vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ប្រជាពលរដ្ឋ48គ្រួសារនៅក្រុងសំរោងត្រេកអរ ដោយទទួលបានដីសម្បទានសង្គមកិច្ចពីរាជរដ្ឋាភិបាល

ខេត្តឧត្តរមានជ័យ៖ ប្រជាពលរដ្ឋ48គ្រួសារស្ថិតនៅចំណុចអូរខ្ចៅ ក្នុងភូមិផ្អុង សង្កាត់បន្សាយរ័ក្ស ក្រុងសំរោង ខេត្តឧត្តរមានជ័យ បានសប្បាយរីករាយចំពោះអាជ្ញាធរខេត្តដឹកនាំដោយលោក ស ថាវី អភិបាលខេត្ត អនុវត្តន៍តាមអនុសាសន៍របស់សម្តេចតេជោ ហ៊ុនសែនដែលមានគោលនយោបាយចែកដីជូនប្រជាពលរដ្ឋតាមមូលដ្ឋានដែលមិនទាន់មានដីបង្ករបង្កើន​ផល ។ ដីដែលបានរៀបចំចែកជូនប្រជាពលរដ្ឋខាងលើ ស្ថិតនៅខាងជើងផ្លូវយុទ្ធសាស្ត្រក្បែរជើងភ្នំដងរែក ស្ថិតក្នុងភូមិឃុំរបស់ប្រជាពលរដ្ឋទាំង48គ្រួសារខាងលើ ។
ក្នុងឱកាសចុះពិនិត្យទីតាំងដីផ្ទាល់ លោក ស ថាវី បានមានប្រាសាន៍ថា កន្លងមកប្រជាពលរដ្ឋខ្លះ បានលួចកាប់ឆ្ការដីព្រៃរបស់រដ្ឋសម្រាប់ដាំដុះ ដោយគ្មានការទទួលស្គាល់ពីអាជ្ញាធរមូលដ្ឋានឡើយ ហើយប្រជាពលរដ្ឋខ្លះគ្មានដីបង្ករបង្កើនផលនោះទេ ។ ដោយឃើញនូវទុក្ខលំបាករបស់ប្រជាពលរដ្ឋ ទើបអាជ្ញាធរខេត្តបានធ្វើសំណើដល់សម្តេចតេជោ ហ៊ុនសែន សុំដីសម្បទានសេដ្ឋកិច្ចចែកជូនពួកគាត់ ដោយមួយគ្រួសារទទួលបាន2ហិកតាស្មើរៗគ្នា ហើយដីគ្រប់ប្លង់គឺមានការចាប់ឆ្នោតនៅនឹងកន្លែងតែម្តង ព្រមទាំងចេញប័ណ្ណកម្មសិទ្ធស្របច្បាប់ងដែរ ។

លោក ស ថាវីបន្តរថា បន្ទាប់ពីចែកដីគ្រប់គ្នាហើយ សូមបងប្អូនប្រជាពលរដ្ឋទាំងអស់ឈប់លួចកាប់ព្រៃហាមឃាត់ដែលជាដីរបស់រដ្ឋ ព្រោះជាករណីខុសច្បាប់ ហើយប្រសិនបើប្រជាពលរដ្ឋណាដែលមិនទាន់មានដីពឹតប្រកដ សូមដាក់ពាក្យស្នើរសុំដល់អាជ្ញាធរខេត្តតាមរយៈអាជ្ញាធរមូលដ្ឋាន ។
ក្នុងឱកាសនោះដែរ លោកឧត្តមសេនីយ៍ត្រី សំ ឈីម តំណាងអោយទាហ៊ាននៅអង្គភាពប្រចាំទឹសទី3ដែលកំពុងឈរជើងការពារព្រំដែនណុចអូរខ្ចៅ ក៍បានសន្យាធ្វើផ្លូវក្រាលគ្រួសក្រហម ជូនប្រជាពលរដ្ឋនៅក្នុងដីដែលចែកជូនខាងលើ ដោយក្នុងមួយខ្សែៗ មានចន្លោះ400មផងដែរ ។
បន្ទាប់ពីបានស្តាប់ប្រសាសន៍របស់លោក ស ថាវី និងលោក សំឈីម ប្រជាពលរដ្ឋមានក្តីរីករាយយ៉ាងខ្លាំង និងអបអរសាទរគាំទ្ររចំពោះគោលនយោបាយរបស់រាជរដ្ឋាភិបាល និងការយកចិត្តទុកដាក់ជាប្រចាំរបស់អាជ្ញាធរខេត្តចំពោះប្រជាពលរដ្ឋជាបន្តរបន្ទាប់ ៕ វិចិត្រ ឧត្តរមានជ័យ 

ចំណូលពីអង្គរវត្ដមានប្រាក់ជាង ៦០ លានដុល្លារក្នុងរយៈពេល ៧ខែឆ្នាំ ២០១៧

ភ្នំពេញ៖បើយោងតាមទិន្នន័យរបស់ គ្រឹះស្ថានអង្គរ បង្ហាញថា ក្នុងរយៈពេល ៧ខែនៃ ឆ្នាំ ២០១៧នេះ ចំនូនភ្ញៀវទេសចរ មកទស្សនា រមណីយដ្ឋាន អង្គរវ ចំនួន ១៤១៥៧៦៩នាក់ កើនឡើង ១២,៣៤ភាគរយធៀងនឹងឆ្នាំ ២០១៦ ហើយ រកចំណូលបាន ៦០ លានដុល្លារអាមេរិក កើនឡើងជាង ៦៨ ភាគរយ ធៀប នឹងឆ្នាំ ២០១៦។

ក្នុងនោះដែរ គិតតែក្នុងខែ កក្កដា ឆ្នាំ នេះ ភ្ញៀវទេសចរ មកទស្សនា តំបន់អង្គរ មានចំនួន ១៨២៦៣២នាក់ រកចំណូបាន ជាង ៨លានដុល្លារអាមេរិកផងដែរ។ ចំពោះ ចំណូលដែលបានពីការលក់សំបុត្រ បានបង់ចូលថវិការជាតិ មានចំនួន ៧ លាន ៨ សែន ៤ ម៉ឺន ដុល្លារ និងឧបត្ថម ចូលមន្ទីរពេទ្យគន្ធបុប្ផាមានចំនួន ៣ សែន ៦ ម៉ឺន ដុល្លារអាមេរិក។

លោកស្រី ចៅ ស៊ុនកិរិយា អ្នកនាំពាក្យអាជ្ញាធរជាតិអប្សរា បានលើកឡើងថាលទ្ធផលនៅរយៈពេល ៧ ខែ ឆ្នាំនេះបង្ហាញថា ការសម្រេចដំឡើងថ្លៃប័ណ្ណចូលទស្សនារមណីយដ្ឋាន មិនទាន់មានឥទ្ធិពលអវិជ្ជមានណាមួយដល់ចំនួនភ្ញៀវទេសចរនោះទេ ខណៈដែលចំនួននៅតែកើនឡើងក្នុងអត្រាល្អ។

ប៉ុន្តែ យើងគួរតែចាំមើលលទ្ធផលមួយឆ្នាំពេញសិន ហើយបើចំណូលនៅតែកើនល្អ វាជាការល្អសម្រាប់ប្រទេសកម្ពុជា។ រដ្ឋាភិបាលតាមរយៈគ្រឹះស្ថានអង្គរបានចាប់ផ្តើមអនុវត្តការដំឡើងថ្លៃប័ណ្ណចូលទស្សនារមណីយដ្ឋានអង្គរចាប់ពីខែ កុម្ភៈ ឆ្នាំ ២០១៧ ដោយក្នុងនោះតម្លៃប័ណ្ណចូលទស្សនាសម្រាប់រយៈពេល ១ ថ្ងៃបានកើនពី ២០ដុល្លារ ដល់ ៣៧ ដុល្លារ។ តម្លៃសំបុត្រចូលទស្សនារយៈពេលបីថ្ងៃត្រូវឡើងពី ៤០ ដុល្លារទៅ ៦២ ដុល្លារ និងសំបុត្រសម្រាប់ចូលទស្សនាមួយសប្តាហ៍ត្រូវឡើងថ្លៃពី ៦០ ដុល្លារដល់ ៧២ ដុល្លារ៕

 

ក្នុងឆមាសទី១ក្រសួងដែនដីបានប្រគល់ប័ណ្ណម្ចាស់កម្មសិទ្ឋិដីដល់ពលរដ្ឋបាន១១ម៉ឺនប័ណ្ណ

ភ្នំពេញ៖ក្រសួងដែនដីបានប្រកាសថាខ្លួនបានប្រគល់ប័ណ្ណម្ចាស់កម្មសិទ្ឋិដីនិងការចុះបញ្ជីដីធ្លីសម្រេចបានក្នុងឆមាសទី១ ឆ្នាំ២០១៧ បានចំនួន ១១៧.៨០១ប័ណ្ណ ដែលជាកត្ដារួមចំណែកការអភិវឌ្ឍសង្គមនិងកាត់បន្ថយទំនាស់ដីធ្លី។នេះបើតាមសេចក្ដីប្រកាសរបស់ក្រសួងដែនដីទទួលបាននៅថ្ងៃនេះ។

ប្រភពបានបន្ដថា៖សរុបតាំងពីអនុវត្តរហូតដល់ខែមិថុនា ឆ្នាំ២០១៧ នេះក្រសួងបាន សម្រេចចែកប័ណ្ណដល់ដៃប្រជាពលរដ្ឋបានចំនួន ៤.៥៦១.៥២០ប័ណ្ណ (ស្មើនឹង ៦៥,១៦% នៃក្បាលដីប៉ាន់ស្មាន ៧លានក្បាលដី) ក្នុងនោះ ការចុះបញ្ជីដីមានលក្ខណៈជាប្រព័ន្ធ និងការចុះបញ្ជីដីធ្លីក្នុងក្របខណ្ឌអនុវត្តកម្មវិធីអនុវិស័យរដ្ឋបាលដីធ្លីដល់ ភូមិប្រកាសកំណត់តំបន់វិនិច្ឆ័យ ចំនួន ១៤៦ភូមិនិងបានបិទផ្សាយជាសាធារណៈ ចំនួន ១៨៩ភូមិ ស្មើ ១៥៧.០៤៩ក្បាលដីនិង បានចុះហត្ថលេខាលើប័ណ្ណ ចំនួន ១២៨.៧៧០ប័ណ្ណ។
ក្រសួងបានអោយដឹងថាការចែកប័ណ្ណដល់ដៃប្រជាពលរដ្ឋ ចំនួន ១១២.០៤២ប័ណ្ណ ក្នុងនោះសរុបពីចាប់ផ្ដើមដល់ខែមិថុនា ឆ្នាំ ២០១៧ ចែកប័ណ្ណដល់ដៃបានចំនួន ៣.៣០៦.៨០៨ ប័ណ្ណ។ឯ ការចុះបញ្ជីដីធ្លីក្នុងក្របខណ្ឌអនុវត្តបទបញ្ជាលេខ ០១បបសម្រចបានចំនួន ៤.៤៧២ប័ណ្ណ (សរុបពីចាប់ផ្ដើមដល់ត្រឹមដំណាច់ខែមិថុនា ឆ្នាំ ២០១៧ ចែកប័ណ្ណដល់ដៃបានចំនួន ៦៤១.៦០២ប័ណ្ណ)និងការចុះបញ្ជីដីធ្លីមានលក្ខណៈដាច់ដោយដុំសម្រេចបាន សរុប ១.២៥២ប័ណ្ណ (សរុបគិតត្រឹមដំណាច់ខែមិថុនា ឆ្នាំ ២០១៧ ចែកប័ណ្ណបានចំនួន ៦១១.៧២២ប័ណ្ណ)។ចំពោះ ការចុះបញ្ជីដីសហគមន៍ជនជាតិដើមភាគតិចបានផ្ដល់ប័ណ្ណកម្មសិទ្ធិសមូហភាពចំនួន ០៤សហគមន៍ នៅខេត្តមណ្ឌលគីរី មាន ២២២គ្រួសារ ស្មើនឹង ៣៩ប័ណ្ណ ទំហំ ៣.៣៤៨ហិកតា (សរុបគិតត្រឹមដំណាច់ខែមិថុនា ឆ្នាំ ២០១៧ ចែកប័ណ្ណបានចំនួន ១៨សហគមន៍ ចំនួន ៤៩៨ប័ណ្ណ មានទំហំ ១៥.៧០៥,៨៧ហិកតា ស្មើនឹង ១.៧៩៤គ្រួសារ)និងបានបញ្ចប់ការវាស់វែង ០៣សហគមន៍ ខេត្តរតនគិរី ស្រុកតាវែង ឃុំតាវែងក្រោម ភូមិសៀងសាយ ផ្សាង និង ទំពួនរឹងនិងបាន បញ្ចប់ការបិទផ្សាយចំនួន ០៥សហគមន៍ (ខេត្តមណ្ឌលគិរី ០៣សហគមន៍ ខេត្តរតនគិរី ០១សហគមន៍ និងខេត្តស្ទឹងត្រែង ០១សហគមន៍)។

ក្រសួងបាន រៀបចំស្នើសុំកាត់ដី និងធ្វើអនុប្រយោគ ០២សហគមន៍ នៅខេត្តក្រចេះ (គណៈកម្មាធិការគ្រប់គ្រងដីរដ្ឋខេត្តក្រចេះ បានពិនិត្យផ្ទៀងផ្ទាត់ និងកែសម្រួលទិន្នន័យសហគមន៍ប៉ាក្លែ និងរវៀង)និងបានបញ្ជូនលិខិតទៅគណៈកម្មាធិការគ្រប់គ្រងដីរដ្ឋខេត្តមណ្ឌលគិរី ពាក់ព័ន្ធនឹងដីដែលត្រូវកាត់ចេញចំនួន ០៣ស​ហ​គមន៍ (សហគមន៍ពូញ៉ាវ ក្អូម និងចកចារ ) ដើម្បីសម្របសម្រួលជាមួយសហគមន៍លើផ្ទៃដីដែលក្រសួងបរិស្ថានស្នើសុំរក្សាទុកនិងបាន បញ្ជូនសំណើសុំពិនិត្យ និងផ្ដល់យោបល់ ពាក់ព័ន្ធនឹងដីដែលត្រូវកាត់ចេញទៅក្រសួងកសិកម្ម ចំនួន ០៤សហគមន៍ ភូមិឡែ ឃុំលំជ័រ ស្រុកអូរយ៉ាដាវ ភូមិទុន ឃុំតាវែងក្រោម ស្រុកតាវែង ភូមិកាលង ឃុំល្បាំង១ និងភូមិកាចាញ ឃុំល្បាំង២ ស្រុកលំផាត់រៀបចំស្នើសុំកាត់ដី និងធ្វើអនុយោគ ០១សហគមន៍ ខេត្តស្ទឹងត្រែង ស្រុកសេសាន ឃុំកំភុន ភូមិកាតូត។

ក្រសួងបន្ថែមថា៖ការចុះបញ្ជីដីរដ្ឋសម្រេចបានចំនួន ៩០ប័ណ្ណ (សរុបគិតត្រឹមដំណាច់ខែមិថុនា ឆ្នាំ២០១៧ ចែកប័ណ្ណបានចំនួន ៨៩០ប័ណ្ណ)។ចំពោះការចុះបញ្ជីផ្ទេរសិទ្ធិ ចំនួន ១៦.០៤១ប័ណ្ណនិងចុះបញ្ជីប្រាតិភោគ (ដាក់បញ្ចាំនិងហ៊ីប៉ូតែក) បានចំនួន ១១.៤៥៣ប័ណ្ណ៕

ក្រុមហ៊ុន កម្ពុជា និងកូរ៉េ វិនិយោគជាង១០០លានដុល្លាបង្កើតផ្សារទំនើបលំដាប់អន្តរជាតិដ៏ធំមួយ នៅចំកណ្តាលរាជធានី ភ្នំពេញ

ភ្នំពេញ៖ក្រុមហ៊ុន កម្ពុជា និងកូរ៉េ វិនិយោគជាង១០០លានដុល្លាបង្កើតផ្សារទំនើបលំដាប់អន្តរជាតិដ៏ធំមួយ នៅចំកណ្តាលរាជធានី ភ្នំពេញដើម្បីឆ្លើយតបទៅនឹងតំរូវការរបស់ប្រជាពលរដ្ឋដែលកំពុងពេញនិយមក្នុងការប្រើ ប្រាស់ទំនិញដែលមានម៉ាក់ល្បី​២មកពីបរទេស។ ក្នុងពិធីចុះហត្ថលេខាលើអនុស្សារណៈយោគយល់គ្នារវាងអ្នកឧញ៉ាគិត ម៉េង អគ្គនាយក ក្រុមកហ៊ុន Royal Group និងក្រុមកហ៊ុន Emart របស់កូរ៉េ កាលពីចុងសប្តាហ៍ថា ឯឧ. ប៉ាន់ សូរសក្តិ រដ្ឋមន្រ្តីក្រសួងពាណិជ្ជកម្មបានបញ្ជាក់ថា ការបង្កើតផ្សារទំនើបដ៏ធំលំដាប់ អន្តរជាតិនៅកម្ពុជានេះ គឺជារឿងដ៏ល្អមួយដែលបានបង្ហាញពីសក្តានុពល នៃការវិនិយោគ និង ស្ថេរភាពនយោបាយនៅកម្ពុជា។

ឯឧ.រដ្ឋមន្រ្តីអៈអាងថា តាមរយៈផ្សារទំនើបនឹងនាំមកនូវ ទំនិញដែលមានគុណខ្ពស់មកពីបរទេស ដើម្បីជូនដល់ប្រជាពលរដ្ឋប្រើប្រាស់ ហើយអាច ប្រកួតប្រជែងនូវតម្លៃផងដែរ។ឯឧ.គីម វន់ជីន ឯកអគ្គរដ្ឋទូតសាធារណៈរដ្ឋកូរ៉េប្រចាំកម្ពុជាបានបញ្ជាក់ថា កិច្ចសហប្រតិបត្តិ ការរវាងក្រុមហ៊ុនទំាង២នេះ នឹងជួយជំរុញឲ្យកម្ពុជាកាន់តែមានសក្តានុពលខ្លំាង ខាងផ្នែក វិនិយោគ ជាពិសេសការរីកចំរើនលើវិស័យសេដ្ឋកិច្ច និងឆ្លើយតបបានចំពោះតម្រូវការរបស់ ប្រជាពលរដ្ឋ។

តំណាងក្រុមហ៊ុន Royal Group បានអៈអាងថា ផ្សារទំនើបដ៏ធំនេះគ្រោងសាងសង់ឡើងនៅ ឆ្នាំ២០១៩ខាងមុខនេះ ស្ថិតនៅក្បែរព្រលានយន្តហោះអន្តរជាតិភ្នំពេញ ខណ្ឌពោធសែន ជ័យ។ វាជាផ្សារទំនើបដ៏ធំជាងគេនៅក្នុងប្រទេសកម្ពុជា មានតំាងលក់ទំនិញប្រើប្រាស់មាន ម៉ាក់យីហោល្បីៗនាំចូលពីបរទេស រួមទំាងម្ហូបអាហារផងដែរ។

សូមបញ្ជាក់់ថា ក្រុមហ៊ុន Emart គឺជាក្រុមហ៊ុនដ៏ធំមួយរបស់ប្រទេសកូរ៉េ ដែលត្រូវបានបង្កើត ឡើងតំាងពីឆ្នាំ១៩៩៣ ហើយបានពង្រីកសាខារបស់ខ្លួនរហូតដល់១៦០សាខានៅទូទំាងប្រ ទេសកូរ៉េ មានផលិតផល សម្លៀកបំពាក់ ម្ហូបអាហារ និងសំភារៈមួយចំនួនទៀត។ បច្ចុប្បន្ន ក្រុមហ៊ុនលំដាប់យក្សមួយនេះក៏បានពង្រីកសាខានៅក្រៅប្រទេសផងដែរ ដូចជា ប្រទេស ចិន ម៉ុងហ្គោលី និងប្រទេសវៀតណាម។

ប្រទេសអារ៉ាប់រួមអេមីរ៉ាត់គ្រោងវិនិយោគលើវិស័យពាណិជ្ជកម្ម ឧស្សាហកម្មនិងទេសចរណ៍នៅកម្ពុជា

ភ្នំពេញ៖ឯកអគ្គរដ្ឋទូតប្រទេសអារ៉ាប់រួមអេមីរ៉ាត់បានបង្ហាញពីបំណងក្នុងការនាំអ្នកវិនិយោគលើវិស័យពាណិជ្ជកម្មឧស្សា​ហ៍កម្មនិងទេសចរណ៍មកកាន់កម្ពុជា ដើម្បីជួយជំរុញដល់ដំណើរការអភិវឌ្ឍវិស័យសេដ្ឋកិច្ចនៅកម្ពុជាឲ្យបានកាន់តែលូតលាស់បន្ថែមទៀត។

នៅក្នុងជំនួបពិភាក្សាការងារជាមួយឯ.ឧអូស្មានហាស្សាន់រដ្ឋមន្រ្តីប្រតិភូអមនាយករដ្ឋមន្រ្តីនិងជាអនុប្រធានគណៈកម្មាធិការហាឡាលកម្ពុជានៅទីស្នាក់ការមូលនិធីអភិវឌ្ឍន៍មុស្លីមកម្ពុជានាថ្ងៃទី២៧កក្កដាឯ.ឧ Saif Al Shamisi ឯកអគ្គរដ្ឋទូតអារ៉ាប់រួមអេមីរ៉ាតប្រចាំកម្ពុជាដែលមាននិវេសនដ្ឋាននៅទីក្រុងបាងកកបានលើកឡើងថាដោយពិនិត្យឃើញថាកម្ពុជាបច្ចុប្បន្នកំពុងមានសក្តានុពលដែលជាឱកាសមាសសម្រាប់ការវិនិយោគដូច្នេះអារ៉ាប់រួមអេមីរ៉ាត់ ចង់ជំរុញអ្នកវិនិយោគឲ្យចូលមកកាន់កម្ពុជាក្នុងការដាក់ទុនវិនិយោគលើវិស័យនានា ដូចជា ឧស្សាហកម្ម ពាណិជ្ជកម្ម ទេសចរណ៍ជាដើម។
ឯ.ឧបានជំរាបជូនដែរថាថ្មីៗនេះតាមរយៈកិច្ចសហប្រតិបត្តិការល្អលើវិស័យទេសចរណ៍ប្រទេសអារ៉ាប់រួមអេមីរ៉ាត់បានដាក់ឲ្យដំណើការក្រុមហ៊ុនអាកាសចរណ៍ធំបំផុតលំដាប់ពិភពលោករបស់ប្រទេសអារ៉ាប់រួមអេមីរ៉ាតភ្ជាប់ជើងហោះហើរត្រង់មកកាន់កម្ពុជាដែលនេះជាឱកាស សម្រាប់ការផ្សារភ្ជាប់សេដ្ឋកិច្ចឲ្យកាន់តែមានសន្ទុះនៃការរីកចំរើនសម្រាប់កម្ពុជា។

ឯ.ឧបានបន្តថាបើទោះបីប្រទេសអារ៉ាប់រួមអេមីរ៉េតជាប្រទេសតូចក្តីប៉ុន្តែមានសន្ទុះយ៉ាងខ្លាំងក្នុងវិស័យសេដ្ឋកិច្ចនិងឧស្សា​ហកម្មដែលមានទំនាក់ទំនង ជាមួយបណ្តាប្រទេសអឺរ៉ុបហើយក៍ជាប្រទេសដែលមានច្រកចេញចូលតែមួយនៃចរាចរណ៍នាំចេញទំនិញនៅក្នុងតំបន់ប្រទេសឈូងសមុទ្រពែកនិងតំបន់អាហ្វ្រិក ផងដែរ ដូច្នេះអារ៉ាប់រួមអេមីរ៉ាត់ក៍មានបំណងចង់ភ្ជាប់ទំនាក់ទំនងជាមួយកម្ពុជាបន្ថែមទៀត។
ឆ្លើយតបនឹងការស្វែងរកឱកាសវិនិយោគ ពីភាគីអារ៉ាប់រួមអេមីរ៉េតនេះ ឯ.ឧ អូស្មាន ហាស្សាន់ បានជម្រាបពីសក្តានុពលវិនិយោគគ្រប់វិស័យនៅកម្ពុជា ។ឯ.ឧមានប្រសាសន៍ថា កម្ពុជា សព្វថ្ងៃក៏ជាប្រទេសដែលមានកំណើនសេដ្ឋកិច្ចខ្ពស់ ជាមធ្យមជាង៧ភាគរយប្រចាំឆ្នាំ ម៉្យាងទៀតកម្ពុជា ក៏មានធនធានដែលសុទ្ធសិងមានសមត្ថភាព និងជំនាញសម្រាប់បំរើការងារ ឆ្លើយតបតម្រូវការរបស់វិស័យឯកជន។
ឯ.ឧអូស្មានហាស្សាន់ក៍បានគូសបញ្ជាក់ប្រាប់ឯកអគ្គរដ្ឋទូតអារ៉ាប់រួមអេមីរ៉ាតឲ្យពិនិត្យទៅលើការវិនិយោគឧស្សាហកម្មហាឡាលព្រោះកម្ពុជាកំពុង ដំណើរការ វិវត្តបណ្តើរៗដើម្បីចាប់យកឧស្សាហកម្មហាឡាលឲ្យមានសន្ទុះនិងបំពេញតម្រូវការក្នុងប្រទេសនិងនាំចេញទៅក្នុងទីផ្សារហាឡាលក្នុងពិភពលោកផងដែរ ដោយសារប្រទេសនេះបច្ចុប្បន្នជាប្រទេសមានសេដ្ឋកិច្ចជឿនលឿនមួយនៅក្នុងពិភពលោកនេះ ។
គួរបញ្ជាក់ថានៅក្នុងជំនួបពិភាក្សាគ្នានេះភាគីអារ៉ាប់រួមអេមីរ៉េតក៍បានបង្ហាញអំពីការចាប់អារម្មណ៍ចំពោះឧស្សាហកម្មហា​ឡា​លដែលកម្ពុជាគ្រោងនឹងដំណើរការនៅក្នុងពេលឆាប់ៗនេះដែរ ថ្វីត្បិតអារ៉ាប់រួមអេមីរ៉េតជាប្រទេសតូច ប៉ុន្តែជាប្រទេស មួយដែលកំពុង មានសេដ្ឋកិច្ចលូតលាស់ដល់កំពូលដែលផ្តុំឡើងដោយជាតិសាសន៍ជាង១០០ កំពុងប្រកួតប្រជែងនូវភាព​ជឿនលឿនគ្រប់វិស័យ ក្នុងនោះ ឧស្សាហកម្មកម្រិតស្តង់ដារហាឡាល ក៏ជាផ្នែកអាទិភាព ក្នុងការនាំមកនូវដៃគូវិនិយោគក្នុងគម្រោងខ្នាតធំៗបំផុតនៅតាមប្រទេសនានា៕

 

ខេត្តមណ្ឌលគិរីមានក្រុមហ៊ុនវិនិយោគលើដំណាំកសិ-ឧស្សាហកម្មចំនួន២៦លើផ្ទៃដីជាង១៥ម៉ឺន ហិចតា

ខេត្តមណ្ឌលគិរី៖ឯកឧត្តម សាយ ម៉េងគីម អភិបាលរងខេត្តមណ្ឌលគិរី បានឲ្យដឹងថា នៅទូទាំងខេត្តមណ្ឌលគិរី មានក្រុមហ៊ុនវិនិយោគលើដំណាំកសិ-ឧស្សាហកម្មចំនួន២៦ក្រុមហ៊ុន បានវិនិយោគលើផ្ទៃដី១៥៩.៤៥៣ ហិកតា ក្រុមហ៊ុនបានធ្វើការដំណាំកៅស៊ូ អាកាស្យា ស្រល់ និង ដំណាំកៅស៊ូគ្រួសារ អនុវត្តបានចំនួន១១.៣០៥ហិកតា។លោកបានបន្ថែមថា៖

ក្រៅពីនោះមានផលិតផលសិប្បកម្មឆ្នៃប្រឌិត រួមមាន៖ ផលិតផលត្បាញអំបោះ ឬស្សី ផ្តៅ និងស្រាពាងជនជាតិដើមភាគតិច ព្រមទាំងមានទឹកឃ្មុំរបស់សហគមន៍ សិប្បកម្មកែច្នៃការហ្វេ កែច្នៃកៅស៊ូ និងទីរមណីដ្ឋានធម្មជាតិ វប្បធម៌ផ្សេងៗទៀតផងដែរ។​

លោកបានលើកឡើងនៅសាលាខេត្តមណ្ឌលគិរីក្នុងពិធី បើកកិច្ចប្រជុំផ្សព្វផ្សាយគោលនយោបាយជាតិ ស្តីពីការជំរុញចលនាភូមិមួយផលិតផលមួយ២០១៦-២០២៦។

អនុប្រធានក្រុមប្រឹក្សាស្តាអភិវឌ្ឍន៍វិស័យកសិកម្ម និងជនបទ បានលើកឡើងនូវគោលបំណងចំនួន ០២ ទី១. ផ្សព្វផ្សាយគោលនយោបាយជាតិ ស្តីពីការជំរុញចលនាភូមិ១ផលិតផល១ ២០១៦-២០២៦ ជូន ថ្នាក់ដឹកនាំរដ្ឋបាលខេត្ត ក្រុងស្រុក មន្ទីរអង្គភាពជុំវិញខេត្ត អង្គការនានាក្នុងខេត្ត និងវិស័យឯកជន ទី២. ពិភា ក្សាលើខ្លឹមសារគោលនយោបាយនេះ ដើម្បីស្វែងយល់ និងរួមសហការគ្នា ក្នុងការលើកកម្ពស់ ផលិតផល ក្នុងស្រុកអោយមានប្រសិទ្ធភាពខ្ពស់។

ឯកឧត្តម ប៉ោ ទ្រី អនុប្រធានក្រុមប្រឹក្សាស្តាអភិវឌ្ឍន៍វិស័យកសិកម្ម និងជនបទ បានថ្លែងក្នុងកិច្ចប្រជុំផ្សព្វផ្សាយគោលនយោបាយជាតិ ស្តីពីការជំរុញចលនាភូមិមួយផលិតផលមួយ២០១៦-២០២៦ នៅសាលប្រជុំសាលាខេត្តមណ្ឌលគិរី នាព្រឹកថ្ងៃទី២៧ ខែកក្កដា ឆ្នាំ២០១៧។

ឯកឧត្តម ប៉ោ ទ្រី ទីប្រឹក្សារាជរដ្ឋាភិបាល និងជាអនុប្រធានក្រុមប្រឹក្សាស្តាអភិវឌ្ឍន៍វិស័យកសិកម្ម និងជនបទ បានបញ្ជាក់បន្ថែមថា ដើម្បីអោយស្រមតាមគោលនយោបាយជាតិ ស្តីពីការជំរុញចលនាភូមិមួយផលិតផលមួយរបស់រាជរដ្ឋាភិបាល ទី១.ត្រូវរៀបចំទិវាជាតិលើកកម្ពស់ការប្រើប្រាស់ផលិតផលខ្មែរជារៀងរាល់ឆ្នាំ ទី២.ត្រូវរៀបចំក្រុមការងារជំរុញចលនាភូមិមួយផលិតផលមួយក្នុងស្ថាប័នរបស់ខ្លួនដើម្បីសហការជាមួយអគ្គលេខាធិការដ្ឋានភូមិមួយផលិតផលមួយ ទី៣.គ្រប់ស្ថាប័នពាក់ព័ន្ធត្រូវរៀបចំផែនការ យុទ្ធសាស្ត្ររួមគ្នានិងប្រជុំចែករំលែកបទពិសោធន៍ ដើម្បីដោះស្រាយបញ្ហាប្រឈមនានាក្នុងការលើកកម្ពស់ និងការប្រើប្រាស់ផលិតផលរបស់ខ្មែរ ទី៤. ត្រូវសហការជាមួយអគ្គលេខាធិការដ្ឋានភូមិមួយផលិតផលមួយ ក្នុងស្មារតីទទួលខុសត្រូវខ្ពស់ ដោយប្រើប្រាស់យន្តការនានា និងធនធានថវិការបស់សាលាខេត្ត និងមន្ទីរវិស័យពាក់ពន្ធក្នុងការជំរុញ និងលើកកម្ពស់ផលិតផលខេត្តរបស់ខ្លួន ឲ្យមានការគាំទ្រ ដើម្បីទទួលបានជោគជ័យ៕

មន្ដ្រី៖ចុងឆ្នាំ២០១៧ផ្លូវដែកនឹងបន្តដំណើរការសាងសង់ដល់ព្រំប្រទល់ខេត្តពោធិ៍សាត់

ខេត្តបាត់ដំបង៖នៅចុងឆ្នាំ២០១៧នេះដំណើរការសាងសង់កែលំអផ្លូវរថភ្លើងនិងអាចបន្តដល់ព្រំប្រទល់ប៉ែកខាងកើតខេត្តបាត់ដំបងនិងខេត្តពោធិ៍សាត់។នេះបើតាមកាអះអាងអ្នកនាំពាក្យបានអោយដឹងនៅថ្ងៃនេះ។

អ្នកនាំពាក្យរបស់ក្រសួងសាធារណៈការនិងដឹកជញ្ជួនបានអោយដឹងនៅថ្ងៃទី២៦ ខែកក្តដានេះថា ដំណើរការសាងសង់ផ្លូវរថភ្លើងក្នុងកំណាត់ខ្សែររថភ្លើងពីព្រំដែនប្រទេសថៃខេត្តបន្ទាយមានជ័យទៅកាន់ក្រុងភ្នំពេញ បច្ចុប្បន្នការជួសជុលកែលំអបានបន្តដល់ទីរួមស្រុកថ្មគោល ខេត្តបាត់ដំបងហើយដែលជាគោលការណ៍និងអាចបន្កដំណើរការជួសជុលកែលំអរមកដល់ព្រំប្រទល់ខេត្តពោធិ៍សាត់នៅចំណាច់ឆ្នាំ២០១៧។
លោកបន្តថា៖ ដើម្បីតភ្ជាប់ផ្លូវដែក១ខ្សែនេះបាន ពិសេសក្នុងកំណាត់ផ្លូវចាប់ពីខេត្តពោធិសាត់ទៅដល់ស្ថានីយ៍រថភ្លើងទីក្រុងភ្នំពេញត្រូវការប្រើប្រាស់ថវិការចំនួន៣០លានដុល្លាអាមេរិក ប៉ុន្តែថវិកាដែលរដ្ឋាភិបាលផ្តល់អោយត្រឹម២០លានដុល្លប៉ុណ្ណោះ ក្នុងមួយឆ្នាំ ដូច្នេះយោងតាមទំហំទឹកប្រាក់ខាងលើមិនអាចតភ្ជាប់ផ្លូវដែក១ខ្សែនេះបានទេត្រឹមឆ្នាំ២០១៨ អាចនិងពន្យាពេលរងចាំថវិកាក្នុងគម្រោងឆ្នាំ២០១៩បន្តទៀតដើម្បីភ្ជាប់ផ្លូវដែកខ្សែរថពីតំបន់ដែនព្រំដែនខេត្តបន្ទាយមានជ័យមកកាន់ទីក្រុងភ្នំពេញ។
ពាក់ពន្ធ័ការជួសជុលនិងកែលំអរផ្លូវដែកកំណាត់ក្នុងខេត្តបាត់ដំបងនេះដែរក្រុមអ្នកមានរបរបើកនរីដឹកភ្ញៀវទេសចរណ៍នៅតំបន់ចំណតរថភ្លើងឋិតភូមិអូរដំបង ឃុំអូរដំបង ស្រុកសង្កែ ខេត្តបាត់ដំបងកំពុងព្រួយបារម្មណ៍ពីការប៉ះពាល់ដល់មុខរបររបស់ពួកគាត់សម្រាប់ទ្រទ្រង់ជីវភាពគ្រួសារ។ ពួកគាត់សំណូមពរអោយក្រុមបច្ចេកទេសជួសជុលកែលំអររំលងពីតំបន់ដែលពួកគាត់កំពុងរកទទួលទានចាំដំណើរការសាងសង់កែលំអររួចរាល់នៅគ្រប់តំបន់ហើយចាំបន្តធ្វើនៅតំបន់របស់ពួកគាត់ក្រោយគេ។
ជាមួយគ្នានេះដែរអភិបាលខេត្តបាត់ដំបង ឯកឧត្តម ចន្ទ័ សុផល កន្លងមកធ្លាប់លើកឡើងថា អាជ្ញាធរខេតគ្រោងសាងសង់ផ្លូវដែក១ខ្សែផ្សេងទៀតសម្រាប់នរីរត់ដើម្បីទាក់ទាញភ្ញៀវទេសចរណ៍ព្រោះភ្ញៀវទេសចរណ៍ទាំងជាតិ អន្តរជាតិកំពុងចាប់អារម្មណ៍ខ្លាំង ចង់ស្គាល់ ចង់ជិះនរីលេងកំសាន្ត៕

 

 

អាជ្ញាធរខេត្តគ្រោង កសាងផ្លូវប្រវែង១៤គីឡូម៉ែត្រ ទៅកាន់តំបន់ទេសចរណ៍ទឹកធ្លាក់ស្រែអំពិល នៅខេត្តកំពង់ឆ្នាំង


ខេត្តកំពង់ឆ្នាំង៖ យោងតាមសំណូមពររបស់ប្រជាពលរដ្ឋនិងសហគមន៍ នៅក្នុងភូមិក្តុល ឃុំក្តុលសែនជ័យ ស្រុកទឹកផុស ដែលបានស្នើសុំអាជ្ញាធរខេត្ត ជួយកសាងផ្លូវមួយខ្យែប្រវែង១៤គីឡូម៉ែត្រ ចេញពីភូមិក្តុល ទៅតំបន់ទេសចរណ៍ទឹកធ្លាក់ស្រែអំពិល នៅព្រឹកថ្ងៃទី២៥ ខែកក្កដា ឆ្នាំ២០១៧ ឯកឧត្តម ស៊ុន សុវណ្ណរិទ្ឋ អភិ បាលរងខេត្តកំពង់ឆ្នាំង បានដឹកនាំក្រុមការងារចុះទៅសម្របសម្រួលអំពីផលប៉ះពាល់ និងសិក្សាគម្រោងកសាងផ្លូវមួយខ្សែខាងលើនេះ ទៅតាមសំណូមពររបស់ប្រជាពលរដ្ឋ និងសហគមន៍ ។

នៅក្នុងកិច្ចប្រជុំផ្សព្វផ្សាយពីផលប៉ះពាល់ជាមួយប្រជាពលរដ្ឋ ឯកឧត្តម ស៊ុន សុវណ្ណរិទ្ធ បានលើកឡើងថា៖ ដើម្បីធ្វើផ្លូវគ្រួសក្រហមប្រវែង១៤គីឡូម៉ែត្រចេញពីចំណុចផ្លូវដែក ក្នុងភូមិក្តុលទៅកាន់តំបន់ទេសចរណ៍ទឹកធ្លាក់ស្រែអំពិល ប្រជាពលរដ្ឋក្នុងភូមិត្រូវចូលរួមបរិច្ចាគដីភូមិ ដីចំការទាំងអស់គ្នាមួយចំនួន ទើបអភិវឌ្ឍន៍ផ្លូវនេះបាន ។ ដោយឡែកគម្រោងទី១អាជ្ញាធរខេត្ត ត្រូវកំណត់បោះព្រុំផ្លូវ ទៅកាន់តំបន់ទឹក ធ្លាក់ស្រែអំពិលនៅក្នុងសប្តាហ៍នេះ ។
ក្នុងនាមអាជ្ញាធរខេត្តឯកឧត្តម សួមថ្លែងអំណរគុណដល់ ប្រជាពលរដ្ឋបានយល់ព្រមរួមចំណែក បរិច្ចាកដីមួយចំនួនដើម្បីអភិវឌ្ឍន៍គម្រោងខាងលើនេះអោយបានជោគជ័យ។

ព្រោះថា នៅពេលតំបន់ទេសចរ ណ៍ទឹកធ្លាក់ស្រែអំពិលបានអភិវឌ្ឍន៍ហើយនោះ ពិតជាមានប្រជាពលរដ្ឋ ភ្ញៀវទេសចរណ៍ ដែលធ្លាប់ទៅកំ សាន្តនៅរមណីដ្ឋានឆ្ងាយៗ នឹងមកលេងកំសាន្តនៅទីនេះច្រើនជាពុំខាន ព្រោះទីនេះនៅជិតជាង ហើយកន្លែងលេងកំសាន្តក៍មិនចាញ់កន្លែងទឹកធ្លាក់ដទៃទៀតដែរ។

នៅពេលនោះដែរ ប្រជាពលរដ្ឋយើងមិនបាច់ធ្វើចំណាកស្រុករកការងារធ្វើទៀតទេ ដោយត្រូវនាំគ្នាដាំបន្លែ ដំណាំគ្មានជាតិគីមី ចិញ្ចឹមមាន់ទា សម្រាប់លក់អោយភ្ញៀវ នោះជីវភាពបងប្អូនប្រជាពលរដ្ឋយើងក្នុងភូមិនិងធូរធាប្រសើរឡើង។ .ដោយឡែក លោក សោ ភា ប្រធានសហគមន៍ទឹកធ្លាក់ស្រែអំពិល បានអោយដឹងថា៖ សហគមន៍របស់លោកបានកើតឡើងនៅឆ្នាំ២០១៦ ដោយមើលឃើញពីសក្តានុពល លើវិស័យទេសចរណ៍នៅតំបន់ទឹកធ្លាក់ស្រែអំពិល អាជ្ញាធរមូលដ្ឋានបានរៀបចំចងក្រងបង្កើតអោយមានសហគមន៍នេះឡើង។

ក្នុងពេលខាងមុខសហគមន៍លោកនឹងខិតខំអភិវឌ្ឍន៍តំបន់ទឹកធ្លាក់ស្រែអំពិល អោយក្លាយជារមណីដ្ឋានធម្មជាតិមានបរិស្ថានដ៏ល្អ និងអនាម័យល្អ ដើម្បីទាក់ទាញភ្ញៀវទេសចរណ៍មកលេងកំសាន្តអោយបានច្រើន។ . ជាមួយគ្នានេះដែរលោកប្រធានសហគមន៍ និងប្រជាពលរដ្ឋក្នុងភូមិក្តុល ស្នើសុំអាជ្ញាធរខេត្ត ក្រសួងពាក់ពន្ធ័នានា ពិសេសប្រមុខរាជរដ្ឋាភិបាល មេត្តាជួយកសាងផ្លូវមួយខ្សែខាងលើនេះ ពីភូមិក្តុល ទៅកាន់តំបន់ទឹកធ្លាក់ស្រែអំពិលនេះផង ដើម្បីអភិវឌ្ឍន៍តំបន់ទេសចរណ៍អោយទទួលបានជោគជ័យ រួមចំណែកលើកស្ទួយជីវភាពប្រជាពលរដ្ឋកាត់បន្ថយភាពក្រីក្រ ៕ ( ឈៀង ថារិទ្ធ )

តំបន់ខ្លះនៅស្រុកទឹកឈួខេត្តកំពតត្រូវពន្លិចដោយសារជំនន់ទឹកភ្លៀងខណៈមន្ដ្រីប្រកាសអោយពលរដ្ឋប្រុងប្រយ័ត្ន


ខេត្តកំពត៖ដោយសារភ្លៀងធ្លាក់ប៉ុន្មានថ្ងៃជាប់ៗគ្នាបានធ្វើឱ្យផ្នែកខ្លះនៃស្រុកទឹកឈូ ខេត្តកំពតចាប់ផ្តើមហូរចូលភូមិឋានប្រជាពលរដ្ឋជាបណ្តើរៗ ពិសេសអ្នករស់នៅចំមុខទឹកនៃទំនប់វារីអគ្គិសនីកំចាយ។ លោកនាក់ សុវណ្ណារី អភិបាលស្រុកទឹកឈូបានប្រាប់ឱ្យដឹងនាវេលាថ្ងៃត្រង់ថ្ងៃទី២៦ ខែកក្កដា ឆ្នាំ២០១៧ថា នៅព្រឹកថ្ងៃទី២៦ ខែកក្កដានេះផ្នែកខ្លះនៃឃុំមាក់ប្រាង ឃុំស្ទឹងកែវ និងឃុំព្រៃឃ្មំដែលនៅជាប់ព្រែកកំចាយបានទទួលរងនូវការហូរលិចព្រោះតែទឹកចាល់ឡើង បន្ទាប់ពីភ្លៀងធ្លាក់ប៉ុន្មានថ្ងៃជាប់ៗគ្នា តែមិនមានមហន្តរាយណាមួយកើតឡើទេ។ ក្នុងករណីភ្លៀងនៅបន្តធ្លាក់ ហើយមានសន្ទុះខ្លាំងជាងប៉ុន្មានថ្ងៃមុន នោះអាចនឹងមានការជន់លិចគ្រប់ភូមិឋានដែលនៅជាប់ព្រែកកំចាយ។
លោកអភិបាលស្រុកបញ្ជាក់ថា៖”ប៉ុន្តែសម្រាប់ពេលនេះ តាមស្ថានភាពជាក់ស្តែង ទឹកចាប់ផ្តើមចុះបណ្តើរៗហើយស្របនឹងទឹកសមុទ្រចាប់ផ្តើមនាចទៅវិញនោះ។ ជាមួយនឹងហេតុការណ៍ដែលពលរដ្ឋមួយចំនួនមានការព្រួយបារម្ភដោយសង្ស័យថាកម្រិតទឹកនៅទំនប់វារីអគ្គិសនីឡើងខ្ពស់ខ្លាំងនោះ នាវេលាម៉ោង១រសៀលថ្ងៃដដែល។ ឯកឧត្តម ចាន់ ចេស្តា អភិបាលខេត្តកំពត អមដំណើរដោយមន្ត្រីជំនាញពាក់ព័ន្ធបានឡើងទៅពិនិត្យមើលស្ថានភាពអាងស្តុកទឹកនៃទំនប់វារីអគ្គិសនីកំចាយដើម្បីឈ្វេងយល់ទិដ្ឋភាពជាក់ស្តែង។
ក្រោយស្តាប់ការរៀបរាប់របស់អ្នកជំនាញ និងពិនិត្យផ្ទាល់ ឯកឧត្តមចាន់ ចេស្តាបានបញ្ជាក់ថា៖” ជាមួយគ្នានេះ រដ្ឋបាលខេត្តកំពតបានប្រកាសជូនសាធារណជនដើម្បីបានជ្រាបថា បើភ្លៀងនៅតែបន្តធ្លាក់មិនរាំងទៀត សូមបងប្អូនដែលមានភូមិករ ផ្ទះសម្បែងនៅតាមជួរដងព្រែកកំពត ទឹកឈូផ្នែកខាងក្នុងមេត្តាប្រុងប្រយ័ត្នចំពោះសម្ភារៈ សត្វពាហនៈ និងកូនតូចៗដែលងាយនឹងរងគ្រោះដោយការបាត់បង់ សត្វល្អិតមានពិសខាំទិច ក៏ដូចជាការធ្លាក់ចូល ឬលង់ទឹកជាដើម៕

 

 

ធនាគារជាតិនៃកម្ពុជា អះអាងថា ក្នុងឆមាសទី១ ឆ្នាំ២០១៧នេះ សេដ្ឋកិច្ចកម្ពុជា នៅតែបន្តកើនឡើងយ៉ាងរឹងមាំ

ភ្នំពេញ៖ ធនាគារជាតិនៃកម្ពុជា បានអះអាងថា សេដ្ឋកិច្ចកម្ពុជា នៅតែទទួលបានអំណោយផលល្អ ពីភាពប្រសើរឡើង នៃសេដ្ឋកិច្ចពិភពលោក ជាមួយនឹងការរំពឹងថា នឹងកើនឡើងយ៉ាងរឹងមាំ ខណៈវិស័យសំណង់ និងទេសចរណ៍កំពុងមានសន្ទុះគួរឱ្យកត់សម្គាល់។
ក្នុងពិធីបើកសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ ២០១៧ របស់ធនាគារជាតិនៃកម្ពុជា ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានអះអាង ថា ក្នុងរយៈពេលឆមាសទី១ ឆ្នាំ២០១៧នេះ សកម្មភាពសេដ្ឋកិច្ចចម្បងៗរបស់កម្ពុជាបានបន្តកើនឡើង យ៉ាងរឹងមាំ ក្នុងនោះវិស័យកាត់ដេរនៅតែបន្តរួមចំណែកចម្បងក្នុងកំណើននេះ ថ្វីត្បិតតែអត្រាកំណើនបាន ថមថយបន្តិចក៏ដោយ។ ចំណែកវិស័យសំណង់ ក៏នៅតែបន្តមានកំណើនរឹងមាំ ហើយវិស័យទេសចរណ៍ ក៏មានសន្ទុះកំណើនគួរឱ្យកត់សម្គាល់ផងដែរ។ ចំណែកឯវិស័យកសិកម្មវិញ ហាក់មានកំណើនងើបឡើងជាមួយនឹងភាពទន់ខ្សោយ នៅឡើយ។
ឯកឧត្តមបានបន្ដថា ស្ថិរភាពម៉ាក្រូសេដ្ឋកិច្ច និងស្ថិរភាពហរិញ្ញវត្ថុត្រូវបានរក្សាយ៉ាងរឹងមាំ ដែលជាមូលដ្ឋានគាំទ្រដល់ការរីកចម្រើនប្រកបដោយជីវភាពរបស់សកម្មភាពសេដ្ឋកិច្ចនាពេលខាងមុខ។ ផ្អែកលើស្ថានភាពល្អប្រសើរនេះ សកម្មភាពសេដ្ឋកិច្ចកម្ពុជា ត្រូវបានរំពឹងថា នឹងបន្តបោះជំហានទៅមុខ យ៉ាងស្វាហាប់នៅឆមាសទី២ ដែលអាចធ្វើឱ្យកំណើនសេដ្ឋកិច្ចកម្ពុជាទទួលបានក្នុងអត្រា ៧%នៅឆ្នាំ ២០១៧។
ឯកឧត្តមទេសាភិបាលបានលើកឡើងថា ភាពប្រសើរឡើងនេះ ដោយសារការបន្តកើន ឡើងនៃកំណើនសេដ្ឋកិច្ចនៅក្នុងប្រទេសអភិវឌ្ឍន៍ ជាពិសេស សហរដ្ឋអាមេរិក តំបន់អឺរ៉ូ និងជប៉ុន ខណៈប្រទេសចិន ល្បឿនកំណើនបានបន្តថយចុះបន្តិចបន្តួចដូចការរំពឹងទុក។ នៅតំបន់អាស៊ាន សកម្មភាពសេដ្ឋកិច្ចបន្តរក្សាល្បឿនកំណើនខ្ពស់ ជាមួយនឹងនិន្នាការកើនឡើងបន្តិចបន្តួចថែមទៀត ដែលគាំទ្រដោយតម្រូវការខាងក្នុង និងអំណោយផលពីកត្តាខាងក្រៅ។ តែទោះបីយ៉ាងណាក្ដី ឯកឧត្តមបានបន្ថែមថា សេដ្ឋកិច្ចកម្ពុជាក៏ប្រឈមនឹងហានិភ័យមួយចំនួន ដែលអាចប៉ះពាល់ដល់កំណើនសេដ្ឋកិច្ចដែរ ពាក់ព័ន្ធនឹង ការឡើងថ្លៃនៃប្រាក់ដុល្លារអាម៉េរិក នឹងអាច កាត់បន្ថយសមត្ថភាពប្រកួតប្រជែងចំពោះការនាំចេញកម្ពុជា និងអាចមានផលប៉ះពាល់ដល់វិស័យ ទេសចរណ៍ផងដែរ។ ទន្ទឹមនេះ ភាពមិនច្បាស់លាស់ពីឥទ្ធិពលនៃការចាកចេញរបស់អង់គ្លេសពី សហភាពអឺរ៉ុប លើការនាំចេញរបស់កម្ពុជាទៅអង់គ្លេស និងការកើនឡើងភាពប្រកួតប្រជែងទំនិញ នាំចេញរបស់កម្ពុជា ជាមួយប្រទេសក្នុងតំបន់៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2