vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សុខភាព

លោកអៀងមូលី៖”ការកាត់បន្ថយករណីចម្លងមេរោគអេដស៍ថ្មី និងអត្រាស្លាប់ត្រូវការចូលរួមពីគ្រប់ភាគី”

ខេត្តមណ្ឌលគិរី៖លោកអៀងមូលីប្រធានអាជ្ញាធរជាតិប្រយុទ្ធនឹងជំងឺអេដស៍ បានមានប្រសាសន៍ថា៖”ការកាត់បន្ថយករណីចម្លងមេរោគអេដស៍ថ្មី និងអត្រាស្លាប់ត្រូវការចូលរួមពីគ្រប់ភាគី”ខណៈអាត្រាឆ្លងមានប្រមាណជា០ុ,០៦ភាគរយនៅកម្ពុជា។លោកថ្លែងក្នុងពិធីបើកសិក្ខាសាលាពិគ្រោះយោបល់លើការងារដែលបានអនុវត្តនៅក្នុងឆ្នាំ២០១៦ និងពិនិត្យពិភាក្សាផែនការសម្រាប់ឆ្នាំ២០១៧ នៅសណ្ឋាគារមណ្ឌលគិរី ក្រុងសែនមនោរម្យ ខេត្តមណ្ឌលគិរី នាព្រឹកថ្ងៃទី០២ ខែមិនា ឆ្នាំ២០១៧។
លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានក្រើនរំលឹកដល់ថ្នាក់ដឹកនាំ និងមន្ត្រីអាជ្ញាធរជាតិប្រយុទ្ធនឹងជំងឺអេដស៍ ត្រូវបំពេញភារកិច្ច អោយទទួលបានប្រសិទ្ធភាព និងជោគជ័យបន្ថែមទៀត ។
លោកបានបញ្ជាក់ពីគោល បំណង នៃអង្គសិក្ខាសាលា ដើម្បីឲ្យថ្នាក់ដឹកនាំ និងមន្ត្រីអាជ្ញាធរជាតិប្រយុទ្ធនឹងជំងឺអេដស៍ ពិនិត្យមើលឡើងវិញនូវវវឌ្ឍនៈភាព កង្វះខាតបញ្ហាប្រឈម លទ្ធផលការងារក្នុងឆ្នាំ២០១៦ និងពិនិត្យពិភាក្សាផែនការលំអិតសម្រាប់អនុវត្តក្នុងឆ្នាំ២០១៧ របស់អាជ្ញាធរជាតិប្រយុទ្ធនឹងជំងឺអេដស៍។
ម្យ៉ាងទៀត អាជ្ញាធរជាតិប្រយុទ្ធនឹងជម្ងឺអេដស៍ជាស្ថាប័នជាតិ ដែលបានទទូលកាតព្វកិច្ច និងភារកិច្ចពីរាជរដ្ឋាភិបាល និងទទួលខុសត្រូវរួមចំពោះមុខរាជរដ្ឋាភិបាល ក្នុងការដឹកនាំយន្តការ និងកិច្ចការ សម្របសម្រួលពហុវិស័យ ដើម្បីកាត់បន្ថយករណីចម្លងមេរោគអេដស៍ថ្មី កាត់បន្ថយអត្រាស្លាប់ ដោយជំងឺអេដស៍ កាត់បន្ថយការរើសអើងប្រឆាំងនឹងអ្នករស់នៅជាមួយមេរោគអេដស៍ ហើយត្រូវដឹកនាំ កិច្ចការ និងការគៀងគរធនធានមនុស្ស និងហិរញ្ញវត្ថុដើម្បីប្រើប្រាស់នៅក្នុងសំណុំសកម្មភាពអន្តរវិស័យ ដែលពាក់ព័ន្ធការប្រយុទ្ធនឹងជំងឺអេដស៍។
ជាមួយគ្នានេះដែរ លោកប្រធានអាជ្ញាធរជាតិប្រយុទ្ធនឹងជំងឺអេដស៍ បានមានប្រសាសន៍ក្រើនរំលឹកដល់ថ្នាក់ដឹកនាំ និងមន្ត្រីអាជ្ញាធរអោយ បំពេញភារកិច្ចអោយទទួលបានប្រសិទ្ធភាព និងជោគជ័យបន្ថែមទៀត អោយស្របទៅនឹងអាណត្តិ និងការទទួលខុសត្រូវរបស់អាជ្ញាធរជាតិ គឺត្រូវបំពេញភារកិច្ច សម្របសម្រួលគាំទ្រ អន្តរក្រសួង ស្ថាប័ន នៅគ្រប់កំរិត រដ្ឋបាលថ្នាក់ជាតិ និងថ្នាក់ក្រោមជាតិ ដែលផ្តល់ជាលទ្ធផលជាក់ស្តែងក្នុងការកាត់បន្ថយ ការចម្លងមេរោគអេដស៍ និងកាត់បន្ថយអត្រាស្លាប់ដោយជំងឺអេដស៍ និងកាត់បន្ថយ ការរើសអើង ជាមួយអ្នករស់នៅជាមួយមេរោគអដស៍នៅទូទាំងព្រះរាជាណចក្រកម្ពុជា។

តាមរបាយការណ៍អាជ្ញាធរជាតិប្រយុទ្ធនឹងជំងឺអេដស៍ ក្នុងចំណោមអ្នកផ្ទុកមេរោគអេដស៍ទាំងអស់ចំនួន ៧៤ ០០០ នាក់ មានតែ ៥៥ ០០០ នាក់ទេ ដែលកំពុងទទួលសេវាព្យាបាល។ ដូចនេះ មានអ្នកផ្ទុកមេរោគអេដស៍ជិត ២ ម៉ឹននាក់ ដែលយើងមិនដឹងថាគាត់នៅទីណា ស្លាប់ ចំណាកស្រុក ឬ សម្ងំព្យាបាលខ្លួនឯង ឬ កំពុងចម្លងទៅអ្នកឯទៀត ។

 

មន្ដ្រីខេត្តកំពង់ធំចាប់ផ្ដើមសំអាតសម្រាមដើម្បីបរិស្ថានស្រស់ស្អាតនិងអនាម័យ

ខេត្តកំពង់ធំ៖ដើម្បីចូលរួមលើកកម្ពស់សុខភាពនិងសុខុមាលភាពដល់ប្រជាពលរដ្ឋ អាជ្ញាធរខេត្តកំពង់ធំ រួមនិងមន្ត្រីរាជការជុំវិញខេត្ត ព្រមទាំងកងកម្លាំងនិងអាជីវករ បានប្រារព្វទិវាជាតិទីក្រុងស្អាតក្រោមប្រធានបទ«ទីក្រុងស្អាត ទីក្រុងផ្តល់ភាពកក់ក្តៅដល់ប្រជាពលរដ្ឋនិងភ្ញៀវទេសចរ»។

ថ្លែងក្នុងទិវាទីក្រុងស្អាត ក្រោមប្រធានបទ”ទីក្រុងស្អាតទីក្រុងផ្តល់ភាពកក់ក្តៅដល់ប្រជាពលរដ្ឋនិងភ្ញៀវទេសចរណ៍” នៅក្នុងបរិវេណក្រុងស្ទឹងសែន នាព្រឹកថ្ងៃទី១ខែមីនាឆ្នាំ២១០៧នេះ លោកស្រី ឃួនឃុនឌី អភិបាលរងខេត្តកំពង់ធំបានលើកយកប្រសាសន៏របស់រាជរដ្ឋាភិបាលថ្លែងថា ៖ការប្រារព្វទិវាទីក្រុងស្អាតលើកទី៥ឆ្នាំ២០១៧នេះ សម្រាប់ធុរកិច្ចបៃតងក្នុងវិស័យទេសចរលើកទី២ អមជាមួយនិងបដិសណ្ឋារកិច្ចល្អ សេវាសាធារណៈរបស់ស្រុក ខណ្ឌ ក្នុងចលនាប្រលងប្រណាំងទីក្រុងស្អាតលើកទី១ ព្រឹត្តិការណ៏ទាំងអស់នេះពិតជាបានរួមចំនែក បំផុសដល់ជនរួមជាតិទាំងអស់ ជាពិសេសយុវជនខ្មែរ ឲ្យបន្តការជម្រុញនិងយកចិត្តទុកដាក់កាន់ខ្ពស់បន្ថែមទៀត ក្នុងការលើកកម្ពស់ការអភិវឌ្ឍបៃតង ការផ្តល់នូវបដិសណ្ឋារកិច្ចល្អដែរជាការចូលរួមចំណែកដល់វិស័យទេសចរ និងការរីកចំរើននៃសង្គមជាតិយើង។
លោកសុខលូ អភិបាលនៃគណៈអភិបាលខេត្តកំពង់ធំមានប្រសាសន៏ថា ក្នុងស្មារតីឆ្លើយតបទៅនឹងការវិវត្តនិងនិន្នាការអភិវឌ្ឍន៏ថ្មីនេះកម្ពុជា ត្រូវបន្តយកចិត្តទុកដាក់និងគិតគូរបង្កើនការប្រកួតប្រជែងនិងការធានានិរន្តភាពនៃការអភិវឌ្ឍន៏ ដោយឈរលើយុទ្ធនាការ”ទីក្រុងស្អាតរមណីយដ្ឋានស្អាតសេវ៉ាល្អបដិសណ្ឋារកិច្ចល្អ”នេះជាការចូលរួមអភិវឌ្ឍន៏វិស័យទេសចរមាសបៃតង ឯកឧត្តមបានបន្តថា!ក្នុងការប្រារព្វទិវាទីក្រុងស្អាត ទីក្រុងផ្តល់ភាពកក់ក្តៅដល់ប្រជាពលរដ្ឋនិងភ្ញៀវទេសចរណ៏ គឺឆ្លុះបញ្ចាំងយ៉ាងច្បាស់លាស់ថាប្រជាពលរដ្ឋគ្រប់រូបតែងតែចង់រស់នៅទីក្រុងដែលមានភាពស្អាតនិងបៃតង។
ជាមួយគ្នានេះដែរ លោកក៏បានអំពាវនាវដល់ប្រជាពលរដ្ឋថា បើចង់ឲ្យទីក្រុងបានស្អាត លុះត្រាផ្តើមចេញពីយើងទាំងអស់គ្នា ចេះស្រលាញ់ទីក្រុង ប្រើទម្លាប់ល្អនាំគ្នាយកសំរាមទៅចោលនៅកន្លែងធុងសម្រាម។
លោកសេងអាន ប្រធានមន្ទីរ ទេសចរខេត្តកំពង់ធំបានថ្លែងថាការប្រារព្វទិវាទីក្រុងស្អាតនេះក្នុងគោលបំណងលើកកម្ពស់សោភ័ណ្ណភាពបរិស្ថាននិងសណ្តាប់ធ្នាប់ទីក្រុងជាពិសេសចូលរួមក្នុងកម្មវិធីនយោបាយនិងយុទ្ធសាស្ត្រអភិវឌ្ឍនានារបស់រាជរដ្ឋាភិបាលការថែរក្សាការពារបរិស្ថាន និងបានជម្រុញឲ្យតួអង្គសំខាន់ៗក្នុងវិស័យទេសចរ ហើយប្រជាពលរដ្ឋនិងភាគីពាក់ព័ន្ធ ចូលរួមចំនែកយ៉ាងសកម្មក្នុងការគ្រប់គ្រងបរិស្ថានតាមក្រុងរបស់ខ្លួន៕

 

 

ជំនាញចុះបង្ក្រាបនិងរឹបអូសសត្វមាន់ខូចគុណភាពជាង៣០០គីឡូដុតបំផ្លាញចោលក្រោយនាំចូលពីថៃ

ខេត្តបាត់ដំបង៖មន្ត្រីជំនាញសហការជាមួយកម្លាំងសមត្ថកិច្ចចុះរឹបអូសមាន់រស់និងមាន់ងាប់ជាច្រើនក្បាលដែលក្រុមឈ្មួញ​ដឹកជញ្ជូនដោយខុសច្បាប់ចូលទីផ្សារយកទៅដុតបំផ្លាញចោលនិងធ្វើវិភាគរកសញ្ញមេរោគ។

លោកប៉ែន សេដ្ឋា នាយការិយាល័យបសុព្យាបាលខេត្តបាត់ដំបងក្នុងឱកាសដុតសត្វមាន់ងាប់កំទេចចោលនៅរសៀលថ្ងៃទី២៨ ខែកុម្ភះ ឆ្នាំ២០១៧នេះបានអោយដឹងថា ការចរាចរណ៍សត្វមាន់របស់ក្រុមឈ្មួញមួយចំនួនតូចចូលផ្គត់ផ្គង់តម្រូវការទីផ្សារនេះជាមាន់ដែលអន់សាច់និងជាសាច់មាន់ឡើងពណ៌ខៀវធុមក្លិននាំអោយប៉ះពាល់ដល់សុខភាពអ្នកទទួ​លទាន។
ក្នុងការបង្ក្រាបនេះធ្វើឡើងនៅលើដងផ្លូវជាតិលេខ៥ក្នុងមូលដ្ឋានក្រុងបាត់ដំបងនៅវេលាម៉ោង៤.០០នាទីទៀបភ្លឺថ្ងៃទី២៧ ខែកុម្ភះ ឆ្នាំ២០១៧កន្លងមកខណះឈ្មួញដឹកជញ្ជូនតាមរថយន្តបន្ទាប់មកបានផ្ទេរបន្តបំបែករូបភាពតូចៗដឹកតាមម៉ូតូវិញមកកាន់ទីផ្សារក្រុងបាត់ដំបង ខេត្តបាត់ដំបង។
ក្នុងប្រតិបត្តិការនេះមន្ត្រីជំនាញរឹបអូសបានសត្វមាន់រស់ពណ៌ក្រហមចំនួន៣៦៥ក្បាលវិធានការក្នុងជំហានដំបូងត្រូវយក​ឈាម​ទៅវិភាគនៅនាយកដ្ឋានស្រាវជ្រាវភ្នំពេញប្រសិនបើការវិភាគឃើញថាសត្វមាន់ទាំងនោះមានសញ្ញាមេរោគនិងយកវាទៅដុតបំផ្លាញចោល ប៉ុន្តែបើសត្វមាន់រស់ទាំងនោះមិនសញ្ញារោគទេនិងតម្រូវអោយម្ចាស់មាន់ចូលខ្លួនដើម្បីទទួលខុសត្រូវលើការផាកពិន័យ។ ដោយឡែកចំពោះសត្វមាន់យក្សងាប់ដែលធំក្លិនស្អុយវិញសរុបចំនួន៣៨២គីឡូក្រាមត្រូវយកទៅដុតបំផ្លាញចោលហើយបាញ់ថ្នាំសម្លាប់មេរោគរួចគាប់ក្នុងដីជម្រៅ៕

 

 

 

UN៖”កុមារកម្ពុជាអាយុក្រោម៥ឆ្នាំ ចំនួន៣២ភាគរយ មានបញ្ហាក្រិសក្រិន” និងចំនួន១០ភាគរយ ខ្វះអាហារូបត្ថម្ភ

ភ្នំពេញ៖ របាយការណ៍សហប្រជាជាតិប្រចាំងកម្ពុជាបានអោយដឹងថា៖”កុមារកម្ពុជាអាយុក្រោម៥ឆ្នាំ ចំនួន៣២ភាគរយ មានបញ្ហាក្រិសក្រិន” និងចំនួន ១០ភាគរយ ទៀតស្គមស្គាំង ដោយសារខ្វះអាហារូបត្ថម្ភ។
ប្រភាពបានបន្ដថា៖”បញ្ហាកង្វះអាហារូបត្ថម្ភក្នុងចំណោមកុមារ នៅតែជាបញ្ហាគួរឲ្យព្រួយបារម្ភនៅក្នុងប្រទេសកម្ពុជា។ កុមារអាយុក្រោម៥ឆ្នាំ ចំនួន៣២ភាគរយ មានបញ្ហាក្រិសក្រិន(កម្ពស់ទាបពេកធៀបនឹងអាយុ) និងចំនួន ១០ភាគរយ ទៀតស្គមស្គាំង ដោយសារខ្វះអាហារូបត្ថម្ភស្រួចស្រាវធ្ងន់ធ្ងរ។ ជាមួយការគាំទ្រពី យូនីសេហ្វ វិទ្យាស្ថានស្រាវជ្រាវសម្រាប់អភិវឌ្ឍន៍ (IRD) និងរដ្ឋបាលជលផល បាននឹងកំពុងខិតខំអភិវឌ្ឍអាហារបន្ថែមចំនួនពីរប្រភេទ គឺទីមួយអាហារសម្រាប់ព្យាបាលបញ្ហាកង្វះអាហារូបត្ថម្ភស្រួចស្រាវធ្ងន់ធ្ងរ និងទីពីរសម្រាប់បង្ការបញ្ហាកង្វះអាហារូបត្ថម្ភ។ បន្ទាប់ពីការស្រាវជ្រាវនិងអភិវឌ្ឍអស់រយៈពេលជាងពីរឆ្នាំ លទ្ធផលចុងក្រោយនិងផែនការបន្ទាប់នឹងត្រូវបង្ហាញជូននៅក្នុងសិក្ខាសាលានាថ្ងៃទី២២កុម្ភៈនេះ។
សិក្ខាសាលានេះនឹងពិនិត្យមើលទ្បើងវិញនូវការសិក្សាខុសៗគ្នាដែលបានអនុវត្តក្នុងប្រទេសកម្ពុជា ដើម្បីឈានទៅរកការអភិវឌ្ឍអាហារបន្ថែមក្នុងស្រុកធ្វើពីប្រូតេអ៊ីននៃសាច់ត្រី សម្រាប់ព្យាបាលនិងបង្ការបញ្ហាកង្វះអាហារូបត្ថម្ភ។ សិក្ខាសាលាធ្វើនៅសាលប្រជុំនៃមជ្ឈមណ្ឌលជាតិគាំពារមាតានិងទារក អាសយដ្ឋានលេខ៣១A ផ្លូវលេខ៤៧ រាជធានីភ្នំពេញ៕

 

ក្រសួងឧស្សហកម្មចុះកិច្ចព្រមព្រៀងជាមួួយក្រុមហ៊ុនបង្កើតជាមន្ទីរពិសោធន៍សម្រាប់ទឹកពិនិត្យគុណភាពទឹកស្អាត

ភ្នំពេញ៖ក្រសួងឧស្សាកម្មនិងសិប្បកម្មបង្កើនប្រសិទ្ធិភាពត្រួតពិនិត្យគុណភាពទឹកស្អាតនៅទូទំាងប្រទេស ក្រសួងឧស្សា​ហកម្មនិងសិប្បកម្មសម្រេចភ្ជាប់កិច្ចសហការជាមួយក្រុមហ៊ុនចេមលេប ខេមបូឌា ដើម្បីបង្កើនប្រសិទ្ធិភាពក្នុងការផ្តល់សេវាវិភាគទឹកស្អាតជូនប្រជាពលរដ្ឋប្រើប្រាស់ប្រកដោយសុវត្ថិភាព។
កិច្ចព្រមព្រៀងរវាងក្រសួងឧស្សាហកម្ម និងសិប្បកម្មជាមួយនឹងក្រុមហ៊ុនចេមលេប ខេមបូឌា បានធ្វើឡើងនៅរសៀលថ្ងៃទី១៧ ខែកុម្ភៈ ក្រោមអធិបតេយ្យភាពដ៏ខ្ពង់ខ្ពស់លោកទេសរដ្ឋមន្រ្តីចម ប្រសិទ្ធ រដ្ឋមន្រ្តីក្រសួងឧស្សាហកម្មនិងសិប្បកម្ម។
លោក.រដ្ឋមន្រ្តីបានឲ្យដឹងថា ការសម្រេចចុះកិច្ចព្រមព្រៀងនេះ ដោយសារតែរាជរដ្ឋាភិបាលចង់ជំរុញឲ្យ វិស័យឯកជនចូលរួមក្នុងការអភិវឌ្ឍដោយបង្កើតជាមន្ទីរពិសោធន៍ ដើម្បីផ្តល់សេវាធ្វើតតេសលើប្រភព ទឹក និងទឹកស្អាត ឲ្យស្របតាមប្រពន្ធ័ស្តង់ដាសុវត្ថិភាព មុនផ្គត់ផ្គង់ជូនប្រជាពលរដ្ឋប្រើប្រាស់។
លោកបញ្ជាក់ថា៖” ក្រៅពីការសាងសង់មន្ទីរពិសោធនៅក្នុងរាជធានីភ្នំពេញ ក្រុមហ៊ុនក៏នឹងបង្កើតមន្ទីរពិសោធន៍ចល័តចំនួន១០ ដើម្បីចុះទៅត្រួតពិនិត្យស្ថានភាពគុណភាពទឹកនៅតាមបណ្តាខេត្តនានាទូទំាងប្រទេស ដោយអនុវត្តក្នុងរយៈពេល១០ឆ្នាំ”។
ការប្រើប្រាស់ទឹកក្នុងជីវភាពប្រចាំថ្ងៃប្រកបដោយគុណ ភាពនិងសុវត្ថិភាពគឺធានាឲ្យប្រជាពលរដ្ឋមានសុខភាពល្អមិនប្រឈមនិងការកើតជម្ងឺផ្សេងៗ។ សូមជំរាថា មកដល់ពេលនេះសេវាករផ្គត់ផ្គង់ទឹកស្អាតនៅទូទាំងប្រទេសដែលទទួលបានអាជ្ញា បណ្ណ័ពីរាជរដ្ឋាភិបាលមានចំនួន១៤៧អាជីវកម្ម៕

អាមេរិចផ្ដល់ថវិកាអោយទីភ្ញាក់ងារកូរ៉េដើម្បីលើកកំពស់សុខភាពនៅកម្ពុជា

ភ្នំពេញ៖ទីភ្នាក់ងារសហរដ្ឋអាមេរិកសំរាប់ការអភិវឌ្ឍន៍អន្តរជាតិ (USAID)និងមជ្ឈមណ្ឌលសហរដ្ឋអាមេរិក សំរាប់កំចាត់និងការពារជំងឺ (CDC) បានចុះអនុស្សារណៈលើការយោគយល់គ្នាចំនួន ២ ជាមួយទីភ្នាក់ងារកូរេ សំរាប់កិច្ចសហប្រតិបត្តិការអន្តរជាតិ (KOICA) ដែលនឹងផ្តល់ក្របខ័ណ្ឌមួយសំរាប់អោយទីភ្នាក់ងារនៃរដ្ឋាភិ បាលសហរដ្ឋអាមេរិកធ្វើការជាដៃគូជាមួយទីភ្នាក់ងារ KOICA ដើម្បីជួយដល់សកម្មភាពក្រោមរបៀបវារៈ សាកលលោកស្តីពីសន្តិសុខផ្នែកសុខភាព (GHSA) នៅប្រទេសកម្ពុជា ពីឆ្នាំ ២០១៧ ដល់ឆ្នាំ ២០១៩។នេះបើតាមការប្រកាសរបស់ស្ថានទូតអាមេរិច។

GHSA ត្រូវបានបង្កើតឡើងនៅខែកុម្ភៈ ឆ្នាំ ២០១៤ ហើយវាជាភាពជាដៃគូមួយដែលកាន់តែរីកធំឡើង របស់អង្គការមិនមែនរដ្ឋាភិបាល អង្គការអន្តរជាតិ និងប្រទេសជាង ៥០ ដើម្បីជួយពង្រឹងសមត្ថភាពប្រទេសនៅក្នុងការជួយធ្វើអោយពិភពលោកមានសុវត្ថិភាពនិងសន្តិសុខ ចាកផុតពីការគំរាមកំហែងនៃជំងឺឆ្លង និងលើក កំពស់សន្តិសុខនៃសុខភាពសាកលលោក យកធ្វើជាអាទិភាពជាតិ និងអាទិភាពសាកលលោក។
ការជួយជាថវិការបស់ KOICA នឹងជួយរាជរដ្ឋាភិបាលកម្ពុជានៅក្នុងការបំពេញតាមការប្តេជ្ញាចិត្តរបស់ ខ្លួនទាក់ទងនឹងការគ្រប់គ្រងផ្នែកសុខាភិបាលជាអន្តរជាតិ ដោយផ្តោតការយកចិត្តទុកដាក់ទៅលើការលើក កំពស់ការចាក់ថ្នាំបង្ការ ការអភិវឌ្ឍកំលាំងការងារផ្នែកថែទាំសុខភាព និងការពង្រឹងមន្ទីរពិសោធន៍របស់ខ្លួន។
ភាពជាដៃគូរវាង KOICA និងរដ្ឋាភិបាលសហរដ្ឋអាមេរិកនឹងធានាថា កម្មវិធីជាតិផ្នែកចាក់ថ្នាំការពារ របស់ប្រទេសកម្ពុជាកាន់តែអាចស្តុក និងចែកចាយវ៉ាក់សាំង និងចាក់ថ្នាំការពារដល់មនុស្សកាន់តែច្រើននៅតាមសហគមន៍ ដែលមានការប្រឈមខ្លាំងនឹងការឆ្លងជំងឺ។ KOICA និងរដ្ឋាភិបាលសហរដ្ឋអាមេរិកក៏នឹងធ្វើការជា មួយគ្នាផងដែរដើម្បីជួយរដ្ឋាភិបាលកម្ពុជា ក្នុងការពង្រឹងកម្មវិធីបណ្តុះបណ្តាលតាមសាកលវិទ្យាល័យ និងការបណ្តុះបណ្តាលពេលបំពេញការងារ សំរាប់អ្នកធ្វើការតាមមូលដ្ឋានផ្នែកជំងឺរាតត្បាត។ ការខិតខំទាំងនេះនឹងធ្វើយ៉ាងណាអោយអ្នកជំនាញផ្នែកសុខភាពសត្វ និងសុខភាពសាធារណៈអាចបំពេញបានតាមបទដ្ឋាន បច្ចេកទេសអន្តរជាតិ ហើយឆ្លើយតបប្រកបដោយប្រសិទ្ធភាព នៅក្នុងករណីមានការផ្ទុះឡើងនៃជំងឺ ដោយរួម ទាំងការផ្ទុះដែលអាចប៉ះពាល់ដល់ទាំងសត្វ ទាំងមនុស្ស។
ជាចុងក្រោយ ភាពជាដៃគូរវាងKOICA និងរដ្ឋាភិបាលសហរដ្ឋអាមេរិកនឹងជួយពង្រឹងប្រព័ន្ធមន្ទីរ ពិសោធន៍នៅទូទាំងប្រទេសដែលអាចរកឃើញភ្នាក់ងារបណ្តាលអោយមានជំងឺរាតត្បាត ព្រមទាំងអាចឆ្លើយតបនឹងការគំរាមកំហែងនៃភាពស៊ាំរបស់មេរោគ។
តាំងពីការចាប់ផ្តើមអនុវត្តច្បាប់គ្រប់គ្រងសុខភាពអន្តរជាតិ នៅឆ្នាំ ២០០៥ មក រាជរដ្ឋាភិបាលកម្ពុជាបានធ្វើការយ៉ាងជិតស្និទ្ធជាមួយអង្គការសុខភាពពិភពលោក រដ្ឋាភិបាលសហរដ្ឋអាមេរិក និងដៃគូអភិវឌ្ឍន៍ដទៃទៀត ដើម្បីពង្រឹងសមត្ថភាពនៅក្នុងការគ្រប់គ្រងឧប្បត្តិហេតុ និងព្រឹត្តិការណ៍សន្តិសុខផ្នែកសុខភាពធំៗ។ សហរដ្ឋអាមេរិក និងសាធារណរដ្ឋកូរេមានមោទនភាពនៅក្នុងការបន្តការជួយរបស់គេដល់ការខិតខំរបស់ ប្រទេសកម្ពុជា ក្នុងការការពារ តាមដាន និងឆ្លើយតបយ៉ាងមានប្រសិទ្ធភាពចំពោះការគំរាមកំហែងនៃជំងឺរាតត្បាត និងបញ្ហាសន្តិសុខផ្នែកសុខភាព៕

គ្រូពេទ្យនៅមន្ទីរពេទ្យអង្គឌូងពន្យល់ពីការវះកាត់យកដង្កូវចំនួន៦៧នៅរន្ឋច្រមុះអ្នកជំងឺ

ភ្នំពេញ៖គ្រូពេទ្យនៅមន្ទីរពេទ្យអង្គឌូងរកឃើញនិងវះកាត់យកដង្កូវចំនួន៦៧នៅរន្ឋច្រមុះអ្នកជំងឺម្នាក់ដែលបានឈឺច្រមុះយូរថ្ងៃហើយ។ក្រុមគ្រូពេទ្យមន្ទីរពេទ្យព្រះអង្គឌួង ធ្វើការវះកាត់ជំងឺ រលាកច្រមុះ ហើយ មាន ដង្កូវ ក្នុងច្រមុះអ្នកជំងឺពីម្សិលមិញ និងចាប់បានដង្កូវបានចំនួន 67 ដង្កូវ សកម្មភាពនេះ បញ្ចប់ នៅម៉ោង 11 h 40 នាទីព្រឹក បានយ៉ាងជោគជ័យ បន្ទាប់ពីការធ្វើរោគវិនិនច្ឆ័យ តាមរយៈ ម៉ាស៊ីន Endoscope. CTSCAN ថតRadio graphie សួត និងការប្រជុំ បច្ចេកទេស យ៉ាង ត្រឹមត្រូវ។

លោក វេជ្ជបណ្ឌិត អ៊ុង នរិន្ទ មន្ទីរពេទ្យអង្គឌូងរបានពន្យល់ពីការយក ដង្កូវនៅក្នុងច្រមុះអ្នកជំងឺ កាលពីម្សិលមិញដោយពន្យល់និងបកស្រាយ ថាអ្នកជំងឺ ឈឺក្បាល ឈាមច្រមុះយើងបានថតជំងឺដើម្បីសិក្សាកត្តាជំងឺ។លោកបានអោយដឹងយើងបានរកឃើញដង្កូវនៅច្រមុះអ្នកជំងឺ។ដង្កូវកើនមកពីពងព្រូនដែលមានរុយជាអ្នកនាំសារហើយរុយបានទុំទំលាក់ពងញាស់នៅលើច្រមុះឬកន្លែងដំបៅ។ពងព្រូននោះញាស់ច្រើនឡើងហើយវាស៊ីសាច់រលួយអាចនៅច្រមុះឬភ្នែកអាចនាំខ្វាក់។ដង្កូននោះស៊ីសាច់រលួយបើកើនដំបៅលើភ្នែកវាអាចស៊ីរហូតដល់រលាកស្រោមខួរ។លោកបានបន្ដថាក្រោយព្យាបាលអ្នកជំងឺនឹងអាចជាឡើងវិញដោយថ្នាំពេទ្យ។
លោកបានបង្ហាញពីសកម្មភាពយកដង្កូវពីអ្នកជំងឺម្សិលមិញ បាន 56ទៀតដំបូងនិងជា សរុប 67 ដង្កូវ ហើយ និងការវះកាត់ច្រមុះដោយម៉ាស៊ីនEndoscopeបានយ៉ាងជោគជ័យ នៅថ្ងៃទី14 02 2017 ដោយក្រុមវេជ្ជបណ្ឌិត នៃមន្ទីពេទ្យព្រះអង្គឌួង។នេះប្រហែលជាប្រវត្ដិសាស្ដ្រហើយដែលគ្រូពេទ្យកម្ពុជាបានរកឃើញដង្កូវនៅរន្ឋច្រមុះអ្នកជំងឺ៕

កម្ពុជារចាប់ផ្ដើមដំណើររៀបចំច្បាប់ពោរពោះជំនួស

ភ្នំពេញ៖ក្រុមការងារក្រសួងយុត្តិធម៌កម្ពុជាដឹកនាំដោយលោកកើត រិទ្ធ រដ្ឋលេខាធិការក្រសួងយុត្តិធម៌ បានជួបប្រជុំពិភាក្សាការងារជាមួយឯកអគ្គរដ្ឋទូតប្រទេសអូស្រ្តាលី សហរដ្ឋអាមេរិក និងតំណាងស្ថានទូតកាណាដា នាថ្ងៃទី០៩ ខែកុម្ភះ ឆ្នាំ២០១៧ នៅទីស្តីការក្រសួងយុត្តិធម៌។
កិច្ចប្រជុំបានពិភាក្សាអំពីគម្រោងនៃការរៀបចំច្បាប់ស្តីពីការពរពោះជំនួសនៅកម្ពុជា ព្រមទាំងយន្តការបណ្តោះអាសន្នក្នុងការដោះស្រាយបញ្ហាពរពោះជំនួសដែលកើតមានកន្លងមកនៅកម្ពុជា ដោយផ្អែកលើទិដ្ឋភាពច្បាប់ដែលមានស្រាប់នៅកម្ពុជាក្នុងរយៈពេលអន្តរកាលដែលកម្ពុជាមិនទាន់មានច្បាប់ស្តីពីការពរពោះជំនួស៕

 

ក្រសួងសុខាភិបាលផ្ដល់លេខទូរសព្ទពិសេស១១៥ករណីជំងឺផ្តាសាយបក្សី និងជំងឺឆ្លងផ្សេងៗ

ភ្នំពេញ៖ក្រសួងសុខាភិបាលផ្ដល់លេខទូរសព្ទពិសេសករណីជំងឺផ្តាសាយបក្សី និងជំងឺឆ្លងផ្សេងៗនិងបានអំពាវនាវអោយពលរដ្ឋមានការប្រុងប្រយ័ត្ន។

ប្រភពបានអោយដឹងថាបើពលរដ្ឋអាចចុចទូរស័ព្ទលេខ 115 (ដោយឥតគិតថ្លៃ ពីទូរស័ព្ទគ្រប់ប្រព័ន្ទ) ដើម្បីស្តាប់ជំងឺផ្តាសាយបក្សី និងជំងឺឆ្លងកើតឡើងថ្មីៗ វិធានការបង្ការ និង រាយការណ៏ជំងឺរាត្បាត ឫ សួរពត៌មានបន្ថែមស្តីពីជំងឺឆ្លង ។បើមានករណីសង្ស័យ ត្រូវបញ្ចូនអ្នកជំងឺ ទៅមណ្ឌល់សុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសំរាប់ព្យាបាលជំងឺនេះ ។
លោកលីសុវណ្ណអ្នកនាំពាក្យក្រសួងសុខាភិបាលបានបញ្ជក់ថា៖”នៅដើមឆ្នាំ២០១៧នេះមានការរីករាលដាលឡើងវិញនៃជំងឹផ្តាសាយបក្សីលើសត្វបក្សីក្នុងខេត្តចំនួនពីរ ខេត្តកំពុងធំ និង ខេត្តស្វាយរៀង តែពុំបានរកឃើញករណីជំងឺផ្តាសាយនៅលើមនុស្សនៅឡើយទេ ។ ដូច្នេះសូមបងប្អូនមានការប្រុងប្រយ័ត្នខ្ពស់ ក្នុងពិធីបុណ្យចូលឆ្នាំខ្មែរ ដែលនឹងឈានមកដល់ក្នុងពេលឆាប់ៗនេះ សូមបងប្អូនប្រុងប្រយ័ត្នជានិច្ចអំពីការចំលងជំងឺផ្តាសាយបក្សី ។
សូមកុំយកមាន់ ទា ឬសត្វបក្សីឈឺឬងាប់ មករៀបចំជាអាហារ ឫលក់បន្ត ត្រូវអនុវត្តអនាម័យក្នុងការ បោចរោម និង ចំអិនជាប់ជានិច្ច ។ សូមរំលឹកថា ចាប់តាំងពីឆ្នាំ ២០០៥ ដល់ ២០១៦ ក្នុងប្រទេសយើងធ្លាប់កើតមានជំងឺផ្តាសាយបក្សី ដែលបានឆ្លងពីសត្វបក្សីមកមនុស្សចំនួន៥៦ករណីដែលក្នុងនោះ ៣៧ ករណីបានស្លាប់ ។
ដោយឡែកគ្រាន់តែឆ្នាំ ២០១៣ មានឆ្លងលើមនុស្សចំនួន ២៦ករណី ដែលក្នុងនោះមាន ១៤ករណីបានស្លាប់ និង ក្នុងឆ្នាំ២០១៤ មាន ៩ករណី និង ៤ករណីបានស្លាប់ ។ បុគ្គលដែលមានរោគសញ្ញាគ្រុនក្តៅ លើសពី ៣៨.៥ អង្សារសេ និងមានរោគសញ្ញា ក្អក ឬ ឈឺក ឬ ដកដង្ហើម ហត់ និងមានប្រវត្តិប៉ះពាល់ជាមួយបក្សីឈឺ ឬងាប់ ក្នុងកំឡុងពេល ៧ ថ្ងៃមុនចេញរោគសញ្ញា ចាត់ទុកថាជាករណីសង្ស័យ ត្រូវបញ្ចូនអ្នកជំងឺ ទៅមណ្ឌល់សុខភាព ឬមន្ទីរពេទ្យជិតបំផុតដើម្បីធ្វើការព្យាបាល យើងមានឱសថសំរាប់ព្យាបាលជំងឺនេះ ៕

 

ជំងឺផ្ដាសាយបក្សីផ្ទុះនៅខេត្តកំពង់ធំមានសត្វទាជាង៤ពាន់ក្បាលបានស្លាប់

ភ្នំពេញ៖លោកវេជ្ជបណ្ឌិត ស៊ានលី ក្រុមអ្នកឆ្លើយតបជំងឺឆ្លងនៅមន្ទីរសុខាភិបាលខេត្តកំពង់ធំបានបង្ហើបឲ្យដឹងនៅព្រឹកថ្ងៃទី០២ខែកុម្ភះឆ្នាំ២០១៧នេះថាមានករណីជំងឺផ្តាសាយបក្សីលើសត្វគឺពិតជាបានកើតឡើងកាលពីកំឡុងចុងសប្តាហ៏ទី២ខែមករារហូតមកដល់ចុងសប្តាហ៏ទី៣ខែមករាឆ្នាំ២០១៧នេះ ដែលកើតឡើងលើសត្វបក្សីទានៅក្នុងឃុំ ទ្រា ស្រុកស្ទោង ខេត្តកំពង់ធំបណ្តាលឲ្យបក្សីទាស្លាប់អស់រាប់ពាន់ក្បាល។
លោកបានបន្ដថា៖”មន្ទីរក៏បានរាយការណ៏ជូនទៅក្រសួងរហូតមកដល់ថ្ងៃទី២៥ខែមករាឆ្នាំ២១០៧នេះក្រសួងបានរកឃើញ​សត្ច​បក្សីស្លាប់នោះ គឺមានជំងឺផ្តាសាយបក្សី តែជំងឺនេះមិនទាន់ឆ្លងរៀលដាលដល់មនុស្សទេ”។លោកបន្តថា៖នៅថ្ងៃទី៣មករាស្អែកនេះមន្ត្រីឆ្លយតបជំងឺឆ្លងខេត្តកំពង់ធំរួមនិងអ្នកជំនាញក្រសួងសុខាភិបាលបានចុះទៅពិនិត្យទីតាំងបក្សីស្លាប់នោះផ្ទាល់ ដើម្បីធ្វើការណែនាំដល់ប្រជាពលរដ្ឋឲ្យប្រុងប្រយ័ត្ន។
ជាមួយគ្នានេះដែរ លោកចាន់ បញ្ញាវ័ន្ត ប្រធានការិយាល័យបសុព្យាបាលខេត្តកំពង់ធំ បានឲ្យដឹងនៅរសៀលថ្ងៃទី២មករានេះថា ៖”ចំពោះសត្វបក្សីទាពិតជាបានងាប់ជាបន្តបន្ទាប់អស់ជាង៤០០០ក្បាលមែន កាលពីយប់ថ្ងៃទី១៣ដល់ថ្ងៃទី២៣ខែមករានេះដែលកសិករគាត់ចិញ្ចឹមទាហ្វូងនៅភូមិទ្រា ឃុំទ្រាស្រុកស្ទោង ខេត្តកំពង់ធំ ខណៈដែលអាកាសធាតុប្រែប្រួល ។
ចំណែកសត្ចបក្សីដែលងាប់នោះលោកបានបញ្ជូនទៅពិសោធន៏នៅវិទ្យាស្ថានស្រាវជ្រាវនៃអគ្គនាយកដ្ឋានបសុព្យាបាលសត្វនិងផលិតកម្ម តាំងពីថ្ងៃទី១៤ខែមករាម្លេះតែលទ្ធផលមិនទាន់ដឹងច្បាស់នៅឡើយទេ។
តែទោះជាយ៉ាងណាក្តីកម្លាំងជំនាញបានចុះណែនាំដល់កសិករចិញ្ចឹមបក្សីហាមនមិនឲ្យយកបក្សីងាប់ចូលភូមិឡើយតែសត្វបក្សីដែលនៅសល់លោកបានឲ្យអ្នកចិញ្ចឹមបក្សី បំលាស់ទីបានត្រឹមតែ៥០០មែត្រជុំវិញ ព្រមទាំងបាញ់ថ្នាំបង្កាជំងឺឆ្លងទៀតផង។
ទោះជាយ៉ាងក្តី អ្នកនាំពាក្យរបស់ក្រសួងសុខាភិបាលបានបញ្ជាក់ថាជំងឺផ្តាសាយបក្សីលើសត្វបក្សីកំពុងកើតឡើងនៅក្នុងភូមិសាស្ត្រខេត្តកំពង់ធំ និងខេត្តស្វាយរៀង សូមឲ្យប្រជាពលរដ្ឋមានការប្រុងប្រយ័ត្នលើការឆ្លងជំងឺពីសត្វបក្សីមកមនុស្សនិងការហូបសាច់បក្សីឈឺ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

ព័ត៌មានជាតិ​ពេល​យប់​


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2