vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

មន្ដ្រី៖”ក្រុងប៉ោយប៉ែត ក្លាយជាតំបន់អភិវឌ្ឍន៍និងសេដ្ឋកិច្ចដ៍ធំនៃប្រទេសកម្ពុជាក្រោយសង្គ្រាម”

ខេត្តបន្ទាយមានជ័យ៖ក្រុងប៉ោយប៉ែតនាសម័យសង្គ្រាមជាសមភូមិក្តៅបានក្លាយជាតំបន់អភិវឌ្ឍន៍និងសេដ្ឋកិច្ចដ៍ធំនៃប្រទេសកម្ពុជាលោកនាយឧត្តមសេនីយ៍ ហ៊ីង ប៊ុនហៀង នាយរងខុទ្ទការល័យសម្តេចតេជោ ហ៊ុន សែន លើកឡើងក្នុងពិធីសម្ពោធសមទ្ថិផលវត្តស្ទឹងបទកាលពីថ្ងៃទី០៩ខែឧសភាឆ្នាំ២០១៧នៅវត្តស្ទឹងបទភូមិស្ទឹងបទសង្កាត់ផ្សាកណ្តាលក្រុងសិរីសោភ័ណ។

លោកនាយឧត្តមសេនីយ៍ ហ៊ីង ប៊ុនហៀង បានមានប្រសាសន៍ថា៖បើរំលឹកឡើងវិញនៅក្រុងប៉ោយប៉ែតនាសម័យសង្គ្រាមរវាងទ័ពរដ្ឋាភិបាលនិងទ័ពព្រៃ គឺជាតំបន់សមភូមិក្តៅហើយសំបូរដោយគ្រាប់មីនដែលសេសសល់ពីសម័យសង្គ្រាមត្រូវបានបោះសំអាតមីន។

លោកបានបញ្ជាក់ថា៖”នាពេលសង្គ្រាមនិងបញ្ចប់សង្គ្រាមផ្លូវជាតិលេខ៥ពីក្រុងសិរីសោភ័ណមកស្រុកអូរជ្រៅដែលបំបែកជាក្រុងប៉ោយប៉ែតនាពេលនេះផ្លូវជួបការលំបាក់ទៅមករាប់ម៉ោងទើបដល់ព្រំដែន។ក្រោយសង្គ្រាមត្រូវបានរលត់ក្រោយការដឹកនាំរាជរដ្ឋាភិបាលកម្ពុជាពីសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជាបានអភិវឌ្ឍន៍មានការរីកចម្រើនជារៀងរាល់ថ្ងៃផ្លូវស្អាតទៅមកបានឆាប់រហ័ស”។

លោកនាយឧត្តមសេនីយ៍ ហ៊ីង ប៊ុនហៀង បានបញ្ជាក់ថា៖តំបន់ប៉ោយប៉ែតបានក្លាយជាក្រុងប៉ោយប៉ែតនិងជាតំបន់សេដ្ឋកិច្ចដ៍ធំមួយនៅទឹសពាយ័ព្យនៃប្រទេសកម្ពុជានិងជាច្រកអន្តរជាតិប៉ោយប៉ែតដែលភ្ញៀវទេសចរណ៍ឆ្លងកាត់ពីប្រទេសថៃចូលមកកម្ពុជារាល់ថ្ងៃ៕(ប៊ុន ធឿន)

 

កម្ពុជាបើកវេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧ នៅថ្ងៃនេះ

ភ្នំពេញ៖ វេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧ ក្រោមប្រធានបទស្តីពី «យុវជន បច្ចេកវិទ្យា និងកំណើនលើ ការធានាគុណប្រយោជន៍ផ្នែកប្រជាសាស្រ្ត និងឌីជីថលអាស៊ាន» ។ ដែលកម្ពុជាធ្វើជាម្ចាស់ផ្ទះជាលើកដំបូងបានចាប់ផ្តើមដំណើរការហើយនៅរសៀលថ្ងៃទី១០ខែឧសភានេះ ។
កិច្ចចាប់ផ្តើមនៃវេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧នេះ បានប្រព្រឹត្តិទៅដោយបានរៀបចំជាវេទិកាពិភាក្សាបើកទូលាយមួយ ដែលអនុញ្ញាតឱ្យនិស្សិតសាកលវិទ្យាល័យ និងវិស័យឯកជនមកពីសហគមន៍ធុរកិច្ច ដែលអាចនិយាយភាសាអង់គ្លេស ចូលរួមដោយឥតគិតថ្លៃ ក្រោមប្រធានបទ៖ “ក្តីស្រមៃនៃសមាគមអាស៊ាន” ដែលវេទិកានេះមានការចូលរួមពីវាគ្មិន ជាថ្នាក់ដឹកនាំរដ្ឋាភិបាល និងថ្នាក់ដឹកនាំក្នុងវិស័យឧស្សាហកម្ម ធ្វើឡើងនៅ វិទ្យាស្ថានបច្ចេកវិទ្យាកម្ពុជា ដែលគេស្គាល់ថាសាលាតិចណូ។
ទន្ទឹមគ្នានេះ ពិធីនេះ ក៏មានរៀបចំពិធីបញ្ជាំងភាពយន្តនៅមជ្ឈមណ្ឌលកោះពេជ្យ ដែលជាភាពយន្តដែលឈ្នះរង្វាន់នៅអាស៊ានដឹកនាំដោយផលិតករភាពយន្តបារាំង និងិកម្ពុជាផងដែរ។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះនៅថ្ងៃដំបូង គឺជាកម្មវិធីលំដាប់ថ្នាក់ពិភពលោក ដែលមានការអញ្ជើញចូលរួមពីថ្នាក់ដឹកនាំ ពាណិជ្ជករ និងសាស្ត្រាចារ្យល្បីៗនៅទូទាំងពិភពលោក ដែលនឹងជួបជុំគ្នាដើម្បីពិភាក្សាទៅលើប្រធានបទ “យុវជន បច្ចេកវិទ្យា និងកំណើន”។
លោកបញ្ជាក់ថា ៖”វេទិកាសេដ្ឋកិច្ចពិភពលោកស្តីពី អាស៊ាន ឆ្នាំ២០១៧នេះ បានជួយទាក់ទាញការចាប់អារម្មណ៍កាន់តែច្រើនពីវិនិយោគិនបរទេស ដោយសារក្នុងវេទិកានេះម្ចាស់ក្រុមហ៊ុនឧស្សាហកម្មនិងសហគ្រិន បានជួបផ្ទាល់ជាមួយនឹងថ្នាក់ដឹកនាំរាជរដ្ឋាភិបាលកម្ពុជា និងវិស័យឯកជន ដើម្បីដឹងពីសក្តានុពល និងសេដ្ឋកិច្ចរបស់កម្ពុជាដើម្បីចាប់ផ្តើមនូវធុរកិច្ច”។
លោក Philipp Rosler ប្រធាននៃតំបន់ និងការពាក់ព័ន្ធរដ្ឋាភិបាល និងជាសមាជិកក្រុមប្រឹក្សាភិបាលគ្រប់គ្រង វេទិការសេដ្ឋកិច្ចពិភពលោកបានឲ្យដឹងថា កិច្ចប្រជុំថ្ងៃទី១នេះ ផ្តោតសំខាន់ការចែករំលែកបទពិសោធរបស់យុវជអាស៊ាន ទៅកាន់យុវជនកម្ពុជាស្តីពីបច្ចេកវិទ្យា និងកំណើនលើការធានាគុណប្រយោជន៍ផ្នែកប្រជាសាស្រ្ត និងឌីជីថលអាស៊ាន។
លោកបញ្ជាក់ថា៖ វេទិការនេះ បើកឱកាសឲ្យយុជនកម្ពុជាបានស្វែងយល់ និងស្តាប់អំពីបញ្ហាសំខាន់ៗដែលកំណត់ក្តី សុបិន្តរបស់អាស៊ាន តាមរយៈការប្រើប្រាស់ប្រព័ន្ធឌីជីថល និងបច្ចេកវិទ្យាទំនើបសម្រាប់ធ្វើការងារ និងការវិនិយោគ សេដ្ឋកិច្ចពាណិជ្ជកម្មបែបសកលលោក។
យោងតាម កាលវិភាគនៃកម្មវិធីសម្រាប់ថ្ងៃទី១១ឧសភាស្អែកនេះ ចាប់ពីម៉ោង៨ព្រឹកទៅនិងមានកិច្ចសន្ទនាក្រៅផ្លូវការ ស្តីពីបញ្ហាយុទ្ធសាស្រ្តជាគន្លឹះដែលប៉ះពាល់ដល់តំបន់អាស៊ាន បន្ទាប់មក និងមានកិច្ចប្រជុំ Vedio conference អំពីបញ្ហាប្រឈមរបស់ពិភពលោក ក្នុងយុគសម័យនៅក្នុងល្បឿននៃ ការផ្លាស់ប្តូរដោយសម្លឹងមើលផលប៉ះពាល់ទៅលើអាស៊ីអាគ្នេយ៍ ទស្សនវិស័យសេដ្ឋកិច្ចព្រមទាំងការផ្លាស់ប្តូរគោលនយោបាយភូមិសាស្រ្ត ព្រមទាំងផលប៉ះពាល់បច្ចេកវិទ្យាថ្មីចំពោះតំបន់។
ដោយឡែកនៅរសៀលថ្ងៃទី១១ឧសភាស្អែកនេះ កិច្ចប្រជុំផ្លូវការនឹងចាប់ផ្តើម ក្រោមអធិបតីភាពសម្តេច តេជោហ៊ុនសែន នាយករដ្ឋមន្ត្រីកម្ពុជា នៅសណ្ឋាគាសុខាភ្នំពេញ។
យោងតាមសេចក្តីជូនដំណឹងរបស់ក្រសួងការបរទេស និងសហប្រតិបត្តិការអន្តរជាតិបានឲ្យដឹងថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះ មានអ្នកចូលរួមជិត១ពាន់នាក់ ក្នុងនោះនាយករដ្ឋមន្ត្រីចំនួន៣ប្រទេស គឺនាយករដ្ឋមន្ត្រីប្រទេសហ្វ៊ីលីពីន នាយករដ្ឋមន្ត្រីប្រទេសឡាវ និងនាយករដ្ឋមន្ត្រីប្រទេសវៀតណាម រួមនឹងថ្នាក់ដឹកនាំ ថ្នាក់រដ្ឋមន្ត្រីមកពីប្រទេសអាស៊ាន និងពិភពលោកចំនួន១៨នាក់ទៀត៕

ម្ចាស់កសិដ្ឋានដាំផ្លែផាសិនអះអាងថា៖”បច្ចុប្បន្ននេះផ្លែផាសិនមានទីផ្សារ ល្អខ្លាំងណាស់លក់ដាច់គ្មានសល់”

ខេត្តមណ្ឌលគិរី៖ ក្រូចវល្លិ ឬហៅថាក្រូចផាសិន នាពេលបច្ចុប្បន្ននេះបាននិងកំពុងទទួលការពេញនិយមយ៉ាងខ្លាំង សម្រាប់ ប្រជាពលរដ្ឋនៅប្រទេសកម្ពុជា ក្នុងការយកទៅទទួលទាន ។ ដោយទិន្នផលផ្លែក្រូចវល្លិនេះ គេអាចយកទៅបរិភោគធម្មតា ក៏បាន ឬគេអាចយកទៅធ្វើជាភេសជ្ជៈ និងស្រាក្រឡុក ជាដើម ។ ហើយសម្រាប់ប្រភេទផ្ទៃដីនៅខេត្តមណ្ឌលគិរី គឺបាន អំណោយផលយ៉ាងល្អ ក្នុងការដាំដុះដំណាំក្រូចវល្លិនេះដែរ ដោយបានធ្វើឲ្យកសិករ ដែលដាំដំណាំក្រូចវល្លិកំពុងទទួល ភាពជោគជ័យ ព្រោះតែទិន្នផលក្រូចវល្លិ ត្រូវបានឈ្មួញកាម្មង់ទិញគ្មានសល់ ហើយម្ចាស់ចំការក៏កំពុងខ្វះទិន្នផលសម្រាប់ ផ្គត់ផ្គង់លើទីផ្សារផងដែរ ។
ម្ចាស់ចំការក្រូចវល្លិប្រមាណ០៣ហិកតា នៅភូមិឡៅការ-សង្កាត់សុខដុម-ក្រុងសែនមនោរម្យ លោក សម សុភ័ក្ក្រ បានឲ្យដឹងថា៖” ទិន្នផលផលក្រូចវល្លិ ឬហៅថាក្រូចផាសិន បច្ចុប្បន្ននេះមានទីផ្សារល្អខ្លាំងណាស់ ដោយទិន្នផលក្រូច វល្លិនៅចំការរបស់លោក គឺត្រូវលក់អស់គ្មានសល់ ព្រោះមានឈ្មួញចង់ទទួលទិញច្រើន ។ ហើយផលដំណាំក្រូចវល្លិរបស់ លោកភាគច្រើន គឺបានលក់ទៅឲ្យបណ្ដាផ្សារទំនើបមួយចំនួននៅឯទីក្រុងភ្នំពេញ ប៉ុន្តែផ្គត់ផ្គង់មិនគ្រប់គ្រាន់នោះទេ ព្រោះ តែតម្រូវការទីផ្សារ ត្រូវការទទួលទិញច្រើន ។
លោកបន្តថា៖” បច្ចុប្បន្ននេះដំណាំក្រូចវល្លិនៅចំការរបស់លោក មានប្រមាណ ៣ពាន់គុម្ព គិតទាំងដំណាំចាស់ និងដំណាំទើបដាំ ហើយក្នុង៣ពាន់គុម្ពនោះ មាន២ពាន់គុម្ព កំពុងចេញផ្លែ តែមិនទាន់ បានបេះទេ និងមាន៤០០គុម្ព ទៀតកំពុងទទួលផលហើយ”។ លោកបញ្ជាក់ថា ៖” ក្រូចផាសិនរបស់លោកចំនួន៤០០គុម្ពដែលកំពុងអោយផងនោះ គឺអាចប្រមូលបានផលចន្លោះពី ៥០ទៅ ៦០គីឡូក្រាម ក្នុង០១ថ្ងៃ និងអាចលក់បានជាទូទៅចន្លោះពី៥ពាន់រៀល ទៅ៧ពាន់រៀល ក្នុង០១គីឡូក្រាម ។
ម្ចាស់ចំការរូបនេះឲ្យដឹងទៀតថា ការពង្រីកផ្ទៃដីដាំដុះដំណាំក្រូចវល្លិនេះរហូតដល់៣គុម្ព គឺព្រោះតែតម្រូវការ ទីផ្សារទទួលទិញមានច្រើន ពោលគឺទិន្នផលក្រូចវល្លិនេះពឹងផ្អែកទៅលើទីផ្សារក្នុងស្រុក ធ្វើឲ្យតម្លៃនៅថេរល្អ មិនប្រឈម និងការធ្លាក់ថ្លៃ ដូចទិន្នផលដំណាំដែលពឹងផ្អែកលើទីផ្សារប្រទេសជិតខាងនោះទេ ។ លោក សម សុភ័ក្ក្រ បានលើកឡើង បន្តថា ដំណាំក្រូចវល្លិនេះ មិនពិបាកថែទាំខ្លាំងនោះទេ និងអាចដាំបានគ្រប់រដូវកាលឲ្យតែមានទឹក និងជីធម្មជាតិគ្រប់ គ្រាន់ ហើយចាប់តាំងពីពេលដាំ រហូតទទួលបានផល គឺប្រើពេលវេលាតែ០៧ខែប៉ុណ្ណោះ ប៉ុន្តែដំណាំប្រភេទនេះគឺត្រូវ ថមថយទិន្នផលច្រើន នៅអំឡុងខែមីនា និងខែមេសា ហើយបន្ទាប់ពីនោះ វានឹងចេញផ្លែផ្កាមកច្រើនដូចធម្មតាវិញ ។
ប្រធានមន្ទីរកសិកម្មខេត្តមណ្ឌលគិរី លោក សុង ឃាង បានឲ្យដឹងដែរថា៖ ដំណាំប្រភេទនេះនៅមានចំនួនតិចតួច នៅឡើយក្នុងខេត្តមណ្ឌលគិរី ដោយក្នុងឆ្នាំ២០១៦ ក្រូចផាសិន ក្នុងខេត្តមណ្ឌលគិរី មានចំនួន ៣៥ ហិកតា ហើយ សម្រាប់ឆ្នាំ ២០១៧នេះ កើនឡើង ១៤ សរុបមាន ៤៩ ហិកតា ដំណាំនេះមានដាំនៅក្នុងក្រុងសែនមនោរម្យ ស្រុកអូររាំង ស្រុកពេជ្រាដា និងមានតិចតួចក្នុងស្រុកកែវសីមា ៕

 

អ្នកវិនិយោគកូរ៉េ គ្រោងបង្កើតរោងចក្រកែច្នៃផលិតផលកសិកម្មនៅកម្ពុជា សម្រាប់ធ្វើការនាំចេញ

ភ្នំពេញ៖ ក្រុមអ្នកវិនិយោគកូរ៉េមួយក្រុមបានមកសិក្សាហើយគ្រោងបោះទុនបង្កើត រោងចក្រកែច្នៃផលិត ផលកសិកម្មដូចជាផ្លែស្វាយធូរ៉េននិងផលិតផលផ្សេងៗជាច្រើមមុខទៀតសម្រាប់ធ្វើការនាំចេញទៅកាន់សាធារណរដ្ឋកូរ៉េ។
ក្នុងសិក្ខាសាលាស្ដីពីកាលានុវត្ដភាពនៃការវិនិយោគក្នុងវិស័យកសិឧសហកម្មនៅកម្ពុជា នាព្រឹក ថ្ងៃទី៩ ខែឧសភានេះ នៅសណ្ឋាគារឡឺរ៉ូយ៉ាល់ លោក សុខ ចិន្ដាសោភា រដ្ឋមន្រ្ដីប្រតិភូអម នាយក រដ្ឋមន្រ្ដី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានមានប្រសាសន៍ថា ក្រៅពីការវិនិ យោគក្នុងវិស័យកាត់ដេរ អចលនទ្រព្យ និងវិស័យ សំណង់នោះ បច្ចុប្បន្ននេះ ក្រុមហ៊ុនកូរ៉េ មានបំណងមកវិនិយោគនៅកម្ពុជាលើវិស័យកែច្នៃ ផលិតផលកសិកម្ម ដូចជា ផ្លែស្វាយ ស្រូវ សម្រាប់ធ្វើការនាំចេញ។
លោកបានបន្ដថា៖ គោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥ របស់កម្ពុជាបានកំណត់នូវគោលដៅក្នុងការបង្កើនការនាំចេញទំនិញកែច្នៃកសិកម្មឱ្យបាន១២ភាគរយ នៃ បរិមាណនាំចេញសរុបនៅឆ្នាំ២០២៥ ក្នុងនោះបានដាក់ចេញនូវវិធានការគោលនយោបាយនានាដូចជា ការបង្កើតនូវតំបន់កែច្នៃកសិផល ការបង្កើតមូលនិធិសម្រាប់ជំរុញការអភិវឌ្ឍផលិតផល បច្ចេកទេស កសិផល ការរៀបចំនូវយន្ដការសម្រួលដល់ការនាំចេញ កសិផលកែច្នៃ និងការសិក្សាកំណត់នូវមុខទំនិញ អាទិភាពដែលមានសក្ដានុពលកែច្នៃសម្រាប់ការនាំចេញ។
លោកគីម វ៉ុនជីន ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា បានថ្លែងថា៖” វេទិកានេះ ពិត ជាមានសារៈសំខាន់ណាស់ក្នុងការពង្រឹងកិច្ចសហប្រតិបត្ដិការក្នុងវិស័យកសិកម្មរវាងកម្ពុជា និងសាធារ ណរដ្ឋកូរ៉េ ដែលបានខិតខំប្រឹងប្រែងក្នុងការជំរុញការនាំចេញផ្លែស្វាយកម្ពុជាទៅកាន់ប្រទេសកូរ៉េ ពិសេស បានផ្ដល់នូវលទ្ធភាពឱ្យក្រុមហ៊ុនកូរ៉េនានាស្វែងរកនូវឱកាសធុរកិច្ចថ្មីៗក្នុងវិស័យកសិកម្មនៅកម្ពុជាថែមទៀត”។
លោក Lee Changhoon នាយកប្រតិបត្តិក្រុមហ៊ុន HYUNDAI AGRO CAMBODIA បានឱ្យដឹងថា៖ ការសម្រេចវិនិយោគនៅកម្ពុជានេះ ដោយមើលឃើញថា ស្ថានភាព និងសក្ដានុពលវិនិយោគនៅកម្ពុជា ពិសេសការរីកចម្រើនផ្នែកវិស័យសេដ្ឋកិច្ច ហើយក្រុមហ៊ុនបានវិនិយោគលើវិស័យកសិកម្ម ការដឹកជញ្ចូន ការវេចខ្ចប់ និងការកែច្នៃផលិតផលនាំចេញដូចជាស្វាយ ធូរ៉េន ទៅកាន់សាធារណរដ្ឋកូរ៉េ។
យោងតាមទិន្នន័យរបស់ក្រុមប្រឹក្សាអភិវឌ្ឍន៍កម្ពុជាបានឱ្យដឹងថា គិតត្រឹមខែមីនា ឆ្នាំ២០១៧នេះ ការវិនិយោគកូរ៉េនៅកម្ពុជាមានទឹកប្រាក់សរុបប្រមាណ៤,៥ប៊ីលានដុល្លារអាម៉េរិក ដែលក្នុងនោះ ការ វិយោគក្នុងវិស័យកសិកម្ម និងកសិឧស្សាហកម្ម មានប្រមាណជាង៣០០លានដុល្លារ៕

កម្ពុជារំពឹងថា នឹងអាចទាក់ទាញវិនិយោគិនកាន់តែច្រើនក្នុងការរៀបចំវេទិកាសេដ្ឋកិច្ចពិភពលោកស្តីពីអាស៊ាននៅកម្ពុជា

ភ្នំពេញ៖ រាជរដ្ឋាភិបាលកម្ពុជា អះអាងថា កម្ពុជានឹងអាចទាក់ទាញវិនិយោគិនកាន់តែច្រើនក្នុងការរៀបចំវេទិកាសេដ្ឋកិច្ចពិភពលោកស្តីពីអាស៊ាននៅកម្ពុជា ដោយសារក្នុងវេទិកាដែលកម្ពុជាធ្វើជាម្ចាស់ផ្ទះនៅសប្តាហ៍ក្រោយ ប្រមូលផ្តុំទៅដោយថ្នាក់ដឹកនាំប្រទេស និងអ្នកជំនួញលល្បីៗមកពីជុំវិញពិភពលោក។
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ក្នុងតួនាទីជាប្រធានគណៈកម្មាធិការអន្តរក្រសួងរៀបចំកិច្ចប្រជុំវេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ មានប្រសាសន៍ថា៖” វេទិកាសេដ្ឋកិច្ចពិភពលោកស្តីពីអាស៊ាន ដែលកម្ពុជាទទួលធ្វើជាម្ចាស់ផ្ទះនៅសប្តាហ៍ក្រោយនេះ នឹងនាំមកនូវផលប្រយោជន៍យ៉ាងច្រើនសម្រាប់កម្ពុជា”។
ថ្លែងក្នុងសន្និសីទសារព័ត៌មានឆ្ពោះទៅរៀបចំវេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ នៅកម្ពុជា ដែលធ្វើនៅទីស្តីការក្រសួងក្រសួងសាធារណការ និងដឹកជញ្ជូន នាព្រឹកថ្ងៃទី៣ ខែឧសភានេះលោក ទេសរដ្ឋមន្ត្រី ស៊ុន ចាន់ថុល បានបញ្ជាក់ថា៖” ជំនួបកំពូលដែលប្រជុំដោយថ្នាក់ ដឹកនាំ និងអ្នកជំនាញផ្នែកសេដ្ឋកិច្ចមកពី ក្នុងតំបន់ និងពិភពលោកនេះ គឺជាឱកាសសម្រាប់កម្ពុជា បង្ហាញសក្តានុពលដែលខ្លួនមានដូចជា៖ ស្ថិរភាពសេដ្ឋកិច្ច ការវិនិយោគ វប្បធម៌ ទេសចរណ៍ ជាដើម ទៅដល់អ្នកចូលរួមទាំងនោះ”។
លោកកៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា៖” វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧នេះ គឺជាកម្មវិធីលំដាប់ថ្នាក់ពិភពលោក ដែលមានការអញ្ជើញចូលរួមពីថ្នាក់ដឹកនាំ ពាណិជ្ជករ និងសា
ស្ត្រាចារ្យល្បីៗនៅទូទាំងពិភពលោក ដែលនឹងជួបជុំគ្នាដើម្បីពិភាក្សាទៅលើប្រធានបទ “យុវជន បច្ចេកវិទ្យា និងកំណើន”។
លោក មានប្រសាសន៍ថា៖” វេទិកាសេដ្ឋកិច្ចពិភពលោកស្តីពីអាស៊ានឆ្នាំនេះ គឺជាសញ្ញាប្រាប់ថា ប្រទេសកម្ពុជាបានបើកទ្វាររបស់ខ្លួនសម្រាប់អាជីវកម្មកម្រិតកំពូល”។
លោក សែន សីលា ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសាសន៍ថា ៖”អ្នកចូលរួមវេទិកាសេដ្ឋកិច្ចនេះមានឱកាសបង្កើតភាពជាដៃគូ និងដើរតួនាទីយ៉ាងសំខាន់ក្នុងការបង្កើតគំនិតផ្តួចផ្តើមដែលរួមចំណែកដល់ការអភិវឌ្ឍនៅក្នុងតំបន់”។
ពិសេសកម្ពុជានឹងទាក់ទាញការចាប់អារម្មណ៍កាន់តែច្រើនពីវិនិយោគិនបរទេស ដោយសារក្នុងវេទិកានេះ ម្ចាស់ក្រុមហ៊ុនឧស្សាហកម្ម និងសហគ្រិន បានជួបផ្ទាល់ជាមួយនឹងថ្នាក់ដឹកនាំរាជរដ្ឋាភិបាលកម្ពុជា និងវិស័យឯកជន ដើម្បីដឹងពីសក្តានុពល និងសេដ្ឋកិច្ចរបស់កម្ពុជាដើម្បីចាប់ផ្តើមនូវធុរកិច្ច។
សូមបញ្ជាក់ថា វេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ ដែលកម្ពុជាទទួលធ្វើជាម្ចាស់ផ្ទះនេះ នឹងចាប់ផ្តើមឡើងពីថ្ងៃទី១០ ដល់១២ ខែឧសភាសប្តាហ៍ក្រោយនេះ ដោយរំពឹងថា មានអ្នកចូលរួមជិត១ពាន់នាក់ ក្នុងនោះនាយករដ្ឋមន្ត្រីចំនួន៣ប្រទេស គឺប្រធានាធិបតីប្រទេសហ្វ៊ីលីពីន នាយករដ្ឋមន្ត្រីប្រទេសឡាវ និងនាយករដ្ឋមន្ត្រីប្រទេសវៀតណាម រួមនឹងថ្នាក់ដឹកនាំ ថ្នាក់រដ្ឋមន្ត្រីមកពីប្រទេសអាស៊ាន និងពិភពលោកចំនួន១៨នាក់ទៀត គឺជាដៃគូដ៏សំខាន់ក្នុងការជជែកពិភាក្សាជាមួយសម្តេច ហ៊ុន សែន នាយករដ្ឋមន្ត្រីកម្ពុជា៕

ចំណូលអង្គរវត្ដទទួលបានជិត៤០លានដុល្លារនិងទេសចរជិត១០ម៉ឺននាក់

ភ្នំពេញ ៖បើយោងតាមសេចក្តីប្រកាសព័ត៌មាន របស់គ្រឹះស្ថានអង្គរបានផ្សាយនៅថ្ងៃថ្ងៃទី១ ខែឧសភា ឆ្នាំ២០១៧បានអោយដឹងថា៖ “ក្នុងរយៈពេល៤ខែ ដើមឆ្នាំ២០១៧នេះ រមណីយដ្ឋានប្រាសាទអង្គរវត្ត បានទទួលភ្ញៀវទេសចរណ៍ ចូលទស្សនា ៩៤៥,៣៦៦នាក់ និងទទួលបានចំណូល ៣៩,២លានដុល្លារ កើនឡើង៦០,២១ភាគរយ បើធៀបទៅនឹងឆ្នាំ២០១៦។ ក្នុងរយៈពេល១ខែមេសាវិញ ភ្ញៀវទេសចរណ៍ចូលទស្សនាកម្សាន្ត មាន១៨១,២២០នាក់ ហើយចំណូលទទួលបាន ៨,៣៩៦,៧៣៥ដុល្លារ៕
ចាប់ពីថ្ងៃទី ១ ខែកុម្ភ: ឆ្នាំ ២០១៦ សំបុត្រចូលទស្សនារមណីយដ្ឋានអង្គរវត្ត នឹងកែប្រែតម្លៃថ្មី គឺឡើងដល់ ៣៧ដុល្លារអាមេរិក សម្រាប់ចូលទស្សនា ១ថ្ងៃ ដោយរាល់ការទិញសំបុត្រទាំងអស់ គឺកាត់ ២ដុល្លារអាមេរិក សម្រាប់ចូលមូលនិធិមន្ទីរពេទ្យគន្ធបុប្ផា។
រាជរដ្ឋាភិបាល បានធ្វើការកែសម្រួល តម្លៃសំបុត្រចូលទស្សនារមនីយដ្ឋានអង្គរ សម្រាប់ជនបរទេសនេះ គឺដើម្បីរក្សាតម្លៃសំបុត្រ ចូលទស្សនាអង្គរឲ្យ មាននិរន្តរភាព ដោយហេតុផលថា តម្លៃបណ្ណថ្មី ៣៧ដុល្លារអាមេរិក គឺនៅទាបជាង តម្លៃសំបុត្រ ២០ដុល្លារអាមេរិក ដែលបានអនុវត្តន៍ កាលពី ២០ឆ្នាំមុន រហូតមកដល់ពេលនេះ។
មួយវិញទៀត អង្គរ ជាសម្បត្តិបេតិកភណ្ឌជាតិ ជាបេតិកភណ្ឌវប្បធម៌ ដ៏អស្ចារ្យនៅលើពិភពលោក ជាគោលដៅទេសចរណ៍ដ៏ធំ មានប្រាង្គប្រាសាទជាច្រើន ដែលមានវិសាលភាពធំធេង និងមានតម្លៃ មហាសាល ចំពោះការកែសម្រួលថ្លៃនេះ មិនជាឧបសគ្គ ឬជាកង្វល់នោះទេ ។
គួរបញ្ជាក់ដែរថា លោក ថោង ខុន រដ្ឋមន្ត្រីក្រសួងទេសចរណ៍ ក៏រំពឹងថា ចំនួនភ្ញៀវមកទស្សនាអង្គរ មិនថមថយនោះទេ បើទោះជាឡើងថ្លៃក្តី៕

រាជរដ្ឋាភិបាលគ្រោងស្ថាបនាស្ពានថ្មីចំនួន៣កន្លែងសម្រាប់ឆ្លងកាត់ទន្លេមេគង្គ

ភ្នំពេញ: រាជរដ្ឋាភិបាលគ្រោងស្ថាបនាស្ពានថ្មីចំនួន៣កន្លែងសម្រាប់ឆ្លងកាត់ទន្លេមេគង្គពីតំបន់ជ្រោយចង្វារ ភ្ជាប់ទៅតំបន់កោះដាច់ អរិយក្សត្រ និងភ្ជាប់ទៅផ្លូវជាតិលេខ១ ដើម្បីបង្កើនភាពងាយស្រួលដល់ ប្រជាពលរដ្ឋក្នុងការធ្វើដំណើរឲ្យកាន់តែប្រសើរ
ក្នុងពិធីសម្ពោធសម្ធិផលនានាក្នុងសង្កាត់កោះដាច់នៅព្រឹកថ្ងៃទី ១ ខែឧសភានេះ លោកប៉ា សុជាតិវង្ស អភិបាលរាជធានីភ្នំពេញបានឲ្យដឹងថា ក្រុមអ្នកជំនាញបានចាប់ផ្តើមសិក្សាហើយដោយគ្រោងឈានទៅស្ថាបនាស្ពានឆ្លងកាត់ពីតំបន់ជ្រោយចង្វាឆ្ពោះតំបន់កោះដាច់ អភរិក្សត្រ និងភ្ជាប់ទៅផ្លូវជាតិលេខ១ ដើម្បីបង្កើតជាផ្លូវខ្សែក្រវ៉ាត់ក្រុងភាគខាងកើតរាជធានីភ្នំពេញ ពីផ្លូវជាតិលេខ៦ ឆ្ពោះទៅផ្លូវជាលេខ១។
លោកអភិបាលរាជធានីបានបញ្ជាក់ថា គម្រោងផ្លូវក្រវ៉ាត់ក្រុងភាគខាងកើតនេះនឹងជួយកាត់បន្ថយបញ្ហាចរាចរណ៍មួយផ្នែកធំចូលទៅក្នុងទីក្រុងដោយឆ្ពោះទៅផ្លូវជាលេខមួយ។
លោកបានបញ្ជាក់ថា ៖គម្រោងនេះគឺបានដោះស្រាយការលំបាកជូនប្រជាពលរដ្ឋក្នុងតំបន់កោះដាចបានយ៉ាងច្រើន ខណៈដែលបច្ចុប្បន្នប្រជាពលរដ្ឋក្នុងតំបន់នេះត្រូវប្រើមធ្យោបាយឆ្លងទូកដរ ដើម្បីធ្វើដំណើរពីត្រើយម្ខាងទៅត្រើយម្ខាងទៀត។
លោកបន្ថែមថា៖ អាជ្ញាធរប្តេជ្ញាអនុវត្តគម្រោងនេះឲ្យបាន ដើម្បីដោះស្រាយការលំបាករបស់ប្រជាពលរដ្ឋ ហើយដើម្បីអោយតំបន់នេះកាន់តែមានការអភិវឌ្ឍ ដោយសារតែតំបន់កោះដាច់ ជាតំបន់ទាក់ទាញទេសចរណ៍មួយប្រចាំរាជធានីភ្នំពេញ។
អ្នកស្រី តែម វណ្ណា ជាប្រជាពលរដ្ឋក្នុងតំបន់កោះដាច់បានស្វាគមន៍ចំពោះគម្រោងស្ថាបនាស្ពានឆ្លងកាត់ទន្លេគង្គពីតំបន់ជ្រោយចង្វារឆ្ពោះមកតំបន់កោះដាច់នេះ ថានឹងធ្វើអោយជីវភាព របស់ពួកគាត់កាន់តែមានការរីកចំរើន តាមរយៈមានស្ពានឆ្លងកាត់ធ្វើដំណើរបានលឿន និងកាត់បន្ថយការចំណាយសេវាជិះទូកដរជាដើម។ អ្នកស្រីបានអំពាវនាវឲ្យរាជរដ្ឋាភិបាល អនុវត្តគម្រោងស្ថាបនានេះឲ្យបានកាត់តែឆាប់គឺកាន់តែល្អ ហើយនឹងបានប្រែក្លាយតំបន់នេះកាន់តែមានការអភិវឌ្ឍនិងកាត់បន្ថយភាពក្រីក្ររបស់ប្រជាពលរដ្ឋ។
សូមបញ្ជាក់ថា ការប្រកាសរបស់អភិបាលរាជធានីភ្នំពេញពីគម្រោងស្ថាបនាផ្លូវក្រវ៉ាត់ក្រុងភាគខាងកើតនេះ បានធ្វើឡើងបន្ទាប់ពីអាជ្ញាធររាជធានីភ្នំពេញបានស្ថាបនាគម្រោងផ្លូវក្រវ៉ាត់ក្រុងទី៤រួចរាល់ ពីផ្លូវជាតិលេខ៥តាមផ្លូវកប់ស្រូវឆ្ពោះទៅស្ពានព្រែកសំរោងក្រុងតាខ្មៅ ហើយឆ្ពោះទៅផ្លូវជាតិលេខ១៕

រដ្ឋមន្ដ្រី៖រដ្ឋាភិបាលគ្រោងវិនិយោគ២០០លានដុល្លារអាមេរិចដើម្បីពង្រីកកំពង់ផែរក្រុងព្រះសីហនុ

ខេត្តព្រះសីហនុ៖រដ្ឋមន្ដ្រីសាធារណៈការកម្ពុជាលោកស៊ុនចាន់ថុលបានអោយដឹងថា៖”រដ្ឋាភិបាលគ្រោងវិនិយោគ២០០លានដុល្លារអាមេរិចដើម្បីពង្រីកកំពង់ផែរក្រុងព្រះសីហនុក្នុង២០២២ក្នុងគោលបំណងអោយកំពង់ផែរមានលទ្ឋភាពខ្ពស់”។
លោកបានលើកឡើងក្នុងពិធីសំនេះសំណាលជាមួយ កម្មករនិងនិយោជិតនៃកំពង់ផែស្វយ័ត ក្រុង ព្រះសីហនុ នាឱកាសអបអរសាទរខួបលើកទី១៣១នៃទិវាពលកម្មអន្តរជាតិ១ឧសភា ខេត្តព្រះសីហនុៈ ជាមួយមន្ត្រីរាជការបុក្គលិក និយោជិត កម្មករ កំពង់ផែស្វយ័តក្រុងព្រះសីហនុ ប្រមាណជាង១ពាន់នាក់ នៅក្នុងឱកាសនៃទិវាពលកម្មអន្តរជាតិ១ឧភាខួបលើកទី១៣១នៅថ្ងៃទី១ឧសភា។ ពិធីនេះចូលរួមដោយលោកប៊ិន ឈិន ឧបនាយករដ្ឋមន្ត្រីនិងជារដ្ឋមន្រ្តីស្តីទីទទួលបន្ទុកទីស្តីការគណៈរដ្ឋមន្ត្រី តំណាងដ៍ខ្ពង់ ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការនិងដឹកជញ្ជូនបានឲ្យដឹងថា៖” កំពង់ផែមានការអភិវឌ្ឍន៍មកដល់ពេលនេះគឺក្រោយពីប្រទេសជាតិទទួលបាននូវសុខសន្តិភាពពេលលេញ ក្រោមការដឹកនាំដ៍ឈ្លាសវៃរបស់សម្តេចតេជោ នាយករដ្ឋមន្ត្រីបានធ្វើអោយកំពង់ផែស្វយ័តក្រុងព្រះសីហនុ មានលទ្ធភាពអភិវឌ្ឍន៍ និងពង្រីកសមត្ថភាពរបស់ខ្លួនជាបន្តបន្តាប់”។ ហើយបច្ចុប្បន្ននេះ កំពង់ផែស្វយ័តក្រុងព្រះសីហនុទទួលបានប្រាក់កម្ចីពីរាជរដ្ឋាភិបាលជប៉ុន តាមរយៈភា្នក់ងារ JICAរបស់ជប៉ុន ប្រមាណ ១៧៨.៦លានដុល្លាអាមេរិចនិងវិនិយោគថវិកាកំពង់ផែផ្ទាល់ចំនួន២២លានដុល្លាអាមេរិកផងដែរ។
លោកបានបន្តថា៖” ផ្អែកលើអត្រាកំណើនសេដ្ឋកិច្ចរបស់ប្រទេសជាតិកម្ពុជា ប្រកបដោយស្ថេរភាពនិងរឹងមាំ ក្នុងរង្វង់ជាមធ្យម ៧ភាគរយ ប្រចាំឆ្នាំបានធ្វើអោយបរិមាណកុងតេន័រឆ្លងកាត់កំពង់ផែកើនឡើង ជារៀងរាល់ឆ្នាំ ជាក់ស្តែងឆ្នាំ២០១៤ កើនជាង១៦ភាគរយ ឆ្នាំ២០១៥ កើនជាង១៧ភាគរយ និងឆ្នាំ២០១៦មានការកើនឡើងជាង៣ភាគរយ។ដូចនេះដើម្បីឆ្លើយតបនឹងកំណើននេះនៅឆ្នាំ២០២២កំពង់ផែស្វយ័តក្រុងព្រះសីនុ ត្រៀមសាងសង់ចំណតផែកុងតេន័រប្រវែង ៣៥០ម៉ែតជម្រៅទឹក ១៤.៥ម៉ែត និងបំពាក់ដោយមធ្យោបាយគ្រឿងចក្រទំនើបៗដែលគ្រោងចំណាយថវិការប្រមាណ២០០លានដុល្លារអាមេរិក”។
ដោយឡែកលោកប៊ិន ឈិន ឧបនាយករដ្ឋមន្ត្រីនិងជារដ្ឋមន្ត្រីស្តីទីទទួលបន្ទុកទីស្តីការគណៈរដ្ឋមន្ត្រីបានមានមតិសំណេះសំណាលជាមួយមន្ត្រីរាជការនិយោជិត បុក្គលិកកម្មករកំពង់ផែក្នុងទិវាពលកម្មអន្តរជាតិ១ឧសភាលើកទី១៣១ដោយលើកឡើងថា ថ្ងៃទី១ឧសភាគឺជាទីវាប្រវត្តិសាស្ត្ររបស់ពិភពលោកដែលប្រារព្វឡើង ដើម្បីរំលឹកឡើងវិញពីភាពជោគជ័យរបស់ពលករកាលពី១៣១ឆ្នាំ ដែលបានទាមទារអោយមានការទទួលស្គាល់តម្លៃនៃពលកម្មនិងគោរពតាមលក្ខខណ្ឌស្មើភាព ក្នុងការប្រកបការងារគ្រប់ប្រភេទដោគ្មានការរើសអើង។
ចំពោះប្រទេសកម្ពុជាចាប់តាំងពីថ្ងៃរំដោះ៧មករាឆ្នាំ៧៩មករាជរដ្ឋាភិបាលបានប្រារព្វទិវាពលកម្មអន្តរជាតិ ជារៀងរាល់ថ្ងៃទី១ខែឧសភាដែលជាថ្ងៃបុណ្យការងាររបស់ប្រជាពលករ និង ជាថ្ងៃឈប់សម្រាករបស់មន្ត្រីរាជការ និងកម្មករ និយោជិតទាំងអស់ ដែលនេះជាការបញ្ជាក់យ៉ាងច្បាស់ អំពីការយកចិត្តទុកដាក់របស់រាជរដ្ឋាភិបាល កំពោះកម្មករនិយោជិត និងអង្គការសហជីពទាំអស់នៅកម្ពុជា។
លោក ឧបនាយករដ្ឋមន្រ្តីបានបន្តថា នាពេលបច្ចុប្បន្ននេះរាជរដ្ឋាភិបាលបាននឹងកំពុងពង្រឹងការអនុវត្តច្បាប់ស្តីពីការងារនិងអនុសញ្ញាអន្តរជាតិខាងការងារយ៉ាងខ្ជាប់ខ្ជួនព្រមទាំងបានបង្កើតនូវយន្តការជាច្រើនដើម្បីលើកកម្ពស់ទំនាក់ទំនងវិជ្ជាជីវៈ អោយមានភាពកាន់តែប្រសើឡើង ។
ជាពិសេសរាជរដ្ឋាភិបាលតែងតែបានយកចិត្តទុកដាក់លើជីវភាពរស់នៅរបស់បងប្អូនពលករយើង ដូចជាបានដំឡើងប្រាក់ឈ្នួលអប្បបរិមា ជាបន្តបន្ទាប់នាពេលកន្លងមក ព្រមទាំងបានផ្តល់នូវសំណាញ់សុវត្ថិភាពសង្គមជូនដល់កម្មករ កម្មការនី និង យុវជន យុវនារី ដែលបានបាត់បង់ និងគ្មានការងារធ្វើ តាមរយៈមូលនិធិពិសេសជាដើមផងដែរ៕

 

កំពង់ផែស្វយ័តក្រុងព្រះសីហនុលក់ភាគហ៊ុន

ភ្នំពេញ៖ក្រុមហ៊ុន ភ្នំពេញស៊ីឃ្យួរឹធី ជាភ្នាក់ងារលក់ជាផ្លូវការរបស់ កំពង់ផែស្វយ័តក្រុងព្រះសីហនុ (PAS) បានប្រកាសថា៖
កំពង់ផែស្វយ័តក្រុងព្រះសីហនុ (PAS) ចាប់ផ្តើមធ្វើការស្ទាបស្ទង់ថ្លៃភាគហ៊ុនរបស់ខ្លួនជាសាធារណៈ ដោយ 1ហ៊ុន តម្លៃ 0,88$ ទៅ 1,29$។នេះបើតាមការប្រកាសរបស់ក្រុមហ៊ុន។
ប្រភពបានបន្ដថា៖លោកអ្នកអាចចាប់ផ្តើមវិនិយោគចាប់ពី 1000 ហ៊ុនឡើងទៅ ដោយគ្រាន់តែកក់ 10% នៃទំហំទឹកប្រាក់វិនិយោគ។ក្រុមហ៊ុនក៏នឹងប្រើប្រាស់លុយនេះដើម្បីទិញឧបករណ៍ទំនើបៗបន្ថែមទៀតដើម្បីបង្កើនផលិតភាពរបស់ខ្លួន ដែលតម្លៃសរុបនៃផែនការអភិវឌ្ឍន៍របស់ PAS នេះត្រូវបានប៉ាន់ប្រមាណថាមានតម្លៃប្រហែល ២៦,៦ លានដុល្លារ។PAS គឺជាសហគ្រាសគ្រប់គ្រងដោយរដ្ឋ ដែលមានទំនាក់ទំនងដោយផ្ទាល់នឹងកំណើនដ៏រឹងមាំនៃសេដ្ឋកិច្ចរបស់កម្ពុជា។ ការធានាភាគលាភៈ អប្បបរមា 5% នៃតម្លៃបោះផ្សាយក្នុងរយៈពេល3ឆ្នាំបន្ទាប់។ ប្រសិនអ្នកវិនិយោគ ចង់ទីញហ៊ុនរបស់ PAS ឬ
ចង់បានព័ត៌មានបន្ថែម អាចទំនាក់ទំនង PPS
023 886 555/078 85 9590/015 56 6571/016 626167

 

កម្ពុជាកាត់បន្ថយការទិញថាមពលអគ្គិសនីពីប្រទេសជិតខាង ដោយនៅសល់តែ២០ភាគរយប៉ុណ្ណោះ

ភ្នំពេញ ៖លោក កែវ រតនៈ ប្រតិភូរាជរដ្ឋាភិបាលទទួលបន្ទុក ជាអគ្គនាយកអគ្គិសនីកម្ពុជា បានលើកឡើងថា ប្រទេសកម្ពុជា បានកាត់បន្ថយការនាំចូលថាមពល អគ្គិសនីយ៉ាងច្រើន ពីប្រទេសឡាវ ថៃ និងប្រទេសវៀតណាម ដោយបច្ចុប្បន្ននៅសល់ប្រមាណជាង ២០ភាគរយប៉ុណ្ណោះ។
ក្នុងពិធីចុះហត្ថលេខាជាមួយក្រុមហ៊ុន General Electric ស្ដីពីការបង្កើតរោងចក្រ ផលិតថាមពលអគ្គិសនី ដើរដោយធ្យូងថ្មនៅកម្ពុជា នាព្រឹកថ្ងៃទី២៦ខែមេសាឆ្នាំ២០១៧ នៅស្ថានទូតសហរដ្ឋអាមេរិកប្រចាំកម្ពុជា។លោកកែវ រតនៈ បានបញ្ជាក់ថា កាលពី ឆ្នាំ២០០៩ និង ឆ្នាំ២០១០ កម្ពុជានាំចូលថាមពលពីប្រទេសវៀតណាម ថៃ ឡាវ ច្រើនរហូត ដល់៨០ភាគរយ ហើយដោយសារតែខិតខំប្រឹងប្រែងអភិវឌ្ឍន៍របស់រាជរដ្ឋភិបាល កម្ពុជា ក្នុងការផលិតថាមពលអគ្គិសនីដោយខ្លួនឯង។
លោកបានបន្ដថា៖” បច្ចុប្បន្ននេះ មានខ្សែភ្លើងដល់ណា មានភ្លើងដល់ទីនោះ និងមិនខ្វះភ្លើងប្រើប្រាស់ទៀតទេ ឥឡូវនេះកម្ពុជាបានបន្ថយ យកភ្លើងពីប្រទេសជិតខាង នៅសល់២០ភាគរយ”។
លោកបានបន្តទៀតថា៖ កម្ពុជាបានអភិវឌ្ឍន៍ ថាមពលអគ្គិសនី ដោយបានបង្កើត អគ្គិសនីនៅទូទាំងប្រទេស និងផែនការវិនិយោគនៅឆ្នាំ២០៣០ របស់រាជរដ្ឋាភិបាល ដើម្បីធានាឱ្យមានថាមពលអគ្គិសនី ប្រើប្រាស់គ្រប់កន្លែង។
ជាមួយគ្នានេះកម្ពុជានឹងមាន គម្រោងបង្កើតវារីអគ្គិសនី៤០០MW នៅតំបន់សេសាន ក្នុងឆ្នាំ២០១៨និងបន្ថែមរោងចក្រ អគ្គិសនីដើរដោយធ្បូងថ្ម ១៣៥ MW នៅខេត្តព្រះសីហនុ ដើម្បីទប់ទល់ការប្រើប្រាស់ អគ្គិសនីនៅរដូវប្រាំង។លោក វ៉ិចទ័រ ហ្សូណា អគ្គនាយកនៃក្រសួងរ៉ែ និងថាមពល បានឱ្យដឹងថា កម្ពុជា បានរៀបចំផែនការមេ និងធ្វើការអភិវឌ្ឍរហូតដល់ឆ្នាំ២០៣០ ដែលតាមការសិក្សានឹងមាន តម្រូវការកើនឡើង ៤០០០មេកាវ៉ាត់ រួមមានផែនការផលិតកម្ម និងផែនការតខ្សែបញ្ជូន។
សូមបញ្ជាក់ថា នៅឆ្នាំ២០២០ខាងមុខ នឹងតខ្សែមេ ឱ្យគ្រប់ខេត្ត-ក្រុងទាំង២៥ និង អភិវឌ្ឍន៍ឱ្យចប់សព្វគ្រប់ ហើយអគ្គិសនីកម្ពុជា និងអគ្គិសនីឯកជន បានខិតខំប្រឹងប្រែង តខ្សែមេតាមបណ្ដាខេត្តនានា និងផ្ដល់ជូន ពលរដ្ឋឱ្យបាន១០០០០ ភូមិ ដើម្បីឱ្យពួកគាត់ បានប្រើប្រាស់ថាមពលអគ្គិសនី១០០ភាគរយ៕អត្ថបទដើមពីអេគេភី

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

GreenICT Technology Co., Ltd

gps-new

verte2