vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

ចិននិងរុស្ស៊ីចាប់ផ្តើមសមយុទ្ធកងទ័ពជើងទឹកដំណាក់កាលទីពីរក្បែរកូរ៉េខាងជើង

ចិន៖ប្រទេសចិននិងរុស្ស៊ីបានចាប់ផ្តើមសមយុទ្ធកងទ័ពជើងទឹកនៅចុងភាគខាងកើតកំពង់ផែ Vladivostok ក្បែរព្រំដែនរុស្ស៊ី-កូរ៉េខាងជើង ខណៈឧបទ្វីបកូរ៉េកំពុងមានភាពតានតឹង។ទូរទស្សន៍រដ្ឋចិនស៊ីស៊ីធីវី បានបង្ហាញរូបភាពវីដេអូស្តីពីនាវាចម្បាំងរបស់ប្រទេសចិនធ្វើដំណើរទៅដល់កំពុងផែ Vladivostok កាលពីព្រឹកម្សិលមិញ ហើយបានចាប់ផ្តើមសមយុទ្ធរួមគ្នានៅដំណាក់កាលទីពីររវាងកងទ័ពជើងទឹករុស្ស៊ីនិងកងទ័ពជើងទឹកចិនសម្រាប់ឆ្នាំនេះ។
សមយុទ្ធរួមគ្នានេះ ដែលធ្វើឡើងស្របពេលឧបទ្វីបកូរ៉េកំពុងមានភាពតានតឹងនោះ នឹងបន្តរហូតដល់ថ្ងៃទី២៦ ខែកញ្ញានេះ។
សមយុទ្ធនេះ ធ្វើឡើងនៅចន្លោះឈូងសមុទ្រ Peter the Great Bay ក្បែរកំពុងផែ Vladivostok និងតំបន់ភាគខាងជើងនៃសមុទ្រ Okhotsk ដែលស្ថិតនៅភាគខាងជើងប្រទេសជប៉ុន នេះបើយោងតាមទីភ្នាក់ងារព័ត៌មាន Xinhua ដែលគ្រប់គ្រងដោយរដ្ឋាភិបាលចិន។សូមបញ្ជាក់ថា សមយុទ្ធរួមគ្នាដំណក់កាលដំបូងរវាងកងទ័ពជើងទឹករុស្ស៊ីនិងកងទ័ពជើងទឹកចិនធ្វើឡើងនៅក្នុងតំបន់ Baltic កាលពីខែកក្កដា៕ ស៊ុយឈាង

 

 

លោកស្រី អ៊ុង សានស៊ូជីនៅតែមានប្រជាប្រិយភាពខ្លាំងបើទោះបីមានវិបត្តិជនភៀសខ្លួនរ៉ូហីងយ៉ា

មីយ៉ាន់ម៉ា៖ ទោះបីជារងការរិះគន់និងថ្កោលទោសពីសហគមន៍អន្តរជាតិជុំវិញវិបត្តិជនភៀសខ្លួនរ៉ូហីងយ៉ាដែលកំពុងរងការធ្វើទុកបុកម្នេញនៅក្នុងរដ្ឋ Rakhine ក៏ដោយ តែលោកស្រី អ៊ុង សានស៊ូជី នៅតែមានប្រជាប្រិយភាពខ្លាំងនៅក្នុងប្រទេសមីយ៉ាន់ម៉ាដដែល។

វាមានរយៈពេលពីរឆ្នាំមកហើយចាប់តាំងពីលោកស្រីអ៊ុង សានស៊ូជី បានឈ្នះនៅក្នុងបោះឆ្នោតដែលត្រួសត្រាយផ្លូវឲ្យគណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រីបានឡើងកាន់អំណាច ប៉ុន្តែអាវយឺតនិងវត្ថុផ្សេងៗដែលមានរូបលោកស្រីនៅតែមានដាក់លក់យ៉ាងព្រោងព្រាតទូទាំងប្រទេសមីយ៉ានម៉ាទោះជាក្នុងពេលបច្ចុប្បន្នលោកស្រីកំពុងរងការរិះ គន់ យ៉ាងខ្លាំងក៏ដោយ។
ការវាយប្រហារដោយក្រុមកងជីវពលរ៉ូហីងយ៉ាលើប៉ុស្តិ៍នគរបាលកាលពីខែមុន បានធ្វើឲ្យយោធាមីយ៉ាន់ម៉ាបើកប្រតិបត្តិការបង្ក្រាបយ៉ាងចាស់ដៃដោយបណ្តាលឲ្យមនុស្សជាង៤០០នាក់បានបាត់បង់ជីវិត ផ្ទះជាង១ម៉ឺនខ្នងត្រូវបានបំផ្លាញ និងធ្វើឲ្យជនជាតិភាគតិចរ៉ូហីងយ៉ាប្រមាណ៤០ម៉ឺននាក់ត្រូវភៀសខ្លួនទៅប្រទេសបង់ក្លាដែស។ស្របពេលការបង្ក្រាបរបស់យោធា ត្រូវបានអង្គការសហប្រជាជាតិចាត់ទុកថា ជាការបោសសម្អាតជាតិសាសន៍នោះ មជ្ឈដ្ឋានជាច្រើននៅមីយ៉ាន់ម៉ាបានចេញមកសំដែងការសោកស្តាយចំពោះសេចក្តីរាយការណ៍ព័ត៌មានរបស់ប្រព័ន្ធផ្សព្វផ្សាយអន្តរជាតិដែលលម្អៀងទៅរកជនជាតិភាគតិចរ៉ូហីងយ៉ា។
លោកស្រី អ៊ុង សានស៊ូជី ដែលមានតួនាទីជាទីប្រឹក្សារដ្ឋ និងជារដ្ឋមន្ត្រីក្រសួងការបរទេសនោះ បានចាត់ទុក “ក្រុមកងជីវពលរ៉ូហីងយ៉ា” ថា ជាក្រុមភេរវករដែលបង្កឲ្យមានការផ្សាយពត៌មានមិនពិត។លោក Lai Lone អាយុ ៣១ឆ្នាំ ដែលជាអ្នកបង្កើតគំនូជីវចលរៀបរាប់ពីលោកស្រី អ៊ុង សានស៊ូជី បាននិយាយថា អ្វីដែលគាត់បង្កើតឡើងគឺចង់បង្ហាញឲ្យឃើញថា ប្រសិនបើសោកស្រីអ៊ុង សានស៊ូជី និយាយអ្វីខុស វានឹងបង្កបញ្ហាធំដល់ពលរដ្ឋគ្រប់រូប ហេតុដូច្នេះមុននឹងធ្វើអ្វីមួយ លោកស្រីត្រូវគិតគូរឲ្យបានល្អិតល្អន់ជាមុនសិន៕ ស៊ុយឈាង

 

សហរដ្ឋអាមេរិកនិងកូរ៉េខាងត្បូងធ្វើសមយុទ្ធទម្លាក់គ្រាប់ពីលើឧបទ្វីបកូរ៉េ

កូរ៉េខាងត្បូង៖ យោធាសហរដ្ឋអាមេរិកបញ្ចេញយន្តហោះទម្លាក់គ្រាប់ B-1B bombersចំនួនពីរគ្រឿង និងយន្តហោះចម្បាំង F-35 ចំនួនបួនគ្រឿងដើម្បីធ្វើសមយុទ្ធទម្លាក់គ្រាប់រួមគ្នាជាមួយភាគីកូរ៉េខាងត្បូងពីលើឧបទ្វីបកូរ៉េ។
យោងតាមមន្ត្រីមកពីក្រសួងការពារជាតិកូរ៉េខាងត្បូងបានឲ្យដឹងថា យន្តហោះទម្លាក់គ្រាប់ B-1B bombers របស់សហរដ្ឋអាមេរិកបានហោះចេញពីមូលដ្ឋាននៅដែនកោះ Guam កាលពីម្សិលមិញ រីឯយន្តហោះចម្បាំង F-35 គឺហោះចេញពីប្រទេសជប៉ុន ហើយបានចូលរួមធ្វើសមយុទ្ធជាមួយយន្តហោះចម្បាំង F-15K ចំនួនបួនគ្រឿងមកពីយោធាកូរ៉េខាងត្បូង។
គ្រាប់បែកសរុបចំនួន១០គ្រាប់ រួមមានដូចជាគ្រាប់ប្រភេទ MK-84 ប្រភេទ MK-82 និងប្រភេទ GBU-32 ជាដើមត្រូវបានទម្លាក់ទៅលើគោលដៅនៅក្នុងខេត្ត Gangwon នេះបើយោងតាមកងទ័ពអាកាសរបស់កូរ៉េខាងត្បូង។
សមយុទ្ធយោធារួមគ្នានេះ ធ្វើឡើង បន្ទាប់ពីរដ្ឋាភិបាលក្រុងព្យុងយ៉ាងបាញ់បង្ហោះមីស៊ីលឆ្លងទ្វីបមួយគ្រាប់ទៀតរំលងពីលើប្រទេសជប៉ុនកាលពីថ្ងៃសុក្រសប្តាហ៍មុន និងបន្ទាប់ពីកូរ៉េខាងជើងសាកល្បងគ្រាប់បែកអ៊ីដ្រូសែនលើកទីប្រាំមួយកាលពីថ្ងៃទី៣ ដោយផ្គើននឹងទណ្ឌកម្មរបស់អង្គការសហប្រជាជាតិ និងសម្ពាធពីអន្តរជាតិ៕ ស៊ុយឈាង

មនុស្សយ៉ាងតិច១២នាក់ស្លាប់នៅក្នុងហេតុការណ៍បំផ្ទុះគ្រាប់បែកអត្តឃាតបីលើកផ្ទួនៗគ្នានៅនីហ្សេរីយ៉ា

នីហ្សេរីយ៉ា៖ មនុស្សយ៉ាងតិច១២នាក់ស្លាប់នៅក្នុងហេតុការណ៍បំផ្ទុះគ្រាប់បែកអត្តឃាតបីលើកផ្ទួនៗគ្នានៅក្នុងរដ្ឋ Borno ដែលជាទីតាំងប្រមូលផ្តុំទៅដោយសមាជិកក្រុម Boko Haram នាភាគឥសានប្រទេសនីហ្សេរីយ៉ា។
យោងតាមទីភ្នាក់ងារព័ត៌មានរ៉យទ័របានឲ្យដឹងថា ការវាយប្រហារនេះគឺជាការវាយប្រហារថ្មីបំផុតនៅក្នុងចំណោមការវាយប្រហារជាបន្តបន្ទាប់នៅរដ្ឋ Borno ដែលសម្លាប់មនុស្សយ៉ាងតិច២០០នាក់ចាប់តាំងពីថ្ងៃទី១ ខែមិថុនាមក។ជនបំផ្ទុះគ្រាប់បែកអត្តឃាតទាំងបីនាក់នេះ បានលួចចូលមកក្នុងតំបន់ Mashimari ចម្ងាយប្រហែល៣៥គីឡូម៉ែត្រពីភាគអាគ្នេយ៍នៃទីក្រុង Maiduguri ដោយសម្ងាត់ រួចក៏រកឱកាសល្អដើម្បីធ្វើការវាយប្រហារតែម្តង។

មន្ត្រីសង្គ្រោះបន្ទាន់ប្រចាំរដ្ឋ Borno បាននិយាយថា ជនបំផ្ទុះគ្រាប់បែកទាំងនេះ បានបន្លំខ្លួនចូលរួមជាមួយកសិករនៅក្នុងតំបន់ Mashimari មុនពេលបំផ្ទុះខ្លួនឯងឡើងនៅម៉ោងប្រហែល ១១និង៤៥ នាទី ដោយបណ្តាលឲ្យមនុស្ស១២នាក់ស្លាប់និង៤៦នាក់រងរបួស។គ្មានក្រុមណាមួយចេញមុខមកអះអាងទទួលខុសត្រូវចំពោះការវាយប្រហារនេះទេ ប៉ុន្តែនៅជាប់នឹងខ្លួនជនបំផ្ទុះគ្រាប់បែកអត្តឃាត គេឃើញមានរូបសញ្ញាសំគាល់របស់ក្រុម Boko Haram។
សូមបញ្ជាក់ថា ក្រុម Boko Haram ដែលព្យាយាមបង្កើតរដ្ឋាអ៊ិស្លាមនៅក្នុងប្រទេសនីហ្សេរីយ៉ា បានសម្លាប់មនុស្សអស់ជាង២ម៉ឺនាក់ និងធ្វើឲ្យពលរដ្ឋជាងពីរលាននាក់ផ្សេងទៀតបង្ខំចិត្តចាកចោលផ្ទះសំបែងរស់ខ្លួនចាប់តាំងពីឆ្នាំ២០០៩មក៕ ស៊ុយឈាង

លោក ដូណាល់ ត្រាំ និងលោក ប្រធានាធិបតីកូរ៉េ ព្រមព្រៀងគ្នាដាក់ទណ្ឌកម្មបន្ថែមលើកូរ៉េខាងជើង

ក្រុងសេអ៊ូល៖ លោកដូណាល់ ត្រាំ ប្រធានាធិបតីសហរដ្ឋអាមេរិកនិងលោក Moon Jae-in ប្រធានាធិបតីកូរ៉េខាងត្បូង បានព្រមព្រៀងគ្នាដាក់ទណ្ឌកម្មបន្ថែមលើកូរ៉េខាងជើង បន្ទាប់ពីប្រទេសនេះបានសាកល្បងបែកនុយក្លេអ៊ែរ និងមីស៊ីលឆ្លងទ្វីបជាបន្តបន្ទាប់។
លោក Park Su-hyun អ្នកនាំពាក្យការិយាល័យប្រធានាធិបតីកូរ៉េខាងត្បូង បានឡើងនៅក្នុងសន្និសីទការសែតមួយថា ក្រោយពេលសន្ទនាគា្នតាមទូរស័ព្ទកាលពីម្សិលមិញ មេដឹកនាំទាំងពីរបានព្រមព្រៀងគ្នាចាត់វិធានការដាក់សម្ពាធខ្លាំងជាងមុនលើកូរ៉េខាងជើងតាមរយៈការដាក់ទណ្ឌកម្មកាន់តែធ្ងន់ធ្ងរដើម្បីឲ្យប្រទេសនឹងដឹងពីសកម្មភាពបង្កជម្លោះរបស់ខ្លួន ដែលនាំទៅរកការកាត់ផ្តាច់ទំនាក់ទំនងការទូតនិងសម្ពាធសេដ្ឋកិច្ចនោះ។
លោក Park Su-hyun បានលើកឡើងបន្ថែមថា លោក ដូណាល់ ត្រាំ និងលោក Moon Jae-in ក៏បានថ្កោលទោសយ៉ាងដាច់ហង្កាចំពោះការបាញ់មីស៊ីលរំលងពីលើប្រទេសជប៉ុនជាលើកទីពីរកាលពីពេលថ្មីផងដែរ ហើយបានឯកភាពថា ប្រទេសទាំងពីរនឹងធ្វើការជាមួយសហគមន៍អន្តរជាតិដើម្បីអនុវត្តសេចក្តីចុងក្រោយ គឺសេចក្តីសម្រេច 2375 របស់ក្រុមប្រឹក្សាសន្តិសុខអង្គការសហប្រជាជាតិ។
គ្រាប់មីស៊ីលឆ្លងទ្វីបចុងក្រោយរបស់កូរ៉េខាងជើងបានហោះរំលងពីលើកោះ Hokkaido នៅភាគខាងជើងប្រទេសជប៉ុនកាលពីថ្ងៃសុក្រហើយបានធ្លាក់ចូលក្នុងមហាសមុទ្រប៉ាស៊ីហ្វិកក្រោយពេលហោះបានចម្ងាយ៣.៧០០គីឡូម៉ែត្រ ជាចម្ងាយដែលល្មមនឹងហោះដល់ដែនកោះ Guam របស់សហរដ្ឋអាមេរិក ដែលរដ្ឋាភិបាលក្រុងព្យុងយ៉ាងគំរាមបំផ្លាញឲ្យក្លាយជាផេះ។
ស្របពេលដំណាលគ្នានេះ កងកម្លាំងការពារជាតិជប៉ុននិងកងកម្លាំងពិសេសរបស់សហរដ្ឋអាមេរិកក៏បានចូលរួមធ្វើសមយុទ្ធប្រចាំឆ្នាំនៅក្បែរជើងភ្នំ Fuji ផងដែរ នៅក្នុងថ្ងៃច័ន្ទនេះ។
ទាហានប្រហែល១២០០នាក់បានចូលរួមនៅក្នុងសមយុទ្ធនេះដែលមានឈ្មោះថា Orient Shield 17 និងដែលគ្រោងធ្វើឡើងរហូតដល់ថ្ងៃទី២៥ ដោយធ្វើឲ្យកូរ៉េខាងជើងអាចនឹងបាញ់មីស៊ីលបន្ថែមទៀតដើម្បីជាការឆ្លើយតប៕ស៊ុយឈាង

ព្យុះទីហ្វុងតាលីមបានវាយប្រហារប្រទេសជប៉ុននិងជើងយន្ដហោះ៨០០បានលបចោល

ជប៉ុន៖ ព្យុះទីហ្វុង Talim បានបោកបក់លើភាគខាងត្បូងប្រទេសជប៉ុន ដោយធ្វើឲ្យមានភ្លៀងធ្លាក់ជោគជាំ រថភ្លើងត្រូវផ្អាកដំណើរការ និងមានផលប៉ះពាល់យ៉ាងខ្លាំងលើភ្ញៀវទេសចរណ៍។យោងតាមទីភ្នាក់ងារឧតុនិយមជាតិជប៉ុនបានឲ្យដឹងថា ព្យុះទីហ្វុង Talim នេះ បានបោកបក់លើកោះ Kyushu នៅម៉ោង១១និង៣០នាទីម្សិលមិញ ហើយដោយសារមានខ្យល់ខ្លាំង ចរន្តអគ្គិសនីនៅក្នុងខេត្ត Kagoshima ខេត្ត Kumamoto និងខេត្ត Miyazakiត្រូវបានកាត់ផ្តាច់ ដោយប៉ះពាល់ដល់ផ្ទះរបស់ប្រជាពលរដ្ឋជាង៣ពាន់ខ្នង។

ជើងហោះហើរជិត៨០០ក៏ត្រូវបានលុបចោលដែរនៅកោះKyushu និងកោះ Shikoku ដោយធ្វើមានផងប៉ះពាល់ដល់ភ្ញៀវទេសចរណ៍យ៉ាងច្រើន។ភ្ញៀវទេសចរណ៍ជនជាតិចិនម្នាក់បាននិយាយថា គាត់មិនដែលជួបអាកាសធាតុបែបនេះទេ ហើយក៏មិនដែលឃើញខ្យល់ខ្លាំងបែបនេះដែរ។

ប្រព័ន្ធផ្សព្វផ្សាយក្នុងស្រុកមួយបានរាយការណ៍ថា ព្យុះទីហ្វុង Talim នេះក៏បានធ្វើឲ្យមនុស្សបួននាក់បាត់ខ្លូន និង១៧នាក់ផ្សេងទៀតរងរបួសផងដែរ ខណៈអាជ្ញាធរព្រមានពីការបាក់ដី និងរលកធំៗនៅសមុទ្រ។រីឯភ្ញៀវទេសចរណ៍ម្នាក់ទៀតដែលជាជនជាតិជប៉ុនផ្ទាល់បាននិយាយថា គាត់មកពីតំបន់ Sendai ហើយមានគម្រោងត្រឡប់ទៅវិញនៅថ្ងៃស្អែក ប៉ុន្តែត្រូវជាប់គាំងទៅណាមិនរួចឡើយដោយសារព្យុះ Talim នេះ។ ទីភ្នាក់ងារឧតុនិយមជាតិជប៉ុនបានឲ្យដឹងបន្តថា ព្យុះទីហ្វុង Talim នេះ ក្រោយមកបានបោកបក់បន្តទៅភាគខាងជើងកោះ Hokkaido ដោយធ្វើឲ្យមានភ្លៀងធ្លាកយ៉ាងខ្លាំងនៅថ្ងៃច័ន្ទនេះ៕ ស៊ុយឈាង

 

អង្គការផ្តល់ជំនួយមនុស្សធម៌ ព្រមានពីគ្រោះមហន្តរាយក្នុងចំណោមជនជាតិរ៉ូហីងយ៉ានៅបង់ក្លាដែស

v3

បង់ក្លាដែស៖ ទីភ្នាក់ងារផ្តល់ជំនួយមនុស្សធម៌បានព្រមានពី “គ្រោះមន្តរាយមនុស្សធម៌” នៅក្នុងចំណោមជនជាតិភាគតិចរ៉ូហីងយ៉ា ដោយសារខ្វះស្បៀងអាហារ ជម្រក និងទឹក ខណៈមានការភៀសខ្លួនកាន់តែច្រើនឡើងៗពីអំពើហិង្សានៅមីយ៉ាន់ម៉ា។


លោក Christopher Lom មន្ត្រីជាន់ខ្ពស់ផ្នែកព័ត៌មាននិងទំនាក់ទំនងនៅអង្គការទេសន្តរប្រវែសអន្តរជាតិហៅកាត់ IOM បានលើកឡើងថា ថ្វីបើមានការខ្វះខាតក្តី តែការផ្តល់ជំនួយមនុស្សធម៌ចាំបាច់ត្រូវតែបង្កើនភ្លាមៗ ដោយសារជនភៀសខ្លួនភាគច្រើនគឺជាស្ត្រីនិងកុមារ ដែលខ្វះអាហរូបឋម និងងាយឆ្លងជំងឺផ្សេងៗ។


ទន្ទឹមនឹងមានការព្រមានពីគ្រោះមហន្តរាយមនុស្សធម៌ អាកាសធាតុមិនអំណោយផលក៏បង្កការលំបាកផងដែរដល់ជនភៀសខ្លួនរូហីងយ៉ា ដែលកំពុងរស់នៅក្នុងជម្រកធ្វើពីឬស្សីមានប្រកសំពត់តង់។


រហូតមកទល់ពេលនេះ មានជនជាតិភាគតិចមូស្លីមរ៉ូហីងយ៉ាជិត៤១ម៉ឺននាក់ហើយបានភៀសខ្លួនចេញពីរដ្ឋ Rakhine នាភាគខាងលិចប្រទេសមីយ៉ាន់ម៉ា ទៅកាន់ប្រទេសបង់ក្លាដែស ដើម្បីគេចពីការបង្ក្រាបយ៉ាងចាស់ដៃរបស់យោធា ជាទង្វើដែលអង្គការសហប្រជាជាតិចាត់ទុកស្មើនឹង ការបោសសម្អាតជាតិសាសន៍។


ប្រទេសបង់ក្លាដែសប្រឈមការហូរចូលជនជាតិរ៉ូហីងយ៉ាជាច្រើនទសវត្សរិ៍មកហើយ ខណៈពួកគេរងការធ្វើទុក្ខបុកម្នេញនិងត្រូវបានចាត់ទុកថា ជាជនអន្តោប្រវេសន៍ខុសច្បាប់នៅមីយ៉ាន់ម៉ា។


សូមបញ្ជាក់ថា គ្មានសញ្ញាណាបង្ហាញថា អំពើហិង្សានៅមីយ៉ាន់ម៉ានឹងបញ្ចប់នោះឡើយ ព្រោះគេនៅតែឃើញមានការដុតបំផ្លាញផ្ទះសំបែងជាបន្តបន្ទាប់ ពោលគឺទើបតែកាលពីថ្ងៃសុក្រសប្តាហ៍មុនប៉ុណ្ណោះ៕

អាជ្ញាធរក្រុងស៊ាងហៃរំកិលប្រាសាទបុរាណទៅកន្លែងមានសុវត្ថិភាព

v2

ក្រុងស៊ាងហៃ៖ ប្រាសាទបុរាណ Yufo នៅក្រុងស៊ាងហៃ ព្រមទាំងពុទ្ធបដិម៉ាធំៗបីអង្គនៅក្នុងនោះ ត្រូវបានរំកិលទៅទីតាំងថ្មីដែលមានចម្ងាយប្រហែល៣០ម៉ែត្រពីទីតាំងចាស់ដើម្បីសុវត្ថិភាព។


សំណង់បុរាណនេះ ព្រមទាំងអ្វីៗទាំងអស់នៅក្នុងនោះ ត្រូវបានរំកិល៦ម៉ែត្រក្នុងមួយថ្ងៃដោយអ្នកជំនាញដែលចំណាយពេលរហូតដល់ទៅពីរសប្តាហ៍ដើម្បីបញ្ចប់ការងាររបស់ខ្លួន។

 

ទីតាំងថ្មីដែលមានចម្ងាយ៣០,៦៦ម៉ែត្រនិងមានកម្ពស់ខ្ពស់ជាងទីតាំងចាស់១,០៥ម៉ែត្រនោះ មានទីធ្លាធំទូលាយសម្រាប់អ្នកមកបន់ស្រន់បួងសួងដែលមានចំនួនចេះកើនឡើងពីមួយថ្ងៃទៅមួយថ្ងៃ។

 

អ្នកគ្រប់គ្រងបា្រសាទបុរាណនេះបានឲ្យដឹងថា ជារៀងរាល់ឆ្នាំ មានអ្នកមកបន់ស្រន់បួងសួងប្រហែល២លាននាក់ ហើយបើនិយាយពេលមានពិធីបុណ្យទានវិញ អាចមានរហូតដល់ទៅ១០ម៉ឺននាក់ឯណោះក្នុងមួយថ្ងៃ។


លោក Wang Jianyong អ្នកគ្រប់គ្រងក្រុមហ៊ុន Shanghai Evolution Building Shift Engineering Co., Ltd បាននិយាយថា បច្ចេកវិទ្យាថ្មីត្រូវបានប្រើប្រាស់ដើម្បីរំកិលប្រាសាទបុរាណនេះដោយសុវត្ថិភាព។

 

សូមបញ្ជាក់ថា ប្រាសាទ Yufo ត្រូវបានកសាងឡើងនៅក្នុងឆ្នាំ ១៨៨២ ហើយត្រូវបានកសាងឡើងវិញនៅក្នុងឆ្នាំ១៩១៨ បន្ទាប់ពីត្រូវបានបំផ្លាញ អំឡុងការងើបឡើងបះបោរក្នុងឆ្នាំ១៩១១ ដែលឈានដល់ការមានការបំផ្លាញប្រព័ន្ធអធិរាជចិន៕

ព្យុះទីហ្វុង Talim នាំមកនូវទឹកភ្លៀងយ៉ាងជោគជាំ និងការខូចខាតយ៉ាងធ្ងន់ធ្ងរនៅភាគខាងត្បូងប្រទេសជប៉ុន

v1

ជប៉ុន៖ ព្យុះទីហ្វុង Talim បានបោកបក់លើភាគខាងត្បូងប្រទេសជប៉ុន ដោយធ្វើឲ្យមានភ្លៀងធ្លាក់ជោគជាំ រថភ្លើងត្រូវផ្អាកដំណើរការ និងមានផលប៉ះពាល់យ៉ាងខ្លាំងលើភ្ញៀវទេសចរណ៍។


យោងតាមទីភ្នាក់ងារឧតុនិយមជាតិជប៉ុនបានឲ្យដឹងថា ព្យុះទីហ្វុង Talim នេះ បានបោកបក់លើកោះ Kyushu នៅម៉ោង១១និង៣០នាទីម្សិលមិញ ហើយដោយសារមានខ្យល់ខ្លាំង ចរន្តអគ្គិសនីនៅក្នុងខេត្ត Kagoshima ខេត្ត Kumamoto និងខេត្ត Miyazakiត្រូវបានកាត់ផ្តាច់ ដោយប៉ះពាល់ដល់ផ្ទះរបស់ប្រជាពលរដ្ឋជាង៣ពាន់ខ្នង។

 

ជើងហោះហើរជិត៨០០ក៏ត្រូវបានលុបចោលដែរនៅកោះKyushu និងកោះ Shikoku ដោយធ្វើមានផងប៉ះពាល់ដល់ភ្ញៀវទេសចរណ៍យ៉ាងច្រើន។

 

ភ្ញៀវទេសចរណ៍ជនជាតិចិនម្នាក់បាននិយាយថា គាត់មិនដែលជួបអាកាសធាតុបែបនេះទេ ហើយក៏មិនដែលឃើញខ្យល់ខ្លាំងបែបនេះដែរ។
ប្រព័ន្ធផ្សព្វផ្សាយក្នុងស្រុកមួយបានរាយការណ៍ថា ព្យុះទីហ្វុង Talim នេះក៏បានធ្វើឲ្យមនុស្សបួននាក់បាត់ខ្លូន និង១៧នាក់ផ្សេងទៀតរងរបួសផងដែរ ខណៈអាជ្ញាធរព្រមានពីការបាក់ដី និងរលកធំៗនៅសមុទ្រ។


រីឯភ្ញៀវទេសចរណ៍ម្នាក់ទៀតដែលជាជនជាតិជប៉ុនផ្ទាល់បាននិយាយថា គាត់មកពីតំបន់ Sendai ហើយមានគម្រោងត្រឡប់ទៅវិញនៅថ្ងៃស្អែក ប៉ុន្តែត្រូវជាប់គាំងទៅណាមិនរួចឡើយដោយសារព្យុះ Talim នេះ។


ទីភ្នាក់ងារឧតុនិយមជាតិជប៉ុនបានឲ្យដឹងបន្តថា ព្យុះទីហ្វុង Talim នេះ ក្រោយមកបានបោកបក់បន្តទៅភាគខាងជើងកោះ Hokkaido ដោយធ្វើឲ្យមានភ្លៀងធ្លាកយ៉ាងខ្លាំងនៅថ្ងៃច័ន្ទនេះ៕ 

 

អាជ្ញាធរក្រុងស៊ាងហៃរំកិលប្រាសាទបុរាណទៅកន្លែងមានសុវត្ថិភាព

ក្រុងស៊ាងហៃ៖ ប្រាសាទបុរាណ Yufo នៅក្រុងស៊ាងហៃ ព្រមទាំងពុទ្ធបដិម៉ាធំៗបីអង្គនៅក្នុងនោះ ត្រូវបានរំកិលទៅទីតាំងថ្មីដែលមានចម្ងាយប្រហែល៣០ម៉ែត្រពីទីតាំងចាស់ដើម្បីសុវត្ថិភាព។សំណង់បុរាណនេះ ព្រមទាំងអ្វីៗទាំងអស់នៅក្នុងនោះ ត្រូវបានរំកិល៦ម៉ែត្រក្នុងមួយថ្ងៃដោយអ្នកជំនាញដែលចំណាយពេលរហូតដល់ទៅពីរសប្តាហ៍ដើម្បីបញ្ចប់ការងាររបស់ខ្លួន។

ទីតាំងថ្មីដែលមានចម្ងាយ៣០,៦៦ម៉ែត្រនិងមានកម្ពស់ខ្ពស់ជាងទីតាំងចាស់១,០៥ម៉ែត្រនោះ មានទីធ្លាធំទូលាយសម្រាប់អ្នកមកបន់ស្រន់បួងសួងដែលមានចំនួនចេះកើនឡើងពីមួយថ្ងៃទៅមួយថ្ងៃ។អ្នកគ្រប់គ្រងបា្រសាទបុរាណនេះបានឲ្យដឹងថា ជារៀងរាល់ឆ្នាំ មានអ្នកមកបន់ស្រន់បួងសួងប្រហែល២លាននាក់ ហើយបើនិយាយពេលមានពិធីបុណ្យទានវិញ អាចមានរហូតដល់ទៅ១០ម៉ឺននាក់ឯណោះក្នុងមួយថ្ងៃ។លោក Wang Jianyong អ្នកគ្រប់គ្រងក្រុមហ៊ុន Shanghai Evolution Building Shift Engineering Co., Ltd បាននិយាយថា បច្ចេកវិទ្យាថ្មីត្រូវបានប្រើប្រាស់ដើម្បីរំកិលប្រាសាទបុរាណនេះដោយសុវត្ថិភាព។

សូមបញ្ជាក់ថា ប្រាសាទ Yufo ត្រូវបានកសាងឡើងនៅក្នុងឆ្នាំ ១៨៨២ ហើយត្រូវបានកសាងឡើងវិញនៅក្នុងឆ្នាំ១៩១៨ បន្ទាប់ពីត្រូវបានបំផ្លាញ អំឡុងការងើបឡើងបះបោរក្នុងឆ្នាំ១៩១១ ដែលឈានដល់ការមានការបំផ្លាញប្រព័ន្ធអធិរាជចិន៕ ស៊ុយឈាង

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

ព័ត៌មានជាតិ​ពេល​យប់​


អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

អន្តរជាតិ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2