vigor-new

 

ហង្សមាស the voice-2-2-16 cambodianidol-2 Money drop killer gotodance Hm all

ហង្សមាស

the voice-2-2-16

cambodianidol-2

Money drop

killer

gotodance

Hm all

ads-tel-true

កីឡាករកម្ពុជាឈ្នះមេដាយមាសនឹងទទួលថវិកាប្រមាណជា២៤០០០ដុល្លារអាមេរិច

ភ្នំពេញ៖ឯកឧត្តម វ៉ាត់ ចំរើន អគ្គលេខាធិការ NOCC ទទួលបន្ទុកនាយបេសកកម្មស៊ីហ្គេម ឆ្នាំ២០១៧ នៅម៉ាឡេស៊ី បានអះអាងពីប្រាក់រង្វាន់សរុប សម្រាប់ការឈ្នះមេដាយមាស ប្រាក់ និងសំរិទ្ធ ពីរាជរដ្ឋាភិបាលកម្ពុជា, ថវិកាលើកទឹកចិត្តពីសម្តេចតេជោ ហ៊ុន សែន និងសម្តេចគតិព្រឹទ្ធបណ្ឌិត ប៊ុន រ៉ានីហ៊ុនសែន ព្រមទាំងថវិកាឧបត្ថម្ភជាគោល ការណ៍របស់ក្រុមហ៊ុនធំៗចំនួន២ផ្សេងទៀតផងដែរ។ 

នាយបេសកកម្មស៊ីហ្គេមរូបនេះបានបញ្ជាក់ នៅក្នុងឱកាសជប់លៀង អបអរលើកទឹកចិត្តជូនដំណើរដល់ក្រុមអត្តពលិកកម្ពុជា ទាំង២៤ប្រភេទកីឡា សរុប២៧៤នាក់ ក្រុមហ៊ុន កម្ពុជាខេមប្រ៊ូ កាលពីចុងសប្តាហ៍កន្លងទៅ នៅសណ្ឋាគារ សូហ្វីតែល។
ទឹកប្រាក់ដែលទទួលបានមាន ឯកត្តជន៖ មេដាយមាស ទទួលបាន ១ម៉ឺនដុល្លារពីរាជរដ្ឋាភិបាល, ៥ ពាន់ដុល្លារ ពីសម្ដេចនាយករដ្ឋមន្រ្តី ហ៊ុន សែន និង ៩ ០០០ ដុល្លារ ពីក្រុមហ៊ុនធំៗចំនួន គឺពីក្រុមហ៊ុន ស្រាបៀរអង្គរ ចំនួន៦០០០ដុល្លារ និងណាហ្គាវើល ៣០០០ដុល្លារ សរុប ២៤ ០០០ ដុល្លារសហរដ្ឋអាមេរិក, មេដាយប្រាក់ ទទួលបានសរុប ១៣ ៥០០ ដុល្លារ និងមេដាយសំរឹទ្ធ ទទួលបាន ៧ ០០០ ដុល្លារ។
ប្រាក់រង្វាន់ជាក្រុមពីក្រុមហ៊ុន ស្រាបៀរអង្គរ ៖ មេដាយមាស ទទួលបាន ៨ ០០០ ដុល្លារ, មេដាយប្រាក់ ទទួលបាន ៥០០០ ដុល្លារ និងមេដាយសំរឹទ្ធ ទទួលបាន ៣០០០ ដុល្លារ ខណៈប្រភេទកីឡាបាល់ទាត់ ឈ្នះ១ប្រកួត ទទួលបាន ២០០០ដុល្លារ។ សម្រាប់ការឈ្នះមេដាយជាក្រុមនេះ ដែលទទួលបានក្រុមហ៊ុន កម្ពុជាខេមប្រ៊ូ ក៏មានប្រាក់រង្វាន់ផ្សេងៗទៀតដែរពីរាជរដ្ឋាភិបាលកម្ពុជា និងសម្តេចតេជោ និងក្រុមហ៊ុនមួយចំនួនទៀត៕

កម្ពុជាទទួលបានមេដាយ១៧រួមមានមេដាយមាសចំនួន៣ពីស៊ីហ្គេមរហូតមកដល់ពេលនេះ

ភ្នំពេញ៖តាមសេចក្តីរាយការណ៍ពីឯឧ វ៉ាត់ចំរើន នាយបេសកកម្ម ប្រចាំ គូឡាឡាំពួរគិតត្រឹមថ្ងៃទី29 សីហាជាថ្ងៃចុងក្រោយសម្រាប់ប្រតិភូកីឡា កម្ពុជា SEA Games លេីកទី២៩។បន្ទាប់ពីធ្វើបាន សំរេច មេដាយមាស របស់ កីឡាប្រដាល់គុនខ្មែរ ឃឹម ឌឺមា និង មេដាយមាស របស់ កីឡាការនី តេក្វាន់ដូ ស៊ន សៀវមុី នៅរសៀលថ្ងៃនេះ កម្ពុជាយើងទទួលបានលទ្ធផលបណ្តោះអាសន្នជាផ្លូវការ ដូចខាងក្រោមៈ មេដាយមាស 3និង មេដាយប្រាក់ 2មេដាយសំរឹទ្ធ 12។តារាងចំណាត់ថ្នាក់ប្រទេសថ្ងៃនេះ កម្ពុជាចំណាត់ថ្នាក់ ទី៨ ក្នុងចំណោម១១ ប្រទេស នៅលេីឡាវ ប្រ៑ុយណេ និង ទីម័រខាងកេីត។សូមអបអរសាទរ និកោតសរសើរដល់កីឡាករ កីឡាការនី និងប្រតិភូកីឡា យើង ដែលបានប្រឹងប្រែង ប្រកបដោយ ស្មារតីទទួលខុសត្រូវខ្ពស់ជូនជាតិមាតុភូមិ៕

 

 

ជំនន់ទឹកភ្លៀងហូរកាត់ផ្លូូវជាតិលេខ៥នៅស្រុកថ្មគោលបានបណ្ដាលកកស្ទះចរាចរណ៍

ខេត្តបាត់ដំបង៖ទឹកភ្លៀងបន្តធ្លាក់ជាប់គ្នាជិត១សប្តាហ៍បង្កអោយទឹកជន់លិចហូរកាត់ផ្លូូវជាតិលេខ៥អាចប្រឈមនិងការប៉ះពាល់ផ្លូវរាំងស្ទះដល់ការធ្វើដំណើរ។ លោកគង់ លី អភិបាលស្រុកថ្មគោលបានអោយដឹងនៅរសៀលថ្ងៃទី២៨ សីហានេះថា ទឹកភ្លៀងបន្ត ធ្លាប់​ជាប់ៗគ្នាប្រមាណ៣ទៅ៤ថ្ងៃនេះពិសេនៅល្ងាចថ្ងៃទី២៧ មកដល់ថ្ងៃនេះទី២៨ ខែសីហា បើទឹកភ្លៀង នៅ​តែបន្តមិន​រាំង​ទេ​ផ្លូវ​ត្រឹមកំណាត់ទឹកលិចចំនុចខ្នងទំនប់ទី១ ក្នុងភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។ កំណាត់ផ្លូវប្រមាណជា៣០ម៉ែត្រនេះរអាចប្រឈមនិងការប៉ះពាល់ដរាបណាទឹកភ្លៀងនៅតែបន្តធ្លាក់។

លោកបន្តថា មកដល់ ពេលនេះនៅមិនទាន់មានការប៉ះពាល់ដល់ផ្ទះសំបែងរបស់ប្រជាពលរដ្ឋនៅឡើយទេ។ប្រភពដែល​ទឹក​ហូរខ្លាំងនេះ ភាគច្រើន ហូរចាក់មកពីផ្នែកតំបន់ព្រៃឬស្សី អន្លង់រុណ និងផ្នែកមួយចំនួនទៀតរបស់ស្រុកថ្មគោល។

លោកឡុងផល្គុនប្រធានមន្ទីរធនធានទឹកនិងឧត្តុនិយមខេត្តបានអោយដឹងថា ការបង្អុរភ្លៀងធ្លាក់បន្ត បន្ទាប់នេះ ដោយសារ ឥទ្ធិ​ពលព្យះពីប្រទេសចិននិងបន្តធ្លាក់រហូតដល់ថ្ងៃទី៣១ ខែសីហា ឆ្នាំ២០១៧ ការរងសំពាធទាប នេះដែរទឹកភ្លៀង​ធ្លាក់ក្នុង​កំរិតទាបមិនទាន់ឋុតក្នុងកំរិតធ្ងន់ធ្ងរទេ។

ចំណែកលោក ចន្ទ័ សំបូរ អនុប្រធានមន្ទីរសា ធារណៈការខេត្តបាត់ដំបងបានអោយដឹងដែរថា វិធានការ​​ចំពោះមុខយោង​តាម​ស្ថានភាពទឹកហូរនេះ។​លោកបានសហការជាមួយក្រុមហ៊ុនចិនស្ថាបនាផ្លូវកាយទម្លាយទំនប់នៅផ្នែកលើក្បែរគ្នានោះ ដើម្បី​បញ្ចៀសទឹកទៅកាន់គោលដៅផ្សេងៗ ធ្វើយ៉ាងណាកុំអោយទឹកហូរបុកខ្លាំងចូលច្រកតែមួយប៉ះពាល់ដល់ផ្លូវជាតិ និងម៉្យាង​ទៀតសម្រួលអោយរថយន្តដឹកទំនិញនិងអ្នកធ្វើដំណើរឆ្លងកាត់មួយៗ៕

 

ប៉េតង់រកបានមេដាយមាសមួយគ្រឿងហើយ ពីការប្រកួតនៅស៊ីហ្គេម

ភ្នំពេញ៖កាលពីម្សិលមិញកីឡាការិនីប៉េតង់កម្ពុជាដណ្ដើមបានមេដាយមាស១គ្រឿងហើយលើវិញ្ញាសាវាយគូដែល មានកីឡាការិនីកែ ឡេង និង អ៊ុក ស្រីមុំនៅក្នុងព្រឹត្តិការណ៍ស៊ីហ្គេមលើកទី២៩នេះ។កីឡាការិនីទាំង ២ រូបនេះបានប្រកួតឈ្នះកីឡាការិនីថៃនៅវគ្គផ្ដាច់ព្រ័ត្រដែលមេដាយមាសនេះបាន ធ្វើឲ្យចំនាត់ថ្នាក់របស់កម្ពុជាបានឡើងពីលេខ១០មកលេខ ៨វិញដែលនេះជាចំនាត់ថ្នាក់របស់កម្ពុជាកាលពី ស៊ីហ្គេមលើកទី២៨ ។នេះបើតាមការផ្សាយរបស់គណៈកម្មាធិការជាតិអូឡាំពិកកម្ពុជា។
ដោយឡែកក្រុមបាល់ទាត់កម្ពុជាដែលប្រកួតបង្គ្រប់កិច្ចចុងក្រោយមុនពេលហាលអាវនោះបានចាញ់ក្រុមឥណ្ឌូនេស៊ី០ ទល់ ២ក្នុងខណៈដែកីឡាការិនីវាយកូនបាល់កម្ពុជាអង់ដ្រេកា ដារ៉ាវីប្រកួតចាញ់ហ្វីលីពីន នៅវគ្គពាក់កណ្ដាលផ្ដាច់ព្រ័ត្រហើយបានទទួលមេដាយសំរិទ្ធ ។

គិតត្រឹមយប់ថ្ងៃទី២៤សីហាចំនួនមេដាយប្រទេសម៉ាឡេស៊ីនៅតែឈរក្នុងលំដាប់លេខ ១ ដដែលគឺ សរុបចំនួន១៤៧គ្រឿងដែលក្នុងនោះមាន៦៣គ្រឿង ប្រាក់៤៥ សំរិទ្ធ៣៩ ។ វៀតណាមឡើងមកលំដាប់ លេខ២ដែលមានមេដាយចំនួន៩៤គ្រឿងគឺមាស៣៧ ប្រាក់២៥ និង សំរិទ្ធ៣២ ។

សឹង្ហបូរីបានខ្ទាតមកចំណាត់ថ្នាក់លេខ ៣ ដែលមានមេដាយចំនួន១០០គ្រឿង គឺមាស៣៤ ប្រាក់៣២ និង សំរិទ្ធ ៣៤ ។ថៃនៅចំណាត់ថ្នាក់ទី៤ដដែលដែលមានមេដាយសរុបចំនួន១១៦គ្រឿងគឺមាស២៥ ប្រាក់៤៥ និង សំរិទ្ធ៤៦ ។

ឥណ្ឌូនេស៊ីនៅលំដាប់ទី ៥គឺមានមេដាយចំនួន៨៣គ្រឿងដែលក្នុងនោះមាស១៩គ្រឿង ប្រាក់២៤ សំរិទៃធ ៤០ ។ហ្វីលីពីនចំណាត់ថ្នាក់ទី ៦ដែលមានមេដាយសរុបចំនួន៦៤គ្រឿងគឺមាស១៥ ប្រាក់១៨ សំរិទ្ធ ៣១ ។មីយ៉ាន់ម៉ាមាន២២គ្រឿងគឺមាស៥ ប្រាក់ ៦សំរិទ្ធ ១១ ។

កម្ពុជាឡើងមកចំណាត់ថ្នាក់ទី ៨ ដែលមានមេដាយសរុបចំនួន៧គ្រឿងគឺមា ស១ សំរិទ្ធ ៦ ។ប្រ៊ុយ ណេចំណាត់ថ្នាក់ទី៩ដែលមានមេដាយសរុប៧គ្រឿងគឺប្រាក់ ១ សំរិទ្ធ ៦ ។ឡាវមេដា៧គ្រឿងដែរគឺប្រាក់ ១ សំរិទ្ធ ៦ ឯទីម័រខាងកើតមិនទាន់បានមេដាយនៅឡើយ ៕

 

កីឡាករកម្ពុជាត្រូវបានស្វាគមន៍ជាមួយនឹងពីធីហែរក្បួនអបអរសាទរក្រោយឈ្នះមេដាយមាសវ៉ូវីណាម​ 2017នៅឥណ្ឌា

ភ្នំពេញ៖នៅព្រឹកថ្ងៃទី០៧ ខែសីហា ឆ្នាំ២០១៧នេះ ក្រុមកីឡាករ កីឡាការិនីកម្ពុជាដែលទទួលបានជ័យជំនះ នៃការប្រកួតកីឡាវ៉ូវីណាមពិភពលោក(5th World Vovinam Championship 2017) បានមកដល់កម្ពុជាហើយ ជាមួយនឹងការរៀបចំជាក្បួនដង្ហែរ ដែលរៀបចំឡើងដោយរាជរដ្ឋាភិបាលកម្ពុជា ។

សូមជំរាបថា កម្ពុជាបានឈ្នះមេដាយសរុបរហូតដល់ទៅ២២គ្រឿង (មាស៤ ប្រាក់៩ និងសំរឹទ្ធ៩) បានធ្វើឲ្យអត្តពលិកកម្ពុជាឈរនៅចំណាត់ថ្នាក់លេខ(៣) ក្នុងចំណោម៤៥ប្រទេសដែលចូលរួមប្រកួតកីឡាវ៉ូវីណាម ជើងឯកពិភពលោក ឆ្នាំ២០១៧ ដែលមានឥណ្ឌាធ្វើម្ចាស់ផ្ទះ។

ការប្រកួតកីឡាវ៉ូវីណាមពិភពលោក(5th World Vovinam Championship 2017) ត្រូវបានបញ្ចប់ជាស្ថាពរហើយនាល្ងាចថ្ងៃសៅរ៍ ទី៥ ខែសីហា ឆ្នាំ២០១៧ នៅទីក្រុង New Delhi ប្រទេសឥណ្ឌា ដែលដំណើរការប្រកួតបានចាប់ផ្តើមកាលពីថ្ងៃទី៣ ខែសីហា ឆ្នាំ២០១៧ ដោយកម្ពុជាជាប់ចំណាត់ថ្នាក់លេខ៣ ក្រៅពីអាល់ហ្សេរី ជាប់លេខ២ និងម្ចាស់ក្បាច់គុន វៀតណាមជាប់លេខ១។

តាមបណ្ដាញសង្គមហ្វេសប៊ុកសម្ដេចហ៊ុនសែនបានអប់អរសាទរនិងសូមថ្លែងអំណរគុណដល់ក្រសួងអប់រំ យុវជន និងកីឡា សហព័ន្ធកីឡាវ៉ូវីណាម រួមទាំងគណៈកម្មាធិការអូឡាំពិកកម្ពុជាដែលបានជួយទំនុកបំរុងទាំងសម្ភារៈហ្វឹកហាត់ និងថវិកាសម្រាប់ប្រតិភូ គ្រូបង្វឹក និងកីឡាករ-កីឡាការិនី ក្នុងការចូលរួមប្រកួតលើកនេះ៕

 

សម្ដេចហ៊ុនសែនហាមកីឡាករទៅស៊ីហ្គេមប្រើប្រាស់ថ្នាំប៉ូវកំលាំង

ភ្នំពេញ៖សម្តេចប្រមខរដ្ឋាភិបាលកម្ពុជាហាមកីឡាករទៅស៊ីហ្គេមប្រើប្រាស់ថ្នាំប៉ូវកំលាំងពេលប្រកួតដើម្បីការពារកិត្តិយសជាតិ។សម្ដេចបានលើកឡើងនៅព្រឹកនេះពេលជួបកីឡាករមុនចេញដំណើរទៅប្រកួតនៅម៉ាឡេស៊ី។

សម្ដេចបានផ្តាំផ្ញើរដល់កីឡាទាំងអស់ក្នុងពេលប្រកួត ជៀសវាងដាច់ខាតការប្រើប្រាស់សារធាតុលើកកម្លាំងព្រោះវាខុសនឹងលក្ខន្តិកៈ មិនត្រឹមធ្វើឱ្យយើងបាត់បង់ឱកាស និងលទ្ធផលនោះទេ វាធ្វើឱ្យប៉ះពាល់ដល់កិត្តយសជាតិទៀតផង។ មួយទៀតសម្តេចស្នើឱ្យការប្រកួតត្រូវគោរពតាមលក្ខន្តិកៈនិងក្បួនខ្នាតនៃការប្រកួត កុំដើម្បីចង់ឈ្នះទៅបំពានលើគូរប្រកួត ចំណុចនេះសម្តេចហាមដាច់ខាត។កីឡាកីឡាការិនីនិងប្រតិភូចំនួនប្រមាណ២៧៤នាក់នឹងចេញទៅប្រកួត​កីឡា​ស៊ី​ហ្គេ​ម​លើក​ទី​២៩​នៅ​ប្រទេស​ម៉ា​ឡេ​ស៊ី។

នៅព្រឹកថ្ងៃទី៣ខែសីហាឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានជួបសំណេះសំណាលជាមួយជាមួយប្រតិភូកីឡាកម្ពុជាចំនួន២៧៤នាក់ ដែលត្រូវចេញទៅចូលរួមប្រកួតកីឡាSEA Games លេីកទី២៩ នៅទីក្រុង់កូឡាឡំពួរ ប្រទេសម៉ាឡេស៊ី នៅវិមានសន្តិភាព។

តាមប្រសាសន៍របស់ឯ.ឧ ហង់ ជួនណារ៉ុន រដ្ឋមន្រ្តីក្រសួង​អប់រំ យុវជន និង​កីឡា កម្ពុជាបានបញ្ជូន​ប្រិភូតិកីឡាដែលមាន ថ្នាក់ដឹកនាំ គ្រូបង្វឹក កីឡាករកីឡាការិនី​ចំនួន​២៤​ប្រភេទ​កីឡា​សរុប​មានចំនួន​២៧៤​នាក់​ទៅ​ចូលរួម​ប្រកួត​កីឡា​ស៊ី​ហ្គេ​ម​លើក​ទី​២៩​នៅ​ប្រទេស​ម៉ា​ឡេ​ស៊ី ចាប់ពី​ថ្ងៃ​ទី​១៩​ដល់​ថ្ងៃ​ទី​៣១ ខែសីហា ឆ្នាំ​២០១៧​៕

 

ក្រសួងការងារអំពាវនាវឲ្យពលរដ្ឋខ្មែរកុំចាញ់បោកការផ្សព្វផ្សាយការនាំពលករទៅធ្វើការនៅបរទេស

ភ្នំពេញ៖ក្រសួងការងារអំពាវនាវឲ្យពលរដ្ឋខ្មែរកុំចាញ់បោកការផ្សព្វផ្សាយការនាំពលករទៅធ្វើការនៅបរទេសដែលធ្វើឲ្យពលករខ្លះត្រូវប្រឈមការជួញដូរនិងជួបឧបសគ្គយ៉ាងធ្ងន់ធ្ងរទាំងការស្នាក់នៅនិងការបំពេញការងារជាបន្តបន្ទាប់។
ឯកឧត្តម ហេង សួរ អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈបានអំពាវនាវឲ្យម្ចាស់ស្ថានីយ៍វិទ្យុឯកជនទាំងអស់បញ្ឈប់ការផ្សព្វផ្សាយពាណិជ្ជកម្មស្តីពីការជ្រើសរើសពលករទៅធ្វើការនៅបរទេសជាបន្តទៀតដើម្បីទប់ស្កាត់ ការពារនិងបញ្ជៀសផុតពីការឆបោករបស់ក្រុមជនខិលខូចនិងមេខ្យល់នាំពលករទៅធ្វើការនៅបរទេសដោយខុសច្បាប់។
ឯកឧត្តបានបន្តថាកន្លងមកមានក្រុមហ៊ុនឬអង្គការធ្វើសកម្មភាឆបោកដោយបានប្រើប្រាស់វិទ្យុនិងតាមបណ្តាញសង្គមហ្វេ​ប៊ុក​ដើម្បីជ្រើសរើសនិងបណ្តុះបណ្តាលពលករខ្មែរទៅធ្វើការនៅបរទេស។
ទន្ទឹមនឹងនេះឯកឧត្តមបានស្នើឲ្យស្ថានីយ៍វិទ្យុទាំងអស់ធ្វើការផ្សព្វផ្សាយទៅតាមអ្វីដែលក្រសួងព័ត៌មានបានណែនាំដើម្បីធានាបាននូវសុខសុវត្តិភាព លក្ខខណ្ឌការងារនិងអត្ថផលប្រយោជន៍ជាច្រើនជួនដល់ពលករពិសេសបញ្ជៀសបានពីការឃុំឃាំងនិងចាប់បញ្ជួនត្រឡប់មកប្រទេសវិញ។

ចំណែកឯកឧត្តម ខៀវ កាញារិទ្ធី រដ្ឋមន្ត្រីក្រសួងព័ត៌មានបានលើកឡើងនៅក្នុងលិខិតមួយចុះថ្ងៃទី១៣កក្ដដាកន្លងមកបានស្នើសុំឲ្យម្ចាស់ស្ថានីយ៍វិទ្យុទាំងអស់បញ្ឈប់ជាបន្ទាន់នូវការជួលម៉ោងផ្សាយឲ្យក្រុមហ៊ុនឬបុគ្គលទាំងឡាយដែលបានផ្សព្វផ្សា​យព័ត៌មានស្តីពីការជ្រើសរើសពលករខ្មែរទៅធ្វើការនៅបរទេសដោយគ្មានការអនុញ្ញាតពីក្រសួងការងារនិងបណ្តុះបណ្តាលវិជ្ជាជីវៈ។លោក អន ប៊ុនហាក់ ប្រធានសមាគមភ្នាក់ងារជ្រើសរើសពលករកម្ពុជាបានប្រាប់ទូរទស្សន៍រស្មីហង្សមាសនៅព្រឹកថ្ងៃទី២៧កក្ដដាដោយបង្ហាញការគាំទ្រចំពោះវិធានការរបស់ក្រសួងការងារដែលឲ្យស្ថានីយ៍វិទ្យុបញ្ឈប់ការផ្សព្វផ្សាយស្តីពីការរើសពលករទៅបរទេស។
ជាមួយគ្នានេះដែរលោកបានស្នើឲ្យក្រសួងការងារក៏ដូចជាសមត្ថកិច្ចចាត់វិធានការតាមផ្លូវច្បាប់និងបញ្ជួនជនខិលខូចទាំងនោះទៅតុលាការដើម្បីកុំឲ្យពួកគេបន្តទៅបោកប្រាស់ដល់ប្រជាពលរដ្ឋជាបន្តទៀត។គួរបញ្ជាក់ថាបច្ចុប្បន្ននេះនៅកម្ពុជាមានក្រុមហ៊ុនជ្រើសរើសពលករស្របច្បាប់ដែលទទួលស្គាល់ដោយក្រសួងការងារនិងបណ្តុះបណ្តាលវិជ្ជាជីវៈសរុបចំនួន៧៧​ក្រុមហ៊ុន៕អត្ថបទ យ៉ែម សុជាតា 

ជម្រើសជាតិកម្ពុជាចាញ់ឥណ្ឌូនេស៊ី២ដល់សូន្យ

ភ្នំពេញ៖ម្ចាស់ផ្ទះ ជម្រើសជាតិជាតិកម្ពុជា រហ័សនាម គោព្រៃកម្ពុជា បានប្រកួតចាស់ក្រុមភ្ញៀវ ជម្រើសជាតិ ឥណ្ឌូណេស៊ី ដោយលទ្ធផលបច្ចេកទេស ០ទល់២ ដោយ១គ្រាប់ នៅតង់ទី១ និង១គ្រាប់ទៀត នៅចុងតង់ទី២។
នេះជាការប្រកួតកម្តៅសាច់ដុំរបស់កម្ពុជា ដើម្បីត្រៀមការប្រកួតផ្លូវការ វគ្គជម្រុះក្នុងពូលC ជាមួយជម្រើសជាតិ អាហ្គានីស្ថាន នាថ្ងៃទី១៣ មិថុនា ២០១៧ ខាងមុខនេះ នៅពហុកីឡដ្ឋានជាតិកម្ពុជា នៃព្រឹត្តិការណ៍បាល់ទាត់ទ្វីបអាស៊ី AFC ASIAN Cup ២០១៩ នៅអារ៉ាប់រួម
ក្រុមជម្រើសជាតិកម្ពុជា ក្រោមការដឹកនាំពីគ្រូបង្វឹកសញ្ជាតិប្រេស៊ី លោក Leonardo Vitorino ដែលបាន ប្រមូលផ្តុំហ្វឹកហាត់នេះមានសមាជិកចំនួន២៥រូប ក្នុងនោះមានកីឡាករខ្សែប្រយុទ្ធ ចាន់ វឌ្ឍនាកាផងដែរ ដែល ទើបនឹងវិលត្រឡប់មកពីប្រកបអាជីពបាល់ទាត់ លំដាប់ទី៣ នៅប្រទេសជប៉ុន។
ក្រុមកម្ពុជា ដែលនឹងត្រូវកម្តៅសាច់ដុំជាមួយឥណ្ឌូណេស៊ី នេះជាជំនួបដ៏សំខាន់មួយ សម្រាប់ការប្រកួត ជាមួយក្រុមអាហ្គានីស្ថាន វគ្គជម្រុះពានរង្វាន់ AFC Asian Cup 2019 ពូលC នាថ្ងៃទី១៣ មិថុនា ឆ្នាំ២០១៧។ ចំណែកឯក្រុមជម្រើសជាតិឥណ្ឌូណេស៊ីក៏បានមកដល់ទឹកដីកម្ពុជារួចហើយដែរ កាលពីល្ងាចថ្ងៃចន្ទម្សិលមិញ ដើម្បីជួបជាមួយក្រុមម្ចាស់ផ្ទះកម្ពុជា នៅពហុកីឡដ្ឋានជាតិ អូឡាំពិក។ សម្រាប់ព្រឹត្តិការណ៍បាល់ទាត់ទ្វីបអាស៊ី វគ្គចែកពូល AFC ASIAN Cup 2019 Qualifier Final Round នេះ មាន៦ពូល។
ដោយឡែកសម្រាប់វគ្គជម្រុះ ក្នុងពូល C មាន៤ក្រុមដែរ គឺកម្ពុជា, អាហ្គានីស្ថាន, វៀតណាម និងក្រុមហ្សកដង់ ដោយក្រុមទាំងអស់នឹងត្រូវជួបគ្នាវិលជុំក្នុងពូលចំនួន២ជើង ដែលត្រូវប្តូរទឹកដីគ្នាម្តងម្នាក់។ ក្រុមទាំង៤ ក្នុងពូល C នេះលេងបាន១ប្រកួតដូចគ្នា ដោយក្រុមម្ចាស់ផ្ទះហ្សកដង់ធ្លាប់បានបំបាក់ក្រុមភ្ញៀវ កម្ពុជាយ៉ាងចាស់ដៃ ដោយលទ្ធផល ៧ទល់០ កាលពីថ្ងៃទី២៨ មីនា ឆ្នាំ២០១៧ ខណៈអាហ្គានីស្ថាន និងក្រុម វៀតណាម ចែកគ្នាម្នាក់១ពិន្ទុ បន្ទាប់ពីរក្សាលទ្ធផលស្មើគ្នា ១ទល់១. សូមបញ្ជាក់ថា ប្រវត្តិជួបគ្នារវាងក្រុមជម្រើសជាតិទាំង២ កម្ពុជា-ឥណ្ឌូនេស៊ី ធ្លាប់បានជួបគ្នាចំនួន២៣ លើក ចាប់តាំងពីឆ្នាំ១៩៦៥ មក ទាំងក្នុងជំនួបមិត្តភាពអន្តរជាតិ និងជំនួបពានរង្វាន់ផ្លូវការនានាផងដែរ ដោយក្នុងនោះជម្រើសជាតិឥណ្ឌូនេស៊ី ឈ្នះរហូតដល់១៩ដង និងជម្រើសជាតិកម្ពុជាធ្លាប់ឈ្នះ ២ដង និងក្រៅពី នេះស្មើចំនួន២ដង៕

NOCCប្រកាសរៀបចំព្រឹត្តិការណ៍រត់ប្រណាំងភ្នំពេញពាក់កណ្ដាលម៉ារ៉ាតុងអន្តរជាតិលើកទី៧នៅថ្ងៃទី ១៦មិថុនា

ភ្នំពេញ៖លោកវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជាមានប្រសាសន៍ក្នុងសន្និសីទកាសែត នាថ្ងៃទី ២២ឧសភាថា៖”ព្រឹត្តិការណ៍នេះការចេញដំណើរ និង ការចេញដំណើរគឺបញ្ចប់នៅមុខព្រះបរមរាជវាំង ។គោលបំណងនៃការរត់នេះគឺដើម្បីអបអរសាទរព្រះរាជពិធី បុណ្យចម្រើនព្រះជន្មសម្ដេចព្រះមហាក្សត្រីនរោត្តម មុនីនាថសីហនុព្រះវររាជមាតាជាតិខ្មែរ” ។
ជាមួយគ្នាព្រឹត្តិការណ៍នេះសម្រាប់មានឈ្មោះថា”រត់ដើម្បីទីក្រុងស្ងាត និង បៃតង រត់ដើម្បីសប្បុរសធម៌ រកថវិកាជួយដល់មន្ទីរពេទ្យគន្ធបុប្ផា និងរត់ដើម្បីភ្នំពេញជាគោលដៅទេសចរណ៍ដ៏ ទាក់ទាញ ។នេះជាព្រឹត្តិការណ៍ ដែលធ្វើឡើងដើម្បីជួយដល់សង្គម”។
វេបសាយរបស់NOCCបានអោយដឹងថា៖ព្រឹត្តិការណ៍នេះមានរត់ចម្ងាយ២១គីឡូម៉ែត្រ(ពាក់កណ្ដាលម៉ារ៉ាតុង)រត់១០គីឡូ ម៉ែត្រ និង រត់កំសាន្តជាលក្ខ ណៈគ្រួសារចម្ងាយ៣គីឡូម៉ែត្រ ។ គិតត្រឹមថ្ងៃនេះមានជនបរទេសប្រមាណ២០០នាក់ហើយដែលមកពី២៦ប្រទេសបានចុះឈ្មោះចូលរួម ឯ ជន កម្ពុជាក៏មានប្រមាណ៣០០នាក់ដែរ ។លោកអគ្គលេខាធិការក៏បានអំពាវនាវឲ្យអ្នកដែលចង់ចូលរួមក្នុងព្រឹត្តិការណ៍ នេះមកចុះឈ្មោះឲ្យបានប្រញាប់ប្រញាល់កុំចាំកៀកពេលបានមកចុះ ។
លោកអគ្គលេខាធិការបានប្ដេជ្ញាចិត្តថានឹងធ្វើឲ្យព្រឹត្តិការណ៍ភ្នំពេញម៉ារ៉ាតុងនេះឲ្យកាន់តែមានទំំហំធំដូច ព្រឹត្តិការណ៍ញូយ៉កម៉ារ៉ាតុង តូក្យូម៉ារ៉ាតុង ប៉ារីសម៉ារ៉ាតុង ឬ ប៉េកាំងម៉ារ៉ាតុង ។នេះជាព្រឹត្តិការណ៍កីឡាដើម្បីបម្រើ ឲ្យគោលដៅទេសចរណ៍ ។ចំពោះតម្លៃបង់សិទ្ធចូលរួមចម្ងាយ២១គីឡូម៉ែត្រសម្រាប់ជនបរទេស៤០ដុល្លារ កម្ពុជា១៥ដុល្លារ ។១០គីឡូ ម៉ែត្រជនបរទេស៣០ដុល្លារ កម្ពុជា១០ដុល្លារ និង៣គីឡូម៉ែត្រ ជនបរទេស១០ដុល្លារ និង កម្ពុជា៥ដុល្លារ ។គួរបញ្ជាក់ ថាសម្រាប់ជនជាត់កម្ពុជាការរត់៣គីឡូម៉ែត្រជួនកាលមិនទាំងយកលុយផងទេ ៕

 

កម្ពុជានឹងធ្វើជាម្ចាស់ផ្ទះនៃការប្រកួតកីឡាប៉េតង់នៅឆ្នាំ២០១៩

ភ្នំពេញៈជាមួយនឹងការលើកទឹកចិត្តដល់ កីឡាការិនី អ៊ុក ស្រីមុំ ដែល ទទួលជ័យ​លាភីមេដាយ​មាស​ពិភពលោក កីឡាប៉េតង់ ប្រចាំឆ្នាំ២០១៧ និងកីឡាករដែលទទួល មេដាយប្រាក់ នៅទី​ក្រុង​ហ្សែន(CHENT) ប្រទេសបែលហ្ស៊ិកនោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា រាជរដ្ឋាភិបាលបាន​អនុ​ញ្ញាត​ឱ្យកម្ពុជាទទួល ធ្វើជាម្ចាស់ផ្ទះនៃការប្រកួតកីឡាប៉េតង់នៅឆ្នាំ២០១៩ខាងមុខនេះ។

ក្នុងពិធីផ្តល់រង្វាន់លើកទឹកចិត្តនិងបំពាក់គ្រឿងឥស្សរិយយសជូនកីឡាការិនីនិងកីឡា ករដែលទទួ​ល​​ជ័យ លាភីនៅវិមានសន្តិភាព នារសៀលថ្ងៃទី២០ ខែមេសា ឆ្នាំ២០១៧ សម្តេច តេជោ បាន​ថ្លែង​នូវ​ការសរសើរ អបអរសាទរដោយចាត់ទុកថា ថ្ងៃនេះព្រះរាជាណាចក្រកម្ពុជា បានទទួល​កិត្តិ​យ​សជាថ្មី នោះគឺ វីរកីឡាការិនី អ៊ុក ស្រីមុំ ដែលបាននាំនូវមេដាយមាសពិភព លោក​ផ្នែក​កីឡា​ប៉េតង់មកជូនជាតិ ហើយទន្ទឹមនឹងចំណាត់ ថ្នាក់មេដាយមាសពិភពលោកនេះ យើងក៏នូវ​មាន​ជ័យលាភីមេដាយប្រាក់ គឺកីឡាករ ញ៉ែម បូរ៉ា ដែលបាន ទទួល ជាមួយគ្នា​នៅទី កន្លែង​តែ​មួយ​គឺប្រទេសបែលហ្ស៊ិក។

សម្តេចបានសរសើរដល់ការខិតខំរបស់ជ័យលាភី និង ក្រុមការងារ​ដែលបានធ្វើដំណើរចេញពីកម្ពុជាឆ្ពោះ ទៅរកការប្រកួតឆ្លងទ្វីបនៅអឺរ៉ុប ហើយសម្តេចថា បើ​មើល​តាមប្រវត្តិរបស់ក្រសួងអប់រំ យុវជន និងកីឡា និងតាមរយៈរបាយការណ៍ របស់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការ ជាតិអូឡាំពិក​កម្ពុជា បានបង្ហាញពីការខិតខំឆ្លងកាត់​ការ​ប្រកួត​ដោយ​​ការតានតឹង ហើយអ្នកដែលយើងបាន ឆ្លងកាត់មិនមែនធម្មតានោះទេ។ សម្តេចថា ជ័យ​លា​ភីនេះគឺបាននាំមកជូនជាតិ និងប្រជាជនរបស់យើងដ៏ ធំធេងទាំងមេដាយមាស និងមេ​ដា​យ​​ប្រាក់ ដែលបានផ្តល់កិត្តិយសក្នុងពេលតែមួយ។

សម្តេចតេជោបានយកឱកាសនេះ កោតសរសើរ​ដល់​ការខិតខំរបស់កីឡាករ កីឡា ការិនី ក៏ដូចជាគ្រូបង្វឹក ហើយសង្ឃឹមថា អ្នកទាំងអស់គ្នា​នឹង​បន្តទទួលជោគជ័យថ្មីៗថែមទៀត តាមរយៈការហ្វឹកហាត់បង្កើន សមត្ថភាព។សម្ដេច​ថ្លែងបន្ត​ថា ការឆ្លងកាត់ប្រកួត៤៥ប្រទេស នោះមិនមែនលេងសើចទេ ហើយសម្តេច ក៏អរគុណចំពោះ​សហព័ន្ធ​កីឡាប៊ូល និងប៉េតង់ ដែលកីឡានេះ ជាប្រភេទកីឡាដែលសម្តេចវិបុលបញ្ញា សុខ អាន ចូលចិត្តបំផុត។ ទោះបីសម្តេច វិបុលបញ្ញាបានទទួលមរណកាលទៅហើយក្តី តែសម្តេច​វិបុល​បញ្ញាបាន បន្សល់ទុកនូវកីឡាប្រភេទនេះ ហើយសម្តេចក្រឡាហោម ស ខេង ក៏បាន​យល់ព្រមទទួលធ្វើជាប្រធានជាបន្ត។

គួរបញ្ជាក់ដែរថាកីឡាការិនី អ៊ុក ស្រីមុំ គឺជាស្រ្ដីខ្មែរទី២ដែលដណ្ដើមបានមេដាយ​មាស​ផ្នែក​កីឡាប៉េតង់ ពិភពលោក បន្ទាប់ពីវីរកីឡាការិនី កែវ ឡេង ដែលដណ្ដើមបានមេដាយមាស​លើ​វិញ្ញាសា វាយឯកត្តជន នារីចំនួន ២លើកជាប់គ្នា កាលពីឆ្នាំ២០១៣ និងឆ្នាំ២០១៥។ លើស​ពី​នេះកីឡាករ សុខ ចាន់មាន ក៏ធ្លាប់ ដណ្ដើមបានមេដាយមាសពិភពលោក កាលពីឆ្នាំ២០១៦​កន្លង​ទៅផងដែរ។ ដោយសារប្រទេសមានសន្តិភាព គឺបានផ្តល់ឱកាសដល់កីឡាករ​គ្រប់​ប្រភេទ​បានហាត់ហ្វឹកហ្វឺន និងចេញទៅប្រកួតនៅក្រៅប្រទេសហើយ បាននាំមកនូវ​មេដាយ​មា​ស​មេដាយប្រាក់ មេដាយសំរឹទ្ធទាំងក្នុងការប្រកួតកម្រិតតំបន់កម្រិតស៊ីហ្គេម និងក្នុងកម្រិតពិភព លោក។

ចំពោះប្រាក់​រង្វាន់​នៃ​ជ័យ​លាភីថ្ងៃនេះ គឺកីឡាការិនី អ៊ុក ស្រីមុំ បានទទួលថវិកាពីរដ្ឋ ចំនួន​១២០លានរៀល ព្រម​ទាំង​​ថវិកាឧបត្ថម្ភផ្ទាល់របស់សម្តេចតេជោ និងសម្តេចកិត្តិព្រឹទ្ធបណ្ឌិត ចំនួន១ម៉ឺនដុល្លារ​អា​ម៉េរិក​​ថែម​ទៀត។ ចំពោះគ្រូបង្វឹកគឺទទួលបាន១២០លានរៀល បូកនឹងថវិកាឧបត្ថម្ភរបស់សម្តេច​​តេជោ និងសម្តេច កិត្តិព្រឹទ្ធបណ្ឌិត ៣,០០០ដុល្លារអាម៉េរិក ថែមទៀត។ ចំណែកឯកីឡាករ កីឡាការិនីដែល​ឈ្នះ​​មេដាយប្រាក់ ២នាក់ ក្នុងម្នាក់ៗទទួល បានថវិកា ៨០លានរៀល បូកនឹងថវិកាឧបត្ថម្ភរបស់សម្តេចតេជោ និងសម្តេច កិត្តិព្រឹទ្ធបណ្ឌិត ២,០០០ដុល្លារអាម៉េរិកថែមទៀត។ សម្តេចតេជោ និងសម្តេចកិត្តិព្រឹទ្ធបណ្ឌិត ក៏បាន​ឧបត្ថម្ភ លើកទឹកចិត្តដល់កីឡាករ កីឡាការិនីដែលបានរួមដំណើរទៅជាមួយដែរ គឺក្នុងម្នាក់ៗ​ទទួល​​បាន១,០០០ ដុល្លារអាម៉េរិកផងដែរ។

នៅក្នុងពិធីនោះផងដែរសម្តេចតេជោប្រមុខរាជរដ្ឋាភិបាល ក៏បានផ្តល់កិត្តិយ​សដ៏​ឧត្តុ​ង្គ​​ឧត្តម បំពាក់គ្រឿង ឥស្សរិយយស ជូនប្រាក់រង្វាន់ដល់គ្រូបង្វឹក ព្រមទាំងកីឡាករ កីឡាការិនី ដែលបាន​ទទួ​ល​មេដាយមាស មេដាយប្រាក់ពីប្រទេសបែលហ្ស៊ិកជាការលើកទឹក​ចិត្តផងដែ​រ​៕​ពីអេគេភី

 

ព័ត៌មានផ្សាយ​ផ្ទាល់​ទាន់​ហេតុ​ការណ៍​(video)


តារា

តារា

តារា

តារា

តារា

តារា

តារា

តារា

តារា

តារា

តារា

តារា

ព័ត៌មានជាតិ​ពេល​យប់​


តារា

តារា

តារា

តារា

តារា

តារា

តារា

តារា

តារា

តារា

តារា

តារា

Angkor-10-7-2015

chipmong-lang-10-07-2015

Cambodia-10-07-2015-new

MC-col-10-7-2015

angkor-puro-10-07-2015

Pepsi-10-07-2015

22-10-2015-flora

santana-22-10-2015

8-4-2016-banner

idol-2

 

killer-2

 

singer

GreenICT Technology Co., Ltd

gps-new

verte2