vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

សហរដ្ឋអាមេរិចបន្ដរំលឹកពីតម្លៃពាណិជ្ជកម្មជាមួយកម្ពុជាជាង៣៦ពាន់លានដុល្លារអាមេរិច

ភ្នំពេញ៖បើទោះបីរដ្ឋាភិបាលកម្ពុជាបានចោទអាមេរិចជាអ្នកនៅក្រោយខ្នងលោកកឹមសុខាប្រធានគណបក្សសង្គ្រោះជាតិក្ដីតាមបណ្ដញាសង្គមស្ថានទូតអាមេរចបានសរសេថាតើសហរដ្ឋអាមេរិកធ្វើអ្វីខ្លះនៅកម្ពុជា? យើងធ្វើអោយមានវិបុលភាព!(ក្នុងនោះទឹកប្រាក់)៣៦ ពាន់លានដុល្លា!​(​ឬ) ១៤៤ ០០០ ០០០ ០០០ ០០០ រៀល! ទោះគិតជាដុល្លាក្តី ជារៀលក្តី វាគឺជាលុយដ៏ច្រើន!។នេះគឺជាតំលៃនៃទំនិញ ដែលប្រទេសកម្ពុជាបាននាំចេញទៅកាន់សហរដ្ឋអាមេរិក គិតតាំងពីឆ្នាំ ១៩៩៧ មក ដោយនៅក្នុងនោះ ៩០% ជាសំលៀកបំពាក់ និងស្បែកជើង។
ប្រភពបានបន្ដថា៖សំលៀកបំពាក់និងស្បែកជើងគឺជាឧស្សាហកម្មសំរាប់នាំចេញទីមួយរបស់ប្រទេសកម្ពុជា។ សព្វថ្ងៃនេះ ឧស្សាហកម្មនេះប្រើប្រាស់កំលាំងកម្មករកម្ពុជា ដែលខំប្រឹងប្រែងក្នុងការងារ ចំនួនប្រហែល ៧០០ ០០០ នាក់។
ប្រទេសអាមេរិកបានជួយរដ្ឋាភិបាលនៅក្នុងការកសាងឧស្សាហកម្មកាត់ដេរ ក្នុងគ្រប់ជំហានទាំងអស់។ កិច្ចព្រមព្រៀងឆ្នាំ ១៩៩៦ របស់យើង បានធ្វើអោយមានការចាប់ផ្តើមឡើងនៃឧស្សាហកម្មនេះ។ អស់រយៈពេល ២០ ឆ្នាំមកហើយ យើងបានគាំទ្រជាថវិកាដល់កម្មវិធីរោងចក្រល្អ (Better Factories Program) ដែលផ្តល់អោយក្រុមហ៊ុនអ្នកទិញនៅប្រទេសអាមេរិក និងនៅអឺរ៉ុបមានទំនុកចិត្តនៅក្នុងការទិញទំនិញពីកម្ពុជា។
នៅក្នុងពេលថ្មីៗនេះទៀតសោត យើងបានធ្វើការជាមួយរដ្ឋាភិបាល នៅក្នុងការបង្កើតក្រុមប្រឹក្សាអាជ្ញាកណ្តាល ដែលដោះស្រាយជំលោះរវាងកម្មករ និងថៅកែដោយសន្តិភាព។ ឧស្សាហកម្មកាត់ដេរថ្នាក់ពិភពលោករបស់ប្រទេសកម្ពុជាផ្តល់អោយប្រទេសកម្ពុជានូវមូលដ្ឋានរឹងមាំមួយសំរាប់ពង្រីកដល់កម្មន្តសាលដែលប្រើបច្ចេកទេសខ្ពស់៕

 

កម្ពុជា-ថៃគ្រោងនឹងដាក់ដំណើរការផ្លូវការនៃច្រកអន្តរជាតិស្ទឹងបទ-នងអាន់នៅចុងឆ្នាំ២០១៧

ភ្នំពេញ: មន្រ្តីជាន់ខ្ពស់នៃប្រទេសកម្ពុជានិងថៃ អះអាងថា នឹងបើកអោយដំណើរការ នៃច្រកអន្តរជាតិស្ទឹង បទ ខេត្តបន្ទាយមានជ័យជាមួយច្រកនងអាន់ ខេត្តស្រះកែវ ជាផ្លូវការនៅចុងឆ្នាំ២០១៧ ក្នុងបំណងបង្កើនការដឹកជញ្ជូនទំនិញឆ្លងកាត់ព្រំដែនប្រទេសទាំងពីរ។
ក្នុងសិក្ខាសាលាស្តីពីការពង្រីកសក្តានុពលពាណិជ្ជកម្មព្រំដែនកម្ពុជា-ថៃ នៅសណ្ឋាគារកាំបូឌីយ៉ាណា នាព្រឹកថ្ងៃទី១២ ខែកញ្ញា នេះ ឯកឧត្តម កឹម ស៊ីថន រដ្ឋមន្រ្តីស្តីទីក្រសួងពាណិជ្ជកម្ម ថ្លែងថា “ពេលដែលច្រកអន្តរជាតិស្ទឹងបទ នឹងបើកអោយដំណើរការនៅចុងឆ្នាំ២០១៧នេះ នឹងជួយកាត់បន្ថយ ការកកស្ទះទំនិញជាច្រើន នៅតាមច្រកអន្តរជាតិប៉ោយប៉ែត ខេត្តបន្ទាយមានជ័យ និងច្រកអន្តរជាតិអូស្មាច់ ខេត្តឧត្តរមានជ័យ”។
ឯកឧត្តមថ្លែងទៀតថា “បច្ចុប្បន្ន ច្រកអន្តរជាតិស្ទឹងបទកំពុងដំណើរការសាងសង់ស្ពាន ដើម្បីភ្ជាប់រវាងព្រំដែននៃប្រទេសទាំងពីរ កម្ពុជា និងថៃ។ ច្រកនេះ នឹងមានទំនិញច្រើនប្រភេទ ត្រូវឆ្លងកាត់ទៅមក ដូចជាកសិផលកសិកម្ម ទំនិញផ្នែកឧស្សាហ៍កម្ម និងប្រភេទទំនិញផ្សេងទៀត”។ ឯកឧត្តមបន្តថា ក្នុងយុទ្ធសាស្រ្តអភិវឌ្ឍន៍សេដ្ឋកិច្ចពាណិជ្ជកម្ម ប្រមុខដឹកនាំប្រទេសទាំងពីរបានដាក់ចេញនូវផែនការបង្កើនទំហំពាណិជ្ជកម្មសរុប អោយសម្រេចបានទឹកប្រាក់ចំនួន១៥ពាន់លានដុល្លាអាមេរិក នៅឆ្នាំ២០២០។
ចំពោះការបើកច្រកអន្តរជាតិស្ទឹងបទ-នងអាន់ ឯកឧត្តម Nuttavudh Photisaro ឯកអគ្គរាជទូតថៃប្រចាំកម្ពុជា ថ្លែងថា “ការដឹកជញ្ជូនទំនិញឆ្លងកាត់រវាងប្រទេសទាំងពីរកម្ពុជា-ថៃ នឹងមានកំណើន កើនឡើងច្រើនថែមទៀត ដោយសារមានភាពងាយស្រួលចរាចរណ៍ទំនិញ”។

ឯកឧត្តមបញ្ជាក់បន្ថែម បន្ទាប់ពីបើកច្រកអន្តរជាតិស្ទឹងបទ នៅចុងឆ្នាំ២០១៧នេះរួច ប្រទេស ទាំងពីគ្រោងបើកច្រកអន្តរជាតិចំនួន៤ផ្សេងទៀត ទី១គឺមានច្រក អានសេះ ខេត្តព្រះវិហារ ជាមួយច្រកអានម៉ា ខេត្តវលាក់ចាក់ថានីប្រទេសថៃ ទី២ ច្រកជប់គគី ខេត្តឧត្តមមានជ័យ និងជាមួយច្រក សែតាគូ ខេត្តបូរីរាំ ទី៣ ច្រកភ្នំដី ខេត្តបាត់ដំបង និងជាមួយច្រកខៅឌិន ខេត្តស្រះកែវ និងទី៤ ច្រកថ្មដា ខេត្ត ពោធិសាត់ ជាមួយច្រកថាសិន ខេត្តត្រាដ ប្រទេសថៃ។
បើយោងតាមរបាយការណ៍របស់ក្រសួងពាណិជ្ជកម្មកម្ពុជា បានបង្ហាញថា ទំហំពាណិជ្ជកម្ម កម្ពុជា និងថៃ ក្នុងឆ្នាំ២០១៥ សម្រេចបានចំនួន៥៥១៨លានដុល្លា និងឆ្នាំ២០១៦ សម្រេចបាន៥៥៥១ លានដុល្លាអាមេរិក មានការកើនឡើង០,៦%។ ការនាំចេញរបស់កម្ពុជា ទៅប្រទេសថៃក្នុងឆ្នាំ២០១៥ មានចំនួន៦៣៨លានដុល្លា និងឆ្នាំ២០១៦មានចំនួន៩៤៤លានដុល្លា មានការកើនឡើង៤៧,៩៦% ចំពោះការនាំចូលពីប្រទេសថៃវិញ ក្នុងឆ្នាំ២០១៥ មានចំនួន៤៨៨០លានដុល្លា និងឆ្នាំ២០១៦ មានចំនួន៤៦០៧លានដុល្លា មានការថយចុះ៥,៥៩%៕

នាយករដ្ឋមន្ដ្រីថៃទស្សនកិច្ចនៅកម្ពុជាព្រឹកនេះនិងចូលរួមពិធី សម្ពោធសួនមិត្តភាពកម្ពុជាថៃនៅក្រុងភ្នំពេញ

ភ្នំពេញ៖នាយករដ្ឋមន្ដ្រីថៃលោកប្រយុទ្ឋចន្ទអូឆានឹងទស្សនកិច្ចនៅកម្ពុជាព្រឹកនេះនិងចូលរួមពិធី សម្ពោធសួនមិត្តភាពកម្ពុជា ថៃនៅក្រុងភ្នំពេញនិងនឹងអញ្ជើញធ្វើជាសហប្រធានកិច្ច ប្រជុំចង្អៀតគណៈរដ្ឋមន្រ្តីចម្រុះកម្ពុជា-ថៃ លើកទី៣ក្រោមមូលបទ “ពង្រឹងភាពជាដៃគូ ដើម្បីសន្តិភាព និងវិបុលភាព” ។នេះបើតាមសេចក្ដីប្រកាសរបស់ក្រសួងការបរទេសកម្ពុជាបានអោយដឹង។
យោងតាមសេចក្ដីប្រកាសព័ត៌មាន របស់ក្រសួងការបរទេសនៅថ្ងៃទី១កញ្ញានេះបានឲ្យដឹងថា តបតាមការអញ្ជើញ របស់សម្តេចតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា ឧត្តមសេនីយ៍ ប្រាយុទ្ធ ច័ន្ទអូឆា (Prayut Chan-o-cha) នាយករដ្ឋមន្រ្តីថៃ នឹងដឹកនាំគណៈប្រតិភូអញ្ជើញមកបំពេញ ទស្សនកិច្ចផ្លូវការនៅកម្ពុជា និងជួបពិភាក្សាទ្វេភាគី ជាមួយ សម្តេចតេជោ ហ៊ុន សែន នាថ្ងៃទី ៧ ខែកញ្ញា ឆ្នាំ២០១៧ ។
ក្នុងអំឡុងពេលដំណើរទស្សនកិច្ច ផ្លូវការ នេះ សម្តេចតេជោ ហ៊ុន សែន និង ឧត្តមសេនីយ៍ ប្រាយុទ្ធ ច័ន្ទអូឆា នឹងអញ្ជើញធ្វើជាសហប្រធានកិច្ច ប្រជុំចង្អៀតគណៈរដ្ឋមន្រ្តីចម្រុះកម្ពុជា-ថៃ លើកទី៣ក្រោមមូលបទ “ពង្រឹងភាពជាដៃគូ ដើម្បីសន្តិភាព និងវិបុលភាព” ។កិច្ចប្រជុំចង្អៀតគណៈរដ្ឋ មន្រ្តីចម្រុះកម្ពុជា-ថៃ លើកទី៣ នេះ នឹងផ្ដល់មគ្គុទេសក៍និងទិសដៅក្នុងការជម្រុញ បន្ថែមទៀតនូវទំនាក់ទំនង និងកិច្ចសហប្រតិបត្តិការ ដ៏ល្អប្រសើរ ដែលនឹងផ្តល់ ផលប្រយោជន៍ ថែមមួយកម្រិតទៀតដល់ ព្រះរាជាណាចក្រទាំងពីរ។
នៅចុងបញ្ចប់ នៃកិច្ចប្រជុំចង្អៀតគណៈរដ្ឋមន្រ្តីចម្រុះកម្ពុជា-ថៃលើកទី៣ នេះ សម្តេច តេជោ ហ៊ុន សែន និង ឧត្តមសេនីយ៍ ប្រាយុទ្ធ ច័ន្ទអូឆា នឹងអញ្ជើញធ្វើជាអធិបតី ក្នុងពិធីចុះហត្ថលេខាលើ ឯកសារសំខាន់ៗ មួយចំនួន។សេចក្តីប្រកាសព័ត៌មាន រួមគ្នាមួយ នឹងត្រូវធ្វើឡើង បន្ទាប់ពីពិធីចុះហត្ថលេខា។ឧត្តមសេនីយ៍ ប្រាយុទ្ធ ច័ន្ទអូឆា ក៏នឹងជួបសំដែងការគួរសម ជាមួយ សម្តេចវិបុល សេនាភក្តី សាយ ឈុំ ប្រធានព្រឹទ្ធសភា និងជាប្រមុខរដ្ឋស្តីទី៕

មន្ដ្រីរ៉ែអះអាងថាប្រេងប្លុកអេនឹងផ្ដល់១១០លានបារែល

ភ្នំពេញ៖ក្រសួងរ៉ែនិងថាមពលបង្ហាញពីផែនការវិវឌ្ឍន៍ចុងក្រោយនៃដំណើរការវិនិយោគប្រេង នៅកម្ពុជា ដល់សិស្សនិស្សិតជាង១០០នាក់ ដើម្បីបង្កើនការយល់ដឹងនិងចំណេះដឹងពីផែនការ វិនយោគនេះ។
ឯឧ.ម៉េង សក្កធារ៉ា រដ្ឋមន្រ្តីក្រសួងរ៉ែ និងថាមពលជាអ្នកធ្វើបទបង្ហាញដោយផ្ទាល់នៅរសៀល ថ្ងៃទី ៦ ខែកញ្ញានេះ ដែលពន្យល់ចាប់ពីដំណើរការរុករក រហូតដល់ការធ្វើអាជីវកម្មប្រេងនៅ លើទីផ្សារ។ ជាមួយគ្នានេះសិស្សនិស្សិតអាចចោទសួរជាសំនួរភ្លាមៗទៅកាន់វាគ្មិន នៅពេល មានចម្ងល់ណាមួយកើតឡើង។ឯឧ.ម៉េង សក្កធារ៉ាបានអៈអាងថា កម្ពុជានឹងទទួលបានដំណក់ប្រេងរបស់ខ្លួនក្នុងរយៈពេល ២៤ខែទៀត ពោលអាចនៅចុងឆ្នាំ២០១៩ បន្ទាប់ពីក្រុមហ៊ុនគ្រីអេនើជីធ្វើបានប្តេជ្ញាចុងក្រោយ ក្នុងពេលចុះហត្ថលេខាកាលពីថ្ងៃទី២៣ ខែសីហាកន្លងទៅនេះ ពីការធ្វើប្រត្តិបត្តិការអភិវឌ្ឍ គម្រោងទាញយកប្រេងនិងឧស្ម័ន នៅតំបន់ប្លុកអេ។
ឯឧ.បន្តថា តំបន់ប្លុកអេកម្ពុជា គ្រប់ដណ្តប់លើផ្ទៃទឹកទំហំ៣០៨៣ គីឡូម៉ែត្រការ៉េលើបាសំាង ខ្មែរស្ថិតក្នុងដែនទឹកកម្ពុជាក្នុងជម្រៅចន្លោះពី៥០ម៉ែត្រទៅ៨០ម៉ែត្រ។ តាមការប៉ាន់ស្មាន ប្លុក អេនេះអាចទាញយកប្រេងបានរហូតដល់ជាង៤៧​លាន​បារ៉ែល ប៉ុន្តែការប៉ាន់ស្មាននេះឡើង កើនឡើងរហូតដល់១៥ភាគរយទៀត គឺ១១០លានបារ៉ែល ក្នុងស្ថានភាពស្ថានដីស្រទាប់ខាង ក្រោមមានអំណោយផលល្អ។មន្រ្តីក្រសួងសង្ឃឹមថា ការធ្វើអាជីវកម្មប្រេងនៅប្លុកអេនេះអាចរកប្រាក់ចំណូលបានរហូតដល់ មិនតិចជាង៥០០លានដុល្លាឡើយ បើតម្លៃប្រេងឆៅក្នុងមួយបារ៉ែលមានតម្លៃ៦០ដុល្លានោះ៕

ក្រុមហ៊ុនយក្សរបស់ប្រទេសចិន បោះទុនវិនិយោគសណ្ឋាគារលំដាប់អន្តរជាតិនៅភ្នំពេញ

ភ្នំពេញ: ក្រុមហ៊ុនយក្សរបស់ប្រទេសចិនមួយ បានសម្រេចវិនិយោគលើគម្រោងសាងសង់សណ្ឋាគារលំដាប់អន្តរជាតិ នៅតំបន់កោះពេជ្រ រាជធានីភ្នំពេញ បន្ទាប់ពីសម្លឹងឃើញសក្តានុពលផ្នែកសេដ្ឋកិច្ច និងទេសចរណ៍។ 

ក្នុងពិធីចុះកិច្ចសន្យាលើគម្រោងសាងសង់សណ្ឋាគារ មានឈ្មោះថា ហ្រ្គីនលែន ផ្លាទីនីម(Greenland Platinum) កាលពីល្ងាចថ្ងៃទី៥ ខែកញ្ញា ក្នុងរាជធានីភ្នំពេញ លោក Yuliang Zhang អគ្គនាយកក្រុមហ៊ុនGreenland Group មានប្រសាសន៍ថា ការសម្រេចវិនិយោគលើផ្នែកសណ្ឋាគារនេះ ដោយសារមើលឃើញពីសក្តានុពលរបស់រាជធានីភ្នំពេញ ដែលជាមជ្ឈមណ្ឌលសេដ្ឋកិច្ចដ៏សំខាន់ ហើយកំពុងមានការអភិវឌ្ឍខ្លាំង ព្រមទាំងជាតំបន់ដែលមានទេសចរណ៍វប្បធម៍ល្អបំផុត។ លោកជឿជាក់ថា ការវិនិយោគនេះ នឹងក្លាយជាផ្នែកមួយនៃការរីកចម្រើនដ៏សំខាន់របស់ម៉ាក់សញ្ញាសណ្ឋាគារហ្រ្គីនលែនរបស់ខ្លួននៅក្រៅប្រទេស។
សូមបញ្ជាក់ថា គម្រោងវិនិយោគលើសណ្ឋាគារដ៏ប្រណីតរបស់ក្រុមហ៊ុនដ៏ធំបំផុតមួយដែលមានមូលដ្ឋាននៅទីក្រុងសៀង ហៃប្រទេសចិននេះ ត្រូវបានសហការជាមួយក្រុមហ៊ុនJixiang Investment Cambodia ដែលជាម្ចាស់គម្រោងឌីអាយរីវើរ៉ា(D.I.Riviera)។ ទោះជាយ៉ាងណាក៏ដោយ ក្រុមហ៊ុនទាំងពីរមិនបានបង្ហាញឲ្យដឹងពីការបរិច្ឆេទច្បាស់លាស់ និងចំនួនទឹកប្រាក់ក្នុងការបោះទុនវិនិយោគលើគម្រោងសណ្ឋាគារមួយនេះទេ។
លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច ដែលបានអញ្ជើញជាអធិបតីក្នុងពិធីចុះហត្ថលេខានេះ បានលើកទឹកចិត្តឲ្យក្រុមហ៊ុនទាំងពីរអនុវត្តនូវគម្រោងនេះឲ្យបានឆាប់ ដើម្បីរួមចំណែកនូវចំណូលទេសចរ និងសេដ្ឋកិច្ចរបស់ប្រទេសកម្ពុជា។
យោងតាមសេចក្តីប្រកាសព័ត៌មាន បានឲ្យដឹងថា ក្រុមហ៊ុនGreenland Group មានទ្រព្យសម្បត្តិសរុបជាង១០០ប៊ីលានដុល្លារអាមេរិក ដោយបានវិនិយោគនៅក្នុងប្រទេសជាង១០ ក្នុងនោះមានប្រទេសចិន សហរដ្ឋអាមេរិក កាណាដា អូស្ត្រាលី និងចក្រភពអង់គ្លេស ជាដើម។ រហូតមកដល់ពេលនេះ ក្រុមហ៊ុនមួយនេះ បានបង្កើត និងកំពុងសាងសង់សណ្ឋាគារជាង៧០កន្លែង និងបានក្លាយជាក្រុមហ៊ុនមួយក្នុងចំណោមក្រុមហ៊ុន ដែលមានសណ្ឋាគារច្រើនជាងគេក្នុងប្រទេសចិន៕

កម្ពុជា និងចក្រភពអង់គ្លេស នៅតែរក្សាទំហំពាណិជ្ជកម្មបានក្នុងកម្រិតល្អប្រសើរប្រមាណជា៨០០លានដុល្លារ

ភ្នំពេញ៖ថ្លែងនៅក្នុងពិធីសម្ពោធជាផ្លូវការនៃប្រភេទរថយន្តប្រណិតទី៤ របស់ក្រុមហ៊ុន Jaguar Land Rover គឺរថយន្ត Range Rover Velar ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានឲ្យដឹងថា ទំហំពាណិជ្ជកម្មរវាងកម្ពុជា និងចក្រភពអង់គ្លេស ត្រូវបានរក្សាបាននូវទំហំមួយដ៏គួរឲ្យកត់សម្គាល់ដដែល គឺនៅក្នុងរង្វង់ប្រមាណ ៨០០ លានដុល្លារអាមេរិក នៅក្នុងឆ្នាំ២០១៦ កន្លងទៅ។ 

ឯកឧត្តម បានរំលិចដែរថា នៅក្នុងទំហំទឹកប្រាក់ប្រមាណ ៨០០ លានដុល្លារអាមេរិកនេះ កម្ពុជាបាននាំចេញនូវផលិតផលប្រភេទកសិកម្ម និងវាយនភណ្ឌទៅកាន់ចក្រភពអង់គ្លេស នូវទឹកប្រាក់ប្រមាណ ៧៦៧ លានដុល្លារ និងបាននាំចូលមកវិញនូវផលិតផលអេឡិកត្រូនិក និងមុខទំនិញផ្សេងទៀត ក្នុងទំហំទឹកប្រាក់ប្រមាណ ៣៥ លានដុល្លារ។
លើសពីនោះទៀត ឯកឧត្តមរដ្ឋមន្ត្រី បានមានប្រសាសន៍ថា វត្តមានរបស់ប្រភេទរថយន្តប្រណិតថ្មីនេះក្នុងព្រះរាជាណាចក្រកម្ពុជា ជាសក្ខីភាពនៃការអភិវឌ្ឍន៍របស់កម្ពុជា និងការជឿទុកចិត្តពេញទំហឹងរបស់វិនិយោគិន និងពាណិជ្ជករ នៅលើស្ថេរភាពសេដ្ឋកិច្ច-សង្គម របស់កម្ពុជា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ម្យ៉ាងវិញទៀត ការនាំចូលនូវរថយន្តថ្មីមួយនេះ បានឆ្លុះបញ្ចាំងពីវឌ្ឍនភាពសេដ្ឋកិច្ច និងជីវភាពដ៏ប្រសើរ របស់ប្រជាជនកម្ពុជា ដែលទទួលបានក្រោមការខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការរក្សាបាននូវកំណើនសេដ្ឋកិច្ច គិតជាមធ្យម ៧% ក្នុងមួយឆ្នាំ ក្នុងរយៈពេល ២ ទសវត្សចុងក្រោយ៕

ទំហំពាណិជ្ជកម្មរវាងអាមេរិចនិងកម្ពុជាឆ្នាំ២០១៦មានទឹកប្រាក់ជាង៣ពាន់លានដុល្លារ

ភ្នំពេញ៖ពាណិជ្ជកម្មទ្វេភាគីរវាងសហរដ្ឋអាមេរិក និងប្រទេសកម្ពុជាមានចំនួនសរុប ៣,២ ពាន់លានដុល្លា នៅឆ្នាំ ២០១៦។ ទំនិញនាំចេញរបស់អាមេរិកមានតំលៃសរុប ៣៦១ លានដុល្លា ដែលមានដូចជារថយន្ត គ្រឿងម៉ាស៊ីន អាហារសំណល់សំរាប់យកទៅកែច្នៃ ចំណីសត្វ សំលៀកបំពាក់ធ្វើពីរោមសត្វ និងវាយនភណ្ឌមិនមែនតម្បាញ។នេះបើតាមរបាយការណ៍ស្ថានទូតអាមេរិច។

ប្រភពបានបន្ដថា៖ ទំនិញនាំចូលរបស់សហរដ្ឋអាមេរិកពីប្រទេសកម្ពុជាមានតំលៃសរុប ២,៨ ពាន់លានដុល្លា ដែលរួមដូចជាសំលៀកបំពាក់ ស្បែកជើង ប្លាស្ទិក និងផលិតផលស្បែក។ កាលពីឆ្នាំទៅ សហរដ្ឋអាមេរិកនាំចូលផលិតផលកសិកម្មពីប្រទេសកម្ពុជាមានតំលៃ ២៣ លានដុល្លា ដូចជាផ្លែឈើ បន្លែ អង្ករ និងផលិតផលដទៃទៀត។ចំណែក៦ខែដើមឆ្នាំនេះទំហំពាណិជ្ជកម្មមានទឹកប្រាក់១៥៤៦លានដុល្លារក្នុងកម្ពុជានាំចេញទៅអាមេរិចមានទឹកប្រាក់ជាង១៣៦២លានដុល្លារ។
ប្រទេសកម្ពុជានិងសហរដ្ឋអាមេរិកមានទំនាក់ទំនងពាណិជ្ជកម្មរឹងមាំ ហើយពិធីមួយដែលរៀបចំដោយលោកឯកអគ្គរដ្ឋទូត Heidt បានទាញការចាប់អារម្មណ៍ លើបុគ្គលិកសំខាន់ៗដែលធ្វើការលើបញ្ហានេះ ព្រមទាំងផលិតផលដ៏ល្បីមួយរបស់អាមេរិក ដែលមានលក់នៅភ្នំពេញក្នុងពេលឆាប់ៗនេះ។
នៅថ្ងៃសុក្រ លោកឯកអគ្គរដ្ឋទូតបានរៀបចំពិធីមួយដើម្បីអោយសមាជិកសំខាន់ៗនៃអ្នកជំនួញនៃប្រទេសកម្ពុជាបានជួបជាមួយលោក Michael Newbill អនុប្រធានទូតអាមេរិកថ្មី និងលោក David Sequeira មន្រ្តីទូតទទួលបន្ទុកផ្នែកសេដ្ឋកិច្ច ដែលទើបនឹងមកដល់ប្រទេសកម្ពុជា។
តែអ្វីដែលគេចាប់អារម្មណ៍ពិតប្រាកដនោះគឺម៉ូតូ Harley-Davidson ។ ហាងលក់ម៉ូតូ Harley-Davidson រាយដំបូង នៅភ្នំពេញ គ្រោងនឹងបើកនៅចុងឆ្នាំនេះ ហើយភ្ញៀវនៅក្នុងពិធីនោះ អាចសាកអង្គុយលើម៉ូតូនោះដែលចតនៅស្ងៀម ដើម្បីរោទ៍សាកមើលថាតើវាមានកំលាំងខ្លាំងយ៉ាងណាដែរ៕

 

រដ្ឋមន្ដ្រី៖កម្ពុជា នឹងមានប្រព័ន្ធអ៊ិនធឺណិត ប្រើបា្រស់១០០% នៅតំបន់ប្រជុំជន និង៧០% នៅតំបន់ជនបទ នាឆ្នាំ២០២០

ភ្នំពេញ៖ រដ្ឋមន្រី្តក្រសួងប្រៃសណីយ៍ និងទូរគមនាគមន៍ អះអាងថា៖ កម្ពុជា នឹងមានប្រព័ន្ធអ៊ិនធឺណិត ប្រើបា្រស់១០០% នៅតំបន់ប្រជុំជន និង៧០% នៅតំបន់ជនបទ នាឆ្នាំ២០២០ ។
ឯកឧត្តម ត្រាំ អ៊ីវតឹក បានថ្លែងយ៉ាងដូច្នេះ នៅក្នុងកិច្ចប្រជុំកំពូលអន្តរជាតិស្តីពីហេដ្ឋារចនាសម្ព័ន្ធ កម្ពុជា រៀបចំដោយក្រុមហ៊ុន អេ ដ កូ (Edotco) នាព្រឹកថ្ងៃទី២៨ ខែសីហា ឆ្នាំ២០១៧នេះ ។

ឯកឧត្តម បន្តថា៖ មហិច្ឆតា របស់កម្ពុជា ក្នុងការតភ្ជាប់ទំនាក់ទំនងតាមប្រព័ន្ធឌីជីថល នៅត្រឹមឆ្នាំ២០២០ ហើយបានទទួលស្គាល់ពីតួនាទីដ៏សំខាន់ មិនអាចខ្វះបាន នៃភាពជាដៃគូរវាងស្ថាប័នរដ្ឋ និងវិស័យឯកជន ក្នុងការសម្រេចបាននូវការត្រៀមខ្លួនជាស្រេចក្នុងវិស័យ ICT ។ កិច្ចប្រជុំកំពូលនេះ ជាការជួបជុំផ្លាស់ប្តូរ ចែករំលែកចំណេះដឹង បទពិសោធន៍ និងមតិយោបល់រវាងមន្រី្តជាន់ខ្ពស់ និងតួអង្គសំខាន់ៗ ក្នុងឧស្សាហកម្មទូរគមនាគមន៍ ដោយវាបានបង្កើតឲ្យមានជាការពិភាក្សាគ្នា ដើម្បីរិះរកវិធីសាស្រ្តយ៉ាង សម្រេចឲ្យបាននូវចក្ខុវិស័យ ICT នៃរបស់កម្ពុជា ។

ឯកឧត្តម រដ្ឋមន្រី្ត បានបន្ថែមថា៖ តាមរយៈគំនិតផ្តួចផ្តើមរបស់ អេ ដ កូ ក្នុងការនាំមកនូវការតភ្ជាប់តាមរយៈហេដ្ឋា រចនាសម្ព័ន្ធទូរគមនាគមន៍ និងដំណោះស្រាយប្រកបដោយភាពច្នៃប្រឌិតនេះ វាពិតជាបានបង្ហាញឲ្យឃើញកាន់តែច្បាស់ ពីការគាំទ្រចំពោះចក្ខុវិស័យ ICT របស់ប្រទេសកម្ពុជា ។

អគ្គនាយកក្រុមហ៊ុន អេ ដ កូ គ្រុប(Edotco Group) លោក ស៊ូរេស ស៊ីហូ (Suresh Sidhu) បានគាំទ្រដល់ចក្ខុ វិស័យ ICT ឆ្នាំ២០២០របស់ប្រទេសកម្ពុជា តាមរយៈការផ្តល់នូវវេទិកាដ៏មានតម្លៃនាពេលនេះ សម្រាប់ការភ្ជាប់ទំនាក់ទំនង រវាងភាគីសំខាន់ៗដែលត្រូវការជាចាំបាច់ ដើម្បីបង្កើនការយល់ដឹងអំពីការតភ្ជាប់ និងការអភិវឌ្ឍហេដ្ឋារចនាសម្ព័ន្ធទូរគមនាគមន៍នៅក្នុងប្រទេស ហើយនឹងរិះរកពីដំណោះស្រាយ ប្រកបដោយភាពច្នៃប្រឌិត ដែលមាននៅក្នុងវិស័យនេះ ។

លោក ភីលីប វ៉ង (Phillip Wong) នាយកគ្រប់គ្រង នៃក្រុមហ៊ុន អេ ដ កូ ប្រចាំព្រះរាជាណាចក្រកម្ពុជា បានលើកឡើងដែរ ថា៖ ថ្ងៃនេះក្រុមហ៊ុនបានឃើញពីការគាំទ្រ និងតួនាទីដ៏សំខាន់របស់ក្រុមហ៊ុន បង្គោលអង់តែនដែលមានឯករាជ្យ ភាពដូចជា ក្រុមហ៊ុន អេ ដ កូ និងភាគីពាក់ព័ន្ធសំខាន់ជាច្រើនទៀត សុទ្ធសឹងតែអាចធ្វើជាដៃគូដ៏ល្អ និងទុកចិត្តបានក្នុងការ ឈានទៅសម្រេចនូវមហិច្ឆតានេះ ៕

 

រដ្ឋមន្រ្តីវិនិយោគនិងពាណិជ្ជកម្មអូស្រ្តាលីនឹងមកទស្សនកិច្ចនៅកម្ពុជា

អូស្រ្តាលី,ក្រុងដាវីន៖លោករដ្ឋមន្រ្តីហាមិលតុនស្មីត(Hamilton Smith) ទទួលបន្ទុកវិនិយោគនិងពាណិជ្ជកម្មនៃប្រទេសអូស្រ្តាលីផ្នែកខាងត្បូងនឹង​មក​​បំពេញទស្សនកិច្ចនៅកម្ពុជាចំនួន២ថ្ងៃចាប់ពីថ្ងៃទី២៥ដល់២៦ខែសីហាឆ្នាំ២០១៧ នេះ បើយោងតាមការបញ្ជាក់ពីស្ថានទូតអូស្រ្តាលីប្រចាំនៅទីក្រុងភ្នំពេញ។

ការបំពេញទស្សនកិច្ចនេះត្រូវបានគេអះអាងថាដើម្បីស្វែងយល់ពីឱកាសពង្រឹងទំនាក់ទំនងពាណិជ្ជកម្មនិងវិនិយោគជាមួយប្រទេសកម្ពុជា។ក្នុងពេលទៅបំពេញទស្សនកិច្ចនេះនឹងមានក្រុមពាណិជ្ជករមួយក្រុមទៅជាមួយលោករដ្ឋមន្រ្តីដែរ។"នេះជាលើកដំបូងដែលលោករដ្ឋមន្រ្តីទទួលបន្ទុកពាណិជ្ជកម្មនិងវិនិយោគប្រចាំរដ្ឋនៃប្រទេសអូស្រ្តាលីទៅកាន់ប្រទេសកម្ពុជា។

លោកស្រីអេនជេលឡា ខកខឺរ៉េន ឯកអគ្គរដ្ឋទូតអូស្រ្តាលីបានលើកឡើងថា៖"ដណើរទស្សនកិច្ចរបស់លោករដ្ឋមន្រ្តី Hamilton Smith គឺជាឱកាសមួយល្អដើម្បីស្វែងយល់និងរឹតបណ្តឹងនូវទំនាក់ទំនងពាណិជ្ជកម្មនិងវិនិយោគរវាងរដ្ឋផ្នែកត្បូងរបស់ប្រទេសអូស្រ្តាលីនិងប្រទេសកម្ពុជា"៕

 

 

មន្ត្រីរាជការ២ខេត្តជាប់ជាយដែនត្រូវបានបង្រៀនពីការងារអភិវឌ្ឍន៍តំបន់សេដ្ឋកិច្ច

បន្ទាយមានជ័យ៖វគ្គបណ្តុះបណ្តាលមន្ត្រីរាជការ២ខេត្តជាប់ជាយដែនចំនួន៥៧នាក់ដើម្បីអនុវត្តការងារអភិវឌ្ឍន៍តំបន់សេដ្ឋកិច្ចដែលបើកវគ្គនៅព្រឹកថ្ងៃទី២២ខែសីហាឆ្នាំ២០១៧នៅក្រុងសិរីសោភ័ណ។

លោក លី សារី អភិបាលរងខេត្តបន្ទាយមានជ័យបានមានប្រសាសន៍ថា៖វគ្គបណ្តុះបណ្តាលជំនាញអភិវឌ្ឍន៍តំបន់សេដ្ឋកិច្ចនេះគឺមានសិក្ខាកាមចំនួន៥៧នាក់ដែលមកពីខេត្តឧត្តរមានជ័យចំនួន១៨រូបនិងខេត្តបន្ទាយមានជ័យចំនួន៣៩រូបដែលបណ្តុះបណ្តាលពីថ្ងៃទី២២ដល់២៤ខែសីហាឆ្នាំ២០១៧។

លោកបានបញ្ជាក់ថា៖វគ្គបណ្តុះបណ្តាលមន្ត្រី២ខេត្តជាប់ជាយដែននេះដើម្បីបណ្តុះបណ្តាលជំនាញការងារអភិវឌ្ឍន៍សេដ្ឋកិ​ច្ចតំបន់(RED111)មានខេត្តបន្ទាយមានជ័យនិងខេត្តឧត្តរមានជ័យ។ក្នុងគោលបំណងផ្តល់បទពិសោធន៍ការងារអភិវឌ្ឍន៍តំបន់សេដ្ឋកិច្ចដើម្បីកាត់បន្ថោយភាពក្រីក្រជូនប្រជាពលរដ្ឋនិងចំណាក់ស្រុកខុសច្បាប់។

លោក លី សារី បានផ្តាំផ្ញើដល់សិក្ខាកាមត្រូវខិតខំយកចិត្តទុកដាក់ចំពោះជំនាញការងារជាបទពិសោធន៍យកទៅបម្រើប្រជាពលរដ្ឋស្របតាមគោលនយោបាយរបស់រាជរដ្ឋាភិបាលកម្ពុជាក្រោមការដឹកពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលកំពុងអភិវឌ្ឍន៍ប្រទេសកម្ពុជាអោយមានការរីកចម្រើន៕(ប៊ុន ធឿន)

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

ព័ត៌មានជាតិ​ពេល​យប់​


សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

សេដ្ឋកិច្ច

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2