  បាននាំប្រាក់ចំណូល​ចូលក្នុងប្រទេសជាង១ពាន់លាន​ដុល្លារអាមេរិក ក្នុង១ឆ្នាំៗ៕

ផែនការនាងAngelina Jolieជំរុញឲ្យស្ដ្រីត្រូវពិនិត្យសុខភាពពិសេសមហារីដៃស្បូននិងមហារីដោះ

 

 

សហរដ្ឋអាមេរិច៖ក្រុមហ៊ុន​ធានា​រ៉ាប់​រង​ធំៗនៅអាមេរិច​បាន​បដិសេធ​មិន​បង់​ប្រាក់​សម្រាប់​ការ​ធ្វើ​តេ​ស្ត​ហ្សែ​ន​ដែលទទួលបានការគំាទ្រនិង​មានការ​ពេញ​និយម​ពីផែនការមួយ​គេស្គាល់ហៅ​តាមឈ្មោះនាង Angelina Jolie តារាល្បីរបស់សហរដ្ឋអាមេរិចដែលនាងបានជំរុញឲ្យ​ស្ត្រី​មានបញ្ហាហានិភ័យ​​ទទួល​បានការ​ត្រួតពិនិត្យ​នៃ​សុខភាព​របស់​ពួកគេ​ពិសេសមហារីកស្បូននិងមហារីកដោះ។

 

អ្នក​ស្រាវជ្រាវ​វេជ្ជសាស្ត្រ​បាននិយាយថា​ផែនការនោះ "ផែនAngelina ​" គឺជំរុញឲ្យមានកំណើន​តម្រូវ​ការ​ធ្វើ​តេ​ស្ត​ហ្សែ​ន​បន្ទាប់ពីមានការអំពាវនាវជា ​សាធារណៈ​របស់តារាភាពយន្ត​នាង Angelina Jolie ពី​ការ​រក​ឃើញ​បន្ថែម​ទៀត​នៃ​ការ​ឈ្លានពាន​ដោះ​តំណពូជ​និង​ជំងឺមហារីក​ក្រពេញ​អូវែ​រ​។

 

ប៉ុន្តែ​ ក្រុមហ៊ុន​ធានា​រ៉ាប់រង​ធំបានបដិសេធបង់​ប្រាក់​សម្រាប់​ជំនាន់​ចុង​ក្រោយ​បំផុត​នៃ​ការ​ធ្វើ​តេ​ស្ត​ដែល​គេ​ស្គាល់​ថា​ជា​ការ​ធ្វើ​តេ​ស្ត​ហ្សែ​ន​ច្រើន​ដងតាមដានជំងឺទាំងនេះ។ ក្រុមហ៊ុន​ធានា​រ៉ាប់​រង​​បាន​និយាយ​ថា​ការ​ធ្វើ​តេ​ស្ត​នេះ​គឺ​ជា រកសញ្ញានិង​អាច​នាំ​ឱ្យ​អ្នក​ជំងឺ​ស្វែងរក​ការ​ព្យាបាល​ជំងឺ​ដែល​ពួក​គេ​មិន​ត្រូវការ​។

 

​នាង​ជោ​លី មានអាយុ39ឆ្នាំ បានប្រកាស​ជា​សាធារណៈ​ក្នុង​ឆ្នាំ 201​​3 ​ថា​នាង​បាន​ទទួល​ការ​វះ​កាត់ ទ្វេ​រ​ដង​បន្ទាប់​ពី​ការ​ធ្វើ​តេ​ស្ត​ហ្សែ​ន​រក​ឃើញ​ថា​នាង​មាន ​ជំងឺមហារីក​សុដន់​និង​ក្រពេញ​អូវែ​រ។

 

នាង​បាន​បញ្ចេញ​ឱ្យ​ដឹង​កាល​ពី​ខែ​មុន​ថា​នាង​មានមហារីកនិង​ដៃ​ស្បូន​របស់​នាង​បាន​យក​ចេញ​។

ការ​ធ្វើ​តេ​ស្ត​បន្ទះ​ថ្មី​នេះ​ដែល​អាច​ចំណាយ​ប្រាក់​ចន្លោះ​ពី $ 2,000 ដល់​ទៅ 4.900 $ វិភាគ​ពី 20 ឬ​ច្រើន​ជាងទៅ​ហ្សែ​ន​សំរាប់ការតាមដាននិងរកមើលបញ្ហាដំណរពូជ​ដែល​អនុញ្ញាត​ឱ្យ​អ្នក​ជំនាញ​ផ្នែក​ថែទាំ​សុខភាព​ដើម្បី​បង្កើត​តំណ​ភ្ជាប់ DNA ដែល​អាច​ធ្វើ​ទៅ​បាន​លក្ខខណ្ឌ​ដែល​ទាក់ទង​នឹង​ជំងឺ​មហារីក​ផ្សេង​ទៀត​ដើម្បីរករោគសញ្ញា​ជាមុន​។

 

មនុស្ស​មាន​ប្រហែល 23.000 ហ្សែ​ន​។នេះហើយជាបញ្ហាសាំញុំារកហ្សែនណាមួយនាំទៅឲ្យមានមហារីក៕

មន្ដ្រីជំនាញ៖ពាក់មួកសុវត្ថិភាព នឹងអាចជួយសង្គ្រោះជីវិតមនុសុ្សបានចំនួន៥៦១នាក់ និងការពារអ្នករួមដំណើរជាង១ម៉ឺននាក់ពីរបូសក្បាលនៅកម្ពុជា

 

ភ្នំពេញ៖  មន្ត្រីនៃអង្គការមូលនិធិបង្ការរបួសអាស៊ី នៅថ្ងៃទី៨មេសានេះបានប៉ាន់ប្រមាណថា ក្នុងរយៈពេល៥ឆ្នាំ ពីឆ្នាំ២០១៥ ដល់ឆ្នាំ២០២០ បើមានការអនុវត្តដោយប្រសិទ្ធភាពនូវច្បាប់កំណត់ឱ្យអ្នករួមដំណើរតាមទោចក្រយានយន្ត ព្រមទាំងកុមារ ត្រូវពាក់មួកសុវត្ថិភាព នៅកម្ពុជានោះវានឹងអាចជួយសង្គ្រោះជីវិតមនុសុ្សបានចំនួន៥៦១នាក់ ការពារអ្នករួមដំណើរជាង១ម៉ឺននាក់ បានពីការរងរបួសក្បាល និងការពារការខាតបង់ថិវកាចំនួន ជាង៩៨លានដុល្លារអាមេរិក។​

 

នេះបើតាមលោក គឹម បញ្ញា នាយកអង្គការមូលនិធិបង្ការរបួសអាស៊ី ប្រចាំកម្ពុជាបាននិយាយ ក្នុងសិក្ខាសាលា ស្តីពីការអនុវត្តច្បាប់ពាក់មួកសុវត្ថិភាព សម្រាប់អ្នករួម​ដំណើរ​តាម​ទោចក្រយានយន្ត ព្រមទាំងកុមារ នៅព្រឹកថ្ងៃទី ៨ ខែ មេសា ក្នុងរាជធានីភ្នំពេញ។​

 

លោកបានបន្ដថា៖អង្គការបានចូលរួមចំណែកកាន់តែសកម្មជាមួយរាជរដ្ឋាភិបាលកម្ពុជា និងដៃគូពាក់ព័ន្ធសំដៅជួយសង្គ្រោះ និងបង្ការប្រជាពលរដ្ឋ និងកុមារកម្ពុជាពីការស្លាប់ និងការ រងរបួស ព្រមទាំងទុក្ខលំបាកដែលបង្កឡើងដោយសារគ្រោះថ្នាក់ចរាចរណ៍។

ជាមធ្យមក្នុងមួយថ្ងៃនៅកម្ពុជាមានករណីស្លាប់ដោយសារគ្រោះថា្នក់ចរាចរណ៍ពី៥ទៅ៦នាក់និងមានអ្នករបួសច្រើននាក់។

 

ជាមួយនេះនគរបាលចរាចរណ៍ ចាប់ផ្តើមផែនការសកម្មភាពដល់ថ្នាក់ខណ្ឌ ក្រុង ស្រុក ដើម្បីជំរុញអ្នក​​​រួម​ដំណើរ​តាមទោចក្រយានយន្តពាក់មួកសុវត្ថិភាពសំដៅកាត់បន្ថយអត្រា​​រងគ្រោះដោយ​គ្រោះ​ថ្នាក់​ចរា​ចរណ៍​ឲ្យនៅកម្រិតទាប។

 

លោកឧត្តម​សេនីយ៍​ទោ ទី ឡុង អនុប្រធាននាយកដ្ឋានសណ្តាប់ធ្នាប់នៃអគ្គស្នងការដ្ឋាន នគរបាលជាតិ បានមានប្រសាសន៍ថាផែនការសកម្មភាពដើម្បីឲ្យរួមដំណើរពាក់មួក​សុវត្ថិ​ភាពគឺផ្តោតសំខាន់​លើការងារចំនួន៤​ចំណុច រួមមាន​ ការផ្សព្វផ្សាយអប់រំ ​,ប្រតិបត្តិការរឹតបន្តឹងការអនុវត្ត ច្បាប់​ចរាចរណ៍,ការរកដៃគូសហការដើម្បីរកថវិកា ទ្រទ្រង់គម្រោង​ និងបណ្តុះបណ្តាលនគរបាលអំ​ពីច្បាប់ និងរបៀបនៃការប្រើប្រាស់​ឧបករណ៍ត្រួតពិនិត្យចរាចរណ៍ ។

 

លោកបញ្ជាក់ថា ផែនការសកម្មភាពនេះនឹងត្រូវអនុវត្តក្នុងជំហានដំបូងនៅថ្នាក់ ខណ្ឌ ក្រុង ស្រុកក្នុងគោលដៅចំនួន៦នៅក្នុង៣ខេត្តក្រុង មានរាជធានីភ្នំពេញ ខេត្តកណ្តាល និងខេត្តកំពង់ស្ពឺ  ដែលសង្ឃឹមថា នឹងធ្វើឲ្យជនរងគ្រោះថយចុះ។

 

លោក ចេវ ហាក់ នាយការិយាល័យ​នគរបាល​ចរាចរណ៍​ផ្លូវគោករាជធានីភ្នំពេញបាន​មាន​ប្រសាសន៍ថា មន្ត្រីនគរបាលក្រុងភ្នំពេញបានចាប់ផ្តើមអនុវត្តគម្រោងនេះហើយ។

លោក ចេវ ហាក់បានបន្ដថា៖បច្ចុប្បន្នយើងបាននឹងកំពុងធ្វើការផ្សព្វផ្សាយ..យើងអាចកាត់បន្ថយការ​រង​របួសនេះកាន់តែច្រើនផងដែរ៕

 

ក្រសួងសុខាភិបាលគ្រោងប្រជុំបង្ហាញលទ្ធផលលប់បំបាត់ ផលិតផល​​ឱសថក្លែងក្លាយ និងសេវាខុសច្បាប់

ភ្នំពេញ៖ក្រសួងសុខាភិបាល និងក្រសួងមហាផ្ទៃ នឹងប្រជុំរួមគ្នាបង្ហាញលទ្ធផលផែនការសកម្មភាពទូទាំងប្រទេសលើ​ការអនុវត្តិ លុបបំបាត់ ​ផលិតផល​ឱសថ​​ក្លែងក្លាយ និងសេវាខុសច្បាប់ នាថ្ងៃទី ៨ ខែមេសា ឆ្នាំ ២០១៥ ខាងមុខនេះ។

លោកស្រី ឱ វណ្ណដីន អគ្គនាយកបច្ចេកទេសសុខាភិបាល បានប្រាប់ទូរទស្សន៍ ហង្សមាសនាព្រឹកថ្ងៃទី២ មេសានេះថា គណៈកម្មការអន្តរក្រសួង ដើម្បីលប់បំបាត់ ផលិតផលឱសថក្លែងក្លាយ និងសេវាខុសច្បាប់ នាពេលបច្ចុប្បន្ននេះមិន​ទាន់មាន តួរលេខ សេវាឱសថខុសច្បាប់ និងចំនួន ឱសថក្លែងក្លាយនៅ​ឡើង​ទេដោយសារពេលនេះ សហការី​របស់លោកស្រី កំពុងតែមមាញឹកដើម្បីបូកសរុប​លិត​ផលការងារក្រោយអន្តរ​ក្រសួងអនុវត្តវិធាន ការ​លប់បំបាត់ផលិតផលឱសថខុស​ច្បាប់ និងសេវាសុខាភិបាលឯកជនខុស​ច្បាប់ក្នុងរយះ​ពេល២ ខែកន្លងមកនេះ តែ លោកស្រីថាលទ្ធផលនេះ និងត្រូវបង្ហាញ និងពិនិត្យមើល​វឌ្ឍនភាពនៅថ្ងៃទី ៨ មេសាខាងមុខ។

លោកស្រី ថា​កន្លងមកការងារនេះមានវឌ្ឍនភាពល្អប្រសើរ​ដោយខេត្តមួយ​ចំនួនបានលុបបំបាត់ សេវាខុសច្បាប់មួយចំនួន ជាពិសេស អ្នកដែលបានប្រកបរបពេទ្យខុសច្បាប់ រីឯសេវាខុសច្បាប់វិញ ក៏ត្រូវបានលុបបំបាត់ អោយអនុវត្តតាមច្បាប់ផងដែរ។

សូមបញ្ជាក់ថា  បន្ទាប់ពីក្រសួងសុខាភិបាល​រក​ឃើញ​ ពលរដ្ឋ​ចំនួន ២២៦​នាក់​នៅ​ខេត្ត​បាត់ដំបង ភូមិរការ ឃុំរការ កំពុង​ឆ្លង​មេរោគ​អេដស៍រដ្ឋមន្ត្រី​ក្រសួង​សុខាភិបាល ឯកឧត្តម ម៉ម ប៊ុនហេង​ ប្រកាស​ថា នឹង​លុបបំបាត់​សេវា​ក្រៅ​ប្រព័ន្ធ​សុខាភិបាលនិង គ្រូពេទ្យ​គ្មាន​អាជ្ញាប័ណ្ណ។ ក្រោយមក ក្រសួងសុខាភិបាល និងក្រសួងមហាផ្ទៃ បានរួមគ្នាចេញសេចក្តីប្រកាសរួម ស្តីអំពីការគ្រប់គ្រងគុណភាព​សេវាកម្ម​ និងវិធានការលប់បំបាត់ផលិតផលឱសថខុសច្បាប់ និងសេវាសុខាភិបាលឯកជនខុសច្បាប់ដើម្បីសុខ​មាលភាព និងសុវត្តិភាពសង្គម ក្រសួងទាំងពីបានដាក់ចេញ​ផែនការ​សកម្មភាព ទូទាំង ២៥ខេត្តក្រុង ហើយផែនការសកម្មភាព​នេះ​​ត្រូវបានអនុវត្ត ចាប់ពីថ្ងៃ ទី២ ខែ កុម្ភះ ឆ្នាំ២០១៥ ហើយនិងត្រូវបញ្ចប់បេសកម្មនេះ នៅបំណាច់ខែមីនាឆ្នាំ២០១៥ កន្លងទៅនេះ។

ទាក់ទងនិងសកម្មភាពគណៈកម្មការអន្តរក្រសួង ដើម្បីលប់បំបាត់ ផលិតផលឱសថក្លែងក្លាយ និងសេវាខុសច្បាប់ នាពេលបច្ចុប្បន្ននេះប្រធាន អង្ក​ការពន្លឺសុខភាព លោក​ លី ចេងហ៊ុយ បង្ហាញនៅការយល់ឃើញថា យុទ្ធនាការនេះមានលក្ខណៈល្អ ហើយអាចបម្រើដល់ការប្រើ ប្រព័ន្ធសុខាភិបាល អោយមានប្រសិទ្ធភាព និងបច្ចេកទេសត្រឹមត្រូវ ប៉ុន្តែលោកបង្ហាញនៅការ​ព្រួយបារម្មណ៍ ថាគេពិបាកវាយតម្លៃលើប្រសិទ្ធិភាព ការអនុវត្តនេះណាស់ ព្រោះគេមើលមិន​ឃើញនូវយន្តការណាមួយរបស់រដ្ឋាភិបាល ក្នុងការតាមដាន ដែលអាចឈានដល់ការលុប​បំបាត់គ្រូពេទ្យគ្មានអាជ្ញាប័ណ្ណ ថ្នាំពេទ្យក្លែងក្លាយ និងសេវាខុសច្បាប់។ លោកបានផ្តល់ជាអនុសាសន៍ថា ក្រសួងសុខាភិបាលគួរតែដាក់ចេញនៅយន្តការតាមដាន​អោយបានច្បាស់លាស់  ហើយក្នុងចន្លោះពេលនឹងគួរតែកំណត់ និយមន័យអោយបាន​ច្បាស់ថាអ្វីជា សេវាក្រៅ​ប្រព័ន្ធ​ឬសេវាខុសច្បាប់ថាតើគួរកាត់បន្ថយ សេវាកម្ម ក្រៅប្រព័ន្ធប៉ុន្មានភាគរយ ក្នុងវេលានៃយុត្តិនាការនោះ។ “ខ្ញុំគិតថាបញ្ហាដែលអត់ទាន់ឃើញ គឺបញ្ហាយន្តការណាមួយដែលដាក់ទៅដើម្បីអោយមានការតាមដានមួយថា ឥឡូវនឹងគឺបញ្ហា​ក្រៅប្រពន្ធ័ បញ្ហាខុសច្បាប់ឬក៏បញ្ហាមិនមានការអនុញ្ញាតិ​ទាំងអស់នឹងតើមាន​អត្រាប៉ុន្មានភាគរយ ហើយយើងគិតថាក្នុងរយៈពេលប៉ុន្មានឆ្នាំ ក្រសួងសុខាភិបាលដែលអាច​លុបបំបាត់បាន” លោក​បង្ហាញ​នៅការ​យល់ឃើញថា កាលណាបើគ្មានយន្តការតាមដាន​ច្បាស់លាស់ គឺប្រហែលជាគ្មាន​ប្រសិទ្ធិភាពលើការ លុបបំបាត់ ​ផលិតផល​ឱសថ​​ក្លែងក្លាយ និងសេវាខុសច្បាប់ បានទេ  

 

អ្នកនាំពាក្យសុខាភិបាល៖ករណីពុលនៅសៀមរាបបណ្ដាលមកពី”បាក់តេរី”

 

ភ្នំពេញ៖លោកលីសុវណ្ណអ្នកនាំពាក្យក្រសួងសុខាភិបាលបាននិយាយនៅថ្ងៃទី២៩មីនានេះថា៖ករណី ពុល នៅសៀមរាបបណ្ដាលមកពី”បាក់តេរី”នៅម្ហូបអាហារដែលបានធ្វើខ្វះអនាម័យហើយលទ្ឋផលំអិតខាងមន្ទីរពិសោធននឹងប្រាប់ឲ្យដឹងនៅ ៣ឬ៤ថ្ងៃខាងមុខនេះ។​

កាលពីថ្ងៃទី២៨មីនានេះមានពលរដ្ឋកេ្មងចាស់ច្រើនរយនាក់រស់នៅឃុំពង្រលើ ស្រុកជីក្រែង ខេត្តសៀមរាបបានចូលរួមការប្រជុំមូយនិយាយពីបញ្ហពលកម្មលើកុមារដែលរៀបចំឡើងដោយអង្គការអន្ដរជាតិworld vision ហើយពួកគាត់ក៏​បានទទួលអាហារ​សំរ៉ន់រួមមាននំបុ័ងដាក់សាច់​និងជ្រក់ត្រសក់ដែលអ្នកភូមិបានធ្វើសម្រាប់ការប្រជុំនេះបន្ទាប់មកក៏កើតមានអាការៈរាគនិងក្អូតជាដើម។

 

លោកសុវណ្ណបានប្រាប់គេហទំព័រហង្សមាសឲ្យដឹងថា៖ក្រុមមន្ដ្រីរបស់យើងបានយកសំណាក់មកធ្វើកំប៉ុសដើម្បីពិសោធនរកប្រភេទបាក់តេរីដែលនាំឲ្យពលរដ្ឋពុល។

 

លោកបានបញ្ជក់ថា៖មន្ដ្រីរបស់យើងបន្ដធ្វើការស៊ើបអង្កេតថែមទៀតថាតើបាក់តេរីចេញពីចំនុចណា។លោកមិនទាន់ហ៊ានបញ្ជក់ថាមកពីប្រភពបាក់តេរីចេញពីទឹកឬវាជាប់មកជាមួយបន្លៃ។លោកបន្ដថា៖”ករណីពុលនោះមកពីធ្វើម្ហូបអាហារខ្វះអនាម័យ”ដែលមានឆ្លងបាក់តេរីហើយវា មិនមែនមកពីសារធាតុគីមីនោះទេ”

 

លោក ក្រុស សារ៉ាត់ ប្រធានមន្ទីរសុខាភិបាល ខេត្តសៀមរាបបាននិយាយថាកាលពីថ្ងៃ២៨មីនា​ មានអ្នកជម្ងឺធ្ងន់​៦៥នាក់បានបញ្ជូនមកសម្រាក់ព្យាបាលនៅ​ពេទ្យខេត្ត។ភាគច្រើនបានវិលទៅផ្ទះវិញហើយ។

តាមលោកលីសុវណ្ណអ្នកពុលទាំងអស់មាន៨០៦នាក់ក្នុងនោះកូនក្មេងជិតពាក់កណ្ដាល។ចំណែកឥឡូវ ធូរស្រាលភាគីច្រើនវិលទៅផ្ទះវិញបន្ទាប់ពីព្យាបាលនៅមណ្ឌលសុខាភាពក្នុងឃុំ។​លោកសុវណ្ណបានបញ្ជក់ថា៖”ករណីពុលនៅឃុំពង្រលើ ស្រុកជីក្រែង ខេត្តសៀមរាបគ្មាន បណ្ដាលឲ្យអ្នកជម្ងឺណាម្នាក់ស្លាប់ទេ”៕

 

 

ជំងឺរបេងនៅតែជាក្ដីកង្វល់ ទោះកម្ពុជាបានកាត់បន្ថយលើសពីគោលដៅអភិវឌ្ឍន៍សហស្សវត្ស

ភ្នំពេញ៖អត្រាអ្នកឆ្លង និងស្លាប់ដោយសារជំងឺរបេង នៅតែជាក្ដីព្រួយ​បារម្ភរបស់រាជរដ្ឋាភិបាល អង្គកា​រសុ​​ខ​​ព​​ពិ​​ភ​ព​លោ​ក និងដៃគូពាក់ព័ន្ធក្នុងប្រទេសកម្ពុជា បើទោះជាមជ្ឈ​មណ្ឌលជាតិកំ​ចាត់រោងគរបេង និ​ង​​ហុង​សិន បានប្រកាសពីលទ្ធផលសម្រេច​បានច្រើនជាង​ការរំពឹងទុក​នៃផែនកា​រអភិវឌ្ឍ​ន៍ស​​ហ​ស្ស​​វត្ស​ក៏​ដោយ។

 ថ្លែងក្នុងពិធីអបអរសាទរទិវាពិភពលោកកំចាត់រោគរបេង រៀបចំនៅមជ្ឈមណ្ឌលជាតិកំចាត់​រោគ​របេង និងហុងសិន ព្រឹកថ្ងៃទី២៤ ខែមីនានេះ លោកម៉ម ប៊ុនហេង បញ្ជាក់ថា ប្រទេស​កម្ពុជា​នៅ​តែ​មានអត្រាឈឺ និង​ស្លា​ប់​ដោ​យ​​​​ជំងឺរបេ​ងខ្ពស់នៅឡើ​យបើធៀ​បនឹងបណ្ដាប្រ​ទេសមួ​យចំនួន​ទៀ​​ត ពិសេសក្ដីបារម្ភចំពោះ​អត្រាអ្នកជំងឺ ដែលនៅមិនទាន់ដឹងថាខ្លួនមានផ្ទុកមេរោគរបេង ហើយ​មិ​ន​បា​នព្យាបាល។

លោកបន្តថា គ្រប់ភាគីត្រូវ​រួម​គ្នា​រក​ឲ្យឃើ​ញអ្នកនូវផ្ទុ​កជំងឺ​របេ​ង​​ក្នុ​​ងរង្វង់២ម៉ឺននាក់ ដែល​អង្គកា​រ​សុខ​ភា​ព​ពិភពលោ​កWHO បានប៉ា​​​ន់​​​ប្រ​មា​​​​ណថាអាចកើតមាននៅកម្ពុជាជារៀ​ងរាល់​ឆ្នាំ  តា​ម​រ​យៈ​​កា​​រ​​​​​​​បំផុស និង​លើ​ក​ទឹកចិត្តឲ្យអ្នកជំងឺមកព្យាបាលពិសេសត្រូវរកឲ្យឃើញនូវអ្នកជំងឺដែល​មិន​ដឹង​​​ថាខ្លួនមានផ្ទុកមេរោគរបេង ដើម្បីកាត់បន្ថយកំណើននៃអត្រាឆ្លង។

 

លោកវេជ្ជបណ្ឌិត ម៉ៅ តាន់អ៊ាង ប្រធានមជ្ឈមណ្ឌលជាតិកំចាត់រោគរបេង បានឲ្យ​ដឹង​ថា អ​ត្រា​​អ្ន​កស្លាប់បានធ្លាក់ចុះពី១៥៧ករណី ក្នុងចំណោមប្រជាជន​១​សែ​ន​នា​ក់នៅ​​ឆ្នាំ​១៩​៩០ ម​ក​នៅ​ត្រឹ​ម​៦​៦​ក​រ​ណី​នៅ​ឆ្នាំ២០១៣ ដែលស្មើនឹង៥៨%លើសពីគោល​ដៅ​​សហ​ស្ស​វ​ត្ស​ ​ដែ​ល​​​កំ​ណ​ត់​ឲ្យ​ព្យា​យា​ម​កា​ត់បន្ថយត្រឹម៥០%។

បើទោះជាមិនបានបង្ហាញតួលេខក្នុងប្រទេសកម្ពុជា លោក ម៉ៅ តាន់អ៊ាង បានអះអាថា​ គិតត្រឹម​ឆ្នាំ​​២០១៣ នៅលើពិភពលោកមានប្រជាជន៩លាននាក់ឆ្លងជំងឺរបេង ក្នុងនោះជា​ង​៣​លា​ន​នាក់​មិ​ន​ទា​ន់​ទទួលសេវាព្យាបាល និងជាង១លាននាក់បានបាត់បង់ជីវិត ហើយតំបន់​អា​ស៊ីប៉ាស៊ីហ្វិក មា​​ន​​មនុស្ស​៤ពាន់នាក់បានឆ្លង និងជាង៣រយនាក់បានស្លាប់ដោយជំងឺ​រ​បេ​ងជារៀងរា​ល់​ថ្ងៃ​។​

លោកវេជ្ជបណ្ឌិត Dong il anch ប្រធានអង្គការសុខភាពពិភពលោកប្រចាំកម្ពុជា បានអប​អ​រ​សា​​​ទ​រជាមួយរាជរដ្ឋាភិបាល និងដៃគូរពាក់ព័ន្ធក្នុងប្រទេសកម្ពុជា ដែលបា​នរួ​មគ្នា​ធ្វើ​ឲ្យ​អត្រា​អ្ន​ក​​​​ស្លា​ប់ និង​ឆ្លងជំងឺរបេងថយចុះលើសពីគោលដៅអភិវឌ្ឍន៍​សហស្សវត្ស ប៉ុន្តែលោក​​​​ថា​គ្រប់​គ្នាមិ​ន​ត្រូវល​ង់​ល​ក់​នឹ​ង​លទ្ធផលនេះ ហើយបន្ថយការព្យាយា​ម​នោះ​ឡើ​​​យ។

លោកបន្តថា បច្ចុប្បន្ន កម្ពុជាមានអត្រាប្រេវ៉ាឡង់ខ្ពស់នៅឡើយ​ ក្នុងចំណោមប្រទេ​ស​២២ដែ​ល​មា​ន​អ្ន​ក​​កើ​ត​ជំ​ងឺ​​​របេង​ធ្ងន់ធ្ងរ ដែលនាំ​ឲ្យ​ជារៀងរាល់ឆ្នាំមានពលរដ្ឋជាង៦ម៉ឺននាក់បន្តធ្លាក់​ខ្លួន​ឈើ​ ហើ​យជាងនេះ​ទៅទៀត​កម្ពុជាត្រូវរក​ឲ្យឃើញនូ​វអ្នក​មិនដឹ​ងថាខ្លួ​នផ្ទុក​រោគរបេង​ចន្លោះ​២ម៉ឺ​ន​​នា​ក់ជារៀង​រាល់​ឆ្នាំ ពីព្រោះអ្នកទាំងនោះ នឹងក្លា​យជាប្រភពចម្លងប្រសិ​នបើមិ​ន​ទទួល​បា​​នកា​រព្យា​​បា​លត្រឹមត្រូវ។

គួរបញ្ជាក់ថា សម្រាប់ទិវាកំចាត់រោគរបេងថ្ងៃទី២៤ ខែមីនាឆ្នាំ២០១៥នេះ មជ្ឈមណ្ឌលជាតិកំចាត់​រោគរបេង និងហុងសិន នៃក្រសួងសុខាភិបាលបានប្រារព្ធឡើងក្រោមប្រធានបទ«រក​ឲ្យ​ឃើញ​រា​ល់​​អ្នកជំងឺរបេង ដាក់ឲ្យព្យាបាលជាសះស្បើយសម្រាប់ជនគ្រប់រូប» ខណៈនៅឆ្នាំ២០១៥នេះ អង្គការសុខភាពពិភពលោកបានរកឃើញថា របេងជាជំងឺឆ្លងសម្លាប់មនុស្សច្រើនជាងគេលំដាប់​ទី២លើពីភពលោកបន្ទាប់ពីជំងឺអេដស៍៕

 

កាំកុងត្រូល បង្ហាញអំពីលទ្ធផលនៃការពិសោធន៍លើផលិតផលសិប្បកម្មកាហ្វេ ដែលរដ្ឋាភិបាលបានបង្ក្រាប

ភ្នំពេញ៖បន្ទាប់ពីបានពិនិត្យគុណភាព និងសុវត្ថិភាពលើផលិតផលកាហ្វេរួចមក មន្រ្ដីជំនាញកាំកុងត្រូលបានបង្ហាញប្រកាសជាសាធារណៈអំពីលទ្ធផលនៃការពិសោធន៍លើគុណភាព និងសុវត្តិភាពផលិតផល សិប្បកម្មកាហ្វេ ដែលរដ្ឋាភិបាលបានបង្ក្រាប កាលពីខែមករា ឆ្នាំ២០១៥កន្លងទៅនេះ។

ក្នុងសន្និសីទសារព័ត៌មានស្ដីពីលទ្ធផលនៃការត្រួតពិនិត្យគុណភាពកាហ្វេ នៅព្រឹកថ្ងៃទី២៣ ខែមីនានេះ នៅអគ្គនាយកដ្ឋានកាំកុងត្រូល លោក ឌឹម ថេង អគ្គនាយករងនៃអគ្គនាយកដ្ឋានកាំកុងត្រូល ក្រសួងពាណិជ្ជកម្ម បានលើកឡើងថា ក្រោយពីបានធ្វើតេស្ដនៅមន្ទីរពិសោធន៍នៅក្នុងនិងក្រៅប្រទេស លើគុណភាពកាហ្វេនោះមក គេឃើញថា កាហ្វេទាំងអស់នោះមិនមានចំណុចណាមួយបានរកឃើញនូវ គ្រោះថ្នាក់ផ្នែកសុខភាពអំពីការចម្លងមេរោគ  លោហធាតុធ្ងន់ធ្ងរនិងសារធាតុពុល នៅក្នុងកាហ្វេនោះទេ។

លោកបានបញ្ជាក់ថា តាមលក្ខណៈវិទ្យាសាស្រ្ដកាំកុងត្រូល​បានកំណត់ទិសដៅស្វែងរកសារធាតុ ណាធ្វើឱ្យប៉ះពាល់សុខភាពអ្នកប្រើប្រាស់ ដែលមានសារធាតុគីមី និងបច្ចេកទេសនៃការលីងកាហ្វេ ដែល ខ្លោចជ្រុល និងគ្រឿងផ្សំផ្សេងៗទៀតនៅក្នុងកាហ្វេ និងយកផលិតផលកាហ្វេទៅពិសោធន៍រក សារធាតុ បង្កគ្រោះថ្នាក់និងបានធ្វើការវិភាគលើប៉ារ៉ាម៉ែត្រផ្នែកមេរោគបង្កជំងឺនៅប្រទេសថៃ និងប្រទេសវៀតណាម ដែលជាលទ្ធផល ពុំមានផលប៉ះពាល់ផ្នែកសុខភាព និងភាពវិជ្ជមាននោះទេ។

លោកបានអះអាងថា យោងតាមលទ្ធផលនៃការវិភាគកាហ្វេ ដែលកាំកុងត្រូលបានធ្វើការ ពិសោធន៍ទៅលើប៉ារ៉ាម៉ែត្រមួយចំនួន ទៅលើភាពបង្កហានិភ័យ រកមេរោគ សារធាតុគីមី បាក់តេរីបង្កជំងឺ នៅក្នុងម្ហូបអាហារ និងពពួកលោហៈធ្ងន់ដូចជាអាសេនិច បារត និងទង់ដែង ប៉ុន្ដែលទ្ធផលបានបង្ហាញថា មិនមានវត្ដមានពួក ទាំងនោះឡើយ។ ប្រសិនបើមានវត្ដមានច្រើនលើសលប់នៅក្នុងផលិតផលកាហ្វេនេះ វាអាចបង្កផលប៉ះ ពាល់សរីរាង្គ ប្រព័ន្ធសរសៃប្រសាទរបស់មនុស្ស។

ឧត្តមសេនីយ៍ត្រី ឡុង ស្រេង អនុប្រធាននាយកដ្ឋានប្រឆាំងបទល្មើសសេដ្ឋកិច្ច នៃ ក្រសួងមហាផ្ទៃ បានចាត់ទុកថា សិប្បកម្មកាហ្វេខាងលើនេះ គឺជាការបោសប្រាស់អតិថិជនអ្នកប្រើ ប្រាស់ ដែលម្ចាស់សិប្បកម្មបានសុំច្បាប់អនុញ្ញាត្ដផលិតកាហ្វេ ប៉ុន្ដែធាតុពិតគឺដាក់សារធាតុសណ្ដែក ពោត និងលាយជាមួយធាតុផ្សំជាច្រើនទៀត។

លោកបន្ដថា តាមការពិនិត្យរបស់នគរបាលជំនាញរកឃើញ ថា ក្នុងកញ្ចប់កាហ្វេ មានពោត និងសណ្ដែកចំនួន៧៧ភាគរយ ហើយកាហ្វេសុទ្ធមានតែ ១៣ភាគរយ ប៉ុណ្ណោះ និងសារធាតុផ្សំផ្សេងៗទៀត។ ករណីនេះ បានបញ្ជូនទៅស្ថាប័នតុលាការក្នុងបទល្មើសទាក់ទង នឹងផលិតផលក្លែងក្លាយ ផលិតផលក្លែងបន្លំគុណភាព ដើម្បីដោះស្រាយបន្ដទៅតាមនីតិវិធីផ្លូវច្បាប់។

លោក ស្រី ចន្ទី អ្នកវិភាគឯករាជ្យ បានប្រាប់ទូរទស្សន៍ហង្សមាសព្រឹកថ្ងៃទី២៣ ខែមិនានេះដោយ

បានពន្យល់ថា ការធ្វើអាជី​វកម្មបន្លំគុណភាពកាហ្វេនេះ ត្រូវចាត់ទុកជាការបោសប្រាស់ដល់អតិថិជនអ្នក ប្រើប្រាស់​ និងបានបង្កផលប៉ះពាល់ដល់សុខភាព ដែលត្រូវតែទទួលទោសតាមច្បាប់។

លោកបាន ស្នើដល់ក្រសួងពាក់ព័ន្ធ ត្រូវមានការត្រួតពិនិត្យឱ្យបានច្បាស់លាស់ មុននឹងផ្ដល់អាជ្ញាប័ណ្ណដល់ការធ្វើ អាជីវកម្មណាមួយ ដើម្បីចៀសវាងការលួចបន្លំលើផលិតផល និងម៉ាកសម្គាល់មុខទំនិញ ហើយមិនមាន ស្ដង់ដារ ស្របតាមលក្ខណៈជាតិ និងអន្ដរជាតិ។

សូមរម្លឹកថា កាលពីថ្ងៃទី២០ ខែមករា ឆ្នាំ២០១៥កន្លងទៅនេះ សមត្ថកិច្ចចម្រុះបានចុះពិនិត្យ សិប្បកម្មកែច្នៃកាហ្វេ ដែលមានម្ចាស់ឈ្មោះ ស៊ាង ដារ៉ា ដែលមានអាស័យដ្ឋានផ្ទះលេខ៧៧៨ សង្កាត់ ឃ្មួញ ខណ្ឌសែនសុខ រាជធានីភ្នំពេញ ហើយក្នុងកិច្ចសហប្រតិបត្តិការនេះ សមត្ថកិច្ចបានរឹបអូសកាហ្វេ និងគ្រឿងផ្សំផ្សេងៗ សរុបមានចំនួនជិត៣ម៉ឺន៤ពាន់គីឡូក្រាម៕

 

ការសាងប្រព័ន្ធទឹកស្អាតសហគមន៍បញ្ជៀស ផលប៉ះពាល់ពីជាតិអាសេនិច

ភ្នំពេញ៖ក្នុងទិវាទឹកកម្ពុជាឆ្នាំ២០១៥ក្រោមប្រធានបទ៖“ទឹកនិងការអភិវឌ្ឍប្រកបដោយចីរភាព”ដែលបានប្រារព្វ ធ្វើនៅថ្ងៃនេះបានលើជាគំរូមួយពីការសាងប្រព័ន្ធទឹកស្អាតសហគមន៍បញ្ជៀសផលប៉ះពាល់ពីជាតិអាសេនិច ឃុំក្រាំង​យ៉ូវខេត្តកណ្ដាល។កម្មវិធីនេះបង្កើនឡើងពីភាពជាដៃគូរវាងវិស័យសាធារណៈ និងវិស័យឯកជន រវាងក្រសួងអភិ​វឌ្ឍន៍ជនបទ យូនីសេហ្វ និងអង្គការមិនមែនរដ្ឋាភិបាល ដែលមានឈ្មោះថា “ទឹកស្អាត ១០០១”។

ឃុំក្រាំងយ៉ូវ មានទីតាំងនៅស្រុកស្អាង ខេត្ដកណ្ដាល។ ឃុំនេះមានភូមិចំនួន ១៩និងប្រជាពលរដ្ឋចំនួន ១៩៧៩៨ នាក់(ទិន្នន័យឃុំ ២០១៣)។ ធនធានទឹកសំខាន់ជាងគេរបស់ឃុំគឺទឹកលើដី ដែលបានមកពីអូរ និងអណ្ដូងស្នប់។

ទឹកលើដី អាចមានបាក់តេរី ខណៈពេលដែលទឹកអណ្ដូងស្នប់វិញអាចនឹងមានជាតិអាសេនិច។ នៅក្នុងឆ្នាំ២០១៣ មន្ទីរអភិវឌ្ឍន៍ ជនបទខេត្ដកណ្ដាលបានធ្វើការអង្កេតអណ្ដូងចំនួន៧៦កន្លែងក្នុងឃុំ តែពុំមានរកឃើញអណ្ដូងដែលមានជាតិអាសេនិច នោះទេ។
ដំណើរការនៅក្នុងខែមីនា ឆ្នាំ២០១៤ ប្រព័ន្ធនេះ គឺជា អន្ដរាគមន៍មួយ ក្នុងចំណោមអន្ដរាគមន៍ជាច្រើន ដើម្បី
លើកកម្ពស់ជម្រើសទឹកស្អាតសម្រាប់បរិភោគ នៅតាមសហគមន៍ និងសាលារៀន ដែលរងផលប៉ះពាល់
ដោយសារជាតិអាសេនិច ក៏ដូចជាបង្កើតនូវការងារនិងជំនាញ ដល់សហគ្រិន និងក្មេងជំទង់។

នេះគឺជាភាពជាដៃគូរវាងវិស័យសាធារណៈ និងវិស័យឯកជន រវាងក្រសួងអភិវឌ្ឍន៍ជនបទ យូនីសេហ្វ និងអង្គការមិនមែនរដ្ឋាភិបាល ដែលមានឈ្មោះថា “ទឹកស្អាត ១០០១”។ទឹកត្រូវបានបូមចេញពីប្រភពដូចជា ទន្លេ អណ្ដូងស្នប់ អណ្ដូងលូ ឬប្រព័ន្ធដទៃទៀត ហើយបញ្ជូនទៅប្រព័ន្ធចម្រោះ មុននឹងច្រកទៅ ក្នុងដបបិទជិតចំណុះ ២០ លីត្រ។ បន្ទាប់គម្រោង ធ្វើការលក់ទឹកក្នុងតម្លៃ ១៥០០រៀលក្នុងមួយដប ដែលជា តម្លៃមួយសមរម្យ ដល់អ្នកភូមិចំនួន ៣៧៧៧ នាក់។

ទឹកនេះក៏ ត្រូវបានផ្ដល់ដល់សាលារៀនបឋមសិក្សាចំនួន៣កន្លែង ដែលមានសិស្សសរុប ២០៩៤ នាក់ ដោយមិនគិតថ្លៃផងដែរ។ក្រោមកម្មវិធីកាត់បន្ថយផលប៉ះពាល់ពីសារជាតិអាសេនិច អង្គការយូនីសេហ្វ និងទឹកស្អាត១០០១ ដែលជាដៃគូ បានអនុវត្ដគម្រោងមួយ ដែលមានរយៈពេល៣ឆ្នាំ (២០១២-២០១៤)។ ភាពជាដៃគូនេះបានតម្លើង ប្រព័ន្ធ
ទឹក ស្អាតសម្រាប់បរិភោគ ក្នុងសហគមន៍ ក្នុងឃុំ ដែលរងផលប៉ះពាល់ ដោយសារជាតិអាសេនិចចំនួន ៥០ ឃុំ
នៅខេត្ដកណ្ដាល ព្រៃវែង និងកំពង់ចាម។

គិតមកដល់ពេលបច្ចុប្បន្ននេះ ប្រព័ន្ធចំនួន ៥០ ត្រូវបានតម្លើង និងកំពុងផ្ដល់សេវាដល់ប្រជាពលរដ្ឋចំនួន ៤០៥០០ គ្រួសារ និងសិស្សចំនួន ២៤០១៩ នាក់៕

 

ជប៉ុនជួយលុយលើក​កម្ពស់សេវាសុខាភិបាលនៅកម្ពុជា

ភ្នំពេញ៖ ជប៉ុន បានផ្តល់ជំនួយឥតសំណងសរុបប្រមាណជាង១៩ម៉ឺន២ពាន់​ដុល្លារ ដើម្បីសាង​សង់​អគា​រព្យា​បាល​ជម្ងឺទូទៅដល់ប្រជាពលរដ្ឋរស់នៅតំបន់​នោះចំនួន​២ម៉ឺន​៨ពាន់នាក់ក្នុង​ខេត្ត​ក្រចេះ និង​ខេត្តតាកែវ ។

ថ្លែងនៅក្នុងពិធីចុះហត្ថលេខាលើកិច្ចសន្យាផ្តល់ជំនួយ សម្រាប់គម្រោងទ្រង់ទ្រាយតូចសន្តិសុខ​មនុស្សជាតិ នៅព្រឹក ថ្ងៃទី២០ មីនា នេះលោក គូម៉ាម៉ារ៉ូ យូជិ ឯកអគ្គរាជទូតវិសាមញ្ញ​ជប៉ុន​ប្រចាំនៅកម្ពុជា បានមានប្រសាសន៍ថា កា​រ​កែលម្អវិស័យសុខាភិបាលនៅកម្ពុជា គឺជាវិស័យ​អាទិភាពដ៏សំខាន់មួយ សម្រាប់ការអភិវឌ្ឍន៍ប្រទេសឱ្យបានល្អ​ប្រសើរ​ជាងមុន ក៏ដូចជា ចូល​រួមចំណែកដល់ការលើកកម្ពស់សុខមាលភាពដល់ប្រជាពលរដ្ឋឆ្ងាយដាច់ស្រយោ​ល​ផង​ដែរ។

 ឯកអគ្គទូតជប៉ុនបានបន្តថា ការផ្តល់ជំនួយឥតសំណងពីរាជរដ្ឋាភិបាលជប៉ុននៅថ្ងៃនេះ គម្រោងទី១- មាន​​ថវិកាសរុបប្រមាណ១ម៉ឺនដុល្លារ ដើម្បីជួយសាងសង់អគារជម្ងឺទូទៅមួយខ្នង ដែលបំពាក់ទៅដោយគ្រែសម្រាប់​ក្រុម​អ្នកជម្ងឺចំនួន២១ នៅក្នុងមន្ទីរពេទ្យរងរមេញ ស្រុកគិរីវង់ ខេត្តកាកែវ។

ដោយឡែក គម្រោងទី២- ជប៉ុនបានផ្តល់ជំនួយជាថវិកាសរុបចំនួន១ម៉ឺន៨ពាន់ដុល្លារ លើការ​ជួយពង្រីកសាងសង់​មណ្ឌល​សុខភា​ពមួយខ្នងដូចគ្នាដែរ នៅឃុំកំពង់ចាម ស្រុកសំបូរ ខេត្ត​ក្រចេះ។

លោកមានការរំពឹងជឿជាក់ថា គម្រោងទាំងពីរនេះ នឹងផ្តល់អត្ថប្រយោជន៍យ៉ាងខ្លាំង​ដល់​ប្រជា​ពលរដ្ឋ​ដែលកំពុង​តែ​​រស់​នៅ​ក្នុង​ខេត្តទាំងពីរ ដោយសរុបជាទឹកប្រាក់អស់​ចំនួន​២ម៉ឺ៨ពាន់ ដើម្បីបង្កលក្ខណៈ​ងាយស្រួលការថែទាំផ្នែក​វេជ្ជ​សាស្រ្ត​ និង​មក​ទទួល​សេវាសុខភាព​ប្រកបដោយ​ភាពល្អប្រសើរឱ្យគ្រប់ៗគ្នា។

លោកវេជ្ជបណ្ឌិត ឈ្នាង សុវុត្ថា ប្រធានមន្ទីរសុខាភិបាលខេត្តក្រចេះ និងជាអ្នកតំណាងម្ចាស់​ទទួលជំនួយ​ទាំងពីរ​ខាង​លើបានឱ្យដឹងថា បច្ចុប្បន្ននេះ នៅក្នុងឃុំកំពង់ចាម និងឃុំបឹងចារ ស្រុកសំបូរ មិនទាន់មានអគារមណ្ឌល​សុខ​ភាព​​សម្រាប់ប្រជាពលរដ្ឋរស់នៅទីនោះនៅឡើយទេ។

លោកបន្តថា ដោយសារតែ ប្រជាពលរដ្ឋមួយចំនួនមានលំបាកច្រើន ដូចជា ផ្ទះនៅឆ្ងាយពី​ការិយាល័យ​​ប្រតិបត្តិ​សុខា​ភិ​បាលស្រុក និងការឆ្លងកាត់ទន្លេមេគ្គងតាមរយៈការធ្វើដំណើរដោយ​ទូក ដើម្បីទៅទទួល​យកសេវា​សុខាភិ​បាល​នៅ​​មណ្ឌលសុខភាពសំបូរ ។

លោកបានបន្ថែមទៀតថា ចំណែកឯ ប្រជាពលរដ្ឋមួយចំនួនធំផ្សេងទៀតនោះ មានការប្រឈមមុខនឹងការ​ប្រើប្រាស់​សេវា​សុខា​ភិបាលឯកជនផ្តល់ដោយអ្នកគ្មានជំនាញ ស្រ្តីមានផ្ទៃពោះមិនបានធ្វើការ​ពិនិត្យផ្ទៃ​ពោះ​អត់​ទៀង​ទាត់ និង​ជម្ងឺ​ផ្សេងៗជា​ដើម។

 

គួរបញ្ជាក់ដែរថា គម្រោងសាងសង់អគារមណ្ឌលសុខភាព​នៅក្នុងមូលដ្ឋានខេត្តក្រចេះ និង​ខេត្តតាកែវ គឺ​នឹង​ចាប់​ផ្តើមសាងសង់ឡើង​ បន្ទាប់​ពី​ការចុះហត្ថលេខារួច ។ ការសាងសង់នេះ នឹង​ត្រូវបាន​បញ្ចប់នៅ​ចុង​ឆ្នាំ២០​១៥នេះ ដើម្បី​ត្រៀមដាក់ឱ្យដំណើរការជាផ្លូវការ​នៅដើម​ឆ្នាំ២០១៩ខាងមុខ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

ព័ត៌មានជាតិ​ពេល​យប់​


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2