vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ក្នុងរយៈពេល៥ខែមានទេសចរចំនួនជាង២សែននាក់ចូលតាមច្រកអន្ដរជាតិប៉ោយប៉ែត

ខេត្តបន្ទាយមានជ័យ៖នៅច្រកទ្វារអន្តរជាតិប៉ោយប៉ែតភ្ញៀវអន្តរជាតិចូលមកកម្ពុជារយៈពេល៥ខែឆ្នាំ២០១៧មានចំនួន​២៥​៣.៣៥៣នាក់កើនជាងឆ្នាំ២០១៦មានចំនួន៣៧,១៩%។នេះបើតាមមន្ដ្រីបានអោយដឹងនៅថ្ងៃនេះ។​

លោក ជុង ឡឹម ប្រធានមន្ទីទេសចរណ៍ខេត្តបន្ទាយមានជ័យបានប្រាប់ថា៖ភ្ញៀវអន្តរជាតិដែលចេញពីប្រទេសថៃចូលមកកម្ពុជា​តាមច្រកទ្វារអន្តរជាតិប៉ោយប៉ែតរយៈពេល៥ខែក្នុងឆ្នាំ២០១៧នេះមានសរុបចំនួន២៥៣.៣៥៣នាក់ហើយភ្ញៀវដែលមានចំណាត់ថ្នាក់ខ្ពស់មាន១.ភ្ញៀវជនជាតិថៃចំនួន៣៥.៥០៦នាក់២.ភ្ញៀវជនជាតិរ៉ូស្សីមានចំនួន១៦.៦១៥នាក់ ៣.ភ្ញៀវជន​ជាតិអង់គ្លេសមានចំនួន៦.៧៧៦នាក់បើប្រៀបធៀប៥ខែឆ្នាំ២០១៦មានចំនួន១៦៤.២៦០នាក់ឆ្នាំ២០១៧ភ្ញៀវអន្តរជាតិកើនឡើងដល់៣៧,១៩%។
លោកបានបញ្ជាក់ថា៖ភ្ញៀវទេសអន្តរជាតិនៅខែឧសភាឆ្នាំ២០១៧នេះមានចំនួន៣៧.០៧០នាក់ បើប្រៀបធៀបខែមេសាឆ្នាំ​២០១៧មានចំនួន៤១.០៩៦នាក់គឺមានការថយចុះ៩,៨០%រហូតដល់ថ្ងៃទី២០ខែមិថុនាឆ្នាំ២០១៧នេះភ្ញៀវអន្តរជាតិចេញពីប្រ​ទេសថៃចូលមកកម្ពុជាតាមច្រកទ្វារអន្តជាតិប៉ោយប៉ែត១ថ្ងៃមានប្រមាណជាង១.០០០នាក់។
លោក ជុង ឡឹម បានបញ្ជាក់ថា៖ភ្ញៀវអន្តរជាតដែលចូលមកកម្ពុជាគឺទឹសដៅទៅប្រាសាទអអង្គវត្តខេត្តសៀមរាមហើយបន្តទៅតាមបណ្តាខេត្តដែលមានតំបន់ដែលមានប្រាសាទបូរាណដូចខេត្តបន្ទាយមានជ័យមានប្រាសាទបន្ទាយឆ្មារនិងប្រាសាទបន្ទាយទ័ពស្ថិតក្នុងឃុំបន្ទាយឆ្មារស្រុកថ្មពួកនិងតំបន់រម្មណីយ៍ដ្ឋានអាងត្រពាំងថ្មស្រុកភ្នំស្រុក៕(ប៊ុន ធឿន)

 

 

ចុងដៃស្វាយកែវល្មៀតហក់ឡើងថ្លៃវិញគួរសមធ្វើឱ្យម្ចាស់ចំការសប្បាយចិត្ត

ខេត្ដកណ្ដាល:កាលពីដើមរដូវស្វាយបានថ្លៃ លុះពាក់កណ្តាលដៃធ្លាក់ចុះហៅលែងលឺធ្វើឱ្យក សិករយំលែងចេញ ប៉ុន្តែ បានស្ទុះថ្លៃឡើងវិញនៅចុងរដូវធ្វើឱ្យម្ចាស់ចំការមានទឹកមាត់លេបវិញ៖ម្ចាស់ចំការស្វាយម្នាក់ឈ្មោះ ទោ ប៊ុនថា រស់នៅភូមិលេខ៥ ឃុំត្រើយស្លា ស្រុកស្អា ង ខេត្តកណ្តាល បានប្រាប់ដែរថា តម្លៃស្វាយកាលពីដើមដៃ គឺប្រហាក់ប្រហែលទៅហ្នឹងកាលពីឆ្នាំកន្លងទៅដែរ ប៉ុន្តែ ស្វាយបានធ្លាក់ថ្លៃយ៉ាងខ្លាំងកាលពីពាក់កណ្តាលដៃ បន្ទាប់ពីខាងវៀតណាមលែងឱ្យស្វាយខ្មែរចូល និងអនុញ្ញាតឱ្យចូលមានកំណត់ ដោយលែងឱ្យដឹកឡានចូល ឱ្យតែដឹកត្រឹមម៉ូតូចូល។

អ្នកស្រីបានបន្តថា ប៉ុន្តែ ពេលនេះស្វាយគឺចាប់មានហាងឆេងគ្រាន់បើបន្តិចវិញ ហើយឈ្មួញវៀតណាមបានចុះមកទិញដល់ចំការតែម្តង និងថែមទាំងបេះដឹកជញ្ជូនដោយខ្លួនឯងទៀត ម្ចាស់ចាំតែថ្លឹងនិងគិតប្រាក់តែប៉ុណ្ណោះ។ ម្ចាស់ចំការរូបនេះ បានប្រាប់ថា ស្វាយគឹគេបែងចែកជា៣ប្រភេទ ដែលកាលពីដើមដៃ អាលេខ១ក្នុង១គីឡូក្រាមតម្លៃ១៨០០រៀល លេខ២ក្នុង១​គីឡូ​ក្រាម១២០០ទៅ១៣០០រៀល និងប្រភេទលេ ខ៣បាន៨០០រៀលក្នុង១គីឡូក្រាម ហើយជាង៩០ភាគរយដែលត្រូវបាននាំទៅលក់នៅប្រទេសវៀតណាម។

លុះពាក់កណ្តាលដៃស្វាយ ធ្លាក់ថ្លៃហៅលែងលឺ១គីឡូក្រាមត្រឹមតែជាង២០០ទៅ៤០០រៀលប៉ុណ្ណោះ ហើយបេះយកទៅលក់ខ្លួនឯងទៀត ធ្វើឱ្យអ្នកដាំយំលែងចេញ ប៉ុន្តែ មកដល់ចុងដៃនេះ បានគ្រាន់បើបន្តិចវិញដោយអាលេខ​១ក្នុង១គីឡូ​ក្រាម​១២០០ទៅ១៣០០រៀល និងអាលេខ២បាន៦០០រៀលដែរ។
អ្នកស្រីក៏បានបន្ថែមដែរថា គាត់មានចំការស្វាយចំនួន២ ហើយកាលពីឆ្នាំកន្លងមកសល់បាន៦ទៅ៧ពាន់ ដុល្លារដែរក្នុង១ឆ្នាំ ប៉ុន្តែ ឆ្នាំនេះមិនបានដូចឆ្នាំមុនទេ ហើយបើកុំតែចុងដៃនេះឡើងថ្លៃបានប៉ុណ្ណោះវិញនោះ កុំអីវីរវ័រធំមិនខានឡើយ។ ម្ចាស់ចំការដដែលក៏បា នប្រាប់ដែរថា ស្វាយកែវល្មៀតត្រូវចំណាយចាប់តាំងពីដាំរហូតដល់បានផលត្រូវប្រើរយៈពេល៣ឆ្នាំ ចំណែកឯការដាំវិញ គឺត្រូវជីករណ្តៅដាំឃ្លាតពីគ្នាចម្ងាយពី៦ទៅ៧ម៉ែត្រ និងដាក់ជីលាមកគោបន្តិច ហើយបើខែប្រាំង១ខែទៅ២ខែ ទើបបូមទឹកស្រោចម្តង។

ចំពោះការបាញ់ថ្នាំវិញនោះ គឺមិនមែនបាញ់បង្ខំឱ្យផ្លែនោះទេ គឺបាញ់ដើម្បីសម្លាប់សត្វល្អិត ដង្កូវឌួង និងឱ្យកាន់ផ្កានៅពេលមានភ្លៀងប៉ុណ្ណោះ ហើយសព្វថ្ងៃនេះ គេនិយមច្រកផ្លែស្វាយក្នុងថង់ក្រដាស់ដើម្បីឱ្យផ្លែវាសល្អ ព្រោះបើសល្អលក់បានតម្លៃថ្លៃ និងអាចការពារកុំឱ្យសត្វល្អិតទិចថែមទៀតផង ហើយបើយើងថែវាល្អក្នុង១ឆ្នាំអាចទទួលផលបានដល់ទៅ៣លើកឯ​ណោះ។
ចំណែកឯស្ត្រីជនជាតិវៀតណាមដែលជាឈ្មួញចូលមកទិញស្វាយម្នាក់ ក្នុងចំណោ មឈ្មួញដ៏ទៃទៀត បានប្រាប់ដែរថា ទើបតែជាង២០ថ្ងៃមកនេះទេ ដែលខាងវៀតណាមអនុ ញ្ញាតឱ្យស្វាយខ្មែរចូល ដោយអនុញ្ញាតឱ្យដឹកឡានចូល ទើបស្វាយបានថ្លៃឡើងវិញនេះ។

កាលពីមុន គេមិនឱ្យចូលដោយប្រាប់ថា ស្វាយខ្មែរមិនទាន់បានចុះបញ្ជីរការត្រឹមត្រូវ ក្រោ យមកអោយចូលដែរ តែកំណត់ឱ្យដឹកតែតាមម៉ូតូប៉ុណ្ណោះ ជាហេតុធ្វើឱ្យស្វាយចុះថ្លៃ តែឥ ឡូវវៀតណាមអនុញ្ញតវិញហើយ ទើបអ្នកស្រីចូលមកទិញវិញ ដោយក្នុង១ថ្ងៃអាចប្រមូលទិ ញបានប្រមាណ៣០តោនដែរ ព្រោះតែស្វាយជិតអស់ហើយដែរ និង១គីឡូក្រាមអា​លេខ​១តម្លៃ១៣០០រៀល និងអាលេ២ថ្លៃ៦០០រៀល និងដឹកចេញតាមច្រកចក្រីខេត្តព្រៃវែង។ដែលក្នុង១ថ្ងៃៗ អ្នកស្រី ត្រូវចំណាយលុយជាង២លានរៀល ទៅលើកម្មករបេះស្វាយ និងដឹកជ ញ្ជូនឡើងពីចំការ ព្រមទាំងរើស និងរៀបស្វាយដាក់ចូលកេស។
លោក ប៉ាវ ប៉េង មេឃុំត្រើយស្លា បានប្រាប់ឱ្យដឹងថា ទូទាំងឃុំ មានស្វាយកែវល្មៀតចំនួន១៨០០ហិចតា ស្មើហ្នឹង៥​៤០០០០ដើម ហើយស្វាយគឺដំណាយុទ្ធសាស្ត្រដែលជួយអោយជីវភាពរបស់ប្រជាកសិករនៅក្នុងឃុំមានភាពធូរធារ ហើយគិតជាមធ្យមក្នុង១ឆ្នាំ ស្វាយទូទាំងឃុំអាចលក់បានតម្លៃប្រមាណជា៦៤៨០០០០ដុល្លារ ( ប្រាំមួយលានបួនសែនប្រាំបីម៉ឺនដុល្លារ ) ហើយចំណូលពីផ្លែស្វាយនេះ ពុំមែនបានដល់តែម្ចាស់ស្វាយប៉ុណ្ណោះទេ ក៏បានទៅដល់ពលរដ្ឋដែលជាអ្នកស៊ីឈ្នួលបើករឺម៉ក និងបេះផ្លែស្វាយផងដែរ ដែលក្នុង១ថ្ងៃទទួលប្រាក់ឈ្នួលបាន១០ដុល្លារ ថែមទៀតផង៕
វណ្ណៈ


មន្ដ្រីកម្ពុជានិងថៃប្រជុំពិភាក្សាស្ដីពីការវិនិយោគកសិផលកែច្នៃ

ខេត្តស្ទឹងត្រែ៖ក្រុមអ្នកវិនិយោគទុននៃប្រទេសថៃគ្រោងបង្កើតឲ្យមានរោងចក្រប្រែរូបហៅថាកែច្នៃវត្ថុអធាតុដើមធ្វើជាដំណាប់ដើម្បីរៀបចំកសិផលរបស់កសិផលកសិករឲ្យមានទីផ្សារដោយមិនចាប់នាំចេញ។

ក្នុងជុំនួបប្រជុំរវាងគណៈកម្មាធិការមណ្ឌលសភាពាណិជ្ជកម្មខេត្តស្ទឹងត្រែងរតនគីរីក្រចេះជាមួយកម្មាធិការសភាពាណិជ្ជកម្មមកពីខេត្តសូរិន្ទប្រទេសថៃនិងអាជ្ញាធរពាក់ពន្ធ័នៅសាលាខេត្តរតនៈគីរីកាលពីថ្ងៃទី១៤មិថុនាឆ្នាំ២០១៧លោកកែវ.ណារិទ្ធប្រធានមណ្ឌលសភាពាណិជ្ជកម្មខេត្តស្ទឹងត្រែង រតន.គីរីនិងក្រចេះមានប្រសាសន៍ថា៖"ខេត្តមួយចំនួននៅភូមិភាគឥសានយើងប្រជាកសិករបានដាំដុះដំណាំផ្នែកឧស្សាហកម្មច្រើនដូចជាកៅស៊ូ-ស្វាយចន្ទី-ម្រេច- ចេក -ខ្នុរ-ពោត-ដំឡូងមី-សណ្តែកដី-សណ្ទែកសៀង-សណ្តែកបាយ-ធូរេន-ផ្លែប័រ-និង ប្រភេទស្វាយផ្សេងៗទៀត ហើយកសិផលទាំងនេះមិនមានទីផ្សារពិតប្រកដឡើយ"។
លោកប្រធានមណ្ឌលបានបញ្ជាក់ថា៖"កន្លងមកការនាំចេញនូវផលិតផលទាំងនេះជួបការលំបាកច្រើនទាំងពីផ្លូវគមនាគមន៍ មធ្យោបាយធ្វើដំណើរនិងការដោះស្រាយបញ្ហាតាមផ្លូវ ហើយពេលនេះយើងបាននាំអ្នកវិនិយោគមកឲ្យឃើញនូវសក្តានុពលក្នុងប្រទេសយើងពេលពួកគាត់មានចំណាប់អារម្មអាចបង្កើនកិច្ចប្រតិត្តិការកែច្នៃផលិផលនៅក្នុងស្រុកតែម្តង។

ដល់ពេលនេះយើងដឹងថាយើងមានផលិតផលដើមប៉ុន្តែយើងមិនទាន់មានការកែច្នៃផលិតផលប្រែរូបទេដល់ទើបតែថ្ងៃនេះខ្ញុំបានដឹកនាំសភាពាណិជ្ជកម្មនិងអ្នកវិនិយោគថៃចូលមកនេះគឺជាការងារដ៍ល្អមួយដែលយើងអាចបង្កើនកិច្ចសហការពាណិ​ជ្ជកម្មជាមួយគ្នានិងអញ្ជើញគាត់មកសិក្សាពីសក្តានុពលសេដ្ឋកិច្ចនីតំបន់យើងនិងនៅមណ្ឌលយើងអញ្ជើញគាត់ឲ្យមក​ជួយជាការតម្លើងការកែច្នៃផលិលនេះជាផលិតផលប្រែរូបដើម្បីយើងលើកស្ទួយកំរិតជីវភាពប្រជាពលរដ្ឋយើងដែលផលិតផលិផលទាំងអស់នឹងឲ្យល្អជាងមុន។
លោកស្រីដូង.ចៃចន្ទ័ថនប្រធានគណៈកម្មការជំរុញ ប្រទេសកម្ពុជានិងសភាពាណិជ្ជកម្មថៃមានប្រសាសន៍ថា៖"អ្នកវិនិយោន៍ពិតជាត្រូវការផលិផលទាំងនេះពីព្រោះវាជាវត្ថុធាតុដើមបង្ហាញពីសក្តានុពលធម្មជាតិដោយសារកសិករយើងចេះជ្រើសរើសពូជដាំដុះ ហើយនៅពេលបានផលក៍អាចបំរើដល់ការផលិតទទួលបានបរិមាណនិងគុណភាព"។
លោកស្រីបញ្ជាក់ថា៖"ចំពោះកិច្ចប្រតិបត្តិការវិនិយោគលោកស្រីនិងជួយជំរុញដល់អ្នកវិនិយោគផលិផលកែច្នៃឲ្យមកធ្វើការទាក់ទងជាមួយកសិករផ្នែកដាំដុះទាំងអស់រៀបចំគម្រោងទៅតាមធនធានទាំងការនាំចេញវត្ថុធាតិដើមនិងការផលិតប្រែរូបនៅក្នុងស្រុកសំរាប់នាំចេញបន្ត តែក៍តម្រូវឲ្យអាជ្ញាធរពាក់ពន្ធ័ជួយបង្កលក្ខណៈងាយស្រួលផ្នែកច្បាប់ជាចាំបាច់"។
លោកថង សាវុន អភិបាលខេត្តរតនៈគីរីមានប្រសាសន៍គាំទ្រនៅគម្រោងដ៍ល្អនេះពីព្រោះកិច្ចការងារសភាពាណិជ្ជកម្មជាផ្នែកមួយជួយសម្រួលដល់ភាពលំបាក់ក្នុងការលក់ផលិតផលជាពិសេសគឺតម្លៃទីផ្សាដែលកន្លងមកនេះមានឈ្មួញមួយចំនួនចេះតែធ្វើការបង្អាប់ថ្លៃនោះ។
លោកអភិបាលខេត្តសន្យាថា៖និងណែនាំដល់អង្គភាពពាក់ពន្ធ៍ទាំងផ្នែករដ្ឋនិងឯកជនឲ្យជួយបង្កលក្ខណៈងាយស្រួលគ្រប់បែបយ៉ាងដើម្បីជីវភាពរស់នៅរបស់ប្រជាពលរដ្ឋនៅគ្រប់បណ្តាខេត្តក្នុងភូមិភាគឥសាន្តយើងនេះដើម្បីរួមគ្នាជួយជំរុញធ្វើឲ្យសេដ្ឋកិច្ចជាតិយើងរីចំរើនកាន់តែខ្លាំងក្លាថែមទៀត។
សួមបញ្ជាក់ថា៖កិច្ចការវិនិយោគនេះអ្នកវិនិយោគទុនថៃនិងរៀបចំគម្រោងសាងសង់ជារោងចក្រប្រែរូបផលិតផលនៅក្នុងស្រុកនៅខេត្តណាដែលមានផលិផផលច្រើនជាងគេ ក្រោមគម្រោងចំណាយទុនចាប់ពី៦លានដូល្លាឡើងទៅ ដូចជាការកែច្នៃគ្រាប់ស្វាយចន្ទី- ពោត-ដំឡូង ខ្នុរចេក-ស្វាយ-សណ្តែកដីជាដើមដែលយើងហៅថាដំណាប់៕

មន្ដ្រីថៃហាមពលរដ្ឋថៃមិនអោយមកទិញល្ពៅខ្មែរនៅច្រកអានសេះ

ខេត្តព្រះវិហារ៖អាជីវករអ្នកលក់ល្ពៅ ស្វាយ នៅលើច្រកទ្វាអានសេះទឹកដីកម្ពុជា បានសម្តែងការព្រួយបារម្ភ និងមិនសប្បាយចិត្តយ៉ាងខ្លាំង បន្ទាប់ពីភាគីកងទ័ពថៃប្រចាំច្រកទ្វាអានសេះ មិនឲ្យប្រជាជនថៃទាំង អស់ទិញល្ពៅខ្មែរ នាំចូលទៅក្នុងទឹកដីថៃ ដោយយកលេសចោទអាជីវករខ្មែរ ថាល្ពៅមានជាតិគីមី ។
ថ្លែងប្រាប់ទូរទស្សន៍រស្មីហង្សមាស នៅលើច្រកអានសេះព្រំដែនកម្ពុជាថៃ នៅថ្ងៃនេះ អ្នកស្រី អ៊ុង នី ជាអាជីវករលក់ល្ពៅ បានរៀបរាប់ថា​៖ រយៈពេលជិត១សប្តាហ៍ហើយ ដែលភាគីថៃ បានបិទមិនឲ្យអាជីវករខ្មែរនាំចេញល្ពៅទៅលក់ឲ្យឈ្មួញថៃ លើច្រកទ្វាអានសេះ ដោយបាន យកលេសចោទថា ល្ពៅខ្មែរមានជាតិគីមី និងអនុញ្ញាតប្រជាជនថៃទិញបានត្រឹមតែ ល្ពៅ១ផ្លែ ឬ២ផ្លែ តែប៉ុណ្ណោះ តែប្រសិនបើទិញចាប់ពី១០គីឡូ ១០០គីឡូឡើងទៅ ភាគីថៃមិនអនុញ្ញាតឲ្យយកចូលទឹក ដីថៃបានទេ ។

អ្នកស្រីបន្តថា៖ ប្រសិនភាគីថៃនៅតែធ្វើបែបនេះ អាជីវករទាំងអស់នៅលើច្រកទ្វាអានសេះ នឹងបឈ្ឈប់ ការទិញទំនិញ ក៏ដូចជាបន្លែជាច្រើនមុខដែលធ្លាប់ទិញពីមុនមកទៀតហើយ ព្រោះកន្លងទៅ ភាគីថៃ បាននាំបន្លែត្រីសាច់ មកលក់ឲ្យខ្មែរ ទាំងឡានៗ ទាំងរទេះៗ ភាគីខ្មែរ ពុំដែលមានបញ្ហាចោទ ទៅលើភាគីថៃម្តងណាទេ ដោយគិតថា ការផ្តោះប្តូរទំនិញទៅវិញទៅមករវាងអ្នករស់នៅជាប់ព្រំដែនគ្នា តែពេលនេះ ប្រសិនបើពុំមានដំណោះស្រាយពាក់ព័ន្ធ នឹងការ នាំចេញ កសិផលល្ពៅ ស្វាយរបស់ខ្មែរ ទៅលក់ឲ្យឈ្មួញថៃនោះទេនោះ ពួកគាត់នឹងបញ្ឈប់ការទិញទំនិញពីថៃដូចគ្នា ។
ដោយឡែកអ្នកស្រី ឯម ចន្ធី ជាអាជីវករលក់ល្ពៅដូចគ្នា បានសម្តែងការព្រួយបារម្ភចំពោះការ ខាតបង់ថវិកាជាច្រើន ក្នុងការបង្កបង្កើនផលល្ពៅរហូតមកដល់ពេលប្រមូលផល យកមកលក់ឲ្យថៃ បែរ ជាទាហានថៃហាមឃាត់មិនឲ្យប្រជាជនថៃទិញយកទៅប្រទេសថៃនោះទេ ។

អ្នកបានបញ្ជាក់ទៀតថា ៖"ឈ្មួញថៃ បានទំនាក់ទំនងបញ្ជាទិញពីអ្នកស្រីជាច្រើនរយគីឡូក្នុងម្នាក់ៗ ប៉ុន្តែទាហាន និងតម្រួតថៃ មិនអនុញ្ញាតឲ្យប្រជាជន ក៏ដូចជាឈ្មួញថៃ នាំចូលទៅក្នុងទឹកដីថៃនោះទេ "។
ប្រជាជនថៃម្នាក់ដែលមកទិញល្ពៅនៅលើផ្សារច្រកអានសេះទឹកដីកម្ពុជា បាននិយាយថា គាត់ ទិញល្ពៅប្រមាណ ១០ ទៅ២០គីឡូតែប៉ុណ្ណោះ បំណងយកទៅក្នុងស្រុករបស់ខ្លួនដើម្បីទុកធ្វើម្ហូបអាហារ តែ នៅពេលដែលគាត់យួរចូលតាមច្រកទ្វាព្រំដែន បែរជាទាហានថៃ បញ្ជាមិនឲ្យយកចូលនោះទេ ដោយមិន ដឹងមូលហេតុ ហើយក៏ សម្រេចចិត្តមកប្តូរយកប្រាក់ពីអាជីវករខ្មែរវិញ ។
រីឯអាជីវករម្នាក់ទៀតឈ្មោះ នូ សុផុន ជាអ្នកនាំស្វាយទៅលក់នៅក្នុងទឹកដីថៃ បានសំណូមពរ ថា ប្រសិនណាបើផលិតផលកសិកម្មរបស់ប្រទេសថៃ ហូរចូលមកទឹកដីខ្មែរបាន ធ្វើឲ្យណាឲ្យផលិតផលរបស់ ខ្មែរ បាននាំចេញទៅក្នុងទឹកដីថៃដូចគ្នា ។ លោកបន្តថា ៖"នៅក្នុងរដូវនេះ កសិករខ្មែរកំពុងតែ ដល់រដូវ នាំ ចេញល្ពៅស្វាយ តែបែរជាថៃមិនឲ្យនាំចេញ មួយវិញទៀត គ្រាប់ពូជល្ពៅដែលកសិករដាំ សុទ្ធតែយកមក ពីទឹកដីថៃទាំងអស់ តែពេលដាំដុះបានផល បែរជាយកទៅលក់ឲ្យថៃមិនអនុញ្ញាតឲ្យចូល ធ្វើឲ្យអាជីវករ ខ្មែរ ខាតបង់ថវិកា ដោយឡែកកសិផលនឹង រលួយអស់ឆាប់ៗ ប្រសិនបើពុំបាននាំចេញ "។


ជាមួយគ្នានេះ លោក ជា គឹមសេង អភិបាលស្រុកជាំក្សាន្ត បានអះអាងថា ៖"ទម្លាប់របស់ទាហាន ថៃតែងតែបង្កឡើងដោយបិទមិនឲ្យអាជីវករខ្មែរនាំកសិផលចូលតាមច្រកទ្វាអានសេះនេះជាច្រើន លើក ច្រើនសារមកហើយ ដោយបានប្រើលេសថា កសិផលខ្មែរផ្ទុកដោយជាតិគីមី ដែលកន្លងទៅ។

អាជ្ញាធរតែង តែបានធ្វើការដោះស្រាយជាច្រើនដងទទួលបានលទ្ធផល និងមានការព្រមព្រៀងគ្នារួចមកហើយ ក្នុង ការបង្កើនទំនាក់ទំនង ការផ្តោះប្តូរទំនិញគ្នារវាងប្រជាជនទាំងពីរភាគីកម្ពុជាថៃ ប៉ុន្តែពេលនេះ ភាគីថៃ បានចាប់ផ្តើមចោទអាជីវករខ្មែរម្តងទៀត ។

លោកបញ្ជាក់ថា៖ អាជ្ញាធរជាប់ព្រំដែនទាំងពីរភាគី នឹង ណាត់ជួបចរចារគ្នា រកដំណោះស្រាយណាមួយសមស្រប ដើម្បីជាប្រយោជន៍ដល់ប្រជាជនទាំងពីរភាគី ។
សូមបញ្ជាក់ថា ការនាំចេញកសិផលរបស់អាជីវករខ្មែរនៅលើច្រកទ្វាអានសេះ មានដូចជា ល្ពៅ ស្វាយ ផ្សិត ពង្រ ចុងផ្តៅ និងបន្លែព្រៃផ្សេងៗ។ ដោយឡែក ភាគីថៃ បាននាំចូលទំនិញ មកទឹកដីកម្ពុជា មានដូចជា មាន់ ទា បន្លែគ្រប់មុខ និងរបស់របរប្រើប្រាស់មួយចំនួន

មន្ដ្រី៖ខេត្តបន្ទាយមានជ័យគ្រោងវិនិយោគ៤៧លានដុល្លារសម្រាប់សាងសង់ទីលានចាក់សំរាមនិងអាងចម្រុះទឹក

ខេត្តបន្ទាយមានជ័យ៖មន្ត្រីជំនាញអះអាងនៅថ្ងៃនេះថា៖ខេត្តបន្ទាយមានជ័យមាន២ស្រុកនិងក្រុងគម្រោងថវិកា៤៧លាន ដុល្លាសម្រាប់កសាងកន្លែងចាក់សំរាមកែច្នៃជាប្រយោជន៍និងអាងចម្រុះទឹក។លោក ជា សុវណ្ណធួន អនុប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យបានប្រាប់ថា៖គម្រោងដែលនិងការអភិវឌ្ឍន៍ទីលានចាក់សំរាមមាននៅក្រុងប៉ោយប៉ែតគម្រោងថវិការចំនួន១៥លានដុល្លាដែលចាប់អនុវត្តន៍ឆ្នាំ២០១៩លើផ្ទៃដីទំហំ១០ហិតាដែលស្ថិតក្នុងភូមិទួលពង្រសង្កាត់ផ្សារកណ្តាលក្រុងប៉ោយប៉ែត។
លោក ជា សុវណ្ណធួន បានបញ្ជាក់ថា៖ដោយឡែកនៅក្រុងសិរីសោភ័ណសិក្សាគម្រោងនៅឆ្នាំ២០១៨និងចាប់អនុវត្តន៍ឆ្នាំ២០២០ដែលគម្រោងថវិការចំនួន២៧លានដុល្លាលើផ្ទៃដីទំហំ២៤ហិកតាដែលស្ថិតនៅភូមិភ្នៀតសង្កាត់កំពង់ស្វាយក្រុងសិរីសោភ័ណ។ដែលគម្រោងធ្វើអាងប្រតិកម្មទឹក(រឺ អាងចម្រុះទឹក) ដោយឡែកទីលានចាក់សំរាមរឺកន្លែងកែឆ្នៃសំរាមដែលមានផ្ទៃដីទំហំ៦ហិកតានៅចំណុចភ្នំតុកស្ថិតភូមិកងវ៉ាសង្កាត់កំពង់ស្វាយក្រុងសិរីសោភ័ណ។
លោកបានអោយដឹងដែរថា៖ កាលពីថ្ងៃទី១៤ខែមិថុនាឆ្នាំ២០១៧កន្លងទៅមានសិក្ខាសាលាចុងក្រោយនៃគម្រោងទន្លេសាបពីរដែលរៀបចំដោយក្រសួងសាធារណៈការនិងដឹកជញ្ជូន។ក្នុងគោលនៃអង្គសិក្ខាសាលាថ្នាក់ជាតិខេត្តបន្ទាយមានជ័យក្នុងឆ្នាំ២០១៩ដល់ឆ្នាំ២០២៥ទទួលបានគម្រោងថវិការចំនួន៤៧លានដុល្លាសម្រាប់ការអភិវឌ្ឍន៍ទីលានចាក់សំរាមក្នុងខេត្តបន្ទាយមានជ័យ។
លោកបានបញ្ជាក់ដែរថា៖ខេត្តបន្ទាយមានជ័យដែលទទួលគម្រោងកសាងអាងចម្រុះទឹកនិងកន្លែងកែឆ្នៃសំរាមអោយមានប្រយោជន៍គឺគម្រោងអនុវត្តន៍មាននៅក្រុងប៉ោយប៉ែតទីលានចាក់សំរាមនិងកន្លែងកែឆ្នៃសំរាម និងក្រុងសិរីសោភ័ណមានកន្លែងចាក់សំរាមនិងកែឆ្នៃសំរាមអោយមានប្រយោជន៍និងកសាងអាងប្រតិកម្មទឹករឺអាងចម្រុះទឹក។
លោក ជា សុវណ្ណធួន បានបញ្ជាក់ថា៖ទីលានចាក់សំរាមក្រុងសិរីសោភ័ណនេះកសាងសម្រាប់តម្រូវការចាក់សំរាមមានក្រុងសិរីសោភ័ណ ស្រុកមង្គលបូរី ស្រុកអូរជ្រៅ ស្រុកស្វាយចេក គម្រោងអនុវត្តទីលានចាក់សំរាមនិងអាងចម្រុះទឹកកសាង២ស្រុក.ក្រុងនេះគឺជាថវិការរាជរដ្ឋាភិបាលកម្ពុជា៕(ប៊ុន ធឿន)

 

 

រដ្ឋមន្ដ្រី៖ចំណួលធានារ៉ាប់រងកើនដល់១២០លានដុល្លារ

ភ្នំពេញ៖រដ្ឋមន្ដ្រីសេដ្ឋកិច្ចកម្ពុជាលោកអូនពន្ឋមុនីរត្នបានប្រកាថា៖ចំណួលធានារ៉ាប់រងកើនដល់១២០លានដុល្លារនៅឆ្នាំ២០ ១៦កើនពី២៥លានដុល្លារក្នុងឆ្នាំ២០១០។ក្រសួងបានបន្ដរៀបចំបទបញ្ញាត្ដិជាច្រើនដើម្បីគ្រប់គ្រប់អភិវឌ្ឍវិស័យហិរញ្ញវត្ថុដោយចីរភាពក្នុងរួមមានធានារ៉ាប់រងនិងមូលបត្រនិងធនាគារ។លោកបានលើកឡើងនៅព្រឹកនេះក្នុងពិធីសម្ពោធដាក់អោយប្រើប្រាស់យុទ្ឋសាស្ដ្រហិរញ្ញាវត្ថុ២០១៦ដល់២០២៥៕

 

ចំណួលពន្ឋអាករមានទឹកប្រាក់ប្រមាណជា១០២០លានដុល្លារកើនជាង៤៤ភាគរយក្នុង៥ខែដើមឆ្នាំ


ភ្នំពេញ៖ណួលពន្ឋអាករមានទឹកប្រាក់ប្រមាណជា១០២០លានដុល្លារកើនជាង៤៤ភាគរយក្នុង៥ខែដើមឆ្នាំបើធៀបនឹងឆ្នាំ២០១៦កន្លងមក។ឯចំណួលក្នុងខែឧសភាមានប្រមាណជាង១៣៨លានដុល្លារអាមេរិច។នេះបើតាមសេចក្ដីប្រកាសរបស់អគ្គនាយកដ្ឋានពន្ធដារប្រមូលពន្ធ-អាករបានផ្សាយកាលពីម្សិលមិញ។
សេចក្តីប្រកាសព័ត៌មានបានអោយដឹងដែរថាកំណើនពន្ឋដាដោយសារមានកំណើនប្រាក់ខែនិងពន្ឋបន្ថែមនិងពន្ឋលើប្រាក់ចំណេញ។
លោកគង់ វិបុល ប្រតិភូរាជរដ្ឋាភិបាល និងជាប្រធានអគ្គនាយកដ្ឋានពន្ឋដារបានអំពាវនាវអោយមន្ដ្រីពន្ឋដារ ខិតខំប្រឹងប្រែងប្រមូលចំណូលពន្ធ និងបន្ដបំពេញភារកិច្ច។
ដើម្បីធានាបាននូវប្រសិទ្ធភាពក្នុងការអនុវត្តការប្រមូលចំណូលពន្ធ បានគ្រប់តាមផែនការកំណត់ដោយច្បាប់ចំនួន ៦ ៨៦៣ ៣០០ លានរៀល (គិតជាដុល្លារ ១ ៧១៥.៨៣ លានដុល្លារ) លោកប្រតិភូរាជរដ្ឋាភិបាលប្រធានអង្គប្រជុំ បាន ផ្តល់នូវអនុសាសន៍ណែនាំដល់អង្គភាពក្រោមឱវាទពន្ធដារ ឲ្យបន្តអនុវត្តយ៉ាងម៉ឺងម៉ាត់ និងប្រកបដោយប្រសិទ្ធភាព នូវគោលនយោបាយកែទម្រង់ដ៏មុតស្រួចរបស់រាជរដ្ឋាភិបាល ដូចមានចែងក្នុងយុទ្ធសាស្ត្រកៀរគរ ចំណូលរយៈពេលមធ្យម របស់រាជរដ្ឋាភិបាល និងកម្មវិធីកែទម្រង់ហិរញ្ញវត្ថុសាធារណៈ ព្រមទាំងបានចេញនូវ វិធានការសំខាន់ៗ មួយចំនួនដូចខាងក្រោម ៖
* បន្តពង្រឹងយន្តការនៃការចុះបញ្ជីពន្ធដារ និងប្រសិទ្ធភាពនៃការផ្តល់សេវាជូនអ្នកជាប់ពន្ធ
* បន្តពង្រឹងប្រសិទ្ធភាពនៃការចាត់ចែងការដាក់លិខិតប្រកាសសារពើពន្ធរបស់អ្នកជាប់ពន្ធ
* បន្តពង្រឹងការធ្វើសវនកម្មលើសហគ្រាសដែលមានហានិភ័យខ្ពស់ ដែលព្យាយាមគេចវេះកាតព្វកិច្ចបង់ពន្ធ តាមគ្រប់រូបភាព
* ត្រៀមរៀបចំអនុវត្តប្រមូលពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទសម្រាប់ឆ្នាំ២០១៧
* បន្តពង្រឹង និងបណ្តុះបណ្តាលសមត្ថភាពរបស់មន្ត្រីរាជការពន្ធដារ តាមរយៈការរៀបចំសិក្ខាសាលា និងវគ្គ បណ្តុះបណ្តាលជំនាញបន្ថែម ទាំងក្នុងនិងក្រៅប្រទេស
* បន្តពង្រឹងអភិបាលកិច្ចល្អនិងកែប្រែផ្នត់គំនិតរបស់មន្ត្រីពន្ធដារ ឲ្យក្លាយជាអ្នកបម្រើសេវាសាធារណៈបានល្អ
* បន្តធ្វើទំនើបកម្មប្រព័ន្ធព័ត៌មានវិទ្យា ជាពិសេសរៀបចំអភិវឌ្ឍកម្មវិធីគ្រប់គ្រងការប្រមូលពន្ធគ្រប់ប្រភេទតាម បច្ចេវិទ្យាព័ត៌មាន
* បន្តលើកកម្ពស់និងបញ្ជ្រាបវប្បធម៌ពន្ធដារ បន្តពង្រឹងការអនុវត្តច្បាប់ស្តីពីសារពើពន្ធ ក្នុងចំណោមធុរជនគ្រប់ មជ្ឈដ្ឋាន តាមរយៈការរៀបចំសិក្ខាសាលាផ្សព្វផ្សាយស្តីពីប្រព័ន្ធពន្ធដារកម្ពុជា។
* បន្តអប់រំណែនាំ ពង្រឹងការអនុវត្តច្បាប់ និងសមត្ថភាពមន្រ្តីពន្ធដារគ្រប់លំដាប់ថ្នាក់ ពង្រឹងអភិបាលកិច្ចល្អ របស់រដ្ឋបាលសារពើពន្ធ ជាពិសេសការកែប្រែផ្នត់គំនិត(Mindset) របស់មន្រ្តីរាជការពន្ធដារគ្រប់រូបឲ្យ យកចិត្តទុកដាក់អនុវត្ត ការងារប្រកបដោយការទទួលខុសត្រូវខ្ពស់ ដោយឈរលើមនសិការវិជ្ជាជីវៈ និងស្មារតីតម្កល់ ផលប្រយោជន៍ជាតិជាចម្បង ដោយចូលរួមអនុវត្តព្រមៗគ្នានូវកម្មវិធីនយោបាយរបស់រាជរដ្ឋាភិបាល សំដៅធ្វើយ៉ាងណាធានាបាននូវប្រសិទ្ធភាព នៃការប្រមូលចំណូលពន្ធ ដោយផ្អែកលើអភិក្រម «ឆ្លុះកញ្ចក់ ងូតទឹក ដុសក្អែល និង ព្យាបាលជម្ងឺ» ដែលបានដាក់ចេញដោយសម្តេចតេជោ នាយករដ្ឋមន្រ្តី និងអភិក្រមការងារទាំងបួន ដែលបានដាក់ចេញដោយឯកឧត្តមទេសរដ្ឋមន្ត្រី៕

មន្ដ្រីអះអាងថា៖”កងកម្លាំងមួកខៀវកម្ពុជាកំពុងស្ថាបនាផ្លូវ១០៦គីឡូម៉ែត្រជូនពលរដ្ឋអាហ្វ្រិកកណ្តាល”

ភ្នំពេញ: កងកម្លាំងវិស្វកម្ម នៃកងកម្លាំងមួកខៀវកម្ពុជា បំពេញបេសកកម្មរបស់អង្គការសហប្រជាជាតិនៅសាធារណរដ្ឋអាហ្វ្រិកកណ្តាល កំពុងស្ថាបនាផ្លូវ ដែលមានប្រវែងជាង១០០គីឡូម៉ែត្រ នៅតំបន់ Bangassou ទៅកាន់តំបន់ Malaka ជូនប្រជាជនអាហ្វ្រិកកណ្តាលជាប្រទេស កំពុងមានសង្គ្រាមស៊ីវិល។
លោកវរសេនីយឯក ពេជ្រ សម្បត្តិ មេបញ្ជាការកងកម្លាំងវិស្វកម្ម លេខ៤៥៩ នៃកម្លាំងរក្សាសន្តិភាពរបស់កម្ពុជា កំពុងបេសកកម្មនៅសាធារណរដ្ឋអាហ្វ្រិកកណ្តាល បានប្រាប់ហង្សមាស តាមសារអេឡិកត្រូនិច្ច នៅថ្ងៃទី៨ ខែមិថុនា ឆ្នាំ២០១៧មកថា ៖“កម្លាំងមួកខៀវកម្ពុជា បច្ចុប្បន្នកំពុងបន្តសាងសង់ផ្លូវ និងស្ពានឈើ ដែលមានចំងាយ១០៦គីឡូម៉ែត្រ ជូនដល់ប្រជាពលរដ្ឋអាហ្វ្រិកកណ្តាល ងាយស្រួល ក្នុងការធ្វើដំណើឆ្លងកាត់ពីតំបន់ Bangassou ទៅ Malaka ជាចំណុចដែលមានសង្រ្គាមស៊ីវិល រវាងអ្នកកាន់សាសនាគ្រីស្ទ និងអ្នកកាន់សាសនាមូស្លីម”។
លោកបានបញ្ជាក់បន្ថែមថា “កងយោធាមួកខៀវកម្ពុជាដែលបាននិងកំពុងបំពេញបេសកកម្មរក្សាសន្តិភាពក្រោមឆត្ររបស់អង្គការសហប្រជាជាតិ នៅសាធារណរដ្ឋអាហ្វ្រិក កណ្តាល បានបង្ហាញនូវឆន្ទៈមុតស្រួចក្នុងការបំពេញបេសកកម្មរបស់ខ្លួនដោយគ្មានការរាថយឡើយ ទោះបីជាមានកម្លាំងមួកខៀវកម្ពុជា៤នាក់ បានពលីជីវិតនាពេលថ្មីៗកន្លងទៅក្នុងពេលកំពុងបំពេញបេសកកម្មដោយសកម្មភាពពួនស្ទាក់វាយប្រហារ ដោយក្រុមពួកឧទ្ទាមAnti Balaka (ពួកសានាគ្រីស្ទជ្រុលនិយម) ច្រើនរយនាក់នៅក្នុងតំបន់បេសកកម្ម MINUSCA កាលពីយប់ថ្ងៃទី៨ ខែឧសភា ឆ្នាំ២០១៧ ក៏ដោយ។
លោកមេបញ្ជាកងយោធាមួកខៀវកម្ពុជាវិស្វកម្មលេខ៤៥៩រូបនេះ បានអោយដឹងថា ស្ពានដែលត្រូវស្ថាបនាតាមបណ្តោយផ្លូវពីតំបន់Bangassou ឆ្ពោះទៅកាន់តំបន់Malaka មានចំនួនបីកន្លែង ប៉ុន្តែជាញឹកញាប់បន្ទាប់ពីកងកម្លាំងវិស្វកម្មស្ថាបនារួចត្រូវរងការបំផ្លាញពីសំណាក់ពួកឧទ្ទាមជានិច្ច។ ចាប់តាំងពីក្នុងអំឡុងឆ្នាំ២០១៦កន្លងទៅកងកម្លាំងវិស្វកម្មមួកខៀវកម្ពុជាបានសម្រេចស្ថាបនាបានរួចរាល់នូវផ្លូវប្រវែង២០៨គីឡូម៉ែត្រ។
ដោយឡែកក្នុងឆ្នាំ២០១៧នេះ កងកម្លាំងមួកខៀវវិស្វកម្មកម្ពុជាបានបន្តការងារក្នុងការស្ថាបនាផ្លូវនៅសាធារណរដ្ឋអាហ្វ្រិកកណ្តាលចាប់ពីដើមឆ្នាំ មកទល់នឹងដំណាច់ខែឧសភា ឆ្នាំ២០១៧កន្លងទៅនេះ សម្រេចបានលទ្ធផលប្រវែងផ្លូវ ១០៦គីឡូម៉ែត្រ ហើយបាននិងកំពុងបន្តការងារស្ថាបនាផ្លូវខាងលើនេះ ជាបន្តទៀត។
សាធារណរដ្ឋអាហ្វ្រិកកណ្តាល ជាប្រទេសកំពុងពើបប្រទះនូវសង្គ្រាមស៊ីវិល រវាងពួកឧទ្ទាម និងកម្លាំងរដ្ឋាភិបាលអាហ្វ្រិកកណ្តាល នៅបណ្តាច់ខែឧសភា ឆ្នាំ២០១៧ លោក វរសេនីយ៍ឯក ពេជ្រ សម្បត្តិ អោយដឹងថា កងកម្លាំងមួកខៀវកម្ពុជាក្នុងកងឯកភាពកង វរសេនាតូចសំណង់ផ្តេកនៅBangassou ដែលរងការវាយប្រហារពីក្រុមឧទ្ទាម នាពេលថ្មីៗនៅឡើយនោះ បានចេញធ្វើសកម្មភាពស្ថាបនាស្ពានចំនួនបីកន្លែងនៅតំបន់Malakaដែលមានចម្ងាយពីទីតាំងប៉ុស្តិ៍ប៉ម ជួរមុខBangassou ប្រមាណជា១២៥គីឡូម៉ែត្រ។ ប៉ុន្តែអ្វីដែលគួរឱ្យកត់សម្គាល់នោះក្បួនដំណើរចេញទៅស្ថាបនាស្ពាននាពេលនោះ ដោយមានកងកម្លាំងយោធាមួកខៀវបង់ក្លាដេសជាអ្នកបើកផ្លូវនាំមុខ និងកងយោធាមួកខៀវម៉ារ៉ុកជាអ្នកការពារពីខាងក្រោយក្តី ក៏នៅតែត្រូវបានរងការពួនស្ទាក់វាយប្រហារពីសំណាក់ឧទ្ទាម Balaka ដដែលផងដែរ។
ចំពោះការវាយប្រហារពីក្រុមឧទ្ទាមខាងលើនេះ លោក នាយឧត្តមសេនីយ៍ សែមសុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានប្រាប់ហង្សមាសតាមទូរស័ព្ទមកថា “ពុំមានកម្លាំងយោធាមួកខៀវណាម្នាក់រងគ្រោះថ្នាក់ ពីសកម្មភាពវាយប្រហារខាងលើនេះ ឡើយ”។ ហើយកម្លាំងមួកខៀវកម្ពុជា នៅតែបន្តការងារបមពេញបេសកកម្ម និងស្ថាបនាផ្លូវនេះដដែល ជាមួយគ្នាកម្លាំងកម្ពុជាក៏រកយុទ្ធសាស្រ្តដើម្បីពិភាក្សាចរចារណាមួយជាមួយកម្លាំងឧទ្ទាម ដើម្បីស្វែករកសន្តិភាពទាំងអស់អ្នក គឺលុបបំបាត់នូវជម្លោះផ្ទៃក្នុង៕

 

មន្ដ្រី៖ភ្នំពេញមានតំបន់បូរីសរុបចំនួន១៣៤កន្លែងឯអគារកំពស់៥ជាន់មានចំនួន៧៩១

ភ្នំពេញ៖ក្រសួងរៀបចំដែនដីនគរូបនីយកម្មនិងសំណង់បានជំរុញឲ្យមានការប្រកួតប្រជែងលើវិស័យសំណង់ស្ថាបត្យកម្មនិងការតុបតែងក្នុងអគារឲ្យបានទូលំទូលាយបន្ថែមទៀតដើម្បីបង្កើនកិត្យានុភាពផ្នែកវិស័យនេះទៅលើឆាកអន្តរជាតិ។
លោកភឿង សុភ័ណរដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់បានជំរុញឲ្យមានការរៀបចំការប្រកួតប្រជែងផ្នែក ស្ថាបត្យកម្មដើម្បីឲ្យវិស្វករម្នាក់ៗខិតខំស្រាវជ្រាវរិះរកនូវគំនិតថ្មីៗបន្ថែមទៀតធ្វើយ៉ាងណារក្សាឲ្យបាននូវអត្ថសញ្ញាណជាតិខ្មែរតាមបែបសម័យទំនើប។
មានប្រសាសន៍នៅក្នុងពិព័រណ៍អន្តរជាតិស្តីពីស្ថាបត្យករនិងតុបតែងកម្ពុជាឆ្នាំ២០១៧លើកទី២នៅមជ្ឈមណ្ឌលកោះពេជ្រនៅព្រឹកថ្ងៃទី៨ឧសភាលោកបានឲ្យដឹងទៀតថាការប្រកួតប្រជែងលើវិស័យសំណង់ស្ថាបត្យកម្មនិងតុបតែងក្នុងអគារនេះបានជួយច្រើនណាស់ដល់ប្រទេសកម្ពុជាដោយបានបង្ហាញនូវអត្ថសញ្ញាណខ្មែរ ខណៈភ្លៀវទេសចរអន្តរជាតិជាច្រើនមកទស្សនានៅប្រទេសកម្ពុជាដោយសារតែគេចង់ឃើញសំណង់ស្ថាបត្យកម្មរបស់ខ្មែរពិតៗហើយនឹងផ្តល់អត្ថប្រយោជន៍ជាច្រើនទៀតដល់សេដ្ឋកិច្ចជាតិ។
លោកបានបន្ថែមថា៖”បច្ចុប្បន្ននេះវិស័យសំណង់នៅកម្ពុជាមានការរីកចំរើនយ៉ាងខ្លាំងក្នុងនោះគ្រាន់តែអគារខ្ពស់ៗនៅរាជធានីភ្នំពេញចាប់ពី៥ជាន់ឡើងទៅមានរហូតដល់ទៅ៧៩១អគារនិងបណ្តុំលំនៅឋានមានលក្ខណៈជាបូរីមានចំនួន១៣៤ទីតាំង”។
តែយ៉ាងណាក៏ដោយឯកឧត្តមបានបញ្ជាក់ថាសំណង់ខ្ពស់ៗនិងបូរីទាំងនោះសាងសង់ដោយស្ថាបត្យករ វិស្វករនិងពលករភាគច្រើនជាជនជាតិបរទេសដូចជាថៃ សឹង្ហបូរី ចិន ជប៉ុន អាឡឺម៉ង់ បារាំងនិងអង់គ្លេសជាដើម។ចំណែកឯវិស្វករ ស្ថាបត្យករនិងកម្មករខ្មែរមានតិចតួចទេដោយសារយើងខ្វះធនធានននិងជំនាញច្បាស់លាស់។ជាក់ស្តែងក្នុងចំណោមអ្នកធ្វើការខាងវិស័យសំណង់នេះជាង២០ម៉ឺននាក់មានតែវិស្វករ ស្ថាបត្យករនិងកម្មករខ្មែរប្រមាណពី៤ទៅ៦ម៉ឺននាក់ប៉ុណ្ណោះកំពុងធ្វើការនៅទីក្រុងភ្នំពេញ។
លោក ស៊ិន សុជាតិ ប្រធានសមាគមស្ថាបត្យករកម្ពុជាបានមានប្រសាសន៍ថា ស្ថាបត្យករជាអ្នកមានទំនួលខុសត្រូវខ្ពស់ក្នុងការពារអាយុជីវិតមនុស្សក្នុងការប្រើប្រាស់អគារតូចធំ។ដូចនេះស្ថាបត្យករត្រូវយកចិត្តទុកដាក់លើក្រមសីលធម៌ឲ្យបានខ្ជាប់ខ្ជួនពិសេសត្រូវផ្តោតការយកចិត្តទុកដាក់លើសុវត្តិភាពមនុស្ស សុវត្តិភាពសង្គមនិងសុវត្តិភាពបរិស្ថាននិងវប្បធម៌ជាតិផងដែរ៕

កម្ពុជារៀបចំការតាំងពិព័រណ៍ស្ថាបត្យកម្ម និងដេគ័រកម្ពុជា២០១៧!!

ភ្នំពេញ៖កម្ពុជារៀបចំការតាំងពិព័រណ៍ស្ថាបត្យកម្ម និងដេគ័រកម្ពុជា២០១៧ដើម្បីពង្រីក" វិជ្ជាជីវៈស្ថាបត្យកម្ម នឹងបរិស្ថានសាងសង់ និង ការប្រកួតប្រជែងសិក្សាគម្រោងប្លង់។

តាមសេចក្ដីប្រកាសរបស់អ្នករៀបចំបានអោយដឹងថា៖នៅថ្ងៃទី៨ ដល់ទី១០ មិថុនាខាងមុខនេះនៅមជ្ឈមណ្ឌលពិព័រណ៍កោះពេជ្រ នឹងមានរៀបចំការតាំងពិព័រណ៍ដ៏ធំមួយជាមួយក្រុមហ៊ុនច្រើនជាង១៥០ មកពីក្នុងនឹងក្រៅស្រុករួមមាន ប្រទេសចិន កូរ៉េ អ៊ីតាលី សឹង្ហបុរី ថៃ និងវៀតណាម។
ដោយមានការគាំទ្រពីសមាគមស្ថាបត្យករកម្ពុជា និងគណសា្ថបត្យករកម្ពុជាព្រឹត្តការណ៍នេះក៏បានរៀបចំកម្មវិធីសិក្ខាសាលាស្តីពី " វិជ្ជាជីវះស្ថាបត្យកម្ម នឹងបរិស្ថានសាងសង់ ", ការប្រកួតប្រជែងសិក្សាគម្រោងប្លង់ស្ថាបត្យកម្មសម្រាប់និស្សិត និងការជួបជុំគ្នាពិសាអាហារពេលល្ងាចដែលនិងចូលរួមដោយស្ថាបត្យករជាច្រើននាក់។
ការតាំងពិព័រណ៍នេះនឹងក្លាយជាវេទិកាដ៍ល្អឥតខ្ចោះមួយ ដែលនឹងបង្កើតអោយមានជាបណ្តាញទំនាក់ទំនង និងឱកាសធ្វើពាណិជ្ជកម្មរវាងអ្នកផ្គត់ផ្គង់អន្តរជាតិជាមួយនឹងអ្នកនៅក្នុងប្រទេស មានដូចជាស្ថាបត្យករ អ្នកអភិវឌ្ឍន៍គម្រោង អ្នករចនាផ្នែកខាងក្នុងក៏ដូចជា ពាណិជ្ជករ និង អ្នកចែកចាយផ្សេងៗ។

ដូច្នេះ កុំឲ្យឱកាសដ៏មានតម្លៃនេះកន្លងផុតទៅ សូមអញ្ជើញចូលរួមទស្សនាឲ្យបានច្រើនកុះករ ដើម្បីទទួលបានចំណេះដឹងថ្មីៗ និងអត្ថប្រយោជន៍ជាច្រើនថែមទៀតទាក់ទងនឹងផ្នែកគ្រឿងសំណង់ល្បីៗនៅលើពិភពលោក៕

 

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2