vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សម្តេចហ៊ុន សែនស្នើឲ្យធុរជនចូលរួមជាមួយកម្ពុជាធ្វើការអភិវឌ្ឍវិស័យបច្ចេកវិទ្យាឲ្យបានកាន់តែរីកចំរើន

ភ្នំពេញ៖ប្រមុខរាជរដ្ឋាភិបាលកម្ពុជា សម្តេចតហ៊ុន សែនបានស្នើឲ្យធុរជនទាំងអស់ចូលរួមជាមួយរាជរដ្ឋាភិបាលកម្ពុជាដើម្បីជំរុញការអភិវឌ្ឍរីកចំរើននៃវិស័យបច្ចេកវិទ្យានៅកម្ពុជាក៍ដូចជាក្នុងតំបន់។
ថ្លែងបើកវេទិកាសេដ្ឋកិច្ចអាស៊ាន ក្រោមប្រធានបទ យុវជន បច្ចេកវិទ្យា និងកំណើន ការធានាបាននូវផលលាភ បច្ចេកវិទ្យាឌីជីថល និងផលលាភប្រជាសាស្ត្ររបស់អាស៊ាន នៅសណ្ឋាគារសុខាភ្នំពេញ នារសៀលថ្ងៃទី១១ឧសភានេះ សម្តេចតេជោហ៊ុន សែននាយករដ្ឋមន្ត្រីកម្ពុជា បានស្នើឲ្យ ធុរជនទាំងអស់ពួតដៃគ្នាជាមួយរាជរដ្ឋាភិបាលកម្ពុជា ដើម្បីរួមគ្នាកសាងបរិយាកាសល្អប្រសើរសម្រាប់រៀបចំនិងកសាងវិស័យបច្ចេកវិទ្យាឲ្យប្រកបដោយសក្តានុពល។
សម្តេចបានគូសបញ្ជាក់ថា ៖”ក្នុងកិច្ចអភិវឌ្ឍន៍ទៅមុខកម្ពុជាកំពុងសំលឹងមើលនិន្នាការនៃការរីកចំរើនផ្នែកបច្ចេកវិទ្យា ដូចប្រទេសដៃទៀតផងដែរ”។ កម្ពុជាកំំពុងទទួល និងស្រូបយកយ៉ាងឆាប់រហ័សនូវបច្ចេកវិទ្យាទំនើបជាពិសេសក្នុងវិស័យឧស្សាហកម្មថ្មីៗ ក្នុងចំណោមយុវជន។ សករាជថ្មីនៃបច្ចេកវិទ្យានេះគឺជាឱកាសសម្រាប់ជំរុញឲ្យយុវជនកម្ពុជាធ្វើការអភិវឌ្ឍឲ្យមានសន្ទុះទៅមុខកាន់តែលឿនថែមទៀត។
ហេតុនេះហើយទើបរាជរដ្ឋាភិបាលកម្ពុជា បាននិងកំពុងផ្តោតការយកចិត្តទុកដាក់ខ្ពស់លើការអភិវឌ្ឍយុវជននិងបច្ចេកវិទ្យា ពិសេសតាមរយៈគោលនយោបាយ កែទម្រង់ប្រព័ន្ធអប់រំនិងការបណ្តុះបណ្តាលដោយផ្តោតជាពិសេសទៅលើការជំរុញអភិវឌ្ឍជំនាញក្នុងផ្នែកវិទ្យាសាស្ត្រ បច្ចេកវិទ្យាវិស្វកម្ម និងគណិតវិទ្យា គួបផ្សំ និងការលើកកម្ពស់សហគ្រិនភាព និងការបំប៉នជំនាញទន់ផ្នែកបំនិនជីវិតផងដែរ។
សម្តេចក៍បានជំរាបជូនអង្គវេទិការសេដ្ឋកិច្ចពិភពលោកផងដែរថាកម្ពុជាបានដាក់ចេញនូវគោលនយោបាយអភិវឌ្ឍន៍ឧស្សាហកម្មកម្ពុជា ២០១៥-២០២៥ ដែលនេះជាការជំរុញកិច្ចខិតខំប្រឹងប្រែងនិងបើកចំហឲ្យមានការចូលរួមពីវិស័យឯកជនក្នុងគោលដៅ ជ្រោមជ្រែងដល់ការអភិវឌ្ឍវិស័យបច្ចេកវិទ្យានៅកម្ពុជា ទៀតផង ។
សម្តេចបានបង្ហាញពី សុទិដ្ឋិនិយមថាសតវត្សរ៍ទី២១នេះនឹងអនុញ្ញាតិឲ្យអាស៊ាននាំមុខមិនគ្រាន់តែក្នុងផ្នែកសេដ្ឋកិច្ចប៉ុណ្ណោះទេ គឺ ថែមទាំងអាចនាំមុខនូវវិស័យបច្ចេកវិទ្យាទៀតផង។
ប្រមុខរដ្ឋប្រមុខរដ្ឋាភិបាលនៃបណ្តាប្រទេសអាស៊ាន សុទ្ធតែបានយល់ស្របចំពោះផែនការអភិវឌ្ឍធនធានមនុស្ស ជាពិសេស លើ ការបណ្តុះបណ្តាលធនធានយុវជនឲ្យមានចំណេះដឹងជ្រៅជ្រះអំពីបច្ចេកវិទ្យា ដើម្បីជំរុញឲ្យអាស៊ានទាំងមូលពោលពេញទៅដោយសក្តានុពលនៃ ចំណេះដឹងខាងបច្ចេកវិទ្យាទំនើបនេះទៅអនាគត។
គួរបញ្ជាក់ផងដែរថាវេទិកានេះនិងធ្វើការពិភាក្សាគ្នាអំពីកិច្ចខិតខំប្រឹងប្រែង ធ្វើយ៉ាងណាដើម្បីជំរុញការតភ្ជាប់គ្នាក្នុងគ្រប់រូបភាព និងជំរុញការធ្វើសមាហរណកម្ម ឲ្យបានកាន់តែស៊ីជំរៅរវាងសេដ្ឋកិច្ចងតំបន់ និងសាកលលោក សំដៅបង្កើនល្បឿននៃការកែទម្រង់រចនាសម្ព័ន្ធ ក៍ដូចជាការកសាងសមត្ថភាពស្ថាប័ន និងធនធានមនុស្សឲ្យបានកាន់តែប្រសើរថែមទៀត៕

អាស៊ានត្រូវការ៧០ទ្រីលានដុល្លារសម្រាប់អភិវឌ្ឍហេដ្ឋារចនាសម្ព័ន្ធ

ភ្នំពេញ: ក្រុមអ្នកជំនាញផ្នែកសេដ្ឋកិច្ច បានបង្ហាញថា អាស៊ានមានតម្រូវការលើផ្នែកអភិវឌ្ឍហេដ្ឋារចនាសម្ព័ន្ធសម្រាប់ជាវិស័យជាអាទិភាពដើម្បីភាពរីកចំរើនរបស់អាស៊ានឆ្ពោះទៅតភ្ជាប់ទំនាក់ទំនងសេដ្ឋកិច្ចក្នុងតំបន់ និងពិភពលោក។
លោក ម៉ាក រ៉ាថបូណេ(Mark Rathbone) ប្រធានដឹកនាំគម្រោងអាទិភាព និងហេដ្ឋារចនាសម្ព័ន្ធប្រចាំតំបន់អាស៊ីប៉ាស៊ីហ្វិក មានប្រសាសន៍ថា៖” ការអភិវឌ្ឍសំណង់ហេដ្ឋារចនាសម្ព័ន្ធ និងប្រព័ន្ធដឹកជញ្ជូនជាច្រើនបន្ថែមទៀតក្នុងតំបន់អាស៊ាន គឺជាចំណុចយ៉ាងសំខាន់នៃការជំរុញកំណើនសេដ្ឋកិច្ច និងទំនាក់ទំនងប្រជាជនក្នុងតំបន់ និងពិភពលោក”។
ថ្លែងក្នុងសន្និសីទស្តីពីវិថីមួយ ខ្សែក្រវ៉ាត់មួយ នៃគោលនយោបាយរដ្ឋាភិបាលចិន ដែលរៀបចំឡើងក្នុងវេទិកាសេដ្ឋកិច្ចពិភពលោកស្តីពីអាស៊ាន ឆ្នាំ២០១៧ នៅរាជធានីភ្នំពេញ នៅថ្ងៃទី១១ ខែឧសភា លោក ម៉ាក រ៉ាថបូណេ បានបញ្ជាក់ថា៖” រហូតដល់ឆ្នាំ២០២៥ តំបន់អាស៊ានទាំងមូល ត្រូវការថវិកាយ៉ាងហោចណាស់៧០ទ្រីលានដុល្លារអាម៉េរិក សម្រាប់អភិវឌ្ឍន៍ប្រព័ន្ធដឹកជញ្ជូនមានដូចជា៖ ផ្លូវរថភ្លើង កំពង់ផែ ដើម្បីធានាថា ការដឹកជញ្ជូនទំនិញ និងភ្ជាប់ប៉ូលសេដ្ឋកិច្ចទៅកាន់ពិភពលោក មានប្រសិទ្ធភាព និងមាននិរន្តរភាពភាព”។
លោក ថេវិន វង្សវណ្ណនិក នាយកប្រតិបត្តិក្រុមហ៊ុនប្រេងឥន្ធនៈPTTរបស់ប្រទេសថៃ បានថ្លែងថា ការធ្វើពាណិជ្ជកម្ម និងសេដ្ឋកិច្ចបែបទំនើបកម្ម ទាមទារនូវការតភ្ជាប់ហេដ្ឋារចនាសម្ព័ន្ធពីប្រទេសមួយទៅកាន់ប្រទេសមួយទៀត ដើម្បីសម្រួលរបាំងពាណិជ្ជកម្ម និងការរាំងស្ទះផ្សេងៗ។
លោក ជិន លីគុន (Jin Liqun) ប្រធានធនាគារវិនិយោគហេដ្ឋារចនាសម្ព័ន្ធតំបន់អាស៊ី ហៅកាត់ថា AIIBដែលមានមូលដ្ឋាននៅរដ្ឋធានីប៉េកាំងប្រទេសចិន បានបញ្ជាក់ជំហរដោយត្រៀមខ្លួនជាស្រេចក្នុងការជួយជ្រោមជ្រែងឲ្យផែនការ
ជាមួយគ្នានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍នៅក្នុងវេទិកានេះដែរថា កម្ពុជាកំពុងខិតខំប្រឹងប្រែង អភិវឌ្ឍន៍នូវហេដ្ឋារចនាសម្ព័ន្ធដឹកជញ្ជូន ដែលភ្ជាប់សេដ្ឋកិច្ចក្នុងតំបន់ ទៅកាន់ពិភពលោក ដើម្បីនាំមកនូវចំណូលនិងកំណើនសេដ្ឋកិច្ច សម្រាប់ប្រទេសជាតិ និងប្រជាជន។
សូមបញ្ជាក់ថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ ដែលកម្ពុជាទទួលធ្វើជាម្ចាស់ផ្ទះ ចាប់ផ្តើមឡើងពីថ្ងៃទី១០ ដល់១២ ខែឧសភានេះ មានអ្នកចូលរួមជិត១ពាន់នាក់ ក្នុងនោះមានប្រធានាធិបតីប្រទេសហ្វ៊ីលីពីន នាយករដ្ឋមន្ត្រីប្រទេសឡាវ និងនាយករដ្ឋមន្ត្រីប្រទេសវៀតណាម រួមនឹងថ្នាក់ដឹកនាំថ្នាក់រដ្ឋមន្ត្រីមកពីប្រទេសអាស៊ាន និងពិភពលោកចំនួន១៨នាក់ទៀត ព្រមទាំងវិស័យឯកជន ដើម្បីចូលរួមជជែកពិភាក្សាប្រធានបទ “យុវជន បច្ចេកវិទ្យា និងកំណើន”

កម្ពុជារំពឹងថាវេទិកាសេដ្ឋកិច្ចពិភពលោកដែលកម្ពុជាធ្វើម្ចាស់ផ្ទះនឹងបង្កើនបានទំនាក់ទំនងអាជីវកម្មល្អក្នុងតំបន់

ភ្នំពេញ៖កម្ពុជារំពឹងថាវេទិកាសេដ្ឋកិច្ចពិភពលោកដែលកម្ពុជាធ្វើជាម្ចាស់ផ្ទះនេះនឹងបង្កើនទំនាក់ទំនសហប្រតិបត្តិការកាន់តែល្អសម្រាប់ អាជីវកម្មនិងជំរុញការវិនិយោគក្នុងតំបន់។
មានប្រសាសន៍នៅ ក្នុងសន្និសិទកាសែត មុននឹងការចាប់ផ្តើមបើកវេទិកាសេដ្ឋកិច្ចពិភពលោក នៅសណ្ឋាគារសុខាភ្នំពេញនាព្រឹកថ្ងៃទី១១ ឧសភានេះ សម្តេចតេជោហ៊ុន សែន នាយករដ្ឋមន្ត្រីកម្ពុជាបានបង្ហាញនូវការរំពឹងថាវេទិការនេះនឹងទទួលបាននូវការពិភាក្សាប្រកបដោយផ្លែផ្កាជាវិជ្ជមានក្នុងការបង្ហាញពីសក្តានុពលរបស់អាស៊ាន និងកម្ពុជា ក៍ដូចជាការផ្តល់នូវទស្សនៈទាន និងយោបល់ល្អៗ សម្រាប់កំណត់ចក្ខុវិស័យអាស៊ានក្នុងពេលអនាគត។
សម្តេចបានគូសបញ្ជាក់ទៀតថាៈ"វេទិការនេះក៍ជាការបង្កើនការប្រាស្រ័យទាក់ទង និងសហប្រតិបត្តិការ អាជីវកម្មក្នុងតំបន់ ពិសេសគំនិតពាក់ព័ន្ធទៅនិង ការបង្កើតការងារថ្មី ដែលមានលក្ខណៈច្នៃប្រឌិត ព្រមទាំងការបង្កើតប្រសិទ្ធភាព និងការអភិវឌ្ឍប្រកបដោយបរិយាបន្ន ដោយចាប់យកកាលានុវត្តិភាព ពីផលលាភបច្ចេកវិទ្យាឌីជីថល និងផលលាភវិទ្យាសាស្ត្រ"។
ជាមួយគ្នានេះ សម្តេចបានគូសបញ្ជាក់ថា៖"ចាប់ពីអាស៊ានបដិសន្ធិរហូតមកដល់បច្ចុប្បន្ននេះ អាស៊ានកាន់តែមានភាពចាស់ទុំ មានសាមគ្គីភាពល្អ មានការអភិវឌ្ឍន៍ និងរក្សាបាននូវសុខ សន្តិភាពក្នុងតំបន់"។
ហើយពេលនេះអាស៊ានបានបន្តពុះពាជំនះបញ្ហាប្រឈមគ្រប់បែបយ៉ាងក្នុងការប្រឆាំងសាកលភាវូបនីយកម្មនិងនិន្នាការគាំពារគោលនយោបាយជាតិនិយមនិងប្រជាភិថុតនិយម ការកើនឡើងកំដៅភពផែនដីព្រមទាំងការបន្តនូវភាពមិនប្រាកដប្រជាសេដ្ឋកិច្ចពិភពលោក។
មួយវិញទៀតចរន្តដ៍ខ្លាំងក្លានែបដិវត្តន៍ឧស្សាហកម្មទី៤ផ្អែកលើមូលដ្ឋាននៃការរីកចំរើនយ៉ាងឆាប់រហ័សនៃបច្ចេកវិទ្យាព័ត៌មាន និង ឌីជីថល កំពុងដើរតួនាទីជាកត្តាកំណត់នៃការរីកចំរើននៃវិស័យឧស្សាហកម្ម ការអប់រំទីផ្សារការងារ ពាណិជ្ជកម្មនិងបច្ចេកវិទ្យា ដែលជះឥទ្ធិពលរយៈពេលវែង លើគ្រប់ទិដ្ឋភាព នៃជីវភាពសង្គម។
ដូច្នេះអាស៊ានដែលជាមជ្ឈមណ្ឌលកំណើនមួយនៃសេដ្ឋកិច្ចសាកលលោកហើយមាន ប្រជាជនវ័យក្មេងច្រើនដែលងាយទទួលនិងស្រូបយកបច្ចេកវិទ្យាថ្មីៗ ចាំបាច់ ត្រូវ គិតគូរពីក្របខ័ណ្ឌគោលនយោបាយសមស្របដើម្បីគាំទ្រដំណើរការប្រែប្រួលរចនា សម្ព័ន្ធ ដែលជំរុញដល់បដិវត្តន៍នេះសម្រាប់រយៈពេលវែងទៅមុខ។
ក្នុងន័យនេះអាស៊ានត្រូវមានរបៀបវារៈសមាហរណកម្មសម្របតាមនិន្នាការប្រែប្រួល ដើម្បីចាប់យកឱកាសនិងដោះស្រាយបញ្ហាប្រឈមនានា រួមទាំងផលវិបាក ទាំង ឡាយ ដែលកើតចេញពីបដិវត្តន៍ឧស្សាហកម្ម ពិសេសការលើកកម្ពស់គុណភាពនៃការអប់រំ ការបណ្តុះបណ្តាលជំនាញ ការដោះស្រាយបញ្ហាបាត់បង់ការងារ ការរៀបចំប្រព័ន្ធ គាំ ពារសង្គមប្រកបដោយប្រសិទ្ធភាព និងការដោះស្រាយ បញ្ហាវិសមភាពសង្គមផងដែរ៕

ប្រធានធនាគារ AIIBសន្យាជួយគាំទ្រគម្រោងចំបាច់សម្រាប់កម្ពុជា

ភ្នំពេញ៖ សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន ជួបពិភាក្សាការងារបន្តជាមួយ លោក លី គុនជីន (Li Qun Jin ) ប្រធានធនាគារវិនិយោគហេដ្ឋារចនា សម្ព័ន្ធអាស៊ី (The Asian Infrastructure Investment Bank (AIIB) ។
លោក Li Qun Jin បានជំរាបជូន សម្តេចតេជោនាយករដ្ឋមន្ត្រីថា នេះជាលើកទី៤ហើយដែលលោក បានមកកាន់ប្រទេសកម្ពុជា។ លោក Jin អបអរសាទរ និងមានកិត្តិយសណាស់ដែលប្រទេសកម្ពុជា បានក្លាយជាសមាជិកស្ថាបនិកនៃធនាគារ AIIB ។
លោក ក៏បានវាយតម្លៃខ្ពស់ចំពោះកម្ពុជាដែល មានការរីក ចម្រើនយ៉ាងឆាប់ជាទីបំផុត។ លោកថាកម្ពុជាជាប្រទេសដែលមានសក្តារនុពលដានុពលខ្ពស់ក្នុងការអភិវឌ្ឍន៌។ ការអភិវឌ្ឍន៌ដែលប្រកបដោយភាពរស់រវើកគឺពិតជាជំរុញសេដ្ឋកិច្ចអោយកាន់តែរីក លូតលាស់ទៅមុខ ដែលនឹងធ្វើអោយជីវភាពរស់នៅរបស់ប្រជាពលរដ្ឋកាន់ល្អប្រសើរ។
លោក Li Qun Jin ក៏បានជំរាបជូនសម្តេចតេជោផងដែរថា នៅពេលនេះធនាគារ AIIB មានសមាជិកចំនូន ៧០ ប្រទេសហើយ ក្នុងនោះមានទាំងសមាជិកមកពីប្រទេសតំបន់អឺរ៉ុប និងកាណាដាផងដែរ។
លោក Li Qun Jin រីករាយខ្លាំងណាស់ ដែលកម្ពុជាបានធ្វើជាម្ចាស់ផ្ទះដឹកនាំរៀបចំវេទិកាសេដ្ឋកិច្ចពិភព លោកនេះឆ្នាំនេះ។ ទន្ទឹមនឹងនេះដែរ គឺជាកិត្តិយសផងដែរដែលធនាគារ AIIB បានធ្វើជាសហ ប្រធានដឹកនាំនៃវេទិកានេះ។ ជាមួយគ្នានេះ លោក Jin បានជម្រាបសួរទៅ សម្តេចតេជោនាយករដ្ឋមន្ត្រី ប្រសិនបើកម្ពុជាមានគម្រោងអភិវឌ្ឍន៍សំខាន់ៗអ្វីខ្លះ ដែលធនាគារ AIIB អាចជួយដល់កម្ពុជាបាន។
សម្តេចតេជោ ហ៊ុន សែន បានថ្លែងអំណរគុណដល់ ធនាគារ AIIB ដែលធ្វើជាសហប្រធានក្នុងការរៀបចំ វេទិកាសេដ្ឋកិច្ចពិភបលោកនេះ។
សម្តេចតេជោ បានជំរាបជូនអំពីវិស័យអាទិភាពសំខាន់ទាំងបួនរបស់ កម្ពុជារួមមាន: ១)ការអភិវឌ្ឍន៌ធនធានមនុស្ស ២)ហេដ្ឋារចនាសម្ព័ន្ធដឹកជញ្ជូន ៣)ការផ្គត់ផ្គង់និង ដោះស្រាយទឹក និង ៤)វិស័យថាមពលអគ្គិសនី។ ទន្ទឹមនឹងនោះដែរ សម្តេចតេជោ ក៏បានលើកអំពី ការខិតខំទាក់ទាញវិនិយោគ ទុនក្នុងការជំរុញការអភិវឌ្ឍន៌វិស័យឧស្សាហកម្មអោយបានច្រើននៅក្នុងប្រទេស ក្រៅអំពីការអេភិវឌ្ឍវិស័យកសិកម្ម។ កម្ពុជាត្រូវការវិនិយោគផ្នែកឧស្សាហកម្មអោយកាន់តែច្រើនក្នុងការ ពង្រឹងកំណើនសេដ្ឋកិច្ច។
ទន្ទឹមនឹងនឹនេះ គឺកម្ពុជាបានដាក់ចេញនូវគោលនយោបាយអភិវឌ្ឍន៌ វិស័យឧស្សាហកម្មឆ្នាំ ២០១៥- ២០២៥ ដែលកំពុងតែជម្រុញនិងពង្រឹងវិស័យឧស្សាហកម្មផ្សេងៗ ទៀត ជាពិសេសឧស្សាហកម្មដែលមានស្រាប់រួមផ្សំគ្នា ដើម្បីធ្វើយ៉ាណាជម្រុញកម្ពុជាអោយរីកចម្រើន ឆាប់រហ័សលឿន ទៅមុខ។

លោក Li Qun Jin ពេញចិត្តចំពោះស្ថេរភាព នយោបាយ សន្តិភាព និងមានគោលនយោបាយគាំទ្រ អ្នកវិនិយោគ ដែលផ្តល់នូវកិច្ចគាំពារ និងទំនុកចិត្តដល់អ្នកវិនិយោគិន ។ កម្ពុជាកំពុងស្ថិតនៅលើផ្លូវ ត្រឹមត្រូវមួយដែលពោរពេញទៅដោយសក្តានុពលខ្ពស់បំផុត ហើយធនាគារ AIIB គឺគាំទ្រនូវការអភិវឌ្ឍរបស់កម្ពុជា៕

មន្ដ្រី៖”ក្រុងប៉ោយប៉ែត ក្លាយជាតំបន់អភិវឌ្ឍន៍និងសេដ្ឋកិច្ចដ៍ធំនៃប្រទេសកម្ពុជាក្រោយសង្គ្រាម”

ខេត្តបន្ទាយមានជ័យ៖ក្រុងប៉ោយប៉ែតនាសម័យសង្គ្រាមជាសមភូមិក្តៅបានក្លាយជាតំបន់អភិវឌ្ឍន៍និងសេដ្ឋកិច្ចដ៍ធំនៃប្រទេសកម្ពុជាលោកនាយឧត្តមសេនីយ៍ ហ៊ីង ប៊ុនហៀង នាយរងខុទ្ទការល័យសម្តេចតេជោ ហ៊ុន សែន លើកឡើងក្នុងពិធីសម្ពោធសមទ្ថិផលវត្តស្ទឹងបទកាលពីថ្ងៃទី០៩ខែឧសភាឆ្នាំ២០១៧នៅវត្តស្ទឹងបទភូមិស្ទឹងបទសង្កាត់ផ្សាកណ្តាលក្រុងសិរីសោភ័ណ។

លោកនាយឧត្តមសេនីយ៍ ហ៊ីង ប៊ុនហៀង បានមានប្រសាសន៍ថា៖បើរំលឹកឡើងវិញនៅក្រុងប៉ោយប៉ែតនាសម័យសង្គ្រាមរវាងទ័ពរដ្ឋាភិបាលនិងទ័ពព្រៃ គឺជាតំបន់សមភូមិក្តៅហើយសំបូរដោយគ្រាប់មីនដែលសេសសល់ពីសម័យសង្គ្រាមត្រូវបានបោះសំអាតមីន។

លោកបានបញ្ជាក់ថា៖”នាពេលសង្គ្រាមនិងបញ្ចប់សង្គ្រាមផ្លូវជាតិលេខ៥ពីក្រុងសិរីសោភ័ណមកស្រុកអូរជ្រៅដែលបំបែកជាក្រុងប៉ោយប៉ែតនាពេលនេះផ្លូវជួបការលំបាក់ទៅមករាប់ម៉ោងទើបដល់ព្រំដែន។ក្រោយសង្គ្រាមត្រូវបានរលត់ក្រោយការដឹកនាំរាជរដ្ឋាភិបាលកម្ពុជាពីសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជាបានអភិវឌ្ឍន៍មានការរីកចម្រើនជារៀងរាល់ថ្ងៃផ្លូវស្អាតទៅមកបានឆាប់រហ័ស”។

លោកនាយឧត្តមសេនីយ៍ ហ៊ីង ប៊ុនហៀង បានបញ្ជាក់ថា៖តំបន់ប៉ោយប៉ែតបានក្លាយជាក្រុងប៉ោយប៉ែតនិងជាតំបន់សេដ្ឋកិច្ចដ៍ធំមួយនៅទឹសពាយ័ព្យនៃប្រទេសកម្ពុជានិងជាច្រកអន្តរជាតិប៉ោយប៉ែតដែលភ្ញៀវទេសចរណ៍ឆ្លងកាត់ពីប្រទេសថៃចូលមកកម្ពុជារាល់ថ្ងៃ៕(ប៊ុន ធឿន)

 

កម្ពុជាបើកវេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧ នៅថ្ងៃនេះ

ភ្នំពេញ៖ វេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧ ក្រោមប្រធានបទស្តីពី «យុវជន បច្ចេកវិទ្យា និងកំណើនលើ ការធានាគុណប្រយោជន៍ផ្នែកប្រជាសាស្រ្ត និងឌីជីថលអាស៊ាន» ។ ដែលកម្ពុជាធ្វើជាម្ចាស់ផ្ទះជាលើកដំបូងបានចាប់ផ្តើមដំណើរការហើយនៅរសៀលថ្ងៃទី១០ខែឧសភានេះ ។
កិច្ចចាប់ផ្តើមនៃវេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧នេះ បានប្រព្រឹត្តិទៅដោយបានរៀបចំជាវេទិកាពិភាក្សាបើកទូលាយមួយ ដែលអនុញ្ញាតឱ្យនិស្សិតសាកលវិទ្យាល័យ និងវិស័យឯកជនមកពីសហគមន៍ធុរកិច្ច ដែលអាចនិយាយភាសាអង់គ្លេស ចូលរួមដោយឥតគិតថ្លៃ ក្រោមប្រធានបទ៖ “ក្តីស្រមៃនៃសមាគមអាស៊ាន” ដែលវេទិកានេះមានការចូលរួមពីវាគ្មិន ជាថ្នាក់ដឹកនាំរដ្ឋាភិបាល និងថ្នាក់ដឹកនាំក្នុងវិស័យឧស្សាហកម្ម ធ្វើឡើងនៅ វិទ្យាស្ថានបច្ចេកវិទ្យាកម្ពុជា ដែលគេស្គាល់ថាសាលាតិចណូ។
ទន្ទឹមគ្នានេះ ពិធីនេះ ក៏មានរៀបចំពិធីបញ្ជាំងភាពយន្តនៅមជ្ឈមណ្ឌលកោះពេជ្យ ដែលជាភាពយន្តដែលឈ្នះរង្វាន់នៅអាស៊ានដឹកនាំដោយផលិតករភាពយន្តបារាំង និងិកម្ពុជាផងដែរ។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះនៅថ្ងៃដំបូង គឺជាកម្មវិធីលំដាប់ថ្នាក់ពិភពលោក ដែលមានការអញ្ជើញចូលរួមពីថ្នាក់ដឹកនាំ ពាណិជ្ជករ និងសាស្ត្រាចារ្យល្បីៗនៅទូទាំងពិភពលោក ដែលនឹងជួបជុំគ្នាដើម្បីពិភាក្សាទៅលើប្រធានបទ “យុវជន បច្ចេកវិទ្យា និងកំណើន”។
លោកបញ្ជាក់ថា ៖”វេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧នេះ បានជួយទាក់ទាញការចាប់អារម្មណ៍កាន់តែច្រើនពីវិនិយោគិនបរទេស ដោយសារក្នុងវេទិកានេះម្ចាស់ក្រុមហ៊ុនឧស្សាហកម្មនិងសហគ្រិន បានជួបផ្ទាល់ជាមួយនឹងថ្នាក់ដឹកនាំរាជរដ្ឋាភិបាលកម្ពុជា និងវិស័យឯកជន ដើម្បីដឹងពីសក្តានុពល និងសេដ្ឋកិច្ចរបស់កម្ពុជាដើម្បីចាប់ផ្តើមនូវធុរកិច្ច”។
លោក Philipp Rosler ប្រធាននៃតំបន់ និងការពាក់ព័ន្ធរដ្ឋាភិបាល និងជាសមាជិកក្រុមប្រឹក្សាភិបាលគ្រប់គ្រង វេទិការសេដ្ឋកិច្ចពិភពលោកបានឲ្យដឹងថា កិច្ចប្រជុំថ្ងៃទី១នេះ ផ្តោតសំខាន់ការចែករំលែកបទពិសោធរបស់យុវជអាស៊ាន ទៅកាន់យុវជនកម្ពុជាស្តីពីបច្ចេកវិទ្យា និងកំណើនលើការធានាគុណប្រយោជន៍ផ្នែកប្រជាសាស្រ្ត និងឌីជីថលអាស៊ាន។
លោកបញ្ជាក់ថា៖ វេទិការនេះ បើកឱកាសឲ្យយុជនកម្ពុជាបានស្វែងយល់ និងស្តាប់អំពីបញ្ហាសំខាន់ៗដែលកំណត់ក្តី សុបិន្តរបស់អាស៊ាន តាមរយៈការប្រើប្រាស់ប្រព័ន្ធឌីជីថល និងបច្ចេកវិទ្យាទំនើបសម្រាប់ធ្វើការងារ និងការវិនិយោគ សេដ្ឋកិច្ចពាណិជ្ជកម្មបែបសកលលោក។
យោងតាម កាលវិភាគនៃកម្មវិធីសម្រាប់ថ្ងៃទី១១ឧសភាស្អែកនេះ ចាប់ពីម៉ោង៨ព្រឹកទៅនិងមានកិច្ចសន្ទនាក្រៅផ្លូវការ ស្តីពីបញ្ហាយុទ្ធសាស្រ្តជាគន្លឹះដែលប៉ះពាល់ដល់តំបន់អាស៊ាន បន្ទាប់មក និងមានកិច្ចប្រជុំ Vedio conference អំពីបញ្ហាប្រឈមរបស់ពិភពលោក ក្នុងយុគសម័យនៅក្នុងល្បឿននៃ ការផ្លាស់ប្តូរដោយសម្លឹងមើលផលប៉ះពាល់ទៅលើអាស៊ីអាគ្នេយ៍ ទស្សនវិស័យសេដ្ឋកិច្ចព្រមទាំងការផ្លាស់ប្តូរគោលនយោបាយភូមិសាស្រ្ត ព្រមទាំងផលប៉ះពាល់បច្ចេកវិទ្យាថ្មីចំពោះតំបន់។
ដោយឡែកនៅរសៀលថ្ងៃទី១១ឧសភាស្អែកនេះ កិច្ចប្រជុំផ្លូវការនឹងចាប់ផ្តើម ក្រោមអធិបតីភាពសម្តេច តេជោហ៊ុនសែន នាយករដ្ឋមន្ត្រីកម្ពុជា នៅសណ្ឋាគាសុខាភ្នំពេញ។
យោងតាមសេចក្តីជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិបានឲ្យដឹងថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះ មានអ្នកចូលរួមជិត១ពាន់នាក់ ក្នុងនោះនាយករដ្ឋមន្ត្រីចំនួន៣ប្រទេស គឺនាយករដ្ឋមន្ត្រីប្រទេសហ្វ៊ីលីពីន នាយករដ្ឋមន្ត្រីប្រទេសឡាវ និងនាយករដ្ឋមន្ត្រីប្រទេសវៀតណាម រួមនឹងថ្នាក់ដឹកនាំ ថ្នាក់រដ្ឋមន្ត្រីមកពីប្រទេសអាស៊ាន និងពិភពលោកចំនួន១៨នាក់ទៀត៕

ម្ចាស់កសិដ្ឋានដាំផ្លែផាសិនអះអាងថា៖”បច្ចុប្បន្ននេះផ្លែផាសិនមានទីផ្សារ ល្អខ្លាំងណាស់លក់ដាច់គ្មានសល់”

ខេត្តមណ្ឌលគិរី៖ ក្រូចវល្លិ ឬហៅថាក្រូចផាសិន នាពេលបច្ចុប្បន្ននេះបាននិងកំពុងទទួលការពេញនិយមយ៉ាងខ្លាំង សម្រាប់ ប្រជាពលរដ្ឋនៅប្រទេសកម្ពុជា ក្នុងការយកទៅទទួលទាន ។ ដោយទិន្នផលផ្លែក្រូចវល្លិនេះ គេអាចយកទៅបរិភោគធម្មតា ក៏បាន ឬគេអាចយកទៅធ្វើជាភេសជ្ជៈ និងស្រាក្រឡុក ជាដើម ។ ហើយសម្រាប់ប្រភេទផ្ទៃដីនៅខេត្តមណ្ឌលគិរី គឺបាន អំណោយផលយ៉ាងល្អ ក្នុងការដាំដុះដំណាំក្រូចវល្លិនេះដែរ ដោយបានធ្វើឲ្យកសិករ ដែលដាំដំណាំក្រូចវល្លិកំពុងទទួល ភាពជោគជ័យ ព្រោះតែទិន្នផលក្រូចវល្លិ ត្រូវបានឈ្មួញកាម្មង់ទិញគ្មានសល់ ហើយម្ចាស់ចំការក៏កំពុងខ្វះទិន្នផលសម្រាប់ ផ្គត់ផ្គង់លើទីផ្សារផងដែរ ។
ម្ចាស់ចំការក្រូចវល្លិប្រមាណ០៣ហិកតា នៅភូមិឡៅការ-សង្កាត់សុខដុម-ក្រុងសែនមនោរម្យ លោក សម សុភ័ក្ក្រ បានឲ្យដឹងថា៖” ទិន្នផលផលក្រូចវល្លិ ឬហៅថាក្រូចផាសិន បច្ចុប្បន្ននេះមានទីផ្សារល្អខ្លាំងណាស់ ដោយទិន្នផលក្រូច វល្លិនៅចំការរបស់លោក គឺត្រូវលក់អស់គ្មានសល់ ព្រោះមានឈ្មួញចង់ទទួលទិញច្រើន ។ ហើយផលដំណាំក្រូចវល្លិរបស់ លោកភាគច្រើន គឺបានលក់ទៅឲ្យបណ្ដាផ្សារទំនើបមួយចំនួននៅឯទីក្រុងភ្នំពេញ ប៉ុន្តែផ្គត់ផ្គង់មិនគ្រប់គ្រាន់នោះទេ ព្រោះ តែតម្រូវការទីផ្សារ ត្រូវការទទួលទិញច្រើន ។
លោកបន្តថា៖” បច្ចុប្បន្ននេះដំណាំក្រូចវល្លិនៅចំការរបស់លោក មានប្រមាណ ៣ពាន់គុម្ព គិតទាំងដំណាំចាស់ និងដំណាំទើបដាំ ហើយក្នុង៣ពាន់គុម្ពនោះ មាន២ពាន់គុម្ព កំពុងចេញផ្លែ តែមិនទាន់ បានបេះទេ និងមាន៤០០គុម្ព ទៀតកំពុងទទួលផលហើយ”។ លោកបញ្ជាក់ថា ៖” ក្រូចផាសិនរបស់លោកចំនួន៤០០គុម្ពដែលកំពុងអោយផងនោះ គឺអាចប្រមូលបានផលចន្លោះពី ៥០ទៅ ៦០គីឡូក្រាម ក្នុង០១ថ្ងៃ និងអាចលក់បានជាទូទៅចន្លោះពី៥ពាន់រៀល ទៅ៧ពាន់រៀល ក្នុង០១គីឡូក្រាម ។
ម្ចាស់ចំការរូបនេះឲ្យដឹងទៀតថា ការពង្រីកផ្ទៃដីដាំដុះដំណាំក្រូចវល្លិនេះរហូតដល់៣គុម្ព គឺព្រោះតែតម្រូវការ ទីផ្សារទទួលទិញមានច្រើន ពោលគឺទិន្នផលក្រូចវល្លិនេះពឹងផ្អែកទៅលើទីផ្សារក្នុងស្រុក ធ្វើឲ្យតម្លៃនៅថេរល្អ មិនប្រឈម និងការធ្លាក់ថ្លៃ ដូចទិន្នផលដំណាំដែលពឹងផ្អែកលើទីផ្សារប្រទេសជិតខាងនោះទេ ។ លោក សម សុភ័ក្ក្រ បានលើកឡើង បន្តថា ដំណាំក្រូចវល្លិនេះ មិនពិបាកថែទាំខ្លាំងនោះទេ និងអាចដាំបានគ្រប់រដូវកាលឲ្យតែមានទឹក និងជីធម្មជាតិគ្រប់ គ្រាន់ ហើយចាប់តាំងពីពេលដាំ រហូតទទួលបានផល គឺប្រើពេលវេលាតែ០៧ខែប៉ុណ្ណោះ ប៉ុន្តែដំណាំប្រភេទនេះគឺត្រូវ ថមថយទិន្នផលច្រើន នៅអំឡុងខែមីនា និងខែមេសា ហើយបន្ទាប់ពីនោះ វានឹងចេញផ្លែផ្កាមកច្រើនដូចធម្មតាវិញ ។
ប្រធានមន្ទីរកសិកម្មខេត្តមណ្ឌលគិរី លោក សុង ឃាង បានឲ្យដឹងដែរថា៖ ដំណាំប្រភេទនេះនៅមានចំនួនតិចតួច នៅឡើយក្នុងខេត្តមណ្ឌលគិរី ដោយក្នុងឆ្នាំ២០១៦ ក្រូចផាសិន ក្នុងខេត្តមណ្ឌលគិរី មានចំនួន ៣៥ ហិកតា ហើយ សម្រាប់ឆ្នាំ ២០១៧នេះ កើនឡើង ១៤ សរុបមាន ៤៩ ហិកតា ដំណាំនេះមានដាំនៅក្នុងក្រុងសែនមនោរម្យ ស្រុកអូររាំង ស្រុកពេជ្រាដា និងមានតិចតួចក្នុងស្រុកកែវសីមា ៕

 

អ្នកវិនិយោគកូរ៉េ គ្រោងបង្កើតរោងចក្រកែច្នៃផលិតផលកសិកម្មនៅកម្ពុជា សម្រាប់ធ្វើការនាំចេញ

ភ្នំពេញ៖ ក្រុមអ្នកវិនិយោគកូរ៉េមួយក្រុមបានមកសិក្សាហើយគ្រោងបោះទុនបង្កើត រោងចក្រកែច្នៃផលិត ផលកសិកម្មដូចជាផ្លែស្វាយធូរ៉េននិងផលិតផលផ្សេងៗជាច្រើមមុខទៀតសម្រាប់ធ្វើការនាំចេញទៅកាន់សាធារណរដ្ឋកូរ៉េ។
ក្នុងសិក្ខាសាលាស្ដីពីកាលានុវត្ដភាពនៃការវិនិយោគក្នុងវិស័យកសិឧសហកម្មនៅកម្ពុជា នាព្រឹក ថ្ងៃទី៩ ខែឧសភានេះ នៅសណ្ឋាគារឡឺរ៉ូយ៉ាល់ លោក សុខ ចិន្ដាសោភា រដ្ឋមន្រ្ដីប្រតិភូអម នាយក រដ្ឋមន្រ្ដី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានមានប្រសាសន៍ថា ក្រៅពីការវិនិ យោគក្នុងវិស័យកាត់ដេរ អចលនទ្រព្យ និងវិស័យ សំណង់នោះ បច្ចុប្បន្ននេះ ក្រុមហ៊ុនកូរ៉េ មានបំណងមកវិនិយោគនៅកម្ពុជាលើវិស័យកែច្នៃ ផលិតផលកសិកម្ម ដូចជា ផ្លែស្វាយ ស្រូវ សម្រាប់ធ្វើការនាំចេញ។
លោកបានបន្ដថា៖ គោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥ របស់កម្ពុជាបានកំណត់នូវគោលដៅក្នុងការបង្កើនការនាំចេញទំនិញកែច្នៃកសិកម្មឱ្យបាន១២ភាគរយ នៃ បរិមាណនាំចេញសរុបនៅឆ្នាំ២០២៥ ក្នុងនោះបានដាក់ចេញនូវវិធានការគោលនយោបាយនានាដូចជា ការបង្កើតនូវតំបន់កែច្នៃកសិផល ការបង្កើតមូលនិធិសម្រាប់ជំរុញការអភិវឌ្ឍផលិតផល បច្ចេកទេស កសិផល ការរៀបចំនូវយន្ដការសម្រួលដល់ការនាំចេញ កសិផលកែច្នៃ និងការសិក្សាកំណត់នូវមុខទំនិញ អាទិភាពដែលមានសក្ដានុពលកែច្នៃសម្រាប់ការនាំចេញ។
លោកគីម វ៉ុនជីន ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា បានថ្លែងថា៖” វេទិកានេះ ពិត ជាមានសារៈសំខាន់ណាស់ក្នុងការពង្រឹងកិច្ចសហប្រតិបត្ដិការក្នុងវិស័យកសិកម្មរវាងកម្ពុជា និងសាធារ ណរដ្ឋកូរ៉េ ដែលបានខិតខំប្រឹងប្រែងក្នុងការជំរុញការនាំចេញផ្លែស្វាយកម្ពុជាទៅកាន់ប្រទេសកូរ៉េ ពិសេស បានផ្ដល់នូវលទ្ធភាពឱ្យក្រុមហ៊ុនកូរ៉េនានាស្វែងរកនូវឱកាសធុរកិច្ចថ្មីៗក្នុងវិស័យកសិកម្មនៅកម្ពុជាថែមទៀត”។
លោក Lee Changhoon នាយកប្រតិបត្តិក្រុមហ៊ុន HYUNDAI AGRO CAMBODIA បានឱ្យដឹងថា៖ ការសម្រេចវិនិយោគនៅកម្ពុជានេះ ដោយមើលឃើញថា ស្ថានភាព និងសក្ដានុពលវិនិយោគនៅកម្ពុជា ពិសេសការរីកចម្រើនផ្នែកវិស័យសេដ្ឋកិច្ច ហើយក្រុមហ៊ុនបានវិនិយោគលើវិស័យកសិកម្ម ការដឹកជញ្ចូន ការវេចខ្ចប់ និងការកែច្នៃផលិតផលនាំចេញដូចជាស្វាយ ធូរ៉េន ទៅកាន់សាធារណរដ្ឋកូរ៉េ។
យោងតាមទិន្នន័យរបស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គិតត្រឹមខែមីនា ឆ្នាំ២០១៧នេះ ការវិនិយោគកូរ៉េនៅកម្ពុជាមានទឹកប្រាក់សរុបប្រមាណ៤,៥ប៊ីលានដុល្លារអាម៉េរិក ដែលក្នុងនោះ ការ វិយោគក្នុងវិស័យកសិកម្ម និងកសិឧស្សាហកម្ម មានប្រមាណជាង៣០០លានដុល្លារ៕

កម្ពុជារំពឹងថា នឹងអាចទាក់ទាញវិនិយោគិនកាន់តែច្រើនក្នុងការរៀបចំវេទិកាសេដ្ឋកិច្ចពិភពលោកស្តីពីអាស៊ាននៅកម្ពុជា

ភ្នំពេញ៖ រាជរដ្ឋាភិបាលកម្ពុជា អះអាងថា កម្ពុជានឹងអាចទាក់ទាញវិនិយោគិនកាន់តែច្រើនក្នុងការរៀបចំវេទិកាសេដ្ឋកិច្ចពិភពលោកស្តីពីអាស៊ាននៅកម្ពុជា ដោយសារក្នុងវេទិកាដែលកម្ពុជាធ្វើជាម្ចាស់ផ្ទះនៅសប្តាហ៍ក្រោយ ប្រមូលផ្តុំទៅដោយថ្នាក់ដឹកនាំប្រទេស និងអ្នកជំនួញលល្បីៗមកពីជុំវិញពិភពលោក។
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងតួនាទីជាប្រធានគណៈកម្មាធិការអន្តរក្រសួងរៀបចំកិច្ចប្រជុំវេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ មានប្រសាសន៍ថា៖” វេទិកាសេដ្ឋកិច្ចពិភពលោកស្តីពីអាស៊ាន ដែលកម្ពុជាទទួលធ្វើជាម្ចាស់ផ្ទះនៅសប្តាហ៍ក្រោយនេះ នឹងនាំមកនូវផលប្រយោជន៍យ៉ាងច្រើនសម្រាប់កម្ពុជា”។
ថ្លែងក្នុងសន្និសីទសារព័ត៌មានឆ្ពោះទៅរៀបចំវេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ នៅកម្ពុជា ដែលធ្វើនៅទីស្តីការក្រសួងក្រសួងសាធារណការ និងដឹកជញ្ជូន នាព្រឹកថ្ងៃទី៣ ខែឧសភានេះលោក ទេសរដ្ឋមន្ត្រី ស៊ុន ចាន់ថុល បានបញ្ជាក់ថា៖” ជំនួបកំពូលដែលប្រជុំដោយថ្នាក់ ដឹកនាំ និងអ្នកជំនាញផ្នែកសេដ្ឋកិច្ចមកពី ក្នុងតំបន់ និងពិភពលោកនេះ គឺជាឱកាសសម្រាប់កម្ពុជា បង្ហាញសក្តានុពលដែលខ្លួនមានដូចជា៖ ស្ថិរភាពសេដ្ឋកិច្ច ការវិនិយោគ វប្បធម៌ ទេសចរណ៍ ជាដើម ទៅដល់អ្នកចូលរួមទាំងនោះ”។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា៖” វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះ គឺជាកម្មវិធីលំដាប់ថ្នាក់ពិភពលោក ដែលមានការអញ្ជើញចូលរួមពីថ្នាក់ដឹកនាំ ពាណិជ្ជករ និងសា
ស្ត្រាចារ្យល្បីៗនៅទូទាំងពិភពលោក ដែលនឹងជួបជុំគ្នាដើម្បីពិភាក្សាទៅលើប្រធានបទ “យុវជន បច្ចេកវិទ្យា និងកំណើន”។
លោក មានប្រសាសន៍ថា៖” វេទិកាសេដ្ឋកិច្ចពិភពលោកស្តីពីអាស៊ានឆ្នាំនេះ គឺជាសញ្ញាប្រាប់ថា ប្រទេសកម្ពុជាបានបើកទ្វាររបស់ខ្លួនសម្រាប់អាជីវកម្មកម្រិតកំពូល”។
លោក សែន សីលា ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសាសន៍ថា ៖”អ្នកចូលរួមវេទិកាសេដ្ឋកិច្ចនេះមានឱកាសបង្កើតភាពជាដៃគូ និងដើរតួនាទីយ៉ាងសំខាន់ក្នុងការបង្កើតគំនិតផ្តួចផ្តើមដែលរួមចំណែកដល់ការអភិវឌ្ឍនៅក្នុងតំបន់”។
ពិសេសកម្ពុជានឹងទាក់ទាញការចាប់អារម្មណ៍កាន់តែច្រើនពីវិនិយោគិនបរទេស ដោយសារក្នុងវេទិកានេះ ម្ចាស់ក្រុមហ៊ុនឧស្សាហកម្ម និងសហគ្រិន បានជួបផ្ទាល់ជាមួយនឹងថ្នាក់ដឹកនាំរាជរដ្ឋាភិបាលកម្ពុជា និងវិស័យឯកជន ដើម្បីដឹងពីសក្តានុពល និងសេដ្ឋកិច្ចរបស់កម្ពុជាដើម្បីចាប់ផ្តើមនូវធុរកិច្ច។
សូមបញ្ជាក់ថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ ដែលកម្ពុជាទទួលធ្វើជាម្ចាស់ផ្ទះនេះ នឹងចាប់ផ្តើមឡើងពីថ្ងៃទី១០ ដល់១២ ខែឧសភាសប្តាហ៍ក្រោយនេះ ដោយរំពឹងថា មានអ្នកចូលរួមជិត១ពាន់នាក់ ក្នុងនោះនាយករដ្ឋមន្ត្រីចំនួន៣ប្រទេស គឺប្រធានាធិបតីប្រទេសហ្វ៊ីលីពីន នាយករដ្ឋមន្ត្រីប្រទេសឡាវ និងនាយករដ្ឋមន្ត្រីប្រទេសវៀតណាម រួមនឹងថ្នាក់ដឹកនាំ ថ្នាក់រដ្ឋមន្ត្រីមកពីប្រទេសអាស៊ាន និងពិភពលោកចំនួន១៨នាក់ទៀត គឺជាដៃគូដ៏សំខាន់ក្នុងការជជែកពិភាក្សាជាមួយសម្តេច ហ៊ុន សែន នាយករដ្ឋមន្ត្រីកម្ពុជា៕

ចំណូលអង្គរវត្ដទទួលបានជិត៤០លានដុល្លារនិងទេសចរជិត១០ម៉ឺននាក់

ភ្នំពេញ ៖បើយោងតាមសេចក្តីប្រកាសព័ត៌មាន របស់គ្រឹះស្ថានអង្គរបានផ្សាយនៅថ្ងៃថ្ងៃទី១ ខែឧសភា ឆ្នាំ២០១៧បានអោយដឹងថា៖ “ក្នុងរយៈពេល៤ខែ ដើមឆ្នាំ២០១៧នេះ រមណីយដ្ឋានប្រាសាទអង្គរវត្ត បានទទួលភ្ញៀវទេសចរណ៍ ចូលទស្សនា ៩៤៥,៣៦៦នាក់ និងទទួលបានចំណូល ៣៩,២លានដុល្លារ កើនឡើង៦០,២១ភាគរយ បើធៀបទៅនឹងឆ្នាំ២០១៦។ ក្នុងរយៈពេល១ខែមេសាវិញ ភ្ញៀវទេសចរណ៍ចូលទស្សនាកម្សាន្ត មាន១៨១,២២០នាក់ ហើយចំណូលទទួលបាន ៨,៣៩៦,៧៣៥ដុល្លារ៕
ចាប់ពីថ្ងៃទី ១ ខែកុម្ភ: ឆ្នាំ ២០១៦ សំបុត្រចូលទស្សនារមណីយដ្ឋានអង្គរវត្ត នឹងកែប្រែតម្លៃថ្មី គឺឡើងដល់ ៣៧ដុល្លារអាមេរិក សម្រាប់ចូលទស្សនា ១ថ្ងៃ ដោយរាល់ការទិញសំបុត្រទាំងអស់ គឺកាត់ ២ដុល្លារអាមេរិក សម្រាប់ចូលមូលនិធិមន្ទីរពេទ្យគន្ធបុប្ផា។
រាជរដ្ឋាភិបាល បានធ្វើការកែសម្រួល តម្លៃសំបុត្រចូលទស្សនារមនីយដ្ឋានអង្គរ សម្រាប់ជនបរទេសនេះ គឺដើម្បីរក្សាតម្លៃសំបុត្រ ចូលទស្សនាអង្គរឲ្យ មាននិរន្តរភាព ដោយហេតុផលថា តម្លៃបណ្ណថ្មី ៣៧ដុល្លារអាមេរិក គឺនៅទាបជាង តម្លៃសំបុត្រ ២០ដុល្លារអាមេរិក ដែលបានអនុវត្តន៍ កាលពី ២០ឆ្នាំមុន រហូតមកដល់ពេលនេះ។
មួយវិញទៀត អង្គរ ជាសម្បត្តិបេតិកភណ្ឌជាតិ ជាបេតិកភណ្ឌវប្បធម៌ ដ៏អស្ចារ្យនៅលើពិភពលោក ជាគោលដៅទេសចរណ៍ដ៏ធំ មានប្រាង្គប្រាសាទជាច្រើន ដែលមានវិសាលភាពធំធេង និងមានតម្លៃ មហាសាល ចំពោះការកែសម្រួលថ្លៃនេះ មិនជាឧបសគ្គ ឬជាកង្វល់នោះទេ ។
គួរបញ្ជាក់ដែរថា លោក ថោង ខុន រដ្ឋមន្ត្រីក្រសួងទេសចរណ៍ ក៏រំពឹងថា ចំនួនភ្ញៀវមកទស្សនាអង្គរ មិនថមថយនោះទេ បើទោះជាឡើងថ្លៃក្តី៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2