vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

តំណាងរាស្ដ្របក្សប្រឆាំងទូលព្រះមហាក្សត្រកុំឡាយព្រះហត្ថលេខាលើសេចក្ដីស្នើច្បាប់ស្ដីពីវិសោធកម្មច្បាប់ស្ដីពីគណបក្សនយោបាយ

ភ្នំពេញ៖តំណាងរាស្ដ្របក្សប្រឆាំងទូលព្រះមហាក្សត្រកុំឡាយព្រះហត្ថលេខាលើសេចក្ដីស្នើច្បាប់ស្ដីពីវិសោធកម្មច្បាប់ស្ដីពីគណបក្សនយោបាយនិងច្បាប់ស្ដីពីវិសោធកម្មច្បាប់ស្ដីពីគណបក្សនេះ។នេះបើតាមសេចក្ដីប្រកាសរួមបានចុះហត្ថលេខារួមនៅថ្ងៃទី១៩កក្ដដានិងផ្សព្វផ្សាយនៅថ្ងៃនេះ។
តំណាងរាស្ដ្រ២៩រូបលើ៥៥រួបបានចុះហត្ថលេខាលើសេចក្ដីប្រកាសរួមទូលថ្វាយព្រះមហាក្សត្រ។អ្នកតំណាងរាស្ដ្របក្សប្រឆាំងបានយល់ឃើញថាសេចក្ដីវិសោធកម្មនោះមិនគោរពគោលការណ៍នីតិរដ្ឋប្រជាធិបតេយ្យសេរីពហុបក្សនិងមិនគោរពរដ្ឋធម្មនុញ្ញនិងឆន្ទៈអតីតព្រះមហាក្សត្របរមរតនកោណដែលចង់ឃើញខ្មែររួបរួមគ្នា។
ឯអ្នកនាំពាក្យគណបក្សប្រជាជនកម្ពុជាលោកសុខឥសាន្ដបានអោយដឹងថាច្បាប់នេះរួមចំណែកពង្រឹងនីតិរដ្ឋនៅកម្ពុជា។

ចំពោះសេចក្ដីវិសោធកម្មច្បាប់គណបក្សនយោបាយបានហាមអ្នកមានទោសពាក់ព័ន្ឋរឿងនយោបាយ៕

លោក សុខ ទូចទទួចអោយធ្វើច្បាប់ពិនិត្យលើការប្រើពាក្យ”សង្គ្រោះ និង បដិវត្តន៍”ឯបក្សប្រឆាំងថាគួរលុបអក្សរសាស្ត្រខ្មែរចោល

ភ្នំពេញ៖អនុប្រធានរាជបណ្ឌិតសភាកម្ពុជានិងជាសាស្ត្រាចារ្យវិទ្យាសាស្ត្រនយោបាយលោក សុខ ទូច លើកឡើងថា បច្ចុប្បន្នមានការប្រើប្រាស់ពាក្យមួយចំនួនខុសនឹងស្ថានភាពនយោបាយដូចជា ពាក្យសង្គ្រោះ និង បដិវត្តន៍ជាដើម។

នៅក្នុងវេទិកាតុមូលស្តីពីទស្សនៈជុំវិញការធ្វើវិសោធនកម្មច្បាប់ស្តីពីគណបក្សនយោបាយកាលពីម្សិលមិញ លោក សុខ ទូច លើកឡើងថា កម្ពុជាបច្ចុប្បន្នមិនស្ថិតនៅក្នុងស្ថានភាពសង្គ្រោះ ឬ ត្រូវធ្វើបដិវត្តន៍អ្វីនោះទេ គឺត្រូវប្រើពាក្យការធ្វើកំណែទម្រង់។
លោកបន្តថា លោកចង់ឲ្យមានការធ្វើវិសោធនកម្មច្បាប់ ដើម្បីពិនិត្យលើការប្រើប្រាស់ពាក្យសម្តីទាំងអស់នេះ បន្ថែមទៀត។ លោកថ្លែងថា៖ «កន្លែងខ្លះខ្ញុំចង់ឲ្យមានការធ្វើវិសោធនកម្មលើការប្រើប្រាស់ពាក្យទៀត។ ពាក្យបដិវត្តន៍ ពាក្យសង្គ្រោះ សូម្បីតែសម័យតេជោហ្នឹង សម្តេចនាយកបើលោកប្រើពាក្យសង្គ្រោះគឺខុសតែម្តង តែបើសម្តេចតេជោ និយាយពីសមមិត្ត ហ៊ុន សែន និយាយពីសង្គ្រោះអាហ្នឹងត្រូវ ព្រោះសម័យសមមិត្ត ហ៊ុន សែន និយាយពីសាមគ្គីសង្គ្រោះ ព្រោះសង្គ្រោះ កំពុងតែគ្រោះងាប់ទាំងអស់គ្នា»។
លោក សុខ ទូច បន្តថា បើបច្ចុប្បន្នច្បាប់មិនរីកចម្រើនត្រូវកែទម្រង់ច្បាប់ វិស័យកសិកម្មមិនរីកចម្រើន ធ្វើកំណែទម្រង់ រួមទាំងការអភិវឌ្ឍន៍ពង្រីកផ្លូវជាដើម លោកថា គេមិនប្រើប្រាស់ពាក្យបដិវត្តន៍ឬសង្គ្រោះនោះទេ។

តបនឹងការលើកឡើងរបស់លោកសុខទូចលោកអេងឆៃអ៊ាងបានលើកឡើងថា៖”បើគាំទ្រឲ្យធ្វើច្បាប់ហាមពលរដ្ឋខ្លួនឯងមិនឲ្យប្រើពាក្យ"ខ្មែរ" មួយចំនួន ដូចលោក សុខ ទូច និយាយមែននោះ គួរតែធ្វើច្បាប់លុបអក្សរសាស្ត្រខ្មែរ ដែលបង្កើតនិងរៀបចំដោយសម្តេចសង្ឃរាជ ជួន ណាត ចេញទៅ ហើយឲ្យលោក សុខ ទូច បង្កើតអក្សរសាស្ត្រថ្មី យកមកប្រើតែម៉ងទៅ៕

រដ្ឋមន្ដ្រីអះអាងថា៖អត្តសញ្ញាកម្មពលរដ្ឋក្រីក្រនៅមិនច្បាស់លាស់ឯគម្លាតអ្នកធូរធារនិងអ្នកក្រីក្របន្តកើតមាន

ខេត្តកំពតៈ ការកំណត់អត្តសញ្ញាណជនក្រីក្រពុំច្បាស់លាស់នាំឱ្យកិច្ចអភិវឌ្ឍមូលដ្ឋានមិនចំគោល ដៅ ពិសេសគម្លាតរវាងអ្នកទទួលចំណូលខ្ពស់ និងអ្នកទទួលចំណូលទាបនៅតែបន្តកើតមាន។រដ្ឋមន្ត្រីក្រសួងផែនការបាន មានប្រសាសន៍បែបនេះក្នុងពិធីបើកកិច្ចប្រជុំផ្សព្វផ្សាយស្តីពីការចាប់ផ្តើមដំណើរការអត្តសញ្ញាណកម្មគ្រួសារក្រីក្រ ធ្វើឡើងនៅសាលប្រជុំសាលាខេត្តកំពតនាព្រឹកថ្ងៃទី១៨ ខែកក្កដា ឆ្នាំ២០១៧ ។

លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការបានមានប្រសាសន៍ថា៖" ភាពក្រីក្រជាបញ្ហា ស្មុគ្រស្មាញពហុមុខបង្កពីកត្តាច្រើនយ៉ាង ដូចជា កំណើនប្រជាជនខ្ពស់ កង្វះអនាម័យ បញ្ហាសុខភាព កង្វះការអប់រំ កង្វះកាលានុវត្តភាពការងារ កង្វះសុវត្ថិភាពស្បៀង ការរើសអើងក្នុងសង្គមជាដើម"។ រាជរដ្ឋា ភិបាលបានយល់ច្បាស់ និងបានចាត់ទុកភាពក្រីក្រជាបញ្ហាអាទិភាពដែលត្រូវរួមគ្នាដោះស្រាយ។

ក្នុងបរិ ការណ៍នេះ ក្រសួងផែនការដែលជាសេនាធិការបានរៀបចំផែនការយុទ្ធសាស្ត្រអភិវឌ្ឍន៍ជាតិជាបន្តបន្ទាប់។ សម្រាប់ឆ្នាំ២០១៤-២០១៨ ផែនការអភិវឌ្ឍន៍ជាតិនៃយុទ្ធសាស្ត្រចតុកោណដំណាក់កាលទីបី បានកំណត់ ច្បាស់នូវវិស័យអាទិភាពនានាជាសូចនាករ ពេលវេលា និងធនធានសម្រាប់អនុវត្ត ព្រមទាំងយន្តការតាម ដាន ត្រួតពិនិត្យ និងវាយតម្លៃ ក៏ដូចជាទំនួលខុសត្រូវរបស់ក្រសួងស្ថាប័នផ្សេងៗ តាមមុំនៃអាទិភាពនីមួយៗ ដើម្បីឈានទៅសម្រេចបានកំណើនសេដ្ឋកិច្ចប្រាំពីរភាគរយ និងកាត់បន្ថយភាពក្រីក្រឱ្យបានលើសពីមួយ ភាគរយក្នុងមួយឆ្នាំៗ។

លោកទេសរដ្ឋមន្ត្រីបានបន្តថា៖" គោលដៅចម្បងនៃការងារអត្តសញ្ញាណកម្មនេះ គឺដើម្បីផ្តល់ទិន្នន័យគ្រួសារក្រីក្រនៅគ្រប់ភូមិទាំងអស់ចំពោះក្រសួង ស្ថាប័ន អង្គការជាតិ អន្តរជាតិ និងដៃ គូអភិវឌ្ឍន៍សម្រាប់ប្រើប្រាស់ក្នុងសកម្មភាពកាត់បន្ថយភាពក្រីក្រ ព្រោះកន្លងមក និន្នាការនៃការប្រើប្រាស់ ទិន្នន័យគ្រួសារក្រីក្រមានការកើនឡើងជាលំដាប់។ ផ្តើមចេញពីបញ្ហានេះ ឯកឧត្តម ឆាយ ថន បានបញ្ជាក់ ថា ការកំណត់អត្តសញ្ញាណជនក្រីក្រពុំច្បាស់លាស់ នាំឱ្យកិច្ចអភិវឌ្ឃមូលដ្ឋានមិនចំគោលដៅ ពិសេស គម្លាតរវាងអ្នកទទួលចំណូលខ្ពស់ និងអ្នកទទួលចំណូលទាបនៅតែបន្តកើតមាន"។

ក្នុងពិធីប្រជុំផ្សព្វផ្សាយស្តីពីការចាប់ផ្តើមដំណើរការអត្តសញ្ញាណកម្មគ្រួសារក្រីក្រ ដែលមានសមាជិកមកពីខេត្តកែប និងខេត្តកំពតចូលរួមប្រមាណជាង១០០នាក់ លោកចាន់ ចេស្តា អភិ បាលខេត្តកំពតបានមានប្រសាសន៍ថា ដោយមានការគាំទ្រថវិកា សម្ភារៈពីអង្គការ GIZ និងជំនួយបច្ចេក ទេសរបស់ក្រសួងផែនការ កន្លងទៅខេត្តកំពតធ្លាប់បានអនុវត្តកម្មវិធីអត្តសញ្ញាណកម្មគ្រួសារក្រីក្របីលើក រួចមកហើយនៅភូមិចំនួន៤៨០ ក្នុងចំណោមភូមិ៤៨៨ ទូទាំងខេត្ត ដែលមានពលរដ្ឋ១៣៤.៤២៨គ្រួសារ។

ជាលទ្ធផល នាឆ្នាំ២០០៩ បានរកឃើញអត្រាភាពក្រីក្រមានកម្រិត១៨,៨០ភាគរយ។ ក្នុងឆ្នាំ២០១១ មានកម្រិត​១៥,៦០ភាគរយ និងឆ្នាំ២០១៤ មានកម្រិតត្រឹម១៤,៤០ភាគរយ។ លោកអភិបាលខេត្តបានមាន ប្រសាសន៍បន្តថា៖ សម្រាប់ឆ្នាំ២០១៧នេះ ក្រសួងផែនការ និងម្ចាស់ជំនួយបានកំណត់ឱ្យខេត្តធ្វើបច្ចុប្បន្ន ភាពឡើងវិញអំពីអត្តសញ្ញាណកម្មគ្រួសារក្រីក្រទាំងនោះ។ ដូច្នេះ គ្រប់ក្រុងស្រុក មន្ទីរ អង្គភាព ព្រមទាំង អង្គការដៃគូនានាមេត្តាចូលរួមសហការជាមួយមន្ទីរផែនការ ក៏ដូចជាមន្ត្រីទទួលបន្ទុកអនុវត្តកម្មវិធីជួយដល់ មន្ត្រីមូលដ្ឋានបានធ្វើបច្ចុប្បន្នភាពដោយទៀងទាត់ និងយកចិត្តទុកដាក់ដើម្បីរក្សាបាននូវប្រសិទ្ធភាព សុក្រិត្យភាពនៃបញ្ជីគ្រួសារក្រីក្រសម្រាប់ជាមូលដ្ឋានក្នុងការផ្តល់សេវា ឬជំនួយផ្សេងៗ៕

សម្ដេចហ៊ុនសែនបន្ដប្រកាសថា៖"គណបក្សប្រជាជនកម្ពុជានឹងឈ្នះការបោះឆ្នោតសកលឆ្នាំ២០១៨ខាងមុខ"

ភ្នំពេញ៖សម្ដេចហ៊ុនសែននាយករដ្ឋមន្ដ្រីនិងជាប្រធានគណបក្សប្រជាជនកម្ពុជាបានបន្ដប្រកាសថា៖"គណបក្សប្រជាជនកម្ពុជានឹងឈ្នះការបោះឆ្នោតសកលឆ្នាំ២០១៨ខាងមុខ"។​តាមបណ្ដាញសង្គមហ្វេសប៊ុកសម្ដេចនាយករដ្ឋមន្ដ្រីបានសរសេរថា៖"ការខិតខំប្រឹងប្រែងរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាមកដល់សព្វថ្ងៃនេះ គឺបានបង្ហាញអោ​យ​ប្រជាពលរដ្ឋបានឃើញច្បាស់នូវការរីកចម្រើនពិតរបស់កម្ពុជា។ សន្តិភាព បានផ្តល់ឱកាសអោយយើងកសាងប្រទេ​ស​ជាតិបានលឿនឆ្ពោះទៅមុខ។មានសន្តិភាពយូរអង្វែង មានការរីកចម្រើនយូរអង្វែង។

សព្វថ្ងៃនេះអ្នកវិនិយោគទុនជាតិ និងអន្តរជាតិមានជំនឿទុកចិត្តយ៉ាងខ្លាំង លើការដឹកនាំដ៏ត្រឹមត្រូវច្បាស់លាស់របស់ សម្តេចតេជោនាយករដ្ឋមន្រ្តីដែលធានាបាននូវបរិយាកាសវិនិយោគល្អជាមួយនឹងស្ថេរភាពនយោបាយ និងសន្តិសុខសង្គម មិនដូចការបំពុលនិងបំផ្លើសព័ត៍មានអាក្រក់ពីក្រុមខិលខូចមួយចំនួនឡើយ។ ទន្ទឹមនឹងនេះដែរ កំណើនទេសចរណ៍ក៏កំពុងកើនឡើងយ៉ាងខ្ពស់ ដែលយើងរំពឹងទុកថានឹងកើនដល់៥ លាន នាក់ក្នុង១ឆ្នាំ។ ប្រជាពលរដ្ឋរីករាយសាទរដោយទទួលបាននូវការងារសមស្រប និងមុខរបរតូចធំជាមួយប្រាក់ចំណូលសមរម្យដែលធ្វើអោយជីវភាពរស់នៅកាន់តែល្អប្រសើរឡើង។

ចាប់តាំងពីពេលបោះឆ្នោតឃុំសង្កាត់មកទល់ពេលនេះ ចំនួនបងប្អូនប្រជាពលរដ្ឋដែលបានចូលជាសមាជិកគណបក្សប្រជា​ជន ក៏មានសន្ទុះកើនឡើងយ៉ាងខ្លាំងទាំងនៅក្នុងនិងក្រៅប្រទេស។ នេះគឺបង្ហាញអោយឃើញកាន់តែច្បាស់ថា គណ​បក្សប្រជាជននឹងទទួលជ័យជំនះនៅក្នុងការបោះឆ្នោតឆ្នាំ ២០១៨ ជាបន្តទៀត៕

ទូតកម្ពុជាប្រចាំហ្សឺណែវស្នើឲ្យភ្នាក់ងារនានារបស់UNកុំ ​ជ្រៀត​ជ្រែក​ចូល​កិច្ចការតុលាការកម្ពុជា

ភ្នំពេញស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិនៅក្រុងហ្សឺណែវតាមរយៈសេចក្តីថ្លែងការណ៍របស់ខ្លួនបានស្នើដល់ភ្នាក់ងារនានារបស់អង្គការសហប្រជាជាតិប្រចាំនៅកម្ពុជាកុំជ្រៀតជ្រែក​​​ទៅក្នុងកិច្ចការផ្ទៃក្នុង រ ប ស់តុ​លាការកម្ពុជា។

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិនៅហ្សឺណែវកា​ល ពីថ្ងៃទី១៧កក្កដាម្សិលមិញនេះបានចេញសេចក្តីថ្លែងការណ៍មួយដើម្បីឆ្លើយតបទៅនឹងសេចក្តីប្រកា សព័ ត៌មានរបស់លោកស្រីLis Throssell អ្នកនាំពាក្យ​ឧត្តមស្នង​ការ​អង្គការសហប្រជាជាតិទទួលបន្ទុកសិទ្ធិមនុស្សកាលពីថ្ងៃទី៧ខែកក្កដាឆ្នាំ២០១៧បានលើកឡើង​ចំពោះ​កម្ពុជាថាការលូក ដៃទៅ លើ ការ បំពេញតួនាទីដ៏ឯករាជ្យរបស់ស្ថាប័នតុលាការនៅក្នុង​ការអនុវត្តនូវនី​តិ​រដ្ឋគឺជា​ទង្វើរារាំង សមត្ថ កិច្ចតុ លា ការ។

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិបានបញ្ជាក់ថា ៖កម្ពុជាគឺជាប្រទេស​ដែលគោរ​ព​លទ្ធិប្រជាធិបតេយ្យនិងប្រកាន់យ៉ាងខ្ជាប់ខ្ជួននូវការអនុវត្តនីតិរដ្ឋហើយជាប្រទេសដែលបានផ្តល់​សច្ចា​ប័ន​នូវ​លិ​ខិតូបករណ៍ស្នូលនៃសិទ្ធិមនុស្សអន្តរជាតិជាច្រើន។

ជាមួយគ្នានេះដែររដ្ឋាភិបាលកម្ពុជាបានខិតខំអស់ពីសមត្ថភាពដើម្បីធានាថាពលរដ្ឋកម្ពុជាគ្រប់រូបនិង​គ្រប់ស្ថាប័នដែលកំពុងប្រតិបត្តិការការងាររបស់ខ្លួននៅក្នុងប្រទេសកម្ពុជាទទួលបានការគោរពសិទ្ធិស្មើៗគ្នា​ដោយពុំមានការរើសអើងទោះបីជាពួកគេបម្រើការងារផ្នែកការការពារ​​សិទ្ធិ​​មនុស្សឬក៏ជាអង្គការសង្គម​ស៊ីវិលក្តី។

ប៉ុន្តែជាអកុសលគេសង្កេតឃើញយ៉ាងច្បាស់ថាអង្គការសង្គមស៊ីវិលនិងអង្គការក្រៅ​រដ្ឋាភិបា​ល​មួយ​ចំនួនជាញឹកញាប់បានធ្វើការបំភ្លៃការពិតបង្កើតពាក្យកុហកបោកប្រាស់បង្កើតឆាកល្ខោននិងបាន​ធ្វើឲ្យស្ថានភាពកាន់តែអាក្រក់ទៅដល់ករណីមិនធំដុំខ្លះក្នុងគោលបំណងដើម្បីបន្តុះបង្អាប់ស្ថាប័នរដ្ឋរួមទាំងស្ថាប័នតុលាការជាដើម។

ជុំវិញបញ្ហានេះលោកឌុចពិសិដ្ឋនាយកផ្នែកតស៊ូមតិរបស់មជ្ឈមណ្ឌលសិទ្ធិមនុស្សកម្ពុជាបានប្រាប់ទូរ​ទស្សន៍រស្មីហង្សមាសនៅព្រឹកថ្ងៃទី១៨កក្កដានេះថាអ្វីដែលសង្គមស៊ីវិលធ្វើនេះគឺមិនមែនជា​ការលូក​ដៃទៅក្នុងកិច្ចការផ្ទៃក្នុងរបស់តុលាការនោះទេ។

លោកបន្តថា៖”ប៉ុន្តែវាគឺជាការចូលរួមតាមដាននិងវាយតម្លៃរបស់ដៃគូនិងតួអង្គអន្តរជាតិថាតើតុលា​ការកម្ពុជាបានគោរពជាមួយនិងច្បាប់ជាតិនិងអន្តរជាតិដល់កម្រិតណាតែប៉ុណ្ណោះ”។

តែទោះបីជាយ៉ាងណាក៏ដោយគេសង្កេតឃើញថារាជរដ្ឋាភិបាលកម្ពុជាជានិច្ចកាលតែងតែគោរពនូវ​សេចក្តី​ស​ម្រេចនិងឯករាជ្យភាពរបស់ស្ថាប័នតុលាការជាពិសេសសេចក្តីសម្រេចចំពោះករ​ណីនៃការ​ដោះ​លែង​អ្នកជាប់ឃុំខាងលើដែលរាជរដ្ឋាភិបាលពុំដែលមានការពាក់ព័ន្ធទាល់តែសោះ៕

 

សមាជិកព្រឹទ្ឋសភាបក្សប្រឆាំងពហិកាការចូលប្រជុំ

ភ្នំពេញ៖សមាជិកព្រឹទ្ឋសភាគណបក្សសមរង្ស៊ីបានពហិកាចូលប្រជុំព្រឹទ្ឋសភានិងអនុម័តសេចក្ដីព្រាងច្បាប់ស្ដីគណបក្សនយោបាយហាមអ្នកមានទោសពាក់ព័ន្ឋនឹងនយោបាយបាយ។បក្សប្រឆាំងបានហៅសេចក្ដីច្បាប់នេះថាការបំបែកបំបាក់ជាតិ។តែអ្នកនាំពាក្យព្រឹទ្ឋសភាលោកម៉មប៊ុននាងបានបដិសេធ។លោកមានបានប្រសាសន៍នៅព្រឹកនេះថាសេចក្ដីស្នើច្បាប់មិនមានចរិតបំបែបំបាក់ជាតិទេ។ការបង្កើតច្បាប់ គឺដើម្បីពង្រឹងនីតិរដ្ឋ និងធានាសន្តិភាព ជូនពលរដ្ឋ មិនមែនបំបែក បំបាក់ជាតិដូចការចោទប្រកាន់ទេ៕

សម្ដេចសខេង៖ការបោះឆ្នោតកន្លងមកគ្មានអំពើហិង្សានយោបាយធ្ងន់ធ្ងរ

ខេត្តព្រះសីហនុៈសម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួង មហាផ្ទៃ មានប្រសាសន៍វាយតម្លៃខ្ពស់ចំពោះ ជោគជ័យដែលគណៈកម្មាធិការជាតិរៀបចំការ បោះឆ្នោត គ្រប់ថ្នាក់បានបំពេញភារកិច្ចជូនជាតិ កន្លងមកនេះ ដែលដំណើរការបោះឆ្នោតទាំង មូល បានទទួលការវាយតម្លៃជាវិជ្ជមានពី សាធារណៈមតិជាតិនិងអន្តរជាតិជាច្រើនតាមរយៈការ ចូលរួមសង្កេតការ និងបានកំណត់ថា ការបោះ ឆ្នោតនេះ ប្រព្រឹត្តទៅល្អក្នុងបរិយាកាសស្ងប់ស្ងាត់ និងគ្មានអំពើហិង្សានយោបាយធ្ងន់ធ្ងរប៉ះពាល់ ដល់ដំណើរការបោះឆ្នោតនិងលទ្ធផលបោះឆ្នោត ឡើយ ។

សម្ដេចបានលើកឡើងក្នុងពិធីបិទសន្និបាតបូកសរុបលទ្ធផលការងារបោះ ឆ្នោត ជ្រើសរើសក្រុមប្រឹក្សាឃុំសង្កាតអាណត្តិទី៤ ឆ្នាំ២០១៧ដែលរៀបចំឡើង ដោយគណៈកម្មា ធិការជាតិរៀបចំការបោះឆ្នោត ប្រារព្វធ្វើនៅ ខេត្តព្រះសីហនុ។
ក្នុងពិធីបិទនោះដែរលោកទេព នីថា អគ្គលេខាធិការ នៃណៈកម្មាធិការជាតិរៀបចំការបោះឆ្នោត មានមតិបូកសរុបលទ្ធផលនៃសន្និបាតដែលក្នុង នោះដំណើរការសន្និបាតបានប្រព្រឹត្តទៅទទួល បានលទ្ធផលល្អ ក្នុងការបូកសរុបនិងវាយតម្លៃ ដំណើរការរៀបចំការបោះឆ្នោតជ្រើសរើសក្រុម ប្រឹក្សាឃុំ សង្កាត់ អាណត្តិទី៤ កន្លងកមក និងពិនិត្យមើលចំណុចខ្លាំងចំណុចខ្សោយ ដើម្បី ដកស្រងបទពិសោធន៍ មេរៀនល្អៗ សម្រាប់អនុវត្ត ក្នុងការបោះឆ្នោតលើកក្រោយ។ បណ្ដា ចំណាប់អារម្មណ៍ ជាបទអន្តរាគមន៍របស់ តំណាងអង្គការជាតិនិងអន្តរជាតិដែលជាអ្នកសង្កេត ការ សម្រាប់ការបោះឆ្នោត ដោយឆ្លុះបញ្ជាំង អំពីដំណើការរួមនៃការរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៤ ឆ្នាំ២០១៧នេះ ជាទូទៅលទ្ធផលគឺបានល្អ ជាងបណ្ដា ឆ្នាំបោះឆ្នោតកន្លងទៅ។
លោកស៊ិក ប៊ុនហុក ប្រធាន គ.ជ.ប មានប្រសាសន៍បិទសន្និបាតដោយសម្ដែង នូវអំណរសាទរចំពោះគណៈអធិបតីភ្ញៀវកិត្តិ យស់ និងសមាជិកសមាជីការ ទាំងអស់ដែលបាន អញ្ជើញចូលរួមនិងធ្វើការងារបូកសរុបលទ្ធផល បោះឆ្នោត ព្រមទាំងកណត់បាននូវគោលការណ៍ ជាច្រើនសម្រាប់រៀបចំការបោះឆ្នោតលើកក្រោយ អោយបានជោគជ័យសម្រាប់ជាតិនិងធ្វើអោយ លទ្ធផលប្រជាធិបតេយ្យនៅកម្ពុជាកាន់តែរឹងមាំ៕

គណបក្សសង្គ្រោះជាតិរៀបចំខួបបក្ស៥ឆ្នាំនៅថ្ងៃនេះ

ភ្នំពេញ៖ថ្ងៃនេះ ជាថ្ងៃខួបកំណើតគណបក្សសង្គ្រោះជាតិ គម្រប់៥ឆ្នាំ(១៧កក្កដា២០១២-១៧កក្កដា២០១៧)។នេះបើតាមលោកកឹមសុខាប្រធានគណបក្សបានផ្សាយតាមហ្វេសប៊ុកនៅមុននេះ។លោកបានបន្ដថា៖ក្នុងនាមគ​ណបក្សស​ង្គ្រោះជាតិ និងក្នុងនាមខ្ញុំផ្ទាល់ ខ្ញុំសូមអំពាវនាវដល់បងប្អូនជនរួមជាតិខ្មែរទាំងអស់ សូមមេត្ដាបន្ដ​ពង្រឹង និងពង្រីកការរួបរួមគ្នា ដោយអហិង្សា ចូលរួមជាមួយគណបក្សសង្គ្រោះជាតិឲ្យកាន់តែច្រើនឡើងថែមទៀត ដើម្បីនាំមកនូវការផ្លាស់ប្ដូរជាវិជ្ជមាន តាមរយៈការបោះឆ្នោតនៅ ឆ្នាំ២០១៨នេះ។“រួបរួមដើម្បីផ្លាស់ប្ដូរ តស៊ូដើម្បីសង្គ្រោះជាតិ”៕

ស្ថាប័នព្រឹទ្ធសភាគាំទ្រលើខ្លឹមសារទាំងស្រុងលើសេចក្តីស្នើច្បាប់ស្តីពីគណបក្សនយោបាយដែលបញ្ជូនដោយស្ថាប័នរដ្ឋសភា

ភ្នំពេញ៖ស្ថាប័នព្រឹទ្ធសភាគាំទ្រលើខ្លឹមសារទាំងស្រុងលើសេចក្តីស្នើច្បាប់ស្តីពីគណបក្សនយោបាយដែលបញ្ជូនដោយស្ថាប័នរដ្ឋសភា ដើម្បីឈានទៅអនុវត្តន៍នៅពេលឆាប់ៗនេះ។អ្នកនាំពាក្យព្រឹទ្ធសភាបានអះអាងថា សេចក្តីស្នើវិសោធនកម្មលើកទីពីរ ច្បាប់ស្តីពីគណបក្សនយោបាយត្រូវបានគណៈកម្មការទី៦នៃ ព្រឹទ្ធសភាបានបញ្ចប់ការពិនិត្យខ្លឹមសាររួចរាល់ហើយដោយគ្មានជំទាស់អ្វីនោះឡើយហើយគ្រោងដាក់របៀបវារៈអនុម័តជាផ្លូវការ។

លោកម៉ម ប៊ុន នាង អ្នកនាំពាក្យព្រឹទ្ធសភា បានប្រាប់ទូរទស្សន៍រស្មីហង្សមាស នៅព្រឹកថ្ងៃទី១៤កក្កដានេះថា កិច្ចប្រជុំគណៈកម្មការទី៦ព្រឹទ្ធសភា ដែលទទួលបន្ទុកនីតិកម្ម និងយុត្តិធម៌ នៅព្រឹកមិញនេះបានសម្រេចកំណត់យកថ្ងៃទី១៧កក្កដា សម្រាប់បើកកិច្ចប្រជុំ គណៈកម្មាធិការចិន្ត្រៃយ៍។
លោកមានប្រសាសន៍ថា ៖ព្រឹទ្ធសភា នឹងអនុម័តសេចក្តីស្នើច្បាប់ស្តីពីគណបក្សនយោបាយនេះ ដោយគ្មានការកែប្រែបន្ថែមអ្វីនោះឡើយព្រោះគណៈកម្មការជំនាញបានពិនិត្យរួចរាល់ ឃើញថាត្រឹមត្រូវតាមទំរង់ និងគតិច្បាប់ មិនបានប្រាសចាក់ពីខ្លឹមសារដ្ឋធម្មនុញឡើយ។
លោកបញ្ជាក់ថា៖" បើទោះបីជាសមាជិកព្រឹទ្ធសភាមកពីគណបក្សសមរង្ស៊ីមិនចូលរួមអនុម័តសេចក្តីស្នើច្បាប់នៅពេលខាងមុខក្តី ក៏សមាជិកព្រឹទ្ធសភាមកពីគណបក្សប្រជាជនកម្ពុជាមានកូរ៉ុមគ្រប់គ្រាន់សម្រាប់អនុម័តច្បាប់នេះ ដោយត្រូវការសម្លេង៥០ភាគរយបូក១ ក្នុងចំណោមសមាជិកសភាចំនួន៦២រូប "។
គណបក្សប្រឆាំងធ្វើពហិការ មិនចូលកិច្ចប្រជុំឡើយ។
លោកយ៉ែម បុញ្ញាឬទ្ធ អ្នកនាំពាក្យគណបក្សសង្គ្រោះជាតិមិនអាចទាក់ទងបានទេដើម្បីសុំប្រតិកម្មចំពោះការគាំទ្ររបស់ស្ថាប័នព្រឹទ្ធសភាលើសេចក្តីស្នើវិសោធនកម្មច្បាប់ស្តីពីគណបក្សនយោបាយ នេះ។យ៉ាងក៏ដោយ ឯកឧត្តមកាលពីពេលថ្មីៗនេះ បានលើកឡើងថាសេចក្តីស្នើច្បាប់នេះមានចរិតនយោបាយ គាបសង្កត់សិទ្ធិបុគ្គល និងគាបសង្កត់គណបក្សនយោបាយ គូប្រជែងនយោបាយ។ជាមួយគ្នានេះ គណបក្សសង្គ្រោះជាតិគ្រោងធ្វើសំណើទៅព្រះមហាក្សត្រ ដើម្បីកុំឲ្យព្រះអង្គ ឡាយព្រះហស្នលេខាលើច្បាប់នេះ។
សូមបញ្ជាក់ថា សេចក្តីស្នើច្បាប់ស្តីពីគណបក្សនយោបាយលើកទី២នេះ បានហាមឃាត់ ចំពោះទណ្ឌិតដែលជាប់ទោសបទឧក្រិដ្ឋ ឬពីបទមជ្ឈឹមមិនឲ្យបញ្ចេញសារសម្លេង ឬុភាពឯកសារជាលាយល័ក្ខអក្សរដើម្បីជាផលប្រយោជន៍នយោបាយសម្រាប់គណបក្សនយោបាយរបស់ខ្លួនឡើយ ។ ទន្ទឹមគ្នានេះ ក៏បានហាមឃាត់គ្រប់គណបក្សនយោបាយ មិនត្រូវ យកសារជាសម្លេង រូបភាព ឯកសារ ជាលាយល័ក្ខអក្សរ ឬសកម្មភាពរបស់ទណ្ឌិត ជាប់ទោសពីបទឧក្រិដ្ឋឬពីបទមជ្ឈឹម មកប្រើប្រាស់ដើម្បីជាផលប្រយោជន៍នយោបាយសម្រាប់គណបក្សរបស់ខ្លួននោះឡើយ៕

អត្ថបទ៖ ចេម ហួត

ICAPP ពិភាក្សា«ការតភ្ជាប់អាស៊ី-អឺរ៉ុប»តាមការស្នើសុំពីកម្ពុជា

ភ្នំពេញ៖នៅកិច្ចប្រជុំគណបក្សនយោបាយនិយមកណ្ដាលអាស៊ី(ICAPP) នៅកូរ៉េខាងត្បូងក្នុងសប្ដាហ៍នេះបានពិភាក្សា​«ការ​តភ្ជាប់អាស៊ី-អឺរ៉ុប»តាមការស្នើសុំពីកម្ពុជាសំដៅពង្រីកការសហការនិងពាណិជ្ជកម្ម។

ក្នុងឱកាសនៃកិច្ចប្រជុំនេះ លោកឧបនាយករដ្ឋមន្ត្រី ហោណាំហុងក៏បានស្នើបញ្ចូលប្រធានបទមួយទៀត គឺ «ការតភ្ជាប់អាស៊ី-អឺរ៉ុប» (Asia-Europe Connectivity) ដែលអង្គប្រជុំបានយល់ស្រប និងសម្តែងការស្វាគមន៍។ លោកឧបនាយករដ្ឋមន្ត្រី បានមានប្រសាសន៍បញ្ជាក់ថា៖ «ការតភ្ជាប់អាស៊ី-អឺរ៉ុប» មិនគ្រាន់តែជាការតភ្ជាប់ហេដ្ឋារចនាសម្ព័ន្ធតែប៉ុណ្ណោះទេ តែការតភ្ជាប់នេះក៏រួមបញ្ចូលការផ្លាស់ប្តូរពាណិជ្ជកម្ម ការវិនិយោគ ការផ្លាស់ប្តូរវប្បធម៌និងទេសចរណ៍ ការផ្លាស់ប្តូរយុវជន និងប្រជាជន-ប្រជាជន។

ជាមួយគ្នានេះលទ្ធផលនៃកិច្ចប្រជុំលើកទី២៨ នៃគណៈកម្មាធិការអចិន្ត្រៃយ៍អាយកាប់ទីក្រុងសេអ៊ូល សាធារណៈរដ្ឋកូរ៉េ, ថ្ងៃទី៧-៩ ខែកក្កដា ឆ្នាំ២០១៧«គណៈប្រតិភូគណបក្សប្រជាជន ដឹកនាំដោយ លោក ហោ ណាំហុង ឧបនាយករដ្ឋមន្ត្រី និងជាសមាជិកគណៈអចិន្ត្រៃយ៍ នៃគណៈកម្មាថិការកណ្ដាល គណបក្សប្រជាជនកម្ពុជា»មានដូចតទៅ៖

ទី១- លទ្ទផលនៃកិច្ចប្រជុំលើកទី២៨ នៃគណៈអចិន្ត្រៃយ៍អាយកាប់ (28th Meeting of ICAPP Standing Committee)
- គណៈអចិន្ត្រៃយ៍ ICAPP បានពិភាក្សាកែសម្រួលសមាសភាពដឹកនាំរបស់គណៈអចិន្ត្រៃយ៍ ហៅថា ការិយាល័យនយោបាយ ដែលមានលោក Jose de Venecia (ហ្វីលីពីន) ជាប្រធានស្ថាបនិក និងសាធារណៈរដ្ឋកូរ៉េ ជាសហប្រធាន។ អង្គប្រជុំបានឯកភាពជាឯកឆ្ឆ័ន្ទ ជ្រើសរើស លោកឧបនាយករដ្ឋមន្ត្រី ហោ ណាំហុង ជាអនុប្រធានជំនួសសម្តេចបញ្ញា សុខ អាន និងបន្ថែមអនុប្រធានថ្មីពីររូប តំណាងមកពីគណបក្សកុំម្មុយនីសចិន និងពីប្រទេសប៉ាគីស្ថាន។
- គណៈអចិន្ត្រៃយ៍អាយកាប់ ក៏បានស្វាគមន៍ចំពោះលទ្ធផលថ្មីនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅកម្ពុជា ឆ្នាំ២០១៧ ហើយវាយតម្លៃថាជាការបោះឆ្នោតដោយសេរី ត្រឹមត្រូវ និងគ្មានអំពើហឹង្សា ស្របតាមលទ្ធិប្រជាធិបតេយ្យ។ ក្នុងនាមគណបក្សប្រជាជនកម្ពុជា លោកឧបនាយករដ្ឋមន្ត្រី ហោ ណាំហុង ក៏បានលើកសំណើបង្កើត «ក្រុមប្រឹក្សាវប្បធម៌អាយកាប់» (ICAPP Cultural Council) ដែលគណៈអចិន្ត្រៃយ៍ទាំងអស់បានស្វាគមន៍ និងគាំទ្រជាឯកឆ្ឆ័ន្ទ ហើយ កម្ពុជាជាប្រធាន អមដោយអនុប្រធានបីរូបមកពីប្រទេសចិន នេប៉ាល់ និងរុស្ស៊ី។ ក្រុមប្រឹក្សានេះអាចនឹងបើកកិច្ចប្រជុំលើកទី១របស់ខ្លួននាដើមឆ្នាំ២០១៨។
ទី២. កិច្ចប្រជុំលើកទី១នៃ «វេទិកានយោបាយអាស៊ី-អឺរ៉ុប» (1st Meeting of Asia-Europe Political Forum)៖
- សហប្រធានអាយកាប់ បានជ្រើសរើស លោកឧបនាយករដ្ឋមន្ត្រី ហោ ណាំហុង ជាតំណាងអាយកាប់ធ្វើជាសហប្រធានវេទិកានេះ ជាមួយនឹង លោក Geoffrey Van Orden តំណាងក្រុមគណបក្សនយោបាយនៅក្នុងសភាអឺរ៉ុប។
- ក្នុងនាមជាសហប្រធាន លោកឧបនាយករដ្ឋមន្ត្រី បានដឹកនាំកិច្ចពិភាក្សាអំពីប្រធានបទ «ការប្រែប្រួលអាកាសធាតុ» (Climate Change)។ ប្រធានបទមួយទៀតគឺ «ប្រជាកលនិយម» (Populism)។
- នៅក្នុងការថ្លែងសុន្ទរកឋាអំពី «ការប្រែប្រួលអាកាសធាតុ» នេះ លោកឧបនាយករដ្ឋមន្ត្រី បានថ្លែងជាអាទិ៍៖ «កំណើននៃផលប៉ះពាល់យ៉ាងធ្ងន់ធ្ងរ និងមិនមានព្រំដែននៃបញ្ហាបំរែលបម្រួលអាកាសធាតុនេះ គឺជាបញ្ហាសាកល។ ឥឡូវនេះ វាក្លាយទៅជាបញ្ហាបន្ទាន់ ដែលយើងត្រូវរួមគ្នាដោះស្រាយនៅក្នុងពេលដ៏គ្រោះថ្នាក់នេះ។ យើងក៏ត្រូវទទួលស្គាល់ដែរថា ការប្រែប្រួលអាកាសធាតុ គឺជាបាតុភូត ដែលប៉ះពាល់ខ្លាំងលើគ្រប់វិស័យ ដែលយើងត្រូវតែដោះស្រាយនៅក្នុងស្មារតីជិតស្និត ទូលំទូលាយ និងមានតុល្យភាព ដោយគិតគូរឱ្យបានគ្រប់ជ្រុងជ្រោយដល់បញ្ហាសង្គម សេដ្ឋកិច្ច និងបរិស្ថាន៕

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

ព័ត៌មានជាតិ​ពេល​យប់​


នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

នយោបាយ

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2