vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សុខភាព

មន្ដ្រីអះអាងថាខេត្តសៀមរាបនៅឆ្នាំ២០១៧ខាងមុខត្រូវការឈាមជាង៤ពាន់ប្លោក

ខេត្តសៀមរាប៖មជ្ឍមណ្ឌលឯកទេសផ្តល់ឈាមតំបន់សៀមរាបនៅឆ្នាំ២០១៧ត្រូវការឈាមប្រមាណជា៤ទៅ៥ពាន់ប្លោកសម្រាប់ជួយសង្គ្រោះអាជីវិតប្រជាពលរដ្ឋ ខណៈបច្ចុប្បន្នឈាមដែលស្តុកសម្រាប់ប្រើប្រាស់នៅក្នុងមន្ទីរពេទ្យបង្អែកខេត្តសៀមរាបមិនអាចឆ្លើយតបបាននៅឡើយ។នេះបើតាមមន្ដ្រីសុខាភិបាលបានអោយដឹងនៅថ្ងៃនេះ។


លោក ប៉ែន ផលគុណ ប្រធានមន្ទីរពេទ្យបង្អែកខេត្តសៀមរាបបានថ្លែងនៅក្នុងឱកាសដែលគរុសិស្សនៃសាលាគរុកោសល្យ និងវិក្រិតការខេត្ត រួមជាមួយយុវជននៅខេត្តសៀមរាបប្រមាណជា២០០នាក់បានបរិច្ចាកឈាមជូនមន្ទីរពេទ្យបង្អែកខេត្តសៀមរាបនៅព្រឹកថ្ងៃទី១៤ខែធ្នូនេះថានៅក្នុង១ឆ្នំាៗមន្ទីរពេទ្យបង្អែកខេត្តសៀមរាបបានប្រើប្រាស់ឈាមសម្រាប់ជួយសង្គ្រោះអាយុជីវិតមនុស្សប្រមាណ៣ពាន់ប្លោក ដោយសារមន្ទីរពេទ្យបង្អែកខេត្តសៀមរាបមានប្រជាពលរដ្ឋដែលមានជំងឺក្រៅពីប្រជាពលរដ្ឋនៅក្នុងខេត្តក៍មានប្រជាពលរដ្ឋមកពីបណ្តាខេត្តផ្សេងៗផងហើយក្នុង១ខែមន្ទីរពេទ្យបង្អែកខេត្តសៀមរាបមានករណីវះកាត់ធំប្រមាណពី៤០០ទៅ៦០០ករណី។
ដោយសារតែការវះកាត់នេះ មានប្រើប្រាស់ឈាមច្រើនមជ្ឍមណ្ឌលឯកទេសផ្តល់ឈាមតំបន់សៀមរាបនៅឆ្នាំ២០១៧ត្រូវការឈាមប្រមាណជា៤ទៅ៥ពាន់ប្លោកទើបជួយសង្គ្រោះអាជីវិតប្រជាពលរដ្ឋបានទាន់ពេល និងមានប្រសិទ្ធភាព។
លោក ប៉ែន ផលគុណ ក៍បានអំពាវនាវឲ្យប្រជាពលរដ្ឋសូមមេត្តាជួយបរិច្ចាឈាមជូនមន្ទីរពេទ្យជាពិសេសសហភាពសហព័ន្ធយុវជនកម្ពុជាសូមជួយអំពាវនាវឲ្យយុវជនស្ម័គ្រចិត្តមកបរិច្ចាកឈាមសម្រាប់ទុកជួយជីវិតមនុស្ស។
លោកទៀ ទីហា ប្រធានសហភាពសហព័ន្ធយុវជនកម្ពុជាខេត្តសៀមរាបបានមានប្រសាសន៍ថា៖ សហភាពសហព័ន្ធយុវជនកម្ពុជាតែងតែបានគិតគូរពីបញ្ហានេះ ហើយឯកឧត្តមសន្យាថា និងខិតខំធ្វើយុទ្ធនាការផ្សព្វផ្សាយ និងជំរុញឲ្យយុវជន និងប្រជាពលរដ្ឋស្ម័គ្រចិត្តទៅបរិច្ចាកឈាមឲ្យបានច្រើន។
លោកទៀ ទីហា បានបញ្ជាក់ថា បច្ចុប្បន្ននេះសហភាពសហព័ន្ធយុវជនកម្ពុជាបានបង្កើតឲ្យមានក្លិបក្តីស្រាញ់មួយរួចមកហើយដែលធ្វើសកម្មភាពជំរុញឲ្យយុវជន និងប្រជាពលរដ្ឋស្ម័គ្រចិត្តទៅបរិច្ចាកឈាម។ឯកឧត្តមរំពឹងថា សកម្មភាពនេះនិងធ្វើឲ្យយុវជន និងប្រជាពលរដ្ឋមានការយល់ដឹងនិងទៅបរិច្ចាកឈាមកាន់តែច្រើន។
កញ្ញា យាន គឹមសៀ ជាយុវតីម្នាក់ដែលបានស្ម័គ្រចិត្តបរិច្ចាកឈាមជូនជូនមន្ទីរពេទ្យបង្អែកខេត្តសៀមរាបបានឲ្យដឹងថា រូបនាងធ្លាប់បានបរិច្ចាកច្រើនមកហើយការបរិច្ចាកឈាមនេះគ្មានផលប៉ះពាល់អ្វីដល់សុខភាពយើងទេ។ជាមួយគ្នានេះកញ្ញាក៍បានអំពាវនាវឲ្យយុវជនទំាងអស់ដែលមានសុខភាពល្អគួរមកបរិច្ចាកឈាមជូនខាងមន្ទីរពេទ្យព្រោះឈាមទំាងគឺមានសារៈ សំខាន់ណាស់សម្រាប់ជួយជិវិតមនុស្ស៕

វៀតណាមចុះជួយព្យាបាលជំងឺជូនពលរដ្ឋនិងអតីតៈយុទ្ធដោយឥតគិតថ្លៃនៅខេត្តកំពង់ធំ

ខេត្តកំពង់ធំ៖លោកឧត្ដមសេនីយ៍ត្រីសោមស៊ុននមេបញ្ជារការតំបន់ប្រត្តិបត្តិការសឹករងកំពង់ធំបានដឹកនាំក្រុមគ្រូពេទ្យកាក បាទក្រហមខេត្តដុងណាយនៃប្រទេសវៀតណាមចុព្យាបាលជំងឺជូនប្រជាពលរដ្ឋនិងអតីតៈយុទ្ធជនចំនួន១៦០នាក់មកពីភូមិចំនួន៥ស្ថិតនៅក្នុងឃុំទ្រៀលស្រុកបារាយណ៍ខេត្តកំពង់ធំ។


ថ្លែងនៅក្នុងកម្មវិធីចុះព្យាបាលជំងឺដោយឥតគិតថ្លៃនេះលោកហុងលីជាសមាជិកសភានៃប្រទេសវៀតណាមមបានថ្លែងថា៖លោកបានដឹកនាំក្រុមគ្រូពេទ្យស្ម័ក្រចិត្តនិងប្រតិភូខេត្តដុងណាយនៃប្រទេសវៀតណាមចំនួន៣លើកមកហើយក្នុងនោះមានដូចជាស្រុកស្ទោងស្រុកកំពង់ស្វាយនិងស្រុកបារាយណ៍សរុបជិតមួយពាន់នាក់ហើយ ក្រៅពីព្យាបាលបានបើកថ្នាំជូនប្រជាពលរដ្ឋជាច្រើនមុខទៀតសំរាប់ព្យាបាលបន្ថែមទៀតព្រមទាំងចែកការដូអនុស្សាវរីយ៍ដែលមានតំលៃស្មើរនិងមួយសែនរៀលដល់អ្នកជំងឺគ្រប់ៗគ្នាលោកបានបន្តថានិងដឹកនាំក្រុមប្រតិភូនិងគ្រូពេទ្យស្ម័ក្រចិត្តមកព្យាបាលជំងឺជូនប្រជាពលរដ្ឋនៅកម្ពុជាជាបន្តរបន្ទាប់ទៀត។
ជាមួយគ្នានេះដែលោកគាំតាក់មេឃុំទ្រៀលបានសារទរចំពោះប្រតិភូរវៀតណាមតែងតែសហការជាមួយលោកមេបញ្ជារការតំបន់ប្រតិបត្តិការសឹករងកំពង់ធំចុះផ្ដល់ថ្នាំសង្កូវនិងផិ្តល់សេវាព្យាបាលជាហូរហែមកនេះចំនុចវិជ្ជមានទាំងអស់នេះហើយសរបញ្ជាក់អោយឃើញថាការបង្កើតភាពស្និទស្នាលរវាងប្រទេសទាំងពីររិទ្ធតែល្អឡើងថែមទៀត៕

ក្រសួងសុខាភិបាលប្រកាសបន្ដឹងការត្រួតពិនិត្យការផលិតស្រាក្រោយពុលស្លាប់មនុស្ស

ភ្នំពេញ៖ក្រោយមានករណីពុលស្រានិងស្លាប់ច្រើននាក់អ្នកនាំពាក្យក្រសួងសុខាភិបាលលោកលីសុវណ្ណ នៅថ្ងៃទី១៤ ខែធ្នូ ឆ្នាំ២០១៦នេះ បានអំពាវនាវទៅកាន់ស្ថាប័នពាក់ព័ន្ធ ដែលទទួលខុសត្រូវ ការអនុញាតឲ្យផលិតស្រា ត្រូវបង្កើន និងពង្រឹងការត្រួតពិនិត្យ ឲ្យបានខ្លាំងក្លាបន្ថែមទៀត ដើម្បីកុំឲ្យមានបញ្ហា ដូចករណីក្នុងខេត្តកំពង់ឆ្នាំង និងខេត្តផ្សេងទៀត ដែលធ្លាប់បានកើតឡើង នាពេលកន្លងមក។ថ្មីៗនេះនៅ ភូមិក្តុល និងភូមិដំ ណាក់អំពិល ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំមានពលរដ្ឋពុលស្រាលប្រមាណ ៨០នាក់ ក្នុងចំនួន១៤នាក់បានស្លាប់។​

នៅកម្ពុជាសព្វថ្ងៃករណីពុលច្រើនពាក់ព័ន្ឋនឹងស្រាលាយមេដូចមេអាកុលច្រើនត្រូវអ្នកលក់យកមកចាកលាយនឹងទឹកជាដើម៕

មន្រ្តីថ្នាក់លើជំរុញបេក្ខជនក្រុមប្រឹក្សាឃុំយកចិត្ត​ទុកដាក់ពីសុខមាល​ភាព​ប្រជាពលរដ្ឋ

កំពង់ឆ្នាំង៖ « បេក្ខជនក្រុមប្រឹក្សាឃុំក្នុងស្រុកកំពង់លែងទាំងអស់ ត្រូវយកចិត្តទុក ដាក់លើ សុវត្ថិភាព​ចំណី អាហារ និងសុខមាលភាពរបស់ប្រជាពលរដ្ឋអោយខ្លាំងជាងមុន ដោយ​កុំអោយមានករណីប្រជាពលរដ្ឋពុលស្រាស្លាប់ដូចនៅក្នុងស្រុកទឹកផុស ដែល១៥នាក់​បាន​ស្លាប់ និង៧៣នាក់ផ្សេងទៀតបានរងគ្រោះដោយសារផឹកស្រាពុល »  ឯកឧត្តម ត្រាំ អ៊ីវតឹក ប្រធាន​ក្រុមការងារថ្នាក់ជាតិចុះជួយស្រុកទឹកផុស និងស្រុកកំពង់លែង បានថ្លែងបែប​នេះ​នៅព្រឹកថ្ងៃទី១០ខែធ្នូឆ្នាំ២០១៦  ក្នុងពិធីសំណេះសំណាល​ជាមួយបេក្ខភាពក្រុម​ប្រឹក្សាឃុំ​គណៈបក្ស​ប្រជាជនស្រុកកំពង់លែង២៤០នាក់ និងស្តាប់ពីគោល​នយោបាយ​អភិវឌ្ឍន៍៥ឆ្នាំ​របស់​ឃុំនី​មួយៗ ក្នុងអណត្តិរបស់ខ្លួន។

ក្រោយពីស្តាប់ការរាយការណ៍ពីគោលនយោបាយអភិវឌ្ឍន៍៥ឆ្នាំកន្លងមក របស់ឃុំទាំង​៩នៃស្រុក​កំពង់​លែងរួចមក ឯកឧត្តមបានថ្លែងថា៖ ក្នុងថ្ងៃនេះ បេក្ខជនក្រុម​ប្រឹក្សា​ឃុំទាំង៩មក​ពី​គណបក្សប្រជាជនចំនួន២៤០នាក់ ក្នុងនោះមានបេក្ខនារី៤២នាក់ កន្លងមក​បានយកចិត្ត​ទុកដាក់ទៅ​លើសន្តិសុខ សុវត្ថិភាព និងការអភិវឌ្ឍន៍សេដ្ឋកិច្ចនៅក្នុងឃុំនីមួយៗរៀងៗខ្លួន។ ក៍ប៉ុន្តែចាប់ពីពេលនេះតទៅ ឯកឧត្តមសុំអោយបេក្ខជនក្រុមប្រឹក្សាឃុំទាំងអស់ ត្រូវយកចិត្ត​ទុក​ដាក់បន្ថែមទៅលើសុវត្ថិភាពចំណីអារហារ និងសុខមាលភាពរបស់ប្រជាពលរដ្ឋ ដោយ​មិនត្រូវ​ធ្វេសប្រហែស និងបណ្តែត​បណ្តោយអោយមាន​វិបត្តធ្ងន់ធ្ងរ​ជាមួយសុខ​មាលភាព​ប្រជាពលរដ្ឋ ដូច​នៅឃុំក្តុលសែនជ័យ ស្រុកទឹកផុសនោះឡើយ។

បេក្ខជនក្រុម​ប្រឹក្សា​ជាង២០០នាក់ដែលមកជួបប្រជុំថ្ងៃនេះ សុទ្ធតែបេក្ខជនបេក្ខភាព​គណបក្ស​ប្រជាជន​កម្ពុជា ដូច​នេះយើងទាំងអស់គ្នាតែងតែនៅជិតប្រជាពលរដ្ឋ ដឹងសុខដឹងទុក្ខ​លំបាក​របស់​ប្រជាពលរដ្ឋ ជួយប្រជាពលរដ្ឋគ្រប់កាលៈទេសៈនិងមិនដែលសន្យា​ខ្យល់ជាមួយ​ប្រជាពល​រដ្ឋ​នោះទេ។(EML)Dec-119Dec-120

ផ្សព្វផ្សាយទប់ស្កាត់និងការពារបញ្ហាប្រឈមរោគរាគត្បាត ជំងឺឆ្លងតាមព្រំដែនកម្ពុជា ថៃ ឡាវ

កំពង់ធំ៖កិច្ចប្រជុំផ្សព្វផ្សាយស្តីពីវិធានការ ការពាររួមគ្នាទប់ស្កាត់ជំងឺឆ្លងរាគត្បាត តាមបន្ទាត់ព្រំដែន កម្ពុជា ថៃ ឡាវ តាមខេត្តជាប់ព្រំដែន ត្រូវបានធ្វើឡើងដោយ បណ្តាញការពារសុខភាព ដើម្បីកាត់បន្ថយ បញ្ហាប្រឈមជំងឺឆ្លង របស់ការិយាល័យគ្រប់គ្រង់រោគទី១០ ខេត្តឧប៊ុនរាជធានី ត្រូវបានរៀបចំសិក្ខាសាលាចំនួន២ថ្ងៃ ដោយមានការចូលរួមពីសំណាក់ អ្នកសារព័ត៌មានមានទូរទស្សន៍ កាសែត វិទ្យុ និង ទស្សនាវដ្តី កម្ពុជា ថៃ ឡាវ នៅថ្ងៃទី ៧និង ៨ ខែធ្នូ ឆ្នាំ ២០១៦។
គោលបំណងនៃការរៀបចំសិក្ខាសាលា ស្តីពីវិធានការរួមគ្នាទប់ស្កាត់ ការពារជំងឺឆ្លង ដែលប្រឈមជាមួយ និងបងប្អូនប្រជាពលរដ្ឋ ប្រកបមុខរបរធ្វើកម្មករ ចូលព្រៃ ធ្វើចំការតាមបន្ទាត់ព្រំដែន ខេត្តជាប់ព្រំដែនប្រទេសទាំង៣ ដើម្បីជួយគ្នាការពារសុខភាព លុបបំបាត់ជំងឺគ្រុនចាញ់ ជំងឺគ្រុមឈាម ជំងឺអាសន្នរោគ និងជំងឺផ្តាសសាយធំ ជំងឺឆ្កែឆ្កួត ដែលតម្រូវឲ្យមានការ ថែទាំងសុខភាពជារឿងសំខាន់ ទីមួយគេងចងមុង លុបបំបាត់ដង្កូវទឹក ថែរក្សាបរិស្ថានជុំវិញគេហដ្ឋាន ពិសារអាហារចំណីរមានអនាម័យ ជាដើម។
លោកស្រី សិរិវ៉ាន់ ឈុមនុម ប្រធានការិយាល័យប្រតិបត្តិជំនាញជំងឺឆ្លង បានសុំឲ្យប្រទេសកម្ពុជា ដែលជា ប្រទេសដែលមានពលករ កម្មករ មកធ្វើការនៅប្រទេសថៃ តាមព្រំដែន និងប្រជាពលរដ្ឋរស់នៅតាមព្រំដែន មានការពិនិត្យសុខភាព និងរួមគ្នាទប់ស្កាត់ជំងឺឆ្លង ចំពោះពលករដែលបានមកធ្វើការនៅប្រទេសថៃស្រប ច្បាប់.

បើមានការសង្ស័យនូវបញ្ហាសុខភាពរបស់ខ្លួន ត្រូវមកពិនិត្យនៅការិយាល័យតាមព្រំដែន ដោយពុំមាន ការចាយវាយនោះទេ បើករណីពិនិត្យឃើញថា មានជំងឺអ្វីមួយមន្រ្តីសុខាភិបាលនិងបញ្ជូនទៅសម្រាកព្យាបាលនៅមន្ទីរពេទ្យខេត្តជាប់ព្រំដែន សម្រាប់បងប្អូនកម្ពុជា ដែលមានជំងឺអាចចូលមកព្យាបាល២៤ម៉ោង តាមច្រកទ្វារថៃ កម្ពុជា ឡាវ ដោយការទំនាក់ទំនងមកសមត្ថកិច្ចព្រំដែនភាគគីថៃនឹងយករថយន្តមកទទួលដោយឥតគិតថ្លៃ។(EML)Dec-113Dec-114

 

រដ្ឋមន្ដ្រីសុខាភិបាលប្រកាសឲ្យពលរដ្ឋឈប់ទទួលទានស្រាក្រោយពុល៨០នាក់ស្លាប់១៣នាក់នៅខេត្តកំពង់ឆ្នាំង

ខេត្តកំពង់ឆ្នាំង៖ លោកម៉ម ប៊ុនហេង រដ្ឋមន្ត្រីក្រសួងសុខាភិបាល នៅព្រឹកថ្ងៃទី០៩ ខែធ្នូ ឆ្នាំ២០១៦នេះបានថ្លែងជាសារមួយទៅកាន់បងប្អូនប្រជាពលរដ្ឋនៅទីជនបទនៅក្នុងប្រទេសកម្ពូជាថា៖ សូមបងប្អូនមេ ត្តាឈប់ពិសារស្រា ស បន្តទៀតដែលមានជាតិមេតាណុលខ្ពស់ និងអាចអោយបងប្អូនពុលស្លាប់បាន ដូចករណីបងប្អូូននៅក្នុងភូមិក្តុល ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំង។លោករដ្ឋមន្ត្រីបានថ្លែ ងសារបែបនេះ ខណៈពេលដែលលោកចុះមកត្រួតពិនិត្យ និងចុះសាកសួរអ្នកជម្ងឺពុលស្រា កំពុងសំរាកព្យាបាលនៅក្នុងមន្ទីរពេទ្យខេត្តកំពង់ឆ្នាំងចំនួន៦៨នាក់។

លោកបានបញ្ជាក់អោយក្រុមអ្នកកសែតដឹងថា៖ ស្រា ស ដែលបងប្អូនប្រជាពលរដ្ឋហូបទៅពុលនេះ មានជាតិមេតាណុលខ្ពស់ដល់ទៅ៩៥% អង្សារ ដែលអ្នកលក់គេបានយកមេស្រានេះ១លីត្រ ទៅលាយទឹកបាន៦០លីត្រឯណោះ ។ គ្រូពេទ្យជំនាញអោយដឹងថា៖ អ្នកហូបស្រានេះច្រើនអាចនិងស្លាប់ឬខូចសាច់ដុំ និងងងឹតភ្នែក ។ ចំណែកអ្នកជម្ងឺពុលស្រាទាំងអស់ដែលមកសំរាកនៅក្នុងមន្ទីរពេទ្យខេត្ត គឺមន្ទីរពេទ្យខេត្តមិនយកលុយថ្លៃព្យាលបាលទេ។
លោកបានមានប្រសាសន៍ថា៖ ប្រជាពលរដ្ឋយើងគួរតែជ្រើរើសយកស្រា ដែលមានផ្លាកសញ្ញាយីហោត្រឹមត្រូវដែលច្បាប់ទទួលស្គាល់អោយធ្វើចរាចរណ៍លក់ដូរមកពិសារ និងបើស្រឡាញ់សុខភាពគួរតែឈប់ពិសារស្រា ស ដែលគេលាយទឹកជាមួយមេតាណុលនេះទៀតទៅ ព្រោះវាបំភ្លាញសុខភាពធ្ងន់ធ្ងរណាស់ និងបើពិសារច្រើនគឺពុលស្លាប់ភ្លាមៗតែម្តង។ដោយឡែកអ្នកលក់ស្រាមេតាណុល និងអ្នកទិញស្រាមេតាណុលនេះយកលាយលក់អោយគេផឹកទៅឈឺ និងស្លាប់ សមត្ថកិច្ចកំពុងស្រាវជ្រាវ និងផ្តន្ទាទោសមិនលើកលែងឡើយ ព្រោះគ្រួសារអ្នកស្លាប់ពិតជាមិនសុខចិត្តនោះទេ។
លោក សូរិន្ទី រាវុឌ្ឍី ប្រធានមន្ទីរពេទ្យខេត្តកំពង់ឆ្នាំងបានអោយដឹងថា៖ មន្ទីរពេទ្យខេត្តបានទទួលអ្នកជម្ងឺពុលស្រាចាប់ពីថ្ងៃទី០៦ មកដល់ថ្ងៃទី០៩ ខែធ្នូ នេះមានចំនួនសុប៧១នាក់ ក្នុងនោះអ្នកជម្ងឺបានស្លាប់នៅក្នុងមន្ទីរពេទ្យ៤នាក់ ដោយឡែកអ្នកជម្ងឺពុលស្រានៅក្នុភូមិក្តុលបានស្លាប់នៅក្នុងភូមិមិនបានមកដល់ពេទ្យមានចំនួន១០នាក់ផ្សេងទៀត សរុបទាំអស់អ្នកពុលស្រាមានចំនួន៨១នាក់។
លោក ម៉ម ម៉ាល័យ អនុប្រធានមន្ទីរសុខាភិបាលខេត្ត បានអោយដឹងថា៖ តាមរយះលោករដ្ឋមន្រ្តីក្រសួងសុខាភិបាល គ្រូពេទ្យ២ក្រុមគឺ ១.ក្រុមមកពីនាយកដ្ឋានប្រយុទ្ធនិងជម្ងឺឆ្លង និង១.ក្រុមទៀតមកពីមន្ទីរពេទ្យកាល់ម៉ែត្រ បានចុះមកមន្ទីរពេទ្យខេត្តដើម្បីជួយពិនិត្យព្យាបាលអ្នកជម្ងឺ និងសិក្សាស្រាវ ជ្រាវរកមូលហេតុអោយបានកាន់តែច្បាស់លាស់នៃការពុលស្រាខាងលើនេះ។បើតាមសេចក្ដីរាយការណ៍មានអ្នកលក់ស្រារបានទិញមេស្រាពីភ្នំពេញមកលានដោយសារមានជាតិអាកុលខ្លាំងនាំអោយមានករណីពុលនិងស្លាប់បែបនេះ៕

ពលរដ្ឋប្រមាណ៤០នាក់ពុលផ្អកកំពឹសនៅខេត្តសៀមរាប

សៀមរាប៖ប្រជាពលរដ្ឋជាច្រើននាក់រួមនិងព្រះសង្ឃផងនៅខេត្ដសៀមរាប មានអាការៈរាករួស និងក្អោតចង្អោរ សង្ស័យពុលម្ហូបអាហារ ក្រោយពេលពួកគេទទួលទានផ្អកកំពឹស នៅក្នុងពិធីបុណ្យសពមួយនារសៀលថ្ងៃទី៨ខែធ្នូនេះ។នេះបើតាមមន្ដ្រីបានអះអាងនៅថ្ងៃនេះ។


លោកអនុសេនីឯក ដា ចំរើន អធិការរងនគរបាលក្រុងសៀមរាបបានឲ្យដឹងថា អ្នកពុលទាំងអស់មាន៣៦នាក់ ក្នុងមានម្នាក់ធ្ងន់ត្រូវបញ្ជូនទៅព្យាបាលនៅមន្ទីរពេទ្យខេត្ដនិងមួយចំនួនទៀត ព្យាបាលនៅពេទ្យឯកជនធូស្រាលអស់ហើយ។
លោកបន្ដថា៖ ពលរដ្ឋទាំងនោះពួកគេមានអាការៈក្អួតចង្អោរ រាករួស និងទន់ដៃជើង បន្ទាប់ពីបានទទួលទានផ្អកកំពឹសនិងម្ហូបផ្សេងទៀត នៅក្នុងពិធីបុណ្យអ្នកភូមិ នៅភូមិអារញ្ញ សង្កាត់សៀមរាប កាលពីវេលាម៉ោង១២ថ្ងៃត្រង់ថ្ងៃទី០៨នេះមកម្លេះ។
លោក ក្រុស សារ៉ាត ប្រធានមន្ទីរសុខាភិបាលខេត្តសៀមរាបបានឲ្យដឹងថា ករណីនេះលោកបានបញ្ជូនមន្ទីរជំនាញទៅពិនិត្យមើល និងយកម្ហូបហារទាំងនោះទៅធ្វើការពិសោធន៍សិន។លោក ក្រុស សារ៉ាត់ បានអំពាវនាវឲ្យប្រជាពលរដ្ឋត្រូវបរិភោគអាហារដែលមានអនាម័យ ត្រូវបរិភោគផ្តេសផ្តាសនាំឲ្យមានបញ្ហាសុខភាព៕

មន្ដ្រី៖អ្នកពុលស្រានៅក្នុងស្រុកទឹកផុសខេត្តកំពង់ឆ្នាំងកើតឡើងដល់៨០នាក់ ស្លាប់ចំនួន១៣នាក់

ខេត្តកំពង់ឆ្នាំង៖ លោក ម៉ម ម៉ាល័យ អនុប្រធានមន្ទីរសុខាភិបាលខេត្ត បានអោយដឹងនៅព្រឹកថ្ងៃទី០៩ ខែធ្នូឆ្នាំ២០១៦ នេះថា៖ អ្នកជម្ងឺពុលស្រាដែលបានមកសំរាកព្យាបាលនៅក្នុងមន្ទីរពេទ្យខេត្ត គិតមកដល់ម៉ោង៧និង០០នាទីព្រឹកថ្ងៃទី០៩ ខែធ្នូនេះ មានចំនួន៨០នាក់ ហើយក្នុងនោះមានករណីស្លាប់នៅក្នុងមន្ទីពេទ្យចំនួន៣នាក់ស្រី១នាក់ និងពុលស្រាស្លាប់នៅក្នុងភូមិចំនួន១០នាក់ មានស្រី៣នាក់។ សរុបអ្នកពុលស្រាស្លាប់នៅក្នុងភូមិ និងនៅក្នុងពេទ្យមានចំនួន១៣នាក់ និង អ្នកកំពុងសំរាកនៅក្នុងមន្ទីពេទ្យខេត្តចំនួន៦៧នាក់ សរុបរួមទាំងអស់មានចំនួន៨០នាក់។

លោក ម៉ម ម៉ាល័យ បានបញ្ជាក់អោយដឹងថា៖ តាមការចុះស្រាវជ្រាវរបស់ក្រុមការងារគ្រូពេទ្យម ន្ទីរសុខាភិបាលខេត្ត នៅក្នុងមូលដ្ឋាន ឃុំក្តុលសែនជ័យ ស្រុកទឹកផុស បានដឹងថា៖ អ្នកពុលស្រាទាំង៨០នាក់ គឺមាននៅក្នុងភូមិដំណាក់អំពិល និងភូមិក្តុល។ ពេលដំបូងគេគឺក្នុងថ្ងៃទី០៣ ខែវិច្ឆកា មានស្រី្តម្នាក់ទៅច្រូតស្រូវក្នុងពេលហូបបាយថ្ងៃត្រង់ គាត់បានទិញស្រាក្នុងភូមិមកផឹក ហើយក៏បានពុលស្លាប់នៅថ្ងៃល្ងាចនោះ។ ក្រោយមកពេលធ្វើបុណ្យគាត់ អ្នកក្នុងភូមិបានទិញស្រាក្នុងភូមិយកមកហូបទៀត ក៏ពុលស្លាប់ជាបន្តបន្ទាប់ រហូតដល់ថ្ងៃទី០៦ ខែធ្នូ អ្នកពុលស្រាម្នាក់មកសំរាកព្យបាលនៅក្នុងមន្ទីរពេទ្យខេត្ត ក៏បានស្លាប់ទៀត ហើយការភ្ញាក់ផ្អើលក៏បានកើតខ្លាំងឡើងៗ រហូតដល់ថ្ងៃនេះ។
ទាក់ទងនិងការពុលស្រានេះ សមត្ថកិច្ច និងលោកព្រះរាជអាជ្ញាខេត្តបាន ឃាត់ខ្លួនអ្នកលាយស្រាលក់ម្នាក់នៅក្នុងភូមិក្តុល ហើយក៏បានឈានមកដកហូតមេស្រា មេតាណុលបានចំនួន៥៧ពីដុង នៅក្នុងផ្ទះអ្នកលក់ស្រា២កន្លែងនៅក្នុងក្នុងកំពង់ឆ្នាំង កាលពីថ្ងៃទី០៧ ខែធ្នូ ដែលនៅក្នុងវិក័យប័ត្រអ្នកលក់ស្រាគឺបានទិញស្រាមេតាណុលទាំងនោះ ពីក្រុងភ្នំពេញដែលបានកំរិតអាកុល ៩៥អង្សារ ហើយត្រូវបានអ្នកស្រុកទឹកផុសទិញយកទៅលាយទឹកលក់បន្តទៀត ទើបមានការពុលស្រាដូចខាងលើកើតឡើង។
ដោយឡែកលោកវេជ្ជបណ្ឌិត ញ៉ែម ចន្ថា កំពុងប្រចាំការព្យាបាលអ្នកជម្ងឺពុលស្រា នៅក្នុងមន្ទីរពេទ្យខេត្តបានអោយដឹងថា៖ កាលពីថ្ងៃរសៀលថ្ងៃទី០៨ ខែធ្នូ អ្នកពុលស្រាសំរាកនៅក្នុពេទ្យខេត្តមានតែ៦២នាក់ប៉ុណ្ណោះ តែនៅពេលយប់បានមកចំនួន៨នាក់ទៀត សរុបបកើនដល់៨០នាក់ហើយ។ ចំណែកការប្រចាំការថែទាំអ្នកជម្ងឺពុលស្រានៅក្នុងអាគាររបស់លោក មានវេជ្ជបណ្ឌិត៣នាក់គ្រូពេទ្យ១នាក់ និងបុគ្គលិកពេទ្យ៨នាក់ទៀត បានប្រចាំការថែទាំអ្នកជម្ងឺពេញ១យប់មកហើយ មកដល់ពេលអ្នកជម្ងឺពុលស្រាភាគច្រើន បានធូរស្រាលវិញហើយ ក្នុងការទទួលព្យាលបាលជម្ងឺអ្នកពុលស្រាទាំងអស់នេះ គឺមន្ទីរពេទ្យខេត្តកំពង់ឆ្នាំងមិនតម្រូវអោយអ្នកជម្ងឺបង់ប្រាក់ទេ៕

រោងចក្រផលិតចំណីសត្វទី៨បានបើកសម្ពោធដាក់ឱ្យប្រើប្រាស់ជាផ្លូវការនៅក្រុងព្រះសីហនុ

ក្រុងព្រះសីហនុ៖រោងចក្រផលិតចំណីសត្វទី៨បានបើកសម្ពោធដាក់ឱ្យប្រើប្រាស់ជាផ្លូវការនៅទី២ធ្នូនៅក្រុងព្រះសីហនុក្រោយការវិនិយោគ១០លានដុល្លារពីក្រុមហ៊ុនហ៊ុន អឹមភីក អេស៊ីអឹមស៊ី ខេមបូឌា (M's Pig ACMC Cambodia)។រោងចក្រផលិតចំណីសត្វរបស់ក្រុមហ៊ុន អិមភីក អេស៊ីអិមស៊ី ក្លាយជារោងចក្រផលិត ចំណីសត្វទី៨ ស្ថិតនៅក្នុងភូមិមនោរម្យ ឃុំជើងគោ ស្រុកព្រៃនប់ ខេត្តព្រះសីហនុ ។ពិធីសម្ភោធដាក់ឱ្យប្រើប្រាស់ជាផ្លូវការហើយកាលពីរសៀលថ្ងៃទី០២ ខែធ្នូ ឆ្នាំ២០១៦ ដោយមានការចូលរួមពីឧកញ្ញ៉ាម៉ុង ឫទ្ធី ប្រធានគណៈកម្មការទី៣ នៃព្រឹទ្ធសភា និងលោកយន្ត មីន អភិបាលនៃគណៈអភិបាល ខេត្តព្រះសីហនុ។


បើតាមលោកម៉ុង ឫទ្ធី មានប្រសាសន៍ថា ក្រុមហ៊ុន អិមភីក អេស៊ី អិមស៊ី បានបង្កើតរោងចក្រផលិតចំណីសត្វ ដែលមានសមត្ថភាពផលិតចំណីសត្វបានចំនួនជាង ១០ម៉ឺនតោន ក្នុងមួយឆ្នាំនិង២០តោន ក្នុងមួយម៉ោង ដែលត្រូវការវត្ថុធាតុដើមដើម្បីបម្រើឱ្យរោងចក្រមានដូចជា ពោត ០៦ម៉ឺនតោន កន្ទក់ ១ម៉ឺន តោន ចុងអង្ករ ០១ម៉ឺនតោន ដំឡូង ០១ម៉ឺនតោន និងកាកសណ្ដែកសៀងចំនួន ០២ម៉ឺនតោន ដែលរោង ចក្រត្រូវការប្រមូលទិញ ពីប្រជាកសិករជាប្រចាំ។
បើតាមការផ្សាយរបស់អេគេភីបានបញ្ជក់ថា៖រោងចក្របានផ្ដល់កាងារដោយផ្ទាល់ជូនប្រជាពលរដ្ឋកម្ពុជាចំនួន២០០នាក់ដើម្បីចូលរួម កាត់បន្ថយការធ្វើចំណាកស្រុករបស់ប្រជាពលរដ្ឋកម្ពុជា៕

សម្ដេចសខេង៖ជំងឺអេដស៍នឹងដាក់បញ្ចូលក្នុងគោលនយោបាយភូមិ-ឃុំមាន សុវត្ថិភាព

ភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានមានប្រសាសន៍ថា ជំងឺអេដស៍នឹង ដាក់បញ្ចូលទៅក្នុងលក្ខណៈសម្បត្តិទាំង៩ របស់គោលនយោ បាយភូមិ-ឃុំមានសុវត្ថិភាព ។ សម្ដេចក្រឡាហោម ស ខេង បានមានប្រសាសន៍បែបនេះ ក្នុងកិច្ចប្រជុំស្ដីពីការពង្រឹងការ ងារប៉ុស្តិ៍នគរបាលរដ្ឋបាល នាព្រឹកថ្ងៃទី២ ខែធ្នូ ឆ្នាំ២០១៦ នៅទីស្ដីការក្រសួងមហាផ្ទៃ ។ក្នុងកិច្ចប្រជុំនោះដែរសម្ដេចក្រឡាហោម ស ខេង បាន ឲ្យក្រុមការងារត្រួតពិនិត្យ និងសិក្សា ក្នុងការដាក់បញ្ចូល បញ្ហាជំងឺអេដស៍នេះ ទៅក្នុងចំណុចណាមួយនៃលក្ខណៈ សម្បត្តិទាំង៩ គោលនយោបាយភូមិ-ឃុំមានសុវត្ថិភាព ។ សម្ដេចក្រឡាហោមបានប្រៀបធៀប បញ្ហាជំងឺអេដស៍នេះ ដូចទៅនឹងបញ្ហាគ្រឿងញៀនដែរ ហើយសម្ដេចក្រឡាហោមក៏បានរំឭកពីបញ្ហាជំងឺអេដស៍ដែលបានកើតឡើងក្នុងភូមិមួយក្នុងខេត្តបាត់ដំបងកន្លងមកផងដែរ ។

បើតាមវេបសាយប៉ូលីសបានអោយដឹងនាយឧត្តមសេនីយ៍ នេត សាវឿន អគ្គស្នងការនគរបាលជាតិបានលើកឡើងដែរថា គិតត្រឹមខែ វិច្ឆិកា ឆ្នាំ២០១៦ ស្នាក់ការប៉ុស្តិ៍នគរបាលរដ្ឋបាលថ្មីចំនួន ២៦៩ ប៉ុស្តិ៍ ត្រូវបានសាងសង់ និងសម្ពោធដាក់ឲ្យប្រើប្រាស់ ហើយ បច្ចុប្បន្នប៉ុស្តិ៍ដែលគ្មានស្នាក់ការធ្វើការងារនៅសល់ចំនួន១៩៦ ប៉ុស្តិ៍ ។ ឯកឧត្តម នាយឧត្តមសេនីយ៍ នេត សាវឿន បានបន្ត ទៀតថា មន្រ្តីនគរបាលប៉ុស្តិ៍បានផ្ដល់សេវាតម្រូវការជូនប្រជា ពលរដ្ឋទូទាំងប្រទេសយ៉ាងសកម្ម ដោយគិតត្រឹមខែតុលា ឆ្នាំ ២០១៦ នេះបានបំពេញបែបបទអត្តសញ្ញាណប័ណ្ណសញ្ជាតិ ខែ្មរជូនប្រជាពលរដ្ឋបានចំនួន ៩.៦៤៩.៦២១ នាក់ និងបានចុះចែកអត្តសញ្ញាណប័ណ្ណជូនពលរដ្ឋបានចំនួន ៩.២២០.០០០ នាក់ ផ្ដល់សៀវភៅគ្រួសារចំនួន ២.៧៥៤.០៣៥ ក្បាល និង សៀវភៅស្នាក់នៅចំនួន ២.៨៤៦.៤៦៩ ក្បាល ៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

ព័ត៌មានជាតិ​ពេល​យប់​


សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

សុខភាព

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2