vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សម្ដេចហ៊ុនសែនជួបជាមួយនាយករដ្ឋមន្ដ្រីចិន

ក្រុងប៉េងកាំង៖ ប្រមុខរដ្ឋាភិបាលនៃប្រទេសទាំងពីរ ចិននិងកម្ពុជាបានប្រជុំគ្នាកាលពីម្សិលមិញដើម្បីពង្រឹងកិច្ចសហការទ្វេរភាគីសំដៅផ្ដល់ផលប្រយោជន៍ទៅវិញទៅមក។
នៅក្នុងជំនួបសន្ទនាលោក លី ខឺឈាង នាយករដ្ឋមន្រ្តីចិន មានប្រសាសន៍ថា ៖ដំណើរទស្សនកិច្ចផ្លូវការរបស់សម្តេច តេជោនៅពេលនេះ គឺជាការបង្ហាញឲ្យឃើញពីការយកចិត្តទុកដាក់របស់សម្តេចតេជោ ចំពោះការពង្រឹងទំនាក់ទំនង កិច្ចសហប្រតិបត្តិការនៃប្រទេសទាំងពីរកម្ពុជា ចិន។
នៅក្នុងកិច្ចពិភាក្សាទ្វេភាគីនេះ មេដឹកនាំនៃប្រទេសទាំងពីរម្ពុជា ចិន បានឯកភាពគ្នាថា មិត្តភាពជាប្រពៃណីចិន កម្ពុជា គឺជាសម្បត្តិដ៏មានតម្លៃ នៃប្រជាជនទាំងពីរ ហើយចាំបាច់ត្រូវពង្រឹងនិងលើកកម្ពស់បន្ថែមទៀត។ នៅក្នុងសករាជថ្មីនៃប្រវត្តិសាស្រ្តភាគីទាំងពីរ ត្រូវបន្តលើកកម្ពស់កិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ ទៅជាកម្រិតថ្មីមួយទៀត និងកាន់តែស៊ីជំរៅដើម្បីនាំមកនូវផលប្រយោជន៍កាន់តែច្រើនសម្រាប់ ប្រជាជននៃប្រទេសទាំងពីរ និងចូលរួមចំណែកកាន់តែខ្លាំងឡើង ដល់ការអភិវឌ្ឍនិងវិបុលភាពក្នុងតំបន់។
ជាមួយគ្នានេះភាគីទាំងពីរបានឯកភាពរក្សាការប្រាស្រ័យ ទាក់ទងកម្រិតខ្ពស់ តាមរយះមធ្យោបាយនានា និងរកការទាក់ទងជាយុទ្ធសាស្រ្តឲ្យបានទាន់ពេលវេលា ចំពោះទំនាក់ ទំនងទ្វេភាគី និងបញ្ហាសំខាន់ៗ។
ភាគីទាំងពីរក៏បានឯកភាពគ្នាបង្កើនការផ្លាស់ប្តូរទស្សនកិច្ចរវាងរដ្ឋាភិបាល សភា គណបក្ស និងអាជ្ញាធរមូលដ្ឋាន ធ្វើការប្រាស្រ័យទាក់ទងពាក់ព័ន្ធនឹងបទពិសោធន៍អភិបាលកិច្ចឲ្យកាន់តែស៊ីជំរៅ ព្រមទាំងប្រើប្រាស់ឲ្យបានល្អនូវ គណះកម្មាធិការសម្របសម្រួលអន្តររដ្ឋាភិបាល រវាងចិន កម្ពុជា ព្រមទាំងសម្របសម្រួល និងជំរុញកិច្ចសហប្រតិបត្តិការជាក់ស្តែងលើវិស័យទាំងអស់។
ភាគីទាំងពីរបានឯកភាពគ្នាបន្តបង្កើនការផ្លាស់ ប្តូរ និងកិច្ចសហប្រតិបត្តិការលើកិច្ចការការបរទេស ការពារពារជាតិ ព្រមទាំងការអនុវត្តច្បាប់និងសន្តិសុខ។ ភាគីទាំង ពីរបានឯកភាពគ្នាអនុវត្តកិច្ចព្រមព្រៀង ស្តីពីការពង្រឹងកិច្ចសហប្រតិបត្តិការក្នុងដំណាក់កាលថ្មី រវាងក្រសួងការបរទេសទាំងពីរ និងពង្រីកការប្រាស្រ័យទាក់ទង និងការសម្របសម្រួលគ្រប់កម្រិត។
ជាមួយគ្នានេះភកីទាំងពីរនឹងបន្តអនុវត្តយន្តការអនុវត្តច្បាប់ ដោយផ្តោតទៅលើការពង្រឹងកិច្ចសហប្រតិបត្តិការក្នុងវិស័យនានា ដូចជាការរក្សាសន្តិសុខក្នុងប្រទេស ការប្រឆាំងភេរវកម្ម ការប្រយុទ្ធប្រឆាំងការរត់ពន្ធ ការជួញដូរមនុស្ស បទល្មើសទារប្រាក់តាមប្រព័ន្ធទូរគមនាគមន៍ និងឧក្រិដ្ឋកម្មតាមអីនធើរណែត រួមទាំងការប្រមាញ់ឧក្រិដ្ឋកម្មឆ្លងដែន។
ទន្ទឹមនឹងនេះភាគីទាំងពីរបាន វាយតម្លៃខ្ពស់ ចំពោះលទ្ធផលនៃកិច្ចសហប្រតិបត្តិការលើវិស័យពាណិជ្ជកម្ម និងវិនិយោគទ្វេភាគី ឯកភាពពន្លឿនការ រួមបញ្ចូលយុទ្ធសាស្រ្តអភិវឌ្ឍន៍ អនុវត្តឲ្យបានពេញលេញនូវចំណុចគោល នៃផែនការកិច្ចសហប្រតិបត្តិការទ្វេភាគី ដើម្បីរួមគ្នាបង្កើតកិច្ចសហប្រតិបត្តិការខ្សែក្រវ៉ាត់សេដ្ឋកិច្ចផ្លូវសូត្រ និងកិច្ចសហប្រតិបត្តិការផ្លូវសូត្រសមុទ្រសតវត្តទី២១ ដែលបានចុះហត្ថលេខាក្នុងអំឡុងទស្សនកិច្ចនេះ និងអនុវត្តគម្រោងអាទិភាពនៃកិច្ចសហប្រតិបត្តិការសមត្ថភាព ផលិត និងវិនិយោគ។
ភាគីទាំងពីរនឹងបង្កើនវិសាលភាព និងកម្រិតនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្ម ទ្វេភាគី ដើម្បីឈានទៅសម្រេចបានទំហំពាណិជ្ជកម្មចំនួន ៦ប៊ីលានដុល្លាអាមេរិកនៅឆ្នាំ២០២០។
តាមរយះនេះភាគីចិនបានត្រៀមរួចជាស្រេចក្នុងការបន្តផ្តល់ជំនួយតាមសមត្ថភាពរបស់ខ្លួនដល់កម្ពុជា ដើម្បីអភិវឌ្ឍសេដ្ឋកិច្ច និង លើកកម្ពស់ជីវភាពប្រជាជនកម្ពុជា និងគាំទ្រដល់សហគ្រាសចិនដើម្បីជំរុញគម្រោងមួយចំនួន ដូចជាគម្រោងផ្លូវល្បឿនលឿនពីភ្នំពេញទៅក្រុងព្រះសីហនុ និងព្រលានយន្តហោះថ្មីក្នុងខេត្តសៀមរាប ព្រមទាំងសាងសង់តំបន់សេដ្ឋ កិច្ចពិសេសក្រុងព្រះសីហនុរួមគ្នា។ ក្នុងកិច្ចពិភាក្សាគ្នានោះ ភាគីចិនបានបញ្ជាក់សាជាថ្មីនូវការគាំទ្រយ៉ាងម៉ឺងម៉ាត់ ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការការពារអធិបតេយ្យភាព ឯករាជ្យភាព និងរក្សាស្ថេរភាព នយោបាយរបស់ខ្លួន។
ជាមួយគ្នានេះភាគីកម្ពុជាបញ្ជាក់សាជាថ្មី នូវការប្តេជ្ញាចិត្តរបស់ខ្លួនចំពោះគោលនយោបាយ ចិនតែមួយ ទទួលស្គាល់រដ្ឋាភិបាលនៃសាធារណរដ្ឋប្រជាមានិតចិន ជារដ្ឋាភិបាលស្របច្បាប់របស់ចិនតែមួយគត់ ហើយតៃវ៉ាន់ជាផ្នែកមួយរបស់ចិន ដែលមិនអាចកាត់ផ្តាច់ពីចិនបាន ប្រឆាំងចំពោះការប្រកាសឯ្រាជ្យរបស់តៃវ៉ាន់ គ្រប់ ទម្រង់ ព្រមទាំងបន្តការគាំទ្រការអភិវឌ្ឍដោយសន្តិភាព នៃទំនាក់តំនងចិន និងតៃវ៉ាន់ និងបុព្វហេតុឧត្តុង្គឧត្តម ក្នុងការបង្រួបបង្រួមចិនដោយសន្តិវិធី។
ភាគីទាំងពីរបានចាត់ទុកបញ្ហាសមុទ្រចិនខាងត្បូង មិនមែនជាបញ្ហារវាងចិននិង អាស៊ាន។ បញ្ហានោះគួរត្រូវបានដោះស្រាយតាមរយះការពិគ្រោះយោបល់ជាលក្ខណះមិត្តភាព និងការចរចារដោយ សន្តិវិធី ដោយរដ្ឋអធិបតេយ្យភាពពាក់ព័ន្ធផ្ទាល់។
ជាមួយគ្នានេះមេដឹកនាំនៃប្រទេសទាំងពីរ ក៏បានពិភាក្សាគ្នាយ៉ាងយកចិត្តទុកដាក់លើបញ្ហាអន្តរជាតិ និងតំបន់ដែលជាការយកចិត្តទុកដាក់រួម និងបន្តលើកកម្ពស់ការសម្របសម្រួល និងកិច្ចសហប្រតិបត្តិការបន្ថែមទៀត ក្នុងវេទិកាពហុភាគី ដូចជាអង្គការសហប្រជាជាតិ កិច្ចសហប្រតិបត្តិការចិន អាស៊ាន និងកិច្ចសហប្រតិបត្តិការឡានឆាង មេគង្គ៕

 

កម្ពុជារំពឹងថានឹងទទួលទេសចរចិនបានប្រមាណជា២លាននាក់នៅឆ្នាំ២០២០

ក្រុងប៉េកាំង៖កម្ពុជារំពឹងថានៅឆ្នាំ ២០២០ ខាងមុខនេះ ចំនួន ទេសចរចិននឹងកើនឡើង ២លាននាក់ក្នុង មួយឆ្នាំ ហើយទំហំពាណិជ្ជកម្មអាចនឹងកើនឡើងដល់ ៦,០០០ លានដុល្លារផងដែរ។នេះបើតាមគណនីយហ្វេសប៊ុកសម្ដេចហ៊ុនសែនបានផ្សាយនៅថ្ងៃនេះ។

នៅល្ងាចថ្ងៃ១៦ ឧសភា បន្ទាប់ពីបានអញ្ជើញជាអធិបតីក្នុង វេទិកាជំរុញផ្សព្វផ្សាយពាណិជ្ជកម្ម និងទេសចរណ៍ កម្ពុជា-ចិន រួចហើយ សម្តេចអគ្គមហាសេនាបតីតេជោ ហ៊ុន សែន បានអញ្ជើញ ធ្វើសន្និសីទកាសែតដល់អ្នកសារព័ត៌មានចិន នៅសណ្ឋាគារ China World ទីក្រុងប៉េកាំង ប្រទេសចិន។
នៅក្នុងសន្និសីទកាសែតល្ងាចនេះ សម្តេចតេជោ បានឆ្លើយបញ្ជាក់និងបំភ្លឺទៅសារព័ត៌មានចិនអំពី ចំណុចសំខាន់ៗមួយចំនួនដូចខាងក្រោម:
១)សារៈប្រយោជន៍នៃវេទិកាខ្សែក្រវ៉ាត់និងផ្លូវសម្រាប់កិច្ចសហប្រតិបត្តិការអន្តរជាតិ និងផ្លូវសូត្រសមុទ្រ ដែលជាគំនិតផ្តួចផ្តើមរបស់ លោកប្រធានាធិបតីចិន ស៊ីជិនពីង គឺផ្តល់នូវផលប្រយោជន៍សម្រាប់ ប្រទេសក្នុងតំបន់ទាំងអស់ រួមទាំងកម្ពុជាផងដែរក្នុងការកសាងសេដ្ឋកិច្ច និងអភិវឌ្ឍន៍ប្រទេស។
២)ទំនាក់ទំនងជាប្រពៃណីរវាងចិនកម្ពុជាគឺមានជាង២,០០០ឆ្នាំមកហើយ មានលក្ខណៈជាបងប្អូន និងជាមិត្តភ័ក្តិដែលជឿទុកចិត្តគ្នា។ ចិនបន្តគាំទ្រជួយកម្ពុជាទាំងសេដ្ឋកិច្ច និងសង្គមដែលជួយពង្រឹង ដល់ឯករាជ្យភាពនៃនយោបាយកម្ពុជាទៀតផង។ តាំងពីដើមមក គឺកម្ពុជាគាំទ្រ និងទទួលស្គាល់ចិន តែមួយ តាំងពីជំនាន់អតីត សម្តេចព្រះ នរោត្តម សីហនុ ព្រះមហាក្សត្រនៃព្រះរាជាណាចក្រកម្ពុជា ដែលប្រទេសយើងទាំងពីរគោរពអធិបតេយ្យភាពគ្នាទៅវិញទៅមក។ ចំពោះបញ្ហាសមុទ្រចិនភាគខាងត្បូងគឺមិនមែនជាបញ្ហាអាស៊ាន-ចិនទេ គឺជាបញ្ហារបស់ប្រទេសដែលមានការពាក់ព័ន្ឋគ្នា ដែលត្រូវដោះស្រាយដោយសន្តិវិធី ហើយអាស៊ានក៏ត្រូវយល់ដឹងរឿងនេះដែរ។
៣)ទំនាក់ទំនងនិងការតភ្ជាប់រវាងប្រជាជននិងប្រជាជនគឺមានសារៈសំខាន់ណាស់ ដែលជួយអោយ ពិភពលោកមួយមានសណ្តាប់ធ្នាប់ល្អរស់នៅដោយសុខដុមរម្យនា។ ទំនាក់ទំនងគឺអាចធ្វើបានតាម រយៈការផ្លាស់ប្តូរទស្សនៈកិច្ចរវាងយុវជននិងយុវជន តាមរយៈបញ្ញាវ័ន្ត អ្នកសិក្សាស្រាវជ្រាវ ការផ្តល់អាហារូបករណ៍ តាមរយៈកីឡា តាមរយៈពហុវប្បធម៌ តាមរយៈវិទ្យាស្ថាន និងសាកលវិទ្យាល័យ តាមរយៈវិស័យពាណិជ្ជកម្ម និងទេសចរណ៍ជាដើម។
ទន្ទឹមនឹងនោះដែរ គឺ កម្ពុជានឹងមានគម្រោងអភិវឌ្ឍន៍ ថ្មីៗបន្ថែមទៀត ដូចជា ផ្លូវល្បឿនលឿន ព្រលានយន្តហោះថ្មី និងតំបន់សេដ្ឋកិច្ចពិសេសជាដើម។
៤)តំបន់សេដ្ឋកិច្ចពិសេសនៅក្រុងព្រះសីហនុ គឺជាគំនិតផ្តួចផ្តើមរបស់ សម្តេចតេជោ ដែលបានគាំទ្រ ជំរុញអោយបង្កើតឡើង។ សព្វថ្ងៃទីនេះមានក្រុមហ៊ុនជាង១០០ កំពុងវិនិយោគនៅក្នុងតំបន់ នេះ ដែលជានិមិត្តរូបដ៏ធំនៃទំនាក់ទំនងរវាង ប្រទេសទាំងពីរកម្ពុជា-ចិន ដែលបានផ្តល់ឱកាសអោយកម្ពុជា បានកសាង និងអភិវឌ្ឍន៌ប្រទេស។
៥)សម្តេចតេជោ ហ៊ុន សែន តែងតែមកចូលរួមតាំងពិព័ណនៅប្រទេសចិនគឺ ៨ លើកមកហើយ ជាង១០ឆ្នាំមកនេះ ជាពិសេសក្នុងពិពណ៌អាស៊ាន-ចិន នៅណាននីន។ ក្នុងពេលនោះ កម្ពុជាមានតួនា ទីជាអ្នកសម្របសម្រួលអាស៊ាន-ចិន ដែលទទួលបានការគាំទ្រទាំងស្រុងអោយមានពិពណ៌នេះឡើងនៅ ណានីន។ សម្តេចតេជោ គឺជាពលរដ្ឋកិត្តិយសរបស់ណាននីនផងដែរ។
៦)ថ្ងៃនេះ សម្តេចតេជោ ហ៊ុន សែន រីករាយនិង ពេញចិត្តចំពោះលទ្ឋផលនៃកិច្ចប្រជុំពិភាក្សាជាមួយ លោកប្រធានសភាប្រឹក្សានយោបាយប្រជាជនចិន និង លោកប្រធានសភាតំណាងប្រជាជនចិន ជាពិសេស លោកនាយករដ្ឋមន្ត្រី លី ឃឺឈាំង ដែលយើងទាំងអស់គ្នាខិតខំជំរុញសេដ្ឋកិច្ច ពាណិជ្ជកម្ម វិនិយោគ និងទេសចរណ៍អោយមានសន្ទុះលឿនទៅមុខ។ ប្រទេសចិនឆ្នាំក្រោយ យល់ព្រមអោយកម្ពុជា នាំចូលអង្ករ ៣០០,០០០ តោន។ ទន្ទឹមនឹងនេះគឺកម្ពុជាទទួលបាននូវជំនួយឥតសំណងកាន់តែច្រើន ឡើងៗ ព្រមទាំងជំនួយឥណទានការប្រាក់ទាបសម្រាប់កសាងហេដ្ឋរចនាសម្ព័ន្ឋជាដើម។
៧)កម្ពុជារីករាយស្វាគមន៍អ្នកវិនិយោគិនចិនដែលមានបំណងទៅវិនិយោគនៅកម្ពុជា។ ទន្ទឹមនឹងនេះ គឺ ត្រូវយល់ដឹងអំពី នីតិវិធីច្បាប់វិនិយោគដែលមិនសាំញាំស្មុគ្រស្មាញទេ ក្រុមហ៊ុនអាចវិនិយោគគឺអាចបោះ ទុនខ្លួនឯងបាន ១០០% ។ ព័ត៌មានវិនិយោគទាំងនេះគឺអាចទទួលបានតាមរយៈស្ថានទូត អគ្គកុងស៊ុល និងវិស័យឯកជនជាដើម។ កត្តសំខាន់បំផុតនោះគឺ កម្ពុជាមានស្ថិរភាពនយោបាយ ស្ថិរភាពផ្នែកម៉ាក្រូសេដ្ឋកិច្ច ហើយកម្ពុជាមានម្ហូបអាហារចិន និងមានធនធានមនុស្សចេះភាសាចិនយ៉ាងច្រើនដែលជួយដល់ការងារវិនិយោគ៕

រដ្ឋមន្ដ្រីទេសចរណ៍៖”កម្ពុជានិងចិនត្រូវបង្កើតជើងហោះហើរបន្ថែមទៀត”សម្រាប់ទេសចរចិនមកកម្ពុជា

ក្រុងប៉េងកាំង៖រដ្ឋមន្ដ្រីទេសចរណ៍ថោងខុនបានលើកឡើងថា៖”កម្ពុជានិងចិនត្រូវបង្កើតជើងហោះហើរបន្ថែមទៀត”សម្រាប់ទេសចរចិនមកកម្ពុជា”។
លោកបានអោយដឹងថា៖“កម្ពុជាគាំទ្រជានិច្ចចំពោះការដាក់ចេញនូវយុទ្ធសាស្ត្រ “ខ្សែក្រវ៉ាត់មួយ វិថីមួយ” ដែលជាក្របខណ្ឌនយោបាយឈ្នះៗរបស់រដ្ឋាភិបាលចិន គ្របដណ្តប់លើកិច្ចសហប្រតិបត្តិការផ្លូវសូត្រ និងកិច្ចសហប្រតិបត្តិការសមុទ្រសូត្រ សតវត្សទី២១ ហើយសង្ឃឹមជឿជាក់ថាការអភិវឌ្ឍវិស័យទេសចរណ៍នៅតាមបណ្តាប្រទេសតាមបណ្តោយផ្លូវសមុទ្រ រួមទាំងអាស៊ាន និងកម្ពុជាផងដែរ” ។

លោកថោង ខុន ថ្លែងនៅក្នុងវេទិកាស្តីពីការជំរុញកិច្ចសហប្រតិបត្តិការពាណិជ្ជកម្ម និងទេសចរណ៍កម្ពុជា ចិនឆ្នាំ២០១៧ កាលពីថ្ងៃទី១៦ ខែ ឧសភា ឆ្នាំ២០១៧ នៅទីក្រុងប៉េកាំង ប្រទេសចិន ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី លោក វ៉ាង ចែរ៉ុយ អនុប្រធានសភាពប្រឹក្សានយោបាយ អនុរដ្ឋមន្ត្រីពាណិជ្ជកម្មចិន និងធុរជនក្នុងឧស្សាហកម្មទេសចរណ៍ចិនប្រមាណជាង ១០០០នាក់។

ស្របតាមសារនយោបាយស៊ីជម្រៅគាំទ្រ និងជំរុញទឹកចិត្តដល់ធុរជនចិនឲ្យមកវិនិយោគនៅកម្ពុជារបស់សម្តេចតេជោនាយករដ្ឋមន្ត្រី និងលោក វ៉ាង ចែរ៉ុយ អនុប្រធានសភាពប្រឹក្សានយោបាយ លោកថោង ខុន ក៏បានបង្ហាញយ៉ាងប្រក្សត្រពីសក្តានុពលទេសចរណ៍សម្បូរណ៍បែបនៅកម្ពុជាបច្ចុប្បន្ន និងចក្ខុវិស័យក្នុងការអភិវឌ្ឍទេសចរណ៍កម្ពុជាជាគោលដៅទេសចរណ៍ស្អាត និងបៃតង
ហើយ ផ្តល់ភាពកក់ក្តៅដល់ទេសចរ និងតម្រូវការចាំបាច់ក្នុងឧស្សាហកម្មទេសចរណ៍ដែលកម្ពុជាកំពុងចង់បាន ដែលនឹងផ្តល់ជាកាលានុវត្តភាព និងផលប្រយោជន៍ទៅវិញទៅមកដល់វិនិយោគ និងធុរជនចិនក្នុងវិស័យទេសចរណ៍នៅកម្ពុជា ក៏ដូចជាជំរុញការវិវត្តរីកចំរើនឆាប់រហ័សនៃវិស័យទេសចរណ៍កម្ពុជាប្រកបដោយគុណភាព និងភាពទាក់ទាញសម្រាប់តំបន់ និងសាកលលោក។

“នៅក្នុងយុទ្ធសាស្តទាក់ទាញ និងត្រៀមទទួលទេសចរអន្តរជាតិ ក៏ដូចជាទេសចរចិន ព្រមជាមួយនឹងការពង្រឹងការគ្រប់គ្រង និងអភិវឌ្ឍគោលដៅទេសចរណ៍ដែលមានស្រាប់ កម្ពុជាក៏ត្រូវការឲ្យមានការវិនិយោគលើការបង្កើតផលិតផលទេសចរណ៍ថ្មីៗបន្ថែមទៀត ដូចជាទីក្រុងទេសចរណ៍ស្អាត និងបៃតងថ្មីទំនើបដ៏ទាក់ទាញ មជ្ឈមណ្ឌលវិស្សមកាល និងកីឡាទេសចរណ៍នៅតំបន់ឆ្នេរ/កោះ រមណីយដ្ឋាន តំបន់ទេសចរណ៍ផ្ទះទី២ និងទេសចរណ៍វ័យចំណាស់ សួនកម្សាន្តរបស់កុមារនៅតំបន់ទេសចរណ៍ ការបង្កើតឲ្យមាន China Town សណ្ឋាគារប្រណិតលំដាប់ផ្កាយ ៤ ផ្កាយ៥ ភោជនីយដ្ឋានលំដាប់ខ្ពស់ ហាងលក់ទំនិញទំនើបៗ” ។
លោកថោង ខុន ក៏បានអំពាវនាវឲ្យមានការវិនិយោគបន្ថែមទៀតលើហេដ្ឋារចនាសម្ព័ន្ធទ្រទ្រង់ និងការហោះហើរត្រង់ពីចិនទៅកម្ពុជាទាំងក្រុមហ៊ុនអាកាសចរណ៍សេវាពេញលេញ និងក្រុមហ៊ុនអាកាសចរណ៍តម្លៃទាប (LCC)៕

សម្ដេចហ៊ុនសែនជួបប្រធានសភាប្រឹក្សានយោបាយប្រជាជនចិន

ក្រុងប៉េកាំង៖សម្តេច តេជោ ហ៊ុន សែន និងប្រតិភូ រាជរដ្ឋាភិបាលកម្ពុជា ចូលជួបពិភាក្សាការងារជាមួយ លោក យូ ជឹងស៊ឹង ប្រធានសភាប្រឹក្សានយោបាយប្រជាជនចិនធ្វើឡើងនៅមហាវិមានប្រជាជនចិន។

លោកយូ ជឹងស៊ឹង បានអរគុណចំពោះសម្តេចតេជោនាយករដ្ឋមន្រ្តី ដែលបានចំណាយពេល វេលាដ៏មានតម្លៃ និងមមាញឹកបំផុត អញ្ជើញមកចូលរួមវេទិកាខ្សែក្រវ៉ាត់ និងផ្លូវ សម្រាប់កិច្ចសហប្រតិបត្តិការអន្តរជាតិ និងអញ្ជើញបំពេញទស្សនកិច្ចផ្លូវការ នៅទីក្រុងប៉េកាំង ប្រទេសចិន។
លោកបានលើកឡើងថា៖បើទោះបីជាសម្តេចមានការមមាញឹកយ៉ាងខ្លាំងក្នុងប្រទេសកម្ពុជាក៏ពិតមែន ប៉ុន្តែសម្តេចបានអញ្ជើញមកកាន់ប្រទេសចិននៅពេលនេះ ដើម្បី គាំទ្រដល់វេទិកាខ្សែក្រវ៉ាត់និងផ្លូវ សម្រាប់កិច្ចសហប្រតិបត្តិការអន្តរជាតិផ្ទាល់តែម្តង។
លោកមានប្រសាសន៍ថា៖ កាលពី១០ឆ្នាំក្នុងដំណើរទស្សនកិច្ចរបស់លោកមកកាន់កម្ពុជា ។លោកបានរំលឹកថាលោក អញ្ជើញទស្សនាបណ្តាប្រាសាទមួយចំនួន របស់កម្ពុជា ដោយ លោកបានចាត់ទុកថាជាមហាប្រាសាទដ៏មានវ័យចំណាស់ជាងគេ នៅលើ ពិភពលោក ហើយនៅពេលវិលត្រប់ទៅកាន់ប្រទេសចិនវិញ។ លោកបានធ្វើការផ្សព្វផ្សាយដល់អ្នកទេសចរណ៍ចិន ឲ្យមកទស្សនាប្រទេសកម្ពុជាកាន់តែមានចំនួនច្រើនឡើង ហើយបើមានឱកាសឯកឧត្តមនឹងអញ្ជើញមកទស្សនកិច្ចប្រទេសកម្ពុជាជាថ្មីម្តងទៀត។
លោកបន្តថា៖ ប្រទេសចិននៅតែបន្តគាំទ្រដល់សម្តេចតេជោនាយករដ្ឋមន្រ្តី និងរាជរដ្ឋាភិបាលកម្ពុជា បើទោះបីជាប្រទេសចិនជួយដល់ប្រទេសកម្ពុជាលើគ្រប់វិស័យក៏ពិតមែន តែកម្ពុជាក៏បានជួយដល់ចិន លើគ្រប់សកម្មភាពផងដែរ។ ដែលនោះគឺបានបង្ហាញឲ្យឃើញេពីការជួយគ្នាទៅវិញទៅមក ដោយមិនប្រកាន់ប្រទេសតូច ប្រទេសធំ មានក្រនោះទេ ពោលគឺយើងនៅតែបន្តពង្រឹងពង្រីកកិច្ចសហប្រតិបត្តិការឲ្យកាន់តែរឹងមាំថែមទៀត ពិសេសការផ្លាស់ប្តូរនូដំណើរទស្សនកិច្ចពីគ្រប់កម្រិតទាំងអស់។
ហើយក្នុងនោះតាមរយៈសម្តេចតេជោ លោកសូមគោរពអញ្ជើញសម្តេចវិបុលសេនាភក្តី សាយ ឈុំ ប្រធានព្រឹទ្ធសភាជាតិ និងសម្តេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញទៅបំពេញទស្សនកិច្ចការនៅប្រទេសចិន ក្នុងពេលវេលាដ៏សមស្របណាមួយក្នុងពេលខាងមុខ។
លោកប្រធានក៏បានស្នើឲ្យមានការបន្តពិភាក្សាក្នុងកម្រិតទ្វេភាគី ពិសេសបន្តសហការគ្នាលើការតភ្ជាប់រវាង ប្រជាជននិងប្រជាជន និងការសម្របសម្រួលការសន្ទនាគ្នារវាងសភា និងសភា ដើម្បីឲ្យស្ថាប័នទាំងពីរកាន់តែមាន ការសហការគ្នាខ្លាំងឡើងថែមទៀត។
សម្តេចតេជោនាយករដ្ឋមន្រ្តីមានប្រសាសន៍ថា សម្តេចពិតជាមានការរីករាយដោយបានអញ្ជើញទៅកាន់ប្រទេសចិនជាថ្មីម្តងទៀត ពិសេសមានឱកាសជួបលោកផ្ទាល់ក្រោយពី១០ឆ្នាំមុន។
សម្តេចតេជោបន្តថា៖” ចិនមាន គោលនយោបាយដ៏ល្អជាមួយនិងកម្ពុជា បើទោះជារូបសម្តេចមានការមមាញឹកនៅក្នុងប្រទេសក៏ពិតមែន” តែសម្តេច ត្រូវតែអញ្ជើញទៅកាន់ប្រទេសចិន ដើម្បីអញ្ជើញចូលរួមវេទិកាខ្សែក្រវ៉ាត់ និងផ្លូវ សម្រាប់កិច្ចសហប្រតិបត្តិការអន្តរ ជាតិ និងបំពេញទស្សនកិច្ចផ្លូវការ នៅទីក្រុងប៉េកាំងប្រទេសចិន សំដៅធ្វើយ៉ាងដើម្បីពង្រឹងបន្ថែមចំពោះទំនាក់ទំនង នៃប្រទេសទាំងពីរ និងជាពិសេសដើម្បីការគាំទ្ររបស់ចិនចំពោះកំណើនសេដ្ឋកិច្ច និងការអភិវឌ្ឍសមិទ្ធផលសង្គម ក្នុងប្រទេសកម្ពុជា៕

 

ចិនផ្ដល់ជំនួយជាង១៧០លានដុល្លារដល់កម្ពុជា

ក្រុងប៉េកាំង៖រដ្ឋាភិបាលចិនបានសម្រេចផ្ដល់ជំនួយអត់សំណងជាង១៧៤លានដុល្លារដល់កម្ពុជាក្នុងដំណើរទស្សនកិច្ចសម្ដេចហ៊ុនសែននាយករដ្ឋមន្ដ្រីកម្ពុជាហើយភាគីពីរទាំងបានចុះហត្ថលេខាមួយចំនួនដើម្បីលើកកំពងសកិច្ចសហការរវាងប្រទេសមហាមិត្តទាំងពីរនេះ។
បន្ទាប់ពីបញ្ចប់កិច្ចប្រជុំទ្វេភាគីរួចមក ប្រមុខដឹកនាំរដ្ឋាភិបាលនៃប្រទេសទាំងពីរកម្ពុជា ចិន បានអញ្ជើញធ្វើជាសាក្សី នៃពិធីចុះហត្ថលេខាលើឯកសារ អនុស្សារណះនិងកិច្ចព្រមព្រៀងសំខាន់ៗចំនួន ក្នុងនោះរួមមាន ពិធីសារ ស្តីពីបង្កើតស្ថានីយ៍សង្កេតកិច្ចការបរិស្ថានសមុទ្ររួម។
ឯកសារស្តីពីចំណុចគោលនៃផែនការកិច្ចសហប្រតិបត្តិការទ្វេ ភាគី ដើម្បីរួមគ្នាបង្កើតកិច្ចសហប្រតិបត្តិការខ្សែក្រវ៉ាត់សេដ្ឋកិច្ចផ្លូវសូត្រ និងកិច្ចសហប្រតិបត្តិការផ្លូវសូត្រសមុទ្រ សតវត្សទី២១ រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន។ កិច្ចព្រមព្រៀងស្តីពី កិច្ចសហប្រតិបត្តិការសេដ្ឋកិច្ចនិងបច្ចេកទេស ស្តីពីការផ្តល់ហិរញ្ញប្បទានឥតសំណងចំនួន ១ពាន់២០០លានយ័ន សម្រាប់ឆ្នាំ២០១៧ ។ កិច្ចព្រមព្រៀងឥណទានសម្បទានជាប្រាក់ដុល្លា សម្រាប់គម្រោងសាងសង់ខ្សែបញ្ជូនអគ្គិសនីតង់ស្យុងខ្ពស់ ២៣០ គីឡូវ៉ុល ជំហានទី២ នៅភាគខាងកើតប្រទេសកម្ពុជា។
អនុស្សារណះនៃការយោគយល់គ្នា ស្តីពីកិច្ចសហប្រតិបត្តិការ លើការកសាងសមត្ថភាពពាក់ព័ន្ធវិស័យដឹកជញ្ជូន។ អនុស្សារណះនៃការយោគយល់គ្នា ស្តីពីកិច្ចសហប្រតិបត្តិការលើ វិស័យហេដ្ឋារចនាសម្ព័ន្ធ និងផែនការសកម្មភាពដើម្បីអនុវត្តអនុស្សារណះ នៃការយោគយល់គ្នា ស្តីពីកិច្ចសហប្រតិបត្តិការលើវិស័យទេសចរណ៍។
ដោយឡែលក្រុមហ៊ុនRoyal Group បានចុះ អនុស្សារណៈយោគយល់គ្នា (MoU) ជាមួយក្រុមហ៊ុនចិនចំនួន២ ស្តីពីកិច្ចសហប្រតិបត្តិការសំណង់ និងវិនិយោគ លើហេដ្ឋារចនាសម្ព័ន្ធផ្លូវដែរនៅកម្ពុជា។ ពិពីចុះហត្ថលេខានេះធ្វើឡើងនៅទីក្រុងប៉េកាំងប្រទេសចិន នារសៀលថ្ងៃទី១៥ ខែឧសភា វាង អ្នកឧញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធាន ក្រុមហ៊ុន Royal Group ជាមួយក្រុមហ៊ុនចិនចំនួន២ រួមមានក្រុមហ៊ុន China Railway 17th Bureau Group និងក្រុមហ៊ុន Sino Great Wall International Engineering Co., Ltd។ បន្ទាប់ ពីរចុះហត្ថលេខានេះរួច ក្រុមហ៊ុនទាំង៣ នឹងសហប្រតិបត្តិការជាមួយគ្នាលើគម្រោងសាងសង់ សំណង់ និងវិនិយោគ លើហេដ្ឋារចនាសម្ព័ន្ធផ្លូវដែកនៅកម្ពុជា រួមមាន ១- គម្រោងផ្លូវដែកភ្នំពេញ-សៀមរាប ២- គម្រោងផ្លូវដែកភ្នំពេញ-ព្រំប្រទល់កម្ពុជា-ថៃ ៣- គម្រោងផ្លូវដែកភ្នំពេញ ព្រំប្រទល់កម្ពុជា-វៀតណាម ៤- គម្រោងផ្លូវដែកល្បឿនលឿនភ្នំពេញ ខេត្តព្រះសីហនុ ៥- គម្រោងស្តារ និងជួលជុលផ្លូវដែក២ខ្សែដែលមានស្រាប៕

 

កសិករខេត្តមណ្ឌលគិរី៖”ទិន្នផលសណ្ដែកបានផលតិចដោយសារអាកាសធាតុតែតម្លៃល្អ”

មណ្ឌលគិរី៖ប្រជាកសិករនៅភូមិចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ដែលប្រកបរបរដាំដំណាំសណ្ដែកបាយ កំពុងមានក្ដីបារម្ភចំពោះការបង្កបង្កើនផលដំណាំសណ្ដែកបាយនៅឆ្នាំនេះ បានទិន្នផលតិចដោយសារការរាំងស្ងួតនៅដើមរដូវ បណ្ដលអោយដំណាំសណ្ដែកបាយលូតលាស់មិនសូវល្អដូចឆ្នាំមុន។
លោក លី គ្រៀង ជាកសិករមួយរូបនៅភូមិមេចុងផាង-ឃុំពូជ្រៃ-ស្រុកពេជ្រដា បានត្អូញត្អែរថា៖” ដំណាំសណ្ដែកបាយ ឆ្នាំនេះលូតលាស់មិនល្អដូចឆ្នាំកន្លងទៅទេ ដោយសារតែជួបបញ្ហារាំងស្ងួតនៅដើមរដូវ និង ធ្លាក់ភ្លៀងច្រើនពេកនៅពាក់កណ្ដោលរដូវដាំដុះសណ្ដែកឆ្នាំនេះធ្វើអោយសណ្តែកបាយគាត់ដុះមិនល្អ និងមានខ្លះរលួយដោយសារទឹកភ្លៀងធ្លាក់ជាប់រាល់ថ្ងៃ។
កសិកររូបនេះបានបន្តទៀតថា៖ គាត់មានដីចំនួន២ហិកតា សម្រាប់ដាំសណ្តែកបាយ ដោយពួកគាត់ដាំបាយចំនួនដងក្នុង១ឆ្នាំ ។ លោកបន្តថា ៖”ចំពោះតម្លៃសណ្ដែកបាយបានថ្លៃគួរសមដែរ កាលពីឆ្នាំកន្លងទៅ គែបានថ្លៃ៤០០០ទៅ៥០០០រៀលក្នុង១គីឡូក្រាម ហើយគាត់ប្រមូលផលបានចំនួនពី១០០០ទៅ១២០០គីឡូក្រាមក្នុងហិកតា តែឆ្នាំនេះគាត់ថា អាកាសធាតុប្រែប្រួលមិនទៀងទាត់បែបនេះ សណ្ដែកបាយមិនអាចទទួលបានទិន្នផលខ្ពស់នោះទេ”។
លោក សុង ឃាង ប្រធានមន្ទីរកសិកម្មខេត្តមណ្ឌលគិរីបានឲ្យដឹងថា៖ សម្រាប់ការបង្កបង្កើនផលដំណាំសណ្ដែកបាយ នៅទូទាំងខេត្តមណ្ឌលគិរី គិតត្រឹមថ្ងៃទី១០ខែឧសភាឆ្នាំ ២០១៧ មានដាំលើផ្ទៃដីដាំដុះចំនួន២.០៩១ ហិកតា ។
លោកបន្ថែមថា៖ ចំពោះដំណាំសណ្ដែកបាយឆ្នាំនេះ បើតាមពិនិត្យជាក់ស្ដែងគឺមិនមានជួបបញ្ហា ដូចការលើកឡើងរបស់ប្រជាពលរដ្ឋនោះទេ ហើយបើមាន គឺមានតិចតួចប៉ុណ្ណោះ គាត់បញ្ជាក់ថា មានមួយចំនួនតិចនោះទេ គឺជួបបញ្ហាកាលពីដើមរដូវដោយសារពលរដ្ឋមួយចំនួនធ្វើការប្រថុយប្រថានដាំសណ្ដែក ហើយដើម្បីជួយដល់ពួកគាត់ដែលជួបនិងការរាំងស្ងួតរយះពេលខ្លីនោះ ខាងមន្ទីរកសិកម្មខេត្តមណ្ឌលគិរី បានចុះចែកគ្រាប់ពូជចំនួន៤០០គីឡូ នៅឃុំចំនួនពីរនៅស្រុកពេជ្រាដាគឺឃុំពូជ្រៃនិងឃុំស្រែអំពូម ព្រោះនៅខេត្តមណ្ឌលគិរីនេះមានតែ ស្រុកពេជ្រាដាមានផ្ទៃដីដាំដុះសណ្តែកបាយច្រើនជាងគេក្នុងចំណោម ក្រុង -ស្រុក ទាំង។
លោកបន្តថា៖ សម្រាប់ដំណាំសណ្ដែកបាយ ១ហិកតា អាចប្រមូលផលបានចំនួន១២០០គីឡូ និងប្រើរយៈពេលដាំដុះពី៧០ទៅ៩០ថ្ងៃគិតចាប់ពីថ្ងៃដាំ ៕

 

ក្រុមអ្នកជំនាញថាការស្ថាបនាផ្លូវល្បឿនលឿនពីភ្នំពេញទៅក្រុងព្រះសីហនុ នឹងជួយជំរុញសកម្មភាពសេដ្ឋកិច្ចជាតិ

ភ្នំពេញ៖ ក្រុមអ្នកជំនាញអៈអាងថា ការស្ថាបនាផ្លូវល្បឿនលឿនពីភ្នំពេញទៅក្រុងព្រះសីហនុ នឹងជួយជំរុញសកម្មភាពសេដ្ឋកិច្ចជាតិឲ្យកាន់តែរស់រវើក។
ក្រុមសមាគមដឹកជញ្ជូនក្នុងស្រុកបានចាត់ទុកគម្រោងវិនិយោគផ្លូវល្បឿនលឿនពីរាជ ធានីភ្នំពេញទៅកាន់ខេត្តព្រះសីហនុ គឺជាការអភិវឌ្ឍសរសៃឈាមសេដ្ឋកិច្ចដ៏សំខាន់របស់ប្រ ប្រទេសកម្ពុជា ក្នុងការបំរើឲ្យវិស័យនាំចេញនាំចូលផ្នែកពាណិជ្ជកម្ម។
ការបង្ហាញពីការគាំទ្រ គម្រោងអភិវឌ្ឍន៍ផ្លូវល្បឿនលឿននេះបានធ្វើឡើងបន្ទាប់ពីផេកហ្វេសប៊ុករបស់សម្តេចតេជោ នាយករដ្ឋមន្រ្តីហ៊ុនសែនបានប្រកាសពីគម្រោងស្ថាបនាផ្លូវល្បឿនលឿនពីភ្នំពេញព្រះសីហនុ គ្រោងចាប់ផ្តើមនៅឆ្នាំ២០១៧។
លោក អ៊ុត ឈាង អគ្គលេខាធិការសមាគមដឹកជញ្ជូនបានឲ្យដឹងថា៖ ផ្លូវល្បឿនលឿនភ្នំពេញ ព្រះសីហនុគឺមានប្រយោជន៍ច្រើន ដោយបានចូលរួមអភិវឌ្ឍន៍សេដ្ឋកិច្ចកម្ពុជា តាមរយៈ មានផ្លូវល្បឿនលឿនចំណេញពេលវេលាក្នុងការដឹកជញ្ជូនទំនិញនិងមនុស្ស។ បន្ថែមពីនេះ ទៀតការដឹកជញ្ជូននឹងកាន់តែមានសុវត្ថិភាពជាងមុនបើធៀបជាមួយនឹងផ្លូវធម្មតា។
លោកបន្ថែមថា៖ ប្រសិនបើរាជរដ្ឋាភិបាលអភិវឌ្ឍន៍គម្រោងនេះបានកាន់តែឆាប់គឺកាន់តែល្អ ដើម្បីជំរុញការនាំចេញនាំចូលទំនិញឲ្យកាន់តែរស់រវើកខ្លំាង ខណៈដែលផ្លូវនេះបច្ចុប្បន្ន មានសកម្មភាពចរាចរណ៍មមាញឹកខ្លាំងពិបាកក្នុងការធ្វើដំណើរហើយប្រឈមនៃការកើតឡើងដោយគ្រោះថ្នាក់ចរាចរណ៍ជាញឹកញាប់។
យ៉ាងណាក៏ដោយលោកបានស្នើឲ្យគម្រោងអភិវឌ្ឍន៍ផ្លូវល្បឿនលឿននេះ ត្រូវអភិវឌ្ឍន៍ឲ្យ ស្របតាមស្តង់ដារគុណភាព កំណត់តម្លៃឲ្យបានសមរម្យ និងការបែងចែកឲ្យដាច់ចំពោះ ប្រ ភេទរថយន្តដែលប្រើប្រាស់ផ្លូវល្បឿនលឿននេះ ដើម្បីកុំឲ្យផ្លូវនេះមានសភាពរញ៉េរញៃ ធ្វើឲ្យផ្លូវគ្មានប្រសិនភាពនិងមុខងារពិតប្រាកដ។
យោងតាមផេកហ្វេសបុករបស់ម្តេចតេជោហ៊ុន សែននាយករដ្ឋមន្រ្តីនៃកម្ពុជាបានឲ្យដឹងថា ផ្លូវល្បឿនលឿនពីភ្នំពេញទៅក្រុងព្រះសីហនុ គ្រោងនឹងបើកការរដ្ឋានសាងសងនៅចុងឆ្នាំ ២០១៧នេះ ក្រោមការវិនិយោគដោយក្រុមហ៊ុនចិន China Communications Construction Company ក្នុងគម្រោងចំណាយរហូតដល់១.៦០០ លានដុល្លា លើប្រវែងផ្លូវជិត២០០គីឡូ ម៉ែត្រ ។
សូមបញ្ជាក់ថា គម្រោងភិវឌ្ឍន៍ផ្លូវល្បឿនលឿននេះរាជរដ្ឋាភិបាលមិនត្រឹមតែមានផែនការ ស្ថាបនាពីភ្នំពេញទៅក្រុងព្រះសីហនុប៉ុណ្ណោះទេ ប៉ុន្តែក៏ពុងសិក្សាពីភ្នំពេញ ទៅក្រុងបាវិត ខេត្ត ស្វាយរៀងផងដែរ ដើម្បីជួយលើកស្ទួយវិស័យសេដ្ឋកិច្ច។ ផ្លូវល្បឿនលឿនគឺជាប្រភេទផ្លូវធំទូ លាយដោយបើកបរក្នុងល្បឿនលឿន ហើយជាស្តង់ដារមាន៣គន្លងទៅនិង៣គន្លងមក ដោយគ្មានផ្លូវឆ្លង កាត់បង្ករឧបសគ្គអ្វីឡើយ៕

ភ្ញៀវទេសចរណ៍មកកំសាន្តនៅខេត្តព្រះសីហនុមានការហក់ឡើងខ្ពស់ថ្ងៃចំរើនព្រះជន្មព្រះមហាក្សត្រ

ខេត្តព្រះសីហនុៈ លោក នូ ច័ន្ទគ្រឹះស្នា ប្រធានមន្ទីទេសចរណ៍ខេត្ត បានថ្លែង៖” ភ្ញៀវទេសចរណ៏នៅតែបន្តហក់ឡើងនៅក្នុងពីធីបុណ្យចំរើនព្រះជន្មគម្រប់៦៤ព្រះវស្សាយាងចូល៦៥ព្រះវស្សារបស់ព្រះករុណាព្រះបាទ សម្តេចព្រះបរមនាធ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ខណៈពេលភ្ញៀវទេសចរណ៏ជាតិ និង អន្តរជាតិ កំពុងមានការចាប់អារកម្មណ៏យ៉ាងខ្លាំង ទៅកំសាន្តតាមបណ្តាកោះ នា នា នេះបើយោងតាមការសន្និដ្ឋានជំហានតំបូង។
លោក តាំង សុចិត្តគ្រឹះស្នា ប្រធានមន្ទីទេសចរណ៏ខេត្តព្រះសីហនុ នារសៀលថ្ងៃទី១៤នេះ បានអោយដឹងថា៖”ភ្ញៀវទេសចរណ៏ក្នុងពីធីបុណ្យចំរើនព្រះជន្មគម្រប់៦៤ព្រះវស្សាយាងចូល៦៥ព្រះវស្សា ភ្ញៀវទេសចរណ៏មានសន្ទុះកើនឡើងគួរអោយចាប់អារម្មណ៏ ជាមធ្យមចន្លោះ៣ម៉ឺនទៅ៤ម៉ឺននាក់ក្នុងមួយថ្ងៃ”។
លោកបន្តថា ៖”ចំពោះមូលហេតុដែលបណ្តាលអោយមានការកើនឡើងនូវភ្ញៀវទេសចរនេះ គឺបណ្តាលមកពីឆ្នាំនេះ ពីធីបុណ្យជំរើនព្រះជន្មប្រារព្វចំថ្ងៃចុងសប្តាហ៏ អាកាសធាតុមានអំណោយផល ប្រទេសជាតិមានសុខសន្និភាពពេញលេញ បើទោះបីជាតម្លៃផ្ទះសំណាក់ណ សណ្ឋាគារហាក់មានតម្លៃខ្ពស់បន្តិចក្តី ប៉ុន្តែចំពោះម្ហូបអាហារ ពុំមានការឡើងថ្លៃខ្ពស់ដូចឆ្នាំមុនៗនោះទេ”។
ដោយឡែក មន្ត្រីសាលាខេត្តព្រះសីហនុម្នាក់ បានថ្លែងថា ភ្ញៀវទេសចរណ៏ឆ្នាំនេះហាក់មានសន្ទុះកើនឡើងយ៉ាងគំហុក កត្តាទាំនេះគឺដោយខេត្តព្រះសីហនុមាន សុខ សន្តិភាព សុវត្តិភាព គ្រប់ទីកន្លែងទើបពីធីបុណ្យចំរើនព្រះជន្មគម្រប់៦៤ព្រះវស្សាយាងចូល៦៥ព្រះវស្សារបស់ព្រះករុណាព្រះបាទ សម្តេចព្រះបរមនាធ នរោត្តមសីហមុនីធ្វើអោយប្រជាពលរដ្ឋដែលរស់នៅរាជធានីភ្នំពេញនៅតែយកខេត្តព្រះសីហនុ គឺជាគោលដៅទីមួយសំរាប់ក្រុមគ្រួសារ របស់ពួកគេ។
ដោយ ឡែកជុំវិញ តម្លៃម្ហូបអាហារ មានការកើនឡើងចន្លោះពី១៥០០០រៀលទៅ១៥០០០រៀលក្នុង០១គីឡូនិងផ្ទះសំណាក់ ការ កើនឡើងក្នុង០១បន្ទប់ ចន្លោះពី១០ដុល្លាទៅ២០ដុល្លាប៉ុន្តែតម្លៃទាំង ភ្ញៀវដែល បាន មកកំសាន្តអាចទទួលយកបាន ។
លោក ឧត្តមសេនីយ៍ត្រីហេង ប៊ុនទីមេបញ្ញាការកងរាជអាវុធហត្ថខេត្តព្រះសីហនុ បានអោយដឹងតាមទូរស័ព្ទនារសៀលថ្ងៃទី២៦វិច្ឆិការនេះថា៖ ដោយសារសន្តិសុខសុវត្តិភាពមានភាពល្អប្រសើរជាពិសេសឆ្នេរសមុទ្រចំនួន០២កន្លែង គឺឆ្នេរអូរត្រេះស្ថិតក្នុងទឹកដីក្រុងព្រះសីហនុក៏ដូចជាតាមបណ្តាកោះ នា នានិងឆ្នេរព្រែកត្រែងស្ថិតក្នុងទឹកដីស្រុកស្ទឹងហាវ កំពុងក្លាយជាឆ្នេរដ៏ទាក់ទាញអារម្មណ៍ភ្ញៀវទេសចរណ៏នោះ ទើបធ្វើអោយភ្ញៀវទេសចរណ៏នាក្នុងពីធីបុណ្យជំរើនព្រះជន្មគម្រប់៦៤ព្រះវស្សាយាងចូល៦៥ព្រះវស្សា របស់ព្រះករុណាព្រះបាទ សម្តេចព្រះបរមនាធ នរោត្តមសីហមុនី នៅតែបន្តធ្វើតំណើរមកកាន់ខេត្តព្រះសីហនុ បើ ។
មេបញ្ញាការកងរាជអាវុធហត្ថខេត្តព្រះសីហនុបានបន្តដោយបញ្ញាក់ទៀតថា ក្នុងរយះពេល០២ថ្ងៃនៃក្នុងពីធីបុណ្យជំរើនព្រះជន្មគម្រប់៦៤ព្រះវស្សាយាងចូល៦៥ ព្រះវស្សារបស់ព្រះករុណាព្រះបាទ សម្តេចព្រះបរមនាធ នរោត្តមសីហមុនី នេះដែរ ចំពោះសុវត្តិភាពភ្ញៀវទេសចរណ៏ដែលបានមកលេងនៅ តាមកោះ និង នៅលើឆ្នេរ មានភាពល្អប្រសើរបំផុត ព្រោះពុំមានបាតុភាពអ្វីកើតឡើងនោះទេ ។កត្តាទាំងនេះ ក៏ដោយសារមានការ ដាក់កំលាំងល្បាតតាមគោលដៅសំខាន់ទូរទាំងខេត្តព្រះសីហនុ។
ដោយឡែកពាក់ព័ន្ឋករណីគ្រោះថ្នាក់ចរាចរណ៏នាក្នុងពីធីបុណ្យជំរើនព្រះជន្មគម្រប់៦៤ព្រះវស្សាយាងចូល៦៥ព្រះវស្សារបស់ព្រះករុណាព្រះបាទ សម្តេចព្រះបរមនាធ នរោត្តមសីហមុនី គិតត្រឹមរយះ ពេល ០២ ថ្ងៃ លោក វរៈសេនីយ៍ឯក អ៊ី សុខា ស្នងការរទទួលបន្ទុកសណ្តាប់ធ្នាប់នៃស្នងការដ្ឋាននគរបាលខេត្តព្រះសីហនុ បានគូសបញ្ជាក់ថា ពុំមានករណីគ្រោះថ្នាក់ចរាចរណ៏នោះទេ ធៀបទៅនឹងឆ្នាំមុនមានការថយចុះ៕

 

ក្រុមហ៊ុនចិនគ្រោងចំណាយថវិកា១ពាន់លានដុល្លារកសាងអាគារមិត្តភាពកម្ពុជា-ចិនមួយនៅប្រទេសចិន

ភ្នំពេញ៖ក្រុមហ៊ុនដ៏ល្បីនៅប្រទេសចិនគ្រោងចំណាយថវិកា១ពាន់លានដុល្លារ ក្នុងការកសាងអាគារ មួយ ដើម្បីផ្តល់ ឱកាស អោយកម្ពុជាមានកន្លែងតាំងពិពណ៌ផលិតផលកសិកម្មកម្ពុជា និង សម្រាប់តាំង ពិពណ៌សិល្បៈ វប្បធម៌របស់កម្ពុជា នៅប្រទេសចិន ដោយក្រុមហ៊ុន បានសុំការអនុញ្ញាតិពីប្រមុខរាជរដ្ឋាភិបាលកម្ពុជា ដើម្បីដាក់ឈ្មោះអាគារនោះថា អាគារមិត្តភាពកម្ពុជា-ចិន។
នៅក្នុងជំនួបជាមួយ សម្តេចតេជោហ៊ុន សែន នាយករដ្ឋមន្ត្រីកម្ពុជា នៅទីក្រុងប៉េកាំង ប្រទេសចិននារសៀលថ្ងៃទី១៤ ខែឧសភានេះ លោក សាន សៀងស្ស័ង ប្រធានក្រុមហ៊ុនហ្សង់កឺហ្សៅសាង (Zhongke Zhaoshang) បានជំរាបជូនសម្តេចថា ខាងក្រុមហ៊ុនទទួលរាប់រងកសាងអាគារនោះទាំងស្រុង ។ទន្ទឹមនិងនេះ លោកប្រធានក្រុមហ៊ុន ក៍បានបង្ហាញពីចំណាប់អារម្មណ៏ចង់មកនិយោគនៅកម្ពុជាផងដែរ ដោយក្រុមហ៊ុនមានបទពិសោធន៌ក្នុងការវិនិយោគនៅតាមបណ្តាប្រទេស នានា និងបានចូលផ្សារភាគហ៊ុន នៅហុងកុង លើផ្នែកហិរញ្ញវត្ថុ បរិក្ខារសុខាភិបាល ជំនាញផ្នែកមហារីក សេវាអចលនៈទ្រព្យ និងសេវាជួលយន្តហោះអន្តរជាតិជាដើម។
លោកប្រធានក្រុមហ៊ុនក៍មានបំណងមកកាន់កម្ពុជាដើម្បីសិក្សាស្វែងយល់អំពីតម្រូវការចាំបាច់ក្នុងការដាក់ទុនវិនិយោគនៅកម្ពុជា ដោយលោកបានជំរាបជូនសម្តេចថា ក្រុមហ៊ុនលោកក៏ធ្លាប់បានវិនិយោគលើការកសាងហេដ្ឋរចនាសម្ព័ន្ឋនៅក្នុងប្រទេសចិន និងក៍បានកសាងផ្លូវល្បឿនលឿនពីហុងកុង ទៅកាន់ទីក្រុងស៊ិនជិនប្រទេសចិនផងដែរ។
ជាងនេះ ក្រុមហ៊ុន ហ្សង់កឺហ្សៅសាង ក៍មានទំនាក់ទំនងល្អជាមួយក្រុមហ៊ុន Boeing ផលិតយន្តហោះរបស់អាមេរិក ដោយលោកមាន បំណង បើកអោយមានសេវាជួលយន្តហោះអន្តរជាតិ អាចចែកចាយនិងជួលទៅប្រទេសក្នុងតំបន់អាស៊ានទាំងមូល និងជួល អោយប្រទេសចិន និងប្រទេសមួយចំនួនទៀត។
ទន្ទឹមនឹងនេះ លោកក៏មានបំណងបណ្តុះបណ្តាលធនធានមនុស្សដល់កម្ពុជា ជាពិសេសយុវជន អោយមានជំនាញផ្នែកថែទាំគ្រឿងចក្រយន្តហោះ និងជំនាញជួសជុលម៉ាស៊ីនយន្តហោះជាដើម។ជាការឆ្លើយតបសម្តេចតេជោ ហ៊ុន សែន បានឯកភាពឲ្យដាក់ឈ្មោះ អាគារមិត្តភាពកម្ពុជា-ចិននៅប្រទេសចិន ដោយសម្តេច បានសំណូមពរអោយក្រុមហ៊ុនធ្វើការសិក្សាអោយបានល្អិតល្អន់ ដើម្បីទទួលបានជោគជ័យទាំងអស់គ្នា ។
សម្តេច ក៍បានសំដែងការ រីករាយ និងពេញចិត្តចំពោះគោលបំណងក្រុមហ៊ុន Zhongke Zhaoshang ក្នុងការវិនិយោគនៅកម្ពុជា ដោយសម្តេចបានអញ្ជើញឲ្យក្រុមហ៊ុន មកសិក្សាស្វែងយល់អោយបានច្បាស់ដោយផ្ទាល់នៅកម្ពុជា។សម្តេចក៍បានជំរាបជូនក្រុមហ៊ុនដែរថា ទន្ទឹមនឹងការរីកលូតលាស់ផ្នែកសុខាភិបាល កម្ពុជាក៏នៅត្រូវការផ្នែកវេជ្ជសាស្រ្តទំនើប រួមទាំងធនធានមនុស្សជំនាញឯកទេសផ្នែកសុខាភិបាលជាច្រើនថែមទៀត។
សម្តេចតេជោ ក៍បានលើកទឹមចិត្តអោយក្រុមហ៊ុន ពិភាក្សាជាមួយ អាកាសចរណ៌ស៊ីវិលកម្ពុជា និងក្រុមប្រឹក្សាអភិវឌ្ឍន៌កម្ពុជាក្នុងការវិនិយោគលើសេវាជួលយន្តហោះ ដោយ កម្ពុជាបើក ទូលាយដល់វិនិយោគគិនបរទេសអាចដាក់ទុនវិនិយោគ១០០% ឬចូលរួមជាមួយក្រុមហ៊ុនក្នុងស្រុកក៏បាន។ ជាមួយគ្នានេះដែរ ដោយសារគំហុកនៃចំនួនទេសចរមកកម្ពុជាកាន់តែច្រើនឡើងៗ គឺកម្ពុជាខ្លួនឯងក៏ត្រូវការ សេវាយន្តហោះនេះផងដែរ៕

 

សម្តេច ហ៊ុន សែន ជួបប្រធានក្រុមហ៊ុនចិនវិនិយោគសង់វារីអគ្គិសនីសេសាន្តពីរដែលគ្រោងសម្ភោធនៅខែកញ្ញា

ចិន៖នៅរសៀលថ្ងៃទី១៣ ឧសភា នេះ សម្តេច ហ៊ុន សែន នាយករដ្ឋមន្រ្តីនៃព្រះ រាជាណាចក្រកម្ពុជា បានជាមួយ លោក ឆាវ ផីស៊ី ប្រធានក្រុមហ៊ុន China Huanneng Group ដែលបច្ចុប្បន្នក្រុមហ៊ុនលោកបានបណ្តាក់ទុនវិនិយោគវារីអគ្គិសនីសេសាន្តពីរ ខេត្តស្ទឹងត្រែង ដែលសហការវិនិយោគជាមួយនិងក្រុមហ៊ុនរ៉ូយ៉ាល់គ្រុប របស់អ្នកឧកញ៉ា គិត ម៉េង។ សម្តេចតេជោ នឹងអញ្ជើញចូលរួមក្នុងពិធីបិទទំនប់នៅក្នុងអំឡុងខែកញ្ញាខាងមុខនេះផងដែរ។

ដោយមានកិច្ចសហការល្អជាមួយក្រុមហ៊ុនក្នុងស្រុក គឺក្រុមហ៊ុនកំពុងដំណើរការសាងសង់វារីអគ្គិសនីសេសាន្តពីរ។ នៅក្នុងខែកញ្ញាខាងមុខនេះ ក្រុមហ៊ុននឹងបិទទំនប់ទឹក ដើម្បីតភ្ជាប់បណ្តាញអគ្គីសនីហើយនឹងគោរពអញ្ជើញ សម្តេចតេជោនាយករដ្ឋមន្រ្តី អញ្ជើញជាកិត្តិយស ក្នុងពិធីបិទទំនប់ទឹកវារីអគ្គិសនី។
ចំពោះការវិនិយោគលើវិស័យអគ្គីសនីនេះ គឺផ្តល់ផលប្រយោជន៍ខ្លាំងណាស់សម្រាប់កម្ពុជា។ គំរោងវារីអគ្គិសនីសេសាន្តគឺជាគំរោងដ៏ធំទី១ របស់ក្រុមហ៊ុនលោកក្នុងប្រទេសកម្ពុជា ហើយគំរោងនេះនឹងផ្តល់ថាមពលអគ្គិសនីប្រើប្រាស់ដល់ប្រជាពលរដ្ឋរហូតដល់បណ្តាភូមិតាមជនបទ តបទៅនឹងអនុសាសន៍ដ៏ខ្ពង់ខ្ពស់ របស់សម្តេចតេជោនាយករដ្ឋមន្រ្តី។
លោកប្រធានក្រុមហ៊ុនបានបញ្ជាក់ចំពោះមុខ សម្តេចនាយករដ្ឋមន្រ្តីថា ក្រុមហ៊ុនរបស់លោកដែលបានចាប់ដៃគ្នាជាមួយនិងក្រុមហ៊ុនរ៉ូយ៉ាល់គ្រុប គឺមិនធ្វើឲ្យរាជរដ្ឋាភិបាល និងប្រជាពលរដ្ឋកម្ពុជាខកចិត្តឡើយ។ គំរោងរបស់វិនិយោគនេះ គឺបានចូលរួមយ៉ាងសកម្មចំពោះការអភិវឌ្ឍសេដ្ឋកិច្ច សង្គម ហើយមិនធ្វើឲ្យប៉ះពាល់ដល់ធនធានធម្មជាតិ និងបរិស្ថានឡើយ។
សម្តេច ហ៊ុន សែន បានសំដែងនូវការពេញចិត្ត និងបានវាយតម្លៃខ្ពស់ចំពោះការវិនិយោគរបស់ក្រុមហ៊ុនលោកលើវិស័យអគ្គីសនីនៅកម្ពុជា។ កម្ពុជាត្រូវការថាមពលអគ្គិសនីកាន់តែច្រើនឡើងៗក្នុងការប្រើប្រាស់តាមគេហដ្ឋានទូទៅ និងសម្រាប់ការវិនិយោគរបស់ផ្នែកឯកជន។
សម្តេចបានវាយតម្លៃខ្ពស់ចំពោះគំរោងវិនិយោគវារីអគ្គិសនីសេសាន្តពីរ ហើយកន្លងមក សម្តេចតេជោ ធ្លាប់បានអញ្ជើញទៅពិនិត្យមើលទំបន់វារីអគ្គិសនីនៅខេត្តស្ទឹងត្រែង និងបានឃើញពីការគិតគូរយកចិត្តទុកដាក់ដោះស្រាយនូវបញ្ហាជាច្រើនជូនប្រជាពលរដ្ឋរស់នៅនៅទីនោះរួមមានដូចជា ផ្ទះរស់នៅ ដីធ្លីអភិវឌ្ឍន៍ អណ្តូងទឹក មន្ទីរពេទ្យ និងសាលារៀនជាដើម។
តាមសេចក្ដីរាយការណ៍បានអោយដឹងថាវារីអគ្គិសនីសេសាន្តពីរវិនិយោគក្នុងទឹកប្រាក់ប្រមាណ៨០០លានដុល្លារអាមេរិច៕

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2